963
قصائد مع الحانها لخادمكم موسئ الخادم
https://youtu.be/CjTWY-5qQBo?si=N24CeMZBQhT_14cX
Читать полностью…
زحمة جيك واشهك انفاسي ... لسة ما كاطع شمر راسي
بــوية اسمع هالحجي
ميتة اجيك امن البجي ياحبيبي يا اعز ناسي
؟.....................................؟
اعـــتذر مـــنك حبيبي ... يا امـــاني ومهـــجتي
ما اجـــيلك الا ميـــته ... وفــوك خــدي دمعتي
روحي وي روحك يبوية .. شابكـــتهة بنومــتي
من يجيني بطشت راسـك .. راح اودع دنـيــتي
موتي منتظرة وحك جدي .. ودمعي ما فارك ابد خدي
عمري فدوة ايروح الك
يمتى اشوفك ااسالك
صبري خلّص والحزن راسي
؟..........................................؟
والله عيب النفس بيــه ... وانت ما ظــلك نـــفس
فشلة اشوفا جبدي سالم .. وانت بي رمح انغرس
خايفة مـن يمك اكرب ... عالصدر انظر فـــرس
جم لعين بــيوم عاشــر ... جسمك الطاهر رفــس
خاف اجيك وانظر اجروحك . من عسن روحي كبل روحك
يا اماني وضحكتي
ظلمة بعدك دنيتي
فأكدة أصبح بيهة احساسي
.............
بوية ما يقبل ضميري ... اعتنيك ابـــلا جــــــرح
اشلون اكصدك نحري سالم .. وانت نحرك منذبح
راسي فوك اجتافي كاعـد .. وانت راسك عالرمح
ريت ملك الموت اخذني ... كـــبل لا هـل الصبح
ريت كبــلك بــوية ذبحوني ... ولا تشهاهد ذبحــك اعيوني
يالشــــفاهـــــك ذابلة
اعليك روحي امعلعلة
ما رحم بينة الزمن قاسي
.؟............................؟
عمتي زينب عكب عينك ... حيراهة امـــر السبي
المصرعك تركض شفتهة ... لجن طكه الناصبي
صاحت بصوت الــيتامة ... كــــوم يــبن الطالبي
حــركو اعلينة المخيم ... حـــركو اعلينة العـــبي
لـومة خـوفي عليك محبوبي ... جان راويـتك حـرك ثـوبي
لجن بيك انه احس
منترس غيرة ترس
حالتي اتهضمك ينبراسي
.....
رايحة الصوب الشريعة ... للكفل خدر الســـمة
ارد اخـــبرنة الحراير ... بالهموم امحـــــزمــة
وارد اكلة سكينة بعدك ... عمي صاباهة العمـة
جارت اعلية المصايب ... مــثل امـــك فاطمـة
رايحة امشي للكــفل زيـــنب .... ارد اشوفة خـــدي المـــترب
الكــمر هـــاشم رايـحة
بالمـــدامع سـابحـــــة
شكــــوتي يسمعــــهه عــــــباسي
......
كلمات
موسى الخادم
جابولها بطشت الذهب راسه
سابح بدمه وكاطع انفاسه
اتلكته بكلمة يا هله
يالفــاركتني بكربله
....1....
من سمعو بواجيها ... المسلوبة تراجيها
جابو الها راس حسين
صاحت يا هله بجيتك .... ليك اشتاكت ابنيتك
كل هالمدى غايب وين
ماجنك شهر غايب علي جن غايب ادهور
بوية اوداعت اعيونك عليك اكليبي مفطور
صارت من بعد عينك كل ايامي عاشور
لا تسالني عل الاحوال بعدك فاكدة النور
راحت اعيوني امن البجي راحت
والضحكه وياك بعجل راحت
وياك جنت امدلله
....2.....
فزت من حلم دافي .... ركضت وبجدم حافي
ياعمه تصيح الصوت
ابوي احسين اريدنه .... شوفي ما شبع منه
ااحضننه كبل ما موت
ياعمة السفر شو طال يمتى ايعاود الغالي
ماظل كل صبر عندي وتاليته الصبر تالي
ماعندي امنيات اهواي هو كلشي بامالي
احضننه كبل ما موت اشوفه كاعد اكبالي
ماعوداني اعله الهجر وينه
شهر انكضه ما لامسه ايمينه
زعلان مني ارد اسأله
....2....
وصل للظالم ابجاها .... كاللهم منو اوياها
كالو طفله ابوها اتريد
كلهم ودو راسه الها ... كالو خاف يكتلها
خلها اتموت كال يزيد
من شافت رقية الراس صاحت ياهله بجيتك
ليش ابلاية جسمك جاي وين اتنيم ابنيتك
يا عشك الله سابح ليش بدماك انه شايفتك
اخر شوفه الي وياك طول ابطول شابكتك
متغيره ليش ارسومك الحلوه
ابحالك يبوية الظالم اشسوه
ليش الشفايف ذابله
يالــفاركتني بكربله
....3....
نامت عالطشت تبجي.... جنها الماي ما تحجي
شبكت راس ابوها بنوح
ما حركت شي بيها ... زينب ركضت اعليها
لكتها امفاركتها الروح
ناداها علي السجاد عـــمه الطفله ارفــعيها
جف الموت اخذها ابساع ماتت من بواجيها
الله ايعظم اجرج كون ابدمع العين غسليها
وبراية كــمر هـــاشم كفيلج عـــمه غطيها
جانت اعز ما يملك حسيني
عمه ابدفنها فدوة عينيني
ونكتب وصيتها اله
يلفاركتني ابكربله
.......
تمت
......
موسى الخادم
مو جن شهر جن يومين... ابجينه ولطمنه اعله حسين
أعظم عبادات
خلصت حرامات
....1...
الف هنياله الخدم لحسين مأجور
هالشهر يختلف عن كل هاي الشهور
فاطمه اسجل اسامي احباب عاشور
واللطم لحسين ابنهه ادكله مشكور
حاضره ابدمع الاعيون ... اتسجل اسامي اليبجون
تحسب اللطمات
خلصت حرامات
......
_2_
كون شهر حسين ما ينعد بالايام
يبدي من اول العام الاخر العام
واليكول انمله يظلمنه يخدام
بينه جم مليون متحزمين اله احزام
شهر الحزن بينه ايعيش... واليسال اشلون وليش
يشوف العزيات
خلصت حرامات
_3_
بسرعه عدت هالليالي شنو الموضوع
ما شبعنه امن البواجي وسيل الدموع
عدنه جم عابس بذبح حسين مفجوع
ينتظر شهر المناحه بكلب موجوع
العايش مصيبة الانحور ... يحسب احساب العاشور
ايام ساعات
خلصت حرامات
_4_
الحضر هاي المجالس الله حباه
باجر ابيوم الحشر ما تبجي عيناه
ما يطيح بشده كلمن بجه المولاه
والخدمله ابكلب صافي الزهره ترعاه
يوم القيامه الزهراء ... اصيح الخدم بالاسماء
يهل المواسات
خلصت حرامات
_5_
كلشي يتلاشه ويزول ابمر السنين
بس يضل للدوم خالد خادم حسين
والدليل انطيك حمزه وملا ياسين
عاشو بحب الحسين وهمه ميتين
كل مجلس الهم عنوان ... خدمو صدك للعطشان
دون اعتبارات
خلصت حرامات
_6_
ننتظر جيت المهدي الشابع أجروح
ونكعد اوياه نحي مجلس عامر بنوح
ما يخلص ابساعه وحده وقته مفتوح
لحد ما نشبع بجي اعله المات مذبوح
عالصدره بالخيل انداس .. اويه المهدي نلطم عالراس
وانرتل ايات
خلصت حرمات
........
تمت
كلمات
موسى الخادم
اجت اجت ... روجت المشاية
خدم خدم ... يله علكو الراية
...1...
مشايه اعتنو
لحسين التجو ... حياهم
كل خطوه بهله
منا الكربله ... حياهم
من كل جهات الكره الارضيه
مشايه اجو للاربعينه
كثرة عددهم ميه بالمية
لحسين عقدو عقدو النية
ماخالف واحدهم راية
...2...
علوها بصفر
رايات الفخر ... محلاهم
غطوها الارض
بالطول وعرض ... محلاهم
شدو رحلهم واعتنو كلهم
عافو شغلهم عافو العدهم
يوم اربعين حسين سيدهم
عين الشمس ما تكدر اتسدهم
روجه اطك روجه المشايه
...3...
ماهم تعب
واحدهم عجب ... شفناهم
مضحين النفس
انطو جم درس ... شفناهم
ضحو بكلشي لجل ابو اليمه
مشايه اجو جابتهم الهمه
واحدهم ايعادل الف زلمه
عطر الرجوله منهم انشمه
وفاية ونعم الوفاية
...4...
من غرب وشرق
على كل الطرق ... ممشاهم
روجات البحر
نقلوها بصور ... ممشاهم
نقطت بدايتهم متتحدد
من اخر الدنية اجو وابعد
سفرت مشيهم عامره وتمتد
عشرين مليون العدد وازيد
من غير الخدام اهواية
....5...
رايتهم ترف
كل خطوه ابالف ... هنيالهم
الماشي للنحر
ذنبه مغتفر .... هنيالهم
اصبح حديث الساعه ممشاهم
شيب وشباب اعتنو مولاهم
طالع المهدي يمشي وياهم
وبرايته الكافل تلكاهم
شربهم من جوده ومايه
.........
تمت
كلمات
موسى الخادم
مشت للشام مو برضاها كَوه
وعلى التربان عافتهه الاخوه
الله اشمصيبه
زينب يا غريبه
....1....
مشوهه بحبل مجتوفه زينب
وتتراكض وراهه ايتام تنحب
احتارت حيره ما منهه والأصعب
حيرت زينب بشوفت رقية
...2...
وحيده ابلا أهل وبلا كَرابه
مشت واخوتهه ظلت عالترابه
مكسوره اطلعت بنت النجابه
تصد العين للبيهم حمية
...3...
الهضيمه عالهزل زينب خذوهه
بعد ما ماكطَّعو جفين اخوهه
كلام اليجرح اشكد سمعوهه
غير الخارجية والسبية
...4...
الجانت عد علي مثل الاميره
اليوم ابشام امية امست أسيره
اباب الساعه وكفوهه الجبيره
على العباس واعله حسين اخيه
...5...
طول الدرب زينب تجري دمعه
عل بالخيل طحنو طحن ظلعه
ثلث تيام ظل جسمه اعله وضعه
ابحر ذيج الشمس بالغاضرية
.....6....
لعند ايزيد دخلوهه الملاعين
وجابو راس كافلهه والحسين
زينب وينهه اوين الدواوين
صاح العرش بوجوه ال امية
.....
تمت
كلمات
موسى الخادم
شفت رؤيه الخيل من تسحك عليك
رايحه وجايه اعله صدرك واعله اديك
وزينب على التل من شفتها
واكفه ابلا طول ما تكدر تجيك
.....1....
وكأني بعالم الطف ... واكف اكبالك بلا جف
وانت طايح عالوطية ... للخيم ما بيك تزحف
جاري دمك من جبينك ... كوه تفتح لية عينك
والرمح جاثي اعله صدرك .. والسهم كاطع ونينك
وحدك ابلا ناصر ابين الالوف
جسمك مكطع بالرماح وسيوف
جروحك صعب واحد يعدها
اجروحك اكثر من الف تحجي الطفوف
......2.....
كلشي برسومك تغيّر ... ذابل امن اضماك والحر
مو نفس صوره الي عندي.. وجهك اهنا صاير اصفر
صافن وشمر اعتنالك ... وانت فكرك يم عيالك
على نحرك سيفه شفته ...مارحم يالغالي حالك
من كَفه حز منحرك يابو الرضيع
وشال راسك وانت عالغبره صريع
عطشان اخر ما كلتها
منظرك بجه الصخر منظر فضيع
...3...
حاوطوك ابكل حقدهم ... جن فريسه انت عدهم
هذا راسه ايكول الية ... وذاكه ما بطل نشدهم
وين سيف حسين اريده ... ارد اكطع بي وريده
محبس الخنصر اليه ... اخته مو يمه بعيده
اكبالي من كلشي اعله جسمك سلبوه
حتى ذاك الخاتم البيدك خذوه
يل ما كَفاهم حز ركَبتك
ردو اردود اعله طولك كطعوه
.....4......
ساعه والخيل اعتننك ... من هدومك جردنك
من كثر ما بيك رفسن ... بعيد عن زينب خذنك
اقترب ليك وتردني ... خيل اميه دوهنتني
بحلمي ما املك جفوفي ... هي هاي الالمتني
جفوف ماعندي الاهد بيها حُسين
بالحلم جني بلا يسره ويمين
ابجي الك بس خلصتها
روحي وي روحك خذتها يالحنين
....5....
روحي راحت للمخيم ... شافت الدخان ملتم
شافت النيران وصلت ... خيمه السجاد تلهم
وزينب ابحاله رهيبه .... محيّره العظم المصيبه
مدري تطفي النار بيهه ... مدري برقيه الحبيبه
النار مشتغله بعبايتهه و تصيح
خايفه الخيمه اعله ابو الباقر تطيح
لو تحترك ما همهه هيه
همهه جانت عيلت حسين الذبيح
....6....
هذا كله بلحضه شفته ... مقتلك هسه عرفته
السولفت بي زينب اختك ... صورة صوت انه حفظته
فرهدوك أبلايه رحمه ... ماكو مثلك جاري دمه
عالرمح راسك يغالي .. وجسمك امطشرين لحمه
اموزع اعله الكاع من كل الجهات
كلشي ما ظل بيك سالم عالفرات
يل لحيتك بالدم خضيبه
هيجي شفتك يا شهيد التضحيات
....
تمت
كلمات
موسى الخادم
شالو عالرمح راسه
والدم كاطع انفاسه
مسلوب الجسد عاري
وحافرهم غدر داسه
....1...
عمت عيني هواي تعبان ... مو مثل شكله الصبح
وين جان وصار الحسين ... غير ارسومه الذبح
من بعد ما سحكته الخيل ... راسه شالو عالرمح
وفوك كل طعنات السيوف ... الحافر ابصدره يلح
بيهه اشعملت الوادم
ما خلت ظلع سالم
بالخيل اسحكت صدرة
وهوه اعله الترب نايم
....2....
شرد اسولف عن الحسين ... كل الاسوالف قهر
من بعيد واسمع الصوت ... جم عظم منه انكسر
اخ يايمه يزهراء .... لو تشوفين الظهر
عالصدر عاينته مطبوك ... والنحر دامي النحر
مطبور ١٢ طبره
والسيف اثلم بنحره
هذا الشفته بعيوني
وردتج يمي يا زهره
....3...
على التل وكفتني الارياح ... حيل مابية بعد
الشمر يذبح بالحسين ... عاينته من بُعد
شال راسه وشال وياه ... كلبي البذبحه انمرد
كلشي بيه يم الحسين ... راح يم راسه كعد
عطشان انذبح يُمه
والماي العذب يِمه
يبست شفته محبوبي
وروه العلكمي بدمه
...4....
يمه ظل حسين مطروح .... عالترب محد اله
صرت اعد لليل ساعات ... حتى اروح المقتله
اطلعتله ابآخر الليل .... وشفت دمه امغسله
امطشر اعله الكاع مذبوح ... لحمه تارس كربله
منظر مو سهل وصفه
رجله مكطعه وجفه
والحافر وسط صدره
نابت والرمح صفه
....5....
الحجيته كله الج هاذ . .. يمه مو كل الحجي
خاف اكلج جابو النوك ... واكثر يصير البجي
هزله وبلاية محاميل .... حيره او ردت انتجي
بالحــبال أمكـــيديـنه .. وجيّت اخواني ارتجي
يا يمه السبي هدني
بسياطه يطك متني
وذباح اخوتي اكبالي
هايه الهيه هضمتني
......
كلمات
موسى الخادم
يا الله القصيدة الثالثة لنصرة القرآن الكريم
#نصرة_القرآن
#اللهم_لاتحرمنا_من_نصرة_القرآن
أداء الخادم : يوسف الصبيحاوي
كلمات موسى الخادم
إخراج : عبد الله القطراني
مجلس عزاء الاسكندرية : هيئة الصديقة الطاهرة
رابط القصيدة كاملة 👇
https://youtu.be/rdkm-2rWzvo
ونسأل الله القبول ونسألكم الدعاء 🤲
#نعم_نعم_للقرآن
#يوسف_الصبيحاوي
الــــف وتسعمية جــرح
فوك السحك فوك الذبح
بحسين ابوي الغالي
...1...
بالحصيره لملمت جسمه واجيتج عمه
امطشر اعله الكاع شفته وحرت بيش انلمه
كل جرح بجروحه شابك جرح ثاني امدمه
اه لو شفتي الجراله موتج ايحل يمه
اعظامه كلها امكسره
التراب دافن منحره
ياعمه شيب حالي
.....2....
حسين اذاني يعمه حسين حيل اذاني
كل جزء من جسمه اشيله ايطيح يم الثاني
حاولت أرفع أضلوعه الرمح ما خلاني
وحافر الخيل اعله صدره من دمه بجاني
من كثر ما جسمه انفرس
ابصدرة انكسر حافر فرس
هذا النظرته اكبالي
.....3.....
عمه كلشي منه ما ظل سالم اتحبينه
بالرماح وبل سيوف الوالد امكطعينه
حتى ثوبه املسلبينه وخنصره البيمنه
دوريت اشكد عليه ابكربله امضيعينه
والمنظر الاكثر صعب
عمامة ابوي اعله الترب
لساهه تتراولي
...4...
احفرت حفره جبيره حتى اوسده ابراحه
لان عبدالله اعله صدره وخفت ازيد اجراحه
منحره لساعه نازف مي عذب ما لاحه
الله لا ينطي ال اميه ولا نطه ذباحه
ذابح نحر شابع عطش
كدامه نهر الله انفرش
وعطشان مات الوالي
......5.....
ما اسولف بعد اكثر خاف ازيد ألامج
كافي الهموم الي بيج ومتنج وايتامج
كلشي بالطف ما تغير فقد نار اخيامج
منهه ظل ارماد عمه وذكريات ايامج
الجربه والجف والعلم
ومهد الرضيع الكله دم
وصيوانج الظل خالي
.......
كلمات
موسى الخادم
محد فزع زينب الــج ... ليش
فرهد زمانج كل هلج ... ليش
ليلة الحادي مساهره ...
يازينب المظلومه
....1....
يا ذنب بله الجنيتي .... بالحبال اتكيديتي
واخوتج مو يم خيامج
لحضه الي اتيسريتي
ياكبر صبرج يزينب ... شفتي ابو اليمه تسلب
وللخيول الاعوجية .... صار اخيج جسمه ملعب
يمه وصلتي ابيا تعب ... ليل
عالكاع طحتي مو عجب ... ليل
كل هذا شفتي وصابره ...
.....2.....
حرمه بين ازلام كثره ... شابجه العشره اعله عشره
عجب ايدج ما رفعتي ... يالدعائج الله يقره
ركضتج موسهله صعبه ... عثرتج معناهه ضربه
انتي ستر الله يزينب ... وسفه صرتي ابين غربه
ما لايك اعليج الحبل ... دوم
لا لايكه اعليج الهزل .... دوم
خدر الله انتي الطاهره
....3....
يل عليج الخيمه حركو ... ومتنج ابلا رحمه طكو
هذا كله اتحمليتي... الصعبه جانت صدره سحكو
غالي جان اهوايه عندج... ابن امج خال ولدج
حسين ابو سكينه ورقية .... ابطيحته خلاج وحدج
يا حيرتج بعد الذبح ... موت
ما ردتي يطلعلج صبح ... موت
يفجع دليلج منظره
....4....
صعدت التل ماهي هينه .. بس سمعتي حسين ونه
كلشي مامر اعله بالج .. غير كلمة يا اهلنه
من شمر كرب ينحره ... صحت حضريلي يزهره
حسين راح ايروح مني... الشمر جاثي اعله صدره
عالتل وكفتج تنحسب ... عام
كل لحضه بيهه تنكتب ... عام
شيبج كطعت منحره
...5...
من خلص عاشر محرم ... البيه كل امصاب ملتم
المصرعه ابيا حاله رحتي .. شفتي طوله السابح ابدم
رمح البكلبه سحبتي .... يالعقيله لو تركتي
وسهم المثلث يزينب ... جبده طشر ما عرفتي
لملمتي جبده والظلع ... اه
رويتي شفته بالدمع .... اه
ايعينج الباري عالجره
...6...
لوعت الحادي اشكبرهه .. مو سهل يصعب امرهه
جم مصيبه وكسره شفتي.. بيها ما يصعب جبرهه
حالج الله ايعينه حالج ... امجمعه اكبالج اعيالج
وكلهه صوت اتنادي عمه ... انريد ابونه ما اجالج
جان الجواب بصفنتج ... نار
تشبه الحركت خيمتج ... نار
وسط العيون مجمره
.......
تمت
كلمات
موسى الخادم
عبدالله حيل اذاني .... سهم بركبته اجاني
جلمة دللو يبني .... ماتت وظليت اني
...1...
العطش أذى ابني يا ناس وخذيته
العمته زينب بلكت اتهود بجيته
يابسه اشفافه يويلي ودعيته
كلبي حس ما يرجع ايروح المنيته
فتح اعيونه اكبالي .... ناغالي بس مو عالي
مبحوح صوت اوليدي ... حاله اشد من حالي
.....2.....
بي مشت زينب لخوهه تشتكيله
خوية عطشان الطفل برد دليله
اخذه بلكت ماي يروه ويرد حيله
من العطش عبدالله ساهر كضّه ليله
ذبلان أبنك شوفه ... كوه يحرك اجفوفه
كوه يجر بنفاسه ... يحسين لا تعوفه
....3....
راح فوك اجتاف ابو يطلبله ميه
رجع متروي بغدر سهم المنية
مني راح ابساع ابني شلون بيه
وانه جنت احسب ازفه ابهاي اديه
حسبَته اشوفنه اكبر ...كد قاسم ابكد الاكبر
ماحسبت موته اهنا ... بعمر الاشهور امطبر
...4...
الله لا يحرم كَلب ام من ضناهه
المات ابنهه اتموت من ونهه وبجاهه
وثوب الاحزان ابد ميفارك ضواهه
ليل وانهار وصبح يركض وراهه
ما ينتهي حزنهه ... الدفنت بديهه ابنهه
تكضي العمر مفجوعه ... حد ما تطب جفنهه
...5...
كربله من عندي باكت احله عِشره
طفل مثل الوردة ست أشهور عمره
صابته بسهم المنيه الكطع نحره
ولية عافت مهد خالي البيه عطره
واكماط بالدم غارك ... امفارك حبيبه امفارك
هذا الشفت بعيوني ... غير الحرك والساحك
.......
كلمات
موسى الخادم
الليلة العاشره / ليلة الوداع
Читать полностью…
يبني ياعلي ... يازين الشباب
ترجع للخيم ... انطيني الجواب
بالموت لا تحجيلي ... ادعيلك وتدعيلي
...1...
يالعازم اتريد الحرب ... عينك ييمه اعله الدرب
لاتفجع الروح بخبر ... موتك يالاكبر شي صعب
خوفي عليك امن الاجل... ادعيلك اتردلي بعجل
يالعندي اغله امن النفس ...انطيني كلمه بيها امل
يا حلو الوجه ... يلتشبه حُسين
لطّول البُعد .... بعدك امشي وين
يا نجمه وتضويلي
ادعيلك وتدعيلي
....2....
يالوجهك احله امن الكمر... عاين علي دير النظر
راسك ارفعه يا علي .... خليني اشمك بالنحر
يالشوفتك عندي دوره .. بعدك حياتي ابلا ضوه
بالك ييمه امن الغدر ...اعليك انه اخاف امن هوه
لو تحصل بدَّي ... ماعوفك تروح
جا ويه النفس .. ضميتك يروح
بعدك اساهر ليلي ... ادعيلك وتدعيلي
...3...
اجل وداعك ياعلي ... ساعة زمن ظل يبني الي
وياك اريد اكعد اون .... يا اغله كل ناسي وهلي
راح ادعي لك دعوة نبي ... سالم ترد يبني الابي
اوداعك يعيشني الغرب ... وينقل حياتي للسبي
بوداعك احس ... كلشي البية مات
بعدك ياعلي .... ادموعي جاريات
يمي انت وانهد حيلي ... ادعيلك وتدعيلي
...4...
يالعمرك بعمر الورد ٠٠ كل خوفي تمشي وما ترد
يالتحمل اوصاف النبي...اعليك اشكثر جنت انحسد
لاجمني كلبي امن الصبح ..شو جني اشوفك منذبح
من مصرعك جتني صور.. مو جرح بيك اجم جرح
جاي انظر الك .... مو نفسك هذاك
مهشوم الصدر .... واسهام بكفاك
ياجرح اشد يا ويلي ... ادعيلك وتدعيلي
...5...
يا طلعتك من الخيم ... تترك وراها شكد ألم
كل خطوه تخطيها برمح .. يرميني هجرك مو سهم
اعليك المنية امحزمه ... وامك عليك امعلمه
ما ادري اعوفك مدري اضل .. بيدك ورجلك لازمه
يبني لا تروح ... يمي ابقى ارتجيك
كلشي ابداخلي .... ظل يبجي عليك
بعدك منو ايتجيلي .... ادعيلك وتدعيلي
.........
تمت
كلمات
موسى الخادم
.....
طفو الشمع .... جاسم رحل يزينب
طفو الشمع ... بدم هامته تخضب
حنته صارت من دمه المنحر
ودعته مثل اوداعي للاكبر
......1......
هذا جاسم بين اديه ... جبته الج ياعمته
كوه واكف على حيلي .. ألماني بطيحته
عظم الله اجرج يزينب ... خوية طفو شمعته
حنته اسيوف المنية ... والسهام الزفته
راح وترك .... وسط الكلب حسرتي
راح وترك .... صورة ذبحته يختي
راح وتركني ابحالة المضطر
....2....
خوية يا زينب تعالي ... مسحي عن وجه الدمه
وصيحي رمله خل تشوفه... شوفه اخيره مؤلمه
بالصبر خل ندعي الهه ... أبجاه امنه فاطمه
المثل جاسم ابن عدهه .... بموته تنصاب بعمه
جرح الابن .... ما يشفه للمنيه
جرح الابن .... من ساعه عايش بية
من جبت جاسم وانه اتعثر
...3...
بخيمته خليني اوسده ... تعب من كثر الزحف
بهيده لنفزز جروحه ... وترجع الاول نزف
شمحله دورت وجه خوية... من محمد بي عرف
وسفه صارلته الترابه ... اوساده ابو خد الترف
وسفه انذبح ... صاحب اعيون الحلوه
وسفه انذبح .... بعده العمر ما يسوه
من هل الزمان اشانتظر اكثر
.....4.....
مثل الاكبر ودعيته ... بدمعت اعيوني التصب
طولي مديتها اويه طوله...وعفت حيلي اعله الترب
اه يا فكده يخيتي ... مو سهل كلش صعب
بالحسن ذكرني موته .... واشتعل نار الكلب
كلش صعب ... فكده صعب يزينب
كلش صعب ... من هسه خلاني انحب
واكف اكباله مثل المحير
....5....
اشلون طاوع للمنيه ... السيف يكطعله النحر
ما نظرله ازغير عمره ... طلع لدورب الخطر
توه خطتله الشوارب ... وابتدا يحجي بفخر
باجر اكفل عمتي زينب ... مثل عباس الكمر
باخر نفس .... سامحني ناده عمي
باخر نفس .... كالالي كرب يمي
ايروح الك فدوه راسي والمنحر
.......
كلمات
موسى الخادم
جبده نفض بالطشت ... وانه اعله وجهي طحت
من شفته كوه ايلاكف انفاسه
يبن امي بالهم صحت
.......
كبل الخيم ما تحترك كلبي احترك عالحسن
وصورة ابخيالي اجمعَّت هالليله ليلة محن
اليشبه رسول الله وعلي باجر يلفه الجفن
هالصوت اجاني امن السمه ساعات اخيره بقن
كومي استعدي بعجل ... كرب لخوج الاجل
خلي يودع كل هله وناسه
لا يبقى عندج امل
.....
من عاينت جبد الحسن صاير وصل بالطشت
ماكمت اشوفن واعثرت بدموعي يمه وطحت
ياخوية شنهو اليوجعك يبن امي بالهم صحت
فتحلي عينك يالاخو لختك منو لو متت
نزلت دمعته وبجه ... بس كلمه وحده حجه
ودعيني كَلي والوجع جاسه
حزني اعله حزنه انتجه
....
لحسين اعاين منكسر مثل انكسار الظهر
وبعينه ما ظل كل دمع كلهن بجاهن قهر
وعباسي من كثر الحزن كابر دهر مو شهر
شفته عالاخو شابع هضم وعيونه اخذها السهر
مثل الكمر منخسف ... واكف لجن منجتف
ما صد الية ولا رفع راسه
ودموعه تجري وتجف
.....
جان الحسن عون وسند لخوانه كلهم والي
وبموتته كلشي انتهى والهم صبح معتلي
السمم جبدته بالغدر نفسه الطبرلي علي
سم الغدر سم الحقد من عندي اخذ كل هلي
بيه الزمن ما رحم ... واشهودي باب وخيم
ما راعه شخصي وراعه بس ناسه
جرَّعني كاس الالم
.....
جرح الحسن اول جرح وحسيني ثاني جرح
طف الحسن ما بي ذبح بحسيني صار الذبح
من كربله جتني صور جم راس فوك الرمح
وجم خيمه نار اموجره امن الليل حد الصبح
جم طف كتبلي الدهر ... طف الجبد والنحر
وطف ثالث اعله المشرعه احساسه
راسملي صورة نهر
......
موسى الخادم
......
راسك عالي ... وانا ابالي ... احضن راسك
يابعد اهلي ... فدوه انزلي... احضن راسك
يابو الحمية ... رد الرقية
....1....
اشلون اوصل الراسك
يالرمحك اطويل
اشما ارفع اطرافي
ما لوحه يا هيل
انزلي محبوبي
ما ظلي كل حيل
من نار المخيم
من هجمت الخيل
تعال .... انزل عليك ادموعي
تعال .... شبعن سياط اظلوعي
تعال .... يبن الزجية ... رد الرقية
....2.....
يا بوية حاجيني
ما تحجي وياي
زعلان من عندي
لو تبجي لبجاي
عشطان يا روحي
لو شارب الماي
سكتتك اذتني
يا نظر عيناي
عليك .... ما بطلت وناتي
عليك .... صارت صدك مأساتي
عليك .... الله ونبيه .... رد الرقية
.........
.....3 .....
كلشي انتهى بدونك
يل عني بعدوك
ميته ولا شفتك
بالخيل داسوك
مو انت الاحنين
جا ليش ذبحوك
ما رحمو ابحالي
كدامي سلبوك
اروح .... المن بعد حاجيني
اروح .... يا حضن اليدفيني
اروح ... وين المسية ... رد الرقية
.......4 .....
يا بوية واعيونك
ما ظلت اعيون
كلما عليك ابجي
اعيوني يسطرون
هو انه كل عمري
اربعه يدرون
ما احتمل ضربة
لا سوط بمتون
تشوف .... يا بوية ما رحموني
تشوف .... وكعو ضرب لمتوني
تشوف .... مجوية ادية .... رد الرقية
....5....
كلما اصد عيني
بعيوني الكاك
ما فاركت شوفك
اتماشى وياك
نحرك يبعد اهلي
منة جره دماك
جا هاي جانتلي
ابجي اعله مبجاك
حرام .... عالرمح كاعد راسك
حرام ..... امفارك اعز كل ناسك
حرام .... امشي سبية .... رد الرقية
....6....
بالشام موعدنه
نتلاكه بدموع
وسط الخرابه اكعد
اعلكلك شموع
يجيبون الي راسك
عن جسمه مكطوع
اغفى على الحيتك
والبجي مسموع
اموت .... والدمعه فوك اخدودي
اموت .... عطشانه ماي اورودي
اموت .... بأحله منية .... رد الرقية
......
تمت
كلمات
موسى الخادم
ابزحمة الليل اعتنيتك ... سابح ابدمك لكيتك
بابا حُسين ... بابا حُسين
...1...
كوه اجيتك على اطرافي امشي كوه
امحركات اجدامي راحن الك فدوه
جابني شوكي الك مشتاكه بوية
عده يوم وما شفت عينك الحلوه
وينه راسك ما اشوفه ... كاطعينه ابلايه خوفه
يا ضوه العين
...2...
جيتك اتختل يبوية من شمرهم
خاف ينظرني ويضربوني يكلهم
امن الظهر ليهسه الاسياط اعله متني
هاك شوف امتوني يرضالك فعلهم
جنت من الهوه اتضمني ... هسه ازرك صار متني
يرضي يا دين
......3.....
جيتك وجابتني الك ذيج المحنه
الجنت تنطيهه اليه ابيت اهلنه
كوم يابوية احضن ابنيتك رقيه
لسه ما كاطعه من عندك الضنه
مامعودني اعله بعُدك... احجايتك متموت وحدك
احنه الاثنين
....4....
بويه ما ترضاها انام اعله الترابه
فدوه لملم جسمك واكعدلي يبابه
خايفه امن الضلمه ما أخفيك خوفي
جدمي وحده اتعنه الك مو حيلي جابه
بابه بابه انه رقيه .... جبت الك ماي ابأديه
وين اصب وين
....5....
ماخذ امجاني الرمح ماخذ مجاني
اشلون اشبكك يا بعد عمري و زماني
والسهام اهواي مزدحمه اعله صدرك
مدري اوخر رمح مدري اسهام اني
حيل محتامة ارد ابوسك ... خايفه امن اعبر ادوسك
نحرك امنين
....6....
يمك أشعر بالأمان وانت يمي
ليش عايفني وحيده وكلبي مدمي
اجفوفي مجويات بويه اشلون الزمك
ثكل همي اهواي بعدك ثكل همي
كوم خلي ابأيدي ايدك ... انه واسكينه نريدك
كوم يحنين
.......
تمت
كلمات
موسى الخادم
يماشينه يماشينه ... نهج حبك يماشينه
...1...
عقدنه النية مشاية ... الك والصاحب الراية ..
يبو الاحرار وفاية ... عهدنه اوياك وقعنه
نعيش انموت تلكانه... على اعتابك يمولانه
الك خالقنه سوانه ... يمن بيك الله رافعنه
يوالينه يوالينه ... فداك الكل يوالينه
....2...
نجي بكل اربعينه ..نواسي المشت مسبية
يسلطان العزوبية ...فلا نتركها الزياره
الك فدوه التعب فدوة .. يمن بيك التعب يسوه
يصاحب ضحكت الحلوه ... فداك العمر واخباره
عشت بينه عشت بينه ... يبو الاكبر عشت بينه
.....
....3....
نظل طول العمر نمشي ... الك يالاغله من كلشي
يل امسوينه من لاشي ... على اعناد اليعادينه
الك بس العشك يحله .. يااغله امن النفس واغله
بعد من العسل أحله ... على اعناد اليكرهونه
يغذينه يغذينه ... عسل حبك يغذينه
......4......
اليكصدك عالجدم حافي .. يحبك موش متعافي
يمن كل العلل شافي ... طبيب ابلاية كشفيه
اليكرهوك ويكرهونه ... مجانينك يسمونه ...
شرف هذا وميدرونه ... قرينا احله لطمية
يعادينه يعادينه ... دخل الكل يعادينه
.......
5
يعشك الله الفتح بابه ... مضيفه امكفي لحبابه
بذل كلشي على احسابه ... منو المثلك يبو اليمه
ادينه ابمايك اتوضن ... وبيك ايامنه اتحلن
الف شكراً الف شكراًّ ... جبتنه العالم الخدمه
تمنينه تمنينه .... حصدنه ما تمنينه
6
نحس بالمهدي ينظرنه ... يواكلنه ويصورنه
يماشينه ويركضنه ... ترف ابيمنته الراية
مسافات البُعد تُطوه ... الف خطوه نحس خطوه
سوالف كربله حلوه ... شهدهه اليمشي مشايه
تقوينه تقوينه ... قصص ذكرك تقوينه
تمت
.......
كلمات
موسى الخادم
صاحب حظ بخت رايد ..يحجيلي على الشام
اشلون ابزينب افترو ... سوك الحارك اخيام
بعد الجان كافلهه
...1...
يالسامع سؤالي رايد اجوابه
كبل لا نبدي اه يحسين وامصابه
اشلون ابزينب افترو هذاك السوك
متكيده ابحبل والدمعه سجابه
ماصرت قبل حرمه .... تجتف بالحبال
من ديره لعد ديرة ... تمشي ابين الارجال
والمستحه كاتلهه
بعد الجان كافلهه
...2...
اعله باب الساعه وكفت كلي جم ساعه
وياهو استقبلاهه والخدر راعه
كعدت بالشمس لو كعدت ابفيه
اخت كافل خواته الكطعو اذراعه
ياهو اليقبل اعله اخته .... تدخل ديره اغراب
وبحر الشمس توكف .... ساعات اشهل المصاب
اشلونج محد الكلهه
...3...
بشام اهل الغدر ياهو البجه اعليهه
وعليهه شالته الغيره وفزع ليهه
وحيده ابلا اهلهه ابديرة الغربه
تحشم يا غريب الكال نسبيهه
هم بيهم فزع واحد ... كال اخت الكمر هاي
ليش ابلا اهل جايه ... وين اخوتهه الهواي
ليش الهزل تحملهه
....4....
ياموقف اشد بله اعله زينب مر
طبت سوك امية لو شتم حيدر
لو طبت الدواوين الاشد عدهه
لو جتال اخوهه اليمهه يتبختر
يا موقف اشد خله ... زينب نازفه اجراح
كطعت راس ابو الاكبر ... لو كافلهه من طاح
ياموقف الزعلهه
....5....
شمَّاته اشكثر جانو ينظروهه
وهم بخوتهه مذبوحين ذكروهه
اه يالشام اه يالشام اه يالشام
مصايب زينب امن الشام اكتبوهه
شافت جم مصيبه اتهد ... بيهه اضهور الاسنين
دخلت بابهه وشافت ... امعلك راس الحسين
اجروحه الرمح شايلهه
....6....
ويضل اخر سؤال ابالي أسألنه
الما الكاله كل جواب اعرفنه
ياهو النزلاهه من على الناكه
من وصلت لعند الشام يا هلنه
راح الجانت ابجاله ... حيل امدلله حيل
من كطعوله جفينه ... زينب فكدت الحيل
راح وراح كلشي الهه
بعد الجان كافلهه
.....
تمت
كلمات
موسى الخادم
كبل ساعات ما ينسمع صوتك
جنت محتار بينك بين موتك
هسه اتفرعنت والسان الك صار
راح الجان المعيشك بلوتك
....1....
وكت خلاك تحجي وصوت الك صار
وانت الجنت خاتل خلف الاستار
لو عباس ما مكطوع الاجفوف
تضن توكف اكبالي بهذا الاصرار
راح اليخرس الموت
وصرت اسمع الك صوت
شفت بدنيتي اشكال
واسمي ابفخر ينكال
انه زينب
.....2.....
يمن صايرلي قائد هسه عالكوم
ما واحد سمع بسمك كبل يوم
من جان الكمر عايش جنت وين
اكيد امن الرعب كاضيهه بالنوم
ابعينك باين الخوف
حتى بكطع الاجفوف
ما حسبك على الارجال
واسمي بفخر ينكال
تبقى حره زينب
...3...
زينب بت علي اَنه الاحاجيك
اذلك ما تذلني بصبري ابجيك
اخت عباس انه واخت الحسين
بالك ترفع ايدك اكسر ايديك
كافل خدري عباس
طرف لو مني ينجاس
يرد عايش الكفال
واسمي بفخر ينكال
انه زينب
....3....
شوف الجيش هذا بعيني انضره
اصبع من أصابع علي العشره
متخوفني لا انت ولجيشك
انه اخت الهواشم واسمي اقره
كفيلة هاي الضعون
اراويكم تشوفون
عزمي ايهد الاجبال
واسمي بفخر ينكال
انه زينب
....4....
جبل شامخ أنه الحره العقيله
متحركني الارياح الثجيله
المثلك يصعب اعليه سبي المثلي
انه بنت القلع خيبر بحيله
أعلية السبي ميلوك
ولا صعدت هزل نوك
ما تسبيني الاحبال
و اسمي بفخر ينكال
انه زينب
....5....
باجر اكلب الشام ابخطبتي
وما واحد يرد بيكم كلمتي
يزيدك وانت والمتشارك اوياك
اذلكم واطلع الرايه بصحبتي
اسمع يا شمر زين
منصورة اخت الحسين ....
تتناقلهه الاجيال
واسمي بفخر ينكال
انه زينب
........
تمت
كلمات
موسى الخادم
مايله الدنيه اويه زينب مايله
...1...
طلعوهه
بالحبل مجتوفه ما بين الاجانب
طلعوهه
وحاطت اعليهه الشماته امن الجوانب
الجان ما ينشاف ظلهه ولا اثر ممشاهه
هسه ويه اجناب طلعت موش اهلهه اوياهه
وين جانتلج يزينب وين جانت هايه
امدللت حيدر هضيمه الزمن ما راعاهه
مايله الناكه الهزيله مايله
...2...
كلهه ضدهه
ماكو واحد شالته الغيره اعله زينب
كلهه ضدهه
والكفلهه اجفوفه متكطعه وتسلب
عاشر محرم سباهه وبجه كل ايتيمه
كلشي ما خله عليهه لا اهل لا خيمه
ياهو التفزعه ويجيهه بعد عين الكافل
عثرت اجم مره زينب من ركاض الهيمه
عايله ابركَبتهه زينب عايله
...3...
عالترايب
عافت اخوتهه غصب موش ابرضاهه
عالترايب
ودعتهم زينب ابدمعت بجاهه
مشت من يمهم يويلي غاركه بدمعاتهه
كوه مشاهه جدمهه اتريدهم خطواتهه
حيل متعوده عليهم موش مال اتعوفهم
تلتفت كالساعه الهم هيه وابنياتهه
شايله صورة ذبحهم شايله
...4...
يا هضيمه
تمشي زينب ويه ناس الموش اهلهه
يا هضيمه
وعالرمح راس الحسين ايعاينلهه
ايوكف الرمح اعله طوله ساعت ايضربونهه
وهيه من كد ما تحبه تخفي دم امتونهه
طول درب الشام زينب مستحاهه ايكودهه
زينب اويه حسين قصه قله اليفهمونهه
سايله بيهه المدامع سايله
...5...
حره زينب
كلشي صاح بحركه برض الغاضرية
حره زينب
ما تلوك اعليهه تتسمه السبية
هاي زينب ستر الله البيهه كلشي مفاخر
جبل شامخ رغم كل الصار يوم العاشر
الكال مسبية عليهه عقله ما متكامل
زينب الحوراء حيدر هيه تسبي الكافر
زايله اجيوش ال اميه زايله
......
تمت
كلمات
موسى الخادم
السلام عليكم احبتي خدام الحسين ع
ان شاء الله يوم غد سوف يتم نشر
قصائد السبي والأربعين ونسأل من الله القبول
لاتنسوني ووالدي من صالح دعائكم
قال تعالى
{إِنَّا نَحْنُ نَزَّلْنَا الذِّكْرَ وَإِنَّا لَهُ لَحافِظُونَ}
.........
نعم نعم للقرآن ...
يجب أن تكون لنا وقفه مشرفه
.........
نزله
(( أكتاب النبي .... الله حافظ هيبته ))
(( صوت الحسين .... رتلاهه ايته ))
.....
القام بفعل .... حركة المصحف نذل
عابد عجل... سامري كول وفعل
مختل عقل .... واليأيده ابلا عقل
يدفع ثمن ... اسوايته ميت عدل
باجر يجي ... وينسئل عن فعلته
صوت الحسين .... رتلاهه ايته
.......
نقسم قسم ... بسم حماي الحمه
انجيب الحرك ... لو يضم روحه بسمه
شيعة علي .... احنه اهل الموزمه
حسبت وقت .... انطينه كلمه الفاطمه
خل يستعد .... كربتله ساعته
صوت الحسين .... رتلاهه ايته
......
نور الشمس ... ما تحجبه شائبه
اشحال الذكر ... والجليل الكاتبه
اسود وجه .... الحاركه والحاربه
اعليه اللعن ... يالروافض واجبه
حرك الخيم ..... اكداهه بحركته
صوت الحسين .... رتلاهه ايته
.......
كلمن سكت .... عن فعلته مو شهم
يعني قبل .... بت محمد تنشتم
والعايله ... تنسبي بيد الزلم
ويوكع كمر .... راسه بالطف منجسم
مثل الشمر ... سودة تصبح صورته
صوت الحسين .... رتلاهه ايته
......
يهل العزه .... يله ارفعوهه الصحف
موقف يضل ... خالد ابكل العرف
ثورة عشك .... للكتاب ابلا وصف
ناطق يضل .... من الياء حد الالف
دستوره حق .... ما نعوف اقرايته
صوت الحسين .... رتلاهه اَيته
........
كلمات
موسى الخادم
كاعده واحسب جروحك
روحي طلعت ويه روحك
امن السهام اشلون الوحك
يابن امي ... يابن امي
...1...
من خلص عاشر الدم وجلجل الليل
اطلعت ادور اعليك ما بين المجاتيل
اوصلتك وعاينتك امطشرتك الخيل
ردت الم طولك لكيتك منمرد حيل
يا كتر منك اشيله
يوكع الثاني واجيله
لملمت لحمك بشيله
يابن امي ... يابن امي
....2...
جيت ادور اعليك يبن امي أجيتك
ليك جابتني الحوافر تيهتك
سابح بدم منحرك خوية لكيتك
ابلايه راس ابلا عمامه شاهديتك
عالترب طايح رمية
بعيد عن خيمة رقية
اشد موقف مر عليه
يابن امي ... يابن امي
...3...
جيت الم جسمك يخوية شرد الم بيك
كلشي بيك امكطعينه وحيل ماذيك
تيهت نحرك امنين امنين رجليك
حرت من ياصوب اجيك اشلون الاكيك
وين صدرك وين ظهرك
ماكو راسك ظال نحرك
عندي ما ظل راي اخبرك
يابن امي ... يابن امي
...4...
جروحك هواي وصعب ياخوية عدهه
وموش مالت وصله يبن امي تشدهه
مسلبيك اعداك والمن هذا ادهه
مفتحات اجروح كلبك بيش اسدهه
كاعد الرمح اعله كلبك
خاف اسحبنه ويعذبك
ياكتر ت رتاح اكلبك
يابن امي ... يابن امي
...5...
كلشي منك ما بقى سالم حسافه
شاهدت جسمك على طول المسافه
ساعد الله كلب جدك حين شافه
عالترب نايم ومتغيره اوصافه
حركت الخيمات سهله
الصعبه جسمك بيش اغسله
الماي كلي اشلون احصله
يابن امي ... يابن امي
...6..
يالجنت من الشموس اتفي عليه
وينه طولك ذاك رد اجواب الية
كاصر اهوايه اشوفك يبو ارقية
اشويه منك باقي جا وين البقية
ودعيتك طولك اكثر
هسه اشوفك حيل اكصر
مكطعينك يبو الاكبر
يابن امي ... يابن امي
...7...
خوية شنهو اليوجعك حاجيني فدوه
سهم جبدك لو سهم فكد الاخوه
واكفه اكبالك تراني تشوف كوه
حيلي راح اوياك يا راعي المروه
بس جسد كدامي اشوفك
منسحك والدم يطوفك
الحافر امخلع أجتوفك
يابن امي ... يابن امي
.........
تمت
كلمات
موسى الخادم
يا جداه ... حسين فوك الكاع جسمه امطشرينه
يا جداه ... بالرماح وبالسيوف امكطعينه
حيلي راح اوراح حيله
اوياي ما واحد يشيله
......1......
يا جد بحماك ... هالساعه انخاك
تحضر للطف بهمه
حسينك ذبحوه .... حسينك سلبوه
عالتربان ايصب دمه
ياجدي عطشان انذبح والنهر جاري بصفه
بجفه السده اعلية يجد وحسين وحده بجفه
امن الخيمه اعاينله يجر كوه النفس محبوبي
يا ويلي من كثر العطش مابي يحرك جفه
عالتربان .... امدد اعله الكاع ويعاين علينه
عالتربان .... اشما يريد ايكوم حيله ما يعينه
طيحته كلش ثجيله
......2 .....
داسو بالخيل ... وبرمح اطويل
طعنو كلبه وعاينته
لخيامه ايدير ... لرقية ايشير
هذا المنظر شاهدته
ما همه حافرهم كسر ظهره وكسرله اظلوعه
كل همه جان ابنيته ارقيه العلي مفجوعه
حاول يجيهه بس وكف ما بينهه وما بينه
جم ظالم المابي رحم مثل الشمر موضوعه
اه واه ....حاول اشكد يوصل الشبكت رقيه
اه واه .... بس عليه دارت خيول الاعوجيه
والرمح صوب دليله
.....3.....
متعوب اهواي ... الرايح والجاي
صار ايضربه اعله جبينه
لا وين اندار ... يرمونه احجار
حسين الدم صار بعينه
من كثر ما صابو حجر اتغيرت حيل ارسومه
من كثر ما دمه نزف اتروت ابدمه الحومه
ياجدي لو شفت الجره ماتبقى عندك دمعه
حسينك رمية اعله الترب سلبو حتى اهدومه
ريت اتشوف..حسينك بحر الشمس ظل جسمه عاري
ريت اتشوف ... دم نحر محبوبي حد الخيمه جاري
اشما اسولفلك قليله
...4...
ياجد حسين ... طفوله العين
وبدم المنحر سابح
مرمي اعله الكاع ... والخنصر ضاع
بين البايك والذابح
راسه بكتر جسمه بكتر فوك الترب اذاني
من كثر ما بي مثلو حسَّبته واحد ثاني
يا ويلي من كثر الرفس لحمه اختلط وي عظمه
بالحافر ابن امي انسحك والحبل سبي امتاني
ما ينشاف ... من كثر ما سحكت اعليه الحو افر
ما ينشاف ...انطبك صدره اعله ظهره بيوم عاشر
المن امشي واشتكيله
....5....
بخيامي النار ... اركض واندار
كل الخوف اعله ايتامي
خفت الجمرات ... تجوي ابنيات
حسين الذبحو كدامي
خفت العبايه تحترك والغرب تنظر حالي
ماهمني بالنار احترك الستر كلش غالي
راية كفيلي عالنهر ياجدي جيب الراية
خل بيهه اطفي المحترك واجمع بقايه اعيالي
درب الشام ... باجر امشيله وحيده ابلايه اخوتي
درب الشام ... بي شماته هواي فرحانه البلوتي
عندي ما ظلت وسيله
......
تمت
كلمات موسى الخادم
ليلة الوداع .... حسين جمَّع عيلته بخيمة سهر
ليلة الوداع .... وكعَّد اكباله بناته وحسره جر
وزينب اتعاين عليه
كاعد ويفرك بديه
....1....
اول ما بدا يسولف ... شراح ايصير اله باجر
ركضتله رقيه بشوك ... ودمعهه تكسر الخاطر
كالتله يبويه اشلون .... وليش ايدوسك الحافر
ضماهه اعله صدره وصاح .... مكتوبتلي بالعاشر
نشفَّي الدموع ... غاليه ادموعج علية غاليه
نشفًّي الدموع ... يالحبيبه يم سوالف دافية
تبتعد عنه وتجيه
كاعد ويفرك بديه
...2...
كل ساعه ويدير العين ... صوب ام الخدر زينب
مثل الضايعه اسينه ... يدورهه وعليه تنحب
يكلهه اشلونج اختي ام عون ... باجر حالتج اصعب
ضمي حيلج الباجر .. جدمج بالركض تتعب
ابحركة الخيام ...حيلج ايروح ويضل بيج الضمه
ابحركة الخيام ... ايتعبج كثر الركض بت فاطمه
الشوك جدمج تعتنيه
...3...
والصورة الاشد تذبح ... من عبدالله جابوله
شمه بركبته وكلهم ... باجر ما تلولوله
ينصاب ابسهم والدم ... يتناثر على طوله
يرد ليكم بلا روحه ... بقت ساعات احسبوله
بالعطش يموت ... ما يروّنه العذب يروه بسهم
بالعطش يموت ... والكماط يصير كله قطعه دم
وينكطع صوته وبجيه
....4....
والكافل بديه رايه ... ولازم باب المخيم
كلما يحجي كلمه حسين .. صار اشوية يتقدم
ومن كال ابرو ذمتي اهنا... الكفيل ابغيرته اتحزم
وحشم وي دمع عيناه ... اشما عنده عزم حشم
ناده يالكفيل .... انت كبلي اتموت يم المشرعه
ناده يالكفيل.... اوصلك والكه الجفوف مكطعه
سهم عينك ارتجيه
....5....
اوصيكم بعد موتي ... على ايتامي اوصيكم
اني ادريهه يحبابي ... وصيتي الموت تاذيكم
علي انه الذبح مكتوب ... اومكتوب السبي اعليكم
يهل بيتي طريق الشام ... راح اهوايه يسبيكم
عالرمح واشوف ... ياهي بيكم تعطش وياهي اتعثر
عالرمح واشوف ... اسياطهم فوك المتن تترك حفر
والعليل الوجع بيه
........
كلمات
موسى الخادم
نزله
علي الاكبر علي .... علي الاكبر علي
..1..
شبيه الهادي جده ... برز ما جنه وحده
يلوَّح بيده ما هم بالمنيه
تعجب كلشي شافه ... اسد يمشي بترافه
شجاعه وغيره بن حامي الحمية
رعب خصمه ... نطق اسمه ... انه بن الطالبي
علي الاكبر ... شبل حيدر ... سبي اسبيكم سبي
منو ايلاوي ... كمر ضاوي ... على اجداده ابي
وكف ... وكف .. وكف ... جبل شامخ وكف
رجف ... رجف ... رجف ... كلب خصمه رجف
علي الاكبر علي ... علي الاكبر علي
....2....
نزل شايل فقاره .... شبل ليث المعاره
عبر كل ساتر اكباله وتبسم
عليه محد تكرب .... عددهم بيده شطَّب
مثل موت احمر بزوده تقدم
على العسكر ... علي سيطر ... ولي نعم الولي
اخذ حيفه ... مطر صيفه ... على الكل معتلي
عصف بيهم ... يلاويهم ... علي صاحو علي
رجع ... رجع ... رجع ... علي حيدر رجع
ركع ... ركع ... ركع ... امامه الكل ركع
علي الاكبر علي .... علي الاكبر علي
...3...
مثل بدر الهواشم .... رسم أروع ملاحم
علي الاكبر حصد روس القياده
بطل من عنده فرو ... ركض من سيفه ركضو
عليهم اعلن بزوده جهاده
على الساتر ... ظهر عاشر ... علن يوم الحشر
على الظالم ... صبح راسم ... علامات النصر
امامه الكل ... بقى يختل ... يدورون الستر
نفس ... نفس ... نفس ... فلا جرو نفس
خرس ... خرس ... خرس ... قيادتهم خرس
علي الاكبر علي .... علي الاكبر علي
...4...
رفع بيمينه رايه ... وتقدم عالسرايه
كلبهه الميمنه اعله الميسره أورد
فلا واحد تكلم ...امامه الكل تلعثم
بالف فارس علي الاكبر مينعد
الحرب فنه ... نعم منه ... مثيله ما حصل
يعرفونه ... يهابونه .... مثل يوم الاجل
نزالاته .. بطولاته ... عظيمه ما تمل
هجم .. هجم ...هجم ... عليهم من هجم
هزم ... هزم ....هزم ... شكو ظالم هزم
علي الاكبر علي .... علي الاكبر
...5...
مثل سيل اعتناهم .... لكو كلشي وراهم
جرفهم ما ترك كلشي عليهم
خيمهم ضيعوهه .... اساميهم نسوهه
علي الاكبر زلم ما خله بيهم
علي الاكبر ... صبح مصدر ... رعب جيش العده
أقام الحد ... على المرتد ... شهدله ساعده
تولاهم ... تحداهم .... ولا جن وحده
نزل ... نزل ... نزل ... مثل موت ونزل
قتل ... قتل ... قتل ... رؤس الشر قتل
علي الاكبر علي ... علي الاكبر علي
.......
تمت
كلمات
موسى الخادم
الليله التاسعه / ليلة الاكبر ع
Читать полностью…
الليله الثامنه / ليلة القاسم ع
Читать полностью…