11413
Тадбиркор Фируз Аллаевнинг телеграм канали. Фируз Аллаев билан боғланиш: firuzallayev@gmail.com Реклама масалалари: @asaxiymedia
🤩 “Ustoz AI” loyihasi taqdimotiga keling va sovgʻalar yuting
🇺🇿 Zamonaviy kasblar va fanlarni bepul oʻrgatuvchi loyihani qoʻllab-quvvatlash uchun taqdimot marosimiga taklif etamiz.
🎁 Sovgʻalar:
— 5 ta smartfon
— 1 kishiga oromgohda 1 haftalik dam olish
— 3 ta oʻn oylik biznes ta’limga grant vaucher
— 4 ta aqlli soat
— 5 ta maxsus sirli sovgʻalar
— 8 “Ustoz AI” oʻqituvchilari bilan milliy kechki ovqat va konsultatsiya
📍 Manzil: Yoshlar ijod saroyi
🕔 Vaqt: shanba, 3-avgust 18:00
❗️Taqdimotda qatnashish uchun roʻyxatdan oʻting: forms.gle/Dis4xh24CauSVxRCA
Hamas rahbari Ismoil Haniye Tehronda Isroil hujumi oqibatida o'ldirilibdi.
Isroil urush boshlangandan beri Hamas va Hizbulloh rahbariyatiga qarshi hujumlarni ham ko'paytirgan. Bu bilan harakatni ichkaridan kuchsizlantirish ko'zlangan.
Bir kun oldin Beyrutda Hizbulloh qo'mondonlaridan biri ham o'ldirilgan edi.
@allaevuzb
Oy yakuniga Asaxiydan kanalda tanlov.
50 dona gʻolibga "Tadbirkor" kitobimni sovgʻa qilamiz.
Qatnashish shartlari oson:
- @allaevuzb kanalimga aʼzo boʻlasiz
- Tanlovni guruh yoki kanalga bo'lishasiz
- post tagidagi "qatnashaman" (участвую) tugmasiga bosasiz.
Gʻolibni bot avtomatik aniqlab beradi. Gʻoliblar roʻyxatini 31-iyul tunda eʼlon qilamiz. G'oliblarga sovg'alarini O'zbekistonning xohlagan nuqtasigacha yetkazib beramiz.
⚡️Сусамбил лойиҳаси доирасида кино санъати ва геэк маданиятга бағишланган подкаст ташкил қилинди. Лойиҳаинг биринчи сонида Режиссор Сарвар Каримов, санъатшунос ва PR бўйича мутахассис Сардор Бобоев, блогер Саадулла Абдуллаев билан оламшумул «Star Wars» яъни «Юлдузлар Жанги» франшизаси ҳақида суҳбат қуришибди. «Юлдузлар Жанги» олами кино саноати ва ҳаётимизни қандай ўзгартирди? Нима учун «Юлдузлар Жанги» франшизаси кўриш керак ва нима сабабдан бу олам Ўзбекистонда машҳур эмас? Айнан мана шу саволларга суҳбат давомида жавоб топасиз.
👉 https://youtu.be/8SzJoctIXiE?si=BUNEX9S1kJsbSI47
Ovqatlanish sohasida Soliq qo'mitasi e'lon qilgan raqamlarda bir ma'lumot e'tiborimni tortdi. Oldinroq O'zbekistonda eng ko'p soliq to'laydigan kafe restoran tarmog'i "International Foodchain" edi. KFC franshizasi aynan shu MCHJga tegishli.
2024-yilda "Mak Food Servis" MCHJ sohada eng yirik soliq to'lovchiga aylanibdi. Raqamlarda KFCdan farq ancha katta. Qaysi yirik tarmoq desam, Evos "Mak Food Servis" MCHJga tegishli ekan.
@allaevuzb
#tonggimutolaa #iqtibos
Қаердан бошлаганингиз қаерда тугатишингизни белгилаб бермайди ва Япония буни амалда исботлаган ягона Осиё давлати эмас. Жанубий Корея ҳам буни уддалаган.
© китобдан
Biografiyalar dahosi Uolter Ayzekson haqida
#muallif
Uolter Ayzkeson — amerikalik yozuvchi, jurnalist va tarixchi hisoblanadi. Kitobxonlar orasida nufuzli shaxslarning qiziqarli tarjimai hollari bilan mashhur. 1952-yil 20-mayda Nyu-Orlean shahrida tugʻilgan.
Ayzekson Garvard universitetini tarix va adabiyot fakultetini tamomlagan, soʻngra Oksford universitetidagi Pembrok kollejida Rodos grantini yutib oʻqishni davom ettirgan. U bosh muharrir sifatida Time jurnali rivojiga katta hissa qoʻshgan hamda CNN raisi va bosh direktori lavozimlarida ishlagan.
Uolter Ayzekson Stiv Jobs, Albert Eynshteyn, Benjamin Franklin, Leonardo da Vinchi, Jennifer Daudna, Ilon Mask kabi mashhur insonlarning biografiyalarini yozgan. Bugungacha uning “Stiv Jobs” va “Kod Buzar” kitoblari Asaxiy Books loyihasida tarjima va chop qilingan.
Kitobsevarlar uchun Uolter Ayzekson kitoblari bilim va ilhom xazinasini taqdim etadi. Kitoblarda tarixiy shaxslar hikoyanavislik qobiliyati va chuqur izlanishlar sabab jonlanadi.
@asaxiybooks
Бирор ғояни жамиятга тарқатиш ва уни бутунлай ўзгартириш икки хил йўл билан бўлади:
1. Таълимни эгаллаб
2. Медиани эгаллаб
Бу тарихан дунёнинг бир неча давлатларида қўлланган. Ман буни Жазоир ва Тунис мисолида ўрганиб ҳам чиққанман.
Масалан, Ўзбекистонда путинизм ғоясини тарқатишмоқчи. Бу учун биринчи навбатда таълимга таъсир оширилади. Мактабларда рус тили ўқитилади ва рус тили орқали аста-секинлик билан путинизм тарғиб қилинади. Қанча мактаб путинистик қадриятлар билан ишлаб бошласа, ғоя кўлами шунча ошади.
Иккинчиси путинистик кайфиятдаги медиалар кўпаяди. Шунақа медиалар таъсири ошган сари оломон эффекти ишлаб бошқа медиалар ҳам шу кайфиятдаги контентга ўтиб олади. Аста-секинлик билан бу медиалар орқали ўзгача фикрловчиларга босим ошади. Уларнинг ғоясига эргашмайдиганларни медиа орқали жамият босим билан тийиб туришга, ғояга мос яшашга мажбур қилади.
Натижада, аҳолининг фаол қисми медиа орқали, ёшлар бўлса таълим орқали путинизм тарафдорларига айлантирилади. Кўпинча бунақа бўлиши учун қанақадир учинчи қўл ёки ташқи куч ҳам шарт эмас. Шунчаки қайсидир мамлакатда таъсир доираси катта қанақадир путинистлар пайдо бўлиши ва улар мана шу икки йўналишда ҳаракатланиши етарли бўлади. Оломон эффекти уланиб бутун оммани ақлдан оздиради.
Шу учун ҳам таълимда абсолют ғоявий нейтралитетни таъминлаш, ОАВда бўлса ҳар қандай гуруҳ ўз позицияни қонундан чиқмасдан эркин ифодалай олишини таъминлаш мамлакат келажаги учун муҳим. Бир гуруҳ босими остида бошқа гуруҳлар фикрини изоҳлай олмаслиги, уларга босим бўлиши вазиятнинг аллақачон издан чиққанини англатиши мумкин.
Энди таълим нейтралитети ва медиада ғоявий эркинликни кафолатлайдиган одамларнинг ўзи бир ғоя таъсирига тушишини фараз қилиб кўринг. Ден Браун ўзининг «Рақамли қалъа» китобида «Қўриқчиларни ким қўриқлайди» дер эди.
Катта эҳтимол билан путинизм ёки бошқа ғоя жамиятни ичидан емирмаслиги учун битта ўзимизга хос ва мос йўлни таклиф қилишади. Лекин, унутмайлик, ғояга қарши ғоя билан туриш керак. Ечим ғоявий эркинликда ва улар ўртасидаги мувозанатдадир.
Таълим ва медиа масаласи эҳтиёт бўлишимиз долзарб ва муҳим.
Тез-тез суҳбатларда у ёки бу орган назоратни қўлга олишга ҳаракат қилаётганлиги ҳақида эшитиб қоламан.
Бунга табиий қараш керак. Давлат ягона бўлгани биламан, уни ичидаги ҳар бир ташкилот доим ўз таъсири ва ваколатини оширгиси келади. Яширин бўлсада, улар орасида рақобат бўлади. Ваколат кенгайган сари таъсир доираси кенгайиб, ресурсларга имконият ҳам кенгаяди.
Тўғридан-тўғри ресурс бу бюджет бўлса, яширин ресурс қудрат очадиган имкониятлардир. Бу имкониятлар орасида ташкилот раҳбариятининг манфаатлари учун кенгроқ воситалар ёки ҳатто коррупцион тизимда пирогни каттароқ қисмига эга бўлиш ҳам бўлиши мумкин.
Хуллас, давлат ичидаги ташкилот ёки шахслар ўз таъсир доирасини кенгайтиришга, қайсидир жойларни ўз назоратига олишга ҳаракат қилиши давлат ичидаги табиий рақобат жараёнидир. Тийиб турувчи механизмлар ишлаши давлатда бир ташкилот керагидан ортиқ назоратни қўлга олиши ва якунда фойдадан кўра зарар келтиришини олдини олиши мумкин.
@allaevuzb
Демократия ва иқтисодиёт бир бирига жуда боғлиқ. Бу ҳақида яқинда ўзбек тилида чиқадиган Ҳарвард профессори китобида тадқиқотлардан жуда яхши мисоллар берилган
Профессор олимлардан бири Адам Пржеворскийнинг бу борадаги тадқиқотлари жуда аниқ ва кенг кўламлилигига урғу берган. Унга кўра, фуқаролар иқтисодий мустақилликка эришгач, сиёсий ва демократик эркинликлар ҳам пайдо бўла бошлайди. Бошқа бир олим Фарид Закария Пржеворскийнинг тадқиқотларини сарҳисоб қилар экан, ўзининг “Озодлик келажаги: ватанда ва чет элда Иллиберал демократия” китобида “Аҳолининг жон бошига даромади 1,5 минг доллардан (бугунги долларда) кам бўлган мамлакатда демократик режим ўрнатилса, ҳукмронлик ўртача саккиз йил давом этади. 1,5 мингдан 3 минг долларгача бўлган мамлакатларда бу ўртача ўн саккиз йилни ташкил қилади. 6 минг доллардан юқори бўлса, режим анча турғун бўлади. 6 минг доллардан юқори даромадга эга бўлган мамлакатда демократик режим қулаши эҳтимоли 500 тадан 1 га тенг. Мамлакат бойигач, демократия абадий қолади. Шундай қилиб, бир томондан, Америка ҳукуматини демократик қадриятларни илгари суришдаги зукколиги учун олқишлаш керак ёки даромадларни кўпайтириш учун тинимсиз меҳнат қилган инноваторларни олқишлаш керак, чунки иккови ҳам демократия барқарорлигини таъминлашда катта роль ўйнайди”, деб айтиб ўтади.
@allaevuzb
Mehnat bozorida o'zgaradigan narsalardan biri, vaqt o'tgan sari klassik CV (rezyume) yo'qolib boradi. Uning o'rnini online portfolio yoki hatto ijtimoiy tarmoqlardagi profil egallab boshlaydi. CVdagi yolg'onlar uchun ish beruvchilar shaxsni ko'proq ijtimoiy tarmoqdagi profili yoki LinkedIn kabi platformalardagi profil orqali baholashadi. Kelajakda online portfolio uchun alohida tarmoq ham paydo bo'lishi mumkin.
Portfolioda ishchining bolalik yutuqlaridan bugunigacha bo'lishi mumkin.
Xullas, yangi texnologiyalar mehnat bozorida hali vaziyatni ancha o'zgartiradi.
@allaevuzb
Asaxiy.uz асосчисининг ортида ким турибди?
Asaxiy номи қаердан келган, маъноси нима? Ижодкорлар маддоҳ бўлиб кетгани қанчалик ҳақиқат? Миллион долларга сотиб олинган китоб ўзини оқладими? «Шайтанат»лар йўқлигига сабаб ижодкорлар қадр топмаганида дейди «Қароқчи»нинг объектив марказида бўлган тадбиркор Фируз Аллаев.
Тўлиқ видео: 👉 https://youtu.be/zlGOiGzCmRo
Telegram | Instagram | Facebook | Sayt
Тошкент шаҳрида Notcoin савдоси билан шуғулланган 21 ёшли шахс 10 суткага қамалди. Айбланувчининг смартфони тегишли тартибда йўқ қилинди.
https://www.gazeta.uz/uz/2024/07/24/notcoin/
Telegram | Instagram | GazetaOzb">YouTube
Rossiyada 2025-yil aprel oyidan voyaga yetmaganlarga energetik ichimliklar sotuvini taqiqlovchi qonun qabul qilinibdi.
Butun dunyoda mutaxassislar energetiklarning zarari haqida jar solishmoqda. Lekin, voyaga yetmaganlarga sotuvni taqiqlash bo'yicha qonunni Rossiya birinchi bo'lib qabul qildi.
@allaevuzb
BAA erkinlashtishishda davom etadi. Kecha mamlakat lotereyaga ruhsat berib, kelajakda kazino ochilishiga imkon yaratgan edi.
Bugundan Bloomberg xabar berishicha BAA fuqarolariga bank hisoblaridan to'g'ridan to'g'ri kriptovalyuta konvertatsiyasiga ruhsat beribdi. Bu BAAliklarga bank hisoblarida pulni to'g'ridan to'g'ri bitkoinga alishtirish yoki bitkoinni boshqa pul birligiga konvertatsiya qilish imkonini beradi.
@allaevuzb
Elektron pochtaga savol keldi:
Odatda vaynlar orqali bir narsani qoralaymiz: bayram arafasida mahsulotni qimmat qilib olish (oziq-ovqatdan tortib yo'lkiragacha).Ammo biznes nuqtai nazaridan tovar ketadigan payti bosib qolish to'g'ridek nazarimda.
Siz shu yurtda yashayotgan odam va biznes qilayotgan tadbirkor sifatida bunday holatga qanaqa munosabatdasiz,to'g'ri deb hisoblaysizmi?
Javob: Tizimli bizneslar ma'lum bir muddatga qimmat sotishga emas, ko'proq sotishga yo'naltirilgan bo'ladi. Biznes foydasi ham ko'proq sotganda oshib boradi. Shu uchun ham normal bozor iqtisodiyoti ishlagan hududlarda bayramlardan oldin narx oshishi emas, chegirmalar ko'payishini ko'ramiz. Buni tagini asoslab beraman.
Masalan, bir biznesning oylik operatsion xarajatlari bir milliard so'm. U shu oy 20000tadan 100000tagacha mahsulot sotishi mumkin. 20000ta mahsulot sotsa, bir milliard so'm operatsion xarajat 20000 mahsulotga bo'linadi va natijada tan narx oshib foyda kamayadi. Aksincha, 70000ta mahsulot sotsa, arzonroq sotgan holatda ham foyda oshadi. Shundan kelib chiqadigan bo'lsak, ba'zan biznes arzonroq sotishi ko'proq foyda olib kelishi mumkin.
Bu faktorlar hammasi raqobat kuchli bo'lgan bozorda ishlaydi.
Narx oshishi odatda talab va taklif nisbati buzilgan joyda bo'ladi. Dunyoning xohlagan mamlakatida bayramdan oldin samolyot va poyezdlarga narx oshib ketadi. Narx majburan belgilangan holatlar bundan mustasno. Xuddi, shunga o'xshab, tepadagi biznes misolida, biznes maksimum 100 000ta tovar sotib bilsayu, talab 500 000taga bo'lsa, biznes narxni oshiradi chunki qimmatroq sotish imkoni bor, talab yuqori. Lekin, 100 000 talabga bozorda 200 000 taklif bo'lsa, biznes bozorda ko'proq ulushga intiladi.
Shunga o'xshab, talab va taklif, shuningdek biznesda moliyaviy tizim to'g'ri yo'lga qo'yilganligi bayramlar vaqtida ba'zan mahsulotni arzon sotish yoki aksincha bir necha marotabaga qimmatga sotishga imkon beradi.
@allaevuzb
Венесуэлада сайловлар можарога олиб келмоқда.
Ўтган ҳафта Венесуэлада президентлик сайловлари бўлиб ўтди. Сайловда Уго Чавезнинг куёви Мадуро учинчи бор Венесуэла президенти этиб сайлангани эълон қилинди.
Экзит-поллар унинг мухолифатдаги рақиби Эдмундо Гонсалеснинг катта ғалабасини башорат қилган эди.
Мамлакатда бу галги сайловлар аввалгиларидан фарқ қилди. Мухолифат ягона номзод ортида бирлашишга муваффақ бўлди ва венесуэлаликлар эҳтимолий ўзгаришларга ишона бошладилар. Бу албатта Мадуро режимига ёқмади ва улар имкон борича мухолифатга қаршилик қилишди. Масалан, сайлов кампанияси пайтида мухолифат митингларида электр токи узиб қўйилди, расмийлар иштирокчиларнинг у ерга етиб боришига йўл қўймаслик учун йўлларда чуқурлар қазишди.
Мадуронинг ғалабаси эълон қилингач, бутун мамлакатда намойишлар бошланди, унда минглаб одамлар қатнашмоқда, полиция билан тўқнашувлар бор. Намойишчилар Мадуронинг сайловолди плакатларини йиртиб ва ундан олдинги президент Уго Чавес ҳайкалларини бузиб ташлашмоқди.
Душанба куни кечқурун мухолифат ўз номзоди Гонсалеснинг ғалабасини исботлаш учун етарлича овоз ва унинг исботи борлигини эълон қилди. Уларга кўра, буллетинларнинг 70 фоизи санаб чиқилганда, унга 6,2 миллион, Мадурога эса атиги 2,8 миллион овоз берилган. Лотин Америкасининг тўққизта давлати, жумладан Аргентина, Гватемала, Доминикан Республикаси, Коста-Рика, Панама, Парагвай, Перу, Уругвай ва Эквадор сайлов натижаларини қайта кўриб чиқишни талаб қилишди.
Венесуэла Мадуро даврида оғир иқтисодий ва сиёсий инқирозни бошдан кечириб келмоқда. Мамлакат, инфляция даражаси ва жиноятчилик бўйича дунёда етакчилардан ҳисобланади. Бу сафар аҳоли «бас» демоқда.
Венесуэлада ҳукумат алишишидан Ғарбнинг ҳам манфаати бор. Биринчидан, мамлакат ОПEК аъзоси, дунёда энг йирик нефть ишлаб чиқарувчилардан биридир. Иккинчидан, у Россия ва Эрон билан яқин ҳамкорлик қилади.
Хуллас, яна бир сиёсий инқирозни кузатиш қизиқарли бўлади. Мадуро ўрнида қоладими ёки ниҳоят ҳукумат алишадими, яқин ҳафталарда кўрамиз.
@allaevuzb
Уруш урушдан фарқ қилади. Бир мамлакат фуқароси ҳаёти бошқа мамлакат фуқароси ҳаётидан қиммат туриши ҳам бор гап. Воклар ва сўлчилар ҳамма тенглигига урғу беришгани билан, афсуски реал дунёда вазият кескин фарқ қилади. Буни ўтган йили Туркия ва Суриядаги зилзилада ҳам кўрган эдик. Ўшанда бутун дунё Туркияга ёрдамга шошилиб, Сурия деярли эътиборсиз қолдирилган эди. Оз ўтиб Афғонистон ҳам зилзиладан сўнг шу ҳолга дуч келганди.
Bloomberg ҳисобига кўра Шимолий Корея ва Жанубий Корея ўртасида уруш келиб чиқиши Россиянинг Украинага босқинидан икки маротаба қимматга тушар экан. Ҳисобларга кўра урушнинг биринчи йили жаҳон иқтисодиётига 4 триллион АҚШ доллари зарар етказади. Ундан ташқари микропроцессорлар таъминотидаги узулиш бутун дунёда ишлаб чиқариш занжирини узиб юбориши мумкин. Ҳозирда уруш эҳтимоли кам баҳолансада, икки мамлакат ўртасидаги можарони олдини олиш учун бутун ривожланган мамлакатлар, шу жумладан Хитой ҳам ҳаракат қилади.
Оруэлл "Молхона"сида айтганидек, "барча ҳайвонлар тенгдир, фақат баъзилари тенгроқ"!
Шу учун ҳам кучли дипломатия, халқаро сиёсатда фаоллик, йирик кучлар билан алоқада турфахиллик, жаҳон иқтисодиётига кучли интеграция ривожланаётган мамлакатлар учун муҳим.
@allaevuzb
Nega davlat pullarni cheksiz chiqarib odamlarga tarqatib tashlamaydi?
Buni muhim sababi bor. Agarda pul chiqaraversa, bozordagi narxlar oshib ketib, pul shunchaki qog’ozga aylanib qoladi.
Videoda Texnoplov animatsiyalar bilan hammasini tushuntirib bergan! Iqtisodiyot ishlashini to’liq tushuntirilishi esa youtubeda!
Texnoplovni bu videosidan so’ng “iqtisodiyot” degan murakkab mexanizm puzzle🧩 kabi ko’z oldingizda tahlanib chiqadi va siz hammasini bittada tushunib ketasiz!
- Iqtisodiyot nima?
- Nega davlat hammaga pulni cheksiz tarqatib tashlamaydi?
- Agarda davlatda pul qolmasa nima bo’ladi?
- Nega inflyatsiya bizga albatta kerak?
- Krizis qachon keladi?
- Nega narxlar oshadi?
Shu va boshqa savollarga ushbu videoda javob olasiz!
Ko’rish uchun havolaga bosing👇🏼
🎞 https://youtu.be/A3X1Aah8VTA
Boricha aytay, chempion qizimiz haqida bugungacha hech narsa bilmaganman. Hozir o'zimni hamma kurash turlari bo'yicha ekspert qilib ko'rsatish niyatim ham yo'q.
O'zbekistonda ayollar uchun sport u yoqda tursin, hatto oddiy sohada karyera qilish oson emas. Hamma oila ham qiz farzandini qiziqishlarini qo'llab-quvvatlab, orzusidagi karyeraga imkon beravermaydi. Shu uchun ham Diyoraning oilasiga rahmat aytmoqchi edim. Qiz bola uyda o'tirsin, turmush qurishi kerak, sportga borsa nima bo'ladi, chet elga musobaqaga pishirib qo'yibdimi deb uning umrini buzishmagan. Hozir internetda tarqaldi, orqasida er yigit ham bor ekan. Man erman, qisib o'tir demasdan, qo'llab-quvvatlab, muxlislik qilib turibdi. Erkak kishi uchun, ayniqsa viloyatda bu oson bo'lmagan narsa. Butun oilani tabriklayman.
G'alaba muborak, O'zbekiston!
Savol bo'ldi:
Assalomu alaykum Feruz aka yaxshimisiz. Kanalingizda e'lon qilingan intervyuni ko'rdim. Unda o'zbekistonda yashovchilarning asosiy qismi yoshlar ekanini aytgansiz. Lekin nega haligacha kitoblar krillchada chiqayapti? Biz krillchada kitob o'qishimiz kerakmi? Majburmizmi? Va bu qachongacha davom etadi?
Javob:
2022 va 2023-yilda lotin yovuzida kitoblarni test qildik, moslashdik. "Kapitan Grand bolalari", "Raqamlar uchun yaralgan idrok" va "Bir kun" kitoblari lotin yozuvida chiqdi.
2024-yildan boshlab bo'lsa kitoblarni tayyorlash to'liq lotin yozuviga o'tdi. Demak, hozir krillda chiqayotgan kitoblar asosan o'tgan yillar tayyorlangan kitoblar. 2024-yilda tayyorlanishi boshlangan kitoblar bundan keyin doim lotinda ketadi. Keladigan haftada qiladigan premyeramiz ham lotinda.
Bu masala shu bilan yopildi, Asaxiy Books to'liq lotin yozuviga o'tdi.
@allaevuzb
Твиттерда кўриб қолдим. Жуда маъноли расм.
Кўпинча бизни қийнаётган муаммоларни ечиш учун шунчаки ўрнимиздан туриб, ҳаракат қилиш етарли.
@allaevuzb
Xalqni birlashtiradigan bayram yo'q!
"Nega bizda to'y kult darajasiga chiqqan? Bizda bayramlar yo'q. Odamga jamoatchilik bilan nishonlanadigan bayramlar kerak"- shoir Tillaniso Nuryog'di
Qizlar har xil mavzularda fikrlashishgan. Qiziq qarashlar bor.
https://www.youtube.com/channel/UCZ5Xv8UVg83hrpyOzL3yJIw
Google uchun xavotirli yangilik, OpenAI Search GPT qidiruv tizimini e'lon qildi. Yangi qidiruv tizimi sun'iy intellekt asosida qidiruvni yanada osonlashtiradi va qulayroq qiladi.
Hozirdagi prototip test guruhi uchun ochilgan. Yangi qidiruv tizimi haqida quyida o'qishingiz mumkin:
https://openai.com/index/searchgpt-prototype/
Kecha kelajakdagi mehnat bozorida o'zgarish haqida yozgan edim.
Bu o'zgarishlarga tayyor va raqobatbardosh bo'lish uchun Profi University allaqachon ilk qadamlarni tashlab ulgurgan ekan.
Ya'ni, Profi University "Career Service" loyihasi doirasida “Karyera platformasi” faoliyatini yo’lga qo’yib, talabalariga elektron portfolio yaratish va ularni ish beruvchilarga taqdim etish imkoniyatini yaratib beribdi.
Karyera platformasi orqali talabalar nafaqat o‘zlarining rezyume va portfolio namunalarini tayyorlashi, balki u yerda turli xil kompaniyalardan ish takliflari ham olishi mumkin ekan.
Buning uchun universitet talabalari o'qish va amaliyot davomida barcha erishgan yutuqlarini platformaga joylab borishlari kerak bo'ladi. Oliygoh bu platforma yaqin kelajakda juda katta onlayn mehnat bozoriga aylanishiga umid qilmoqda.
Portfolio namunasi — https://profiuniversity.uz/students
@allaevuzb
Россиянинг энг гигант Wildberries маркетплейси бугун русийзабон ОАВда куннинг асосий мавзуси. Мавзу билан яқиндан танишиб чиқдим ва хулоса қиладиган бўлсак Путиннинг ҳамтавоқлари айнан Путиннинг шахсан иштироки билан мамлакатнинг яна бир ИТ гигантини тортиб олишди. Татяна Бакальчукнинг эътирозига қарамасдан, воқеалар ривожи Wildberries рус олигархи Сулейман Каримов назоратига ўтганини кўрсатмоқда.
Ҳозир воқеалар ривожи ҳақида эмас, бутунлай бошқа мавзуда ёзмоқчиман. Жаҳон тарихида тез-тез ривожланиш янги даражага ўтадиган босқичлар бўлади. Масалан, темир йўл ёки тўқимачилик дастгоҳи, автомобиллар шулар қаторида. Мана шунақа ҳолатлар одатда ривожланаётган мамлакатлар учун гигантга айланиб, бир неча қадам олдинга кетишга, ривожланганлардан ўзишга имкон бўлади. Ривожланаётганлар учун тўғри бошқарув орқали бошқа даражага чиқиш учун "шанс" бу.
Интернет ривожланиши ҳам шунга ўхшаш ҳолат бўлди. Бунақа вазиятдан Хитой, Ҳиндистон, Жанубий Корея, Тайван каби мамлакатлар жуда кўп нарса ютишди. Улар рақамли технологияларга боғлиқ олдинлаш эвазига мамлакат иқтисодиётида жуда катта қиймат яратиб билишди.
Россия ва у бой берган имконият ҳақида ўйлаш ҳам қўрқинчли. 2010 йилларга қайтсак, мамлакатнинг ИТ гигантлари жаҳон даражасида кучли эди. Соҳа мутахассислари бўйича ҳам Россия энг зўрлардан бири эди. Вконтакте ижтимоий тармоқ сифатида Facebook нинг рақобатчиси сифатида кўрилар эди. Ахборот хавфсизлиги масаласида Касперский бутун дунёдан бир қадам олдинда эди. Tinkoff умуман финтех соҳасида революция қилганди. Ундан ташқари mail.ru, рамблер ва Yandex ни эсланг. Хуллас, Россияда ИТ атрофида катта иқтисодиёт яратиш учун ҳамма имконият бор эди. Энг муҳими соҳани ривожлантириш салоҳиятига эга тадбиркорлар ва кучли ИТ кадрлар бор эди. Улар прогрессивлик жиҳатидан бошқалардан ҳатто олдинда, бемалол АҚШдаги кадрлар билан баҳслашиб билишарди. Хуллас, 2010 йилларда рус ҳукуматида шунчаки ҳалақит бермаслик орқали ИТ атрофида қудратли иқтисодиёт қуриш имкони бор эди.
Лекин, афсуски Путин режими бошқа йўлни танлади. Бирма-бир ИТ гигантлар босим билан олигархларга ўтказилди. Уларнинг асосчилари аксари қочиб кетди ёки режимга мослашишга мажбур бўлди. Вконтактедан қуруқ қолган, уни Алишер Усмоновга топширган Дуров Дубайга қўним топиб Telegram га асос солди. Олег Тинков бизнесини топширган энг охиргилардан бўлди. Яндекс ҳам ахборот бизнеси сабаб ҳукумат назоратига тушди.
Путин ва олигархлари қўли тўғридан тўғри маркетплейсларга ҳали етиб келмаганди. Афсуски, ўз соҳасида нафақат Россияда, умуман дунёда ТОП 20га кирадиган Wildberries ҳам энди кетди. Озонни ҳам яқин орада шунга ўхшаш тақдир кутса ҳайрон бўлмайман.
Шундоқ қилиб, Путин ва унинг олигархлари Россиянинг иқтисодий қудратга айланиш учун тарихий имкониятини бошини ейишди. Ҳаммаси русларнинг ўзларининг қўлларида эди ва афсуски энди кеч...
@allaevuzb
Август ойида Ҳарвард профессорининг ажойиб бир китобини чоп этамиз. Манимча, китоб asaxiy тарихида энг фойдалилардан бири бўлади.
Қуйидаги ҳаволада китобдан парчани чиқараман. Ушбу парчада Ford Model T машинаси АҚШда ҳаётни қанчалик ўзгартирганлиги ёзилган.
https://telegra.ph/%D2%B2enri-Fordning-Model-T-avtomobili-07-24
@allaevuzb
Bugun juda muhim kun. 24-iyul. Oʻzbekiston olimpiya terma jamoasi tarixda birinchi marta Olimpiada oʻyinlarida ishtirokini boshlamoqda. Butun dunyo eʼtibori ushbu musobaqaga — dunyoning eng muhim sport voqeasiga qaratilgan.
Bu noodatiy kun. Bu — gʻalaba tugʻilgan kun. Bu kunda millat yetakchisi tug'ilgan. Bugun — butun Oʻzbekiston xalqini birlashtiradigan kun!
Jamoamizga bugungi oʻyinda gʻalaba tilaymiz. Biz oʻzbekistonlikmiz va gʻalaba bizning qonimizda!