11413
Тадбиркор Фируз Аллаевнинг телеграм канали. Фируз Аллаев билан боғланиш: firuzallayev@gmail.com Реклама масалалари: @asaxiymedia
Нодир Нишоновнинг SUSAMBIL YouTube каналида нақ учта оламшумул лойиҳа ҳақида видеолар чиқибди. Масалан, шу ҳафта чиққан видеода муаллиф “Калмар Ўйини” сериалининг иккинчи мавсумига доир бўлган тафсилотларга тўхталган. Шунингдек, каналда суратга олиниши 10 йилга чўзилган бўлажак “Минеcрафт” фильми ҳақида ҳам видео чиққан. Мазкур видеода лойиҳанинг трейлери таҳлил қилинибгина қолмай, Minecraft оламига батафсил назар ташланган. Нима учун Minecraft мухлисларига трейлер унча ёқмади, фанатлар тайёрлаган трейлер нима учун оригинал трейлердан қизиқроқ чиқди ва ўзи умуман фильм трейлеридан таассуротлар қандай? Айнан мана шу саволларга ушбу видео орқали жавоб излаб кўрамиз. Бундан ташқари, SUSAMBIL каналида бошқа фильм ва сериалларнинг батафсил таҳлилларини топишингиз мумкин.
👉 https://youtu.be/hE3wvp8vnh0
👉 https://youtu.be/3zweFx32gvQ
👉 https://youtu.be/GYwDbhbOFJ4
Moped va skuterlarga raqam olish va haydovchilik guvohnomasi majburiy boʻlibdi. Yaqin 4 oyda bularni olish shart boʻladi. Sabab qilib xavfsizlik koʻrsatilmoqda. Lekin, biror joyda aynan moped va skuterlar sabab boʻladigan avariyalar soni aytilmagan. Aynan ular sabab avariya raqam va guvohnoma bor mashinalardan koʻpligi haqida ham raqamlar yoʻq. Umid qilaman, qaror bu raqamlarni solishtirib qilingan.
Haqiqatdan foydali ham boʻlishi mumkin. Shu sabab avariyalar kamaysa ham yaxshi.
Lekin, masalaning iqtisodiy tomonini ham hisobga olish kerak. Bugun 10000lab fuqarolar yetkazib berish xizmati va boshqa sohalarda aynan skuter va mopedlarda ishlashadi. Qishloq joyida ham ular eski eshak va arava oʻrnini olib qoʻygan. Skuter va mopedlar orqali aholining eng kam taminlangan qatlami daromad koʻradi. Ularning aksarida raqam va haydovchilik guvohnomasi olish uchun pul ham yoʻq. Katta ehtimol bilan ular ishsiz qolishadi. Bu katta shaharlarda yetkazib berish xizmati narxi oshishiga va vaqti sekinlashishiga sabab boʻladi. Bir tomondan jarimalar orqali byudjet yutsa, boshqa tomondan iqtisodiyot qiymat va ish oʻrinlari yoʻqotishi mumkin. Umid qilaman, shu kabi hamma detallar hisobga olingan.
PS: Manfaatingni oʻylab yozding demadliklari uchun, Asaxiyda yetkazib berish xizmati toʻliq Labolarda ishlaydi. Bizda moped va skuterlar yoʻq.
@allaevuzb
Ҳозир телефон компаниясидан қўнғироқ бўлди. Оператор анжанлик экан. Ўз шевасида энди шунақа мулойим, хушмуомала қилиб, гапларни айлантириб, перевалда нон сотгандай қилиб гапирдики, бўлди розиман, любой тарифга улаб тайлайверинг дедим. Ҳаққаттан савдонинг дарсини олган одамларей.
Читать полностью…
Халқ демократик партияси ўз номзодларини таништирмоқда.
ХДП ўз номзодларини танитиш мақсадида видеоролик тақдим этди. Партия номзодларининг кўпи сизга таниш бўлса ҳам мумкин.
Халқ демократик партияси мамлакатнинг тобора юксалаётган иқтисодий салоҳияти аҳолининг кам таъминланган қатламлари турмуш даражаси ва ҳаёт сифатини оширишни мақсад қилганини атмокда.
Бундан ташқари, Ўзбекистонда ижтимоий адолат ва тенглик, ижтимоий бирдамлик, ижтимоий демократия мезонларига мос келадиган ижтимоий демократик давлат барпо этишни ўз сайловолди дастурига киритган.
Сайловларда фаол иштирок этишни унутманг!
#saylov24
@allaevuzb
Муаллифлик ҳуқуқи ҳақида жуда оддий тушунтириш.
Бирор-бир ижод маҳсулини яратмаган ва унинг муаллифи бўлмаган аксарият одамлар муаллифлик ҳуқуқи нималигини у қадар тушунмайди.
Сиз яратган ижод маҳсулини ўғрилаб, бутун бир оммага ўзиники қилиб кўрсатишганида айниқса, ғурурингиз ва нафсониятингиз қаттиқ топталади. Руҳан қаттиқ азобланасиз ўшанда. Айнан мана шунда муаллиф сифатида ҳуқуқингиз ер билан битта қилинганини тушуниб етасиз.
Ижод маҳсули инсон учун худдики унинг фарзандидек, ёки ўзи барпо қилган биттаю-битта уйидек. Тасаввур қилинг, фарзандингизни бошқа бир одам бу менинг болам деб ўзи билан етаклаб олиб кетиб қолди. Ёки, йиллар давомида қуриб кўчиб кирган уйингизга бегона одам келиб ўрнашиб олдида, энди бу менинг уйим, бу ерда мен яшайман деяпти.
Қандай ҳолатга тушасиз шунақа вазиятларда? Ғурурингиз ва нафсониятингиз топталиб, руҳан азобланасизми? Ўзингизни қаерга қўйишни билмай қоласизми?
Муаллифнинг ижод маҳсули ўғриланганда ҳам ҳудди шундай оғир вазиятга тушиб қолади у. Бу нарсани айни шу вазиятни ич-ичидан ҳис қилиб кўрган одамларгина тушуниши мумкин.
Шунинг учун ҳам, қонунларимизда муаллифларнинг ҳуқуқ ва манфаатлари жуда қаттиқ ҳимоя қилинади.
👉@yuristkadr
Jamiyatga ko'proq huquqshunoslar kerak, biznesga ham, fuqarolarga ham, hatto davlatga ham.
Yurisprudensiya yo'nalishi haqida Profi University asoschisi Bektosh Xatamov yozgan postlarni birma-bir o'qib chiqdim. (1, 2,)
Ming afsuski, xususiy sektorga "Yurisprudensiya" yo'nalishini berishdan hanuzgacha cho'chiydiganlar ko‘pligini ko‘rmoqdamiz. Xususiy oliygohlarga yurisprudensiya yo'nalishi bo'yicha litsenziya bermaslik haqida topshiriq berilgani haqida mish-mish yuribdi.
Chunki, Profi Universityda yurisprudensiya yo'nalishini ochish uchun barcha sharoitlar bor, tadbirkorning o'zi sohani rivojlantiraman deb turibdi. Bo'lib ham, Bektosh Xatamovning o'zi nafaqat tadbirkor, balki advokat va ta'lim sohasi vakili. Ayrimlar esa, tadbirkorga yordam berish o'rniga, unga qarshi chiqmoqda.
Shuni unutmaslik kerakki, yuristlar soni qancha ko‘p bo‘lsa, jamiyatda qonunlarga itoatkorlik darajasi ham shunchalik oshadi, jinoyatlar soni esa keskin kamayadi. Har tomonlama qonun ustuvorligi ta'minlanadi.
Qonunlarni hurmat qiladigan fuqarolar sonining ortishi esa davlatning barqaror rivojlanishiga olib keladi. Masalan, bir oilada bitta yurist paydo bo‘lsa, mana shu oilada jinoyat sodir bo‘lish ehtimoli deyarli nolga tenglashadi. Shunday oilalar soni ortgani sayin esa jamiyat ham taraqqiy etaveradi.
Buni esa aynan xususiy sektorda yurisprudensiya yo‘nalishining rivojlanishiga qarshi chiqayotganlar o‘ylab ko‘rishlari kerak. Chunki ularning o‘zlari ham, farzandlari ham huquqiy madaniyati yuqori, rivojlangan jamiyatda yashashni istaydilar.
Qonun ustuvorligi har bir fuqaroning manfaatiga xizmat qiladi. Shu sabab, huquqshunos kadrlarni tayyorlashda to‘siqlarni olib tashlash – davlatning rivojlanishiga xizmat qiluvchi eng to‘g‘ri yo‘l.
Tan olib aytishimiz kerakki, xususiy OTMlarda yaratib qo'yilgan sharoit, salohiyatli professor-o'qituvchilar tarkibi, ta'lim sifati ba'zi davlat oliygohlaridan ham ancha yaxshi. Shuning uchun biz xususiy sektorga ishonishimiz kerak.
Xususiy sektorga ta’lim sohasida to‘siqlar qo‘yilmasligi uchun bu muammoni ochiqchasiga muhokama qilishimiz zarur. Shundagina yurisprudensiya yo‘nalishida ham o‘sish va rivojlanish uchun haqiqiy imkoniyatlar yaratiladi.
@allaevuzb
“E-Saylov” axborot tizimining yana bir afzalligi haqida
Saylov jarayonlarini raqamlashtirish maqsadida ishlab chiqilgan “E-Saylov” axborot tizimiga 875 nafar Qonunchilik palatasi deputatlarining tarjimai holi va dasturi ochiq tarzda joylashtirildi.
Bu nimani anglatadi? Tasavvur qiling, ilgari barcha deputatlikka nomzodlar bilan tanishish uchun butun respublika bo‘ylab qariyb o‘n bir mingga yaqin saylov uchastkalariga borishga to‘g‘ri kelardi. Bundan boshqa imkon ham yo‘q edi.
“E-Saylov” axborot tizimi orqali endi bunga hojat qolmadi. Istalgan yerda va istalgan vaqtda nomzodlar haqida ma’lumotlarni olishingiz mumkin bo‘ldi.
#saylov24
@allaevuzb
Jismoniy mashg'ulotlar
Ushbu video jismoniy tarbiya va iroda kuchi o'rtasidagi muhim aloqani ko'rsatadi. Jismoniy mashqlar nafaqat tanamizni, balki ruhiyatimizni ham mustahkamlashga yordam beradi. Biz iroda kuchini rivojlantirishda jismoniy faoliyatning qanday rol o'ynashini o'rganamiz. Turli mashqlar orqali maqsadga erishish, qiyinchiliklarga dosh berish va o'z-o'zini motivatsiya qilish bo'yicha foydali tavsiyalar beramiz. Video davomida jismoniy tarbiya jarayonida iroda kuchini kuchaytirish va hayot sifatini yaxshilash uchun strategiyalarni taklif etamiz.
To'liq videoga havola🔗
https://youtu.be/Jd15S4R6n4w?si=amSDw933UXtEViPT
Biznes egasi biznesdan qancha pul olsa bo'ladi?
Ko'p bizneslarda kassada pul bor ekan deb biznes egalari pul olaverishini ko'ramiz. Natijada, kassada pul yetishmovchiligi kelib chiqib, biznes og'ir ahvolga tushib qolishi mumkin. Boshqa holatda, biznes rivojiga kerak deb yillab biznes egasi pul olmaydi va endi olaman deganda o'sha pul ham yo'q bo'lib chiqadi.
Demak, biznes egasi qachon biznesdan pul yoki divident olishi kerak va qancha olsa to'g'ri bo'ladi?
Buni tushunib olish uchun keling uch narsaga qaraymiz:
1. Daromad - bu biznes ishlab topgan hamma pul
2. Undan operatsion xarajatlar chiqadi. Kechagi maqolada operatsion xarajatlarni uchga bo'lib ko'rsatdik: Ishlab chiqarish xarajatlari, ma'muriy xarajatlar, tijorat xarajatlari.
Mana shundan keyin biznesning foydasi aniq bo'ladi. Lekin, bu hali sof foyda emas. Bu foydani moliyachilar tilida EBITDA deydi. (earnings before interest, taxes, depreciation, and amortization)
EBITDAdan uch xil to'lovlarni chiqarasiz:
1. Soliq
2. Kredit yoki qarzlar
3. Amortizatsiya
Faqatgina bularni foydadan ayirganda biznesning 100 foiz sof foydasi shakllanadi. Mana shu foydani 100 foiz biznes egasi o'ziga divident qilib olsa bo'ladimi? Ha, bo'ladi. Olgan qismidan yana 5 foiz divident solig'i to'lanadi.
Lekin, bu eng oqil yo'l emas. Eng oqil yo'l manimcha quyidagicha:
1. Sof foydadan 40 foizini biznesni rivojlantirishga yo'naltiramiz. Bu infrastruktura, yangi bino, yangi dasturiy ta'minot, yangi do'konlar, xodimlarni o'qitish yoki biznesni rivojiga hissa qo'shadigan xohlagan narsa bo'lishi mumkin.
2. 30 foizini alohida mustaqil fondda xavfsizlik uchun yig'ib boramiz. Biznes oson emas, har xil inqirozlar, muammolar bo'lishi mumkin. Og'ir kunda xavfsizlik yostiqchasi bo'lishi biznesning yashovchanligi kafolati bo'lishi mumkin. Ideal holatda biznes sof foydaning 30 foizini yig'ib boradi.
3. Qolgan 30 foizni biznes egasi o'ziga divident qilib chiqarsa bo'ladi.
Muhimi, biznes sof foydasi bo'lmasdan turib biznes egasi o'zi uchun pul yechib olmasligi va biznesni battar zararga kirgizmasligidir.
#biznes
@allaevuzb
Ўзбек YouTubeʼнинг энг гиклашган канали Сусамбилда машҳур Соник франшизасига бағишланган катта видео чиқди. Айтиш жоизки, даставвал ўйин сифатида танилган Соник видео ўйинлар туркуми, бугун сиквел ва приквеллларга эга кино франшизага айланмоқда. Мазкур видеодан Соник 1 ва Соник 2 фильмларининг таҳлили ҳамда бўлажак Соник 3 фильмининг батафсил таҳлили ўрин эгаллаган. Тавсия қиламиз!
👉 https://youtu.be/hE3wvp8vnh0
Xarajatlar qanday bo‘ladi?
Biznesning muvaffaqiyatiga ba'zan ko'riladigan daromaddan ko'ra xarajatlar nazorati muhimroq bo'lib qoladi. Xarajatlarni to'g'ri boshqarib bilgan tadbirkor yoki moliya bo'limi biznesning stabilligi kafolati bo'lishi mumkin. Xarajatlarga tartib ularni kategoriyalash ya'ni toifalash orqali boshlanadi.
Xarajatlarning uchta asosiy toifasi mavjud: ishlab chiqarish, ma’muriy va tijorat xarajatlari. Yana uchtasi: soliqlar, kreditlar va amortizatsiya.
Ishlab chiqarish xarajatlari - bu kompaniya mahsulot yoki xizmatni yaratish bilan bog‘liq barcha narsalardir: ishlab chiqarish xodimlarining ish haqi, sotilgan mahsulotning tannarxi, ishlab chiqarish binolari va uskunalarining ijarasi, elektr energiyasi.
Ma’muriy (administrativ) xarajatlar - bu kompaniyaga xizmat ko‘rsatish bilan bog‘liq barcha narsalardir. Bu asosan rahbarlar, buxgalterlar, yuristlar, menejerlar, kotibalarning ish haqlaridir. Shuningdek, ofis ijarasi va ta’minoti, xizmat safarlari ham shular jumlasidandir. Umuman olganda, kompaniyaning mavjudligi va rivojlanishi uchun sharoit yaratadigan barcha narsalar.
Tijorat xarajatlari - bu yangi mijozlarni jalb qilish bilan bog‘liq barcha narsalardir: marketing va sotuv bo‘limi xarajatlari, marketologlar jamoasi uchun sarflanadigan mablag‘lar.
Asosiy xarajatlar tahlil qilish qulay bo‘lishi uchun uch toifaga bo‘linadi: mahsulotni yaratish va taqdim etishga qancha sarflangani, boshqaruvga qancha, reklamaga qancha sarflangani. Agar barcha xarajatlar aralashib ketsa, kompaniyaning turli yo‘nalishlar bo‘yicha samaradorligini baholash qiyin bo'ladi.
Undan tashqari, bevosita kompaniya o'ziga bo'lmagan, lekin bizneslarda mavjud bo'lgan uch toifa xarajatlar bo'ladi:
- soliqlar
- kreditlar
- amortizatsiya
Faoliyatingiz biznes bilan bog'liqmi, to'g'ri moliyaviy tizimni yo'lga qo'yib, xarajatlarni aniq yuritishni o'rganing. Ishoning, bu juda muhim.
#biznes
@allaevuzb
Kecha Los-Anjelesdagi Tesla kompaniyasining "Biz, robot" tadbirida Ilon Mask 30 ming dollardan arzon, to‘liq avtonom avtomobil - Robotaksi’ni namoyish etdi. Bundan tashqari, u 20 nafar yo‘lovchiga mo‘ljallangan Robovan transportini va odamsimon robot Optimusning yangilangan modelini e’lon qildi.
Biz allaqachon kelajakdamiz.
@allaevuzb
#Nobel2024
Adabiyot boʻyicha 2024-yilgi Nobel mukofoti janubiy koreyalik yozuvchi Xan Kannga “Tarixiy jarohatlarga qarshi turadigan, inson hayotining nozikligini ochib beruvchi nasriy sheʼri” uchun berildi.
Nobel qoʻmitasining press-relizida Xan Kann haqida shunday deyiladi:
"Yozuvchi oʻz ijodida tarixiy travmalar va koʻrinmas qoidalar toʻplamini oʻrganib, har bir asarida inson hayotining qanchalik moʻrt ekanini ifodalaydi. U tana va ruh, tiriklik va oʻliklik oʻrtasidagi bogʻliqlik haqida unikal tushunchaga ega boʻlib, oʻzining sheʼriy va eksperimental uslubi bilan zamonaviy nasrda novatorga aylangan".
Korzinka yangi ombor qurish uchun Germaniyaning DEG (Deutsche Investitions- und Entwicklungsgesellschaft mbH) rivojlanish moliya institutidan 25 million dollar mablag' jalb qilibdi.
Yangi logistika markazi O‘zbekistonda EDGE ya'ni o'ta zamonaviy ekologik standartlari asosida qurilgan dastlabki "yashil sanoat binolari"dan biri bo‘ladi.
Bu sklad faoliyatida energiya va suv tejamkorligi hamda karbonat izini kamaytirish asosiy ko‘rsatkichlardan biri bo'lishini anglatadi.
Korzinka bundan oldin ham bir necha marta xalqaro investitsiyalar jalb qilgan edi.
@allaevuzb
Моно видеони қилганимга юз йил бўган бўсада бугун рекка чикетибди, просмотр учяпти. Мусиқани зўр танлаб қўйганманда хорамиларга🤣 I'm an Englishman in Turkiston🥷🏻
Читать полностью…
Agar xavfsizlik qismi raqamlarga asoslangan bo'lsa ham, buni tartib bilan aholiga qulay qilib amalga oshirsa bo'ladi.
Avvalo, raqamlarni aniq chiqarish kerak, yuz ming mashinaga sodir bo'ladigan avariya soni yuz ming moped yoki skuterga sodir bo'ladigan avariya sonidan kammi? Raqamlar shuni ko'rsatsa, demakki tartibga solish zarur. Lekin, aholining eng kambag'al qatlami moped va skuterlar sabab kun ko'rishini hisobga olib, ularga moliyaviy qiyinchilik tug'dirmasdan buni amalga oshirish kerak.
Raqam olishdan maqsad qoida buzilgan holatda qoidabuzarni identifikatsiya qilishdir. Shu sabab moped va skuterlar uchun raqam olishni elektron qilib, minimal summa bilan joriy qilsa bo'ladi. Bunda raqam olish muhlati bir kundan oshmasa, summa ham 200 000dan oshmasa, katta to'siq yaratmaydi.
Haydovchilik guvohnomasi bo'lsa ancha qiyin jarayon. Shu uchun qaror bilan bemalol raqam identifikatsiyasi orqali qoida buzgan fuqaroga haydovchilik guvohnomasiz ham jarima yozish imkonini yaratsa bo'ladi. Shunda moped yoki skuter raqami bilan qoida buzgan shaxs aniqlanadi va unga xabarnoma jo'natiladi.
Minimal byurokratiya, hammasi oson va arzon, muhimi xavfsizlik uchun ma'lum bir tartib yo'lga qo'yiladi. Va bu o'n minglab insonning hayotini qattiq qiyinlashtirmasdan, bir sohada narxlar keskin oshishiga sabab bo'lmasdan bo'ladi.
Har holda vaziyatni man shunday ko'raman.
@allaevuzb
Uzum Market va BMTTD (UNDP) 200 dan ortiq ayolga tadbirkorlik asoslarini o‘rgatdilar
Milliy ekotizim va BMTTD qo‘shma ta’lim loyihasi doirasida O‘zbekistonda Uzum Market’da o‘z biznesini boshlashni rejalashtirayotgan yoki rivojlantirayotgan ayollar uchun bir qator master-klasslar o‘tkazildi. Loyihada 2 oy davomida Toshkent shahrida 200 dan ortiq xotin-qizlarni o‘qishdi, tez orada esa mamlakatning barcha hududlarida master-klass darslari o‘tkaziladi.
Treninglar rus va oʻzbek tillarida onlayn va oflayn tarzda o‘tkaziladi
Batafsil
Reklama
Шайбонийхон қайта тиклаган хонлик
Ўзбекистон тарихида кўпинча улкан империялар ва узоқ муддат ҳукм сурган давлатлар ҳақида гапирамиз. Уларнинг меросини, умуман олганда ўша даврдаги маълумотларни чуқур ўрганамиз. Аммо «Ўзбек хонлиги» деб аталган давлатни эса жуда кам эсга оламиз. Абулхайрхон томонидан ташкил қилинган бу давлат атиги 40 йил яшаган. Турли сабабларга кўра бўлиниб кетган давлатни кейинчалик Абулхайрхоннинг авлоди Муҳаммад Шайбонийхон қайта тиклаган. Бундай очилмаган сирларга бой «Ўзбек хонлиги» ҳақида «Худди шундай» жамоаси ишлаган видеони кўришни маслаҳат бераман. Қисқа, аммо қизиқ фактлар видео давомида келтирилган.
Линк: https://youtu.be/6xqQiuUqEto?si=ddEUAmQn3o9XCiAi
Xan Gan adabiyot bo'yicha Nobel mukofotini qo'lga kiritdi. U ushbu mukofotni qo'lga kiritgan birinchi Janubiy Koreyalik yozuvchi bo'ldi.
Xan Gan, Janubiy Koreyaning mashhur yozuvchisi, adabiyot bo‘yicha Nobel mukofotini qo‘lga kiritgani nafaqat uning shaxsiy yutug‘i, balki Janubiy Koreya madaniyati va adabiyotining global darajadagi rivoji va tan olinishini anglatadi.
Va bu Janubiy Koreyaning madaniyat sohasida rivojining mantiqli davomidir. Bundan oldin "Parazitlar" filmi Oskar mukofotini qo'lgan kiritgan, PSY bo'lsa musiqasi bilan bir necha yo'nalishda rekordlar qo'ygan edi.
Nobel, Oskar kabi yutuqlar va umuman madaniy mahsulotlar eksporti koriyes madaniyatini dunyoning har bir burchagiga tarqatmoqda. O'n yillar davomida berilgan siyosiy va ijodiy erkinlik, uning ortidan kelgan iqtisodiy farovonlik koriyeslarning dunyoga ta'sirini oshirmoqda.
@allaevuzb
#МенБилганЯпония
Япон иш маданияти ҳақида
Ўтган куни твиттер фойдаланувчиларидан бири япон ҳамкасбининг гапларидан ёзганларини ўқиб қолдим. Твиттерда ҳам қисқача муносабат билдирдим, аммо у ерда кўп нарса ёзиб бўлмайди, шу сабаб бу ерда ҳам икки оғиз ёзсам.
Твитда санаб чиқилган нарсалар "японлар қаттиқ ишлашади, ҳамманинг ҳаёт мазмуни ишлашда, ҳаётини ширкати ё ташкилотига бағишлашда" деган стереотипларга тўғри келади. Ростан ҳам, японларда иш маданияти аёвсиз, Японияда бундан нолиганлар ҳам кўп, четдан туриб ҳайрон қоладиган ё куладиганлар ҳам. Аммо бундай муҳокамаларда, одатдагидек, чуқурроқ сабаблар четда қолиб, юзаки гаплар олдинга чиқади.
Япон иш маданиятига чуқурроқ қаралса, баъзи ўта меҳнаткашлик бўлиб кўринадиган нарсалар ортида бошқа сабабларни кўриш мумкин:
Биринчидан, япон жамиятида ижтимоий босим (social pressure) ниҳоятда кучли. Конформизм—атроф билан ҳисоблашиб яшаш, жамият ва гуруҳни биринчи ўринга қўйиш одат ҳисобланади. Бу одат вақт ўтиши билан юмшагандек, аммо баъзи таъсирлари ҳали ҳамон кучли.
Ижтимоий босимни жамият ва гуруҳ талабига кўра ўз ҳаёти ва манфаатларини ўзгартириш, деб таърифласа бўлар. Бундай босим бизга таниш, чунки бизда ҳам "одамлар нима дейди" одати кучли. Аммо Японияда бу одат биздагидан бир неча даража баландроқ—баъзан одамларни бахтсиз қила оладиган даражада. Буларнинг баъзи аянчли оқибатларини #МенБилганЯпония туркумининг олдинги икки ёзувимда (биринчи ёзув, иккинчи ёзув) келтиргандим.
Бунга бир мисол ишдан ҳайдалганини қўни-қўшни билиб қолмаслиги учун, орадан ойлар ўтсада эрталаб кийиниб, портфелини қўлтиқлаб "ишга" кетадиган эркаклар. Бундай эркаклар кунини қаҳвахоналар, ё туну кун ишлайдиган "манга" кафеларда ўтказиб, иш куни тугагач, яна уйга қайтиб келишади.
Яна бир мисол—япон ширкатларида мижозлар билан ишлашда уларни майхонаю ошхоналарга олиб бориб, меҳмон қилиш анъанадир. Бундай ўтиришларга мижозлар билан ишлайдиган ходимлар бориши, меҳмонга олинг-олинг қилиб, теппа-тенг ичиши керак. Энди умуман ичмайдиган, ёки ичишни ёқтирмайдиган, ёки уйида ёш боласи бор ходимнинг аҳволини тасаввур қилинг. Албатта, тушунадиган раҳбарлар йўқ эмас, аммо кўпинча бундай ходимлар кечгача майхонада қолишга мажбур.
Иккинчидан, конформизм сабаб бизга "қаттиқ иш" бўлиб кўринадиган кўп жараёнлар номига, кўргазма учун қилинади. Яъни, офисда, иш столи устида ўтказиладиган вақтнинг катта қисми ана шундай кераксиз, маъносиз машғулотларга кетиб қолади. Офис ишчиларини кузатиб, бунга ўзим амин бўлганман.
Япония ҳақида "самарадорлик паст" дейиш ғалати, аммо кўп офис ишчилари кунини бекорга сарфлайди. Албатта, саноати ё ширкатига кўра шароит ҳар хил. Шунга қарамай, бу гапим рост. Муболаға бўлмасин, аммо назаримда ўртача япон офис ишчиси бир кунда қиладиган ишни америкалик ё немис икки соатда тугатади.
Чунки немис ё америкалик ҳар бир телефон қўнғироғини 10 дақиқалик "ассалому алайкум, вақтингизни олганим учун узр, фалон компаниянинг фалон бўлимининг фалончисиман..." деб ўтирмайди. Аввало телефон қилиб ҳам ўтирмас. Японлар эса арзимас майда нарса (масалан, учрашувда қайси сув шишаларини ишлатиш) учун ярим кунини сарфлашганига ўзим гувоҳ бўлганман.
Бошқа сабаблар ҳам бор, буларнинг ҳаммасини ёзиб ўтирсам, ёзув жуда узун бўлиб кетади. Бундай жараёну одатлар ниҳоятда мураккаб бўлиб, чуқурроқ назар талаб қилади. Тарихий ва ижтимоий сабабларини ўйлаб кўрилса, яхшироқ тушуниш мумкин.
#МенБилганЯпония туркуми ёзувларини жума кунлари чоп қиламан.
@profsherzod
Audio chatni boshladik:
/channel/guzarPod?livestream
"Asaxiy Books" jamoasi uchun xushxabar, Daren Ajemo'g'li va Jeyms A. Robinson institutlar qanday qilib mamlakatda farovonlikni yaratishi boʻyicha tadqiqotlari uchun iqtisod boʻyicha Nobel mukofotini qoʻlga kiritishdi.
Ularga Simon Jonson hamroh boʻldi.
Biz Behzod aka Hoshimov bilan hamkorlikda 2021-yilda mualliflarning "Mamlakatlar tanazzuli sabablari: qudrat, farovonlik va kambag'allik manbalari" kitobini o'zbek tilida chop etgan edik.
2023-yil 17-mart kuni Jeyms Robinson Toshkentga kelgan va kitob taqdimoti bo'lib o'tgan edi.
@allaevuzb
Ilk suxbat va ilk mehmon⚡️
Ertaga, soat 20:00da, aynan shu yerda Firuz Allayev bilan jonli tarzda suhbat bo'lib o'tadi
Reja qilingan mavzular asosan online bozor va marketpleyslar, Asaxiyning tutgan o'rni va marketing strategiyalari haqida.
Undan tashqari, Firuz akaning bilim va maslahatlaridan foydalanishga harakat qilamiz
Suhbat oxirida jonli tarzda savol berish imkoniyati bo'ladi. Savollaringizni tayyorlang va bu suhbatni o'tkazib yubormaslik uchun bildirishnomani yoqib qo'ying, biz xabar berib turamiz
@GuzarPod - kreativ soha vakillari uchun minbar!
Hozir biznes reja tuzib beruvchi xizmatlar juda rivojlanibdi. Kimdir biznes uchun biznes reja qilib berishi manga hech qachon yoqmagan.
Lekin, ba'zan bunga majbur bo'lasiz. Odatda biznes plan ikkita narsa uchun kerak bo'ladi.
1. Qaysidir tashkilot talabiga binoan aniq formatda biznes plan qilish
2. Biznes o'z yo'lini belgilashi, investorlar bilan muzokaralar uchun biznes plan qilish.
Birinchisi biror tashkilotdan nimadirga erishish uchun, masalan kredit olish uchun kerak. Ikkinchisi biznesning o'z kelajagi uchun muhim. Birinchi holatda sizdan o'zingiz uchun to'g'ri yoki zo'r biznes plan emas, aynan talab qilinadiganiga mos biznes plan so'rashadi. O'sha holatda o'sha talabga mos biznes planni qilib beradigan tashkilot bo'lsa, unda vaqtingizni ketkazmasdan buyurtma qilsa bo'ladi. Lekin, o'shanda ham havodan yolg'on narsa yasamasdan, bor biznes plan va stratgeyani o'sha talabga moslagan ma'qul.
Ikkinchi holatda har doim biznes egasi biznes planni o'zi qilishi zaur. Uni ortiqcha pul sarflamasdan o‘zingiz tuzing. Ba’zan eng yaxshi biznes-reja - bu o‘zingiz "shoshilinch ravishda" tuzgan rejangizdir.
Muhimi, biznesingiz barcha jihatlari bilan qanday ishlashi haqida miyangizda to‘liq tasavvur shakllanishi kerak.
Faqat shunday aniq tasvir paydo bo‘lgandan so‘ng harakatlanishni boshlash mumkin - bu siz uchun eng maqbul biznes-reja bo‘ladi. Shunda biznes plan ishonarli, kerak bo'lsa fayzli va aniq chiqadi. Undan tashqari biznes egasi biznes planni tuzish jarayonida biznesini yaxshiroq tushunadi va ko'proq o'ziga savol beradi. Bu kelajakdagi xatolar o'rnini olishi va yangi imkoniyatlar ochishi mumkin.
Shu uchun ham har qanaqa holatda ham biznes plan real strategiya asosida tuzilishi muhim. Undan tashqari shunchaki qog'ozda chiroyli bo'lib qolib ketmasligi uchun, biznes egasi real maqsad yoki reja bilan uni yaratgani ma'qul.
#biznes
@allaevuzb
Китоблар ҳақида гап кетганда, ўзимнинг бир тажрибам эсга келди. Анчадан буён ёзмоқчи бўлиб турувдим, баҳона топилди.
Анча йиллар олдин (лимитсиз интернет кириб келгач) мен ҳам, кўпчилик қатори, YouTube'га ўтириб қолган эдим. Бу видеосервис чексиз контент манбаидир — исталган мавзуда исталган шаклда ва ҳажмда видео топилади.
Нима мавзу бўлса, дарров видео қидириб, йўлларда видео кўриб/эшитиб кетиб, қанча контент истеъмол қилиб юборганимни билмайман. Лекин ўтган йилдан эътиборан YouTube'дан тўйиниш кузатдим ўзимда.
Чексиз подкастларда тайинли гап, чуқур таҳлил кам, қандайдир блогер-у экспертларнинг фикри ё қизиқмас, ё қайта-қайта такрорланавериб зериктириб юборади; сон-саноқсиз эксплейнерлар шунчаки Wikipedia'ни "қизиқ"роқ, "кулгили"роқ қилиб қайта гапириб беради, ҳеч қандай янги билим бермайди; маърузалар орасида оригинали жуда кам. Хуллас, маълум соҳалардагина жуда кам сифатли контент топиш мумкин. Масалан, мутахассислигингиз бўлмаган соҳада бошланғич билим берувчи сифатли контент топиш мумкин (масалан, мусиқа бўйича топганман); кино даражасида сифатли олинадиган оз сонли эксплейнерлар бор (Utopia Show сингари); футбол, кино каби соҳаларда аналитика эшитиш шахсан менга қизиқ (фан соҳасини яхши билганим учун шекилли, мени қониқтирадиган аналитика деярли йўқ).
Хуллас, YouTube'да жуда кўп нарса бор ва ҳеч нарса йўқ. YouTube китобнинг ўрнини боса олмайди. Илмий китобда у каби сервислардан топилмайдиган чуқур таҳлил, илмий ёндашув, янги фактлар ва назариялар бор; бадиий адабиётдаги бадиият ва мессиж у контентда учрамайди; илмий-оммабоп китоблар билан рақобатлашадиган оз сонли канал бор (Veritasium, Топлес).
Шунга охирги икки йилда секин-асталик билан YouTube'га кетадиган вақтни китобга сарфлаяпман. YouTube форматидаги контент ўрнига ҳамиша аудиокитоб эшитиб юраман. Икки йилда саксонта атрофида китоб, юз-икки юз майда матн (ҳикоя, мақола) эшитдим.
Албатта, китобни фақат эшитмайман, ўқийман ҳам — касб тақозоси билан илмий матнларни доим кузатиб, ўрганиб юрсам, бадиий ёки бошқа турдаги матнларга кунига камида ярим соат ёки ҳафта сўнгида бир неча соат ажратишга ҳаракат қиламан.
Маълумот сифати, таҳлил чуқурлиги бўйича ҳали ҳам китобнинг ўрнини босадиган ҳеч нарса йўқ.
@AsanovEldar
Dunyoga mashhur Wolt yetkazib berish xizmati Oʻzbekistonda faoliyatini boshladi. Finlyandiyaning ushbu super startapi dunyo bozorida alohida oʻringa ega.
Wolt - yetkazib berish xizmati bozorida Express 24, Yandex Eats va Uzum tezkor bilan raqobatga kirishadi.
Kompaniyaning jiddiy xalqaro tajribasini hisobga olsak, raqobatni kuzatish juda qiziqarli boʻladi.
Mijoz boʻlsa bundan doim yutadi. Xizmatni test qilib koʻriladigan joyi.
#biznes
@allaevuzb
Электромобилларни зарядлашда одам нурланадими? Зарядлаётганда салонда ўтириш мумкинми? Бу рак касалига олиб келадими?
Қўштирноқ подкастда шу мавзуда Илҳом Ашуров булан суҳбат бўлибди. Электромобили борлар ёки олмочи бўлиб юрганлар учун зўр подкаст.
🔗https://youtu.be/cn6OPp8ZV14
Buxoroda yangi xalqaro aeroport quriladigan bo'libdi.
Yangi aeroport soatiga 1200 kishini yoki 8ta samolyotni qabul qiladi. Hozirgi aeroport soatiga 400 kishini qabul qiladi va hozirda bosim bilan ishlamoqda.
Bir necha marotaba Buxoro aeroportiga uchgan shaxs sifatida aeroportda infrastrukturadan tashqari xodimlarning muomalasi va professionalizmi bilan ham muammo borligini ta'kidlayman. Toshkent yoki Samarqand aeroportidagi servis bilan, Buxoro aeroportidagi servis o'rtasida bir necha yil farq bor edi.
Yangi aeroport loyihasi davlat rahbariga taqdim etilgan. Umid qilaman, yangi aeroport Buxorodek muhim turistik shaharga munosib aeroport bo'ladi.
@allaevuzb
Partiya yetakchilari javoblarini aniq raqamlar va dalillar bilan asosladi
Partiyalar rahbarlari ishtirokida navbatdagi teledebat efirga uzatildi. Yetakchilar debat davomida saylovchilar tomonidan koʻtarilgan masalalar yuzasidan fikrlarini bildirishda vazminlik va aniq ishonchni koʻrsatib beroldi.
Har bir lider oʻz javoblarini aniq raqamlar va dalillar bilan asoslashga harakat qildi.
Masalan, OʻzLiDeP raisi Aktam Xaitov iqtisodiyot, kambagʻallikni qisqartirish masalalari yuzasidan ilgari surilayotgan partiya tashabbuslarini aniq statistika maʼlumotlari bilan keltirdi. Xususan, u 2030-yilga borib yalpi ichki mahsulot hajmini 160 mlrd dollarga yetkazish, kambagʻallikni 2 baravarga kamaytirish kabi takliflarga urgʻu berdi.
Bunday debatlarda nomzodlarning oʻzini koʻrsata olishi saylovchilarning ularga nisbatan ishonchini oshirishga xizmat qilishi mumkun.
#saylov24
@allaevuzb
Qiziqarli keys, vaqtim yoʻq, vaqtim yetmayapti degan odamning instagramda oʻtkazgan vaqtini tekshirdik. Bir kunda 4 soatu 14 daqiqa. Bu vaqtga YouTube, Facebook va telegram kirmagan.
Vaqtim yoʻq degan odam uyqudan tashqari vaqtining 25-30 foizini Instagram yoki ijtimoiy tarmoqqa sarflab qoʻymoqda. Man televizor koʻrmayman deb faxrlanib ham qoʻyadi. Faol vaqtining uch yoki toʻrtdan birini ijtimoiy tarmoqqa sarflash xudo bergan umrni isrof qilishdir.
Ijtimoiy tarmoqdan foydalanmang demayman, lekin mezon boʻlishi kerak. Ishoning, undan muhimroq, siz vaqt sarflashingiz kerak boʻlgan narsalar hayotimizda juda koʻp.
#mulohaza
@allaevuzb