963
قصائد مع الحانها لخادمكم موسئ الخادم
هذا ما توفقنا به من قصائد لأحياء
الليالي العشره الأولى من شهر محرم الحرام لسنه ١٤٤٧ هجريه
لا تنسوني ووالدي من صالح دعائكم
احبتي خدام الحسين ع
لي ولكل خدمة الحسين ع
الذين ساهمو معنا باصواتهم العذبه
يا خيل ... اتمنيت مثلي اخوان عندج
يا خيل ... يموتون وتضلين وحدج
وما واحد بحالج
امن اسأل على احوالج
........................................
١=
لو عندج اخوان وعرفتي معنى الاخوان
جا ما سحكَـتي بضلع واحد جبده عطشان
ولا عالترب خليتي جسمه يبقى عريان
ولا طشريتي ضلوع صدره ترس الامجان
يا خيل /// شهكَـت الخوه الما شهكَـتي
يا خيل /// لو شاهكَـتهه ما سحكتي
حد كَـطعت اوصالج
امن اسأل على احوالج
...........................
ياخيل لو ضكَـتي حنان الخوه تدرين
جا ما عليتي صدر اخوي وهيبتي حسين
ولا حافرج كَـلبه مرد وانتي تسحكين
بس للأسف بالجاي اسولف ما تفهمين
ياخيل /// بس ما يفيد اوياج عتبي
ياخيل /// مثل الشمر ورمتي كَـلبي
أحزاني تحلالج
امن اسأل على أحوالج
٣===
ياخيل كلشي ابالي هسه يدور ويدور
كلهن بصوب وصوب سحكَـج هاي الانحور
تدرين ياهو القبلاهه قبل عاشور
وياهو اليجيهه البيتنه ابكل لهفته يزور
يا خيل /// جدي رسول الأمه طه
يا خيل /// أبهذا النحر طبعه الشفاهه
بس داسه خيالج
///////4
4/ يا خيل مو كافي السحكَـ فوكَـاهه الامتون
عل الأقل خليه اعله طوله اعياله يردون
حاجيني نيتج شنهي بله بغاليِ ام عون
تنثرين جسمه بكربله وتشوفه الاعيون
يا خيل /// مات وشبع موت الأحبه
ياخيل /// كافي عليه رمح اعله كَـلبه
اعله ابن امي اشجالج
٥=====
ياخيل هم منهم طلعتي رحمه ما بيج
شنهو الجناه أبن امي ليج وبيش ما ذيج
ما كسر كَـلبج حالته ولا هانت اعليج
ريت الله لا ينطيج لا ينطي الموديج
يا خيل /// كلشي الأحبه بي خذيتي
يا خيل /// أكبر ذنب والله جنيتي
يا شينت افعالج
امن اسأل على احوالج
/////
✍🏻 كلمات موسى الخادم ٢٠٢٥
//////
يوم العاشر /// يوم المصيبه // لايوم كيومك يا ابا عبدالله
Читать полностью…
عبد الله .... ييمه
......................::::....................
١=
كل ما حاولت أنساك
تعرضلي صور فركَـاك
يا عبد الله يوليدي
روحي اتروح كل ما شوف
طفل ابكَـدك وملهوف
ودي اخذه ابأيدي
هلبت من اشيله ايخفف آلامي
واتخيلك ييمه الانته كَـدامي
بعدك كل فرح ما شافت ايامي
يالعمرك شهور ومنذبح ضامي
عبدالله /// ييمه
............................
٢==
كل ليله انوح اعليك
من يومك الهذا ابجيك
آه يا سلوة اسنيني
كبرني وداعك حيل
وسهرني عليك الليل
باكَـ النوم من عيني
شيب البيه كله من بعد موتك
وحسره بكَـلبي ضلت اسمع الصوتك
جنت احسب الي تكبر مثل خوتك
وازفك بيدي عرسك موش تابوتك
عبدالله /// ييمه
.......................................
٣===
ما أنصف زماني وياي
خذاك وعافني بلا راي
يا سباح دلالي
بعدك عمري ضيم بضيم
يالعفتك ابنص الهيم
وراسك عالرمح عالي
ريت الموت اخذني ابكربله يمه
ولا جابوك اليه المنحر امدمه
بالخيمه جنت ساعتهه منهضمه
عطرك كَـبل شوفك صرت اشتمه
عبدالله // ييمه
......................................
٤====
كاروكك الي خليت
ذكرى وللمنيه امشيت
ليل انهار اهزنه
هلبت ليله اشوفك بي
يالخالي إلي امخلي
واكَـماطك اشمنه
تعبني غيابك حيل يوليدي
ما خلالي فرحه ولا شفت عيدي
وكل ساعه اهزن مهدك ابأيدي
وي روحي اسولف بالحزن زيدي
عبدالله … ييمه
===========================
✍️🏻 كلمات موسى الخادم ٢٠٢٥
علي الأكبر علي الأكبر
على إركاب الزلم سيطر
نزل بيده فقاره ... وأخذ دور الصداره
///////////////////////
١=
مثل جده علي من ينتفض
نزل واختل توازنهه الأرض
خذتهم صولته ابطول وعرض
ولا زلمه وكفله يعترض
ساعت ما علي طبهم
ابسطرت يمنته أرعبهم
حد السيف بركبهم '' ابو الزود
علي الأكبر علي الأكبر
رسم لوحت نصر تُذكر
نزل بيده فقاره ... وأخذ دور الصداره
٢==
///////////
بطل ما همه ابد كثرة عدد
على عالي سواترهم صعد
علي الأكبر منو المثله صمد
يلمهم سيفه ويطشهم بعد
بيهم روح ما خله
صفطهم على التله
وخله بكل كَـلب عله … ضنه حسين
علي الأكبر علي الأكبر
ابنزاله حير العسكر
نزل بيده فقاره
وأخذ دور الصداره
٣===
/////////////////
دخيلك كلهه صاحت من نزل
وضلام الدنيه صارت بالعجل
الشرد من سيفه بالخوف انقتل
ملك موت ويوزع بالأجل
عزرائيل طب خلفه
يحسب موته البصفه
وشكد شَمّر ابجفه … علي الحيد
علي الأكبر علي الأكبر
بجثثهم خله ترس البر
نزل بيده فقاره
وأخذ دور الصداره
٤====
////////////////
وضع خطت حرب ما تنغلب
بحيث أتحير الجيش اليطب
وكف عل ميمنه وأعلن حرب
وتركهه الميسره السيف الشطب
ألّحصَّل من علي الشرده
ذو الفقار اله أيرده
يكطع راسه ويهده … على الكاع
علي الأكبر علي الأكبر
قسم يفني جموع الشر
نزل بيده فقاره
وأخذ دور الصداره
٥=====
////////////
تسيّد عل جهات الأربعه
وعليه ينظر أمير المشرعه
ترك جم فارس بنص مصرعه
يدور عل مفر ويرجعه
خله القاده في حيره
الكلش كلش اجبيره
ابن حسين ابو الغيره '''' محه الجيش
علي الأكبر علي الأكبر
رعبهم ساعت الكَبّر
نزل بيده فقاره
وأخذ دور الصداره
///////////////////
✍🏻 كلمات موسى الخادم ٢٠٢٥
الليله التاسعه /// ليلة الأكبر ع
Читать полностью…
يل ما تممت عرسك
ولعمك بعت نفسك
ظلت حنتك بيدي .. يا جسام يوليدي
>>>>>>>>>>>>>>>><<<<<<<<<<<<<<
١=
عفيه ابني التعب وياك ما ضاع
جبت اسنين عمرك سمعاً وطاع
ولحسين أرخصتهه روحك ابساع
ما همك تموت وتبقى عالكَـاع
بيك انه ارفعت راسي
يا أغله وأعز ناسي
أمودع بله يا عيدي .. يا جسام يوليدي
>>>>>>>>>>>>>>>>>>>>>>>>>>>>>
٢==
صح يصعب عليه يمه فركَـاك
وليالي السهر ذيج الكَـضت برباك
بس العمك انروح انه وياك
فدوه يل عفتني الساعه انعاك
عمك طالب النخوه
فدوه أتروح اله فدوه
أوريدك تنطي ووريدي .. يا جسام يوليدي
>>>>>>>>>>>>>>>>>>>>>>>>>>>>>
٣===
يستاهل حبيب الزهره نهديه
كلشي ألعدنه وادري ما نوافيه
لو يقبلني مثلك روحي أنطيه
صاحب فضل عمك ما نجازيه
لا تحسبني ما حبك
ييمه وراضيه الذبحك
عمك اغله يوحيدي .. يا جسام يوليدي
>>>>>>>>>>>>>>>>>>>>>>>>>>>>
٤====
ًبعدك راح أعيش بدنيتي اهموم
وكل يوم اليمرني امفاركَـه النوم
أفراكَـك بيةده يذبح يبقى للدوم
يا سباح روحي المات هاليوم
بعدك ما الي فرحه
وكَـلبي عليك صب جرحه
ما صدقت مواعيدي .. يا جسام يوليدي
>>>>>>>>>>>>>>>>>>>>>>>>
٥=====
بس ارجع واكلك يمه جسام
ما خيبت ضني بكثر الإسهام
وافيت ابوعودك لبن الاكرام
جابوك وعليك يصب دمه الهام
ومتحني بدمه المنحر
ميت وأنه بيك افخر
ما همني حبل كَـيدي .. يا جسام يوليدي
=============================
✍️🏻 كلمات موسى الخادم ٢٠٢٥
سلام الله على العباس
Читать полностью…
كمر كمر ... كمر اسمه ..... ابو فاضل راعي الهمه
كمر كمر ... كمر اسمه ..... اخو زينب نعم الزلمه
...1...
على الشاطي جعلهم ..... يلمون ابعكلهم
كسر ظهره ... الوكف دونه .... نعم من ابو فاضل
نزل غاضب عليهم ... زلم ما خله بيهم
كطع منهم ... هوه الرية .... فلا مثله مقاتل
تسيَّد عالشريعه .... ابو عيون الوسيعه
فكر يومه... الكرب منة ... امير اهل المراجل
اسد بالحومه يزئر ... عليهم زوده سيطر
علي الثاني... يسمونه ..... مثل حيدر ينازل
كمر كمر ... كمر اسمه ... من حيدر ماخذ عزمه
كمر كمر ... كمر اسمه ..... اخو زينب نعم الزلمه
...2....
امير الطف تسمه .... وكف يا محله رسمه
الشرد منة ... نجه بعمره .... ابو النفس الابية
رعبهم من تقدم .... السبع بيهم تلعثم
فلا واحد ... طلع صوته .... منجيوش ال اميه
عليهم القه نظره ... شمر عشره اعله عشره
كَلب لون ... النهر احمر ... ابن حامي الحميه
قيادات العساكر .... صفطهم عالسواتر
صور الهم ... بقت ذكرى ... فلا خله بقيه
كمر كمر ... كمر اسمه .... بركان وفاير دمه
كمر كمر ... كمر اسمه ..... اخو زينب نعم الزلمه
....3....
شجاع وكله غيره .... حصد روس الجبيره
الجثث خله ... على الغبره ... فقاره البيده شاهد
دخيلك كلهه صاحت... زلم كدامه طاحت
منو المثله... رعب خصمه ... بطل عالمهره صاعد
ملك موت واجاهم .... بخزرته طشراهم
فلا واحد .... ترك منهم .... يضل ابروحه شارد
العدد كَدامه قله .... كثر ما موته خله
الارض صارت ... تناديله ... يكفَّي يالمجاهد
كمر كمر ... كمر اسمه ..... بس فقّاره اليفتهمه
كمر كمر ... كمر اسمه ..... اخو زينب نعم الزلمه
.....4...
بيمينه الرايه رفت .... عليهه الدنية صلت
كمر هاشم ... ضوه الدنيه ... منو المثله كمرهه
وسط جيش ال اميه ... وكف وكفت علية
وتشوفه اخته... عله الشاطي ... العساكر من شمرهه
فلا هَم ابعددهم .... اخذ كل حيفه منهم
سطر يسطر .. فقاره الحق ..صفوف الشر شطرهه
النهر صار ابقبضته .... ورفض يرويهه شفته
كبل زينب ... رفض يشرب ... فده عمره العمرهه
كمر كمر ... كمر اسمه .... خله العالم في صدمه
كمر كمر ... كمر اسمه ..... أخو زينب نعم الزلمه
........
كلمات : ✍️ موسى الخادم
أبابك رفعت اديه .... ياكافل العلويه
حاير ويمك جاي
يا سيدي الوفاي
عباس عباس
========================
١.
ابابك وكفت ابدمعة اعيوني الجريه
وقدمت حاجاتي إلك بثنين اديه
اقسم عليك بحق ابو سكينه ورقيه
تسهل أموري سيدي ابهاي المسيه
حلفتك بدمعاتي.... تقضيلي كل حاجاتي
ضاكت عليَّ دنياي
يا سيدي الوفاي
عباس عباس
============
٢..
دكيت بابك يا كفيل الهاشميه
وكل اعتقادي اجفوفي متردهه خليه
غيرك منو الامشيله واحجيله الي بيه
عباس اصيح بحضرتك عينك عليه
ابابك نثرت ادموعي // بيدك تحل موضوعي
لتردني فدوه ابهاي
يا سيدي الوفاي
عباس عباس
==============
٣...
ياكمر اختك زينب وظلهه وضواهه
يل جنت عدهه أتعادل النجمه وسماهه
متعني اجيتك سيدي بعلتي التراهه
الما الكه بس يمك يخو زينب دواهه
ياشافي علت الفقره … شافيلي علتي بنظره
منك أريد ادواي
يا سيدي الوفاي
عباس عباس
=================
٤....
كالولي اكصد كربله يم ابو الغيره
وشد رايته وحلفه بخدر أخته الأميره
ما تضل حاجه العندك ولا تضل حيره
وهاي انه جيتك سيدي بدر العشيره
اقسم عليك بزينب //خادمك مولاي أُحُسب
لو مره اوزع ماي
يا سيدي الوفاي
عباس عباس
======================
✍️🏻 كلمات موسى الخادم ٢٠٢٥
يا بو علي .. بدربك مشينه
وللموت ابد .... ما حسبينه
سبعينك احنه وحقنه ما ضاع
هد بينه نترس بيهم الكَـاع
يابو علي ………يابو علي
..............//////........
١/
يابو علي اوداعت علي .... السبعين الف نمحيهم
بس انت أشر بيمنتك .... جم ساعه وانصفيهم
بسمك قرينه الفاتحه .... والبسنه الادروع
ياهو اليوكفنه بعد ... من هاي الاجموع
نكَـلبهه كاع الطف كَـلب ... ونصير موضوع
وبينه تسولف كربله ... اتضل طول الاسبوع
سبعين الف ... ما وكَـفوهم
ابساعة زمن .. واتلاكفوهم
هيجي الحجي يوصل للاتباع
هد بينه نترس بيهم الكاع
.......................
٢//
وقعنه وياك العهد ... لاخر نحر تدرينه
كل موت ما يمنعنه ابد ... عن نصرتك والينه
لو ميت الف مره الك... نرخصهه الارواح
ما نوفي حق واحد الك ... يا سيد الاصلاح
لبيكَ صيحتنه تضل .. من فوك الارماح
يالعدنه اهم من كل مهم .... والجانه والراح
لو ننذبح .... كل ساعه مره
منعوف ابد .. نهجك ننصره
لجلك عمرنه يرخص بساع
هد بينه نترس بيهم الكاع
.................
٣///
اتحزمنه بحروف النصر .... وابيرغ العلويه
والبسنه لامات الحرب .... خل تسمع ال اميه
الفكر يكَـرب للخيم .... لا يحسب يعود
هيهات نشتم الهوه .... واتكَـرب اجنود
قائدنه عباس النفل .... المامثله صايود
منه تعلمنه الوفه .... والغيره والجود
ويله الوصل ... صوب المخيم
منه يضل ... بس سيفه والدم
من كافل اخته اورثنه الاطباع
هد بينه نترس بيهم الكاع
........................
٤////
باجر نسوي ابكربله .... الماصاير ولا داير
فوك الجثث نبني جثث .. ونسوي بيهم ساتر
بيهم جهنم تنترس ... مو كلمه تنكال
وامطاير الروس وعلي ... توصل للاجبال
خيبر نعيد ابكربله .. كول احنه وأفعال
كل واحد البينه يُعَد .. جيش امن الارجال
ايسد الشمس ... واحدنه طوله
نحجي ابفخر ... كلنه الرجوله
ما بينه للذل واحد انصاع
هد بينه نترس بيهم الكاع
...... .........
٥/////
سبعين الفهم ما ترد ... صولت حبيب وعابس
واشحال اذا صال الكمر .. ميخلي بيهم فارس
لا قائد البيهم يضل ... لا من سرايات
كل واحد البينه يطب ... يترك وفيات
بطران كلمن يعتقد ... نركعله هيهات
ثورتنه تبقى خالده .... وبلا نهايات
ما تنتهي .... الثورة بقتلنه
طول الدهر ... باقي نصرنه
كل ابثورة النه ايرفرف اشراع
هد بينه نترس بيهم الكاع
.......
٦//////
يحسين خلصنه الحجي ... وانتاني منك كلمه
انهوسهه هوستنه ونطب .... عالماكو بيهم زلمه
هد بينه يا شبل النبي ... وعاين عاليصير
بركان بيهم ننفجر ... لجلك يبو الخير
خيّرهم انشبعه ركض ... وبشردته يحير
احنه رجالك يل الأبي .... ومنصير للغير
يابن علي ... ربعك غياره
وكت الشدد ... رهن الإشاره
الغيرك ركَـبنه حاشه تنباع
هد بينه نترس بيهم الكاع
...............___.........
✍️🏻 كلمات موسى الخادم ٢٠٢٥
الليله السادسه // ليلة الانصار
Читать полностью…
قصر الاماره أتحول التراب
وقصرك يمسلم ناطح السحاب
وبابك صبح مجيب
الزارك فلا يخيب
<<<<<<<<<<<<<<<<<<<<<<<<<<<<
١=
يلي اخدمت .. حيدر علي …وحسين ابو اليمه
يل هدمت .. عرش الكفر .وحدك بكل همه
يل الآمنت ..بيك السمه.. اعظم واهم زلمه
اده الامانه ..ابكل بفخر ..ناصر لبن عمه
نلت الصداره ابمهنة السفير
ما خنت أميرك لا خنت ضمير
يا مسلم الحبيب
الزارك فلا يخيب
<<<<<<<<<<<<<<<<<<<<<<<
٢==
يل حيّرت ..أهل الأرض.. وأهل السمه بعزمك
وحدك خضت … ثورة نصر … عل حللو دمك
كلشي ركع … يم صولتك .. يا مسلم واسمك
صيته وصل .. جوه العرش .. وبيك افتخر عمك
يا مسلم أنت فخر الارجال
هيجي عليك بكربله انكال
مسلم رجل رهيب
الزارك فلا يخيب
<<<<<<<<<<<<<<<<<<<<<<
٣===
يالمبتسم ..وقت الحرب… وإسهام يرمونك
ماهمتك …كثرت عدد .. ناس اليعادونك
صنت العهد …وأنت اتعرف .. باجر يذبحونك
عشت بشرف ..مت ابشرف … لجل اليحبونك
ما همتك روحك للحسين
أنت انذرتهه امن اول سنين
للينذبح غريب
الزارك فلا يخيب
<<<<<<<<<<<<<<<<<<
٤====
يل قدمت … اعظم درس ..بالتضحية الناسك
منك أخذ … عِلمه الوفه … وبجبهتك باسك
ما خالفت .. درب الصدك ..أي وحق عباسك
لآخر نفس .. ما طاوعت .. سيف الكطع راسك
عشت بشموخك لآخر انفاس
وللذله ما طخيت ابد راس
ومن العطش شحيب
الزارك فلا يخيب
<<<<<<<<<<<<<<<<<<<<<<<<<
٥=====
إكراما إلك .. ما ظل قصر .. ربك هدم صرحه
وأنته أصبحت … قُبه إلك … توصل شمس صبحه
واليعتني .. بحاجه إلك …يرجع بديه فرحه
وبابك دوه ..الكل مبتلي … ويعاني من جرحه
جم واحد بعلته مشّه ليك
رديته سالم الله ينطيك
يا سيدي الطبيب
الزارك فلا يخيب
<<<<<<<<<<<<<<=====>>>>>>>>>>>
✍️🏻 كلمات موسى الخادم ٢٠٢٥
عباس ابنج وفاي ... خليني اتباهه ابهاي
كون اخبارك توصلني امسوي اسوايه
ولختك زينب جايب شط ابكل مايه
سهله اعله اجفوفك هاي
...........[[[[[[[[[[[[[[[[[]]]]]]]]]]]]]]]]]]]].......
؛____1_____
من ازغير وأنته امعلم ... تاخذ دور الوفاي
ترسم خيمه وزينب بيهه..ويمهه اتضل رايحجاي
جنت اتكَل الزينب يختي...حزمنيي وشوفيالراي
غمضي اعيونج لحضه وفتحي .. تلكَـين الشطوالماي
عمرك سنتين وحيل .... تعشكَـ لركوب الخيل
مو يم عمرك لا أكبر يبني اهوايه
كون اخبارك توصلني امسوي اسوايه
2///////
من يومك عالسيف امعلم ... ما متعلم اعله العاب
كل ما شفتك بيدك رايه.. وسيف الما ضمه أكراب
من أول يوم الخلفتك .... يا شبل الليث الغاب
ما شفتك بعيوني ازغيَّر ... لا شفتك واحد شاب
كل ما لفك بكَـماط .... جنت اسمع صوت ازماط
خزرات اعيونك تشهد كًـبل الرايه
كون اخبارك توصلني امسوي اسوايه
______//:::
3______
المثلك يا عباس امخلفه ... ما يحتاج اتوصيه
مو واقع لو نفرض ربنه .... مثلك خالق نلكَـيه
لازم هم العباس اسمه .. وحيدر كون امربيه
لاتنطيهم عطوه وسيفك .... من دم القاده ارويه
كون اسمع من الناس .... هد الجيش العباس
خله الروس اعله التربان امدمايه
كون اخبارك توصلني امسوي اسوايه
//////
4
يا أول فرحه ابأيامي .... بيض وجهي اترجاك
لاترجع سالم يوليدي .... وتعوف حسين اهناك
عالشاطي تخليهه ايسارك ... مشموره بصفيمناك
والعين السهم ايطفيهه ... وصيتك الله الوياك
ماريد اتغمض العين ... الا اعله اجفوف حسين
كَـبله اتضحي اسنينك يالبيك اكفايه
كون اخبارك توصلني امسوي اسوايه
5///////
أبحق ارباي اني امسامحتك ... ياعباس المبخوت
بس مني اسمع هاي الكلمه .. الراح احجيههابلا صوت
ازعل من عندك حيل اني .. وزعلي يضل حدالموت
لو ما جبت الزينب اختك ... نهر امرصع ياقوت
لو ما وافيت ام عون .... منك أتبره ايكون
كلشي ولا اسمع عنك اي احجايه
/////
✍️🏻 كلمات موسى الخادم
يمالك عمري وانفاسي وسنيني
أعله مودك خَلّفت أربع بنيني
حسين حسين .... حسين حسين
...|÷÷÷÷÷÷÷÷÷÷÷÷÷÷÷÷÷÷÷÷÷÷÷|...
١=
يل حنين ... إلك كل عمري ناذرته والاسنين
ولو يصير .. عمر ثاني إلك هم فدوه يحسين
روحي بيك .. أسيره وما تفاركَـ شوفك العين
اوياك اروح ... أموت ابكربله مو مره مرتين
وي سبعينك أركض ركضه للموت
هنياله اليموت اوياك مبخوت
حسين حسين ... حسين حسين
٢==
كَـلبي صار .. من هل ساعه صار اعليك ممرود
اشلون اعيش .. وانته الكربله رايح اومتعود
يمه اموت ... اذا ما شفتك ابهل دار موجود
يمي اريد . تضل وافديك ولدي وراعي الجود
تسوه أولادي كلهه وتسوه دنياي
عندي وتسوه كلشي شوفتك هاي
٣===
راسي شاب ... مو من الكبر من الله وياك
ميته كون .. ولا كَـضي العمر ابجي اعله فركاك
وين اروح ... بعد ما تمشي عني اوين الكاك
وانه اشوف ... طلعتك هاي بيهه الموت يتناك
من هسه انه اشوفن فوك الارماح
راسك منرفع وامترس اجراح
حسين حسين ... حسين حسين
//////
كل جروح . اعليه اتهون بس جرحك فلا يهون
يا عزيز . اخذني اوياك اشيل الحمل لام عون
للسياط ... اسوي امتوني درع الكل الامتون
والخيام .... اطفيهه ابعباتي من يحركَـون
اخذني اوياك شلي ابظلتي اهناه
عليك التنكَـطع عالشاطي يمناه
٥=====
من يجي ... ابن حذلم وجايب عنك اخبار
شرد اكَـول .. واسأله اشلون كَـلي بكربله اصار
والله اموت .. اذا سولفلي عن ذبحك يبو الدار
والخيول .. التدوس اعليك واتسويك طشار
اشلون اصبر امن اسمع جوه الاخيول
صدرك ظل عليهه الحافر ايجول
✍🏻 كلمات _موسى_الخادم ٢٠٢٥
هله هله حسين وينه /// بالسيوف امكطعينه
===========================
١/
طلعت امن الخيمه زينب .. شابجه العشره اعله اخوهه
شافته مرمي اعله طوله .. ويمه انصاره اذبحوهه
صاحت ابصوت الفجيعه .. حسين روحه طلعوهه
ندبت ابدمع الرزيه … قالع البيبان ابوهه
هله هله حسين وينه … جسمه ويلي امسلبينه
==================
٢//
من على التله وتنادي .. بويه يا حامي الحميه
حسينك اعله الكاع مرمي .. و فوكه تلعب الاعوجيه
احضر ابساعك نشيله .. لا تجي أتشوفه رقيه
وحدي هالساعه تراني .. طرك الحبال البديه
هله هله حسين وينه … ابساعك احضر يا علينه
=================
٣///
صاحت الحره العقيله .. وصاحت اوياهه اليتامه
هله هله حسين وينه … وليش مسلوب العمامه
دمه جاري عالوطيه .. بيا ذنب سيد الكرامه
ليش ما واحد فزعله ..الفاكد اخوانه وعمامه
هله هله حسين وينه … ما بقاله من يعينه
=====================
٤////
ويه زينب يوم عاشر .. صاحت الدنيه بكبرهه
كبَّراهه اهواي موته … وهي خمسين بعمرهه
اومن كبر هول المصيبه .. ضيعت زينب نظرهه
وحيل ما ظل بيهه ويلي … اتشيل بي صاحب صبرهه
هله هله حسين وينه … بيوم عاشر ذابحينه
===============
٥/////
كلشي وي زينب تغيَّر .. والسمه أتغير وضعهه
على حسين المات ضامي .. نَزلَّت احمر دمعهه
والزجيه بكسر خاطر… كصدته ابكسرت ضلعهه
شوفت المكسور ضلعه.. رادت وشوفه الفجعهه
هله هله حسين وينه … فجعو الزهره الحنينه
==========================
✍🏻 كلمات موسى الخادم ٢٠٢٥
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
____1____
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
___3___
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
____5____
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
______6______
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم
ليلة وداعك على اختك جبيره
باجر تشاهد ذبحتك يغيره
وتشاهد العين ... ذيج الحوافر
وخيل التدوسك ... وي ظهر عاشر
..1....
يليلة ... وداعك ...
كبل لا تبتدي مني خذت كل العمر
يغالي ... على اختك
ابد لا تعتقد سهله اعله زينب هالامر
باجر ابئيدي المهر ليك انه اقدمه
ومنحرك ياخويه ابوسنه واشمه
اوصيِت امنه فاطمه يابو الأئمه
للموت اودعك يخويه بديه
موش برضاتي غصب ها عليه
يا سلوة الروح .... يبن الاكابر
وخيل التدوسك ... وي ظهر عاشر
===============
٢..
يخويه ... شيَّصبر
دليلي امن انظرك جوه الحوافر تنسحك
والمك .. بديه
اظلوع امكسره وما بيك شي باقي صدك
ياكتر منك اشيله الثاني يوكع
وماكو منك صوت يبن الزهره اسمع
وابقى كدامك ابحيره اوكف اركع
واسجد على ادمومك البيهه سابح
وأقره بسجودي منو نحره ذابح
وافرش على الكاع … دمع النواضر
وخيل التدوسك ... وي ظهر عاشر
==================
٣...
جبيره .. المصيبه
بقت جم ساعه واطلع صوب تل الزينبي
أنظرك .. حبيبي
تلوج امن العطش والحر يروح الطالبي
والشمر جاثي يويلي فوك صدرك
و ١٢ طبره يطبرك على نحرك
وأنه من أبعيد يبن أمي أنظرك
ساعتهه روحي احس مني تطلع
لا تذبح حسين أصيحه ومينفع
كدامي يحسين .. ذبحك يباشر
وخيل التدوسك ... وي ظهر عاشر
===============
….٤....
بعيده … المسافه
باجر بينك وبين الخيم يابن علي
تجيني .. أجيلك
لو تبقى بكتر وانه بكتر محد الي
انته مشغول بذبحتك خويه ضامي
وأنه اظل مشغولة البال ابيِتامي
هذا كله ايصير وي حركَـت خيامي
وامراكض خيول جثيره ورايه
ولا حامي عندي طركَـ هالعبايه
بهذا العمر راح … أختك تناظر
وخيل التدوسك ... وي ظهر عاشر
…..٥.....
والاصعب .. عليه
أعوفك عالثره مكطع وصل عاري الهدم
واروحن … أسيره
وتضل أنت بشمس ما واحد الجسمك يلم
ويمك يمروني بنياك الهزيله
مجتوفه يا خويه والدمع اسيله
ومن خجلتي راسي يمك ما اشيله
منظر سبيتي يخويه يجرحك
كافي عليك أنت سيف اليذبحك
من يمك امشي .. ممشه اليحاذر
وخيل التدوسك ... وي ظهر عاشر
==========================
✍🏻💔 كلمات موسى الخادم
الليله العاشره / ليلة الوداع
Читать полностью…
يبني علي يالأكبر ... جسمك لكَـيته امطشر
من يا كتر أشمك ... من صدرك امن المنحر
بويه علي .. بويه علي
.....////////////////////////\\\\\\\\\\\\\\\\\
١=
أشلون اردك للخيم محتار أني
كلما شلت منك جزء يوكَٓع الثاني
شيلمك امن الكَـاع يا زهرة زماني
جنت احسب انته اتصير دفان ابمكاني
كبرني حيل امصابك .. شيب لحيتي اخضابك
اكَـعد علي محتاجك .. يذبحني بويه اغيابك
بويه علي .. بويه علي
..........////////////////\\\\\\\\\\\\\\\\\\
٢==
عالغبره مثل السبحه بويه امطشرينك
وليش السهام امشكَـكَـه اجفونك وعينك
وبصوب رجليك انظرلهه وصوب ادينك
والخاطر الله اصبر بعد يالذابحينك
كلشي الي راح امن ايدي.. وأصبر بعد يوليدي
موتك فجع دلالي .... وغيَّب اهلالي بعيدي
بويه علي .. بويه علي
.....///////////////////////\\\\\\\\\\\\\\\\\
٣===
لابيه اشيلك لا اعوفك عالوطيه
اكَـعد وحاجيني يمذبوح الرزيه
اشلون ارجعك لامك المنتضره جيه
مو هينه تنظرلك ذبيح ابين اديه
من طلعتك تدعيلك ... سالم ترد ادخيلك
افتحلي عينك بويه ... وللخيمه خل اشيلك
بويه علي .. بويه علي
...../////////////////////////\\\\\\\\\\\\\\\\
٤====
يابوية كَـوه المصرعك جاباني دمعي
جبت الدرب عثرات يبني وشوف وضعي
غالي انته مو بس عندي لا حتى اعله ربعي
موتك تركني ابلايه روح اعليك انعي
فكَـد الولد شيعوضه .... ايموت ألأبو كل لحضه
وبعدك مصيري اني .... بدموع عيني اتوضه
بويه علي .. بويه علي
...../////////////////////////\\\\\\\\\\\\\\\\
٤====
بعدك على الدنيه العفه يبني وحبيبي
اصبح نصيبك موت والهم من نصيبي
جرح الكَـلب ما يشفه بعدك يا طبيبي
وحزني يضل دايم عليك ابكَـد نحيبي
جرحك أشَد اجروحي . يا نبض كَـلبي وروحي
بعدك حياتي اشبيهه .بس حزني بويه ونوحي
بويه علي .. بويه علي
//////////////////////////=====\\\\\\\\\\\\\\
✍️🏻 كلمات #موسى_الخادم ٢٠٢٥
صح ١٣ عمري .. بس ما ابخل بنحري .. على حسين
خطت معركه ارسم .. وانه زغير متعلم .. على حسين
□□□■■■□□□■■■□□□■■■□□□
١=
راح اراويهم مراجل عمي سبع الكَـنطره
وعلى خط الموت كلهم راح ألَزمهم سره
وين ما يندار خصمي راح يلكَـاني تره
مره عل ميمنه واكَـف مره صوب الميسره
كل واحد متّخلي
عن روحه يوصلي
كلشي البيه ايكلي ... افنيهم فني
ما واحد يلاويني .. خسران اليعاديني ..
هل الاسنين .. على حسين
□□□■■■□□□■■■■□□■■■□□□
٢==
ما أهاب الموت أنه ولا أهابن كل عده
اليوم اسوي اسوايه بيهم تحجي بيهه الوالده
راح اخلي الزلمه بيهم روحه كَـبله شارده
يخسه كلمن كَـال عمي حسين اعوفه الوحده
حد اخر ما بيه
روحي اتضل ثوريه
تشهدلي العلويه .. زينب بت علي
راح ارسم صور كثره .. تحجي ابصولتي الكبره . يغاليين ... على حسين
□□■■■■□□□□■■■■■□■■■□□□
٣===
صح زغير العمر أنه وكلهه تنضرلي صبي
بس وحق القلع خيبر راح البسهم عبي
العمر مو مقياس عندي انه ابن الطالبي
باجر التاريخ يكتب صولتي الما تنسبي
فارس ركّع خصمه
وكلشي احتار بعزمه
هنيال امه وعمه ..... للذل ما ركع
باجر اسمي يتصدر .. تاريخ المجد واكثر..
يصل وين ... على حسين
□□□■■■■□□□■■■■□□■■■■□□□
٤====
عشره عشره الروس اكطع . من تصير المعركه
وبيميني سيفي يلعب ... ركَـب ياخذ بركه
كلشي يسكت ساعة ادخل ... ماكو صوت اوحركه
الهوه ابكربله اكَـطع .... عل الانفاس المشركه
ما أرحم كل ظالم
يشهد ربي العالم
كلمه وكَـال القاسم .... والكلمه شرف
ميدان الحرب تشهد ... اعليهم راح أقيم الحد ...
ملاعين .. على حسين
□□□□■■■■□□□□■■■■■□□□□
٥======
انه تربات الرجوله ... الما يهابون الرجس
اليوم اخلي الغاضريه ... بروس اميه تنترس
صولتي بهالساعه عندي . أحله من زفت العرس
وما تهمني كل منيه . امضحي لحسين النفس
أّلوالد وصاني
بحسين الرباني
انطي عمري واني .... متحني بدمه
يرخص للسبط دمي .... شاهد والدي وعمي ..
ضوه العين .. على حسين
■■■■■■■■■■■■■■■■■■■■■
✍🏻 كلمات موسى الخادم ٢٠٢٥
الليله الثامنه // ليلة القاسم ع
Читать полностью…
سلام الله // سلام الله
على العباس
///////<<<<<<<<<<<<<<<<<<<<<<<<<
١=
صولاته البل حومه اهواي
أكثر من قطرات المآي
جا غير الكافل هو
يا ويله الفكر يدناه
يكَـطع يسراه ويمناه
ويخلي عايش كَـوه
أخذ دور السياده ابكل فخر ليث العرب
ولا مره انذكر إسمه كفيل اخته انغلب
الحرب يحسمه ابو فاضل متى ما إلهه طب
صناديد الحرب تشهدله أساميهم شطب
سلام الله // سلام الله
اعله ابو النوماس
/////<<<<<<<<<<<<<<<<<<<<<<<<<<<
٢==
أعظم فارس بالميدان
بسطرات الكافل ينهان
من بعيد ايضم روحه
سيفه يسمونه الخطاف
يكَـطع روس وما ينشاف
والشافه يهد اصروحه
ملك موت بنزاله الهيبه عباس الكَـمر
أمير اهل المراجل من يسمونه بفخر
رسم لوحة بطوله بكربله بكَـد الدهر
وسط هل زحمه كلهه ابجربته شال نهر
سلام الله // سلام الله
اعله ابو الإحساس
///////<<<<<<<<<<<<<<<<<<<<<<<
٣===
كلشي اكَـباله يعيش الموت
أخرس ما يتكلم صوت
عايش خوفه بنص خوفه
يستنكَـي بكيفه الي ايريد
بالعالم أول صنديد
ما واحد لاوه اجفوفه
شجاع ومرجله وغيره ابو فاضل نعم
الوكَـف كَـدامه بالحومه يضل حال الصنم
يذبّح بالركَـب سيفه مثل ذبح الغنم
يحسبونه سبع كلمن من ايمينه سلم
سلام الله // سلام الله
اعله سيد الناس
///////<<<<<<<<<<<<<<<<<<<<<<
٤====
من ينجاب اسمه ايشردون
وعالختله ايضل ايدورون
راعبهم راعي الغيره
سكته اتصير ابلايه انفاس
من يدخل حربه العباس
كل جيش ايضل بحيره
علي الثاني يسمونه كفيل اخته الأبي
القيادات وعساكرهه تفر منه بعبي
زلم ما خله بالحومه الكفل خدر النبي
اله شهدت ميادين الحروب الطالبي
سلام الله // سلام الله
اعله حار الرأس
//////////<<<<<<<<<<<<<<<<<<<<<<<
٥=====
صياد إركًـاب الكفار
تتناقل هيج الأخبار
عباس ونعم الزلمه
جف عباس ايعادل جيش
سطراته تفلش تفليش
الضايكَـهه ميت يمه
سطرته صاعقه تنزل على روس العده
الحضه بيهه خسر روحه وبقى يذم سيده
يعادل جم ألف فارس حقيقي ساعده
سلام الله على الطالع شبيهه الوالده
سلام الله // سلام الله
أعله عطر الياس
/////////////////<<<<<<>>>>>>\\\\\\\\\\\\\\\
✍️🏻 كلمات موسى الخادم ٢٠٢٥
ظهري انكسر ظهري انكسر
راح الاشد بيهه الظهر
راح وتركني الحالي
عباس اخوية الغالي
...1...
عالشريعه ... عاينيته ... امدد اسمع نوحه
اجفوفه يمه ... امكطعيهه ... ونازفات اجروحه
وعينه بيهه ... السهم نابت .... شاكهه ومفتوحه
والهضيمه ... خوية زينب ... بيدي فاضت روحه
كافل دلالج عالنهر .. طايح يزينب
يمناه كطيعه ويسرته .. بالدم تخضب
حاولت اجيبه الخيمتج .. بس أمرة يصعب
ما باقي بي سالم كتر .. كلشي تسلب
كلشي انتهى وي موتته
الجانت عظيمه خوته
اصرخ بصوت العالي
عباس اخوي الغالي
.....2...
راح مني ... احزام ظهري ... ياهو الي تجيلي
موته صدمه ... موته عله ... موته اخذ كل حيلي
كلشي بية ... يصيح بسمه ... رد يصاحب ليلي
ناري تسعر ... على افراكه .... ابحاجت اليدعيلي
كومي تلكيني ابعجل . عظمه المصيبه
يم النهر ودعت اخو . الجانالي هيبه
هيجي اليفاركله كَمر . يكثر مشيبه
مثله بعد وين الكه يا . زينب واجيبه
عباسي ما مثله يصح
راح وتركني للذبح
بعده اشيصبر حالي
عباس اخوي الغالي
......3..
من وصلته ..احجايه كلي ... عذري وصله الزينب
ردت اشيله ... مارضاهه .... ايرد جفوفه امسلب
عيني صارت ... على الرايه ... البيهه كلشي امترب
وماي ماكو ... الجربه بيهه... بيهه صوته الينحب
حرت انه ساعتهه اجي . لو ابقى يمه
ساعه اخليه عالصدر . وبروحي اضمه
ساعه امسح ابدمعه اليصب . ساعه اشمه
غمض اعيونه وكلي رد . للحرم ذمه
عاينته عينه اعله الخيم
مات ويوصي اعله الحرم
وكلي اعله زينب بالي
عباس اخوي الغالي
...4...
كلشي ماضل.. عندي كلشي ... راح وي عباسي
جيتج اعثر ... بالمدامع .... كَوه اجر انفاسي
عفت روحي .... عالشريعه ... يم اعز كل ناسي
ومال حملي .... من يشيله ... بعد رفعت راسي
يا زينب الكافل بعد . ما يرجع النه
مات وتركني الوحدي . الغالي امن اهلنه
هذا الزمن غصبن علي . بعَّدني عنه
سورة قدر يم النهر . مذبوح جنه
يا زينب بعينه شفت
سهم المثلث من رحت
مكطع نظرته اكبالي
عباس أخوي الغالي
....5....
شلي بعمري ... بعد اخيي ... ما اريد ايامي
الراح مني .... ما يعوضه .... كل عمر كدامي
انه بعده .... روحي ميته ... جسد باقي ودامي
ابو فاضل .... اخذ روحي ... مني كبل احلامي
ياهو اليقدملي المهر . محد الية
من عندي باكت كربله . الغالي علية
كلشي انتهى ويه الكمر . بالغاضرية
خلصت حياتي وانتظر . انه للمنية
ما ظل بعد عندي امل
كلشي اندفن ويه الكفل
جانالي مثل اخيالي
عباس أخوي الغالي
......
✍️ كلمات : موسى الخادم
الليله السابعه /// ليلة الإمام العباس ع
Читать полностью…
راح ورجع ليك الحُر
بس حلوه جانت رجعته
ردلك بديه روحه ايجر
وقدمهه إلك وي دمعته
/////////////////////////////////////////////
١=
القصه ابتدت من جعجع بخيله اعليك
وجازيته أنت الماي تسكَـيه بيديك
أهنا نفسه راجعهه وبدا يسولف بيك
حسينك تعادي اشلون روحك تنطيك
يم خيمتك افشه السر
ما ضم عليك امحبته
ردلك بديه روحه ايجر
وقدمهه الك وي دمعته
////////////////////////////////////////
٢==
وضعه اختلف يا سيدي من شافاك
والدنيه خلاهه وراه من حاجاك
من ايده ذب كلشي ابنظرته العيناك
وما همه موته يصير ما دامه اوياك
ما جانت أبنيته ايفر
بلعكس ناطر ذبحته
ردلك بديه روحه ايجر
وقدمهه إلك وي دمعته
//////////////////////
٣===
يمك أجه وشايل بديه دمع العين
طالب التوبه منك ايصيح حسين
وجهي اسود اكبالك يسلطان الدين
سامحني مولاي اعله فعلي الموزين
غيرك الي من يعذر
وينسه الجنيته ابعيلته
ردلك بديه روحه ايجر
وقدمهه الك وي دمعته
/////////////////////////////
٤====
خّيَّرهه نفسه أبينك وبين النار
وغيرك رفض ساعتهه واحد يختار
عاف السياده اميه والحُكم هذا الصار
ورادك تحسبه واحد امن الأنصار
يم خيمتك ظل ينطر
تقبلهه منه توبته
ردلك بديه روحه ايجر
وقدمهه إلك وي دمعته
/////////////////////////////
٥======
ألحُر رفض يبقى بجيوش الذبحوك
واختارك أنت وما اختار الخانوك
ومضرب مثل صار الجميع الحبوك
أولو رد زمانه هم يعادي العادوك
الشربوك من كاس المر
ترفض تبايع غيرته
ردلك بديه روحه ايجر
وقدمهه إلك وي دمعته
::::::::::::::::::::::
🤲🏻 ✍️🏻 كلمات موسى الخادم
ما لاووهن اجفوفه
بيهم زرع جم خوفه
ولآخر شبر بالكوفه
ركضهم السفير
><><><><><><><><><><><><><>
١=
ابد ما جنه وحده من لفاهم
زلم تردم زلم خله امن اجاهم
السبع بيهم وكَـف خاتل وراهم
وعلى ابواب المدينه علكاهم
مثل عمه …الفحل حيدر …تولاهم سطر
شمر عشره .. على عشره .. رفع راية نصر
مثل الأسد من يزأر
وحده ودوخ العسكر
حيّر كل فكر حيّر
حسبوو علي الامير . ركضهم السفير
><><><><><><>
٢==
ابدخوله الكوفه أرعب كل خصومه
علن ساعت صفر ساعة قدومه
ملك موت ونزل وصلت علومه
يويله اليدنه مسلم هذا يومه
ابو محمد .. نعم منه .. كلف حيد وشهم
على احدوده …الوصل ويله ..يرد لهله اسم
كل واحد وصل صوبه
رد ايصيَّح التوبه
اعليه الدنيا مكلوبه
وفقاره يستشير = ركضهم السفير
><><><><><><><
٣===
اله شهدت أساطير وفحوله
شجاعه ومرجله وغيره ورجوله
أخذ من عدهم ادوار البطوله
ابوكفته الشامخه الما بيهه لوله
وكف وكفت … جبل شامخ .. يريح اتحركه
ورسم لوحت..نصر سيفه ..اعله كد المعركه
رسام ورسم سيفه
من خصمه أخذ حيفه
مطرت غيمته ابصيفه
على ازغير وجبير = ركضهم السفير
><><><><><><><
٤====
تسولف طوعه عن صولاته مسلم
تكول ابكيفه صار ايطشهم ايلم
وعلى إركاب الزلم فقاره يرسم
صور للقاده ساعة بيهه يعدم
فلا واحد …كدر بيهم … يردهه صولته
مثل كافل ..خدر زينب .. يرف ابرايته
بالقاده لعب جوله
خذاهم مسلم بطوله
يصيح الجيش افرجوله
أويصير الي يصير = ركضهم السفير
><><><><><><><><><><<><>
٥=====
كثر ما كطع الروس الجبيره
الجثث صارت يغطوهه بحصيره
وعشيره صارت اتعزي ابعشيره
سلام الله على حسين وسفيره
زلم كلفه …ترك خلفه ..جثثهه امطشرَّه.
سلام الله .. على مسلم ..عظيم المفخره
بيهم سَوّه الايريده
فارس والحرب عيده
لم الجيش ترس ايده
مثل لم الشعير = ركضهم السفير
><><><><============><><><><
✍️🏻 كلمات موسى الخادم ٢٠٢٥
الليله السادسه / ليلة مسلم بن عقيل ع
Читать полностью…
///////////////////////
هـــايه ام الأربعه الــوفايه
تحضر ابكل تعزيه وقرايه
تحجي عن طـــف كــربلاء
////////////////////////////
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهــل ام الأربـعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته /// خادمه ادكَـول العلي وذريته
لوحه رسمت بالولاء
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها //// حاضره اتحل شدتك تلكَـاها
اي وحق راعي اللواء
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه //// وهسه صارت فاطمة العلويه
بيهه تحجي ارض وسماء
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا //// بيهه تحجي الهسه هاي ايامنا
فاطمه ام الوفاء
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه /// ابذكر اسمهه كل علل تتشافه
احروف اسمهه اعظم دواء
////-
✍🏻 كلمات موسى الخادم
الليله الرابعه /// ليلة ام البنين ع
Читать полностью…