315
1-نشر القصائد لجميع المناسبات وتلحينها. 2-نشر ما يتعلق بالمقامات الصوتيه. 3-نشر اعمال الرادود فارس المرياني. https://t.me/almreaniy93
برعاية مكتب ممثلية المرجعية الدينية العليا في مدينة الزبير
تدعوكم رابطة الحشد الطلابي الشبابي الثقافي لحضور الحفل التأبيني بذكرى وفاة السيدة العظيمة زينب سلام الله عليها تزامنا مع مهرجانها السنوي بالذكرى السنوية السادسة لأستشهاد قادة النصر
(الحلقة الرابعة حول المقامات الصوتية)
____
●مفتاح مقام البيات عن طريق [الآهات]
●حاول تقرأ بالآهات كثيرا حتى يصير عندك اذن موسيقية .
للأستفسار👈@ALMaryani93
للاشتراك في القناة ومتابعة الحلقات👇/channel/fares_almolah👇للأشتراك
((الحلقة الثانية حول المقامات الصوتية))
____
●[كيف اتعلم المقامات الصوتية]
●حلقة مهمة جدا👆
•للأستفسار👈@ALMaryani93
•للأشتراك في القناة ومتابعة الحلقات👎/channel/fares_almolah
((وصيت الدفان))
------------------------------------------------------------
كلمات:علاء الزيدي
اداء:فارس المرياني
اللحن من مقام ((الكرد))
للأستفسار👈@ALMaryani93
الحان وقصائد جميلة للأشتراك 👇/channel/fares_almolah
ثلاث دكات((مشكورة يازهراء))
----------------
كلمات:حاتم صبري الكاظمي
اداء:فارس المرياني
اللحن من مقام[(([السيكاه]))]
للأستفسار 👈@ALMaryani93
للأشتراك والفائدة بالقناة👇/channel/fares_almolah
عاجل أمن الطف صدر
°°°°°°°°°°°°
كلمات :سيد علي عبد الزهرة الناجي
الحان:فارس المرياني
اللحن من مقام((السيكاه))
للأستفسار👈 @ALMaryani93
يا سلام الله على أم البنين
""""""""""
كلمات: شيخ حيدر الحميداي
الحان واداء:فارس المرياني
اللحن من مقام (العجم)
للأستفسار👈@ALMaryani93
فاطمة أتوصي علي
وعلي كال ادللي
""""""""""""""
كلمات:شيخ حيدر الحميداوي
اداء والحان:فارس المرياني
اللحن من مقام(البيات)
للأستفسار👈 @ALMaryani93
(ياملك الموت)
"""""""""""
كلمات:سيد خضر الزاملي
الحان واداء:فارس المرياني
اللحن من مقام(الصبا)
للأستفسار👈@ALMaryani93
(مرجع الخدمة)
•••••••••••
كلمات:سيد خضر الزاملي
الحان واداء:فارس المرياني
للفائدة👈مستهل القصيدة من مقام (النهاوند)
نص القصيدة من مقام (الكرد)
للأستفسار👈@ALMaryani93
ما عرفتج
●●●●●●
كلمات:سيد خضر الزاملي
اداء والحان:فارس المرياني
للفائدة 👌اللحن من ثلاث مقامات
المستهل من مقام (النهاوند)
النص من مقام (اللامي) وبيه (نهاوند) ايضا
التحويله من مقام(الصبا)
للأستفسار 👈@ALMaryani93
أول بالاخلاص
●●●●●●●●
كلمات:سيد خضر الزاملي
أداء:فارس المرياني
اللحن من مقام(الراست)
@ALMaryani93👈للأستفسار
/بوابة الدعاء/
.............
كلمات:سيد خضر الزاملي✍️
اداء:فارس المرياني
اللحن من مقام( البيات)
@ALMaryani93 للأستفسار
يم علي رايدكم دفنوني
...............
كلمات:تحسين الخفاجي✍️
اداء:فارس المرياني
اللحن من مقام (المخالف)
@mousoy
نار شبت بالدار......يا فاطمة
............
كلمات: فاخر الشبيبي✍️
اداء:فارس المرياني
@mousoy
(الحلقة الخامسة حول المقامات الصوتية)
___
●مفتاح مقام البيات عند طريق مستهل تراثي مشهور (عالمشرعة العباس___صاب السهم عينة)
للأستفسار👈@ALMaryani93
للاشتراك في القناة متابعة الحلقات👇/channel/fares_almolah
((الحلقة الثالثة حول المقامات الصوتية))
______
1_مقام البيات: هو مقام شرقي صرف،مقام سهل وممتاز بالخشوع والرهبانية ويسمى بأم المقامات لكثرة فروعه المعروفة، وهو ذات نكهة عربيه عامه وعراقية خاصة•
•للأستفسار 👈@ALMaryani93
•للاشتراك في القناة 👇/channel/fares_almolah
((الحلقة الاولى حول المقامات الصوتية))
________
●[كيف اتعلم المقامات الصوتية]
●حلقة مهمة جدا👆
•للأستفسار👈@ALMaryani93
•للأشتراك في القناة ومتابعة الحلقات👎/channel/fares_almolah
وصيت الدفان ... عن هذا الموضوع
يقرالي اعله حسين ... بيه هواي دموع
مجلس عالعطشان // من اتهيل التربان
/////////////////////////////////
انه ام البنين الهاجت اوجاعي
اودي الكربله امنيتي بشر ساعي
يهل الطف اگعدو استقبلوا الناعي
بواچي امكم عليكم حانيه اظلاعي
تابوت امكم ضال ...فوگه الوحشه ادور
والماعنده اچفوف ....لا يحضر معذور
خل يقرا القرآن // من اتهيل التربان
/////////////////////////////////
گبلي للگبر تنزل ردت دمعه
على الحافر يجيبه وحافر يرجعه
گالولي يون ومحد يسمعه
كل ما گام لخته واحد يدفعه
ماخذ فكري احسين...بالطف مدري شصار
المن الحافر مات...يرموه ليش احجار
تارس گلبي احزان// من اتهيل التربان
/////////////////////////////////
اعله گبري ما يرش الماي اريدنه
لأن حسين مات وما شرب منه
امن المتانيته يحضر اگطع الضنه
والمگطوع راسه ما يجي چنه
يادفاني ارجوك...لترش گبري بماي
فشله من المذبوح...لضل بلايه فياي
گبري بلا عنوان// من اتهيل التربان
/////////////////////////////////
انه عندي يقين بهاي مو فطره
بكل مجلس حسيني تحضر الزهره
ردت عباس قصيده على الگبر يقره
ومجلس ياحلاته وزينب تحضره
هنا حيل ارتاح ...وينزل دمع العين
من يقرا العباس ...مجلس عن حسين
ولطمه بلا ذرعان// من اتهيل التربان
/////////////////////////////////
انه المنتظره غالي خلصت عمري
مثل ظهره على اخيه منكسر ظهري
اموت الليله ما معقوله ما يدري
امنيتي اگباله كون بكربله گبري
والفارگله اعزاز ... گبله من يموتون
امنيته بكل يوم ... لو يمهم مدفون
حلمي هذا الچان// من اتهيل التربان
/////////////////////////////////
تمت ____ علاء الزيـــدي
مشـكـوره يا زهـرا ... لضلعچ بچيـنه
بالخدمه نظره نريد ... و تــوفـقــيـنـه
___
دمعة گـلب يا ريت ... مو دمـعـة العين
نبچي و لا نـوفيـچ ... كل هـاي السنين
وفـقينه نلـطم ليچ ... يــا أم الحـسـين
قصـرنه نِـتــرجــاچ ... أنْ تِـعــذرينــه
___
هاي المجالس دوم ... محسوبه نعـمه
المو زلمه بيها صـار ... يالزهــره زلمـه
حتماً عليها الـ مات ... الله يـــرحــمـه
باچر تِطفـي النـار ... لطـمة يـميــنه
__
كلها قصور وياج... عذريها الاحباب
لا ما وفـيــنــه ويــاچ ... من عصــرة البـاب
يالزهره نظــره نــريد ... من عين ابـو تراب
خير الله من عيــناه ... يمـطـر علـينــه
__
خيمه عله الخدام ... يا بـيـت الأحـزان
مدرسه اليدخِل بيه ... يتخَـرَّج انـسان
اليكنِس عزائچ صار ... يالزهره سلطان
شما نِنصه بين الناس ... باچر عِـلينه
_
انطيتينه هالتوفيق ... أوضح عـلامات
نبچي عليچ و صار ... بثـلـث روايـــات
شبسـرعه هالايــام ... خلصت حرامات
شما ننتهي ويـاچ ... يعــني بديــنـه
__
مثل الرحىٰ الايام ... لو ظـلــت اتــدور
ما تنشَف الدمعات ... يا فاطــمه اتفور
من هسه متحضرين ... جايينه عاشور
هاي الحرارة تزيد ... ما تطفه بيـنه
الشاعر حاتم صبري الكاظمي
عاجل امن الطف صدر
اكتاب بسم ام الـــگمر
يحمل اشواگ وتحيات ومضامين
شُكراً وتَقدير الـچ يا أُم الـ ابــنين
..................................
الليله اجه امن الطف كتاب وجابه فارس
امعمم اعله اهل المواكب والـــــــمجالس
محتواه واضح مثل لون الـــــــــــنوارس
شُكراً امن احسين للـــــــــــ ربت أشاوس
شُكراً الــــ من كربله
تسوه كون ابــــأكمله
وياها بوسة راس الچ يلـ تستحقين
شُكراً وتَقدير الــــــــچ يا أُم البــنين
..................................
يَـــم البْـــــنين امنَريد اوصف عطائِـــچ
نجمه احس روحي واضيع ابنص سمائـچ
الكتبو التاريخ من وصلو وفــــائـچ
ذبّو الأقــــلام والتمسو دُعائـــــــچ
گــالو : ام الاربعه
رحمة الله الواسعه
يا أصيله وما يصح من عندچ اثنين
شُكراً وتَقدير الچ يا أُم البْـــــــــنين
..................................
اي وحگّــچ كل وَصف عنّچ اگــــــــوله
بي احس تقصير يا بنت الــــــــــحَموله
اي نعم مرأه لَـــــــچِـن كـلّـچ رُجــــــوله
ومنّـچ الـــــــعباس ماخذها الـــــبُطوله
ربنه صاغچ جوهره
واصطفاچ لحيدره
علـــــ بُطولات ابـــــــولد حيدر تربّين
شُكراً وتَقدير الچ يا أُم البْــــــــنين
..................................
بالــــقُـصَصْ تابعنا التفارگ بنيـــــــــها
توگع ارموش الجفن من گد بَچيـــــها
وانتي فارگتي ٤ ونسمع نَعيـــــــــها
بس على احسين وعلى الحره وسبيها
ليلچ ايخلص قهر
علسبيه وعلـ نحر
يبني آ يحسين ومصــــــابه تونّين
شُكراً وتَقدير الچ يا أُم البْـــــــنين
..................................
من زغر علمتي عباس واخــــــــــــــوته
الموته لجل احسين لو ما تسوه موته
يبني صوتك ما ردت يعله اعله صوته
وبالكلام اتطيعه واتطيعه ابــــــسكوته
يبني ما دامك عدل
خويه لا اتگله وتزل
الله خالقنه عبيد الهُم توصــــــــــين
شُكراً وتَقدير الچ يا أُم البْــــــــنين
..................................
ربنه من فاضل تراب الزهره سـواچ
والاسم نفس الإسم يا فاطمه انطاچ
للــــــــبشر باب الحوائج رحمه خلاچ
انتي يلــــــــ ما صاير العبّاس لولاچ
قمه صرتي اعله القمم
وابنـــــچ النار ابـــ علم
بالــــمهد بـــــسم العقيله اعليه تلولين
شُكراً وتَقدير الچ يا أُم البْــــــنين
..................................
من طلع عباس گلتي ابــــــ أبتسامه
يبني روح ولا ترد لـَــيّه ابــــسلامه
اچفوفك التوگع للـــــحسين وخيامه
فاطمه الترفعهن ابيوم الــــــــــقيامه
وبــــوگعتك يلـ گمر
تفدي محزوز النحر
مو على الكافل على احسينچ تخافـین
شُكراً وتَقدير الچ يا أُم البْــــــــنين
..................................
سيد علي عبدالزهره الناجي
يــاسـلام الله عـلـى ام البنين
يــاسـلام الله عـلـى ام البنين
______
مدرسه شيعية معروفه بولاها
ولن زعيم الشيعة هو تزوجاها
بهاي يكفيها فخر حيدر خذاها
خلفت اربع كواكب يا سماها
مو هوى جانت تشم عطر الحسين
يــاسـلام الله عـلـى ام البنين
____
علي من اختارها اختاراها ربها
ومو بعيده المصطفى هو الخطبها
نزل جايب من عدن نخله برطبها
كلها هزيها تُساقِط -عِز - عربها
هزي جذع الدنيه يافخر السنين
يــاسـلام الله عـلـى ام البنين
_______
كل تفاسير وشرح ماعدنه بيها
بالله شنفسر مرة عيون لعليها
موش للشوف النظر بس لبجيها
هي يعقوب وحسين الله نبيها
الحنينه الله رزقها بالحنين
يــاسـلام الله عـلـى ام البنين
______
جان لو طب الحرب ذاك الصميدة
الها يـقرا الفاتحـة وينزل رعيده
يكوم يذبح بالزلم ياخفت ايده
لم ابو فاضل نيابه الطك يعيده
علي جان يكلها قراني المبين
يــاسـلام الله عـلـى ام البنين
_____
مرة مو حبله بولد حبله بعجايب
خلفت للمرتضى زلم الحرايب
عدهم احلى من الشهد طعم النوايب
كمر جابتله شذخن ذيج الحواجب
ما يلزمه اكماط من هو جنين
يــاسـلام الله عـلـى ام البنين
_____
جابت لزينب كمر طوله مناره
وعلى زينب كل مسه يقرا الزيارة
يضحي الها عيون من دون استخاره
يوكف لزينب شمع يضوي بسماره
بين زينب والكمر ديرة ونين
يــاسـلام الله عـلـى ام البنين
_______
🖊️#_الشيخ_حيدر_الحميداوي
فاطمة توصي علي
وعـلـي كـال ادللي
ببو فاضل كحل عيون السنين
انا من الله خطبت أم الـبـنـين
___1
علي توضه من الدمع
من اللطم كاسر ضلع
للموادع مـا يحب
علي جن طبع الشمع
هي جي ساعة سفر
كلمن يوادع حضر
العزاز توادعوا
والدمع يطفح بحر
الله شمصيبه - محبوب وحبيبه
علي مات يهل ناس الف مره وعدل
للوداع. نوه وطاح. رغم حيله جبل
الگلبه أترف من ورد
بـالمـوادع يـنمـرد
الحنينه كاعده توصي الحنين
انا من الله خطبت آم الـبـنـين
___2
گعد عدها يستمع
للوصيه ومفتجع
ياعلي حان الوعد
بدارنه ما ننجمع
وداعة الله ياهلي
تِضل وحدك ياعلي
جتافك يشيل النعش
ومدمعك دم ايهلي
إنت اعله السعاده - وانا اعله الشهاده
يبو حسين. اوصيك. وصايا مودعه
زلم حوك. علي جيب. تسد المشرعه
إنت محصولك شهم
لـزينب يـلــوح النجم
هو محصول العرش ذكرٌ مبين
انا من الله خطبت آم الـبـنـين
___3
ياعلي وحامي الحمه
إخطبتلك فاطمه
يعني نساب العرب
انا دليته السمه
لو خطب بنت المجد
ام الاقمار الولد
المهر مجلس بجي
مو. فـقـط يـقرا الحمد
خل يقرا شمصيبه - زينب ياغريبه
على البيت. تجي بخير. تخلفلك كمر
تربيه. تسميه. كفيل ام الفخر
بس اله تلوگ الريّش
حسبه كبل الطف غبش
امه دوم توصي يرخصها الادين
انا من الله خطبت آم الـبـنـين
___4
علي فصله علم
ودرسه درس الخيم
وزينب تهز مهده دوم
دللو والي الحرم
ردت من رب البشر
علي يفرحني بكمر
هايه تعوذيه ودعاء
من العمد ومن النهر
خلينه نتشارك - بهل وجه المبارك
العلي راد. يكرار. يعوضك محسنك
كمر نور. لضى يفور. يشابه معدنك
بالسلم أترف بشر
يطيبه لو جرحك نهر
يلين باللين بشددهن مــايلين
انا من الله خطبت آم الـبـنـين
___
علي قَبِل جبهته
واكرم امه الجابته
امه غير ام البنين
بعالم الذر حزمته
كله زينب لا تعوف
تخضر جناح الجفوف
ويه جعفر بالجنان
والملك حولك تطوف
أمنته اعله زينب - والخدر المــرتـب
خدر نور الك صار تكفله بشاربك
هوى وماي يعباس تصير لزينبك
الله من سابع سمه
قد هداك لفاطمه
ياغضنفر موت ويعيش العرين
انا من الله خطبت آم الـبـنـين
___
🖊️#_الشيخ_حيدر_الحميداوي
(#ياملك_الموت)
لسان حال السيده ام البنين ع مع ملك الموت
… ……………………………………………………
ميته انا ومن ذيج الساعه من جاني الصوت
گبلك بشر الماخذ روحي ياملك الموت
وگفت ريه و غمضت عين
من خبّّرني ابموت حسين
يا ملك الموت
… ……………………………………………………..
اولادي عدهم بالسره . بس انا ابد ما اسمعه
كتله اعبر اسماء الوِلِد . سولفلي ببن البضعه
گالالي الحسين انذبح . والراس رمح ايرفعه
من عشره منقوص العدد . بجفوفه ظلن تسعه
أول ما طلعت من عنده كلمة مذبوح
باللحظه وطلعت وياها من عندي الروح
ماتن جفين و رجلين
من خبَّرني ابموت حسين
يا ملك الموت
… …………………………………………………… ..
گالالي أذاه العطش . مات اعل حسرة گطره
وظليت اذا اشرب عذب . بلساني يلسع جمره
الماي لا لون وطعم . بس عندي غير الفكره
اللون احمر و الطعم . كل كطره حنظل مره
كل طاسة ماي انظر صوره مرسوم اشفاه
صحره و متفطره ومر بيها چم آه و آه
عطشانه و جن امن اسنين
من خبَّرني ابموت حسين
يا ملك الموت
… …………………………………………………..
گالالي جسم ابن ام حسن . اعليه الحوافر سحگت
حسيتها الزرگه انزلت . فوگ اعل صدري انطبگت
گال الضلوع امن السحگ . وي الاعظام انشبگت
آذاني سمعت هالخبر . شهگات ميت شهگت
مو دمعه و نهران امن الدم بعيوني تسيل
من گال الحافر چم وذره من گلبه ايشيل
واكف نبضي لهذا الحين
من خبَّرني ابموت حسين
يا ملك الموت
……………………………………………………………
خبِّرني بالطف الرمل . چانون جمر و يلهب
وعريان فوگه ابن النبي . منه القميص اتسلب
ظليت كل يوم اليمر . الزم اهدومه وانحب
ابخاجيته و شمحلاه يجي . ايصابحنه انا و زينب
بعمامه الخضره شمحلاته لو طب البيت
بعد اثمن ابيوت احسيني لعطرك شميت
ابخدك وردات امذبلين
من خبِّرني ابموت حسين
يا ملك الموت
… ……………………………………………………….
گالالي صدّي الـ هالشمس . و حضري يحره المدمع
نايم حدرها ابلا دفن . ايام ببنج تلسع
ظليت اگعد بالشمس . بلكي ابلهبها اتوجّع
ما طب غرفتي وبالمسه . كون الشمس هم تطلع
اعل اوساده واغفه انا ابليلي هيهات اتكون
واثلث ايام ابن الزهره ظل ما مدفون
ميته وريت ابلا تجفين
من خبَّرني ابموت حسين
يا ملك الموت
… ……………………………………………………….
يا ملك موتي و چن وصل . عمري اعل فوگ الميه
من شفت زينب و اوچبت . رأسن گلت مو هي
امحنبه الظهر عود اصبحت . تلزم متن محنيه
گالتي فريت المدن . وگطف الحجار اعليه
شنو الاثار ابچفينچ گالتي احبال
يمه وچنهن سيل الجاري ويحفر برمال
مو موت و صار موتين
من خبَّرني بموت حسين
يا ملك الموت
… ……………………………………………………
✍️ ( سيد خضر الزاملي )
( مرجع الخدمه ) ميمر
…………………………………………………………
بربع وِلد •• سوّت مجد
حوزة عشگ •• لليعتقد
مرجع خِدامه ام عباس •• واعل الخدم تقليده
…………………………………………………………
الاعلميه انثبتت من الزهره
لم البنين اشهدوا اهل الخبره
حيدر يگلها انت بصفاتج دره
حسين وحسن سمّوها امنه الحره
مو شي سهل •• اهل الفضل
بيها امدحوا •• قول و فعل
منهجها (في حب حسين)•• واعل ام حسن تسديده
…………………………………………………………
طبعت رساله وبيها ميت فتوه
اولها بخلاقك تصير القدوه
ياخادم وعوف الانا الماتسوه
لتسوي من جرح الهواشم علوه
لتذب ملح •• فوگ الجرح
همك دمع •• موش المدح
و اليهم بالجاه وصيت •• حارگله خيمه ابأيده
…………………………………………………………
اسم الشخص ذات وفخر معروفه
قمة جبل فوگ الغيوم يشوفه
مو سهله و بساعة زمان ايعوفه
سوّتها ام الگطّعوها اچفوفه
ام الزلـم •• و الله ونعم
لجل ام حسن •• عافت اسم
مادامه يجرح بحسين •• هذا الاسم ماريده
…………………………………………………………
موكب الاول هي المأسسته
طول السنه جادر حزن ناصبته
وانجان فاطم ميته ماحاضرته
لا ما تطيح و للحشر فاتحته
هذا العهد •• بيكم صُمد
احزن اذا •• يضعف احد
صيروا ابصلابه عباس •• الحوم بخزرته ايصيده
…………………………………………………………
الام بحر من العواطف مُيه
لو صاح ابنها الاه ماتت هيه
بس العجيب السوّته البدويه
لبن الشريجه امحزمه وملتهيه
حذلم دره •• ابهاي المره
و الاربعه •• اعليهم قره
كالتله سولف بحسين •• ذكر الوِلد لتعيده
…………………………………………………………
شيخة المجلس عالكرم معتاده
تكول الخدم بحسابي كلهم ساده
انا اعتني الخادم واجيب مراده
اتعرفوني ما انطي ابنقص بزياده
عطر الخدم •• من الخيم
ولدي ومثل •• راعي العلم
انا الحفرتلهم ساس •• بيهم كمل تشييده
…………………………………………………………
✍️ ( سيد خضر الزاملي )
((#ماعرفتج))
كذلك السيده زينب ع لم تعرف أم البنين ع فقد تغير شكلها بسبب فراقها للحسين ع
……………………………………………………………
ماعرفتيني ييمه و ما عرفتج
كالخيال امحدبه يا يمه ابمشيتج
الغيرتني انا المصايب . وانتي لفراگ الحبايب
ما عرفتج .. ما عرفتج
……………………………………………………………
خيال و لابس اعبايه . ييمه اهوايه متغيره
چن يذبح ابعينج سيف . تنزل دمعتج حمره
كل كلمه التگوليها . وياها الـ آه والحسره
شگد چنتي قويه و مشيتج حلوه
وهسه ابعصّه تتوچين بالگوه
افراگ ابن الزجيه ابحالج اشسوه
ادري من يوم الطلعنه امن المدينه
ويانه طلعت روحج اترفرف علينه
روح بس الجسد غايب . وانتي لفراگ الحبايب
ما عرفتج .. ما عرفتج
……………………………………………………………
من يوم الدخلتي الدار . وانتي حسين كل همچ
و لأن ينجرح لو سمعاه . عفتي الخاطره اسمج
طبيعي و هيجي تتغيرين . لأن حسين مو يمج
مثلنه حسين هم اختلفت اوصافه
من العطش يمه امفطّره اشفافه
راسه اعل الرمح ماظل على أجتافه
يمه عل التله و تمنيتج أجيتي
وياج طاسة ماي ولحسينج رويتي
گلبه من العطش ذايب . وانتي لفراگ الحبايب
ما عرفتج .. ما عرفتج
……………………………………………………………
هيج افراگ اثر بيج . وعندج أمل أن يرجع
يمه شلون لو شفتيه . ابرگبته الشمر ظل يگطع
ثجيل الحافر امن ايدوس . چم وذرة لحم يشلع
أچفوفه الي على راسج يخليها
يوگف نبض گلبج لو تشوفيها
اصابع تسعه مو عشره البگن بيها
يمه وتذكرين خاچيته شحلاها
على اهدومه الجيش هم رد سلّباها
صار فرهود الكتايب . وانتي لفراگ الحبايب
ما عرفتج .. ما عرفتج
……………………………………………………………
حگّج هيجي حالج صار . وحشه الدار مطفيه
محد سيّر و دگ وباب . لا سيد و علويه
سلف مابي عمامه تنور . لا من خضره جفيه
گبل السيف اهلنه العطش ذابحهم
بحيث اتچوّت التربان من دمهم
الحادي ابلا رحم مررنه من يمهم
شافني اتلفّت الحادي و ايدي عالراس
گال موش اهنانه يم النهر عباس
بعده توليج النوايب . وانتي لفراگ الحبايب
ما عرفتج .. ما عرفتج
……………………………………………………………
تمنيتج ييمه اوياي . من صار الركض بالبر
وتكليلي بحنان الصوت . يمه اصمله من اعثر
ومن گمت الصلاة الليل . من اجلوس ما أكدر
تمنيتج ابليل اهدعش و بضيمه
مثل ابنج وگفتج تعتبر خيمه
المحنّه البيچ چني ابقصر مو هيمه
انا متأكده لون بالطف حضرتي
جان بمتونج متن زينب حميتي
بالسبي شفت العجايب . وانت لفراگ الحبايب
ما عرفتچ .. ما عرفتچ
……………………………………………………………
اويانه السفر ما رحتي . وانا السبب فاهمته
خافن ينشغل عباس . بيج و مايهم بخته
يمكن مو حليب ابنج . وفه و اخلاص راضعته
مثل ماي ابصحن يايمه داراني
ابوسط ريشاته فوگ بعرش شالاني
واخير احجايه غدراً خويه صاحاني
بسهم عينه اعل الرمل كاتب رساله
گلي لمي ابنج تره صان الكفاله
والعمود الراسه صايب . وانتي لفراگ الحبايب
ما عرفتج .. ما عرفتج
……………………………………………………………
✍️ ( سيد خضر الزاملي )
(( #أول_بالأخلاص ))
…………………………………………………………
نحجيها بحساس .. لا ما نجامل
اول بالاخلاص .. ام ابو فاضل
………………………………………………………
هالمواكب دوله عظمه تربح وما افلست
أم ابو فاضل رئيسه و بجداره اتريست
الفضل يرجع كله الها ابكل شعيره اتمارست
تره اول موكب الها برض يثرب أسست
للوفه دستور .. بحر الفضائل
اول بالاخلاص .. ام ابو فاضل
……………………………………………………………
الذي يسن سُنه حُسنى أله يمتد الاجر
وهي اعظم سُنّه سنت خالده اليوم الحشر
العين مو بس ماي تدمع عدها كون اتصب جمر
واللطم تعتبره فاهي لوَن ما يخسف صدر
المو عدها تلميذ .. بالخدمه جاهل
اول بالاخلاص .. ام ابو فاضل
……………………………………………………………
للعزاء دستور كتبت واليخالف ينطرد
امن القرايه ما يمنعك كون لا حر و برد
دربك ولو شوچ كله تشوفه بعيونك ورد
ماكو القاب و أسامي انتَ بالمجلس عبد
اليتكبر اهنا .. ما يعله نازل
اول بالاخلاص .. ام ابو فاضل
…………………………………………………………
تريد كل واحد مثلها كون خادم من صدگ
كون لجل اخيام زينب دوم گلبك محترگ
تلطم ابصدرك واذكر صدره ذاك المنسحگ
من كثر ثگل الحوافر عالظهر ظل منطبگ
عل مشت للشام .. فوگ الهزايل
واحد بالاخلاص .. ام ابو فاضل
……………………………………………………………
الحزن بستمرار عدها امس و اليوم وغدن
لوَن ما مكروه طلبت اسود يكون الچفن
تكفر ابنعمة عيونك لوَن للطف ما بچن
تشهد ايدك بالقيامه لطمت اعل ابن ام حسن
رتبة الخدام .. عالمتن شايل
اول بالاخلاص .. ام ابو فاضل
……………………………………………………………
هي امنه شگد حنينه و عادله ابنفس الوقت
ابد ما چنها تعرفك لوَن متكبر صرت
وذا تتواضع تحسبك ماي للاكبر جبت
ولو ترائي اتگلك انت ابسبي زينب شاركت
واليحچي وجهين .. للطفل چاتل
اول بالاخلاص .. أم ابو فاضل
……………………………………………………………
هل المره صارت عظيمه منها خل ناخذ وعي
باب تگظي الحاجه فوراً بيها كلمن يندعي
خطوه عالخطوه يخادم الها اصبح تابعي
بالخدامه آية الله هي صارت مرجعي
القلدها ربحان .. عالجنه حاصل
اول بالاخلاص .. ام ابو فاضل
…………………………………………………………
✍️ ( سيد خضر الزاملي )
((#بوابة_الدعاء )) أم البنين
……………………………………………………………
بوابةُ الدعاء .. سلطانةٌ السخاء
نهرٌ من السماء .. يجري بهِ العطاء
……………………………………………………………
بالدنيه لحسين اخدمت . خلص عمرها ابطوله
وبالجنه هم عدها عمل . بشيعة علي مشغوله
واتگله يارب هالخدم . كلش احبهم ذوله
حاجاتهم لو تنعجد . بيدي ابعجل محلوله
من يبكي للحُسين .. يطلبُني بَدين
فاليرفعُ اليدين .. و ليدعو ما يشاء
……………………………………………………………
معتبره كل شيعي وفي . مثل الگمر و أخوانه
ياخذ امراده وينسعد . و ما حاچي بعده السانه
ببيوتنه تنزل ستر . انام و تظل سهرانه
وبالمجلس اتگوّي الخدم . اتشد اللطم ويانه
و نوحُها يطول .. تساعدُ البتول
من نحرِهِ الخيول .. في رجلِها دماء
……………………………………………………………
ادعيها بس قبل الطلب . حلفها بسم الزهره
مو حاجه تكضيلك الف . وترد تچملك عشره
ولو الها تقره الفاتحه . لمن تروح ابسفره
لو چان صحراء الدرب . ينگلب واحه الخضره
تغدو لكَ الرفيق .. في ظلمةِ الطريق
يعطّرُ الشهيق .. فأسمُها نقاء
……………………………………………………………
( أليه الوسيله فأبتغوا ) . القران آمر بيها
ما نوصل الـ الله گبل . الا لمن ندعيها
كلش حنينه و بالدعا . چن امنه و نحاچيها
تفرح اذا ندعي و كإن . عباس طب اعليها
في قلبِها الزهور .. يفوحُ بالعطور
بدرٌ لنا ينور. .. بالحبِ و الوفاء
……………………………………………………………
اتصوّر مره بيوم العرس . تدخل امهبطه الهامه
تعلنها مو أم بيت أنه . لولدك علي خدامه
مو حچي ايشرلي الحسن . ابلمح البصر جِدّامه
وحسين اذا صاح الگلب . يركض يقبل أجدامه
لإبنةِ الأمير .. كفضةٍ أصير
ليسَ لها نضير .. سترُ الى النساء
……………………………………………………………
تنطي اربعه وشوف العجب .من العدد مستحيه
لحسين تتمنه انجبت . مثل ابو فاضل ميه
و بهذا ابد لا ما اكتفت . رادت تچمل أشويه
وي زينب ابنفس الحبل . وفوگ الهزل مسبيه
كزينبٍ تكون .. سوطٌ على المتون
خرابةٌ بدون .. ظلٌ و لا غطاء
……………………………………………………………
✍️ ( سيد خضر الزاملي )
من اموت وكلكم اتشيعوني
يم علي رايدكم دفنوني
**
بالكبر لا مال ينفع لا ولد
وغير حب حسين ما عندي بعد
انه اعرفه حسين يحضر بالشدد
ويم ابو السجاد ادير عيوني
**
من ينزلوني يناس بحفرتي
وبالكبر تدرون حيره حيرتي
بس ابو السجاد يمسح دمعتي
حسين باجر ما يخيب ضنوني
****
لو سالني منكبر وبيده السجل
وعدد ذنوبي ودمع عيني يهل
غير خادم شرد اكول امن انسال
وادري بهل البيت ما ينسوني
**
اعليه لو هال الترب دفاني
وراحو اهلي وصحبتي وجيراني
ينعكد بالكبر راح الساني
اشلون اصيح الوحدي تخلوني
***
اشلون بيه والذنوب اهوايه
والعكل يا ناس تيه رايه
كل سنه جنت اخدم المشايه
وبالزياره امحزم ايشوفوني
***
بالكبر يحسين اريدن وكفتك
لا تخليني وحيد امروتك
انه كل عمري كضيته بخدمتك
وبضريحك رايد ايطوفوني
****
تمت
تحسين الخفاجي
نار شبت بالدار .. يا فـاطمه
وين عنهه الكرار ..حامي الحمه
===============
من بعد سيد الكون تبدي الـمحن
فاطمه يصير اوياچ قاسي الزمن
كل مصايب ونياچ يمـچ يجـن
حـايره ابين اعــداچ يم الحسن
كل اسامي الضلام بالقائمه
================
هجمت اعليچ الگوم من كل كتر
مو صحابه الدفعوچ كلهم غـدر
شفتي منهم ياحيف نجم الضهر
صارت اعتاب الباب دم أوجـمـر
تبچي هليوم اوياچ ارض وسمع
=================
مـن دفـع بـاب الدار ذاك الَجمع
روح اتگوم اتذوب مـثل الشمع
عيني اشلون يسيل منهه الدمع
وانتي صوتچ للـمـوت ماينسمع
خدچ اشلون ايسيل منه الدمه
=================
عينچ اشلـون اتنام مـن ألألـم
ضـل اثـر بالبسمار دم والحـم
زينب أتگول اوياچ حيلي انهدم
حتئ محسن هـليوم لا مـاسلـم
والضلوع أمن السوط متهشمه
=================
ريـت حـاضر ويـاچ خير العمـل
چان شال الفقار بيده أوحمـل
مر يصير ابهليوم حتئ العسل
ما يهاب أمن الريـح طبع الجبل
چان تحچي الأجيال بالملحمه
==================
الشاعر فاخر الشبيبي