دمعي واكبر جروحي. بجيتك اه مذبوحي
روحي واغلى من روحي حسين
من يامحنه ابديلك. اختك حقي واشكيلك
عن ضيعة مداليلك. حسين
كل مغرب يهل حزني. يم جروحه تاخذني
ابن امي و صرت ابني. حسين
حبه يكبر شما كبرت الآه
عطشان وعطش حتى الهوه وياه
موسد على الرمل وتسحكه الخيول
زينب ياغريبه تصيح اويلاه
زينب ياغريبه الله شمصيبه
وجهج يازينب وين مذبوح اخوج حسين
والجثه سليبه. الله شمصيبه
اذا حي على الترب. هاي الغرب. وصلت للخيام
واذا شوفك كصر. بلمختصر. منا بده الشام
___________________
خده على الترب صاير. عينه على الخيم حاير
الصاير بيك ماصاير. حسين
كام وطاح وتعذر . طرنه الحوافر طر
خاف لزينب تاخر . . حسين
ضلمه خيامنه طلعن. ويم حسين لا تمشن
خاف الحافر يسحكن. حسين
ستوني عفته مات ومات عطشان
لاخيمه التستره فوك تربان
من تروح هاي الخيل عنه
زينب تلفي اخوها بشوك عميان
زينب لفت يم حسين لاجن كابعه بلهم
تكله ياضوه عيوني. عليمن هل الفزع ملتم
ونكله شضل بعد. طاح العمد. ونسلبت ايتام
واذا شوفك كصر. بلمختصر. منا بده الشام
ام
___________لجيتك عيني تتامل. حرمه واكفه على التل
ذلتني المصايب ذل. حسين
خيل وليل والغربه. ومابين الزلم صعبه
اليوكف بلركض كلبه. حسين
اعثر وانهض واعثر. وهاي خيولهم تفتر
الوذ بيا كتر بلبر. حسين
تهت يحسين بين الخيل والنار
اليعثر بلركض خطواته تنهار
كبرني التعب والشوك يحسين
صفت خيلهم وبجسمك شصار
صفت الخيل الخيل ها يخياله
وين التهيج بعزم بهاشم سباع الخيل
ها يخياله
بعينك جم سهم. تلوج بالم. عن اختك شضام
واذا شوفك كصر. بلمختصر. منا بده الشام
بده الشام
_________اجيتك كوه شيردني. الحرم بخيامي تنطرني
ياضيم الهدل متني. حسين
بحر الكاع اتجوه. دنيه بلا اخو شتسوه
بلوة غربتي بلوه. حسين
الهم العفته بمتوني. اباري لوحدي بضعوني
البواجي شلت عيوني. . حسين
يادرب الهظم والغاضريه
اميره ورايحه عنك سبيه
ياضيم الهزل باجر والضعون
وداع الفاطمي والفاطميه
يامحلا الواداع بهل المسيه
وعلوم المنيه
بين الفاطمي والفاطميه
فوك النوك اون وهاذا الحزن. شيخلص الايام
واذا شوفك كصر بلمختصر. منا بده الشام منا بده الشام
________
فوك النوك واوميلك. من غربتهم اشكيلك
ياحال اليهد حيلك. حسين
لسه استحسف المنظر. سوك الشام والخدر
مصيبه من مصيبه اكبر. حسين
دنيه ودارت بزينب. خدري ضاع وتسلب
ضليت بزماني انحب. حسين
جفاني الجان لضعونه كفيل
يخويه والله حمل الطف ثكيل
يخلص شامهم بس تبقى الجروح
تنشدوني على زينب كامت تميل
زينب. يل تنشدوني عليها
زينب بلخرابه منزليها
ياهنده شتنشدين. وانه الجنت زينب
اثر فوك الاثر. كلبي انكسر. نمشي ويه ضلام
واذا شوفك كصر بلمختصر. منا بده الشام
✍️علي الحميداوي
/channel/alialhmedey
(ميمر _للمشايه )
يل ماشين . لباب حسين
كل الخدم منتضرين
يم عتبته يازوار .
بلدمعه لاتنسونه
بلخدمه شدوا كل حزم زوارك
مفتوحه ابواب الهلا لزوارك
هاي المواكب تنتظر زوارك
املاك السمه. يم فاطمه
ارزقنه حسن الخاتمه
للطف نكصدك يحسين
لو رادو يذبحونه
___
هاي المواكب والخدم مشايه
من البحر صوب النحر مشايه
لمينه شوك بشوك الك مشايه
لجل الخيم. كلنه خدم
ماعدنه سلطان وحشم
كلنه عبيدك مولاي
للرادو يشوفونه
____
لجلك خلقنه ومانروح لغيرك
عايش حياتي بخدمتك مو غيرك
للعاشك الدمعه الك مو غيرك
انطيته هلك. وحب يشكرك
ماحب يضل بخاطرك
ودالك الدنيه بشوك
باب الله لتعوفونه
_
باب لخدمتك على الدرب ضلينه
ارواح الك بعنه وخدم ضلينه
يافاطمه وي كل نفس ضلينه
بهذا الدرب. كلشي صعب
بس خدمتك من كل كلب
حبينه نصبح خدام
وبكل عزاء يلكونه
___
بلدم كتبنه اسمك ونتباهه
بس بدربكم نجتمع. نتباهه
حتى الكمر يم خدمتك يتباهه
كصدت اله. ولكربله
حان الوعد للقافله
مرخوصه الك هل الارواح
خيرك ترس ماعونه
_
شدينه. راية خدمتك تحيينه
هاذا الدرب يابو علي تحينه
لو متنه بس بخدمتك تحيينه
نعيش نموت. بس هل الصوت
موكب عزائه من يفوت
معزب اصير ولطام
مانهوه بس ميمرنه
✍️ علي ناظم الحميداوي
/channel/alialhmedey
اول جرح فكدك كسرني عفتني وما كمت ليش
عفتني بحسرة الليش ردلنه يعباس
لاترحل وتتركني وحدي ماكدر انكلهن جدامي
شطوله الدرب صار لخيامي تتشمت تره الناس
وين الله وترد عليه
نرجع للخيم سويه
ونذر مانشرب الماي
خل اروى بنفس كفيلي
ضايع على النهر دليلي
جانت عازته هواي
شوف ضهري انكسر لمن عفتني
شوف هاذا الهجر ماشاله متني
شوف مشيب يخويه رجعتني
مو انته اخي . وحاميلي ضهري
هاذا اول كسر . كسرلي خدري
متت بموتتك . ياخويه تدري
______
بصفك نمت وتبدى طولي تشابكنه ياخويه وبجينه
مالفني عباس بايدينه طاح وفكدها الجفوف
كلبي انجوه وحرك مهجتي زينب يخويه منتضرتك
حسيت طايح وكصدتك مغيره رسومه الطفوف
رايح يابعد كشختي
بعدك ماشفت حسرتي
وين انطي الوجه وين
كلبي الماهجع دليله
طايح على الترب كفيله
شوف شصار بحسين
راح كلشي بزماني بي بو فاظل
راح خدري الكفلته على المحال
راح هاي الخيم مابيها كافل
ميت لو تون .حيرني امرك
ترجع للخيم .كل عمري انطرك
مو انت الكلت .سد انه ضهرك
____
ماضل بعد حيل اليلمنه رديت محني رديت
حلفته بامي ضنيت يلم ريته شملنه
خدرك بعد منو اليكفله راح وحيرتنه جبيره
رايح ياشيخ العشيره ياجمار اهلنه
احجي خل نسمعه صوتك
مو هسه وكتها موتك
هوه حسين ينعاف
صرت بحيره من فكدتك
شلي بدنيتي على بختك
بعدك ضهري ينشاف
كوم لو اكلهم تركني وحدي
كوم كل هاي الشماته ضدي
كوم مو بس نفسي انته عضدي
شيقنعه الكلب . ينساك ويهيد
يموت وينكسر .اليفكد الحيد
الماعنده اخو . يحتار شيريد
___
رديت مو مثل رحيلي بخطواتي اعثر هواي
ردناك شلنه بلماي عطشنه لشوفتك صار
رحت وبعد ماجني رايح تعثر جدامي الرياح
صفكت الراح بلراح محني بكل الاكتار
اول مره امشي حاير
الاكبر ماكسرلي خاطر
مثل كسرة عضيدي
يبس كل اخضر برحيلك
دنكت وردت اشيلك
ماتت خويه ايدي
مات على عباس اكعد احجيلي
مات بعد منهو اليتجيلي
مات يزينب مات كل حيلي
خيمة كافلج .ياخويه هديها
مايرجع بعد. عباسكم ليها
من سكنه استحه. مايرضه يلفيها
________
كربي يزينب خل اسولف واحجي شصاير بحاله
اخوج مكطعه اوصاله من جفوفه هوه الجود
لاحيل عندي وابقه يمه احيرن ابقه لو اروح
دهتني يختي الجروح وكلبي بعده ممرود
العامود الضرب جبينه
ماكاطع يختي ونينه
مو عباس اليروح
كلبي تكطع على حاله
ماشفتي شبعد جراله
متغير من الجروح
حار نايم على الترب تركته
حار تنهض لو تجيله اخته
حار حيره بين الخيام ورجعته
من يم النهر . ابعث سلامي
ياخويه الخدر .خله بخيامي
سلم على الخيم . اذا تسمع سلامي
___
✍علي الحميداوي
/channel/alialhmedey
خدام مولاي سيد الشهداء اسف حذفت اخر قصيده بيها تعديل تكمل وانشرها فدوه اروحلكم
Читать полностью…
درب العشك. مااهوه بي بس جروحه
ضل محترك. مايهده ولا يكطع نوحه
بذاك الضهر. عاري وبس شمس الله تلوحه
ضامي وضل بلحومه مترب
عطشان وضل جسمه مسلب.
كلبك وطن مو للسحك. خيامك ستر مو للحرك
راح الخدر واهل الخدر. يمشن سرابيل العشك
مو كتلي ضلي
بفي علم.
يحسين جا شو
نفترك
_________
اول بشر. حب خدامه وماهم موته
حسرة بقت. ماشالو بلطف تابوته
اشر بديه. . من ماسمعت زينب صوته
من الخيل تغير كل لونه
على خيامه تجاره عيونه
كام ووكع ذاك الحسين. البي هسه احنه نستعين
الجامع الدنيه بخيمته. بلاخيمه وفياي الحنين
ينهض يصيح
وصوته بح.
يم جسمي زينب
لاتجين
____________
ابعد واجيك. يامالكني وشاري ايامي
روح الغرام. ترويني وضل كلبك ضامي
ارغب اعيش جوه فياي النحر الدامي
ايامي لحبك منذوره
حبيتك من شفتك صوره
صورة حبيبي الكله الم. المتعلكه باب الخيم
من هبت خيول العدى. تغير معانيها الحرم
مخلوق الحب
بس لعيونك
ولغيرك كل الحب
وهم
___________
جايبني اله. خلانه نعيش بنص خيره
هوه الفرض واحنه نصلي بقبلة غيره
هيمني بيك. واترسنه دموع الحب غيره
يل تارسهن شوك دموعي
لضلوعك كسرلي ضلوعي
شالنه عشره من الترب. متطشر بين الغرب
انفاسه ماطلعن بعد. الخالس جحافيل العرب
اليروي البشر
من جربته
عطشان ماظاك
الشرب
___________
سويلي حل. ارد ابجيك وانسه العالم
وبين اديك. سويني لخايمك خادم
عبيد واريد. كل دمعي على ضعونك هايم
كافلني ومنهوبه خيامه
متطشره بهل البر ايتامه
ركضتهن بذاك الضهر. من رد بلياك المهر
صعدن على تل الهظم. كادوهن لذاك القصر
مهضومه
وعتابي خلص
ياحسرتي لذاك
الخدر
علي الحميداوي
اشتاكت عيوني لشوفتك. يلمهدي وعيوني تصب
بلندبه ادعيلك كمت. لهفي على المتغرب
اشتاكلك وكت العصر. من الابو لبيته يطب
نلتم ونبجي على الخيم. يل بلخيم مترب
يلمهدي جدك من تسلب ثوبه
عمتك تركض ركضت المتعوبه
___________________
رد المهر صوب الخيم. ملوي السرج شافنه
وبلا شعور اتراكضن. من الخيم كصدنه
جالس على صدره الشمر. السيف على نحره تدنه
سكنت انفاسه وونته. مجفي النحر وصلنه
عفنه الخيام بلا زلم منهوبه
عمتك تركض ركضت المتعوبه
___________________
شمطببك بين الخيم. نار وركض بخيامك
يلمهدي لحك على الحرم. توهن مشن كدامك
عثرن تره بنص الدرب. افزع وفك الثامك
يدولبن فوك الهزل. خافن تطيح ايتامك
باخوانها تضل المره منكوبه
عمتك تركض ركضت المتعوبه
___________________
يل النازحين من الخيم. غربه وخرابه تلمكم
يتصطرن من التعب. وسوط الشماته يطشكم
باب القصر يتلاوذن. عيون الغرب تلجمكم
ماتخلص دروب السبي. بس الهظم عاشركم
لون العبي من الضرب مكلوبه
عمتك تركض ركضت المتعوبه
___________________
حاير وونك ماخلص. مرسومه بعيونك هزل
بديار غربه شمنتظر. واهلك كضو كلهم كتل
ماتنسى ولا تنضهم. نسوان مكيوده بحبل
عجل وثارك مابرد. من زلم هاشم ضل نسل
تبقى الزلم من سطرتك مرعوبه
عمتك تركض ركضت المتعوبه
✍️علي ناظم الحميداوي
/channel/alialhmedey
(ميمر _للمشايه )
يل ماشين . لباب حسين
كل الخدم منتضرين
يم عتبته يازوار .
بلدمعه لاتنسونه
بلخدمه شدوا كل حزم زوارك
مفتوحه ابواب الهلا لزوارك
هاي المواكب تنتظر زوارك
املاك السمه. يم فاطمه
ارزقنه حسن الخاتمه
للطف نكصدك يحسين
لو رادو يذبحونه
___
هاي المواكب والخدم مشايه
من البحر صوب النحر مشايه
لمينه شوك بشوك الك مشايه
لجل الخيم. كلنه خدم
ماعدنه سلطان وحشم
كلنه عبيدك مولاي
للرادو يشوفونه
____
لجلك خلقنه ومانروح لغيرك
عايش حياتي بخدمتك مو غيرك
للعاشك الدمعه الك مو غيرك
انطيته هلك. وحب يشكرك
ماحب يضل بخاطرك
ودالك الدنيه بشوك
باب الله لتعوفونه
_
باب لخدمتك على الدرب ضلينه
ارواح الك بعنه وخدم ضلينه
يافاطمه وي كل نفس ضلينه
بهذا الدرب. كلشي صعب
بس خدمتك من كل كلب
حبينه نصبح خدام
وبكل عزاء يلكونه
___
بلدم كتبنه اسمك ونتباهه
بس بدربكم نجتمع. نتباهه
حتى الكمر يم خدمتك يتباهه
كصدت اله. ولكربله
حان الوعد للقافله
مرخوصه الك هل الارواح
خيرك ترس ماعونه
_
شدينه. راية خدمتك تحيينه
هاذا الدرب يابو علي تحينه
لو متنه بس بخدمتك تحيينه
نعيش نموت. بس هل الصوت
موكب عزائه من يفوت
معزب اصير ولطام
مانهوه بس ميمرنه
✍️ علي ناظم الحميداوي
/channel/alialhmedey
على ضهور الهزل جينه
بعد كل الجره علينه
غربه الكوم تحدينه
لهلنه
الامان الجان بخيامي
وكع فوك النهر دامي
صفيت بلا اخو يحامي
ضعنه
الضعن صله بدمع ماشايف الماي
ومشينه بحر شمس ماشفنه الفياي
كطع بينه الدرب يم سچة الموت
عثر درب الهزل شو رضرض عضاي
حسين. امان الله يخويه بلا امان
__________________
امانتنه وضعن زينب
يخويه بعدك تسلب
بخيامي الغرب تنهب
وضعنه
خيمتنا ومحاملنه
الجانت بيها لمتنه
حركوهن يبو سكنه
وركضنه
بسد النوك نلبد لو متن طاب
حار ويلجم متوني هوى الهاب
بعد ذاك التعب كون المره تنام
شنام وكل خرايبهم بلا باب
حسين. امان الله يخويه بلا امان
يخويه بلا امان
___
مشينه وروسكم هايه
ماطاحت الي حجايه
من شح النهر مايه
عطشنه
اشكف صوط برداني
اطيح تطيح نسواني
واحد حبله بلثاني
نچتفنه
بيبان الهظم فتحوها على النوك
خدر الله انسلب من طبن السوك
حسافه الشام ذباني على ديوان
ذَبَلْ حيلنه مناشغ المحروك
حسين امان الله يخويه بلا امان
بلا امان
_____
علامه خلو لضعني
حتى الشامت يطكني
بعدكم ماكطع وني
وبجينه
بشمس الله ومشي الصحره
ملامح وجهي متغيره
الحياة بدونكم مره
انتهينه
يخويه هواي مرت بينه ايام
فوك النوك تغفه عيون الايتام
شكد يطول مانعرف سبينه
تعبنه حسين والله يموت الشام
حسين. امان الله يخويه بلا امان
يه بلا امان
_______ردلي خل اكولن رد
دمعي عليك مايبرد
يردوني بقصر اكعد
وبعدنه
طبع الضيع اخوانه
يمسح دمعه بردانه
التفرهد نار صيوانه
شيلمنه
مايخلص درب بيه اخوتي ابعاد
اليطيح من الهزل فوكه الضرب زاد
يطيح الكون كله ولامره تطيح
احشم بيش وانتم على الثره اجساد
.______________
✍️علي ناظم الحميداوي
/channel/alialhmedey
امتحان الباب هيج بيها الجروح
يامحتسبه لجلج كلشي مجروح
الزهره الماسكوها انعصرت باب
سماء الله وارضها لجلج تنوح
القران ومحمد
من داره تكيد
باجر يشهد الباب
العلى ضلعج تمرد
عضيمه
خلف الباب معصوره العضيمه
هضيمه
بحبال انجتف حيدر هضيمه
__________
زعمنا اولياء بضل عضمتج
وطهرنا تحت خيمة رحمتج
لو ماخدمتج يافاطمه نضيع
برائي افتخر شكرا خدمتج
اللهم العن
الجبتين الملقن
شيطان الكفر صاح
وحقده بفعله بين
العباده
فاطم هيه فرض الله وعباده
التماده
باجر ينكطع جف التماده
__________
قبل ذاك الخلق نور انوجدتي
الله انطاج طينه وانتي صغتي
بكيفج فاطمه اكلبها بلناس
لو بلواقعه وتبديها انتي
ازلزلها على مودج
واليجرح شعورج
ماتنفعله توبه
اليتعده حدودج
دعائج
فاطم انتي بس امري بدعائج
مرادج
امحيهم وارد اطلب مرادج
_________
الغصب حقج يفاطم راح ابيده
فدك فدوه الج انتي الشهيده
باجر يشرف الله بيوم الحساب
وانتي اختاري شنهو الي تريده
ارض الله وسمائه
ياروح البرائه
هيه الجايبه حسين
ومثوبه خبائه
الزكيه
اونسيه بصفاتج لو زكيه
الرضيه
يرضا الله لرضاتج يلرضيه
__________
بمحكمة العدل قاضيها حيدر
باجر كل درب مامنه معبر
تتجسد مصيبتها العلى الباب
طاغوت الغدر بافعاله يحضر
حيدر ياخذ الحيف
مايتعذر السيف
يصلي فوك الركاب
يجيهم حتى بلطيف
مُئازر
باجر حيدر بحكه مُئازر
المنابر
يحكم بلعدل فوك المنابر
علي الحميداوي
@aliakber2018
/channel/alialhmedey
رحمائهُ يامن تجلى في على
يامن هوه للفظلِ عالم فاعتلى
اجمل قمر. اجمل قمر
دخيل جفه وسيفه لو طب للحرب
الموت جان بكيفه يستنكه اليطب
شردوا من عيونه. لو زعل يدرونه
بيده شال الرايه وطك ضهر الدرب
صمصامه بيده. والعركه عيده
يكلب ارضها لون حان القدر
شيخ المراجل ها ياابو فاظل
لخيامه جابه وسجد يمه النهر
______________
ليثُ الوغى آهوت يروي للبشر
ليل البرا من بين اسرار القمر
اجمل قمر. اجمل قمر
انته اعظم ايه بجدران الخيم
انته ملك الشاطي وبجفوك علم
لو عرگ يمحيها. كل ارض يطويها
ياكريم دخيلك يمدوخ الزلم
اخٌ مئازر . بلحربِ صابر
صاحو دخيلك يبن شيخ العرب
طوق المحارب. بلكف ضارب
يازلمه بيكم على الشاطي كرب
_________
انقى من الماءِ والوان السما
من عينه يغدو الجمالِ مشرقا
اجمل قمر. اجمل قمر
انته صوغه لزينب حافضها علي
ياامين وحافظ من بعد الولي
ايه بلطف نازل. قد اتاها الكافل
انته اول ركعه صلاها العلي
سور المحارم. شبل الاكارم
طاهر مطهر عزيز ام الحسن
يانفس هوني. للحب كوني
ساترني هوه ويضل بلا جفن
————————————-
في جربت العباس احلام الخيام
ما ان هوت يقرا على الجيش السلام
اجمل قمر. اجمل قمر
يصير يوم حسابهم بلطف عسر
الماي اجيبه بكيفي يم ام الخدر
مقرر انزل بيهم. امطر انه عليهم
لواجيهم غيمه واكلبهم سقر
الله شاهد. مافر شارد
يخلع ثيابه مثل شردة عمر
اوحى يميني. حب الحسيني
واليسره طاحت ادب من القمر
_________
جعل الطفُ خريفاً فتساقطو
ارياحهُ هبت على سرب العدو
اجمل قمر. اجمل قمر
انته اول قاضي يعدمهم سوه
الهوه شح عليهم مامرهم هوه
ملك انته السبعه. والتريده ترفعه
والدنه يم ناري من ايده انجوه
ليثُ الحريبهَ كبشُ الكتيبهَ
حامل لواها يصنديد الزلم
حصن العقائل. شبل الافاظل
لو صرفن ايده يطشرها ويلم
✍️علي الحميداوي
/channel/alialhmedey
ياباب انه اطهر مره. ماعندك مروه وبخت
ماواكفه طول العمر. فاطم وره الباب اوكفت
استرها لو عندك ستر. مايوم عنك قصرت
جا ليش بسمارك وصل. للمحسن وامه هوت
الحزن طب داري
على الباب الباري.
شفتهم شبو النار
بحقد لفضوها
وإن كالوها
جتفو حامي الجار
ويلاه. ياعذاب
انه المالاكت لخدي يادموع
وصل بسامرهم جبدي يادموع
________________
تسمو صحبته ومارعو. دفعو الباب بلا اذن
بلباب سمعو فاطمه. وكسرو ضلعها ام الحزن
شيطناهم بيهم فزع. وبداره حيدر ضل يون
مات الصبر واهل الصبر. من يسمع بابه وإن
بحسرته نشوفه
الحبل بجفوفه
على فاطم كلبه مذبوح
الشطرهم ساكت
على بابه الشامت
داسو فوك الجروح
ويلاه ..صبري مات
تتماده وجفوف الحقد بداري صار
وباب الله يدفعها عبد. بداري صار
______________
افعالهم بجت علي . وجه السمه لونه انكلب
دخانهم طب ريته. وعيونه تجادح غضب
راحت شهيده بحب علي. واترف خدود التنضرب
ماكامل ايمان وعقل. من جوم بداري الحطب
راحت غريبه
اعظم مصيبه
حيفي ودوسة الدار
غسلها بيده
ودم الشهيده
وبابي وحركت النار
ويلاه مني ضاع
المحسن والم كسر الضلع مانسيت
عمرى البقه بس للدمع. مانسيت
___________________
بيا حال ينظر فاطمه. مجتوف حيدر من طلع
بيا وضع حيدر حالته. بفراكج يهل يادمع
مات الصبر اه الصبر. ام بيتي مكسورة ضلع
الجانت اعز من الهوه. تبدت ترافع ويه الشمع
صبح ديوانه
دمع لاحزانه
وموكدهم بقه ينوح
على فاطم بيته
الحزن ماهيته
شعت منه الجروح
ويلاه هوه باب
يتم بناتي والهظم. شفته ليش
هوه الجرح ماينهظم شفته ليش
_______________
ياباب الثكيله وزن. جذوعه الابد مارحمتج
حتى الخشب حاقد صبح على العتبه رايد طيحتج
من بابج لكبر النبي. يوميه عتبه تفرفحج
رسمت مسافات الجرح. وكل دمعه تسبك خطوتج
لتسبيحج اشتاكينه
يافاطمه تعوفينه
وحسين مو مال فراك
وراه طف عاشر
والا من ناصر
لحنيتج يضل مشتاك
ويلاه مني راح
خدري ودلالي والجرح ماشكيت
بوصيته حيدر منذبح ماشكيت
علي الحميداوي
/channel/alialhmedey
جايب سلام.
من ذاري حرك الخيام
شايل دموع وهيام .
يابو محمد وابن الرضا
كلشي غريب
حتى الهوه اليمك غريب
ودموعك تاخذنه وتجيب
راح ابدي اخدملك قضى
من كربله جايب. دمع وكلب ذايب
جايك وارد شايب. من الحزن
اهل الوطن غربه. واسه الضعن كلبه
يا محنتك صعبه. وحدك تون
________________
منك جروح
يم بابك ارد ابجي وانوح
كل دمعه ويه انفاسك تروح
ارد ابجيها بلحن الهزل
ليل ورماد
انذرلك بسنيني الحداد
والبس فوك جروحي السواد
ويلجمني كل طاري حبل
من غربه سنينك. ناذر دمع عينكً
ولمجلس حسينك. كاسر ضلع
ماغايب وجيتك. يلمهدي تانيتك
لاماترد ضيفك. رايد دمع
__________________
انته الوصال
مولاي بعينك مو خيال
من حالك ارزق كلبي حال
ومن حنيتك تارسني حب
احنه العبيد
بلدنيه غيرك مانريد
احركني بكل دمعه تهيد
على الضامي الماشارب عذب
انته الابو الراعي. يحدي بكلب ناعي
وانه لعزائك ساعي. وانت المعين
خادم الك صيتي. مجلس عزائك بيتي
بس اللطم ماهيتي اياك نستعين
____________
يم بابه اهيم
تعنيتك وادري انته الكريم
راحمني وكل عطفك رحيم
وبنار الغربه تعذبت
مولاي اجيت
يم بابك مكسور وبجيت
دورتك بجروحي ولكيت
اصل الدمعه البيها عشت
يلماخذ سنيني. من جرحك اجويني
يل قابل بتكويني. قابلني حر
يافاضل النعمه. الخادم شرف اسمه
لو رايد تكرمه. العاش بهجر
_________________
الشاعر علي اكبر الحميداوي
/channel/alialhmedey
قصيده شور
كلشي راح
والامان بلا امان كلشي راح
باجر ندور مكان كلشي راح
كلشي ضلمه. وكلشي نار
وكلشي بين بالنهار
الهيمه متروسه عبي
حسين كوم الحك خواتك
انترستً الهيمه ابناتك
ويالضعن جنت اشحلاتك
هسه تمشي ويالرماح........كلشي راح
_______
كلشي خوف
باجر نطب الغرب كلشي خوف
الشام يكسر كل كلب كلشي خوف
بحيره عشنه. وحيره هاي
منين ادورلك فياي
العنده حيل يهده باجر
العشك دمعه وهسه طاحت
وعرگ كلبك وين راحت
بيا كتر بلهيمه ناحت
على الخدر يطلع جم صباح.......كلشي راح
_________
رحنه ليش
موادع المذبوح دمعه رحنه ليش
وروحه هاي بدون رجعه رحنه ليش.
كلبي مات. وشاب نحري
وباجر يهدون صبري
على المجالس من نطب
بجف حنانك كوم لمني
العوز يكتل يبن حضني
وين اروح بهاذا ضعني
ومنهو بعدك يستراح ........كلشي راح
________
خاف اضيع
من اروحن ماكو والي خاف اضيع
المن احجي وشجرالي خاف اضيع
حيل زحمه. امشي وحدي
والغرب بضعوني تحدي
بلايه رايه ولاكفيل
ماكو حيله وهاذا وضعي
ولاكو واحد كال ارجعي
بس بواجي يقره دمعي
دمعي من جفوني طاح .........كلشي راح
______
والله اخاف
على الخدر حلت ضلامه والله اخاف
يكضي ليلي شلون انامه والله اخاف
على التراب. وهاذا ليل
كوم اخذني ماكو حيل
الماسكاك يريدني امشي
الطاح طاح يضل وراي
بضهري اخ تهد كفاي
باجر يضربون كلمن ماله راي
الماله اهل فوكاه صاح .....كلشي راح
✍️الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
جرح من المخيم بيه الك ماينطفي
حاس بكل دمع من طلعو ذيج العبي
وين البي جرح يحجيلي عن ليل السبي
فرن من خيمه لخيمه. طاحن بلطف يابو الشميه
ضلن ياخويه بهيمه. بلا والي وراي
المايوم تفارك عينك. كادوها كبال حسينك
رادت بلطف جفينك. يون وياها بجاي
من سولفت عن كربله كلت الهجر
حرمه وخلص يم الخيم خيط العمر
ماناوي اكفن دمعتي عن اليسر
هم السبي بدنياي. حط بيه هم.
لو ترجع بمكفاي. تحمي الخيم
————————————-
ليل البل خرايب ينطوي بيد الغرب
شوك الماله والي فرن بذاك الدرب
سر من حب خيامك شفتك بعين الكلب
دخان الخيمه بريتي. بلشام اصبح تاليتي
من اوكف ماطيح امنيتي. حتى اشبك عباس
سهم الموت بنص عينه. سبل على الشط جفينه
من طاح بصف حسينيه. مافزعت ناس
ستوه انكسر ضهر الولي وضك الهوه
من ودع خيام الخدر كلبه التوه
شفته وكلت حان السبي من نينوى
فرن خواتك وين. وطاح العلم
لو ترجع بمكفاي. تحمي الخيم
__________________
وين البي حميه يشيله من فوك الترب
خيل وحس شماته الترست عيون الدرب
عاري بنص صحاري وبشمس ذاك الضهر
ليش حسين يذبحونه. من الماي يحرمونه
كلب الزهره يخلونه. ينجر باحبال
هاي النعمه الطردوها. بلطف والحر خلوها
وزينب عمدا كادوها. تمشي وي انذال
بيتك يبو الاكبر وكع واختك مشت
على التل نساوينك مشت وتعثرت
خيل ودويهم على الخيم كلها اعتنت
صوب الخيم نسوان. لا مو زلم
لو ترجع بمكفاي. تحمي الخيم
______________________
وين العده خيمه يضم جسد باد بشمس
تبده على الوطيه وشالته حوافر فرس
كون العنده ليل يضمني من شوف الرجس
من يقبل غربه بداره. يدورون على اخته دواره
جا زينب شو محتاره. من نار لنار
ماكو الكافل يحميها. انجاس تدور عليها
سوط اليضرب يجويها. وبحسين شصار
كل طيحه عندك كلفت زينب ركض
يدولبن بين الخيم طول وعرض
بس يمك اسجد وانحني لسابع ارض
من عينك لحد هاي. ابجي هظم
لو ترجع بمكفاي. تحمي الخيم
—————————————
كون الينجرح بيكم يهد حيله الجرح
صار الحب ذبيح وطالع براس الرمح
ليش العنده خيمه جازته خيول وذبح
ضامي وبلهم يتعثر. فوكاه الخيل التفتر
مطروح وضامي بحر. فوك التربان
كلهم فزعو جتاله. وشالو عباس كباله
ويم خيامك خياله. موت ويمه النسوان
المن صفت زينب تره عتاب وسبي
الجانت فخر بيت الله هسه ويه اجنبي
حيره وهضم من كربله يابت علي
كلمن يجيب الماي. ضل يبتسم
لو ترجع بمكفاي. تحمي الخيم
الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
رديت
شاغل جمالي شوفتك
وانته هم ردلي
لتكوم
دربي موش بعيد
يابعد عمري
وين ابو فاضل. يبنيلي داري
قراية محامل. طبلي خطاري
ماعندي كافل. مني شبقالي
في باقي الله انجتل.
وجابوني على الهزل
خلص عمري بحبل
فوك الناكه
__________________
ذبلان
لتكلي من ذيج الشمس
ذبلت عيونك
والخيل
رجعت عليك وطحت
غيرت لونك
شعذر عيوني. بشوفه حنينك
همه السبوني. بيوم اربعينك
من عذبوني . اسمع ونينك
بلكت والكاله اثر
شلكه وضعن الله مر
اروي واصبح مطر
واروي العطشان
______________
اشتاك
والكه بعيوني حلم
جني حبيتك
واندار
فوك البواجي هجر
بدمعي تانيتك
ضلت بكايه والباقي روحه
لا عندي رايه. واجمع جروحه
في العبايه. ياريت الوحه
شمس وكاع السبي
ونوحي يبجي نبي
سويت عيوني عبي
من هبت نار
____________________
ياحيف
بايك بمتني السوط
ياكثر نوحي
ياحال
موت وسبي بلشام
انه وجروحي
غير البواجي. واني اسيره
سبحه وتراجي. عمر الاميره
نحرك يحاجي. وجهي اديره
ياروح الباقي عدل
خلوني بلايه اهل
تموت الماعدهه خل
واني بحيره
___________
ياليل
هيه نجمه وخوف
وينه في باجر
جذاب
يكلي مات حسين
وضعنج مسافر
انه ويه اخوتي. وهمه اليه
مايعله صوتي. هسه شبديه
اترجه موتي. ومجتوفه اديه
باجر يطلب بجي
ابجيله وبيه حجي
عل اخ بحيلي اجي
مسلوبه الراي
✍️علي اكبر الحميداوي
/channel/alialhmedey
هاذا اخر حبل يحسين من ايدي لميلة ضعونك
ماخذني لسره الشمات حكها تغورك عيونك
مالت والعليها تميل تعثر من يضربونك
بين الميله والعثره اشبع سوط بمتوني
تاخذني وتوديني يمك بلبجي عيوني
اغير بلمشي مرات خافنهم يعرفوني
زينب طلعت يصيحون بلديوان شافوني
مسلوب وعلى التربان عفتك
ناديته يخويه الحك اختك
مشوني بحبل موش بكشختك
للصعبات يبن امي ذخرتك
---------------
طبت للقصر زينب نكادت كيد مو ممشه
حرت مابين ذيج وهاي جفني ماغمض رمشه
اليطر بلناس يتمنه مو جسمه يطر نعشه
من حسين حد حسين دنيا وماهويتلها
تعبت من الدواره عليك صدك ماتعبتلها
تذبها الماوراها اخوان وتتعثر محاملها
بين الموعرف يحسين مالت وشيعدلها
ماشيت الغرب مو ممشه الاخوان
يهل هاشم هضيمه نطب لديوان
الهابتها الزلم حاطتها عدوان
باب الساعه وكفت خويه نسوان
------------------
كصرت بلمشي جدامي من كد الونين عليك
خرابه وضيم ومشاتم ياكل بلكلب طاريك
مدونه على كد الشام ثلث ايام بس نبجيك
راحت غيمه وتسولف بس التعب رداها
مشي وصياح ومزاحم زينب وين منواها
غيمه وحنت على الماي باول عطش ممشاها
رد بينه يحادي النوك غير درب مسراها
هاي الناس تتفرج علينه
خزي وطبول وحبال بادينه
مابين الخلك خويه انسبينه
بنص الموت ويموتون بينه
-----------------------
عنك كوه مشوني الموش برايه مايسلم
عفتك بس بقيت وياك كلبي يمك تثلم
جذبت الهجر يحسين من جابو قميصه بدم
اتجيلك تكوم وياي وحدي وياطريج اندل
الماعدها اخو ولا راي وحكك بلغرب تنذل
مشينه مشي المضيعات بلمضيعه الدرب يطول
اتلفت وره اخواني تجوني باقيه اتامل
احمل بلضعن والحسره بيه
حرت والناس ماترحم سبيه
بين الموشريف ولا حميه
طبت بضعة الزهره الزجيه
-----------------------
اخيرا حققت حلمي شفتك واكف كبالي
حضنتك والعطش بداك من رمحك تدنالي
تعبان التعب ماذيك يبعد ام عون تحلالي
ليش مغيره رسومك ذابل والهوه يجرحك
مو اني اختك ويمك ليش تشابك برمحك
تعال البيه كله حسين مشتاكه اشتم بعطرك
سولفلي شنو الياذيك تعاين عينك لخدرك
مامفجوعه اخت مثلي باخوها
بنص عازتهم اخوتها جفوها
بنص الكوفه اختكم طببوها
للمجلس غصب من كيدوها
✍️علي ناظم الحميداوي
/channel/alialhmedey
حان. موعد المشايه
سار. كلبي ويه الرايه
شوك. الدمعه ترسم خطوه
حسين. مكصد الوفايه
باقي لسه يحسين على وعدي
امشي والدمع يمشي على خدي
خيرك سار بينه موش الاجدام
بس درب العزاء الخطوه تحدي
بچفنك انته تحمينه
خيرك داير علينه
اذا بچفونك تحطنه
جا بيمن تغطينه
سلام الرايه. الك
وغرام الدمعه. الك
وتعبنه فدوه. الك. حسين
___________
جروح. بدربك شما تكبر
اليل. للعزاء قد كبر
نموت. وخدمتك تحيينه
نعيش. وانته منطي الاكبر
مشينه وشوكنه يسابك هوانه
وصال الحب يبو الاكبر خذانه
موش على الجدم نوصلك زحوف
ومدري بيش ابو فاظل اجانه
شايل رايه بزنوده
ويصيح عليكم العوده
يروي الحب والخيام
كريم وينشكر جوده
سلام الرايه. الك
وغرام الدمعه. الك
وتعبنه فدوه. الك. حسين
___________
هاي. جدامي الك منذوره
لون. عطشتك كل صوره
نصيح. ياهلا بزوارك
الروح ترتوي شما ازوره
رايه برايه نوصل للمناره
نموت بلا عزاء ولا زياره
يبو كلب الترضرض بين الخيول
حبك مابرد بجروحي ناره
انخلقنه حتى نمشيلك
بدموع وحسره نبجيلك
لله خيمتك منطي
والله حاب يوفيلك
سلام الرايه. الك
وغرام الدمعه. الك
وتعبنه فدوه. الك. حسين
_______________
تروح. للطبيب اجدامي
جروح. يم حبيبي الضامي
حب. موعد ويه الدمعه
بيك. ابدي كل ايامي
خلي اجدامك تحن بمشيها
بكل خطوه الدمع خل يرتجيها
الخادم والامير. بدربه خدام
مملكة الخيم ذبحو نبيها
الامير البيها عطشان
شفافه ونحره ذبلان
ضل بذيج الطفوف
الساتر باقي عريان
سلام الرايه. الك
وغرام الدمعه. الك
وتعبنه فدوه. الك. حسين
_____________
الحيل. امشي واطلب منه
دموع. تجوي كون لضعنه
نار. من خيامه لجرحي
بويل. لاربعينك سرنه
وي ممشه الهوادج والضعن روح
خلي بكلبك لمولاتك جروح
اوصل منكسر ومدنك الراس
امتثالا للبقه بلا راس مطروح
عاين كربله بعينك
وشوف شصار بحسينك
كون بصحنك نموت
ولا يطفي السهم عينك
سلام الرايه. الك
وغرام الدمعه. الك
وتعبنه فدوه. الك. حسين
✍️علي ناظم الحميداوي
/channel/alialhmedey
واعية الحزن ليك استمع
طاحت خيمتك طيحت شمع
الئ من ناصر يصب الدمع . حسين
ضلت حسره نوكف علئ الخيم
موش بكلبك بكلبي السهم
وتبقى انته امير على الخدم. حسين
ذبل شفافك ذاك العطش
ومتطشر جمالك على الترب
لاجم دليلي ليل اهدعش
طلعن خواتك بين الغرب
دية الحب خيل التسحكك
هاذا القدر والبي رجاك
خلت اثر ذيج الحوافر
وصلت يبو الاكبر مناك
حزنك كبر وي المشاعر
دين المواساة لرضاك
______
ممشة حب مشيت لكربله
غريب وكاصد بضعنه وهله
شربت ماي محد جاب اله حسين
جذب ذيج الرسايل خانتك
كتبولك هلا وما رحمتك
نفاق سيوفهم ما نصرتك. حسين
جمعوا حقدهم واعتنوا
لارض الطفوف تلكوك
نيتهم الجانت غدر
لنحرك يجون يذبحوك
باعو ذممهم باعو ضماير
حب الله نكروا والبخت
زاحو شكو ماي بكصصهم
خيول العده من اهجمت
خدر الله طش على الارض
زينب بل اجساد اعثرت
_____
اليجي من الحج ينثروله ورد
موش علئ الهزل اخته ترد
سبحت الله طشرها الحقد حسين
مراسيم الصفا صارت سحك
وبين المروه اختك تحترك
السعي لخيامك بنار وحرك. حسين
حضن الخرايب صاير وطن
للمااله خيام ولا اهل
حرمه على حرمه لضهر انتجن
اعظم امام برمح انحمل
حمل بناته وضلت عليله
صاحت وراك شكد ياحسين
عايفني وحدي بغربة وشماته
ماتلكه بويه للملكه عين
يادار افرشه لجيتك وانطرك
ومادري بيك مسافر لوين
______
وكفت زينب وشح الهوه
وصلنا ياحسين لنينوى
حسيت بغرب كلبي التوى. حسين
مامرتاحه خوية لهل السفر
شفتك محني ومدنك الضهر
خافن ياخذ اخواني النهر. حسين
من عيونك توادع شفت
حسيتها اخر نضره
ماكتلي يحسين العده
تاخذ عزيز الزهره
مايهده بالي ولايهده كلبي
باجر اضل بحيرتي
وينك يبو فاضل يضلي
وينك يطولي وكشختي
لتكلي رايح عن الفواطم.
جا بيمن اجبر كسرتي
______
عمه ياعلي سمعت الحجي
كرب خل اهيد من البجي
ابوك بسد خيامك ينتجي. حسين
شال بايده من شوك الارض
الركض لعيالي باجر ينفرض
لعيالي العده ماتعترض حسين
هل المنظر من جسمك
شالنك خيول اهدعش
من فوك التل شافت.
جسمك على الكاع انفرش
ناداها عمه فرن غرايب
ماترحم بخدر الله الخيل.
هبت تره الناس لخيامج
ماعدها ذمه الناس تعيل
هاذا اول اوداع واخيره
وحشة ضلام وغربة ليل
✍علي الحميداوي
/channel/alialhmedey
سار الدمع وي الحبل. ولاتنسى حسرتي
بلايه اخو انطر الغرب. محتاجته لغربتي
نتغرب بوطنه. بيمن نرد لهلنه
ماينسى سبيهم. هاذا اثر حبلنه
ياهلي خلص كل عمري
والسبي اخذ. من خدري
والعمر كضه. ماضلي دلال
بلا سبي جنت مهيوبه
بدنيتي عشت. متعوبه
والحرس غرب. وگيودي حبال
هسه مشيت. مو بجفوف اخوتي. ولايسمع شكوتي.
ولا نندل دربنه
وحدي بقيت. غربه بنصهم انحب. دارت بيها زينب
ولايرجع كمرنه
______________
اتعثر ومامش اخو. عن الحرم يحامي
بهاذا الضهر الكه منو. محتركه كل خيامي
ماتنطفي بدليلي. من ابتده رحيلي
لا رايه لا محامل. ولا انتظر كفيلي
ينتهي الدمع. متأمله
اعثر بدرب. واوصله
شفته منذبح. تسحكه خيول
شنتضر بعد. شنتاني
على الترب بقو. خواني
ركضت الحرم. عليها شكول
مني سلام. لخواني النسوني. وحدي وفاروكني
زينب وين اخوها
كلشي حرام. ركضتنه والمنه. ومن حركو خيمنه
وكالو طلعوها
___________
من شفته طاح على الترب. ركضت هظم ركضنه
طحت وصحت ياكربله. باجر سبايه كلنه
ماترحمج الحوافر. . زينب الهظيمه باجر
طلعي الحرم من الخيم. انباعت تره الضماير
هبت الحرم. مرعوبه
خيامي والستر. منهوبه
تالي هل الخدر. سبايه تروح
موعد السبي. امشيله
متني والحبل. اشكيله
والهظم بده. وخذتني جروح
محضره عتاب. بس اليله اكوله. وين اهل الحموله
ماضلي بعد راي
شفنه عذاب. من طحنه ولونه. بيكم عيرونه
يخويه الرايح وجاي
_____________
مجبوره اروح وي الغرب. لا في علم برالي
اليحدي الضعن مو كافلي. ترضه انكشف خيالي
ياهضمتي. يخوتي. المن بعد شكوتي
من شفنه لجمات الغرب. اهون عليه موتي
انسه والحبل. يلچمني
من ايدي للقصر. ياخذني
منحني الضهر. دربنه طويل
اشكف الضرب. بمتوني
ماكو ضل الي. وشافوني
وكفت الغرب. بضعوني تعيل
ضعني لوين. الجانت بي اميره. شو صارت اسيره
زينب ياغريبه
خويه حسين. حك الخوه وينه. بلسوط انولينه
كلبي اسمع نحيبه
______________
عشنه هضم ذاك القصر مالايك لزينب تره
الماعدهه والي ولا كمر. يحسين لسه محيره
متحيره العقيله. عكبك صرت كفيله
باطفالنه وذيج الحرم. لاخل بقى لخليله
زينب الهظم. كاتلها
هوس برمح. كافلها
على الهزل ارد. مكسوره كلب
يمته بت علي تتيسر
حرمه وبحبل. تتعثر
هايه محنتي. تحديني غرب
حبلي كصير. من اعثر كلها توكع. سياط بمتني اشبع
دولبني زماني
بيمن احير. كلها بحبل اديه. من سكنه لرقيه
لو ميته بمكاني
____________
✍️علي ناظم الحميداوي
/channel/alialhmedey
حان. موعد المشايه
سار. كلبي ويه الرايه
شوك. الدمعه ترسم خطوه
حسين. مكصد الوفايه
باقي لسه يحسين على وعدي
امشي والدمع يمشي على خدي
خيرك سار بينه موش الاجدام
بس درب العزاء الخطوه تحدي
بچفنك انته تحمينه
خيرك داير علينه
اذا بچفونك تحطنه
جا بيمن تغطينه
سلام الرايه. الك
وغرام الدمعه. الك
وتعبنه فدوه. الك. حسين
___________
جروح. بدربك شما تكبر
اليل. للعزاء قد كبر
نموت. وخدمتك تحيينه
نعيش. وانته منطي الاكبر
مشينه وشوكنه يسابك هوانه
وصال الحب يبو الاكبر خذانه
موش على الجدم نوصلك زحوف
ومدري بيش ابو فاظل اجانه
شايل رايه بزنوده
ويصيح عليكم العوده
يروي الحب والخيام
كريم وينشكر جوده
سلام الرايه. الك
وغرام الدمعه. الك
وتعبنه فدوه. الك. حسين
___________
هاي. جدامي الك منذوره
لون. عطشتك كل صوره
نصيح. ياهلا بزوارك
الروح ترتوي شما ازوره
رايه برايه نوصل للمناره
نموت بلا عزاء ولا زياره
يبو كلب الترضرض بين الخيول
حبك مابرد بجروحي ناره
انخلقنه حتى نمشيلك
بدموع وحسره نبجيلك
لله خيمتك منطي
والله حاب يوفيلك
سلام الرايه. الك
وغرام الدمعه. الك
وتعبنه فدوه. الك. حسين
_______________
تروح. للطبيب اجدامي
جروح. يم حبيبي الضامي
حب. موعد ويه الدمعه
بيك. ابدي كل ايامي
خلي اجدامك تحن بمشيها
بكل خطوه الدمع خل يرتجيها
الخادم والامير. بدربه خدام
مملكة الخيم ذبحو نبيها
الامير البيها عطشان
شفافه ونحره ذبلان
ضل بذيج الطفوف
الساتر باقي عريان
سلام الرايه. الك
وغرام الدمعه. الك
وتعبنه فدوه. الك. حسين
_____________
الحيل. امشي واطلب منه
دموع. تجوي كون لضعنه
نار. من خيامه لجرحي
بويل. لاربعينك سرنه
وي ممشه الهوادج والضعن روح
خلي بكلبك لمولاتك جروح
اوصل منكسر ومدنك الراس
امتثالا للبقه بلا راس مطروح
عاين كربله بعينك
وشوف شصار بحسينك
كون بصحنك نموت
ولا يطفي السهم عينك
سلام الرايه. الك
وغرام الدمعه. الك
وتعبنه فدوه. الك. حسين
✍️علي ناظم الحميداوي
/channel/alialhmedey
( نزله للمشايه )
حياة وموت يحسين
نزور بدمعة العين
تقصدك هل الملايين. قربه لله
___
نذر منذوره يم شباجه الاجدام
عمرنه فدوه الك يحسين خدام
لضريحك تعتني مشايه الايام
وفائاً للعشك
بدربك افتخر لو وزعت ماي
شرف النه نفوز بخدمتك هاي
باجر نفتخر بلخدمه مولاي
الك كلبي يدك
التعب لحسين مريود
ثيابي متربه السود
اذا كطعوها الزنود. قربه لله
___
نطوف بحضرتك طوفان الاحرام
نشد راياتنه ونتحزم حزام
نواسي ضعنك المشوه للشام
ونون على الخدر
اجينه بشوك نتلهفلك نزور
نذرنه ارواحنه ومنذوره النحور
تعناك الكلب يحسين مكسور
وندك على الصدر
المواكب كلها تتناك
يزايرنه علي وياك
عايف كل هله وجاك. قربه لله
_
بعنه ارواحنه ونفديك بلروح
نوصل يم ضريحك بينه الجروح
كل حاجه انكضت شكرا يمذبوح
اريدن خدمتك
اليشيل الرايه يمشي حسين وياه
بلهفه وشوك كل موكب تلكاه
زاير لابو الاكبر علي وياه
يرفرف رايتك
يم كل موكب نصيح
وتلعب رايته الريح
يم بابك سره نطيح. قربه لله
___
عشك عابس عشكنه لاتلومون
شتكول الناس عني اني مجنون
اتعنه زحف يحسين ممنون
عقيده وغايه
من حيل ابو فاظل رايد الحيل
من البحر نمشيلك بحيل الكفيل
نميل وي الهوه شما صدلك نميل
بهوى المشايه
تعبنه وياك ماضاع
حملنه ارواحنه متاع
وتمد جفوفك شراع. قربه لله
✍️ علي ناظم الحميداوي
/channel/alialhmedey.
المن ضلتج هاي. كومي ودوري الفياي
ماضل بيج حيل هنا تركضين
ارتاحي شويه عمه من الونين
كومي ودوري الفياي
________________
بده موتي بده. اخوي لوحده
انا وليلي نون. على البليلي سده
رسومه ذيج. راحت وغير ملامحها الشمس
رسومه ذيج. حر التراب انشهك ويه النفس
خويه حمول هاشم سالبيها
طبول وخيل ناس شترتجيها
رد الشامت يباوع عليها
زينب لاتونين. هوه شباقي بحسين
كومي الشام ياخذ منج الحيل
بواجي هواي عندج خويه بليل
كومي ودوري الفياي
____________
يخو زينب مشن. غريبه بكل وطن
شماته بكل درب. الكلب طحنو طحن
منين هاي. كله تسال ليش جابوها سبيه
منين هاي. طولها مترب تراب الغاضريه
يعمه العيد مو وكته شيعيدون
ناس هواي فرحانه ويشمتون
ام عون الناس ماصارت الج عون
اليطلع علينه خطار. ناس تدور الثار
كتلونه يخويه واحنه عدلين
من طرينه سوك الشام يحسين
كومي ودوري الفياي
___________
الجرح بان وكبر. بقيت اشكف حجر
هدل متني بضرب. تره بان الاثر
كلبي مات. من دريت البلخرابه مربط الخيل
كلبي مات. مات حيلي وبعد شيرجع الحيل
يكبر كلشي باجر من تروحين
زينب وينها ووين الدواوين
بهيده عمه بالج لاتطيحين
بعد ماضل الي شوف. خذت كل شوفي الطفوف
اذا توكع مره كل السره يطيح
جسمي عليك باد وطشره الريح
كومي ودوري الفياي
___________
على النوك اركبت. بلايه اخوه رحت
ويصحون الغرب. هوت زينب هوت
من اطيح. يطيح كلشي ومايرد خويه لمجانه
من اطيح. لياهزل مانعرف الشامت خذانه
جروحي كصت حبال الهزيله
من اكلك بانت اعضامي قليله
اذا يوكع طفل مابيه اشيله
تتفرج علينه . باقي بس عبينه
جا ليش اليضيع من اهله يتعب
طحنه بحلك ناس تدور السب
كومي ودوري الفياي
___________
الضعن راح الضعن. غدر بيه الزمن
تعب وبلا خدر. بقن يتعثرن
مانسيت. داسته الخيل وبعد ماعنده ناصر
مانسيت. عين حلوه وعين مردته الحوافر
مانعرف بعد شتضم الايام
حركت كل عبينه نار الخيام
ركضنه بل بوادي ركض الايتام
وداعي الكم يخوتي. اضن كربلي موتي
خلصت وانتهت زينب بعدكم
بين الناس كامت تمشي اختكم
كومي ودوري الفياي
—✍️علي ناظم الحميداوي
/channel/alialhmedey
من زغر شفت الالم
بعيني مرسومه الخيم
نفسه بسمار وسهم
بين بابي وكربله
هاي نار وذيجه نار
نفس ركضتها الزغار
المانشافت بلنهار
هسه صعدت هازله
المحسن ودم عتبته
ودم رضيعي ونبلته
المحسن بين اخوته
وابني ضل بين الفله
نفس بابج والحطب
السوط البمتني انضرب
لاجن بين العرب
الجنت اني مدللة
ويني وين اليسر
وين وداني الدهر
تالي ماتالي العمر
بجفي كيد وسنسله
اني شنهي وي الحبل
واركب بعوج الهزل
موش باولام الاهل
باب شام اني ادخله
كون موجوده اخوتي
ولا اطفال بذمتي
شحده يوصل ناكتي
اليدري بيا مكفله
✍️علي الحميداوي
/channel/alialhmedey
العفو ونادم. العفو لهل العفو يوميه اعيده
بعشك هايم. الك حسره ويه كلبي شما تزيده
اضل خادم. واتيه بلايه عفوك يلرضا نريده
وي كل جرح يلرضا اجويني
خادم ردت منك تسويني
سلطاني خير عايش بخيره
بذكره العذب وحبه يرويني
مولاي
يامالك كل امر الخدم شكرا كلت
يادمعه التشفع للندم. خادم ردت
____________________
حنان الطف. اشوفه بابك شما ارد ازورك
الدمع ماجف. كل ليل الكلب حاس بشعورك
الكلب ينظف. يم باب الجواد بعيني نورك
ياخذني حب.لو شلت رايه
يمته اجي. يلرضا مشايه
بلحضره اطب.وافتح جروحي
يابو الجواد. امنيه هايه
مولاي
بتكويني لعتابك عبد. بابه انحنيت
والدمعه التاخذني وترد. لعفوك رجيت
_____________________
اونس روحي. عزائك والدمع ماعدنه غيره
انا ونوحي الدمع هوه الوقايه افضل شعيره
صدا جروحي. عشت بعالمه الضال بهجيره
كافي انتظر. هاك اخذ بيدي
رايد جمر. يلرضا لكيدي
شما ابتعد بدمعي تاخذني
هاذا الوصل.يمشي بوريدي
من طوس اقراهه لكربله. دمع الوصال
وضعونك تركب هازله . بكيد وحبال
____________________
بكلب ضايع. اجيت وكلبي خاضع للزياره
بدعاء رافع. على بابك سيدي ماتطفه ناره
الجفن ناكع. انه بعيني اشوفن بس مناره
جرح الهيام بعطفه رويته
بلون العبي خدي سويته
وي كل عزاء. تكبر احلامي
يبن شبيب. بدمعي واسيته
خلي دموعك بس للخيم. يبن شبيب
للماغطاه لافي علم. خد التريب
______________________
الرجا عطفك. .مايحمل بعد شوكه لحبيبه
شكبر كلبك. مرسوم على كل باب المصيبه
بدمع حبك. بجيت شكد على الضلت غريبه
من كربله. طالب الدمعه
فوك الترب ومحد مشيعه
راحو هله بهزل الناكه
وداع الهجر. محد يسمعه
يامالكني لجرح الهظم. طاهر هواك
يا اول مسلوب الهدم. وعبدك بجاك
الشاعر علي اكبر الحميداوي
/channel/alialhmedey
دمعة الحب والنوح. الباب تارسني جروح
امي هاي الطايحه. وللسبي اني رايحه
. الباب تارسني جروح
**************
شدله البسمار على ضلوعج.
الزهره تعيش بنص بستان
ذبلت بين الباب وحايط
هيج يجازون القران
مالات الله انعدمت بيهم
يم بابي التمت عدوان
عوفو الزهره بيتي تخضر
كلشي ولاطاري الدفان
الجمعه لمه عشاك. وانه المن اشتاك
بلا سوالف مالحه. للسبي اني رايحه
الباب تارسني جروح
********^***^^********
العثره على الحرمه تعور
مو تكسر منهه اعضام
جا ماطبيت بضلعي
حتى اخلص من الشام
كلشي ولا تحرك داري
احرك من عندي خيام
انته اول شامت باجر
من عدهه وصرنه ايتام
بغربه ماجني ببيت. البيهه موتي تمنيت
دموعي تنزل فاضحه. وللسبي اني رايحه
الباب تارسني جروح
****************
جسمي انهد وانهد حيلي
شفت بنص بابي النار
امي نحيله وعصروهه
وشامت يصرخ على الدار
جا حيدر موش بدارج
مايفزع حامي الجار
بكلبه النيران التمت
وحيدر على العتبه احتار
تتشمت ليش الناس بعتبتج ضالم داس
بنص جرحنه الفاتحه. وللسبي اني رايحه
الباب تارسني جروح
*****************
يا باب انسد واتركني
الهم البجروحي هواي
ليش احبابي تاذيهم
وشوغات المحسن هاي
لا شميته ولاكتله
باجر ابقه بلا راي
حيدر حاله يبجيني
من يسمع طاري الماي
هوه صار كبالي. كتله من يبرالي
بدمع زينب سابحه. وللسبي اني رايحه
الباب تارسني جروح
✍️علي اكبر الحميداوي
/channel/alialhmedey
دمعة العاشك الم. من الخيم. افتحلي باب
انته رب المغفره. والمقدره. رحمة وثواب
ياحسين
خيمه اختك في حنان عبيدك
لو ذنب حبك ذنبنه نريدك
الخيمه جرحي والسهام ايامي
وانته شايل كربلاء بايدك
عاشك لغربه خيامك
يجرن دموعي لغرامك
ياجرح يبرد واكتبه
بل هلا تعزب سهامك
_______
انه صاحب دمعتي. وبحركتي. صلى لهواك
يمك تباها الرمح. هم منجرح. رايد دواك
ياحسين
ياجرح عبد الله لسه بالي
رحمه ابجي لا تغير حالي
ياكمر ضوي بضلام ايامي
ماشوفن بس خيام كبالي
عايف الدنيه وراي
واشتريت دموعي هاي
لجلي الاكبر منذبح
انه ناذرلك صباي
_____
رايد تراوي البشر. بلمختصر. جرح الخيام
انته شربت الضمه. من فاطمه. دمع الغرام
ياحسين
لوحة عيونك جمال على الرمح
ليش لسماعيل ماترضه الذبح
جانت ايه ونزلت بطف كربله
انته والاكبر جرح راسم جرح
المايصبن دمعي مااحجيهن
جروحي ذني اجويهن
ياجرح عبد الرباب
جروحي تومي عليهن
___________
سائلك.منك طلب. رايد ادب. خاطر رضاك
من صحتلي ياهله. صوت اعتله نحن بحماك
ياحسين
من مسافات الجروح كبالهم
والرمش حن الرمش فيالهم
والجمال الخاقه الله خدودك
معزب يكله هلا بذباحهم
منين ماشوفك كمر
انته حيرت البشر
الكافل المنك سطع
يسجد لطوله الشجر
الشاعر علي اكبر الحيداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
خلص دمعي. وحق دمعج
يروح حسين. الم كسرج
كسر من حرك الخيام. وكسر ذباني بلشام
___________________
عاده الينزل دمعته. يلكه بحنينه اشواك اله
شو انتي خلصتي الدمع بين الخرابه وكربله
عفتي الجرح يلجم جرح. بين الحسين وكافله
وعلى الترب مو نومتك. حسبالي تحدي العايله
شراويكم. ضلع دامي
دوت ناري. على خيامي
تصلي بجرحه الاسهام. وكسر ذباني بلشام
يامولاتي. يامولاتي
_____________________
عدنه اليموت ايام اله. ننسه المصاب ولوعته
زينب على الناكه تون. كلما تشوف بنيته
سميته عشكي ومابرد. ذبح الحسين ونومته
وعلى الرمح رتل عشك. خلاني اعيش مصيبته
سهر ليلي. وشمع جاسم
واباريله. بعشك هايم
يجمره كلبي تلتام. وكسر ذباني بلشام
يامولاتي. يامولاتي
_____________________
مابين تل الزينبي. صدت عيوني على النحر
شفت النذل متوسدك. من شفته كاعد على الصدر
وبسيفه يتولى النحر. وبسوطه يرجع للخدر
اوكف على طولي وطحت. حسبالي يفزعلي الكمر
يبو جروحي. اناطركم
طحت ضامي وارد يمكم
الدرب عذبني بزلام وكسر ذباني بلشام
يامولاتي. يامولاتي
_____________________
حسبالي اشبكه ويمه اضل. ونكضي العمر كله سوه
لاعدنه ابو ولاعدنه ام. شالت جروحك نينوى
بنص الحوافر الكه اسم. عل ونينه ماشم الهوه
بين الحرك وي جثتك. ياخويه ماشوف الضوه
يجر سوطه. على متوني
من اكول اسمك يضربوني
واعيشن دمع الايام. وكسر ذباني بلشام
يامولاتي. يامولاتي
_____________________
ركضت رقيه على النحر. بيا حال اشوف بنيتك
زغيره وي عامود الرمح. تنزل عليه تنختك
ماوصلت لربع الرمح. شافت دمايه بشيبتك
تهفيله عن حر الشمس. وتحضنهه خويه تمنتك
دمع عيني. على الناكه
يدليني. على اشواكه
واكولن دهري شضام . وكسر ذباني بلشام
يامولاتي. يامولاتي
_____________________
✍️الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
ذاك الجرح. من الخيم غرب عزيزات بهوى
ذاك الجرح.طبعه الهظم. يمشي بدمعنه لنينوى
ذاك الجرح سالب هدم. من الستر ضل بلثرى
اه ودمع. سوره كهف.رتلها نحرك
وايه سبي.بدمع الخيم.ضاع ويه خدرك
اه السبي بدرب السبي ماعدنه خيمه
خلوني احير.على الهزل راوانه ضيمه
مكفوله جنت اه. درب السبي ويل
اسم الخدر راح. راح بسوالف ليل
___________________
ذاك الجرح توه نزف خلولي هزله ناكتي
ذاك الجرح.مابي عرف. كلهن يصيحن عمتي
ذاك الجرح لامو ترف. مابي دلال من اخوتي
ياجرحي لم. شمل الضعن مابيه المهم
مثل القطا اغفى وافز واحنه بوسطهم
يردوني اموت. وما متت. اني الرساله
بفي الستر. محجوبه من رب الجلاله
في الضعن خوف. وجه الله برماح
وخدر الله مجتوف. من الوطن راح
____________________
ذاك الجرح ينعى اخوتي. دم اخوتي الرايح هدر
ذاك الجرح بي نومتي. بين الخرابه والقصر
ذاك الجرح شد يمنتي. وحاد بضعنه لليسر
حدر الخيم. ضاع الخدر. بذيج الصحاري
منها وبدت. ركض الحرم. بحر الضهاري
خيل وركض يتسابكن. كلها على اخوتي
لاماهده ذاك الجرح بيه يشفه موتي
سبكت خطوتي الخيل. من هدن وصاح
صيرن ستر ليل. وعلى الوجه طاح
________________
ذاك الجرح فوك الهزل. تحدي بضعنه ازلام
ذاك الجرح. ماضل عدل. من طبت الشام
ذاك الجرح بجى الحبل. طرف ايدي يلتام
ليش الهوه. علينه يعز. وعليهم يحوم
هيح القدر. يطيح الكمر. والشامت يكوم
راح الخدر بذاك الدرب. والطف ولاها
وين الخرايب. بت علي. ضايع ضواها
القصر الهم يعباس. بخرايب زينب تبات
هيج القدر صار. بضعن الغريبات
الشاعر علي اكبر الحميداوي
/channel/alialhmedey
