963
قصائد مع الحانها لخادمكم موسئ الخادم
اليوم ميلاد … حبيبي الغالي
اليوم ميلاد …. نبض دلالي
اليوم ميلاد … ربيع امالي
حسين حسين… حسين حسين… حسين حسين
🌷🌷🌷🌷🌷🌷🌷🌷🌷🌷🌷🌷🌷
… ..
١؛🌷
بالجنان انقام محفل والجليل ايقوده
والملائك بيه حضرت رددت انشوده
ابمولد حسين الفخر
مالك وفطرس حضر
يبارك الليله ويهني حيدره بمولوده
كل ملك صار … يرف بجناحه
كل ملك صار … تفضحه افراحه
كل ملك صار … يحس بالراحه
حسين حسين… . حسين حسين… حسين حسين
… ..----------------
٢؛؛🌷🌷
اليوم من سابع سمه جبريل رف اجناحه
ونزل لحسين ابو اليمه ايهزله مهده ابراحه
بهلفت العاشكَـ نزل
قَبل حسين ابخجل
وصاح جبريل انه خادم صيحته بفراحه
صاح جبريل … أميري حسيني
صاح جبريل …. فخر يكفيني
صاح جبريل … اخدمه بعيني
حسين حسين… . حسين حسين… . حسين حسين
… ..----------------
٣؛؛؛🌷🌷🌷
كل نبي مرسل حضر يم الحبيب حسينه
شايل اوياه كل فرح شايل ورود الزينه
ليلة ماليهه الفرح
كل محب كلبه انشرح
كل محب لحسين حاضر فرح بان بعينه
عاشكَـ حسين … ترف دلاله
عاشكَـ حسين … ألف هنياله
عاشكَـ حسين … جبيره افعاله
حسين حسين… . حسين حسين… .. حسين حسين
…… .-----------
٤؛؛؛؛🌷🌷🌷🌷
استبشر الكون بعظمته بمولد حسين الولي
نوره شع برض الرساله وبسمة الباري العلي
وجه اشبه بالشمس
ابعين ربنه منحرس
امن الحسد محروس ب الله شبل والينه علي
أجمل إنسان … تسولف ناسه
أجمل إنسان … عظيمه انفاسه
أجمل إنسان … شهد عباسه
حسين حسين… . حسين حسين… .. حسين حسين
🌷🌷🌷🌷🌷🌷🌷🌷🌷🌷🌷🌷🌷🌷
الحمدلله رب العالمين
اللهم صل على محمد وآل محمد
✍️🏻 كلمات موسى الخادم
متباركين بولادة الأقمار المنيره
Читать полностью…
يا غريب يا مسموم
::::::::::::::::::؛؛؛؛؛؛؛؛؛؛؛؛؛::::::::::::::::::
١؛::::::::::::
للكاظم مشايه اعتنيت
ولبابه ابلا موعد اجيت
خطواتي تسبكَـني لكيت
لبو طلبه انه ودموعي التصب
جيت ازوره اعله الجدم واطوي الدرب
القاضي الحاجات
يم بابه ... انه اعتنيت اليوم
يم بابه ... صيحاتي يا مسموم
يم بابه ... اجري الدموع ادموم
يم بابه ... روحي حزينه اتحوم
صيحاتي ... غريب غريب
حزني ما ينقاس . يشهد العباس . شيبالي الراس
يبقى يوم امصابه حزني الدائم
يا غريب يا مسموم
################
٢؛؛؛::::::::::::::
للحضره وداني الحنين
والكَـبره طبيت ابونين
مو دمعه ابجيله انه عين
عمره خلص بالسجون المظلمه
شمس ما شافت اعيونه ولا سمه
مأسات مأسات
كَـضاهه .... وسط السجن يا ناس
كَـضاهه .... حد اخر الأنفاس
كَـضاهه .... يبجي الفكَـد عباس
كَـضاهه .... بنوح اليشيب الراس
واويلاه .... وحيد وحيد
ماكو يمه احباب . عيشو بمصاب . وسدو اعليه باب
شمس ما تدخل أله ولا وادم
#################
٣؛؛؛:::::::::::::::::::::
بمصابه أعلنت الحداد
واثيابي اتغطت بالسواد
عالكاظم عزيت الجواد
ليلة امصابه مليئه بالدمع
وانه روحي بصحنه عالكَـهه شمع
واجريله دمعات
دمعاتي ... لمصابه تجري ابحور
دمعاتي .... فوكَـ الخدود اتفور
دمعاتي ... تشبه حزن عاشور
دمعاتي ....بثوابه كل ما زور
بمصابه ... اجيه اجيه
لاطم اعله العين . تشهد الجفين . اي وحق حسين
ما يهمني اللايم اومو لايم
#################
٤؛؛؛؛:::::::::::::::::
اويه المهدي شاركت العزاء
ما غايب حاضر بالبكاء
يم جده التبجيله السماء
المهدي من كربله جاي بدمعته
ايشيع اجنازت السمو جبدته
الوسط السجن مات
المهدي .... الجده الغريب اينوح
المهدي .... كل ما يجي ويروح
المهدي .... كله اعله جده اجروح
المهدي .... يم النعش مطروح
يبجيله .... دماء دماء
وحيل ما بي حيل . نعش جده يشيل .امصابه حكَـه اثكَـيل
ساعد الله اليوم كَـلب القائم
:::::::::::::::::::::؛؛؛؛؛؛؛؛؛؛؛؛؛؛؛؛؛؛؛؛::::::::::::::::::::
✍️🏻 كلمات موسى الخادم
مثل طلعت كَـمر ... طلعنه ابهل الشهر
مشي يتبع مشي .... على مد البصر
....................؛؛؛؛؛؛؛؛؛؛؛؛؛؛؛؛؛؛؛؛؛............
١؛__/
للكاظم اجينه .... مشايه اعتنينه
مشي يتبع مشي حفاي الاجدام
ممشانه بطريقه ... حيَّر هالخليقه
مثل ما حارت ابطلعتنه الايام
للكاظم ... مشايه .... كلنه ابهل شهر
والخطوه... النخطيهه ... مصورهه القدر
على طول الارض ..... مشينه الما يفض
ميمنعه الظرف ..... نجي انادي الفرض
........///////////////////////
٢؛؛__////////
اتعاب المسافه .... شفناهه خرافه
تعب ماكو ابطريق العمه عباس
دربه البي مشينه ... كل راحه لكَـينه
سفرته عامره وتستقبل الناس
كل موكب .... ندخلَّه .... يصيَّح ياهلا
كل زاير ... كَـاصدله .... بجوده امدلله
امام الرافضه ..... الكَـصدله يحفضه
بهله يستقبله .... وطلع مثله الرضا
.....////////////////////
٣؛؛؛///////////
ايام الزياره .... اتانيهه الغياره
مثل متاني كل أم جيت ابنهه
بس الله اليحبه .... أوطيب كَـلبه كَـلبه
يحب هاي الزياره الماكو منهه
هنياله ... اليتوفق ....يحضر كل سنه
للكاظم .... مشايه .... يُرزق جم ضنه
فلا خاب الكَـصد .... وطلب منه ولد
تره الكاظم سخي .... أليجي ما عمره رد
......////////////////////
٤؛؛؛؛////////
لرض الكاظميه .... اتعنينه المسيه
ترف اعله الجتف راية فخرنه
بعداد الجبيره ..... جينه ابهل ظهيره
الغريب انشيع بلطمت صدرنه
كل واحد ... من عدنه .... جايه بدمعته
يا ويلي ... صيحتنه .... مات ابغربته
طوينه احنه الدرب ... عليه مدمع نصب
بسجن عمره انكَـظه .... ابوضع كلش صعب
......////////////////
٥؛؛؛؛؛؛////////
كل خطوه خطينه ... للمهدي هدينه
ودعينه الله يعجل في ظهوره
عايش عمره غربه ... وما نندله دربه
غريب ابلا أهل محد يزوره
وي نوحه ... واجروحه ... المهدي مبتلي
وامصابه .... اعله الكاظم ... بي يعلم علي
وحيد ابدنيته .... كَـصد وي دمعته
ينوح اعله الكَـضه .... سجين بغربته
......................؛؛؛؛؛؛؛؛؛؛؛؛؛؛؛.......................
✍️🏻 كلمات موسى الخادم
هالليله أكثر من أمس
بالرايه غطينه الشمس
مشايه اجينه الموسى ابن جعفر
......................:::::::::::::::::::::::::................
١؛:::::/
كل يوم يزداد العدد كَد النجم
مد البحر زواره اجينه اعله الجدم
اليبغضنه ما نصحه يعدنه بدفتره
يا دفتر ايكفي اسامي هالخدم
كل لحضه .. وكل ساعه ... يزداد العدد
وصيحتنه ... اتظل وحده ... يا فاطم مدد
والعاده ألنه ماله حس
بالرايه غطينه الشمس
مشايه اجينه الموسى ابن جعفر
.................................
٢؛؛؛؛؛؛؛؛؛؛//////
واليعتقد يوم اليجي ايقل العدد
بي نمشي زاير حتى طفل البل مهد
اي نعم والبعده ابطن امه تره
من ينولد زاير لبو طلبه يٌعد
واتخيل ... ياسامع ...زواره اشكثر
للكاظم ... مشايه .. حد آخر عمر
غصبن على اخشوم الرجس
بالرايه غطينه الشمس
مشايه اجينه الموسى ابن جعفر
....................
٣؛؛؛:::::://///
ممشانه زلزال ونزل فوكَـ الأرض
غصت تراهه بينه بالطول وعرض
تزوير ما بيهه الزياره ام المشي
اعدادنه ابكَـد اليصلون الفرض
منبالغ .... لو كَـلنه ... أعداد الأجت
يم بابه ... ابهل ليله ... ومرضاته رجت
كَـد نهر بل مي انترس
بالرايه غطينه الشمس
مشايه اجينه الموسى ابن جعفر
...........................
٤؛؛؛؛::::////////
عدنه عقيده ثابته ونحجي بفخر
بدرب المشي اويانه الإمام المنتظر
حاشه يعوف ازيارة الكاظم حشه
من كربله براية ابو فاضل حضر
وكل موكب ... بي صله ... صلت دمعته
حد ما طب ... للحضره ... يحجي بغربته
بس شيعته بجيته تحس
بالرايه غطينه الشمس
مشايه اجينه الموسى ابن جعفر
........................؛؛؛؛؛؛؛؛؛؛؛؛؛؛؛؛؛؛؛؛؛؛................
✍️🏻 كلمات موسى الخادم
فوكَـ الجسر نعش الغريب
يمه حضر جَده السليب
وأمه الزجيه فاطمه
::::::###::::::؛؛؛؛؛؛؛؛؛؛؛؛؛::###:::::::::::::
١؛؛؛؛؛؛؛::::
الأرض الكاضميه اليوم .. تعنه حسين ابو اليمه
يشيع جثته المسموم .. هو وفاطمه أمه
شافه اعله الجسر مطروح ... وحده ولا أهل يمه
بحديد ايدينه متكَـيدات ... ونازف عالنعش دمه
ويلاه ... من شاهده حسين
ويلاه ... اعليه غوركَـ العين
وما بطل اعليهه النحيب
##################
٢؛؛؛؛؛؛::
راد ايشيل نعشه حسين .. وي ناس اليشيعونه
بس اتذكر المذبوح .. الحافر ساحكَـ امتونه
توجه اعله ام حسن ويلاه .. وسالت دمعت اعيونه
صاح اوليدي يا مسموم .. كَِـلي ابحالك اشلونه
جيتك ... من كربله بنوح
جيتك ... كَـوه اويه الاجروح
يَمه اجه ابشيبه الخضيب
##############
٣؛؛؛؛؛؛؛::::
سار اويه النعش بدموع .. كَـوه ايلاكَـف انفاسه
محني ظهره مثل اهلال .. كاسره ظهره عباسه
مره يكَـوم مره ايطيح ... الشالو عالرمح راسه
حزنه اعله الغريب المات ... اكبر كل حزن ناسه
حزنه .... ما ينوصف جان
حزنه .... للفاركَـ اخوان
لحزانه ما يوصل حبيب
################
٤؛؛؛؛:::::::::
تلاكَـه اعله الجسر الحسين .. ويه ابنه الرضا بدمعه
ضماه عالصدر بالنوح .. هوه وفاطمه البضعه
عظم أجرك اوليدي .. كَـله وناحت السبعه
صوره اعليهه ينعه الكون .. مو بس العرش ينعه
يمهه ... تتجاره الادموع
يمهه ... معلوكَـه الاشموع
منظرهه يا سامع رهيب
##################
٥؛؛؛؛؛؛:::::::::::
وصلو للمجان البي ... هسه قائمه الحضره
حفروله كَـبر وهنا .... بدت قصة الم كبرى
ياهو اينزل المسموم .... بيده الطاهره الكَـبره
هم حسين راد يكَـوم .. لجنهه اظلوعه متكسره
الضلعه ... مسحوكَـ بالخيل
الضلعه ... مكسور شيشيل
محتاج هوه الجم طبيب
؛؛؛؛؛؛؛؛؛؛؛؛؛؛؛؛؛؛؛؛؛؛،،،،،،،،،،،،،،،؛؛؛؛؛؛؛؛؛؛؛؛؛؛؛؛؛؛؛؛
#########################
✍️🏻 كلمات موسى الخادم
ويلي ويلاه ... الخلص اسنينه بسجن
ويلي ويلاه ... غمض اليوم الجفن
كلشي ينعاه ...وامصاباه
.....
اخيراً غمض اعيونه ... الكضه اسنينه بسجن ظالم
الشمس حرموه يشاهدهه ... مثل متشاهد الوادم
كضّه ايامه بضلمت سجنه
مارحمو حاله ولا حزنه
كل هذا وصابر عالصاير
وشوفت اهله أشكد اتمنه
ياغربته .... مات ما يمة هله
ياغربته .... اهواي تشبه كربله
واحسيناه .. وامصاباه
.........
مثل صبره صبر ما صح ...حياطين السجن شاهد
تحمل قسوة السجان ... الأبد ميحمله كل واحد
مأساته اتسولف مأساته
ما بيَّن حزنه ولوعاته
فوض امره الربه العالي
واعليه شهدت تسبيحاته
ليله قائم ... وصايم انهاره الولي
ليله قائم ... في مناجاة العلي
دمعه غطاه ... وامصاباه
.........
بحديد امكيد الوالي .... يبجي الحاله من شافه
جرح ايده وجرح رجله .... لحد موته فلا عافه
من كد نزف اجروح العنده
ذابل اصبح مثل الورده
كل هذا وما كفه الظلم
رد اعليه وسمم جبده
يا مصيبه .... البجت املاك السمه
يا مصيبه .... الشيبتهه فاطمه
محد اوياه ...وامصاباه
......
تسئله احبابه يا ساعه .. الفرج ويكلهم الجمعه
على جسر الرصافه احضر ... لجن ما خبرَّ بوضعه
ميت ما كلهم تلكوني
بالسم مغمضات اعيوني
ما حب يفجع كلب احبابه
بس كلهم صبرو أوتانوني
ماحجه الهم ... ينحمل جسمه بنعش
ماحجه الهم ... ايموت من كثر العطش
موته اخفاه ... وامصاباه
..........
انتهت قصة حياته بسم ... حسافه وغابت انواره
الشرع والدين والمذهب ... عليه دمعاته تتجاره
سادس بدر الحيدر غرب
بسجن الظالم حيل اتعذب
ابطاموره خلصهه اسنينه
ومنهه ظهره صار امحدب
على طوله .... تصعب اعليه وكفته
على طوله .... الله يدري بحالته
سجنه اذاه .... وامصاباه
......
كلمات
موسى الخادم
ادعيلي .. بهاي المسيه
يالماشي .. للكاظميه
.......
احملكم امانه ابدمعت اعيوني
يم باب المراد اهناكه اذكروني
انه الموت اخذني وأهلي عافوني
ومتعود جنت بمصابه امشيله
اجدامي ... تشهد اليه
يالماشي ... للكاظميه
......
من خطواتكم اهدولي جم خطوه
جنت امشيله حافي اعله الجدم يسوه
هسه انه انحرمت ازيارته الحلوه
صار الكبر بيتي ياهو اشكيله
بعيوني .... ادموعي جريه
يالماشي ... للكاظميه
.....
البابه لو وصلتو فدوه تدعولي
وبشباجه وصلت علك شدولي
وركعتين الزياره بصحنه تهدولي
ما ظلت انفاس العندي واحجيله
من كبري ... هاي الوصيه
يالماشي ... للكاظميه
.....
من عايش جنت اكصدله بالدمعه
على امصابه أون وألطم وأنعه
روحي هواي جانت لجله متوجعه
اتمنه أردن يمه لو ليله
بعدتني ... عنة المنيه
يالماشي ... للكاظميه
.....
جانت امنياتي الخدمته اتوفق
واتحقق مرادي الخدمته اتحقق
كلشي البية بسم الكاظم اتعلق
ليل انهار اسولف بيهه وابجيله
لمصابه .... عشت الرزيه
يالماشي ... للكاظميه
.......
خلصت وانتهت وياه مراسيلي
موش ابزعل لا بالموت ياويلي
صرت انهاري ما عرفنه من ليلي
انتهت قصة مراسيلي ومراسيله
فاركته .... غصبن عليه
يالماشي ... للكاظميه
.....
كلمات
موسى الخادم
الباب الحوائج كلنه مشايه
ويانه طلعت تهتف الرايه
لبيك لبيك ... يا موسى ابن جعفر
......
لبيك يا باب الحوائج صيحه تُسمع
لاخر نفس مشاية للمسموم نطلع
ما توكفنه المحن ..نعتنيله بالجفن ..هذا سلطان الزمن .. تحجي المنية
عالجدم نمشي اله ... مثل مشيت كربله ... خطوه خطوه مسجله ... للكاظمية
لبيك لبيك ... ياموسى ابن جعفر
......
بالراية نتعنه الضريحه نجري دمعه
وابونت ام حسين نكعد يمه ننعه
نلطم اعليه الصدر ... لاخر ايام العمر ... امصيبته اضل تنذكر ... موسى ابن جعفر
دمعة العين التصب ... يبقى اثرهه اعله الدرب ...
تنمحي كلش صعب .... بيهه الله يفخر
لبيك لبيك .... يا موسى ابن جعفر
......
شيب وشباب امحزمه الهاي الزياره
شي تلطم وشي تمشي حفاي المزاره
كل سنه ايزيد العدد .. اكثر واكثر بعد ... ابن جعفر جفه مد .... يستقبل الجاي
والمواكب عامره ... لليكصده امناطره ... تفدي كلشي الخاطره ... خادم كتب هاي
لبيك لبيك ... ياموسى ابن جعفر
.....
موسى ابنه جعفر شرّف ارض الكاظميه
وصارت محط أنضار كل الجعفرية
صار اسمهه الغالية ... كربلاء الثانية ... والمناره العالية ... صارت بالشهود
الهه كل شيعي انتمه ... بيها سلوة فاطمه والملائك بالسمه ... طافت بلورود
لبيك لبيك .. ياموسى ابن جعفر
.......
هارون وينه وملكه وينه ما نشوفه
بس كاظم الغيض الارض كلهه تطوفه
مو مئات ولا الف .... زحف مليوني الزحف
راية للكاظم ترف ... فوك المنارات
اللارشيد وسلطته ... انتهت وي موتته ... وموسى ذيجه قبتَّه ... منورة السماوات
لبيك لبيك ... يا موسى ابن جعفر
......
كلمات
موسى الخادم
ياموسى ابن جعفر ... يا أسد بغداد
.....
نحجي عن عقيده وعن صدق نية
يمك يابو طلبه الحاجه مكضية
ادلالك بالمضايف ماهن اشوية
يا سيد الأكارم والعزوبية
عامر ضل مضيفك .... ما نكر للزاد
.....
الله مخصصك لليوكع بحيره
يمك تنكضي الحاجات الاجبيره
ماخاب التمسك بيك يا غيره
خيرك بالكرم محد وصل خيره
كل حاتم نخلي .... كفتَّك تزداد
......
دكتور العلل كشفيتك الدمعه
جم واحد ابابك طاب من وجعه
المشلول ابحضرتك يمشي وي ربعه
تشهدلك سماوات العله السبعه
الزارك تشفه علته ... بيده تنطي امراد
....
ما خاب الكصدلك سارح بهمه
يمك تنجلي اهمومه يبو الهمه
مو بس هو كل زوارك اليمه
ياخذ حاجته الشاهد ابو اليمه
بابك ما سمعنه ... ليله زاير راد
.......
اليوم المرقدك هالجينه مشايه
بجاهك ندعي ربنه وبيك الاكفايه
يعجل النه طلعت صاحب الرايه
اعلينه المهدي طالت غيبته اهواية
يا يوم النشوفه .... وارث الامجاد
.......
كلمات
موسى الخادم
اكرام الميت يا هالعالم دفنه
جاليش اعله الجسر الكاظم شفنه
هالسؤال الكل يزيد
انوجه بصورت نشيد .. موسى ابن جعفر شهيد
......
الميت اكراما اله ... دفنته اتصير ابعجل
بعد ما غسله يتم ... تشيعه ناسه والاهل
ويلاه ... موسى عظمه امصيبته
ويلاه ... على الكاع اجنازته
ويلاه ... شمس ربنه غطته
موسى ابن جعفر
ماواحد حاضر من ناسه وربعه
كاسر خاطر هذا الكون بدمعه
نعشه مرمي اعله الجسر
اهل بيته ينتظر ... موسى ابن جعفر شهيد
.....
موسى ابن جعفر كظه ... عمرة بسجون الظلم
راحه ما شاهد ابد ... كل ليالية هضم
غريب ... خلّص اسنين العمر
غريب ... جرع كاس المر غدر
غريب ... لسه باقيله ذجر
موسى ابن جعفر
بسجون الظالم خلصت ايامه
شمس الله يشاهد جانت احلامه
عمة اعيونه الظلام ...على الرمله ينام ...
موسى ابن جعفر شهيد
.......
حال موسى يا خلك ... بجه حيطان السجن
ذابل ابعمر الورد .... كثر ما شايل حزن
سجين ... سجنه بمصابه انفجع
سجين ... للصبر منهج وضع
سجين ... صوت اذانه انسمع
موسى ابن جعفر
قائم ليله وصايم كظه انهاره
ودمعات اعيونه اعله الخد تجارة
ابد ما عاف الدعاء
ولا زيارت كربلاء ...موسى ابن جعفر شهيد
......
موسى ظل ابموقفه .... ثابت الاخر نفس
ما ركع للذل ابد ... سيفه بالظالم غرس
حسين ... موسى جسّد صورتة
حسين ... ذل يزيد أبثورته
حسين ... كلها شافت حوبته
موسى ابن جعفر
ذل هارون ابصبرة العالم شاهد
وحدة ومثل جيش بكبرة العابد
هد عروش الظالمين
بعزم عباس وحسين ... موسى ابن جعفر شهيد
......
وين هارون الامس ... وين موسى وشهرته
كبر ما ينزار اله .... وموسى هاي ازيارته
ضريح ... موسى متغطي بذهب
ضريح ... موسى من دنيا العجب
ضريح ... ينطي كل سائل جهب
موسى ابن جعفر
اتعادل اجر الدنية ازيارت موسى
تتعنى الوادم شباجه اتبوسه
العنده حاجه يعتنيه
ما يرد سائل يجيه ... موسى ابن جعفر شهيد
....
الحمد الله رب العالمين
اللهم صل على محمد وال محمد
موسى الخادم
من دنيتي شفت الويل بحزاني عايش دومي
يا موسى ابن جعفر جيت اشكيلك انه أهمومي
""""
يا صاحب السجدة الطويلة بليلك
كثرة الهموم الرافكتني اشكيلك
ما عندي غيرك يابو طلبة دخيلك
احجيلة همي بس الك احجيلك
الغيرك فلا اشكي الحال شفت بنهاري أنجومي
"""""
من دنيتي شفت العجايب ويلي
مالحظة مربية الفرح هد حيلي
ثوب الحزن من الصغر كافيلي
جبت العمر ساهر اون أبليلي
شحجي الك يامولاي ريح الحزن بهدومي
""""
جيتك يباب الحاجة دمعي بعيني
خاواني مولاي المرض شافيني
خادم حضرتك من زغر تدريني
ياموسى ابن جعفر فداك سنيني
كثر المرض يا مسموم غير معاني رسومي
""""
يم بابك الليلة اعتنيت وادري
كل حاجة يمك تنكظي يا ذخري
ضاكت علية الوسعة أشرح صدري
كثرة المصايب رافكتني بعمري
هليوم اجيتك عناي جفي اعلى بابك يومي
""""
ياموسى ابن جعفر يقاضي الحاجة
يمك لفيت ابحاجتي المحتاجة
هاك المس دموع النظر حراجة
بحر الحزن هاج وتشوف امواجة
وسط الكلب جمره اه ما تنطفي بمعلومي
""""""
حاجة انه عندي وانت أعلم بيهه
كل هالوكت عن الاحب خافيهه
واليوم أجيت ابحضرتك احجيهه
وادريهة يمك تنكظي ادريهه
تحضرني من ملك الموت ياخذهة روحي بيومي
"""""
الحمدلله رب العالمين
اللهم صل على محمد وال محمد
موسى الخادم .......
زاير الموسى أبن جعفر صفي كلبك وأعتنيه
وأطلب شماردت مــــنة مايردك تدري بـــيه
موسى مـــيرد الطلب
يمة يسهل كل صعب
زيارة مقبولة هنيأ يل التصب دمعك عليه
***
يالتمشي أعلة الجدم كاصد أمام الرافـــضة
أعلم الزهرة الزجية أوياك تمشي والرضة
يجري دمعة أعلة الغريب
واجب تواســـي بنحـــيب
خلي كل دكت كلب تصرخ عمت عيني عليه
زيارة مقبولة هنيأ يل التصب دمعك عليه
.......
أعلم أبكل خطوة تخطي الك مسجل أجـــر
لاتضيعة النعمة هاية وصون عينك بالنظر
خـل تسبيـحك رفــيق
بالذكر كظي الطريق
أستغفر الله بكل نفس وأتذكر اليصار بيه
زيارة مقبولة هنيأ يل التصب دمعك عليه
........
من ينادي الله أكــــبر أوكــف وأدي الصلاة
موسى كظة العمر راكع ساجد أبهاي الحياة
كون ناخذ هالعــبر
مثلة ما واحد صبر
موسى جبدة أبلا ذنب سمو يمن متعني ليه
زيارة مقبولة هنيأ يل التصب دمعك عليه
.......
أجنب الغيبة يزاير لا تضيع ازيارتك
وابتعد عن اليحاول يستغلـــهة طيبتك
رايح اتعـزي الامام
واجب تكون بصيام
فقط بس دموع عينك خله تحجي أبين أديه
زيارة مقبولة هنيأ يل التصب دمعك عليه
"""""""""""""
الحمدلله رب العالمين
اللهم صل على محمد وال محمد
موسى الخادم
الحمد الله رب العالمين
اللهم صل على محمد وال محمد
مــــوسى الخــــادم
بصوت الحزن """ ينعى السجن """" عالكاظم المسوم
؛؛؛؛؛؛؛
بصوت الحـــزن والاه """ ينعى الــسجن واللــه """ مـوسى أبن جعفر
غـــاب الامام أيصيح """ ودمـــوعة يمــة أطيح """ تاركهة مــــصدر
للـــــــرايد البرهان """ منهـــو الطــــبر قـــرأن """ وأيــــاتة طــشـــر
سيف الفتن """ أعلن محن """" عالينصر المظلوم
؛؛؛؛؛؛؛
عاش السجن مسجون """ بعد المحب مضمون """" صايرلة حزنة
حــــزنة العلى المسموم """ فـــوك البرية ايحوم """ يخبرهــة عــنة
وي سجــــدتة أعالكاع """ روحة أعتلت وبساع """ فـــاركني جنة
خلاني أون """ ليه وأحن """ من هاجر الهل يوم
؛؛؛؛؛؛؛؛
يـــذكر حبيبة الجان """ وقت الصلاة قرأن """ يتــــلو بشفاهـــــة
وبسجدتة اللوعات """ تسجدلة والحسرات """ تســـجد وراهـــــة
سم الغدر ياحيف "" ماراعة معنى الضيف """ مــــاراعة طـــــه
خلة الجفن """" لجلة يشن "" حملة دمع وهموم
؛؛؛؛؛؛؛؛؛؛؛
جرح السجن كل حين """ يبجي الحبيبة العين """ لأمو عجيبة
مـــن كـــبر الاذان "" صوت أعتـــلة بأحزان """ حـــن الحبيبة
بجروحة ينعى أعليهة "" وأحـزانة التـــواسيه """ صارت طبيبة
جرح السجن """ داوا حزن """ من فاركة المعصوم
‘‘‘‘‘‘‘‘‘‘‘
بحر الكرم سمـــوه """ ياوســـــفة ماراعوه """ باب الحــــوائج
ناح أعالبابة الـدين """ وأم الحسن وحسين """ جرحـــــة تعالج
والصبر شك الثوب """ من شاهد المحبوب """ تارك مناهــــج
نهج الوفة """ والمعرفة """ لليوم طبرة ايحوم
الحمد الله رب العالمين
اللهم صل على محمد وال محمد
موسى الخادم
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____________________
لمن يجد صعوبة بالحن اطلبه من
@moatmed1
سلام الله على الكظة بسجن عمرة
سلام الله على المحد وصل صبرة
سلام الله على الكاظم
"""""""
سلام الله على الصبرة ابـد ما صار
كظم غيضة مثل جــدة علي الكرار
ســر الله موسى وقــــــبلة الاحرار
للــــــذل ماركع تــتــــناقل الاخــبار
وسط سجنة ويهابة الظالم الطاغوت
شعارة الذلة لا هيهات ظل للموت
سلام الله على الكاظم
"""""""
سلام الله عــــلى الكاظــم حبيـب الله
ضل فوك الجسر مطــروح واويـلاه
مسموم الجبــــد والكيــد ظـــل يبراه
ماواحد وصل صبرة وعــرف معناه
سلام الله علية ما بالصحف أيات
بعدد دمع الموالي الشاهد اللوعات
سلام الله على الكاظم
…… .
سلام الله علـــية حـجت اله الــكــون
رغم كيد السلاسل موسى ذل هـارون
حرمـــوه الشمــس والشمس مايدرون
مــن نورة تشـــــع عالعـــلم المسجون
سلام الله علية من الجدم للراس
حامل كل صفات وكل وفة العباس
سلام الله على الكاظم
ســلام الله علـى راهب بنــي هاشــــم
جرع كاس المنية وموتة بـــي عـــالم
بجت حيطان سجنة أعلــيهه والـوادم
يشهــدلة سـجـودة الحــــير الظـــــالم
سلام الله على الســــجداتة مــا تنعد
وراث كل علوم المصطفى أحمد
سلام الله على الكاظم
الحمد الله رب العالمين
اللهم صل على محمد وال محمد
موســــى الخــــادم
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____________________
لمن يجد صعوبة بالحن اطلبه من
@moatmed1
اليوم كل الشيعة فرحانه
ميلاد شبل الوصي مولانة
عباس عباس… عباس عباس
… ..
اليوم ياشيعة علينة المفخره
مولد العباس سبع الكنطره
بالدرر والماس زينوهة الثره
وصفكت المولود سمعو ناكره
صوت الهلال سمعو عدوانه
… ..
اليوم ميلاد الكمر راعي الشيم
كافل الحرة العقيلة ام القيم
يعجز ابوصافه يكتب كل قلم
بحر من الجود بجفوفة انرسم
حامل لواء حسين مولانه
……
ابنورة حارت كل ملائكت السمة
والشمس كدامة صارت مظلمة
قل اعوذ ابصوت تقرة فاطمة
خافت اعليه ينحسد من مبسمة
نور البوجهه نور خوّانه
.. ..
يوسف الصديق اصبح منبهر
يم جمال الكافل احتار الفكر
جم زليخة ابابة عاشت تنتظر
شوفت العباس للناظر تسر
ابكثرة جمالة الناس حيرانه
……
انولد وي عباس كل معنى الوفه
والشهامة والكرم والعاطفه
مو سهل عباس واحد يوصفه
نسخة من حيدر علي بالمعرفه
غيرة وشجاعة وطيبة عنوانه
……
الحمدلله رب العالمين
اللهم صل على محمد وال محمد
موسى الخادم
قصيدة توسل بباب الحوائج ( لطلب الذريه )
كل طالب ذريه ... اتنخاك
مارديته انطيته ... ابيمناك
يا موسى ابن جعفر
...............::::::::::::؛؛؛؛؛؛؛؛؛::::::::..............
١؛/؛؛؛؛
ياموسى ابن جعفر يا أبو الغيره
وكَـفتك حاضره الكل طايح بحيره
ابو الشدات انته ابساعة الشده
وما معتاز اجاك الا وكثر خيره
كل متعسر ابحاله ... اتعناك
مارديته انطيته ... ابيمناك
//////////////////////////
٢؛/؛؛؛؛؛؛؛؛
بصحنك تنكَـظي كل حاجه متعسره
بساعتهه تفضهه اوداعت الزهره
مو أنه الحجيت التحجي افعالك
تكَـول ابابك الحاجات متيسره
تخلص ساعت يحجي.... وياك
مارديته انطيته ... ابيمناك
يا موسى ابن جعفر
/////////////////////////
٣؛/؛؛؛؛؛؛؛؛؛؛
قصص كثره عليك اتسولف الوادم
اليريد الخلفه خله ايروح للكاظم
يكض شباجه ويحلفه بستر عمته
ينطي مو ولد عشره وحق فاطم
يمه وتشعر ابنك ... ناداك
مارديته انطيته ... ابيمناك
يا موسى ابن جعفر
//////////////////////////////
٤؛/؛؛؛؛؛؛؛؛؛؛؛
اجيتك سيدي وجايب بدي دمعي
رايدلي ولد لمصيبتك ينعي
ما ردته يصير ابجاه لا سلطه
لا ردته يغير حالتي اوضعي
خادم ردته اوليدي ... ينعاك
مارديته انطيته ... ابيمناك
يا موسى ابن جعفر
//////////////////////
٥؛/؛؛؛؛؛؛؛؛؛؛
تعبت امن انتظار الخلفه تدريني
واجيت اشكيلك ابدمعات البعيني
صبر ما ظل بعد عندي وكُبر عمري
ومو صعبه عليك اولاد تنطيني
والكون ابكل شده... اتعناك
مارديته انطيته … ابيمناك
يا موسى ابن جعفر
......................؛؛؛؛؛؛؛؛؛؛؛....................
✍️🏻 كلمات موسى الخادم 🤲🏻
يا موسى بن جعفر يسيد الودام
امنيتي اصير أباب صحنك خادم
.....................؛؛؛؛؛؛؛؛؛؛؛؛؛؛؛؛.................
١؛//__
هيجي وتوفقني أكون بصحبتك
واوكَـف اعله الباب واخدم حضرتك
ياكبر حضه اليصير ابخدمتك
الخدمه يمك شرف مثل ازيارتك
خدامك ... تحسدهم املاك السمه
خدامك ... بعيون حماي الحمه
خدامك ... ترفع قدرهم فاطمه
اعليك امشي ام البنين وفاطم
امنيتي اصير اباب صحنك خادم
........................................
٢؛؛////__
أمنيتي اوكف سيدي ابابك عبد
موش ساعه العمر كله مستعد
روحي يم شباجك الطاهر اشد
علكَـ يل أسمك على الساني ورد
محبوبي .... خليني كناس الصحن
محبوبي .... امشي عليك ام الحسن
محبوبي .... خدمتك للتايه وطن
تايه تراني وجفي محد لازم
امنيتي اصير اباب صحنك خادم
........................................
٣؛؛؛؛/////__
خدمتك ياسيدي تسوه العمر
فدوه لاتحرمني منهه يا بدر
غايتي مو جاه مو سمعه وأجر
غايتي مرضاتك البيهه افتخر
وعيونك .... ما عندي غايه بخدمتي
وعيونك .... تقبلني خادم غايتي
وعيونك .... انت ملاذي ابدنيتي
بدلالي واحد ماكو غيرك راسم
امنيتي اصير اباب صحنك خادم
..........................................
٤؛؛؛؛//////__
يا ملاذ الحاير الماله وطن
احسبني واحد من حمامات الصحن
ماتٌقدر يمك الكَـعده بثمن
جنة الله البل الارض انته لأن
يم بابك ... حقهه الملائك تزدحم
يم بابك ... غير انت موسى والنعم
يم بابك ... كل القضايا تنحسم
باب الحوائج انته والكل عالم
امنيتي اصير اباب صحنك خادم
..........................
٥؛؛؛؛؛///////____
بحضرتك حتى الهوه ابمعنى الهوه
يشفي علت الما لكَـه العلته دوه
اي وحق القارعه والقل هوه
ما يخيب العلى شباجك هوه
بشباجك ... كلمن يعلكَـ حاجته
بشباجك ... كلمن حجاهه علته
بشباجك ... كلمن مسحهه دمعته
يرجع بلا علته ابشفاهه الباسم
امنيتي اصير اباب صحنك خادم
.........................؛؛؛؛؛؛؛؛؛؛؛؛؛؛؛؛.................
✍️🏻 كلمات موسى الخادم
القصيده على طور ... يا محله الوداع ابهل مسية ...
اليوم اتعنت ارض الكاظميه ... الحره الهاشميه
تشيع الكاظم ابدمعه جريه
..............؛؛؛؛؛؛؛؛؛؛؛؛؛.................
١؛////////////
من شام الغرب للسممو جبده ... جيتهه العقيله
كَـايدهه الحزن وامبين اعليهه... مفجوعه و عليله
نيران الخيم ما خلت ابزينب .. حيل البي تجيله
اجت تمشي وتعثر .... لعد موسى ابن جعفر
تتوجه اعله عكازه السبيه
.......////////////////////////...........
٢؛/////////
غريبه وللغريب اتعنت الليله ... بدموع الخضيبه
العبايه امتربه والونه مسموعه ... عالمات بنحيبه
وصلتله بهضم وبحاله متعوبه .. مصيبتهه مصيبه
نظرت ويلي حاله .... بغرب محد بجاله
غريب ابلا اهل وكت المنيه
................./////////////////...........
٣؛؛؛؛؛/////////
يم باب الحوائج موسى ابن جعفر .. ماهود بجيهه
شافت بالحديد امكَـيده اجفوفه.. واتذكرت سبيهه
عادت كربله اعليهه ومصيبتهه... والكَـيد البيديهه
السلاسل هيه هيه .... الكَـادتهه سبيه
امكَـيد بيهه امام الرافضيه
................/////////////////........
٤؛؛؛؛؛////////
مشت خلف الجنازه ابكسرت الخاطر ... بل ممشه اتِعَثر
على المات بسجن دمعتهه سجابه ... تصيح الله أكبر
السجن نفس الخرابه موحشه وضلمه ... ياموسى ابن جعفر
غريب اويه الغريبه ..... تلاكَـو بالمصيبه
على جسر الهضم بالكاظميه
..............////////////////////............
٥؛؛؛؛؛/////////////////
الله يساعد المهدي على جروحه... ماتنعد جثيره
يخلص من مصيبه ويبدي بمصيبه ... حيره ايامه حيره
روحه اشكَـالت ابساعت نظر عمته ... تنوح ابهل ظهيره
يم بدر الإمامه .... سلطان الكرامه
السمو جبدته بهاي المسيه
.....................؛؛؛؛؛؛؛؛؛؛؛؛؛؛؛؛؛؛؛...............
✍️🏻 كلمات موسى الخادم
شوط كربلائي
لو جار الزمان اعليك ... وصارت عيشيتك شده
اكصد موسى ابن جعفر ... واعرض حاجتك عنده
........
مايوم اعتناه طلاب ... حاجه ومنه رد خايب
موسى للحوائج باب ... العدو يشهدله والصاحب
مثل عدنه يكول العين ... ما تعله على الحاجب
يامن حالك اتعسر
اكصد موسى ابن جعفر
كلشي ابابه يتغير
تشهدله جموع الناس .... اليندبه بصعبه ميرده
.......
لا تتأخر ابممشاك ... يمه الحاجه مكضيه
مو وحده لونهه اتصير ... ابدل الوحده لو ميه
اقره الفاتحه تسهيل ... لأمرك واعقد النيه
موسى ما يعطلهه
كل صعبه يسهلهه
يحل المو سهل حلهه
عظيم وجاهه عند الله .... جبير البابه ميسده
........
كرامه الموسى ابن جعفر .... بحضرته الدعوه مسموعه
ما خاب الدخل بحماه ... يحل بسرعه موضوعه
قبل ما يوصل الداره ... قبل ما تنشف ادموعه
الكاظم ما يرد سائل
اعله خده مدمعه هامل
كفيل الما اله كافل
مثل عمه قمر هاشم ... الملائك لايذه بسده
......
عالارجال الكرم ينعد .. وموسى بالكرم ابدع
نهر خيره اعله زواره .... فايض كل وكت ينبع
حاتم بالكرم وصفوه .... وموسى للكرم مرجع
لا حاتم ولا غيره
يوصل منبع الغيره
مضيفه عامر بخيره
ابن جعفر حلات اسمه .... تربع عالعرش وحده
.........
سلام الله على الكاظم ... سلام الله على صبره
ايوب النبي من شاف ... صبره اتحيّر أبأمره
ما يتحمل اي انسان ... التحّمل سابع العتره
حيطان السجن تشهد
بي ظهر الصبر ينشد
ما يوصل مقامه احد
سره يصعب التفسير .... اعلوم ارض وسمه عنده
.........
بعصاه شك البحر موسى .. اعله فرعون ونهى امجاده
لجن راهب بني هاشم ... أبسجودة ذل شكو قاده
وكف مثل الجبل شامخ ... بوجه كل واحد اتماده
ذل بصبره عدوانه
بسجنه وهابه سجانه
وشاهد صار آلة إيمانه
هارون وعرش ملكه ... موسى بثورته هده
......
كلمات
موسى الخادم
الرضا الليله ... انهدم حيله ... اعله ابوه وما بطل نوحه
......
حضر يم النعش لكن ... يمشي اعله الجدم كوه
كلمن شافه يا سامع ... يناشد هوه مو هوه
خانكته عبرته يصيح ... راح الجان الي سلوه
الابو خيمه يفي البيت ... بعده البيت ما يسوه
يجر حسره ... الفكد عمره... وعليهه اعيونه مشبوحه
......
على جسر المصيبه اقبل... كعد يبجي اعله تابوته
يسولف وية جثمانه ... ممصدك خبر موته
مثل سعفه وتزهه الريح ... كل المنه ظل صوته
حكه الفارك احبابه ... يطيح وما تضل قوته
وجع كلبه ... بكبر تعبه .... يصير وتنقبض روحه
......
جروحه اتكاثرت شافه... بحديد امكيده أدينه
والدم من ركبته يصب ... ودموعه ناشفه بعينه
يصيح بصوت يابويه ... وعليه ما بطل اونينه
ابوه امعذبينه اهواي .... ابسجن خلصهن اسنينه
بظلام اصبح ... ضوه ما صح ... الشمس مشتاكه لصروحه
......
حمل نعشه على اجتافه .. مثل طير انكسر جنحه
الوجه اصفر ابو محمد ... من كد ما نزف جرحه
مصيبة والده وسمه ... سواده حولت صبحه
سيف الفركه ما يرحم ... هوه العجَّل بذبحه
مثل شمعه ... نزل دمعه ... مثل ما نزفت اجروحه
......
وينه اليعتني بدمعه .... يواسي اوليده بمصابه
الرضا ما يمه خوانه ... وحيد ادموعه سجابه
اليفكدله عزيز اتضل . . عينه تصد على بابه
يتاني من يصبرونه ... يتاني الجيَّت احبابه
منو يعينه ..على أونينه .. اللطم والونه مسموحه
.......
كلمات
موسى الخادم
ميمر مجنس
نور الحجج
سيد المهج
بابه انعرف باب الفرج
ما خاب ابد من ينخاه .... تقضه الحوائج بأمره
.......
موسى ابن جعفر مايسد بيبانه
كل حاجه يمه تنقضي مولانه
يشهدله شرع الله وشهد قرانه
يمه العسر
يصبح يسر
هذا الامر حق ينذكر
موسى ابن جعفر للناس ... نعمة عظيمه انذكره
.......
كلمن يطيح ابشده خل يمشيله
ما خيب ابيوم الاجاه يشكيله
ياخذ قضيته وبالعجل يدعيله
كلمن كصد
بابه حصد
امراده ويزيده بعد
كل زاير ايكصده ايشوف ... حاله تغير وأمره
........
ترتيبه صار ابقدرة الله السابع
منه الكرم ياخذ كرم يا سامع
فاتح مضيفه الجايع اومو جايع
نحجي علن
يمه هِون
كل الصفات البلحسن
نفس الكرم والأيثار ..... موطن ملاذ الفقره
.....
جم واحد ابواحد اتشافت علته
وسلوفهه للناس ابدمع سالفته
رب السماوات العله واسطته
دعواه تصل
ربه ابعجل
يمشي اعله رجله البي شلل
لا موعجب هذا ايصير .... موسى الله رافع قدرة
......
والطالب الذرية يتعناله
مو بس ولد ينطيه ولد تبراله
كثره القصص مكتوبه عن أفعاله
جم منهضم
جم منحرم
من الضنه ابحُجت عقم
ما فشلاه موسى انطاه .... مو ولد واحد عشره
......
لو مطرت الدنيه عليك بشرهه
واتكاثرت فوكك غصصهه ومرهه
اندب الكاظم شدتك يحضرهه
اخذ النصح
يالمنجرح
كلبك وصدرك ينشرح
من تدخل الحضره اتشوف ... كل حاجه الك متيسره
.......
كلمات
موسى الخادم
موسى بعصا شق البحر
وأصبح مثل كل البشر
بس انت امرك مختلف
العصَّاتك انصاع الدهر
.....
لو نجي انقارن سيدي اثنيناتكم شمس المله
اعجاز موسى بالبحر وإعجازك بكل مسأله
طول الدهر اسمك يضل مفتاح بيبان الفرج
ماكصد بابك منزعج الا ورجع راضي الهله
يم بابك الهم ينجلي
يابو الرضا ياب علي
الزارك يرد بطلبته
نعم الولي نعم الولي
.....
سر الله انت البل الارض سر الله يابن فاطمه
مو بس بحر ينشق الك تنشق الك حتى السمه
كل دعوه ما تنرد الك من كلبك الباب العرش
الماشافك بعينه شمس تخلص حياته مظلمه
موسى النبي يشهد الك
حجه اعله خلقه جاعلك
ينشق الك مو بس بحر
كلشي التريده ايصير الك
....
ياموسى ابن جعفر تضل انت الامان الشيعتك
يمك الخايف مطمئن كل الامان بحضرتك
يابو الرضا حبك فرض عالناس واملاك السمه
دين الله عند الله اليقر بولايتك ومحبتك
بولايتك كلمن يقر
فاز ونجه يوم الحشر
دين الله بيكم مكتمل
يهل العباده والذكر
......
ياحجة الله اعله البشر مايطب جنه اليبغضك
مو عاقل اليبغض الك هو انت ياهو ايعوضك
كلشي انخلق برض وسمه تحت امرك الله جاعله
هاي الحقيقه تنذكر يسمعها كلمن عارضك
ياموسى ابن جعفر تضل
للواكع ابشده الامل
ماعدنه غيرك سيدي
صيحتنه تبقى للأجل
......
هنياله كلمن صار الك خادم صدك خادم صدك
تتمنه املاك السمه عن خدمتك ما تفترك
اليخدم الك ساعه زمن عند الله هذا اعظم رزق
يا بلسم اجروح الكلب يا اول واخر عشك
يالخدمتك اعظم رزق
وزيارتك معنى العشق
ندعي الله كل صبح ومسه
عن منهجك ما نفترق
......
كلمات
موسى الخادم
هلا بيكم يزوار ... باب الحوائج ياهله
هلا بيكم يزوار ... الخطوه ابألف مسجله
هنيالكم ... هنيالكم ... هينالكم ... يزوار
....
ابشاره الكم يزوار الكظم غيضه
عليكم موسى ابن جعفر نشر فيضه
كل حاجه انقضت يمه ... عطاي المُراد اسمه
ثلث انعام من عزمه ...ميرد الكصد بابه
املاك السمه السبعه ... تشهدله الكرم طبعه
ميرد سائل بدمعه .... فاتح بابه لاحبابه
هنيالكم .... هنيالكم ... هنيالكم ... يالاحرار
......
دكتور العلل كشفيته لطمية
كل حاجه ابضريحه الساعه مكضيه
.. يمه تسهل الصعبه ...باب الحاجه عد ربه
مفتاح الفرج دربه .... سابع ولد ابو اليمه
خلص عمرة واسنينه... يبجي المقتل حسينه
ما نشفت دمع عينه ... سيد النوح صار اسمه
هنيالكم ... هنيالكم ... هنيالكم ... يالاكبار
....
ماواحد كصدله اورده متحير
ينطي امراد كل جبير وازغير
جم واحد نفذ صبره ... زار الكاظم بقهره ... حصل غايته الكبرى ... هواي القصص مروية
يشرح كل صدر حاير ... يشهد من لفاه زاير
ميرّد منكسر خاطر .... يمه الحاجه مكضية
هنيالكم ... هنيالكم ... هنيالكم ... يثوار
....
كلمن ضاك صدرة بحاجه كلوله
بصحن الكاظم الدعوات مقبوله
بصحنه الدعوه ما ترد .... اشما جان العدد تصعد
العرش الباري تتهجد ... اكرام الموسى ابن جعفر
تشهد صحبته وخصمه ..رحمه اعله الارض رحمه
سابع حجه للامه ... بي كل البشر تفخر
هنيالكم .... هنيالكم ... هنيالكم ... يلانصار
......
الحمدالله رب العالمين
اللهم صل على محمد وآل محمد
موسى الخادم
على افراكك تأذينة .... يموسى الكاظم ابجينة
بالجمعة تعاهدنة
نكلك عالوعد جينة
***
على الميعاد .. أنجمعنة أحنة .. على الميعاد
جسر بغداد ... روعنة .... جسر بغداد
نظرنة اعلى الجسر مرمي وحيد ابلا عشيرة
غريب ولا اهــل يمة تــدفنة واللـه حــــيرة
غريب بصوت نادينة .... يوالينة يوالينة
****
حزنة أعليك .... ما يخفه ... حزنة أعليك
عمر نفديك .... لا تغفه ....عمر نفديك
نظل مثل اليتامة أحنة ابرحيلك الله شاهد
نموت أمن القهر والهم فلا يرحمنة واحد
ألك مرسال ودينة ..... يوالينة يوالينة
******
الك نشتاك .... يلــوالي .... الك نشتاك
فـلا ننساك .... يلــغالي .... فــلا ننساك
عليك ابكل وكت ينعى الرضا ومحــد يلومة
فرش وسط الكلب كل هم حزين ايكظي يومة
كلنة بصوت نادينة .... يوالـــينة يوالـــينة
**
دموع العين .... هلينة .... دموع العين
نشوفك وين ... نادينة ... نشوفك وين
لبس كــل شيعي ثوب الهم يـــوالينة بغــيابك
صعب ما ينحمل فكدك صعب طاري غيابك
بحزنة الراس شدينة .... يوالـــينة يوالـــــينة
****
نصيح بصوت .... تسمعنة .... نصيح بصوت
يضل للموت .... مدمعنة .... يضل للموت
الك نكصد نزور و ما ترجعنة المنية
قسم نقسم الك بالدم يبن حامي الحمية
يبو طــلبه يغاليــنة ..... يوالــينة يوالـــينة
*******
الحمدلله رب العالمين
اللهم صل على محمد وال محمد
موسى الخادم
موسى يا سابع أمير
عالجدم جيتك أسير
……
للزيارة وجهت خطواتي
فوك خدي لاطمة دمعاتي
يبن جعفر يابدر
ماردت منك اجر
عني ترضة هاي كل غاياتي
راجي عطفك يا جبير… .
… ..
جيت اواسيك ابدموع اعيوني
سيدي كبلك عسن سموني
بالسجن عمرك كضة
تبجي الك عين الرضا
نعشك الطاهر تشيلة أمتوني
هل الحلم عشته زغير
… ..
جيت ازورك سيدي مشاية
بيدي شايل دمعتي والراية
اه يا مسموم اصيح
نوبة اكوم ونوبة اطيح
امصيبتك مو هينة عالوفاية
الهة يبجي أهل الضمير
… ..
روحي متعودة تشم اعتابك
توكف وتقرة الزيارة ابابك
عودتهة من زمن
خاشعة اطب للصحن
بالخصوص ابيوم هذا امصابك
ابابك اوكف أستجير
……
انت باب الله الوسيعة العالي
ما ترد جف اليكصدك خالي
شاع صيتك بالكرم
معجزاتك بالحرم
واضحة مثل الشمس يالغالي
بيش اوصفك والله أحير
.....
الحمدالله رب العالمين
اللهم صل على محمد وآل محمد
موسى الخادم
… ..
ما يخيب الي كصد بابك
كل وكت تستقبل احبابك
......
اربعه وعشرين ساعه عامرات ادلالك
سفرتك ممدودة ياكل بيها كلمن جالك
طبعك اتعزب ضيوفك يمنتك وشمالك
مثل ابو فاضل سخائك قله من امثالك
رفعه للراس انت وانسابك
.....
الله جاعلك مقام الوادم ايكصدولة
الدعاء بي مستجاب الدمعه بي مقبوله
مثل زاير بيت الله زايرك يمشوله
حجه مقبوله يزاير ربعها ايكلوله
طاهر انت وطاهر اترابك
......
انت باب الكل حوائج واضحات اعلومه
ماكصد مهموم بابك الا تجلي اهمومه
الطايح ابشده ويندبك تنكظي من يومه
لوحه انسانيه انت بكل عصر مرسومة
صفحه بيضه واضح اكتابك
.......
كلمن اتعنه المزارك حقق الي يريده
لو طلب مفتاح باب الجنه ياخذ بيده
الله ناطيلك كرامه ما نطاها اعبيدة
يشفه كل معلول يمك هايه موش بعيدة
يمشي المكرم على اعتابك
.....
موسى ياباب المراد المايرد خطارة
الليله متعنين اجينه الحضرتك بزيارة
ندعي ربنا ايعجلنه في فرج مختارة
ابجاهك ابجاه الجواد ارد بدينه ابشاره
انحلفك أبسجنك أوبمصابك
......
الحمد الله رب العالمين
اللهم صل على محمد وال محمد
موسى الخادم
تزوروني أجازيكم "" انة الكاظم ذخر ليكم
***
شفيع الكم أنــة الكاظم يزواري
يمن هبيتو يوم مصيبتي الداري
أبد ما أنسى وكفــتكم يأنصاري
أنة أتباهة بـوفاكم ليلي وأنهاري
وفيتوني أوافيكم "" انة الكاظم ذخر ليكم
***
كل خطوة انتو تخطوهة أنة وياكم
الــم بيدي الحوائج وأكتب أسماكم
يزواري يمـــن فرحني ممــشاكم
فلا أنساكم أنــــة أعيوني ترعاكم
أجيتوني هلا بيكم "" انة الكاظم ذخر ليكم
***
يـــزاير ياالاجيت بحاجتك لـــية
أحسب حاجــتك هالساعة مكظية
وحك أم الحسن ما تصعب أعلية
أنة أكظيهة الحوائج لو عدد مية
أندبوني أراويكم """" انة الكاظم ذخر ليكم
***
يـزايــر نار البكـــلبك أطفــــيهة
والصعبات سهـــلة يمي تلكــيهة
والعـــلة التصيبك صدك أشفـيهة
وأخــليهة بفعل كان أنة اخلــيهة
تعرفوني أشافيكم """ انة الكاظم ذخر ليكم
الحمد الله رب العالمين
اللهم صل على محمد وال محمد
موسى الخادم
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____________________
لمن يجد صعوبة بالحن اطلبه من
@moatmed1
موسى ابن جعفرامام الرافضية عل الجسر
مرمي نعشة ابيا جريمة جرعوه سم الغدر
يلة يا شيعة علي
نحضر انشيع الولي
… ..
هذا نعش الحق يشيعة عالجسر نازف دمة
لجلة هاي الكاع تبجي وتبجي من اجلة السمة
جبدة سمة الا رشيد العادة حماي الحمة
بالمدامع والمناحة خل نعزي فاطمة
يمة حضرت هالمسيةتذرف ادموع الحزن
اتصيح اه يوليد اه الغير ارسومة السجن
لوعة تبقى ابداخلي
نحضر انشيع الولي
… ..
هذا سلطان الخليقة الي انحرم شوف الشمس
انهارة ما يعرف ولا ليلة يعرفة من امس
بالمطامير الخلية اسنينة كظاهن حبس
اها يا لوعة مصابة الماحجاهة بالهمس
كظم غيضة الحد مماته تشهد اعليه دعوته
راضي بالحكم وقضاء وشكر جانت سجدتة
بسمة صيحة تعتلي
نحضر انشيع الولي
……
موسى ابن جعفر يسامع صاحب اعظم منزلة
بالسجن ودع حياته وبركبته السنسلة
ابيا ذنب وابيا جريمة انحرم من شوفت هلة
ابعيد عن اديارة مات ودمعة عالخد سايلة
يا غريب المثلة عاش اسنين عمرة منذبح
مات بيه اجروح كثرة والرضا اول جرح
بيه فكرة مبتلي
نحضر انشيع الولي
… ..
هز عروش الظالمين بسجدتة وكثر الصبر
ما ركع للذلة حاشا مثل الحسين البدر
صاح هيهات المذلة ابوجه ظلّام العصر
يبقى فخرالشيعة اسمه اشما يمر وينذكر
صاحب السجدة الطويلة امتداد الكربلة
لاكت اعليهة الشهادة والدمة ابثوبة حلة
ذكرى ابد ما ينجلي
نحضر انشيع الولي
… .
الحمدلله رب العالمين
اللهم صل على محمد وال محمد
موسى الخادم
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____________________
لمن يجد صعوبة بالحن اطلبه من
@moatmed1