963
قصائد مع الحانها لخادمكم موسئ الخادم
باجر من يجي يوم القيامه .... كلنه ننسئل عن الخدامه
كلمن باجي لحسين
بالجنه مقامه
..1..
يلي تخدم للتوذر .... خلهه عينك عالخدامه
حسين ميحب اليجامل... والينافق في كلامه
صير قدوه الهايه ناسك ... تكسب العز والكرامه
الشهره ابد ما تنفعك
ثوب التواضع يرفعك
الحسين ينظر مدمعك
ينطيك بالمجلس علامه
عوف الشهره باجر ما تفيدك
عالفطره اخدم حسينك يريدك
لتغرك ملايين
بالجنه مقامه
....2....
ننسئل هاية حقيقة ...شنو قدمنه وجنينه
وياهو اكثر بينه خادم ... من صدك للسالبينه
الرابح اهناكه نشوفه ... الباجي للمحبوب عينه
للجسمه ضل اعله الترب
ودم منحره الطاهر يصب
واخته مشت بين الغرب
واتكفلت حمل الضعينه
الخادم من صدك ما ينسه امامه
بيوم العاشر انطحنت اعظامه
وجسمه الصار نصين
بالجنه مقامه
....3....
باجر ابيوم القيامه ... اليعله جاهه ويعله صيته
الكظه عمره بالخدامه .... وموكب امسويه بيته
حسين رايد من يخدمه... اوياه كون امصفي نيته
رايدله خادم من صدك
كَلبه اعله ذبحه محترك
الواصل لعابس بالعشك
كلمن تبين اهنا حميته
الكضه العمر ما يحسد الوادم
هذا الينحسب من صدك خادم
البمجلس اله اونين
بالجنه مقامه
....4....
حسين ميحب اليخدمه .. وعنده وجهين اويه ربعه
ولا يحب الغيبه ياخذ .... لاقرب الناس التتبعه
واليحب حسينه لازم .... ما يدور اوياه سمعه
اعظم تجاره ابهل الزمن
الدمعاته لحسينه جرن
أوياه ما دور ثمن
واعليه خلَّص عمره ينعه
كلشي ابهل زمن ربح وخساره
بس رابحه اويه حسين التجاره
على مر هاي الاسنين
بالجنه مقامه
....5....
الجنه باجر ما يطبهه ... كل شخص بايع ضميره
الخلص اسنينه يعادي .... عترت الهادي الشهيره
والقبل سبيت عياله .... وجسمه يلم بحصيره
كلمن قبل فعل الشمر
باجر نشوفه بالحشر
للنار يدخل منكسر
وي وادم الباعت الغيره
باجر كل ندم مينفعه باجر
الرضا الاحسين ينداس بحوافر
بس الباجي اله عين
بالجنه مقامه
كلمات ✍️ : موسى الخادم
حتى بظهور القائم المهدي ... قصة عزائي تنتهي وتبدي
مدد مدد يا فاطمه
...1...
وين ما كالو مجالس اركضلهه بروحي
انه من عشاك نوحي وما ابطل نوحي
على حسين الصدره سحكو بالحوافر ويلي
ياجرح يلجمني وانه حسين كل جروحي
ياريت ما سحكوه سحكوني ... وثيابه ما سلبوهه سلبوني
يرخص لبو اليمه الدمه
مدد مدد يا فاطمه
...2...
انه تربات المجالس واللطم موضوعي
ما يمر يوم الا لاطم ظلع من اظلوعي
اي نعم مجنون انه خل يلوم الايم
جنناني حسين حبه والشهود دموعي
من الزغر عاشك لطم صدري ... جنني حب حسين من زغري
بحلامي اشوفه وارسمه
...3...
بالمجالس نعمة الله الما مثلهه اي نعمه
العاش عمره بيهه خادم يعله شانه واسمه
ملك بين الناس يصبح من خِدم ساداته
يالتحب حسين حبك ترجمه بهل خدمه
هنياله كلمن خلصت اسنينه ... وبكلبه شايل خدمة حسينه
تستقبله املاك السمه
مدد مدد يا فاطمه
...4...
ايد وحده خل نصير ونخدم ابن الزهره
خل نعوف القال والقيل ونضمد نحره
حسين عالتربان جسمه يخوتي ابلا راسه
لا تزيدون الاجروح حسين جرحه بكبره
الخادم صدك للصاحب ايوافي ... من يوكع بشده يجي حافي
مو يستغابه ويظلمه
مدد مدد يا فاطمه
5...........
حب لخوك اشما تحب النفسك الاماره
حسين ميحب البخيل اليحسد اهله وجاره
حير بعيوبك وأترك كل عيوب الوادم
انت مو احسن امن اليخدم حسين وزاره
محشوم انته احجي عن نفسي ... باجر أصير ابخانه المنسي
لحسين شنهو امقدمه
مدد مدد يا فاطمه
6............
يالتخدمون ابو اليمه صفو صفو النيه
عوفو كلشي بي رياء وابجو عالمسبيه
فشله ابونه امكطعينه واحنه ناخذ صوره
ويه رادود النحبه ونترك اللطميه
للمهدي شنقدم عذر باجر .... مكسور ظهر حسين بالعاشر
واحنه الشفايف باسمه
مدد مدد يا فاطمه
.......
✍️ كلمات : موسى الخادم
اسف مولاي .... ما ميت من ذبحك
اسف مولاي .... يومية الجم جرحك
اسف مولاي ... من اذنوبي ادخيلك
....1....
يومية اجرحك جم جرح بذنوبي
ما استحي من حضرتك محبوبي
وجهي اسود اكبالك يعز من روحي
سامحني بدموعي اكتبت مكتوبي
ياوجه الخير ... اهواي امزعلك أدري
ياوجه الخير ... شنهو اكبالك عذري
اسف مولاي ..... ابدمعت عيني احجيلك
.....2...
ساتر عيوبي وانه فاضح حالي
ويوميه راميك بسهم يا غالي
المثلك ابد ما ينطي وجه المثلي
يا رحمة الله الواسعه للتالي
راميك اسهام ... كد أجروحك أعلم
راميك اسهام .... وانت مخضب بالدم
اسف مولاي ... افعالي اتهد حيلك
....3....
يا بــو رقـــية أعــترف اذيــتك
افعالي كلش شينه ما جازيتك
بالمعصية امجلب جبتهه اسنيني
وافيتني ابكلشي وانه اشوافيتك
يافشله شلون ... سوده افعالي اكبالك
يافشله شلون ... ما هميت ابحالك
اسف مولاي ... من فدوه انه اغديلك
....4....
كل هالسنين وانت ساكت عني
عن أقرب الناس الألي ساترني
ما حسستني ابيوم كاسر كلبك
كلما أجيك ابحاجتي متردني
غيرك يحسين ... من يسترهه اعيوبي
غيرك يحسين ... جا سولفهه اذنوبي
اسف مولاي .... من اعمالي اشكيلك
.....5...
عن حرمله شنهو انه فرقي احجيلي
جم خيمه حاركلك صرت يا ويلي
كلمة الأسف ما تسد شيناتي
خجلان من عندك يصاحب حيلي
غلطان اهواي ... وياك اني احجيهه
غلطان اهواي .... قصتي اوياك ابديهه
اسف مولاي .... من كل كلبي ابجيلك
6............
بوجهين عايش انه بين الوادم
كدامهم مؤمن حقيقي وخادم
وبروحي لمن اختلي أصبح ثاني
مابيني بين الله كلش ضالم
يتبره ابليس .... من افعالي السوده
يتبرة ابليس .... الخالف كل اعهوده
اسف مولاي .... وين اتريد امشيلك
...7...
يم بابك اليوم اعتنيت ابدمعي
سامحني اصيحن جيتك ابجي وانعي
قصرت حيل ابحقك انه اعذرني
مولاي اسف راح أغير وضعي
من هذا اليوم ... راح اتغير اني
من هذا اليوم ... اصبح واحد ثاني
اسف مولاي . رافع ايدي اوميلك
........
كلمات : ✍️ موسى الخادم
أحجيها ويم الشباج
ما الكه المثلك ملاج
يابو علي يالغالي
1........
من الزم الشباج بثنين اديه
هنيالي اكول أعليك يابو رقيه
ما تنعد افضالك كثره
يا موطن عشاك الفقره
كبلك عشت ايامي ابكسره
هسه ابجالك صيتي اشكبره
مشكور الك مولاي حد المنية
ممنونك جداً مولاي
قيمه امسويلي بدنياي
اتشكرك يالوالي
يابو علي بالغالي
....2....
يرخص الك مولاي كلشي بحياتي
خادم اضل منا والحد مماتي
من ايدك هاي الهاي ايدك
يرخص نحري الكطع اوريدك
روحي تحبك روحي اتريدك
يالضحيت ابدم اوليدك
بمجلس عزائك كون احضه بوفاتي
لو تطلب مني الانفاس
انطيهه ويشهد عباس
بالموت ابد مابالي
يابو علي بالغالي
...3...
خليني دوم اوياك يا راعي خيري
مو بيدي يا رجواي بيدك مصيري
ما خالف رايك وبكُلشي
لو للموت اتوديني امشي
ما اتردد ويرف رمشي
بدربك راضي انشال بنعشي
ميت واصيح حسين للموت اميري
اعظم رفعه ابهذا الكون
ابدربك راسي امنيكطعون
من النحر يحلالي
يابو علي يالغالي
......4......
شلي بعمر ما بي ذكرك يضامي
باليقضه ابجي اعليك وابجي بمنامي
يا محبوبي ويا سلطاني
احروفك تسري بدم شرياني
بس انت الساكن وجداني
غيرك ما حب واحد ثاني
ما جذب انه اعليك صادق كلامي
من عمر اليومين اهواك
روحي انساهه وما انساك
شاغل افكاري وبالي
يا بو علي يالغالي
.........
....5....
وفقني لاخر يوم اخدم حضرتك
اعظم شرف بالكون عندي خدمتك
خادم عد بابك خليني
يا فرحت كل هاي اسنيني
ما رايد جاه وتدريني
رايد بس تبجيلك عيني
ما طالب انه الجاه طالب نظرتك
عيشني امصابك للدوم
مو بس بالعاشر كل يوم
حزني يضل للتالي
يابو علي يالغالي
......
.....6.....
لو كرب موتي انخاك تحضرني زاير
وبدفتر الخدام الكه اسمي صاير
وانه ابكبري اتنطر شوفك
واجفوفي اتلامس بجفوفك
لو شفتك صدك ما عوفك
مثل الكعبه الروح اطوفك
خادم الك ممنون حد المقابر
ارجع عايش من الموت
لو بس اسمع منك صوت
يرجع نبض دلالي
يابو علي يالغالي
..........
✍️ كلمات : موسى الخادم
اللهم صل على محمد وآل محمد
احبتي خدام الحسين ع
أضع بين أيديكم قصائد الخاصه
بالعشره الأولى من شهر محرم
لا تنسوني ووالدي من صالح دعائكم
للباقر ... يعلو النداء
للباقر ... قام العزاء
مدد مدد .. يا علي يابا الحسن
......
هالليله مجلسنه انعقد للسممو جبده
الما راحه شاف ابدنيته وكل فرحه ما عنده
ليله ونهاره والصبح لازم بديه جرحه
وين اليحبه يعتني ايواسي الفحل جده
للباقر .... تبكي السماء
للباقر .... قام العزاء
مدد مدد .. يا علي يابا الحسن
......
مجلس عزائه بكل سنه انقيمه ويضل قائم
والرايه ما تنزل ابد من خادم الخادم
ليلة مصابه بالدمع نحيهه والأنَّه
كل سنه يجدد عزانه ويسمع اللايم
للباقر ... نبقى فداء
للباقر .... قام العزاء
مدد مدد .. يا علي يابا الحسن
......
للباقر انطينه العهد ما نترك ايامه
كل عام اليِمرنه ابفخر نحجيهه خدامه
ما شفنه تعب بخدمته بس راحه شفناهه
وانضل لحد اخر عمر توجعنه ألاَمه
للباقر .... في كربلاء
للباقر .... قام العزاء
مدد مدد .. يا علي يابا الحسن
.......
لطم الصدر واجب يضل لاخر نفس بينه
للباقر العمره خلص وانذبحت اسنينه
الجعفر الصادق تعزيتنه انجدد الليله
وميهمنه كلمن يعترضنه ويشكل اعلينه
للباقر .... يحلو البكاء
للباقر .... قام العزاء
مدد مدد .. يا علي يابا الحسن
.......
ندعي الله تعجيل الفرج للقائم المهدي
تنتظره ثارات اشكثر بيهه اشوكت يبدي
طالت علينه غيبته وما ظل صبر بينه
هالشكوه ترفعهه الخدم مو بس انه الوحدي
للباقر ... ثأراً بداء
للباقر ...قام العزاء
مدد مدد .. يا علي يابا الحسن
.......
✍ كلمات : موسى الخادم
الباقر خلص عمره قهر
جاباهه ضيم امن النحر
يا راحه يلكاهه ابكبرته
الذبحوله من زغره فرحته
......
خلصت حياته بالقهر واللوعه والاه
من يومه عاش اويه الحزن والدمعه ترعاه
المسبية عمته ابكربله يا فرحه تدناه
راسه يشيب من الوجع ومن المعاناه
الشاهد حرك ذيج العبي
كل يوم يطلع للسبي
امن ابعيد مسموعه عبرته
الذبحوله من زغره فرحته
.......
مات وأثر حبل السبي بجفوفه موجود
يا كبر جرحه الماشفه للصابه عامود
ليله ونهاره يبجي دم الكطع الازنود
مات ويسولف عالكمر واليمنه والجود
عالمشرعه طاح الكمر
الباقر بحزنه كبر
عاليمنه واليسره حسرته
الذبحوله من صغره فرحته
......
مسموم ويصيح العطش مرَّد جبدته
جدي الحسين ابيا ذنب حزو ركبته
اشكد مرت اسنين وبعد يذكر ذبحته
والهل السبب ما ليله مرت بي فرحته
الميتله جد شابع ذبح
اجروحه تكعده امن الصبح
ما تنتهي وتخلص محنته
الذبحوله من زغره فرحته
........
يا ليلة الحادي عشر مصعبهه ليله
يحجيهه من كلبه انسبت بيهه العقيله
لا اخو الظل عده و كفيل التشتكيله
اه يا مصايب كربله الهدتله حيله
جم منظر الشاهد صعب
العماته نامن عالترب
بالعاشر انباكت ضحكته
الذبحوله من زغره فرحته
.......
هاليوم ودع دنيته باقر علومه
والصادق ابحركة كلب شيع ارسومه
وين اليواسي ابلطمته هاليوم يومه
اليكسر على الباقر ظلع محد يلومه
وين اليواسي فاطمه
وين الجفوف اللاطمه
عالباقر السمو جبدته
الذبحوله من زغره فرحته
.......
كلمات
موسى الخادم
قصائد شهاده الامام الباقر ع
Читать полностью…
كلشي ابعالمك غير
يالكلك وفه وخير
يا جواد الوجود
.......
مثل غيمه وجان خيرك نازل
على ناسك يا شبيهه الكافل
جان صيتك سخي للكل واصل
ما ترد جفينك ابداً سائل
جفك شبَّع الطير
يالكلك وفه وخير
يا جواد الوجود
زغير عمرك عشت بين الوادم
بس جنت انت اعلم ابكل عالم
ماكو واحد جان كدك فاهم
متت والتاريخ اسمك لازم
عالم علمك اجبير
يالكلك وفه وخير
يا جواد الوجود
......
متت بس خليت أجمل صورة
بيهه ناس الحبتك مبهورة
شاب ساطع بالمناهج نوره
خله مدرسة العلم معمورة
بيك الوادم اتحير
يالكلك وفه وخير
يا جواد الوجود
.......
ياجواد الدنية المسمينه
ياهو مثلك خلصاهه أسنينه
عينه تبجي للحبيب حسينه
يمك ايوب اكتفه بونينه
صبرك ماله تفسير
يالكلك وفه وخير
يا جواد الوجود
......
يلي سمو جبدك ابنص دارك
تسعر ابكل الضماير نارك
باجر اويه المهدي ناخذ ثارك
ماتعوف الثار أبد زوارك
بسمك باجر اتغير
يالكلك وفه وخير
يا جواد الوجود
.....
كلمات
موسى الخادم
عالجواد ادموعي تجري
لحد ما انزل الكبري
واجواداه ... صيحو وياي
......
شاب بعمر وردة ومات ... ما تمم اسنينه
عاش الهضم واللوعات ... حد ما غمض عينه
أصغر شهيد ابقافله اهل البيت
قصة حياته احزان بحزان الكيت
كل عمره عشرينات والسم روه
اي نعم هذا البل روايات أقريت
ياهضيمه يا هضيمه
بعده صاحت كل يتيمه
وامصاباه .... صيحو وياي
.......
من اقرب الناس اعليه ... سهم الغدر لاحه
صاحبت بيته التؤيه ... اتسببت بجراحه
خانت العشره وطاعت امر الشيطان
سممت جبد الحجه عالانس وجان
ما راعة امه فاطمه وجده حسين
عطشان مات وهوه هم ضل عطشان
مات ما شارب اميه
مثل ابو سكينه ورقيه
يابسه اشفاه ... صيحو وياي
......
موته أشبه ابموت حسين .. ظل بالشمس جسمه
وأهله عليه ابعيدين .... ما واحد اليمه
اتلث ليالي اعله السطح ظل مطروح
ابحر الشمس ما واحد اليمه ينوح
بالذاكره لو نرجع الطف الموت
نلكه شبه ما بينه بين المذبوح
بس نحر ما منه دامي
اختلافه ويه امامي
ويلي ويلاه .. صيحو وياي
......
لمصابه هاليوم اينوح ... ابنه علي الهادي
من كلبه ذاك المجروح ... يا والدي اينادي
لاتمشي وتخليني وحدي ابدنياي
اعليك الذبيح الماشرب كطرت ماي
يا والدي اوداعك يهد مني الحيل
اتمنيتك اتعيش العمر كله اوياي
خل نواسي الهادي ابنه
مات ابونه انصيح كلنه
نبجي لبجاه .... صيحو وياي
......
كلمات
موسى الخادم
الباب المراد اجري الدمع ...
واعلكله دلالي شمع .... ليلة مصابه
يشهد علية المنتظر
ما وافي اله بكطع النحر .... ليلة مصابه
......
كل شهر ذو القعدة يمر... زاير اجي المزارة
بلطمات صدري الموجعه ...وادموعي التجارة
من اوصل الصحنه اطب .... لهفان عالزيارة
تاخذني صفات اشكثر ... وعيوني عالمنارة
كل اشتياق الحضرته
امن ادخل اقبل عتبته .... وابجي اعله بابه
.....
امن اقرة الزيارة اتخيله ... فوك السطح رمية
بحسين اشبه قصته ... هم عاملو بذية
ظل عاري ابحر الشمس ... محروم شرب المية
بس ماعليه خيل اسحكت ... لا شافته علوية
مكطوع راسه امن الكفه
وسهام صدرة امزرفه .... اه يا عذابه
.....
عمر الجواد اصغر عمر ... من بين كل اجدادة
عشرين عام وجم سنه ... لو نحسب الميلادة
خلصها لوعات وقهر ... ودموعه جانت زادة
ماشاف فرحه ابهل عمر ... حد ما وصل ميعادة
كوم الي ماعدهم شيم
سممو جبدة ابلا رحم .... علنو غيابه
......
هالليله واجب كل محب...مجلس عزائه ايحضره
بي حاضر حسين وحسن .. وام العزاء الزهره
كل دمعه كل لطمت صدر ... مسجله وكل عبرة
الواسه الجواد بلوعته ... الله بعضمته ايشكرة
ينطي اجر كد السمه
جي واسه امه فاطمه .... واهله النجابة
.....
ما خاب اليزورة بعسر ... يمه العسر يتيسر
كل حاجه يمه تنكضي ... بالساعه ما تتأخر
باب المراد ايرد طلب ... حاشاها ما يتعذر
بس صفي نيتك واعتني ... من يمه ترجع منسر
كل وكت بابه منفتح
وصفه شفاء الكل جرح ... تلكه بترابه
.......
الحمدالله رب العالمين
اللهم صل على محمد وال محمد
موسى الخادم
.....
السلام علــــيك يا محمـــد الجـــواد
.......
مــو دمع تبجيك مـــن دم عيـــن أملاك السمة
وبحزن هـاي العزية نصبت أمـــك فاطــــمة
وحشة يا دنيانة بعــدك حــــيل صارت مظلمة
ثوبنه الاسود لبسنة أعليك أعلنة الحداد
........
يا جواد الدين أبـدأ مـــــثل يــــومـــك ما حصل
عايش يظل باقــــي ذكرك أبد ما يمحي جــدل
يالكظيت سنين عمـــرك عابـــد الباري بخجل
بعدك الله يعينة هذا الدين يا باب المراد
.........
مــــوسهل لاصعبة نعـــشك ينحمل يابــو الوفة
شبل عـــجل عــنة انت راحل يا سليل المعرفة
كل محب هل نادى بعدك من على الدنية العفـة
الدنيا من عكبك هموم وشاهدك رب العباد
..........
مـــثل ماســــمو أبــــوك وسمو الغالي الحسـن
جـــرعوك السم غــدر أهــــل النفاق أهل الفتن
اللـــه لا يرحمة الي الحلل دمـك بهـــذا الزمن
الله يلعن ال أمية الاسست حقد وعناد
مصيبتك عادت علينة نص مصيبت كـــربلة
ظل ثلــــث تيـــام جسمك بالشمس من غسلة
حـــالك بحال الحـــــسين أشبه يسلطان الملة
شهر عاشور بمصابك عاد يا والينة عاد
.........
الحمد الله رب العالمين
اللهم صل على محمد وال محمد
موسى الخادم
مو هسه ميت من زمان
عالداسته اخيول الجثيره
مو هسه ميت من زمان
عالملمو جسمه بحصيره
........
مو هسه اخذني الموت اخذني صارله سنين
من يوم كالولي أنذبح عطشان الحسين
ما ظل عمر عندي بقت بس دمعت العين
ويومية ذابحني الشمر مو مره مرتين
عالبلعطش يابس لسان
اسنيني العمر صارت كصيره
مو هسه ميت من زمان
عالملمو جسمه بحصيره
.......
الميتله مثل حسين يبقى عايش اشلون
نوحو اعله جدي اعليه ما حاجه تنوحون
اتشيع اني حسين ما ظله اليشيعون
فوك الذبح دوس الحوافر باكت امتون
ودم منحره غطه المكان
واظلوعه يا وادم كسيره
مو هسه ميت من زمان
عالملمو جسمه بحصيره
........
عاشر محرم يا خلك شيبلي كل حال
من عندي اخذ روحي وتركني سارح البال
من عنده شنسه انه الحرك لو سبي الاعيال
لو عمتي زينب من خذوهه امكيده بحبال
ظل عمتي ما ينشاف جان
هاي العلي كلش جبيره
مو هسه ميت من زمان
عالملمو جسمه بحصيره
.....
ما حاضر المقتل لجن وصلتني الاخبار
سولفلي ابوي وكلي جدك طمه الأحجار
ومن كثر ما داست عليهه اخيول الاشرار
صدره اعله ظهره انطبك جدي وصار طشار
مارحمو ابسيد الجنان
الجانت الوادم تستشيره
مو هسه ميت من زمان
عالملمو جسمه بحصيره
......
عالاقل انه ابين ناسي اوماني اوحيد
بس جدي ما ظل عنده ناصر يا أجاويد
فوك الترب مطروح ظل امسبل الأيد
وعيونه تندار الخيامه الفزعته اتريد
حتى الزمن تاريخه خان
ما راعه حرمه ولا زغيره
مو هسه ميت من زمان
عالملمو جسمه بحصيره
.....
جعفر الصادق انه ما ذبوحني عطشان
ولا سلبو مني ثيابي وصرت عريان
ولا جسمي ظل ابكربله اموسد التربان
من غير تغسيل وجفن من غير دفان
ذبحو اويه حسين الامان
من سلبوه ذيج الظهيره
مو هسه ميت من زمان
عالملمو جسمه بحصيره
......
كلمات
✍ موسى الخادم
للصادق أليوم ... دمعتنه نجريهه
للصادق اليوم ... لطمتنه نهديهه
من الشرق من الغرب جينه احنه ننعاه
وانواسي ابنه الكاظم الضل محد اوياه
يومه شبيهه ابيوم عمه الحسن والله
من سممو جبده وبقى ابنه ينوح فركاه
للصادق أليوم .... العين نبجيهه
........
سيد الفقه سيد العلم سيد الكرامات
هاليوم بمصابه بجت ارض وسماوات
ودين الله صار اعليه ينوح وحتى الايات
وبالمكبره نصبت عزاهه اعليهه الأموات
للصادق أليوم .... يا شمعه نطفيهه
......
ناصب عزائه ابكل وكت جان اعله الحسين
والليل اليمره يخلصه بدمعت العين
الفاكد اعزازه اجروحه ما تشفيهه الاسنين
يوميه مو موته يموت ايموت مرتين
للصادق أليوم .... صيحه نعليهه
......
وين اليواسي عيلته بدمعات الاعيون
وين االيشيع اجنازته ويه اليشيعون
الميتله مثل الصادق ابعازت اليبجون
مو هينه يا ناس المصيبه اتهد الامتون
للصادق أليوم .... الاصدور ندميهه
......
نتنطر المهدي يجينه ابراية الثار
ويرد حقوق السلبوهه الناس الاشرار
ولصادق ايشيد صحن يوسع الخطار
وأربع مناير من ذهب ينظرهه من زار
للصادق أليوم .... الحضره نبنيهه
......
كلمات
✍ موسى الخادم
الناصب عزائه جان لحسين
مات المسيه وغمض العين
اويلاه .... اويلاه
......
مدرسة العلم جانو يسمونه
مات بسم غدر ناس اليكرهونه
ما شاف الراحه بعمره ولا عاش الفرحه
خلَّص ايامه اعله حسينه امصاحب جرحه
مره ينوح الجبده الضامي وسحكت ظهره
مره أينوح السبي اعياله ومره الذبحه
جعفر الصادق لاخر ايام
يبجي الحبيبه الشابع اسهام
واويلاه ... واويلاه
......
ليلية اعله خده ناثر ادموعه
وروحه الموت ابو الاحرار مفجوعه
يومية ابنص داره الجده ناصب مأتم
حركة كلبه الذبح حسينه حرك أمخيم
شيًّب حاله الطف من زغره وكبًّر عمره
موضوعه اصبح ليل انهار البي يتكلم
مجلس حسين ابداره باقي
يقراه بالطور العراقي
واويلاه ... واويلاه
......
اه يحسين دوم ايردد السانه
شاعر صار والرادود عنوانه
اه يحسين واه يمصابه بحت صوته
والزينب ما فارك حزنه وهضمه الموته
صورة حبل الظالم كَيد جفهه وجرهه
هيه الهاي الهدت حيله وهدت قوته
القتل الهم جان عاده
بس سبي زينب موت زاده
واويلاه ... واويلاه
....
ليش اضلوع جدي بخيل سحكوهه
ما كفاهم اضلوع امه كسروهه
المثل حسين اتشيله الودام فوك الهامه
موش اطشر لحمه وحيل ادوس اعظامه
وبحر شمس العاشر يبقى ايام اتلاثه
ريت الطف لا صار ولا صارت ايامه
جا ما بقى جسمه رمية
ولا عل طشت ماتت رقيه
اويلاه.... اويلاه
......
كلما يشرب المي يذكر حسينه
عطشان انذبح ليش وغمض عينه
سامع كلشي بس ما سامع ذبحو ضامي
يحجيهه بدمعات اعيونه وكلبه الدامي
امصيبت جدي الما تشبهه كل مصيبه
هي الاخذت مني اسنيني وكل ايامي
السم احسبه سبب ثاني
حزني اعله جدي الموتاني
اويلاه .... اويلاه
......
كلمات
موسى الخادم
فاتحــتك بيــنه ادور
من عاشور العاشور
يا ابا عبدالله
...1...
طول السنه .... منصوبه فاتحتك بالكَلوب
طول السنه .... مدمعنه يجري اعليك متعوب
يا أول ذبيح ايموت عطشان
وظل اعله الترب من غير دفان
اخر ما حجه ما ظلي خوّان
وراسه اعله الرمح رتل القرآن
ساطع من عنده النور
من عاشور العاشور
يا ابا عبدالله
...2...
اعليك العزه .... مو بس شهر لا كل الاشهور
اعليك العزه .... كل ليله عدنه اعليك عاشور
نبجي اعليك نبقه اعيون واعيون
يالشابع ذبح يالشابع اطعون
والحافر اخذ من عندك امتون
الله ايساعدك ويساعد ام عون
اليبجي اعليكم معذور
من عاشور العاشور
يا ابا عبدالله
....3....
يالمنذبح .... من الكَفه ومسلوب الاثياب
يالمنذبح .... ودم منحرك نازف عالتراب
امصابك بينه عايش يبقى للدوم
موبس ابمحرم ننعى كل يوم
ميهمنه العلينه يحجي ويلوم
ما يدري جرحنه اعليك ملجوم
مو منه الما مقهور
من عاشور العاشور
يا ابا عبدالله
....4....
يالوزعت .... ولدك ثواب النصرت الدين
يالوزعت .... كلشي التحبه وتارس العين
عبدالله جعلته قُربه لله
ست اشهور عمره ويلي ويلاه
كَبلك محد امسويهه والله
ينطي اعزاز كَلبه ونظر عيناه
راسك بالطف منحور
من عاشور العاشور
يا ابا عبدالله
.......5.....
يا بو علي .... مجلسك عامر ابكل الايام
يا بو علي .... امن اول العام الآخر العام
لطمات الصدر تشهدلك ابهاي
كل يوم العزائك نمشي مولاي
مصابك بينه عايش نبجي اله اهواي
ونوزع ابثوابك هالدمع ماي
ما دورنه المأجور
من عاشور العاشور
يا ابا عبدالله
..................
✍️ كلمات موسى الخادم
تستصغر وجوده الخادم الناس
بس خادم حسين الرافع الراس
....1....
الله اشكد يحب خدام ابو اليمه
جعل كل واحد البيهم ملك يمه
بين الوادم امكرم واله كلمه
ومن يموت خادم ينكتب اسمه
ينخط على كبره بخط الاحساس
بس خادم حسين الرافع الراس
.....2....
الكبره الخادم يطب رافع الهامه
ونكير اومنكر يصيروله خدامه
ميسئلونه عن دينه وعن اسلامه
لان يلكون ابو الاحرار كدامه
يحضرله شفيع الصدره منداس
...3....
صاحب حظ بخت من يختم اسنينه
خادم جان للمحبوب ابو اسكينه
ويوم الحشر ما تبجي أبد عينه
يطب للجنه بيد المرتضى ايمينه
اومن الكوثر ايشرَّبه جم كاس
بس خادم حسين الرافع الراس
....4....
كل خادم نشوفه عيشته ابذله
بهاي الدنية بين الناس بين اهله
بس خادم حسين الوادم اتجله
وبصدر المجالس كعدته ادكله
اله التقدير من الراس ينباس
بس خادم حسين الرافع الراس
....5....
رابح كل شخص نيته يصفيهه
وي مولاه اوروحه ابعز يضحيهه
والخدمة العظيمه حقهه ينطيهه
كلشي ايبيع عنده حتى يشريهه
غالي حسين واغله من الانفاس
بس خادم حسين الرافع الراس
..6..
خدام ابو اليمه انصار ابو صالح
منهجهم حسيني امن الزغر واضح
ما بيهم البايع دينه والطالح
بيهم فقط بس العابد الناصح
الساعي اليركض ابحاجات هالناس
بس خادم حسين الرافع الراس
........
كلمات ✍️ موسى الخادم
ياحسين انت الحبيب واحنه نهواك
شما كبر بينه العمر خلينه وياك
لا تفرقنه دخيلك
كلب واحد نعتنيلك
...1...
لا حياة ابلا وجودك يا ابو الاكبر
الدنية ما بيها طعم من غير منبر
امعودين اعله المجالس دوم نحضر
والبواجي اعليك عدنه ادكول كوثر
انموت اذا ما نستمع ... اقراية ممزوجه بدمع
هذا واقعنه وطبع .... بينه عايش
ليك وقعنه العهد .... من عمر يوم بمهد
ذكرك يظل معتقد .... بينه عايش
لاخر انفاس العمر ما ننسى طرواك
...2...
ياشمس ربنا التصبح على الوادم
عالمك ماله شبيه ابهل العوالم
بيه عايش خادمك سلطان حاكم
كلها تتمنى تخدمه وهوه خادم
سر عطائاتك خفي .... تنطيِ اوما تكتفي
هذا طبعك يا وفي ... عودتنه
ماكو من عندك أحن ... للغريب انت الوطن
لينه تحضر بالمحن ...عودتنه
من نطيح ابشده يابو اليمه نلكاك
...3...
امروتك لا تنطي ظهرك النه فدوه
احنه من دونك عدم كلشي منسوه
الابو اشما يغلط ابنه يعذرة هوه
واحنه اولادك يبو ضحكة الحلوه
لاتسد باب الصلح ... اجروحنه اتذرها ابملح
زعلك يكبر الجرح ... يا ابونه
كلشي من دونك عدم ... لا اموال ولا خدم
اتعوض امجانك وهم ... يا ابونه
يمك انحس بالامان وصعبه ننساك
......4....
كلشي يجرالك يبو النفس الزكية
احنه خدام المداسك يبو ارقية
ابد ما بينه اليعوفك للمنية
ولو تريد انموت موتتنه المسية
علمانه احنه العشك ... عابس الحبك صدك
اوياك ابد ما نفترك ... ما نعوفك
لو يكطعونه وصل ... والجسد عنه انفصل
شما يصير شما حصل ... مانعوفك
هاذي صيحتنه ونظل للموت ننعاك
.....
كلمات : ✍️ موسى الخادم
أينَ أستقَرْتْ بِكَ النوى
في الشّامِ أمْ في نِينوَى
أم في الغَري .. أم جَمْكران ... أم ذي طُوَى
......1......
دلينه بمكانك .... نحتاج الأمانك
ضاكَت بينه دنيانه
ما نحمل غيابك .... وصلنه اعله بابك
غيرك منهو يرعانه
يا مهدينه وينك .... كلنه امناطرينك
أرحم سيدي ابجانه
تعال .... كافي الهجر مو كافي
تعال ... جيتك جرحنه ايشافي
تعال .... صرنه الك بشر الحافي
نركض الك ركضت محب
واعليك نبجي و ننتحب
غيبتك للشيعي امتحان ..... ادركنا يا راعي الزمان
......2......
عنك ياهو نسئل .... ما بينه الي يندل
دارك يا أمل باجر
كل جمعه نتاني .... جيتك بالأماني
جم جفن الألك ساهر
شيبنه بزغرنه .... افراكَك يا بدرنه
بُعدك جم ظلع كاسر
عليك .... ما فاركَينه الدمعه
عليك .... ناس اشكثر متولعه
عليك .... مرت جُمع مو جمعه
نقرالك النُّدبه اشكثر
يالطولت بينه الهجر
يا ساعه تظهر يا مكان .... ادركنا يا راعي الزمان
3.............
ياعشكَ الطفوله ..... يا معنى الرجوله
يمتى تنتهي الفركه
كل يوم اليعدي .... صيحتنه يمهدي
اوياك اندور الملكَه
كلشي ما يهمنه ... كونك انت يمنه
تطفه دمعة الحركَه
نصيح .... من تِقبل انته اعلينه
نصيح .... ابجيتك هله مهدينه
نصيح .... اشتاكَينه الك والينه
ماعدنه اماني ابهل الزمن
بس طلعتك يبن الحسن
سيدي ماحان الأوان .... ادركنا يا راعي الزمان
......4....
يا سيد المشاعر .... يا كحل النواظر
قصت غيبتك بلوه
نشكيلك وضعنه .... يا صاحب جُمعنه
بينه افراكَك اشسوه
نترقب ظهورك .... يمتى انشوفه نورك
شوفك كل مُحب يهوه
نموت .... كل خوفنه ومنكلمك
نموت .... كل احنه بحروف اسمك
نموت .... ابطاريَّك الله ايسلمك
ندعي بدمع ليل وصبح
بجيشك نصير وننذبح
نحجي صدك مو باللسان ...ادركنا يا راعي الزمان
....5....
نبعثلك رسائل .... غيرك ياهو كافل
يروينه بعذب مايه
غايب ما نشوفك .... يمتى انحب جفوفك
دوم ابهاي الاحجايه
ياهو اليحتوينه .... غيرك يا ولينه
يل بس بيك الاكفايه
حبيب .... انت الوحيد القائد
حبيب .... ماعنده مثلك واحد
حبيب .... واعلينه الله الشاهد
يا ساعه تنشر رايتك
وبيدك تأسس دولتك
وانعيش وياك ابأمان .... ادركنا يا راعي الزمان
..............
✍️ كلمات ... موسى الخادم
السلام عليكم احبتي خدام الحسين ع
قريباً سيكون بين يديكم برنامج
شهر محرم الحرام لهذا العام ١٤٤٦ هجرية
راجياً من الله ان يتقبل منا هذا العمل
ويجعله في عين سيدي صاحب الزمان ع
خادمكم
عشت الطف ابكل لوعاته
من اول لاخر مأساته
الله ايساعد كَلبك وانته
اتشوف حسين الحافر داسه
.......
يباقر علم اهل بيتك ... مصايب كلك اقريتك
من طف كربله مولاي ... ميت انت حسيتك
موش السم اخذ روحك ... يوم العاشر اجروحك
عطشان انحرمت الماي.... مثل ما مات مذبوحك
جم لوعه الشافت عينك جم امصاب
جم غالي ابغالي الخليته اعله اتراب
كل عمرك خمس اسنين ابذاك اليوم
ولحد الموت وجرحك ظل ما طاب
نازف ظل الاخر عمرك
كلمن شافك يبجي الامرك
يا سادس مسموم العتره
الفارك هاي الليله أنفاسه
.........
بيك العاشر اشخلف ... صور ما تنتهي امن الطف
يا باقر علوم الدين .... حد موتك تون للجف
صورة حركت الخيمه ...صورة ركضت ايتيمه
لو صورة نحر الحسين .... الظل مطروح بالهيمه
ياصورة الاكثر تذكرهه امن اتنوح
هنه اهواي وكلهن يحجن بجروح
بس لابد منظر بيك مأثر حيل
وهو السالب منك مولاي الروح
اني ابضني الاذاك اكثر
من عمتك ركضت صوب البر
وجابوهه ابحبل امكيديهه
وهي ام الخدر الحساسه
.........
خلَّصت العمر دمعه .... وكل يوم اليمر تنعه
فاركت الفرح من يوم .... شفت الخيل منجمعه
اعله الصدر المنكطع نحره ...صعدت عشره والعشره .... كلهه اثكال يا مسموم ...
طحنت بالدبج صدره
الله ايساعد كلبك من شفت الخيل
ترفس جسم احسين الما ظل بي حيل
مره اتشيله ومره اتذبه اعله الكاع
وحافرهم مثل بحسينك تمثيل
ما خلالك شي من جسمه
طشر طوله وطشر لحمه
كل لوعاتك من الحافر
ومن رمح البي شالو راسه
.......
شيبك من وكت بين ... من يوم الهزل ركبن
عماتك بلا عباس .... للسوك بغصب طبن
اه الشام اه الشام .... اشد من باقي كل ايام
فرحانه جميع الناس ..... مارحمو ابحال ايتام
شافت عينك جم واحد دك اطبول
فرحان ابذبح حسين الظل بالجول
من غير الشماته التضحك واتصيح
هاي الروس الجبناهه الجم مقتول
الله يعينك ذيج الساعه
من وكفوك اباب الساعه
وانت بذيج الحال وتنظر
شمر ايسولف فعله الناسه
........
✍ كلمات : موسى الخادم
( أصعب أليالي العشتها ابكربله... لـيلة اوداع الكمـر للعايله)
دمعت الناظر
تكسر الخاطر
في كربله
… .
ليلت احــزان ومصـــيبة وفاجــعه
ليله بيها اعـــيون زيــنب دامـــعه
اه يا صوت البجي الصار اسمـعه
مـــن دخـــل ليها الــكمر بموادعه
ضجة صارت بالمخيم ضجه حيل ...
من بواجي الحرة زينب والكفيل
ليلة العاشر
تكسر الخاطر
في كربله
… .........
شفته ذب روحه اعله زينب بت علي
صاح يختي وهية صاحت كافلي
هاذي اخر لـــيله ويـــاج انه الي
هيـــجي كـــله وهية كالتله انولي
لو رحت عباس يوليني الشمر
ولا يضل صيوان عندي ولا خدر
وكفت اتناظر
تكسر الخاطر
… ..
شفته ما چــن ذاكه عباس الكمــر
كوه يمشي وظهرة عالحرة انكسر
يحجي وي روحه وسمعته امن اعتذر
من اخيّته الغــالية ابــدمع النظــر
اعيونه ذبلانات من كثر البچي ..
كوه يتفرزن امن اشفافة الحچي
روحه عالصاير
تكسر الخاطر
في كربله
اباب خـــيمة زينب الكـــافل كعد
يجري دمعات الّموادع حيلي هد
رحت يمة وكتله يا عمي اشبعد
كال زينب تنسبي بعـــدة وعــدد
باجر ام عون العزيزة تنسبي ..
والسياط اتشكك امتون وعبي
عمّتك باجر
تكسر الخاطر… ..في كربله
……
الباقر انه وصح زغير ابكربله
لجن لسة ابالي نبله حــــرمله
ابعين ابو فاضل شفته امشكله
وشفت عمتي امكيدها بسلسله
هالصور بعيوني مطبوعه طبع
ماتفاركني مثل مجرة الدمع
صورت الحافر
تكسر الخاطر ... في كربله
....................
كلمات
موسى الخادم
للجواد المهدي شايل رايه
ومعتني ويه الخدم مشايه
.....
يمن كاصد ضريحه ... الك هاي البشاره
ابوصالح حبيبك... رفيقك بالزياره
ابد لا تنسى روحك ... تمعن بالعباره
اذا شافك تمازح .... تزيد ابكلبه ناره
لا تزيد احزانه حزنه اكفايه
.......
يزاير خلي حزنك ... يسولف كلشي عندك
اليعطلك عالمصيبه .... تكله ارخصني ردك
ابو صالح يريدك .... دمعتك تملي خدك
يماشيك ابطريقك .... ابد مو انت وحدك
حاضر يسمعك ابكل احجايه
......
بديك الرايه خلهه .... ترفرف لبو فاضل
الك كل خطوه بيهه .... اجر عابد مقاتل
المشه للكاظمية ... يضل تاريخه حافل
طريق الكاظميه .... طريق اهل المراجل
خلي روحك بالمشي وفايه
......
الف هنياله كلمن .... تشوف المهدي عينه
تشمله الرحمه كلهه ... لحد اخر سنينه
يماشي المهدي جدمه ... ابو الروح الحزينه
ابد ميماشي عاصي ... يدور الوينه وينه
يريد واحد ما يخالف رايه
.......
✍ كلمات : موسى الخادم
تاريخك اقره بحزني والاَمي
قصتك شبيهه بقصت الضامي
يا جواد الأئمه ....يا جواد الأئمه
......
من طالعت سيرت حياتك
بيهه لكيت اشكد حزن
من مولدك والحد مماتك
بدموعك امغرك الجفن
عشت القهر من كل صوب
مسلوب فرحك مسلوب
مكسور خاطر متعوب
يابن الرضا
باليقضه اشاهد صرت واحلامي
قصتك شبيهه بقصت الضامي
يا جواد الأئمه ....يا جواد الأئمه
......
ازغر امام اسنينه ضاعت
انت وبقيت ابلا عمر
خانتك ناس الذمه باعت
والعشره جازوهه بغدر
ما رحمتك هاي الناس
منك خذت كل انفاس
جرعوك من نفس الكاس
السم الحسن
جم واحد النعشك صبح رامي
قصتك شبيهه بقصت الضامي
يا جواد الأئمه ....يا جواد الأئمه
.......
تشبه اهوايه اهوايه قصتك
قصت حسين المنذبح
من بالشمس خلوهه جثتك
مطروحه ظلت عالسطح
واتلث ليالي ابلا روح
الشمس الظهيره مطروح
مثل ابو اليمه المذبوح
يا بو الوفه
امصابك يضل امرافك ايامي
قصت شبيهه بقصت الضامي
يا جواد الأئمه ....يا جواد الأئمه
........
عطشان مثل حسين جدك
ظل جبدك النازف جرح
عالترب خده وانته خدك
باقي على اتراب السطح
بالعطش واسيت حسين
يشهد الك دمع العين
ميت حزن صار اسنين
تبجي النحر
هذا الاشوفه انكتب كدامي
قصتك شبيهه بقصت الضامي
يا جواد الأئمه ....يا جواد الأئمه
.......
من الطف اخذت اجم مصيبه
يا تاسع اصحاب البخت
بس ما بقت جثتك سليبه
ولا لليسر اختك مشت
ولا داست اعليك الخيل
ولا ركبتك دمهه اتسيل
ولا راسك برمح اطويل
شاله الشمر
ميت عطش بس ما متت دامي
قصتك شبيهه بقصت الضامي
يا جواد الأئمه ....يا جواد الأئمه
......
كلمات
موسى الخادم
ياجواد الائمه .... جرحك منين اكلمه
من حرك باب وخيم
لو مناحر تجري دم
جرحك منين اكلمه
.....
اسالك يا اغله غالي ..واعتذرلك عن سؤالي
يا جرحك اكثر يألمك ...فدوة جاوب ريحه بالي
جرح حرك المخيم لو سبي الخدر
يمن لسه بدليلك جمرتك تسعر
متت وعيونك اتصب العلي الاكبر
الك ثار اليجيبة المهدي من يظهر
لحضه ما ينسى ثارة .... المهدي واضح قرارة
يظهر وبيدة العلم
من حرك باب وخيم
.......
يالخبر موتك فجعني ...ما ابطله اعليك وني
شنهو اكثر شي بجيته .... سيدي لا تخفي عني
احلفك بالجفوفه العمتك صانت
دمعتك تجري المن كل وكت جانت
اعلى زينب لو رقية العل طشت ماتت
يمن ساعت وفاتك هالمسه حانت
بوح الي بهذا سرك .... حتى اظل اعله ذكرك
اتقاسم اوياك الالم
من حرك باب وخيم
........
يالعشت عمرك مصيبة ... عل البقت جثته سليبة
ضامي مت اوهو ضامي ... موتتك مثله عجيبه
متت ضامي مثل موت الذي احلالك
رمية اعله السطح شمس الله تبرالك
ثلث تيام ما واحد اجه وشالك
يمن حتى العرش ناح وبجه الحالك
بموتتك هالمسية .... عادو الغاضرية
جبدك مصوبينه سم
من حرك باب وخيم
......
يالجواد ابجي المصابك ... وحزني مافارك عذابك
روحك اشافت مصايب .... يلي ما راعو شبابك
يالعمرك وصل حد خمسه والعشرين
وسمو جبدتك ياحجة الطيبين
خلص عمرك تنوح الوحدك لحسين
ومثل جدك علي ابيجت الزجية سنين
سنينك الي عشتها .... بالمدامع خلصتها
سنين عمرك كلها هم
من حرك باب وخيم
........
مجلسك هالليله حاضر ... سيدي اعله جروحي اكابر
امن اذكرك واذكر شبابك ...صورتك مسموم اناظر
اشد ليله اعلى كلبي ليلة اغيابك
عليك اشما انوح امقصر ابابك
يمن متفضل اعليه اقرة بمصابك
بمانك سيدي ما فارك اعتابك
عبدك اقبل خدمتي .... لا تردني ابدمعتي
جرحي وياك انرسم
من حرك باب وخيم
.......
الحمدالله رب العالمين
اللهم صل على محمد وال محمد
موسى الخادم
نعش والينة الجواد نشيعة هالساعة
""""""""
نعشة هاي الليلة .... بالدموع أنشيلة ...... سيد العقيدة
وبالطم نحيهة ..... ذكرى ونواسيهة ..... روحة الشهيدة
تستمعنة أعدانة .... ثارة عاش ويانة ... منهم نريدة
مانعوفة وللأبـــــد بالــــــثار شــراعة
"""""""
يـــــلة يا أنصارة .... هـــبو يم ديارة ...... هاي المسية
أتوادعو أويالوالي .... حجة الله الغالي .... هاوي المنية
غمضاهة عيونة .... شوفتة الحرمونة .... أتباع أمـــــية
حرمو الشيعة تشوفة وتلمس أذراعة
"""""""
ساعت أتشيعونة ..... جبدة لتلجمونة ..... بالسم تكطع
يامحب أبــــهيدة ..... من تشيلة بهيدة ... ونـــاتة تسمع
لا فــعل يشفينة ..... لا حزن يكفينة .... فاركنة مرجع
وارث علوم الرسول وفكرة وأطباعة
يادهر ياظالم .....ليشت أخذت العالم .....وارث نبينة
أبيا ذنب سميتة .... وبالترب غطيتة .... غالي علينة
ربنة ما ينساهة .... فعلتك وي طــه .... أوي بنيـــنة
ياخذ بثاراتة منك تفرح أتباعة
.......
الحمد الله رب العالمين
اللهم صل على محمد وال محمد
موسى الخادم
السلام عليكم احبتي خدام الحسين ع
عظم الله اجورنا واجوركم بذكرى شهادة سيدنا ومولانا الامام الجواد عليه السلام
ياصاحب الثار ... طالت غيبتك
.....
يمتى نسمع قد ظهر مهديكم
الجنتم اتانونه وايتانيكم
وتسكت احلوك الي كالت عنك
مات من ذاك الزمن واليكم
يا صاحب الثار ... عايش غربتك
........
ساعه ساعه الجيتك تانينه
يمتى يا يوم الفرج مهدينه
ليل وانهار وصبح ندعيلك
سالم اترد لينه يا مهدينه
يا صاحب الثار ... ردنه صحبتك
......
يابو صالح يا جميل الصوره
نشكي الك غدر الزمان وجوره
يملي هاي الكاع قسط وعدلاُ
ماكو غيرك رايته منصوره
يا صاحب الثار .... لذنه بشيمتك
........
نعتذرلك سيدي امزعلينك
سوده كل أفعالنه الله يعينك
انت ظهرك منكسر عالعاشر
واحنه يوميه بسهم رامينك
يا صاحب الثار .... ناسك اذتك
....
من كلب مو من صدك ندعيلك
هذا واقع حالنه ونحجيلك
لو صدك جان الدعاء وخالص
جان نورك زاح ظلمت ليلك
يا صاحب الثار ... نادت شيعتك
.......
كلمات
✍ موسى الخادم
جعفريه ... هالاسم يغنينه
جعفريه ... هالشرف يكفينه
......
نحمدالله ونشكره الحد المنيه
جي جعلنه رافضيه جعفريه
جعفر الصادق فخر كل البريه
اتفاخرينه بأسمه صارلنه هوية
جعفرية ... نفخر اتسمينه
......
بجعفر الصادق ولينه اتفاخرينه
ما يهمنه اليشكل ويحجي علينه
انعم الله اعلينه بالصادق ولينه
لو نخلص العمر نشكر ما وفينه
جعفريه .... الناس ما تعنينه
......
مدرسة جعفر الصادق مدرستنه
علمتنه كل عباده علمتنه
ثابتين ابوجه ناس الحاربتنه
والولايه الحيدرية شرفتنه
جعفرية .... الراس ما طخينه
......
نعمه ما يحصل مثلهه النعمه هايه
نعمة اهل البيت جنه بالنهايه
امدللين اهواي احنه بالولايه
والي ما عنده ولايه ابلا هدايه
جعفرية .... حب علي اينجينه
.......
مذهب الصادق عظيم وما نبيعه
لو يملكونه المجرات الوسيعه
تبقى صيحتنه لحد الموت شيعه
واليعادينه نذله وما نطيعه
جعفرية ...محد ايلاوينه
.......
كلمات
✍ موسى الخادم
للصادق اليوم اعتنت فاطمه
بدمع المصيبه الجارية امحزمه
اتصيح اه يبني
امصابك افجعني
.......
من السمه نزلت تون ... من غمض اعيونه
بالكوه تمشي اعله الجدم ... ويه اليشعونه
مكسوره خاطر والضلع ... ماذيهه بمصابه
متألمه حيل الدفنته ... جن هيه مدفونه
يم كبره كعدت تبجي وي عيلته
اه يبني يالبسم متت نادته
يومك اَ لمني
امصابك افجعني
......
يم راسه كعدت تنتحب ... والدمعه تجريهه
وحتى الحمام البَّسمه ... ون وبجه اعليهه
خيمة عزاهه اعله النعش ... نصبت ابكل حركه
بالكلب نار اموجره .... رادت تطفيهه
نصبت عزاهه والضلع دم يصب
لطمت صدرهه وكعدت اعله الترب
وسولفت ذني
امصابك افجعني
.....
ادكله يوليدي الك ... جيت بحزن كلبي
ما ظلي حيل ابموتتك ... يشهد علي ربي
اكعد يسباح الكلب ... اكعد تلكاني
مصابك اخذ شوفي وصرت ... ما وجده دربي
اعليك السماوات العَّلا باكيه
مثل البحار البل أرض جاريه
يالرحت مني
امصابك افجعني
.....
اتناديه يمه ابيا ذنب .... سموك حاجيني
عادو علية اشجم جرح ... نازف امأذيني
كل يوم فاجعني الدهر .... بيكم يهل بيتي
واحد بسم واحد ذبح ... خلصكم ابنيني
بيه وبهل بيتي اشعمل هالدهر
كل يوم فاجعني بجبد وبنحر
دهري شيبني
امصابك افجعني
......
صيحتهه يالصادق الك ... جابتني ايامي
بعدك منو ايقيم العزه ... عالمنذبح الضامي
لمصابك اتون كربله .... يا صاحب الدمعه
كل يوم ذابحلي الشمر ... محبوب كدامي
يا جعفر الصادق الك دمعتي
ما تنشف ولا تنتهي عبرتي
ولا ينتهي وني
بمصابك افجعني
......
كلمات
موسى الخادم