3136
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari
11918. 200 ҳижрий санада вафот қилган Маъруф Кархий Бағдодий: “Аллоҳ таоло бир бандасига яхшиликни ирода этса, унга амал эшигини очади ва жадал (баҳс-тортишувлар) эшигини ёпади. Агар бир бандасига ёмонликни ирода қилса, унга амал эшигини ёпади ва жадал (баҳс-тортишувлар) эшигини очиб қўяди”, деди.
“Ҳилятул авлиё” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11916. Бошқаларнинг қалби тўридаги ниятларига баҳо бериб, ҳукм чиқаришдан эҳтиёт бўл.
Расулуллоҳ соллаллоҳу алайҳи васаллам: «Мен одамларнинг қалбини кавлашга, қорнини ёриб кўришга буюрилмаганман», дедилар.
Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11914. Баъзан ортиқча сабр-тоқат қилишинг инсонларни сенга юқоридан қарашга ўргатиб қўяди.
Маҳмуд Дарвеш.
Изоҳ: Кечиримли ва оғир-босиқ бўлишингни баъзи инсонлар хато тушуниб, “андишани отини қўрқоқ санаб” қоладилар ва ҳаддан ошиб, сени одам ўрнида кўрмай қоладилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
11912. Исломдаги биринчи қочқинлар лагери саҳобалар паноҳ топган Ҳабашистондаги бошпана бўлган. Сўнгра улар душманларини яксон қилганлар ва Маккани фатҳ этганлар. Сўнгра Аллоҳ уларга ватанлари ва диёрларини қайтариб берган.
Имод Ҳасан Марзуқ.
@arabicuz
iOS | Android
Instagram | Facebook | Twitter | arabicuz">Tiktok | Youtube
11910. (Иш содир бўлиб, ўтиб кетганидан кейин) кеч жавоб қайтариш худди совиб қолган овқатни ейишга ўхшайди. Очликни кетказади-ю, мазаси умуман бўлмайди.
Наззор Қаббоний.
@arabicuz
iOS | Android
Instagram | Facebook | Twitter | arabicuz">Tiktok | Youtube
11908. Ҳаётдаги энг катта омадсизликлардан бири, атрофдаги ҳамма эътиборини сизга қаратган ва сиз билан машғул деб ўйлашингиздир. Ишонинг, сиз билан ҳеч кимнинг иши йўқ!
@arabicuz
iOS | Android
Instagram | Facebook | Twitter | arabicuz">Tiktok | Youtube
11906. Ихлос сурасини 200 марта ўқиш гуноҳларни ўчиради
Анас ибн Молик розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Кимки кун давомида икки юз маротаба “Қул ҳуваллоҳу аҳад”ни ўқиса, ундан эллик йиллик гуноҳи ўчирилади. Илло қарзи бўлмаса”, дедилар.
Сунани Термизийдан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11904. Ибн Сирин раҳимаҳуллоҳ: “Сўзлаётган одам унинг ҳар бир гапи унга (номаи аъмолига) ёзилаётганини билса эди, сўзларини камайтирарди”, деди.
“Табақоти ибн Саъд”дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11902. Ваъдасига риоя қилмаган одам аслида ўзини ҳурмат қилмабди.
@arabicuz
iOS | Android
Instagram | Facebook | Twitter | arabicuz">Tiktok | Youtube
11900. Ўрнингга ётганингда, ҳар доим жаннат аҳлидан бўлган бир кишини эслагин: Унинг амали кўп эмасди, лекин қалби саломат эди, қалбида бирон кишига ғашлик бўлмаган ҳолда ухлар эди.
- Аллоҳим бизни шундай зотлардан қилгин!
«У Кунда на молу давлат ва на бола-чақа фойда бермас. Фақат Аллоҳ ҳузурига тоза дил билан келган кишиларгагина (фойда берур)» (Шуъаро сураси, 88-89-оятлар).
Аҳмад Исо Маъсоравий.
Анас розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Сизлар Абу Замзамдек бўлолмайсизларми?» дедилар. Саҳобалар: «Эй Расулуллоҳ, Абу Замзам ким?» деб сўрашди. Шунда у зот: «У ҳар тонг отганида: «Аллоҳумма инний қод ваҳабту нафсий ва ъирзий лак» (Аллоҳим, мен нафсимни, обрўйимни Сенга топширдим), дер, бирор киши уни сўкса, у сўкмас, бирор киши унга зулм қилса, у зулм қилмас, бирор киши уни урса, у урмас эди», дедилар».
Ибн Сунний ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11898. Устоз тутмаганни устози шайтондир.
Абу Язид Бастомий.
@arabicuz
iOS | Android
Instagram | Facebook | Twitter | arabicuz">Tiktok | Youtube
11896. Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар.
Одамларга шундай замон келадики, одамлар масжидларда халқа бўлиб ўтирадилар, уларнинг бў ўтиришдаги ғамлари фақат дунё бўлади, уларда ундан бошқа эҳтиёж бўлмайди. Сизлар улар билан бирга ўтирманглар.
Имом Ҳоким ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11894. Роҳатни тинчлик, сукунат макондан излаганлар адашади. Тинчлик роҳат бермайди, аксинча. Асаб ва ақлга аслида жимлик, сокинлик халал беради. Ҳақиқатда агар нафсингга роҳат истасанг, унга машғул бўладиган нарса бер, банд қил..
Эҳсон Абдулқуддус.
@arabicuz
iOS | Android
Instagram | Facebook | Twitter | arabicuz">Tiktok | Youtube
11892. Ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи васалламнинг бир мажлисда юз марта «Роббиғфирлий ва туб ъалайя, иннака антат-тавваабул-ғофуур» деб, айтганларини санар эдик».
* Маъноси: «Роббим, мени мағфират қилгин, тавбамни қабул қилгин, албатта Сен тавбаларни қабул қилувчи, кўп мағфират қилувчи Зотсан».
Абу Довуд ва Термизий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11890. 🔹Саъид ибн Мансур, ибн Мунзир ва Байҳақийлар Мужоҳиддан ривоят қиладилар, Расулуллоҳ соллаллоҳу алайҳи васаллам: Эркакларингизга Моида сурасини таълим беринглар, аёлларингизга эса Нур сурасини таълим беринглар” дедилар.
🔹Абу Убайд “Фазоил” асарида Ҳориса ибн Музрабдан ривоят қилади, у деди: “Умар ибн Хаттоб бизга аёлларингизга Нисо, Аҳзоб ва Нур сураларини таълим беринглар, деб мактуб ёзди”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
11917. “Таҳзибул луғати” асари соҳиби Лайсдан нақл қилиб айтади: “Жоҳилият вақтида араблар жорияни ўйнаш тутишдан ўзларини тиймас эдилар. Ислом келиб ушбу қабиҳ ишни бузиб, бекор қилди. Аллоҳ таоло айтади: “Сизлардан ким ҳур мўминаларни никоҳига олишга имкон топмаса, қўлингизда мулк бўлган мўмина қизларингиздан (уйлансин). Аллоҳ иймонингизни яхши билувчидир. Баъзингиз баъзингиздансиз. Уларни иффатлари сақланган, зинога бормаган ва ўйнаш тутмаган ҳолларида аҳлларининг изни билан маҳрларини маъруф ила бериб, никоҳингизга олинг”, Нисо сураси, 25-оят.
Доктор Низол Иброҳим Оли Роший.
@arabicuz
iOS | Android
Instagram | Facebook | Twitter | arabicuz">Tiktok | Youtube
11915. Ақл ва руҳ
“Ва сендан руҳ ҳақида сўрарлар. «Руҳ Роббимнинг ишидир. Сизга жуда оз илм берилгандир», деб айт”, Исро сураси, 85-оят.
Руҳнинг жойлашган ўрни қаерда эканини Аллоҳдан ўзга ҳеч ким билмайди ва бу Аллоҳ таоло руҳларни азалда халқ қилганидан бери ҳодис, аниқдир. Аллоҳ уларга: “Аласту бироббикум?” - Сизларнинг Роббингиз эмасманми?” деган. Бу аниқдир ва у Аллоҳ хоҳлаган вақтгача боқий қолади. Унинг ҳақиқати ҳақида ихтилоф қилишган. Имом Моликнинг асҳоблари, издошлари айтишади: “У жисмга мутобиқ бўлган латиф суратдир, валлоҳу аълам.
Ақл руҳоний нур бўлиб, унинг воситасида зарурий ва назарий илмлар идрок этилади. Унинг асл ҳақиқатини фақат Аллоҳ билади. Шунинг учун бизга руҳ ва ақл мавзусида чуқур киришиб, шўнғиб кетмаслик лозим ва унинг иши, асл моҳиятини Аллоҳга топширамиз”.
Аллома, шайх Муҳаммад Солиҳ Фарфурнинг “Рисалатун нафиъата вал ҳужжатал қотиъата фий ъилмит тавҳиди” китобидан.
Изоҳ: Руҳ - қалбда (юракда) ғизоларнинг хулосасидан туғиладиган, ҳис қилувчи, ҳаракатлантирувчи, ғизонинг тадбирини қилувчи латиф буғга руҳ дейилади. Бунда барча жони бор нарсалар шерикдирлар. Яъни, бу нарса уларнинг ҳаммасида бордир. Ўша буғнинг юпқа ёки қалин, мусаффо ёки кир, бўлишига қараб жонли нарсадан турли нарсалар зоҳир бўлади. Унинг баданда бўлиши, худди атиргулдаги сув ёки кўмирдаги оловга ўхшайди.
Ақл – Аллоҳ таоло инсонга ато этган қувват ва табиий ҳис бўлиб, у билан инсон назарий ишларни идрок қилади ва ҳайвондан ажралиб туради.
Ақл – қалбдаги руҳоний нур бўлиб, унинг воситасида зарурий илмлар идрок этилади. Ақл – инсонга берилган буюк неъмат бўлиб, у орқали Роббисини танийди, дунёвий ва ухровий фойдаларни жалб қилиб, зарарларни даф қилади.
@arabicuz
iOS | Android
Instagram | Facebook | Twitter | arabicuz">Tiktok | Youtube
11913. Мен бирон иш ёки илм билан машғул бўлмаган аёлга ишонч билдиролмайман.
Ибн Ҳазм Андалусий.
@arabicuz
iOS | Android
Instagram | Facebook | Twitter | arabicuz">Tiktok | Youtube
11911. Имом Табароний “Авсат”ида Абу Ҳурайра розияллоҳу анҳудан ривоят қилиб келтиради, саййидимиз Набий соллаллоҳу алайҳи васаллам: “Мендан кейин имомлар бўлади, уларга минбарларида (ваъз айтганларида, инсонларга) ҳикмат тарқатадилар. Қачонки ундан тушганларида, (ҳикмат) улардан суғуриб олиб қўйилади ва жисмлари ўлимтикнинг жисмидан ҳам ёмонроқ бўлади”, дедилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
11909. Қорилар шайхи, саййидим шайх Муҳаммад Курайм Рожиҳ ҳафизаҳуллоҳ айтади: “Шайхимиз Шукрий Лаҳфий тавозели, камтар ва зоҳид инсон эдилар. У зот Қуръон қироатлари соҳасида олим, устоз эдилар. Шунга қарамай, у киши ҳар куни бомдоддан олдин масжидга келиб, намозхонлар кирадиган эшик олдида ўтирар, ҳар сафар кимдир ичкарига кирса, шайх келиб оёқ кийимини тўғрилаб, тартиблаб қўярдилар. Бомдод намозидан кейин эса то қуёш чиққунга қадар сув тарқатардилар”.
@arabicuz
iOS | Android
Instagram | Facebook | Twitter | arabicuz">Tiktok | Youtube
11907. Уҳуд ғазоти кунида Абдуллоҳ ибн Убай ибн Салул уч юзта жангчи билан Расулуллоҳ соллаллоҳу алайҳи васалламни мушрикларнинг қаршисида қолдириб Мадинага қайтиб келган эди. Мунофиқлар, Расулуллоҳ соллаллоҳу алайҳи васаллам ва (у зотнинг асҳоблари бўлган) курашчиларга етган талафотни кўриб, ўзларининг соғлом деб билган ақлларига мантиқли бир сабаб дея ҳисоблагандирлар...
Ҳар бир замонда мунофиқларнинг ҳоли шудир.
Имод Ҳасан Марзуқ.
Изоҳ: Ибн Исҳоқ айтади: Уҳуд куни оғир синов ва мусибатга тўла бўлди. Аллоҳ у билан мўминларни, шунингдек, иймонни тиллари билан изҳор қилиб, қалбларидаги куфрни яширадиган мунофиқларни ҳам синади. Валоят (авлиёлик) аҳлидан бўлган кишиларга шаҳидлик мақомини бериб, уларни мукаррам қилди.
@arabicuz
iOS | Android
Instagram | Facebook | Twitter | arabicuz">Tiktok | Youtube
11905. Бир киши айтади: “Бир куни ўзим имом бўлган масжидга отамни олиб бордим. У ерда беш минг намозхон жамоатга йиғилди. Жамоат салобатли бўлди. (Менинг қироатимдан таъсирланган) намозхонларнинг йиғилари узоқ вақт тинмади. Намоз тугагач отамдан: “Нима дейсиз, фикрингиз қандай?”, деб сўрадим. Отам доно зот эдилар, менга жавоб бермадилар. Эртаси куни яна қайта сўрасам: “Эй болам! Ўзи намозга келганларнинг бари Аллоҳ учун келишган экан. Фақат сендан бошқа...”, дедилар. Бу мен учун энг кучли мавъиза бўлганди”.
@arabicuz
iOS | Android
Instagram | Facebook | Twitter | arabicuz">Tiktok | Youtube
11903. Душман ўз гуруҳлари билан Мадинага бостириб келганда кишилар икки тоифада бўлиндилар:
1. “Ўшанда мунофиқлар ва қалбларида касаллик борлар: «Аллоҳ ва Унинг Расули бизга ёлғондан бошқани ваъда қилмаган экан», – дер эдилар”, Аҳзоб сураси, 12 - оят.
2. “Мўминлар аҳзобларни кўрганларида: «Бу бизга Аллоҳ ва Унинг Расули ваъда қилган нарсадир. Аллоҳ ва Унинг Расули рост сўзларлар», – дедилар. Бу уларга иймон ва таслимдан бошқа нарсани зиёда этмади”, Аҳзоб сураси, 22 – оят.
Имод Ҳасан Марзуқ.
@arabicuz
iOS | Android
Instagram | Facebook | Twitter | arabicuz">Tiktok | Youtube
11901. Ибн Умар розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам билан бирга намоз ўқиётган эдик, қавмдан бир киши: «Аллоҳу акбару кабиирон, вал‑ҳамду лиллааҳи касиирон, ва субҳааналлоҳи букротан ва асиилан», деди. Шунда Расулуллоҳ соллаллоҳу алайҳи васаллам: «Фалон‑фалон калималарни айтган ким?» дедилар. Қавмдан бир киши: «Мен, эй Аллоҳнинг Расули», деди. Расулуллоҳ соллаллоҳу алайҳи васаллам: «Улардан завқландим, уларга осмон эшиклари очилди», дедилар».
Ибн Умар розияллоҳу анҳумо айтади: «Расулуллоҳ соллаллоҳу алайҳи васалламнинг шундай деганларини эшитганимдан бери уларни тарк этмадим».
Маъноси: «Аллоҳ улуғнинг улуғидир. Аллоҳга ҳамдларнинг кўпидир. Эртаю кеч Аллоҳни пок деб ёд этарман».
Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11899. Иброҳим Адҳам қайғули юз билан сўзлаётган одам олдидан ўтиб қолди. У зот: «Эй фалончи, мен мендан сўрайдиган уч нарсага жавоб бер», деди. У киши: «Хўп», деди.
Иброҳим Адҳам: «Коинотда Аллоҳ хоҳламаган бирон нарса содир бўладими?» деди.
Иброҳим Адҳам: «Унинг учун жидди жаҳд қилганингда Аллоҳ сенга тақдир этган ризқдан бирон нарса камаядими?» деб сўради.
У киши: «Йўқ», деди.
Иброҳим Адҳам: «Сенга Аллоҳ таоло ёзган ажалидан бир лаҳза камаядими?» деди.
У киши: «Йўқ», деди.
Иброҳим Адҳам: «Шундай экан, ғам-ғуссага не ҳожат?» деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
11897. Муҳсин одам тоатдан узилар экан, нафаси қисила бошлайди ва унга ер торайиб қолгандай бўлади. У ўзини худди сувдан ажралиб қолган наҳангдай ҳис эта бошлайди. Қачонки тоатига қайтар экан, қалби тинчланиб, сокин бўлади ва кўзи қувнайди.
Ибн Қоййим раҳимаҳуллоҳ.
@arabicuz
iOS | Android
Instagram | Facebook | Twitter | arabicuz">Tiktok | Youtube
11895. Имом Шофеийга: “Эй Абу Абдуллоҳ, киши учун қай бири афзал, тамкин (истиқрор ҳаёт)ми ёки қийинчиликлар билан синалишми?” дейилди. У зот: “Балоланмагунча, синовлар келмагунича тамкин-мустаҳкамлик берилмайди. Албатта Аллоҳ таоло Нуҳ, Иброҳим, Мусо, Ийсо ва Муҳаммад алайҳимуссаломларга синовлар берган. Сабр қилганларидан кейин эса, уларга (ер юзидаги) мустаҳкамлик, устунлик, истиқрорни берган”, дедилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
11893. Тақдирга иймон келтиришнинг самараларидан Ҳолиқнинг ўзи ила хотиржам бўлиб, маҳлуқлардан беҳожат бўлиш, Ўзидан умид қилиш ва Ўзидан қўрқиш, Ўзига таваккул қилиб истиъонат ёрдам сўраш, ишини Ўзига топшириб, Унинг ҳузурида ҳокисор, синиқ бўлиш ҳамда Аллоҳ таолонинг рисолатини тараддуд ва иккиланишсиз ҳамда ер юзида ҳеч кимдан қўрқмаган ҳолда етказишдир.
Али Муҳаммад Саллобийнинг “Ал ийману бил қадар” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11891. Абдуллоҳ ибн Амр ибн Ос розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Бирор киши ер юзида “Лаа илаҳа иллаллоҳу валлоҳу акбар валаа ҳавла валаа қуввата иллаа биллаҳ” деб айтса, хатолари денгиз кўпигидек (кўп) бўлса ҳам кечирилади”, дедилар.
Имом Термизий ва Насаий ривоят қилишган.
@arabicuz
iOS | Android
Instagram | Facebook | Twitter | arabicuz">Tiktok | Youtube