963
قصائد مع الحانها لخادمكم موسئ الخادم
الناصب عزائه جان لحسين
مات المسيه وغمض العين
اويلاه .... اويلاه
......
مدرسة العلم جانو يسمونه
مات بسم غدر ناس اليكرهونه
ما شاف الراحه بعمره ولا عاش الفرحه
خلَّص ايامه اعله حسينه امصاحب جرحه
مره ينوح الجبده الضامي وسحكت ظهره
مره أينوح السبي اعياله ومره الذبحه
جعفر الصادق لاخر ايام
يبجي الحبيبه الشابع اسهام
واويلاه ... واويلاه
......
ليلية اعله خده ناثر ادموعه
وروحه الموت ابو الاحرار مفجوعه
يومية ابنص داره الجده ناصب مأتم
حركة كلبه الذبح حسينه حرك أمخيم
شيًّب حاله الطف من زغره وكبًّر عمره
موضوعه اصبح ليل انهار البي يتكلم
مجلس حسين ابداره باقي
يقراه بالطور العراقي
واويلاه ... واويلاه
......
اه يحسين دوم ايردد السانه
شاعر صار والرادود عنوانه
اه يحسين واه يمصابه بحت صوته
والزينب ما فارك حزنه وهضمه الموته
صورة حبل الظالم كَيد جفهه وجرهه
هيه الهاي الهدت حيله وهدت قوته
القتل الهم جان عاده
بس سبي زينب موت زاده
واويلاه ... واويلاه
....
ليش اضلوع جدي بخيل سحكوهه
ما كفاهم اضلوع امه كسروهه
المثل حسين اتشيله الودام فوك الهامه
موش اطشر لحمه وحيل ادوس اعظامه
وبحر شمس العاشر يبقى ايام اتلاثه
ريت الطف لا صار ولا صارت ايامه
جا ما بقى جسمه رمية
ولا عل طشت ماتت رقيه
اويلاه.... اويلاه
......
كلما يشرب المي يذكر حسينه
عطشان انذبح ليش وغمض عينه
سامع كلشي بس ما سامع ذبحو ضامي
يحجيهه بدمعات اعيونه وكلبه الدامي
امصيبت جدي الما تشبهه كل مصيبه
هي الاخذت مني اسنيني وكل ايامي
السم احسبه سبب ثاني
حزني اعله جدي الموتاني
اويلاه .... اويلاه
......
كلمات
موسى الخادم
ياصاحب الثار ... طالت غيبتك
.....
يمتى نسمع قد ظهر مهديكم
الجنتم اتانونه وايتانيكم
وتسكت احلوك الي كالت عنك
مات من ذاك الزمن واليكم
يا صاحب الثار ... عايش غربتك
........
ساعه ساعه الجيتك تانينه
يمتى يا يوم الفرج مهدينه
ليل وانهار وصبح ندعيلك
سالم اترد لينه يا مهدينه
يا صاحب الثار ... ردنه صحبتك
......
يابو صالح يا جميل الصوره
نشكي الك غدر الزمان وجوره
يملي هاي الكاع قسط وعدلاُ
ماكو غيرك رايته منصوره
يا صاحب الثار .... لذنه بشيمتك
........
نعتذرلك سيدي امزعلينك
سوده كل أفعالنه الله يعينك
انت ظهرك منكسر عالعاشر
واحنه يوميه بسهم رامينك
يا صاحب الثار .... ناسك اذتك
....
من كلب مو من صدك ندعيلك
هذا واقع حالنه ونحجيلك
لو صدك جان الدعاء وخالص
جان نورك زاح ظلمت ليلك
يا صاحب الثار ... نادت شيعتك
.......
كلمات
✍ موسى الخادم
جعفريه ... هالاسم يغنينه
جعفريه ... هالشرف يكفينه
......
نحمدالله ونشكره الحد المنيه
جي جعلنه رافضيه جعفريه
جعفر الصادق فخر كل البريه
اتفاخرينه بأسمه صارلنه هوية
جعفرية ... نفخر اتسمينه
......
بجعفر الصادق ولينه اتفاخرينه
ما يهمنه اليشكل ويحجي علينه
انعم الله اعلينه بالصادق ولينه
لو نخلص العمر نشكر ما وفينه
جعفريه .... الناس ما تعنينه
......
مدرسة جعفر الصادق مدرستنه
علمتنه كل عباده علمتنه
ثابتين ابوجه ناس الحاربتنه
والولايه الحيدرية شرفتنه
جعفرية .... الراس ما طخينه
......
نعمه ما يحصل مثلهه النعمه هايه
نعمة اهل البيت جنه بالنهايه
امدللين اهواي احنه بالولايه
والي ما عنده ولايه ابلا هدايه
جعفرية .... حب علي اينجينه
.......
مذهب الصادق عظيم وما نبيعه
لو يملكونه المجرات الوسيعه
تبقى صيحتنه لحد الموت شيعه
واليعادينه نذله وما نطيعه
جعفرية ...محد ايلاوينه
.......
كلمات
✍ موسى الخادم
ماحاضر كربله… ولا سبّي العايلة
بس سامع من هله… اشجارو على حسين
……
ماحاضر بطف كربله…ولا شاف نبله حرمله…
ولا سبي الاعيال
حزنهه كثر من الزغر ..ميت قهر ﻻم الخدر .. الراحت عالجمال
من مولدة الحد موتته…يبجي اعله زينب عمته … الكيدوهة بحبال
راسم صور بالذاكرة … الراس الحسين ومنحره .. المنة الدمه سال
ما شاهد جف كمر
ولا رايه اعله النهر
والدمعة السايله… .. اشجارو على حسين
……
قصة عذاباته ابتدت ..من اول ايام اللفت ...
روحه اعله دنياه
ماضاكت اسنينه الفرح …من الزغر كلبه انجرح … بهمومة ويلاه
الباقر حجاله الي جره…اعله حسين من ظل عالثرة … تتناثر ادماه
من منحرة نازف دمة… واظلوعه كلهة امهشمة…
ما رحمته اعداه
الباقر ما خبّره
عن كسرت خاطره
وعن شمر وحرمله… .اشجارو على حسين
………
الصادق كظه سنينه قهر…اعله حسين مكطوع النحر ... حزنه وعذابه
ليلة يخلصه بالدمع …وانهارة ذايب كالشمع … شاب ابشبابه
نار 🔥 ابدليله اتوجرت… مثل الخيام الماطفت … زادت مصابه
كل ما يمر شهر الحزن… يذكر حسين ابلادفن…
ظل عل الترابه
طايح فوك الثره
دم نازف منحرة
تنظر له العايله… اشجارو على حسين
…
عايش وروحة ابكربله … يبجي بواجي الثاكله… خلص هالاعوام
ما لحضة فارك للحزن . .بدموعة غركان الجفن… جاباها الايام
مجلس عزائه منصب…ولحسين دمعاته تصب… ولحرك الاخيام
يتمنه جانت موتته… وية رقية عمته
بالغربه بالشام
وبحبال اهل الغدر
متكييد لليسر
ويبراله عاذله ... اشجارو على حسين
……
هالليلة ناس العادته… بالسم روتله جبدته …
بكاس المرارت
ماهمهم الصادق ولي …وجده الوصي حيدر علي … حاضر الشدات
بعروكهم يسري الحقد … بالدم سكو غصن الورد… وذبحو الضحكات
من السقيفة استلهمو… معنى الغدر واتعلمو…
للفتنه رايات…
ماهمهم حالته
من سمو جبدته
نسألهم أساله… .. اشجارو على حسين
……
كلمات
موسى الخادم
…
هاي الليله اتنوح الزهره ..
عالصادق خنكتها العبره ..
شاركها الهم..
صادقها أنسم..
وعليه مفجوعه ومتكدره
******
(١)
أم الأحزان المظلومه...بالصادق مفجوعه اليوم
بالصوت أتصيح اه يوليدي...ريت السم جبدك مسموم
من شفتك طايح تتلوى...حسيت أبضلعي المهشوم
يتلوى وياك وبسماره...لازال ايصب جرحه ادموم
وأنه وجدك..
نبجي الجبدك..
والشيعه اتنوح ومتحيره
*******
(٢)
كل يوم البين ايصوبها...هل زهره المهضومه صواب
لساع اتنوح اعله المحسن...لساع يألمها الباب
ولحيدر صدت مذهوله...من شافت راسه المنصاب
واليوم الصادق ذكرها...بالصابو نعشه ابنشاب
ذكرت جبده..
شلون ايمرده..
سم البحشاه مثل الجمره
******
(٣)
يوم الطف جانت موجوده ...تنظر لحسين ابلا راس
تنظر جثة روح الهادي...تنرض بالخيل وتنداس
تنظر زينب خويه تنادي...وتحشم وينه العباس
وين المتكفل بالمحمل ...كام اتفرهد بينه الناس
شافت مصرع..
حتى اليرضع..
شافت عبدالله ودم نحره
****
(٤)
هل زهره اشلون انصبرها...والبين اشكد بيها ايعيل
شيعتها احنه ومانتحمل...دمعتها المن دم اتسيل
هاي الليله اتودع كوكب...بالآهات وبالترتيل
هل كوكب صادق عترتها...نازل ينعاه جبرائيل
هذا الكوكب..
عنها اتغيب...
وتنوح اعليه أم العتره
****
(٥)
هل ليله الزهره اتناديكم...ياشيعة حيدر وتريد
يم كبر الصادق نحضرها...كبره ابذيج الغربه اوحيد
يمه السجاد ابهل غربه...والباقر حسراته أتزيد
يمه السبط الردو نعشه...عن جده ودفنوه ابعيد
محد يمه..
حس ابهضمه..
وين اللي ايواسيه ويصبره
******
الشاعر (كريم الدراجي)
مولاتي مولاتي مولاتي يفاطمه
........
يا لما ألج كَبه وصحن في هالزمان
وفقيني ازورج عن بعد من هالمكان
الف السلام أعليج يا بر الامان
روحي ... مشتاكه روحي ازورج اوية الرايه
روحي ... تتمنى الج كبه وصحن واقراية
روحي ... كل ليله تتعنه الج مشاية
تجي تجي .... روحي الج تجري الف عبره
تجي تجي ... اتنادي يافاطمه الزهره
تجي تجي ... ازيارتج بالدمع تقره
مولاتي مولاتي مولاتي يافاطمه
.......
عن حالي شحجيلج يزهره شرد اكول
ماعندي كلشي بدنيتي غير البتول
علمتني امي خدمتج ما ريد اطول
عايش ... بالدنية هاي الخدمتج مولاتي
عايش ... بين المجالس واللطم واهاتي
عايش ... جبت العمر اجري الج دمعاتي
الج الج ... عمري من زغري ضميته
الج الج ... حزني البكلبي خليته
الج الج ... دمع البعيني صبيته
مولاتي مولاتي مولاتي يفاطمه
.....
يافاطمه يم الحسن يايوم اجيج
رايد على كبرج اون دليني بيج
كل يوم اناجي المهدي يازهره عليج
وينه .... كبرج يزهره يا ملاذ سنيني
وينه ... الياوكت مخفي وما اشوفه بعيني
وينه ... بدموعي اسألج فاطمه دليني
متى متى .... تنبنيلج حضره يا فاطم
متى متى ... ادخل بهيئه الج لاطم
متى متى ... بالبقيع اصبح الج خادم
مولاتي مولاتي مولاتي يافاطمه
......
جبت العمر خادم الج كل هالسنين
ماعندي غير ابجي عليج وعل الحسين
وفقيني اموت واني اقرالج ونين
أمنيتي ... كون ابعزائج اقضي اخير ايامي
امنيتي ... امن المنبر ايشيلوني ميت ضامي
أمنيتي... وتشييعي بيد الخدم هاي احلامي
حلم حلم ... عمري يكضي بعزه الخدمه
حلم حلم ... بالكبر خادم اتسمه
حلم حلم ... الكه روحي اويه أبو اليمه
مولاتي مولاتي مولاتي يافاطمه
.......
اقسم عليج بجسم الحسين الحبيب
الظل عاري فوك الكاع مسلوب وتريب
وبزينب اخته المالهه بالطف مجيب
دمعي ... خلي نهر جاري السبي ابنياته
دمعي ... بلكي يطَّفي خيمه من خيماته
دمعي ... ما ريده ينشف عالظلع واهاته
يضل يضل .. دمعي حتى وانه بكبري
يضل يضل .. على حسين الدمع يجري
يضل يضل .. ذبحه من الكفه قهري
مولاتي مولاتي مولاتي يافاطمه
........
كلمات
موسى الخادم
يابو صالح ينهر الدمع
.....
ياجرح الاكثر يلجمك ... جرح السبي جرح النحر
لو سطرت اعيون ام حسن ... الخلتلك ادموعك حمر
حاجينه يمكضي العمر بالوعه
المن تون وناتك المسموعه
لا تخفي عنه اعليك كسر اظلوعه
ياابا عبدالله ... وناتك تشبه كل وناته
يا ابا عبدالله ... تحجيهه وتبجي اعله ابنياته
صوره بذهنك ذبحو ضحكاته
يابو صالح تون منفجع
.....
يالحزنك بكد الارض ... ودموعك بكد السمه
يا ليله تمرد جبدتك ... ليلة علي وي فاطمه
من غسلاهه المرتضى ابلا حيله
من شيعها الوَّحده بنص ليله
من نزلاهه للكبر تشكيله
شنهو الياذيك .... يالعايش احزانك من زغرك
شنهو الياذيك .... كسرة ظلع الزهره لو كسرك
الله ايعظم يامهدي اجرك
يابو صالح تنوح الظلع
......
يالكاظي عمرك بالقهر ... ياموقف اصعب منظره
طيحت حُسين امن المهر ..لو طبرته وحز منحره
لو فرت النسوان صوب الهيمه
من فوكهن حركو بنار الخيمه
لو من بقت زينب تفزع الغيمه
حاجينه مولاي .... ياموقف اكبر باك كول انفاسك
حاجينه مولاي .... سبي العقيله لو فكد عباسك
لو دم رضيع حسين شيب راسك
يابو صالح الك نستمع
......
ياديره ساكن سيدي ... ملينه من كثر النشد
بيتك قريب اعله ام حسن ... لو يم علي باب الحمد
لو بالخرابه البيهه كعدت زينب
حاجينه يالتاكل اهموم وتشرب
كل جمعه نجريلك دمعنه وننحب
يا صاحب الثار .... يومك تتاني فاطمه المظلومه
يا صاحب الثار .... وجدك حسين السلبوهه اهدمومه
والوادم المن شوفتك محرومه
يابو صالح يسيد الجمع
.......
كلمات
موسى الخادم
حضره الج تنبي ... وسط الصحن يم علي
متنورة بالذهب ... لاخر سمه تعتلي
يم البخت والفخر
هاي امنيات البشر
......
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن
كبر ام حسن يم علي ... من المدينه انتقل
الباري انطه الامر ... وجبريله جابه بعجل
عاجل يرد هالخبر
هاي امنيات البشر
.....
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف
زوار الج تعتني ... من كل بقاع الارض
ليل ونهار وصبح .... ما واحد اليعترض
هنياله كلمن حضر
هاي امنيات البشر
......
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته
خلص حياته بجي ... واليوم اجاه الفرح
بزيارتج يم حسن ... صدرة ودليله انشرح
طوك الهموم انكسر
هاي امنيات البشر
.....
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع
اعظم عزاء ينعقد ... بسمج يبنت النبي
والمستهل ينكتب ... لعنه اعله كل ناصبي
والقارئ المنتظر
هاي امنيات البشر
......
كلمات
موسى الخادم
https://youtu.be/ULyCfdgoCPs?si=E6yQpfYoBRze3aeF
Читать полностью…
الوداع ... الوداع ... يا علي يا ابا الحسن
.....
((((((((((((())))))))))
؛١
هايه ليلتنه الأخيره
باجر الحيره الجبيره
من تغمضهن عيونك
وتاخذك مني المنيه
ألبس اثياب اليتيمه
وداري يتحول لهيمه
تنذبح أحلامي بويه
ابدمعت اعيوني الجريه
اشلون اصبر يبويه ابموتك اشلون
ياهو البعدك يسد وحشة الكون
لا تمشي وتخلي ابنيتك ام عون
يتيمه اصيرن
وراك وأحيرن
الوداع ... الوداع .... يل جنتلي اجمل وطن
......
(((((((((((((((((()))))))))))))))))
؛؛٢
يا سندنه ويا حمانه
موتك ايوكع سمانه
الخاطر حسين التحبه
أجله ميعاد المصيبه
يالصعب مثلك وداعه
خل نعيد اوياك ساعه
ومن بعدهه امشي المنيتك
الديرة الزهره الحبيبه
وانه ابقى ادفن ابضحكات الاسنين
الماترجع بعد موتك يبو حسين
وين انطي الوجه من بعدك الوين
يبويه وغلاتك
أموت ابمماتك
الوداع ... الوداع .... تنحجي وادفع ثمن
......
((((((((((((((((()))))))))))))
؛؛؛٣
لو يصح أنطيك روحي
جا نطيتك يابو روحي
شلي بسنيني وحياتي
من بعد موتك يحيدر
بعدك اسنيني مناحه
تخلص ابلايه استراحه
والحزن يسكن جواري
والكَـلب نيرانه تسعر
كلشي البيه يوجعني اعله فركَـاك
بس هالليله يمي وباجر انعاك
ياريت انطبر هامي اني وياك
وداعك ضياعي
يكاره وداعي
الوداع ... الوداع .... يمي واعيوني عمن
.....
((((((((((((((((((())))))))))))))))))
؛؛؛؛٤
حاصل التشيع باجر
صدر ينداس بحوافر
وخيم محتركَـه ويتامه
تركض الصوب الشريعه
والخدر بحبال ينشد
وعلى نوكَـ الهزل يصعد
هاي كلهه اتصير باجر
اوداعت اجفوف الكَـطيعه
موتك يفتح ابواب السبي وشام
وطبت سوكَـ اميه الكله ظلام
وخرابه البيهه كلشي ايفزع النام
وحيده بغيابك
انوح المصابك
الوداع ... الوداع .... يعني أديني اتكَـطعن
/////////////////////////.......///////////////
✍️🏻 كلمات موسى الخادم
وكأني بالأوز تعترض خروج علي ع لأداء الصلاة في مسجد الكوفه
.....،،،،،،،،،،،،،.........،،،،،،..........،،،،،،،،،،
حيدر يضرغام .. جرحك اشد واعظم جرح .. حيدر يضرغام
والد للايتام ... مثلك بعد ياهو اليصح ... والد للايتام
.......<<<<<<<<<<<>>>>>>>>>>>>>>.....
؛١
لا تفجع ايتامك علي
الماعدهه غيرك معصوم
صلي صلاتك هالصبح
يم زينب وام كلثوم
سيف المرادي بالغدر
امتانيهه جيتك هاليوم
غير مسارات القدر
وفشَّل خطط هاي الكَـوم
لتفل الالثام .. حد ما تهد آخر صرح ... لتفل الالثام
والد للايتام ... مثلك بعد ياهو اليصح ... والد للأيتام
......<<<<<<<<>>>>>>>>>>>>>>
؛؛٢
ليلة قدر يابا الحسن
صح وتتانيك الناس
بس تعلم انت بطلعتك
منهه ترد مدمي الراس
لا تمشي للمسجد علي
الخاطر شبيهك عباس
لا تفجع اكَـلوب التحب
شوفك يسيد الأحِساس
من عينك اتنام .... ما يطلع الزينب صبح
من عينك اتنام
والد للايتام ... مثلك بعد ياهو اليصح ... والد للايتام
.......<<<<<<<<<<>>>>>>>>>>>>>
؛؛؛٣
بجناحي أعرضلك علي
وثوبك عرض ليهه الباب
مو صدفه هايه لا أبد
واقع يصير وتنصاب
ما بينك وبين الجرح
ساعه البقت يابو اتراب
الملعون ابن ملجم حضر
وعيونه صوب المحراب
وانت اعلم اشضام ... تحت الردآ سيف الذبح
وانت اعلم شضام
والد للايتام ... مثلك بعد ياهو اليصح ... والد للايتام
........<<<<<<<<<<<<>>>>>>>>>>>>
؛؛؛؛٤
ما ظل على عيد الفطر
يا حيدر اهواي ايام
موتك يخلَّف جم جرح
ما ينشفي وما يلتام
كل خطوه تمشيهه علي
من عمرك اتبوكَـ احلام
ياهو البعد موتك يجي
مثلك يباري الأيتام
تكَـضيهه الايام ... بعدك يتاماك بجرح .. تكَـضيهه الايام
والد للايتام ... مثلك بعد ياهو اليصح ... والد للايتام
.......<<<<<<<<<<<<<<<>>>>>>>>>>>>
✍️🏻 كلمات موسى الخادم
نزله ...
...
ياموطن اهل العشكَـ
يالكل حياتك صدكَـ
دلالي بسمك يدكَـ .
يا ابا الحسن يا علي
.........
◇◇◇◇◇◇◇◇◇◇◇◇◇◇◇◇◇◇◇◇◇
؛١
كل نبضه بيه ... تشهد عليه
اليوم المنيه .... حُبك هويه
من الزغر هويتك .... وسط الكَـلب لكَـيتك
سلطاني تَوِجيتك .... يا صاحب امنياتي
غذتني حبك امي .... ومجنونك اصبح أسمي
يشهد عليه دمي ... ترخص ألك حياتي
يا سر وجود البشر
يا أغله من النظر
لجلك حلالي السهر
انه وبنيني وهلي
يا ابا الحسن يا علي
.....
◇◇◇◇◇◇◇◇◇◇◇◇◇◇◇◇◇◇◇◇◇
؛؛٢..
ياعشكَـي الاول ... ياحضي الأجمل
يم عطفك اخجل .... مرضاتك اسأل
انت الهوه الاشمه .... وبروحي حيل اضمه
وجهك حلالي رسمه .... غيرك فلا حلالي
يا نعمة الله احبك .... من فدوه اروح الكَـلبك
يشهد عليه ربك ..... وياك اضل للتالي
العافك امامي هلك
هنياله من واصلك
ايماني راجع الك
من دونك اني شلي
يا ابا الحسن يا علي
......
◇◇◇◇◇◇◇◇◇◇◇◇◇◇◇◇◇◇◇◇◇
؛؛؛٣...
من عالم الذر .... بحروفك افخر
رواني كوثر .... ذكرك يحيدر
احجيهه من ضميري ... ما بدلك انت اميري
بالدنية ياجبيري ..... غيرك منو الينفعني
واليت الك امامي .... من هامتي لجدامي
وما أرجع ابكلامي .... والعاده الك يسمعني
لو ملكاني الأرض
والسمه ابطول وعرض
ما عوفه حبك فرض
غصبن على عاذلي
يا ابا الحسن يا علي
..........
◇◇◇◇◇◇◇◇◇◇◇◇◇◇◇◇◇◇◇◇◇
؛؛؛؛٤....
يا ترجُمَاني .... يمك أماني
من دونك اني .... مولاي اعاني
جن وانس يدرونك .. كلشي وَهم من دونك
بس انت صافي لونك .... صاحب شأن ماصاير
اشكر إلاهي الرازق.... بسمك جعلني ناطق
يمأيد امن الخالق ... كلمن يبغضك كافر
بيك الله باهه المله
وغيرك إله ما حله
الحبك ضمن منزله
بجنة الباري العلي
يا ابا الحسن يا علي
..........
◇◇◇◇◇◇◇◇◇◇◇........◇◇◇◇◇◇◇◇◇◇
✍️🏻 كلمات موسى الخادم
نزله :
....
بعتقادي … انت الاول والاخير
بعتقادي ...ما يصح مثلك امير
بعتقادي … حبك ايغير المصير
……… .
انت الاول ياعلي والرابع انت
الثاني والثالث الك دين بركبته
البايعو تحت السقيفة باع ذمته
راجعت تاريخة اسود خلهة سكته
يا خليفة… غيرك ايحامي الدخيل
يا خليفة… عندة ابن مثل الكفيل
يا خليفة… يطعم بجفة الفقير
…… .
الماترس كلبه عشك منك يحيدر
خل يراجع اصله يسأل امه يكدر
الماعلن تأيدة الك من عالم الذر
هذا مو طاهر حليبة هذا منكر
لمايحبك… خالف اوصيت الرسول
لمايحبك… شارك بكسر البتول
لمايحبك… ذمة ماعندة وضمير
… ..
شخص عادي مو سهل ياخذ مكانك
على الاقل مالك علم طه اباوانك
عقلك اليوزن بلد حير زمانك
يا امير ابحكمك و منطق لسانك
لا شبيهك … بالارض غيرك شبيه
لا شبيهك … يطعم السائل بديه
لا شبيهك … ملك نايم عالحصير
…… .
مرتبت ايمانك المحد وصلهة
تذكر افضالك على الامة بجملهة
خيبر وبدر وحنين انت فحلهة
لومة حملاتك علي ساخت بهلهة
ذو فقارك … شاهدك عالتضحيات
ذو فقارك… يروي قصتك للممات
ذو فقارك… عاش بجفوفك جبير
……
الفرهدو منك علي تاج 👑 الزعامة
كسرو بخاطر محمد واليتامة
ياعذر ينطون باجر بالقيامة
ويا ندامة التشفعلهم يا ندامة
ياعلينه… جرعوك اشكد مرار
ياعلينه… مارعو حرمة الجار
ياعلينه… الهم اجهنم مصير
……
ياعلي لوما وجودك مالي ديني
جان لسة الجاهلية تحتويني
احمد الله واشكره عليك بيقيني
ياملاذي بالشدد يا شوف عيني
بالشدايد… سامح الله لو اطيح
بالشدايد… ياعلي ادركني اصيح
بالشدايد… فقد بس بيك استجير
… ..
الحمدلله رب العالمين
اللهم صل على محمد وال محمد
موسى الخادم
رئيسيه
......
يا زينب اصبري امصيبتي اتهون
مصيبة كربله المتهون يم عون
منحر دامي وجفوف
باجر عينج اتشوف
مصيبة كربله المتهون يم عون
.......<<<<<<<<<<<<>>>>>>>>>>>>>>>
؛١.
بوية يا زينب ... نشفي دمعت عينج ويمي تعاي
بوية يا زينب..امصيبتي اهون بالمصيبه الي وراي
مصيبة كربله المحد سمع بيهه
هي اعظم مصيبه ابروحي تلكَـيهه
بيهه اشكم نحر مكَـطوع تاليهه
باجر كل هلج زينب تشوفين
يم شاطي الفرات اهناك ميتين
وانتي ابين الألوف
باجر عينج اتشوف
......
<<<<<<<<<<<<<<<<<<>>>>>>>>>>>>>
؛؛٢..
مصيبتي هينه .. انه بس راسي انطبر حد الجبين
مصيبتي هينه .. انه وين امصيبتي وحسين وين
حسين اعله الترب باجر يطشرونه
بحوافرهم يبويه وما تجمعونه
ونحره بثنعش طبره يطبرونه
انه عالأقل من امشي للموت
ما فكر ابدفنه ولا بتابوت
حسين اتشيعه الاسيوف
باجر عينج اتشوف
........
<<<<<<<<<<<<<<<>>>>>>>>>>>>>>>
؛؛؛٣...
شرد اسولفلج ..كلشي بالطف يختلف عل راح اكَـول
شرد اسولفلج ... عالذبح لو عالحركَـ لو عالخيول
يا زينب يبويه اهواي الاسوالف
وكَـبل الموت ما سولف الج حالف
اجت ساعتهه اسولفلج وانه خايف
أسولف عالعطش تردين والماي
لو عن الركاض اليتعِب اهواي
حافي بكًـاع الاطفوف
باجر عينج اتشوف
......
<<<<<<<<<<<<<<<<>>>>>>>>>>>>>>>
؛؛؛؛٤....
بويه ودعيني .. وديري بالج من حرك ذيج الخيام
بوية ودعيني .. وخل عينج على ارقيه وعل يتام
بالج لا يجويهه جمر باجر
بالج لا تشوف الساحكَـه الحافر
بالج بويه زينب من ظهر عاشر
بالج على روحج ما أوصيج
وبليل اهدعش أحضر اواسيج
وانه البنيته ميعوف
باجر عينج اتشوف
.......
<<<<<<<<<<<<<<____>>>>>>>>>>>>>
✍️🏻 كلمات موسى الخادم
الماشايف ضوه ... صرت انت ضواه
المخنوك الهوه ... صرت انت هواه
مولانه علي ... مولانه علي ... مولانه علي
. ..
انت اول انسان انكتب
بيد النبي لا مو عجب
مالك ثمن مثل الذهب
يابو تراب
بكبتك نعاين للذهب خادم صار
كنوز الارض كدامك اتصير احجار
الله جعل كلشي الك يابو حسين
مو بس فقط بالدنيه بالجنه ونار
يا ايه عشك .... رتلها الصباح
يا معنى الصدك ... يا درب الفلاح
مولانه علي ... مولانه علي ... مولانه علي
.......
سرك فلا واحد عرف
منك اخذ صيته الشرف
يم اسمك العالم وكف
يا بوحسين
ياقالع الباب الذي ما تنشال
يم معجزاتك وكفت الناس إجلال
كلشي ابحياتك جان موضع اعجاز
من مولدك بالكعبه حد بيت المال
يالخيرك شمل ... طير البسماء
عيشت السئل ... عيشت اغنياء
مولانه علي ... مولانه علي ... مولانه علي
......
اعظم رجل فوك الارض
بعد النبي حبك فرض
معلينه بلي يعترض
جاهل هاذ
انت علي المامثله بالكون اثين
دستور ثابت ينطبق عالدارين
آخره ودنية عالمك عالم خير
الماواله الك اعمه الكلب اعمه العين
دنيه واخره ... كلهه تلوذ بيك
يابو المفخره ...ربحو مشتريك
مولانه علي ... مولانه علي ... مولانه علي
.....
لو تنجمع جن وانس
لا شي امام اسمك تحس
يا ظلمه توصل للشمس
واقع حال
افضالك ابكد البحار السبعه
يشهدلك الدين واصوله وشرعه
شطرت ابن ود وحده من فضل هواي
نصين سويته وتشوفك ربعه
نصين انجسم ... ما لحك يموت
عيَّشته الوهم ... ما ظل عنده صوت
مولانه علي ... مولانه علي ... مولانه علي
.....
يالذكرك امن الله ذكر
نادي علياُ بيها سر
كل عسر تجعَّله يسر
سهله اعليك
نادي عليا مظهرا العجائب
تجدو عوناً لك في النوائب
كل هم نشوفه ينجلي من انصيح
بسمك يحيدر ياملاذ الخائب
بسمك ياعلي .. تنزاح الهموم
يانعم الولي ... ماهمنه اليلوم
مولانه علي ... مولانه علي ... مولانه علي
.....
موسى الخادم
مو هسه ميت من زمان
عالداسته اخيول الجثيره
مو هسه ميت من زمان
عالملمو جسمه بحصيره
........
مو هسه اخذني الموت اخذني صارله سنين
من يوم كالولي أنذبح عطشان الحسين
ما ظل عمر عندي بقت بس دمعت العين
ويومية ذابحني الشمر مو مره مرتين
عالبلعطش يابس لسان
اسنيني العمر صارت كصيره
مو هسه ميت من زمان
عالملمو جسمه بحصيره
.......
الميتله مثل حسين يبقى عايش اشلون
نوحو اعله جدي اعليه ما حاجه تنوحون
اتشيع اني حسين ما ظله اليشيعون
فوك الذبح دوس الحوافر باكت امتون
ودم منحره غطه المكان
واظلوعه يا وادم كسيره
مو هسه ميت من زمان
عالملمو جسمه بحصيره
........
عاشر محرم يا خلك شيبلي كل حال
من عندي اخذ روحي وتركني سارح البال
من عنده شنسه انه الحرك لو سبي الاعيال
لو عمتي زينب من خذوهه امكيده بحبال
ظل عمتي ما ينشاف جان
هاي العلي كلش جبيره
مو هسه ميت من زمان
عالملمو جسمه بحصيره
.....
ما حاضر المقتل لجن وصلتني الاخبار
سولفلي ابوي وكلي جدك طمه الأحجار
ومن كثر ما داست عليهه اخيول الاشرار
صدره اعله ظهره انطبك جدي وصار طشار
مارحمو ابسيد الجنان
الجانت الوادم تستشيره
مو هسه ميت من زمان
عالملمو جسمه بحصيره
......
عالاقل انه ابين ناسي اوماني اوحيد
بس جدي ما ظل عنده ناصر يا أجاويد
فوك الترب مطروح ظل امسبل الأيد
وعيونه تندار الخيامه الفزعته اتريد
حتى الزمن تاريخه خان
ما راعه حرمه ولا زغيره
مو هسه ميت من زمان
عالملمو جسمه بحصيره
.....
جعفر الصادق انه ما ذبوحني عطشان
ولا سلبو مني ثيابي وصرت عريان
ولا جسمي ظل ابكربله اموسد التربان
من غير تغسيل وجفن من غير دفان
ذبحو اويه حسين الامان
من سلبوه ذيج الظهيره
مو هسه ميت من زمان
عالملمو جسمه بحصيره
......
كلمات
✍ موسى الخادم
للصادق أليوم ... دمعتنه نجريهه
للصادق اليوم ... لطمتنه نهديهه
من الشرق من الغرب جينه احنه ننعاه
وانواسي ابنه الكاظم الضل محد اوياه
يومه شبيهه ابيوم عمه الحسن والله
من سممو جبده وبقى ابنه ينوح فركاه
للصادق أليوم .... العين نبجيهه
........
سيد الفقه سيد العلم سيد الكرامات
هاليوم بمصابه بجت ارض وسماوات
ودين الله صار اعليه ينوح وحتى الايات
وبالمكبره نصبت عزاهه اعليهه الأموات
للصادق أليوم .... يا شمعه نطفيهه
......
ناصب عزائه ابكل وكت جان اعله الحسين
والليل اليمره يخلصه بدمعت العين
الفاكد اعزازه اجروحه ما تشفيهه الاسنين
يوميه مو موته يموت ايموت مرتين
للصادق أليوم .... صيحه نعليهه
......
وين اليواسي عيلته بدمعات الاعيون
وين االيشيع اجنازته ويه اليشيعون
الميتله مثل الصادق ابعازت اليبجون
مو هينه يا ناس المصيبه اتهد الامتون
للصادق أليوم .... الاصدور ندميهه
......
نتنطر المهدي يجينه ابراية الثار
ويرد حقوق السلبوهه الناس الاشرار
ولصادق ايشيد صحن يوسع الخطار
وأربع مناير من ذهب ينظرهه من زار
للصادق أليوم .... الحضره نبنيهه
......
كلمات
✍ موسى الخادم
للصادق اليوم اعتنت فاطمه
بدمع المصيبه الجارية امحزمه
اتصيح اه يبني
امصابك افجعني
.......
من السمه نزلت تون ... من غمض اعيونه
بالكوه تمشي اعله الجدم ... ويه اليشعونه
مكسوره خاطر والضلع ... ماذيهه بمصابه
متألمه حيل الدفنته ... جن هيه مدفونه
يم كبره كعدت تبجي وي عيلته
اه يبني يالبسم متت نادته
يومك اَ لمني
امصابك افجعني
......
يم راسه كعدت تنتحب ... والدمعه تجريهه
وحتى الحمام البَّسمه ... ون وبجه اعليهه
خيمة عزاهه اعله النعش ... نصبت ابكل حركه
بالكلب نار اموجره .... رادت تطفيهه
نصبت عزاهه والضلع دم يصب
لطمت صدرهه وكعدت اعله الترب
وسولفت ذني
امصابك افجعني
.....
ادكله يوليدي الك ... جيت بحزن كلبي
ما ظلي حيل ابموتتك ... يشهد علي ربي
اكعد يسباح الكلب ... اكعد تلكاني
مصابك اخذ شوفي وصرت ... ما وجده دربي
اعليك السماوات العَّلا باكيه
مثل البحار البل أرض جاريه
يالرحت مني
امصابك افجعني
.....
اتناديه يمه ابيا ذنب .... سموك حاجيني
عادو علية اشجم جرح ... نازف امأذيني
كل يوم فاجعني الدهر .... بيكم يهل بيتي
واحد بسم واحد ذبح ... خلصكم ابنيني
بيه وبهل بيتي اشعمل هالدهر
كل يوم فاجعني بجبد وبنحر
دهري شيبني
امصابك افجعني
......
صيحتهه يالصادق الك ... جابتني ايامي
بعدك منو ايقيم العزه ... عالمنذبح الضامي
لمصابك اتون كربله .... يا صاحب الدمعه
كل يوم ذابحلي الشمر ... محبوب كدامي
يا جعفر الصادق الك دمعتي
ما تنشف ولا تنتهي عبرتي
ولا ينتهي وني
بمصابك افجعني
......
كلمات
موسى الخادم
قصائد الامام الصادق ع
Читать полностью…
يا جداه .... جروحي ما الهه شفه امن الناصبية
يا جداه .... تشبه اجروحك ابدوس الاعوجية
صدرك بحافر تدمه
وبالبقيع اكبور أئمه ..... هدموهه ... هدموهه
.....
ياجد يحسين ... بدموع العين
احجيلك قصة اَلأمي
ابطفك مجموع ... حافر واضلوع
ومنحر مكطوع ودامي
فجعوني جدي ابذبحتك ... واليوم هم فجعوني
اكبور الايمه الطاهره .... هدمو اكبال اعيوني
بين البقيع وكربله .... حاير صرت خلوني
ما انساه ..... يوم طاحت عالارض ذيج المناير
ما انساه ..... عايشه ابروحي مثل صورة العاشر
جسمك امطشرين لحمه
وبالبقيع اكبور أئمه
......
انه الموعود .... ايامي شهود
ما شفت بعمري الراحه
ماظلي احباب .... يوميه امصاب
مخلص ايامي انياحه
يوميه ذابحني شمر .... بمصابكم يحبابي
جبت العمر قهر بقهر ... مكتوبي الي بكتابي
ماعندي بيت الاكصده .... فوك الهضم ومصابي
ياهو انخاه .... من اطيحن بالشدد غيرك يجدي
ياهو انخاه ....ماكو واحد كلبه مثلك على المهدي
سري بس يمك اضمه
وبالبقيع اكبور أئمه .... هدموهه .... هدموهه
.....
لا عندي امجان .... لا عندي اخوان
اشكيلك حالي اوضعي
ياجد مكسور .... كلبي العاشور
محتاج اليمسح دمعي
مارحمت الدنيه ابد ... بية يعز من روحي
وحدي غريب ابلا اهل ... خلتني اني ونوحي
والهدمو كبر الحسن.... هدمو يجد اصروحي
اه واه ... لا صحن ضلتله لا ضلتله حضره
اه واه ... وي ترابات اللحد ساووه كبره
بس عطر ظل النشمه
وبالبقيع اكبور أئمه
........
عايش محتار ... وبكلبي النار
بعداي ارد اطفي ناري
كل يوم ايفوت .... يلفيني الموت
يا جدي اتأخر ثاري
كل يوم اليمرني بسنه ... كضيت هاي ايامي
الليل اخلصنه بجي .... والسهر باك احلامي
ثار الضلع ثار النحر ... ثار السبي كدامي
الحيل اذاه ... كلبي صوت ارقيه من اتصيح بابه
الحيل اذاه ... سبي عمتي زينب بذيج الخرابه
النه ما مسبية حرمه
وبالبقيع اكبور أئمه .... هدموهه ... هدموهه
.......
جيت ابلا روح... شبه المذبوح
يوم العاشر هد حيلي
كل يوم امصاب ... وطولت اغياب
ابتعجيل الثار ادعيلي
كلما اشوفن مقتلك ... بية تشب نيراني
حرك الخيم ركض الحرم .. خلتني اخاوي احزاني
وراسك الشالاه الرمح .... ابجي دمه خلاني
واويلاه .... الكطع منك منحرك كاطع حياتي
واويلاه.... والسلب عماتي سلب ذكرياتي
صور انظر هضمه هضمه
وبالبقيع اكبور أئمه .... هدموهه ... هدموهه
........
جرح الايتام ... واجروح الشام
اكبر جرحين البية
زينب لسوك ... جابوهه بنوك
هزل ويلي ومسبية
ديوانهم عمتي ادخلت ... هاي الي صعبه احجيهه
امكيديهه بحبال اليسر ... شمات تنظر ليهه
اجروحي من طف كربله ... ما واحد اليشفيهه
يا جداه ... لو رجع عمي ونظر حال العقيله
يا جداه ... جا محه الشام ابهلهه ورد عليله
لو يصح يكعد واكلمه
وبالبقيع اكبور أئمه .... هدموهه .... هدموهه
.......
كلمات
✍موسى الخادم
باجر نشيد للحسن
كبه ومنارات وصحن
والمهدي ويانه
........
باجر نشيد للحسن حضره
ما منهه تشهد فاطمه الزهره
يوسع ملايين البشر صحنه
كد كربله لا مو عجب كبره
بيبان صحنه اموزعه
طول الجهات الاربعه
تنضرهه عدوانه
........
باجر شعار الرافضه الهمه
كل الواحد البيهم رفق اسمه
مطوع بتشييد اهم مرقد
بسم الحسن سلطان كل نعمه
شيب وشباب ابكل فخر
تبني ضريح اعظم بشر
اويه الحجه مولانه
........
باجر مواكب عالدرب ننصب
وكل زاير انكله هلا امن يطب
سهر الليالي للحسن فدوه
منجازي ابو محمد اشما نحسب
خيراته ما تنعد ابد
كد الارض واكثر بعد
كل كرم سلطانه
........
باجر مشينه للحسن ايه
من كربله حد كبره مشايه
مثل اربعين احسينه انزوره
مو قله نطلع نطلع اهوايه
تتعنه مشايه الة
ناس العراق ابأكملة
بطيافه والوانه
.........
عامر مضيف الحسن للزاره
ما يوم سد بابه اعله خطاره
خيراته شبعت عالم الفقره
هاي الحقائق ذكرت اخباره
ادلاله ما يوم انطفت
للجاي والرايح كفت
تشهدله بيبانه
.......
ارض البقيع ابطلعت القائم
تنكلب جنه اتزورهه الوادم
انهار عذبه جاريه بيهه
باجر نشوف وما يضل لايم
ابدولة المهدي العادله
اتصير البقيع امدلله
هذا الخبر جانه
.......
كلمات
✍موسى الخادم
نبنيهه المراقد نبنيهه
.....
نفزع مثل فزعت حبيب وعابس
نبني البقيع ابلا تعب وابواهس
ويه الامام المنتظر .... نبني البقيع ابكل فخر
غيرتنه اخذنه امن الكمر .... وفايه
ميهمنه سهر ولا تعب...كل عدو من عدنه ارعب
لا مو عجب لا مو عجب .... وفايه
نشريهه المتاعب نشريهه
.......
منجامل الهدمو قبور اليمه
كلمتنه وحده وما نغير الكلمه
ثار النه وياهم يضل... حد ما يجي المهدي البطل
يوم الاجل يوم الاجل .... حل يومه
خيبر نعيد ابطلعته .... اجنوده ونرف ابرايته
وبعز تلمنه خيمته .... حل يومه
نكضيهه الملاحم نكضيهه
.......
كل حضره نبنيهه ابكبر كاع الطف
وكل مرقد اتحيطه المناير كالجف
ومن الجهات الاربعه .... اصحون الايمه اموزعه
ابرايات خضر امبركعه ...كالحضره
المحروك دمهم عالخيم
بيديهم ايرف العلم ... منظر يسر اهل الشيم ...كالحضره
نحيهه الشعائر نحيهه
........
باجر مراقدنه ابفخر نبنيهه
كل كبه توصل للسمه انخليهه
كبة ذهب لام الكمر .... وام الحسين ام الفخر
وللحسن سلطان البشر ... والباقر
والعلي السجاد الشهم ... كبة ذهب علو النجم
وللصادق الكله عزم ... والباقر
نوفيهه الايمه نوفيهه
.......
أسعود وآل أسعود خل تسمعنه
رهن الاشاره ننتظر مرجعنه
ننتظر مهدينه الابي .... القائد الفذ الطالبي
ناخذ اوياه ثار السبي .... وحسينه
خطينه بالدم العهد .... للحجه ما نخلف وعد
واعلينه اخو زينب شهد ... وحسينه
نمحيهه النواصب نمحيهه
.......
كلمات
✍ موسى الخادم
قصائد هدم قبور أئمة البقيع ع
Читать полностью…
ياعلي ... ياعلي يا حامي الحمه ....
ياعلي ... ودع الارض رد للسمه ....
فاطمه الزهرة تنتظر
جيتك على حر الجمر
حان اللقاء اشتنتظر .... يا علي
.......
حانت منيتك ياعلي .... منك كرب حيل الاجل
ياابن عم المصطفى .... ودع يتاماك ابعجل
مشتاقه الك اهل السمه ...كد دمعك العل خد نزل
صيحات المفارك محب ... صارت بعد ما تُحتمل
ياعلي ... امتنايك طه المصطفى
ياعلي ... روحه اعله شوفك لاهفه
عجل بعد مابي صبر
حان اللقاء اشتنظر .
ياعلي
......
منتظره جيتك يا علي .... انفاس روحك وفاطمه
كل يوم اليمرهه بسنه ... جانت تكل لهل السمه
اشتاكت التسبيحك علي ... والشوفك اليروي الضمه
اشتاكت تصلي اجم فرض .. خلفك يحماي الحمه
ياعلي ... خلصت حياتك بالارض
ياعلي ... وي فاطمه صلي الفرض
منتظرك اذان الفجر
حان اللقاء اشتنتظر
ياعلي
.....
صيحات جبريل اعتلت ... قم ياعلي ادي الفرض
ساعات ظلتلك بعد .... واتشيل عن هاي الارض
يالعابد اكظيت العمر .... والحق الاهك تنتفض
سمعا وطاعه نعرفك .... عالموت ابد ما تعترض
ياعلي ... مشكور ابد ما قصرت
ياعلي ... للدين روحك قربت
لسلامك انطيت اشكتر
حان اللقاء اشتنتظر
.......
يالطلكتها دنيتك ....كلتلها غيرك خل تغر
بالرحه تطحن ياعلي .... خبزت شعيك تنذكر
اول امير ابلا حرس .... اول امير ابلا قصر
تاريخك الحافل يظل ... ما ينتهي اوياك بكبر
ياعلي ... يالخلصت عمرك تون
ياعلي ... ميموت طاريك ابدفن
تشهد الك غزوت بدر
حان اللقاء اشتنظر
ياعلي
.....
اهل الجنان الجيتك .... متزينه بثوب العشك
والجنه من كثر الفرح .... ياعلي رادت تختنك
كلشي اعله حبك منفطم.. يا رحمة الله المن صدك
كلمن ظلم حقك غدا ... بالحاطمه ايظل محترك
ياعلي .... يا كلمت الحق الصدك
ياعلي .... بالنار خصمك يحترك
مظلوم باجر تنذكر
حان اللقاء اشتنتظر
ياعلي
......
الحمدالله رب العالمين
اللهم صل على محمد وال محمد
موسى الخادم
يا ضواي ... يا حبيب
عن سماي ... لا تغيب
بعدك منو الكَـلبي ونزيف اجروحه
اشلون اليفاركَـ مثلك اتضل روحه
.....\\\\\\\\\\\\\\\\\\\\\\\\\\\\\\\\
؛١
يأجمل .. يأكمل ... أبو انشاف .... وشوف بعيني
فلا راح ... يجي ارتاح .... أبد يوم ... اعله مر اسنيني
ليك انه احن واشتاك ما احمل الفركَـه
عاشور أقيم اعليك بي خيمه محتركه
ولبس الثياب السود كل عمري مابدله
الميتلهه مثلك عود هم تفرح ممصدكه
يا امان .... يا رقيب
عن سماي ... لا تغيب
بعدك منو الكَـلبي ونزيف اجروحه
اشلون اليفارك مثلك اتضل روحه
/////////////////////////////////////////////
؛؛٢
يبو الخير ...مثل طير ..عفتني ... كسيره اجناحي
يمحبوب .... بالغروب .... إلك راح ... ازيد انياحي
كل ما يمرني اغروب راح افرش اصورَّك
اومن يعتنيني الليل بدموعي اجي الكَـبرك
وسهر الليالي اعليك من هسه حضرته
بعدك شلي بالنوم يالعمري من عمرك
امساهره .... للمشيب
عن سماي ... لا تغيب
بعدك منو الكَـلبي ونزيف اجروحه
اشلون اليفارك مثلك اتضل روحه
/////////////////////////////////////////////////
؛؛؛٣
يغالي ... ودلالي ... أحسبه .. انتهى واعيونك
بالادموع ..والاشموع ... اخلصه .. العمر من دونك
بعدك ينور العين يا دنيه تحلالي
موتك اخذ وياه افراحي وامالي
وموت الخذاك اعليك ما ينكَـطع نوحي
لاخر نفسك انعاك وادموعي تبرالي
ما اعوف ...النحيب
عن سماي ... لا تغيب
بعدك منو الكَـلبي ونزيف اجروحه
اشلون اليفارك مثلك اتضل روحه
//////////////////////////////////////////
؛؛؛؛٤
بلياك ... منو اهناك .... يجيني ... منو اليبرالي
بلا اخوان ... بلا احنان ... اظلن ... وحيده الحالي
بين الخيم والنار وايتامي المطشره
العاشر اخلصه اهناك عثره بأثر عثره
ابلا فازع وحاجوز وحدي أظل بويه
وحسين اشوف الخيل تدبج على صدره
عالرمال ... خد تريب
عن سماي ... لا تغيب
بعدك منو الكَـلبي ونزيف اجروحه
اشلون اليفارك مثلك اتضل روحه
/////////////////////////////
؛؛؛؛؛٥
على النوكَـ .. اطب سوكَـ .. وشماته ..
تحيط اكتاري
يرامون ... على ام عون .. حجاره ..
وتجيك اخباري
ادخل لعند ايزيد واخواني كَـدامي
بس روس اجو وياي والمنحر الدامي
مجتوفه بويه احبال وامتوني مدميه
هذا اليصير اوياي ويضيعن احلامي
ما ألي .. كل مجيب
عن سماي ... لا تغيب
بعدك منو الكَـلبي ونزيف اجروحه
اشلون اليفارك مثلك اتضل روحه
..........\\\\\\\\\\\\///////////////////.........
✍️🏻 كلمات موسى الخادم
القائد ... علي علي
الزاهد ... علي علي
العابد ... علي علي .... سيف الله
............(((((((((((((((()))))))))))))))))))
؛١
لو دورينه الدنيه كلهه مثله ما نلكَـه
بس واحد وأسمه علي حيدرنه النعشكَـه
خِسَر // كلمن بغض حيدر علي
خِسَر // من بايع الغيره ولي
خِسَر // واخرته نيران العلي
خِسَر // وبهمه باجر يبتلي
بس واحد .... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))
؛؛٢
ذكره عباده ويا عباده أل الله رايدهه
الماعدهه حيدر هايه أُمه كلشي ماعدهه
علي // هو الأساس الكل عمل
علي // أفعاله ما تنعد جُمل
علي // السابع سمه صيته وصل
علي // ما يحجي اذا قال فعل
الشاهد ... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))))))
؛؛؛؛٤....
صايم نهاره وليله قائم خلص ايامه
وعيونه ماتغمض لحد ما تغمض ايتامه
منو // مثله علي مثله منو
منو // التاريخه حافل بالكفو
منو // البرد اليتامه اصبح دفو
منو // بكَـده أخذ دور الأبو
الوالد ... علي علي
الزاهد ... علي علي
العابد ... علي علي ... سيفُ الله
........((((((((((((((((((()))))))))))))))))))
؛؛؛؛؛٥.....
فارس عظيم وبي تسولف ظلت الوادم
وكت المعارك ماكو غَيره ينطي امر حاسم
زلم // خالسهه جان بخزرته
زلم // ما كَـدرت اترد سطرته
زلم // موتهه كلهه بصولته
زلم // عاشت رعب من هيبته
الرائد .... علي علي
الزاهد ... علي علي
العابد ... علي علي ... سيفُ الله
....(((((((((((((((((((((())))))))))))))))))
؛؛؛؛؛؛٦......
تاريخه حافل بنتصاره ومدد يا حيدر
صفين تشهدله وبدر والخندق وخيبر
شِطَر // نصين ابن ود ابفخر
شِطَر // جم مرحب وبابه كِسَر
شِطَر // تاريخ المزيف ظهر
شِطَر // كل جاهيله وانتصر
الخالد ... علي علي
الزاهد ... علي علي
العابد ... علي علي ... سيفُ الله
.......(((((((((((((((((____))))))))))))))))))))))
✍️🏻 كلمات موسى الخادم
افتتاحيه
مات... مات ... حيدر علي
......
*__***
؛١.
انه الحسن محتاج اليواسيني
بهاي المصيبه الخذت باقي اسنيني
روحي عفتهه يم علي ضي عيني
ورديت اجر كَـوه النفس بونيني
حيل ... حيل .. ماظل ألي
مات ... مات ... حيدر علي
...
*__***
؛؛٢..
وينه اليواسيني يجي اعله افراكَـه
هسه دفنته وروحي اله مشتاكَـه
منه رجعت ابدمعتي الحراكَـه
واعرفت ما ممكن بعد نتلاكَـه
راح ... راح .. هيبة هلي
مات ... مات ... حيدر علي
....
*__***
؛؛؛٣...
شيعته بيدي للكَـبر هالساعه
بحزني الفتح للريح حبل اشراعه
صعبه المثل حيدر تضمه ابكَـاعه
بالكَـوه عفته انه ورضيت اوداعه
وين ... وين ... مثله ولي
مات ... مات ... حيدر علي
__
؛؛؛؛٤....
اتمنيت من عمري انطي أنه العمره
اتمنيت هذا كَـبري الي مو كَـبره
عاود عليه امصابه يوم الزهره
وظليت أجر حسراتي عشره بعشره
اه ... اه ... بعده شلي
مات ... مات ... حيدر علي
.....
__
؛؛؛؛؛٥.....
حقي امنونن والطم اعله الهامه
ما يرجع الداره علي وايامه
راح وتركني ابحيرتي اويه ايتامه
خلالي ليلي موحش وما نامه
نار ... نار .... في داخلي
مات ... مات ... حيدر علي
......
*_*
✍️🏻 كلمات موسى الخادم
ملك نومة عل الحصير
واكلته خبزة شعير
اي نعم هذا علي… اي نعم هذا علي
… …
اي نعم هذا علي الماغرته السلطة
العجزت الدنية ابحرام اتوكعة واتورطة
ملك يزرع بيدة جان اشعير والحنطة
لاحشم عندة وخدم لا جيش لا شرطة
اشكد عظيم أبمستحاه
ماتبع مرة الهواه
وي خشوعة مختلي
… ..
ملك بين الناس عايش عيشت الفقرة
ابساط ما يملك ابيته وتشهد الزهرة
ورع زاهد عابد الكرار من زغرة
بيدة بيت المال واكلة خبزة متكسرة
ما يصح مثلة محال
بالحقيقة و بالخيال
خلة يسمع عاذلي
… .
بيتة فاتح للفقير الاخرة ايامة
الناس نيام وعلي يفتر على ايتامة
بالسهر عمرة انكظة ليلة فلا نامة
جان مشغول الفكر بيتامة واسلامة
عاش والد للايتام… ينكتب هالخبر هام
يجي اول مايلي
… ..
مو مثل هاي الملوك المرتضى حيدر
مالبس قط الحرير ابعمرة واتبختر
ثوبة مركوع وجديد ايلبس القنبر
همة ماجان الرئاسة للي يتصور
علي ريس من زمان… كبل ميصيرون جان
قبل خلق الاولي
… ..
قصر ما يملك علي لا يمتلك ثروة
كظة عمرة ابيت طين امرافك اللبوة
اربع اسنين الحكم حيدر علي حلوه
خالية من كل فقير وسائل وجدوة
كل فقير ابعصرة عاش ..ملك وايحومة الفراش
ذكرة ابد ما ينجلي
……
مايرد محتاج ابد حيدر علي بطبعة
ايعزب ابروحة لجل كل سائل بدمعة
ما يسد بابة علي ابلا عطلة لا جمعة
كل وكت حاضر أبحاجات الخلك يسعى
علي جانت راحتة… اوية الفقير وضحكته
حبة الهم ازلي
……
الحمدالله رب العالمين
اللهم صل على محمد وال محمد
موسى الخادم
قصيده رئيسيه
.....
أشرب الماء وعجل ... قبل أن يأتي الصباح
ابن ملجم نيته يقتل ... جاي مو لجل الفلاح
يا علي ... يا علي
..................////////////////////............
؛١.
هنه ساعات البقن ... العمرك الخلص محن
ياعلي يابا الحسن ... اشرب الماي
وترجع انته العيلتك ... سابح بدم هامتك
وتنظرلهه ابنيتك ... اشرب الماء
فوض امرك للجليل اوعهده عهدك
وادع أولادك علي البل دنيه عندك
ماكو يمك فاطمه امن تموت وحدك
ابدالي زينب ياعلي اتشيعك اللحدك
من بعد ظلعي التكسر ... خلَّصت عمرك نياح
اشرب الماء وعجل ... قبل أن يأتي الصباح
يا علي ... يا علي
..... ......../////////////////..........
؛؛٢..
ينطبر هامك غدر .. وانت سارح بالذكر
ما تتم فرض الفجر .... ويلي ويلاه
تهوه كلك عالأرض ... وحاير ايضل الفرض
بدمك الفوكَـ الأرض ... ويلي ويلاه
ويبقى محرابك ينوح ابهل مصيبه
وحسبه تبقى التاخذه وحسبه التجيبه
وجرحك ايضل نازف وغايب طبيبه
وتصبح الدنيه بعد موتك كئيبه
غيمة الاحزان تمطر ... والفرح تجليه رياح
اشرب الماء وعجل ... قبل أن يأتي الصباح
................////////////////..........
؛؛؛٣...
صوت جبريل الصبح .... راح ينعاك ابجرح
وابن ملجم ينفضح ... بين هالناس
ينزع اقناع الورع .... ويلبس اقناع الجشع
ويشهر اسيوف الطمع ... بين هالناس
انت عابد تمشي لله وهو كافر
بس وراك حسين ينداس بحوافر
من يضل وحده بلا عباس حاير
وزينب أتعبهه ركضت يوم عاشر
ما يضل عباس يمهه .... بس نحر شابح جراح
اشرب الماء وعجل ... قبل أن يأتي الصباح
يا علي .. ياعلي
......... ////////////////.............
؛؛؛؛٤....
شهر رمضان السنه .... ما تخلصه اويه الضنه
موعد الطبره دنه ... هنه يومين
وتنطوي صفحة وصي ... جان غالي اعله النبي
وتبتدي رحله سبي .... هنه يومين
بعد موتك يا علي يابو الشهامه
تلفي أيام السبي وتسبي اليتامه
وبمتن زينب سياط اظل علامه
وراس اخوهه اتشوفه مسلوب العمامه
هيه تطلع على الهزله ... وهوه يطلع عل الرماح
اشرب الماء وعجل ... قبل أن يأتي الصباح
ياعلي ... ياعلي
............///////////////................
✍️🏻 كلمات موسى الخادم
أشلون انشال نعشك ياعلي شلون
المثلك ما تشيله اجفوف وامتون
.....
ياهو جان يصدك اتموت
ويضم جسمك ويلي تابوت
مو بالحساب
انت حيدر قالع الباب
اشلون راسك غدر ينصاب
مو بالحساب
الصوب هامتك ملعون ملعون
اشلون انشال نعشك يا علي اشلون
.........
اشلون ناسك فرَّطت بيك
وانت ربك راضي أعليك
ماكو تفسير
المثلك أيسووله تمثال
موش بالتابوت ينشال
ماكو تفسير
ثاني اعظم رجل بالدنيه يدرون
اشلون انشال نعشك يا علي اشلون
.......
يوم ما بالقضه صليت
بيدك انت الشمس رديت
يا ابو تراب
ياهو مثلك وكَّل الطير
وبدولته امطشر الخير
يا ابو اتراب
حتى اعداك بفعالك يشهدون
اشلون انشال نعشك يا علي اشلون
......
جرحك أكبر كل الاجروح
راسك أمن الهامه مفتوح
ياحمه الجار
وين رايح يابو الاسلام
ياهو بعدك يرعى الايتام
ياحمه الجار
تبجي اعليك ليل انهار الاعيون
اشلون انشال نعشك يا علي اشلون
......
انت قُرآن السماوات
صعبه تنعد من الأموات
زينب اتشوف
دنيه ما بيهه انت شتفيد
شهر رمضانك بلا عيد
زينب اتشوف
اهلال العيد بعدك صار مدفون
اشلون انشال نعشك يا علي اشلون
.........
كل نهر بالكون روّاي
بعد عينك يعطش اهواي
مثل الاحسين
الدار بعدك وحشه وانياح
اتيتمت من راح الاصلاح
مثل الاحسين
المالمه نعش لا شالته امتون
اشلون انشال نعشك يا علي اشلون
.......
كلمات
✍ موسى الخادم