(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:50

اه اه.... بدموعي اتاني
اه اه.... يا هـــو الثاني
مــني اخـذت الاكــبر .... ياموت
وخوفي اعله جاسم اكبر .... ياموت

.....1.....
يالخذت من عندي اغله أوليد احبه
لية رديــته ذبــيح أبــلاية كـــلبة
اسألك جاوب يموت الفركه صعبه
ياهـــو بعد الاكـــبر اتخليني اكلبه

اه اه .... لا تخفي عني
اه اه .... ارحم ابــوني
ياهـــو الــوراء يطــبر .... ياموت
خوفي اعله جاسم اكبر .... ياموت
.....2.....

خوفي لا جاسم تخطفه من ادية
بعده توا بعز شبابه عوفه الية
عمرة كــله ١٣ رحمه خــــطية
تركـه لمه وانه اخــذني للمنية

اه اه .... مابية اشوفه
اه اه .... ياجرح اروفه
نازف وريـــد المــنحر .... ياموت
خوفي اعله جاسم اكبر .... ياموت
.....3 .....

عرسه ما تمم بعد ليله الــزفافه
امه جاي اتحضر بحنته بترافه
جفوفه كلش ناعمه تدمه حسافه
بي شبه حيل امن ابو كال الي شافه

اه اه .... ابجي لمصابه
اه اه .... وزفت شبابه
يترك حــياته مضـــطر .... ياموت
خوفي اعله جاسم اكبر .... ياموت
.....4 ....

ما كفاك الاكبر البل خيمه نايم
انوب اجيت اتريد اسلمك بيدي جاسم
روحي ما تحمل بعد ضيم ومأتم
ناري تسعر بالكلب وين امشي لازم

اه اه .... من هالليالي
اه اه .... ما ظلي غالي
بيمن بعـــد اتصـــــبر .... ياموت
خوفي اعله جاسم اكبر ... ياموت

....5....

شرد اجاوب لمه لــو سئلتني عنه
وعمته زينب ما تفارك كلشي منه
مالي حيل اسمع وسط هالحومه ونه
غالي عندي اوليد اخوي البيدة حنه

اه اه .... كلبي اشيصبرة
اه اه ... امن انظر النحرة
صعبه اعله راسه امن افتر .... ياموت
خوفي اعله جاسم اكبر .... ياموت

....6....

فدوة يا موت انهي هالقصه ابمصابي
انه الحسين اليطـــلــبون ابعــــذابي
مني اخذ هـــذا النفس واترك شبابي
جاسم وعباس اخــــوي ورد كتــابي

اه اه.... انهي القضية
اه اه.... ورد البقية
يمك امــــانه الـــخدر .... ياموت
خوفي اعله جاسم اكبر .... ياموت
.........
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:44

يل أيديك أمكطعات ... ايروحلك فدوه الفرات
اوماية ....

....1....

يا سلام الله عليك ابكد دموع احسينك
الراية ما لاكت الجف واحد مثل جفينك
سنين عمرك خلصتها تضحيات الدينك
ودمك البلجربه شاهد والسهم البعينك

يا شهيد التضحيات .... ايروحلك فدوة الفرات
اوماية

.....2.....
كربله الهل ساعه تحجي سيدي بفعالك
كبال سبعين الف فارس وكفتك تحلالك
عالفرات اتركت بصمه تنحجي لجيالك
ما شربت الماي كبل اختك وكبل اعيالك

ضامي ودعت الحياة ... ايروحلك فدوة الفرات
اوماية
......3 .....
خوتك جانت عظيمه ما يصح من عدها
الزينب انفاسك رخصت وللحسين بكدها
ذكـرتك كــل يوم عــاشر فاطمه اتخلدها
من تطيح اعله الشريعة تحضر بموعدها

هي وأمك لاطمات .... ايروحلك فدوة الفرات
اوماية
.....4.....
يابو فاضل من وفائك رسمو اجمل صوره
حاضن الجربه بزنودك وكفتك مشهوره
جسّدت اروع بطولة اعله النهر مذكوره
جفوف اديك امكطعات وهامتك مطبوره

يالجروحك نازفات . . ايروحلك فدوة الفرات
اوماية
.....5.....
للشجاعه أرجال وانت جنت زين ارجالها
أسمك ابسوح المعارك مرعب الابطالها
ما خطأ حيـــدر ابيـــوم التــوجك كفّالها
يعرفــــك كد الامانه ألهوه كــــبلك شالها

من علي ماخذ صفات.... ايروحلك فدوة الفرات
.اوماية ..

........
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:42

طاح الكمر يم شاطي الماي
وحسيني ما ظلاله كل راي
صاح انكسر ظهري الان
وانه صحــت يل خـــوان
وحسيني ما ظلاله كل راي

....1....
بالراية رد حسين الي ... بس مو نفس ذاك الطول
نص حيله طايح عالنهر ... نص حيله ساحتكه خيول
عن كافلي اسألته وبجه ... حار شيسولف شيكول
الخيمت العــباس اتجه .... شبه الذبيح المقتول

هد العمد من خيمته وصاح
البكه براسج كافلج راح
عفته يون عالتربان
صاح انكسر ظهري الان

.....2 .....

محني الظهر يم خيمته .. ويسولف اوية الدمعات
عباس مو ميت عـــدل ... عباس اخيي ما مات
وفاي اعرفنه وشهم ... ميعوفني ابهل الساعات
محتاجه حيل ابهل وكت .. يتركي وحدي هيهات

يا زينب امشي المشرعة انروح
هلبت تردله بشوفج الروح
امشينه يم الاحزان
صاح انكسر ظهري الان
وانه صحت يل خوان

......3 .....

يا زينب يكلي الكمر ... خليته مدمي اعله الكاع
بس مو نفس جسمه كبل... ثليثين من جسمه ضاع
ذاك الي جــان بوكفته .... يتعدى طـــول الاشراع
هسه اعله شاطي العلكمي ..كل طول عباس ذراع

شسولفلج يزينب منظر احماج
يبجي الصخر مو بس انه وياج
مثلت بيه العدوان
صاح انكسر ظهري الان
وانه صحت يل خوان

.....4 ...

يا خوية لو شفتي السهم ... شمسوي بعــيون الحيد
عاميله شوفه وما عرف ... يمه انه حسباله بعيد
حسّبّني من جيش العدة ... طامع ابراسه لـــيزيد
كالالي امهلني وقت ....لحسين احس روحي تريد

كتله انه يمك خوية عباس
اتبسم الية ودنك الراس
مستحي حيل وخجلان
صاح انكسر ظهري الان
وانه صحت يل خوان

......5 ....

عباس مو ايّن بشر .... يختلف عن كــل الناس
حقه الحسين بطيحته ..لو شاب من عنده الراس
طيحت الكافل عل النهر ...معناها طاح الاحساس
ومعناها كل غيره انجفت .... عالكاع ويه العباس

حقه الحسين اعليه اذا مات
كلش قليله بحقه دمعات
عباس مو ياهو الجان
صاح انكسر ظهري الان
وانه صحت يل خوان

......6 .....

عثرت الما ظلاله اخو ... تعثر مضيف بكبرة
وشحال اذا جان الاخو ... عباس عين الزهرة
لحسين اعاين من بعد ... أهلال صاير ظهرة
كل خطوة يمشيله أيعثر ... عديت اله جم عثرة

من النهر للخيمه جم ميل
سواها الحسين بكبر ليل
اه يا زماني الخّوان
صاح انكسر ظهري الان
وانه صحت يل خوان
......
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:42

رِجَالٌ صَدَقُوا مَا عَاهَدُوا اللَّهَ
ذوله انصار الحسين
....1...
كلمة حظ بخت تنكال ... منهم ما يصح ارجال
عشاك المنية
ضحو بالركب لحسين .... وانطو حتى ماي العين
اكراماً للزجية
لو لفينه هذا الكون .... ما نلكه شبيه الجون
سبع الغاضرية

حياهم ...حياهم ... خالد يظل ذكراهم ...
حد يوم الحشر
لولاهم ... لولاهم ... معرفنه شي لولاهم ...
عن معنى النصر

رِجَالٌ صَدَقُوا مَا عَاهَدُوا اللَّهَ
.....2......

نيتهم صدك لله ... جانت في سبيل الله ...
مو جاه وسيادة
يدرون الامر محسوم .... موت امحتم وملزوم
ما تبقى قيادة
عابس للشهادة اختار .... والموته ابتسم بصرار
وتحقق مرادة

للذله ... للذله ... ما ركعو للذله .... تشهد كربله
بدماهم ... بدماهم ... خطوها بدماهم ... معنى المرجله

رِجَالٌ صَدَقُوا مَا عَاهَدُوا اللَّهَ
ذوله انصار الحسين


.......3 .....
من يحجي المضيف اشعار ...لازم يذكر الانصار
باول قافياته
عنوان الشجاعه نشوف ... خالي امن الرعب والخوف
تشهد معجزاته
يم راية حبيب انذاع .... كل صيت الزلم الاسباع
الله اشحلاته

ثورتهم ... ثورتهم ... قادوها ثورتهم ...
بأيمان وعلم
نتباها .... نتباها .... بسماهم نتباها ...
يا نعمه الزلم

رِجَالٌ صَدَقُوا مَا عَاهَدُوا اللَّهَ
ذوله انصار الحسين

....4....
بيهم تفتخر الاعراب .... وترجع الهم ابنساب ...
فخر الكل عشيرة
رفضو للظلم والجور ... ما قبلو ابذبح النور ....
عالدين اهل غيره
غيرة وهب تحجي اهناء ... للدين انتفظ واغناء
يا محله البصيرة

وياهم .... وياهم .... نتمنى كون اوياهم ...
جنه ابهل الحرب
ضحينه .... ضحينه .... كلشي انحب ضحينه
ونبقى ابهل الدرب

رِجَالٌ صَدَقُوا مَا عَاهَدُوا اللَّهَ
ذوله انصار الحسين

.....5.....
تاريخ المجد معروف .... ميخلد سهم وسيوف ...
تخليدة المناحر
وانصار الحسين بزود ... بيهم كل مجد محسود
بالماضي وبالحاضر
ابن الحر ثبت لّلناس ... بس لله يهبط الراس
حليبه الرضع طاهر

رايتهم ... رايتهم .... تحمل قيم رايتهم ....
ما طاحت ابد
من عدهم .... من عدهم .... يا سامع من عدهم
ما يحصل بعد

رِجَالٌ صَدَقُوا مَا عَاهَدُوا اللَّهَ
ذوله انصار الحسين

...........
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:36

كل الحوائج تنقضي بدعائج
يا أم البنين .... يا أم البنين
.....1 .....
انتي باب الله الوسيعه الما يرد خطاره
كل شخص يمج تعنه ايحصل احله ابشاره

مكظية ..... حاجاته ..... الخلاها وراج
معروفه .... بكل شده ... اتحضرين النخاج
هالعالم .... خيراته .... كله من دعاج

يا ام البنين

.....2.....
مــا تخيبن اليندبج بالشدد مـــوجودة
كل وكت سفرت عطائك للخلك ممدودة

تشهدلج ... هالوادم ... يا نبع العطاء
كل سائل ... دك بابج ... نال امن السخاء
يالوحه .... مرسومه .... بنــــور الانبياء

يا ام البنين
......3.....
اسمج الاول نشوفه بدفتر الـــوفاية
يا مرة مثلج تضحي بكمر شايل راية

افضالج ... ما تنعد ... يا ام البنين
عزبتي ... كل ولدج ... لعيون الحسين
وفيتي ... وكفيتي ... كتبت هالسنين
......4 ......
كربله اتسلوف على العباس راعي الغيرة
لومه تربيتج صحيحه ما وصل هالسيرة

راضعته ... الحنية .... والشاهــــد ابوه
لومه انتي ... ما ضحى ... بجفينه الاخوه
تربيتج ... قــــدسية .... العباس الكفوه

يا ام البنين
....5....
الليله كل هاي الايادي الحضرتج مرفوعه
لا تردينه نحلفج بالكسيرة اظلوعه

للخدمه .... وفقـــينه .... يا ام البدور
لحسينج ... مانترك .... حد كطع النحور
كل خادم ... بالعالم .... منتظر الظهور

يا ام البنين
.......

الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:33

قصائد ام البنين ع 👇

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:29

كلشي بايعلك حسين ... اشتريني ابلا ثمن
انه عبدك بين اديك ... وانت سلطان الزمن
يا أبا عبدالله

....1....
احلفــك بالـــزجية تــقبل الــدعوه
عــبد خليني عندك يا بو الــمروه
اعيش ابعالمك بس عالمك اهوه
حسين انت الوحيد الخدمته تسوه

يا مــلاذ العاشقين .... اشتريني ابلا ثمن
روحي ولهانه عليك ... وانت سلطان الزمن
يا ابا عبدالله


.....2 ....
وحكك اجر ما رايد على الخــدمه
رايد بس رضاتك يا ولي النعــمه
الثبت وياك اخـلاصه يـبو اليـــمه
اشيريد اكثر بعد من خالق الرحمه

اعليك امشي أم البنين .... أشتريني ابلا ثمن
هاذي دعواتي أمن أجيك ... وأنت سلطان الزمن
.....3 ....
يدين الله وكتابه ومنهجه وشرعه
تبعتك مــو لجل جاه ولجل سمعه
عشت وانه صغير ابموكب الدمعه
على امصاب الجرالك الطم وانعه

ما بقتلي ادموع عين .... اشتريني ابلا ثمن
يوم عــاشر أعــتنيك .... وانت سلطان الزمن
......4 .....
اهـــيم ابســـيرتك واتخـــيلك دامي
اكـــلب بذكـــرياتك منـــذبح ضامي
يماخذ شوفي مني وعمري وأحلامي
يريت الي طــبر هامك طبر هــامي

أمنياتي ابهل السنين ... اشتريني ابلا ثمن
كل وكت احلامي بيك .... وانت سلطان الزمن
....5....
اشكثر لاموني جي حبك شغل بالي
كـــالو مـــا ينفعـــك ســيدك تالي
صحت بحسين اشوفن كلشي يحلالي
غــالي ابكلبي ما مثله شفت غالي

انه دونك امشي وين ... اشتريني ابلا ثمن
ضايع وسيرت ليك .... وانت سلطان الزمن
....6....
احلفك سيدي بدمعاتي التجري
اذا حانت منيتي تحضر الكبري
اذا منكر سألني اجاوب بظهري
غيرك ما اتاني الي يفك يسري

ليلة الوحشة حزين .... اشتريني ابلا ثمن
روحي ترفه تنتخيك .... وانت سلطان الزمن
يا ابا عبدالله
.........

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:22

يا امير الامراء ... عنه ارفع هالبلاء
احنه غيرك لله ما عدنه وسيله
والذنوب اهواي جفتها ثكيله
اتوجهينه الكربلاء

.....1.....
ابتدأ عدنه محرم سيدي اشلون
هالسؤال اهواي خدامك يسئلون
ما معودهم أبعــاشورك يكعدون
لا مجالس لا لطم لا دمعت عيون

بغير عاشور وصفر ... ليهم الموت ايحضر
امعودين اعله المجالس ليله ليله



....2....
ياحسين انحلفك ابعباس الاعضيد
اترد علينه ايام عاشورك من اجديد
خالية من كل وباء اوكـــل تجاعيد
غير هاي الطلبه ما عدنه ولا انريد

ليله العاشر نجيك ... امعوّدين انمر عليك
نكعد ابابك ومدمعنه نسيلة
....3....
امحضرين اهدومنه السوده والاعلام
مثل ما جنه نحضرهن ابكل عام
نظرة منك ردنه ترجع ذيج الايام
حتى نحيي امصيبتك بدموع الايتام

للشعائر رب عظيم ... وانت للخادم كريم
نظرة منك ردنه تجلي هالثجيله
....4....
حيل محتاجين يحسين الدعائك
حيل مشتاكين مولاي العزائك
احنه مخلوقين الك والكربلائك
عنه اكشف هل وبائات ابدوائك

تربتك بيها الشفاء ... للمريض اعظم دواء
الف هنيالة اليجيك وتندعيله
....5....
بالفرج ادعي النه نحييها المجالس
اوية الامام المنتظر عشك النوارس
يا حسين ابشاربك كل هل عوابس
يخلص أمحرم وما بينه الـــملامس

الك مدينه الادين .... حلها يمك ياحسين
نستغيث بحضرتك بسم العليله


.......
الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:12

حسين .... رحمت الله رحــمته
حسين .... نعــمت الله نعــمـته
حسين .... صحبت الله صحبته

.... 1 ....
يلي تسأل عن حسين ومنهجه وايمانه
كلشي زين ابهل وجود حسين اصل عنوانه
عابد الله من زغر
ضحه للدين العمر
للبلاء شايل صبر
والدليل بيوم عاشر صبره ذل عدوانه


.....2.....
رحمت الله ابكل صورها اتجسدت بعيونه
بجت عينه عالرضو من منحرة ايذبحونه

ما بشر مثله يصح
يناجي ربه بالذبح
جرحه اكبر كل جرح
عاش بعيون اليتامه العلثره اينظرونه

.....3 ....
حسين عبره حسين عبره حسين كلشي مسالم
يا سلام الله اعله طيبت كلبه شال الوادم
حسين للعالــم دوه
اشبه بنسمة هــوه
نهر كل ضامي روه
وهو عطشان انذبح بسيوف جيش الظالم

.....4 ....
حسين للعالم هـداية حسين عزه ومــفخرة
حسين معنى الهل وجود بكل مضامينه تره
كـافــر الي يبغـــضه
لو عبد برض وفضه
حسين مفتاح الرضا
شافع الكلمن يحبه حسين يوم الاخره

.....5 .....
حسين ما خاب اليخدمه مسجل اتعابه اشكثر
ما تضيع الدمعه يمه ولطمتك فوك الصدر
حسين ما ينسى الخدم
والبـــجاله واللــــطـــم
اي وحــك راعي العلم
للكبر زاير يجيك بليلت الوحشه ايحضر .
........

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:09

مولاي ... يحسين ... ما خاب اليخدمك

...1...
ذنوبي هوايه يا مولاي ... اخجل لو ردت عدهن
بس الــزينه الي وياك ... دموعي اعـليك احبنهن
عــبدك انه الصغيرون ... ذني العندي اســولفهن
تحت امــرك يبو الاكبر ... سنيني ابابك افرشهن

للموت ... وياك ... خادم خلني يمك
...2...
يحسين اليحبك كــون ... ما تخلص بــواجــية
مقتل عاشر بعــاشور ... يـــدوي ابراسه لـيله
مجوي بجمرت اخيامك ... مثل اسكينه ورقــية
الحبك من صدك مولاي ... يكظي سنينه لطمية

دمعات ... عيناي .... تجري امن اذكر اسمك
.....3.....
كون اليخدمك مولاي ... من كل كلبه عالفطرة
ميـــدور اسم ويــاك .... وجاه ومرتبه وشهرة
مـــو اله يصح رادود ... يصعـد منبرك يـــقرة
الــوياك الصدك نـيته ... انت اتشوفه والزهرة

مسجل ... اسمه .... يم الزهرة امك
.....4 .....
مبخوت العليه ترضى .... واسمه عندك مسجل
يحسين اليصير وياك .... يـــوم بعــمرة ما ينذل
مثل ام البنين ايصير .... كـــلشي ابابه يتوســل
جي خادم الك مولاي ... تكصدة الــوادم وتسئل

علّيت ... عل ناس ... كلمن بجه الدمك

.....5 ....

عابس حكه من جن بيك ... قدم روحه الك فدوه
شاف بوجهك الما شاف ...غيرة واعرفك تسوه
نور الله العــليك انهال ... شـــع ابكربله وضوه
ولهذا السبب يهواك ... كلشي ابهل الارض يهوه

حاشاك .... يحسين .... تنسى العشك رسمك
.......

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

23 июля 2021 05:05

السلام عليكم احبتي خدام الحسين ع
سيتم نشر منهاج محرم الحرام لهذا العام ١٤٤٣ ه
الليالي العشره الاولى
يوم غدا ان شاء فأنتظرونا
لاتنسونا من صالح دعائكم
خادمكم المقصر
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

18 июля 2021 11:45

عظم الله اجورنا واجوركم بأستشهاد الامام الباقر ع

(ألَشُـأعر والَرادٍودٍ مًوٌسِـى أّلَخِـأدٍم )

09 июля 2021 00:03

ياجواد الائمه .... جرحك منين اكلمه
من حرك باب وخيم
لو مناحر تجري دم
جرحك منين اكلمه
.....
اسالك يا اغله غالي ..واعتذرلك عن سؤالي
يا جرحك اكثر يألمك ...فدوة جاوب ريحه بالي

جرح حرك المخيم لو سبي الخدر
يمن لسه بدليلك جمرتك تسعر
متت وعيونك اتصب العلي الاكبر
الك ثار اليجيبة المهدي من يظهر

لحضه ما ينسى ثارة .... المهدي واضح قرارة
يظهر وبيدة العلم
من حرك باب وخيم

.......
يالخبر موتك فجعني ...ما ابطله اعليك وني
شنهو اكثر شي بجيته .... سيدي لا تخفي عني

احلفك بالجفوفه العمتك صانت
دمعتك تجري المن كل وكت جانت
اعلى زينب لو رقية العل طشت ماتت
يمن ساعت وفاتك هالمسه حانت

بوح الي بهذا سرك .... حتى اظل اعله ذكرك
اتقاسم اوياك الالم
من حرك باب وخيم
........
يالعشت عمرك مصيبة ... عل البقت جثته سليبة
ضامي مت اوهو ضامي ... موتتك مثله عجيبه

متت ضامي مثل موت الذي احلالك
رمية اعله السطح شمس الله تبرالك
ثلث تيام ما واحد اجه وشالك
يمن حتى العرش ناح وبجه الحالك

بموتتك هالمسية .... عادو الغاضرية
جبدك مصوبينه سم
من حرك باب وخيم
......
يالجواد ابجي المصابك ... وحزني مافارك عذابك
روحك اشافت مصايب .... يلي ما راعو شبابك

يالعمرك وصل حد خمسه والعشرين
وسمو جبدتك ياحجة الطيبين
خلص عمرك تنوح الوحدك لحسين
ومثل جدك علي ابيجت الزجية سنين

سنينك الي عشتها .... بالمدامع خلصتها
سنين عمرك كلها هم
من حرك باب وخيم

........
مجلسك هالليله حاضر ... سيدي اعله جروحي اكابر
امن اذكرك واذكر شبابك ...صورتك مسموم اناظر

اشد ليله اعلى كلبي ليلة اغيابك
عليك اشما انوح امقصر ابابك
يمن متفضل اعليه اقرة بمصابك
بمانك سيدي ما فارك اعتابك

عبدك اقبل خدمتي .... لا تردني ابدمعتي
جرحي وياك انرسم
من حرك باب وخيم
.......
الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

09 июля 2021 00:02

نعش والينة الجواد نشيعة هالساعة
""""""""
نعشة هاي الليلة .... بالدموع أنشيلة ...... سيد العقيدة
وبالطم نحيهة ..... ذكرى ونواسيهة ..... روحة الشهيدة
تستمعنة أعدانة .... ثارة عاش ويانة ... منهم نريدة

مانعوفة وللأبـــــد بالــــــثار شــراعة
"""""""
يـــــلة يا أنصارة .... هـــبو يم ديارة ...... هاي المسية
أتوادعو أويالوالي .... حجة الله الغالي .... هاوي المنية
غمضاهة عيونة .... شوفتة الحرمونة .... أتباع أمـــــية

حرمو الشيعة تشوفة وتلمس أذراعة
"""""""
ساعت أتشيعونة ..... جبدة لتلجمونة ..... بالسم تكطع
يامحب أبــــهيدة ..... من تشيلة بهيدة ... ونـــاتة تسمع
لا فــعل يشفينة ..... لا حزن يكفينة .... فاركنة مرجع

وارث علوم الرسول وفكرة وأطباعة


يادهر ياظالم .....ليشت أخذت العالم .....وارث نبينة
أبيا ذنب سميتة .... وبالترب غطيتة .... غالي علينة
ربنة ما ينساهة .... فعلتك وي طــه .... أوي بنيـــنة

ياخذ بثاراتة منك تفرح أتباعة

.......
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

09 июля 2021 00:02

السلام عليكم احبتي خدام الحسين ع
عظم الله اجورنا واجوركم بذكرى شهادة سيدنا ومولانا الامام الجواد عليه السلام

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:48

الله يسبع الكنطرة .... يالكل صفاتك حيدرة
.....1.....

اتنخته الحره العقيله وصاح امريني
يختي عد عيناج انه وعمري واسنيني
شنهي تردينه يزينب خويه حاجيني
الماي اجيبه الخيمتج مجتوف بيميني

علاها ... بالعالي .... رايته ...
والزينب ... هوسه .... هوسته ....
اجروف النهر يم خيمتج .... حالف اردن بيها

ماي النهر ظهرة اكسرة ... الله يسبع الكنطرة
.....2 ....

صدره دك الهه وندها يا بعد حيلي
سمعا اوطاعه انفــذ اشما تكــليلي
كربله اكلابه ابيميني بس تأشريلي
كلشي يجرالج فقط لتلاثه عــديلي

افنيها ... عدوانج ... ما اهم
كفالج ... بالحومه ... يذل زلم
ليهمج اهوي العدد .... سبعينهم امحيها

عالموت اللزمهم سرة .... الله يسبع الكنطرة

.. ..3 ....

ما اريد ايضيج خلجك يغله كل ناسي
جبل شامخ انه اعرفج والجبل راسي
ببتسامه ودعيني وكـــولي عـــباسي
روح يبرالك محمد ياهـــوه انـــفاسي

لا تنزل ... دمعاتج ... عالارض
بيميني .... فقاري .... منتفض
اليوم حالف ما ارد ... الا الزلم اكظيها

بدماهم ارويها الثرة ..... الله يسبع الكنطرة

.....4 ....

لّنهر طر بمهرته وعينه لخيامه
جربته بيمناه ويسولف على ايتامه
كلشي ما شاف بعيونه حسين كدامه
جنه يعلم مايرد هاي اخر ايامه

يم زينب ... ما سولف ... بالقدر
وجفوفه ... التتكطع ... عالنهر
اه يشيال العلم .... هالجمله ما حاجيها

خايف على اخته المفخرة ...الله يسبع الكنطرة
.......
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:44

كلشي ميت وانت ذاك
منور الكون بضواك ... لا هوا الا هـــواك ... ياكفيلي
كلشي واكف يم رضاك
حتى موت الله الخذاك ... عايف الدنيا وراك ... ياكفيلي
....1.....
يم اوصافك يا عباسي
اتعــثر حـــيل ابنفاسي
رفعت راسي رفعت راسي ... انت وكلشي تشوفه عيوني
بعدك صارت وحشه ايامي ...
ضاعت وي موتك احلامي ...
عطشانه الشوفك يالضامي ... يبست روحي تغير لوني
هاي الناس ابعالم وانته ...
بعالم ثاني ياروح اخته ...
ما يرهم ابجيلك سكته ... ابجيلك عيني اويه اجفوني

خوية بعدك حالي حال
فدوة لعيونك تعال ... راح وياك الدلال .... راح حيلي

.....2 ....
ربيتك بيـــديني وشفــتك ...
زلمه امعدل هيج اعرفتك ...
تنكط غيرة يا بعد اختــك ... حيدر ثاني اكبال الزهرة

من احجيلك عالطف توكف ...
ترسم جربه وعينين وجف ...
ترسم نهر اكبالي مجتف .... هذا الموقف جاي اذكرة

كلمة مسبية امن الفظها ...
كــدامك روحـك تنفضها
المثلك ياخوه اتعـوضها ... لكضي سنيني اعليك بحسره

جنت محسودة عليك
هسه مكطوعات اديك ... ريت بية الصار بيك
شاب ليلي


.....3 ....
يا كافل خدري البيك افخر ..
منك شنسى ومنك شذكر ...
حنيت الله بعينك انظر ... امودع بالله مودع بالله

يا عباس الــدنيا اشبيها ....
بس انت العندي امحليها ...
روحي بروحك دوم الكيها .... بعدك حالي الموت احسله

جرحك ما يشفه بدمعاتي ...
عــباس ارجع تسبيحاتي ...
اوياك افراحي وكل ضحكاتي ... فرض احزاني ابابك صله


من رحت عني ومشيت
منكسر ظهري لكيت ... على ذكراك انتجيت
ما تجيلي
.....4 .....
جيت اوياك امن ارض اجدادي
بهيبة وعز وفخر امجادي ....
هسه اعداك اعلية اتنادي .... يالمسبية يالمسبية

ما حسبت ابحبل اتشبك ...
وانت بسهم اعيونك تنشك ..
وابنيات احسينك تنطك .... واكثرهن هضمتني ارقية

وكحه اعيون اعداك وصلفه ....
خوفي اتعثر واوكع كــلفه ....
تعرف اخــتك تــنكط عــفه ... يالتـــنكط غيــرت بدوية

زيدت جرحك جروح
اعتذر بس وين اروح ... روحي يمك مالي روح
ياخليلي


.....5 .....
يل ما مثلك جابت حرة ...
تتلكاك اهـــناك الزهرة
بس نهر افراكك شيعبرة ... يالماخذ كلشي اوياك اسمع

راح احسب للموت ابهمه ...
حتى اتلاكه اوياك ابكلمة ....
دنياي ابلا شوفك ظلمه ... كاس المر تتركني اجرع

بعدك حكي امن ادعي ابموتي ..
يونس صرت وفكدك حوتي ....
ما تسمع يا كافل صوتي .... جيتك يا عباس المصرع

شوفتك صارت مناي
كلشي خليته وراي ... تايها ما ظلي راي ....
اندعيلي
.....

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:42

قصائد الامام العباس ع 👇

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:37

ليلة مسلم ... هاي الليلة
واجب مو مدمع نبجيله .... نبجي العين

....1....

مسلم حبيب الله وحبيب الزهرة
ليلة مصـــابه فاجعتنه الكبرة
اعليه الظلع هالليلة كون انكسرة

لطمت صدرك ... ترفع قدرك
ام حسين اتعظم اجرك ... اويه الباجين

....2 ...

شما نبجي اله منوافي تشهد طوعه
خلص حياته للحسين ادمــــوعه
سمعاً وطاعــه صيحته مسموعه

وافه بوعده ... وكلشي العنده
وروحه اليملك لحسين ابده .... وهذا الدين
....3....

مسلم عظيم ابخلقه وابحسانه
محد وصلها مرتبت ايمانه
ارض وسمه اعليه المسه حزانه

دمع الناظر .... عالخدر حافر
بوجه السماء اصبح ظاهر.... هذا الحين
.....4 ....

دين الله وأياتة وكتابه وشرعه
علنو حداد اعله السفير بدمعه
كلشي الوداعه الليله يبجي وينعى

ماتت روحه ... بنزف اجروحه
غاب وظل للعالم نوحه .... بسم حسين

.....5.....
باب الله مسلم ما يرد من زارة
يقضي الحوائج هاية من اسرارة
يشهد مضيفه العامر بخطارة

فاتح بابه ... الكل احبابه
ميرد محتاج اعله اعتابه .... يمحبين

........
الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:34

يا نظـــر عــيني .... اوداعت اعيونك
موحشه اسنيني .... يبني من بدونك
فداك أربع بنيني
فداك أربع بنيني

....1....
يالماخذ اوياك الكلب لا تمشي عــن عــيني
عطشانه روحي الشوفتك من شوفك ارويني
طاري غـــيابك من يــــمر بسهامه يرميني
يحسين يا نـــور البصــر بعـــدك يبــــجيني

لا تجافيني .... ابطلعت اضعونك
موحشة اسنيني ... يبني من دونك

.....2 ....
كلشي بحياتي ما ردت بس ردتك اكــبالي
مالي امنياتي بهل الزمن بس شوفك امالي
كل غالي كـــدامك اشوفه عــندي مو غالي
وي الـــنفس تصعـــد وتـــنزل انت يالوالي

لا تخليني .... بحسرت اظنونك
موحشة اسنيني ... يبني من دونك
.....3 ....
لو عازم اتريد الهجر وياك اخذ روحي
واتركني ويه دمعي اليصب اتركني وي ونوحي
جرحك اشد واعظم جرح حاسبته بجروحي
نار بــدلـــيلي تستعــر بعـــدك يــمذبـــوحي

دمعي عاميني ... جي يذبحونك
موحشة اسنيني ... يبني من دونك
.....4 .....
كل خطوة تخطيها بسفرتك يا بعد حيلي
من عمري تاخذ جم سنه حاسبه الك ليلي
ادعيلي يمه بالصبر بـــوداعك ادعيلي
دنياتي من دونك عــدم دمعاتي تحجيلي

يمه حاجيني .... منخطف لونك
موحشة اسنيني ... يبني من دونك
......5 .....
اقسملك ابشيبت علي يا سلوتي وعيدي
اولادي كلها بجفه وانت بجفه يوليدي
عباسي واخــوانه الك ناذرهــم اوريدي
من الـــزغر متنازله اعليهم الك بــيدي

اربع بنيني .... فدوه لعيونك
موحشة اسنيني ... يبني من دونك
.........

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:32

تسولف روحي ... تطيّب اجروحي ... سوالفكم
صعب انساكم ... اموت اوياكــــم ... احلّـــفكم
....1....
وينكم يهل الحمية دمعي جاري
ليلي تيهته ابسفركم من نهاري
من بعدكم وحشه صارت وحشه داري
صبري ملاني ولا مل انتظاري

يكلشي بعمري ... نفذ كل صبري ... اشوفنكم
....2....
طبــع اليـــفاركله غالي يبجي ليله
اشحاله اذا مثلي فكدله بليله عــيله
قصتي مـــا يحصل مثلها انه العليله
ياهو اليواسيني ياهــــو الاشــتكيله

الحزن اذاني ... البعد هداني ... اخّبّركم
.....3 .....
روحي مشتاكه اعله شوفتكم يخوتي
عندي ظلت بس صـــوركم يا بــلوتي
صرت ادعي ابكل صلاة يحين موتي
من كثر ما نـــوح الكــم راح صوتي

المرض يا ويله ... علي شد حيله .... قسه ابتكم

....4 ....
ساعه ساعه امناطرتكم ما تجوني
زارعه ادموعي بدربكم وي عيوني
سنيني ترفه والشماته ما رعـــوني
عـــذبوني مـــن بعـــدكم عذبــــوني

كتبت ابابي ... ثجيل امصابي ... اناشدكم

.....5 .....
فرهد ايامي الزمان الخــان بية
اخذ من عندي هلي وغصبن علية
مني اخذ جاسم وعبدالله و رقية
ونفس ريتي حسين ابن حامي الحمية

مشه للمصرع ... الي ما يرجع ... خبر عدكم
......

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:23

خــادم اوليدج فاطمه قبليني
وبدفترج يم الحسن سجليني
يفاطمه ... يفاطمه
....1....
رابح الوالاكم .... خاسر العاداكم ... يفاطمه
الاطم الكم ايده... ربنا جاه يزيده ... يفاطمه

الف هنياله اليخلص اوياكم حياته
كلشي بالدنيا يخدمه الساعت مماته
وملك بين الوادم اسمه يصير شحلاته
اكراما الكم ربنا ينطي كل امنياته

يفاطمه ... يفاطمه
2........

الخلصاهه سنينه ...ينحب اعله حسينه... يفاطمه
وحده متخلينه ... بموتته تحضرينه .... يفاطمه

باجـــر ابتشيعه انتي فـــاطمه مـــوجودة
للكبر ساعت نـــزوله وكـــفتج مشهودة
يا سلام الله اعله ذكرج يمه احله انشودة
كلمن تحضرين موته ايرد عدل بعهودة

يفاطمه ... يفاطمه
....3....
كل شخص حبيتي... جنة الله انطيتي ... يفاطمه
اليمج اسمه امسجل..كلشي بي يتوسل.. يفاطمه

الله يرضى اعله الرضيتي اعليه يالمحبوبة
بالحـــشر باجـــر نشوفه بيمنته مكـــتوبة
اكرام الـــج يم الحسين امطيحات اذنــوبة
عالصراط ايجوز لابس ثوب الابيض ثوبه

يفاطمه .... يفاطمه
4..........
_الله يرفع قدرة ... البلمجالس ذكرة ... يفاطمه
ما تموت ايامه ... اليقرة للطامه .... يفاطمه

حمزه الصغير لهسه ذكره عايش بينه
كـــل محرم كلي يالميـــــمون التبجينه
نقسم اعـــليج بمحمد وبعلي وفــقينه
بدفترج خـــدام كلنه بدفــــترج سجلينه

يفاطمه .... يفاطمه
.....5.....
يم حسن نادينه ... امروتج اتسمعينه... يفاطمه
بالمجالس هاية .... علكينه الراية ... يفاطمه

امني يا زهرة اعلى دعوانه يرد الغايب
طالت الغيبه علينه الشاب اصبح شــايب
يمتى يلفي المهدي يمتى بثار جده يطالب
من جنودة انريد نصبح تحت سيفه انحارب

يفاطمه .... يفاطمه
........

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:18

نار الحزن ... تشتعل بيه
لو مـا الك ... انعى لــيليه
عشت العمر... اقره لطميه
مستهلها يا حسين
...1 ...
شكد عشت ايام عمري لو اعدنها
غيرك انت ما اشوفن بيها معدنها
روحي بغرامك هايمه ..
صبح ومسية معلمه..
تبجيك بعيون السمه ... يا روح امك فاطمه... يا حسين
ما سولفلك انت ابداخلي تعلم
يحسين اعله ذكرك كلبي امعلم
اه اشكد احبك تسري وي الدم

مجنونك اي .... انه مجنونك
يرويحتي .... اوداعت اعيونك
عشت العمر ... اقرة لطمية .... مستهلها ياحسين
......2 .....
خل يلوموني اعله حبك ما يهموني
انه كل الي يهمني انت يعيوني

اقسملك ابربي الصمد
ما ريد مال ولا ولد
للخدمه وفقني بعد
رايد مدد رايد مدد .... ياحسين

ارزقني البواجي اعليك والعبرة
وخدمت منبرك يحسيني عالفطرة
احلفك بالعزيزة فاطمه الزهرة

بس خدمتك .... فرحه تنطيني
ممنون الك .... من تبجيني
عشت العمر ... اقرة لطمية ... مستهلها يا حسين
.....3....
بل المجالس والمواكب روحي متعلمه
عاشك النوح بعزائك عاشك اللـــطمة
ربتني امي امن الــزغر
عالمجلس ولطم الصدر
فطمتني دمعه اعله الخدر
وانعاك كل يوم اليمر ... ياحسين

يالمالك شبيه ابعالم الدنية
جروحه اتعدت الالف وتسعمية
واخته لليسر مشوهه مسبية

لمصيبتك .... محترك دمي
راضع حزن ... مو حليب امي
عشت العمر .... اقره لطمية ...مستهلها ياحسين
........
.....4 ....
حسين ماعندي امنيات اهوايه تدريني
امنيتي وحدة بمجلسك خل موتي يلفيني

حتى اطب انه الحفرتي
عالصدر شايل لوعــتي
والجفن يصبح رايـــتي
مو اجر جانت غايتي ..... ياحسين

حبيتك يغالي مو لجل شهرة
ولا لجل المكاسب صرت الك اقرة
يحسين العشك من الله عل الفطرة

عندك عبد .... لاخر ايامي
وابلاية اجر ... يالمتت ضامي
عشت العمر .... وياك ... مستهلها ياحسين

......
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:10

صلى الله عليك يا حسين
.....1 ....

( يا نور الله )
عالغــبرة نايم ليش يعيوني
ريت انه كبلك يمه ذبحــوني
والخيل داست صدري وامتوني

الله اكبر .... يا جرح السماء
الله اكبر .... سابح بالدماء
الله اكبر .... مسلوب الرداء

يا ثار ايطلبوك ويطلبوني

....2....

( يا سر الله )
ليش اعله ذبحك عقدو النية
ما راعو الحرمه الالهـــــية
كل سهم صابك بالعرش مية

الاسم الاعظم ... سره بمحتواك
الاسم الاعظم ... مرهون برضاك
الاسم الاعظم ... ربك قــــدماك

حروف اسمك اياته القدسية

.....3 ....

( يا وجه الله )
ذبحوك ظامي والنهر يجري
يبسن اشفافك يا بعد عمري
شوفتي الحالك زيدت قهري

يا محبوب الله ... يمبجي الخليل
يا محبوب الله ... دم نحرك يسيل
يا محبوب الله ... انت اول قـــتيل

اعليه كل العالم ينحب تدري

....4 ...

( يا عشق الله )
سهم المنية نايــم ابصدرك
والسيف صله النافله بنحرك
الله يعينك يبني ويصــــبرك


ياقران الله ... انت اصل الحياة
ياقران الله ... يالبـــيك النجاة
ياقران الله ... يا نبع الفـــرات

كل شارب منه ايشم بي عطرك

.....5 ....
( يا ثار الله )
ياخذ الثار القائم المهدي
امن الكطع راسك والسطر خدي
يايمه بس هو الامل عندي

الحمدلله ... باجر بالظهور
الحمدلله ... مهدينا يـــثور
الحمدلله ... يبنيها القــبور

والدوله المهدية اهنا تبدي
...


الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:07

صيحتنه تضل حد المنية
خدام الشهيد الغاضرية
دنيا واخره اوياه .... وقعنه الهوية

....1....
غالي عدنه حسين غالي...اغله شي بالكون عدنه
يسري وية ادمانه حبه .... امن الزغر هذا وجدنه
ابعالم الذر انتمينه ... والة وقعنه عهدنه

احسين يستاهل تعب
منبدله بالدر والذهب
يا للعجب كل العجب ... الظن يغير معتقدنه

واهم يالتظن نترك مسارة
حسين ابكل زمن اعظم تجارة
نحيا انموت وياه .... وقعنه الهوية

.....2.....
حسين قدم كلشي عنده ... شما نقدمله قليله
فدوة اله اتروح المناحر ... والدمه لجله نسيله
علموده احنه انخلقنه... وغيرة ما عدنه وسيله

احسين اغله امن الهوه
والشرب من ماية ارتوه
وحروف أسمه احسن دوه .... للعلّتّه جانت ثجيله

دكتور العلل ما مثله دكتور
كشفيته زيارة يوم عاشور
ماخاب الي ينخاه .... وقعنه الهوية

.....3.....
الحب الحسين الله حبه ... وغفر كل ذنوب عنده
باجر بيوم القيامه .... النار ما توصل الحّده
يدخل الجنه ونشوفه ... كاعد ابقصر الموده

وجه ابيض ايضل مبتشر
لا ما يشاهد كل عسر
ولمن يجي يوم الحشر ..... حسين يوفي اوياه وعده

حب حسين مفتاح السعادة
عابس بالعشك حقق مرادة
اعظم مثل شفناه .... وقعنه الهوية

....4....

والخدم لحسين ساعه .... الف هــنياله نكله
موش ياهو اليجي يقبله ... حسين ما يقبل الخله
فقط من طاهر حليبه .... واسمه مخطوط بسجله

وحسين رايدله خدم
ينطون حق رفع العلم
ايصيرون عامود الخيم ...... حسين رايد هيج مله

حمزة بخدمته نال اليـــريدة
اسمه امسجل اويهل العقيدة
مات وما نسيناه .... وقعنه الهوية

....5....

نعمه يا ناس المجالس .... والرفض هالنعمه نقمه
لومه هيه ما رزقنه ... الباري من حكمته وعلمه
بيها كلشي اتعلمينه .... هالكلام انكولة ذمه

هاي المجالس قائمة
بسم الحسين وفــاطــمة
تحضرهه املاك السمه... وأم البنين الكلها همه

تبقى ابكل وكت هاي الشعائر
شوكه بوجه كال واحد مغاير
ذكر حسين نهواه ....وقعنه الهوية
.......
الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

18 июля 2021 11:45

( أصعب أيليالي العشتها ابكربله... لـيلت اوداع الكمـر للعايله)
دمعت الناظر
تكسر الخاطر
في كربله
… .
ليلت احــزان ومصـــيبة وفاجــعه
ليله بيها اعـــيون زيــنب دامـــعه
اه يا صوت البجي الصار اسمـعه
مـــن دخـــل ليها الــكمر بموادعه

ضجة صارت بالمخيم ضجه حيل ...
من بواجي الحرة زينب والكفيل
ليلة العاشر
تكسر الخاطر
في كربله
… .........

شفته ذب روحه اعله زينب بت علي
صاح يختي وهية صاحت كافلي
هاذي اخر لـــيله ويـــاج انه الي
هيـــجي كـــله وهية كالتله انولي

لو رحت عباس يوليني الشمر
ولا يضل صيوان عندي ولا خدر
وكفت اتناظر
تكسر الخاطر
… ..
شفته ما چــن ذاكه عباس الكمــر
كوه يمشي وظهرة عالحرة انكسر
يحجي وي روحه وسمعته امن اعتذر
من اخيّته الغــالية ابــدمع النظــر

اعيونه ذبلانات من كثر البچي ..
كوه يتفرزن امن اشفافة الحچي
روحه عالصاير
تكسر الخاطر
في كربله
اباب خـــيمة زينب الكـــافل كعد
يجري دمعات الّموادع حيلي هد
رحت يمة وكتله يا عمي اشبعد
كال زينب تنسبي بعـــدة وعــدد

باجر ام عون العزيزة تنسبي ..
والسياط اتشكك امتون وعبي
عمّتك باجر
تكسر الخاطر… ..في كربله
……
الباقر انه وصح زغير ابكربله
لجن لسة ابالي نبله حــــرمله
ابعين ابو فاضل شفته امشكله
وشفت عمتي امكيدها بسلسله

هالصور بعيوني مطبوعه طبع
ماتفاركني مثل مجرة الدمع
صورت الحافر
تكسر الخاطر ... في كربله

....................الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

15 июля 2021 04:15

اخوتي خدمت الامام الحسين (عليه السلام)
لمن يرغب بالمشاركه ارسل الابوذيه مع اسم
الشاعر مع ذكر المحافظه(ومن الله التوفيق)
@moatmed2

(ألَشُـأعر والَرادٍودٍ مًوٌسِـى أّلَخِـأدٍم )

09 июля 2021 00:02

الباب المراد اجري الدمع ...
واعلكله دلالي شمع .... ليلة مصابه
يشهد علية المنتظر
ما وافي اله بكطع النحر .... ليلة مصابه
......
كل شهر ذو القعدة يمر... زاير اجي المزارة
بلطمات صدري الموجعه ...وادموعي التجارة
من اوصل الصحنه اطب .... لهفان عالزيارة
تاخذني صفات اشكثر ... وعيوني عالمنارة

كل اشتياق الحضرته
امن ادخل اقبل عتبته .... وابجي اعله بابه
.....
امن اقرة الزيارة اتخيله ... فوك السطح رمية
بحسين اشبه قصته ... هم عاملو بذية
ظل عاري ابحر الشمس ... محروم شرب المية
بس ماعليه خيل اسحكت ... لا شافته علوية

مكطوع راسه امن الكفه
وسهام صدرة امزرفه .... اه يا عذابه
.....
عمر الجواد اصغر عمر ... من بين كل اجدادة
عشرين عام وجم سنه ... لو نحسب الميلادة
خلصها لوعات وقهر ... ودموعه جانت زادة
ماشاف فرحه ابهل عمر ... حد ما وصل ميعادة

كوم الي ماعدهم شيم
سممو جبدة ابلا رحم .... علنو غيابه

......
هالليله واجب كل محب...مجلس عزائه ايحضره
بي حاضر حسين وحسن .. وام العزاء الزهره
كل دمعه كل لطمت صدر ... مسجله وكل عبرة
الواسه الجواد بلوعته ... الله بعضمته ايشكرة

ينطي اجر كد السمه
جي واسه امه فاطمه .... واهله النجابة
.....
ما خاب اليزورة بعسر ... يمه العسر يتيسر
كل حاجه يمه تنكضي ... بالساعه ما تتأخر
باب المراد ايرد طلب ... حاشاها ما يتعذر
بس صفي نيتك واعتني ... من يمه ترجع منسر

كل وكت بابه منفتح
وصفه شفاء الكل جرح ... تلكه بترابه
.......
الحمدالله رب العالمين
اللهم صل على محمد وال محمد
موسى الخادم
.....

(ألَشُـأعر والَرادٍودٍ مًوٌسِـى أّلَخِـأدٍم )

09 июля 2021 00:02

السلام علــــيك يا محمـــد الجـــواد
.......
مــو دمع تبجيك مـــن دم عيـــن أملاك السمة
وبحزن هـاي العزية نصبت أمـــك فاطــــمة
وحشة يا دنيانة بعــدك حــــيل صارت مظلمة
ثوبنه الاسود لبسنة أعليك أعلنة الحداد
........
يا جواد الدين أبـدأ مـــــثل يــــومـــك ما حصل
عايش يظل باقــــي ذكرك أبد ما يمحي جــدل
يالكظيت سنين عمـــرك عابـــد الباري بخجل
بعدك الله يعينة هذا الدين يا باب المراد
.........
مــــوسهل لاصعبة نعـــشك ينحمل يابــو الوفة
شبل عـــجل عــنة انت راحل يا سليل المعرفة
كل محب هل نادى بعدك من على الدنية العفـة
الدنيا من عكبك هموم وشاهدك رب العباد
..........
مـــثل ماســــمو أبــــوك وسمو الغالي الحسـن
جـــرعوك السم غــدر أهــــل النفاق أهل الفتن
اللـــه لا يرحمة الي الحلل دمـك بهـــذا الزمن
الله يلعن ال أمية الاسست حقد وعناد


مصيبتك عادت علينة نص مصيبت كـــربلة
ظل ثلــــث تيـــام جسمك بالشمس من غسلة
حـــالك بحال الحـــــسين أشبه يسلطان الملة
شهر عاشور بمصابك عاد يا والينة عاد
.........

الحمد الله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

30 апреля 2021 12:55

باجر ليلة القدر… راح احيهة بالكبر…
واقرأ المناجات
مات الوصي مات
… ..
ليلة القدر ابهل السنة .. وسط الكبر أحييهة
اقرأ المناجات ابدمع .. عيني الي راح ابجيهة
سجادة اسوي امن الترب .. واوكف اصلي اعليهة
تسبيحت امك فاطمة . بيهة ابدي واختم بيهة

باقي الليالي التمر .. وحدك تصلي الفجر
يوليدي مأسات
مات الوصي مات
… ..
ما تتم صيام الشهر .. يالحسن بوية اوياكم
راحل كبل عيد الفطر … حيدر علي اليهواكم
انه ادري الموادع صعب .. يل عاشك الملكاكم
اقرو اعلى كبري الفاتحة . عين السمة ترعاكم

بهّلال عيد الفطر… جيتكم انه انتظر
مصعب اللحضات
مات الوصي مات
… .
اكتب الك يبني الحسن ..بدموعي هاي اوصيتي
بوية انت مسؤول اصبحت..عن عيلتي وعن بيتي
ادري انه حملك مو سهل ..يالنيّتك من نيتي
لحسين صير انت الابو ..يالهوه التارس ريتي

اوصيك يبني الطهر… بحسين اخوك البدر
ايامة وحشات
مات الوصي مات
… .
لو غمض اعيوني الاجل .. وانت بجفوفي املازم
لتحسس العيلة ابد .. كلهم ابوكم نايم
زينب خطية اشتحتمل ..لساهة تبجي الفاطم
لا تفشي سر هذا الخبر… . تفجع گلب كل صايم

لتخبّر ابهل الامر … صيام اهلنه انتظر
تفطر معانات
مات الوصي مات

… ..
لو غسلتني يولدي .. لا تنفجع بجروحي
لساته جرح ام الحسن .. ما طايب ابنص روحي
ماتت الزهرة امن الكسر .. وانه اموت ابنوحي
نظراتك الكلهة حزن ..هدت كيان اصروحي

حسرات اشوفك تجر .. منك اريد الصبر
يالكلك اهات
مات الوصي مات
… ..

عن هاي دنية الفانية ..راح انتقل يوليدي
والتقي أبأمك فاطمة .. الوياهة اجمل عيدي
روحي الهة مشتاكة اشكثر..يا موت أخّذ أبأيدي
فرحان وبنفس الوقت..حزني عليك أشبيدي

خلصت ليالي العمر ..والموتي باقي انتظر
سامع هالاصوات
مات الوصي مات

… .

الحمدلله رب العالمين
اللهم صل على محمد وال محمد
موسى الخادم