203
قناة تخص الشعر الحسيني والقصائد الحسينية
ذكرى شهادة الأمام علي الهادي.ع.
🍃🍃🍃🍃🍃🍃🍃🍃🍃🍃🍃🍃
شور كعدي
.......
السلامُ عليك ياعليُ الهادي*** السلامُ عليك ياعليُ الهادي
::::::::::::::
١
سلام الله وملائكته واهل بيته
بكياني وكلبي وبكل روحي واليته
عله العابد الساجد كل تحيه تروح
للما ما ردلي طلبه لمن انخيته
سلامي بدمعه للسافر****رحيلك غصه للحاضر
سلامي لليون بليل****لمصيبة كربله وعاشر
بيومك المهموم انه اعلن حدادي...السلامُ عليك ياعلي الهادي
السلامُ عليك ياعليُ الهادي*** السلامُ عليك ياعليُ الهادي
***************************
٢
يبن اشرف عشيره ومن نسل ساده
يبن ذاك العزيز الما يرد حاجه
يهادي للخلك واليطلب بصحنك
حاشه ما يرد وماخذ مراده
طبع بيكم كرم عدكم***شكولن والحسن جدكم
يبن خير الورى واكثر***يطيب المعتلي يمكم
ضاع كلمن عارضك في ضلمة الوادي....السلامُ عليك ياعلي الهادي
السلامُ عليك ياعليُ الهادي*** السلامُ عليك ياعليُ الهادي
************************
٣
غضب الله عله الثاني الي ما يندم
الخلاكم مباحين بقتل وبسم
ذمه بركبته كلمن رضه بفعله
وكلمن جرح صدره وعظمه التهشم
بكتاب الله متت بلسم***رضيت وانته مامهتم
يا شيبة بخت فاطم****جدك عظمه متهشم
انه من كل كلبي بسمك انادي....السلامُ عليك ياعلي الهادي
السلامُ عليك ياعليُ الهادي*** السلامُ عليك ياعليُ الهادي
*********************
٤
يتاسع نور من ذرية الزهره
عشكنه اسمك يبن حيدر عله الفطره
اريد اعرف دموعك سيدي لياضيم
تبجي ع الحوافر لو عله السطره
لهيب اتبان حسراتك****اروحن فده لدمعاتك
ادري غصه طاري الشام*** سبايه تروح عماتك
حته يوم الي متت مولاي حزنك سادي....السلام عليك ياعلي
الهادي
؛السلام عليك يا علي الهادي...... ؛السلام عليك يا علي الهادي
*********************
٥
تشيعك فاطمه وحيدر علي وطه
شريف الي تحضره الزهره معناها
ملائكة الله نزلت من عرش الله
الجفن والماي من الجنه وياها
الله موصي ترتيبه********ماي الكوثر تجيبه
بحسرتي اعليك يامولاي****وداعاً يابو الطيبه
خلني ثابت ع الوعد من وقعت ميعادي؛؛؛؛؛السلام عليك يا علي الهادي
السلامُ عليك يا عليُ الهادي..... السلام عليك يا علي الهادي
&&&&&&&&&&،،،،،،،
خادم مولاتي الزهراء.ع.
الشاعر علي الأديب
١٣جماى الاخره١٤٤٣هجريه
شهادة مولاتي ام البنين..ع..
🌴🌴🌴🌴🌴🌴🌴🌴🌴🌴🌴🌴🌴🌴🌴
المستهل
حان الرحيل.....للي عاشت خادمه ابيت الحسين
حان الرحيل.....الجنه فتحت بابها لأم البنين
وبعبرة اليبجي قهر
حان السفر يم الكمر
يم البنين.....يم البنين
......
1
حي الله العزيزه الطيبه الدره
حي الله الي خدمت عترة الزهره
يل تسئل عليها ورايد اجوابي
اصل طاهر شريفه وغاليه وحره
بلا مال
الى كلمن يحط جفه بلامال
توجه بابها الزهره بلا مال
شرط تكضيها كل حاجه بلا مال
حنينه ام البنين اعله البريه
اقره الفاتحه بصوت
حضرها بهل وكت موت
الكلب صارلها تابوت
يم البنين......يم البنين
●●●●●●●●●●
2
جانت كاعده ودخلو عليها ثنين
الاول جنه جده بلشكل والدين
والثاني عزيز الله وعلي الكرار
اسمه بكل كلب مكتوب ا يحسين
كمر جان
ابطن امه ابو فاظل الكمر جان
يفز لو دخلو الساده...الكمر جان
زينب طبت اعليها...الكمر جن
هدء من صوت جدم الهاشميه
اذا جتهم يأشرون
الهواشم كلها يدرون
عزيزة كلبه ام عون
يم البنين.....يم البنين
●●●●●●●●●●
3
فخر تخدم عزيز الزهره مهضومه
تمشط للحسين اتعدل اهدومه
قبل موتتها تبجي وتذكر العاشر
جي جسم الحُسين موسد الحومه
ماتهمله
مثل الشوف صاير ما تهمله
التعب لحسين واجب ماتهمله
الدمع بس للغوالي ما تهمله
فقط من تذكر مصاب الزجيه
وصية حيدر ونين
باجر نحر الحسين
دمه يصب يم البنين
يم البنين.....يم البنين
●●●●●●●●●●
4
اعرف الي يهضمج يم الاقمار
بنات الي تسمه حامي الجار
ترك جرح بدليلج والزمن موت
وتنشدني الخلك بلكوفه ع الصار
المصايب دَورن بلكَلب.....يفلان
مكان ولازم اهنه جروح...يفلن
واحد كل للاخر شوف.....يفلان
بت شيخ العرب صارت سبيه
هضيمه وغصه ياناس
اخت الكمر عباس
سبيه تعاين الراس
يم البنين......يم البنين
●●●●●●●●●●
5
وداعاً يا حشاشة مُهجتَ العباس
يل عاشت كريمه ابين اشرف ناس
جن وصت كمرها لو مشو للطف
ويه حسين اريدك بلحرب تنداس
لاتردهن
هذن جلمات اوصي لا تردهن
اذا جفيك طاحن لا تردهن
عكب شيخ العشيره لا تردهن
خواتك موتهن بلغاضريه
جسد ردن بلا روح
بعد شوفت المذبوح
عرش الله غده ينوح
يم البنين....يم البنين
●●●●●●●●●●
خادم مولاتي الزهراء.ع.
الشاعر علي الأديب
شهادة مولاتي فاطمة الزهراء.ع.
الروايه الثانية.
🍁🍁🍁🍁🍁🍁🍁🍁🍁🍁🍁🍁🍁
يعين كلبك ياولي.......كلي ياهم ينجلي
شمعة البيت وطفت......ماتت امنه ياعلي
ياعلي.......ياعلي
ياعلي.......ياعلي
..............
١
اصعب افراك التحبه يسافر
لا يرد بيوم لا رد باجر
عافية كلبك يبو الحنيه
ماتت الزهره بعد لتناطر
حان الفراك........للهجر يابو الحسن شد حيلك
حان الفراك........بلدمع يخلص يحيدر ليلك
صوت زينب يعتلي......كلي ياهم ينجلي
شمعة البيت وطفت....ماتت امنه ياعلي
ياعلي.....ياعلي
ياعلي.....ياعلي
₩₩₩₩₩₩₩₩₩₩₩₩₩
٢
يكسر الخاطر صدك مبجاها
وانهضم من اسمع بطرواها
لا يلوم الي يكلي كافي
امي وانه حكي من انخاها
يجرح الكال....خلها خلف الباب معصوره وتون
يجرح الكال....حته لو بنت النبي فاطم وأن
بويه بيهم مبتلي...... كلي ياهم ينجلي
شمعة البيت وطفت....ماتت امنه ياعلي
ياعلي.....ياعلي
ياعلي.....ياعلي
₩₩₩₩₩₩₩₩₩₩₩₩₩₩
٣
روح كبر النبي ياطير السعد
كله حيدر باقي بعده ع الوعد
بس حسافه المنطي جلمات البخت
الي كال وياك خالف بلوعد
كلها ضده......جم نفر ضل ع الوعد ياسيدي
كلها ضده......هجمو وحركو عتبته المعتدي
وحده حيدر ينولي.... كلي ياهم ينجلي
شمعة البيت وطفت....ماتت امنه ياعلي
ياعلي.....ياعلي
ياعلي.....ياعلي
₩₩₩₩₩₩₩₩₩₩₩₩₩₩
٤
رد امانت طه يابويه بدمع
ادري تكسر كلبه من هذه الوضع
واعتذر بدموعك التجوي الجفن
كله هاي الزهره مكسورة ضلع
حمره العيون....جم مصيبه من الدمع يازهره
حمره العيون.....ومن اثر جف النذل بلسطره
هي كل ناسي وهلي .... كلي ياهم ينجلي
شمعة البيت وطفت....ماتت امنه ياعلي
ياعلي.....ياعلي
ياعلي.....ياعلي
₩₩₩₩₩₩₩₩₩₩₩₩₩₩
٥
انته يابويه بحزن جدمك مشن
شحال لو بلطف تشاهد بلضعن
شرف هاشم والخدر فوك الهزل
تبجي من عظم المصايب والمحن
موش سهله....من دفنت الزهره بيدك بلترب
موش سهله....حسين ضل اعله الترابه بلغرب
وجه بلدم ينملي.... .... كلي ياهم ينجلي
شمعة البيت وطفت....ماتت امنه ياعلي
ياعلي.....ياعلي
ياعلي.....ياعلي
₩₩₩₩₩₩₩₩₩₩₩₩₩₩
خادم مولاتي الزهراء.ع.
الشاعر علي الأديب
استشهاد مولاتي فاطمة الزهراء ام الائمة الكرام سلام الله عليها.
لسان حال امير مؤمنين.ع.
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
ما لي وقفتُ على القبورِ.....اتذكرت ماكو كَبر
قبرَ الحبيبه ام الحسن........تبجي بألم طول العمر
.....
١
مابيه اضل طول العمر......عايش بلا احباب
انه اليسموني علي.....حيدر ابو تراب
كلساعه اعثر من امر.........يم عتبت الباب
شلون اللهيب البلجمر........عيني عله مصاب
لمن احن بلبيت
اركض واصيحن جيت
يم كبرج ارتاح
ياكسرتي ونوحي
يم بيتي ياروحي
وينج يزهراء
ياحبيبة علي......يافاطمه
ياحبيبة علي......يافاطمه
%%%%%%%%%%%%%%%%%%%%%%
٢
كُنا كأزوجِ حمامتاً.....عيشتنه حلوه بلا غدر
متمتعين بصحتاً.......بس ما رحم بيج العصر
.....
فقاري رجفت قبضته...من دوست البيت
حيطان داري اتزلزلت....شتنفع الياريت
ليله الي مرت بلعمر....من عدها عانيت
الجانو يشردون بحرب....صار الهم الصيت
باب الجذع لازم
كَله وأن فاطم
والونه ويلاه
من الله ياويله
يعصرها كل حيله
طاحت الزهراء
ياحبيبة علي......يافاطمه
ياحبيبة علي......يافاطمه
%%%%%%%%%%%%%%%%%%%%%%
٣
نفسي على زفراتها...........لو ونت اتبجي الغرب
يا ليتها خرجت مع ال.....محسن توسد ع الترب
......
بسماتج بوجه الصبح.....مو يوم مشؤوم
نورج جلالة قدرته........الأذاج مأثوم
يلي الشمس من حضرتج....تغيب بخجل دوم
من تكعدين اعله الترب....ما تطلع بيوم
هسه الشمس كالت
راحت علي وشالت
ما ترجع وياك
خل اشرح الحاله
مكابل علي عياله
وينج يزهراء
ياحبيبة علي......يافاطمه
ياحبيبة علي......يافاطمه
%%%%%%%%%%%%%%%
٤
لا خير بعدكِ في الحياة....منهو الي يسوه احجيله هم
ابكي مخافت ان تطول....الدنيه بخلافج وهم
......
لمن دخلت لحجرتج.....جاري الدمع صار
سكته ولا بيها نفس.....بخلافج الدار
تالي يفركنه الزمن......والغصه مسمار
حيل اختنك يم الحسن....من اذكر النار
سيفي فكد صبره
من حايط الحجره
طاح بقهر طاح
ها ياعلي شحالك
باقي انته وعيالك
جا يمته ترتاح
ياحبيبة علي......يافاطمه
ياحبيبة علي......يافاطمه
%%%%%%%%%%%%%%%%%%%%%%
٥
قال الحبيبُ وكيف لي....شلون احجي يا راعي الشيم
وانا رهينُ جنادلً....وضلوعي تلجمني بألم
.........
دخان بابي من الحرك....بثوب الامس صار
مهضومه من موت النبي....وجملها مسمار
كل مغربيه اختنك.....وهمس يهل الدار
باجر اذا القائم ظهر........يطلب تره الثار
بسيف العدل باجر
يضهر تره الناصر
يحكم عله الصار
يحكم عله الظالم
الي رعب فاطم
بلموت والنار
ياحبيبة علي......يافاطمه
ياحبيبة علي......يافاطمه
%%%%%%%%%%%%%%%
نعي
الغربه مو غربت وطن
الغربه من تفكد محب
علباب عينك تلتفت
وتلجمك النسمه التهب
الموت لحظه وينتهي
الفراك جمره بلكلب
تعبر عله الطكو هلك
تسكت صعب تحجي صعب
يانار البصدري شبعد
مو كوه كلبي من يدك
بيه الألم لو ينحجي
الكدامي كلبه يحترك
....................
خادم مولاتي الزهراء.ع.
الشاعر علي الأديب
/channel/aliadeb122
٢٨ صفر....شهادة رسول الله ص اله١٤٤٣هجرية
📣📣📣📣📣📣📣📣📣📣📣🌻🌻🌻
^^^^^^^^^^^^^^^^^^^^^^^^^
لازم ينكشف كل حجي المضموم
رسول الله انكتل ياناس مسموم
اشترك بيها الجريمه
شيخين وحريمه
صعب خير ألبشر لو مات مظلوم
&&&&&&&&&&&&&&&&
١
شهد بيها شكثر هاي الروايات
شهادات انمحت كل الشهادات
عد اهل السقيفه شكثر غايات
الله يعين حيدر عل معانات
شهد بيك
يحيلي بس دمع باقي شهد بيك
مر من فاركت شخصك شهد بيك
الامام الصادق بفكدك شهد بيك
كال انسم رسول الله بقضيه
يامحمد.....يارسول العالمين
يامحمد.....يارسول العالمين
&&&&&&&&&&&&&&&&&
٢
حزن مرسوم بعتاب المدينه
الوحي المره الاخيره يهل علينه
بعد اخبار طيبه ما تجينه
الله يعين مولاتي الحزينه
يهل جان
كبل لا تضوي للعالم يهل جان
الفرح علفقره من تمشي يهل جان
عيون الزهره بفراكك يهلجن
يبو كلب الحنين اعله البريه
يامحمد.....يارسول العالمين
يامحمد.....يارسول العالمين
&&&&&&&&&&&&&&&&&
٣
لميت الاهل والكلب ذايب
حجيت لكل نفس عن العجايب
الله يعين حيدر ع المصايب
حرك دار وطفل وقهر الحبايب
عله مجان
صعد منبر رسول الله عله مجان
الكضاها بهيمه يتحسر عله مجان
علم حيدر ضوه العالم علم جان
اندفن ياناس بجفوف الدعيه
يامحمد.....يارسول العالمين
يامحمد.....يارسول العالمين
&&&&&&&&&&&&&&&&&
٤
فإن مات وعلي مسموم من مات
بعد ما يرجعنه النبي هيهات
يكتله المو كفو وبلوعه لو بات
جزات الطيب تالي بسم حرمات
والفراك
اعوف الدنيه بس شخصك...ولفراك
الف شاطي اليبس لاجلك...والف راك
انكطع عنها الهوه ابموتك...والفراك
حيل منيلها الزهره الزجيه
يامحمد.....يارسول العالمين
يامحمد.....يارسول العالمين
&&&&&&&&&&&&&&&&&&
٥
الكتلنك ابد لاتظن يبارن
ذنبهن ياهو ايحمله على من
عيون الزهراه بفراكك يجارن
واعاً يا رسول الله وداعاً
بلاذان
وحك الدخلو لداره ....بلاذان
سمعنه بكتلتك بلسم....بلاذان
فاطم ينغمي اعليها....بلاذان
من يذكر اسم سيد البريه
يامحمد.....يارسول العالمين
يامحمد.....يارسول العالمين
&&&&&&&&&&&&&&&&&&&
خادم مولاتي الزهراء.ع.
الشاعر علي الأديب
صفر/1441هـ📝👑🕯
شهادة رسول الله مُحَمد"صلى الله عليه واله وسلم"
نزال(نزله)صوتُ الحق يعلو الى الأبد
📜📜📜📜📜📜📜📜📜📜
نعلن عزاء اعله النبي
ويكون هاذه مطلبي
نحجي الحقيقه الي نخفت
غصبن على كل ناصبي
///////////
1
يا اول اشباح العرش.........يانور من تكوينه
نعمله ضويت الدرب........بس همه لمتيهينه
ركضو عله اصنام الكفر......درب العدل ناسينه
ليهسه يخفون الامر........بس حيدره يدلينه
اول وصيه ما يلي
للرايد الشك ينجلي
ويفوز دنيه واخره
اتبعو من بعدي علي
///////////////
2
انته وفقط سيد البشر......بيك النبوه تكاملت
بعدك روايات شكثر.....بس ياحسافه تحرفت
اهل السقيفه سمتك.......وفلانه وياهم مشت
غصبوخلافة حيدره....هاي الحقيقه تشوهت
هاي القضيه الخطره
والي بدتها الزمره
والخطط لهذه الامر
نفسه الامر بلسطره
///////////////////
3
همه اربعه اتفقو صدك....ان يافلان اقضي الامر
الاول الله لاعنه..............ينكط خباثه من الزغر
والثاني شيطانه انعرف.......ذنبه ابد ما يُغتفر
اما بنات الظالمين.............بلنار ويه اهل الكفر
حق الله ماضايع ابد
وشما كثر بيهم عدد
ما نهتم بهذه الامر
ما دام وجه الله مدد
///////////////
4
لو رايد اصل احجايتي...اقره تفاسير الكتب
من سورة التحريم اخذ...للقصه لو رايد تطب
من اول ايه وبتدت...فتنه وظلاله والحرب
والمشكله الي ابتده...معروف مو من الغرب
للراد يحصل هلجواب
عن طه وآهات المصاب
موجود واسئل لو تريد
برهان تفسير الكتاب
////////////////
5
توكف دخيلك سيدي.....تفتح جفوفك للخدم
يترئس الحمله علي.......وبيمنته راعي العلم
نشرح قضيه للخلك.......وبفاطم يصير القسم
لوما رحمته بجيتك.....جا هسه ما واحد سلم
لو ما ضواك اعله الارض
جا حته ما نعرف فرض
جا نبقه بدروب الجهل
ما بينه واحد يتعض
/////////////
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
/channel/aliadeb122
الامام السجاد يسولف""مصيبة""
..........
1
اخذ حصته الدرب من جدمي للشام
غير الي هضمني بحرك الخيام
خطوات الغرب جن سالفة عام
الجرح شد روحه بس شلون يلتام
عليل وما يراعون
وانه السجاد يدرون
نكع من دمع العيون...بركع عمتي زينب
تون وتصيح يحسين
اذونه الملاعين
تشوف ويانه ماشين...غربه وسوط يلهب
يا مصيبة والدك يامولاي
يا مصيبة والدك يامولاي
***
2
الجان ايمد ايديه ويريد عونه
نطيناهم ورد بس ما رعونه
بحقد وحبال لمن كيدونه
غصب للكوفه علهزل خذونه
بعد طيحتها السباع
الورد مايشتهي الكاع
برخص شو صار ينبع....للمايسوه يشتم
اويلي اعله الدمع سال
واحد من الارجال
من يسحب بلحبال....ينزف منهم الدم
يا مصيبة والدك يامولاي
يا مصيبة والدك يامولاي
////////////
3
يل تسمع تعال الجنه الك عيش
يفرشولك هناك بساط من ريش
حيدر والدي جا هلحرب ليش
اشو فجئه وتغير مظهر الجيش
يا شيخ الهواشم
ابوك هواي ضالم
ناخذ ثار لازم.......ندفن قصة الدين
اله نحرگ اخيام
وزينب تمشي للشام
صاح بدمعه ضِلام.....شنو ذنب النساوين
يا مصيبة والدك يامولاي
يا مصيبة والدك يامولاي
///////////////
4
حين الطاح ابو فاظل بلا عين
اخي ادركني همس وينك يلحسين
دنك من ركض علكاع مرتين
اثاري الي رفعهن ذني جفين
وصل ونفاسه راحت
بجه ودمعاته طاحت
يخويه الدنيه ناحت...عله دموعي يعباس
كوم ارجع نرد كون
اخاف تموت ام عون
تره خلافك يفزعون...خيامي خاف تنداس
يا مصيبة والدك يامولاي
يا مصيبة والدك يامولاي
/////////////////////
5
حيل استهزءو ياشيعه بلدين
شفت برماحهم رفعو قرائين
كتاب الله نختم من حلك الحسين
اولما دخلنه احنه الدواوين
خطبت والعرش مال
هزت بلحجي جبال
بجت بيهم ارجال....عمتي بخطبت الشام
كد كيدك بعد زيد
اسمع مني ييزيد
غالي انطينه ونعيد..حد ما يضوي الاسلام
يا مصيبة والدك يامولاي
يا مصيبة والدك يامولاي
/////////////////////////
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
1442هـ🍀📝
اِمامُنا زين العابدين السجاد عليٌ بن الحُسين.ع.
قصيدة رئيسئة ثكيل(مقدمة)
🌱🌱🌱🌱🌱🌱🌱🌱🌱🌱📝
راح اعلن حداد.....عن ارض السواد
وابديها الجروح....من زين العباد
//////////////
1
يامن تعشك العتره...راح اشرح قضية
انه السجاد اسولفلك...عن الغاضريه
عليل وامشي بلكوه...وحبالي بأيديه
سمله من الرمح اسمع...من تعثر رقيه
طفل لو كال عطشان
يمشي وحيل تعبان
واذا يتغفه نعسان....يطكه بسوط ويفز
حيل بسوطه لو طك
يخلي عل متن شك
يغمه عليه من الدك....امسح وجهه وينز
//////////////
2
من هدو عليه كلهم...ظليت بغربتي
ما خلو خذو كلشي...خذو حته سبحتي
عمتي تسند بمتني....خنكتني عبرتي
لحظه وحركو الخيمه.زحف صارت طلعتي
اكلها وين الزغار
خاف تلوحهم نار
عمه والدرب حار...ما تحمل جدمهم
شفت طفله يتيمه
بلا والي هضيمه
ما تندل بلهيمه....ياحيرة امرهم
//////////////
3
جمره بكلبي ياشيعه...تطفه شلون ورتاح
اجيت لكربله وياهم..مشيت بروس ورماح
لحظه وعجة الهيمه..واسمع صوت الصياح
اذا راعي الرمح يوكف...معناها طفل طاح
بهيمه وما يعرفون
دورو وراح تلكون
طفله وحمره العيون....تبجي من اجوها
رعب جابوها الانذال
ظلت تبجي الاطفال
يجروه من الحبال.....تشكي لراس ابوها
//////////////////////////
4
حد اخر نفس بيها....بكلبها باقي جرحين
الاول يخنك العبره....ابو فاظل بلا عين
محد شافها تمشي...تالي اتطب دواوين
اصعب منهن حجايه...دوسو صدر الحسين
سمعت خيول عشره
حيل اتدسو صدره
شفت شفتينه تقره....الزمن يازينب شضام
صاحو ع النساوين
عمد نحرگ صواوين
عله عنادك يلحسين...نطك اوجوه الايتام
///////////////////
5
ما انسه الجره بلطف....شكد مرت مصايب
ما تتحمل الشيعه...من تسمع عجايب
مو بس نحر ابو اليمه..وجف فوك الترايب
من كد العطش صاير...النظر بعيونه غايب
بمكان الطاح عباس
طاح حسين ياناس
بحجر مصيوب بلراس...بعد تسمع مصايب
تره مثل الخشب صار
لسانه بهاي محتار
سكت وتسولف النار...جمر فوك الترايب
*******
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
/channel/aliadeb122
محرم الحرام.......ابو ذيات
.........
السيده زينب .ع. كأنها تقول....
........
لا تضربها باقي بكلبي هل بت
عزيزة قلب ابو السجاد هل بت
ادك شوفي اعله بر الشام....هلبت
تعرض مهرة العباس ليه
. ..........
راحه ما شفت من طاح شفت اه شفتها
وتفطرت من شحيح الماي شفتاه
الغمت كلبي وسحني حين شفتاه
بذبحته وكال غمضيها رقيه
...........
وحك ضيك الغاب وبعد ماهل
ردت جفك يهله الماي ما هل
يجاي لذبح ابو السجاد ماهل
ارد اسئلك بالله يل معتني وجاي
هم سامع بمذبوح ما شارب الماي
.............
خادم مولاتي الزهراء.ع.
الشاعر علي الاديب
محرم الحرام.١٤٤٢
.............
العليله.ع.كولات
لطم فزاعي
........
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
...............
ياحادي الظعن وين الظعن يحدي
ريض خل اسولف فطرت جبدي
كلي حسين بويه لحجرتج ردي
ضلت غصه بيه ودمعت عيوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
...............
يل ماشي بضعنهم هونك شويه
لو همك عليله كلشي ما بيه
حالي حال اخوتي امشي مسبيه
مو بس عمتي تنطك خل يطكوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
..........................
خليني بضعنكم حته لو امشي
المهم وياكم انه لو غمض رمشي
بس دموع نزلت ما قبل يحجي
وحدي بدار اهلنه لا تعيفوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
............................
اوكف بويه اودع خلني بلعيله
جفني من السهر هليله ياويله
زينب عمه فدوه اتوسل احجيله
عمه اتوسلج بلكت تتانوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
...............................
ياهيبة اهلنه ياجبل عالي
علويه بقيت لوحدي يلغالي
هاي ام البنين دموعها تلالي
اصبر والصبر جتال بضنوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
.................................
راح اصبر وتاني رجعتك ليه
ابجي وضلت بجفيني ترجيه
لو عايفلي بويه اختي ارقيه
لو عبدالله كيفك خل يواسوني
ياحادي الضعن ريض.......ولطف كربله اخذوني
ياحادي الضعن ريض.......ولطف كربله اخذوني
....................................
خادم مولاتي الزهراء.ع.
الشاعر علي الأديب
/channel/aliadeb122
محرم الحرام...١٤٤٢هجريه....
شهادة ابى الفظل العباس.ع.
قصيده مقدمه ثكيل
.........................
ياماي اسمك بلطفوف اتسجل......راح اسمك يذكرونه وكت المقتل
خاف انته ما تعرفني تعرف تقره
عل جربه مكتوب اسمي بيد الزهره
هاذه العزيز الكافل اخته الحره..............خادم للحسين
..........
١
حي الله الكفيل الماي كل أّمر.........تنزل جربتك لو للخيم احفر
انه بخدمتك عباس بس أشر........هذه الماي كله منين اله مهرب
كلي انته الفرات وعلظعن منعوك......واسمك طب غريب اعله الخدر خلوك
لو راد الحسين من الخيم يلفوك.....وبكيف الاطفال بكل جرف تشرب
وشحدك كبالي تظل وتعاند
بلجربه احطك يانهر لو رايد
فوك الخيم جف لو اطشك زايد.....ترويها الخيم
.................
٢
احلفك يابو فاظل بلعزيز اوكف........لا تغضب تره جروف النهر تنشف
من بحر لبحر وصوني يوم الطف......لاحد يبخل اعله حسين من يعطش
انه بخدمتك يا راعي الشيمه..........تريد اتبخر وانزل عله الخيمه.
مو بس الخيام اترسلك الهيمه.......ادري كلوبهم من العطش ترعش
لمن نزل من مهره خاف العسكر
مد ايده نزل جربته وتصور
ضنهم السيف بجفه ركضو بلبر.......صاحو هاذه موت
........................
٣
حجه حجايه وبعدها اترجل وجاني......مأمور انه خوي حسين وصاني
جيب الماي ورجع زينب اتاني...هواها انته ونفس بلروح وامالي
اكف جفوفي ما هد للأمر طايع.........رباني الحُسين ودوم متواضع
احسب جيش اميه من الثره ضايع.....بس هذه امر من قائدي الوالي
ياماي لو مو تبرد بجفيني
ما ضوك منك اله يروى حسيني
صوت الاطفال العطشه هم ياذيني.....كالو عمي ماي
.............................
٤
كلي يانهر مولاتي ذبلانه..............اموت ولا تكلي خويه عطشانه
احنه اهل العرش والكوثر ويانه........تالي يموت ريحانة رسول الله
بعطش ياوسفه ماتو اهله واحبابه......لو يقبل اواسي جروحه ومصابه
اخلي الغيم يلتم كله يم بابه...........واعصره بجفي واروي ضماي عبدالله
ياماي ابوي الميت بمحرابه
وصاني لو طاحت صريعه اصحابه
انصاب انه وتركض السلابه...............تنهب بلخيم
.................................
٥
كال اتاخرت علخيم ما تسمع.......دوه براسي اخي العباس يله ارجع
زينب فكدتك تدريها ما تهجع...........اله بشوفتك ياخويه تدريها
ترس جربة يمينه وللمهر رايح.....ترابه وعجه صارت والرمح جارح
شفته بلايه جف اعله الثره طايح.....سهم بلعين وعين الدمه عاميها
ياماي ما هم للسهم تدريني
شك جربتي هاذه السهم ياذيني
تمنيته مو بلجربه كون بعيني.........عطشانه العيال
...................
خادم مولاتي الزهراء.ع.
الشاعر علي الاديب
/channel/aliadeb122
محرم الحرام١٤٤٢هجريه
العليله...نعي او شور سريع
.................
١
جروح وسفر....ليل وبجي......بويه
ضيم وقهر....بعد الولي........بويه
انه الغاثني فراكك ضلع منرض
لا يقبل يطيب ولا يهيد بكض
موش انه العليله البيت متمرض
ارجع خل يشم اجدامك ويعفه
ابى عبدالله......ابى عبدالله....بويه
....... .
٢
نوح والم........ذكره وسهم....بويه
طفله وطفله.....ما يحتمل......بويه
اهود بلعيون وما رضت تسكت
بلدلال احس الشيب ضل ينبت
احس الموت ضل بجفي حيل ايعت
واشهك وانتخي بحيدر علي جدي
ابى عبدالله......ابى عبدالله....بويه
...................
٣
صوت الاذان.....راحه و امان....بويه
وكت الفجر...يبجي الصبر........بويه
اقنع روحي جيت وادخل الحجره
تراب ابهدمك من اثار هلسفره
اجيبلك قميص الخيطته الزهره
وذكر ما يضل من دوس الحوافر
ابى عبدالله......ابى عبدالله....بويه
......................
٤
بر وسبي......وحمره العبي...بويه
كالو غريب.....ماكو حبيب.....بويه
هاي الدنيه كلها تمنت تبوسك
ما عنده كلب بلحافر يدوسك
كلمن يدري بيك ويدري ناموسك
بن فاطم شرف الله ومعانيه
ابى عبدالله......ابى عبدالله....بويه
........................
٥
ماي ونهر....فكر السفر........بويه
طفله وطفل...كيد وحبل.....بويه
اعرف الهاضمك يابويه ضليت
ما تمشي بسبي محبوبتك ريت
الما شافتها حته مراية البيت
صعب تدخل قصر وبلايه حامي
ابى عبدالله......ابى عبدالله....بويه
...............
خادم مولاتي الزهراء.ع.
الشاعر علي الاديب
/channel/aliadeb122
محرم الحرام...١٤٤٢للهجره
شهادة الانصار
قصيدة للسيد الطيب(عابس رضوان الله عليه)
........................
لو بلحقيقة تبين المجالس....تشوفه ينادي بكل محرم عابس
حب الحُسين اجنني.... حب الحُسين اجنني
حب الحُسين اجنني.... حب الحُسين اجنني
................
١
جم قصة ينهيها الزمن......لو فرحة لو مدامع
ليموت بمحبة علي.............فايز ولكن طامع
الجنة مو ماي وترف.........الجنه حب الشافع
لا تعتقد طعنة رمح............تنهي العشك يسامع
قانون بلحب ماكو ابد
التحبه مضروب بعمد
من العطش كلبه نمرد
ما عدهم احساس
هذه الحجي بي تنتفع
شانك تريده يرتفع
احضر عزاء واستمع
عن اشرف الناس
من ينذكر اسمه انحني....... حب الحُسين اجنني
من ينذكر اسمه انحني....... حب الحُسين اجنني
.................................
٢
وبعالم الطيف وشفت.......عابس حقيقة روحه
كال اكرب وشفت العشك.......امداوي كل جروحه
باوع عله حسين وبجه..........غص بدمعته ونوحه
كال العشك مو بس حجي.....اليعشك يضحي بروحه
اليحبه يتحمل الم
بلطف يصد كلبه سهم
عابس حقيقه مو وهم
عاشك حسيني
راد السهم وكت الحرب
يثبت عشك كلش صعب
يكتب على وجه الكلب
عاشك حسيني
لا تلُم قلبي انني......... حب الحُسين اجنني
لا تلُم قلبي انني......... حب الحُسين اجنني
.....................................
٣
كال اسمع القصه عدل.......بنص معركه وبلهيمه
الماي ما طلبو ابد........لا فكرو بلغيمه
الطاح جانت طلبته......يحضرله راعي الشيمه
وانه الي جنني صدك......لمن دخلت الخيمه
اتبسم وكلي هله
حياك الله بكربله
وادم علينه عايله
لو رايد تروح
كتله انه ودموعي تهل
لو مية مره انكتل
جدمي فلا عنك تزل
ياسيد الروح
للموت خادم اعتني......... حب الحُسين اجنني
للموت خادم اعتني........ حب الحُسين اجنني
.............................
٤
حيل احترك مثل الكصب.....ذاك الي تلهب ناره
كلبك حسيني للابد........لا تحرف بمساره
لو ناوي تمشي لكربله......وكلبك اخذ قراره
اقره عله عتابه بدمع.......هجي انوي الزياره
كله سلامي لكل ضلع
حدر الحوافر منشلع
لا خوذه ضلت لا درع
من سحكت الخيل
شلونك يبعد الي مشت
فوك الهزيله وسلمت
بلشام حيل اتلوعت
من يجبل االيل
لطف كربلا ارجعتني.......حب الحُسين اجنني
لطف كربلا ارجعتني.......حب الحُسين اجنني
.......................
٥
اخر نصيحة للخدم.......رايد يعيش بجاها
ال الله لمن تنذكر.........اعرف شنو معناها
لمن يجي شهر الحزن......واسي المصاب اويها
كل دمعه منك تنذرف......عد فاطمة تلكها
باجر تشوف المنسحك
واكف ويمه اهل العشك
بسمه الكلب لمن يدك
محبوبي يحسين
كل لحظة عينه ع الخيم
ما قبلو تشب الخيم
ولا بلكلب يسكن سهم
ولا يسكن العين
نوح اعله ضعنه المنسبي.....حب الحُسين اجنني
نوح اعله ضعنه المنسبي.....حب الحُسين اجنني
................
خادم مولاتي الزهراء.ع.
الشاعر علي الاديب
/channel/aliadeb122
محرم الحرام..١٤٤٢هجريه...يوم عاشوراء،بعد مقتل الامام الحسين.ع.
..............
ياحُسين يامولاي......ياحُسين يامولاي
ياحُسين يامولاي......ياحُسين يامولاي
...................................
١
ما اكتب القصه بقلم
كون اكتب براس السهم
شيخ العشيره كله دم........من كصته سايل
صار الجرح يسبك جرح
من الفجر حد الصبح
نزفت محامل الرمح.........يم خيمة الكافل
صاحت يلنصار....والصار ما صار....عليه العدو دار....يامولاي
ذاب الكلب ذاب..من شفت الاحباب..بلخيل تنصاب...يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
.................
٢
بس كلي يا هم ينجلي
دخلو خيمكم ياعلي
نسوان ما عدهن ولي......والشرد ياويله
الي هرب حكه هرب
يم خيلهم محد كرب
حركو خيمهم العرب.....وطشرت العيله
من شبو النار.....ركضو تره زغار.....تولوهم احجار....يامولاي
بلهيمه ياويل....الما يمتلك حيل....سحكتهم الخيل...يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
.....................................
٣
عن ياعشيره ياكمر
من تشوفهم تشبع قهر
بلعين ما ظلت صور.......من سحكت الحافر
الله يسود عيشته
الغدار راسه وهامته
بدم راسه جلبت ريشته.....وتخيل شصاير
مو بلخيم بات.....هيهات هيهات....ظل ع النهر مات....يامولاي
ينطي لوجه وين.....كض ضهره الحسين....رد بيده
جفين..يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
...............................
٤
من طاح اسمع بلحرب
واحد صرخ من الغرب
خلونه ادجه بلكلب......واكطع شرايينه
وبصفه واكف الشمر
كلاله اوكف اصطبر
كل احنه زينب ننتظر....تطلع اويه سكينه
شتاني ياناس.....ونت يعباس....ظل ع الرمح راس...يامولاي
ياوسفه هيهات....ريت الكَلب مات....شافوها شمات...يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
..........................................
٥
بلسهم من طكه العبد
جلبت وذره من الجبد
وانفاسه صارت تنفكد....من لوعة اسهامه
الله واكبر ياشمر
متشوفه نايم ع الرمل
يمشيله خطوه وينسطر....وتطيح العمامه
هنا ياهلي هنا.....اه والف اه....حط سيفه بكفه.....يامولاي
دم الولي انباع...بلهيمه من ضاع..ضل يرفس الكاع...يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
......................................
٦
والجدهه فيتله الغمم
بمتونها يبات الألم
فوك الهزيله وكلها هم.....وتعاين عيونه
نصبت عزاء اعله الهزل
ياضيم كلي ينحمل
مرفوع راسه منعزل......عن نحره ومتونه
تخيلها الضعون....بلهيمه يمشون....بلخوفه يبجون....يامولاي
علناكه وتنام....مسكينه الايتام...بيا دين واسلام.....يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
..................................
٧
المدلله طول العمر
راحت سبيه ويه الشمر
علويه تدخل للقصر.....وتعاين الناس
يادمعه ظلت الامس
بلشام جن زفت عرس
وكفوها بلباب وشمس.....تلهب عله الراس
ما تنعقل هاي.....محتاره يا راي....عطشانه للماي...يامولاي
الوكت غدار....بطشت الذهب صار...راسه الي مندار...يامولاي
ياحُسين يامولاي......ياحُسين يامولاي
ياحُسين يامولاي......ياحُسين يامولاي
...............
خادم مولاتي الزهراء.ع.
الشاعر علي الاديب
/channel/aliadeb122
محرم الحرام..1442هـ👑
تحت عباءةالحسين الف رضيع قد قُتِل لكنه بقيَ صامداً ولم يعلن الاستسلام وعندما خرجت العقيله ع من خيمتها كادت روحه الشريفه ان تخرج من الجسد،وقال(لسان حال)
..........
المن طالعه الوادم غرب بره
رحميني يخويه لخاطر الزهره
ما اكدر اكوم جروحي تاذيني
ضلوعي بلحوافر جلبن حدره
........
ارجعي لا اون واكلب عواليها
مو هينه اسمعت جا وين واليها
كالو مالج احد وين ابو فاظل
ذاك ع النهر عايفها غاليها
..........
عيني ع الخيم ما ميزت تربي
من كد العطش شو تيهت دربي
خويه لا تجيني ضلي بلخيمه
تاني لحظه بس اسحب سهم كلبي
.............
ما ضلي بعد حد من اهل بيتي
ادري بطف وحيد ابقه انه تاليتي
اتونس جنت لو ناغه عبدالله
بس كاروك ضل وخذو عافيتي
...........
هذاك الي يحسب حساب لخيالي
مو من طبعه اصيح وما يجي كبالي
صحته بريج ناشف والنظر هيمه
كوم انهض تره انه مبهذله احوالي
.......
الحسن كلالي خويه اشترك لازم
فدوه لشبيتك بلطف اذا سالم
عرفو ريحتك ياخويه بلحومه
عطري وفرهدوه من كتلو القاسم
.........
اشترك بلطف محمد حين ميثاقه
اليشبه جدي جان بخلقه واخلاقه
دفتر ذكرياتي وكل معانيي
حدر سيوفهم ما سلمت اوراقه
............
وحك ذيج الرماح الكلت خاصرتي
ما همي خيم لا ابني لا بنتي
حسرتي ودمعتي وضيم وقهر كلبي
اعز ما عندي ضلت بلخيم اختي
.............
خادم مولاتي الزهراء.ع.
الشاعر علي الاديب
نعي
*شهادة مولاي علي الهادي.ع.
&&&&&&&&&&&
ها مولاي
هاي اخر رساله بجفك المظلوم
الى حضرة ابوي السافر المسموم
الى اول نحر بلطف غريب يعيش
الى كل خيمه محتركه وعليها تحوم
بس النار...... ولا غيمه تجيب الماي
ها مولاي....ها مولاي
********************
كلما مرني هم اتذكرك وارتاح
ضوه بكلب اليحب ياغبشت المصباح
انه المرتاح ما ضايك افه بعاشور
ولا جارحني سيف ولا شفت الرماح
بس مهموم....عمتك مشت وبلا راي
ها مولاي.....ها مولاي
*******************
يهادي العتره نبرة صوتك المبحوح
كلبك من عطش عاشور بس ينوح
عيالك سالمه وما شفت بيهم ضيم
ولا نازفه دمه وجسمك طعن مجروح
اي والله...تجبي اعله الشريعه طايح السكاي
ها مولاي.......هاي مولاي
********************
ناعي تريد ينعه حسين وكت الليل
وتريد تكوم لاجن فاكد انته الحيل
كثر ما بيك عاشت كربله بكل اه
بزنودك لكو اثار سحكت خيل
والمعصوم.....حشم ياهو يبجي وياي
ها مولاي.....ها مولاي
*******************
خادم مولاتي الزهراء.ع.
الشاعر علي الأديب
شهادة السيده ام البنين.عليها السلام.١٤٤٣هجرية
نعي...
***********
الى من قدمتهم فدوه قربان
العزيزه الطاهره الما ردت انسان
الماخشنت خاطر طيف الحسين
شلون الحال بيها بناعي الاحزان
تدك باب الفرج تلكاها بلباب
ومفتاح الحوائج تقره قران
تكضيلك شدد يل تخدم حسين
ناعي تريد ينعه حسين عطشان
طبع ام الوفه الينخاها محروس
عد ام الكمر ما واحد انهان
بس يم البنين الحسره تابوت
ضعن ال نبي رد ماكو وليان
قدمتي شكثر بلطف للحسين
عله نهر الفرات انطيتي ذرعان
ونحرين وجسد رضته الخيول
طاحو ماي مطره بروج نهران
تهضمج لو اكلج زينب شلون
لهلها ترد وحيده بلايه خوان
كضيتيلي الحوائج وانتي بمصاب
نعمله اكلج كلب ولسان
.........
خادم مولاتي الزهراء.ع.
الشاعر علي الأديب
1441هـ///🕯🍂
شهادة مولاتي فاطمة الزهراء.ع.
لسان حال أمير المؤمنين كأني به يقول
•••••••••
ملاحظة••
القصيده👆 على لحن كلت لك عفواً القصيده المشتركة بين سيد سلام ومحمد باقر))
*******************
1
يازهراء
بعد ما يسوه يمر بغيابج عيدي
يازهراء
منهد ما شفتج ميته ودفنتج بيدي
يازهراء
صلاتي وصومي واهاتي وترتيلي
يازهراء يازهراء
تره البجاني بطول الغياب
انه القاهرني بهاذه المُصاب
نحيله وبس عظم وثجيل الباب
ويلاه
يدري بيج امريه
سيده وعلويه
من المرض محنيه....ومعصوبة راس
ضل يطك كل قوته
محسنج حل موته
والخشب تابوته....ومسمارج فاس
عله بابي جرت ملحمه
سالت عتبتج بس دمه
حبيبت عمري يافاطمه....ويلاه
عله بابي جرت ملحمه
سالت عتبتج بس دمه
حبيبت عمري يافاطمه....ويلاه
مولاتي يافاطمه.....مولاتي يا فاطمه
مولاتي يافاطمه.....مولاتي يا فاطمه
/////////*///////////////////////////
2
يازهراء
الحسن يسئلني كل يوم اعله فراكج
يازهراء
العقيله تحن الج وتنام اعله عتابج
يازهراء
ابى عبدالله يبجي وينعى مصابج
يازهراء يازهراء
احن لعيونج لو اسمج انجاب
اشوفج يمته شو طال الغياب
يعينج الله اعله مصاب الباب
حمره ليش عيونج
همهم ايذونج
انه احس بدونج ...كل حيلي غاب
صوت اسمع صايح
حيل منج رايح
والهضمني الطايح...عله اعتاب الباب
وره الباب الختل ينولي
محسن من وكع ياهلي
ما لحك ينادي علي..........اويلاه
وره الباب الختل ينولي
محسن من وكع ياهلي
ما لحك ينادي علي..........اويلاه
مولاتي يافاطمه.....مولاتي يا فاطمه
مولاتي يافاطمه.....مولاتي يا فاطمه
//*******///////////////////////////
3
يازهراء
قريبه شما بعدتي هذه انه حساسي
يازهراء
بلا عطرج احسنها غريبه انفاسي
يازهراء
وحيد شما كعدت ابين اهلي وناسي
يازهراء يازهراء
اذا هب الهوه يهب الحنين
بعتبتج باقي بس صوت اونين
انكسر كلبي لان يبجي الحُسين
ويلاه
فاطمة حاجيني
هوديلي ونيني
يافرض من ديني...ويادين الدين
انه حيدر وينج
ياهوه الطك عينج
ضيعاها اسنينج.....راحت لاوين
حقيقه مو حجي من الخيال
حاشه تلف ايديه الحبال
واليشهد بعضها الرجال.....ويلاه
حقيقه مو حجي من الخيال
حاشه تلف ايديه الحبال
واليشهد بعضها الرجال.....ويلاه
مولاتي يافاطمه.....مولاتي يا فاطمه
مولاتي يافاطمه.....مولاتي يا فاطمه
//////////*//*//////////////////
4
يازهراء
يسر الله انتي بيج وصرتي ام الساده
يازهراء
الورد من يمته مكطوع وقبل ميعاده
يازهراء
هدل متن الفحل وتيتمت اولاده
يازهراء يازهراء
الفرح من دارج من رحتي راح
حمام الوادي اعله مصاب ناح
الحسن يايمه اعله عتابج صاح
ويلاه
يامصيبة يومي
زادت اعله همومي
جلبت بهدومي ....ويابويه تصيح
زينب تون حسره
واختنك بلعبرة
وين امي الزهره...ويهب الريح
يرسم عل رمل جف طفل
عله خدي ردت ينشتل
تالي بلا ذنب ينكتل......ويلاه
يرسم عل رمل جف طفل
عله خدي ردت ينشتل
تالي بلا ذنب ينكتل......ويلاه
مولاتي يافاطمه.....مولاتي يا فاطمه
مولاتي يافاطمه.....مولاتي يا فاطمه
/////***//////////////////////
5
يازهراء
تره الهجمن عليج بلا بخت ادريهن
يازهراء
حذر طه شكثر بس الكفر عاميهن
يازهراء
بحقد هدن لان بيج البخت ياذيهن
يازهراء يازهراء
هضيمه بلا گبر معروف للناس
خفيته بروحي ومجروح احساس
ابد ما يقبل لو جان عباس
راح يرسم منظر
المهدي باجر يظهر
يحكم عله المنكر......ويقاضي ثنين
بيها تسكن روحج
حته يهدء نوحج
ياحبيبه جروحج......ما تنزف حين
تحضرين انتي للمحكمة
ظلعج بعده اثر للدمه
ينادي يمه يافاطمة.......ويلاه
تحضرين انتي للمحكمة
ظلعج بعده اثر للدمه
ينادي يمه يافاطمة.......ويلاه
مولاتي يافاطمه.....مولاتي يا فاطمه
مولاتي يافاطمه.....مولاتي يا فاطمه
************************
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
/channel/aliadeb122
١٤٤٣هجريه
استشهاد الأِمام علي بن موسى الرضا...ع...
..............
ياعلي ابن موسى الرضا
ياعلي ابن موسى الرضا
.............
١
يل تفيض اعلينه حنيه و عشك
ريت مثل الخيمه كون انه احترك
شلون ما موتن اذا جاني الخبر
باجر العاشر ظلوعه التنسحك
كل روحي والهيام...يامولاي الرضا
تذبل بطاري السهام....يامولاي الرضا
ياعلي ابن موسى الرضا
ياعلي ابن موسى الرضا
////////////////
٢
جالك الامر اللهي تنسحب
من مدينة طه لديار الغرب
تهاجر لوحدك اذا صار الظلام
تمشي غربه لوحدك طول الدرب
من اشمن بلمقام.....يامولاي الرضا
بيك دُخان الخيام...يا مولاي الرضا
ياعلي ابن موسى الرضا
ياعلي ابن موسى الرضا
/////////////
٣
حاذر اشواك الطريق المؤلمه
ادري ما تهتم يبن حامي الحمه
لاجن ابالك تجي ذيج الجدام
حافيات بهيمه ويصبن دمه
التشكي يضربها بحقد....يامولاي الرضا
الجان خادم وعبد....يامولاي الرضا
ياعلي ابن موسى الرضا"
ياعلي ابن موسى الرضا
/////////
٤
شوغتك لوعت عزيزه مسلبه
لو شفت اي طفله تذكر قافله
هواي جانت بين اهلها مدلله
لجمتك نحر الطفل من حرمله
راحت احلام الشباب...يامولاي الرضا
يعينك الله علمصاب....يامولاي الرضا
ياعلي ابن موسى الرضا
ياعلي ابن موسى الرضا
///////////
٥
يلي تستاهل اوج روحي شمع
يلي عينك ع الخيم تجري الدمع
روحك الطيبه احسها تنشلع
بطاري حافر كربله وكسر الضلع
يعطش ويمه النهر....... ...يامولاي الرضا
طايح ودم النحر.............يامولاي الرضا
ياعلي ابن موسى الرضا
ياعلي ابن موسى الرضا
////////////*****//////
خادم مولاتي الزهراء.ع.
علي الأديب
نعي شهادة رسول الله ص اله.
١٤٤٣هجريه....٢٨صفر
🍃🍃🍃🍃🍃🍃🍃🍃🍃🍃🍃🍃🍃🍃
لسان حال السيده الزهرء ع تخاطب ابيها رسول الله ص اله.
🍃🍃🍃🍃🍃🍃🍃🍃🍃🍃🍃🍃
يعافية الصبح يانسمة الليل
لا تبجي احلفك كد غلاتي
تغمض من الم سم الي كتلوك
خفيت دموع عيني بجف عباتي
دمعك من يطيح بسبب مسمار
لو فكرك يجي لخوفت بناتي
ريح النايبه يكلي يزهراء
وحيده بلا ابو الليله تباتي
رهم تفصال حزني لعمر الحسين
وغصت موت وصلت حد لهاتي
دريت الموت جاي بدكت الباب
من اتطشرت سبحت صلاتي
🌺🌺🌺🌺🌺🌺🌺🌺🌺🌺🌺
السلام على اشرف خلق الله واطيب خلق الله واكرم خلق الله رسول الله ص اله ....انت المعزى سيدي ياصاحب الزمان
........
سبل جف الهله وحدب علي بظهره
وتبده الماي غفله ويبست الشجره
يسالوفت عرش ما تنتهي اويه البين
يلي حسين انته وانته من حسين
يل بحيدر علي لمن ختمت الدين
يا دمعت شرف الله وعلي الزهره
القضيه امفصله ومذكوره بلقران
بداية سورة التحريم هل عنوان
نفس الي شرد من التقى الجمعان
ختم غصت محمد من طبع سطره
شياطين اربعه اجتمعو على سمك
بهت لونك يطه ونخطف رسمك
تكطع كلبك بسمهم نشف دمك
وعادوها شكثر مولاي بلعتره
الكله بصحنك يطه تالي ياذينه
شبع كام وضحك وتناوشت عينه
رفس ماعونك وحضر سجاجينه
حوبت زادك وماعونك تعثره
الما يكدر عليك ولا كدر حيدر
الشرب من امه دم واسس المنكر
اجه بنار الامر للباب وتوجر
وسكط محسن ياطه من اثر عصره
..........................
خادم مولاتي الزهراء.ع.
الشاعر علي الأديب
/channel/aliadeb122
زنجيل
صفر1441هـ/🕯👑
استشهاد رسول الله.ص آله.
🍂🍂🍂🍂🍂🍂🍂🍂🍂🍂🍂
هاذه جبرائيل ناده بصوته
نقيم مأتم للرسول بموته
والعرش رد الجواب
نعزي فاطم بلمصاب
نقيم مأتم للرسول بموته
/////////////////////
1
الليلة دار المصطفى يحل الحزن
الليلة مكسورة گلب فاطم تون
الجنه هاي الليله لجدامه تحن
من جنان الله نزل تابوته
من جنان الله نزل تابوته
////////////////////////////
2
الليلة طه يموت ويودع الحياة
وصى بلقرأن وصى بلصلاة
صوته ظل ينادي في وقت الممات
اليترك العتره الشفاعه تفوته
اليترك العتره الشفاعه تفوته
///////////////////////////////
3
صده صوت الحق ينادي من سنين
العتره والقرأن حبل الله المتين
حته لو قامت قيامه آمنين
والولايه درته وياقوته
والولايه درته وياقوته
////////////////////////////////
4
الله ناده عله القلم نص الولي
من جلالة الله اكتب ما يلي
من بعد طه الخليفة بس علي
وبعده يحكم بلأمر ذريته
وبعده يحكم بلأمر ذريته
/////////////////////////////////
5
عن اهل بيت النبوه هل امر
أشتركو بسم النبي زمرة كفر
والله بلقرأن لاعنهم دهر
هاي زمره بلكفر منعوته
هاي زمره بلكفر منعوته
////////////////////////////////
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
/channel/aliadeb122
محرم الحرام/١٤٤٣هجريه
شهادة مسلم بن عقيل سلام الله عليه
..............................................
(قصيده ثكيل رئيسية)
.............................
موقف وي ابو السجاد يلجم....راس حسين عاين راس مسلم
تلاكو فوك الرماح
سلم والدمع طاح.....
عله وجه السمه الحسرات ترسم
راس حسين عاين راس مسلم
.........................
١
تره المفروض لازم علخلك هاي
تسجد من تشوف بحضرتك جاي
راح احني الرمح والراس لجلك
ما عندي جسد واركع يمولاي
يا هضيمه
انته ريحانة محمد ع الرمح فوك
ياهضيمه
خدرك ايطبن سبايه بوسطة السوك
مسلم وجه من دار
كطفو راسه بحجار
حميده تبجي والملعون يشتم..... راس
حسين عاين راس مسلم
.....................................
٢
شنهي الغيرك شو راسك ابيض
كالو من طحت ما بيك تنهض
كالو لحت الخياله بلخيل
من كد السحك ياصوب تنكض
هذه اعتذاري
انه لو عندي جسد جان انحنيت
هذه اعتذاري
الي يلجم نحري موقف بي بجيت
الما معروف ضلها
تمشي بلايه اهلها
واعرف كلبك اللجمات يكتم......راس
حسين عاين راس مسلم
..........................
٣
كالو عله الفاكد والده يشوف
رمح براسي ع النسوان ويطوف
نضرات الحرم والروس لجمات
حميده وسكنه ضلن يبجن بخوف
ا ياغربتي
كلمن انطاني وعد خالفله راي
ا يا غربتي
حطلي خنجر بلظهر كلمن وراي
الكالو اقبل النه
يتمو كل اهلنه
شسولف يا قهر عن يا افه وهم...... راس
حسين عاين راس مسلم
..........
٤
وديت الامانه ويه الهوه الهاب
من واحد غريب ابين الاغراب
سير ياهوه اعله خيام الحسين
لا يبجي بقهر ويطول العتاب
يا حسرتي
ما كدرت ارجع الك هذه الي صار
يا حسرتي
ما جنت حاضر ودافع ويه الانصار
تدور ناصر يعين
وانته لوحدك حسين
نزلت دمعتك يم المخيم....... راس
حسين عاين راس مسلم
..............
٥
مسلم عينه ضلت يم حميده
كل لحظه الشمر اسمه يعيده
وبسوط الكفر لمن اجوها
نزلت من على الناكه البعيده
بويه ردي
لا يعثرج حيل مشدود الحبل
بويه ردي
ما يرحمون اليطيح من الهزل
بدمعه وكلب ينحب
ضلي ويه زينب
رجعي وامر الله يشاء ملزم....... راس
حسين عاين راس مسلم
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
خادم مولاتي الزهراء.ع.
الشاعر علي الاديب
/channel/aliadeb122
محرم الحرام/١٤٤٢هجريه
.............................
نعي العقيله ع
...................
كلشي بلطف صار ينسب
شتمو حته الكناطر
الي حارسها تسلب
والمره الجانت عزيزه
من البجي الدلال ينحب
جانت تغمض الدنيه
من تريد اتصلي زينب
هنه نارين بجفاكم
نار بكلوب اليتامه
ونار بلصيوان تلهب
هيه صارت
مو شريف يطب خيمهم
والعزيزه بهاي حارت
وصوت من مخدره يموت ونينه
ياهوى العابر علينه
هاك مرسال احتركنه
روح مر بأرض المدينه
وسولف لجدي محمد
كله بت حيدر علي تكول انسبينه
ولاكو ناصر لاكو حامي
وعل ثره مكطع ولينه
كله كافلها اعله شاطي الماي مكطوعه يمينه
وسهم المثلث بعد ماخذها عينه
ويلي ياجداه كلي شصار بينه
..........................
خادم مولاتي الزهراء.ع.
الشاعر علي الاديب
محرم الحرام١٤٤٢هجريه
(نعي العليله)
...................
السيده العليله.ع.تبعث برساله الى ارض نينوى بعد ان توقف عطر ابيها عليه السلام عن انفاسها....مخاطبتاً
.........
عن ياحوافر تشكي عن ياشمر
هو اليحضنك يا الم بي يمر
خل اغفه بجفوفك بعد ما احس
لو داست الخياله صبح وظهر
اذكر سئلتك عن خواتي وهلي
سكته وهوى المرسال طر الفجر
طير اعله عتبة بابي حط بخجل
ناديته بدموع وقلب منكسر
ياطير اكرب دنك وهل دمع
بجناحه شفت اثار جويت جمر
حليت مرسالي برماد انكتب
ريحة حركَ شميت لا مو عطر
من سكنه لختي الما مشت للسبي
وما شافت الضيم وسياط وقهر
لريحة ابوي الغاليه فاطمه
عذريني راح اكتب بسرعه اختصر
بالخيمه وابجي اتذبحو كل هلي
ويا لحظه خاف يطب علينه الشمر
تسئليني وين الغالي يافاطمه
رد للمخيم وحده يمشي المهر
كماط الرضيع ومهده حركو تره
عبد الله بجفوف العزيز انحر
ذاك الجمال بوجه لاكبر علي
اليشبه محمد وسفه كطعو وذر (عذرا يا رسول الله )
عمج كفيل الحره هم انسحك
وبلا جفوف وراس يم النهر
الليله راح نبات فوق الهزل
امكيدات انام طول السفر
وهواي هم واهات ماتنحجي
واختم بحسره وضيم اخر سطر
جابو النوك الهزله من حل سبي
راح امشي وي عماتي واهل الكفر
عفنه اهلنه بلا غطاء اعله الترب
وما ادري وين انبات والمستقر
..............................
خادم مولاتي الزهراء.ع.
الشاعر علي الاديب
/channel/aliadeb122
محرم الحرام..١٤٤٢هـ📖
شور
//////////////////////////
حُسين حُسين...يامولى....ياحُسين
حُسين حُسين...يامولى....ياحُسين
/////////////////////
1
وجهتُ وجهي للعرش
طير ومطر ليل وهوه
وين الكه راحه بيا كتر
ناده المنادي بنينوى
رجليه تتمشه بحذر
صرت انه والاعمه سوه
شميت ريحت مكصدي
طش دربي اهات وضوه
انته حبيبي
انته طبيبي
عمري انته غالي وكل هواي
انته ضنوني
ودمعي وعيوني
شلون العشك مايشرب ماي
حُسين حُسين...يامولى....ياحُسين
حُسين حُسين...يامولى....ياحُسين
///////////////////
2
مشتاكلك كد رحمتك
عطشان الك كد السمه
من نلتفت تخجل بعد
لو شفنه حرمه مهندمه
خجلان منك واعتذر
كون النظر صابه العمه
يهضمني من يجري العذب
ميت عطش بن فاطمه
طايح بلهيمه
ودخان الخيمه
يرسم ظعن يركض لاوين
ياعلي احضر
عاين للمنظر
شوف الشمر يذبح بحسين
حُسين حُسين...يامولى....ياحُسين
حُسين حُسين...يامولى....ياحُسين
///////////////////
3
يا دم الك ذكرة رمح
وبعملتك غص الصبح
ما ترهم لبنت النبي
زينب سبيه ما تصح
وعله الرمل طاح البخت
خجلانه كيعان الفلح
الف وبعد زاد العدد
وصلن تسعمية جرح
صابو جبينه
زايد ونينه
مو من جروحه يون الامام
مو عطش يلهب
بس شوفت زينب
من خيمه لخيمه تلم الايتام
حُسين حُسين...يامولى....ياحُسين
حُسين حُسين...يامولى....ياحُسين
////////////////////////
4
اجمل حياة بمجلسك
يلي العطر يتنفسك
كل العوالم سيدي
نلكاها شذره بمحبسك
وحدك غريب وبس خيم
مكسور خاطر واهسك
صرخت عزائي ودمعتي
يذبحني طاري مرافسك
اصفك ايديه
وسفه العلويه
شلون العقيله بهيمه تنام
منسمع رقيه
طبت سبيه
كون اعمي عيني بطاري الشام
حُسين حُسين...يامولى....ياحُسين
حُسين حُسين...يامولى....ياحُسين
/////////////////////////
5
سنين العمر اكضيها هم
ابجي وانوح اعله الخيم
زينب مشت فوك الهزل
راحت سبيه ويه الحرم
وحسين مذبوح القفا
وعله النهر راعي العلم
ماعنده جفين وبعد
طفوها عينه بلسهم
بوادي المصيبه
تبقه الحبيبه
ماعدها كافل بين اجناب
حيرتها حيره
ع الناكه اسيره
مهضومه تمشي بين اغراب
حُسين حُسين...يامولى....ياحُسين
حُسين حُسين...يامولى....ياحُسين
///////////////////////////////
خادم الزهراء.ع. الشاعر علي الأديب
قناة تخص الشعر الحسيني والقصائد الحسينية
/channel/aliadeb122
محرم الحرام...١٤٤٢
نزال للامام العباس ع......شجاعي
..........
ابى الفظل...ابى الفظل...يعباس
ابى الفظل...ابى الفظل...يعباس
................
١
تخيل شارب العباس لو رف بلحرب مره
تخيل شارب العباس ماي وتنتخي الحره
تخيل لو شمر يلكاه من عكاله ويجره
ابى الفظل
بيده الموت والاسباب
يفتح من جهنم باب
يبدي باآل اميه حساب......يحشرهم زمر
يل خاسف ارضها الطف
جفنه بلحرب ما رف
ردنه بلعرك لو كف...........يتراجف عمر
ابى الفظل...ابى الفظل.......يعباس
ابى الفظل...ابى الفظل.......يعباس
..................
٢
اذا مر من حلاته الماي يشرك لو يغط ايده
اذا مر اعله زلم وخيل حيل المعركه يبيده
اذا امر اخوه حسين جم طف كربله يعيده
ابى الفظل
سورة زلزله اعله الناس
صارت واقعه ومقياس
لو هد بيهم العباس..............ينهي ع الكفر
عاصف جفه من يهد
تتراجف زلم ويرد
لو امر الله كون ايهد.............ما يبقه بشر
ا بى الفظل...ابى الفظل.......يعباس
ابى الفظل...ابى الفظل ......يعباس
.............................
٣
نفرض لو طلع عباس صوب المعركه ويسجد
نفرض والفريضه تصير واجب علزمط بلجد
نفرض لو نطاه حسين امره وسل حسامه وهد
ابى الفظل
يصبح يمنته جبريل
ينفخ صوره اسرافيل
يتحضر بعد عزريل..........وكت الملحمه
لا تسئل عله الي ضاع
اليركض تلزمه الكاع
واليشرك يموت بساع.......وكت الملحمه
ابى الفظل...ابى الفظل.......يعباس
ابى الفظل...ابى الفظل.......يعباس
.............................
٤
بلمجان اللمح عباس ترجف كل معانيه
بألم جان اليضوك السيف حار بطبع راعيه
بلم جان اليعبره شلون وهوه شراعه وصاريه
ابى الفظل
سفينة وفوكها ابن الجان
يرهب لو دخل ميدان
اسمه بلعرش عنوان.......عباس الكفيل
حيدر من لزم بلباب
جان الكافل وياه طاب
عباس بظهر الاصلاب......بلشاره دخيل
ابى الفظل...ابى الفظل.......يعباس
ابى الفظل...ابى الفظل.....يعباس
................................
٥
وصل يم الفرات وصاح انه كافل الحره
وصل طارش لحد الكوم جاي وصاعد المهره
وصل يتكطع الموجود لو يتعرض لدربه
ابى الفظل
خبط مايه النهر بلخوف
عباس الكفيل يطوف
معروف البطل معروف........برض المعركه
ضلت ناس تردم ناس
بيهم مات بلوهواس
صاحو هذه اجه العباس......لرض المعركه
ابى الفظل...ابى الفظل.......يعباس
ابى الفظل...ابى الفظل.....يعباس
.............................
خادم مولاتي الزهرتء.ع.
الشاعر علي الأديب
/channel/aliadeb122
محرم الحرام...١٤٤٢للهجره
نزال لانصار الامام الحسين ع((الانصار))
.............................
سمعاً وطاعه سيدي للقائد العام
يحسين للمهدي نريد انصير خدام
..............
١
ياقاتل البدعه.........في زمن الرجعة......ياثار الله
يامحيي انصارك......يل طالب بثارك.....ياثار الله
المهدي شد احزامه بنصاره الموالين......وانته الوكف وياك عباسك يلحسين
باجر ترد انصارك الغر الميامين..............عباس باجر من يرد بزنوده جفين
ويهد قصور اهل الكفر واللبسو الثام
يحسين للمهدي نريد انصير خدام
........................
٢
يل ماطفت نارك......من تاخذ بثارك......وتنادي جداه
شوغات الحوافر......من سحكت العاشر.....ياجدي ويلاه
ويدوس روس الي ترضو ع الجريمه........ويحاكم الشيخين واتباعه وحريمه
والشبو النار اعله باب الهاشميه..........بيت العزيزه ام الحسن ذيج اليتيمه
وتنَشف دموع الجرت من عين الايتام
يحسين للمهدي نريد انصير خدام
..........................
٣
ياناشر الراية........يامظهر الاية.........عجل يمولاي
لخاطر بواجيها.......والكيد بيديها.......عجل يمولاي
فدوه تكلك سيدي المصيوبه عينه...........طاحت يساره كافلي وانته يمينه
هاي ال اميه سيدي ردو علينه.................ويمامهم بعده الشمر وانته ولينه
بداعت دموع الي بجت من طاح جسام
يحسين للمهدي نريد انصير خدام
..........................
٤
يل بس بجي عمره........لحسين للزهره......يادمعت العين
يل تشبه القاسم............بس اسمك القائم....يانور الحسين
ما ضاع حك كلمن ركض بلعاشر بخوف......لثارت اهله ياخلك مهدينه ملهوف
صولات حيدر بلحرب من يظهر تشوف......بيده الفقار وصاعد الميمون ويطوف
يكتب عله الراية بدمع يالوعة الشام
يحسين للمهدي نريد انصير خدام
............................
٥
ياكوثر ومايه........يل عطرك اولايه......للرايد ايعيش
يل اسمك محمد......يمخلي الهم حد......يامرهب الجيش
ما يشفي صدر المنجرح بس انته لازم.....غيرك فلا يرهم دوه لجرح الهواشم
ختم الامامه بخدك انته حسين راسم.....حي الله ناداك العرش
بأسمك القائم
حي الله طالب ثار اهله ومحيي الاسلام
يحسين للمهدي نريد انصير خدام
....... ....................
خادم مولاتي الزهراء.ع.
الشاعر علي الاديب
/channel/aliadeb122
محرم الحرام..١٤٤٢هجريه
شهادة مسلم بن عقيل ع سنة ٦٠للهجره
شور
.........................
ياثقة الحُسين يابو حميده
ياثقة الحُسين يابو حميده
....................
١
شيبة علي
وجه الولي
ونور الامامه
ذات الكلب
بين الغرب
قلد حسامه
الناس كلها انكلبت اعلينه
لاتلفي للكوفه ياولينه
واحدهم بدرهم خسر دينه....يبى عبدلله
مسلم انه الدزيت مرسالي
لحضرت مقام حسينه الغالي
عطشان طايح من قصر عالي...يبى عبدالله
ياثقة الحُسين.... يابو حميده
ياثقة الحُسين.... يابو حميده
...............
٢
شمس السمه
بجف فاطمة
ناحت عله الضاع
مسلم تره
بجف حيدره
ماطاح علكاع
جايب مراسيل البخت عندي
الينصر حسين يناصر المهدي
من الغرب جرح الكلب يدي.....يبى عبدلله
فدوه العمر لو ضاعت ايامي
لتاج العشيره وروحي وايمامي
ما شارب الماي ومتت ضامي...يبى عبدلله
ياثقة الحُسين يابو حميده
ياثقة الحُسين يابو حميده
.....................
٣
بت حيدره
ناحت تره
من سمعت اخبار
بنص كربله
حسين اوهله
كلبه اشتعل نار
اشرفهم الكالو عليه عابد
فوك القصر شفته بحقد صاعد
صليت بيهم ما بقه واحد.....يبى عبدلله
بذيج الجفوف الكتبت الترفه
شايله سيف اواكف بلهفه
غرتهم فلوس الكفر وسفه...يبى عبدلله
ياثقة الحُسين يابو حميده
ياثقة الحُسين يابو حميده
...................
٤
بديرة كفر
طب الخدر
تتكاطف حجار
ا يا خجل
شفت الكفل
ما يرضه بلصار
لو الله يأذن للرمح مره
جا ما بقت بلكون اي ذره
من يغضب الكافل يجر حسره......يبى عبدلله
وطفالهم من توكف كبالي
نزلولهم راسي برمح عالي
بحجاره انطك ياوسف تالي.....يبى عبدلله
ياثقة الحُسين يابو حميده
ياثقة الحُسين يابو حميده
.....................
٥
اسمع صرت
وتحيرت
حسين وبده وداع
حيل اعتذر
وكت الظهر
ما جيتك بساع
ياسيدي اعذرني بحق فاطم
دمعي يصب بحضرتك هايم
حرموك ماي وانته مو صايم......يبى عبدلله
ريت النفس ضل بلكلب شهكه
لخيل العدو عنك اصد ملكه
جوه الحوافر واحضن السحكه.....يبى عبدلله
ياثقة الحُسين يابو حميده
ياثقة الحُسين يابو حميده
..................... ......
خادم مولاتي الزهراء.ع.
الشاعر علي الأديب
/channel/aliadeb122
محرم الحرام..1442هـ🌿
اهات والم دموع مولاتي العقيله تسولف
............
غريبه زينب.....غريبه زينب
غريبه زينب.....يازينب
1
خلصت حياتي
بساعت مماتي
كل امنياتي .....شوفت اخوتي
يابو رقيه
يابو الحميه
الهاشميه.........بديره غريبه
خلوني ابجي لكافل وشيخ العشيره
ووكف وانادي يا هلي انه الاميره
الما بين الها خيال ابد شافوها اسيره
لحضه انتضر يابين
عندي اخو اسمه حسين
بلكت يدك بابي
الكافل يجيني هنا
جايب جفن ويا
وارتاح يحبابي
غريبه زينب.....غريبه زينب
غريبه زينب.....يازينب
...........
2
عمتك يا الاكبر
بلحبل تنجر
ما تندل البر.......بلايه ابو فاظل
جبيرة عمر بيش
ابيا ذنب ليش
اتخاطف الجيش
والدمع سايل
الجانت خجل مني الشمس ما تطلع بيوم
ضلي اعله وجه الحايط شكد ناذر الصوم
هسه الغريب بسوطه واعليه غده يحوم
يشتمني ياهل الناس
وانه انده العباس
راسه برمح عالي
كتله البعد جتال
وحدي وغرب وعيال
غالي اغله من غالي
غريبه زينب.....غريبه زينب
غريبه زينب.....يازينب
.............
3
جا وين اهلها
وين الكفلها
فكدت املها....زينب غريبه
هجت اسمعت كال
اليجر بلحبال
والضحك جتال.....وانه الحبيبه
كل اخوتج ماتو عطش منهو اليواسيج
عكب الحُسين وكل هله ياهو اليحاميج
تمشين بحجايت غرب لمن نحاجيج
ياوسفه وكتي الدار
وحدي صفيت ونار
مشتعله واهل العار....يردون الي موتي
صحت بخفيت الصوت
اكرب عليه ياموت
درب الغرب تابوت.....من غير اخوتي
غريبه زينب.....غريبه زينب
غريبه زينب.....يازينب
.............
4
كل حسره بابا
بذيج الخرابه
طول غيابه....تكلي رقيه
يمته يجينه
ياعمه وينه
تاخر علينه.....وانه سبيه
من اذكر سوالف مضت تتراجف الكاع
شلون احتمل دمعت طفل ويريدك بساع
تالي اعله طشت النايبه يحسين الوداع
الجانت تون ع النوك
لمن دخلنه السوك
ماتت رقيه بشوك
يم راسك النام
صحت بألم ياناس
شكد عازه للعباس
فوك الرمح بس راس
يا لوعة الشام
غريبه زينب.....غريبه زينب
غريبه زينب.....يازينب
..............
5
مضمومه الي هواي
محد حجه بهاي
مو شغلت الماي....ولا حر الهيمه
من احنه ماشين
تعدو عله حسين
شفته يون حين......شاف الهضيمه
من نحره ناده اتحملي يازينب يصيح
خايف يهب بينه الهوه وتتعاصر الريح
امشي بهزيله ومحملي ياساعه ويطيح
لتخافي من اعداج
عيني عله ممشاج
يازينب الله وياج.....هو المحامي
لو تسئلج هلناس
عن اخوت العباس
عن الحسين انداس....بلهيمه ضامي
غريبه زينب.....غريبه زينب
غريبه زينب.....يازينب
*••••••••
خادم مولاتي الزهراء.ع.
الشاعر علي الاديب