963
قصائد مع الحانها لخادمكم موسئ الخادم
يابو صالح ينهر الدمع
.....
ياجرح الاكثر يلجمك ... جرح السبي جرح النحر
لو سطرت اعيون ام حسن ... الخلتلك ادموعك حمر
حاجينه يمكضي العمر بالوعه
المن تون وناتك المسموعه
لا تخفي عنه اعليك كسر اظلوعه
ياابا عبدالله ... وناتك تشبه كل وناته
يا ابا عبدالله ... تحجيهه وتبجي اعله ابنياته
صوره بذهنك ذبحو ضحكاته
يابو صالح تون منفجع
.....
يالحزنك بكد الارض ... ودموعك بكد السمه
يا ليله تمرد جبدتك ... ليلة علي وي فاطمه
من غسلاهه المرتضى ابلا حيله
من شيعها الوَّحده بنص ليله
من نزلاهه للكبر تشكيله
شنهو الياذيك .... يالعايش احزانك من زغرك
شنهو الياذيك .... كسرة ظلع الزهره لو كسرك
الله ايعظم يامهدي اجرك
يابو صالح تنوح الظلع
......
يالكاظي عمرك بالقهر ... ياموقف اصعب منظره
طيحت حُسين امن المهر ..لو طبرته وحز منحره
لو فرت النسوان صوب الهيمه
من فوكهن حركو بنار الخيمه
لو من بقت زينب تفزع الغيمه
حاجينه مولاي .... ياموقف اكبر باك كول انفاسك
حاجينه مولاي .... سبي العقيله لو فكد عباسك
لو دم رضيع حسين شيب راسك
يابو صالح الك نستمع
......
ياديره ساكن سيدي ... ملينه من كثر النشد
بيتك قريب اعله ام حسن ... لو يم علي باب الحمد
لو بالخرابه البيهه كعدت زينب
حاجينه يالتاكل اهموم وتشرب
كل جمعه نجريلك دمعنه وننحب
يا صاحب الثار .... يومك تتاني فاطمه المظلومه
يا صاحب الثار .... وجدك حسين السلبوهه اهدمومه
والوادم المن شوفتك محرومه
يابو صالح يسيد الجمع
.......
كلمات
موسى الخادم
هذه القصيده على لحن
قصيده .( البيت لو مابي سوالف دافية )
للملا قحطان البديري
......
امي كل معنى المحبة والحنان
امي تحت اقدامهة امشيدة الجنان
امي ... نعمة واجبهة شكر
امي ... رحمة الله التنذكر
كل زمان .... كل زمان
.....
امي شمس الله التلالي ... كل شبر بأرض وسمة
امي يا محلات اسمهه ..... الزجية فاطمة
الله من نورة خلقهه .... اي وحك حامي الحمة
الطاهرة المرضية امي .... العالمة المتعلمة
امي سيدت كل نساء العالمين
بيهة اتباهة على مر السنين
اني ..... حسين ابنهة المنكسر
امي ... رحمة الله التنذكر
......
امي احساس ومودة ... امي طيبة وعاطفة
بنص حضنهة الدنية تغفة .... بنت ابوهة المصطفى
بيهة رحمة الله كلهة ... اتجمعت اعظم صفة
اله تشتاك النوارس .... اشتياق ابمعرفة
امي ما يحصل مثلهة ابهل بشر
ويا حضنهة الدافي الينوم السهر
يمهة .... كل عسر يصبح يسر
امي .... رجمة الله التنذكر
.....
اية التطهير امي .... البل كتاب امنزلة
سورة الكوثر بسمهة ... امعنونة ومسجلة
الهة هل الكون بعضمتة ... منخلق يا هل ملة
سر اللهي امي الزجية .... ما تحل أبمسألة
العالم أبأسرة انخلق لجل البتول
حكهة من تحتار بيهة كل عقول
موطن ... الكل يتيم و منذعر
....
امي لو رفعت اديهة .... للسمة تمطر عجب
دعوت امي مستجابة .... ما تردهة كل حجب
بالمباشر دعوة امي .... للعرش توصل تطب
اتصال امي اوية ربهة ... اشبهة ابغيم وسحب
منزلة امي تفوق الانبياء
الارض مخلوقة الهة السماء
وسفة .... على الحايط تنعصر
امي .... رحمة الله التنذكر
......
امي للعالم هداية .... بيهة بارينة افتخر
مثل حنيت كلبهة ... ما شفت بين البشر
امي لعيون اليتامة .... ليلهة اتكضيه سهر
وللفقير اتصير خبزة .... اجفوفة اتشبعة دهر
امي مترد سائل ايدك بابهه
تحسبة واحد من اعز أحبابهه
امي .... يعجز ايوصفهة حر
امي .... رحمت الله التنذكر
......
كلمات
موسى الخادم
يمه ... يمه
مشتاك الج يا فاطمه
......
مابية اعوفج
متعود اشوفج
حضره واطوفج ... وي الحمام
دنياتي ظلمه
غصه اعله هظمه
سيريلي يمه .... لحضه بمنام
ليلية اكابر ... اناطر ... علي طيفج يمر
يطلع صباحي .. نياحي .... ابدليلي مستمر
يمه يمه
روحي عليج امعلمه
.....
حسينج تراني
كل يوم اعاني
موتج سباني .. لا وين اروح
ذبلت أرسومي
يا زهره كومي
شيخلصه يومي ... ويه الجروح
كبرج حرمني ... منعني ... اشوفج ياصبح
مشتاقه عيني ... تجيني ... كبل يوم انذبح
يمه يمه
من هسه نحري يصب دمه
......
مرسال اودي
وايدي اعله خدي
يالكلشي عندي ... بالدنيه هاي
ناطر جوابج
ابجي الشبابج
عيني اعله بابج ... كاسر كفاي
رجعيلي فدوه ... يسلوة ... حياتي موحشه
دنياتي ظلمه ... ينجمه ... ابنظرتي معشعشه
يمه ..يمه
انتي احله نجمه بالسمه
.....
كل شهكه بية
اه يالزجية
تاخذ بدية ... كبرج تريد
حالي تغير
حيلي تطشر
من امشي اعثر ... عايش وحيد
محد بقالي ... تعالي .... انظري الحالتي
يتمني دهري ... احضر ي.... واسمعي لشكوتي
يمه ... يمه
بعدج حياتي مظلمه
.....
تسألني روحي
عنج يروحي
وانه وجروحي
منرد جواب
صوتج اسمعه
واجريله دمعه
كلبي اشيقنعه
جوه التراب
يمه الحبيبه ....مصيبه ... اعيش ابروحتج
من رحتي عني ... سبني ... ليالي موتتج
يمه .. يمه
ليلي اعله دمعي امقسمه
......
كلمات
موسى الخادم
منج ردت نظره ... يافاطمه الزهره
......
يا فاطمه يم الحسن يا جوهر سنيني
نظره انه من عندج ردت مولاتي وفقيني
ومن نهرج الوافر عليج الباري رويني
واخدم حضرتج بالعمر لو مره خليني
وفقيني لو مره .... يافاطمه الزهره
......
روحي المصابج فاطمه محتركه محتركه
مثل الحرك ذاك الحصل بالباب والملكه
الله يعينه ابو الحسن من صارت الفركه
جم غصة شال وجم الالم جم شوغه جم حركه
ماتنسي العشره .... يافاطمه الزهره
....
من اسمع بكسر الظلع تتكسر اظلوعي
وابلا شعور ولا وعي تتناثر ادموعي
الله يلعنه ظالمج خطيته موضوعي
يافاطمه قصتج قهر طفت ضوه اشموعي
حاير الج شقره .... يافاطمه الزهره
.....
من اكتب اسمج فاطمه تنزف دمه احروفج
ترسملي طيحت محسن وانفاسه الاطوفج
ونظرات الحسين وحسن ذيج الخذت شوفج
منظر رهيب ابلا وصف عل عليله كل خوفج
ماهمج السطره .... يافاطمه الزهره
......
من اقره حيدر بالغسل حس ظلعج وكسره
انهار كلي امن البجي يافاطمه الزهره
اتخيله واكف منكسر لازم بديه ظهره
وايسولف السلمان اسمعه اسوت العصره
وعن عينج الحمره ... يافاطمه الزهره
.......
المهدي نتنطر يجينه وياخذ ابثارج
وابيده يبنيلج ضريح اليزهي بنوارج
وأبابج الواسع يكف يستقبل انصارج
واحنه نكف خلفه يزهره نخدم الزارج
اترف رايه الخضره ..... يافاطمه الزهره
....
الحمد الله رب العالمين
اللهم صل على محمد وال محمد
موسى الخادم
ها يم سوالف دافية… مابيج غير العافيه
ادعي الله يوميه بصلاتي
ايشافيج يا عمري وحياتي
مابيج غير العافية
… ..
روحي وحياتي وعمري افديج
ريت الوجع بيه ولا بيج
ليله ادعي الله يشافيج
ويقربه موتي ويبعده اعليج
عمري وحياتي ابدونج…ماتسوه اي واعيونج
يا اقرب انسانه اليه
دونج اعيش ابلا هويه
هل الكلمه كلش كافيه. مابيج غير العافيه
……
احسن اشوفه وضعج اليوم
بطلي البواجي وانسي الاهموم
ايطيب الظلع ما يبقى للدوم
مليتي ادري كثرت النوم
افراش المرض مليتي… أعلم يسلوة بيتي
لكن شنو البدي يزهرة
حكم الله هذا اوهو ادرة
شمعت اسنينج طافيه…
… .
اشلونج يزهرة ياضوه العين
دليني جرح اليوجعج وين
فطرتي كلبي لا تونين
اقسم عليج بدمعت حسين
بطلي الونين ادخيلج ..… حيل انحل وي حيلج
يارحمة الله حالي ارحمي
اونينج نحلني زاد هضمي
اجروحج علي ما خافيه… .
… ..
لا لا توصيني ابوصيتيج
عمرج طويل ابطول صيتيج
ابحاجتج انه واهل بيتيج
يمنه ابقي لاتمشي المنيتيج
الخاطر عيون ايتامج ..لتودعين ايامج
ابدالج يزهره امشي للموت
ابحاجتج زينب نادت بصوت
يايمه كلش خايفة…
……
يم بيتي اعيش ابدونج اشلون
وانه بغرامج كلبي مفتون
عمية عساها هاي العيون
ولا شوف نعشج من يشيعون
شيحمله يوم امصابج
يذبحني طاري اغيابج
يا زهرة ايامي وسنيني
بعدك ترا عالي ونيني
يمنيه كلش صافيه… مابيج غير العافيه
……
الحمد الله رب العالمين ..
اللهم صل على محمد وال محمد
موسى الخادم
السلام عليكم اخوتي خدام الحسين في الساعات المقبلة سوف يتم نشر قصائد الليالي الفاطمية… الرواية الثالثة
Читать полностью…
راد ابنيه حيدر تشبه الزهراء
كله الباري ابشر جتك الحوراء
تشبه فاطمه بكلشي
كعبه وعل الارض تمشي
ومن عدهن اتعلمت مريم العذراء
.......١
من قربت ولادة فاطمه البضعه
رفع ايده علي والخالق ايسمعه
ربي ارزقني طفله تشبه الزهراء
عظيمه بكلشي اريدنهه ونزل دمعه
واتحقق بالحره امراده
.........٢
نزل وحي الله شايل عالجنح بشره
وخبَّر نبي الرحمه أبمولد الحره
صاح امبارك الهادي العلي الكرار
راح الله يرزقك زينب الكبرى
مفخرت الكل حتى الساده
.........٣
شع نور العقيله وزاح كل ظلمه
واملاك السمه نزلت ابكل همه
هذا أيطش ورد ذاكه يطش فرحه
وحيدر بيده زينب وام حسن يمه
واهدوهه الحب موش كلاده
.........٤
بم عون الحسن وحسين مستبشر
اختهم شرَّفت والبيت ظل يزهر
وعصافير المدينه عالمهد حطت
غنت بَعذب الألحان واتصور
كون الله بزينب ميلاده
........٥
صحيح الكمر ما موجود ساعتهه
بس روحه تحوم اكبال غرفتهه
تضحك من يجيب المرتضى اسمه
عشكهه امن الطفوله الراعي هيبتهه
عباس البي تحجي القاده
......
كلمات
موسى الخادم
شور
اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه
لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره
يمه العين فتحي وعايني اعليه
وحشه ابدونج اكظي سنيني مسبيه
من هسه صرت انه احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه
.....
يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه
يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم
صرت انظر اخيام كبالي محتركه
وجثة ابو اليمه ابخيل منسحكه
ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........
ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره
المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه
اودعج من زغر ما جانت ابالي
بعدج كل حزن كل نوح يحلالي
بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي
....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله
من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه
ما يبقالي حيل ابكطعت المنحر
اظل كلي اعله طولي ابمشيتي اتعثر
امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه
فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه
وبركبة عليل حسين انظرهه
ذيج الجامعه اليصعب اوخرهه
وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد
.......
كلمات
موسى الخادم
شور
يا زهرة حياتي
.......
تعاي ... عوفي الكبر عوفي الكبر
تعاي ... موحش بلياج العمر
تعاي ... ليلية جيتج انتظر
يافاطمه كلبي انمرد
ماظل صبر بيه بعد
رجعي الي عون وسند
رجعيلي .. ياضحكتي
رجعيلي ... يرويحتي ... فداج .. فداج
ايامي ... وحتى النفس
ايامي ... صارت همس ... وراج .. وراج
نوح .. بعدج حياتي
نوح .. يا ذكرياتي
نوح ... ساعاتي بعدج ... لو بيدي اردج
يم الحسن وحسين
راح ... حيلي ابغيابج
راح ... ابجي المصابج
راح ... كلشي امندية ... اه يالزجية
يم الحسن وحسين
يا كل امنياتي
.......
اصيح ... يم الحسن يم الحسن
اصيح ... من بعدج اعيوني انعمن
ااصيح ... عايش غريب ابلا وطن
مشتاق الج يافاطمه
روحي عليج امعلمه
تشهد علي ارض وسمه
من دونج ... كلشي عدم
من دونج ... عايش وهم ... كلام ... كلام
ياروحي ... بالمختصر
ياروحي ... عمري كبر .... حرام ... حرام
شيب ... تارس لحيتي
شيب ... من عفتي بيتي
شيب ... يا اغله ناسي ... صار اعله راسي
بعدج ينور العين
حيل ... اذاني فكدج ....
حيل ... سهرني بعدج
حيل ... ماظل يزهره ... بظلوعي كسره
بعدج ينو العين
تشهد نايباتي
.....
عليج ... يافرحتي يافرحتي
عليج ... اتغيرت رسومي وحالتي
عليج .... عيني انعمت من دمعتي
موتج اخذ كلشي احب
امشي بلا شوف الدرب
ينبض حزن صار الكلب
مو حيدر ... جني صرت
مو حيدر ... اتغيرت ... عليج ... عليج
وي موتج ... حلمي انذبح
وي موتج ... موتي صبح ... بديج ... بديج
وين ... تاليهه كولي
وين ... محني اعله طولي
وين ... ياديرة اشوفج ... مابية اعوفج
اشتاق الج كل حين
ريت ... قبلج عساني ...
ريت ... موت الخذاني
ريت ... دفنوني قبلج ... يالحيل احبج
اشتاق الج كل حين
يا كل ذكرياتي
......
اموت .. احسن الي احسن الي
اموت ... يحجيهه من كَلبه علي
اموت .. يازهرة سنيني وهلي
شلي بعد بيه العمر
وياج اعيشن بالكبر
حلوه السوالف تنذكر
يازهره ... صبري خلص
يازهره ... العمره نقص .... وحيد ... وحيد
اخذيني ... ليج انه احن
اخذيني ... اوياج اندفن ... اريد ... اريد ...
نار .... ما تطفه بيه
نار .... صبح ومسيه
نار ... حركت دليلي ... بعدج يويلي
وين انطي وجهي الوين
مال ... حملي برحيلج ...
مال ... خليني اجيلج
مال ... كلشي اعله كلشي ... شمتناي نعشي
وين انطي وجهي الوين
ياصومي وصلاتي
.......
وراج ... ظهري انحنه ظهري انحنه
وراج ... كل يوم اليمرني بسنه
وراج ... متهني بحزاني انه
ياعشره تشبه عشرتج
روحي ادفنت وي دفنتج
كلشي انتهى وي موتتج
ذابحني ... انتي بكبر
ذابحي ... طاري الهجر ... اصيح ... اصيح
مابية ... اصبر بعد
مابيه ... جبدي انمرد ... ذبيح ... ذبيح
مات ... حلمي البنيته
مات ... كلشي هويته
مات ... بعدج دلالي ... شحجي اعله حالي
اتمنيتج اتشوفين
صار ... اظلم نهاري
صار ... يبجيلي داري
صار .... حزني اعله كدي .... دمعي اعله خدي
اتمنيتج اتشوفين
اشباقيلي الوفاتي
......
كلمات
موسى الخادم
يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
.....
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع
وين انت ساكن سيدي نجيلك
ليلية تعجيل الفرج ندعيلك
يا املنه الغالي
.....
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل
يالمهدي ملينه البعد نشكيلك
ليليله تعجيل الفرج ندعيلك
........
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار
اظلم نهارك مثل ظلمت ليلك
ليليله تعجيل الفرج ندعيلك
.......
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين
يالتبجي جدك من دمه نبجيلك
ليليه تعجيل الفرج ندعيلك
.........
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك
تعتني روحك للبقيع اتشيلك
يليله تعجيل الفرج ندعيلك
......
كلمات
موسى الخادم
بين الحايط وبابه ... امي الزهره عصرو
دمهه انتثر .. خدهه انسطر .. هذا الشفت
بعيوني
.......
انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر
صار ابحيله يدفعه .. عالحايط انظره
كلشي عصر ... خدهه انسطر ... هذ الشفت
بعيوني
.....
ابعصرت امي عاينت محسن سقط
على العتبه ابلا ذنب دم جره
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر
ومثلي الهه هم ركض حيدره
صاحت ياضوه اعيوني ... لا تبجي علية
زال الخطر ... خدهه انسطر ...
....
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش والشرع
صورة من اذكره ما تبقالي روح
وانهضم حيل ابذكرهه انفجع
تمشي اعله الجدم كوه ... امي شاهدتهه
تمشي اتعثر ... خدهه انسطر ... هذا الشفت بعيوني
......
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس
وردة امفتحه ابنصنه ... وسفه ذبلوهه
شبعت قهر ...خدهه انسطر ... هذا الشفت بعيوني
........
اخ ياليلة وداع امي الاحب
هاي اشد ليلهص علي بالزمن
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن
ما انسه الجفن احمر ...ساعت ودعتهه
بالمختصر ... خدهه انسطر ... هذا الشافت اعيوني
........
كلمات
موسى الخادم
لعن الله ظالميكِ فاطمه
....
الهجمو اعله الدار والشبوها نار ... ذوله موش اسلام ذوله ناصبية
الله لاعنهم على اللسان الرسول ... وحيدر الكرار حماي الحمية
هله .. هله
ما يصح الة الصحيح ...
وهمة اساس الكل غلط
للفتن رفعو شعار ...
وعاشو بهذا النمط
لعن الله قاتليك فاطمه
........
مو زلم نسوان ذوله الحاربوج ... الزلمه ما يضرب مرة فشله بسلفنه
غيرة ماعدهم ولا عدهم حياء ... الايده مدها عليج هذا ايده عفنه
هله .. هله
بختج ايعثر مضيف
ويشهد التاريخ الج
بالسعير الحاربوج
وانت جنه منزلج
لعن الله جاحديك فاطمه
......
الدفع بابج والدخل عنوا عليج ... هذا مو طاهر حليبه هذا ناصب
الروحه نصبّها خليفه ابلا قرار ... هذا خان العشره ما تلكاله صاحب
هله ... هله
باجر القاضي الالاه
ويحكم ابكلشي الج
حق ظلوعج والجنين
ياخذه من عاذلج
لعن الله عاذليك فاطمه
......
سيدة كل النساء ابهل وجود ... مثلج ابهل كون
ماكو يالعفيفه
انتي سر الله العظيم الحاربو .... بحركت الدار ونصب ذيج السقيفه
هله ... هله
باجر المهدي يثور
ثارج امربع يرد
بيده شايل ذو الفقار
على ظلامج يهد
لعن الله باغضيك فاطمه
.......
الحمدالله رب العالمين
اللهم صل على محمد وآل محمد
موسى الخادم
موسى الخادم:
يااله السماولت ... أخرة موت أمي لحضات ..... صعبة فركاهة مأسات
،،،،
رايد أشكي همومي للزهرة الزجـية
رايد اخبرهة البعد يصعب عــــلـية
رايد احضنهة وأضمهة أبين أديــة
رايد أشبع منه شوف ابهل المسـيـة
ارد أشوف حالي لمي .. ارد اكلهة تــبقى يمي ... ... فاكـــــد ألابـتسامات
،،،،،
يااللهي أقسم عليك أبمحي هالــدين
يااللهي أخذ العمر كبل أم الحــسين
يااللهي موتي أرحم عندي مــرتين
يااللهي أبلاية أم مـــا تغمض العين
بالسهر أيامي تمضي .... بالحزن كل عمري يكظي ... عمري يخلص بالاهات
،،،،
راجي عطفك ربي لا تاخذهة مـني
راجي عطفك بالدموع التجري ذني
راجي عطفك تســـتمع يا ربي وني
راجي عطفك لا تبعد الزهرة عــني
انه هذا حسين أبنهة .... صعبة يتفارك حضنهة ... ربي رجعهة ساعات
،،،،،
مالي غيرك يا اللهي أشكـيلة حـالي
مالي غيرك يا رحيم أيـرد ســـؤالي
مالي غيرك وحشة بعد أمي اللـيالي
مالي غيرك والحـزن واضح يـلالي
حزني يكبر من بعدهة ... غالية الام عد ولدهة ... أحمل أشكد معانات
،،،،،
ربي قادر تنطي من عمري العمرهة
ربي قادر تشفي كـــل علة بصدرهة
ربي قادر بيـــدك أتجــــبر كســرهة
ربي قادر تاخـــذ اسنين العــصرهة
ربي لا ترحم خصمهة ... دخلة نارك من ظلمهة ... لا تشوفة المسرات
،،،،،
انت أعلم مــن تموت امي الحبــيبة
انت أعلم كل فــرح يعـــلن مغيــبة
انت أعــــلم كلبي يتعالى بنحــــيبة
انت أعلم روحي ما تحمل مصيبة
من تمـوت أخفيه موتي ... وأستعـد لـيه بسكوتي ... ربي قـرب المسافات
"""""""""""
الحمد لله رب العالمين
اللهم صل على محمد وال محمد
موسى الخادم
امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان
وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..
يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات
حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور
معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج
تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع
كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة
……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم
يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم
السلام عليكم اخوتي خدام الحسين في الايام المقبلة سوف يتم نشر قصائد الليالي الفاطمية… الرواية الثانية
Читать полностью…
ماذيني ضلعي يا علي ماذيني
خليني اموت احسن الي خليني
حسره علي جرت النفس يابو حسين
الليل اخلصه بالبجي تدريني
......
ياحيدر ادنالي ... اكعد اشوية اكبالي
خليني اودعك
هالليله اخر ليلة ... وياك يابو العيله
امسحلي دمعك
انت التصبرني جنت مو انه اصبرنك
شو هسه طايح بين ادي مذبوح اشوفنك
بطل البواجي ياعلي بحسين احلفنك
يا شمس مصباحي وينجمة ليلي
كل دمعه منك تنزل اتهد حيلي
يااغله عندي امن النفس كافي اونين
ادعيلك ابدعوة صبر و ادعيلي
......
يالحيل احب اسنينك
راويني ضحكت عينك
ماريد الاحزان
خل تنكضي ساعاتي
بضحكاتك وضحكاتي .
يا اجمل انسان
جم ساعه ضلت ياعلي اوياك ارد اكضيها
روحي اعله روحك لايبه محبوبي تدريها
حجياتك الحلوه الي مشتاكه تحجيها
سمعني كلمه زهرتي سمعني
باخر حياتي منها لا تحرمني
متعوده منك استمعها كل يوم
جانت تنسيني الاوجاع اوني
.......
افراش المرض اذاني
صغيرة عمر خلاني
اتنطر الموت
بالكوه اشيلن روحي
من كثر نزف اجروحي
ابجي بلا صوت
ماجنه عمري اثمنطعش جن اكثر هواية
كبرني الف عام المرض انظر بالمراية
مابيه حيل اوكف علي وانت اعلم ابهاية
شلي بحياتي يا مليك انفاسي
بزهرة شبابي الشيب ماخذ راسي
اتوجه عالحايط اذا ريد امشي
الموت ارحم الي ياعز ناسي
......
خليني اوصي اوصيتي
يالبيك عامر بيتي
بيتامي اوصيك
زينب وحيده اخلافي
صير اله حضن الدافي
متقصر ادريك
وحسين محبوبي وحسن خليهم بعينك
كدامهم عوف البجي وبطل من اونينك
هاي الوصية ياعلي مابيني اوبينك
صيرلهم الام والابو بغيابي
نسيهم امصابي اوكعتي ابابي
حملك ثكيل ابروحتي ادري هواي
مكتوب تصبر وانه اموت اكتابي
.....
قصت الاجل محتومه
كلمن يموت بيومه
ويضمه الاتراب
جم غالي وادع خله
بعله وبدون العله
يا فكد الاحباب
برض المكابر ياعلي جم فرحه مدفونه
جم غالي وادع غالي اله وغمضهن اعيونه
المثلك يفارك ياعلي خيعونه خيعونه
جرحك اشد لو جرحي اشد ما ادري
عمرك الخلَّص يا علي لو عمري
شو جاي اشوفك ميت اكبالي انت
حاجيني يا عزي ودلالي وصبري
........
الكلمات
موسى الخادم
ا
مولاتي مولاتي مولاتي يفاطمه
........
يا لما ألج كَبه وصحن في هالزمان
وفقيني ازورج عن بعد من هالمكان
الف السلام أعليج يا بر الامان
روحي ... مشتاكه روحي ازورج اوية الرايه
روحي ... تتمنى الج كبه وصحن واقراية
روحي ... كل ليله تتعنه الج مشاية
تجي تجي .... روحي الج تجري الف عبره
تجي تجي ... اتنادي يافاطمه الزهره
تجي تجي ... ازيارتج بالدمع تقره
مولاتي مولاتي مولاتي يافاطمه
.......
عن حالي شحجيلج يزهره شرد اكول
ماعندي كلشي بدنيتي غير البتول
علمتني امي خدمتج ما ريد اطول
عايش ... بالدنية هاي الخدمتج مولاتي
عايش ... بين المجالس واللطم واهاتي
عايش ... جبت العمر اجري الج دمعاتي
الج الج ... عمري من زغري ضميته
الج الج ... حزني البكلبي خليته
الج الج ... دمع البعيني صبيته
مولاتي مولاتي مولاتي يفاطمه
.....
يافاطمه يم الحسن يايوم اجيج
رايد على كبرج اون دليني بيج
كل يوم اناجي المهدي يازهره عليج
وينه .... كبرج يزهره يا ملاذ سنيني
وينه ... الياوكت مخفي وما اشوفه بعيني
وينه ... بدموعي اسألج فاطمه دليني
متى متى .... تنبنيلج حضره يا فاطم
متى متى ... ادخل بهيئه الج لاطم
متى متى ... بالبقيع اصبح الج خادم
مولاتي مولاتي مولاتي يافاطمه
......
جبت العمر خادم الج كل هالسنين
ماعندي غير ابجي عليج وعل الحسين
وفقيني اموت واني اقرالج ونين
أمنيتي ... كون ابعزائج اقضي اخير ايامي
امنيتي ... امن المنبر ايشيلوني ميت ضامي
أمنيتي... وتشييعي بيد الخدم هاي احلامي
حلم حلم ... عمري يكضي بعزه الخدمه
حلم حلم ... بالكبر خادم اتسمه
حلم حلم ... الكه روحي اويه أبو اليمه
مولاتي مولاتي مولاتي يافاطمه
.......
اقسم عليج بجسم الحسين الحبيب
الظل عاري فوك الكاع مسلوب وتريب
وبزينب اخته المالهه بالطف مجيب
دمعي ... خلي نهر جاري السبي ابنياته
دمعي ... بلكي يطَّفي خيمه من خيماته
دمعي ... ما ريده ينشف عالظلع واهاته
يضل يضل .. دمعي حتى وانه بكبري
يضل يضل .. على حسين الدمع يجري
يضل يضل .. ذبحه من الكفه قهري
مولاتي مولاتي مولاتي يافاطمه
........
كلمات
موسى الخادم
يم بيتي وجهالي .... كعدي وشوفي حالي
عليج اعيوني ذبلت
غيابج روحي ملت
يم بيتي وجهالي ...اكعدي وشوفي حالي
.....
اجيتج يالزجية ابدمع العيون
اوعفت ايتامج ابدارج يونون
زينب والحسن وحسين بعداج
كضو ليلت أوداعج ينوحون
ماغمض جفنهم ... حكم ماتت امهم
امانيهم تبدت
غيابج روحي ملت
كعدي
......
ما نامو يتامج لاخر الليل
كضوها ابواجي ونوح وعويل
متمدد على امصلاتج حسين
حاضن شيلتج والمدمع يسيل
كاسر كلبي حاله ... أيسولف وي خياله
انه امي الكبر سكنت
غيابج روحي ملت
......
يم حسين ردي ردي وياي
خانكني ظلام البيت يهواي
اذاني البجي وامساهر الليل
وتعبني طريق المكبره اهواي
اتعثر اجيتج ... لحضه ما نسيتج
وحك ذكرى الي ظلت
غيابج روحي ملت
.....
نفضي اتراب كبرج ياضوه العين
امفارك صورتج صايرلي يومين
اه اشجم جرح عفتلي ميطيب
من غير المناحه وغير الاونين
يا عافيتي كومي .... احجيلج همومي
ابدليلي النار وجرت
غيابج روحي ملت
.......
فتحيلي الكبر يم بيتي انخاج
ما رايد حياتي رايد اوياج
ألمفارك حبيبه ميت ايعيش
وانه الموت ماخذني اعله طرواج
يخلص عمره حاير ... ويفرر بالمكابر
دموع العين شحت
غيابج روحي ملت
......
الحمدالله رب العالمين .
اللهم صل على محمد وال محمد
موسى الخادم
خوفي باجر ...
مني ما مقبولة خدمة بهذا عمري
خوفي باجر…
انظر ابسجل الزجية ماكو ذچري
،،،،،،،،،،،،،،،،،،،،
اشلون بية لو يصير المنة خايف
كل ذجر لية بسجلهة ماني شايف
اشراح اقدم ياعذر للزهرة طايف
شرد اكلهة خدمتج ما يوم عايف
خوفي باجر ...
اتكلي جانت خدمتك مولية تدري
،،،،،،،،،،،،،،،،،،،،،،،،،،،،،،،،،
انطي وجهي الوين اذا ما الكة اسمي
ويــه خــدام الزجية الهــــية امي
راح اضل مثل الصنم ما حركة جسمي
راح اونن وانتحب وابجي اعلى هضمي
خوفي باجر ...
توكف اتعاتبني ام الحسن ذخري
"""
باللطم خلصتة عمري الكلة واهس
والمناحة والدموع الجفني تارس
اشلون اذا مرفوض انه ابهل مجالس
راح اظل ابحسرة ما الهة منافس
خوفي باجر ...
من شفاعتهة انحرم شيحملة كسري
،،،،،،،،،،،،،،،،،،،،،،،،،،،،،،
انه خايف بالكبـر ما يمي تحضـــر
بساعت الينزل علي بالسوط منكر
خاف اكلة خـــــادم الزهرة لتعـــثر
ومنه اسمع انت مو خادمهة احذر
خوفي باجر...
اطلع ابحر الريا غارك يقهري
،،،،،،،،،،،،،،،،،،،،،،،،،،،،
لو كرب مني الاجل والموت اجاني
انه غير الزهرة ما واحــــد اتاني
ان جان تلقيني عليهة مـا اعاني
هي بس هية التحل عقــدة لساني
خوفي باجر ...
ما تزور الزهرة اول ليلة كبري
،،،،،،،،،،،،،،،،،،،،،،،،،،،،
انه غير الخدمة ما شافت عيوني
من زغر سني هلي اعليهة افطموني
يا دخيلج فاطمة اشكد سمعوني
والمصيبتهة انـــــوحأ علموني
خوفي باجر ... ما وفيت البضعة بدموع الي تجري
،،،،،،،،،،،،،،،،،،،،،،،،
ياحسرتي بالحشر لو انه اشاهد
فاطمة الخدامهة بجنة تواعد
وعل الصراط ايجوز واحد بعد واحد
وانه مو بيناتهم ياهو الاناشد
خوفي باجر ... بساحت المحشر اظل محتار بمري
،،،،،،،،،،،،،،،،،،،،،،،،،
انه الج يم الحسن مديت ادية
وغايتي ترضين يازهرة علية
خلصت عمري بخدمتج ياالابية
وماردت منج مقابل لا هدية
خوفي باجر ... اطلع انه امزعلّج شيفيد عذري
،،،،،،،،،،،،،،،،،،،،،،،،،،،،
الحمدالله رب العالمين
اللهم صل على محمد وال محمد
موسى الخادم
سلامات .... علي يا ابا الحسن حيدر ... سلامات
منو المات ..... المن هل الجنازة انشد .... منو المات
وليش ابليل اظلم دافنيهة
سموات وارض تبجي عليهة
سلامات ... سلامات
........
انه المصطفى جيت انشد الصاير
المن هل الجنازة التكسر الخاطر
اشوفك ياعلي ياابا الحسن حاير
مكسور الظهر ما جنك الصابر
معانات ..... قريت اشكد وسط عينك .... معانات
معانات ..... دخيلك يا علي اشتحمل ..... معانات
علي يابا الحسن سامع بجيهة
......
أسألك ياعلي جاوبني يا عوني
اعرفك صادق ومتخيب اضنوني
هاي البلحد مو سلوة اعيوني
العليهة الجانو الوادم يحسدوني
ترابات .... تضم وجه الشمس وسفة ... ترابات
ترابات ..... تغير ارسومهة الترفة ...ترابات
أ يا حسرتي ذبلانة أديهة
......
ياحيدر علي ياموطن الفقرة
ياكعبة صبر محد وصل صبرة
مثل الوردة جانت فاطمة الزهرة
شو متغيرة حيل وبيهة اثر عصرة
علامات .... اثر سطرة اعلى خدهة انظر .... علامات
علامات ..... وسط اعيونهة الحلوة .... علامات
حمرة اعيون فاطم يا وليهة
......
سولفلي الحصل يا حافظ اسراري
لا تخفي الخبر بالمدمع الجاري
ياهو الي هجم بيهم على داري
نار بكلبي تسعر ما طفت ناري
بالاهات .... ليل انهار كظيتة ..... باللاهات
بالاهات .... خلصت العمر بالهم .... بالاهات
بسببهم فاركت انه ام ابيهة
.....
انة ادري الظلع من فاطمة امهشم
لتضمة ابجفن يا صاحبي اعلم
عصرهة الما يخاف الله ولا مهتم
بين الباب والحايط يسيل الدم
ظلامات .... ادري ام الحسن عاشت ..... ظلامات
ظلامات .... حتى ابدفنت ابنيتي ..... ظلامات
قليل الحضرو التشيع ليهة
......
اصحاب السقيفة اوصيتي نكروهة
جازوني ابظلوع الزهرة كسروهة
وداري ابكل حقد بالنار حركوهة
المهبط للوحي جانت يعرفوهة
حسافات .... نكرو عشرتي وتعبي ... حسافات
حسافات ..... ما رعو اهل بيتي .... حسافات
نكروهة الوصية التدري بيهة
.....
الحمدلله رب العالمين
اللهم صل على محمد وال محمد
موسى الخادم
📢 حصــــــــــــريـــــــاً 📢
🔹مجموعة خدر الفواطم 🔹
🔹لنشر القصائد الحسينيه🔹
🔷غير مسموح بحذف🔷
~ 🚫حقوق القناة 🚫~
#ويبقى_الحسين
______________
لمن يجد صعوبة بالحن اطلبه من
@moatmed1
https://youtu.be/yIkpxOYvKLI?si=aDfsrLvGjY3e4TUF
Читать полностью…
متباركين بولاده جبل الصبر زينب ع
Читать полностью…
رد ظهره منكسر ... من حفرت الكبر
ودع علي ... بنت النبي ... بين اللحد وترابه
.......
كوه يمشي اعله الجدم ... رد علي منهه
اعليهه يسجب دمعته ... من مشه عنهه
حار بامره المرتضى ... من سمع ونهه
رد عليهه للكبر .... راد يحضنهه
اتذكر بيده دافنهه ... بالترابه
مدد عالكبر طوله ... يا عاذبه
وزع دمعة اعيونه ... في ثوابه
قصة فاطمه اخذت ... كل شبابه
شيب علي قهر .... رد منحني الظهر
لم الحسن ... شيد وطن .... دمعت حزن سجابه
.......
تخوصر اكبال الكبر ... منكسر ظهره
مثل المضيع وطن ... حاير أبامره
صاح بدموعه التصب ... كومي يازهره
علي بعدج مو علي .... سنينه مطشره
كومي وعايني الحالي ... يالحبيبه
جرحي ابفركتج نازف ... يا طبيبه
هاذي صيحته الجانت ... بالمصيبه
حيدر ذبلت ارسومه ... من نحيبه
كالساعه يلتفت .... يحجي منو ادفنت
وسط الكبر ... دافن عمر ... اغله واعز احبابه
.......
جرحه اكبر كل جرح .... سولفت ناسه
من دفن ام الحسن ... شيب اكل راسه
كُبر ما جنه علي .... حزنه هد ساسه
كَوه صار امن البجي ... ياخذ انفاسه
ما جنه القلع خيبر .... يمشي كَوه
واحد يسأل الثاني .... اعليه منوه
كلشي اتغير بحيدر ... حتى هوه
غابت ضحكته الجانت ... عنده حلوه
متعوبه مشيته .... مذبوحه ضحكته
دافن ورد ... وسط اللحد ... مكتوبه اله بكتابه
......
البيده دافن ضحكته ... تخلص اسنينه
الفرحه متمر خاطره ... ولا تمر عينه
هيج كظاهه علي ... بحزنه واونينه
ناره تسعر بالكلب ... شاهد أحسينه
من يوم المشت عنه ... ام جهاله
ولون السهر ظل ياخذ ....من خياله
ويه ام الحسن ودع ... ما حلاله
ما واحد علي يلومه ... ايبجي حاله
كلشي ابعلي ذبل .... ومتاني للّاجل
الفارك شمس ... بيته يحس .. ما واحد ايدك بابه
......
سلوته بالمكبره ... اليفكد ام بيته
تخلص ايامه قهر ... وتروح عافيته
الزهره جانت عد علي ... هيه غاليته
حقه حيدر يختنك ... كل هوه بريته
اغله امن النفس عنده ... هي جانت
بموتت فاطمه الزهره .... روحه ماتت
ظلمت دنيته بعينه ... وحشه صارت
كل أحلامه وافراحه ... اوياهه راحت
من فارك ام حسن ... بالمكبره سكن
ليل وصبح ... نازف جرح ... حيدر غميج اصوابه
..........
كلمات
موسى الخادم
يالزهره امشي اعليج ابو اليمه
رزقيني ساعة بمجلسج خدمه
يافاطمه ... يافاطمه
......
يافاطمه مجلس لطم رزقيني
ميت تراني وخدمتج تحييني
بابج طرقته وادري مترديني
خليني وين اخدم الج ترديني
لو اكنس .. لو الطم ... لو اقره ... بخدمتج
تحت امرج ...مولاتي ... بس اشري ... بخدمتج
رهن الاشاره منتظر كلمه
.....
وفقيني اخدمج حد اخير ايامي
عليج اقسم بنحر الحسين الدامي
احلامي كلها ابماتمج احلامي
ضامي تراني ابلا عزائج ضامي
كل ساعه ... محسوبه ... من عمري ... فاطمه
خليني ... بمصابج ... دمعي يصب ... فاطمه
تبجي المصابج روحي متعلمه
......
يم الحسن كل اني ملكج اني
خادم زغير ومنبرج رباني
يالبيح اشوفن مكتمل ايماني
وخيمه عزائج عندي بيتي الثاني
كل ليله ... اتمر بيه ... تليكيني ... بالعزه
ما عايف ... ايامج ... يالنورج ... بالعزه
فطمتني امي الدمعه واللطمه
......
هنياله كلمن خادمج سويتي
وجهه ابيض اكبال الخلق خليتي
الامه دعتله ابمجلسج ربيتي
وصيته اعله كل ناسه وهله عليتي
يانعمه .. الكل نعمه .... منا منهه ... تنوجد
كل سائل ... يم بابج ... طلباته .... تنوجد
يا رحمة الله الواهبه النعمه
...
يالعالمج يختلف ان كل عالم
بي مرتبط كلشي انخلق كبل ادم
لو ما وجودج بالارض جا ماتم
فرض الصلاه والصوم والله اعلم
يا اعظم ... يا اقدس... شي طاهر ... منخلق
لو منتي ... لا طه ... لا حيدر ... منخلق
هاي الحقيقه تنحجي ذمه
........
يافاطمه يا اغله من كل غالي
ليج ارفعت جفي وطلبت امالي
تنظرين حال الناس هاي وحالي
وتدعين تعجيل الفرج للوالي
عند الله ... كلشي انتي ... واقربله ... من العرش
دعواتج ... مقبوله ... يا زهره .... من العرش
سر الله انتي المحد يفهمه
.........
كلمات
موسى الخادم
حضره الج تنبي ... وسط الصحن يم علي
متنورة بالذهب ... لاخر سمه تعتلي
يم البخت والفخر
هاي امنيات البشر
......
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن
كبر ام حسن يم علي ... من المدينه انتقل
الباري انطه الامر ... وجبريله جابه بعجل
عاجل يرد هالخبر
هاي امنيات البشر
.....
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف
زوار الج تعتني ... من كل بقاع الارض
ليل ونهار وصبح .... ما واحد اليعترض
هنياله كلمن حضر
هاي امنيات البشر
......
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته
خلص حياته بجي ... واليوم اجاه الفرح
بزيارتج يم حسن ... صدرة ودليله انشرح
طوك الهموم انكسر
هاي امنيات البشر
.....
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع
اعظم عزاء ينعقد ... بسمج يبنت النبي
والمستهل ينكتب ... لعنه اعله كل ناصبي
والقارئ المنتظر
هاي امنيات البشر
......
كلمات
موسى الخادم
اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب
شابح لونه ... هدله امتونه ... الله بعونه
حيل امعذب
ماجن حيدر هذا الواكف . باقي اخياله
مره ايكوم ويوكع مره . اكبال اعياله
شهكة ريته ... وكل عافيته ... اتفارك بيته ...شيضل حاله
باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم
دكلهم يمه ... ما متألمه ... وهي ابظلمه
امن تحاجيهم
خافن تفجع كلب العيله . جرعت كل مر
وبسكته اتوصيه بحيدر . كالتله اصبر
حيدر يسمع ... منهه ويدمع ... كلبه اتكطع
لمن يحفر
يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه
اوياج اخذيني ... لتعوفيني ... دمعت عيني
اعليج اجريهه
ماعندي افراح ابهل دنية . انتي افراحي
يايمه ابموتج تدريني . تزيد اجراحي
رحمي ابحالي ... يا اَمالي .... كعدي اكبالي
سمعي انياحي
يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه
.......
اكثر صوره اتألم جانت . عل شافاهه
حسين امدد طول اويمه . وما عافاهه
يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه
اسماء اني ... حسين اذاني ... زاد احزاني
عطشت كاعه
يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله
ادكله امنه ... امن اتفاركنه .... يكثر همنه
ياهو يشيله
بوية ازغيره انه ومحتاجه . الحضن الزهره
مابية اتيتم من زغري . واجري العبره
من بعد امي ... يكثر همي ... ويصير اسمي
ايتيمه ابكسره
محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم
يازهراء .... يا مصدر كُل نعمه
يازهراء ....مشكورة اعله الخدمه
خدمتج يامحلاها
البيها عايش يتباها
......
مشكورة يا ام الوفه .... مجلسج من جبتيني
تايه جنت مثل الطفل ... عالخدمه دليتيني
لو الف عام اخدم الج .... امقصر اشوف بعيني
لا شي جنت كبلج انه .... وانتي الي سويتيني
يازهراء ... ما وافيج افضالج
يا زهراء ... لو كل عمري اقرالج
قيمتي من سواها
خدمتج يا محلاها
....
ممنون الج يم الحسن ... من جدمي والحد هامي
من غيرج انتي فاطمه ... للخدمه شد احزامي
مطلوبلج دين ابكبر ...طف الحسين الضامي
ماوافي حقج لو الج ... اخدم جميع ايامي
يا زهراء ... يا مفتاح الجنه
يا زهراء ....الخادم بيج مهنه
يا هديت الله الطاها
خدمتج يا محلاها
......
يافاطمه الزهرة الج ... افضال كثرة اعلية
لو ريد اعدهن بالضبط ...احتاج الف لطمية
خيرج امغركني اعترف ... هالخير بين بية
شكرا الج شكرا الج .... يم زينب العلوية
يا زهراء .... شكراً يم العتره
يا زهراء .... اعليج اقبلتيني اقره
كل قصيدة امن اقراها
خدمتج يا محلاها
.....
الف انعم الله يم حسن ... احجيها دوم ابالي
لو ما خدمتج جا تهت .... والضيم اصبح حالي
شلي بحياتي ودنيتي .... المابيها مثلج غالي
ياسر وجود اهل السمه ... واهل الارض للتالي
يا زهراء ... تسبيحت كل حيدر
يا زهراء ... تنفع يوم المحشر
بالمواقف خصّاها
خدمتج يا محلاها
.....
هنياله كلمن صار الج ... خادم امسجل اسمه
اهل السمه واهل الارض .... تحسدة على هالنعمه
مجلسج مو ياهو اليجي ... يحضر اله ويخدمه
محتاج توقيع النبي .... ومعصوم من اليمه
يا زهراء .... خيراتج ما تنعد
يا زهراء .... كل العالم يشهد
اسمج الدنيا احياها
خدمتج يا محلاها
......
كلمن يبغضج فاطمه ... الله بعضمته ايبغضه
ما يحصد الفرحه ابد ... كلمن بدالج رفضه
بس اليحبج من صدك ...هذا الي كاعد حضه
للجنه يدخل كل الملك ... أبتوج الذهب والفضه
يا زهراء ... رابح كلمن حبج
يا زهراء ... راضي العترة و ربج
كلمه بالحق كلناها
خدمتج يا محلاها
......
الحمدالله رب العالمين
اللهم صل على محمد وال محمد
موسى الخادم ..
بالمغتسل ... مد ايدة حيدر عالظلع وارتبك
بالمغتسل ... قصت حياته صارت اعله المحك
بامر الزجية اتحير
شاهد ظلعها امكسر
.......
حيدر علي ذاك النفل .. بالحرب شايع صيته
بالمغتسل حيله فكد ... صار الدمع عوجيته
مو عجبة الي فارك محب ... لو تنسلب عافيته
اومو شاب شايب ينكلب ... بيضه تصبح الحيته
شايب صبح ... بعد ام حسن حيدر امير المله
شايب صبح ... بي حارت املاك السماء العله
شكله بعجل تغير
......
شاهد كسر ظلع ام حسن ... واتغيرت احواله
مايدري يبجي اعله الظلع...ما يدري يبجي الحاله
ظهرة انكسر عل المغسل ... وتناثرت اماله
يافاطمه ايصيح بحزن ... وايعاين اعله اعياله
محني الظهر ... ينظر على احسينه اليصب دمع
محني الظهر ...وصرخت بواجي عل ظلع تنسمع
ما ينوصف هالمنظر
......
شيّعها حيدر بالخفى .... والدمع تارس عينه
بوحشة الليل المظلمه .... شال النعش بونينه
بخطواته جم عثر عثر ... كايد حسن وحسينه
مو هينه عظمه الفاجعه ... فاكد حنان اسنينه
روحه علي ... الزهرة جانت حكة من ينتحب
روحه علي ... ماتت وراها هو هذا اليحب
افراك اليحب ما يكدر
.......
بالمكبرة حامي الحمه ... ودع حياته وعمره
كل فرحه ما ظلت اله ... من بعد عين الزهرة
يحجي اويه تربان الكبر ... بحسره دليله وكسرة
هنيالك امغطي وجه ... جان الرسول اينظرة
هاي ام حسن ... عندك امانه ياتراب الكبر
هاي ام حسن ... اغله واعز شي امتلك بالعمر
اعليه الدليل اتفطر
.....
دار الحزن حيدر بنه ... بعد الزجية ابروحه
ليليته يكظيها بدمع ... وانهاره يكظي بنوحه
معذور فارك فاطمه ... مرهم شفاء اجروحه
معذور حيدر لو نحل ... هدت الزهره اصروحه
اصغيرت عمر ... من ايدة راحت فاطمه الطاهرة
اصغيرت عمر ... مو بيته سكنت سكنت المكبرة
بالحشر يفتح محضر
.........
@Alfoatm5
الحمد الله رب العالمين
اللهم صل على محمد وال محمد
موسى الخادم
من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..
من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع
حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني
……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس
عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر
بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة
ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..
شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة
من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم
/channel/hassan_saad_alhekane_313
Читать полностью…