963
قصائد مع الحانها لخادمكم موسئ الخادم
بحر طويل
على الهادي ... يصب دمعي .. يشيعه بكسرت الخاطر
.....١
من كبري اجيت انحب...على الهادي واصب دمعي
محنية ظهر جيته ... ولاجمني كسر ظلعي
على بالسم كضه نحبه ... اون والطم وانعي
وينه اليحضر الليله ... يواسيني على وضعي
عليه مأتم ... وسط روحي ... نصبت ابدمعة الناظر
......٢
حاربني الدهر يمه ... وحارب كل أهل بيتي
خله اجم جرح بية ... يلجم كل هوه بريتي
بالسيف وبعد بالسم ... ماتت كلهه ذريتي
واليوم ابعلي الهادي ... رد يسلبهه عافيتي
علي دهري ... كثر جوره ... من الباب للعاشر
.......٣
سامره تون تنحب ... على الهادي الغمض عينه
وابنه العسكري ينعه ... على امصابه منو ايعينه
اليفكد والده تصبح .... حياته ضلمه واسنينه
يحتاج اليجي ايعزيه ... ويمه يثكل اونينه
الابو خيمه .... منو يعوضه... يضل بعده الابن حاير
.....٤
يا سامع خبر موته ... يامن حاضر المأتم
انه اوياك خل نبجي .... على الهادي بواجي بهم
ونذكر ذبحت اوليدي ... الطوله بكربله اتقسم
راسه اعله الرمح شالو .. ونحره ظل يصب الدم
اثنعش طبره ... انطبر نحره ... ببني الصار ما صاير
......٥
كل امصاب اهل بيتي ... صوب امصاب ابو اليمه
لو حاضر علي الهادي ... واسألنه شنو ايألمه
راح ايكلي اليألمه ... ذبحت جده مو سمه
مثل يومه فلا يحصل ... ابني الطشرو جسمه
أواظل ابلا ... غسل ويلي ... وظلعه امكسره الحافر
.......
كلمات
موسى الخادم
عاشر بدر للشيعة غاب
جدد على المهدي المصاب
بثالث رجب سم جرعَّوه
واعليه بجه بحركه الكتاب
.......
سيرة حياته اترجمت ... من اول الاخر عمر
قاضي الحوائج للخلك ... ابكل المصادر ينذكر
ما واحد ابعسره كصد ... للهادي رد ما مبتشر
والسائل البابه حضر ... رد ابعطائته الكثر
ثوب الكرم لايك عليه
ميَّرجع المداله اديه
عامر مضيف ابن الجواد
كل الخلائق تعتنيه
......
القابه كثرة تنذكر ... الهادي النقي والمرتضى
عاش العمر عابد تقي ... تشهد سموات وفضه
تشبه صفاته والده ... ويشبه بعد جده الرضا
ماواحد العلمه وصل... ذاك العصر حد ما مضى
مرجع صبح ذاك الزمان
حل المسائل يمه جان
الهادي مدرسة الأصول
كثرت علومه بكل مكان
......
اتولى الامامه أبمقدرة.... من والده عنه رحل
وهو بعمر تسعه وأقل... من تسعه ابن خير العمل
ذل كل طواغيت العصر... بصبره الصبح مضرب مثل
بيمانه وبعلمه كدر ... يقضي على اعقول الجهل
صغير العمر لكن جبير
الوادم تكصده تستشير
ادره بطرق ارض وسماء
جبريل ينخاه من يحير
......
عاصر الهادي بحقبته .... كثره من حكام الظلم عاش بزمنه كل محن ....كل ظلم من جور الحكم
عشرين عام الي سكن ... سامرا كضاها بهضم
محبوس داره بكل وكت .... من كل زياره منحرم
منعو تزوره شيعته
خلَّص حياته بحجرته
بين العساكر عمره ضاع
مسجون ظل الموتته
........
نحبه قضه الهادي بغدر ... سم الخليفه المعتمد
ما راعه حرمة فاطمه .... خان العهد والمعتقد
باجر حساب الي ظلم .... ال الرسول ابلا عدد
بطلعت المهدي المنتضر .... كل حق لأهل بيته يرُد
باجر المهدي بالظهور
ياخذ أبثارات النحور
ويقيم دولة كلها خير
خاليه من اهل الفجور
........
كلمات
موسى الخادم
يالراحو اهلك جمعه ... خلَّصت عمرك تنعى
مو كافي حزنك كافي ...
كاضيها نوح ودمعه .... كاس المرار اجرعه
مو كافي حزنك كافي ..
.....
يالجبت العمر تنعى وتهل عبره
مو كافي اشبقى من حالك اتقهره
عليك ابشيبت حسين وسحك صدرة
تبطل امن البواجي اعيونك الحمرة
عليك .... مشغوله حيل احبابك ...
تجري الدمع لغيابك .. تسأل اليندل بابك ...عليك
ياديرة ساكن بيها .... دلي المحب اعليها
حلمه بغيابك طافي
........
الله يعظم اجرك يالحزن ليلك
مصيبت جدك الهادي خذت حيلك
مكسور الظهر ياهو اليتجيلك
يم نعشه اكعدت تبجيله يبجيلك
مصاب ... يخلص يجيك الثاني ....يافرحه بعد اتاني ... عمرك يمر وحداني .... مصاب
يالمهدي الله يعينك ... جم غالي شافت عينك
مات بونينه الدافي
......
حكك ما نلومك لو بجت عينك
على امصاب اهلك وناسك علي يعينك
ما شفت الفرح يالمهدي بسنينك
تؤام صار الك يابو الوفه اونينك
تموت ....روحك ابكل مصيبه ... حكك يراعي الهيبه ... متروس راسك شيبه ... تموت
حكك تموت بونك .... اسهام الدهر صابنك
ليلك سهر ماغافي
.....
جثيره جروحك العايشها معروفه
لجن ياهو الاشدهه انسألك ابخوفه
جرح كطع النحر لو كطعت اجفوفه
لو جرح السبايا الراحت الكوفه
جروح .... عمتك اشد اجروحك ... يمكن خذت كل روحك .... هية سبب كل نوحك ... جروح
زينب اشد مصيبه ... وارثها من الغيبه
دمعك العمتك صافي
.......
يمهدي اشويه ارحم حالك امروتك
البجي اهواي اخذ من حيلك وقوتك
نخاف امن الحزن يصبح سبب موتك
يمن طاريك انحبه ونحب صوتك
تعال .... صحنه عليك بحركه ... موكافي من الفركه .... روح المحب محتركه ... تعال
طال الهجر يالغايب .... يمتى تجينه انراقب
سر جيتك ايظل خافي
......
ندعي الله ابدعاء االندبه يرحمنه
يعجل ابطلعتك يالغيبتك همنه
ماعدنه امنيات اهواي تفهمنه
بس شوفك نرية وكعدتك يمنه
نشوف .... يمتى سواد اعيونك ... يالغير الهم لونك .... ميتين الي يكرهونك ... نشوف
مرسال الك ودينه .... يالمهدي الك حنينه
كافي الهجر مو كافي
......
الحمدالله رب العالمين
اللهم صل على محمد وآل محمد
موسى الخادم
السلام عليك يا مولاي يا علي الهادي روحي لك الفداء
Читать полностью…
سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر
........١
من النفس منهه انكطع ... ياهو الجنازتهه رفع
واعليهه بدموعه وكع ... ام البنين الاربعه
من عدهه باكت كربله ... اهل المضايف والهله
محد بقى التشكي اله ... بعد المشه للمشرعه
عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب
تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر
.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح
ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح
علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين
حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر
.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ... وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد
اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي
حرام حرام ... ما واحد المنكم يرد
حرام حرام .... اوجوهم ضمهه اللحد
حرام حرام .... ام الخدر شبعت قهر
........٤
ابعازت ولدهه الاربعه .. ماتت الجانت مشرعه
بيد الغرب متودعه ... هاي المصيبه ياخلك
الكمر مصيوب بسهم.... معذور من رفع العلم
جفه انكطع راسه انهشم ... وكلبه على الماي احترك
ما حاضر ابدفنتهه عباس
جفينه مكطوعات يا ناس
وبغدر صابه العمد بالراس
عالمشرعه مخنوكه الانفاس
وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر
......٥
زين الاعباد ابلوعته ... شيعهه تجري دمعته
ما تسر ناظر حالته .... جانت امشاركته الحزن
بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون
اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان
نعش نعش .... ام البنين الطاهره
نعش نعش .... اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم
حرك الباب وحرك الخيمه
ناتجهه اجم طفله ايتيمه
جم ظلع مكسور
.......
أبعاد الهجمه المشؤمه اهواي ... لوردنه نحجيهه
انطت ضوه أخضر لليكطع ماي ...والعيله يسبيهه
ناتج حرك الباب الحره اتشوف
سطرت عين الزهره
وناتج حرك الخيمه ارقيه بخوف
تنظر كسرت ظهره
من يفكد حيله اعله إخوانه
ويبس من اضماه السانه
بيام عاشور
........
أكبر غدر أبتاريخ الاسلام ... صار بسقيفتهم
طه ابكبره ما صايرله ايام .... علنو خيانتهم
سلبو روح المحسن وجه الخير
كدام اهله وناسه
مارعو حق حرمه اهل التكفير
كلمن بيّن ساسه
كشفو كل مستور العدهم
ما واحد ملعون بكدهم
انذكرو بالسطور
.......
النظم ذيجه الفعله الكسر اظلوع... مهد كسر ظلعه
نفسه الأفته بركضت احله شموع ... بالهيمه متوجعه
صورة دفع الباب اعله ام حسين ...
تشبه حيل اهوايه
صورة خيل ادوس ابصدر حسين ...
واظلوعه أمدمايه
البسمار ابظلع البضعه
والحافر يا ناس ابظلعه
ودمه البقى يفور
.......
غصب الحق الاول اصعب جان ....
حق الخلافه أعني
نصَبو ظالم من ربع الشيطان ....
لا شيعي اولا سني
من ذاك اليوم الهل يوم أمصاب
عايش مهدي الامه
ساعه يون عالخيمه وساعه الباب
ذاك العصر امه
الله يساعد كلب الحجه
ما شاف الراحه ولا بهجه
بحزانه منحور
.......
كلمات
موسى الخادم
ماتت امي وماتت اوياهه حياتي
ماتت وعافت جروح بكد صلاتي
.......
راحت امن ايدي الي جانت بلسم اجروحي
وبية عافت نار تسعر تاكل بروحي
كلشي بية ايصيح يمه انهدت اصروحي
من بعدهه رافكَتني دمعتي ونوحي
راحت وانه انطفت كل امنياتي
.......
الماتت امه بساعه يكبر تركض اسنينه
ينحني ظهره ودموعه تكثر بعينه
فرحه ما تبقى بحياته بعد الاحنينه
ليله يخلص بالبواجي ونوحه واونينه
وانه بعد امي بقت بس ذكرياتي
......
ينطفي البيت ابغياب ام ابيته معروفه
موحش يصير ويسكنه الحزن ويطوفه
ايساعده الله الامه ماتت تنشف اجروفه
حاله ميسر لا صديق ولاعدو يشوفه
هذا حالي والمدامع شاهداتي
......
بية يشعر كلمن امه ماتت ابزغره
لليتم يصبح أسير ومحد يعبره
اشحال اذا جانت الامه فاطمه الزهره
ايموت كبل الموت مو مره الف مره
كلشي بية ايصيح يايمه الوفاتي
.......
بعمر ست سنين انه وفاركيت امي
شيعتهه بخدهه سطرة والضلع مدمي
العني ينشد ياهو اني وينشد اعله اسمي
الحسن انه الما وصل واحد ابد همي
جبدي مسموم وعلى امي نايباتي
......
كلمات
موسى الخادم
نزله
لعنة الله على من شب الحطب ..
بداري فاطمه
.....
دنية واخرة ... لعنة امسجلة ...
على الجاب الحطب واتعنى للزهرة
محضر ينفتح ...بي اول جرح ...
ابنها ابيا ذنب مات وخلص عمرة
محكمه باجر تنصب بالمحشر
والقاضي بيها يكون رب الكوثر
توكف الزهرة ويمها يوكف حيدر
والحكم يصدر عل ضلعها كسر
لعنة الله على من شب الحطب ... تقَّر المحكمه
......
كل اهل الارض ... كل اهل السمه ...
شهود اعله السطر خد فاطمه بجفه
مو صاحب نبي .... صاحب ناصبي ....
ابد ما عنده ذرة غيرة لا عفه
اليضربله حرمه هذا ابد مو زلمه
محسوب عالنسوان نكتب اسمه
ثوب الشجاعه ما يلامس جسمه
البعروكه تسري الجاهلية ودمه
لعنة الله على من شب الحطب ... تصيح ارض و السمه
.......
كل صاحب علم ... باجر ينسئل ...
على حق الولا ية وفاطمه البضعه
ايمانه صفر ... من عادة الطهر .....
حتمية القضية ابلا كل رجعه
العادة الزجية ما نسولف عنه
بالحلم ما يشتمها ريح الجنه
متفق عند الشيعه عند السنه
مساله ما بيها اختلاف وضنه
لعنة الله على من شب الحطب ... بباب العالمه
......
سلطان العرش ... لجل ام الحسن ...
خلق هذا الوجود وجوهر اسرارة
اكرام الفاطمه ... الحره العالمه ...
انخلق طه النبي وحيدر وفقارة
كلشي انخلق لعيون امنه فاطم
لولاها ما طلعت شمس عالوادم
حتى الهوه اعليها صبح متزاحم
الف السلام اعليها نادة القائم
لعنت الله على من شب الحطب ... ابد منسالمه
.....
كلمات
موسى الخادم
نزله
يالخدم رفعت راس ... اتباهه بيكم عباس
هله برجال الليالي الفاطمية
......
هله بعشاك الشعائر والمجالس واللطم
هذا يوم الزهرة لتقصرون حد كسر العظم
الزهرة تستاهل بواجيكم وشوغات الهضم
لا تبخلون بدمعكم وانت حيلك لا تضم
الخاطر ام الحسينين ... يالخدم طيحو العين
هاية ليلتكم يفرسان العزية
......
خل نشوف الناصبية شنهو ولد ام الحسن
لجل عيناها ورضاها نوكف ابوجه الزمن
على طول السنه ننصب ماتم الها ابكل وطن
ونلعن الكّسّر ضلعها بالخفاء وباللعن
الله يلعن من عاب ... صدر فاطم بالباب
وخله دمعتهه على الوجنه جرية
......
يله يخواني النشامه خل نردد ما يلي
احنه غير الزهرة ما عدنه وحق ربنه العلي
لا مره الا الزجية ولا فتى الا علي
خل نردد هالشعار بصيحه وحدة تعتلي
فاطمه سر الله ... وعلي حيدر صاناه
تشهد الاملاك ماخان الوصية
......
لحضر مجلس للزجية رضه الباري حصله
باجر بيوم القيامه اينول اعظم منزله
علي يشفعله ورسول الله وحُسين يقبله
والاملاك بتاج من در تعنتني وتستقبله
وجنة الله اتحييه .. وعلى الراس اتخليه
اكرامأ الام الحسن جنه زهية
......
ما يحب الزهرة بس الصدك طاهر بالنسب
الرايد ايراجع شنو اصله ايشوف كلبه شنهو حب
والدليل الحرك باب الزهرة والجاب الحطب
هذا مو طاهر حليبه امه شرَّايت ذهب
مو رجل من ارجال ... بالنسب عنده اشكال
ماله ابو المعروف نحجيه القضيه
........
تحت راية ابو صالح ننجمع نوكف حرس
انطالب ابثار الزجية الحد كطع اخر نفس
انحاسب الكسّر ظلعها والصفعها والرفس
ابد ما ننسى ظلعها البيه بسمار انغرس
امربع انرد الثار ... ما نعوفه اشما صارر
قسم ابدم نحر الحسين واخية
.....
كلمات
موسى الخادم
وينج .... صار الليل وما جيتي
وينج .... ابزينب ياهو الوصيتي
وينج ... وحشه اخلافج ظل بيتج
وينج ... وينج
......
يمه وينج يالحبيبه ... اعليه مو هينه المصيبه
كلبي خلص من نحيبه ... ردي الية
ظلمه من دونج حياتي ...اي وحك صومي وصلاتي ... ابموتج اتحل نايباتي ... يالزجية
ما اتخيل عمري بدونج ...
ابقى الوحدي امن يدفنونج ...
وين انظرهن بعد اعيونج ...
طولج .... ما شوفن بعد الساعه
طولج .... راح يضمونه بنص كاعه
وينج .... وحشه اخلافج ظل بيتج
.....
زينب انه يالزجية .... يمه بعدج يا هو الية
ضاكت الوسعه علية ... يمه يمه
من كثر ما تبجي عينه ... حسين تيهدربه وينه
ما تجينه يالحنينه ... بردي دمه
متعود كل ليلة ايشوفج ...
مينام الا ايحب اجفوفج ...
مثل الكعبه ابروحه يطوفج...
جرحه .... ما يتشافه الا بجيتج
جرحه ....متشابه وي جرح ابنيتج
وينج . لو يرهم جا روحي انطيتج
......
يمه يالزهرة وغلاتج ....تنعرضلي ذكرياتج... وانتي يومين الوفاتج .... اه يناري
اشلون اصبر روحي بعدج ...ذايبه الروح اعله فكدج ... كلشي عني ما يبعدج .... وحشه داري
بعدج صارت وحشه ايامي ...
يالضاعت وياج احلامي ..
اشلون انساج وجرحج دامي ....
ا
ماتت .... روحي بموتج ياسلوه
ماتت .... ضحكاتي اعيوني الحلوه
وينج .... يمي اظلين اتمنيتج
.....
راح انام ابهل مسية .... وحدي من غير الزجية
بوية حيدر رد علية ... روحي ذابت
صعبه اعيش ابلاية امي ... كلها ترجع ساعه يمي
راح حيلي وزاد همي ... صغيره ماتت
الها اهواية اشتاكيت اني ...
زغيرة وشيبت امن احزاني ...
كلها حسينج ظل وحداني ...
يمنه ... اعرف جاي اتسمعينه
امنه ... رحتي وما ودعتينه
وينج .. مشتاكين الحنيتج
وينج
.......
لو يصح بيدي يربي ... جا نطيت الزهرة كلبي
موحش ابلايها دربي ... انت تعلم
ريتي تتنفس هواها .... روحي ما تعشك سواها
وعيني متعودة ضواها ... حالي ارحم
البيت ابلا ام مابي فرحه
موحش ليله وموحش صبحه
صيحات الايتام اجرحه ... يا ربي
روحي ... شلون اقنعها افراكها
روحي ... ما ترهم الا اوياها
وينج ... يمه بدمعي امتانيتج
وينج ...
.....
الحمدالله رب العالمين
اللهم صل على محمد وآل محمد
موسى الخادم
شور
صل الله عليك فاطمه
يم الحسن هاليوم اجينه بعبرة
لمصابج انهل الدموع بحسرة
نار بكلبنه اموجرة و ما تبره
اشما نلطم اعليج الظلع نذكرة
يا رحمت الله الواسعه برض وسمه
صل الله عليكِ فاطمه
.....
اعليج السماوات العله مختنكه
واهل الارض حزانه من الفركه
مصابج جمعنه عاللطم والحركه
كل شهكه بينه فاطمه كل شهكه
اسمج يدور اويانه مسرات الدمه
صل آلله عليكِ فاطمه
......
يارحمة الله البلارض منشورة
ندعي الله يشفي اظلوعج المكسورة
نبعث الج هاي العزية بصورة
منذورة الج هاي الخدم منذورة
ليل ونها الخدمتج متحزمه
صل آلله عليكِ فاطمه
......
يل ما الج كبه وصحن لا راية
نزروج نيابه عن بُعد بقراية
ما عدنه بالدنية امنيات اهواية
اوية المهدي كبرج نعتنيه مشاية
من كربلاء نتعنه الج يالعالمه
صل آلله عليكِ فاطمه
....
ليل ونهار بخدمتج نتباها
محلاها سفرت خدمتج محلاها
كلناها كلمه امن الزغر كلناها
ما يخسر اليخدم الج يم طاه
عاقبته خير ينول حُسن الخاتمه
صل آلله عليكِ فاطمه
.......
كلمات
موسى الخادم
نزله
خدم خدم خدم ... خدم نعم الخدم
.....
يمن جيتو تخدموني بليالي الفاطمية
تعبكم يمي ما ضايع وحق حامي الحمية
اساميكم وسط روحي كتبت ابهاي ادية
البجه اعليه ولطم صدره اله الجنه الزهية
رسم رسم رسم ... طريقه الحق رسم
......
وحق حيدر وحق زينب وحق ولدي الغياره
اجركم يمي مسجَّل كمن ادى الزياره
تجارتكم مع الزهره اجل واعظم تجاره
بشاره مني هاي الكم اسمعوها البشاره
سلِم سلم سلم ... البجه اعليه سلم
.......
جبر كسر الظلع شفته يشيعه ابهل مجالس
جمعكم هذا فرحني يهل بيت العوابس
اشحلاهه عندي صفتكم مثل صفت نوارس
دعيت الله ورسوله الكم يضل المهدي حارس
علم علم علم ... يرف بيده علم
....
اهل طيبه وعزوبية اهل نخوه ومراجل
المشه اوياكم ضمن كلشي على اعناد العواذل
وفاكم يرفع الهامه ارتويتو امن ابو فاضل
قصصكم وصلت العالم خبر مضمومنه عاجل
صدم صدم صدم ... عواذلكم صدم
.....
وعد يوم الحشر باجر اصير الكم شفيعه
على جسر الصراط احضر اعبَّركم يشيعه
الخلائق كلهه تحسدكم على الجنه الوسيعه
ابد ما اخلف اوعودي انه الزهره الوديعه
وهم وهم وهم ... كلامي مو وهم .
.....
كلمات
موسى الخادم
لسان حال امير المؤمنين ع
يخاطب ملك الموت
ياملك الموت .. لا تاخذ فاطمه
....
....
كلشي بالدنية يحبهه ... طيبة الله بنص كلبهه
بالصلاة اتناجي ربهه ... وتدعي للناس الغرب
بالصلاه ليلتهه تكضي ارويحتي فاطم
كبل ما تدعي الولدهه تدعي للوادم
رحمة الله وكل حنانه بيها متلازم
يا ملك الموت ...عاود رد للسمه
........
كل صباح وكل مسية ... فاطمه اتسلم عليه
صعبه تاخذهه امن ادية .... روحي بيهه معلقه
روحي اخذها اوية الزجية لا تخليني
ابلاية ام بيتي وجهالي شلي بسنيني
الدنيا وحشه ابلا نفسه ومظلمه بعيني
يا ملك الموت ... داري اظل مظلمه
......
اخذ مني كلشي عندي ... وعوف الي الزهراء سعدي
ما تخيل ابقى وحدي ... عايش ابلا زهرتي
حتى لو عافيتي تاخذ قابل بكلشي
النفس يصعب علية الزهره من تمشي
فاطمه اقرب الي من حاجبي ورمشي
يا ملك الموت ... ابجي اعليهه دمه
......
خل اودعهه التحبني ... كبل ما تاخذهه مني
من بعدهه يعله وني ... ساعه خلني اوياهه اضل
ياملك مو سهله صعبه تاخذ العشره
خل اودعهه اعله كيفي ابدمعه وبنظره
كلشي بيه ايصيح ويلي ويلي عالزهره
ياملك الموت ... ريت بعيني العمه
.......
اشلون راح احفر كبرهه... العايشه بروحي عمرهه
كسرتي اخ اشكبرهه ... بيدي ادفن من احب
ما حسبت احساب ادفن بيدي غاليتي
الهه دفان انه اصيرن هايه تاليتي
أشلون اغطيهه بتراب وارجع البيتي
يا ملك الموت ... حسين اتيتمه
......
كلمات
موسى الخادم
يمه ليش ... نايمه بوسط الترب
يمه ليش ... مو مكانج بالكلب
رجعي يحبيبه الي ... اقسم اعليج بعلي
.........
يمه احلفج بالوصي حامي الحمه
لية ارجعي الدنيه بعدج مظلمه
عيني مشتاكه الج كد السمه
كلشي بية ايصيح يمه فاطمه
كلبي نار ... بي عليج اموجره
كلبي نار ... كُبر هاي المكبره
من يطفيهه الي .... اقسم اعليج بعلي
......
فتحي كبرج يمه الي فتحي الكبر
ارسوم وجهج فاركت صار شكثر
يمه موتج يتماني امن الصغر
صبر ما ظل بية انطيني الصبر
وين اروح ... يمه يتمني الزمن
وين اروح ... فدوة فكيلي الجفن
وني يمج معتلي .... اقسم اعليج بعلي
......
يمه وحشه البيت صار بموتتج
غيم اعليه الحزن من روحتج
ليلي ونهاري اخلصه بحجرتج
نوبة اشم سبحتج نوبة شيلتج
عمري صار ... يمه من بعدج عدم
عمري صار.... بجي ونياح اعله هم
حزني بيدج ينجلي ... اقسم اعليج ابعلي
........
يمه شنهي نومتج بالمكبره
كعدي ردي وياي يمي الطاهره
خل اضمد اظلوعج المتكسره
يا جرح اكثر يألمج يا تره
خل اشوف ... ياجروح الي اختفت
خل اشوف ... سطرت العين الطفت
يا اعز ناسي وهلي ... اقسم اعليج بعلي
........
يمه احتاجج اوياي ابكربله
وحدي ما بية اعله جمع العايله
من يذبحون الحسين وامشي اله
اوياي اريدج عون من شر حرمله
على التل ... اطول باجر وكفتي
على التل .... انظر الذبح اخوتي
ابقى وحدي ابلا ولي .... اقسم اعليج بعلي
.......
كلمات
موسى الخادم
اه ييمه ... امحمله وين وشايله
اه ييمه ... ياهو الية ابكربله
واحسيناه .. ويلي ويلاه
.....
انه ابلياج اعيش الموت ... ييمه اوداعت اعيونج
اروح الوين اذا تمشين ... اظل ابلا نفس دونج
يمه اخلافج شلي بعمري
يخلص دمعه اعله الخد تجري
اه يا غربة زينب بعدج
من زغري اتيتم من زغري
حزني يكبر ... بعدج بكبر الكسر
حزني يكبر ... وتنكضي اسنين العمر
وامصاباه ... ويلي ويلاه
.....
احن واشتاك ..الج كالساع ... ييمه لا تعوفيني
سهم فركاج .. يصوب الروح .. اذا رحتي وتركتيني
وحشه اسنيني اتصير بموتج
ردي اعليه ارد اسمع صوتج
لتحرميني شوفت عينج
رحمي بحالي يمه امروتج
ضلي يمي ... يا بعد ناسي وهلي
ضلي يمي ... اقسم اعليج ابعلي
حضنج اهواه ... ويلي ويلاه
........
انه بعازه .. الج يمه .. اعز من عازتي لروحي
بعد وكتج .. انه احتاجج .. اكعدي الخاطر اجروحي
باجر سبيي اعيالي سبيي
اوكف عالتل اندب ربي
يلتوه الصوط اعله امتوني
ما وجد من طكَهم دربي
شمر باجر .... صوطه يدميلي المتن
شمر باجر .... ما يراعيني امن اون
واعذاباه ... ويلي ويلاه
.......
الحرك بابج ... علي باجر ... ييمه يحرك الخيمه
اظل اركض . انه وخدري ... من هيمه لعد الهيمه
من كثر الجويات البية
تبجي الحالي اتظل ارقية
اتعثر كل خطوه امشيها
وانتي بعيده اهواي اعليه
والله حيره ... يمه باجر حيرتي
والله حيره ... شامت ابصف طيحتي
هذا معناه ... ويلي ويلاه
.......
ظهر عاشر ... اظل وحدي ... فقط بس دمعي يبرالي
اروح المن ...احشمنه ... واخوتي امذبحه اكبالي
لا كافل يبقالي وحامي
وحسين ايذبحو كدامي
بالخيل ايسحكون اضلوعه
وبعيني انظر نحره الدامي
كلشي بيه ... هسه بالعاشر صبح
كلشي بيه ... ايسلوف اشلون انذبح
كلبي ناداه ... ويلي ويلاه
.....
اشد ليله ... علي باجر ... ييمه ليلة الحادي
منو اليفزع ... الي غيرج ... يبنت المصفى الهادي
من اطلع لحسين بظلمه
احتاجج وياي انلمه
امشطر عالكَاع وعاري
كل اسهام الكوم بجسمه
.
ماكو راسه ... يبقى منة بس جسم
ماكو راسه ... ومنه مسلوبه الهدم
رمح بحشاه .... ويلي ويلاه
......
كلمات موسى الخادم
نزله
هاي الزيارة ثوره شيعيه
تشبه زيارة الأربعينيه
........
اليوم سامره بكبرهه .... غصَّت بكثر الجموع
الزحف مليوني صار .... ابكد عدد سيل الدموع
كلهه حضرت عالجدم مشايه
هذا حافي وذاكه شايل رايه
وين ما نلتفت نلكه اقراية
العلي الهادي سيد الوفايه
زيارتنه تبقى كربلائية
......
وينه اليعادينه وينه .... خل يجي بعينه ويشوف
مثل يوم حسين اجينه ... وابد ما يمنعنه خوف
مثل يوم الاربعين امشينه
المرقد الهادي الولي اتعنينه
خله يسمع كلمن يعادينه
فدوه لأهل البيت ما ضحينه
كلمتنه وحده اظل حُسينيه
......
مو الف والفين اجينه .... المرقد الهادي الامين
العدد فاق التوقع ... اشبهه بيوم الحسين
بالملايين العدد يا سامع
مو كلام انكوله هذا الواقع
وين الي شكك يجي ويراجع
كامرات البث مباشر طالع
واضحه الصورة مية بالمية
......
موكب ابصف موكب أنصف ... يخدم الكاصد يزور
على طول الدرب نصبو .... سفره الهادي الغيور
هلا بالزاير يصيح الخادم
عنك انزاح التعب يالهايم
ليل وانهار بسهر ما نايم
حتى يستقبل لهَاي الوادم
يا محله ملكات العزوبية
.......
ابد منعوف الزياره ....ولا نفكر مستحيل
كلشي ما يمنعنه عنهه.... وحق عباس الكفيل
كلهه تعرف بينه والما عارف
احنه واحدنه المنيته اموالف
داعش ابصولتنه اصبح لاكف
حتى من اخياله بيَّن خايف
فوك السواتر شفنه عوجية
......
باجر المهدي بظهوره .... يمحي كل جور وظلام
بيدة ياخذ ثار جده ... الهادي ويعم السلام
دوله المهدي تضل منصوره
بالحقيقه مو فقط بالصورة
باجر الموعود ياخذ دوره
يملي هاي الكاع عدل بنورة
دولة القائم دوله مهدية
......
كلمات
موسى الخادم
الليله العلي الهادي ... معلوكه الاشموع
الليله العلي الهادي ... تجَّاره الادموع
الليله العلي الهادي ... جم كلب مفجوع
.......
ليله امخيم اعليهه الحزن والهم
شبيهه ابليلة العاشر بالمخيم
هيجي العسكري امكابل ابوه ينحب
مثل عيلة حسُين النصبو المأتم
ياليلة العاشر ... ماليهه الاوداع
ياليله العاشر ... بيهه الامل ضاع
ياليلة العاشر .... جم طفل موجوع
.......
ليلة امن اصعب أليالي على العيله
مسموم الولي وابنه اليتجيله
كلما شربو مي يذكر حسينه
ويضل يبجي وبناته يمه تبجيله
جدي انذبح ضامي ... اشلون اشرب الماي
جدي انذبح ضامي ... موتي بسبب هاي
جدي انذبح ضامي .... والونه مسموع
.......
علي الهادي خلص عمره يجر حسره
على اظلوع الحسين وفاطمه الزهره
زيارة عاشر ابعاشور كل ليله
أبدموعه التجري عالخد يا خلك يقره
خلصهن ايامه .... بطف جده يحجي
خلصهن ايامه .... اعله حسين يبجي
خلصهن ايامه ... وي كسر الاضلوع
......
الاجل من عنده كرب والحزن ثوبه
ما شاف الفرح بسماته منهوبه
اعله زينب ما بطل ونه ولا نوحه
وعلى حسين البقتله جثه مسلوبه
حزنه بكبر عمره ... تحجيها الايام
حزنه بكبر عمره ... مذبوح الاحلام
حزنه بكبر عمره .... عنوان موضوع
......
فاضت روحه والدمعه على اخدوده
مكسور الكلب والجبده ممروده
مثل عمه الحسن سموه يهل الوادم
ابغدر مثل الكفيل ابكطعت أزنوده
السم مرد جبده ... مثل الحسن اه
السم مرد جبده ... والزمن عاداه
السم مرد جبده .... بالطشت منزوع
......
مات الهادي وين اليحضر ايشيعه
يعين العسكري بالونه والدمعه
ثجيل امصابه بي زين العباد اعلم
الدفن بيده ابوه ولم كسر ظلعه
الفاكد ابو يعلم .... بالعسكري اصار
الفاكد ابو يعلم .... شضمتله الاقدار
الفاكد ابو يعلم ... يا ثمن مدفوع
.......
كلمات
موسى الخادم
كربلائي
نتعنه العلي الهادي ...زوار بدموع العين
ما تمنعنه كل اسباب ... نوصل مرقده امعزين
.....
قرينه الفاتحه تسهيل ... واتعنينه مشاية
ثوب اسود لبسنه اليوم ... واتحزمنه بالراية
يا ويلي على المسموم ... سويناهه القراية
للهادي نضحي الروح
نحي امصيبته بالنوح
جرحه البينه اشد الجروح
اه يا لوعت امصابه ... نصيح ونندبه ابكل حين
......
مثل ما نحي عاشوراء .... نحي امصيبت الهادي
مواكبنه تظل تنعاه ... بصوت المرتضى اتنادي
يبقى ابكل زمان حسين ... شوكه ابوجه اليعادي
مايرجع زمان يزيد
شما جارو علينه نزيد
وحك الحمد والتوحيد
شعائرنه تظل للدوم ... متخلدة اويه اسم حسين
.....
نواسي العسكري ابهاليوم ... واجب يالخدم كلنه
خل نلطمله حيل اصدور .... من اخرنه لاولنه
مأتم بالضريح انقيم .... يحضره معشر الجنه
يهنياله الوصل يمه
تسجل فاطمه اسمه
جن زاير لبو اليمه
يشم كبة ضريح حسين ...زاير ينحسب الاثنين
....
ندعي الله يوفقنه ... كل عام ونجي نزورة
غالي الهادي عدنه هواي.. نبجي الفكدة بحرورة
ما تمنعنه كل اظروف ... نتعنه لعاشورة
نشيع نعشه بالحسرة
ونطوف بكتر كبرة
ونندب فاطمه الزهرة
على الهادي نظل باجين.. .شما عشنه ونعيش سنين
....
عظيمه امصيبت الهادي ... بجاها المصطفى واله
سموات وارض حزنت ... على الصار وجره بحاله
مثل ما تعتيني الاملاك ... بمصابه انتعنالة
لا داعش ولا غيرة
يرهبنه ابتدابيرة
شيمتنه امن ابو الغيرة
عباس النطه الهل الدين ... روحه وعينه والجفين
......
تحت راية ابو صالح ... باجر كلنه نجمع
نحارب كل ظلم كل جور ... للذله فلا نركع
ثار الزهرة اول ثار ... خلي الما سمع يسمع
قسم بالحمد والكوثر
ما نترك اثر منكر ٠
نعيد الطف بسم حيدر
ما يبقى ظلم لا جور ... ابدولة حجة الطيبن
.....
الحمد الله رب العالمين
اللهم صل على محمد وال محمد
موسى الخادم
ميمر
ام الوفه .... والعاطفه
ام الشرف والمعرفه
يعجز يوصفهه انسان ... ام البنين الحره
........١
انطت ولدهه الاربعه ابلا منه
وجيت ابن حيدر بقت تتمنه
ما فاركت داره وسبتهه الونه
ليل وصبح .... تنزف جرح
لحسين ابنهه المنذبح
ما فاركت دمع العين .... والكلب يسعر جمره
........٢
عاشت عمرهه خادمه ادكول اني
وحسين امامي ومرجعي وسلطاني
بيه اكتمل ديني وكمل أيماني
اخدم اله .... والكل هله
لية الشرف وابكربله
باجر اضحيله ازلام ... واحدهم ابجم عشره
.........٣
كرمهه ربنه وبفخر علاهه
بعد الزجيه بمرتبه خلاهه
كلشي انخلق بالدنية بيهه اتباهه
الجابت كمر ... كلهه فخر
تتمنه مرضاهه البشر
ترفع الراس ام عباس ... بيهه ام حسن مبتشره
.........٤
كل النساء اتسولف ابهيبتهه
من فاطمه وزينب خذت عفتهه
معنى الشرف متجسد بشيلتهه
كل الشرف ... بيهه انوصف
حيدر علي بهذا اعترف
ام الحسن وام عباس ... اعظم نساء العتره
.........٥
باب الحوائج صارت ام الكافل
ما ترد طالب حاجه يمهه وسائل
دعوتهه توصل للسمه ابلا فاصل
بالفاتحه ... الكل رابحه
هاذي الحقيقه الواضحه
كلمن قراهه ابأخلاص ... ام الوفه تحل عسره
.........٦
ندعي الله من نضرتهه ما يحرمنه
ومن الخدمهه بكل وكت يحسبنه
التشفعله ام الاربعه بالجنه
كلمن خدم ... الهه حسم
امره بجنان اهل الشيم
ما تنظر اعيونه النار ... كلمن خدمهه بعمره
.......
كلمات
موسى الخادم
حرك الباب وحرك الخيمه
ناتجهه اجم طفله ايتيمه
جم ظلع مكسور
.......
أبعاد الهجمه المشؤمه اهواي ... لوردنه نحجيهه
انطت ضوه أخضر لليكطع ماي ...والعيله يسبيهه
ناتج حرك الباب الحره اتشوف
سطرت عين الزهره
وناتج حرك الخيمه ارقيه بخوف
تنظر كسرت ظهره
من يفكد حيله اعله إخوانه
ويبس من اضماه السانه
بيام عاشور
........
أكبر غدر أبتاريخ الاسلام ... صار بسقيفتهم
طه ابكبره ما صايرله ايام .... علنو خيانتهم
سلبو روح المحسن وجه الخير
كدام اهله وناسه
مارعو حق حرمه اهل التكفير
كلمن بيّن ساسه
كشفو كل مستور العدهم
ما واحد ملعون بكدهم
انذكرو بالسطور
.......
النظم ذيجه الفعله الكسر اظلوع... مهد كسر ظلعه
نفسه الأفته بركضت احله شموع ... بالهيمه متوجعه
صورة دفع الباب اعله ام حسين ...
تشبه حيل اهوايه
صورة خيل ادوس ابصدر حسين ...
واظلوعه أمدمايه
البسمار ابظلع البضعه
والحافر يا ناس ابظلعه
ودمه البقى يفور
.......
غصب الحق الاول اصعب جان ....
حق الخلافه أعني
نصَبو ظالم من ربع الشيطان ....
لا شيعي اولا سني
من ذاك اليوم الهل يوم أمصاب
عايش مهدي الامه
ساعه يون عالخيمه وساعه الباب
ذاك العصر امه
الله يساعد كلب الحجه
ما شاف الراحه ولا بهجه
بحزانه منحور
.......
كلمات
موسى الخادم
شوررر
........
بين اضلوعي يمه وضلعج الآم
وصيحة غالي يم غالي
انه اوياج نتشابهه بالجروح
وكلشي ابالج ابالي
بالبسمار انتي عمرج يضيع
وانه الرمح جتالي
كربله اشبع منهه طعنات
الحالي تظل تبجي السماوات
يمه اموتن وانه عطشان
و زينب تضل ابين شمات
بعدج ما تضل روح
من هسه انه مذبوح
فوك احلامي مطروح
ودمي اكبالي مسفوح
.......
كل جرت نفس ترميج بسهام
وانه انفاسي افاركهه
بابج محترك يايمه بالنار
ونار اخيامي تحركهه
هاي الصورة اشوف ابطارف البال
وسوط ابنيتي لاحكهه
بعدج ييمه حالي يا حال
حزني اعله طولي امفصل افصال
فتحيلي عينج بيج ما بيج
لو بالنعش وياج انشال
اليدفن امه بتراب
يخلص ايامه بمصاب
يجيبه وياخذه أعتاب
وتظل عينه على الباب
.........
بين الباب والحايط دمه يسيل
تنظر عيني يايمه
كل ما التفت كدامي الكاج
ويه احزانج امحزمه
كضيتي ايامج اعله الونه والاه
ليل انهار متألمه
ارتاحي يمه وغمضي العين
ما شفتي راحه ابهاي الاسنين
مو سهل يمه افراكج الموت
من عندي ياخذ يمه روحين
بعدج ظلمه دنياي
كعدي وسولفي اوياي
عطشانه الج عيناي
مثل ما اعطش الماي
.......
ما حسبت اودعج يمه للموت
لا عالبال ابد جانت
جنت احسب سوية الكربله انروح
بس احلامي ما صارت
الي مكتوب اروح الكربله اوحيد
ومن هسه الأخت حارت
يا يمه باجر كربله تريد
تكطع وريدي وكبرج بعيد
تحتاجج ابنياتي الاصغار
وزينب أخيتي المالهه اعضيد
تبقى ابوليت الكوم
وانه بذبح ملزوم
علي سيف العده يحوم
ومن ملكاج محروم
.......
باجر أبني عبدالله يذبحون
وانه انظرله بعيوني
مثل المحسن اوليدج يزهراء
ابموت اوليدي ياذوني
تنعاد القصص باجر بالطفوف
ساعة ما يذبحوني
حركة الباب وحرك الاخيام
وبسمارج ورشكات الاسهام
يتشابهن وأدموع الاصغار
بس اختلاف بطبت الشام
جبيره طبت السوك
على اخت الجسمه مسحوك
غريبه وصاعده النوك
ومنهه الحيل مبيوك
.......
كلمات
موسى الخادم
أتلث روايات قليلة العزائج فاطمه
.....
ريت كل ايامنه بهذا الزمن ...
تنكظي بمجلسج يا ام حسن
كون العمر يخلص وسط عزائج
وانتي التلقنينه ابدمع بكائج
ريت الله لا يحرمنه من دعائج
كلشي النملكه ونمتلك فدائج
وشتطلبين تأمرين وحك حامي الحمه
........
مو ثلثت اشهور لا كون اثنعش
حتى نكظي السنه دمعه اعله النعش
يالعمرج اثمن سنوات وعشرة
منوافي شخصج لو صدرنه انكسرة
لو نبجي الج طول العمر ما نبرة
مصيبتج عظمه يا ملاذ الفقرة
ندعي يا ريت عزائج على مد السمه
.....
اشما الج نبجي ونهل هذا الدمع
ما نوافي قطرة من دم الظلع
يالعشتي ما بين الحزن واللوعه
هاي الايادي الحضرتج مرفوعه
نحتاج جم كسرت ظلع مسموعه
حتى نوافي روحج المفجوعه
لطم الصدور اقل شي بعزاج انقدمه
.......
يالمصابج بجه كلشي ابهل الارض
والسمه حزنت الج طول بعرض
يالعفتي دنياج وسكنتي الهيمه
اعليج العرش قام الحداد بضيمه
لبس السواد اصبح الكل يتيمه
اكراما الزينب بنتج العظيمه
تبجي العيون على الصار وجوبا من دمه
.......
اعليج ما نلطم لجل ناخذ اجر
ولا نخدمج لجل جاه ابهل عمر
يالزهرة يل كلج وفه وحنية
ما ردنه بس مرضاج يل الابية
راحه التعب وياج يالزجية
نحي عزائج نبقى للمنية
لجل عيناج يزهراء الخدم متحزمة
.......
ندعي ربنه ما نفارك ماتمج
حتى لو ميتين نحضر نخدمج
ابدولة المهدي القائم اشحلاته
يصبح الخادم حلوه كل صفاته
يتلكه زوارج بحن جلماته
وتصير خلف المنتظر صلاته
بصحنج اليوسع الناس جميعا فاطمه
.......
كلمات
موسى الخادم
شور
هي من .. بنت من ... زوج من ... ام من
فاطمه فاطمه ... فاطمه فاطمه
......
إ: (إِنَّا أَعْطَيْنَاكَ الكَوثَرَ * فَصَلِّ لِرَبِّكَ وَانْحَرْ * إِنَّ شَانِئَكَ هُوَ الأَبْتَرُ).
يا ام الحُسين ... بيج امجنين
والكوثر نهر ... يروي العاشقين
والعاب النبي ... ابتر ناصبي
انتي فاطمه ... فخر الطالبي
العيِّر ابوج ابخلفته موش ازلمه
خير الله انتي البلارض يافاطمه
شمس الله انتي الطالعه ابهاي السمه
وكلشي اعلمودج ربنا بيدة راسمه
.....
مَرَجَ الْبَحْرَيْنِ يَلْتَقِيَانِ*بَيْنَهُمَا بَرْزَخٌ لاَ يَبْغِيَانِ*فَبِأَيِّ آلاَءِ رَبِّكُمَا تُكَذِّبَانِ*يَخْرُجُ مِنْهُمَا اللُّؤْلُؤُ وَالْمَرْجَانُ) الرحمن: 19ـ22
بحرين العطاء ... يا خير النساء ...
انتي وحيدرة .... سيد الاوصياء
واللؤو حسن ... يام الحسن
ومرجانج حُسين ... سلطان الزمن
سورة متفسرة على اللسان الرسول
والمصادر كثرة لو ردنه نكول
هالخطاب انوجهه الاهل العقول
كلش بالدنيا انخلق لجل البتول
......
فَمَنْ حَاجَّكَ فِيهِ مِنْ بَعدِ مَا جَاءَكَ مِنَ العِلمِ فَقُلْ تَعَالُوا نَدْعُ أَبنَاءَنَا وَأَبنَاءَكُمْ وَنِسَاءَنَا وَنِسَاءَكُم وَأَنْفُسَنَا وَأَنْفُسَكُم ثُمَّ نَبْتَهِلُ فَنَجْعَلُ لَعْنَةَ اللهِ عَلَى الكَاذِبِينَ) [آل عمران: 61].
بالنص الصريح ... اتباع المسيح
اتفسير النبي ... كالو مو صحيح
والهذا السبب ... بيهم من طلب
ايباهلهم يجي ... العله كلبه احب
يوم الي شافو نورج ايشع للسماء
رفضو يباهلهم رسول الله برجاء
وعرفو حقيقة سرج التحت العباء
لو ايدج ارفعت ميردلج دعاء
........
وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً * إِنَّمَا نُطْعِمُكُمْ لِوَجْهِ اللهِ لا نُرِيدُ مِنْكُمْ جَزَاءً وَلا شُكُوراً) [الإنسان: 8 ـ9].
ما مرت عليج ... اتبخلين البيدج
كل سائل يجي ... تنطينه العليج
بابج كله خير .... فرحت كل الفقير
يالجبت العمر ... خبزات الشعير
ياهو اليصوم اتلث ليالي ابلا اكل
وينطي الفقير اكله ويكله انت اكل
ما مر عليج ابليله تحجين افضل
كل التسوينه البشر عن طيب اصل
....
إِنَّمَا يُرِيدُ اللهُ لِيُذهِبَ عَنْكُمُ الرِّجْسَ أَهْلَ البَيْتِ وَيُطَهِّرَكُمْ تَطهِيراً) [الأحزاب: 33].
يا ام الرسول ... يا اُنس العقول
من تحت الكساء ... جبريلٌ يقول
فأتاه النداء ... من عرش السماء
ياملكِ الامين ... هم اهل الكساء
هم فاطمٌ والمصطفى وبعلها
هم فاطمٌ والحسنانِ روحها
هم فاطمٌ الطهرُ البتول واهلُها
باسمكِ الربُ بدا وقالها
.......
كلمات
موسى الخادم
يزهرة عمري واسنيني .. عليج العشرة حاجيني
رحت فدوة العيونج
علي ميت بدونج
........
يبنت المصطفى الهادي عليج ابداعت العشرة
الي فكيهن اعيونج ...مابية بعد كسرة
علي من بعدج ايامه تخلص بنايحه وعبرة
ويظل مثل الفكد طولة يمشي ومنحي ظهرة
خبر موتج يهد حيلي ... ارجعيلي ارجعيلي
يعافيتي اعله هونج
......
يزهرة الدنيا بغيابج كبر لسنيني احسنها
حياتي ابلاية ملكاتج بواجي ودمعه اخلصنها
يريت ابدفنتج روحي يروحي اوياج ادفننها
طعم مابيها دنياتي بلا شوفج اشوفنها
غيابج مو سهل عندي ... يعجل روحتي اللحدي
وحك رسمج ولونج
.....
عجب يازهرة ايامي رحلتي وما اخذتيني
مو تدرين انه ابدونج اموتن يا نظر عيني
غيابج مو سهل عندي احس بنارة تجويني
يمن موتج اخذ كلشي ضحكتي وحيلي واسنيني
يفاطمتي كبر عمري .... لحيتي ابيضت وشعري
افتحيلي جفونج
علي ميت بدونج
.....
يأغله امن النفس عندي وهواهي الداخل بريتي
الي ساعة زمن ردي يعافيتي يعافيتي
بيتي ابلاية شوفج راح يتحول كبر بيتي
يريت الميته مو انتي اني وانتي ظليتي
لون صح بيدي ابدلنها ... المنية الروحي اخلنها
عيالج ينطروج
......
امري الربي فوضته هو اليرحم ابحالي
روحي امودعه بدمعي يفرحة عمري وامالي
نام بكبرج ارتاحي انه اتكفل اعيالي
عساها بحضة وبخته الحرمني شوفتج تالي
الكسر ظلعج كسر ظلعي ..اخذ عمري وترك دمعي
علي لو ناشدونج
علي ميت بدونج
......
الحمد الله رب العالمين
اللهم صل على محمد وآل محمد
موسى الخادم
بعد من يلمنه .... مشت عنه امنه ... اليتامة اسمنه .... وسف صار ... وسف صار
......
ماتت امنه ذيج الجنهه قداح
بعده يا حضن بي نغفه نرتاح
عساها بحضه وابخته الشعل نار
وخله ابيتنه يتعاله الاصياح
عساه بالمصيبه ... الحرمنه الحبيبه ... وتركني غريبه ... بالاخبار
......
راحت كل عمرها اثمنطعش عام
ما عاشت فرح عاشت باالاَم
وردة وذبولهه ابأجمل اسنين
ماراعو حقوق الزهره ظلام
التسمو صحابه .. تبينو ذيابه ... لعنهم كتابه
الاشرار
......
كل ليلة التمر نذكرهه بدموع
عليه اشلون دارت ذيج الجموع
لساها الصور معروضه بالبال
من دفعت الباب الكسر ظلوع
ما ننسى دمها ... عالعتبه يمها ... وصيحت المها
والاثار
......
انه والحسن وحسين كل حين
على امصلايت امنه انطيح العين
اه يالوعت افراكج يزهراء
نصيح بصوت ما يتفرزن اونين
يمنه الحنينه ... دارج حزينه ... ردي العلينه
علي احتار
.....
خلف الباب لاذت امنه يا ناس
رعاية للستر من عين الارجاس
لجل عفته امنه ضحت الروح
ومحسنها سقط عالعتبه وانداس
صاحت يفضه ... عينيني لحضه ... ما بية نهضه
عن النار
......
الحمدالله رب العالمين
اللهم صل على محمد وآل محمد
موسى الخادم
...
قصيده تحكي مظلومية الزهراء وزينب من هجوم الدار حتى دخول زينب ع للشام
............
باب الساعه وباب الدار
وكسر اظلوع وخيل ونار
حطب ..حجر ...خد عزيزه انسطر
رمح .. سهم ... وحافر اعله النحر
جا وشيضل بزينب
..........
حرك الباب وحرك الخيمه
نفس القصه وبيهه ايتيمه
ارقيه اهنا واهناك الحره
ابنار احتركو
زينب فكدت امهه بعصره
وارقيه حسين انحز نحره
شافت جسمه بسيف امكطع
سلبو سحكو
طفين عاشت زينب شعدهه اسنين
طف الزجيه الاول وطف حسين
عاشر محرم سلب من عدهه الروح
خمسين عام ام الخدر مو خمسين
جم امصاب ايهد الحيل
شالت زينب حمل اثكيل
لاول عمر ... زينب انحط قهر
رمح سهم ... وحافر اعله النحر
.......
بالصدر البسمار الثابت
بطفل حسين امثلث نابت
عطشان وما شارب ميه
كطعو نحره
عالزهره الباب امن اندفعت
شافت روح حسين الطلعت
نفس الرفسه ونفس الكسره
ابذيج العصره
شافت حسين امدد اعله التربان
يصرخ وحك جدي يعالم عطشان
والشمر كاعد فوك صدره بلا خوف
يكطع وريده العاش بي كل انسان
وزينب عالتل تنظر ليه
كلشي البيهه اينوح اعليه
دمه اليصب ... الهه راسم صور
سهم رمح .... وحافر اعله النحر
.....
لو ما هجمت ذاك الظالم
جا محسن زف بيده القاسم
والطف ماصار ولا ذبحو
بي غاليهه
لا راحت زينب مسبية
من يم كافلهه ومحنية
ادير العين الصوب اجفوفه
الحنت ليهه
من يمه راحت جسد عافتله الروح
تتعثر ابممشاهه لا وين اتروح
تاخذهه حسبات وتردهه الحسبات
مدري اعله جف كافلهه مدري المذبوح
تتلفت بدموع العين
لخوتهه اتكلهم ماشين
جانت تظن ... الهه يكعد كمر
رمح سهم ... وحافر اعله النحر
......
اه يالوعت زينب لوعه
السجاد يسولف بدموعه
كسرت كلبي عمتي زينب
أباب الساعه
وكفت والشمس اتغطيها
حركت كلشي امبين بيها
توكف مره وتوكع مره
ومحد راعه
الجانت اميره ظلهه ما يوم انشاف
لسوك طبو بيها مجتوفه اجتاف
يتفرج اعليها الصلف وكح العين
وذباح اخوهه الجان من اسمه يخاف
اه يالوعت طبت الشام
ابزينب زرعت كَوم الاَم
طبل ضحك ... سمعت ابلا مفر
رمح سهم ... وحافر اعله النحر
....
الله يساعد كَلبج زينب
كسر اظلوع وجسم امسلب
وراس اعله الرمح امعلكينه
شافت عينج
نار وخيل ودوست حافر
وسوط بمتنج ظهرك كاسر
والشَّماته اهواي التضحك
الله يعينج
كل هذا شفتي بعينج اشلون اشلون
صبرج تعده ايوب ناسج يحجون
ديوانهم طبتي طبت عباس
مثل الجبل ثابت وكفتي يكولون
ركعَّتي الضنو يسبوج
ابنص مجلسهم ويهابوج
يمج وكَف ... كلشي محني الظهر
تمت
.......
كلمات
موسى الخادم
يا فاطمه يَّول واخير اجروحي
محتار ادفنج مدري ادفن روحي
يافاطمه وغلاج
ميت صرت وراج
محتار ادفنج مدري ادفن روحي
......
يم الحسن وين انطي وجهي
بعدج ضياع يصير عمري
كعديلي موتج مو محله
من هسه احسن ضاك صدري
فكيلي عينج شوفي حالي
كسرت اضلوعج كسر ظهري
يالحنينه .... كسري ياهو يجبره
يالحنينه .... روحي بعدج حايره
ياهو البعد عينج اروح اشكيله
ياهو الينشف دمعتي امن احجيله
يالرايحه السماج
ميت صرت وراج
.....
كلشي اصبر اعليه الا الفراك
يا فاطمه يصعب عليه
لحضات الي وحرت بزماني
جا بعد يوم اشيضل بيه
يا وحشتج ما منهه وحشه
يا دراج الضلت خلية
داري بعدج ... موحشه ابكد السمه
داري بعدج ... مظلمه يا فاطمه
زينب شكللهه امن اردن دونج
اقسم عليج ابحبنه فتحي اعيونج
لا تمشي عن رباج
......
يافاجعة موتج نهتني
من عندي باكت حيلي كله
هيج اليودع اعزاز كلبه
يتغير امن النوح شكله
ماجني قالع باب خيبر
صرت بغيابج كلي عله
كبراني ... موتج اسنين اشكثر
كبراني ... والعمر ضاع العمر
ماجني حيدر جني ابد موش اني
اشايب صرت بعدج ينصفي الثاني
انه علي الهواج
ميت صرت وراج
......
لو ما فشل من الله ربي
جا شلت اديه الموتي ادعي
ماريد عمري اوياج اريدن
مادافنج واختلف وضعي
كلي اعله مودج عايش اني
موش اعله مودي اشهودي دمعي
روحي انتي ... لو مشيتي ياهو الي
روحي انتي ... ميت ابدونج علي
دنياتي جانت انتي يا عافيتي
والهوا الاشتمه ويطب الريتي
خنكه بلا هواج
ميت صرت وراج
.....
حزني اعله طولي هسه اشوفه
والنوح ماخذ كلشي عندي
يمج بعدني ودمعي خلص
ما شابع امن ادموعي خدي
ماحسبت دفان اصيرن
المن الج وابقى انه وحدي
بيدي ادفنج ... ما حسبت الهل صعب
بيدي ادفنج ... واهل فوكاج الترب
كلش صعب عالبيده يدفن روحه
يكضي العمر ملجوم من اجروحه
اشحال الدفن ضواج
.....
ليل اليمر من دونج امصاب
سيف المفارك سيف كافر
اخر الجان ابالي انعاج
وادفن ضحكتج بالمكابر
جنت اعتقد ما ياخذج موت
رجلي اعله رجلج تمشي باجر
انه وانتي ... ندخل ابنفس اللحد
انه وانتي ... سوه انومت ونبتعد
مو هذا عهد الجان بيني وبينج
تنكضي اسنيني فاطمه اويه اسنينج
موتج غفل خذاج
ميت صرت وراج
......
كلمات
موسى الخادم
نزله
مولاتي ... فاطمه ... يا ضوه البعيوني
.....
خادمج للموت اضلن خادمج وعيونج
يالجعلتي انسان مني كل وكت ممونج
صيحتي للموت تبقى ابوجه اليعادونج
مذهبي انتي وشعاري ما اعيش ابدونج
ما عوفج ... للابد ... خصمج ايسمعوني
........
لو يمكلوني الكواكب والاراضي السبعه
مااعوفن لحضه وحده مجلسج يالبضعه
عندي تسوه الدنيه كلها جيف انوح وانعه
انه محسود ابعزائج منحسد عل الدمعه
وجناتي .... امجرحه ... الخاطرج ياعوني
......
انه شمقدملج انه وهيجي جازيتني
المجلسج جبتيني بيدج خادم اقبلتيني
رغم الاعيوب الي بيه لحضه ماعفتيني
بين اهاليتي وصحبتي اهوايه عليتيني
ممنونج .... يم حسن .... خادمج سموني
......
ابقى ممنونج يزهره اشما عشت ايامي
ما اوفي اشما اقدملج وحك الضامي
خيرج امغركني خيرج يا ملاذ احلامي
فدوه اروحا فدوه لسمج يالحييت اسلامي
افضالج .... تنًّسي ... لا وحك اجنوني
.....
الله يلعن من يوالي اليبغضج مولاتي
باجر اجهنم مصيره هذا حكمه الذاتي
يالرضا الباري برضاتج وجهت دعواتي
غايتي ترضين عني هايه كل غاياتي
ما رايد ... كل اجر .... خادم اتقبلوني
...
كلمات
موسى الخادم
يا فاطمه يانور العيون
شيل الجنازه رايد متون
......
يالمظلم اخلافج بقى البيت
جم وحشه الج بالليل صليت
محني الظهر من يمج امشيت
اقره اعله اروحي الفاتحه الكيت
ماجني حيدر ناس يحجون
شيل الجنازه رايد متون
......
كل خطوه اخطيها على الكاع
اتعادل سنه من عمرج الضاع
مكسور بعدج مثل الاشراع
تاخذني ريح اتردني كالساع
مكسور ظهري وشابح اللون
شيل الجنازه رايد امتون
.......
يم كبرج اتوديني صفنات
واعطش بواجي واجري دمعات
وي روحي اسولف يرجع المات
وارجع اصيح بصوت هيهات
البيدي ادفنتهه ترجع اشلون
شيل الجنازه رايد امتون
.......
خانكي كلشي يم الحسين
وين انطي وجهي بعدج الوين
صارت حياتي قصة اونين
ما فاركتني دمعة العين
اتمنيت شيعوني اليشعون
شيل الجنازه رايد امتون
.......
كلشي اعله طولي امفصل افصال
من حزن من هم من دمع سال
عظم المصيبه اتهد الاجبال
بعدج صفيت امدوهن البال
موتج تركني بحيرة الكون
وشيل الجنازه رايد امتون
.....
بعدج حياتي موحشه اهواي
عايش وحيد بهاي دنياي
عطشان الج يالشوفتح ماي
يبجي اعله حالي لراح والجاي
واسمع شماته اعلي يصيحون
شيل الجنازه رايد متون
......
عشرتنه خلصت اني وياج
كلشي انتهى وانتهى ملكاج
شابت لحيتي بسبب فركاج
يمج اخذيني روحي تهواج
روحي اويه روحج خل يدفنون
وشيال الجنازه رايد متون
......
كلمات
موسى الخادم
لفلف علي ايامه .... الحلوه بجفنهه
مدري دفن روحه .... مدري دفنهه
من نزلاهه للكبر
كاللهه لهنانه العمر .... روحه دفنهه ..
.......
بليل حيدر شيعاها ... الجانت اغله انسانه عنده
ما مشه الكاع اعله طوله .. محني ودموعه اعله خده
البيد قالع باب خيبر ....صار يتوجه اعله ولده
جف يمينه الحسن لازم ... والحسين اصبح يسنده
فاكد علي حيله ... بالكوه يمشي
نعش ام حسن هذا ... لو هذا نعشي
يحجيهه والحسره يجر
من نزلاله للكبر .... روحه دفنهه
......
من وصل للكبر ناده ... بعالي صوته يم جهالي
اشلون انزلنج بديه ... اشلون يا عزي ودلالي
كلبي ما ينطيني ادفنج...كعدي شوفي الضيم حالي
يم حسن فكيلي عينج .. ظال مني بس خالي
بس النفس بية ... ظل يافرحتي
الباكوهن سنينك ... باكو ضحكتي
حالي بغيابج ما يسر
.......
اموصية ادفننج بدية ... اشلون ادفنج يالحنينه
هم سمعت بكبل واحد ... روحه يدفنهه بدينه
اعليج امشي العشره كومي ... حسين اذاني بونينه
وزينب اتاني رجعتج .... تكسر الخاطر حزينه
من ارجع ابدونج ...داري واطبهه
خايف على ابنيتي ... افجع كلبهه
خايف عليه تنكسر
......
رجعه اذا ما بيج كولي .... حتى اوسع اللحد ليه
عايش الدنية اعلم مودج ... جنت من كبل المسية
شلي يازهره ابحياتي ...اوياج اشوف احله المنية
التموت ام بيته يكضي ... اسنين عمره بس اذية
الدافن نبض كلبه ... شنهو اليصبره
يكضي العمر لوعه ... والله يزهره
من عنده يبقى بس ذكر
........
المكبره مو حلوه جانت... هسه صارت بيج حلوه
صرت احسد هالترابه ... اعليج يالجنتيلي سلوه
حيلي راح اوياج حيلي...واكف اعله ارجولي كوه
كبَّراني اهواي موتج ... شيب راسي طلع توه
كل شيبه البراسي .... منج تراها
افراكج اخذ عمري ... وعيني وضوها
يالذة اذان الفجر
.....
اليدفن اعزازه اشيتاني ... غير موته ما يتاني
وانه هيج اعليج حالي .. صار يا زهرة زماني
الشافني ما كال حيدر ... حسباني موش اني
حكه متغيره أرسومي ... البجي بعدج غيراني
كلشي اختلف بية ... بعدج يروحي
مو بس فقط شكلي ... حتى جروحي
صارن بعد موتج كثر
.......
كلمات
موسى الخادم