242
لنشر النواعي الحسينية للرواديد والخطباء قصائد نعي نعي ابوذيات هوسات لاتنسونى بدعائكم
نعي الى الامام الأكبر عليه السلام اليوم التاسع
***
دخلت خيمته ورفعت اديها
والاكبر سالم تريده يجيها
تدعي للولد وشصار بيها
ومن كثر البواجي انغمه اعليها
صاحت كلبي بفراكك تفطر
وعكبك ما نشف دمعي يالاكبر
وجه حسين اشوفنه تغير
وصحت اشلون بيه الله وكبر
ينساني ويروح ما ادري الولد ينساني ويروح
من كثر الجروح اجر كوه النفس من كثر الجروح
محد يعوضه يايمه الولد محد يعوضه
واشلون ترضه كلب امك تكسره اشلون ترضه
ما شايفه النوم. صايرلي اشكثر ما شايفه النوم
والحيل مهدوم انوح الفركتك والحيل مهدوم
ما يشفه ويطيب. تره جرح الولد ما يشفه ويطيب
راسي انترس شيب. ييمه بفركتك راسي انترس شيب
مابي محنه يثاري افراكم مابي محنه
شيريد منه يايمه الوكت شيريد منه
شيردها الايام راحت يالولد شيردها الايام
بليل ما نام. من يوم الرحت بليل ما نام
تعبني فركاك يبو طول الحلو تعبني فركاك
ما راح تنساك امك يالولد ما راح تنساك
ما لايك اعليك. يايمه الكبر ما لايك اعليك
وتراب غاطيك لكيتك يالحنين اتراب غاطيك
*
الشاعر
تحسين الخفاجي
نعي الى الامام العباس عليه السلام اليوم السابع
*
مكسور ضهرك خويه حسين شو مكسور ضهرك
تتلوه انضرك. لازم شيبك وتتلوه انضرك
عباس وينه. راجع وحدك عباس وينه
يمته يجينه وبيده الماي جا يمته يجينه
راح عباس. كال الها يزينب راح عباس
ومشيب الراس قلت حيلتي ومشيب الراس
وبلايه جفين. عفته اعله النهر وبلايه جفين
والسهم بالعين. صابو هامته والسهم بالعين
وطيحه بيده راح الخيمته وطيحه بيده
وبلا عضيده الاخو ينكسر ضهره بلا عضيده
عطشانه الزغار ضلت بالمخيم عطشانه الزغار
كلبي يشب نار عكب عباس ضل كلبي يشب نار
صاحت انه زينب يا جفيلي
ليش بفركتك هديت حيلي
انوح اعليك والحسره بدليلي
عكبك خويه انام اشلون ليلي
كلهم يحركون كامو بالخيم كلهم يحركون
وشوف المتون صحت اكعد يخويه وشوف المتون
كوم ردني غير انته الجبتني كوم ردني
نگع ردني من كثر البواجي نگع ردني
واشلون نومه نايم عالشريعه اشلون نومه
لحد يلومه الضيعله اخو لحد يلومه
****
الشاعر
تحسين الخفاجي
نعي الى الامام مسلم ابن عقيل عليه السلام اليوم الخامس
***
كاللها يطوعه السيف جيبيه
مسلم ما يهاب الموت تدريه
بمراجل عمه حيدر كومي ذكريه
اهل الكوفه كلها نكلبت عليه
مسلم للقصر مجتوف جابوه
حزو راسه ومن القصر شمروه
ومن الماي مسلم ليش حرموه
والاصعب بالحبل بالسوگ جروه
محتاره وتون ضلت حميده
وصاحت وين ابوي الليله اريده
سافر عني والسفره بعيده
ابوي اشلون خلاني وحيده
اخذها الحسين في حجره
تكول
تمسح عله راسي وتهمل العين
احس جني يتيمه عمي يحسين
مسلم والدي عني رحل وين
دلالي انصدع من كثر الونين
فاركونه ليش اهل المحنه فاركونه
ما يجونه نامو بالمكابر ما يجونه
الضيعونه جبير اصوابنه اعله الضيعونه
يتفكدونه جانو كل وكت يتفكدونه
واشلون حيره حيرني زماني اشلون حيره
كسره جبيره. يفراگ الابو كسره جبيره
الدللاني اريد ابجي اعله ابوي الدلاني
راح ونساني واليسوه العتب راح ونساني
لو شال يضل البيت وحشه الابو لو شال
وفراكه جتال ضيعت الابو وفراكه جتال
****
الشاعر
تحسين الخفاجي
نعي الى العليله عليها السلام اليوم الثالث
*
وطوح ضعنكم مشيتو يا هلي وطوح ضعنكم
اتخلون بتكم. اشلون محيره اتخلون بتكم
يهل المحنة خالي امجانكم يهل المحنة
بالدار جنه ملتمين امس بالدار جنه
طشر شملنه جا ليش الوكت طشر شملنه
ونه اعله ونه كضيت الكمر ونه اعله ونه
ليش دياركم ضلت خليه
ويالغياب ما مريتو بيه
جبت هدومي بيدي وماخذوني
ولحكت ضعونهم وتعذروني
كل حيلي انهدم من ودعوني
واحبابي بعد ما ضن يجوني
وامكابله الباب اتانيكم كمت وامكابله الباب
والدمع سجاب اعاين للضعن والدمع سجاب
ما بيها حيله تدرون الهجر مابيه حيله
وانه عليله تعبني الوكت وانه عليله
جا وين الوعد يالكلتو يومين
اعاين عالدرب ودموعي بالعين
وحشه دياركم يابويه يحسين
اصيح بصوت ارجعو يالبعيدين
**
الشاعر
تحسين الخفاجي
نعي الى الهلال اليوم الأول من شهر محرم الحرام
*
المن جاي يا شهر النوايب
باجر تبتدي كل المصايب
رايح تنجتل كل الحبايب
واخوي حسين يبقه اعله الترايب
يهلال الحزن هيجت الآلام
باجر كل خوتي اعله الثره تنام
بشهرك رايح يحركون الخيام
وبوسط الصحاري تفر الأيتام
باجر عالنهر عباس اشوفه
ويم المشرعه امكطعه اجفوفه
ما ينطيني كلبي امشي وعوفه
وبدمع الحزن باجر اطوفه
باجر بالصحاري حسين انضره
اهدومه امسلبه ومكطوع نحره
الخيل تروح وترد فوك صدره
المه وخيلهم ترجع تطشره
اشعندك من وكت هليت يهلال
انه حرمه وغريبه ودمعي همال
اشلون اصعد هزل وبجفي الحبال
وجلمت خارجيه اعليه تنكال
باجر ينحني امن الضيم ضهري
ومن بعد اخوتي ايسلبون خدري
بالصوط انضرب ودموعي تجري
ولرض الشام اطب مسبيه تدري
*
الشاعر
تحسين الخفاجي
العليله
يــــهــــل تـِـــعـــلــــم ابــــحـــالي .. يــداري
عـــلــيــلـــه و لا إلــــــي واحــــــد.. يــداري
أصـــيـــح بــكــل وكـــت مـــالـــچ.. يــداري
مـظــلـمـه ومـوحـشـه بــعــيــنــي وخـلـيّـــه
*---------------*---------------*
جــفـونـي وكـمـت اصـيـح بـصـوت.. خافات
واحــــزان الــعَــلَــي مــــــا يــــــوم.. خافات
عــلــيــهــم روحــي مــن هالـسـفـر .. خافات
هـلـي الــچـانـــوا ســـتـــر وفـــيـــاي الــيـــه
*---------------*---------------*
✍خادم العليله (ع)
الشاعر رعد الجريخي
ابوذيات الامام محمد الجواد عليه السلام
من اجيبن طاري السم منك ابده
ويحز الحـــــــزن گلبي من اكبده
المثلك حيف صــــــابو منه كبده
وثلاثاً عالسطـح جســــمك رميه
بس آل النبي تعــــــرف سر السم
واعله اچبـــودهم لازم سره السم
الليله بجسم ابو جعفر سره السم
شباب وخطــــــفته اشباح المنيه
تاره الذبــح فـــاجعهم تره السم
واخذ كل عترة الهادي تره السم
حكيمه اتـنوح هـالليله تره السم
اخذ والـــدهه منهه وغاب ضيه
✍ فراس المحمداوي
السيده زينب (ع)
بعد مصرع الأمام الحسين (ع)
وحــــــــگ الـلــــــي عَــــلَــــي درّت.. لـبَـنـهـه
ابــيــوت الــحــزن مـــن عـــگـــبـــه.. لـبـنـهـه
مــــوش انـــه الــمــره الـــتـــركــض.. لـبِـنـهـه
اركـضـت لـحـــســـيـــن وآنـــه الـنــار بـــيـّــه
*---------------*---------------*
✍خـادم الـحـسيـن ع
الشاعر رعد الجريخي
ابوذيات حسينية
الشاعر رحيم الركابي
اعله ضيم الشام وي راسك تره اييت
وارد واكعد واسولفلك تره اييت
موش تكول مايتني تره اييت
بثنايي الكاك باني اخيام اليه
بشمل بخيام ترهش مايه عدكم
الدهر ملزم. سبايا مايه عدكم
زينب يرحم امج ماي عدكم
لهسه يلوح عبدالله اعله اديه
عبدالله اولدي مابيك همه
وتصل عمك اضعون الشام همه
وكله يكول ابوي الاجو همه
ومنو البينه يتلكه الهاسميه
بطيتي وين دهرج وين وداج
عله الجالت اعليه الخيل وداج
الهلج لو بالطف تضلين وداج
الرحيله وجم متربه الغاضرية
برضا الاديان زينب حاضر اني
الوحي ابيت الرساله حاضر اني
اليكلكم جتفوني. حاضر اني (انه)
انحضر للحك وخل يثبت عليه
بطريج الطف حجاز ليال بتنه
خيم وبوجهه ابوالسجاد بتنه
رقيه موش بتكم خاله بتنه
الجلاب منين جابتهه رقيه
أنشده حسين رايح يامراجع
العليه سديت بابك يامراجع
يهل خطبة الجمعة يامراجع
انحرفت ثورة الله الابيه
ثجيل الطف واخوي حسين نداه
وكف حتى جبين البيت نداه
حسين اسمع جريب الخيم نداه
وانه الناطق الرسمي الرد اليه
اخوي الطف روايه الطف علك لا
وشمع عريس المخيم علك لا
شتبي تنده تبي عطوه علك لا
غداً خيبر ونقلع باب اميه
اعتنو بربع كتايب زلم وي خيل
رؤى حاضن جربته محب وي خل
احسبو يحرج اخيام العطش وي خل
العطش نار الخليل وسرت بيه
انذبحنه وبالذبح ماضن كفينه
ولا لهمومنه بالطف كفينه
نعم عباسنه طاحن كفينه
لعرس جسام طشهن واهليه
ياليل موادعي وطبعه يميمون
شبكته وكتله شد حيلك يميمون
وصيتي وحيد خيالك يميمون
جيبه وياك لو رديت اليه
يطلب ثار خياله رد الهم
لحد ما سمعت الكوفه رد الهم
ندهه متوسط العسكر ردي الهم
اذبحو حسين بي ثارات اليه
حدوني بضعن مدري وين ويهه
بيه جيمة النمرود ودهه
اللهي اليابلد يرضيك ودهه
عسا بوادي الغري يعثرون بيه
حليب امي ويه ابوالاكبر مشينه
ولو رفجت خولاهم مشينه
الله يالليلة العنهم مشينه
ايحذون اطروش وانه احذي برقيه
ارى الليلة بخيمنه ايناب وايواد
ورى طارش لخوي أجيب وايواد
ورى خط الخيام ارتبط وايواد
النجف ينقل احداث الغاضريه
حده شيخ العشيره ونسعدنه
وصارت ليلة الطف ونسه عدنه
اخذ يالبين حصتك ونسه عدنه
طفل لحسين لامه احتمت بيه
انضنكني اجتاف دهري والرخالي
يوع اشعاب مكه والرخا لي
منو الوياك حاضر والرخالي
اجتفوني بحبل ويكودون بيه
ارى غاد من الخيم ضغبره وياي
منها فزع مريم فازع وياي
وارى ابن امي الشريجه رايح وياي
امحزم بالشريعة احزام اليه
خلك للكضت والماكضت فضيت
وعلى خيامي صليب ام وهب فضيت
الحرب عسره بصلاة الظهر فضت
سوه شدت الراية ذيج هيه
كما طاع الخليل الله وكفه
طعت وركبت اخوي المهر وكفه
ووكفت بضكت الديوان وكفه
الغدير وبايعت لحسين اميه
بهلالهل جدمت لحسين مهره
وحيد وختم للسبعين مهره
عريس ارد ازفه اطلبو مهره
دم نحره العروسه الغاضريه
طفت وي راس ابوالاكبر دواوين
لحد ما ارخت للطف دواوين
اذا تنشد على جرحي دواوين
دواي اجفوف ضلت بالثنيه
لنا ركبان درب الخطر فييت
وبيارغنه اعله عين الشمس فييت
الغبت يالعودك الكرار فييت
الحضر بالطف سمه ثامن عليه
الحديث المايجل حسين حرمه
لنا في اسطر القران حرمه
انه ماجنت بالديوان حرمه
علي والعاص يرفس بين اديه
نعم طبيت للديوان وطيت
الرؤوس وبالحديث اخذت وطيت
ومجرد ما جدامي الشام وطيت
نفير اعلن نفير ابن الدعيه
الشاعر
رحيم المالكي
#لك_العزاء يامولاي ياصاحب الزمان
#عظم_الله لكم الاجر
#نسألكم_الدعاء
نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه
ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون
ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه
محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم
كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره
للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي
نعي لمولاي موسى ابن جعفر عليه السلام
من سجن السجن والحيل راگد
غريب وما يــــمر اعلـــيه واحد
فاگد عــــــشيره واهـــل فــاگد
وبطامورتــه راكـــــع وساجـــد
مالـه ذنب چا ليش مســــجون
وما غمضتّـــله ساعه الجفـــون
مثل عمتــه مورمات الـــــمتون
ويهلّـــــن دمع لحسين العيــون
ما ساعه يبرد جرحـه ويهــــيد
مضيعلـه ناس الخوش اجاويد
الـما يمه اهلــــه ادواه شيفــيد
والمات فزعة ونايحـه يـــــريد
فوگ الجسر مطروح نـــعشــه
وبغداد ظلمـة وحيل وحشـــه
ويـــن الـــذي دمعــه يـــرشــه
فوگ النعـــش واعـليه يغشــه
اسد بغداد ابن جعفـــر -- مثل ما ( ماله مثل)
اله . والسجن هد حيله -- مثلما ( امثلمه)
يون لحسين ما هـــوّد -- مثل ما
ونت عمته بحرگه السبيه
عبد العليلـه
✍حيدر ابو كيان الفاطمي
دمع ما ظل على الكاظم .. وظلما
بعيني وسجني ليل اسود .. وظلما
ظليمة زينب الحرة .. وظلما
مات بسجن و ايون عالسبية
خادم ال محمد
فاضل فرحان الجهلاوي
ابو ذيات للإمام الكاظم //ع//
على لسان الزهراء //ع//
أنــه الـزهره وزمــاني ويــاي .. عاده
وصفتلي اويه الحزن والنوح .. عاده
فــگــد مــوسـى عليــه الباب .. عاده
لــچــم ضلعي وســرت نيران بــيــه
*---------------*----------------*
بقضاء الـبــاري اسلّم دوم .. ورضه
وبچه الحالي سمه المعبود .. ورضه
الــربط سـاگ الغريب بگيد .. ورضه
عــاد امصيبة المــحــسـن عــلــيــه
*---------------*----------------*
اشوكت تظهر يمهدي امك .. يسرها
روحــي الــفــرح ما لحظه .. يسرها
الــرصــافـــه يجرح بگلبي .. يسرها
العلّي خلوا نــعــش موسى رمــيــه
*---------------*----------------*
✍ خادم موسى ابن جعفر ع
الشاعر رعد الچريخي
نعي الى الامام الحسين عليه السلام اليوم العاشر
***
لكيت اعله التراب حسين مگلوب
نايم بالشمس والثوب مسلوب
كل ساع الحوافر تاخذه بصوب
من عدها وبده شلعان الكلوب
رحت لبن امي وبهمي اعتنيته
ومتخضب لكيته بدم لحيته
مسحت اتراب جسمه وكلبيته
ودورت اعله صبعه وما لكيته
عطشان عطشان اشلون ايموت اخوي حسين عطشان
عريان عريان اخيي اعله الترايب عفته عريان
خويه ..ويهدم الحيل يبن امي مصابك يهدم الحيل
ودوسك الخيل. كل ساع بمجان ادوسك الخيل
محد يشربك. هذا الماي بس محد يشربك
مملوخ كلبك. عمت عيني صحت مملوخ كلبك
وكف امن العتاب بسك يا كلب كف امن العتاب
نايم بالتراب. ابو طول الحلو نايم بالتراب
تعبت اخونه يشيال الرمح تعبت اخونه
بهل حال ابونه. كون ايشوفنه بهل حال ابونه
وانكسر ضهري اعله ابن امي الحنين انكسر ظهري
ماريد عمري. من عكب الاخو ماريد عمري
وشكف بالصياط اطفي بالخيم وشكف بالصياط
وتشتم بالكماط الرباب امدوهنه وتشتم بالكماط
خويه الحمل مال من بعدك صحت خويه الحمل مال
وننجر بالحبال خويه بيا وكت ننجر بالحبال
غريبات عكب حسين ضلينه غريبات
سبيات لرض الشام ودونه سبيات
*
الشاعر
تحسين الخفاجي
نعي الى الامام القاسم عليه السلام اليوم الثامن
**
جا وين التعب يوليدي ورباي
اكعد يالوحيد واحجي وياي
انه امك واجيتك فاجده الراي
وعليك امن البجي لعميها عيناي
يوليدي الولد للشده يراد
وعكب عينك يجاسم ما هنه الزاد
اشحلات البيت من اترسه الولاد
داويت الجرح بس كلشي ما غاد
ليش يبني انطفت شمعة شبابك ليش يبني
تالي يذبني. ما ادري الوكت تالي يذبني
عازتها عازه يثاري الولد عازتها عازه
اتشيل الجنازه امن اموتن ردتك تشيل الجنازه
يمه الشبابك يمن فدوه رحت يمه الشبابك
والدم خضابك نايم عالرمل والدم خضابك
ذاك العرس وين يوليدي صحت ذاك العرس وين
ما نامت العين. من يوم الرحت ما نامت العين
هديت حيلي يايمه الولد هديت حيلي
صدعه بدليلي. جا ليش اتركت صدعه بدليلي
نايم بالتراب عمت عيني الولد نايم بالتراب
بعده الولد شاب مو مالت كبر بعده الولد شاب
ما كمل عرسه يبست حنته وما كمل عرسه
وحسيت هسه. بفراگ الولد حسيت هسه
اريده. ييمه ارباي من عندك اريده
وحيده عفت امك يالمدلل وحيده
***
الشاعر
تحسين الخفاجي
نعي الى الأنصار عليهم السلام اليوم السادس
*
صاحت خويه هم جربت ربعك
وميزت اليعوفك واليتبعك
وياهو ايريد من عدهم يودعك
سولف خويه خل اختك تسمعك
كاللها يزينب جربتهم
ومنتظرين موتتهم شفتهم
ماعافوني لحضه ولا عفتهم
وللكلفات صحباني ردتهم
ابن ظاهر طلع من الصواوين
وسلم عالعقيله وتهمل العين
كاللها يزينب لا تخافين
لو لاخر نفس ما نترك حسين
كالتله وكفو منكم يالاطياب
وبوكت النفاها اتبين الأصحاب
بعد ساعه وتنامو اعله التراب
وراح الوكت يفجعني بالاحباب
هذا الجيش متجمع اشعنده
ومن يهجم صحت ياهو اليرده
الكلب ردتك يبن ظاهر تبرده
وباجر ما تعوف حسين وحده
كاللها الوسن مامر بالعيون
ويطر الفجر ربعي يتانون
باجر كلهم اكبالج يطيحون
ويه حسين اخيج ما يقصرون
****
الشاعر
تحسين الخفاجي
نعي الى ام البنين عليها السلام اليوم الرابع
****
يا عباس ما وصيك بيها
زينب بالدرب عينك عليها
يا عباس خلي ايدك بديها
لا تحرمها منك يا وليها
ربيت الولد خاطر يضحون
وابني حسين بس سالم يرد كون
باجر كل بنيني اهناك يوفون
وي حسين اخوهم ما يقصرون
ييمه ينولي الما عنده خوان
لذالك كبرتلك خوش شبان
تره اخوانك ييمه كلهم احنان
لو عندي بعد وديتلك جان
تكله يا بشر انه ام البنين
اترك ولدي واخبرني عن حسين
گلها انگطعن العباس جفين
تگله تروح فدوه الگرت العين
الحمدلله تگله امهم وفوها
وبالطف روسهم ما نزلوها
زينب بت علي ما فاركوها
رفعو راسي والخيمه احرسوها
**
الشاعر
تحسين الخفاجي
نعي للخدام اليوم الثاني
***
الجانو كل سنه ويانه يخدمون
حدر الكاع نامو ما يردون
صحت يهل المحنه ليش ترحون
من افراكم ماضلت عيون
بالموكب عليهم تنشد العين
وخالي امجانهم خدام الحسين
ضلت بس صورهم عالحياطين
واعزاز الكلب صارو بعيدين
وللمكبره انشيل ردنه نحمل وللمكبره انشيل
لو جلجل الليل نحط افراشهم لو جلجل الليل
ونحجي ويالكبور تهل دموعنه ونحجي ويالكبور
من السنه ادور يشيبنه الوكت من السنه ادور
ونريد ليهم مشتاكيلهم ونريد ليهم
شمسوي بيهم عمت عيني الكبر شمسوي بيهم
ماكو بغلاهم بالدنيه صحت ماكو بغلاهم
خذاهم ليش الموت عن عيني خذاهم
ذيج الليالي ما ترجع بعد ذيج اليالي
والبيت خالي اعاين للصور والبيت خالي
لمتنه حلوه صدك جانت كبل لمتنه حلوه
اتفاركنه كوه. اجانه الموت وتفاركنه كوه
***
الشاعر
تحسين الخفاجي
السيده زينب ع اتخاطب الأمام الحسين
ابوذيه
الـحــزن بـغـيـابـك ألـلـيـلـه .. عِـلَـنّـه
وصـريـخ بنص عساچرهـم .. عِـلَـنـه
دعـيـت بحسرتـي يـحـضـر .. علي انه
الحضـر سلمـان يـحـضـر كـل سـبـيـه
*--------------------*-----------------*
خادم الحسين ع
✍الشاعر رعد الجريخي
استشهاد الإمام الجواد عليه السلام
شباب او عمره وسف ما تــــم
اله ابگلب الموالي عزى ومآتـم
ابغيابه چـــن الكـون مـات أم
چن غاب الوجـــود بهالرزيه
اتبـره انا من اعدائه و احتـــج
انا لباب المراد ابكل وكت احتج
يزيل اهمومي لو كعبتــه احتـج
مثـــل مكــه عظيمه الكاظميــه
الجواد امصـــابه نـــار الثـــار وجّد
وسافه ايطيح راعي الكرم والجود
يمـــن للمهــدي انت العــود والجّـد
ابســِـجـِل ثاراتـــه سَجَّـل هالرزيـه
كلمات عمار الراشدي
نعي قريض بحق القاسم عليه السلام
ادْمَيْتَ عَيْنِي يَا بُنَيَّ وَمَحْجَرِي
دَمْعًا بَقِيَتُ وَحَسْرَةً تُبْكِينِي ..
اقْضِي نَهَارِي بِالْبُكَاءِ وَبَالَاسَى
وَاللَّيْلُ من كُلِّ الْهُمُومِ يُرْينِي..
وا قَاسِمَاهُ انَادِي فَلَذْةَ الكبدِ
وَلَدَيَّ حَبِيبِي يَاتْرَى تَاتِينِي..
ابقى على املٍ تَعُودُ وَنَلْتَقِي
قَلْبِي تَقْطَعُ مِنْ كَثِيرِ حَنَيْنِي..
ثَكُلًى وَحُزْنِي لَا يَقِلُّ وَيَنْقَضِي
طُولُ الزَّمَانِ وَدَمْعَتِي تَشْجِينِي..
لَا اهْنَأْ من بَعْدِ الْحَبِيبِ بِلَحظةٍ
غَابَ الضِّيَاءُ وانت من يَهْدِينِي..
كَمْ كَانَ لِي امْلًاً نَعِيشُ سَوِيَّةً
يَا حَسْرَةً تَبْقَى الدُّمُوعُ قَرِينِي
==================
يبعد رويحتي يابعد شيبي
اشمن بيك چن شمة عذيبي
ييمة اذكر رباي ودر حليبي
خذاك البين يمة وزاد شيبي
*
يشمعة بيتي ياضي البالعيون
يبعد امكم فرد روحة تروحون
الفاركَها ضناها تصبر شلون
دليلي اعليك يا مدلول محزون
**
اسهرلك ليالي وانـــــحب ايام
يبو طول الحلو دلالي محتام
اشوفنك يغالي بس بالاحلام
جرحك بالگلب ماضنة يلتام
*
اليروح وليدها يزرف كَلبها
مسيل عيونها ايشيب هدبها
تظل انوب ما تندل دربها
شلون الدار من بعدك اطبها
*
يجاسم ياعزيز الروح يماه
عمري بآه اخلصة عليك يماه
كون الولد من ايموت يماه
يدفنون امة والموتة سوية
------------------------------
أسالكم الدعاء رائد الاسدي
ابوذيه
(نسمت شوگ)
ينسمـت شـوگ والـعـاشـگ .. شملهه
وحـنـانـك كـلـهـه خِـدّامــك .. شملهه
يـبـو الـسـجـاد مـن تـجـمـع .. شملهه
.
الــخَــدم ويّــاهـم اتـصـدق عـلـيــه
*-------------------------*---------------------*
✍خادم الحسين ع
الشاعر رعد الجريخي
ابوذيات الإمام الكاظم (ع)
يدنيا عليّ چــــم شامت جِمَعتي
وجمعت الصبر ما فـادت جَمِعتي
بلايا الـمهدي مُـــو حلوة جُمُعتي
اناطِر والـمْنــــاطَر طـــــــال بيّه
بخفايا أسرار كل الناس حافي
حفاني الله وصرت بهواك حافي
يباب التوبه جيت بجــدم حافي
اتوب ابين اديــــــــك وهاي هيه
الدهر نيرانه بضلوعي وجرها
وتضيگ بصدري ونّاتي وجرها
السلاسل من احرّكها وجرها
يظل يجري الدمه برجلي واديه
ضعن روحه طريج الموت جدّاه
وراعي الصبر منّه الصبر جدّاه
يعالج بالسجن وإيصيح جدّاه
ماسحگت ضلوعي خيول اميّه
فراس المحمداوي
أبيات ابوذيه الى مولاي الإمام الكاظم عليه السلام
السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه
*
الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه
*
الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه
بي اداك .. يضرب أو يقصف
بيدك .. جدك
بيداك .. يديك
*
الشاعر
موسى البديري
ما خلت مصايبنه .. لهاحد
واسيوف العده اگبالي .. لها حد
هاي اجنازتي الظلت .. لهاحد
يمر ويشيل نعش ابن الزچية
خادم ال محمد
فاضل فرحان الجهلاوي
مولاي باب الحوائج
نعي مفجع
ضـل بحديده ليش النعش ضـل بحديده
وهـلـه بعيده الكاظم كضه وهـلـه بعيده
ويسبّل ايـده مـحـد وصل ويسبل ايـده
الحاله الشديده هايه تره الحاله الشديده
كلفه وچبيره بـيـن الغرب كلفه وچبيره
ويـن العشيـره تتعنه الـه ويـن العشيـره
هالحاله حيره ما تنوصف هالحاله حيره
يكطعله ديـره ريت الرضا يگطعله ديره
*------------------------*-----------------*
خادم موسى ابن جعفر ع
✍الشاعر رعد الجريخي
(ابوذيات للكاظم ع)
_______
عليك الشيعه هذا اليوم.........هاميت
انصار وفزعنه احشود............هاميت
اجينه لسجن مولاي............هاميت
مسموم وجرع چاس المنيه
********
اون وجروح دلالي..........ولامل
حسبت حساب بالفركه.......ولامل
الفرج يا يوم يا جمعه........ولامل
اظنه الاجل جاني بهالمسيه
*******
سجين وگيدك اشثگله......... تجراه
وحسافه عليك كل ظالم........تجراه
لچن مو مثل ابو اليمه...........تجراه
يطلع من الصدر سهم المنيه
********
الكلب حكه بونينه يصير ...يدمن
اعليك من الحزن وعيون....يدمن
تفضل بالسماحه بجود.......يدمن
وتمن اعله اليجيك بكل عطيه
********
يكلبي بطاهر المولد....موسجيتك
وتظل حيران بالهم.....موسجيتك
حضرت اباب وصرخ...موسجيتك
اريدك تمسح بچفك عليه
*******
يوسف الفتلاوي