العفو ونادم. العفو لهل العفو يوميه اعيده
بعشك هايم. الك حسره ويه كلبي شما تزيده
اضل خادم. واتيه بلايه عفوك يلرضا نريده
وي كل جرح يلرضا اجويني
خادم ردت منك تسويني
سلطاني خير عايش بخيره
بذكره العذب وحبه يرويني
مولاي
يامالك كل امر الخدم شكرا كلت
يادمعه التشفع للندم. خادم ردت
____________________
حنان الطف. اشوفه بابك شما ارد ازورك
الدمع ماجف. كل ليل الكلب حاس بشعورك
الكلب ينظف. يم باب الجواد بعيني نورك
ياخذني حب.لو شلت رايه
يمته اجي. يلرضا مشايه
بلحضره اطب.وافتح جروحي
يابو الجواد. امنيه هايه
مولاي
بتكويني لعتابك عبد. بابه انحنيت
والدمعه التاخذني وترد. لعفوك رجيت
_____________________
اونس روحي. عزائك والدمع ماعدنه غيره
انا ونوحي الدمع هوه الوقايه افضل شعيره
صدا جروحي. عشت بعالمه الضال بهجيره
كافي انتظر. هاك اخذ بيدي
رايد جمر. يلرضا لكيدي
شما ابتعد بدمعي تاخذني
هاذا الوصل.يمشي بوريدي
من طوس اقراهه لكربله. دمع الوصال
وضعونك تركب هازله . بكيد وحبال
____________________
بكلب ضايع. اجيت وكلبي خاضع للزياره
بدعاء رافع. على بابك سيدي ماتطفه ناره
الجفن ناكع. انه بعيني اشوفن بس مناره
جرح الهيام بعطفه رويته
بلون العبي خدي سويته
وي كل عزاء. تكبر احلامي
يبن شبيب. بدمعي واسيته
خلي دموعك بس للخيم. يبن شبيب
للماغطاه لافي علم. خد التريب
______________________
الرجا عطفك. .مايحمل بعد شوكه لحبيبه
شكبر كلبك. مرسوم على كل باب المصيبه
بدمع حبك. بجيت شكد على الضلت غريبه
من كربله. طالب الدمعه
فوك الترب ومحد مشيعه
راحو هله بهزل الناكه
وداع الهجر. محد يسمعه
يامالكني لجرح الهظم. طاهر هواك
يا اول مسلوب الهدم. وعبدك بجاك
الشاعر علي اكبر الحميداوي
/channel/alialhmedey
دمعة الحب والنوح. الباب تارسني جروح
امي هاي الطايحه. وللسبي اني رايحه
. الباب تارسني جروح
**************
شدله البسمار على ضلوعج.
الزهره تعيش بنص بستان
ذبلت بين الباب وحايط
هيج يجازون القران
مالات الله انعدمت بيهم
يم بابي التمت عدوان
عوفو الزهره بيتي تخضر
كلشي ولاطاري الدفان
الجمعه لمه عشاك. وانه المن اشتاك
بلا سوالف مالحه. للسبي اني رايحه
الباب تارسني جروح
********^***^^********
العثره على الحرمه تعور
مو تكسر منهه اعضام
جا ماطبيت بضلعي
حتى اخلص من الشام
كلشي ولا تحرك داري
احرك من عندي خيام
انته اول شامت باجر
من عدهه وصرنه ايتام
بغربه ماجني ببيت. البيهه موتي تمنيت
دموعي تنزل فاضحه. وللسبي اني رايحه
الباب تارسني جروح
****************
جسمي انهد وانهد حيلي
شفت بنص بابي النار
امي نحيله وعصروهه
وشامت يصرخ على الدار
جا حيدر موش بدارج
مايفزع حامي الجار
بكلبه النيران التمت
وحيدر على العتبه احتار
تتشمت ليش الناس بعتبتج ضالم داس
بنص جرحنه الفاتحه. وللسبي اني رايحه
الباب تارسني جروح
*****************
يا باب انسد واتركني
الهم البجروحي هواي
ليش احبابي تاذيهم
وشوغات المحسن هاي
لا شميته ولاكتله
باجر ابقه بلا راي
حيدر حاله يبجيني
من يسمع طاري الماي
هوه صار كبالي. كتله من يبرالي
بدمع زينب سابحه. وللسبي اني رايحه
الباب تارسني جروح
✍️علي اكبر الحميداوي
/channel/alialhmedey
دمعة العاشك الم. من الخيم. افتحلي باب
انته رب المغفره. والمقدره. رحمة وثواب
ياحسين
خيمه اختك في حنان عبيدك
لو ذنب حبك ذنبنه نريدك
الخيمه جرحي والسهام ايامي
وانته شايل كربلاء بايدك
عاشك لغربه خيامك
يجرن دموعي لغرامك
ياجرح يبرد واكتبه
بل هلا تعزب سهامك
_______
انه صاحب دمعتي. وبحركتي. صلى لهواك
يمك تباها الرمح. هم منجرح. رايد دواك
ياحسين
ياجرح عبد الله لسه بالي
رحمه ابجي لا تغير حالي
ياكمر ضوي بضلام ايامي
ماشوفن بس خيام كبالي
عايف الدنيه وراي
واشتريت دموعي هاي
لجلي الاكبر منذبح
انه ناذرلك صباي
_____
رايد تراوي البشر. بلمختصر. جرح الخيام
انته شربت الضمه. من فاطمه. دمع الغرام
ياحسين
لوحة عيونك جمال على الرمح
ليش لسماعيل ماترضه الذبح
جانت ايه ونزلت بطف كربله
انته والاكبر جرح راسم جرح
المايصبن دمعي مااحجيهن
جروحي ذني اجويهن
ياجرح عبد الرباب
جروحي تومي عليهن
___________
سائلك.منك طلب. رايد ادب. خاطر رضاك
من صحتلي ياهله. صوت اعتله نحن بحماك
ياحسين
من مسافات الجروح كبالهم
والرمش حن الرمش فيالهم
والجمال الخاقه الله خدودك
معزب يكله هلا بذباحهم
منين ماشوفك كمر
انته حيرت البشر
الكافل المنك سطع
يسجد لطوله الشجر
الشاعر علي اكبر الحيداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
خلص دمعي. وحق دمعج
يروح حسين. الم كسرج
كسر من حرك الخيام. وكسر ذباني بلشام
___________________
عاده الينزل دمعته. يلكه بحنينه اشواك اله
شو انتي خلصتي الدمع بين الخرابه وكربله
عفتي الجرح يلجم جرح. بين الحسين وكافله
وعلى الترب مو نومتك. حسبالي تحدي العايله
شراويكم. ضلع دامي
دوت ناري. على خيامي
تصلي بجرحه الاسهام. وكسر ذباني بلشام
يامولاتي. يامولاتي
_____________________
عدنه اليموت ايام اله. ننسه المصاب ولوعته
زينب على الناكه تون. كلما تشوف بنيته
سميته عشكي ومابرد. ذبح الحسين ونومته
وعلى الرمح رتل عشك. خلاني اعيش مصيبته
سهر ليلي. وشمع جاسم
واباريله. بعشك هايم
يجمره كلبي تلتام. وكسر ذباني بلشام
يامولاتي. يامولاتي
_____________________
مابين تل الزينبي. صدت عيوني على النحر
شفت النذل متوسدك. من شفته كاعد على الصدر
وبسيفه يتولى النحر. وبسوطه يرجع للخدر
اوكف على طولي وطحت. حسبالي يفزعلي الكمر
يبو جروحي. اناطركم
طحت ضامي وارد يمكم
الدرب عذبني بزلام وكسر ذباني بلشام
يامولاتي. يامولاتي
_____________________
حسبالي اشبكه ويمه اضل. ونكضي العمر كله سوه
لاعدنه ابو ولاعدنه ام. شالت جروحك نينوى
بنص الحوافر الكه اسم. عل ونينه ماشم الهوه
بين الحرك وي جثتك. ياخويه ماشوف الضوه
يجر سوطه. على متوني
من اكول اسمك يضربوني
واعيشن دمع الايام. وكسر ذباني بلشام
يامولاتي. يامولاتي
_____________________
ركضت رقيه على النحر. بيا حال اشوف بنيتك
زغيره وي عامود الرمح. تنزل عليه تنختك
ماوصلت لربع الرمح. شافت دمايه بشيبتك
تهفيله عن حر الشمس. وتحضنهه خويه تمنتك
دمع عيني. على الناكه
يدليني. على اشواكه
واكولن دهري شضام . وكسر ذباني بلشام
يامولاتي. يامولاتي
_____________________
✍️الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
ذاك الجرح. من الخيم غرب عزيزات بهوى
ذاك الجرح.طبعه الهظم. يمشي بدمعنه لنينوى
ذاك الجرح سالب هدم. من الستر ضل بلثرى
اه ودمع. سوره كهف.رتلها نحرك
وايه سبي.بدمع الخيم.ضاع ويه خدرك
اه السبي بدرب السبي ماعدنه خيمه
خلوني احير.على الهزل راوانه ضيمه
مكفوله جنت اه. درب السبي ويل
اسم الخدر راح. راح بسوالف ليل
___________________
ذاك الجرح توه نزف خلولي هزله ناكتي
ذاك الجرح.مابي عرف. كلهن يصيحن عمتي
ذاك الجرح لامو ترف. مابي دلال من اخوتي
ياجرحي لم. شمل الضعن مابيه المهم
مثل القطا اغفى وافز واحنه بوسطهم
يردوني اموت. وما متت. اني الرساله
بفي الستر. محجوبه من رب الجلاله
في الضعن خوف. وجه الله برماح
وخدر الله مجتوف. من الوطن راح
____________________
ذاك الجرح ينعى اخوتي. دم اخوتي الرايح هدر
ذاك الجرح بي نومتي. بين الخرابه والقصر
ذاك الجرح شد يمنتي. وحاد بضعنه لليسر
حدر الخيم. ضاع الخدر. بذيج الصحاري
منها وبدت. ركض الحرم. بحر الضهاري
خيل وركض يتسابكن. كلها على اخوتي
لاماهده ذاك الجرح بيه يشفه موتي
سبكت خطوتي الخيل. من هدن وصاح
صيرن ستر ليل. وعلى الوجه طاح
________________
ذاك الجرح فوك الهزل. تحدي بضعنه ازلام
ذاك الجرح. ماضل عدل. من طبت الشام
ذاك الجرح بجى الحبل. طرف ايدي يلتام
ليش الهوه. علينه يعز. وعليهم يحوم
هيح القدر. يطيح الكمر. والشامت يكوم
راح الخدر بذاك الدرب. والطف ولاها
وين الخرايب. بت علي. ضايع ضواها
القصر الهم يعباس. بخرايب زينب تبات
هيج القدر صار. بضعن الغريبات
الشاعر علي اكبر الحميداوي
/channel/alialhmedey
وين الله ويفر الزمن.
ويرجع ضعنه للوطن
واخواني يحدون الضعن.
وامشي بحمايه كافلي
لا اكو سبي لا اكو زجر.
لا اطر درب لا اطب قصر
مانمشي وي شمس الضهر.
وبيده يردني لمحملي
ومن نومتي. مافز بعد
وبضهري ماكو سياط ابد
وارجع اشد ذاك العمد
ياكربله. ياكربله.
——————————
ما ياكل بروحي الدرب
ولاتنظر لطولي الغرب
نمشي ودمعنه ما يصب
وعبد الله يمشي وي اخوته
ومن عدنه ماضايع طفل
وما يجرح بايدي الحبل
ومايعطش بضعني طفل
ويرجع ضعنه بهيبته
ذيج الخرايب. مو الي
انه عزيزه. عد هلي
مايرضه ننذل كافلي
ياكربله. ياكربله.
—————————————
اطلع اميره من الخيم
ويانه كافلنه وعلم
عبد الله مايشرب سهم
وكماطه جيبوه للطفل
من امه بعده ماشبع
سر الطفل توه وكع
شوفنه خافن مارضع
عليه هل العطش ماينحمل
هزنه مو. خالي المهد
من العطش. كلبه انمرد
لولن اله. نام الولد
ياكربله باكربله
__________________
حبل اليسر خل ينكطع
يرجع شملنه وننجمع
وام جاسم تطفي الشمع
وتزف ابنها من الخيم
كل هاشم يحضرون اله
ابن الحسن يستاهله
بس لاتذكرن كربله
خلوني اعيش بهل الحلم
ابجي واون. بينه شصار
اشلع جلد. من النار
هاذا الجرى. ولماصار
ياكربله ياكربله
________________
شلي بدواوين العده
الضيم على زينب من سده
كلمن ينوح لوحده
ويم راسك انه انحب كمت
يطشرون بينه لو بجن
باب الخرايب اوكفن
وحده ويه وحده تنادسن
بذيج الخرابه شكد خفت
شفت الهظم. بعيوني
هاي الغرب شافوني
توجعني خويه. متوني
ياكربله. ياكربله.
الشاعر علي اكبر الحميداوي
/channel/alialhmedey
حب خيامي تفرهد بذاك الحرك
والدلال تطشر بااول جرح
ركضن الماطالعات بدون اهل
بليل ضلمه وموعد النوك الصبح
ياعمه الدرب شوك. واليل شوغه انفاس
والنار تاكل بنار. بلخيم ماكو حراس
والنوك وصلت الشام .والنار بعبينه
باجر تحدي الضعون .وتعاين الناس
ياخدر السماوات. على النوك انولينه
نسوانك يعباس. بلشام انسبينه
يحدوني واصد ليك. وحبال بادينه
ياساقي الخيام. رد خويه انتهينه
يعباس. يسيدي. يعباس يسيدي
الحازه بروحي سوالف لسه بيك
شمالها الوادم يجافون الورد
الماي شنهو الماي حتى اعطش واجي
هوه غير الماي عد اهلي عبد
ياخويه برمل حار .شيتاني البلا راي
رديت ارد اراويك .حرمه وتعبت هواي
اركض يمك الخيل .اركض للخيم نار
اعثر بين الازلام. صاحو بت علي هاي
بيا عين اصد ليك والراحت اسيره
والهاضمني بلناس. يحدون باميره
فزعتلي الجروح. يم باب الخرابه
ذروك بهوى الخيل. ولميته بحصيره
يعباس يسدي. يعباس يسيدي
شمالها الحنيه جافتني بدموع
وليش درب النوك بس صحره وعثر
هوه هيج الماله اخو يجازونه ليل
ليل عشته وماشفت لون الفجر
الماعاشك النوح. ماكو بريته الخيام
والينعى على كل اه تلكه جروحه تلتام
يا خيمه الحب وديني على ملكاك
بس التهظم الحر. من يحدوني للشام
ياقبلت الحب. انويك بجروحي
ياكل بيه الفراك. يم كل حسره نوحي
عباس العشك بيك. مافارك حنيني
جا هينه من اجافيك. ماخذ مني روحي
يعباس يسيدي. يعباس يسيدي
خلگ بيه على السوالف من بعيد
ضامتهن وادري با اشواكي حلم
سولفتهن وي ضلام البنهار
غمضت حسبالي ماتنضر زلم
ساجيني عل اه . صبت بيا الاحزان
من صوت الخيول. وانه بلايه وليان
بسد ناكه ضليت. شمس السبي تريد
حيل وركض خوف. حرمه بلايه خوان
خويه ارد اراويك. درب الهضم ذل
سوط المتن ليش. على الفاكد الخل
منك للفاي. خيل وعطاشه
تترادم الخيل. من دربي شندل
يعباس يسيدي. يعباس يسيدي
كوم لمني تطشرت حرمه بنهار
والهزيله بلا هوادج حضرو
يعني من تصعد الحرمه على النياك
بلاشرف على الحرم كلهم باوعو
في ضلك ونار. نمدن على الضعون
نتسابگ بخوف. من سوط المتون
حب وعطف جان. من نحرك وجاي
ومن نحرك وفوك ذلوها العيون
ياكلبي شتريد. طرينه الخرايب
فوك الرمح جان. عرش الله ذايب
هيد على مبجاك. قربان لدموعك
وتحمل سياط. من ايد الاجانب
✍️علي الحميداوي
اول ماكبر عودي شفت امي يدفعوهه
شفت الزهره كدامي. من العتبه يطلعوهه
مو عادتهه تتلوه. كبال عيوني شالوهه
منعده وكرهت الماي. غير الزهره يسكوهه
ويلاه. ضايع صبح اول حلم
ويلاه. متطشر المحسن شلم
ويلاه. من بابي حد باب الخيم
يايمه الم ذاك الكسر بضلوعي ياريت
كل حسره منج ينكطع نحري تمنيت
والمابجه لكسر الضلع لايحجي بلدين
خلوني وي دين الخيم بس الخيم بيت
*******************
يااول غصن ذابل. يسكون العذب نار
اليذبح بلحلم ليله . يخلص عمره محتار
يايمه صرت دمعه. وبدوني برمل حار
حسيت بالم ضلعج. من هجمو على الدار
ويلاه. كل حيله يدفع على الضلع
ويلاه. وتبده على العتبه الدمع
ويلاه. محسنهه ماتمم تسع
كل دمعه رسمت كربله وشوغات الحبال
ولختي انفتح باب اليسر وي ممشه الانذال
منهه وبده عليه الفزع وي حافر الخيل
حضن الخيم شابع دمع من الضعن شال
*******************
خلك المجلس بروحي. اكضيهه بالف ياويل
ارتاح من اسولف بيك. وحجيلك سوالف ليل
جمعو كلشي بعيونك. وبدوك بضهر ياهيل
انباكت امي من الباب. ليل بلا كمر مو ليل
ويلاه حيرة علي تموت الكلب
ويلاه. بنص داره ياعالم غرب
ويلاه. بيت الله زحمه ينغصب
يوميه ياخذني الدمع يم عتبة الباب
دمعه وتبدت على الشمع بجروح العتباب
جرح الضلع شافه وجزع لو شايف الخيل
يوكع علي لذاك الهضم ودين الله ينعاب
************************
شايل حيدر جروحه. بدمعة عينه غسلهه
الجانت بيهه اتعزه هسه الهضم كاتلهه
من حضني راح تروح. الجنت بعيني شايلهه
مايرهملي حيل فراك. طاحت وانجفه ضلهه
ويلاه. كلما اغسلهه انلجم
ويلاه. مكسور منهه جم عظم
ويلاه. من عاشرت ذاك الهظم
نفضت اديهه من الجفن وتنادي يحسين
باجر دربكم كربله ودرب الصواوين
يوليدي زينب رادتك خل والهه حماي
مو تمشي وحدهه بيسر وتطب دواوين
*************************
ستوه حسين صار حسين. عفتيني بجرح غافي
توهه الكطره بعروكي. باجر تنشف شفافي
اليتوضى بدمع نوحه. يركض على الخيم حافي
والتسكيني باجر خيل. وحضن الرمح مو دافي
ويلاه. شدله العتبه لجروحج
ويلاه. ليش مكسره ضلوعج
ويلاه. بسوطه الضالم يلوحج
امي الحمد والبسمله.وتسبيحة الشوك
من الهظم والشافته يايمه مخنوك
حتى الهوى الماخذ اذن مايوصل الباب
هسه الغرب يم عتبتج وباب الله محروك
✍️علي اكبر الحميداوي
السلام عليكم احبتي
اشتركو بلقناة راح تعجبكم كلش 👆😊
☑️ القصيدة الشور .
[نوح وبواجي 2019 ]
🎤 آداء #الملا حسن العرداوي
📝كلمات علي اكبر الحميداوي
⛺️ #موكب_انصار العقيلة_زينب_ع_النجف
🔴 الفاطمية الثانية 1440هـ
في مره سويني. حتى اوفي لحسيني
من ابعد يتانيني. ويودي اصحابه
قابلني بعيوبي. هم راضي بذنوبي
جم مره محبوبي. يتانيني يم بابه
جا يمته ابجيلك. واصبح دفو ليلك
باجر احب غيرك. وارجع الك نادم
حط بيه جمره تفور لكربلة
ضامن وجودي وخواتك بلفلة
يل شاري حبي بخيامه التحترك
وركضه غريبه على مودي مدللة
اهوه المجالس
بعيوني عابس مولاي
والراضي بيه
ماخذ بديه. مولاي
______________________________
لا ماردت سمعه يم خدمتك اسعه
الييجي والينعه . نيشانه حب عطشان
جم مره جافيتك. وتكلي تانيتك
جا انه حبيتك. وانته بغيري سهران
ياعالم اخذوني. يم بابه ودوني
بلكت يقبولني. خادم واصير انسان
رايح حبيبي جمالك على الرمح
كل نجمه باجر يحاسبهه الصبح
راح ابني عكشي قصر من دمعتي
مذبوحي راضي اعيشه ويه الجرح
برحمه وجوده
ابجي على موده. مولاي
شاغل صفنتي
رازق دمعتي. مولاي
_______________________________
بحنيته ساترني. ومن ثوبه لبسني
من العدم جرني. ضايع جنت يحسين
. .
فضلني بلنعمه. هايم صرت باسمه
خلاني بلخدمه. . لو ما عزائك وين
هيلك ترس راسي. يلشاغل احساسي
ذكرني لو ناسي. اقضي بخدمتي الدين
جنح النوارس اخذني لحضرتك
بايك خيالي جمال بكبتك
لكسرة بناته كسرني من الهظم
في من خياله شملني برحمتك
ويلي الخرايب
سوتني شايب. مولاي
على الفطره جيتك
ضامي لكيتك. مولاي
___________________________
خلك البجي دموعه. وروح الهضم لوعه
حاضني بضلوعه. الداست عليهن خيل
اعثر. يكومني. انسه ويذكرني
اهواه يعلمني. وجافيته نص اليل
عايش على الحرگه. لو عفتك شالگه
يابو الهله وملگه حيل اعشك بلاحيل
ارزقني لوعه انوح على الضعن
حيهم يجرحي خواته تسلبن
المايبجي ريته تموت بلاهوه
واليهده جرحه يون على المتن
لفرت بناته
ومدللاته. مولاي
ابدي نحيبي
لطيحة حبيبي. مولاي
______________________________
اول ايه رتل. فوك الرمح منزل
السوط والمحل وشائت تطر بسوك
جم حافر عليه باك الضهر بيه
صار الهوه شويه. وحتى البيه مخنوك
شذكرهه واشتاكت. توهه الهزل راحت
لون الهضم باهت. ولون العشك محروك
خلك البواجي اعيشه وي الخيم
كاسر دمعتي وحنيني على السهم
راسم جماله خيال بدمعتي
وبانيله خيمه تعلمني الهضم
قل هوه ضامي
رب لخيامي مولاي
خص بوجودك
كلشي على مودك. مولاي
___________________
✍️علي الحميداوي
فسر دمعهه نوح وبواجي
كاسر دمعتي بمجلسك
طرت خرايب. وبوك التراجي
فوك الهزيله بنيتك
باكو. حتى الدلال من الخيم
باكو. من السبي طاري العلم
باكو. حتى البواجي من الحلم
حسين
هنياله جرحي يون ع الهزل
باجر خرايب يبهذلنه الحبل
كل وحده تعثر بابنه لومشت
والعاشك النوح يضل دمعه يهل
________________________
خلص عمرهه. تحدي بضعنهه
فطمت سبيهه بلقصر
لا عدهه والي. يبجي لا المهه
وتكله هاضمني اليسر
طاحت. من الهزيله بلا كلب
طاحت. وكادوهه ياعالم غصب
طاحت. كل دمعه رسمت ع الترب
حسين
ماطاره الشام اروح بلا اخو
نسوانك هاي يحديهه منو
مابايكه اليل من حلم الفجر
سبعين خيال وي زينب عدو
_______________________
ناحل جسمهه. عاشت مصيبه
ذبت خدرهه ع النهر
سمعت ونينك. ركضت غريبه
والساتر الله من القصر
رادت. توصله بس الخيل اجت
رادت. تحجيله على الشامت بجت
رادت. تركض لخوهه تعثرت
حسين
الماطلعه بليل هسه عل الترب
ياعالم هاي مكسورة كلب
مكفوله شوك من العلكمي
تحديني الناس هسه بلغرب
__________________________
يرسم خيالي. بيتي واخوتي
الجانت لخوهه مدللة
امشي بدلالي. ع الناكه موتي
ذلت حرمكم كربلة
راحت كلمه عشك باخر نفس
راحت. هسه الخدر بيد الرجس
راحت. متعوبه من حر الشمس
حسين
مالاحكه الخيل عمري مارحت
والشايله اوصال بلحافر بقت
ماواصله حسين من ذاك العطش
كام ورد طاح من زينب مشت
___________________________
ذابل وردهه بشمس الصحاري
جا يمته يرويهه السكه
مايل ضعنه. . بذيج الضهاري
وانه غريبه مفاركه
عافن. ضلهن بكايه فاتحه
عافن. روس ومدامع رايحه
عافن. طفله بضعنهم طايحه
حسين
بين الخيم نار اطفيهه بعبي
الماشايفه الناس جازوهه سبي
يلشايل النوح ون ع الخدر
تصرخ اويلاه بناتك يلنبي
______________________
✍️علي اكبر الحميداوي
فاضت الدموع كلبي يومي ليج
بفيج الحنان. الرحمه بين اديج
مستحي الدلال. مفي بس عليج
ينترس دموع. لغربتج يجيج
بقم الغريبه وغربة شام
كلهن سبايه وماكو ازلام
كلب الرضا بهليله انباك
بس بسياط وحرك خيام
______________________
مملكه غرام. من الرضا الامان
وكاعج السراط. بيكم الله بان
حوزتج انين. ودينج الحنان
وكعبتج حسين. وكلبج الجنان
لمة فواطم جايه بشوك
سكنه ورقيه الطرن سوك
جايه العقيله بلا عباس
عافت يتامه وطف محروك
________________________
فاكد الرؤوف. واخته بلغرب
اجدامه ماتعين. ويجرع الدرب
عينه على السبي. وبلغرب تطب
وحركت الخيام. حركت الكلب
طاح الرؤوف وهده الحيل
شم الخيام وشاف الخيل
صارن رماد خيام حسين
والغربة غطت وجهه اليل
_________________________
اعطش واجيج. وارتوي بدلال
واجرع المصاب. وبسبي الحبال
كربله وضلام. وبيهه ضعني شال
شبقت الخيول. وحاله باقي حال
باك الضلام خيال حسين
درب الخرايب باجر وين
ذبحو محمد على التربان
ومعصومه هلت دمع العين
✍️علي الحميداوي
ياباب انه اطهر مره. ماعندك مروه وبخت
ماواكفه طول العمر. فاطم وره الباب اوكفت
استرها لو عندك ستر. مايوم عنك قصرت
جا ليش بسمارك وصل. للمحسن وامه هوت
الحزن طب داري
على الباب الباري.
شفتهم شبو النار
بحقد لفضوها
وإن كالوها
جتفو حامي الجار
ويلاه. ياعذاب
انه المالاكت لخدي يادموع
وصل بسامرهم جبدي يادموع
________________
تسمو صحبته ومارعو. دفعو الباب بلا اذن
بلباب سمعو فاطمه. وكسرو ضلعها ام الحزن
شيطناهم بيهم فزع. وبداره حيدر ضل يون
مات الصبر واهل الصبر. من يسمع بابه وإن
بحسرته نشوفه
الحبل بجفوفه
على فاطم كلبه مذبوح
الشطرهم ساكت
على بابه الشامت
داسو فوك الجروح
ويلاه ..صبري مات
تتماده وجفوف الحقد بداري صار
وباب الله يدفعها عبد. بداري صار
______________
افعالهم بجت علي . وجه السمه لونه انكلب
دخانهم طب ريته. وعيونه تجادح غضب
راحت شهيده بحب علي. واترف خدود التنضرب
ماكامل ايمان وعقل. من جوم بداري الحطب
راحت غريبه
اعظم مصيبه
حيفي ودوسة الدار
غسلها بيده
ودم الشهيده
وبابي وحركت النار
ويلاه مني ضاع
المحسن والم كسر الضلع مانسيت
عمرى البقه بس للدمع. مانسيت
___________________
بيا حال ينظر فاطمه. مجتوف حيدر من طلع
بيا وضع حيدر حالته. بفراكج يهل يادمع
مات الصبر اه الصبر. ام بيتي مكسورة ضلع
الجانت اعز من الهوه. تبدت ترافع ويه الشمع
صبح ديوانه
دمع لاحزانه
وموكدهم بقه ينوح
على فاطم بيته
الحزن ماهيته
شعت منه الجروح
ويلاه هوه باب
يتم بناتي والهظم. شفته ليش
هوه الجرح ماينهظم شفته ليش
_______________
ياباب الثكيله وزن. جذوعه الابد مارحمتج
حتى الخشب حاقد صبح على العتبه رايد طيحتج
من بابج لكبر النبي. يوميه عتبه تفرفحج
رسمت مسافات الجرح. وكل دمعه تسبك خطوتج
لتسبيحج اشتاكينه
يافاطمه تعوفينه
وحسين مو مال فراك
وراه طف عاشر
والا من ناصر
لحنيتج يضل مشتاك
ويلاه مني راح
خدري ودلالي والجرح ماشكيت
بوصيته حيدر منذبح ماشكيت
علي الحميداوي
/channel/alialhmedey
جايب سلام.
من ذاري حرك الخيام
شايل دموع وهيام .
يابو محمد وابن الرضا
كلشي غريب
حتى الهوه اليمك غريب
ودموعك تاخذنه وتجيب
راح ابدي اخدملك قضى
من كربله جايب. دمع وكلب ذايب
جايك وارد شايب. من الحزن
اهل الوطن غربه. واسه الضعن كلبه
يا محنتك صعبه. وحدك تون
________________
منك جروح
يم بابك ارد ابجي وانوح
كل دمعه ويه انفاسك تروح
ارد ابجيها بلحن الهزل
ليل ورماد
انذرلك بسنيني الحداد
والبس فوك جروحي السواد
ويلجمني كل طاري حبل
من غربه سنينك. ناذر دمع عينكً
ولمجلس حسينك. كاسر ضلع
ماغايب وجيتك. يلمهدي تانيتك
لاماترد ضيفك. رايد دمع
__________________
انته الوصال
مولاي بعينك مو خيال
من حالك ارزق كلبي حال
ومن حنيتك تارسني حب
احنه العبيد
بلدنيه غيرك مانريد
احركني بكل دمعه تهيد
على الضامي الماشارب عذب
انته الابو الراعي. يحدي بكلب ناعي
وانه لعزائك ساعي. وانت المعين
خادم الك صيتي. مجلس عزائك بيتي
بس اللطم ماهيتي اياك نستعين
____________
يم بابه اهيم
تعنيتك وادري انته الكريم
راحمني وكل عطفك رحيم
وبنار الغربه تعذبت
مولاي اجيت
يم بابك مكسور وبجيت
دورتك بجروحي ولكيت
اصل الدمعه البيها عشت
يلماخذ سنيني. من جرحك اجويني
يل قابل بتكويني. قابلني حر
يافاضل النعمه. الخادم شرف اسمه
لو رايد تكرمه. العاش بهجر
_________________
الشاعر علي اكبر الحميداوي
/channel/alialhmedey
قصيده شور
كلشي راح
والامان بلا امان كلشي راح
باجر ندور مكان كلشي راح
كلشي ضلمه. وكلشي نار
وكلشي بين بالنهار
الهيمه متروسه عبي
حسين كوم الحك خواتك
انترستً الهيمه ابناتك
ويالضعن جنت اشحلاتك
هسه تمشي ويالرماح........كلشي راح
_______
كلشي خوف
باجر نطب الغرب كلشي خوف
الشام يكسر كل كلب كلشي خوف
بحيره عشنه. وحيره هاي
منين ادورلك فياي
العنده حيل يهده باجر
العشك دمعه وهسه طاحت
وعرگ كلبك وين راحت
بيا كتر بلهيمه ناحت
على الخدر يطلع جم صباح.......كلشي راح
_________
رحنه ليش
موادع المذبوح دمعه رحنه ليش
وروحه هاي بدون رجعه رحنه ليش.
كلبي مات. وشاب نحري
وباجر يهدون صبري
على المجالس من نطب
بجف حنانك كوم لمني
العوز يكتل يبن حضني
وين اروح بهاذا ضعني
ومنهو بعدك يستراح ........كلشي راح
________
خاف اضيع
من اروحن ماكو والي خاف اضيع
المن احجي وشجرالي خاف اضيع
حيل زحمه. امشي وحدي
والغرب بضعوني تحدي
بلايه رايه ولاكفيل
ماكو حيله وهاذا وضعي
ولاكو واحد كال ارجعي
بس بواجي يقره دمعي
دمعي من جفوني طاح .........كلشي راح
______
والله اخاف
على الخدر حلت ضلامه والله اخاف
يكضي ليلي شلون انامه والله اخاف
على التراب. وهاذا ليل
كوم اخذني ماكو حيل
الماسكاك يريدني امشي
الطاح طاح يضل وراي
بضهري اخ تهد كفاي
باجر يضربون كلمن ماله راي
الماله اهل فوكاه صاح .....كلشي راح
✍️الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
جرح من المخيم بيه الك ماينطفي
حاس بكل دمع من طلعو ذيج العبي
وين البي جرح يحجيلي عن ليل السبي
فرن من خيمه لخيمه. طاحن بلطف يابو الشميه
ضلن ياخويه بهيمه. بلا والي وراي
المايوم تفارك عينك. كادوها كبال حسينك
رادت بلطف جفينك. يون وياها بجاي
من سولفت عن كربله كلت الهجر
حرمه وخلص يم الخيم خيط العمر
ماناوي اكفن دمعتي عن اليسر
هم السبي بدنياي. حط بيه هم.
لو ترجع بمكفاي. تحمي الخيم
————————————-
ليل البل خرايب ينطوي بيد الغرب
شوك الماله والي فرن بذاك الدرب
سر من حب خيامك شفتك بعين الكلب
دخان الخيمه بريتي. بلشام اصبح تاليتي
من اوكف ماطيح امنيتي. حتى اشبك عباس
سهم الموت بنص عينه. سبل على الشط جفينه
من طاح بصف حسينيه. مافزعت ناس
ستوه انكسر ضهر الولي وضك الهوه
من ودع خيام الخدر كلبه التوه
شفته وكلت حان السبي من نينوى
فرن خواتك وين. وطاح العلم
لو ترجع بمكفاي. تحمي الخيم
__________________
وين البي حميه يشيله من فوك الترب
خيل وحس شماته الترست عيون الدرب
عاري بنص صحاري وبشمس ذاك الضهر
ليش حسين يذبحونه. من الماي يحرمونه
كلب الزهره يخلونه. ينجر باحبال
هاي النعمه الطردوها. بلطف والحر خلوها
وزينب عمدا كادوها. تمشي وي انذال
بيتك يبو الاكبر وكع واختك مشت
على التل نساوينك مشت وتعثرت
خيل ودويهم على الخيم كلها اعتنت
صوب الخيم نسوان. لا مو زلم
لو ترجع بمكفاي. تحمي الخيم
______________________
وين العده خيمه يضم جسد باد بشمس
تبده على الوطيه وشالته حوافر فرس
كون العنده ليل يضمني من شوف الرجس
من يقبل غربه بداره. يدورون على اخته دواره
جا زينب شو محتاره. من نار لنار
ماكو الكافل يحميها. انجاس تدور عليها
سوط اليضرب يجويها. وبحسين شصار
كل طيحه عندك كلفت زينب ركض
يدولبن بين الخيم طول وعرض
بس يمك اسجد وانحني لسابع ارض
من عينك لحد هاي. ابجي هظم
لو ترجع بمكفاي. تحمي الخيم
—————————————
كون الينجرح بيكم يهد حيله الجرح
صار الحب ذبيح وطالع براس الرمح
ليش العنده خيمه جازته خيول وذبح
ضامي وبلهم يتعثر. فوكاه الخيل التفتر
مطروح وضامي بحر. فوك التربان
كلهم فزعو جتاله. وشالو عباس كباله
ويم خيامك خياله. موت ويمه النسوان
المن صفت زينب تره عتاب وسبي
الجانت فخر بيت الله هسه ويه اجنبي
حيره وهضم من كربله يابت علي
كلمن يجيب الماي. ضل يبتسم
لو ترجع بمكفاي. تحمي الخيم
الشاعر علي اكبر الحميداوي
/channel/alialhmedey
كروب الحان القصائد
https://t.me/joinchat/OzT-41aFe99YRJsqW-ks7A
رديت
شاغل جمالي شوفتك
وانته هم ردلي
لتكوم
دربي موش بعيد
يابعد عمري
وين ابو فاضل. يبنيلي داري
قراية محامل. طبلي خطاري
ماعندي كافل. مني شبقالي
في باقي الله انجتل.
وجابوني على الهزل
خلص عمري بحبل
فوك الناكه
__________________
ذبلان
لتكلي من ذيج الشمس
ذبلت عيونك
والخيل
رجعت عليك وطحت
غيرت لونك
شعذر عيوني. بشوفه حنينك
همه السبوني. بيوم اربعينك
من عذبوني . اسمع ونينك
بلكت والكاله اثر
شلكه وضعن الله مر
اروي واصبح مطر
واروي العطشان
______________
اشتاك
والكه بعيوني حلم
جني حبيتك
واندار
فوك البواجي هجر
بدمعي تانيتك
ضلت بكايه والباقي روحه
لا عندي رايه. واجمع جروحه
في العبايه. ياريت الوحه
شمس وكاع السبي
ونوحي يبجي نبي
سويت عيوني عبي
من هبت نار
____________________
ياحيف
بايك بمتني السوط
ياكثر نوحي
ياحال
موت وسبي بلشام
انه وجروحي
غير البواجي. واني اسيره
سبحه وتراجي. عمر الاميره
نحرك يحاجي. وجهي اديره
ياروح الباقي عدل
خلوني بلايه اهل
تموت الماعدهه خل
واني بحيره
___________
ياليل
هيه نجمه وخوف
وينه في باجر
جذاب
يكلي مات حسين
وضعنج مسافر
انه ويه اخوتي. وهمه اليه
مايعله صوتي. هسه شبديه
اترجه موتي. ومجتوفه اديه
باجر يطلب بجي
ابجيله وبيه حجي
عل اخ بحيلي اجي
مسلوبه الراي
✍️علي اكبر الحميداوي
/channel/alialhmedey
رديت. وكضه بينه الدرب
حنيت. لخوتي البلغرب
ونيت. ودلاني الكلب
ياخويه
يانوك. جاليش اخوتي
ناسين. على الخد دمعتي
ضنيت. يجون لناكتي
ياخويه
سلامي لهاي الاجساد الغطه رسموها رماد
وتراب الصحاري على الوجه من جتفونه
يبو روح الحنينه. اصبعك ماهو وينه
اعرفك تكرم الضيف اليجيك لو مو عدونه
ياخويه من السهم مدميه عينك
ياخويه. جيت اشوفك باربعينك
________________
على البال. حنيني لشوفتك
ياحال بيسرها. عافتك
شو ضال. وصل من لمتك
ياخويه
جيناك. يخويه من اليسر
علنوك. مجبوره انتضر
فريت. جم شام.وقصر
ياخويه
بزمامي شلون حيره. ماعتبتلي ديره
زينب فرت الشام على طوله والخرايب
اسكت ذيج التنوح. وتفز هاي من الجروح
حيره بين شوغات الدرب وبين المصايب
ياخويه اسمع الصوت لونينك.
ياخويه جيت اشوفك باربعينك
_________________
جيناه. ضعن مابي خدر
وياه. الدلال البي زجر
فوكاه. لاخيمه. وستر
ياخويه
منهوب دلالي البلخيم
معروف. المافوكاه علم
يلتام. اليشك متنه السهم
ياخويه
شك جروحها الماي. كلمن صار سكاي
انباح الماي بعدك شلنه بلماي انسبينه
حتى المالهم راي. تمرجل خويه فوكاي
صفيت بلا اخو وهاي الزلم هبت علينه
ياخويه متني يسئل خويه وينك
ياخويه. جيت ااشوفك باربعينك
_______________
يايوم. المشي يكطعه الضعن
مالوم. بعد ذاك الوطن
معلوم. جروحي الماهدن
ياخويه
ايام احسب علئ الهزل
فوكاي. السبي الماينحمل
ممشاي الداني والنذل
ياخويه
حرت شلون اجي وياك واحنه نماشي بعداك
خاف حسين ضنيت المشي جان برضاتي
شسولفلك علئ السوك. طبن بلسره النوك
مو احنه اليقبلون العده تنذل خواني
ياخويه شافت حجيهم خويه عينك
ياخويه جيت اشوفك باربعينك
الشاعر علي اكبر الحميداوي
/channel/alialhmedey
وياي
وني يناكه لونتي وياي
بهداي
انه الضعت من اخوتي بهداي
مو مره ياعباس
شدو حبل بدينه
من ماشو الضعينه
بدرب اليسر لكينه
والماله اخو بلشام
يكضي الدرب ونينه
من الحبل بجينه
محد رحم سبينه
بلا صوت. وني ويه عبراتي
تره الموت. يمشي ويه خطواتي
جرحنه. لجمنه. بدربهم
يعباس. هاذا الجرى بينه
تره الناس. عرفت اسامينه
على الونين يميزون شفتهم
_____________
شما نام
بيه تفز عبره وبجي شما نام
بلشام
ماينحمل خويه الحجي بلشام
خويه الخرايب هاي
ما لاكت على زينب
بيها لهسه تنحب
كلمن بقه تعذب
لو طر فجر احتار
من العطش يخوتي
بلشام اضنه موتي
المن بعد سكوتي
الدرب ذاك. ضيع نضر عيني
مشي اعداك. الشامت يماشيني
الخرابه. ترابه. يهلنه
بجي النوك. من شافت عيوني
مشي السوك. وكلهم يتانوني
بلدروب والغروب . حبلنه
_________________
ياليل
طول تره يهدني الفجر. ياليل
بلا حيل
باجر اطب ذاك القصر. بلا حيل
باجر تره الديوان
يطبن حرمنه كلهن
يجرح تره دمعهن
يتطشرن والمهن
والمادره بل صار
يتعنه يم هزلنه
يسمع بجي حرمنه
يتشمت باهلنه
بلا راي. صرت ويه عداوني
تره الماي. مالايح لساني
مصيبه. غريبه. الضعينه
بعد وين تمشيهن اجدامي
ضعت بين. الهزله وخيامي
اليبارون. يسمعون بجينه
______________
اشتاك
لممشى اخوتي حن الكلب. اشتاك
لو ضاك
يجرحني ويذبني الدرب. لو ضاك
باب الخيم حسيت
من مارجع كفيلي
كلت انكسر دليلي
يبره لضعنه ليلي
كلت السبي وياج
يازينب شبقالج
دمع اليسر برالج
هاذا الصفه على حالج
البجى مات. من الضرب بينه
المسافات. ماحنت علينه
لخوتي. دعوتي. يردهم
يشوفون. ذيج الهزل ناحت
والمتون. من الضرب راحت
اتاني. زماني. واكلهم
__________________
يادار.
نشري الحزن راحو هلج. يادار
ماصار
حسبالي يرجع كافلج. ماصار
نوحي بعد يادار
وي ونتي الثكيله
جان الاسم عقيله
تالي اصعد الهزيله
لو مرني طار النار
من نومتي افزن
والكه الضعينه يبجن
ماضن بعد يصبرن
شراويج. كص الحبل ايدي
واضم ليج. فوكاه يجر كيدي
بعدهم. المهم. يهدني
الجمر حار. برجل الضعن جوت
والاكتار من كل كتر لهبت
انتضرنا. وصبرنا. على وني
الشاعر علي اكبر الحميداوي
/channel/alialhmedey
دربي الكصدته عليك. مامر بل احلام
وبراسي بان الشيب. دربي على الخيام
بروحي جروحي. معذور اخيي من الدمه مخظب
اتمنى روحي تعود وابنيها بلشوك
وانسه السبي والضال بخيامي محروك
الكاسر ضلع بحشاي على الغبره مسحوك
ماردت خويه الماي منهو لهل الايتام
بروحي. جروحي. معذور اخيي من الدمه مخظب
شمالك يخويه تنوح لاتخفي على الصار
من شفتك تچيت بكلبي دوت نار
شعايف وراك حسين بيك الهظم دار
عفت الكمر مصيوب بلرمح علىهام
بروحي. جروحي. معذور اخيي من الدمه مخظب
نوحن يبعد هواي نوحن على هداي
لاتفز بيه جروح ويون على الماي
باب الخيم لن صوت مالي بعد راي
طاح السند والحيل وابدي بسبي الشام
بروحي. جروحي. معذور اخيي من الدمه مخظب
هود يحادي النوك مر على الشريعه
من فاطمه ضميت عندي وديعه
على العلكمي عباس جفوفك كطيعه
شيصبر المجروح من في الاسهام
بروحي. جروحي. معذور اخيي من الدمه مخظب
سافر حنين الشوك سافر لهلنه
وتحزم الجتال حادي برحلنه
متعوده وي عباس ينطر حملنه
بت حيدر التنكاد يحدوها ضلام
بروحي. جروحي. معذور اخيي من الدمه مخظب
الشاعر علي اكبر الحميداوي
/channel/alialhmedey
هاذا ليل
وماكو حيل
عشت حرمه بلا كفيل
بيه ملگه بدنيه خنگه
وخلصت شهگه على شهگه
وماخلصنه
وفرهدو ضعن العليل
جان عبد الله رسم كلش حلو
وجان يشبه يمكن الماكو شبه
لوليدي حيل
حيث جان حسين حيل يحب يشبكه
ومن شبك عبد الله جان الطف ثكيل
وذيج خيل
تفتر بصف الخيم
وانه حرمه وهذا ليل
شكد ركضنه وماسلمنه
وماسلم حتى العليل
والحبل يوجعني واكضه
من يجره الدم يسيل
وعبرتهم وماعبرنه حجايه الشامت تعيل
وركبونه بنوك هزل والهزيله شكد تميل
صعدت كل ناكه طفله
وانه كمت بروحي اشيل
درت وجهي لراس اخوي
وماحجيت ولانخيته
صرنه بين ارماح اخوتي
وكلت لا مايعله صوتي
بوكت مالنه دخيل
والهزيل
بين وادم موش اوادم
مرن بين الخرايب خويه امس
ومانزلنه
خلو ضعونك تجويه الشمس
وجانت جروحي سوالف
والدرب كلش طويل
ماقروك جانت اوراقك شرفهم
وانته اول ماخذ وعاكب عطشهم
ياربيع الله ورويت الدنيه ماي
وذاك اخوي صح جفوفه على النهر
وشال عينه بعين اخوه
ورسم كل ذيج الصور
شكد بقن لوحات عنده
وعنده صوره حسين محزوز النحر
بضعني طفله
وغصن شتله ستوه خضر بلنهار
وفزت مراكض رقيه
ركضت على السكه تنادي
كالتله اكف ياسكاي
عطشان ابوي من الضهر
ولهسه ماشارب ماي
طفله وعلى الهضم حارت
الرمح عالي بصفه ناحت
حيل رفعت جف رجلها
للربع وصلت وطاحت
ياهضمنه
وياسترنه الماكو بلوادم شريف
والعفيف
يجر تراجي من اذنها
ومارحمها وتكعد بفي رمحهم
بضل ابوها وعيروها
بصوت غافي تنعى طفله ومارعوها
بهذلوها من خرابه اليم قصرهم طلعوها
لا يجرحي ماكو امان
راح عباس المايكفيله مكان
كلشي راح
وابتده هنانه الرحيل
وهاذا ليل
✍️علي الحميداوي
☑️ القصيدة الشور .
[جمرة كربلاء 2019 ]
🎤 آداء #الملا حسن العرداوي
📝كلمات علي اكبر الحميداوي
⛺️ #موكب_انصار العقيلة_زينب_ع_النجف
🔴 الفاطمية الثانية 1440هـ
الوصل مابينك وبيني
خدمتي عمري وسنيني
دمعتي ولطمتي عيني
حسين
✍محمد تقي الزاملي
/channel/anen_altaf
ماتت روحي .... وكلشي تغير
من كالولي لبابج واصل
يعصر حيل وضلعي تكسر
والرحمه انعدمت بلباب
وكلشي انعاب
حتى جروحي الحلوه انعابت
والحلوه من اسنيني انباكت
حتى الباب
حركو بيهه وياما حركو
بس حسين بكلبي وعصرو
من سمعو حيدر متحير. كلشي تغير
________________
منظر نار ......بيه يشوف
حيدر يبجي وهده الحيل
لاجن حيدر هم مجتوف
جم ليله وانه مفاركته
ومافاركته
خاف يشوف السطره بعيني
وماكتله بضلعي ياذيني
ولاشوفته
النار البيدي شما كترهه
تلجم بيه واني اعذرهه
من شاف المحسن متعور. كلشي تغير
__________________
لاياباب .......باجر شام
امي بنار الباب احتارت
وانه احتار بحرك خيام
والسطره علينه يعيدوهه
شما صديت
الكه النار بضهر سكينه
باكو كل ليل يتانينه
البي نرتاح
ومانرتاح من يطلعونه
نتوسلهم لو ظربونه
بيا حال البي طلعت تتعثر. كلشي تغير
_____________________
بلا حيات ....... ولايه ذمه
الذبلوني واني ورده
وامشي وحدي وهاي زحمه
وكلشي عدهم جان يقره
فوك جرحي
جبنه زينب على الهزل
عثرت وكامت سحل
لايجرحي
هايه من ردت انسبي
شبيدي مكفوله عبي
وهسه كل شامت تبختر. كلشي تغير
✍️علي اكبر الحميداوي
عمه طبي الخيل اجت كدامي
هسه ابوي يكلي عفتي خيامي
عمه ليش. جان حضنه بويتي
عمه ليش. كبالي حركو خيمتي
________________
امشي والخطوه شثكلهه. هلبت اوصلك
هيمه والخيل التفرهد. ضلمه شندلك
افرش على الكاع دمعي. وهنه يوملك
بيه سالوفه ودمعتي. بحركه يحجلك
يمه ردت اوصل واشوف شصاير
شباقي بحسين ويسحكه الحافر
توه مات. خل اشوف عيونه
توه مات. وخرو لتسحكونه
_________________________
كعدي عمه وخل اكلج. حجايه تخنكني
خيطت للشوف خيمه. الغرب اذتني
عمه شو نحلانه ليش. حسين كلفني
كال بويه بزينب شلون. لو مشت عني
هسه بيج شلون لو مشتاكه
عمه كافي انفطر كلب الناكه
خل اموت. النفس ضاك بروحي
خل اموت. ويمه احجي جروحي
——————————-
عمه ابوج انطاني كلبه. وعمري ماعفته
ريت اصير ميه لجله. واروي بس شفته
عطشت الدنيه بلهاته. ودمعي حملته
اجفي روحي وعالي رمحك والله مالحته
كمت اناغي وانت نحرك عالي
بعيد خويه لناكتي تدنالي
بلا فياي. جم ضهر طرينه
بلا فياي. على الترب ضلينه
____________________________
هنه جم ليله واردلك. شباقي من عمري
خلصت كلشي بدربهم. هوه بس صبري
لملمت كل ساعه بيه. شتقبل بعذري
والسوالف كلهه ماتت. من سبو خدري
هيه ساعه وساعه يمه اكضيهه
يم قصرهم موتي اضن تاليهه
هوه ليل. وارجع بذاك الدرب
هوه ليل. واندفن يم الغرب
____
✍️علي للحميداوي
