963
قصائد مع الحانها لخادمكم موسئ الخادم
بعد رحلة سبي
رجع ضعني النبي
بلايه أهل الشيم
طركَـ حرك العبي
<<<<<<<<<<<<<>>>>>>>>>>>>>>>
١=
رجع // بس شايل اهموم بكثر حرك الخيم
رجع // بس ما رجع وياهم اصحاب الشيم
طلعت واتلكَتهم ام العباس
وصارت تسألهم عن محبوب الناس
كالت يازينب يمه حسينج وين
شو وحدَّج رديتيلي امعصبه الراس
حبيبي ما شفت
الوراه كلشي عفت
أله روحي أنذرت
إذا ردلي احلفت
٢==
بدت /:: زينب تسولف لمهه عل صار وجره
بدت /:: وأول حجيهه الي حجت عن منحره
كالت يا يمه ابنج ذبحو عطشان
وخلو دم نحره يصب فوك التربان
لو جنتي اويانه وشفتيه لمن مات
جا ما ظلت روحج يم الوليان
انذبح من الكفه
ورمح فوكه غفه
حبيبج من وكت
مشّه ونوره طفه
٣===
بجت // أم البنين الأربعه من اسمعت
بجت // اومن شدت السمعته عالكاع اوكَـعت
وصارت تلطم عالراس وتبجي العين
وتسال زينب عن كافل ضعن حسين
خو ما قصر وياكم ابني الحيد
صاحت زينب حاشه أنطه اجفوفه وعين
رفض شرب العذب
قبل ناسه اليحب
وعلى جروف النهر
كتب مايك جذب
====٤====
قرت /// الأم الكفيل الطاهره كل مقتله
قرت /// ايه القراهه اعله الرمح في كربله
ومن وصلت زينب حد انداس ابخيل
وحافرهم ظل ابصدره الاخًر ليل
أتغير وجه ام عباس اهنانه اهواي
وكامت عالراس أتراب اتذب وتشيل
الخبر صاعق نزل
عليهه والحصل
وكف عدهه النفس
اعله قصة الي انقتل
٥=====
نعت // وي زينب اهواي ومشت تجري الدمع
نعت // لحسين ابنهه المنه ابد ما ينشبع
ما جابت طاري العباس أنطه اعيون
كل احجايات العدهه حسين ام عون
طلعت تتعثر وتنوح أبلا صوت
اشلون حسين ايذبحونه الناس اشلون
أوتصير ام الخدر
أسيره عد شمر
عساني ما عشت
وراكم هالعمر
________
✍️🏻 كلمات موسى الخادم ٢٠٢٥
يا شام اشسويتي ابحالي
من جابو هالروس اكَـبالي
......____...........
١=
يا شام الغدر والضيم ... منج شنسه شتذكر
اباب الساعه جم ساعات ... وكَـفتينه نص الحر
لو انسه انه طبت السوكَـ .. بهزلته ناكَـتيالتعثر
والشّماته من صوبين ... تضحك وانه اتصبر
بس العدوان التبرالي
..........____...........
٢==
آه الشام آه الشام ... يومج مثله ما مرني
دكَـ اطبولج المسموع ... ما فاركَـ أبد اذني
عندج عيد ذاك اليوم ... هذا الحيل ضاهدني
راس اخواني فوكَـ ارماح .. وناسج فرحتابوني
فرحانين ابذبح الغالي
.................
٣===
كل المر عليه بصوب .. اوصوب المرني بديارج
وصلناج ابطلاع الروح ...ما ضيفتي خطارج
باجر من يصير احساب ... شتقدميهن اعذارج
وانتي امكَـيَّده بحبال .... أهل البيت بخبارج
ابذمتج حقي وحق أطفالي
٤====
مرت عالفجيعه اهواي ... وانه الهسه مفجوعه
صورت وكَـفتي اعله الباب .. لسه اباليمطبوعه
ناس اعلينه ترمي احجار ... والشماته مجموعه
وناس اتصيح اخت عباس .. المنه اجفوفهمكَـطوعه
كلمه اهواي اذت دلالي
٥=====
كلشي اعليه صبرت اهناك ... بس الصعبتاعليه
الديوان الكفر والشوؤم ... طبيت انه مسبيه
وبطشت الذهب الاحسين .. شفت اشفافه مرميه
يضربه بخيزرانه يزيد ... اكَٓبال اسكينه وارقيه
يا شام انتي اول جتالي
===========================
✍️🏻 كلمات // موسى_الخادم ٢٠٢٥
الدافن أهل بيته
هم تبقى عافيته
لو ميت انحسبه .. حزانه سابيته
:::::::::::::::::::::::::::::::::::::::::::::::::
١=
انه زين العابدين … العمري خلَّص لوعه
من بعد دفن الحسين ..جفني خاوه ادموعه
انه مو هسه لفاني الموت ياناس
الموت اجاني ابدفنتي حسيني بلا راس
بس نفس يصعد وينزل صارلي سنين
ويا حياة البيهه اعيشن بعد عباس
من أوصلت يمهم
وجفي ابتده ايلمهم
هنا عمري ضيعته … أي والخلق دمهم
٢==
ليلي وانهاري أنوح … على النحر الدامي
كلشي بيه ابلايه روح … حد أخير ايامي
انه فاركت العمر من حركَـ الخيام
من نضرت أيتام تركض حافيه اجدام
وعمتي زينب تطفي نار الخيمه بدموع
هاي صوره ابالي ظلت لآخر ايام
طف كربله اذاني
أبلا ناسي خلاني
من عندي آخذ كلشي … وعافاني بحزاني
/////////////
٣===
جم سنه مرت واشوف … صور ذبح حسيني
لحضه ما عني ما تروح…عايشه اويه اسنيني
اشلون انسه حسين أبوي انداس بالخيل
وظل ثلث تيام عاري والدمه ايسيل
انهاري أخلصنه بواجي الحد الغروب
وارجع أبجي حسين أبوي الآخر الليل
ما فاركَـت نوحي
وبچي اعله مذبوحي
حد ما أجه موتي … ما طابت اجروحي
///////////////
٤====
حزني ما فاركني يوم … بعد موت احبابي
صرت موطن للجروح ،، كلهه تكصد بابي
ثوب الاحزان اعله طولي اتفصل افصال
من بعد نوك الهزيله وذيج الاحبال
والسداني ما سده اعله احد من الناس
الشفته ما ينشاف لا يخطر على البال
شفت انه جم غالي
راسه برمح عالي
والدم يصب منه
يشرح هضم حالي
///////////////////////
٥=====
خل اموتن استراح … وانهي كل موضوعي
صبري ملاني وبقيت … وحدي ويه ادموعي
الموت ارحم من اضل عايش بالهموم
سنيني خلصت بالسهر ما ضايك النوم
عايش وما عايش انه بهاي دنياي
حتى طعم الماي ما حس بي صرت دوم
كل ماي اشربنه
بدموعي اغركنه
حسين انذبح ضامي
اشلون ارتوي منه
:::::::::::::::::::::::::::::::::::::::::
✍️🏻 كلمات موسى الخادم ٢٠٢٥
قصيده لشهاده الامام السجاد ع
Читать полностью…
https://youtu.be/O0MpUBTXX-w?si=so13Wm1TtGELgvBH
Читать полностью…
انه زينب بت علي المدلله ,,, شيبت حالي مصايبكربله
صرت مسبيه وراك
اي وحق موت الخذاك
يابو فاضل ... يابو فاضل
...1...
زينب انه يا كفيلي صاعده الناكه الهزيله
وبركبتي أطفال كثره وحملي مايل من يشيله
ياهو غيرك يا بو فاضل اعتنيله واشتكيله
حيرتي ما منهه حيره بغيبتك ونتي ثجيله
وين اروح اخلاف عينك يا كمر ,,, حتى ما خلونياوصل للنهر
خنكه خوية ابلا هواك
اي وحق موت الخذاك
....2....
خويه شحجيلك شكلك شافت امصايب عيوني
من بعد موتك يكافل بالسلاسل كيدوني
والشماته اعليه حاطت بالحجارة ايشامروني
لايذه ابسدي اليتامه وين عمنه ايناشدوني
شرد اكلهم راسه صابو بالعمد ,,, شرد اكلهم مات مايرجع بعد
اعيونهم تنظر سماك
اي وحق موت الخذاك
....3....
خويه والضيم العليه ما سده مثله اعله حرمه
كلشي صار اعلية يبجي حتى ليلي باجي ظلمه
وراسك كبالي يغالي صرت انه ابدمعي أكلمه
خايفه الرمحك يخوية اوصل وجرحك ألجمه
من بعيد اعليك اعاين لا تفز ,,, وانه شفت السيف نحركمن يحز
وسهم المثلث عماك
اي وحك موت الخذاك
.....4.....
يابو فاضل خويه جفك ما يفارك لحضه بالي
خويه لو ترجعلي ساعه وتنظر اشباقي اعله حالي
كبراني اهواي موتك ياكمر هاشم يغالي
ما أوجد خويه دربي من كثر سهر الليالي
كلشي بيه مو مثل لمن جنت ,,,, خوية يا عباس بفراككمتت
بس نفس زينب وراك
اي وحق موت الخذاك
...5...
حسبت ايام واطبهه ديرة الذبحو زلمنه
وراح اشوف هناك وادم غربه ماهم من اهلنه
بالطبول وبالهلاهل خويه تستقبل ضعنه
والوجه لا وين اديره وانت جفك ما هو يمنه
الشام ما تنحمل طاريهه صعب ,,, اشلون راح ابسوكههزينب تطب
مشيتي اتأذي لــواك
اي وحق موت الخذاك
....6....
كلهه صوب وصوب عندي طبتّي الديوان اميه
وين جانت هاي اليه تالي عمري اصبح سبيه
خوية ياعباس صعبه وانت ما ترضاهه اليه
وكفتي ابمجلس شماته وناسه تتفرج عليه
من جنت عايش تضمني امن الهوه ,,, هسه فرو بيهشام ونينوى
وكلهه شافت طولي ذاك
اي وحق موت الخذاك
.........
✍ كلمات موسى الخادم
عايف الحره والسده اعليهه
ولاهي وره الدنيه وبلاويهه
/////1/////
المفروض من عندي اموتن والله ياناس
من اسمع الحره انسبت من بعد عباس
وحسين اخوهه اعله الرمح تنظرله بس راس
للمثلي بله امنين اجيبن انه الاحساس
خلَّصت عمري ما اهم بيهه
لاهي وره الدنيه وبلاويهه
٢==
المفروض من عندي أصيرن لخت الاحسين
خادم موالي ابكل وكت مو شهر شهرين
مو هين امصاب السداهه ابذيج الاسنين
يا حرمه مثل الحره شافت ذبح بالعين
واجب عليه اسنيني انطيهه
٣===
المفروض من اسمع سبوهه ابجي الاعيون
والطم على الراس وعلى صدري والامتون
زينب أمانة فاطمه يامن تسمعون
عالأقل جان اعليه اصبرهه الفكَـد عون
ما فكرت ظلمه لياليهه
لاهي وره الدنيه وبلاويهه
٤===
المفروض ما بيه يضل يا سامع الحيل
من اسمع الحره اطلعت لحسينهه بليل
وكَـعدت تدور اعليه ما بين المجاتيل
بس انه وين الملتهي بل قال والقيل
وابالي ما مرت مآسيهه
لاهي وره الدنيه وبلاويهه
٥=====
المفروض من عندي أعيش اوياهه الاَلام
زينب مشت وحدهَّه للشام اويه ظلام
مجتوفه بحبال اليسر وي سرب الايتام
أوسط الخرابه المضلمه ما كَـدرت تنام
وانه الليالي احلام كَـاضيهه
لاهي وره الدنيه وبلاويهه
==========================
✍️🏻 كلمات // موسى_الخادم ٢٠٢٥
امشي وراسك اوياي
لختك صاير افياي
هوه وميت .. ما عاف اخته.. تحجيهه الغربه
/////////////////////
١=
طول درب السبي وأنته اتفي اليه من الشمس
انه ادري المات ميحس أنته شو كلك تحس
وجنت اشوف الرمح يهتز لو ضرب متني الرجس
أويه كل عثره أشوفن دمع عينك تنترس
يل كلك وفه وطيب
مثلك يا مره اتجيب
صاحب غيره .. وصاحب نخوه .. ويا طيبة كلبه
//////////
٢==
خطوه خطوه اوياي يمشي راسك ألفوك الرمح
ابد ما حسست أختك لحضه وحده منذبح
كلشي بيك ايكَـلي عايش رغم ما كلك جرح
حارس اعيالك لكيتك من مسه الحد
الصبح
كل ما نظرك احسين
أشوفك فاتح العين
حارس ألّنه .. وما عايفنه .. بدورب الصعبه
///////////////
٣===
مثل حنيتك عليه ما شفت بين البشر
وأنت عايش وانته ميت سند لام عون وظهر
لو صحت عطشانه خويه الكاك تتحول نهر
ماكطعت اوياي وصلك عايش وأنت نحر
اشلون تريد انساك
وانه بكلشي الكاك
فازع ليه .. وتارك جسمك.. للخيل اتعذبه
////////////////
٤====
كلك اجروح وعليه شابع اجروح الأبيّ
ابد ما همك ذبحتك خدري همك والعبي
غيرتك ماكو مثلهه فخر بيت الطالبي
عفت جسمك عالوطيه وجيت وياي السبي
ما عفت أختك اتروح
اوحيده وأنته مذبوح
ياهو المثلك.. عايف ذبحه … وماشي اويهالحبه
/////////////
٥=====
وصلَّتني الشام وأنته منذبح شنهل الوفه
ما رضيت أتروح زينب ويه غربه امجتفه
روحك الترفه الحنينه بيهه ها كد عاطفه
خويه هنيالي عليكم لحد ما نورك طفه
كلشي ابذبحتك راح
ودَلالي اتحول انياح
صرت بموتك .. قبله الدمعي … وأحزانيالكعبه
////////////////////////
✍️🏻 كلمات موسى الخادم ٢٠٢٥
https://youtu.be/LHCRTj4GAv8?si=zy5LIaC1bbYSEevG
Читать полностью…
يادفّان ياعمه
سلملي اعله ابو اليمه
وكله أختك مشت ما بين الاجناب
>>>>>>>>>>>>>>>>>>>>>>>>>>>>>>
١=
من توصل حبيبي الشابع اجروح
سلملي عليه بالدمعه والنوح
وكله اختك وراك امفاركه الروح
وليل انهار بيك اتهم يمذبوح
يا دفّان وبنحره
أريد أتقبله وبصدره
ومن كَـبره تجيب اشويه الي تراب
//////////////////////
ما وصيك يا مكسور الاِشراع
لا تترك ظلوعه امطشره عل الكاع
لمهن زين واحضنهن بالوداع
ولا تنسه تدور خنصره الضاع
بلكت باقي بالهيمه
ابجاه ادموع الايتيمه
وّتردّه اعله جفه الفاكد احباب
٣===
احلفك عمه وسعله اللحد زين
هواي امن السحك متأذي الحسين
كلشي البي يلجمه وصار نصين
وبحر الشمس صاراله يومين
ما واحد وصل صوبه
الجثته بخيل مكَـلوبه
ما واحد فزعله وليه جفن جاب
===٤
من اتنزله كبره أتذكر اهواي
عطشان انذبح ما شارب الماي
رش كبره ابدموع اعوينتك هاي
هم عطشان مات وظل بلا افياي
بحر ذيج الشمس عمري
خليته ودماه تجري
مكطوع النحر مسلوب الاثياب
٥======
كلشي البية يوجعني اعله فركَـاه
وليل انهار ما فاركَـته ذكراه
لو صح بيدي اروح أوياك أنعاه
وابجيله بكثر ما روحي تهواه
أبن امي المنذبح شفته
لو صح بيدي ما عفته
جا يمه بقيت امسحله الخضاب
ً
كلمات موسى الخادم
قصائد يوم دفن الاجساد الطاهره
Читать полностью…
https://youtu.be/p1u_TtfR9vc?si=N5L5txSEhqqQYVnB
Читать полностью…
https://youtu.be/IcCQJWqoF7Q?si=5h7bPiT71Qi8Ua2B
Читать полностью…
https://youtu.be/vLmLoDbF41U?si=EfXkmIfQfDt7jfmC
Читать полностью…
من هجمو علينه اصغار واكبار
صار ابسوكَـهم ينباع الأحجار
□□□■■■□□□■■■□□□■■■□□□
١=
خويه اوداعتك من طبت الشام
نار بكَـلبي تسعر جنهه الاخيام
ما واحد رعاني وراعه الايتام
كلهم حاربوني بذيج الايام
اجيتك .... ياروح الزجيه
اجيتك .... كلشي اينوح بيه
اجيتك .... مو زينب سبيه
ليالي العز مشن من صرت طشار
صار ابسوكَـهم ينباع الأحجار
٢==
□□□■■■□□□■■■□□□
ساعت ما وصلنه الشام يحسين
تلكَـونه بالحجار الملاعين
وكلهه اتصيح صوت اسبوهه مرتين
هاي اخت الكَـطيعه اجفوفه الاثنين
يخويه ... والشماته كثره
يخويه ... عشره اكَـبال عشره
يخويه ... والمنحر انظره
اعله رمحه ايصب دمه فاير مثل نار
صار ابسوكَـهم ينباع الأحجار
٣===
.□□□■■■□□□■■■□□□
اباب الساعه وكَـفونه احنه ساعات
ابهذاك الحر الي ايبجي السماوات
بحيث الشافنه يحسبنه أموات
وكل طفله بجت تتعاله ضحكات
شَكَـلك ... عن ذيج الليالي
شَكَـلك ... ما راعو دلالي
شَكَـلك .... يالشوفك حلالي
كون اكَـبالي اشوفك ساعة اندار
صار ابسوكَـهم ينباع الأحجار
٤====
□□□■■■□□□■■■□□□
الشام امزينه الكَـيناه بزهور
محتفله ابذبحتك يوم عاشور
تتراكَـص على اجروحك يمنحور
ماهمهه دليلي اعليك مكسور
بالطبول ... خويه استقبلوني
بالطبول ... دكَـو ما رعوني
بالطبول ... يبن ابن امي سبوني
اضن وصلت الك ياخويه الاخبار
صار ابسوكَـهم ينباع الأحجار
٥====
□□□□■■■■□□□□■■■■□□□
وبأخر محطات السبي السوكَـ
إله طبيت وانه الكَـلب محروكَـ
زينب هاي كلهه اتصيح الحلوكَـ
جابوهه أسيره بهزل النوكَـ
أسيره ... جبناهه الأميره
أسيره ....أخت بدر العشيره
أسيره .... كلمه اشكَـد جبيره
وما سولفلك ابمجلسهم الصار
صار ابسوكَـهم ينباع الأحجار
===========================
✍️🏻 كلمات // موسى_الخادم ٢٠٢٥
كربله ... يعني عطشانين يم نهر الفرات
كربله ... يعني مسّبيات زينات البنات
........................====.....................
١💔
كربله ... يعني عبدالله عطش ويريد ماي
كربله ... يعني خيمه امحركَـه وماكو فياي
كربله ... يعني تركض هالزغار ابلايه راي
كربله ... يعني خوف ورعب وخيول وحفات
٢💔💔
كربله ... يعني حرمه اميسره بين الرجال
كربله ... يعني سوط وضرب وجفوف بحبال
كربله ... يعني لوعه هضم بدموع الأطفال
كربله ... يعني اسيرات ابخرابه ابلا حمات
........................====....................
٣💔💔💔
كربله ... يعني مذبوح وبقى نازف دماه
كربله ... يعني جسم امكَـطع ومحد اجاه
كربله ... يعني ميت ما حضرله الغسلاه
كربله ... يعني فرض الدين ميتم الصلاة
........................====.....................
٤💔💔💔💔
كربله ... يعني خير الله يطشروه عالتراب
كربله ... يعني روس امكطعه من الركَـاب
كربله ... يعني خدر أيقاتل يضل عالحجاب
كربله ... يعني كلشي البيهه ما بيهه حياة
٥💔💔💔💔💔
كربله ... يعني عل هزل يركبون العفاف
كربله ... يعني ظل أم عون للظالم انشاف
كربله .. يعني سوط ايضل يدكَـ فوكَـ الجتاف
كربله ... يعني علويات يبقن حايرات
٦💔💔💔💔💔💔
كربله ... يعني شام وسبي ومضَاحك احلوكَـ
كربله ... يعني اخت عباس لازم تطب سوكَـ
كربله ... يعني شمَّاته كثر حايطه النوكَٓ
كربله ... يعني كلهه بالخرابه الكل يبات
...
.....................====.....................
٧💔💔💔💔💔💔💔
كربله ... يعني تسيَّد على الساده العبيد
كربله ... يعني زينب تدخل المجلس يزيد
كربله ... يعني كل الشام باجر عدهه عيد
كربله ... يعني فرحانه الشماته حسين مات
===========================
✍️🏻 كلمات // موسى_الخادم ٢٠٢٥
ياجرح الاكثر ماذيك
جرح الشام اجروح البيك
ياخامس سلطان النوح
شنهو اصعب شي مر اعليك
......1.....
يالخلصت ... عمرك قهر ... موكافي
حزنك فلا ... واحد وصل ... موكافي
يالمارحم بيك الدهر لا رحم حالك
منك اخذ كلشي التحب كلشي الحلالك
صبِّحت ماعندك اهل والهم صفالك
وكل التحبهم عالترب ماتو اكبالك
يالعمرك خلصته آهات
ما ظلت عندك دمعات
من كد ما تبجي اعله حسين
مت اوياه ساعت ما مات
....2....
جرحك اشد ... من كل جرح .... يالوالي
طول الرمح ... نازف دمه ... يالوالي
مرت عليك اجم سنه والفرح عايف
وبركبتك باقي اثر جم جرح نازف
امن الكَيد ودروب اليسر ما جنت خايف
خايف جنت لا راس ابوك ايكون شايف
حالك وانته ابلايه اخوان ..
واعليك اتنوح النسوان
كل همك جان المذبوح
هذا الشاغل فكرك جان
....3..
دمعك نهر ... جاري بقه ... حد موتك
شيبك كثر ... جسمك نحل ... حد موتك
حقك تموت امن القهر يابو المواجع
جم واحد ابواحد شفت عالغبره واكع
عمرك خلص باللوعه والهم والمدامع
ما راحه شفت ابهل العمر خلصته ضايع
من زغرك ما شفت افراح
ما يوم المّرك مرتاح
جبت سنينك ضيم بضيم
وحسينك من ايدك راح
...4...
زينب جرح ... ما ينحمل ... طاريه
ما ينسي ... ذاك الحبل ... طاريه
صوره ابخيالك خلَّتك عايش تكابر
ركض اليتامه يا علي وركض الحراير
وذبحت ابوك وسحكته بذيج الحوافر
من كربله شفت العجب مصباح عاشر
حركَ اخيام وحركَ ايتام
اومسبيات ابدرب الشام
وطبت السوكَ اويه الشمات
ما خلالك عين اتنام
...5...
سهم الغدر ... ما صوبك ... هالليله
صوب كَلب ... طه النبي ... هالليله
مو هسه ميت صار الك ميت اهوايه
من شفت اهل بيتك يدورون اعله مايه
من شفت زينب تنسبي بيد البغايه
من شفت جفين الكمر فكَدت الرايه
ميت من شفت المحبوب
ساحكَته الخيل ومكَلوب
الشافت عينك يعمي الكون
مسلوب اسنينك مسلوب
.........
✍️ كلمات موسى الخادم
https://youtu.be/z3_b7mpgMkU?si=egKmaXaKMeVo9uFL
Читать полностью…
لا أنت ولا مثلك بعد عشره
يكدر زينب ايذلهه بكَـطع نحره
بيه زود ... ١٢ ولي
انه زينب .. شرف علي
=======================
1
انه بنت القلع خيبر وأنت ابن من يا شمر
اشما تريد اتسوي سوي حتماً أنا الانتصر
باجر التاريخ يكتب عن بطولاتي اشكثر
مره ذلت جيش اميه هيجي باجر ينذكر
مثل الجبل وكَـفت شامخه الهيبه
والعاداهه خلّص عمره بالخيبه
وكلشي باجر .. يصير الي
انه زينب .. شرف علي
///////////
2
//////
خاف حاسبني وحيده وما بقالي من يهد
ابرفعت إيدي السمه توكَـع عل الأرض رأسك تهد
بية لا تندكَـ احذرك يالجبت عمرك عبد
انه زينب بت محمد قادره الجيشك ارد
بنت الرد شمس ما يصعب اعليهه
ترد جيشك بجفهه الما تلاويهه
أنته تنطم ... وانه اعتلي
انه زينب .. شرف علي
//////
٣
//////
ثورتي الوفد الحسيني التحجي بيهه كربله
راح اركعك مثل ما كبلك ركعلي حرمله
سيفي خدري الما تلوحه اشما تطوّل السنسله
اسمك يعيش المذله واسمي عل قاده عله
ما توصل مقامي اشما عله شانك
من عزمي شفت قله وكثر هانك
بية تفخر .. تضل هلي
انه زينب .. شرف علي
//////////
٤
//////
انه تربات الكفلني الما يثني بسطرته
العل نهر خله جثثكم تحجي كلهه بصولته
المنه صار الزلمه بيكم شارد ابلا خوذته
انه اخت عباس انه الرجفاك بخزرته
انه اخت العظيم الأخذ منكم شط
الخله ازلامكم من الركض تفحط
ابو فاضل .. ضل كافلي
انه زينب .. شرف علي
٥
///////
احجايه مني اسمعهه زين وخلهه بذنك شاهده
ما تخاف امن الضباع اللبوه اخذهه قاعده
آنه مفخرة الهواشم على الكل متّسيده
ما يهزني الجيش هذا وانه اضل القائده
صح طركَـ العبايه بس أعادل كم
فارس من فقاره الجيش ما يسلم
اسمع اسمع .. يا عاذلي
انه زينب .. شرف علي
==========================
✍️🏻 كلمات موسى الخادم ٢٠٢٥
من هجمو علينه اصغار واكبار
صار ابسوكَـهم ينباع الأحجار
□□□■■■□□□■■■□□□■■■□□□
١=
خويه اوداعتك من طبت الشام
نار بكَـلبي تسعر جنهه الاخيام
ما واحد رعاني وراعه الايتام
كلهم حاربوني بذيج الايام
اجيتك .... ياروح الزجيه
اجيتك .... كلشي اينوح بيه
اجيتك .... مو زينب سبيه
ليالي العز مشن من صرت طشار
صار ابسوكَـهم ينباع الأحجار
٢==
□□□■■■□□□■■■□□□
ساعت ما وصلنه الشام يحسين
تلكَـونه بالحجار الملاعين
وكلهه اتصيح صوت اسبوهه مرتين
هاي اخت الكَـطيعه اجفوفه الاثنين
يخويه ... والشماته كثره
يخويه ... عشره اكَـبال عشره
يخويه ... والمنحر انظره
اعله رمحه ايصب دمه فاير مثل نار
صار ابسوكَـهم ينباع الأحجار
٣===
.□□□■■■□□□■■■□□□
اباب الساعه وكَـفونه احنه ساعات
ابهذاك الحر الي ايبجي السماوات
بحيث الشافنه يحسبنه أموات
وكل طفله بجت تتعاله ضحكات
شَكَـلك ... عن ذيج الليالي
شَكَـلك ... ما راعو دلالي
شَكَـلك .... يالشوفك حلالي
كون اكَـبالي اشوفك ساعة اندار
صار ابسوكَـهم ينباع الأحجار
٤====
□□□■■■□□□■■■□□□
الشام امزينه الكَـيناه بزهور
محتفله ابذبحتك يوم عاشور
تتراكَـص على اجروحك يمنحور
ماهمهه دليلي اعليك مكسور
بالطبول ... خويه استقبلوني
بالطبول ... دكَـو ما رعوني
بالطبول ... يبن ابن امي سبوني
اضن وصلت الك ياخويه الاخبار
صار ابسوكَـهم ينباع الأحجار
٥====
□□□□■■■■□□□□■■■■□□□
وبأخر محطات السبي السوكَـ
إله طبيت وانه الكَـلب محروكَـ
زينب هاي كلهه اتصيح الحلوكَـ
جابوهه أسيره بهزل النوكَـ
أسيره ... جبناهه الأميره
أسيره ....أخت بدر العشيره
أسيره .... كلمه اشكَـد جبيره
وما سولفلك ابمجلسهم الصار
صار ابسوكَـهم ينباع الأحجار
===========================
✍️🏻 كلمات // موسى_الخادم ٢٠٢٥
يا شام اشسويتي ابحالي
من جابو هالروس اكَـبالي
......____...........
١=
يا شام الغدر والضيم ... منج شنسه شتذكر
اباب الساعه جم ساعات ... وكَـفتينه نص الحر
لو انسه انه طبت السوكَـ .. بهزلته ناكَـتيالتعثر
والشّماته من صوبين ... تضحك وانه اتصبر
بس العدوان التبرالي
..........____...........
٢==
آه الشام آه الشام ... يومج مثله ما مرني
دكَـ اطبولج المسموع ... ما فاركَـ أبد اذني
عندج عيد ذاك اليوم ... هذا الحيل ضاهدني
راس اخواني فوكَـ ارماح .. وناسج فرحتابوني
فرحانين ابذبح الغالي
.................
٣===
كل المر عليه بصوب .. اوصوب المرني بديارج
وصلناج ابطلاع الروح ...ما ضيفتي خطارج
باجر من يصير احساب ... شتقدميهن اعذارج
وانتي امكَـيَّده بحبال .... أهل البيت بخبارج
ابذمتج حقي وحق أطفالي
٤====
مرت عالفجيعه اهواي ... وانه الهسه مفجوعه
صورت وكَـفتي اعله الباب .. لسه اباليمطبوعه
ناس اعلينه ترمي احجار ... والشماته مجموعه
وناس اتصيح اخت عباس .. المنه اجفوفهمكَـطوعه
كلمه اهواي اذت دلالي
٥=====
كلشي اعليه صبرت اهناك ... بس الصعبت اعليه
الديوان الكفر والشوؤم ... طبيت انه مسبيه
وبطشت الذهب الاحسين .. شفت اشفافه مرميه
يضربه بخيزرانه يزيد ... اكَٓبال اسكينه وارقيه
يا شام انتي اول جتالي
===========================
✍️🏻 كلمات // موسى_الخادم ٢٠٢٥
انذبحو اخوانج /// والّوحدج صفيتي
وتاليها يا زينب /// بس أنتي بقيتي
>>>>>>>>>>>>>>>>>>>>>>>>>>>>>>
١=
هالكلام اهواي زينب سمعت ابدرب اليسر
وحّدج زينب بقيتي ماتو اخوانج غدر
اشلون بله ابدون اخوتج راح تكضين العمر
وأنتي ما ضلج وراهم غير دمعات وصبر
عباسج الهيبه //// مات وما دريتي
وتاليها يا زينب /// بس أنتي بقيتي
>>>>>>>>>>>>>>>>>>>>
٢==
طول درب اليسر زينب عينهه اتصد عالرمح
خاف يوكع راس اخوها السابح بدم الجرح
شكد حنينه اعليه جانت أحن من شمس الصبح
اعليه تخاف وهوه عايش حتى من بعد الذبح
والذابح ايكَـلهه /// راح الي هويتي
وتاليها يا زينب /// بس أنتي بقيتي
٣===
أبكل محطة سبي زينب تعترضهه مشكله
مره طفله منهه توكع مره توكع عايله
والسبوهه ما رعوهه امكيديهه ابسلسله
فوك حرك الخيم والتله اوركضهه بكربله
والشامت ايكَـلهه /// اخوانج فاركَـيتي
وتاليها يا زينب /// بس انتي بقيتي
٤====
وبالخرابه اهناك زينب كعدوهه اعله الترب
وكلشي ما ينشاف شافت زينب بحركَـت كَـلب
ماكو واحد كَـال تعبت من مسافات الدرب
خلهه ترتاح ودمعهه ايبطل أشويه يصب
لا بالعكس يمهه //// يحجون ابمنيتي
وتاليها يا زينب /// بس انتي بقيتي
٥=====
كلهه صوب وصوب جانت محنت الشام الأشد
عالعقليه الهاشميه المابقه الهه احد
استقبلوهه بالطبول الفاكَـده أخ أولد
وفوكَـ كل هذا عليهه الناس تتفرج بعد
والسهم البعيني //// خلصت قابليتي
وتاليها يا زينب /// بس انتي بقيتي
>>>>>>>>>>>>>>>>>>>
٦======
كثره عاشت محن زينب بت علي بهذا الزمن
وطبت الديوان جانت اشد كل هاي المحن
دخلوهه امكَـيدهه المجلس اليعبد وثن
وصار يتفرعن عليهه اكَـبال اصحاب الفتن
ويسأل بقه بخسه /// موته اتوقعيتي
وتاليها يازينب /// بس أنتي بقيتي
________
✍️🏻 كلمات موسى الخادم
https://youtu.be/IYP_G9v_5ik?si=aSgUI1zTY3HlRd0O
Читать полностью…
شحجي على الشفته
أبدفن الأبو العفته
بل كَـوه انه اعرفته
من كثر الجروح
…...........
١=
وصلته ومن وصلته واكعدت يمه
شفت كلشي بحبيبي سابح بدمه
وعلى كلبه الرمح والحافر الداسه
وحرت حيره اشكبرهه بجمع ابو اليمه
اشكد دافن بعمري
ناس بكثر صبري
بس ما كسر ظهري
مثله ابد مذبوح
/////////////////
٢==
بديت اجمع لحم جسمه المله الحومه
وكسر كلبي أبوي الذابله ارسومه
عليه ما خلو اهدومه انسلب كلشي
الجسد عاري لكيته وفايضه ادمومه
حرت بأمر جمعه
والراح شيرجعه
يمه كعدت انعه
ابصوتي المبحوح
////////////////////
٣===
لكيته اعله الوجه مكلوب ابو الأكبر
وعلى نحره ١٢ طبره شفت واكثر
ومنه امكسرين اظلوعه يا ويلي
شكثر حاولت أشيله امنيدي يطشر
سبحه وألم بيهه
اظلوعه المطشريهه
والروح احاجيهه
عالفارك الروح
////////////////////
٤====
احفرت حفره جبيره الطوله المكطع
وجبت ويلي حصيره بيهه ابوي اجمع
لان من عندي يوكع كل جزء شلته
أبوي امن السحكَـ بي ترسو المصرع
الحافر خسف صدره
واتساوه وي ظهره
ودم هامته ونحره
عالغبره مسفوح
/////////////////////////
٥=====
نزلته الكبر بس راس ما عنده
دفنته بس نحر نازف وسط لحده
وعبدالله اعله صدره بهيده وسدته
بس جسمه بلا راسه ولا خده
هم مثل ابو الأكبر
كطعو اله المنحر
وراسه برمح اصغر
مشيول وينوح
/////////////////
٦======
اه اشما صحت ما تطفه نيراني
اشد موقف كسرني وحيل اذاني
من هِلت التراب وجني صرت اسمع
صوت امن النحر عطشان صاحاني
يا علي يوليدي
ماي ازكَـي اوريدي
وحط أيدك ابايدي
وظل يمي لتروح
////////////////////////////////////
✍️🏻كلمات موسى الخادم ٢٠٢٥
https://youtu.be/vSau432Z_Bw?si=tOFOm-lhVZmtbBxX
Читать полностью…
https://youtu.be/vSau432Z_Bw?si=aTWkxoyXrmTt6_jc
Читать полностью…
إن كان لم يجبك بدني عند إستغاثتك ولساني عند إستنصارك فقد أجابك قلبي وسمعي وبصري
خدمتاً لسيد الشهداء الامام الحسين وخدامه مستعدين لتلحين القصائد
للأخوه الرواديد جميعآ لمن يجد صعوبه بالحن يتفضل بإرسال المستهل مع نص او القصيده كامله
على المعرف التالي
@moatmed1
https://youtu.be/L8CKkeKEBbE?si=v9mGYOvJkxTkCp3N
Читать полностью…
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
__1__
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
__5__
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
____6____
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم