3368
لتسهیل البحث علی القصاید #حسن_الصالحی #حسن_الصالحي #محمد_الجنامي
قصيدة [ وين اخوته ]
اداء | محمد الجنامي
الشاعر | وسام الشويلي
▪︎ رابط الفيديو 🔗🔗
https://youtu.be/WDSiClZh2U4
▪︎ عزاء جامع الرحمن
▪︎ المكان | العراق - بغداد - المنصور
▪︎ شهادة الإمام موسى الكاظم عليه السلام
قصيدة [ مرقدي خالي ]
أداء الـــــرادود حسن الصالحي
كلمات الشاعر علاء عبدالحسین الکربلائي
هيئة الإمام الجواد عليه السلام
/channel/alradodeinpoems
اسم القصيدة : يالوالده اشلون
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة : ليالي الفاطمية ١٤٤٤ الهجري
المكان : رابطة اصحاب الكساء | واسط
🏴🏴🏴🏴🏴🏴🏴🏴
يالـوالـده اشـلـون ... غمضتي العيون
يأم عـشــره الطـيـبـه بقت دارچ خليه
ضاع الامل ضاع ... و ابليل الوداع
گـعـدن بـنـاتـچ عالنعش يبچن سويه
صرنه يتـيمات ... ييمه ييمه
بعدچ غريبات ... ييمه ييمه
🖤🥀🥀🖤🥀🥀🖤
الـگـاع و البالگاع يبچي بعد عين ام الحسن
و كلـشي صـاح ام المحنه وين وداها الزمن
فاطمه ابنـيات عـدها و علـه التابوت انحنن
راحت امهن من اديهن حگهن بحرگه بچن
ام الـوفـه اتـروح ... و ايـشبعـن اجروح
وحده عله وحده طاحن و سولف دمعهن
جـازيـهـن الـلوم ... خـل يـبـچن الـيوم
لـلهـشـمـوا مـنـهـا الـضـلـع لطمن ضلعهن
صاحن بالآهات .. ييمه ييمه
بعدچ غـريـبات .. ييمه ييمه
🖤🥀🥀🖤🥀🥀🖤
حچن ويه امهن ابلوعه وانحنه حتئ العرش
گومي يايمه اعله طولچ مو وكت نوم ابنعش
اششفتي من عمرچ وعمرچ كله چان اثمنطعش
بس الچ تحله البواچي و الخدود التنخمش
اشلون الهوه يموت ... وايشيله تابوت
اتـخلينه و احنه ابعازتـچ يـم المـحنه
آه و الـــــــف آه ... طـولچ فگدناه
والبيت اذا بيه ام تره ايسمونه جنه
يا طيبة الذات .. ييمه ييمه
بعدچ غريبــات .. ييمه ييمه
🖤🥀🥀🖤🥀🥀🖤
يا جرحن العاش بين و محد ايطيب الجرح
ماصخـه الـدنيه بـدونـچ والله ما بيهه ملح
بـيـتنه بـيـچ اشحلاته من تصبحين الصبح
يمه چلـماتچ الحـلوه مـن الگلب ما تنمسح
يـا مـا تـعـبـتـي ... يــا مــا ســهــرتـي
اتذكرين اسامينه بدعائچ وكت الغروب
مدينه اليـدين ... هـلـبـت تـگـومـين
و داعچ يـيـمـه مـر تره يشلع بالگلوب
احنه الحنينات .. ييمه ييمه
بعـدچ غريبات .. ييمه ييمه
🖤🥀🥀🖤🥀🥀🖤
اللمه و الگعده سـويـه وياچ راحت ما ترد
و البـنات تـمـوت حسـره لمن امهن تنفگد
شڪثر دللتـينه تـالـي اندفنج ابوسط اللحد
يـمـه يا زهـرة عـمـرنه الـخـلتچ محد يسد
ايغطيچ التراب ... اتظل سوده الثياب
مـانــنــزع الاســود بــعـد عـيـنـچ يـيـمه
تهـظـمـنـه الايام ... ايــسـمـونـه ايتـام
وانـشـيـع الفرحه و تظـل دينانه ضلمه
بس عالبچي انبات .. ييمه ييمه
بــعــدچ غـــريــبــات .. ييمه ييمه
🖤🥀🥀🖤🥀🥀🖤
و الـمـحن بـعـدچ يـيـمـه تـلـزم اعـلـينه سره
انشوف ابونه راسه دامي وبعد نفگد حيدره
و الحسن يـم حسن چبده نشوفها متوذره
والحسين انشوف نحره و الضلوع امڪسره
ايحرگون الخيام ... و اعله الثره انام
و اصـعبهن ابدرب السبي يمشن بناتچ
كــلهم يـشمتون ... نبچي و يضحكون
و الـسـوط يلـعب عـلـه امتـون امدللاتچ
نمشي سبيات .. ييمه ييمه
بعدچ غريبات .. ييمه ييمه
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : رسالة بماي
اسم الشاعر : #ميثاق_الحمداني
اسم الرادود : #محمد_الجنامي
المناسبة : ليالي الفاطمية 1446
المكان : عزاء رابطة الزهراء - الشامية
🏴🏴🏴🏴🏴🏴🏴🏴
من تلگه رساله بماي
رد ليــه خــبر مولاي
بـس گلي قريباً جاي
.. يـا اخــر وطـن ..
بعـدك ما عايـش ابامان
وابگلبـي صار الك اذان
وينك يا صاحب الزمان
.. يـا اخــر وطـن ..
🖤🔷🔷🖤🔷🔷🖤
وينك مولاي .. طولت اهواي
بس گلي عيوني يمته تشوفك جاي
ناديت ابصوت .. تظهر لو موت
ضايع بالصحراء ومني تبده الماي
ركضه يعقوب اعله اوليده من تطلع اجيك
يمته انظرالك واسمع صوتك يمته ازلم اديك
مثل الطفل الضاع امن امه صرت ابجي عليك
احسبني مثل يعقوب
يا يوسف اريد الثوب
اشتمه وكـت الغروب
.. لو گلبي حزن ..
ما سـالم بالگـلب مكان
يا كهف الرأف والحنان
وينك يا صاحب الزمان
.. يـا اخــر وطـن ..
🖤🔷🔷🖤🔷🔷🖤
يا اغلى انسان .. صعب الهجران
تدري ابخدامك عدها اگلوب احنان
يوجع لسكوت .. امن الجمعة تفوت
وما تظهر انت وانسد البيبان
من اتمر اعلينه الجمعة و منشوف الامام
كل عاشق بينه ابهالليله ما يكدر ينام
فوگ الخد تكتب دمعاته يا مهدي سلام
الفاگد مــن يلفيه اليل
ما يبقى عليه كل حيل
وابصبره يشوف الويل
.. و ابقهره الزمن ..
ما ظل لصــبري كـل ضمان
من گلبي احجيها مو لسان
وينــك يا صاحــب الـزمان
.. يـا اخــر وطـن ..
🖤🔷🔷🖤🔷🔷🖤
يا نور العين .. ايامك وين
مشاي اوصل لك بس دليني امنين
يمشيب الرأس .. اسأل بالناس
ما مر اعليكم وحد جنه احسين
گولوله اهنا شخص ايحبك حط عينك عليه
گولوله ايخاف امن الوكعه انته الزلم بديه
گولوله ابأحلام ابواقع ينتظرك تجيه
ابكل ازياره المعصوم
اتمنــى اشــوفك يوم
حارمها عيـوني النوم
.. رد يبن الحسن ..
لو اغفى يعني گلبي خان
يالمنطــي الخادمك كيان
وينــك يا صاحـب الزمان
.. يـا اخــر وطـن ..
🖤🔷🔷🖤🔷🔷🖤
يالدمعك طاح .. و متروس اجراح
ومن اخيام الطف كلبك بيه اصياح
اظهر ارجاك .. اغيابك اذاك
موش الخاطرنه مولاي انته ارتاح
يمتى ال اللهم عجل تخلص و المغيب
و انگول الله لا يبعدنه عنك يالحبيب
اظهر وارتاح امن الغربه وخل جرحك يطيب
وينــك يعـزيز الــناس
منتظـرك اخـير انفاس
ضامي امتاني العباس
.. وادموعي جرن ..
اظهر يالبيدك الجـنان
الثاراتك اظهر العـنان
وينك يا صاحب الزمان
.. يـا اخــر وطـن ..
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : والتقينه
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة : ليالي استشهاد السيده زينب
المكان : هيئة غيرة العباس
🏴🏴🏴🏴🏴🏴🏴🏴
خــلــص عــمــرنه و التــقينه
بگبــري تگابلــنه و بـــجـيــنه
ابثوب السبي لگاني
و ابلا نحــر اجانــي
.. و بـــجـيــنه ..
🖤🔷🔷🖤🔷🔷🖤
مت بوطن مابيه أهل ڪلهم بـعـيـدين
و عـلـه الـبـعـيـديـن مـا نـامـت الـعـيـن
بــلشام ادور و التفت مهضومه ياناس
لا يـمـي عــبـاس لا يــمـي الـحـســيـن
مـن يوم عاشور الضهر مـحد سـأل عليه
ساعه عله تل الزينبي ساعه رحت سبيه
من منحر ابن امي بقت ريحة دمه بديه
الله يــرحــم ذيــچ الايــام
لا ڪربـلاء بـيـها و لا شام
تانــيـتـه اخـو بـحـنـانـي
و ابــلا نــحــر اجـانـي
.. و بـــجـيــنه ..
🖤🔷🔷🖤🔷🔷🖤
مـا ترجع ايـامــي بــعـد ڪاتلني الفراگ
لـلــمـلــگـه اشــتــاگ مـلـيــت الـجـروح
ذبحوا حسين بكربلاء و الحدي ضليت
ما لـمـنـي ڪل بـيـت من عفته مذبوح
بـذنـي اديـه مشطت شيباته شيبه شيبه
جروني يا عالم غصب من جثته السليبه
عفته غريب بكربلاء و بلشام انـه غريبه
لـحـسينـي وينه اليبچي وياي
عطشان ذبحوه ما شرب ماي
بـعـده الـوڪـت عـمـانـي
و ابــلا نــحــر اجــانــي
.. و بـــجـيــنه ..
🖤🔷🔷🖤🔷🔷🖤
شـالـت الغربه جنازتي و ڪل اليشيعون
يـم نـعـشـي يـحـچـون مـا عـدهـا خوان
طــبـيـت گبري وبلگبر لا گـانـي الحسين
مـو ذاك الـحـسـيـن بـصدره السهم چان
بلا راس اجاني بس نحر وصار البواچي ملگه
مـتروس صـدره بالنبل بنفسي چنت اشبگه
ضميت چفي المحترگ خفت عله گلبه احركه
شـلـونـچ يـگـلـي يـالحـبيبه
و گـتـله مـتـت بعدك غريبه
گــتـلـه الـشـمـر سـبـاني
و ابـلا نــحــر اجـــانــي
.. و بـــجـيــنه ..
🖤🔷🔷🖤🔷🔷🖤
ذڪرني گـبـري بـخـيمـتـي الـتــمـوا عـلـيـه
اهـل الــحــمــيــه و ســـولـفــنه سـڪــتـه
الـعـــبـاس اجـانـي لـلـگـبــر ماعـنده چفين
و الـسـهـم بـالــعـيــن و ارڪـض شــبـگـتـه
ما جبت ڪل طاري من السبي ومخيم و رماده
وضـميـت متني عله الگمر لا ينظر السواده
حچايه سـبـيـه بت علي تمرد گلوب الساده
صـاح الڪفلني و هـوه ينحب
يـا مـايـلـه الـدنـيـا ويـه زينب
الـجـيـــتــه اعــد ثـوانـي
و ابــلا نــحــر اجــانــي
.. و بـــجـيــنه ..
🖤🔷🔷🖤🔷🔷🖤
مـا بـيـنـهـم طـلـعـت مـره مـحـنـيـة ضلوع
صــاحــت بــالــدمــوع زيـــنـــب يـــيــمــه
يـا يـمـه مـتـغـيـره شـڪـثـر شوداج للشام
ويــــلاه يــلـــشـــام شــــيـــبــنــي هــمـــه
بالشام طبيت القصر واخت ابو فاضل انتي
بالشام شافوچ الـزلـم و مـن الهضم ڪبرتي
بالـشـام ما عـنـدچ اهـل وبالشام تالـي متي
يـا غـربـة الــشــام ومـصـابـه
زيــنـب يـگـعـدوهـا بـخـرابـه
لحـسين اخوج اتاني
و ابـلا نحــر اجانــي
.. و بـــجـيــنه ..
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
سيفي
#محمد_الجنامي
#وسام_الشويلي
اشفعيلي
#محمد_الجنامي
#وسام_الشويلي
اسم القصيدة : مصيبة الزهراء
اسم الشاعر : #وسام_الشويلي
اسم الرادود : #محمد_الجنامي
المناسبة : ليالي الفاطميه ١٤٤٣
المكان : حسينية و موكب ام الحسن - الفاو
🏴🏴🏴🏴🏴🏴🏴🏴🏴
مصيبة الزهراء قران .. آياته تفضح من خانوا
تكلم المحسن بالزرء صبيا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
يمته من الجهل هالناس تتحرر
و تميز طريق الخير عن الشر
مصيبة فاطمة قرآن و امصور
وآياته الطفل و الضلع المكسر
ليش النـاس اللآيات تتنـكر
وما تقره المصيبه وبيها تتدبر
فلو قرانا آية الضلعِ .. لفاضت الاجفان بالدمعِ
فما لهذا الرزء من قبل سميا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
سور يوم المصيبة توضح النه الحال
و بكسر الضلع ما يبقى أي إشكال
الما يتدبر بوحي المصاب شكال
معناها بصراحه عالقلوب إقفال
نطق دم الطفل عالارض لمن سأل
علي هوه الخلفيه والتغدره انذال
هذا علي حجة الله .. و الأمر بالحق والناهي
ناداهم المحسن لا تجفوا عليا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
مصحف فاطمة نقره ابنواميسه
عظيم بمعجزاته لمن انقيسه
تكلم محسن الزهره باحساسيسه
مثل لمن تكلم بالمهد عيسى
كال الهم علي مفروض تقديسه
و الما بايعه قد بايع ابليسه
من اضربوا النار على الباب .. قد اسسوا ملة الإرهاب
باعوا وصايا المصطفى خانوا الوصيا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
مثل ما بلغ اتباعه نبي الرحمه
وكال الهم علي الوالي على الامه
ضلع ام الحسن و المحسن و دمه
علنوا آية التبليغ و العصمه
اهنا كنز الولايه و معدن الحكمه
اهنا باب المدينة يالردت علمه
واعجبا قد كسروا البابا .. المصطفى من كانوا اصحابا
بحقدهم قد حابوا البر التقيا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
ضلع ام الحسن و الجرح المخزن
سوره و للرزايا الجايه تبين
بسمار الخيانه الصوب المحسن
سهم بالطف يصير و بالطفل يسكن
الضلع المنكسر للنايبه ايبين
و ضلوع الحسين تصير اله موطن
ونار باب الدار لا تكفي .. سيضرمون النار بالطفِ
و يؤخذ السجاد مكتوفا سيبا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
💙🍁🍁🍁💙🍁🍁🍁💙
انختم عمر البتول وكضت منها الروح
لجن باب الحزن لليوم ظل مفتوح
تون اليا هظم و اليا مصاب تنوح
هذا بسم كضه وذاك الكضه مذبوح
يظل گلب الزجيه مخزن و مجروح
وما يطفي جمرها المدمع المسفوح
ويا ترى هل تنطفي النارُ .. من ابنها لو جاءها الثأرُ
قد بلغ الأمر من الصبر عتيا
فكـان حقـا للـرزيات نــبيــا
فــاســـمـــعـــوه ... فــاســـمـــعـــوه
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : عجل الظهورا
اسم الشاعر : #وسام_الشويلي
اسم الرادود : #محمد_الجنامي
المناسبة : ليالي الفاطميه ١٤٤٦ الهجري
المكان : هيئة الامام محمد الجواد - حسينية الشكرجي - كربلاء المقدسه
🏴🏴🏴🏴🏴🏴🏴🏴🏴
ياصاحب الزمان الى ما الغياب يندب الثار
الى متى نعاني علينا الطفاء كم وكم جاروا
.. ما لنا غـيرك انـت تدري ..
.. دمنا في كل يوم يجري ..
.. عـجـل الــظــهــورا ..
🖤🥀🥀🖤🥀🥀🖤
صوت من اجروحنه يالمهدي وينك
احنه غرگانين مد النه يمينك
انعمت هاي اعيونه وما شفنه عينك
لا تطول اغيابك الخاطر احسينك
نســـولـف يـا الألــم .. رمونه جم سهم
يتـامه بالـخيم نتاديلك
وصعنه اشكد صعب .. جــرحنه بالگلـب
رسايل دم يصب نوديلك
فما لنا سواك ننادي اجرنا من رزايانا
متى متى نراك أيا من ترانا بين قتلانا
.. ما راينا راحة في العمر ..
.. دمنا في كل يوم يجري ..
.. عـجـل الــظــهــورا ..
🖤🥀🥀🖤🥀🥀🖤
علم عندك ليش كل هاي الرزايه
لان يالمهدي ثبتنه اعله الولايه
ابليس ضد راية محمد شال رايه
الغاية من قرآنكم ما تبقى ايه
جيوش الشيطنه .. علينه ابكل سنه
حربهم معلنه يمهدينه
اليحبــكم مبتـله .. ارضــنه كــربلــه
وعدنه حرمله فتك بينه
اطفالنا تموت عطاشى وكف الماء مقطوع
قد هدمت بيوت وقلب الثكالى هده الجوع
.. من خيام الطف نار تسري ..
.. دمنا في كل يوم يجري ..
.. عـجـل الــظــهــورا ..
🖤🥀🥀🖤🥀🥀🖤
النه جم بيت انهدم يسواله ديره
راح منه جم بطل ينعد عشيره
ابو هادي طيحته كسره جبيره
و الشماته اهواي الماعدها غيره
ولـدنه اشــتهدوا .. النواصب عيدوا
شماته و شاهدوا جرح بينه
گلبهــم منملــني .. ضغــائن ضد علي
هلاهل تعتلي المآسينه
بالشام صار عيد بقتل الموالي وزعوا الحلوى
فانهم يهود و منهم علينا حلت البلوى
.. صـفقوا بحقدهم للشمر ..
.. دمنا في كل يوم يجري ..
.. عـجـل الــظــهــورا ..
🖤🥀🥀🖤🥀🥀🖤
الصار بينه وكل الأحداث المخيفه
هاي يالمهدي سببها من السقيفه
بده ويانه الألم من ظلع الشريفه
و الجرح لليوم ما واكف نزيفه
أســاس المــظلمـنه .. مصيـبة فاطـمه
ليالي مظلمه ليالينه
انكسرنه اويه الظلع .. صفينه انصب دمع
ونريد بهالوضع تمر بينه
بين البتول عجل فانا وصلنا للنهاياتِ
و انت من يسجل بسيف علي نصرنا الآتي
.. اننا نذوق مر الصبري ..
.. دمنا في كل يوم يجري ..
.. عـجـل الــظــهــورا ..
🖤🥀🥀🖤🥀🥀🖤
اهواي ثاراتك و صبرك وين حده
و جدك حسين المثلث اكل جبده
خدر زينب جرح يا ثار اليضمده
و ابو فاضل عالنهر مكطوع زنده
يغايب و الصعب .. حرمكم تنضرب
سبايا و الغرب حدوا بيهن
الحــراير تنتــظر .. لهســه بالاســر
ينوحن عالخدر يواليهن
قد ضاقت الصدور ومن ذا سواك يثلج الصدرا
يا أيها الغيور اغثنا فانا نشتكي الغدرا
.. خصمنا قد عرف بالغدرِ ..
.. دمنا في كل يوم يجري ..
.. عـجـل الــظــهــورا ..
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : ما بيه حيل افراك
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة : ليالي الفاطية
المكان : هيئة الزهراء للعزاء المركزي - النجف الأشرف
🏴🏴🏴🏴🏴🏴🏴🏴🏴
عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت
هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح
عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت
دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ
گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع
باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع
توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين
يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه
يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون
يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه
شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : سيدة الجنه
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة : ليالي استشهاد السيدة فاطمة الزهراء 1444 الهجري
المكان : حسينية سيدالشهداء - الكويت
🏴🏴🏴🏴🏴🏴🏴🏴🏴
سيدة الجنه تموت عجيبه
الكون انشال بتابوت
عجيبه
يا اهل الدمعه والاه
امي في ذمة الله
...
الحسن آنه وشفت امي انكسر منها ضلع بالباب
بزغر سني رحت اركض اصير الها ستر وحجاب
فزع دخان باب الزهره للزهره
اسمعت صوت الضلع كسروه بالعصره
اصيح اسم الله يمه وخاطري مكسور
متت ذاك الوكت يا ناس الف مره
عصروها باب الدار اويلي
وبيها اشسوه البسمار اويلي
موقف ما لحظه انساه
أمي في ذمة الله
...
عشت فترة ألم صعبه الضلع يلچمها واتحسر
اتچيها عله متوني تريد تگوم ما تگدر
اضم دموعي وادعي بحسرتي وهمي
يربي بفاطمه أمي تشافي أمي
تكابر عالألم وتگلي آنه بخير
اخاف تموت وايصير اليتيم اسمي
خايف يا ناس تروح حياتي
وتظل بس نوح بنوح حياتي
يا جرحي العايش وياه
امي في ذمة الله
...
چنت اكبر ولد عدها وصفت اكبر جرح بيه
حنان امي اندفن بتراب بزمن ما بيه حنيه
جنازة اغله ناسي انشالت اگبالي
وطلعت بنوحي غالي يشيّع بغالي
دفنه الشمس يا ناس بظلام الليل
خذتها المگبره وجينه بنعش خالي
الله ومن رديت يعالم
وحشه بلا امي البيت يعالم
خير الدنيه دفناه
امي في ذمة الله
...
اخوي حسين اجه يمي ويحط راسه عله صدري
يسولفلي يبو محمد رحيل امي كسر ظهري
بعد ما ترجع امنه ونگعد وياها
يتامه ازغار بس شيبنه فرگاها
اصبره بكلمة الله وياها خل ترتاح
ويگلي الوالده اشتاگيت ملگاها
مانامت لحظه العين بعدها
وخايف ليموت حسين بعدها
گاعد بالعتبه الگاه
امي في ذمة الله
...
جرح عندي اخت تبچي واصبرها بگلب ينحب
احس بيها مثل امي وصحت ويلي على زينب
تِطَلِّع ثوب امي المحترگ بالنار
وتظل تبچي لمچان البي اثر بسمار
تصيح الماتت امها حگها من تموت
بعد المن اسولف ضيمي من احتار
صحت بصوتي المبحوح يزينب
الله يعينج عالنوح يزينب
اعليها وعالزهره ويلاه
امي في ذمة الله
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
يمحمد شعتبنك
#حسن_الصالحي
.
من لطف الله و توفيقاته في هذه الايام العظيمة المباركة ،
أن تشرفت بلقاء خادم اهل البيت عليهم السلام , الجبل الأشم والمدرسة الكبرىٰ استاذنا و قدوتنا #الحاج_باسم_الكربلائي
الذي نشأنا على قصائده و تراتيل حزنه في مراثي اهل البيت (عليهم السلام) منذ أن كنّا صغارا .
و ما زلنا نتعلّم منه الأصالة والعمق في اداء القصيدة الحسينية بما يستحق اسم الحسين (عليه السلام) من الرمز والمعنى والبطولة والايثار في قلوب المؤمنين في العالم كلّه .
زاد الله في عطائه و بركاته و حفظه ذخراً طيبا لنا و لمحبي اهل البيت بحق محمد و آله الطاهرين .
#محمد_الجنّامي
اسم القصيدة : نامت رقيه
اسم الشاعر : #عزيز_الفيصلي
اسم الرادود : #محمد_الجنامي
المناسبة : ليالي محرم الحرام ١٤٤٥ الهجري
المكان : عزاء هيئة السبي - كربلاء المقدسه
🏴🏴🏴🏴🏴🏴🏴🏴
خـرابـه و اظـلم انـهار البنــيه
و من تعب الدرب نامت رقيه
□■□■□■□■□■□
كــعدن شــوط من الليــل ناحـن
وكل وحده ابكتر ياويلي طاحن
كــون الظــيم باجــر يستــراحن
باجر يوكفن بين آل اميه
حُســـيناً ... وَاحُســـيناً
□■□■□■□■□■□
باجــر عســه باجــر لا يـجــيهن
اشكبرها وكفه المجـلس عليهـن
اگـبال اعيـونهن ينــطك ولــيهن
و تلعب حيزران ابن الدعيه
حُســـيناً ... وَاحُســـيناً
□■□■□■□■□■□
عليهه اتهون ياهي من المصايب
جتــل وليــاها لو نــوم الخـرايب
و الــديوان و اعيــون الأجـانــب
وكل يوم اليسر وحده ابرزيه
حُســـيناً ... وَاحُســـيناً
□■□■□■□■□■□
تجلب الليل زينب كـون و اتدور
ونوب اتصير عمه و نوب دكتور
تداوي چم جرح چم ظلع مكسور
وهاي تصيح متني وهاي اديه
حُســـيناً ... وَاحُســـيناً
□■□■□■□■□■□
ابظل جنحانها الكل جمعتهن
و ابحظــن الــترابه نــومتهن
تلولي اعله الجروح المالمتهن
و تنطر ليلها ابونه الخفيه
حُســـيناً ... وَاحُســـيناً
□■□■□■□■□■□
نــص اللــيل لــن طــفله ابغصنها
انكسر كلب السمه وفز اعله ونها
مـلح الگــاع جاس اجـروح اذنها
و تبجي الليل ونتها الشجيه
حُســـيناً ... وَاحُســـيناً
□■□■□■□■□■□
تبـجي و بـجت عمــتها الالـمـها
وتناشدها اعله يا جرح اللجمها
اثاريــها الجــرح بايــك حلمهــا
اويلي وغدت تتلافت خطيه
حُســـيناً ... وَاحُســـيناً
□■□■□■□■□■□
عله ابجاها غدت تبجي الخرابه
و تــهز الشــام لـو صـاحت يبابا
بيــويه اليــتم شــيهون مصـابه
حتى لو حلم بس مر عليه
حُســـيناً ... وَاحُســـيناً
□■□■□■□■□■□
يبــويه لــو حـلم خـل ابـره ملكاك
تلفني ابحظنك و اغفه اعله يمناك
ريــت ابسفــرتك تـاخــذنـي ويـاك
اجاها و صارت الملكه المنيه
خــرابه و اظلـم انــهار البنيه
ومن تعبب الدرب نامت رقيه
حُســـيناً ... وَاحُســـيناً
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
#محمد_الجنامي
#حسن_الصالحي
#حسن_الصالحي مع محمد الاعاجيبي
Читать полностью…
اسم القصيدة : عينج عليه
اسم الشاعر : #وسام_الشويلي
اسم الرادود : #محمد_الجنامي
المناسبة : ليالي الفاطمية 1446
المكان : هيئة درة علي | ميسان
🏴🏴🏴🏴🏴🏴🏴🏴
عينچ علينه فاطمه و نـطـلـب دعائچ
خدامچ و رغم الجرح ننصب عزائچ
غـايـتـنـه لـنجوم السمه نـرفـع لوائچ
🖤🍃🍃🖤🍃🍃🖤
يالزهره انتي .. خيمتنه صرتي
اي والله يا ام الحسن ما عدنه غيرچ
ابحبچ ڪبرنه .. بيچ افتخرنه
جـبـنـه العمر يـا فاطمة ننعم بخيرچ
كل ما گصه اويانه الزمن كل ما كثر همنه
بـيناتـنه ايصير الحچي خل نگصد الامنه
ابـسـدچ نـلوذ و نـحـتـمي مــن الــيـألـمـنه
ألـنـه الرزايا مـن تجي و تنزل علينه
نتنخه بسمج فاطمة و انتي الحنينه
نلگاج يمنه و عالجرح ينزل دوائچ
🖤🍃🍃🖤🍃🍃🖤
ابغيرتنه صحنه .. ابـنـائـچ احنه
مـا بـعـنه ذمـتـنـه و لا عـفنه العقيده
يا بت محـمد .. واقعنه يشهد
و الحرب هاي المعلنه ضد الصميده
خدامڪم احنه نظل ما نخدم المحتل
و الصيحه يا ام الحسن لا والله ما ننذل
بـس الـنـريـده نظـرتـچ يـالـبيچ نتوسل
نتحمل احنه الخاطرچ و اتحملينه
و الـغـيـر بابـچ فاطمة لا ما مشنه
متعودين ابكل و كت ناخذ عطائچ
🖤🍃🍃🖤🍃🍃🖤
قصتنه ضـلـعچ .. حرگتنه دمعچ
و بـسـمـار البـضلعچ سبب ڪل الرزايه
و هاي الجرايم .. ضدچ يفاطم
و الـنـاصـبـي وي الـخـيبري شايله رايه
الڪسروا بـابـچ فاطـمة وبيه ضلعچ تڪسر
هـسه ولـدهـم بـالـحـرب دافـعـوا عـن خيبر
تيكرهون كل و احد شهم بيه ريحه من حيدر
چم ناصبي ضدنه وگف ويه اليهودي
وهذا ابن مرحب اجه يهدد و جودي
هيهات نخضع يالسرت بينه دمائچ
🖤🍃🍃🖤🍃🍃🖤
انـتي ذخرنه .. مـنـچ نصـرنه
و الصبر مفتاح الفرج واحنه صبرنه
انريد البشاره .. لهاي الغياره
و انريد بأسمچ فاطمة نعلن نصرنه
ابسوح الحرب عـند الزلـم يالزهـره وفايه
عـالـسـاتـر وبـيـن الـرمـي سـوولچ قرايه
و ان شاء الله بـقـوة علي ما توگع الرايه
صـيـحـاتـهـم بالمعرڪه لبيكِ فاطم
وابهاي شدتهم يجي و يحضر القائم
اتحيينهم يأم الحسن و انتي بسمائچ
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
قصيدة [ يمه زينب ]
اداء | محمد الجنامي
الشاعر | كرار حسين الكربلائي
العراق - كربلاء المقدسة
عزاء شباب كربلاء المقدسة
/channel/alradodeinpoems
اسم قصيدة : وكت المسه
اسم الشاعر : #وسام_الشويلي
الرادود : #محمد_الجنامي
المناسبة : ليالي الفاطمية 1446
المكان : العزاء المركزي لمحافظة السليمانيه تحت اشراف العتبة العسكريه المقدسه
🏴🏴🏴🏴🏴🏴🏴🏴
روحي وكت المسه طير وترف عليكم
روحـي نسمـه هـوه مـن الگبر تجيـكم
كل ليله سؤالي ... عنكم يالغوالي
🖤🥀🥀🖤🥀🥀🖤
بجناح الشوك اجيكم .. ملهوفه الروح عليكم
أدري الفرگاي بجيكم
متروسه دموع اديكم .. عني بحسرات حجيكم
لا ما مگطوع نعيكم
انتــوا مشتـاگين اليــه وانه مــشتاگه
جيتــكم وانظر غصنكــم ذابله اوراگه
شكد علي هذا وجهكم يصـعب افراگه
كلمــه منكم كلمــه منــي يمتـه نتلاگه
عيني بيها عطش الكم يظل عطشها
عينـي بالملتقى ما ينطــبگ رمشــها
بعدتني الليالي ... عنكم يالغوالي
🖤🥀🥀🖤🥀🥀🖤
ماگــول ابعــيد دربــكم .. والروح اتريد قربكم
تدورن اهواي احبكم
وانه ادري ابشوگ گلبكم .. اسمع ونات عتبكم
ارجع للبيت طلبكم
الموت غيب جسمي عنكم بس تظل روحي
ابكل مسيه اتحوم يمكم شايله اجروحي
حسين مثل الحسن وجهه للهضم يوحي
وانظر الزينب حزينه استارثت نوحي
حيدر شيب انتس محني الظهر اشوفه
حيدر من هــضمته بصفگ إلي جفـوفه
وامعذبه ارتحالي ... عنكم يالغوالي
🖤🥀🥀🖤🥀🥀🖤
ادخل للبيت حمامه .. وابعشي تنوح يتامه
اسمع كلمات ملامه
محتاج البيت سلامه .. والفركه اتزيد ظلامه
والفاگد عاف منامه
حسين بيدي امسح دمعتي التجري بخدوده
و الحسن ناديته يمه انه موجوده
ادري من دوني الليالي موحشه و سوده
وادري واحدكم عليه منحني عوده
زينب يمها تظل روحي ترف جنحها
زينب انه انلجـم من ينلجـم جرحها
ما يبعد خيالي ... عنكم يالغوالي
🖤🥀🥀🖤🥀🥀🖤
لو صاح احسين ييمه .. ضلعي المكسور يلجمه
من نحره بشوگ اشمه
يغفه وبالطف اكلمه .. الصدري الموجوع اضمه
وانه ادري الخيل تهشمه
الحسن يفغه وتجي روحي تمسح ابراسه
وادري احساسي اليكلمه يفزز احساسه
يمه يا زهراء كلمه ويه انفاسه
انه اعز من روحه عنده واعز كل ناسه
غالي اوليدي الحسن وابلهفتي حضنته
غالي وســم فركتــي ادري مــرد جبدته
ما يستغني حالي ... عنكم يالغوالي
🖤🥀🥀🖤🥀🥀🖤
زينب من يوم وفاتي .. متغطيه ابذيج عباتي
عدها وي الروح غلاتي
تفززها اجروح مماتي .. تبجي ابمحراب صلاتي
نادت ماريد حياتي
زينب اسمعها تگلي والدي ادعيله
يمه من يوم الرحلتي منهدم حيله
وانه اگلها روحي يمكم تجي كل ليله
علي من اريد يمشي انه اتجيله
موتي ادري كسر گلبه وكسر گلبكم
موتي لا ما گطع عني وصل قربكم
شنهو ايشغله بالي ... عنكم يالغوالي
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
لو ما فاطمة
#حسن_الصالحي
#كرار_حسين_الكربلائي
القبر المخفي
#حسن_الصالحي
#وسام_الشويلي
يعباس فقدك هضمنا
ملا #حسن_الصالحي
الشاعر #جابر_الكاظمي
/channel/seyedalbasemi
اسم القصيدة : اذان الدمع
اسم الشاعر : #وسام_الشويلي
اسم الرادود : #محمد_الجنامي
المناسبة : ليالي الفاطميه ١٤٤٥
المكان : موكب ابي الفضل العباس - بغداد
🏴🏴🏴🏴🏴🏴🏴🏴🏴
اذن اذان الـــدمــع
و انكـسر اول ظلع
فـي ســبـيــل اللـه
🖤🍀🍀🖤🍀🍀🖤
جانت النفس الزكيه اتصلي نافلة الضحه
سبحت للباري والجف بيه عطر طين الرحه
اندكت الباب ومشتله وذبل من المستحه
يدري هاي جذوعه تكسر ظلع من الفاتحه
من كبل فرض الظهر
عصروا صلاة العصر
و الكــســر شــفنــاه
فـــي ســبيـــل اللــه
🖤🍀🍀🖤🍀🍀🖤
كوثر الجنه تبده و عالارض ينزف دمه
طاحت الدنيه بكبرها يوم طاحت فاطمه
واكف البسمار يبجي ذبح آيه من السمه
شبگت المحسن بديها و الضلوع امهشمه
المحــسن شهـيد الالم
ضلعه و ضلعها انهشم
و انــكتــب بــدماه
فــي سـبيـــل اللــه
🖤🍀🍀🖤🍀🍀🖤
خاتم الزهره اعله جفها رماد صار اعله النقش
النار حركت ثوب الها و حركت استار العرش
انتجت عالحايط وكامت بس اديها ترتعش
فاطمة بالكوه تمشي واهي ابعمر اثمنطعش
طلعت وره حيدره
واضلوعها مكسـره
كــل دمـــع كــل آه
فــي سـبيـــل اللــه
🖤🍀🍀🖤🍀🍀🖤
عاشرت ليل البواجي وسكته مدمعها ايهلي
خاف تكسر گلب حيدر ونها لمن يعتلي
وعلي يگلها شلون صرتي يا بعد عمري وهلي
اتكله انه بخير دام بخير انته يا علي
والعدها مثلك وطن
اشتحتاج يابالحسن
و التحلمناه
فـي ســبـيــل اللـه
🖤🍀🍀🖤🍀🍀🖤
الدنيه ما وفت الحيدر لا تامن دنيتك
الصحبه مو كثره المواقف بيها ميز صحبتك
علي يگول البير استر يمه سولف غربتك
لا تعيش ابين وادم ما تقيم دمعتك
النكرت الزاد وملح
لا تبــين الها جـرح
و الخــانك انســاه
فــي سـبيـــل اللــه
🖤🍀🍀🖤🍀🍀🖤
ماتت الزهره بكسرها الكسر ما ينجبر
ابوجه بيه خمسة اصابع أثر باقي من السطر
بعين حمره ابمتن اسود نزلت بذاك الگبر
علي امشيب من هجرها ما مشيب من الكُبر
ظلع الزچيه انكسر
والعلي اتكسر ظهر
و حزنه قريناه
فــي سـبيـــل اللــه
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيده : نامت رقيه
اسم الشاعر : #عزيز_الفيصلي
اسم الرادود : #محمد_الجنامي
المناسبة : ليالي صفر
المكان : عزاء هيئة السبي - كربلاء المقدسه
خـرابـه و اظـلم انـهار البنــيه
و من تعب الدرب نامت رقيه
💙🥀🥀💙🥀🥀💙
كــعدن شــوط من الليــل ناحـن
وكل وحده ابكتر ياويلي طاحن
كــون الظــيم باجــر يستــراحن
باجر يوكفن بين آل اميه
حُســـيناً ... وَاحُســـيناً
💙🥀🥀💙🥀🥀💙
باجــر عســه باجــر لا يـجــيهن
اشكبرها وكفه المجـلس عليهـن
اگـبال اعيـونهن ينــطك ولــيهن
و تلعب حيزران ابن الدعيه
حُســـيناً ... وَاحُســـيناً
💙🥀🥀💙🥀🥀💙
عليهه اتهون ياهي من المصايب
جتــل وليــاها لو نــوم الخـرايب
و الــديوان و اعيــون الأجـانــب
وكل يوم اليسر وحده ابرزيه
حُســـيناً ... وَاحُســـيناً
💙🥀🥀💙🥀🥀💙
تجلب الليل زينب كـون و اتدور
ونوب اتصير عمه و نوب دكتور
تداوي چم جرح چم ظلع مكسور
وهاي تصيح متني وهاي اديه
حُســـيناً ... وَاحُســـيناً
💙🥀🥀💙🥀🥀💙
ابظل جنحانها الكل جمعتهن
و ابحظــن الــترابه نــومتهن
تلولي اعله الجروح المالمتهن
و تنطر ليلها ابونه الخفيه
حُســـيناً ... وَاحُســـيناً
💙🥀🥀💙🥀🥀💙
نــص اللــيل لــن طــفله ابغصنها
انكسر كلب السمه وفز اعله ونها
مـلح الگــاع جاس اجـروح اذنها
و تبجي الليل ونتها الشجيه
حُســـيناً ... وَاحُســـيناً
💙🥀🥀💙🥀🥀💙
تبـجي و بـجت عمــتها الالـمـها
وتناشدها اعله يا جرح اللجمها
اثاريــها الجــرح بايــك حلمهــا
اويلي وغدت تتلافت خطيه
حُســـيناً ... وَاحُســـيناً
💙🥀🥀💙🥀🥀💙
عله ابجاها غدت تبجي الخرابه
و تــهز الشــام لـو صـاحت يبابا
بيــويه اليــتم شــيهون مصـابه
حتى لو حلم بس مر عليه
حُســـيناً ... وَاحُســـيناً
💙🥀🥀💙🥀🥀💙
يبــويه لــو حـلم خـل ابـره ملكاك
تلفني ابحظنك و اغفه اعله يمناك
ريــت ابسفــرتك تـاخــذنـي ويـاك
اجاها و صارت الملكه المنيه
خــرابه و اظلـم انــهار البنيه
ومن تعبب الدرب نامت رقيه
حُســـيناً ... وَاحُســـيناً
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : من القبر
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة : ليالي الفاطية 1444
المكان : موكب عابس الشاكري - كولن - المانيا
🏴🏴🏴🏴🏴🏴🏴🏴🏴
من الگبر جيت واوصيچ بوصيه يزينب يزينب
كافي لا تبچين كل ليله عليه يزينب يزينب
..
بليله ظلمه اندگت الباب
واطلعت لن روح امي هذي عالباب
رحت اركض واشبگتها
والحچي للدمعه صار بملگه الاحباب
صحت يُمه انتهيت بوكت موتچ
شگد لطمت وبچيت اعله تابوتچ
صارت الدنيه سكته بعد صوتچ يالحنينه
ولن تگلي دمعتچ شمسويه بيه يزينب يزينب
كافي لا تبچين كل ليله عليه يزينب يزينب
..
يُمه زينب انتي تدرين
البشر من يموت روحه تظل عله الدار
ويالحبيبه ومن اجيكم
اسمع ونينچ عليه ليل ونهار
المغربيه تعلگين ضوه شموعي
وي دموعچ تره تنزل دموعي
شما بچيتي تفز كسرة ضلوعي
يالحنينه
عيني تبچيلچ نهر كل مغربيه يزينب يزينب
كافي لا تبچين كل ليله عليه يزينب يزينب
..
وآنه ميته بكلشي ادري
لحجرتي مهظومه اشوفنچ تطبين
عله فراشي شگد بچيتي
وتشبگين ثيابي كل ليله وتنامين
البيت وحشه وعله الغربه تحچيلي
يُمه حرموني منچ تگليلي
صعبه بس كافي يبنيتي تبچيلي
يالحنينه
هذا امر الله وعله امر الله شبديه يزينب يزينب
كافي لا تبچين كل ليله عليه يزينب يزينب
....
الله يدري شگد احبچ
ساعه وحده ما نسيتچ يالحبيبه
ازغيره بعدچ عالبواچي
قسمتچ مثل امچ تظلي غريبه
كُفّي نوحچ يبعد امچ الزهره
بخير اَنه وهذا محسن كبر عمره
ضلعي طاب وبعد طابت السطره
يالحنينه
بگبر واحد آنه والمحسن سويه يزينب يزينب
كافي لا تبچين كل ليله عليه يزينب يزينب
...
يُمه زينب كافي تبچين
الطف اجاچ ولاحگه هناكَ عله النوح
ضمي دمعج يم اخيّچ
واروي نحر حسين من تلگينه مذبوح
چني اشوفچ تركضيله محنيه
حسين ضامي و تدورين عله اميّه
وآنه اظل يَمه لو رحتي مسبيه يالحنينه
والبواچي تلوگ بس للغاضريه يزينب يزينب
كافي لا تبچين كل ليله عليه يزينب يزينب
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
قصيدة [ هاي عاده ]
اداء | محمد الجنامي
الشاعر | عزيز الفيصلي
رابط الفيديو 🔗🔗
https://youtu.be/XSYeIQwjHEc
المكان | العراق - كربلاء المقدسة
هيئة الامام محمد الجواد - حسينية الشكرجي
ملا حسن الصالحي مع محبينه في حسينية الكميل - كربلاء المقدسه
Читать полностью…
اسم القصيدة : ادخل يا محرم
اسم الشاعر : #مسلم_المانعي
اسم الرادود : #حسن_الصالحي
المناسبة : ليالي محرم الحرام ١٤٤٦ الهجري
المكان : حسينية المرحوم الحاج داود العاشور - ابي الخصيب
🏴🏴🏴🏴🏴🏴🏴🏴🏴
هل الهلال..لاتسأل عن الحال..عند الزهره مأتم
شارك مصاب..لاتوگف علی الباب..إدخل يامحرّم
□■□■□■□■□■□
اهلاً وسهلاً ياشهر
سيف ونحر نار ونهر
واحد يموت من اثنين
مابين نبله والطفل
ومابين چفین وحبل
ومابین یختار البین
منّا خيم ومنّا خيم
منّا سبط منّا صنم
وايتبعه جيش ابلا دين
ناوين باچر عالذبح
وزینب تردد للصبح
موّتني بس خلّي حسين
عشرة أيام.. وزينب تمشي للشام..مايبقه المخيّم
يصبح ارماد..لكن تبقه الأجساد.. والد وإبن والعم
□■□■□■□■□■□
الله من تطلع شمس
وانفاس زينب تنحبس
وسط الخيم چم قدّیس
وليله تصيح من القهر
والله ابني الاكبر ماكبر
وتلعن يزيد وابليس
علي شبيه المصطفى
وبالطف اذا نوره طفى
ماعوفه ياحادي العيس
ورمله تگول الله قسم
میفید نذر ولاقسم
للقاسم ابني العرّيس
كَسْرو الشموع..باچر کَسر الضلوع..منهو اضلوعه تسلم
ويلي ياويل..باچر تهجم الخيل.. منهو بینه یرحم
□■□■□■□■□■□
باچر نصد اعله النهر
وانشوف مخسوف الگمر
وماکو صلاة الآيات
وحسين تفجع نظرته
والخيل تسحگ رایته
وهناك تعله الرايات
طاحن عمودين وسكت
واثنينهن نفس الوكت
طاحن اگبال الشمّآت
اول عمود بهامته
وثاني عمود بخيمته
وماگال ابو فاضل مات
ظهره مكسور..محني بظهر عاشور..شايل جبل من هم
ويبچي يا ناس..راح من ايده عباس..وحگه یبچي من دم
□■□■□■□■□■□
لعنه اعله ذاك الّي شمَر
لو يدري وشسوّه الحجر
لاح بجبين العطشان
صرخن بناته من نزف
والصرخه وصلت للنجف
من كربله وچن آذان
اللهُ اکبر کبّرن
رد يابو الاكبر مادرن
بحسين وسط العدوان
سهم المثلث من يطب
گلبه وأخذ ثلث الگلب
آیا صریخ النسوان
وزينب اتطيح..توگف تبچي وتصيح..زينب واجري أعظم
حسين يحسين..يبن امي طحت وين..ناديتك تكلّم
□■□■□■□■□■□
صرخات زينب ترتفع
لحسين لوگطعو صبع
وعشرة أصابع عباس
ماتدري من يعله الرمح
والرمح جاي من الصبح
وحسین یبقه بلاراس
والخیل ترکض عالجسم
والمعرکه ماتنحسم
لا خیل ترحم لا ناس
هذا الحسين ابن النبي
راسه وبناته تنسبي
وبالخيل جسمه ينداس
قسم والله..ماننسه حسيناه..وخل الدنيه تعلم
ناخذ الثأر.. ويه المهدي أنصار..والمهدي تحزّم
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : باب الخير
اسم الشاعر : #كرار_حسين_الكربلائي
المناسبة : ليالي محرم الحرام ١٤٤٦
المكان : حسنية و موكب ام الحسن - الفاو
🏴🏴🏴🏴🏴🏴🏴🏴
باب الخـير للنــاس هالــشهـريـن
سـر الگاع خطوات درب احسين
للــــزوار خــــدام مشـــتاقــيـــن
اللهـم ارزقنا الخـدمه ابهذا العام
□■□■□■□■□■□
تستاهل كلشي .. افرشلك رمشي .. اتعبلك وامشي
ويمــك ارتــاح
يالتسأل عنه .. ما ينمل منه .. و الباب الجنه
هـــو المــفتـاح
شغل عقـلي جـمالك .. أخذ گلبي حلالك
همت كلي ابوصالك .. احــبــك حـبيــبي
كلــت للناس احبـك .. احن من امي گلبك
اضيع ولـمني دربك .. خـدمتــك نصــيبي
انـت اويـاي للكــون ما احـتاج
الخادم بيك سلطان لابس تاج
كلمـن زار احــسين يرجع حاج
الثواب الاسود عند الخادم ثوب احرام
□■□■□■□■□■□
كل عام انتاني .. للعام الثاني .. الزوار اخواني
يجمعنه احسين
ابخطوات الزاير .. نتبرك باجر .. اشما يطلب حاضر
ترخصـله العـين
الك خدمتنه واجب .. نصبنالك مواكب
نسويــلك عجــايب .. تــــدلل علــينـــه
خدم حضرة جنابك .. يمن فدوه الترابك
هـــلابك يا هــلابك .. نــاشــــر بــديـــــنه
عدنه ابيوت و اكلوب مفتوحات
ايبــات الــخير ويــاك مــن تـبات
انحطهن تاج عالراس هالخطوات
الزاير مو بالموكب كون ابعيني اينام
□■□■□■□■□■□
عشك الخدمه .. منطينك كلمه .. يا باب الرحمه
الينـطينه امراد
جم عابس خادم .. مجنون وهايم .. حيرت الوادم
يابــو الــسجاد
زلــم عــندك عجــيـبه .. مواقفهم رهيبه
الحسين انطانه هيبه .. و وجاهه جبيره
خــدمنــاك و كــبرنـه .. ربحنه وما خسرنه
الــك فــدوه عمــرنه .. يـشـيـخ العـشـيره
بدرب الموت للموت نبقه اوياه
ربـع حسيـن و حسيـن ما بعناه
يــا زهــراء و الله مــا ننــســـاه
خدام حسين و نتباها اتظل خدام
□■□■□■□■□■□
درب المشايه .. رايه بصف رايه .. من كل اولايه
زايـركـم جـاي
للعالم قـدوه .. ثورتهـم خطـوه .. جمعتهم قوه
ابـدربك مــولاي
اجـينه ابأربعينــه .. إلـه كلـمه حجــينه
تظــل قائـد علينه .. حسين قائد الكون
عهدنه ابدم نكتبه .. أبــو اليـــمه نحـبه
خدم منطينه رتبه .. امــير اليــخدمـون
مخــلوقيـن لحـسين مـو للغير
واحنه بخير مادام هوه ابخير
زاير جاي شفنــاه حـتى الطـير
ادموعي اتواسي ادموع الردت من الشام
□■□■□■□■□■□
امشي وما تندم .. بس بحسين اهتم .. بيهم لا تهتم
بـطــرانه الــنــاس
الرايد يتفلسف .. باجر يتحسف .. ما خايف من جف
سطـــره عــبــاس
مشي سكت حجيهم .. مشي غصباً عليهم
مشـي شعلـينه بيهم .. مــشيـــنه قـضــيـه
عشـكناه مـو حـداثه .. عشـــكناه بالوراثـه
غداً مالــه استغاثــه .. عــــدو الــزجـــيـــه
عقلك وين مبيـوع احجـي اوياي
كـلي اشبيك مغثوث مـن ممـشاي
بس احسين عالناس صاحب رأي
حجيك هذا و تصريحاتك حرك اخيام
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
#محمد_الجنامي
#حسن_الصالحي