963
قصائد مع الحانها لخادمكم موسئ الخادم
من كربله للشام .... جابتهه ضيم اَلام
واليوم وافاهه الاجل زينب
........
يلي تنشد على الصار وحل عليهه
هاي بت حيدر علي اليتباهه بيهه
من بعد موتت اهله افتو سبيهه
مشت من يمهم غصب مجتوفه اديهه
يالتنشد اعله الصار ... زينب سبوهه أشرار
ويدرون بيهه بت حبيب الرب
واليوم وافاهه الاجل زينب
......
بلايه هودج على الهزله ركبوهه
الذبحو ابن امهه وذبحته شوفوهه
حركو اعليهه الخيام وطلعوهه
حارت اتلم اليتامه اتشيل اخوهه
اخت البطل عباس .... جارت عليهه الناس
مارعو حهقه والأخو تسلب
واليوم وافاهه الاجل زينب
.......
مشت للشام ونضرهه عالشريعه
تنتظر جيت ابو اجفوف الكطيعه
راحت ودمعتهه فوك الخد صريعه
وبيدهه ذكره دمه حسين ورضيعه
ورايه كمر عدنان ... ظلت على التربان
اوفوكه جفينه ودماه الصب
واليوم وافاهه الاجل زينب
......
اتريد اكمل ما سداهه من مصايب
امن السياط امتونهه اتورمت يصاحب
بالخرابه كعدوهه اعله الترايب
والحسين اعله الرمح راسه يراقب
ايعاين عليهه اشلون .... بيهه العده ايجرون
خاف احجي الك اكثر وتتعجب
واليوم وافاهه الاجل زينب
......
من بحر همهه الك سولفت قطره
الشافته زينب يهد الكون بَسره
طاحت اعليهه المصايب عشره عشره
من زغرهه اجتفت بحزان كثره
ضيم السداهه اهواي ... كد العطش للماي
كل ساعه من الزمن تتعذب
واليوم وافاهه الاجل زينب
.......
حتى بالموت المصايب جاورتهه
ناس غربه موش اهلهه شيعتهه
اعيونهه مو جف اخوهه الغمضتهه
جانت اتحسب يجيهه ابخاتمتهه
زينب بقت هيهات .... بعازت اخوهه المات
بمنازع الموت وبقت تنحب
واليوم وافاهه الاجل زينب
.......
كلمات
موسى الخادم
محد بجه اعله اجنازتج
محد حضرهه دفنتج
محد وصلهه غربتج
يازينب العلويه
.....
أتمنيتي جان ابدفنتج عباس حاضر
وحسين اخوج الهشمت صدره الحوافر
جانت دعوتج روحج بيوم التسافر
يمج يجوج الفاركوج ابيوم عاشر
ما أنصف اوياج الدهر
عشتي بهضم عشتي بقهر
منج اخذ شمس وكمر
الفاركتي موش اشوية
........
حتى ابدفنتج ما خلصتي من عذابج
مو جف كفيلج جف غرب هالت ترابج
بالموت وانتي اعيوانج اتصد اعله بابج
شمتانيه يم الخدر جيت احبابج
ياهو التتاني جيته
الكطعوله جف لو ركبته
العلترب ظلت جثته
سهم ورمح مرميه
.......
بس ابن اخوج الشيعج هاي الهضيمه
اجنازتج ظلت حالهه حال اليتيمه
ابعازت امتون الشيلهه اتصيح الضليمه
محد فزع ليهه مثل حركت الخيمه
ماواحد الضل من هلج
بس الشماته تبره الج
ميته وضحكهم واصلج
وانتي الكلب مدمية
......
عشتي غريبه ومتي يا زينب غريبه
خلصت حياتج نوح واهات ومصيبه
الشافت اخوهه أعلى الترب جثه سليبه
كل عمر ما يبقه الهه ابد لا مو عجيبه
عيشتهه جرح ابصف جرح
الشافت اخوهه ينذبح
وراسه اعتله فوك الرمح
واكطعت منه الجية
......
الشام اه يالشام بيهه اشفتي اذيه
ما رحمت ابحالج يبت خير البريه
ابنوك الهزيله دخلوج الهه سبيه
وظلت ابالج هالصور حد المنيه
اتحملتي انواع المحن
شيدتي بحزانج وطن
من البجي عيونج عمن
الموتج عقدتي النيه
.......
وينه الينادي اوياي بالونه الثجيله
يا مايله الدنيه اويه زينب خوش ميله
هاليوم وحشه اديارهه صارت عليله
من عدهه شالت عافيتهه اوياهه شيله
دار العقيله مظلمه
تبجيهه املاك السمه
وين اليصب دمعه دمه
عل بالحبل مسبية
،.....
كلمات
موسى الخادم
.......
لو ردت يعله مقامك
أخدم أخت حسين امامك
بت علي زينب ...بت علي زينب
.....
الف السلام اعله العقيله واعله اسمهه
ابدنياته واخرته ربح كلمن خدمهه
ستر الله زينب والسمه تحجي ابعلمهه
من كل ذنوب ومعصيه الله عصمهه
زينب الحوراء اميره .... جذبو الكالو أسيره
امر مستصعب ... بت علي زينب
......
يعله مقامه ابين اهل ناسه وصحبته
كل واحد الام الخدر نزلت دمعته
يوم الحشر ميه يلاكيهه درجته
والجنه تتلكاه واتقبل جبهته
يالردت بالجاه تعله ....
اخدم الهه ابلايه عله ....
اجازي اليتعب .... بت علي زينب
......
ربنه اصطفاهه ورحمه للأمه جعلهه
كل حاجه متعسره تمرك تسهلهه
مضرب مثل صارت فلا واحد وصلهه
منهه الصبر ياخذ صبر هاي اشيحلهه
أيوب شاهد على صبره.
من صبر زينب اخذ صبره
ابد لا تعجب .... بت علي زينب
ام الخدر والمفخره وأم العبايه
أمفصل عليهه كل شرف بالدنية هايه
رفعت شعار بكربله بوجه البغايه
هيهات للذله البدايه والنهايه
رايتهه رفت مثل اخوهه
هيه السبتهم ما سبوهه
حاربت مرحب ... بت علي زينب
.....
تحضر مجالسنه البعيده والقريبه
لا مو عجيبه هاي ابد لا مو عجيبه
تحضر تسجل الحاضر بدمعه ونحيبه
وتتشكر امن الخادم الهه ابهل مصيبه
ما تنسه لطماتك يخادم
اخت ابو فاضل كمر هاشم
رحمه من الرب ... بت علي زينب
......
كلمات
موسى الخادم
يالرايح أتزور العقيله
وياك أخذ دمعي الاسيله
كلهه يا مولاتي
خادمج كل امنياته ايزورج
.......
يلي شديت الرحال ابهاي الايام
اتريد تكصد كبر زينب ام الايتام
اوياك اخذ روحي امانه امحمله اسهام
كلشي بية ايصيح زينب طبت الشام
لو وصلت البابهه طش دمعتي
واذكرلهه اشلون جانت حالتي
وصلهه اخباري
وقدملهه اعذاري
ماعندي ظلت كل وسيله
وياك أخذ دمعي الاسيله
كلهه يامولاتي
خادمج كل امنياته ايزورج
.........
ما أوصيك اعله روحي تمشي وياك
حيل مشتاكه تزور ام عون ارجاك
شدهه عالشباك روحي بهايه يمناك
ولا تردهه اوياك خلهه تخدم اهناك
روحي فدوه اتروح وسنين العمر
الزينب ام المفخره ام الخدر
يالتروح الزينب
أخذ روحي التنحب
وكلبي الي ما بطل عويله
وياك أخذ دمعي الاسيله
كلهه يا مولاتي
خادمج كل امنياته ايزورج
.......
حاجتي وياك اخذهه لخت الاحسين
واقسم اعليهه بكمرهه وام الابنين
كلهه يامولاتي زينب ابقه لا وين
انتظر يوم الازورج صارلي سنين
سولفلهه وكلهه ما بطل بجي
الليل يخلص والصبح بيج الحجي
ابروحي المشتاكه
ودمعتي الحراكه
حال اشبهه ابحال العليله
وياك أخذ دمعي الاسيله
كلهه يا مولاتي
خادمج كل امنياته ايزورج
......
كلهه ناذر ما اجيلج الا وياي
تربه من كبر الحسين الماشرب ماي
ومن ابو فاضل اجيب ابهاي يمناي
رايه ازورهه ضريحه ابطن عيناي
وحالف اتعناهه ايدي امنسلسله
حتى اعيش اوياهه لوعة كربله
دمي خل يجاره
للبقت محتاره
تطفي الخيم تجمع العيله
وياك أخذ دمعي الاسيله
كلهه يا مولاتي
خادمج كل امنياته ايزورج
......
يمن كاصد للعقيله بقلب مفطور
بعد يمك طلب عندي وانت مأجور
علك من شباك زينب ردت وابخور
وزور عني بالانابه لمن اتزور
وتحت كبتهه الشريفه ادعي الي
زاير اتعناهه انه وكل هلي
هيج وادخل بابهه
واسجد أعله اعتابهه
وحملي الثكيل اهناك اميله
وياك أخذ دمعي الاسيله
كلهه يامولاتي
خادمج كل امنياته ايزورج
........
كلمات
موسى الخادم
مايله الدنيه اويه زينب مايله
...1...
طلعوهه
بالحبل مجتوفه ما بين الاجانب
طلعوهه
وحاطت اعليهه الشماته امن الجوانب
الجان ما ينشاف ظلهه ولا اثر ممشاهه
هسه ويه اجناب طلعت موش اهلهه اوياهه
وين جانتلج يزينب وين جانت هايه
امدللت حيدر هضيمه الزمن ما راعاهه
مايله الناكه الهزيله مايله
...2...
كلهه ضدهه
ماكو واحد شالته الغيره اعله زينب
كلهه ضدهه
والكفلهه اجفوفه متكطعه وتسلب
عاشر محرم سباهه وبجه كل ايتيمه
كلشي ما خله عليهه لا اهل لا خيمه
ياهو التفزعه ويجيهه بعد عين الكافل
عثرت اجم مره زينب من ركاض الهيمه
عايله ابركَبتهه زينب عايله
...3...
عالترايب
عافت اخوتهه غصب موش ابرضاهه
عالترايب
ودعتهم زينب ابدمعت بجاهه
مشت من يمهم يويلي غاركه بدمعاتهه
كوه مشاهه جدمهه اتريدهم خطواتهه
حيل متعوده عليهم موش مال اتعوفهم
تلتفت كالساعه الهم هيه وابنياتهه
شايله صورة ذبحهم شايله
...4...
يا هضيمه
تمشي زينب ويه ناس الموش اهلهه
يا هضيمه
وعالرمح راس الحسين ايعاينلهه
ايوكف الرمح اعله طوله ساعت ايضربونهه
وهيه من كد ما تحبه تخفي دم امتونهه
طول درب الشام زينب مستحاهه ايكودهه
زينب اويه حسين قصه قله اليفهمونهه
سايله بيهه المدامع سايله
...5...
حره زينب
كلشي صاح بحركه برض الغاضرية
حره زينب
ما تلوك اعليهه تتسمه السبية
هاي زينب ستر الله البيهه كلشي مفاخر
جبل شامخ رغم كل الصار يوم العاشر
الكال مسبية عليهه عقله ما متكامل
زينب الحوراء حيدر هيه تسبي الكافر
زايله اجيوش ال اميه زايله
......
تمت
كلمات
موسى الخادم
اول منزلت زينب الكبرهه
ظلت تتاني للكفل خدرهه
حنت الشوف الوفاي
امفاركته صارلهه اهواي
......
من تمت مراسيم الدفن الهه
ورد زين العباد الدمعه يهملهه
كعدت زينب ابوسط الكبر تنعى
تريد اتشوف عباس التكفلهه
ساعه مرت ... والكمر يمهه اعتنه
ساعه مرت ... بس عليهه ما دنه
هو يبجي وهي تبجي اتكابلو
متغيره حيل اخته بعجب نضرهه
ماجنهه هيه اتحيَّر أبامرهه
صاحتله يا ضي عيناي
امفاركته صارلهه اهواي
......
كعد يمهه الكفيل ابدمعته التجري
يكلهه اشلونج اخلافي بعد عمري
كَلتله العمر بعدك خلص لوعه
وانسلبت حياتي وانسلب خدري
شوف متني ... من الأسياط انحفر
شوف متني ... لسه بي باقي الاثر
هو يبجي وهي تبجي اتكابلو
بعدك يخوية ما رعو دلالي
مجتوفه مشوني الغرب يغالي
زينب حجت للرواي
امفاركته صارلهه اهواي
.......
زينب تبجي ساعه والكمر يبجي
اومن كثرت بجيهم ماكدر يحجي
كالتله اعله هونك يا بعد روحي
بطل امن البواجي بعد ما اشجي
كلهه خوية ... واني راسي اعله الرمح
كلهه خوية ... اعليج كل ساعه انذبح
هو يبجي وهي تبجي اتكابلو
جبت الدرب جرحج أشده بجرحي
كل ما تعثرين اعثر اعله رمحي
ميت لجن عشتي اوياي
امفاركته صارلهه اهواي
......
راد الكمر يمسح دمعت الحره
تذكر يمنه ما عنده ولايسره
ضم ازنوده عنه خاف يفجعها
مثل ما ضم عليهه حسين كص نحره
باد حيله ... من ذكر ما عنده جف
باد حيله ... كلشي بي طاح اوكف
هو يبجي وهي تبجي اتكابلو
كدام اخيته أخفى الجرح تبسم
وطيحته التشبه طيحت المخيم
خايف عليهه الوافاي
امفاركته صارلهه اهواي
.......
على حسين العقيله سألت الكافل
وين ابن امي حاجيني يبو فاضل
كلهه حسين ما يكدر يجي الكبرج
ما يمشي اعله طوله امن السحك مايل
امن الحوافر .... اضلوعه كلهه امكسره
امن الحوافر .... حسين يوجع منظره
هو يبجي وهي تبجي اتكابلو
ليليه امنه فاطمه تضمده
ما طايب الهل ساعه اخوج ابشده
ما شارب الهسه الماي
امفاركته صارلهه اهواي
......
صاحت يا كمر هاشم يضي عيني
شفت كلشي السده اعله حسين ياذيني
من ذبحت رضيعه الدوست الحافر
ظلت هالصور بالبال تسبيني
شفت كلشي .... بذاكه يوم الفاجعه
شفت كلشي .... انحور ادين امكطعه
هو يبجي وهي تبجي اتكابلو
كالتله اخذني اوياك اشوف ابن امي
محتامه اشم نحره واسولف همي
جنت انتظر موتي الهاي
.......
كلمات
موسى الخادم
نزله
وين ما كالو عزائج نمشي ليه
لو بخير الدنيه نتعنه ونجيه
يا زينب ... يا زينب
.....
عايشين الدنيه هاي الخاطرج غير
اشلون ما نمشي العزائج يخت الحسين
لو يصير ابأخر العالم اله انوح
ما توكفنه المسافه نمشي عمرين
مانعوفج لا وحك خوانج الوفاية
من عمر سنتين واحنه امحزمين ابراية
عاللطم واعله البواجي امعلمين اهواية
يازينب .. يا زينب
.....
بينه كل واحد يزينب لجلج ايروح
مو سبع فدوات اكثر واكثر اهواي
احنه مخلوقين الج يخت الميامين
مثل شجرة وما تعيش الا على الماي
نشكر الله الي جعلنه انصار الج نحجيهه
شنهي عيشتنه بدونج خير ابد مابيهه
الدنيه اذا مو انتي بيهه بفلس ما نشريهه
يا زينب ... يا زينب
......
ما يمر يوم الا ذكرج ياخذ البال
هالطبع عن أب وجد احنه ورثناه
اسمج اعله السان كل الشيعه تسبيح
هذا واقع حال مو شعر وكتبنا
امصيبتج مو هينه عدنه امن الزغر عشناهه
وحركت الخيمه اعله راسج لحضه ما ننساهه
مايله الدنية اويه زينب صيحه رددناهه
يا زينب .... يا زينب
...
احنه تحت امرج يزينب وشتطلبين
سمعاً وطاعه نكلج بنت الإكرام
لو تطلبين الشمس هم يمج اتصير
الج خدام ونضل للموت خدام
خدمتج راحتنه بيهه يالوفيتي الناسج
كل تعب ما شفنه بيهه نقسم بنوماسج
امحزمين احزام الهه اي وحق عباسج
يا زينب.... يا زينب
.....
ندعي ربنه يمج انقيم العزيات
وي ابو صالح المهدي صاحب الثار
والمواكب تنصب من بابج الباب
طفله حسين الاخذهه الموت خطار
هايه هايه امنيات العدنه ربنه ادعينه
على بابج خدم نبقى الخدمتج وفقينه
ونصبح اجنود الامام المنتظر مهدينه
يا زينب ... يا زينب
......
كلمات
موسى الخادم
اختم حياتي بعاشور
زيارة حبيبي المنحور
السلام عليك يا ابا عبدالله
.......
جنه اقترب مني الاجل
وانه وحيده ابلايه أهل
راح اختم سنيني بعمل
الله يحبه وفاطمه تحبه و علي
اقرا زيارة عاشر ابعاشوراء
وانثر دموعي في جميع الارجاء
ما انسه يوم امصاب اخوي المذبوح
يشهد علي جدي النبي والزهراء
زينب انه ام الاحزان
دمعي يصب عالعطشان
السلام عليك يا ابا عبدالله
........
ابدي السلام اعله النحر
البثنعش طبره انطبر
والخنصر المنه انبتر
وجسمه التطشر عالارض من السحك
اقره الزيارة واذكر اشلون الخيل
فوك الصدر فوك الظهر دبجت حيل
بالحافر امجلب قميص المذبوح
شفته وشفت دم ركبته المنة يسيل
عالوجه طايح يا حيف
وابمنحره ثلمت سيف
السلام عليك يا ابا عبدالله
......
الصار وجره ما وصلَّت
عظمه الرزية اشما كلت
ظلع انهشم بيدي شلت
من جسم اخوي العاري ظل بكربله
شما سولفت ما وصلَّت شنهو الصار
سبعين الف واحد على حسين اندار
هذا برمح ذاكه بسهم ذاكه بسيف
يطعن اخوي الجسمه خلو طشار
نازف جرح من كل صوب
ومنه انسلب حتى الثوب
السلام عليك يا ابا عبدالله
.......
من اوصل الهل مفردة
اتبركت ابقتله العده
اذكر حُسين الوحده
ظل يوم عاشر لا اخو يفزع اله
بيدي المهر قدمته اله بذاك اليوم
من غير ناصر وحده ظل بين ألكوم
مكسور ظهر ابن امي بعد العباس
كل ساعه يوكع وكعه ويرد أيكوم
تعبان مهدود الحيل
من كل كتر دمه يسيل
السلام عليك يا ابا عبدالله
.......
سلمٌ لمن سالمكم
حربٌ لمن حاربكم
اقرها يوم امصابكم
واليوم يوم امصابي من يقراها الي
وحدي صفيت ابلا اهل لا خوان
طف كربله من عندي اخذ كل أحنان
اتمنيت ابو فاضل يجي ابهذا اليوم
بيده يشيعني ويصير الدفان
شيجيبه مكطوع زنود
وراسه انهشم بالعامود
السلام عليك يا ابا عبدالله
.......
ياربي الك كُل الحمد
اسجد واقراها وارد
أبجي على ذاك الجبد
أليبسو من الضمه وصابو سهم
هاي الزياره عايشه اوياي سنين
عالكلب محفوضه مثل اسم حسين
عني نيابه اقروها كل يوم يصير
هاي وصيتي الكم يناسي الطيبين
كل يوم اليمركم كون
الحسين عني اتزورون
السلام عليك يا ابا عبد الله
.......
كلمات
موسى الخادم
ماظلت اعيون اشوفج بيهن
لا ظلت اجفوف اشيلج بيهن
يزينب .... يزينب ... سامحيني
......
يعز من روحي وسنيني وحياتي.. وشوف العيون
تعذريني اذا ماجيت الج هل ... ساعه يم عون
الجنازه ابحاجه جفين اتحملها .. فوك المتون
وانه شوفت عيونج كلشي ما ظل ... مني تدرون
صعبه اعله عباس اذا تنخينه
ميردلج جواب يكل سنينه
امانه .. امانه ... اعذريني
.....
وحكج خوية لو بيدية اجيلج ... اني والجود
لجن ما اريد اشوفج هامي خوية ... الصابه عامود
الاخو وكت الدفن يحضر اخيته ... هذا معهود
ينزلها الكبرها ابيده ويظل ... يمها موجود
من كبري بدموع يخي ناديتيج
عذريني يمعون اذا ما جيتج
يخيتي ... يخيتي .... تسمعنيني
.......
يزينب خوية مو هين مصابج ... يكسر ظهور
الج راح انصب بدمع النواظر ... عزه مشهور
يظل حزني بعزائج دومه عامر ... مثل عاشور
ولحد يوم القيامه اعليج أبجي ... اهل الاكبور
جنت اسمع اونينج ابنص ليلج
كد ما بجيتي علية ابجيلج
امانه... امانه ... صبّريني
......
عليج الفاتحه اقراها بدمعتي . ... يالحبيبه
بلاي اجفوفي الج الطم يخيتي .... ياغريبه
مصابج هيج اعليه يزينب .... جم مصيبه
شسولف ما اوصف جرح كلبي ... لا نحيبه
خلص بالالام يزينب عمرج
مكسورت اجناح مشيتي الكبرج
بالجروح ... بالجروح ... قاسميني
.......
الج من كبري اوديلج سلامي .... واعتذاري
وداعج ما حضرت ولا دفنتج ... اه يناري
خبر موتج يزينب زاد همي ... وانكساري
على ارسومج ادور يالحبيبه ... بعز نهاري
من كربله الشامج اسأل وينج
بعيده المسافه الي بيني وبينج
يروحي .... يروحي .... كلميني
.....
الحمدالله رب العالمين
اللهم صل على محمد وآل محمد
موسى الخادم
ياموت اخذني ابساع ... خلّص دمع عيني
مشتاكه روحي اهواي ... لخواني وابنيني
والكربله العشاك ... وديني وديني
.....
ميته انه موش اليوم ... ميته انه من سنين
بس جسد ظلي اهنا ... روحي مشت لحسين
صوبني وي عباس ... يا موتي سهم البين
ظلمه اصبحت دنياي ... ماشوفن ابهل العين
اجمل حياتي اهناك ... يم سلوت اسنيني
.....
عاشر محرم باك ... من عندي كل احباب
خلاني اعيش اسنين ... عمري بهضم ومصاب
وحشه اصبحت هالدار ... اشبه ابدار اغراب
لا ولد بيها اتعيش ... لا جف اخو ايدك باب
وحدي اصبحت انه ... محد يواسيني
....
ادعي الله جنت اهواي .... بالاخص باخر ليل
ايعجل بجيتك هاي ... ياموتي ماظل حيل
بس تبقى غصت اه ... وسط الدليل تعيل
من انه اموت اليوم ... نعشي منو الي شيل
دز طارشك العباس ... هالساعه يلفيني
.....
ما حسبت فد يوم ... كل اخوتي ايموتون
خواني جانو خير ... من الله ينعدون
من كثر خوش ازلام ... واحنان ينحسدون
ياوسفه انه بقيت ... واخواني ينذبحون
أل كربلاء حسين .... وديني وديني
.....
اخر كلام اوياك ... ياموتي اخذه الروح
ملت بواجي الليل ... ومساهري والنوح
احزاني ليل انهار ... لحسيني المذبوح
ريت انذبحت اوياه... وابكده عندي اجروح
جرح النحر لليوم .... ياموتي ياذيني
.....
الحمدالله رب العالمين
اللهم صل على محمد وال محمد
موسى الخادم ...
كربت يخي منيتي… من يستمع وصيتي
وانت ميت… يعباس
… ..
جنت احسب لو متت بيدك تجهزني
والوسط كبري بدمع عينك تنزلني
أجنازتي اعله اجتافك اتشيل وتشيعني
هاذي جانت امنياتي انت تدفني
ما خطرت اعله بالي… تشيعي منك خالي
يابو فاضل… يعباس
… ..
ياوسف خاناني دهري وحيل اذاني
من اخذ احباب كلبي اوحدي خلاني
ايشيعوني الغرب وانه سبعه خواني
هية هاية الهاضمتني وزادت احزاني
موانتم اتشيعوني… غربه يضي اعيوني
اه يهضمي… يعباس
……
خوية يعباس وينك كربت امنيتي
يمي ريت الساعه تحضر تسمع اوصيتي
امنياتي اغفه اعله ادينك يا بعد بيتي
ومن عطر حنيتك اترس صدري اوريتي
والكربلة اتوديني… تدفني يم حسيني
وهاي هية… يعباس
……
صح بعيدة الشام عنك خوية ادريها
لكن ابعاد المسافه الشوك يطويها
هايه ساعاتي الاخيرة ابشوفك ارويها
عيني عطشانه اعله شوفك لا تخليها
يااغله من حياتي… احضر كبل وفاتي
حلمي اشوفك… يعباس
……
من يغمض عيوني باجر ياضوء اعيوني
ويبجي عد راسي ويكول اوياها ادفنوني
عازة الخوان عازة يالتسمعوني
الموت من ياخذهة روحي اوياكم اخذوني
يا فرحتي ابلقاكم… ميته انه من وراكم
الله شاهد… يعباس
…… .
خوية اوديلك سلامي باخر انفاسي
امحبر ابدمعات عيني يا اعز ناسي
انه ما هاضمني موتي لجارح احساسي
اغراب تقرالي العديله موش عباسي
قراني جنت اشوفك… الهج بذكر احروفك
يا حبيبي… يعباس
…… .
الحمدالله رب العالمين
اللهم صل على محمد وال محمد
موسى الخادم
#ويبقى_الحسين
زينب ع تخاطب العباس ع
يالتارس عيوني ضوة ... مر بية لو نسمة هوة
نبض الكلب ... بسمك يدك .... عباس عباس
......
يا نضبت اكليبي التدك ..... يا كلشي عندي
ما احتمل طاري الهجر ..... مرسال اودي
مو شيمتك يا با الفضل .... تتركني وحـدي
انه العقيلة ام الخــدر ... دمعي اعلى خدي
يل ماكو مثل امروتك ..... دنياتي وحشة ابروحتك
بيهة الحزن ... شيد وطن .... يا صاحب الباس
.....
بحلامي اشوفك ياشهم .... خوية نخيتك
بس نوم عيني ما خذت .... من فاركيتك
شهر انكظة يا سلوتي .... من ودعيتك
كـــل صبر ما بية بعد .... روحي فديتك
ادعيلي أبطل هالسهر ..... والليل انامة يا كمر
كثر السهر ... خلة الجفن .... فاكد للاحساس
....
عباس مات ومـــا يرد .... ما صـــدك بهــــاي
واعدني بالماي العذب .... يروي ضمة احشاي
وي روحي اسولف ياكمر .... ما ظلي كل راي
محتامة حـيل الشوفتك .... يــا نظر عيناي
موتك خذك مني غصب ..... يا اخر افراح الكلب
بعدك صبح .... يا كافلي .... لونة ابيض الراس
.....
كل اليوم الي مرني بسنة ... بعدك يكافــل
تشهـــد عـــلية غيــرتك .... يبن البواسل
ذابحني مــوتك يالاخــو .... مو مال اجامل
جم حسره جم لوعة الك .... دلالي شايـــل
حالي أبغيابك شوصفة … بعدك على الدنية العفة
يرخص الك… فدوة العمر… يا زين هالناس
........
الحمدلله رب العالمين
اللهم صل على محمد وال محمد
موسى الخادم
زينب "" ما أنصف اوياهة الزمن
زينب "" كضت عمــرهة بالمحن
"""""
كظـت أسنـيـن العـمر بالــوعة والاه
زينـب ام المـفـخرة مامـنـهة والــلـه
عاشت وماتت حزينة ويــــلي ويلاه
مارحم بيــهة الزمن سكـنهة باـولاه
زينب "" بيهة المصايب شرحن
زينب "" كظت عمرهة بالمحن
"""""
لحظة ما شافت فرح لا مــــو عجيبة
زينب ابهذا الـزمن عاشت غــــريبة
حتى دفنتهة بغرب شنهل المصيبة
صورة زينب اصبحت لمهة الحبيبة
زينب "" مظلومة مثل ام الحســن
زينب "" كظت عـــمرهة بالمحن
""""
أنولدت بعصر الحزن عصرالـرزية
زينب الشـافت مصاب امـهة الزجية
راحة ما شافت ابــد بــــس الاذيــة
مـن زغرسنهة أجرعت كاس المنـية
زينب """ بأحزانهة اتشيد وطن
زينب """ كظت عمرهة بالمحن
"""""
ناطحـت حـمل الجبال ودك حملهة
زينب المــاواحــد اتحــمل مـثـلـهة
شكد مصايب شاهدت ذلـتهة كـلهة
لأخر الانفاس ما فكـــــدت أمــلهة
زينب """ بالصبر ذلــت كل فتن
زينب """ كظت عمرهة بالمحن
""""""
قــدمت أعظم درس برض الملاحم
زينب اتحـدت شكــو بالكون ظالــم
غيرة حملت جنهة غيرة كمر هاشم
موعجيبة اربات ابوهة وامهة فاطم
زينب """ مسأتهة العالم عــلن
زينب """ كظت عمرهة بالمحن
…… .
الحمد الله رب العالمين
اللهم صل على محمد وال محمد
موسى الخادم
لماعايش مصابي … ميحس ابعذابي
عاشور الذبح … عيشني بجرح
ما يشفة بعتابي
… .
ياحرة مثلي الشاهدت .. رأس التحبة اعلى رمح
وبصدرة أثر حافر فرس .. وألف وتسعمية جرح
ياحرة كبلي الي احضرت .. مصرع لخوهة ينذبح
زينب انه وشفت العجب .. بعيوني ما شفت الصبح
دهري ما رحمني … لوعني وظلمني
صاباني برمح… عيشني بجرح
ما يشفة بعتابي
.......
روح الزجية فاطمة ..من العطش ما ظلة حس
بشافهة نار أتوجرت .. أكثر وأشد من يوم أمس
بعيوني شاهدت الشمر .. حز راسة واتولا رفس
عريان سابح بالدمة… عاينتة وأبحر الشمس
جم جرح البجسمة… نازف يجري دمة
دمة المنسفح… عيشني بجرح
ما يشفة بعتابي
……… ..
هل خيل ما خـــلت ظلع ... ســالم لخوي المنصرع
صعدت على صدرة بحقد ... ما همهة نورة الي يشع
والــزيَد ابكلبي الهضم ... خنصر يمــينة المنكــطع
نزف الجروح الي شفت… يصعب غسلها بالدمع
من طف العجايب… شفت اشكد مصايب
دمعي المنفضح… عيشني بجرح
.......
جسم الحُسين اعلة الترب .. بسيوف متكطع وذر
معرفته حكي يا خلك … مفصول عن راسة النحر
من عندة كَرَبت وصحت ... حاجيني مكسور الظهر
خواني ادور ما شفت… كلبي انمرد من القهر
يالطايح رمية… رد اجواب الية
وجهك يا سمح… عيشني بجرح
ما يشفة بعتابي
.......
بالذاكرة ظلت صور … من واقعة طف الالم
بعيوني ما خلت نظر… بس الدموع الكلهة دم
بيهن أشد صورة اكسرت … ظهري ورمت كلبي بسهم
صورة الرقية شاهدت … متحّركة بنار الخيم
يالوعة دليلي … ما يحملهة ليلي
مذبوح الصبح … عيشني بجرح .. ما يشفة بعتابي
......
الحمدلله رب العالمين
اللهم صل على محمد وال محمد
موسى الخادم
على الهادي دمعنه يصب
وعزائه ابكل وكت ننصب
من كربله السامره طول العزاء
......
للعمره خلص بالقهر واللوعه والأاه
ننصب عزه من كربله السامره والله
يتعاله بيهه صياح عالمسموم ويلاه
نواسي الامام العسكري الضل محد وياه
على امصابه الحسن يبجي
كعد يم النعش يحجي
افتحلي عينك ياحبيب السماء
......
مجلس عزانه صيته يوصل لاخر الكون
عامر يضل بالنوح وبدمعات الاعيون
بيه الجزع مسموح خلي الناس يحجون
وتعداده مو مليون لا عشرين مليون
على مد البصر مأتم
نقيم اعله التجرع سَم
وانعيش لوعة فاطمه بكربلاء
.....
نطلع مشي من كربله السامره بدموع
مثل اربعين حسين هيجي يصير موضوع
كل زاير بجفه علم عالراس مرفوع
وبعينه دمعات الحزن والبجي المسموع
تبجي الناظر الصوره
يجي كل زاير يزوره
وأعيونه حمره صايره امن البكاء
.......
السمو جبدته يصير جد المهدي ياناس
واجب لطمنه ايصير مو عالصدر عالراس
بهاي المصيبه الراتبه فرحانه الارجاس
والمهدي خنكه بروحه كوه يجر الانفاس
اليواسي المنتظر وينه
على الهادي وعلى احسينه
ذاك الغريب السلبوه الرداء
.......
باجر المهدي ابطلعته يشاركنه الامصاب
بالصف الاول يوكف ويلطم يالاحباب
وأمه الزجيه اتصير وكفتهه على الباب
اسجل اسامي اليبجي عالهادي الضواه غاب
المجالس هايه ياسامع
تجيهه الزهره بالواقع
وتاخذ بديهه دمعتك والدعاء
......
كلمات
موسى الخادم
بحركه يحبابي ..... ابجو لمصابي
الغربة دفنوني .... وهالو اترابي
......
انه زينب بت علي
المابقالي من هلي .... بس صورهم
يا كبرهه محنتي
كبري مو يم اخوتي .... ابعيده عنهم
شفت ضيم الماسده اعله احد تراني
كربله جارت علية وي زماني
مني اخذت شكو واحد احب اني
وعافت اعليه دمع عيني العماني
ليلي وانهاري .... انجوي ابناري
يشهد اعليه ... مدمعي الجاري
.......
ما حسبت ابموتتي
يشيعوهه اجنازتي ... ناس غربه
كافلي جنت اعتقد
هو الاعيوني يسد ... والله صعبه
مو كفيلي الشيعاني ابعيد عني
هيه هاي الهاضمتني وكاتلتني
جنت احسب يمي يحضر يوم دفني
ايغمض اعيوني بجفوفه الودعني
غربه شيعوني .... غربه دفوني
موش ابو فاضل ... سلوة اعيوني
......
ما رحم بية الزمن
بعيد عن ذاك الوطن ... خله كبري
شنسه من فعله السبي
لو حرك بيت النبي .... وانه بصغري
انه ذيج الشافت امهه عذبوهه
بين باب وحايط الباب اعصروهه
شرد اكلكم بعد انه الي سبوهه
زينب انه المشت وي ذباح اخوهه
ما رحم حالي .... دهري للتالي
لاجم اجروحي .... وذابح امالي
......
اعلية اقرو الفاتحه
روحي ماتت نايحه .... يوم عاشر
من نضرت اعله الثره
اجسوم اخوتي امطشره .... بالحوافر
ابالي ضلت صوره ما ممكن نسيهه
حسين فوك الذبح جثته امسلبيهه
الخيل تعبت كثر ما سحكت عليهه
رايحه وجايه اعله صدره عايفيهه
طشرو لحمه ... اكبالي شيلمه
صورته بعيني ... سابح ابدمه
........
جنت اريد ابكربله
دفنتي اويه اهل الهله ... والمحنه
صعبه يا سامع صعب
دفنتي ابديرة غرب ... موش اهلنه
جانت أمنيتي لخوتي ياخذوني
ويمهم يحفرون كبري ويدفنوني
واليجون ازياره الهم هم يجوني
دهري ما انصفني يامن تسمعوني
ليلة الجمعة .... اشتعل شمعه
اخواني مو يمي .... وزاير الينعه
......
من تقيمون العزاء
اعلية كثرو بالبكاء ... يالحبايب
الغريبه انه صرت
كبل موتي اشكد متت ... بالمصايب
من تلطمون الصدر ابجو علية
امتوني متورمات من اسياط اميه
متت وأثار الحرك لساهه بية
والجروح اهواي حسبتهن رقيه
كبل لا تمشي .... سولفت كلشي
من صبح عاشر ... حد حمل نعشي
......
كلمات
موسى الخادم
اجنازة زينب اعله الكاع ... ما واحد تعناهه
.....
اجنازتهه بقت بالشام مطروحه
ما واحد وصلهه ابدمعته ونوحه
اعليهه اعيون كل الغربه مشبوحه
اجنازة زينب اعله الكاع .... والشمات تبراهه
.....
المايمهه اهلهه الوين منواهه
بساعة موتهه ياهو الي يرعاهه
ياهو اليكعد ويبجي اعله فركاهه
اجنازة زينب اعله الكاع ... محد باجي لبجاهه
......
أخت عباس ياوسفه وألف وسفه
تدفنهه الغرب مو ناسهه الكلفه
بموتت زينب الشماته تتشفه
اجنازة زينب اعله الكاع ... هاي وشنهي معناهه
.....
كلهه اتصيح يوم الطلعو زينب
هاي اخت الكمر هاي اخت المسلب
ما رحمت وضعهه وحالهه اليصعب
اجنازة زينب اعله الكاع ... صيحه الكون علاهه
.....
اه ياعازت الخوان اشد عازه
من تلتم عليهه بشيل الاجنازه
على زينب دهرهه اتماده واتوازه
اجنازة زينب اعله الكاع .... هذا الدهر خلاهه
......
مسألت العقيله ياهو اليَّحلهه
ماتت بالغرب يم ناس مو هلهه
ولا طارش وصلهه من الأكفلهه
اجنازة زينب اعله الكاع .... ماكو الكافل اوياهه
.....
كلمات
موسى الخادم
.....
ياحفار كبر الطاهره ام عون
وسع باللحد توجعهه الامتون
......
هاي اخت الذبيح الما شرب ماي
وسعلهه اللحد يا سامع ابجاي
لا تلجم متنهه اعليهه بهداي
انه امهه واجيتك فاكده الراي
من كبري اجيت ابدمع الاعيون
......
بهون اوياهه احلفنك يدفان
بيهه امن الاسياط الهسه نيشان
ماتت بالغرب ما يمهه خوان
الجابت كل عمرهه احزان بحزان
ما شافت فرح مثل اليفرحون
.......
زينب من محرم فكدت الروح
من شافت اخوهه حسين مذبوح
ما ضل حيل بيهه وشبعت اجروح
وليل انهار دمع العين مسفوح
عالراحو وعافوهه اويه الاضعون
......
جيت وجايبه امن الكافل أعذار
ما يكدر يجي ابلا يمنه ويسار
انه اوياك ندفنهه ابدمع حار
العاشت بالغرب ما يمهه كل جار
يا زين العباد الناس يحجون
.....
زينب ماتت امن الشام والشام
موش امن المرض ل أهل الإسلام
طبت السوك باكت منهه الاحلام
وضحكات الشماته بوجه الايتام
غير أحبالهم بيهه اليجرون
......
زينب وينهه اوين الدواوين
هاي الهاضمتني يبن الاحسين
من سئلو على اخوتهه الميامين
اشكالت روحهه ابين الملاعين
اشلون اهناك زينب صبرت اشلون
.....
كلمات
موسى الخادم
ماتت واستراحت .... يم اخوتهه راحت
بت حامي الحميه
.....
الليله ماتت وانتهت قصتهه
العاشت غريبه بدنيه ما رحمتهه
ثوب الحزن ما ذبت اعله اخوتهه
ليل وصبح عالخد تصب دمعتهه
من هضم المصيبه .... كضتهه الغريبه
دمعتهه جريه
بت حامي الحميه
.......
ماتت وأثر حبل اليسر بديهه
ونار الخيام الوجرت عليهه
كلشي يهون الا امر سبيهه
وذباح اخوهه الصار يحدي بيهه
شافت كلشي زينب ... جف منحر تسلب
ومشوهه سبيه
.......
مو هسه وافاهه الاجل بت حيدر
من يوم عاشر ماتت اعله المنحر
شافت حسين بسيف شمر امطبر
ماعدهه ضلت روح صعبه المنظر
ماتت يم اخوهه ..... مذبوحه وسبوهه
وي سكنه ورقيه
.....
اجنازتهه شالتهه جفوف الغربه
وكافلهه ما حاضرهه هاي الصعبه
جفوفه كطيعه والسيوف بكلبه
والسهم صاب اعيونه مثل الجربه
ما يكدر يجيهه ... العينه امشككيهه
بسهام المنية
.......
ابعازت اهلهه ودعت دنياهه
ابدفنتهه ما واحد حضر ينعاهه
وحشه الجنازه الموش اهلهه اوياهه
صوت النواعي بيهه ما نلكاهه
دفنه ابلا عشيره ..... حيره والله حيره
هاي اعظم رزيه
.......
وينه الينادي ويلي عالغريبه
الكضت عمرهه نايحه و مصيبه
كلمن بجه اعليهه وعله نحيبه
باجر تشكره فاطمه الحبيبه
الباجي اعله السبيه .... تشفعله الزجيه
كتبت هالوصيه
.......
كلمات
موسى الخادم
يابو فاضل ... ترضه شيعوني الغرب
يابو فاضل ... وانه عيني اعله الدرب
من زينبك اه ... ويلي ويلاه
......
كبل ما تغمض اعيوني ... لكيتك حاضر ابالي
جنت من اوكع ابضيجه ... اشوفك واكف اكبالي
احتاجيتك يا كافل ضعني
ساعت موتي اتغمض جفني
وتابوتي اتشيل اعله امتونك
غيرك ماردت اشيعيني
خوية خوية .... هاي جانت منيتي
خوية خوية .... تحمل انت اجنازتي
من زينبك اها ... وامصاباه
......
كثر ماهمني موتي اهنا .. اهمن جنت انه الشوفك
ردت راسي يبو الغيره ... تشيله ابراحته اجفوفك
ما حسبَّت ابقى انه الوحدي
ومحد يمسح دمعت خدي
جنت احسب كبري انت اتحفره
ابئيدك و اتنزلني اللحدي
مو غريبه .... انه زينب بت علي
مو غريبه .... احجايتك يا كافلي
من زينبك اه .... واغريباه
........
ابد ما نَزلَّت شوفي .... اعله بابي شابحه اعيوني
اتانيمن كبل موتج..... اتانيمن يسئلوني
وانه اتنطر خوية اشلونج
طابت لو لساهه امتونج
عباس انه التنتظرينه
كعدي اكبالي وفتحي عيونج
وانه اشمك .... اكعد ابأخر نفس
وانه اشمك .... احجي وياك بهمس
من زينبك اه .... واحسيناه
...
غرب شالو نعش زينب.. غرب مو من اهاليهه
وراهه ما طلع صايح .... ولا واحد بجه اعليهه
اجنازة زينب تكسر خاطر
طلعت وحدهه ابلا ناصر
مثل حسين الكسرو ضلعه
وجسمه امطشر ظل بالعاشر
بالحوافر .... طحنو اضلوعه طحن
بالحوافر .... لحم اخوي ابلا دفن
من زينبك اه .... هذا معناه
.......
عذرتك يا نبض كلبي ... عذرتك يا كمر ليلي
بعيده الشام وانت الحيل ... ماظلك بعد حيلي
شيجيبك وانت مكطعينك
عالشاطي ايسارك وايمينك
عفتك عالكاع ابلا طولك
وسهم الصابك بايك عينك
ماكو طولك .... عاينت عالمشرعه
ماكو طولك .... بس جفوف امكطعه
من زينبك اه ... واخضيباه
......
كلمات
موسى الخادم
شالو نعشها ابلاية أخوتها
ناس الغرب حضرت وشيعتها
ياغربتج يا زينب .. يا محنتج يا زينب.. ياحيرتج يازينب
......
على افراش المرض واتعاين اعله الباب
جانت تنتظر طارش من الغياب
احتاجت بالوداع أللمت الاحباب
احتاجت للمحنه احتاجت الخوه
.....
من كربت منيتهه واجاها الموت
زينب ذكرت اخوتها وبجت بسكوت
هيضمه جف غريبه شالت التابوت
مو جف الكفلها راعي المروه
.......
لحسين وحسن ام الخدر حنت
والعباس الخوها الشوفته اتمنت
اخر صيحه الها اشكالت اشونت
اه يفارك اخوتي ابحالتي اشسوه
......
جانت زينب اتحسب اليشعيوها
العليها اعزاز مو غربه اليدفنوها
اه يلوعتج يم عون يحجوها
الحضروها بدفنها شافو البلوه
.....
ماتت بالغرب والدمعه تجريها
ولا واحد حضرها من اهاليها
الزمن ما انصافاها ولا رحم بيها
خلة اجم المصايب جم حزن كوه
.......
غريبه ام الخدر ماتت يمن تسمع
يمن تحضر عزاها الليله لا تقنع
الا اتكسر الها اظلوعك الاربع
وتطيح امن البواجي اعيونك الحلوه
.. ...
الحمد الله رب العالمين
اللهم صل على محمد وآل محمد
موسى الخادم
نزله
أويلاه أويلاه ... يا زينب المظلومه
....
ما أنصف اوياج الدهر
جبتيهه لوعات وقهر
حزنج كُبر ماي النهر
على الأه على الأه ... عمرج خلص مالومه
......
ماشفتي راحه بدنيتج
مظلومه حتى بدفنتج
بيد الغرب موش اخوتج
يحوراء يحوراء .... متي بحزن مهضومه
....
ما واحد الصبرج وصل
حملج مثل حمل الجبل
من الولادة للأجل
تنوحين تنوحين ... من الفرح محرومه
.....
هالليله ما واحد الج
عنج بعيده كل هلج
قاتل احسينج قاتلج
نضرتيه نضرتيه ... من نحره حز بالحومه
.....
مو هسه ميته من زمن
امن اجفوف اخوج اتكطعن
وانتي انسبيتي اويه الضعن
قسه اعليج قسه اعليج ... هذا الزمن من يومه
.....
باجر يجي ابن الطالبي
ياخذ الج ثار السبي
يشهد التل الزينبي
فلا يعوف فلا يعوف ... ثارج وحق اعلومه
......
كلمات
موسى الخادم
هنياله ... هنياله ... اليدخل عالمج
يازينب ... يازينب ... رابح خادمج
........
هنياله اليتوفق خادم صار الج
يحضه بجاه وسمعه اكرام المنزلج
مو كل واحد بينه ابكيفهه يوصلج
بس العنه اتقبلين أوتقبل هلج
يابخته ... يا بخته .... التقبل فاطمج
......
كل رادود وشاعر طاح ابناظرج
الله بعزت قدرة ايسجله ابدفترج
ماخاب التمسك بيج وناصرج
من ابحار الطافج يروه وكوثرج
ما يخسر ... ما يخسر ... حاضر مأتمج
......
ماواحد دك بابج محتار أبأمر
المشكلته انطيتي حل ما تنطي عذر
مفتاح الحل بيدج ياام الخدر
هيهات الدك بابج يرجع منكسر
مافاهم ... ما فاهم .... بس الفاهمج
.......
مو اني ولا غيري اليكدر يعرفج
الله الخالق وحدة القادر يوصفج
ياهو انتي ومنهو امج ربنا ايعرفج
زينب ما ادراك اعله الكل شرفج
بالجنه ... بالجنه ... حتمأ وادمج
......
ابجاهج ندعي الباري وحرمة مأتمج
يعجل جيت القائم يوسف فاطمج
و يملي الارض بعدله ويرحم وادمج
ويرد ياخذ ثارج من الظالمج
ما يرحم ... ما يرحم ... كلمن خاصمج
.....
الحمدالله رب العالمين
اللهم صل على محمد وال محمد
موسى الخادم
الاجل دك بابي... وبعيدة احبابي ... اشيصبرني
ردت عباسي ... بخير انفاسي ... اليودعني
.....
زينب انه الما بقتلي كل عشيرة
بامر موتي ودفنتي محتارة حيرة
امنين اجيب اخوان الي امصيبه جبيرة
اميسرة بدنياي وبموتي اسيرة
فرح بسنيني ... مشافت عيني .... يرب خذني
.....
جنت احسّب من توافيني المنية
بيده ابو فاضل يجي ايشربني مية
والحسين ايشيل تابوت الالية
وصلو هالاخبار لارض الغاضرية
عجب ما جوني ... اخوتي وعوني ... تشيعني
.....
اليموت ايريد كون احبابه يمه
تجري دمعه اعليه وبحركه تضمه
حالي حال الضيم اشكيلج ييمه
اهلي ما تحضر دفنتي والله هضمه
اغص بالعبرة ... انوح بحسرة ... ثكل وني
.....
اه يا لوعت عذابي يا بلوتي
منهو يسمع قصتي ويسمع شكوتي
جانت الخوان تحسدني اعله خوتي
هسه بين اغراب راح يصير موتي
دمعتي ابخدي .... امل ماعندي ... يجي المني
.....
عازت الخوان يا هالناس عازه
محله لمتهم وكت شيل الجنازة
حيل حاربني زماني اعلي توازة
بالغدر والحيله بين امتيازة
اخذ عافيتي ... واهل كل بيتي ... غصب عني
......
.....
الحمد الله رب العالمين
اللهم صل على محمد وال محمد
موسى الخادم
ماتت زينب
وتمت مراسيم الدفن من غير خوان
......
ياعلي الليله العقيله غمضت اجفانها
ابعيده عن الي تحبهم ماتت ابحزانها
اتشعيت بيد الاجانب مو بدين اخوانها
ماتت وحسره أبكلبها حسين مو دفانها
ماتت زينب ...
ابعازت اخو ايصيرلها وكت الموته دفان
......
تكسر الخاطر جنازت بنت التهواها
لا اهل طلعت وارها لا بنين اوياها
لا اخت تبجي عليها بدمع ذاك ابجاها
ابدمعت المكسور خاطر غمضت عيناها
ماتت زينب
والدمعه عالخد اتهلي ماليها الاحزان
.....
ماتت واثار الاسياط ابمتنها الغالية
وريحت الدخان والطف والبواجي العالية
عاشت السنتين بعد اخوتها زينب خاوية
ابلا اماني ابلايه روح بوسط دار الخالية
ماتت زينب
اثار الاحبال ابديها أوصور عطشان
.....
جانت امنيت العقيله الكربله ايودونهه
وبين الحسين وعضيده الكافل ايدفونهه
وكبل ما تنزل كبرها اخوانها ايزورنهه
والكبر ضنوتها عون ابمدمع ايطوفونهه
ماتت زينب
واندفنت بموطن غرب مو موطن احنان
.....
جانت ابكل ليله تكعد تقرة مقتل عاشر
اهنانه اخوي حسين طاح اهناكه داسه الحافر
وعالشريعه القصه تختم والدموع اتناثر
ابطيحت العباس واسهام الطفتله الناظر
ماتت زينب
وانتهت قصتها ابمدامع كان ماكان
......
عظم اجرك يابو زينب على موتت روحك
مانريد اكثر نجرحك كافي هاي اجروحك
ندري بيك اليوم حيلك منهدم واصروحك
صعبه مو هينه المصيبه واضحه من نوحك
ماتت زينب
عاجل ورد هذا الخبر وي وقت الاذان
......
الحمد الله رب العالمين
اللهم صل على محمد وال محمد
موسى الخادم
رحم الله من نادا وازينباه
… ..
هذه اول ليلة اله الهاشمية بالكبر
خل نصلي الوحشة اله وندعي ربنا بالصبر
غالية عدنه العقيلة اغله من هذا العمر
ما يكفي اعليهه نبجي ونلطم بحركه الصدر
رحم الله من نادا وازينباه
……
ماتت وعالخد دمعها راحه ما شافت ابد
كل عمرها احزان خلص اي وحك ربنا الصمد
الليله بالغربه دفنها صار من الله وعد
يمهة لا خوان حضرت لا حضر يمها ولد
رحم الله من نادا وازينباه
… ..
يم كبرهة خلي نمشي ياخلك نعلك شمع
وننصب ابحضرته مأتم ما يخلص امن الدمع
نقرأ زينب ياغريبه بصوت واحد مرتفع
ليله الحره العقيلة بيهة كلشي منفجع
رحم الله من نادا وازينباه
…… ..
الكربلة انرد بدمعنه انواسي الحسين الوالي
الله يعلم شنهو حالة الساعه بالهم مبتلي
امصاب اخيته اعليه عاد امصيبته الوالي علي
غالية الحرة اعله كلبه حكهة ناره تعتلي
رحم الله من نادا وازينباه
…… ..
الحضرت العباس ندخل بالعيون الباكية
بالنحيب وبالبواجي نقدم اعظم تعزية
عظم الله اجرك يكافل رايه نرفع عالية
والبقاء لله نصرخ يا عظيم التضحية
رحم الله من نادا وازينباه
… ..
الحمدالله رب العالمين
اللهم صل على محمد وال محمد
موسى الخادم
لماظل عدهة خوان … غربة يشيعوهة
زينب بت علي هاي … غربة يشيعوهة
…...
والله حيرتهة جبيرة الفاكدة اخوان
ليلهة اتكظي حزن بالون والاشجان
لا هي عدلة ولا هي ميته من الاحزان
راسهة ايشيب ابعمر عشرين لو جان
ما تبقى الهة افراح … الخوتهة اتركوهة
… ..
لو دنت منهة المنية ترفع الصوت
وين اخوتي الدللوني كرب الموت
كل فكرهة ايظل على شيلت التابوت
يا هو راح اليحملة وللمكبرة ايفوت
درب المكبرة أبعيد… خافأ يتركوهة
… ..
المالهة ظلو اهل تنطي الوجه وين
بالمنازع تستجير ابناس طيبين
اوهذا حال ام الخدر زينب ضوه العين
ابساعة الموت اندبت عباس وحسين
وين اخواني الاعزاز… صاحت واسمعوهة
… ..
وسفة شيعهة الغرب بت خير الانساب
يمهة ما واحد حضر من ذيج الاحباب
وحشة دفنتهة العقيلة بيد الاغراب
ياعظم لوعته تحجي اعيون المصاب
مهضمومة ام الاحجاب… اغراب ادفنوهة
… ..
جانت اتحسب يجيهة الكمر عباس
كبر يحفر الهة بيدة لا طم الراس
هذي جانت امنيات الحرة يا ناس
ابرايته اجفنهة لو كطعتهة الانفاس
ماتت دامعة العين … عالعباس اخوهة
… ..
الحمد الله رب العالمين
اللهم صل على محمد وال محمد
موسى الخادم
انتي يا زينب علي أبكل طبعة
""""""
بالكـون مثلج مـا حصل يازينـب
واحـد اتحمل همــوم وما عـتـب
بالمصايب ثـوب فصلتي عجـب
صبـرج اتعـــدة البحور السـبعة
"""""""""""""
مـــو عجيبة الله يا زينب نصيح
جبل شامخ صبرج الماهدة ريح
نقسم بدم الوكــــع بالطف ذبيـح
انتي دين الله وكتابة وشــــرعة
""""""""""
بالطفوف اشكد قسو زينب عليج
حاولو يسبوج لكن بــــين أديــج
شاهدو رايات نصرج تعــتلـــيج
الجيش أمامج مر جرع جم جرعة
""""""""
للمذلة أسمـــج ركــع لا مستحيل
يحصل وعباس دك صدرة الكفيل
كاذب الكـــال أنسبيتي وللـدخــيل
حـــيدر اليحضر وحــك البـضعة
"""""""
تنسبيــــن أشلـون يازينـــب محال
وانتي عزمج كاسر خشوم الجبال
لا صـبر الاصبر زينـــب يقــــال
الشمر من صبرج أخـــتل وضعة
…… .
الحمد الله رب العالمين
اللهم صل على محمد وال محمد
موسى الخادم.
السلام على الحوراء زينب ع
عظم الله اجورنا واجوركم احبتي خدام الحسين ع
ما يجف مدمعنه ... والعده تسمعنه
العاشر امن اليمه .... نفتخر مرجعنه
يا علي الهادي ... ياعلي الهادي
.......
ليل وانهار العزاء انقيمة
عالكضه سنين العمر وي ضيمة
ما يهمنه اللايم الحط روحه
هو والماكو سوه تقيمة
ما يهمنه اللايم ... نخدم أهل القائم
وللتجرع سمه ... مجلس يضل دايم
.......
اي مجانين بعلي الهادي نعم
عنه ما نتخله يتخله العدم
انروح فدوه للتراب اليسحكه
ولجله نرخص كلشي سلطان القيم
هالعهد خطينه... من دمه الوالينه
مانفارك رسمه ... بالكلب ضمينه
........
مشي نتعناهه سامره المجد
وعين هاي الشمس كثرتنه تسد
مثل روجت بحر للحضره نطب
واليعادينه يراقب عن بُعد
رايه تتبع رايه .... روجت الوفايه
خل يموت بدمه .... اليبغض المشايه
.......
للِامام العاشر انضحي النفس
وثاره ناخذ من عيون اهل الرجس
نقسم بعباس راعي المرجله
الحرب عدنه اشبه أبزفت عرس
تشهدلنه الساحه ... منة ما مرتاحه
مايضل كل زلمه .... يشرد اويه اسلاحه
......
خدمة الهادي شرف واعظم شرف
الف هنياله الي بيهه اسمه انعرف
لازمه املاك السمه اعليهه سره
الخدمه نعمه خاسر العنهه انحرف
بيهه ربنه امفاخر ... الصاير وما صاير
ألحاز ثوب الخدمه ... قصر يسكن باجر
......
بالقيامه باجر انشوف العجب
الخادم ينول ابخدمته اعله الرتب
يدخل الجنة عدن جنت النبي
لابس اعله الراس تاج امن الذهب
جنة الله الواسعه ... اَلال أحمد راجعه
الكتب خادم أسمه ... اله فاطم شافعه
.......
كلمات
موسى الخادم