3136
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari
12110. Розияллоҳу анҳум
☪️ Унинг бизга қилган хайрлари бор...
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Бизга хайр қилган ҳар бир қўлнинг, албатта, мукофотини бермай қўймадик. Фақат Абу Бакр бундан мустасно. Унинг бизга қилган хайрлари бор. Унинг мукофотини қиёмат куни Аллоҳнинг Ўзи берадир. Ҳеч кимнинг моли менга Абу Бакрнинг моли манфаат берганидек манфаат берган эмас. Агар умматимдан халил тутадиган бўлсам, албатта Абу Бакрни тутар эдим. Батаҳқиқ, Аллоҳ сизнинг соҳибингизни халил тутгандир», дедилар.
Имом Термизий ривояти.
🔻Уммул мўминин Оиша розияллоҳу анҳо: "Мен ҳеч кимни Расулуллоҳ Абу Бакрга, «сиз мен билан Мадина сафарида ҳамроҳ бўласиз», деган пайтларида шодликдан йиғлаганларидек йиғлаганини асло кўрмадим", дедилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
12108. Яхши ишларингиз билан мақтанишдан ва маслакингизда истиқоматли эканингизни сўзлашдан эҳтиёт бўлинг. Унутмангки, сизнинг камчилик нуқсонларингиз тўлиқ мастур, яширилган ёки бошқа синалмайсиз деган сўз йўқ.
Барчамиз кўриниб турган ҳолимиздан кўра анча ёмон ҳолдамиз. Лекин Аллоҳ таоло томонидан сатр аталмиш ридо ила ўралганмиз. Аллоҳга дуо қилайликки, биздаги сатр неъмати давомий бўлсин!
Аллоҳуммастур ъавротанаа ва омин равъотанаа.
@arabicuz
iOS | Android
Instagram | Facebook | Twitter | arabicuz">Tiktok | Youtube
12106. Жума фазилатли кун
🕌 Усмон ибн Абул Осс розияллоҳу анҳу: «Агар жума намози ва жамоат(ни лозим тутиш амри) бўлмаганида эди, мана шу ҳовлимнинг энг баланд ерига уй қуриб олардим ва қабримга элтгунларича у ердан чиқмаган бўлардим», деган эди.
Суратда: Дамашқдаги Умавийлар масжиди.
12104. Аллоҳ Нуҳ алайҳиссалом ва ва у зот билан бирга иймон келтирган саксонта мўмин учун ер юзини сувга ғарқ қилган. Энди Аллоҳ таоло Ўзининг авлиёларини душмани ва уларнинг душманларига тайёр луқма бўлишига қўйиб қўяди деб ўйлайсанми?
Аллоҳ ундай нотўғри гумон қилишдан асрасин.
Доктор Ҳузайфа Абдуллоҳ.
@arabicuz
iOS | Android
Instagram | Facebook | Twitter | arabicuz">Tiktok | Youtube
12102. Кишининг илми ортиб, кенгайгани сайин, унинг раҳмати, меҳрибонлиги ҳам кенгайиб бораверади.
Ибн Қоййим раҳимаҳуллоҳ. “Иғосатул лаҳфан”дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12100. Абу Исҳоқ Шерозий: “Ким менда (диндан) бир масала ўқиган бўлса, у менинг (маънавий) фарзандимдир”, дейди. Ушбу сўз ҳам унга тегишлидир: “Оддий одамларга фарзандлари билан нисбат берилади. Бойларга мол-дунёларига кўра нисбат берилади. Уламоларга эса илмларига кўра нисбат берилади”.
Тожиддин Субкийнинг “Табақотиш шаафиъиятил кубро”дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12098. Ҳар бир ақли чекланган ёки тажрибасиз кишилар ўзларини ўта олдинда ва бошқалардан кўра юқорида деб ўйлашади. Ҳақиқий ақлли инсонлар эса ўзларидан кўнглилари тўлмайди ва ўзларини унчалик ҳам лаёқатли деб билишмайди. Бу ҳолат, балким ўзлари осонлик билан бажараётган нарсаларни бошқалар учун шундай осон, енгил иш деб билганлари учундир.
Доктор Аҳмад Холид Тавфиқ.
@arabicuz
iOS | Android
Instagram | Facebook | Twitter | arabicuz">Tiktok | Youtube
12096. Саъд ибн Абу Ваққос розияллоҳу анҳудан ривоят қилинади:
«Уҳуд куни Расулуллоҳ соллаллоҳу алайҳи васалламнинг ўнг ва чап томонларида оппоқ кийимли икки кишини, яъни Жаброил ва Микоил алайҳимассаломни кўрдим. Уларни аввал ҳам кўрмаган эдим, кейин ҳам кўрмадим».
Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
12094. Солиҳлардан бирлари айтади: “Агар таҳоратда қалб ҳозир бўлиб, унда ҳушуъ қилса, намозда ҳам қалб ҳушуъли бўлади. Агар таҳоратда саҳв-адашиш кириб қолса, намозда ҳам хаёл бузилиб, адашиш юзага келади”.
@arabicuz
iOS | Android
Instagram | Facebook | Twitter | arabicuz">Tiktok | Youtube
12092. Сатр (тўсиш) икки қисмдан иборат: Маъсиятни сатр қилиш ва маъсиятга тушиб қолишдан сатр қилиш.
Омма инсонлар халқларнинг олдида мартабалари, обрўлари тушиб қолишидан қўрққанлари боис Аллоҳдан (уларнинг кўзидан) маъсиятларини сатр қилишни, яширишини сўрайдилар.
Хос инсонларгина Маликул Ҳақнинг назаридан тушиб қолишдан қўрққанлари боис Аллоҳдан гуноҳларни тўсиб, сатр қилишини сўрайдилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
12090. Қози Иёз деди: “Билгинки, ким бирон нарсани яхши кўрса, ўшани лозим тутади, унга мувофиқ бўлади. Акс ҳолда, у муҳаббатида ростгўй эмас, балки сохтакорлик қилган бўлади. Набий соллаллоҳу алайҳи васалламнинг муҳаббатида содиқ бўлган кишида, аввало қуйидаги аломатлар кўринган бўлади. Яъни, у инсоннинг муҳаббати У зотга иқтидо қилишида, суннатини истеъмол қилиши, фойдаланишида, сўзи ва феълига эргашишида, амрларига юриши ва қайтарганидан қайтишда, енгиллигида ҳам, қийинчилик, машаққатида ҳам одоблари билан одобланишида, ғайратли бўлганида ҳам,нафси ёқтирмаганида ҳам У зотга эргашиши билан намоён бўлади. Бунга Аллоҳ таолонинг ушбу оятига ҳам гувоҳлик беради:
“Айт: «Агар Аллоҳни севсангиз, бас, менга эргашинг, Аллоҳ сизни севадир ва сизларнинг гуноҳларингизни мағфират қиладир». Аллоҳ ўта мағфиратлидир, ўта раҳмлидир”, Оли Имрон сураси, 31 – оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12088. Ибн Қоййим раҳимаҳуллоҳ: «Ҳасад қилиш Аллоҳга душманлик қилишнинг бир кўринишидир. Ҳасадгўй бандасига бериб қўйган Аллоҳнинг неъматини ёқтирмайди, ваҳоланки Аллоҳ уни суйган бўлади. Уни завол топишини яхши кўради. Аллоҳ уни ёмон кўради. Натижада, у ҳасадгўй инсон Аллоҳга унинг қазоси, қадари, муҳаббати ва кароҳатида зид келган, қарши чиққан бўлиб қолди”, деди.
Доктор Аҳмад Исо Маъсоравий.
@arabicuz
iOS | Android
Instagram | Facebook | Twitter | arabicuz">Tiktok | Youtube
12086. ☪️ Фосида (эътиқоди бузуқ) аёлга уйланишдан эҳтиёт бўлинг
Фосида аёлга уни ислоҳ қиламан, тўғри йўлга соламан деган ниятда уйланманг. Қайтанга у сизни фасодга бошлайди, издан чиқаради. Имрон ибн Хаттон хаворижлардан бўлган гўзал бир аёлга уйланган. Ва уни аҳли сунна эътиқодига қайтараман, деган. Бориб-бориб, унинг ўзи хаворижларнинг пешволаридан бирига айланди.
Имом Заҳабийнинг "Сияру аъламин нубало" асаридан.
🔻Изоҳ: Хаворижлар. (Ҳижрий 38, милодий 658 сана) Ҳазрати Али розияллоҳу анҳунинг аскарлари ичидан «хаворижлар» номли алоҳида гуруҳ ажралиб чиқди. Аслида «хавориж» сўзи «хуруж», яъни «қарши чиқиш» сўзидан олинган бўлиб, улар ҳазрати Али ибн Абу Толиб розияллоҳу анҳуга қарши чиққанликлари учун шу ном билан аталган эдилар.
Ибн Ҳажар Асқалоний “Фатҳул Борий” да айтадилар: “Хаворижларга келсак, улар қарши чиққан тоифадир. Улар битъатчи гуруҳлар бўлиб, хаворижлар деб номланган. Бу уларнинг динга ва мусулмонларнинг яхшиларига қарши чиққанликлари учундир”.
@arabicuz
iOS | Android
Instagram | Facebook | Twitter | arabicuz">Tiktok | Youtube
12084. Улар (саҳобий розияллоҳу анҳумлар) хурмо ейишарди, арпа унидан нон ейишарди ва бўйранинг устида ётишарди. Сўнгра эса: “Сўнгра ўша Кунда албатта неъматланишдан сўраласиз” ояти нозил бўлди.
(Такосур сураси, 8-оят)
12082. Жоҳилнинг ахлоқи эшитмасдан жавоб қайтариш, тушунмасдан туриб баҳсга киришиши ва билмаган нарсаси ҳақида ҳукм қилишидир.
Жаъфар ибн Муҳаммад.
12109. Инсон барча ҳолатларида Аллоҳни зикр қилиши лозим. Ҳатто олди-сотди ишларида ҳам Аллоҳ уни кузатиб туради: “Албатта Аллоҳ устингиздан кузатиб турувчидир”, Нисо сураси, 1-оят.
Эй мўмин, қалбингга Аллоҳдан бошқаси кирмаслиги учун доим Аллоҳни зикр қил, муҳофаза қилишинг шариатга хилоф эмас. Аллоҳ таоло айтади: “Қачонки унутсанг, Аллоҳни зикр қил..” (Каҳф сураси, 24-оят).
Қалбинг доим Аллоҳ билан бирга эканини ҳис этиб, ҳозир турар экан, демак сен зокирсан.
Шайх Аҳмад Фатҳуллоҳ Жомий.
@arabicuz
iOS | Android
Instagram | Facebook | Twitter | arabicuz">Tiktok | Youtube
12107. Бугунги кунда аёл уйидан ташқарига чиқиш учун курашмоқда. Келажакда эса, аёл уйига қайтиб кириб олиши учун ундан-да кучлироқ жангга киришмоғи керак бўлади..
Шайх Ҳасан ибн Али Каттоний
@arabicuz
iOS | Android
Instagram | Facebook | Twitter | arabicuz">Tiktok | Youtube
12105. Умар ибн Хаттоб розияллоҳу анҳу: “Банданинг “Аллоҳу акбар” (Аллоҳ улуғдир) дейиши, дунё ва ундаги барча нарсадан яхшироқдир”, дедилар.
“Жомеъу аҳкомил Қуръон” асаридан.
12103. Қабр ваҳшати(ёлғизлиги)да фақатгина солиҳ амалгина анис, улфат бўлур.
“Тазкироту фил ваъзи” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12101. Пайғамбарларнинг Қуръонда келган дуоларидан
1. Одам алайҳиссаломнинг дуоси: “Роббана золамна анфусана ва иллам тағфирлана ва тарҳамна ланакунанна минал хосирийн”. (Роббимиз, бизлар ўз жонимизга жабр-зулм қилдик. Агар бизни мағфират қилмасанг ва бизга раҳм қилмасанг, шубҳасиз, зиён кўргувчилардан бўлиб қоламиз)
2. Нуҳ алайҳиссаломнинг дуоси: “Роббиғфирлий вали валидаййя, ва лиман дахала байтия мўъминан, валил мўъминийна вал мўъминаат”.
3. Айюб алайҳиссаломнинг дуоси: “Робби, инний массанияз зурру, ва анта арҳамур роҳимийн” (Роббим), мени бало ушлади, Сен эса раҳм-шафқат қилувчиларнинг раҳмлироғисан).
4. Шуъайб алайҳиссаломнинг дуоси:
“Роббанафтаҳ байнана ва байна қовмина бил ҳаққи ва анта хойрул фатиҳин”. (Роббимиз! Биз билан қавмимиз ўртасини ҳақ ила очгин. Сен очувчиларнинг яхшисидирсан)
5. Иброҳим алайҳиссаломнинг дуоси: “Роббижъалний муқиймас солати, ва мин зурриятий, иннака тақоббал дуъаа”, (“Роббим, мени мағфират қилгин, менинг ота-онамни ҳам ва уйимга мўмин бўлиб кирганларни ва мўминлару мўминаларни ҳам”).
6. Юсуф алайҳиссаломнинг дуоси: “Анта валиййи фид дуня вал ахироҳ, таваффаний муслиман ва алҳиқний биссолиҳийн”. “Сен дунёю охиратда менинг валиййимсан. Мени мусулмон ҳолимда вафот эттиргин ва солиҳларга қўшгин».
7. Мусо алайҳиссаломнинг дуоси: “Роббишроҳ лий содрий, ва ясссир лий амрий, ваҳлул ъуқдатан мин лисааний”, (Роббим, менинг кўксимни кенг қил. Менинг ишимни осон қил. Тилимдаги тугунни ечгин).
8. Юнус алайҳиссаломнинг дуоси: “Ла илаҳа илла анта субҳанака инний кунту миназзолимийн”. (Сендан ўзга илоҳ йўқ. Аллоҳим, Сени нуқсонлардан поклаб тасбеҳ айтаман, мен ўз жонимга кўп жабр қилдим).
9. Муҳаммад алайҳиссаломнинг дуоси: “Роббана! Аатинаа фид-дуня ҳасанатан ва фил аахироти ҳасанатан ва қинаа ъазабан-наар”, («Роббимиз! Бизга бу дунёда ҳам, охиратда ҳам яхшилик бергин ва бизни дўзах азобидан сақлагин»).
@arabicuz
iOS | Android
Instagram | Facebook | Twitter | arabicuz">Tiktok | Youtube
12099. Ибн Қоййим раҳимаҳуллоҳ: “Ҳар бир банданинг бидояси ва ниҳояси бўлади. Кимнинг бошланиши нафси ҳавога эргашиш бўларкан, унинг (ҳаётининг) ниҳояси албатта хорлик, майдалик, маҳрумлик ва балолар бўлади”, деди.
“Ровзатул муҳиббийн” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12097. Илм, тарих, дунё
🎓 Араблар (ва араб бўлмаган мусулмонлар) асос солган илмлар
🔻Жамиятшунослик (социология, ал-ижтимоъ) - Ибн Халдун
🔻Об-ҳавони кузатиш (метеорология, ал ирсодул жаввия) Закариё Қазвиний (форс)
🔻Криптоанализ – (яширилган шифр ва кодларни калитсиз ечиш фани, таҳлили шафарот) - Киндий
🔻Сонлар назарияси, таҳлил (redundancy analysis (таҳлили такрор) Абу Юсуф Исҳоқ Киндий
🔻Араб мусулмон фалсафаси - Абу Юсуф Киндий
🔻Робототехника (рубутаат) – Абулизз Жазарий
🔻Офтальмология, кўз анатомияси (басийраат) -Ибн Ҳайсам
🔻Статистика (ҳисоблаш) - Собит ибн Қурра
🔻Ҳисоб, дифференциал ҳисоб (тафосил ва такомил) - Собит ибн Қурра
🔻Соғлиқни сақлаш - Ибн Батлон
🔻Алкогол (кимёвий йўл билан этил спирти олиш, алкухул) Каҳҳол (Абу Бакр Розий ҳам дейишади)
🔻Ўсимликшунослик (ботаника) набат - Зиёуддин ибн Байтар
🔻Доришунослик (фармакология) сойдалия Зиёуддин ибн Байтар
🔻Жарроҳлик (хирургия) Абулқосим Заҳровий
🔻Кимё (химия) Жобир ибн Ҳайён
🔻Генетик ўзгаришлар (инҳирофил варотий) - Али Масъудий
🔻Алжабр (алгебра) Мусо Хоразмий (ўзбек)
🔻Араб грамматикаси (наҳв) - Абу Асвад Дуалий
🔻Аруз илми (шеър ўлчови, вазнга солиштириб ўлчаш фани) – Аллома Халил ибн Аҳмад Фароҳидий
🔻Бадиъ (адабиёт, араб филологияси) - Ибн Мўътаз Биллоҳ.
Изоҳ: Франциялик олим Жоливет Костелот “Тарих қонуни” китобида ёзади: «...Шу боис мусулмонлар тараққиёти жуда тезлаб кетди. Натижада ақлни лол қолдирувчи Ислом маданияти юзага келди. Фатҳлар билан бирга Ислом маданияти ҳамма жойга ёйилди. Ислом маданиятининг асари санъат, адабиёт, шеър ва илмларда акс этди. Шу билан фалсафа, фалакиёт илми, кимё, тиббиёт ва руҳий илмлар машъали бир қанча аср мусулмонлар қўлида қолди. Улар ихтирочиларга айландилар. Шунчаки ихтирочилар эмас, балки илм асосларини жуда ўткир ва ўта қобилият билан қўлга киритган ихтирочилар эди».
@arabicuz
iOS | Android
Instagram | Facebook | Twitter | arabicuz">Tiktok | Youtube
12095. “Бурдатул мадийҳ” (“Қасидаи бурда- таърифул ҳабиби”)нинг соҳиби Абу Абдуллоҳ Бусирий раҳимаҳуллоҳ ҳикоя қилиб айтади: “Касаллик етиб, танамни ярми фалаж бўлиб қолди. Табиб ҳам менинг тузалишим борасида иккиланиб қолди. Ўша куни уйқуга ётишдан аввал Расулуллоҳ соллаллоҳу алайҳи васалламга юз марта саловот айтдим. Ярим танамни эгаллаб турган фалаж ҳолимда ухлаб қолдим. Бир вақт тушимда Расулуллоҳ соллаллоҳу алайҳи васаллам келдилар ва ўзларининг устларидаги бурда (тўн)ларини ечиб, мени ўраб қўйдилар. Сўнгра менга: “Аллоҳ таолодан берилган шифо билан хурсанд бўлгин!” дедилар. Кейин эса уйқудан аввал ҳеч бир зарар, дард етмагандай (соппа-соғ) уйғондим” дейдилар.
У зот шифо топганларидан сўнгра “Бурда” қасидасини таълиф қилдилар. Аввалига уни номи “Ал-Баро” эди, азият ва дардлардан дори каби маънода эди. Сўнгра эса тушларида Расулуллоҳ соллаллоҳу алайҳи васаллам кийдирган бурдага икром маъносида ушбу қасидани “Бурда”деб номладилар.
“Анисил мўминийн” асаридан.
Изоҳ: «Қасидаи Бурда» — Имом Бусирий қаламига мансуб бўлиб, унда пайғамбаримиз Муҳаммад соллаллоҳу алайҳи васалламнинг ҳаётлари, сурат ва сийратлари, юксак ахлоқлари назмда ифодаланган. Мазкур китобнинг ўзига хос фазилати — унда асл матн, ўқилиши, маъно таржимаси ва содда шарҳнинг берилганидадир. Мусанниф байтларни шарҳлашда машҳур тафсир, ҳадис, сийрат, тарих китобларидан, ибратли ҳикоят ва ривоятлардан ўринли фойдаланган.
Ўтган юз йиллар давомида “Қасидаи бурда” ёзувлари Мадинадаги Масжиди Набавий деворларини безатиб турган. Саудийлар бошқаруви келиши билан у ўчириб юборилган экан. Қасидага 90 дан ортиқ шарҳлар битилган ва форс, турк, инглиз, француз, немис, норвег, урду, хитой, ўзбек ва бошқа тилларга ўгирилган. Кўплаб мусулмон халқларда қасида мавлидларда ўқишга одатланилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12093. Тавсия
☪️ Убода ибн Сомит розяллоҳу анҳудан ривоят қилинади, Расулуллоҳ саллаллоҳу алайҳи васаллам: “Ким мўмин ва мўминалар ҳаққига истиғфор айтса, Аллоҳ унга ҳар бир мўмин ва мўмина муқобилида биттадан ҳасанот ёзиб қўяди” дедилар.
Ҳадис бундай муборак дуонинг аҳамияти нечоғлик эканига далолат қилади. Бу иш анбиё ва расулларнинг суннатидандир. Шу сабабли Аллоҳ таоло Ўз Набиййини бундай дуо қилишга буюрган. Карамли Роббидан бериладиган улуғ савобга қаранг, осон калималар билан дуо қилишга шундай улкан ажрга эришиш мумкин экан.
Бу истиғфор Одам алайҳиссаломдан бошлаб то Қиёмат соатигача бўлган ҳар бир мўмин ва мўминани қамраб олади. Уларнинг ҳар бири учун сизга ҳасана бордир. Яхшилик, ҳасананинг ўнтага мисоли бордир. Яъни, савоби бирдан ўнгача кўпайтирилиб берилиши мумкин.
Изоҳ: Сиз таниган-танимаган мўминлар ҳаққига истиғфорлар айтасиз, Аллоҳ таоло ўша ҳар бир мўмин ва мўмина номидан сизга ажру мукофот беради экан. Демак, мўмин ўз номига муносиб бўлиши учун барча мўмин-мусулмонларга нисбатан муомаласи гўзал бўлиши, ҳатто уларга қалбида ҳам яхшилик тилаши лозим.
🤲 «Роббимиз, ҳисоб қилинадиган Кунда мени, ота-онамни ва мўминларни мағфират айлагин», Иброҳим сураси 41 -оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12091. Расулуллоҳ соллаллоҳу алайҳи васаллам: “Қуръонни овозингиз билан безанг. Зеро, хуш овоз Қуръон чиройини орттиради”, дедилар.
Имом Насаий ва Ҳоким ривояти.
Овозларингизни энг яхши суратда тажвид, тартил билан чиқаринглар. Овозни қироат вақтида яхшилаш натижасида унда хушуъ билинсин, Аллоҳдан кўрқувдан йиғига чақирсин ва У зот субҳанаҳунинг Каломи устида тадаббур қилишга ёрдам берсин.
Изоҳ: Тартил билан ўқиб, қироатни безаш мустаҳаб эканига бутун уламолар иттифоқ қилишган. Тағанний ва лаҳн билан ўқиш хусусида эса ихтилоф бор. Жумҳур уламо бунинг жоиз эмаслигини, чунки мазкур ҳолатда хушуъ йўқолишини айтганлар.
@arabicuz
iOS | Android
Instagram | Facebook | Twitter | arabicuz">Tiktok | Youtube
12089. Аллоҳ субҳанаҳу ва таоло Ўзининг адли ила Набийларининг амрига хилоф қилганлари учун ҳам саҳобий киромларга илтифот кўрсатмади, балки Уҳуд мағлубиятини тоттирди. Аслида ўша мағлубият Ислом учун бир ғалаба эди.
Чунки У зот субҳанаҳу, ўзларини Исломга мансубликларини таъкидлаган ҳолда эртаю кеч Унга қаршилик қиладиган, Унинг шариатига қарши курашадиган, Унинг душманлари билан дўстлик алоқаларини ўрнатадиган ҳамда Унинг авлиёлари, содиқ дўстларини хорлайдиган инсонлар томон бўлишдан покдир. Огоҳ бўлингки, Аллоҳ томонидан уларни хорлаш Исломни азиз қилиш ва Унинг аҳлига нусрат бериши биландир.
Аллоҳим, бизни Ўзингни ёрдаминг ва мададинг аҳлидан қилгин!
@arabicuz
iOS | Android
Instagram | Facebook | Twitter | arabicuz">Tiktok | Youtube
12087. Айрим зулмга учраган инсонлар Аллоҳнинг иқоби золимга зулм қилиши билан тўғридан-тўғри, тезда келишини кутишади. Лекин Қуръон бизга золим қуйидаги тўрт босқичдан ўтажак эканини хабарини беради. Токи қалблар хотиржам бўлсинки, Аллоҳнинг кўзи асло ухламас, албатта у Зот Ҳакам, Адл, Мунтақим ва Жаббор Зотдир.
1. Биринчи босқич. Кечиктириш ва муҳлат бериш.
«Ва уларга муҳлат бераман. Албатта, Менинг ҳийлам метиндир». Қалам сураси, 45 – оят.
2. Иккинчи босқич: Истидрож, аста секин олиш.
“Оятларимизни ёлғонга чиқарганларни эса улар билмайдиган томондан аста-секин оламиз”, Аъроф сураси, 182 – оят.
3. Учинчи босқич: Зийнатлаб кўрсатиш.
“Ўшанда шайтон уларга амалларини зийнатлаб кўрсатди ва: «Бу кунда одамлардан сизга ғолиб кела оладиган ҳеч ким йўқ. Мен сизнинг ҳомийингизман», деди”, Анфол сураси, 48 – оят.
4. Тўртинчи босқич: Ушлаш, бирдагина тутиш.
“Ўзларига берилган нарсалардан хурсанд бўлиб турганларида уларни бирданига тутдик”, Анъом сураси, 44 – оят.
Зеро, “Роббинг бандаларга зулм қилувчи эмас”. Фуссилат сураси, 46 – оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12085. Тасбеҳ намозини биласизми?
Ибн Аббос розияллоҳу анҳумодан ривоят қилинади: «Расулуллоҳ соллаллоҳу алайҳи васаллам Аббос ибн Абдулмутталибга шундай дедилар: «Эй Аббос! Эй амакигинам! Сенга ато этайми? Сенга инъом қилайми? Сенга лутф кўрсатайми? Сени ўнта хислатли қилиб қўяйми? Сен ўшаларни қилсанг, Аллоҳ сенинг гуноҳингни – аввалгисию охиргисини, қадимгисию янгисини, хатосию қасдданини, кичигию каттасини, махфийсинию ошкорини мағфират қилади. Ўша ўн хислат – тўрт ракъат намоз ўқишдир. Ҳар ракъатда Фотиҳани ва бир сурани ўқийсан. Биринчи ракъатда қироатдан кейин, тик турган ҳолингда: «Субҳааналлоҳ, валҳамду лиллааҳ, ва лаа илааҳа иллалоҳ, валлоҳу акбар» деб ўн беш марта айтасан. Сўнг рукуъ қиласан ва рукуъда турган ҳолингда шуни яна ўн марта айтасан. Сўнгра бошингни рукуъдан кўтариб, шуни яна ўн марта айтасан. Кейин саждага йиқиласан ва сажда қилган ҳолингда шуни яна ўн марта айтасан. Сўнг бошингни саждадан кўтариб, шуни яна ўн марта айтасан. Кейин сажда қилиб, шуни яна ўн марта айтасан. Сўнг бошингни кўтариб (ўтириб), шуни яна ўн марта айтасан. Ана шу бир ракъатда етмиш бештадир. Тўрт ракъатда ҳам шундай қиласан. Агар бу намозни ҳар куни ўқий олсанг, шундай қил. (Ҳар куни шундай) қила олмасанг, ҳар жумада бир марта ўқи. Агар уни ҳам қила олмасанг, ҳар ойда бир марта ўқи. Агар буни ҳам қила олмасанг, ҳар йили бир марта ўқи. Агар уни ҳам қила олмасанг, умрингда бир марта ўқи».
Абу Довуд ва Термизий ривоят қилишган. Имом Бухорий «Жузъул Қуръон»да ривоят қилган.
Изоҳ: Ибн Абу Сайф Яманий «Ал-ламъа фии рағоиби йавмил жумуъа» китобида Термизийнинг қуйидаги гапларини келтиради:
«Тасбеҳ намозини жума куни завол пайтида ўқиш мустаҳабдир. Биринчи ракъатда Фотиҳадан кейин Такасурни ўқийди, иккинчисида Вал-асрни, учинчисида Кофирунни, тўртинчисида Ихлосни ўқийди», деб туриб, охирида ўқийдиган қўшимча дуони ҳам келтирган.
Абу Усмон Хайрий Зоҳид: «Қийинчиликлар ва ғам-ғуссалар учун тасбеҳлар намозидан яхши нарса кўрмадим», деган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12083. Заҳҳок раҳимаҳуллоҳ: “Одамларга шундай замонлар келадики, Мусҳафни осиб қўйишади, ҳатто ўргимчак унга ин қуриб олади. Улар эса унинг ичидагидан манфаатланишмайди”, дедилар.
“Жамиъу баянил ъилми” асаридан.
12081. Расулуллоҳ соллаллоҳу алайҳи васаллам: «Қайси бир киши қарз олса ва олган қарзига вафо қилмасликка қарор қилган бўлса, Аллоҳга ўғри ҳолда йўлиқади», дедилар.
Имом Табароний ривояти.
Изоҳ: Бошқа ривоятда: «...Қайси бир киши қарз олса ва асл мақсади олган қарзини бермаслик бўлса, ҳийла ишлатиб ҳатто унинг молини олса-да, шу ҳолда вафот топса ва унга олган қарзини адо қилмаган бўлса Аллоҳга ўғри ҳолда йўлиқади, дейилган».
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: “Ким одамларнинг молларини (қарзга) олиб, уни қайтаришни ният қилса, Аллоҳ уни адо этишда ёрдам қилади. Ким йўқ қилишни ният қилиб олса, Аллоҳ уни йўқ қилади”, дедилар.