238
لنشر النواعي الحسينية للرواديد والخطباء قصائد نعي نعي ابوذيات هوسات لاتنسونى بدعائكم
نعي ليلة العليلة
****
هاي المنازل دون اهلهه
ظلت ولا واحد وصلهه
راحو هلي وبس آنه بالدار
ويلي الوحيده المحد الهه
لا صوت ابوي ولا اخوتي
بلوى وحگ زينب بلوتي
چا وينه طال هواي موتي
ما اريد اظل بلواي بلوى
صار المسى والوحشه تكتل
بله العليله شلون تحمل
چا غير كون تهيد وتمل
من البواچي العين راحت
ماصح خبر من النواويس
من كربله الاخبارهه اتجيس
وادم تراهه اتنافس ابليس
كل الرسايل موش هيه
يا ربي سترك يمهم حسين
والصوت بذني الاهل ميتين
يا روحي موتي ولا تظلين
يا شر بعيد ابعد عليهم
ارفع اديه بنص صلاتي
يا ربي رجع كل خواتي
يا ربي اشوف حسين بس كون
شو چني احس گربت وفاتي
طبع الرسايل طبع الاخبار
لو ماي بارد بيهه لو نار
لو تروى بيهه بخبر كواك
لو تحترگ يم عتبة الدار
كلمات الخادم / رعد الفريجي
ثوابها الى روح والدتي
نعي لفاطمه العليله.ع.
يالتحمّلون يالتحمّلون أخذوني أوياكم يالتحمّلون
أعميهة لعيون أعميهة لعيون
هلي بفراگّم أعميهة لعيون
كلكم تشيلون كلكم تشيلون عدمن أضل كلكم تشيلون
وحشه الثنيه وحشه الثنيه
يبويه أخلافكم وحشه الثنيه
يرجع عليه يرجع عليه بگه بس الصده يرجع عليه
لو هاي هيه لو هاي هيه
تردّولي لو هاي هيه
يهلها العليله ليش عفتوها يهلها
العرش ضل دمعته اليله يهلها
خلصتّه أبيتم وبهم يهلها
عليله أودارها وحشه وخليه.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
نعي للسيده زينب ع.
وحدها أوضاله مابين الأجناب
ماواحد وصلها أوچب على الباب
بيها والزمان أشودّه وشجاب
غريبه والگلب ويلي أيتفطّر
غريبه بس وحدها أبديرة الشام
ونضرات الشماته چنهن أسهام
بعد شنهي الزمان الزينب أشظام
غريبه بت علي الله وكبر
گلبها من الهظم ياحيف محتار
عمت عين الزمان أبزينب أندار
تعاين عالصحن من غير زوار
ولا واحد يجيها ويمها يحضر
رجع جيش آل أميه أبزينب أيعيل
كتبو عالضريح الزينب أتشيل
غريبه أوچن دمعها بت علي أيسيل
تـعـاين مـايصـح نغـّار ينغـر
وين ألّي يجيني وياخذ أخبار
ولبو فاضل يروح أيخبره بالصار
يگلّه أختك غريبه أبين كفّار
وعليها جيش أمـيه گام يفتر
زينب أتگول....
الدمع من دم أصبّنّه وسيله
غريبه أو مابگت عندي وسيله
لا طارش لـفـه منكم وسيله
عليكم يالگطتو الوصل بيه.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
نعي
للأنصار عن لسان مولاي الحسين ع
يمن عفتوني وحدي احبابي بالـهون
بعازتكـــــــــم هـــواي هواي تـدرون
طحتو اعله الترب همكم يالاصحاب
حته ما تطيحــــون امن العيــــــون
گبل لحضات چنه احنــــــه سويــه
وهسه الخيم مـــــــن عدكم خليــه
صدگ عمّاني طاحو بــويه يحسين
اجت تبچي وتنــــــــــاديني رقيــه
ما بيك گومه
حبيب تعينّي مابيك گومه
مو وكت نومه
يحباب الگلب مو وكت نومه
تارس الحومه
دمكم يالربع تارس الحــومه
من دون اخوته
شيسوه الاخو من دون اخوته
لحبابي موته
وانه انضر گمت لحبابي موته
ينخمد صوته
الما عنده سند ينخمد صوته
يامن ترد لينه الطــــاف -- بالطـف
ردّ احــــبابي اليـــه ولو -- بالطيف
گضو گبلي الربع ياحيف -- بالطف
وصفيت وحيد ماعندي تچيه
عبد العليلـه
✍حيدر ابو كيان الفاطمي
##ابوذيه السيده زينب ع تقول..........
ادور بالجثث بس......... ياهوه احسين
واخاف المهر خالي........ياهوه احسين
چنت مختنگه واشتم......ياهوه احسين
يعطر الظال من امي الزچيه
يوسف الفتلاوي
نعي ليلة الامام العباس عليه السلام
--------------------------------------
خلوني منا لحد موتي
يم كافلي وأحچي بلوتي
تخلص عيوني ويگضي صوتي
بنص الحرب هاي المناحه
عباس اجيت بليل عباس
گوم الشماته اعلينه حراس
بس گلي چلمه بداعت حسين
هو انته بله شلون تنداس ؟
طولك تغير والعلم طاح
وذباح اخوك اليوم مرتاح
يلمنسحگ وشلون تنلاح
عمّلن عَملهن خويه الارماح
زينب واريدن كافل وياي
وبليل اجيتك خويه بهداي
غير الاخت تتعنى لاخوان
لو تنهضم يا بعد عيناي
موش لجمالك خويه التراب
دم ابعيونك هذا المصاب
جفين ماكو شلون عباس
هدت علينه الناس الاجناب
خيمات راحن مامش اخيام
ڤي الكفاله اليوم ما دام
والسوط ماكل حتى الاعظام
من الوجع والضيم ما نام
جيتك واريدك ترجع اردود
چا ليش دم امخرب الخدود
يلرحت فوگ امتونك الجود
تعبانه اخيتك ظاله تنود
ها خويه ما تانيك تگعد ؟
رد اليعيل وللحرم رد
مر بالغريبه اليوم وانشد
عد المصايب يلولي عد
بچف الطفل ما ترهم احبال
وجلمة سبايا شلون تنگال ؟
وحسين وينه اوين الرمال
عباس هذا الضيم چتال
يا مايله الدنيا وي اختكم
عباس مهضومه واجتكم
زينب يهلها نادبتكم
گعدولهه وگعدو الضعنكم
كلمات الخادم / رعد الفريجي
ثوابها الى روح والدتي
ابوذيات حسينيه
هذا الكون كله ون على حسين
أله بروحي مئاتم ونعه الحسين
عالي المنزله ها وان علا حسين
لئن ربك اختاره أل هل قضيه
////////////////////
ألي الله أگللكم والي حسين
وحلفكم بأخو طاهه والحسين
ألى كافل ضعن زينب وألى حسين
أحملو نعشي إذا جتني المنيه
//////////////////
سمعنه اقسى حجي منهم حملنه
اوف الشام ثگل اجبال حملنه
وينه الجان خيمتنه وحملنه
ابو فاضل اخوي ابهل مسيه.
//////////////////////
هذا الكون كله ون على حسين
أله بروحي مئاتم ونعه الحسين
عالي المنزله ها وان علا حسين
لئن ربك اختاره أل هل قضيه
الشاعر هادي الساعدي
مولاي مسلم
. شـجـاهـه الناس ماتـقـبـل.. تجاره
ودمـع عـيـنـه لـبـو الـيـمـه.. تجاره
تـاجــر خــوش وي ربــنــه.. تجاره
اشتره ابـدمـه رضه الباري ونـبـيـه
*---------------*---------------*
الـشـهـاده ابيوم گصدتـلـه.. مردهه
شـجـاع وطـلـگ الـدنـيــه.. مردهه
لـچـن كـل روح بـحــزانــه.. مردهه
رمـوه امـن الـقـصـر گـوم ال امـيـه
*---------------*---------------*
✍خادم مسلم ابن عقيل ع
الشاعر رعد الجريخي
نعي مفجع
اشلون حـداي الـيـحـدي ابضعنه اشلون حـداي
چـي محـد اوياي ساگ الهزل چـي محـد اوياي
خلتني دنـيـاي امـشـي ابـيـســر خلتني دنـيـاي
لـلـرايح اوجـاي فـرجـه صـرت لـلـرايـح اوجـاي
والشوف ينشاف زحمه اطلعت والشوف ينشاف
عالنوگ الأعجاف بـيـن الـزلم عالنوگ الأعجـاف
مابـيهـم اشـراف تـدري الحدوا مابـيهـم اشـراف
بختك تره انطاف درب الدرب بختك تره انطاف
الموش اجـاويـد صـدوا عـليّـه الموش اجاويـد
اعتابي شـيـفـيـد لـو عـاتبـيت اعتابـي شـفـيـد
ماتقبل اتـهـيـد اجروح الـگـلـب ماتقبل اتـهـيـد
ادروب الـبـعـيـد گوه اگطعتهه ادروب الـبـعـيـد
*---------------------------*-------------------------*
✍خادم الحسين ع
الشاعر رعد الجريخي
ابو ذيات للامام مسلم بن عقيل عليه السلام
من فوگ القصر والنظر داره
لحسين الحميده بعطف داره
رجال الكوفه محد فتح داره
بس طوعه شكثر عدها حميه
وصلت الكوفه وعلم مسلم انه
علي الكرار عمي مسلم انه
مو كافر اگلهم مسلم انه
اسف بعد القتل مثلو بيه
يحسين الوكت بعدك علي دار
رجال الكوفه مافتحو علي دار
ماعوفك لون عرضو علي در
واظل بخدمتك يبن الزچيه
علي كنوز عرضوها انه وياه (الجاه)
اعوف حسين ما اوگف انه وياه ( معه )
عشگت الموت لحسيني انه وياه ( اتاه )
لجل حسين يامحله المنيه
✏ الشاعر الحسيني فرحان البزوني
نعي للسيده ام البنين ع
>>>>>>>>>>>>>>>>>>>>>>>>>>
عله الراحو اصب ادموعي بالآه
وصيح بصوت من گلبي حسيناه
انه ام البنين وتدري يحسين
عليك الروح تهوه ابلهفه ويلاه
انه المشتاگه ورسم طيف العيون
وقيمن مجلسي كل يوم ونعاه
واشوف الدار من بعدك خليه
----------------------------------------------
ردت يمك اظلن يمه يحسين
وشدن ياجرح من لوعة البين
وظلل بيدي يمك ردت بجناح
ونشف من ونينك دمعة العين
حلات الگعده يمك هايمه الروح
ادير الوجه يم عباس وحسين
اريد اشبع سوالف يمه لو جيت
وصليلك عشك كل هاي السنين
اهيمن بالبوادي ابروحي انعاك
يمن فدوه الحياتك اخذ چفين
عجيبه الدار ظلمه ابكل مسيه
>>>>>>>>>>>>>>>>>>>>>>>>>
حنيني عليك بس لچمات........هاماي
همت بين البراري اشكثر.........هاماي
جبتلك يمه دمع العين...........هاماي
وبرد چبدتك بالغاظريه
●●●●●●●●●●●●●●●●●●●●●●
تمت بعون الله تعالى
الشاعر●●● يوسف الفتلاوي
زينب ع تقول
عگب عين ابو فاضل مَن ظِل النه
رحـل والشـمـر هــوه من ظـلّـلـنـا
وسـف زيـنـب تنادي من ظَل النه
يـتامـه وبـس علي السـجـاد الـيـه
مولاتي العليلة
صدى صوته أجاني خـاطـرانـي
ولا فـد يـوم كاسـر خاطري اني
ابوي العده اتذبحه خـاطـر اني
انـوح وهـم تـنـوح امـي الـزچـيـه
ام البنين ع
بنـيت الـحـزن صـار الحـزن طـربـال
الگبر وهمي سحبني الوكت طـربـال
تـــذكــــرت الاولاد وأمــــل طـربـال
وگـلـــت بـلـچــن يـــرد الـــولــد لــيــه
مولاي مسلم ع يتكلم مع مولاي الحسين ع
علينه الباطـل وگـومه حمـيـده
ومـا شفت الـذي نيته حمـيـده
انـه مـا يظل بالي يـم حمـيـده
أخـيـتي ام عـون تـرعـاهـا ألـيـه
ديـــن الله يــــوادم مات ركنه
ويخادم عوف همك مـاتِـرِكـنـه
حسين وعلي لحظه مـاتِـرَكـنـه
مـيـتـرك خــادمــه والـهـاشـمـيـة
اليبغض مجلس الخدمه يَهوده
اسولف والحچي راحـن يِّهوّده
الـدين بشـيعته وسـنـته ويهوده
ونصاره الكل فده لابن الزچيه
مولاتي زينب اتگول
حسين الظهر خـويه ماله محني
وانه المجبـلهم ابدن ما لمحـنـي
طلع فخر الـهواشــم مـلا محني
أگــولـــن مـا فـزع عـبـاس الـيـه
الـگـرب لـلعلـگمي مـاظـل خـو ويـنـه
العده بچف الگمر صاحوا خــويــنــه
بـيـوم الشده ابـو فـاظـل خَــوِيــنــه
نــنـدبـــه ومـا يـــرد چــفــنــه خــلـــيــه
وسف دم گمر هاشـم سال منه
وعلي اسهام النوايب سـالِـمـنه
وفـي العـباس چـفـه سلمه النه
رغـم مـا طفّت اعـيـونـه المـنيـه
رمله ع اتگول
اويـاك العـمـر يبـني قـاسمـيـتـه
يـريت ودون عينك قاسم ميته
خـسـران الـتـركـهـا قاسـمِـيـتـه
الـقـاسـم فـخـر كـل الـهـاشـمـيـة
أنـه الـمـا ناسيه طـولك ولا يوم
وما همني الحچي عني ولايـــم
لا يـم الـنـهـر جــثــتــك ولا يــم
أبـو السجاد يــمــه انــده عـلــيـه
مولاتي ليلى تقول
يناس احزان عمري گضه مــلــيــت
امـن الأكـبـر اكـحل العين مَـن لّـيـت
بـعد مـا راح بـيـه الـهـزل مـــالـــت
وحـــنـــيـــن الــنــوگ دار الام بــيـه
مولاتي زينب ع تشتكي لوالدها ع
يكـون ألطم لطـم نسوان مال آه
ولا اشوفن علي ينسحگ مالاه
يـبـويه ويانه شمر الخنه مـالـه
كـل سـاعـه ويـهـد سوطه عليه
============================
#الشاعر_الميرزا_محمد_الساعدي
هوسات
لأبطال الطف عليهم السلام
ابا الفظل
شاف الحرم مرعوبات غضب والكون كله ارتي
ومن شاف الخنيث يجول چانون البگـلبه وي
لو متعني مو للماي چا ماضل مخــــــــبر حي
شراي -- الحومه وراعيها
الزلم بحــــساب كلها والگمر بحــساب
وذراهم تذري وطشـــها طــــش تـراب
بيها يخوط خوط ازماط داحي الباب
بعينه -- يخزر ويطيحون
لخو زيـــــنب حچــينه الحار بس يـــحله
هـــذاك المنه مــــــاكو مـــوش اكــــو قله
هذاك اللي بچفه الماي توضه توجه وصله
وفاي -- وشحة من اشباهه
علي الاكبر
حگ لو هـــلهلت ليــــله لعلي من طب
خفيـــــفه الگوم هاي وگال مالت ضب
شاف الجـيش جدحت عين منها وشب
وقاده -- فرت منه افواج
صاحت زينب بشــــوفتها للمنضر
ما ضـــاع التـعب يحسين بالاكبر
گللهــــا يخيتي مو بعــيده اعليـه
الكفل عمه وجده المرتضى حيدر
ليله -- هنيالچ بوليدچ
القاسم ع
دخن جاسم العريس ومن حسين اخذ رخصه
والعسكر يفر ويصيح اشردو كون اكو فرصه
ومن طبع الهواشم زود مو ماي العله الگصه
خله الحومه-- نص ونص دم
الحسن وامه الزچيه اوالده الكرار
هنانه الـــنار خلفتـــها كــــذلك نار
القاسم مثل چف الحسن كلش حار
ما مندومه -- جسام امك
الانصار ع
بضــــهرك سيدي طلابة هالسبعين
كلنـــه بخدمـتك ما دامنه عدليــن
انته تگول واحنه نطيعلك يحسين
سدة عازه -- ونصير الكم
شنهو الهوه وشنهو الدنيه وشبيها
ما ردنه الحياه و حسين مو بيـــها
المـــنيه بشـــوگ ساعتها نتانيـــها
محلاها -- موتتنه وياكم
عبد العليلـه
✍حيدر ابو كيان الفاطمي
نعي. ام البنين عليها السلام
يناعي البين وين حسين وينه
ليش وياك ما رد للمدينه
شصار بحال قائدنه وّلينه
صار هواي ما بيّن علينه
گلهه ودمعه عالخدين ساجم
اولادج گضو بين الصوارم
عباس الگمر بدر الهواشم
ضحه بدمه عن خدر الفواطم
صاحت يا بِشِر مشكوره منهم
عوف اولادي لا تحچيلي عنهم
عن حسين سولفلي اعزهم
شصار بحاله يا ناعي بفگدهم
گلهه حسين ذبحوه عالوطيه
وصدره انداس بخيول ال اميه
وراسه برمح رفعوه يالوفيه
وخبرج بعد بالاعظم رزيه
مات وخذوا زينب سبيه
لطمت وجههه امّ الميامين
ونّت وصاحت آه يحسين
ومنين اجتني كربله منين
اخذت عزيز الگلب والعين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جديد
ابو ذيات الليلة الثانية عشر
يراعي الغيره عگبك ... مرمروني
وعلى كل منظرن ..... مُر. مروني
ما خلوني اودعك .... مَر . مروني
يعت الهزل عت غصبن بيه ....
أشبع ردت من چفيك ... شمات
لچن الي حدوها النوگ .. شمات
خويه انچان ريحة حرگ .. شميت
اخبرك ذني اجدامي واديه .....
عذابي . أيوب ما يحمل ... عـُشيره
گلبي بس دمع عيني ... عشيره
اجيت الكربلا او عندي .... عشيره
تاليها صفيت الخارجيه ...
أمروة كافلي ما هي .... يسيره قليله
ما يدري انا الليله .... يسيره
ضعنًه الحادي بسياطه .. يسيّره
اطلعت روحي يكافل رد عليه ....
_____
ابو فاطمة الطائي
نعي لليوم العاشر
يمهر حســــــين وين حسين طايح
اخاف الشــــــــــــمر للمظلوم ذابح
وعلا صوت البجي وصوت النوايح
من عيـــــــــــــــاله وحريمه بلمخيم
*********
ركضت زينب وركضــــــــــت يتاماه
تنادي من الهضــــــــــم ياويل ويلاه
يريت المـــــــــوت ياخذ روحي وياه
ولا اخلص الســــــــنين اليجن بالهم
*********
لكته اعالترب مكــــــــــــطوع نحره
وخيل اعــــــــداه داست فوك صدره
يمه اخذت تجر حسره اعله حسره
وتكله شــــــــــــــــلون بيه يلمشيم
*********
ماظــــــــــــــــلت خيم نستجن بيهه
وخواتك يبــــــــــــو اليمه مسلبيهه
انهـــــــض الهه ياعزهه او وليهه
عليهه الجيش يـــبن الزهره ملتم
*********
وين انـــــــــطي الوجه بعدك يغالي
حكي ابـــــــجي على عزي ودلالي
دمـــــــــعاتي ابوسط عيني تلالي
وعلى الخـــــــوان تنزل مو دمع دم
الشاعر الاستاذ
ابومحمد العاشور
نعي .أم البنين والحسين.ع
ييمّه أحسين يكتل والله الفراگ
أشتظن يرتاح يمّه الگلبه مشتاگ
عليّ طگات دهري صارن الحاگ
أضل چم دوب يمّه أبابك أنطر
أضل چم دوب يمّه أمناطره أحباب
يفز گلبي الهوه لو حرك الباب
وجرحك بالگلب يحسين ماطاب
تعال وشوف حالي مگدر أصبر
تعال وشوف حالي رايح الحيل
عگب عينك ييمّه أمساهره الليل
غدّار الدهر يحسين ويعيل
شريد أصبر يغالي والصبر مر
رحت يالچنت بالدنيا وسيله
الدمع من دم أصبّنه وسيله
لا طارش لفه منك وسيله
عليكم يالگطعتو الوصل بيه.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
هوسات بحق الامام العباس. ع
رايه وشدها جف عباس ياهو يكدر يحلها
بطف كال اخلي الموت هاي الوادم يملها
ومثل مغزل بجف ستاد افرها اليوم وغزلها
((تترادم بطف خلاها))
گبال ام عون والعباس يسمع سكنه رادت ماي
گال اليوم اخلي السيف بيهم يحش رايح جاي
ما عدهم عقل وشلون ذوله تورطو وياي
((ماعدهم راي.. وهظموها))
تحزم للحرب عباس شد الرايه بحزامه
من غيضه لهيب السيف يحرك شكو جدامه
الرد سالم هذاك اليوم لو رد يم هله خل يلبس عمامه
((وبخيت السالم من سيفه))
يكول حسين شفت الجيش كله نگلب لونه اصفر
فكدت عباس لن عباس وبنص الحرب يفتر
الراد يلوذ منه شلون تموت اطرافه مايكدر
((وتبريد والجيش گباله))
عذر كلهم بعد ميفيد ولاترهم عطاوي ولاتصح هدنه
كصدنه المشرعه وشلون ياهو اليكدر يردنه
هيجي ومن زمط عباس كالو راح يحصدنه
((والحربه تسولف خلاها))
ابو سلام الجابري
#ابوذية
حار الرمل وابن امي ضل عليه
ولا عن الشمس خلو ضل عليه
الحوافر متركت سالم ضلع ليه
اطحنت صدره بطفوف الغاضريه
#اللهم_عجل_لوليك_الفرج
منقول
نعي لمولاتنا زينب ع
يوم العاشر
____
قبايلها النسا فزعت وراها
كلمن شهر سيفه وخذاها
أخذ مرته وشواربهم لواها
يعباس الگطع بلطف هواها
يحامي ظعونها المحد دناها
بس اختك بگت محد اجاها
زينب والدمع بلخد چواها
عمت عين الدهر زينب سباها
____
الشاعر الحسيني ستار الخفاجي
نعي ليلة القاسم ( عليه السلام )
--------------------------------------------
ربيت واشبر طولك شبار
جسام يمه والوكت دار
تعب الليالي وشدة رباك
وظهري الحنيته بشدة الصار
ها يلحنين الرايح بساع
چا حظني ليش اتبدله بالگاع
اسم الله اعله وجهك من التراب
صاير دليلي انصاف وارباع
نايم حبيب امك بالتراب
والدم على الوجنات يلشاب
من عمت عيني هلاه يعريس
ماتت الحنه وباقي الخضاب
اگعد اريد اتسامر وياك
چا ليش ساكت شيل يمناك
چا وين ضحكة عينك احاه
مو آنه اجيت هنانه بحماك
تسمعني راح امشي سبيه
تعبانه بس عاين عليه
امك ترى مو الاوليه
موتك ييمه اشسوى بيه
دليلي وموش عين عليك يرباي
الذبح نحرك اجاني وعمد ير باي
يمك هلصحت جسام يرباي
تلاحگ امك الصارت سبيه
كلمات الخادم / رعد الفريجي
ثوابها الى روح والدتي
نعي
للشباب القاسم وعلي الاكبر عليهم السلام
كأني بمولاي الحسين ع
راحو شبابات شــــحلاهم
والموت من عندي خذاهم
جسام اصيح وعلي ماهم
ايــــس دليلي وما لــگاهم
تفت الگلب فـــــرگه الشبابات
الليله الحزن بخيــــامنه يبات
دايرنه گـــــوم وكلها شــــمات
صاحولي كل تچايه الك مات
اليوم الگلب صــايــر خرابـــه
مگـــــطعينهم فــوگ الــترابـه
اه يـالولد مــكلف اصــــوابـــه
وطـــلابــة الـــربت اطـــلابــه
گومولي بويه الحــال موزين
ويكسر الخاطر صار الحسين
بحر الشمس كلكـــم مطاعين
يهل الوجوه الحلوه ميتيـــن
يبن العـــــزيز هـــنا يجــسام
فوگ التراب مخضــــب تنام
شفت الدمه واصل للاجـدام
والنوح صـــــار لــعمك اولام
بويه علي امصابك هدمــني
ومن المهــر للگـــاع ذبـــــني
تدنـــت علـــيه الگــوم يبنـي
اگـــعد يمـــن فگــدك كتلــني
كأني بــ(أُم الشباب )
رايح يســــهر اللــيل رايح
والحصه لامك بس نوايح
فگد الربه لدلالي جــــارح
شتفيد من بعده الصوايح
يمسگم وليدي شحـــلاتك
ويالوشلت دمعـي بوفاتك
وخلصان يا حيل امهاتـك
گوم الهن انهدن خـــواتك
ياهو اليسد وحشتك هايه
يالباگــتك منــي المنـــــايه
حتى العگل مشـــدوه رايه
ولون الوجه مثل العـــبايه
كلساعه اشيط وروح مالي
مطروح ومغمض اگبــــالي
غالي يــبزر الگلب غـــــالي
امك واريدن عــــــين والي
عبد العليلـه
✍حيدر ابو كيان الفاطمي
ابوذيات حسينية
١- ليلة الوداع
اصيح حسين هذا حسين يماي
سليب وخنصره مگطوع يمه
ويگلولي اشربي الماي يا ماي
وعطاشا كل هلي راحوا سويه
٢- يوم العاشر والمقتل
٠مساء العاشر بعاشور شمسه
أخوي أجروحه ما تنعد شمسه
لا هيهات ما تطفون شمسه.
شمس الله خذت من نور ضيه
٣- ليلة الوحشة
أنه زينب مشت روحي وراهم
وهمي أشما خلص يرجع ورا هم
صدگ ما شوف خواني. وراهم
حلم يا ناس شوفتهم عليه
٤- يوم الدفن
نعى الناعي وخبر موته يشيعه
ثلث تيام ما واحد. يشيعه
وضل مطروح عل غبره يشيعه
وراسه اعله الرمح يهل الحميه
٥- السبي للكوفة
جمر يلسع حجي العاذل يحزباي
يخيمه اتلم بقايا اختك يحزباي
ترضه الحبل بجفوفي يحزباي
وبعد العز يبو الغيره سبيه
٦- السبي للشام
أصعب مسأله ابصبرج تحلين
يزينب جم حبل منح. تحلين
هظيمه أبمجلس الظالم تحلين
وانت ام الخدر زينب آبيه
٧- السيدة رقية
طفله وبالقدر الهه. منازل
اسيره أشلون كل يوم ابمنازل
نعتب علوكت يا حيف من زل
يتيمه إبلا ابو ماتت رقيه
٨- السيدة زينب
تشم حسين من النحر شمتان
و الملعون ينظر جان شمتان
لن زينب تگله بعد. شمتان
راح الجان خالس آل أميه
٩- يوم الاربعين
أجيتك والدمع نهران لايم
عليه اشما حجه ويلوم لايم
مثل يومك ابد ما صار لايوم.
على صدرك تدوس الأعوجيه
أدوس اعلل ألم گوه وكابر
وناجي الباري ابليلي. وكبر
أهلي للبشر. رحمه. وأكابر
لجن راحوا ذبح بالغاضريه
١٠- الخدمة الحسينية
لزمت القلم بأيدي وخط الحسين
وظل جندي القضيتي وخطي الحسين
لئن لله أبدمائه. خط الحسين
اعظم تضحيه لشرف قضيه
الشاعر هادي الساعدي
بذيات نعي
لسان حال السيده زينب ع
جبل فوگ النهر طـــايح ورايه
وعگب عينه الشمر يفتر ورايه
اگومن وأگعد ابكــــــيفه ورايه
ولا جِني العقيله الهاشميه
علىْ اختك يا گمر ضالم ترها
شعجب ما تفزع بعينك تراها
زينب طايحه ابشــــده تراها
وتحشمك ونته نايم عالوطيه
دمعي اعليك اهلــنه وسيله
وغيرك ما بعد عندي وسيله
اناشد بالنهر عـــنك وسيله
وين اجفوف سبع الغاضريه
مصايب كربلاء زينــــب لونها
انفطر حتى الصخر ويون لونها
ميته ام الخدر بالــــطف لونها
ولا ادخل ابديوان ال اميه
✍️ علي كاظم المنصوري
اهدي ثوابها الى والدتي
نعي للسيده ام البنين ع
>>>>>>>>>>>>>>>>>>>>>>>>>
خذاني الليل وانه امعاتبه الاحباب
وتاني ابيا جرح بس دگة الباب
آلي اعزاز عندي وراحو الأعزاز
تلوج الروح ما ترهم بالغياب
ذبحوني الاحبهم بالهجر ياحيف
تظل اعيوني تذرف دمع سچاب
يجيني الليل ابجروحي اشتكيله
***
اريد احسين وانه الگلب ولهان
كتبت من الهجر ابيات الأحزان
يريت حسين لو يرجع بالضعون
تضوي الدار كلها اگبالي الاحنان
ياوسفه الدهر خلاني لچمات
وعيش انه الغرب بأهات الاوطان
انه ام البنين اجروح بجروح
يحسين انذرتهم فدوه قربان
الگلب مكسور بأهاته ودليله
*****
نويت وكون اطب انه .....بلادين
اواسي زينب ابدمعي........بلادين
وصل عباس لخيامه........بلادين
يوصل ماي لسكينه ورقيه
***
تمت بعون الله تعالى الشاعر_يوسف_الفتلاوي
((ابوذيات لمسلم ع))
___
زماني ما رحم بيه ........ولادار
بقيت بلا سكن وحدي.........ولادار
ادير الوجه عن شخصك.....ولادار
وصيح حسين خويه الحك عليه
***
حسافه الزمن مايرحم.........وخوان
ذبحني الشامت بعينه.........وخوان
لون عندي مثل عباس ......وخوان
يحضرون بفخر اهل الحميه
***
((جواب طوعه ))
امشي عليك حامي الجار.....ون سال
عليك الاشعث بحقده ......ون سال
معقوله الدمه من العين........ون سال
يفزع كل غيور بهالمسيه
***
يمسلم بالفخر والصيت .....هاميت
يبو طاهر دموع العين........هاميت
صدك من القصر مولاي........هاميت
على باب القصر جثتك رميه
***
يوسف الفتلاوي
.
بنات رسول لله
يخاطبن أباء الفضل ع
. لـحـگ الـنـبـي راعـوا .. لحگنه
وبناره الـشـمر مسرع .. لحگنه
زيـن وناخذ اعـبـيـنـه .. لحگنه
الزلم والخيل طول الغاضريه
*---------------*---------------*
البواچـي عيب تـنـفـع .. لاحدينه
وعـسـانـه لا صـعـدنـه .. لا حدينه
ابهزل والسوط عگبك .. لاح ادينه
لـمَـن عـفـنـاك عـالــغـبـره رمـيـه
*------------------*---------------*
✍️خادم الحسين ع
الشاعر رعد الچريخي
نعي للعليلة
راحوا هلي وابعد ظعنهم
شو چني ما محسوبه منهم
راح الشمل وظلم وطنهم
چنهم نسو بالدار چنهم
طفله وعليله تغيب عنهم
راحوا هلي وضليت وحدي
بين المرض ودموع خدي
ياموت اخذني شضال عندي
بفراگ ابوي حسين ودّي
انهي العمر بتراب لحدي
ودعني ابوي وراح عني
ظني انكطع يا ناس ظني
وجروح گلبي المرمرنّي
ما يهده ليل انهار ونّي
راح العزيز حسين مني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نعي / مسلم بن عقيل عليه السلام
بالكوفه بويه الناس غدروك
وحدك بلايه انصار عافوك
مجتف لبن مرجانه ودوك
منّ القصر للكاع ذبوك
فوك الذبح بحبال جرّوك
مسلم خذاك الموت مني
طفله وعفتني بنار ونّي
يالتمتني بزغر سني
بويه المصايب دوهننّي
من غاب وجهك ذاك عني
شعدهم اهل كوفان وياك
غدروك بويه وسفكو دماك
خلوني اون كل يوم ونعاك
مسلم يبويه شلون انساك
ومثل النفس وياي طرواك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جديد
ابو ذيات ليلة الحادي عشر
أشتضن انساه العاشر ... وانسه بينه
يل احسين انسلبنه ....... وانسبينه
عگبكم چتفونه ...... وانسبّينه
او غده وين النذل يآمر عليه ......
حرمه او ليل وين الگه ... ضل اعلي
واخوي اعله الرمل ماكو ... ضل اعليه
سمعته ايون وانا گلبي ... ضل اعليه
مايرضون . ألمه اشلون بيه ....
ليل او يمنه بس الراد ..... ينشال ينشل
لا حامي البقه . لا جرح ... ينشال
تمنيته جسد الحسين ..... ينشال
چا جبته حمه السكنه او رقيه ...
يليل اهدعش نسوه او... بينه خِله
مصاب احسين لوعه ... بينه خَله
اليريد . ايبوگ. يسلب ... بينه خله
لچن لايگرب اعله الهاشميه
_____
ابو فاطمة الطائي