754
للتواصل @aqeel6178 قصائد مدح ورثاء اهل البيت الاطهار عليهم السلام
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
يا بالحسن شيعتك ** مفجوعـه لمصيبتك
لهّاب * لهاب ** جمر الحزن لهاب
-----------
ناداك * واساك * گلب المحب ينعاك
للموت * هالصوت * يتردد ابذكراك
آهـات * وحسرات * ما تبرد لفرگاك
محزون * هالكون * ريت اندفن وياك
وجه الصبح والمسه ** بثوب السواد انچسه
من غاب * مـن غاب ** نورك يحيدر غـاب
-------------
تيــار * أعبــار * لجلك جـرت انهار
وجروح * بالروح * ما تشفه يا كرار
ايناديك * ناعيك * مصابك ابد ما صار
مفگود * يا طود * وسور العقيده انهار
وكَلب الامامه انفجع ** وركن الهدايه انصدع
ومحراب * محـراب * وتحسّر المحراب
-------------
مطبـور * مغـدور * صابك رهيف الجـور
نواسيك * نبچيك * ليك الگلب مجمور
مصيوب * مكتوب * هاي ابمهجنه اسطور
بالعين * جرحين * هامه وضلع مكسور
الصابك يحامي الحمه ** صوب ضلع فاطمه
وما طاب * ما طـاب ** كسر الضلع ما طاب
------------
أهوال * زلزال * فگدك يهز اجبال
احزان * واشجان * ما چانت اعلى البال
مظلوم * لليوم * جرحك جرح چتال
صابوك * غدروك * وتيتّمت اجيال
وكل عين الك باكيه ** دم ودمع جاريه
سچاب * سچاب ** يبقه الدمع سچاب
------------
آلام * وسهام * صابت فتى الإسلام
وبتار * غدار * طر مهجة الاحكام
وياك * بمثواك * عين العداله تنام
بهل حـال * لا زال * كل شيعتك ايتام
صابك رهيف الفتن ** واصبحنه يا بالحسن
ننصاب * ننصاب ** بمحبتـك ننصاب
-------------
أخطار * أكدار * عشناها ليل انهار
بتفجير * وتهجير * ما ترحم الاشرار
اعشگناك * نهواك * ونرخصلك الأعمار
واشفـار * من نار * نرفعهه لجل الثار
ونعاتب المنتظر ** ونگله يمته الظفر؟
الارهاب * الارهاب ** جار وطغى الارهاب
---------
#عقيل_الكاظمي
#الشارقة 21\رمضان\1427هجريه
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
صاح العدل بالمحراب فزت ورب الكعبة
وهل صوت خالد لا زال تسمع صداه الاجيال
فزت ورب الكعبة
-----------
من بعد ما سيف الغدر * ابسجدته لحيدر صابه
صوت انتصار الحگ عِله * اعلى الباطل وأذنابه
وهل صوت للناس انبعث * من حيدر ابمحرابه
گاصـد ينبّه أمّته * لهل صوت شنهو اسبابه
مستبشر بوجه الموت إلمن توجَّه گلبه
ما أثر ابراسه اصواب لاچن هتف داحي الباب
فزت ورب الكعبه
----------
هل صوت من حيدر ظِهَر * رايد يوعّي الأمّه
بإسلوب فكري واقعي * لهذا النقاش اتفهمه
حيدر استبشر بالأجل * والأجل چان ابعلمه
رايد يغادر دنيته * اويرحل لعالم أسمى
وهذا الأمر راد ادماه وبِدماه حيدر لبّه
وفاز ابجنان الرحمان وتْعاله صوت الوجدان
فزت ورب الكعبه
-----------
نال النعيم السرمدي * وتنعّم ابجنّاته
ابثوب الشهاده الما حله * وما يحله غير لذاته
ويا ما سِعه وجد واجتهد * بحروبه وبحملاته
لاچنهـــه مذخوره وسعت * تتشرّف ابمرضاته
راد الشهاده ابمسعاه واهيه التفر من حربه
رادته ابمحرابه ايطيح وبيهه ايتنعّم ويصيح
فزت ورب الكعبه
------------
هاي الاسباب الوضّحت * ليش ابو الحمله استبشر
ابيت الله طاح المرتضى * ابّيته انولد وتطبّر
ورغماً على انف الدهر * كلما مؤذّن كبّر
ابذكر الأذان ابكل فَرِض * اسمه ارتفع وتكرّر
ابمحرابه طاح الكرار واعتله ابحكمة ربه
وصوت الأذان اسمعناه وذكره اقترن وي معناه
فزت ورب الكعبه
-------------
إلمَن توجّه حيدره * ابگلبه ولسانه و روحه
واشّاف بعيونه وسِمَع * هوّن عليه اجروحه
اتوجّه دليله الخالقه * وبعيونه المشبوحه
شاف الملايك بيه تحف * ودموعهه مسفوحه
وقائد جمعهم جبريل عينه اعلى حيدر تربه
دمعه اعلى حيدر انهار وينادي حماي الجار
فزت ورب الكعبه
------------
وصارت عقيده ثابته * ابحبّه يقين وإحساس
وبسند عن سيد البشر * حبّه دليل ومقياس
يكشف الطاهر مولده * وابن الزنا ابين الناس
وخلي اليبغضه اعلى النسب * يسأل العرق الدسّاس
ويبقه اليحب حامي الجار يحيه ويموت ابحبه
لجله ايتحمّل أخطار ويصرخ ابحب الكرار
فزت ورب الكعبه
-----------
#عقيل_الكاظمي / بغداد
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
صوت الوفه ابوجداني حبك جره ابشرياني
والوالد ايربّيني والوالده اتغذيني
حبك جره ابشرياني
--------------
يا بالحسن چلمة احبك ما ضن
تكفي اوسِهام العشگ بيه ما ضن
چم عاشگ الذاب ابغرامك وانجن
وآنه الذي بهْواك گلبي اتمحّن
تاخذني نسمة حبك وتردني واصحة بدربك
وروحي الذي تدليني والوالده اتغذيني
حبك جره ابشرياني
----------------
عشت ابغرامك يا علي وما اهتم
مهما اقاسي بحبك وأتألم
ولو صابني امن الدهر أحزان وغم
أنخاك وبإسمك يحيدر أسلم
إسمك ابطرف لساني وتعلم صدق ايماني
عاشگ انه وتدريني والوالده اتغذيني
حبك جره ابشرياني
---------------
يا عشگ ما بين الجوانح محسوس
بل شده تحضر عندي هل شي ملموس
ما يوم شفتك بالشدايد مايوس
تحضر وضيّك ساطع ايغطي شموس
هذي عقيده بذاتي ومو واهم ابچلماتي
هذا اللي شفته بعيني والوالده اتغذيني
حبك جره ابشرياني
-----------------
بعيوني شفتك تحضر بأي صوره
اجنود الك كل واحد ينفّذ دوره
جنودك يصيرون لمحبك سوره
ويحموه من هم الزمان وجوره
وهذا الجره ويايه بجور وهظم دنيايه
بكل معضلة تنجيني والوالده اتغذيني
حبك جره ابشرياني
------------------
يا من گلت للي صنع انوارك
يا رب عِبَدتك عارف باسرارك
لا لجل جنتك لا مخافة نارك
وآنه اقسم بانوارك وآثارك
بحبك تراني امتيّم چي لنّه يجري اويه الدم
هذا العشگ يحييني والوالده اتغذيني
حبك جره ابشرياني
-----------------
أي وحگ اسمك يبو حسين وسرك
اي وحگ مكنون العلوم بصدرك
حبيتك آنه وأمري طايع أمرك
اويكفيني بس عني رضاك وعذرك
أحظى برضاك الغالي وعذرك لسوء أعمالي
وهذا الامر يكفيني والوالده اتغذيني
حبك جره ابشرياني
-----------------
عبدك أنه وانت الذي مالكني
امشاركني روحي وبالهوه مشاركني
وأصرخ باسمك يا علي أدركني
ابوحشة ظلام اللحد لا تتركني
وبيك الامل يا حيدر بالبرزخ وبالمحشر
ومن كوثرك ترويني والوالده اتغذيني
حبك جره ابشرياني
-------------------
#عقيل_الكاظمي
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
على بابك وگف ركب الحياره
الوِداعك يذرف دموع انكساره
يحيدر والگلب ما تطفه ناره
--------------
يا من علّاك الباري * وخصّك عن كل انسان
يا من ابدع من صاغك * يا ابداع الرحمن
انت القران الناطق * انت لسان القران
وانت اللي اختارك ربك * تنصر سيد الاكوان
الك رب العرش صار اختياره
ولعد كل البشر بيك اختباره
يحيدر والگلب ما تطفه ناره
------------------
يا من ربك خط اسمك * بعرشه وخلاه سراج
وشاف اسمك سيد الأمة * ويشهد بيهه المعراج
انت العون لكل سائل * والغوث لكل محتاج
وحبك من ربك واجب * لكل مؤمن اصبح تاج
يمن حبك صبح اعظم تجاره
وتعزَّز للنبي بيك انتصاره
يحيدر والگلب ما تطفه ناره
------------------
غيرك ما عشگت روحي * مغرم بيك الدلال
يل بيك الدين تشيّد * وللدين انت الامال
ناديت وتلهب ناري * والمدمع من دم سال
شلون يصيبوك الليلة * ويغدروك الأنذال
عزيز و فرگتك أعظم خسارة
اومصابك اربك الكون ومداره
يحيدر والگلب ما تطفه ناره
------------------
چني بليلة توديعك * حلّت أصعب ساعات
ساعات مصابك حانت * بالحسرة وبالدمعات
وانظر للعيلة تنادي * ابونّة وتجذب حسرات
رايح يا حيدر رايح * وهيهات ترد هيهات
صدگ ليل الحزن يطلع نهاره ؟
عگب حامي الدخيل اليحمي جاره
يحيدر والگلب ما تطفه ناره
------------------
وتنظر نعشك أيتامك * وصارت كل الايتام
تذكر ايام الماضي * بل حسرة وبالآلام
صاحت يل غالي وتنشد * راحت ذيچ الايام
من تتفگد حالتهه * وتغفه ابحجرك وتنام
تِنادي والدمع مِن دم تجاره
صِدِگ حامي الحمه ايفارگ دياره
يحيدر والگلب ما تطفه ناره
------------------
#عقيل_الكاظمي #بغداد
#قصائد #شعر #شعر_شعبي #شعر_حسيني #شعراء #ياعلي
❇️ ابوذية لاستشهاد امير المؤمنين الامام علي عليه السلام
علي يل صارمك بالحرب عزريل
عده وربك لدينك بيك عزريل
رفيجك چان بالميدان عزريل
يريد رويحتك هاي المسية
------------
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
❇️ قصائد استشهاد مولانا امير المؤمنين الامام علي بن ابي طالب عليه السلام
وزن #موشح
يا من بسوح الحرب كرارها
الدار بوجودك تشع انوارها
*******
الدار انوار الهه بوجودك تشع
يبو الحسنين ويبو اليمّه التسع
لون عنهه تغيب يا حُر يا ورع
تغيب انوار المجد من دارها
*******
وعايله عندك بهل دار وأهل
لون عنهه تغيب يا خير العمل
تروح يا بل حسن ما چان الامل
يزيد همهه يا علي واكدارها
*******
عنهه يا عود الحسن لمّن تروح
ابگلب هاي العايلة تزيد الجروح
تظل لجلك يا علي تونّ وتنوح
الفاجعه اعليها اظهِرت آثارها
*******
شَرْد اوصّف حالهه بهذا الوضع
عگب عينك من گلبهه المنفجع
تجذب الحسرات وتهلّ الدمع
من عُظم هل فاجعه وأسرارها
******
بالحزن ظلت يحيدر والكدر
ابد ما تنساك يا فارس مضر
وانت يا عود الحسن تارك أثر
وسط دارك وبجميع اكتارها
********
عگب عينك يا علي اظلمّت الدار
يا علي وما ظلّت ابدارك انوار
من حمل ناعي الاجل نعشك وسار
ما دخل دار الوحي خطارها
*********
#عقيل_الكاظمي / بغداد
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصيدة استشهاد امير المؤمنين الامام علي عليه السلام
ينبوع الجراح
وزن #موشح
****
جروح گلبي ما نشف ينبوعها
وعيني حلفت ما تجف ادموعها
*****
جروح گلبي ما يداويهه الصبر
وما يجف دمعي لما يفنه العمر
على الصابوا هامته بسيف الغدر
بچتله طفوا للعداله شموعها
******
آه لمصيبته وحسره وألف آه
الچان ناشر للعدل والحگ لواه
اليوم طاحت رايته ابغدرة اعداه
وأنهت ابچتله العده مشروعها
*****
صاب گلب الدين سهم مصيبته
چني هالليلة أشاهد حالته
مضطرب للسمه ايوجّه نظرته
يتنه ساعات الفجر وطلوعها
*****
للسمه اتبسّم اورد بيه الكدر
فرح لجل الملتقى بسيد البشر
لچن رد بيه الكدر لمن ذكر
حسرة اعياله اعلى فگده وروعها
*****
اوطلع من حانت اللحظه الحاسمه
شاهد طيور الإوزّ امحوّمه
چنهه تصرخ رد يحماي الحمه
يا أصول الغانمه وفروعها
*****
اومَحزمه البسمار رايد يگطعه
چنهه رادت باب داره اترجعه
چنهه تشعر بيه يمشي لمصرعه
وهل حوادث مو صِدَف مجموعها
******
اوطلع حامي الجار يمشي لمگصده
گاصد الليله يودع مسجده
وبصلاته صوبه سيف العده
وفارگت بعده اليتامه اهجوعها
***
مثل ما سموا چبد طه الرسول
بسيف مسموم اغدروا فحل الفحول
ومثل ما كسروا ضلع من البتول
اليوم هشموا للكرامه ضلوعها
----------
#عقيل_الكاظمي / الامارات
من ديوان خواطر الافكار ج/١ ص/١٢٣
#قصائد #شعر #شعر_شعبي #شعر_حسيني #شعراء #ياعلي
ميلادين الك يحسين ** عل اسلام شعّت نور
يوم الثالث بشعبان ** ويوم العاشر بعاشور
---------------
يحسين الشعر لو راد * يوصف شخصك ومعناه
يفقد كل معانيّه * گبل ما يوصل لمغزاه
حيث انت الذي ضحّه * اوْفِده دين النبي بدماه
ومولودك فضل عل دين ** والاسلام والدستور
---------------
عرفنه مولدك مولاي * يوم الثالث بشعبان
لاچن أرد اوضح چيف * شهر الكدر والاحزان
عاشور الك بيه مولود * وانت ابْساحة الميدان
ومن ساعة استشهادك ** تجدّد عهد ليك اوْدور
----------------
عندي مستند يثبت * صحّة هل امر وشهود
والبرهان تاريخك * يخبرنه ابْحدث موجود
عن الصحبة اوْبني هاشم * والچفين والعامود
والراية الذي ظلت ** ترفّ اشْما تمرّ ادهور
---------------
اوْعنّ النار والاخطار * والايتام والخِدّر
عن سهم الفجيعة اوْعَن * مصيبة گطعة المنحر
والرمح الحمل راسك * اونوره چل بدر يزهر
اوْشيّاله التفاخر بيه ** اوْبين الناس ظل يدور
------------
گال الموت مات حسين * راسه اعلى الرمح شاهد
لاچن كِذب كل ما گال * حسين ابكل گلب خالد
حسين ابكربلة موجود * ذاك اعلى الترب ساجد
يِصَلّي الفرض بالناس ** اويشوفه الگصد ليه ايْزور
---------------
گبه شامخه چل طود * مناره عالية و زوّار
طيور ابحضرته اترفرف * تحسّ بأمن واستقرار
ناس تروح ناس اترد * مضيفه ازدحم ليل انهار
اوْذكر اسمه اعلى كل لسان ** بآيات الحمد مذكور
------------
مضاجِع اله ولاصحابه * ولعضيده الگمر عباس
رايات اوترف عل كون * مضايف ما تردّ الناس
صارت كعبه للزوار * او لهل الفخر رفعة راس
لاچن هل مضاجع هاي ** لا هي گبور لا هي قصور
------------
هيّه اصروح شيّدهه الإله * وحاطهه بنوره
وصار الهه مهابه وشان * وبكل گلب معموره
جزاء لصبر ابو اليمة * وتضحيته وعُظُم دوره
حِيَه دين النبي ابْدمّه * اوبنه صرحه وأحاطه بسور
----------------------
من يوم انولد أصبح * حبيب لسيّد الكونين
إبهام النبي ثديه * اوْتربّه ابْحِجِر جدّه سنين
راده ذخر من بعده * يحيي بدمه سور الدين
ويصبح مولوده اويه الدين ** بالله مأيّد ومنصور
---------------
هذا مولد المظلوم * ويّه الدين ميلاده
بده ويّاه ميلاده * من ساعة استشهاده
مولودك يبو السجاد * لو ننظر بأبعاده
مولود القيم والخير * وصرح الغانمة المعمور
----------------
عقيل الكاظمي
❇️ قصيدة ولادة الامام الحسن عليه السلام
انوار الحسن
-------
هالليله بانـوار الحسن مزدهره دنيانه
وابتسمت نجوم السمه بأنواره فرحانه
وابتشرت الأرواح هالليـله مولوده
بالبهجه والأفراح هالليـله مولوده
---------
هالليله طير السعد ردد أناشيده
تطرب دليل المحب أنغام تغريده
يكرر بلحن الفرح هالليله ويعيده
شيعبّر بفرحته وشيگول ترديـده
هالليله بستان الأمـل متفتّحه اوروده
غصن الورد باعذب لحن مال ورگص عوده
نور الهده الوضاح هالليله مولوده
بالبهجه والأفراح هالليله مولوده
---------
فرحان طير السعد غـرّد بألحانه
يطير ويحط عل شجر ويداعب اغصانه
ويشوف روض الأمل مبتهج بستانه
بثوب الخضار اكتسه والورد ألوانه
چنهه اصبحت جنة عدن تظهر محاسنهه
وإشعاع من نور الحسن جمّل مفاتنهه
عطر الورد فوّاح هالليله مولوده
بالبهجه والأفــراح هالليله مولوده
-------------
هالـليله غاب البدر وانحجبت انواره
شمس الحسن أشـرقت مـن مشـرق اسراره
جفَّت مياه الأمـل وانگطعت انهاره
وروّاهه جود الحسـن وغمرهه تياره
شوف الانهـار الجاريه تمرح بمجراهه
أصبحت عذبه وصافيه والفــرح حلاهه
نور المكـارم لاح هالليله مولوده
بالبهجه والأفراح هالليله مولوده
-------------
وجه الحياة ابتسم وي بسمة الزهره
بمولود ابنهه الحسن ايهنيهه بالبُشـره
والبدر نوره انخسف خجلان من بـدره
والفجر منه اعتذر لمن بـزغ فجـره
قرص الشمس لمن طلع شاف الضحى اگباله
شاهد قرص وجه الحسن ضوّه السمه ابـداله
شع للفخر مصباح هالليله مولوده
بالبهجه والافـراح هالليله مولوده
---------
شافت جماله الشمس بالأصـل ذكّرهه
من حيث هيه الفرع والحسن مصدرهه
هاي الحقيقه النبـي المختار يذكرهه
لا مو مجاز وشعــر و حروف اسطّرهه
اسأل بحار المجلسي بكتابه مذكوره
كل ما حوت هاي الشمس مصدرهه من نوره
من رابع الأشباح هالليله مولوده
بالبهجه والأفـراح هالليله مولوده
------------
عقيل الكاظمي
يوم (15) شعبان ** مولد حجة الرحمن
خل تفرح جميع الناس ** طشّوا الورد طشوا الياس
عمّ الخير عل أكوان ** بمولد حجة الرحمن
-----------------
هذا اليوم مولد خاتم الانوار * البيه الكون يتنوّر
هذا اليوم مولد حجة الجبار * والاكوان تتنطّر
وابوه وعمّته وامّه ابوسط الدار * لاستقباله يتحضّر
انولد سرّ الإله وأعظم الاسرار * اوگلب العسكري استبشر
مثل ما گال داحي الباب ** وَصْفه ايحيّر الألباب
لصدره العسكري اتلگّاه ** شاف اجبينه شاف ضواه
يِشِع وجهه ابضوه الايمان ** بمولد حجة الرحمن
--------------
اليوم انولدت الرحمه الإلهية * الغدت للناس مذخوره
هذا اليوم للشيعة الإمامية * يعيد الامل بظهوره
الوريث الأوحد لهل كرة الارضية * يضوّي العالم بنوره
وكْتاب الإرث قرآن باريّه * وبآياته مذكوره
القصص والأنبياء شهود ** ابكِتاب الخالق المعبود
والهادي بأحاديثه ** صدّق كل مواريثه
وأصبح واضح البرهان ** ابمولد حجة الرحمن
---------------
الكلام ايصير يوم اظهوره عل مكشوف * بامر الخالق المعبود
والغاصب فدك بعيونه ريت يشوف * يوم اليظهَر الموعود
الحق يرجع لأهله وهل أمر معروف * ما دام الامل موجود
الامل ينهض بسيفه البل عدل موصوف * والحق يرجع النه اردود
بيده صارم الكرار ** ابگلبه لوعة المختار
ياخذ للنبي ابْثارين ** ثار الضلع ثار حسين
اويرفع للعدل بنيان ** ابمولد حجة الرحمن
--------------
ظهوره اشما تأخّر باقيه الآمال * وما يمحيهه حتى الموت
بتأخير الوعد لا تفرح العُذّال * گوم الجبت والطاغوت
شما طال الامد والصبر مهما طال * لابد يسمعون الصوت
الحق يظهر ابيومه والظلم ينزال * ويّه عصبة الطاغوت
اوترجع هيبة الاسلام ** عگب ما غدرته الايام
الباطل لو ربح جوله ** للحگ والعدل دوله
صُبَح دستورهه القرآن ** ابمولد حجة الرحمن
-------------
گالوا وين غايبكم المهدي راح * گلنه غاب عن العين
گالوا وين ماشي بالارض سوّاح؟ * گلنه إبن مريم وين؟
گالوا للسمه صاعد ابغير اجناح * ابقدرة خالق التكوين
گلنه الامر ما يحتاج للايضاح * ضنوة سيد الكونين
بارينه لغيابه اختار ** حِجَب شخصه عن الأنظار
لعيسى صعّده لسماه ** وغايبنه الإله اخفاه
انحِجَب عن الإنس والجان ** ابمولد حجة الرحمن
--------------
يوم (15) كل عام ننتظره * بيه يجمعنه مولوده
ندعي يا الهي عجّل بأمره * وگرُّب يوم موعوده
واجمعنه اويه جيشه لو بزغ فجره * اونَوْر الكون بوجوده
اوْ لو متنه الهي احيينه للنصره * واحشرنه مع اجنوده
صدگ نتشرّف ابملگاه؟ ** ونتوفّق نصير اوياه
صدگ بارواحنه نفديه؟ ** ونستشهد ابّين ايديه
هذا الفوز بالرضوان ** ابمولد حجة الرحمن
--------------
الامارات #عقيل_الكاظمي
من ديوان خواطر الافكار ص / 33
❇️ قصائد الولادات الشعبانية
ولادة الامام المهدي صاحب الزمان عجل الله فرجه الشريف 15 شعبان
تكبيرات الحب
--------
الله اكبر * الله اكبر * جبريلُ نادى * واليومَ كبَّرْ
الله اكبر * الله اكبر * نورٌ تجلّى * من صُلبِ حيدرْ
---------
مو هلال العيد هذا * بدر شعبان اكتمل
وهذي تكبيرات حبنه * وكل محب بيهه ابتهل
بمولد العدل الالهي * امواعَدين امن الأزل
واكتمل هل يوم بدره * وانبعث نور الامل
اللهُ اكبر * اللهُ اكبر * هذا نــداءٌ * من كـلِّ مِنبَرْ
الله اكبر * الله اكبر * نورٌ تجلّى * من صُلبِ حيدرْ
---------
چل بدر وجهه تلاله * بليلة الخامس عشر
بدّد الظلمه ومحاها * وضيه عل كون انتشر
وبسماء الحق تعاله * وعِكَس للعالم صور
صور عن موعد مغيبه * والظهور المنتظر
اللهُ اكبر * اللهُ اكبر * فـهْوَ المُرجـّى * وَهْــوَ المُظفَّـرْ
الله اكبر * الله اكبر * نورٌ تجلّى * من صُلبِ حيدرْ
----------
(طَـلَـعَ البدرُ علَينا ) من سمـاءِ الكبرياءْ
( وَجَـب الشكرُ عَلينا ) فاشكروا ربَّ السماءْ
نرفــع آيــات التهاني وبترانــيــم الـــولاء
نهني طـه ابمولد ابنه البيه ختام الاوصياء
الله اكبر الله اكبر سمـّـاهُ طـــه وفيه بشـَّـرْ
الله اكبر الله اكبر نورٌ تجلّى من صُلبِ حيدرْ
--------
وعگب ما هنينه طــه ابمولده انهني الاميــر
من علـي صورة جمالـه ونوره من حيدر منيــر
صـرّح الهادي ابغيابه وعلي باقواله يشيــر
يظهر وساعة ظهوره نسترد يوم الغديــر
اللهُ اكبر الله اكبر كـلٌّ يُنـادي متى سيظهــرْ
الله اكبر الله اكبر نورٌ تجلّى من صُلبِ حيدرْ
--------
صدگ ما شفنه محاسن طلعته بشوفة العين
لچن سحرتنه معاني هيبته بنور اليقين
وصرنه نترقب طلوعه وطالت اعلينه السنين
وساعة اليظهر ننادي يا لثارات الحسين
الله اكبر الله اكبر بسـيفِ حـقٍّ للسبطِ يثــأرْ
الله اكبر الله اكبر نورٌ تجلّى من صُلبِ حيدرْ
--------
#عقيل_الكاظمي
#قصائد #شعر #شعر_شعبي #صاحب_الزمان #المهدي #كربلاء_المقدسة #الكاظمية_المقدسة
قصيدة بنورك اشرق كل الوجود
واسمك خلد معنى الخلود
ولادة الامام الحسين عليه السلام
كلمات الشاعر عقيل الكاظمي
اداء الرادود المبدع ملا جليل الكاظمي
❇️ ابوذيات لولادة الامام الحسين عليه السلام
يمن كل فرحه بسنينك متامات
أعيش لشوفتك واسأل متى مات ؟
أحلفك بامك الزهره متى مات
گلبي ، ابنظره منك ردّه ليه
----------
#عقيل_الكاظمي #بغداد #كربلاء_المقدسة #الكاظمية_المقدسة #شعر #شعر_شعبي #شعر_حسيني #ابوذية #ابوذيه #ابوذيات #شعبان #شعبانيات
❇️ ابوذيات لولادة الامام #الحسين عليه السلام
العذلني بحب ابو اليمه دراويش
سحرني؟ وصحت يا ربي دراويش
روحي وكلبي وعقلي دراويش
جواله بغرام حسين هيه
-----------
#عقيل_الكاظمي #ياحسين #كربلاء_المقدسة #الكاظمية_المقدسة #ابوذية #ابوذيه #ابوذيات
❇️ ابوذية ولادة الامام الحسين عليه السلام
العشگ بس الك وحدك من قريته
الحرف لجلك كتبته من قريته
الشعِر فلّاح هاجَر من قرِيته
لمدينة حكمتك بالغاضرية
--------
عقيل الكاظمي #ابوذية #ابوذيات #شعر_حسيني #شعر_شعبي #شعبانيات
❇️ ابوذية لاستشهاد امير المؤمنين الامام علي عليه السلام
يمن سيفك لجل هل دين محراب (محارب)
وشبيهك بطل بالميدان محراب (لم يحرب لم يغضب)
منو مثلك يتيمك صار محراب (محراب)
وصلاتك يا علي بعدك سبيه
-------------
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
جرح المحراب * لا ما طاب * يا حيدر
نقسم والله * ما ننساه * للمحشر
بدمك أسرار وليومك ثار
نقسم والله * ما ننساه * للمحشر
--------------
من يوم الذي تجرِّأَوا عل عصمة
وگالوا يَهجُر الهادي نبي الحكمة
بدوا مشروع بيه تتقسم الأمة
ضدّ الدين همّه وعملوا بإسمه
زمرة طاغين * ضد الدين * موقفهم
ومن يوم النار * والبسمار * نعرفهم
لجرح البسمار وليومك ثار
نقسم والله * ما ننساه * للمحشر
-----------
كلام الطاغية عن سيد الكونين
فتح باب الجساره اعلى اهل بيت الدين
اوهَب ريح الضغينه وبِدَت بمصابين
يوم الطاهرة ويومك يبو الحسنين
وهاي الأحقاد * للأحفاد * وَرْثوهه
مو بس أقوال * بالأفعال * عادوهه
بنفس الأدوار ** وليومك ثار
نقسم والله ما ننساه للمحشر
---------------
ضغاينهم يحيدر أنجبَت أحقاد
جيل اوغاد وِرثوهه امن اخسّ اجداد
أشد من گوم لوط ومن ثمود وعاد
على الإسلام بيهم هل حقد يزداد
رفعوا رايات * والغايات * مكشوفه
من إسرائيل * بالتضليل * معروفه
راية كفّار وليومك ثار
نقسم والله * ما ننساه * للمحشر
--------------
رفعوا سيفهم واعلنوا غايتهم
ضد المعتقد منشورة رايتهم
يحيدر شيعتك صارت ضحيتهم
لأن بس منهجك يكشف هويتهم
وبسم الاسلام * بالإجرام * عادونه
واحنه لهل دين * يا بو حسين * يدرونه
نرخِص أعمار وليومك ثار
نقسم والله * ما ننساه * للمحشر
--------------
سيف اللي على راسك ترك آثار
مشه اعلى نحورنه ودمنه نزف انهار
اورفعنه سيوفنه بسمك يحامي الجار
من كل خارجي لدمّك نريد الثار
نتذكر دوم * هذا اليوم * ومصابه
وبينه النيران * عل عدوان * لهّابه
وما تطفه النار وليومك ثار
نقسم والله * ما ننساه * للمحشر
-------------
عمود الدين طاح وطاح بُنيانه
وجبرائيل ينعه بدمعة احزانه
واظلمَّت عُگب عيناك دنيانه
ومحرابك تنوح لفگدك اركانه
وصوت الآهات * والحسرات * يتعاله
ودمعات النوح * من كل روح * همّاله
نجري الأعبار وليومك ثار
نقسم والله * ما ننساه * للمحشر
--------------
#عقيل_الكاظمي / بغداد
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ ابوذية لاستشهاد امير المؤمنين الامام علي عليه السلام
جبال العزم من عزمك شملهه
اويمين الغانمه ايعزّي شملهه
اليتامه يا علي اتشتت شملهه
ومثل زينب صفت عگبك سبيه
------------
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
❇️ قصائد استشهاد مولانا امير المؤمنين الامام علي بن ابي طالب عليه السلام
وزن #تجليبة
ينوح البيت لجلك يا وليد البيت
اويلبي مثل ما ضحيت اله ولبّيت
------------
ينوح البيت لجلك والدمع من دم
يتجاره وأصل مجراه من زمزم
عگب عينك الدين انصاب وتيتّم
حَدِر ضلعه الكسير النار بيه شبّيت
------------
ينوح البيت لجلك وانت تدري شبيه
وشگ البالجدار انت اتعرف ماضيه
اَثَر جرح الذي اعلى مصيبتك ماذيه
جرح من الأزل للحشر بيه خليت
-------------
ينوح البيت ومصابك غده امصابه
اوسواد الحجر انت اتعرف اسبابه
گبل مولدك چان ابيض لچن صابه
الحزن لجلك وعانه گبل ما عانيت
--------------
ينوح البيت يا من للفخر نبراس
ولوما مولدك بيه ما تحجه الناس
يا معدن كرامه وتضحيه واحساس
يل ضحيت لجله ونعم ما ضحيت
--------------
ينوح البيت والله جعل بيه الحَج
اوغدت تگصد الوادم ليه من كل فَج
كرامه ليك وبميلادك اتّـــوّج
اوعلى البيت ابمقامك سيدي اتعاليت
--------------
ينوح البيت واعليه فرگتك متهون
يمن گلبي ابهوه حبك صبح مرهون
ثقل حبك يحيدر ما يحمله الكون
عجب گلبي حواه وبيه انه اتربيت
--------------
ينوح البيت وبنوحه قسم بسمك
رجل ما تمس گاعه غير رجل امك
وطفل ما يضم غيرك عگب ما ضمك
حبيب ابلا بديل لكل محب ظليت
---------------
ينوح البيت والنوح بامر ربه
المصابك سيدي بدمع الحزن لبّه
يضمك لحد وانت مشرف الكعبه ؟
يريت ابدالك الكون اندفن يا ريت
--------------
#عقيل_الكاظمي
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
يا هلال العيد اسمع اونيني
ابفرگة المحبوب انت واسيني
--------
رمضان خلصت بالحزن ايامه
وما تمم الكرار بيه صيامه
وانذبحت الفرحه بگلب ايتامه
ومنهم يتيم اصبح يبث آلامه
اينادي آيهلال بالله حاجيني
ابفرگة المحبوب انت واسيني
--------
آنه اليتيم وهذا دمعي ونزفه
ونيران هضمي تستعر ما تطفه
راح اللي يغمرني ابحنانه وعطفه
وخله ابوسط گلبي جرح ما يشفه
چم جرح بحشاي من يداويني
ابفرگة المحبوب انت واسيني
---------
بعيد الفطر نورك يزف البُشرة
يا عيد والكرار نام ابگبره
يا ريت يوم العيد لا طر فجره
ويا ريت وجهك لا تكامل بدره
بدر ابو السبطين غاب عن عيني
ابفرگة المحبوب انت واسيني
---------
راح اللي يغمرني ابكرامة جوده
بحر الحنان الماعرفنه احدوده
ما چنّه نشعر باليتم بوجوده
لاچن هوه ابطبرة غدرهم طوده
راح ابو الأيتام وفگده ماذيني
ابفرگة المحبوب انت واسيني
---------
من طاح ابو الأيتام طاحت يمه
جوده وحنانه وعفته والرحمه
واعلى الأرض لمن تفايض دمه
گلوب اليتامه اتناثرت يم جسمه
انتثرت اويه ادماه فرحة سنيني
ابفرگة المحبوب انت واسيني
---------
يهلال لجري لفرگته المدمع دم
وانصب اله بروحي مناحه ومأتم
واتحسّر اعلى امصيبته واتألم
وكل ما أذُكره انفجع واتيتّم
خل تصب العين من شراييني
ابفرگة المحبوب انت واسيني
---------
#عقيل_الكاظمي
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد الامام علي عليه السلام
كعدة
بدمعة الروح وجمرة النوح
گلوب ناحت يا علي مصابك فِجعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي گلوب اليتامه * ناحت بلوعة هضمهه
چانت ابجالك عزيزة * وحسّت الليله ابيتمهه
ما تريد بلحظه تنسه * مصابهه وشدّة ألمهه
تنساك يا حامي الحمه *** وشلون تنسه الغانمه
فگدت ابفرگاك الحمه *** اوعگب عينك زاد همهه
حسّت اليوم ابْلوعه وهموم
گلوبهه المتصدّعه مصابك صدعهه
عيون لجلك هلّت امن الدم دمعهه
بدمعة الروح وجمرة النوح
---------------
يا علي وكل الرعيّه * ايتام محتاجه لحنانك
چانت ابهيبة وجلاله * تستظلّ بعظم شانك
أمست الليلة حزينه * تنظر ابحسره المكانك
وتشوفه خالي وتنتحب *** وحشاهه لجلك تلتهب
وشلون عنهه تنحجب *** خايفه وفگدت أمانك
الخايفه شلون تفگد العون
وانت بالشدات يا حيدر درعهه
عيون لجلك هلّت امن الدم دمعهه
بدمعة الروح وجمرة النوح
----------------
اوكل محب عاشگ لشخصك * ما حمل حزنك وناره
شلون حال الچان يگضي * ابخدمتك ليله ونهاره
عيون الاصبغ بن نباته * اعليك مدمعهه تجاره
معذور يا رمز الوفه *** صوّر وفاءه ابموقفه
بسيل الدموع المذرفه *** شرح حالة إنهياره
اوداع ابو حسين ابدمعة العين
فجع كل الناس وتغيّر وضعهه
عيون لجلك هلّت امن الدم دمعهه
بدمعة الروح وجمرة النوح
-----------------
سيدي معذور الاصبغ * لو ثگل لجلك حنينه
يا علي والكون كلّه * حگ عليه تبچيك عينه
حيث كل الكائنات * الحيّة لمصابك حزينه
وهذا الأمر يا حيدره * صوت الإوَزّ ايفسّره
الشخصك يريد يأخّره * يدري وعدك گرب حينه
صاحن بصوت عرفن الموت
راد عايلة النبي ايفرّق جمعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي وحتى الجماد * اعليك حنّ وهمل دمعه
يا علي وراد ايتكلّم * لچن تكليفه يمنعه
اتمسّك البسمار طارف * محزمك رايد يگطعه
ويأخّرك چان الگصد *** خايف تروح وما ترد
عن الحياة وتبتعد *** اويختلف هل كون وضعه
يا علي تروح وتترك جروح
يا علي وليك الحياة احنت ضلعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي هاي الاصوات * الچان سلوتهه ابوجودك
رحت عنهه ويتّمتهه * وراح يا كرار جودك
رحت يا بالحسن ساجد * اتودّع الدنيا ابسجودك
تودّع يحيدر سجدتك
وتتخضّب ابدم هامتك
والجمرة تبقه ابشيعتك
وشلون تنسه امصيبتك
اوبچت هذا اليوم لجلك * يا علي حتى المنية
---------------
#عقيل_الكاظمي بغداد
من ديوان خواطر الأفكار ج/1 ص/ 41
#قصائد #شعر #شعر_شعبي #شعر_حسيني #شعراء #ياعلي
قصائد استشهاد مولانا امير المؤمنين وامام المتقين علي بن ابي طالب عليه السلام
Читать полностью…
موال لولادة الامام الحسن المجتبى عليه السلام
............
ابتيار جود الحسن سفن الوره جاريه
فاضت مياه الكرم منه وطفح جاريه
اشجم يتيم ارتوه بجوده وجم جاريه
للضيف عاده يحط بالزاد حمص ذهب
تاهت افكاري شوصّف رشدي مني ذهب
من جوده ريح العطر نسّم علينه ذهب
واللي ذنوبه چثيره من الحسن جاريه
..............
لشاعر الكاظمية الخالد المرحوم ملا حسن الكاظمي
❇️ ابوذية ولادة الامام المهدي صاحب الزمان عجل الله فرجه الشريف
شكثر ناداه گلبي وانتخابي
يمن حبك بروحي وانت خابي
الك صوتي نطيته وانتخابي
والك تاج القيادة السرمدية
--------------
عقيل الكاظمي
❇️ قصائد الولادات الشعبانية
ولادة الامام المهدي صاحب الزمان عجل الله فرجه الشريف 15 شعبان
بدر الظهور انولد ** يل تنتظر طلعته
نوره ابدمانه اتصل ** وياه لاح الامل
يل تنتظر طلعته
-------------------
باربعطعش يكمل جمال البدر
اتسرّ الگلب انواره من تزدهر
ولْهل البدر كل الخلگ تنتظر
بخمسطعش لاح اويه نوره النصر
وهل نور حين اتّحد ** بيه افرَحَت شيعته
بيه كل موالي ابتهج ** لاحت رسوم الفرج
يل تنتظر طلعته
-------------------
أشرق على الكون ابوجه مبتسِم
مولود من أشرف وأقدس رحم
أنواره تسطع بالفضل والعلم
وتغذّه من ثدي الشرف والعزم
ابگلب اليوده نبض ** والحب رسم صورته
صورة أمل لامعة ** بانواره الساطعه
يل تنتظر طلعته
------------
مولود ساجد للاله انوضع
لكعبة الباري المنهه حيدر طلع
عهده اويه حيدر يمحي بيه البدع
او يحيي العدل والدين بالمجتمع
برحم الجلاله سجد ** للخالق وطاعته
ابحال السجود انولد ** نوره سطع بل مهد
يل تنتظر طلعته
----------------
ابچف العطف هزّ المهد والده
بعين الحنان ايراقبه ايشاهده
مصدر القوه ابعينه وبساعده
ايشوف الظلم يمحيه بمهنّده
والأمل بيه انعقد ** ما أيّست أمّته
قائدنا والمُرتجه ** وتمسّك ابمنهجه
يل تنتظر طلعته
-----------------
ابميلاده كل گلب اليودّه ابتهج
ولشوفته عطشانه كل المهج
ولسان كل الناس بسمه لهج
ادعوا الإله ايجعل النه الفرج
ادعوا الإله الصمد ** نتوفّق لنصرته
عن معتقد مو جهل ** مو بالسكوت ابعمل
يل تنتظر طلعته
----------------
#عقيل_الكاظمي
❇️ قصائد ولادة الامام الحسين عليه السلام
فصيح عمودية
بنورِكَ أشرقَ كُلُّ الوجودْ * وإسمُكَ خلَّدَ معنى الخلودْ
حسينٌ وفيكَ الزمانُ تغنّى * بعزفِ الإباءِ ولحنِ الصمودْ
فلَيلةُ عرسٍ بها قد وُلِدْتَ * لبيضِ الليالـي كأُمٍّ وَلودْ
ويومُ عزاءٍ به قـد فُقِـدْتَ * ثيابُ نهارِ الأسى فيه سودْ
بكَ ابيضَّ يومٌ لك اسودّ يومٌ * فشبَّتْ عقودٌ وشابَتْ عقــودْ
وُلِدتَ فكُـنْتَ أباً للحياةِ * فَـروحُ الحياةِ إلَيك تعودْ
وُلِـدْتَ فكُنتَ أباً للزمانِ * أبًا للمكان أبًا للعهودْ
فيا بن البتولِ ويا بـنَ الرسولِ * ومَن لا تحُدُّ عُلاكَ الحدودْ
ويا بنَ الأميـرِ ويومِ الغدير * ومَــن لكَ آياتُ ربّي شهـودْ
ويا هودُ عادُك غالَتْكَ عَمداً * ويا صالحًا بك خانت ثمودْ
ويا قلبَ موسى طُعِنْتَ بسيفِ الـــ * أسى حينَ غارتْ عليك اليهودْ
ويا جُرحَ عيسى عَلَوْتَ الرماحَ * فكانَ صليبُكَ رمحَ الحَقــودْ
وهَبْتَ الى اللهِ روحاً ونفسًا * بها انْتَ عن ديـنِ طه تـذودْ
نزلتَ اللحـودَ فكانَ الـنـزولُ * خُطًى لِذُرى المجدِ فيها صعودْ
وها أنت رمـزٌ وقبرُك صَرْحٌ * مجيدٌ على كُلِّ مجـدٍ يَسودْ
----------
عقيل الكاظمي
❇️ ابوذيات لولادة الامام الحسين عليه السلام
العشگ بس الك وحدك من قريته
الحرف لجلك كتبته من قريته
الشعِر فلّاح هاجَر من قرِيته
لمدينة حكمتك بالغاضرية
--------
#عقيل_الكاظمي #بغداد #كربلاء_المقدسة #الكاظمية_المقدسة #شعر #شعر_شعبي #شعر_حسيني #ابوذية #ابوذيه #ابوذيات #شعبان #شعبانيات
❇️ ابوذيات لولادة الامام الحسين عليه السلام
العذلني بحب ابو اليمه دراويش
سحرني؟ وصحت يا ربي دراويش
روحي وكلبي وعقلي دراويش
جواله بغرام حسين هيه
-----------
#عقيل_الكاظمي #بغداد #كربلاء_المقدسة #الكاظمية_المقدسة #شعر #شعر_شعبي #شعر_حسيني #ابوذية #ابوذيه #ابوذيات #شعبان #شعبانيات
❇️ ابوذية للامام المهدي صاحب الزمان عجل الله فرجه الشريف
متى تظهر يغايبنه ولك نار
وعلى العالم يهل بدرك ولك نار
الك فوك النهر راية ولك نار
ابدليلك سرت وي نار الثنية
------------
عقيل الكاظمي
#عقيل_الكاظمي #بغداد #كربلاء_المقدسة #الكاظمية_المقدسة #شعر #شعر_شعبي #شعر_حسيني #ابوذية #ابوذيه #ابوذيات #شعبان #شعبانيات
❇️ ابوذية ولادة الامام المهدي صاحب الزمان عجل الله فرجه الشريف
شكثر ناداه گلبي وانتخابي
يمن حبك بروحي وانت خابي
الك صوتي نطيته وانتخابي
والك تاج القيادة السرمدية
--------------
عقيل الكاظمي