19654
خادمة اهل البيت ع الشاعرة الملة ام هجران العمارچيه صاحبة ديوان صبر العقيلة.
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
لطمية للزهراء عليها السلام ( من شالوچ )
من شالوچ ... روحي اوياچ شالوها
حگهه اتصيح زينب لاتلوموها
حگهه اتصيح لاتمشين ريضيلي
يابعد العمر كله وبعد حيلي
اشلون احمل هضم وافراگ گليلي
اعطل بالضعون ومايعطلوها
من شالوچ ... روحي اوياچ شالوها
عطلت الضعون وچلبت بيهه
اصيح بصوت ياجناز خليهه
احل راس الچفن عنهه واحاچيهه
واگلهم بس سواد الليل خلوها
من شالوچ ... روحي اوياچ شالوها
خلوها بنزلهه تبات هالليله
اگلهه حسين يبچي وماگعدتيله
نعش امي الحنينه لحد يشيله
ادفنوني بلحدهه ولاتدفنوها
من شالوچ ... ورحي اوياچ شالوها
ادفنوني بلحدهه وخل اموت انه
وگلبي اشلون اخمده تفور نيرانه
ويلاه يالمشت بالليل وجعانه
مابين الجذع والباب عصروها
من شالوچ ... روحي اوياچ شالوها
مابين الجذع والباب معصوره
طاحت والضلوع اثنين مكسوره
فارگت الحنينه افراگ مجبوره
يبچون الحسن وحسين يردوها
من شالوچ ... روحي اوياچ شالوها
يبچون الحسن وحسين مهضومين
وين امنه الحنينه اليوم گالوا وين
فجعاني وفجعهم من اخذهه البين
حتى الدار ضلوا مايرغبوها
من شالوچ ... روحي اوياچ شالوها
گالوا مانطب للدار تعمينه
يازينب يتامه اليوم ضلينه
باتت بالرمل شمعة ليالينه
لارجعت عليهم لاتلگوها
من شالوچ ... روحي وياچ شالوها
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
#حصريا موشح للزهراء عليها السلام ( ماتهنت فاطمه )
ماتهنت فاطمه بدنياها
حملت للمگبره امن اصباها
ماتت احديثه وعمرهه اثمنطعش
والدهر صدع گلبهه وانخمش
زينب تنادي يشال النعش
وين رايح عجلت مسراها
ماتهنت فاطمه بدنياها
وين رايح لاتعجل بالمسير
والضلوع امكسره ودمهه غزير
لاامروه اهل السقيفه ولاضمير
ماتگوم اصوابهم خلاها
ماتهنت فاطمه بدنياها
دولبنهه وموتنهه افعالهم
والحسن وحسين يفجع حالهم
للبقيع امشيعين اهلالهم
وحدي خلوني ومشو وياها
ماتهنت فاطمه بدنياها
طلعو وضليت وحدي بالنزل
الطم اعله الراس ودموعي تهل
شيباني افراگهه وماينحمل
لايهون ولاسهل فرگاها
ماتهنت فاطمه بدنياها
مايهون افراگهه وكلش صعب
رد ابنهه يصيح وعيونه تصب
مااطب الحجرة امي شلون اطب
لاشفتهه ولاگعدت احذاها
ماتهنت فاطمه بدنياها
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب 👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
فزاعية للزهراء عليها السلام ( يحسين خويه شبيهه )
والليل كله امي تون
يحسين خويه شبيهه
والليل كله مساهره
گوه تون الطاهره
خويه الضلوع مكسره
ماكو دوه يشافيهه
ماكو طبيب ولادوه
بالماي غصت والهوه
خل نگعد اوياهه سوه
نشبع مناحه اعليهه
نشبع مناحه اوياها
يحسين ضاع ادواها
يلچم الزهره اغطاها
ماتقبل نغطيهه
كلساع وتذب الغطه
حار الصواب وماخطه
بالمگبره الهادي بطه
وتعاتب بواليهه
ومنين ابوها تجيبه
غاب وطويله الغيبه
بجاله چانت هيبه
ولاواحد يحاچيهه
چانت عزيزه امدلله
هسه يتيمه وناحله
تگلي الدموع الكربله
يم الحزن ضميهه
يم الحزن ضمي الدمع
لحسين بالطف لو وگع
تلگين غاد چم ضلع
بالمعركه مطشريهه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
السلام عليك يابا الفضل 💔😭
قصه☝️☝️ تستحق الاستماع اليها
السلام عليكم ورحمة الله وبركاته
خادمة اهل البيت الحجيه ام ضياء غدآ صباحآ ان شاء الله عدها عملية قلب الله لايراويكم شر وماتشوفون غير العافيه.
وحملتني سلام اوصيه تريدكم تندعولها بالشفاء وانتم خدام الحسين واحباب زينب دعائكم مجرب بالاستجابه
فضلآ وليس امرآ لاتقصرون عنها بالدعاء
اللهم شافي كل مريض وشافيها بحق محمد وال محمد🤲
فزاعية لأم البنين عليها السلام ( ماضل ماي بعيوني )
دم ابچي عله الشبان
ماضل ماي بعيوني
ماضلت ولادمعه
دم ابچيلهم وانعه
احا يالمالهم رجعه
بطرگ النوح خلوني
عني الموت غيبهم
من فدوه الشواربهم
حگي ابچي واعاتبهم
واعتب مايسمعوني
محد يسمع اعتابي
ضايع يادوه اصوابي
اريد اليوكف ابابي
عن حالي ينشدوني
محد شافني شحالي
الطم واللطم فالي
تدرون الولد غالي
ربيته عله متوني
ربيته وكبرته
للميدان سلمته
مدري شلون ماميته
كون اوياه دفنوني
كون الموت ياخذني
ولاضل بطرگ وني
اصيحن يالولد يبني
ليش اتخيب ضنوني
ليش تعوفني الوحدي
يمه وغيرك شعندي
الوادم گالو اتهدي
واكلهم لاتلوموني
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
فزاعية للزهراء عليها السلام ( ماتسلم عرفت امي )
من گالوا ضلعهه انصاب
ماتسلم عرفت امي
مصيوبه ودمعهه يسيل
ماتگدر تنام الليل
باچر ماتضل اتشيل
وزادن لوعتي وهمي
زادن لوعتي ومبچاي
باچر ماتضل اوياي
مصيوبه وتغص بالماي
اگلهه شبيچ بعد اسمي
اگلهه شبيچ حاچيني
يمه ويابعد عيني
ادخيلچ لاتودعيني
اوداعچ يسطر ويدمي
اوداعچ مااجه بوكته
يهد الحيل ويفته
وحزنان النزل شفته
واخلافچ يضل يعمي
بغيابچ يضل خالي
بيتچ مايسر حالي
من هسه انشده بالي
ومن هسه ضعف عزمي
من هسه الگلب مهضوم
يومچ مو مثل كل يوم
هذا البين ضل يحوم
وخلاني الحزن سهمي
سهمي النوح والعبره
بالطف ينگطع نحره
حسين وينكسر صدره
وتسري النار بخيمي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
بسم الله الرحمن الرحيم
﴿الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ﴾
ببالغ الحزن والأسى تلقّينا خبر وفاة
#الشاب_جعفر_ابن_الشاعرة_العلوية_أم_جعفر_الموسوي 💔😭
إثر حادثِ سيرٍ مؤسف.
اللهم ارحمه برحمتك الواسعة، واحشره مع محمد وآل محمد وأصحاب الحسين (عليهم السلام)، وأنزل على قلب والدته وأهله الصبر والسلوان، وعظّم لهم الأجر والثواب.
الفاتحة مع الصلوات على محمد وآل محمد،
جُزيتم خيرًا.
يتوفر في مكتب السيد الهاشمي ميسان للحجز والاستفسار الرقم في الصوره اعلاه ☝️☝️
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
طتجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
اللهم صل على محمد وال محمد
بتوفيق الله وبركة محمد وال محمد تم اصدار الجزء الثاني عشر من ديوان موسم العزاء يختص بسيدة الاخلاص والوفاء ام البنين سلام الله عليها يتضمن لطميات ثقيلة ومربع وموشح وفزاعي جنوبي وفزاعي سريع ونعي بأطوار متعدده وهوسات ورباطات وختاميات العزاء
اسأل الله تعالى بحق ام البنين وعظمة قدرها ان يوفقنا واياكم ويجعلنا من خدامها المخلصين انه سميع مجيب
موشح للزهراء عليها السلام ( والدمع بعيونهه )
هاي زينب ... والدمع بعيونهه
تصيح بشروني الحنينه شلونهه
تصيح يابويه وتنادي يخوتي
شلونهه اليوم الحنينه اميمتي
حيل مابيهه وتنشف دمعتي
لاتگوم ولاتشيل متونهه
هاي زينب ... والدمع بعيونهه
لاتگوم ولاتميل امن الوجع
امي لو ونت دليلي ينفجع
ياضماد ويادوه يفيد الضلع
والضلع يحسين خرب لونهه
هاي زينب ... والدمع بعيونهه
للضلع يحسين مايرهم دوه
وانكسر نصين ويلچمه الهوه
هاي خيمتنه التجمعنه سوه
ودعتني والتهت بضعونهه
هاي زينب ... والدمع بعيونهه
ودعتني وشيباني اوداعهه
امي جنه والمحنه اطباعهه
ماتنام السوط لاوي اذراعهه
عذبوها وبيمن يطلبونهه
هاي زينب ... والدمع بعيونهه
عذبوها وطبوا اعليهه بحقد
لليتم والضيم خلوني استعد
ماتهنت وينهه اوين اللحد
ليش بتراب اللحد تخفونهه
هاي زينب ... والدمع بعيونهه
ليش تخفون الوديعه بالتراب
كون ميته ولاضگت هذا المصاب
يمه اگلهه شبيج ماردت جواب
ايست منهه وگطعت ضنونهه
هاي زينب ... والدمع بعيونهه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب 👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
معاني الحزن ج ٩
خاص للفواتح
الشاعرة ام هجران العمارجية
متوفر في مكتبة الغدير بغداد
لدينا توصيل لكافة المحافظات
واتساب
👇👇👇👇
07711395580
ليس لدينا رقم اخر
/channel/eheh10
لطمية للعباس عليه السلام ( ياشيخ الزلم كلهه )
اجيت انخاك وانته السيف المجرب
صعبه حاجتي واعليك ماتصعب
ياشيخ الزلم يالماترد مطلب
( النزلة )
ياعباس // ياشيخ الزلم كلهه
صعبه حاجتي وبس ايدك تحلهه
وتگضيهه // بساع تحلهه
ياشيخ الزلم يابيرغ العالي
واليچهب مضيفك مايرد خالي
امشي اعليك زينب باوع الحالي
وزينب غاليه عندك يكافلهه
لاتنسانه // وبجاه اختك
زينب غاليه وريحة علي بيهه
يهتز شاربك لو جبت طاريهه
اجينه اليوم كل احنه نعازيهه
الله يساعدچ مولاتنه انگلهه
نعازيهه // والصاحت خويه
الله يساعدچ ويعينچ الباري
من شفتي السبع نايم عله الذاري
محد غسله وماي النهر جاري
روحچ گاضيه والبين چملهه
خلصانه // مهضومه وروحچ
روحچ گاضيه من فرگته ويومه
لن حسين طاح مسلبه اهدومه
فدوه نصيح وادخيلك يجيدومه
گوم الشيعتك واعدل محاملهه
التمينه // ابابك كلنه
گوم الشيعتك عباس واسمعهه
شيل احمولهه وضمد اليوجعهه
انتم سورهه وانتم مراجعهه
بالكلفات تفزع ماتفشلهه
تشد حيله // الزامط بيك
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب 👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
هوسات للزهراء عليها السلام
زينب والحسن وحسين يتباچون
ولك ياموت عوف الوالده يصيحون
الله يعينهم لو فارگوها شلون
( ودعوها // ويگلهم حيدر )
ودعوها يگلهم هذا اخير اوداع
اجاها الموت بالغفله واخذهه بساع
ياوسفه وندامه تبات جوه الگاع
( يشيلوها // وبنص الليل )
ليش ام الحسن تنشال نص الليل
حيدر غسلاها وكمل التغسيل
دم وادموع ضلت عين ابنهه تسيل
( يبچي اعليهه // ودموع ودم )
دم تسيل عينه وموش بس ادموع
مفجوع الحسن شيصبر المفجوع
يمه يصيح ردي وهاچ سبع اضلوع
( امن اضلوعي // خليني اطيچ )
مو بس الضلوع اطيچ حتى الروح
انوح عليچ لاكن مانفعني النوح
يم گلب الحنين ويم حچي المملوح
( وين الگاه // امضيع طولچ )
طولچ بالبقيع يگول ضيعته
عليچ حسين يبچي ومارضه نسكته
بالطف ينذبح والشمر يسبي اخته
( يغسلونه // وحسين بدمه )
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
لطمية للزهراء عليها السلام ( هاي امعدله )
هاي امعدله ... وعالروس تنشال
بت اهل الشيم واربات خيال
بت اهل المضايف والدواوين
موش اعله المتن تنشال بالعين
كون يسومهه ويبيعهه البين
بالروح اشتريهه وموش بالمال
هاي امعدله ... وعالروس تنشال
مو بالمال بالروح اشتريهه
بلسم عالجرح ينحط حچيهه
اشماله البين مستعجل عليهه
اخذ منه العزيزه وشتت البال
هاي امعدله ... وعالروس تنشال
ابساع ابساع اخذهه البين شيريد
تون اگلوبنه ولاگدرت اتهيد
هاي امعدله واربات اجاويد
شفجه وطاهره وتنشع الدلال
هاي امعدله ... وعالروس تنشال
شفجه وطاهره وكلهه رزانه
الطمن زين تستاهل عزانه
يهد الحيل فرگاها وگضانه
وجاع وثگيل ودهور الحال
هاي امعدله ... وعالروس تنشال
ثگيل افرگهه اوجاع ويطول
وضل بس الهضم بگلوبنه يجول
الله يعين ابنهه اليوم شيگول
يادفان وسع امچانهه گال
هاي امعدله ... وعالروس تنشال
وسع امچانهه وهوس يدفان
هاي امعتبره ومو چان ماچان
بت المصطفى وخيرة النسوان
ابد ماصح مثلهه ومالهه ابدال
هاي امعدله ... وعالروس تنشال
(( واربات اسباع امربايه ))
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب 👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
لطمية للزهراء عليها السلام ( كلساع وبچت عيني )
عالطيبات // كلساع وبچت عيني
امر بدارهن محد تلاگيني
تعبان الگلب والروح ممروده
ياملگه الحبايب راح شيعوده
امر بدارهن والدار مسدوده
انشد بالمباني ولاتحاچيني
عالطيبات // كلساع وبچت عيني
انشد بالمباني ماتجاوبني
يفراگ المشن دولاب دولبني
لاعفت المناحه ولاضحك سني
لاافل الحزن لابطل اونيني
عالطيبات // كلساع وبچت عيني
مافلن حزنهن ثوب البسنه
شالن من وكت والباب سدنه
ياجناز لاتاخذ حبايبنه
اذا عندك رحم ريض وتانيني
عالطيبات // كلساع وبچت عيني
اذا عندك حميه وعندك امروه
اخذني اوياك لاتمشي بعجل فدوه
هيمه المگبره وارسومهن حلوه
اشوف اوجوهن وارتاح خليني
عالطيبات // كلساع وبچت عيني
خليني استراح وخل اسامرهن
بلكت من اون اكسر خواطرهن
دولبني الدهر وبساع جرجرهن
مدري اخلافهن ناوي شيراويني
عالطيبات // كلساع وبچت عيني
ادري اخلافهن شوغات يشبعني
شمسويه الزماني وهيج يفجعني
ذني اصوابهن ماطاب يوجعني
فرگاهن مصيبه ونار تچويني
عالطيبات // كلساع وبچت عيني
فرگاهن مصيبه ونار حراگه
ماتقبل تنام العين مشتاگه
عافني وبعد هيهات نتلاگه
ماردن بعد گطعن مضنايني
عالطيبات // كلساع وبچت عيني
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
/channel/amhejran12345
رابط قناة الشاعرة ام هجران العمارچية واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029Vb7NnWV11ulOr8PIye2P
عرض من مكتبة العليلة بادارة العلوية الملا ام علي اطلب خمسة كتب تحصل على كتابين هديه العرض لفتره محدوده للحجز والاستفسار واتساب 👇👇
07705677443
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…
تجدونها في ديوان موسم العزاء الجزء الحادي عشر خاص بالزهراء عليها السلام
Читать полностью…