963
قصائد مع الحانها لخادمكم موسئ الخادم
الاجل دك بابي... وبعيدة احبابي ... اشيصبرني
ردت عباسي ... بخير انفاسي ... اليودعني
.....
زينب انه الما بقتلي كل عشيرة
بامر موتي ودفنتي محتارة حيرة
امنين اجيب اخوان الي امصيبه جبيرة
اميسرة بدنياي وبموتي اسيرة
فرح بسنيني ... مشافت عيني .... يرب خذني
.....
جنت احسّب من توافيني المنية
بيده ابو فاضل يجي ايشربني مية
والحسين ايشيل تابوت الالية
وصلو هالاخبار لارض الغاضرية
عجب ما جوني ... اخوتي وعوني ... تشيعني
.....
اليموت ايريد كون احبابه يمه
تجري دمعه اعليه وبحركه تضمه
حالي حال الضيم اشكيلج ييمه
اهلي ما تحضر دفنتي والله هضمه
اغص بالعبرة ... انوح بحسرة ... ثكل وني
.....
اه يا لوعت عذابي يا بلوتي
منهو يسمع قصتي ويسمع شكوتي
جانت الخوان تحسدني اعله خوتي
هسه بين اغراب راح يصير موتي
دمعتي ابخدي .... امل ماعندي ... يجي المني
.....
عازت الخوان يا هالناس عازه
محله لمتهم وكت شيل الجنازة
حيل حاربني زماني اعلي توازة
بالغدر والحيله بين امتيازة
اخذ عافيتي ... واهل كل بيتي ... غصب عني
......
.....
الحمد الله رب العالمين
اللهم صل على محمد وال محمد
موسى الخادم
ماتت زينب
وتمت مراسيم الدفن من غير خوان
......
ياعلي الليله العقيله غمضت اجفانها
ابعيده عن الي تحبهم ماتت ابحزانها
اتشعيت بيد الاجانب مو بدين اخوانها
ماتت وحسره أبكلبها حسين مو دفانها
ماتت زينب ...
ابعازت اخو ايصيرلها وكت الموته دفان
......
تكسر الخاطر جنازت بنت التهواها
لا اهل طلعت وارها لا بنين اوياها
لا اخت تبجي عليها بدمع ذاك ابجاها
ابدمعت المكسور خاطر غمضت عيناها
ماتت زينب
والدمعه عالخد اتهلي ماليها الاحزان
.....
ماتت واثار الاسياط ابمتنها الغالية
وريحت الدخان والطف والبواجي العالية
عاشت السنتين بعد اخوتها زينب خاوية
ابلا اماني ابلايه روح بوسط دار الخالية
ماتت زينب
اثار الاحبال ابديها أوصور عطشان
.....
جانت امنيت العقيله الكربله ايودونهه
وبين الحسين وعضيده الكافل ايدفونهه
وكبل ما تنزل كبرها اخوانها ايزورنهه
والكبر ضنوتها عون ابمدمع ايطوفونهه
ماتت زينب
واندفنت بموطن غرب مو موطن احنان
.....
جانت ابكل ليله تكعد تقرة مقتل عاشر
اهنانه اخوي حسين طاح اهناكه داسه الحافر
وعالشريعه القصه تختم والدموع اتناثر
ابطيحت العباس واسهام الطفتله الناظر
ماتت زينب
وانتهت قصتها ابمدامع كان ماكان
......
عظم اجرك يابو زينب على موتت روحك
مانريد اكثر نجرحك كافي هاي اجروحك
ندري بيك اليوم حيلك منهدم واصروحك
صعبه مو هينه المصيبه واضحه من نوحك
ماتت زينب
عاجل ورد هذا الخبر وي وقت الاذان
......
الحمد الله رب العالمين
اللهم صل على محمد وال محمد
موسى الخادم
رحم الله من نادا وازينباه
… ..
هذه اول ليلة اله الهاشمية بالكبر
خل نصلي الوحشة اله وندعي ربنا بالصبر
غالية عدنه العقيلة اغله من هذا العمر
ما يكفي اعليهه نبجي ونلطم بحركه الصدر
رحم الله من نادا وازينباه
……
ماتت وعالخد دمعها راحه ما شافت ابد
كل عمرها احزان خلص اي وحك ربنا الصمد
الليله بالغربه دفنها صار من الله وعد
يمهة لا خوان حضرت لا حضر يمها ولد
رحم الله من نادا وازينباه
… ..
يم كبرهة خلي نمشي ياخلك نعلك شمع
وننصب ابحضرته مأتم ما يخلص امن الدمع
نقرأ زينب ياغريبه بصوت واحد مرتفع
ليله الحره العقيلة بيهة كلشي منفجع
رحم الله من نادا وازينباه
…… ..
الكربلة انرد بدمعنه انواسي الحسين الوالي
الله يعلم شنهو حالة الساعه بالهم مبتلي
امصاب اخيته اعليه عاد امصيبته الوالي علي
غالية الحرة اعله كلبه حكهة ناره تعتلي
رحم الله من نادا وازينباه
…… ..
الحضرت العباس ندخل بالعيون الباكية
بالنحيب وبالبواجي نقدم اعظم تعزية
عظم الله اجرك يكافل رايه نرفع عالية
والبقاء لله نصرخ يا عظيم التضحية
رحم الله من نادا وازينباه
… ..
الحمدالله رب العالمين
اللهم صل على محمد وال محمد
موسى الخادم
لماظل عدهة خوان … غربة يشيعوهة
زينب بت علي هاي … غربة يشيعوهة
…...
والله حيرتهة جبيرة الفاكدة اخوان
ليلهة اتكظي حزن بالون والاشجان
لا هي عدلة ولا هي ميته من الاحزان
راسهة ايشيب ابعمر عشرين لو جان
ما تبقى الهة افراح … الخوتهة اتركوهة
… ..
لو دنت منهة المنية ترفع الصوت
وين اخوتي الدللوني كرب الموت
كل فكرهة ايظل على شيلت التابوت
يا هو راح اليحملة وللمكبرة ايفوت
درب المكبرة أبعيد… خافأ يتركوهة
… ..
المالهة ظلو اهل تنطي الوجه وين
بالمنازع تستجير ابناس طيبين
اوهذا حال ام الخدر زينب ضوه العين
ابساعة الموت اندبت عباس وحسين
وين اخواني الاعزاز… صاحت واسمعوهة
… ..
وسفة شيعهة الغرب بت خير الانساب
يمهة ما واحد حضر من ذيج الاحباب
وحشة دفنتهة العقيلة بيد الاغراب
ياعظم لوعته تحجي اعيون المصاب
مهضمومة ام الاحجاب… اغراب ادفنوهة
… ..
جانت اتحسب يجيهة الكمر عباس
كبر يحفر الهة بيدة لا طم الراس
هذي جانت امنيات الحرة يا ناس
ابرايته اجفنهة لو كطعتهة الانفاس
ماتت دامعة العين … عالعباس اخوهة
… ..
الحمد الله رب العالمين
اللهم صل على محمد وال محمد
موسى الخادم
انتي يا زينب علي أبكل طبعة
""""""
بالكـون مثلج مـا حصل يازينـب
واحـد اتحمل همــوم وما عـتـب
بالمصايب ثـوب فصلتي عجـب
صبـرج اتعـــدة البحور السـبعة
"""""""""""""
مـــو عجيبة الله يا زينب نصيح
جبل شامخ صبرج الماهدة ريح
نقسم بدم الوكــــع بالطف ذبيـح
انتي دين الله وكتابة وشــــرعة
""""""""""
بالطفوف اشكد قسو زينب عليج
حاولو يسبوج لكن بــــين أديــج
شاهدو رايات نصرج تعــتلـــيج
الجيش أمامج مر جرع جم جرعة
""""""""
للمذلة أسمـــج ركــع لا مستحيل
يحصل وعباس دك صدرة الكفيل
كاذب الكـــال أنسبيتي وللـدخــيل
حـــيدر اليحضر وحــك البـضعة
"""""""
تنسبيــــن أشلـون يازينـــب محال
وانتي عزمج كاسر خشوم الجبال
لا صـبر الاصبر زينـــب يقــــال
الشمر من صبرج أخـــتل وضعة
…… .
الحمد الله رب العالمين
اللهم صل على محمد وال محمد
موسى الخادم.
السلام على الحوراء زينب ع
عظم الله اجورنا واجوركم احبتي خدام الحسين ع
ما يجف مدمعنه ... والعده تسمعنه
العاشر امن اليمه .... نفتخر مرجعنه
يا علي الهادي ... ياعلي الهادي
.......
ليل وانهار العزاء انقيمة
عالكضه سنين العمر وي ضيمة
ما يهمنه اللايم الحط روحه
هو والماكو سوه تقيمة
ما يهمنه اللايم ... نخدم أهل القائم
وللتجرع سمه ... مجلس يضل دايم
.......
اي مجانين بعلي الهادي نعم
عنه ما نتخله يتخله العدم
انروح فدوه للتراب اليسحكه
ولجله نرخص كلشي سلطان القيم
هالعهد خطينه... من دمه الوالينه
مانفارك رسمه ... بالكلب ضمينه
........
مشي نتعناهه سامره المجد
وعين هاي الشمس كثرتنه تسد
مثل روجت بحر للحضره نطب
واليعادينه يراقب عن بُعد
رايه تتبع رايه .... روجت الوفايه
خل يموت بدمه .... اليبغض المشايه
.......
للِامام العاشر انضحي النفس
وثاره ناخذ من عيون اهل الرجس
نقسم بعباس راعي المرجله
الحرب عدنه اشبه أبزفت عرس
تشهدلنه الساحه ... منة ما مرتاحه
مايضل كل زلمه .... يشرد اويه اسلاحه
......
خدمة الهادي شرف واعظم شرف
الف هنياله الي بيهه اسمه انعرف
لازمه املاك السمه اعليهه سره
الخدمه نعمه خاسر العنهه انحرف
بيهه ربنه امفاخر ... الصاير وما صاير
ألحاز ثوب الخدمه ... قصر يسكن باجر
......
بالقيامه باجر انشوف العجب
الخادم ينول ابخدمته اعله الرتب
يدخل الجنة عدن جنت النبي
لابس اعله الراس تاج امن الذهب
جنة الله الواسعه ... اَلال أحمد راجعه
الكتب خادم أسمه ... اله فاطم شافعه
.......
كلمات
موسى الخادم
نزله
هاي الزيارة ثوره شيعيه
تشبه زيارة الأربعينيه
........
اليوم سامره بكبرهه .... غصَّت بكثر الجموع
الزحف مليوني صار .... ابكد عدد سيل الدموع
كلهه حضرت عالجدم مشايه
هذا حافي وذاكه شايل رايه
وين ما نلتفت نلكه اقراية
العلي الهادي سيد الوفايه
زيارتنه تبقى كربلائية
......
وينه اليعادينه وينه .... خل يجي بعينه ويشوف
مثل يوم حسين اجينه ... وابد ما يمنعنه خوف
مثل يوم الاربعين امشينه
المرقد الهادي الولي اتعنينه
خله يسمع كلمن يعادينه
فدوه لأهل البيت ما ضحينه
كلمتنه وحده اظل حُسينيه
......
مو الف والفين اجينه .... المرقد الهادي الامين
العدد فاق التوقع ... اشبهه بيوم الحسين
بالملايين العدد يا سامع
مو كلام انكوله هذا الواقع
وين الي شكك يجي ويراجع
كامرات البث مباشر طالع
واضحه الصورة مية بالمية
......
موكب ابصف موكب أنصف ... يخدم الكاصد يزور
على طول الدرب نصبو .... سفره الهادي الغيور
هلا بالزاير يصيح الخادم
عنك انزاح التعب يالهايم
ليل وانهار بسهر ما نايم
حتى يستقبل لهَاي الوادم
يا محله ملكات العزوبية
.......
ابد منعوف الزياره ....ولا نفكر مستحيل
كلشي ما يمنعنه عنهه.... وحق عباس الكفيل
كلهه تعرف بينه والما عارف
احنه واحدنه المنيته اموالف
داعش ابصولتنه اصبح لاكف
حتى من اخياله بيَّن خايف
فوك السواتر شفنه عوجية
......
باجر المهدي بظهوره .... يمحي كل جور وظلام
بيدة ياخذ ثار جده ... الهادي ويعم السلام
دوله المهدي تضل منصوره
بالحقيقه مو فقط بالصورة
باجر الموعود ياخذ دوره
يملي هاي الكاع عدل بنورة
دولة القائم دوله مهدية
......
كلمات
موسى الخادم
الليله العلي الهادي ... معلوكه الاشموع
الليله العلي الهادي ... تجَّاره الادموع
الليله العلي الهادي ... جم كلب مفجوع
.......
ليله امخيم اعليهه الحزن والهم
شبيهه ابليلة العاشر بالمخيم
هيجي العسكري امكابل ابوه ينحب
مثل عيلة حسُين النصبو المأتم
ياليلة العاشر ... ماليهه الاوداع
ياليله العاشر ... بيهه الامل ضاع
ياليلة العاشر .... جم طفل موجوع
.......
ليلة امن اصعب أليالي على العيله
مسموم الولي وابنه اليتجيله
كلما شربو مي يذكر حسينه
ويضل يبجي وبناته يمه تبجيله
جدي انذبح ضامي ... اشلون اشرب الماي
جدي انذبح ضامي ... موتي بسبب هاي
جدي انذبح ضامي .... والونه مسموع
.......
علي الهادي خلص عمره يجر حسره
على اظلوع الحسين وفاطمه الزهره
زيارة عاشر ابعاشور كل ليله
أبدموعه التجري عالخد يا خلك يقره
خلصهن ايامه .... بطف جده يحجي
خلصهن ايامه .... اعله حسين يبجي
خلصهن ايامه ... وي كسر الاضلوع
......
الاجل من عنده كرب والحزن ثوبه
ما شاف الفرح بسماته منهوبه
اعله زينب ما بطل ونه ولا نوحه
وعلى حسين البقتله جثه مسلوبه
حزنه بكبر عمره ... تحجيها الايام
حزنه بكبر عمره ... مذبوح الاحلام
حزنه بكبر عمره .... عنوان موضوع
......
فاضت روحه والدمعه على اخدوده
مكسور الكلب والجبده ممروده
مثل عمه الحسن سموه يهل الوادم
ابغدر مثل الكفيل ابكطعت أزنوده
السم مرد جبده ... مثل الحسن اه
السم مرد جبده ... والزمن عاداه
السم مرد جبده .... بالطشت منزوع
......
مات الهادي وين اليحضر ايشيعه
يعين العسكري بالونه والدمعه
ثجيل امصابه بي زين العباد اعلم
الدفن بيده ابوه ولم كسر ظلعه
الفاكد ابو يعلم .... بالعسكري اصار
الفاكد ابو يعلم .... شضمتله الاقدار
الفاكد ابو يعلم ... يا ثمن مدفوع
.......
كلمات
موسى الخادم
كربلائي
نتعنه العلي الهادي ...زوار بدموع العين
ما تمنعنه كل اسباب ... نوصل مرقده امعزين
.....
قرينه الفاتحه تسهيل ... واتعنينه مشاية
ثوب اسود لبسنه اليوم ... واتحزمنه بالراية
يا ويلي على المسموم ... سويناهه القراية
للهادي نضحي الروح
نحي امصيبته بالنوح
جرحه البينه اشد الجروح
اه يا لوعت امصابه ... نصيح ونندبه ابكل حين
......
مثل ما نحي عاشوراء .... نحي امصيبت الهادي
مواكبنه تظل تنعاه ... بصوت المرتضى اتنادي
يبقى ابكل زمان حسين ... شوكه ابوجه اليعادي
مايرجع زمان يزيد
شما جارو علينه نزيد
وحك الحمد والتوحيد
شعائرنه تظل للدوم ... متخلدة اويه اسم حسين
.....
نواسي العسكري ابهاليوم ... واجب يالخدم كلنه
خل نلطمله حيل اصدور .... من اخرنه لاولنه
مأتم بالضريح انقيم .... يحضره معشر الجنه
يهنياله الوصل يمه
تسجل فاطمه اسمه
جن زاير لبو اليمه
يشم كبة ضريح حسين ...زاير ينحسب الاثنين
....
ندعي الله يوفقنه ... كل عام ونجي نزورة
غالي الهادي عدنه هواي.. نبجي الفكدة بحرورة
ما تمنعنه كل اظروف ... نتعنه لعاشورة
نشيع نعشه بالحسرة
ونطوف بكتر كبرة
ونندب فاطمه الزهرة
على الهادي نظل باجين.. .شما عشنه ونعيش سنين
....
عظيمه امصيبت الهادي ... بجاها المصطفى واله
سموات وارض حزنت ... على الصار وجره بحاله
مثل ما تعتيني الاملاك ... بمصابه انتعنالة
لا داعش ولا غيرة
يرهبنه ابتدابيرة
شيمتنه امن ابو الغيرة
عباس النطه الهل الدين ... روحه وعينه والجفين
......
تحت راية ابو صالح ... باجر كلنه نجمع
نحارب كل ظلم كل جور ... للذله فلا نركع
ثار الزهرة اول ثار ... خلي الما سمع يسمع
قسم بالحمد والكوثر
ما نترك اثر منكر ٠
نعيد الطف بسم حيدر
ما يبقى ظلم لا جور ... ابدولة حجة الطيبن
.....
الحمد الله رب العالمين
اللهم صل على محمد وال محمد
موسى الخادم
هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه
وهسه صارت فاطمة العلويه
بيهه تحجي ارض وسماء
......
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء
..............
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......
✍️🏻 كلمات موسى الخادم
لو يرجع الزمن ... مو مره مرتين
ما يحصل العلي .... مثل ام البنين
زوجه مطيعه وطاهره
وبيهه الزجيه امفاخره
؛؛؛؛.....؛؛؛؛؛؛...؛؛؛؛؛.....؛؛؛؛
١؛؛؛؛؛
بعد الزهره ماكو اي حرمه
توصل مرتبة ام عباس
إنطت أربع ولد العدهه
وما همت شدكَـول الناس
كل الدنيه اتسولف بيهه
أم الكافل رفعت راس
لحسين انطت كل ما تملك
والهه الضلت بس انفاس
هاي ام الاربعه .... مدرسة الاحرار
العنهه ما سمع .... ميطالع اخبار
طاريهه الله ذاكره
بيهه الزجيه امفاخره
.....
٢؛؛؛؛؛؛؛
جانت ليل انهار تسولف
لبني حسين الكل يرحون
شنهو اربع أولاد افديله
بحقه امقصره اشما يحجون
لو بيدي امخلفتله العشره
مثل الكافل حلو اعيون
ازرعهم عالشاطي ابئيدي
ولا يوصل واحد لام عون
على ولد ام حسن .... من الهوه تخاف
ربت ابو الفضل .... وزينب متنشاف
تنشاف بس بالاخره
بيهه الزجيه امفاخره
......
٣؛؛؛؛؛؛؛؛؛؛؛؛؛؛
عاشت عمر ابدار الزهره
ما سمعتهم كلمه بيوم
مثل المي البلصينه
دارتهم أسياد الكوم
جانت للعباس اتوصي
اكَـبال حسينك محني اتكَـوم
انت ابن البدويه اوهوه
أبن الزهراء والمعصوم
كَـدامه كَـعدِتك .... مثل العبد كون
هذا امه فاطمه ... واحنه منو انكون
خدامهم يا جوهره
بيهه الزجيه امفاخره
.......
٤؛؛؛؛؛؛؛؛؛؛
من سمعت جايين امن الطف
ضعن حسين اويه السجاد
طلعت تسأل مو عالكافل
عن حسين اوياهم راد
بشر ايكَـلهه حسينج ذبحو
واولادج ما واحد عاد
عن حسين اتكَـله احجيلي
ما سَألتك عل الاولاد
ريحانة النبي .... بس كونه ما مات
هذا نذر علي .... افدي سماوات
لحسين ابني ناطره
بيهه الزجيه امفاخره
......
٥؛؛؛؛؛؛؛؛؛؛؛
يا حرمه التكَـدر لو ساعه
تاخذ دور ام الأقمار
ضحت اربع ولد واخر
واحد صاحب راس الحار
لو تنعاد سنين الماضي
ويرجع عايش حامي الجار
غير ام عباس المهيوبه
ما يختار ولا يختار
خالقهه ما خلق .... من عدهه للناس
بس وحده فاطمه ... وجابت العباس
هاي الحقيقه الظاهره
بيهه الزجيه امفاخره
......؛؛؛؛؛؛؛.....؛؛؛؛؛؛؛؛؛......
✍️🏻 كلمات موسى الخادم
سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر
........١
من النفس منهه انكطع ... ياهو الجنازتهه رفع
واعليهه بدموعه وكع ... ام البنين الاربعه
من عدهه باكت كربله ... اهل المضايف والهله
محد بقى التشكي اله ... بعد المشه للمشرعه
عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب
تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر
.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح
ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح
علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين
حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر
.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ... وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد
اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي
حرام حرام ... ما واحد المنكم يرد
حرام حرام .... اوجوهم ضمهه اللحد
حرام حرام .... ام الخدر شبعت قهر
........٤
ابعازت ولدهه الاربعه .. ماتت الجانت مشرعه
بيد الغرب متودعه ... هاي المصيبه ياخلك
الكمر مصيوب بسهم.... معذور من رفع العلم
جفه انكطع راسه انهشم ... وكلبه على الماي احترك
ما حاضر ابدفنتهه عباس
جفينه مكطوعات يا ناس
وبغدر صابه العمد بالراس
عالمشرعه مخنوكه الانفاس
وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر
......٥
زين الاعباد ابلوعته ... شيعهه تجري دمعته
ما تسر ناظر حالته .... جانت امشاركته الحزن
بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون
اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان
نعش نعش .... ام البنين الطاهره
نعش نعش .... اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم
ننخاج ... ننخاج ... يم البنين الطاهره
بحماج ... بحماج ... بحماج دنيه واخره
.....
اليوم اجينه المجلسج يم الوفه
نطلب الحاجات منج والشفه
لاتردينه عليج المنذبح
النحره حزوه ال اميه من كفه
نلكاج ... نلكاج ... كل شده يمنه حاضره
......
سفرتج سفرت شفاء الكل علل
بيهه جم واحد مشه بعد الشلل
ما يهمنه اليشكل اعلينه وحجه
بيج ثابت معتقدنه شما حصل
نهواج ... نهواج .... شاهدنه سبع الكنطره
.....
انتي باب الله الوسيعه الماترد
الحاجه يمج تنقضي بسورة حمد
جفوف كل سائل توزنيهه بذهب
للكرم انت الأصل يم الولد
شفناج .... شفناج ... اصل الكرم والمفخره
........
للكرم عنوان انتي مسجله
والشهود اهواي تحجي بكربله
عزبيتي اولادج الخامس اخو
وكلتي فدوه اولادي لحسين وهله
معناج ... معناج ... رب الجلاله ايفسره
......
ما يخيب الصار الج خادم صدك
وكلبه دوم اعله الشعائر محترك
ربح دنيه واخره اوياج الخدم
وخسر ذاك العن طريقج مفترك
وياج ... وياج ... كل الخدم مستبشرة
......
الج مرفوعه الايادي فاطمه
ابجاهج انحصلهه حُسن الخاتمه
الله ميردلج دعاء ابكل وكت
دعوتج توصل مباشر للسمه
علَّاج ... علَّاج ... علَّاج ربنه بمحضره
......
كلمات
موسى الخادم
اتمنيتي كبرج يم الابنين
ينبني وتزورة الملايين
بس الله جازاج اكثر اهواي
عوضج مو حضره حضرتين
حضرةالكافل حضرة حسين
..........؛؛
مابينه واحد يدخل ايزور ..لحسين والعباس اخيه
بعده اعله باب الحضره ويصيح ... الف السلام اعله الوفيه
وابلا شعور ولا وعي نرفع ادينه
انسلم عليج الحضرتج نحسب اجينه
مو بالمدينه مرقدج مو بالمدينه
بكلب اليحب حسين واعليه تبجي عينه
يالجنتي لجل حسين تبجين
عطشان راح اوليدي تحجين
جم غصه شلتي بشربت الماي
لحسين عشتي ومتي لحسين
......
اكتاب الزيارة ما يفارك ... صحن الحسين وابو فاضل
تتلاكفه اجفوف اليزورون ... ابلايه استراحه ابلا فاصل
ليل ونهار احبابج اتأدي الزياره
يم الحسين اسمج ربح واعظم تجاره
باجر ضريحج ينبي وتعله المناره
ومن كربله تطلع مشي ليج الغياره
باجر الج مو كبه كبتين
تنبني وتزورج ملايين
وأربع مناير تبهر الجاي
كلهن ذهب بسم الميامين
.........
للناس باب الحاجه انتي .... خصصج ربنه ابهل كرامه
كلمن يندبج عنده حاجه ... تنقضي حاجاته ابسلامه
جم واحد ابواحد اخذ حاجاته منج
سر الاجابه الحمد تقره انيابه عنج
اخت ام الحسين وحسن والله جنج
طيبتج طيبت فاطمه اونتهه ونج
كلش عظيمه يم الابنين
مو نعمه وحده انتي نعمتين
ما يبقى يمج تايه الراي
باب الحوائج للمحبين
.....
يل جنديتي الخدمة حسين ... اربع بنينج وانتي خامس
مايوم قصرتي بخدمته ... جبتيهه واهس على واهس
خَّدامه كلتيهه ابفرح لبن الزجية
وعلمتي عباسج على اطباع الوفية
وما رجف جفنج على اولادج يل أبية
لحسين جانت دمعتج صبح ومسيه
خلصت حياتج دمعة بالعين
ما فرحه شفتي بعد الحسين
رد ساعه كحًّل بيهه عيناي
عاشت اوياج الاخر الاسنين
.......
مثلج مره يا أم الاطهار ... ابهذا الزمن هيهات نلكَه
بالمرتبه بعد ام الحسين ... حكه اليفاخر بيج حكَه
يا كبره حضج الله خصج بالكرامه
زوجه العلي خلاج وام لأعظم يتامه
اسمج يجي بعد ام حسن يوم القيامه
اربع نساء العالم وانتي الختامه
هنيالج وصارالج اسمين
ام ابو فاضل وام الحسين
يامره مثلج حصلَّت هاي
هاي الكرامه للمضحين
.......
كلمات
موسى الخادم
ياموت اخذني ابساع ... خلّص دمع عيني
مشتاكه روحي اهواي ... لخواني وابنيني
والكربله العشاك ... وديني وديني
.....
ميته انه موش اليوم ... ميته انه من سنين
بس جسد ظلي اهنا ... روحي مشت لحسين
صوبني وي عباس ... يا موتي سهم البين
ظلمه اصبحت دنياي ... ماشوفن ابهل العين
اجمل حياتي اهناك ... يم سلوت اسنيني
.....
عاشر محرم باك ... من عندي كل احباب
خلاني اعيش اسنين ... عمري بهضم ومصاب
وحشه اصبحت هالدار ... اشبه ابدار اغراب
لا ولد بيها اتعيش ... لا جف اخو ايدك باب
وحدي اصبحت انه ... محد يواسيني
....
ادعي الله جنت اهواي .... بالاخص باخر ليل
ايعجل بجيتك هاي ... ياموتي ماظل حيل
بس تبقى غصت اه ... وسط الدليل تعيل
من انه اموت اليوم ... نعشي منو الي شيل
دز طارشك العباس ... هالساعه يلفيني
.....
ما حسبت فد يوم ... كل اخوتي ايموتون
خواني جانو خير ... من الله ينعدون
من كثر خوش ازلام ... واحنان ينحسدون
ياوسفه انه بقيت ... واخواني ينذبحون
أل كربلاء حسين .... وديني وديني
.....
اخر كلام اوياك ... ياموتي اخذه الروح
ملت بواجي الليل ... ومساهري والنوح
احزاني ليل انهار ... لحسيني المذبوح
ريت انذبحت اوياه... وابكده عندي اجروح
جرح النحر لليوم .... ياموتي ياذيني
.....
الحمدالله رب العالمين
اللهم صل على محمد وال محمد
موسى الخادم ...
كربت يخي منيتي… من يستمع وصيتي
وانت ميت… يعباس
… ..
جنت احسب لو متت بيدك تجهزني
والوسط كبري بدمع عينك تنزلني
أجنازتي اعله اجتافك اتشيل وتشيعني
هاذي جانت امنياتي انت تدفني
ما خطرت اعله بالي… تشيعي منك خالي
يابو فاضل… يعباس
… ..
ياوسف خاناني دهري وحيل اذاني
من اخذ احباب كلبي اوحدي خلاني
ايشيعوني الغرب وانه سبعه خواني
هية هاية الهاضمتني وزادت احزاني
موانتم اتشيعوني… غربه يضي اعيوني
اه يهضمي… يعباس
……
خوية يعباس وينك كربت امنيتي
يمي ريت الساعه تحضر تسمع اوصيتي
امنياتي اغفه اعله ادينك يا بعد بيتي
ومن عطر حنيتك اترس صدري اوريتي
والكربلة اتوديني… تدفني يم حسيني
وهاي هية… يعباس
……
صح بعيدة الشام عنك خوية ادريها
لكن ابعاد المسافه الشوك يطويها
هايه ساعاتي الاخيرة ابشوفك ارويها
عيني عطشانه اعله شوفك لا تخليها
يااغله من حياتي… احضر كبل وفاتي
حلمي اشوفك… يعباس
……
من يغمض عيوني باجر ياضوء اعيوني
ويبجي عد راسي ويكول اوياها ادفنوني
عازة الخوان عازة يالتسمعوني
الموت من ياخذهة روحي اوياكم اخذوني
يا فرحتي ابلقاكم… ميته انه من وراكم
الله شاهد… يعباس
…… .
خوية اوديلك سلامي باخر انفاسي
امحبر ابدمعات عيني يا اعز ناسي
انه ما هاضمني موتي لجارح احساسي
اغراب تقرالي العديله موش عباسي
قراني جنت اشوفك… الهج بذكر احروفك
يا حبيبي… يعباس
…… .
الحمدالله رب العالمين
اللهم صل على محمد وال محمد
موسى الخادم
#ويبقى_الحسين
زينب ع تخاطب العباس ع
يالتارس عيوني ضوة ... مر بية لو نسمة هوة
نبض الكلب ... بسمك يدك .... عباس عباس
......
يا نضبت اكليبي التدك ..... يا كلشي عندي
ما احتمل طاري الهجر ..... مرسال اودي
مو شيمتك يا با الفضل .... تتركني وحـدي
انه العقيلة ام الخــدر ... دمعي اعلى خدي
يل ماكو مثل امروتك ..... دنياتي وحشة ابروحتك
بيهة الحزن ... شيد وطن .... يا صاحب الباس
.....
بحلامي اشوفك ياشهم .... خوية نخيتك
بس نوم عيني ما خذت .... من فاركيتك
شهر انكظة يا سلوتي .... من ودعيتك
كـــل صبر ما بية بعد .... روحي فديتك
ادعيلي أبطل هالسهر ..... والليل انامة يا كمر
كثر السهر ... خلة الجفن .... فاكد للاحساس
....
عباس مات ومـــا يرد .... ما صـــدك بهــــاي
واعدني بالماي العذب .... يروي ضمة احشاي
وي روحي اسولف ياكمر .... ما ظلي كل راي
محتامة حـيل الشوفتك .... يــا نظر عيناي
موتك خذك مني غصب ..... يا اخر افراح الكلب
بعدك صبح .... يا كافلي .... لونة ابيض الراس
.....
كل اليوم الي مرني بسنة ... بعدك يكافــل
تشهـــد عـــلية غيــرتك .... يبن البواسل
ذابحني مــوتك يالاخــو .... مو مال اجامل
جم حسره جم لوعة الك .... دلالي شايـــل
حالي أبغيابك شوصفة … بعدك على الدنية العفة
يرخص الك… فدوة العمر… يا زين هالناس
........
الحمدلله رب العالمين
اللهم صل على محمد وال محمد
موسى الخادم
زينب "" ما أنصف اوياهة الزمن
زينب "" كضت عمــرهة بالمحن
"""""
كظـت أسنـيـن العـمر بالــوعة والاه
زينـب ام المـفـخرة مامـنـهة والــلـه
عاشت وماتت حزينة ويــــلي ويلاه
مارحم بيــهة الزمن سكـنهة باـولاه
زينب "" بيهة المصايب شرحن
زينب "" كظت عمرهة بالمحن
"""""
لحظة ما شافت فرح لا مــــو عجيبة
زينب ابهذا الـزمن عاشت غــــريبة
حتى دفنتهة بغرب شنهل المصيبة
صورة زينب اصبحت لمهة الحبيبة
زينب "" مظلومة مثل ام الحســن
زينب "" كظت عـــمرهة بالمحن
""""
أنولدت بعصر الحزن عصرالـرزية
زينب الشـافت مصاب امـهة الزجية
راحة ما شافت ابــد بــــس الاذيــة
مـن زغرسنهة أجرعت كاس المنـية
زينب """ بأحزانهة اتشيد وطن
زينب """ كظت عمرهة بالمحن
"""""
ناطحـت حـمل الجبال ودك حملهة
زينب المــاواحــد اتحــمل مـثـلـهة
شكد مصايب شاهدت ذلـتهة كـلهة
لأخر الانفاس ما فكـــــدت أمــلهة
زينب """ بالصبر ذلــت كل فتن
زينب """ كظت عمرهة بالمحن
""""""
قــدمت أعظم درس برض الملاحم
زينب اتحـدت شكــو بالكون ظالــم
غيرة حملت جنهة غيرة كمر هاشم
موعجيبة اربات ابوهة وامهة فاطم
زينب """ مسأتهة العالم عــلن
زينب """ كظت عمرهة بالمحن
…… .
الحمد الله رب العالمين
اللهم صل على محمد وال محمد
موسى الخادم
لماعايش مصابي … ميحس ابعذابي
عاشور الذبح … عيشني بجرح
ما يشفة بعتابي
… .
ياحرة مثلي الشاهدت .. رأس التحبة اعلى رمح
وبصدرة أثر حافر فرس .. وألف وتسعمية جرح
ياحرة كبلي الي احضرت .. مصرع لخوهة ينذبح
زينب انه وشفت العجب .. بعيوني ما شفت الصبح
دهري ما رحمني … لوعني وظلمني
صاباني برمح… عيشني بجرح
ما يشفة بعتابي
.......
روح الزجية فاطمة ..من العطش ما ظلة حس
بشافهة نار أتوجرت .. أكثر وأشد من يوم أمس
بعيوني شاهدت الشمر .. حز راسة واتولا رفس
عريان سابح بالدمة… عاينتة وأبحر الشمس
جم جرح البجسمة… نازف يجري دمة
دمة المنسفح… عيشني بجرح
ما يشفة بعتابي
……… ..
هل خيل ما خـــلت ظلع ... ســالم لخوي المنصرع
صعدت على صدرة بحقد ... ما همهة نورة الي يشع
والــزيَد ابكلبي الهضم ... خنصر يمــينة المنكــطع
نزف الجروح الي شفت… يصعب غسلها بالدمع
من طف العجايب… شفت اشكد مصايب
دمعي المنفضح… عيشني بجرح
.......
جسم الحُسين اعلة الترب .. بسيوف متكطع وذر
معرفته حكي يا خلك … مفصول عن راسة النحر
من عندة كَرَبت وصحت ... حاجيني مكسور الظهر
خواني ادور ما شفت… كلبي انمرد من القهر
يالطايح رمية… رد اجواب الية
وجهك يا سمح… عيشني بجرح
ما يشفة بعتابي
.......
بالذاكرة ظلت صور … من واقعة طف الالم
بعيوني ما خلت نظر… بس الدموع الكلهة دم
بيهن أشد صورة اكسرت … ظهري ورمت كلبي بسهم
صورة الرقية شاهدت … متحّركة بنار الخيم
يالوعة دليلي … ما يحملهة ليلي
مذبوح الصبح … عيشني بجرح .. ما يشفة بعتابي
......
الحمدلله رب العالمين
اللهم صل على محمد وال محمد
موسى الخادم
على الهادي دمعنه يصب
وعزائه ابكل وكت ننصب
من كربله السامره طول العزاء
......
للعمره خلص بالقهر واللوعه والأاه
ننصب عزه من كربله السامره والله
يتعاله بيهه صياح عالمسموم ويلاه
نواسي الامام العسكري الضل محد وياه
على امصابه الحسن يبجي
كعد يم النعش يحجي
افتحلي عينك ياحبيب السماء
......
مجلس عزانه صيته يوصل لاخر الكون
عامر يضل بالنوح وبدمعات الاعيون
بيه الجزع مسموح خلي الناس يحجون
وتعداده مو مليون لا عشرين مليون
على مد البصر مأتم
نقيم اعله التجرع سَم
وانعيش لوعة فاطمه بكربلاء
.....
نطلع مشي من كربله السامره بدموع
مثل اربعين حسين هيجي يصير موضوع
كل زاير بجفه علم عالراس مرفوع
وبعينه دمعات الحزن والبجي المسموع
تبجي الناظر الصوره
يجي كل زاير يزوره
وأعيونه حمره صايره امن البكاء
.......
السمو جبدته يصير جد المهدي ياناس
واجب لطمنه ايصير مو عالصدر عالراس
بهاي المصيبه الراتبه فرحانه الارجاس
والمهدي خنكه بروحه كوه يجر الانفاس
اليواسي المنتظر وينه
على الهادي وعلى احسينه
ذاك الغريب السلبوه الرداء
.......
باجر المهدي ابطلعته يشاركنه الامصاب
بالصف الاول يوكف ويلطم يالاحباب
وأمه الزجيه اتصير وكفتهه على الباب
اسجل اسامي اليبجي عالهادي الضواه غاب
المجالس هايه ياسامع
تجيهه الزهره بالواقع
وتاخذ بديهه دمعتك والدعاء
......
كلمات
موسى الخادم
بحر طويل
على الهادي ... يصب دمعي .. يشيعه بكسرت الخاطر
.....١
من كبري اجيت انحب...على الهادي واصب دمعي
محنية ظهر جيته ... ولاجمني كسر ظلعي
على بالسم كضه نحبه ... اون والطم وانعي
وينه اليحضر الليله ... يواسيني على وضعي
عليه مأتم ... وسط روحي ... نصبت ابدمعة الناظر
......٢
حاربني الدهر يمه ... وحارب كل أهل بيتي
خله اجم جرح بية ... يلجم كل هوه بريتي
بالسيف وبعد بالسم ... ماتت كلهه ذريتي
واليوم ابعلي الهادي ... رد يسلبهه عافيتي
علي دهري ... كثر جوره ... من الباب للعاشر
.......٣
سامره تون تنحب ... على الهادي الغمض عينه
وابنه العسكري ينعه ... على امصابه منو ايعينه
اليفكد والده تصبح .... حياته ضلمه واسنينه
يحتاج اليجي ايعزيه ... ويمه يثكل اونينه
الابو خيمه .... منو يعوضه... يضل بعده الابن حاير
.....٤
يا سامع خبر موته ... يامن حاضر المأتم
انه اوياك خل نبجي .... على الهادي بواجي بهم
ونذكر ذبحت اوليدي ... الطوله بكربله اتقسم
راسه اعله الرمح شالو .. ونحره ظل يصب الدم
اثنعش طبره ... انطبر نحره ... ببني الصار ما صاير
......٥
كل امصاب اهل بيتي ... صوب امصاب ابو اليمه
لو حاضر علي الهادي ... واسألنه شنو ايألمه
راح ايكلي اليألمه ... ذبحت جده مو سمه
مثل يومه فلا يحصل ... ابني الطشرو جسمه
أواظل ابلا ... غسل ويلي ... وظلعه امكسره الحافر
.......
كلمات
موسى الخادم
عاشر بدر للشيعة غاب
جدد على المهدي المصاب
بثالث رجب سم جرعَّوه
واعليه بجه بحركه الكتاب
.......
سيرة حياته اترجمت ... من اول الاخر عمر
قاضي الحوائج للخلك ... ابكل المصادر ينذكر
ما واحد ابعسره كصد ... للهادي رد ما مبتشر
والسائل البابه حضر ... رد ابعطائته الكثر
ثوب الكرم لايك عليه
ميَّرجع المداله اديه
عامر مضيف ابن الجواد
كل الخلائق تعتنيه
......
القابه كثرة تنذكر ... الهادي النقي والمرتضى
عاش العمر عابد تقي ... تشهد سموات وفضه
تشبه صفاته والده ... ويشبه بعد جده الرضا
ماواحد العلمه وصل... ذاك العصر حد ما مضى
مرجع صبح ذاك الزمان
حل المسائل يمه جان
الهادي مدرسة الأصول
كثرت علومه بكل مكان
......
اتولى الامامه أبمقدرة.... من والده عنه رحل
وهو بعمر تسعه وأقل... من تسعه ابن خير العمل
ذل كل طواغيت العصر... بصبره الصبح مضرب مثل
بيمانه وبعلمه كدر ... يقضي على اعقول الجهل
صغير العمر لكن جبير
الوادم تكصده تستشير
ادره بطرق ارض وسماء
جبريل ينخاه من يحير
......
عاصر الهادي بحقبته .... كثره من حكام الظلم عاش بزمنه كل محن ....كل ظلم من جور الحكم
عشرين عام الي سكن ... سامرا كضاها بهضم
محبوس داره بكل وكت .... من كل زياره منحرم
منعو تزوره شيعته
خلَّص حياته بحجرته
بين العساكر عمره ضاع
مسجون ظل الموتته
........
نحبه قضه الهادي بغدر ... سم الخليفه المعتمد
ما راعه حرمة فاطمه .... خان العهد والمعتقد
باجر حساب الي ظلم .... ال الرسول ابلا عدد
بطلعت المهدي المنتضر .... كل حق لأهل بيته يرُد
باجر المهدي بالظهور
ياخذ أبثارات النحور
ويقيم دولة كلها خير
خاليه من اهل الفجور
........
كلمات
موسى الخادم
يالراحو اهلك جمعه ... خلَّصت عمرك تنعى
مو كافي حزنك كافي ...
كاضيها نوح ودمعه .... كاس المرار اجرعه
مو كافي حزنك كافي ..
.....
يالجبت العمر تنعى وتهل عبره
مو كافي اشبقى من حالك اتقهره
عليك ابشيبت حسين وسحك صدرة
تبطل امن البواجي اعيونك الحمرة
عليك .... مشغوله حيل احبابك ...
تجري الدمع لغيابك .. تسأل اليندل بابك ...عليك
ياديرة ساكن بيها .... دلي المحب اعليها
حلمه بغيابك طافي
........
الله يعظم اجرك يالحزن ليلك
مصيبت جدك الهادي خذت حيلك
مكسور الظهر ياهو اليتجيلك
يم نعشه اكعدت تبجيله يبجيلك
مصاب ... يخلص يجيك الثاني ....يافرحه بعد اتاني ... عمرك يمر وحداني .... مصاب
يالمهدي الله يعينك ... جم غالي شافت عينك
مات بونينه الدافي
......
حكك ما نلومك لو بجت عينك
على امصاب اهلك وناسك علي يعينك
ما شفت الفرح يالمهدي بسنينك
تؤام صار الك يابو الوفه اونينك
تموت ....روحك ابكل مصيبه ... حكك يراعي الهيبه ... متروس راسك شيبه ... تموت
حكك تموت بونك .... اسهام الدهر صابنك
ليلك سهر ماغافي
.....
جثيره جروحك العايشها معروفه
لجن ياهو الاشدهه انسألك ابخوفه
جرح كطع النحر لو كطعت اجفوفه
لو جرح السبايا الراحت الكوفه
جروح .... عمتك اشد اجروحك ... يمكن خذت كل روحك .... هية سبب كل نوحك ... جروح
زينب اشد مصيبه ... وارثها من الغيبه
دمعك العمتك صافي
.......
يمهدي اشويه ارحم حالك امروتك
البجي اهواي اخذ من حيلك وقوتك
نخاف امن الحزن يصبح سبب موتك
يمن طاريك انحبه ونحب صوتك
تعال .... صحنه عليك بحركه ... موكافي من الفركه .... روح المحب محتركه ... تعال
طال الهجر يالغايب .... يمتى تجينه انراقب
سر جيتك ايظل خافي
......
ندعي الله ابدعاء االندبه يرحمنه
يعجل ابطلعتك يالغيبتك همنه
ماعدنه امنيات اهواي تفهمنه
بس شوفك نرية وكعدتك يمنه
نشوف .... يمتى سواد اعيونك ... يالغير الهم لونك .... ميتين الي يكرهونك ... نشوف
مرسال الك ودينه .... يالمهدي الك حنينه
كافي الهجر مو كافي
......
الحمدالله رب العالمين
اللهم صل على محمد وآل محمد
موسى الخادم
السلام عليك يا مولاي يا علي الهادي روحي لك الفداء
Читать полностью…
هاي القدمت شبان قربان
لحسين الذبيح المات عطشان
......
١؛؛؛؛؛؛؛؛؛؛؛
امن اول اليوم الأجت بي فاطمه
كَـالتلهم جَيتي ألكم خادمه
عشر اصابيعي الكم اشعلهه شمع
اشكر الله اعليكم ابكَـد السمه
من خلا إليه يمكم امجان
........
٢؛؛؛؛؛؛؛؛؛؛؛
قبل لا تدخل البيت ام الحسن
من علي طلبت طلب غالي الثمن
ياعلي كَـلتله غيرلي الإسم
إسمي اشوفه يلجم حسين وحسن
إسمي امن المسه صار بخبر كان
......
٣؛؛؛؛؛؛؛؛؛؛؛
كل وقتهه كرست ام الوفه
الخدمت اهل الشرف واهل المعرفه
ابد ما حسو عليهه مرت ابو
ملت بيت ام الحسن بالعاطفه
رَوّتهم حنان وطيبه واحسان
.......
٤؛؛؛؛؛؛؛؛؛؛؛؛؛؛
يا مره تضحي بكَـمر عالمشرعه
لبن ضرتهه وتعيش الفاجعه
لا قبلها ولا بعدهه تنذكر
وحده سوتهه تثوب بربعه
ما عزت على ابن الزهره خوان
......
٥؛؛؛؛؛؛؛؛؛؛؛؛؛؛
قصة ام عباس يرويهه القدر
اترجمت بعظم عبارات وصور
مدرسه للتضحيه ابكل مفخره
يا ثلثت انعام منهه ام الكَـمر
صارت للشرف والغيره عنوان
......
✍️🏻 كلمات موسى الخادم
ميمر
ام الوفه .... والعاطفه
ام الشرف والمعرفه
يعجز يوصفهه انسان ... ام البنين الحره
........١
انطت ولدهه الاربعه ابلا منه
وجيت ابن حيدر بقت تتمنه
ما فاركت داره وسبتهه الونه
ليل وصبح .... تنزف جرح
لحسين ابنهه المنذبح
ما فاركت دمع العين .... والكلب يسعر جمره
........٢
عاشت عمرهه خادمه ادكول اني
وحسين امامي ومرجعي وسلطاني
بيه اكتمل ديني وكمل أيماني
اخدم اله .... والكل هله
لية الشرف وابكربله
باجر اضحيله ازلام ... واحدهم ابجم عشره
.........٣
كرمهه ربنه وبفخر علاهه
بعد الزجيه بمرتبه خلاهه
كلشي انخلق بالدنية بيهه اتباهه
الجابت كمر ... كلهه فخر
تتمنه مرضاهه البشر
ترفع الراس ام عباس ... بيهه ام حسن مبتشره
.........٤
كل النساء اتسولف ابهيبتهه
من فاطمه وزينب خذت عفتهه
معنى الشرف متجسد بشيلتهه
كل الشرف ... بيهه انوصف
حيدر علي بهذا اعترف
ام الحسن وام عباس ... اعظم نساء العتره
.........٥
باب الحوائج صارت ام الكافل
ما ترد طالب حاجه يمهه وسائل
دعوتهه توصل للسمه ابلا فاصل
بالفاتحه ... الكل رابحه
هاذي الحقيقه الواضحه
كلمن قراهه ابأخلاص ... ام الوفه تحل عسره
.........٦
ندعي الله من نضرتهه ما يحرمنه
ومن الخدمهه بكل وكت يحسبنه
التشفعله ام الاربعه بالجنه
كلمن خدم ... الهه حسم
امره بجنان اهل الشيم
ما تنظر اعيونه النار ... كلمن خدمهه بعمره
.......
كلمات
موسى الخادم
مو مثل باقي النساء
بيهه تحجي ارض وسماء
ضحت الأجل الحسين
كمر ضاوي بكربلاء ...
......١
خذت بالتضحيه دور البطوله
وهدت اربع ولد كلهم رجوله
واحدهم يسد الشمس طوله
كل هذا وتكول انه خجوله
يمه حسين اعذرني هواي... منك خجلانه اتعذر
كل الاملك ذوله اضناي .... ما ادري بعازه الاكثر
لون ادري يا امير
ابعازت الخوه تصير
مثل عباس الكفيل
عشره اخلفلك يخير
.....٢
كبل ام الوفه مسويتهه يا هي
تضحي اربع ولد وادكله ألهي
ابجاه الزهره احلفك موش جاهي
تردلي حسين ابني الطوله راهي
اخذ أبنيني وشوفي ارجاك... ياربي واخذ اسنيني
ولا تفجعني بموته اهناك ... موته اهواي ايأذيني
حسين نبضات الدليل
ابدونه اعيشن مستحيل
ونفترض لو ردت اعيش
حسبت ايام واشيل
......٣
الولد الزهره انطت ألافضليه
على حساب الابدور الهاشميه
جانت كل وكت دعوتهه هيه
كبل حسين تاخذهه المنيه
عمري ابدونه اكضي بالاه ... واكضي بالحسره ولوعه
شيصبر كلبي اليهواه ... ويدري بسحكات اضلوعه
ما أريد اسمع ذبيح
بموت ابو الاكبر اطيح
كون ما تبقالي روح
من ابن حذلم يصيح
......٤
بم الاربعه العالم تباهه
كفوئه ام الكمر حيدر خذاهه
حوت بيت الزجيه واحتواهه
مضرب كل مثل صارت تراهه
مو مرت اب عاشت يا ناس... خدامه ابيت العتره
جانت جلمتهه ام عباس ... وين انه اوين الزهره
قدمت درس السنين
الكل نساء العالمين
بيومهه الاول عروس
وبالهه يم الحسين
.......٥
الله اختارهه ورحمه اختياره
باب الحاجه صارت وبجداره
المهدي بطلعته باجر شعاره
يبني الجدته حضره ومناره
ما بين الكافل وحسين ... والزوار ايزوروهه
كل حاجه اويه ادموع العين ..مقضيه امن ايكصدوهه
عدهه اجابه الكل سؤال
الفاتحه سرهه يُقال
القراهه الهه ابخشوع
تكضي حاجاته الثكال
........
كلمات
موسى الخادم
من كربله جاي ... زاير الج زاير الج
الماشارب الماي ... زاير الج زاير الج
الجبتي العمر تجريله الدموع
هاليوم اجاج ابكلب مفجوع
......
فتحيهه عينج يم الابنين
عباس اجاج وجايب حسين
رغم الجروح النازفه البي
ماعافج الوحدج تموتين
من كربله اتعناج هاي المسية
يحضر دفنتج راد يوم المنية
ما هم بالالام ... يمج اجه يمج اجه
وبصدره الاسهام ... يمج اجه يمج اجه
شابع بواجي وحيل موجوع
.......
اتعنالج ابدمعات العيون
حاضر حسين اوية اليشيعون
بس عنده غصه بصدره يا حيف
شيل الجنازة رايد امتون
وبحسينج اتعرفين مثلو تمثيل
ضلوعه اصبحت ميدان لِحوافر الخيل
كاصد للمصاب .. من كربله من كربله
مسلوب الثياب ... من كربله من كربله
ماعافج المتكسَّر اضلوع
........
يالعمرج اكضيتيه معانات
عل مات من كثر الجراحات
وانذرتي لجله ادموع العيون
وبحركَه تحجيهه بعطش مات
انذرتي ابثوابه الماي لاخر حياتج
واليوم اجه ايجازيج عن تضحياتج
جايبلج اوياه .... دمعه اليصب دمعه اليصب
والأكثر اذَّاه ... دمعه اليصب دمعه اليصب
طفه ابرحيلج كل الشموع
........
قصة حسين وذبحه الاذاج
عاشت لحد الموت وياج
ليل ونهار امكابله النوح
مهدوده حيل الوكت خلاج
من بعد ابو الاحرار بيتج هجرتي
سويتي بيت احزان واشكد كبرتي
عمرج خلص نوح .... يم الكمر يم الكمر
عالراح مذبوح .... يم الكمر يم الكمر
حزنج واونج صار موضوع
.......
ولدج رخصتي لغله معشوك
تضحيتج بعين العرش فوك
ابماي الذهب مخطوطه عالوح
لحسين غيرج ام فلا اتلوك
حنيتج اعله حسين جن ام أبيهه
وبالمحشر الزهراء اتشكرج عليهه
يا ام الابنين ... شكرا الج شكرا الج
وافيتي لحسين ... شكرا الج شكرا الج
بيج الوفه ظل راسه مرفوع
......
كلمات : موسى الخادم
حاجتك مكضيه بمجلس ام الابنين
.....
ماخاب الكصدهه ... توفيله بوعدهه
معروفه العظمية .... متخيب الندبهه
كلمن يعتنيها .... تنطليه البديها
مترد الكريمه ... الحلفه ابنيها
اول بنيها حسين واجب ينذكر .. باول سطر ... واخر سطر ... من الدعاء
هذا شرط ام البنين الاربعه ... كلمن نعى ... عالمشرعه ... حصّل رجاء
ويتعالى النداء
لبيك لبيك ابا عبد الله ... لبيك لبيك ابا عبدالله
.....
عنوان البطوله .. تربات الفحولة
من يمها يسامع ... متخرجه الرجولة
والرايد مصادر ... عالشاطي يناظر
منهو ابجيش اميه ... سوه اكباله ساتر
حامل لواء حسين عباس الوفي ...امره خفي
بي مكتفي ... والوحده
وارث شجاعة حيدره بكل مفخره ... عالكنطرة ... وكف سره .... جيش العده
ويتعالى النداء
لبيك لبيك ابا عبدالله
ّ....
كل حاجه بسجلها ... امسجلّتهه وتحلها
معروفه بعطاها .... الضحت كل ولدها
حلالت مشاكل ... صدقن مو نجامل
باب الله الوسيعه ... لمترجعلها سائل
ما واحد الدك بابهه وخايب رجع ... منها اتنفع ... وال ماسمع .... هو الخسر
باب الحوائج الله سماها بفخر ... هذا الخبر ... طول الدهر ... تنطي الحضر
ويتعالى النداء
لبيك لبيك ابا عبدالله
.......
تنطي الي سألهه .... وحتى الما سألهه
يحجون بكرمها .... من جانت بهلهه
زغيره وتنطي كلشي ... للجاي والي يمشي
والهاذ ربنه خصهه ... ميردله اي شي
رفعت اديها للسمه ازوجت علي .. اعظم ولي .. من العلي ... حامي الحمه
وانطاها اربع ولد وحسين وحسن ... فخر الزمن .. زينب وطن ... من فاطمه
...
ويتعالى النداء
لبيك لبيك ابا عبدالله ...
.......
هاي ام الاطايب ... مجلسكم تراقب
وينه اليبجي الها ... وينه الكلبه ذايب
خلي نحي ذكرها ... وندعي الله بصبرها
يحسبنه خدمها ... وزوار الكبرها
باجر المهدي المنتظر راعي الشيم ... راعي القيم ... راعي العلم ... يمهه يجي
يبني اله مرقد واصل الحد السمه ... يم فاطمه ... واهل السمه ... بي ترتجي
ويتعالى النداء
لبيك لبيك ابا عبدالله
......
الحمدالله رب العالمين
اللهم صل على محمد وآل محمد
موسى الخادم