963
قصائد مع الحانها لخادمكم موسئ الخادم
شور
ابو فاضل .... ابو فاضل
......1.....
باب الحوائج عدنه عباس
كعبة الناس
راعي الاحساس
كلمن اتعنه الضريحه بحاجه معروف
يجلي كل همه ويرده رافع الراس
عباس ... حلو الرسوم
عباس ... يجلي الهموم
عباس ... كافل الناس
عباس ... باقي للدوم
يشهدله كلشي ابفخر
لحسينه جان الظهر
ما مثله بين البشر
عباس
صار اسمه مضرب مثل
المات بحضرته عدل
يسمع كلامه الاجل
عباس
.......2.......
عباس قبله االكل الاحرار
غيره معروف
ضحه الجفوف
سيفه كطاع الركب كطاع الانفاس
بي يلوذ الخايف الطايح بالاخطار
عباس ... زين الارجال
عباس ... يعرف الحال
عباس ... ناصر حسين
عباس ... كل شرف نال
كبه ومناير ذهب
وبصحنه صار العجب
ذكر اسمه يجلي التعب
عباس
كافل خواته بعزم
ما مثله بين الزلم
لايك عليه هالاسم
عباس
......3.....
فاتح مضيفه المايرد ضيف
سفرته الخير
شبعت الطير
بالكرم مثل الحسن مثل ام الحسين
غيمته ياناس تمطر كل شته وصيف
عباس ... عزَّب الروح
عباس ... شافي الجروح
عباس ... لليجي ضيف
عباس ... بابه مفتوح
تشهد ألة كربله
ميرجع اليسأله
يستقبله بيا هله
عباس
تاريخه حافل وفه
عطره امتزج عاطفه
اسمه العلي امشرفه
عباس
........4......
بشباجه نشتم عطر الحسين
بوم عاشور
حسين اله يزور
بس نحر يكصد عضيده الراس مكطوع
ويمكن بشباجه يكعد يوم يومين
عباس .... عشك الحسين
عباس .... شوفت العين
عباس .... سيد الماي
عباس ... ضحه جفين
اهل السماء حيَّته
واتباهت بصورته
وافه الشهم لخوته
عباس
نجمه ارتفع بالسمه
بي تفتخر فاطمه
قائد رسم ملحمه
عباس
.......
كلمات
موسى الخادم
نزله
والنعم ... والنعم ... من ابو فاضل
...1...
أسوايته ما واحد السواهه
جيوش اميه اويه الارض ساواهه
ما واحد الراسه رفع
كدامه خيرهم ركع
ساترهم بزوده هدم
بقبضت يمينه الكل وكع
حاداهم ... مثل الغنم ... حاداهم
بجاهم .. ما جن زلم ... بجاهم
والنعم ... من ابو فاضل
.....2.....
من دخل للحومه ذل ارجالهه
بكيفه يستنكي ابركاب ابطالهه
يم سيفه ما واحد وكف
كاع الحرب بيهم خسف
المنه شرد زلمه انحسب
خطَّاف الارواح انعرف
جن حيدر ... بالمعركه ... جن حيدر
باد الشر ... عالمشرعه ... باد الشر
والنعم من ابو فاضل
....3...
فارس ابطبته الحرب يكضيهه
اتموت كلهه بصولته اليبديهه
عباس ابو الغيره الشهم
تاريخه حافل بالحسم
يا ويله كلمن كابله
من عنده يبقى بس اسم
خزراته ... كبله تهد ... خزراته
صولاته ... عده وعدد ... صولاته
والنعم .... مو ابو فاضل
...4...
صار ملك الموت كافل زينب
منة ما صح لا يصح كل مهرب
موت احمر اتعرفه العده
سبعين فارس وحده
كابلهم ابكل مفخره
والشاهد اعليه ساعده
بركابهم ... سيفه انطبع ... بركابهم
ماهابهم... صيته ارتفع ... ماهابهم
والنعم .... من ابو فاضل
...5...
هيبته هيبة علي وأفعاله
كربله شهدتله والخياله
ما خله روس اعله الركب
امن الدنيه أسماميهم شطب
راوهم انجوم الظهر
لا مو عجب وين العجب
منَّ أسمه ... اتخاف الكفر .. من أسمه
من عزمه ... فنه اليفر ... من عزمه
والنعم ... من ابو فاضل
......
تمت
كلمات
موسى الخادم
كلشي انتهى وي طيحتك ... عباس يا ضي عيني
ما ادري اشيلك للخيم ... ما ادري اشيل اسنيني
_1_
جيتك ركض .. من الخيم ..ما ادري خوية بحالي
من شاهدت.. طولك هوه ..صارت ظلام اكبالي
ظهري انحنه .. وي طيحتك ..عباس خوية الغالي
اجيت بكسرتي ... انشف ابدمعتي ...
واصبر عبرتي ... يخوية
على طولي اوكعت ... صحت بسمك صحت ...
عدل بعدك متت ... يخوية
اكعد يحماي الخدر ... لا وحدَّي اتخليني
ما ادري اشيلك للخيم ... ما ادري اشيل اسنيني
_2_
ياابا الفضل ..كوم ابعجل..رد ضحكتي اعله اشفافي
متلوك الك .. هالنومه ابد ... نومك يهد اجتافي
كلشي فداء .. ايروح الك.. بس انت اريد وكافي
يأغله امن الهوه... علي رد الضوه ... يشيال أللوه
يروحي
يعباس الشهم.. حرت منك شلم .. بقى منك رسم
يروحي
ماتسوه دنياتي بعد ... عينك منو يواسيني
ما ادري اشيلك للخيم ... ما ادري اشيل اسنيني
...
_3_
وين انطي يا .. خوية الوجه ..والمن ادير اعيوني
عاين بقيت .. الوحدي ... وهواي الي كرهوني
اكعد ولو .. ساعة زمن ... نرجع سوه لضعوني
اشيلك عالمتن ..لعند ام الحزن .. الك كلشي يحن
يكافل
رقية اروحيتك... تناطر جيتك ... ترد ابرايتك
يكافل
ان جان ظلك جم نفس ... يا بو الشيم حاجيني
ما ادري اشيلك للخيم ... ما ادري اشيل اسنيني
.....
_4_
عين الخيام .. وعين الك ... واثنيكم وي روحي
محتار ارد .. لو انه اضل... يمك أبدمعي ونوحي
يالكطعوك .. اعله النهر ... انت اشد اجروحي
يسفي البي اهد ..الك جفي امد .. اروح وليك ارد ... اريدك
ترد روحك الي ... طلبتك من علي ... يكافل كل هلي ... اريدك
مو صعبه من ترجع عدل ... يالموتتك تاذيني
ما ادري اشيلك للخيم ... ما ادري اشيل اسنيني
.....
_5_
انطيني حل... يابو الوفه .. منك اريد جوابي
زينب اذا .. رد للخيم ... خافن تشوف اصوابي
شنطي عذر .. لو سائلت ... عنك يأغله احبابي
ينايم عالترب ... خبر موتك صعب ... يحمله كل كلب ... اخبرك
يالمكطع وذر ... جفوفك عالنهر ... خذت مني النظر ...اخبرك
عباس كل هذا النهر ... بعدك فلا يرويني
ما ادري اشيلك للخيم ... ما ادري اشيل اسنيني
........
تمت
كلمات
موسى الخادم
يم خيمة الحره اجمعَّو ليلة العاشر
كل واحد يسولف شنهو راح يسوي باجر
اتقدمهم حبيب وصاح يا زينب
باجر الا اخلي اخيولهم تتعب
...1...
من سمعو حجي الدار اجو مثل الفرض
حفاي اعله الاجدام ركض يتبع ركض
صاحو صوت واحد بشري يم عون
احنه انصار اخوج الما يخونون
فدوة انروح كلنه الخاطر حسين
لتهمين نامي وغمضي العيون
(لحسين انضحي وذريته )
....2....
وكفو وكفت الموت على مد البصر
يترأسهم بزود حبيب ابكل فخر
هوس هوسه تطرب يم الحسين
والانصار صاحوله اعد مرتين
ورباط القصيده جان موزون
يخت حسين امني ولا تخافين
(هوسه بسيفه وخاجيته )
...3...
نزلو نسمه من ريح على باب الخيم
واحدهم شبه ليل يرفرف بالعلم
جاين العرس ما جنهم الموت
يا هنيالنه يصيحون فد صوت
لحسين انتمينه وصرنه انصار
قصتنه شبيهه ابقصت الحوت
(نجانه حسين بحنيته )
....4...
صارالعاشر وبان الحجي كول وفعل
كَرو عين الحسين صحبته الما تجل
سرجوهه الخيول وشدو انكاب
هدوهه السواتر فوك الاركاب
سبعين اي نعم بس عادلو جيش
الشايب بيهم ابصولاته رد شاب
( بالتسعين وذب عوجيته )
....5....
صارو مضرب أمثال لكل صاحب وفي
حسين بعدد سبعين صحبته مكتفي
واحدهم جبل شامخ فلا يطيح
ثابت بالعزم متحركه كل ريح
شكوهه الدروع ابزحمت الخيل
تشهد كربله ما حاجه توضيح
(لليوم وعابس ظل صيته )
... .....
تمت
كلمات
موسى الخادم
سلطان العزوبية ... يمه الحاجه مكضيه
باب الحاجه مسلم
...1...
كلمن خانكه الهم ... خل يكصد لبابه
باب الحاجه مسلم .. ميأخر الاجابه
تشهدله الملايين ... خير الله أبثوابه
منة وثلث انعام .... بن سيد النجابه
مسلم للسفاره صار عنوان
حافظ للامانه وابد ما خان
يشهدله الحسين المات عطشان
( رفعت راس العالم بسره )
...2...
عامر ظل مضيفه ... حتى بموته عامر
اليدخل يمه محتاج ... يطلع منه تاجر
عنوان الكرم صار ... بي كلهه تفاخر
كلمه بحقه تنكال ... من فوك المنابر
مسلم بالكرم تشهدله الاسنين
مارد سائل اتعنه بدمع عين
ابدال الجف يمدله اجفوفه الاثنين
( والما كفاه ينطي العشره )
....3....
مسلم بابه مفتوح ... للحاجاته يسئل
يم شباجه الاثكال ... تسهل والله تسهل
مستشفى الشفه صار ... لليكصدله معتل
يرد يمشي اعله رجليه ... اليدخل يمه منشل
بصحنه المعجزات انذكرت اشكال
دكتور العلل مسلم بلا مال
جم واحد ابواحد شافه بالحال
( تشهدلة الآيات الكبرى )
....4....
هنياله الذهب صار ... متعلك اعله كبته
متشيم صبح حيل ... من صار بصحبته
مسلم باب الحسين ... كل خير بعتبته
كل زاير اجه ضيف ... رد ماخذ طلبته
املاك السمه اتزاحم الزوار
يم شباجه تفتر ليل وانهار
ومسلم سِفرته اتشرف الخطار
( امن الشام الحد كوفه السفره )
....5....
اشما تكتبله الأقلام ... ماتوفيله حقه
سيرة عمره تحتاج ... جم ورقه اعله ورقه
مسلم اسمه تسبيح ... واجب عالينطقه
يتوضه بصلاوات .... حتى بذكره ينقه
ابو ابراهيم طاهر من الانجاس
مسلم حجة الله البعد عباس
تشهد اعله تقواه سائر الناس
(يم حيدر دارس من زغره )
....
تمت
كلمات
موسى الخادم
نزله
ما خاب التمسك بأم الابنين
...1...
ماخاب التمسك بيهه ...
بيبان الفرج بيديهه ...
اقره الفاتحه واهديهه ...
وانظر شنهو الافعال
بس حلفهه ببن الزهره ...
تقضيلك حوائج كثره ...
كلشي ابالك تحل عسره ...
معروفه ام الابطال
كل حاجه ابالك تكضيهه
...2...
ما تخلف وعد معروفه ...
شاهدهه الكطيعه اجفوفه ...
البيهه اتنخه ابد متعوفه ...
هاي ام الكمر هاي
الله انطاهه اعظم رتبه ...
كلمن يعتنيهه ابكلبه ...
تنطي كل طلب الي طلبه ...
اشوية عدهه الهواي
طيبه امن اولهه التاليهه
....3....
بدوية ونعم بدوية
ثلث انعام يمهه اشوية
باب الله الوسيعه هيه
مترد طالب امراد
الله امبارك ابمنزلهه
كل صعبه تجي اتسهلهه
كبر المشكلات اتحلهه
هيبة بنت الاجواد
تحضر كل شده اتمر بيهه
...4...
بالحظ والبخت نتكلم
تاريخ الوفاء الهه اسلم
اول وحده بصمت بالدم
لحسين ابن الاطهار
صورة ارسمت العفتهه
لحسين اعكدت شيلتهه
كلهه اتسولف ابوكفتهه
ضحتله اربع اقمار
ما رفت جفن اعله ابنيهه
...5...
هنياله الصبح خادمهه
عالي الشأن يصبح يمهه
الحاضر كل وكت مأتمهه
فاز بدنيته ودين
يالخدام علكو الراية
واعليهه اكتبو الوفايه
خل ننطي الكفيل احجايه
خدام ام الابنين
لاخر انفاس انوافيهه
.....
تمت
كلمات
موسى الخادم
الليله الرابعه / ليلة ام البنين ع
Читать полностью…
الليله الثالثه / ليلة العليله ع
Читать полностью…
شور
حُسيناً واحٌسيناً واحُسينا
....1....
يالبيك العالم جنيته
حباك ابكد ما حبيته
مثلك ياهو اكثر حنيته
بسمك باهه الباري املاكه
يمضحي بعمرك واسنينك
خاطر ترفع راية دينك
ماهميت ابذبح ابنينك
بسمك باهه الباري املاكه
يا سورة فجر ... والليالي
يالفوك الرمح ... راسه عالي
يااول عشك ... دمه جاري
.....2.....
يا اول مذبوح ابجاله
عرش الله ابحركه اويه واطفاله
ظل بالشمس اومحد شاله
انت وبس يا روح الهادي
ياهو المثلك حزو راسه
عطشان وكطعو انفاسه
وبلا رحمه الحافر داسه
انت وبس يا روح الهادي
ياهو اكبر جرح ... من جروحك
ياهو السلبو .... مثله روحك
وجسمه اعله الترب ... باقي عاري
...3...
يا ضامي ابحر ظهر العاشر
وابنياته الحاله اتناضر
وحده ابلا حامي ولا ناصر
ما مثلك واحد ماذينه
لخيامك تندار اعيونك
وهمه ابلا رحمه ايذبحونك
ميت واسهام ايرامونك
ما مثلك واحد ماذينه
لا يوم المثل ... يومك انته
لمصابك بجه ... كلشي سكته
عاشورك فرض ... يابو الاكبر
...4...
واحد بس اتعادل كلهم
من اولهم حد آخرهم
يرحولك فدوه قاهرهم
ياشيخ الترهب كلماته
اكبالك لاشي جيش الظالم
وكفو كلهم وانت اتهاجم
عزمك بالطف جان الحاسم
ياشيخ الترهب كلماته
اتحديت الكفر .... وانت وحدك
لا همك شمر ... لا ركبتك
جان الدين اهم ... كلشي عندك
...5...
يا صوت الرافض للذله
صيتك ما واحد يوصله
اعليك الكون اتوضه وصله
ياسر اليصعب تفسيره
هيهاتك امست حريه
مفتاح الروح الثوريه
شكرآ يا بو الإنسانيه
ياسر اليصعب تفسيره
فضلك عالبشر .... ماله تالي
واضح كالنجم ... انت عالي
تاريخك نصر .... الله شاهد
.......
تمت
كلمات
موسى الخادم
شور
حسين ... حسين ... حسين
مولاي حسين ... حسين
.......1.......
يالكلشي بديك ... عيَّشنه خدم
اليخدم وياك .... ميلوحه ندم
يحسين اشلون ... ما نبجي اعيون
لو مر عاشور ... ماندمي صدر
غالي انت اهواي ... ياسيد الماي
مخلوق النور ... لجلك يابدر
يالبسمك افلاك السمه تدور
خيمة عزائك تسوه كل قصور
خلينه يمك نخدم ونزور
يالمنجرح ... حيل اعله سبي العايله
يالمنذبح ... من الكفه بطف كربله
....2.....
دنيانه ظلام ... نحجيها صدك
لوما انت نعيش ... بيها ابلا عشك
جا عشنه حياة ... ما بيها نجاة
ظلمه ابلاشوف ... ما الهه طعم
جا صرنه عبيد ... والينه يزيد
ومدينه اجفوف ... للرامي سهم
يا اجمل واغله واحن حبيب
ليش اعله رمضت كربله سليب
ياوسفه طايح عالترب خضيب
شابع رفس ... شابع طعن شابع ذبح
ابحر الشمس ... والف وتسعمية جرح
......3......
يا وجه الخير ... يمضحي نحر
يمثوب الروح ... للباري دهر
ذباحك شاف ... بيك احله اوصاف
ما عافك ليش ... يا كل العجب
يالناطي الدين .... روحك يحسين
حتى احنه انعيش .... بيه ابلا تعب
مثلك يصح بالدنية يا امير
يملبس الخادم الك حرير
وثوبك تسلب غفله بالهجير
عاري الهدم ... بالعاشر امغطه أبترب
ماكو اليلم ... جسمك يجامعنه اعله حب
......4....
عطشان اهواي ... كالو بالذبح
حرموك الماي ... هذ اكبر جرح
تصرخ عطشان ... بين العدوان
رووك اسهام ... مو ماي العذب
طعنوك ارماح ... كل حيلك راح
حركو الخيام ... وزينب تنتحب
ضامي اذبوحك وتنظر اليتام
تتراكض ابين الخيم حرام
روح انت الشبعوه سهام
اه شكثر .. بشفايفك شايل العطش
وكت الظهر ... طولك على الرمله انفرش
....5....
دمعتنه عليك ... واجب كالفرض
يالفوكك خيل ... وبصدرك ترض
جسم ابلا راس .. كل سا ينداس
امطشر المتون ... سابح بالدمه
اشما نبجي اعليك ... لا منجازيك
لو نبجي عيون .... تشهد فاطمه
كلش قليله ابحقك الدموع
يالمنك الخيل اكسرت ضلوع
ما نوفي الك لو نشتعل شموع
ما نوفي ابد .... لطم الصدر قطره ابحر
بالمعتقد ... واجب الك نطبر نحر
......
كلمات
موسى الخادم
نزله
يا ابن خير العمل
انت بس انت الامل
.....1....
ماخاب التمسك بيك ... يابن حيدر وفاطم
عنوان الفخر يحسين ... انت ابين هالوادم
بس الراضي الله اعليه ... صار بموكبك خادم
والعافك صبح خسران ... دنيه واخره نادم
عايش ايضل بالجهل
انت بس انت الامل
...2...
اسمك طلسم ومخطوط .... بكلوب الخلك كلها
الماعايش حياته اوياك ... روحه اشعجب ما ملها
مسأل ت العشك وياك ... مو ياهو اليجي ايحلها
عابس قدامها ادروس ... بس الفطن يوصلها
بسمك الدين اكتمل
يا ابن خير العمل
...3...
كلمن يبغضك يحسين ... اعمه وخله بفكاره
ما يعرف الصح امنين ... بدل جنته ابناره
انت ابين هاي الناس ... الله ابحكمته اختاره
وخله بحضرتك الاملاك ... تتزاحم عالزياره
يالصرت مضرب مثل
انت بس انت الامل
.....4....
الحبك من صدك مولاي ... حصل كل رضه العتره
والصفاها نيته اوياك ... يدخل عالم الزهره
كل ناعي وخطيب انشوف ... كل رادود الك يقره
المثبت طريقه اوياك ... الله ايرفعه بالفطرة
بسمك انخطت جمل
انت بس انت الامل
......5.....
نعمت خدمتك للموت ... متساويهه كل نعمه
كل الخير واهل الخير ... شفنه بعالم الخدمه
اليخدم حضرتك مولاي ... هذا الينحسب زلمه
والوزع ثواب الماي ... عله روحك يبو اليمه
يالعشت بعد الاجل
انت بس انت الامل
.......6......
كلشي ابهل الزمان ايروح..وانت حسين باقي انته
ياهو المثلك ابهل كون ... كلها لايذه ابخته
والتدعيله امه بخير ... انت تصير سالفته
ودمعاته اليصب اعليك ... هذا الزهره طالبته
عايش انت امن الازل
انت بس انت الامل .
....
تمت
.....
كلمات
موسى الخادم
يله يهل العزاء .... اتحزمو بالبكاء
انّشر ثوب الحُسين
في اعالي السماء
.....1.....
للقميص الدامي خل ننعى وننوح
وي ابو صالح نشد روح اعله روح
هذا اول يوم ليام الجروح
نشرو رايات السواد اعله السطوح
هذا يوم الحداد ... يله نلبس سواد
ونلطم ابحركه الصدور
في عزاء الجهاد
....2...
كل صباح وكل مسه المهدي حزين
عينه تجري من دمه الجده الحسين
جاب عمرة اينوح كل هاي السنين
وما بقاله امن البجي مهدينه عين
امن المسه للصباح ... المهدي نازف جراح
خل نواسي بالدموع
على جده الي راح
...3...
يله وسدو اصدوركم باللطمه حيل
حسين صدره اتكّسر بحافر الخيل
وينه اليواسي امامه بالعويل
ومن همومه التذبح اشوية يشيل
خل نوسد الصدور ... على كطع النحور
حسين جسمه فرهدوا
اودمه جاري بحور
...4..
هذا اول يوم من شهر المصاب
واجب اعله الروس ينهال التراب
نبدي بحسين ومصابه يالشباب
وي ابو صالح نردد هالجواب
المهدي شابع نحيب .... على الشيب الخضيب
والأشد عاشور اجاه
وحده عايش غريب
....5...
كلشي يالخدام بالدنية يزول
بس تظل خدمة حسين ابن البتول
الشهود اهواي لو ردنه نكول
مات حمزة واسمه كل مجلس يجول
باقي اسمه عطاء .. لمحه من كربلاء
صوته ابدأ ما يزول
عالي برض وسماء
...6...
يله نختمها القصيده ابهل دعاء
ربنه عجل في فرج راعي العزاء
وتحت راية نصرته اجمعنا فداء
امنيتنه انزور وياه كربلاء
نبقى نمشي بهواه ... ما نخالف خُطاه
بالزيارة الاربعين
ما نفارك ضواه
......
....تمت ...
كلمات
موسى الخادم
خليني اعله بابك ...عـــاشك يمك الخــدمه
حليني اعله بابك ... بحق زينب يبو اليمه
خليني اعلع بابك ... لا تحرمني هل النعمه
محبوبي حُسين
_1_
لا تطردني من بابك
بدموعي اكنس اعتابك
عليك ابزينب الحره
خلني ابعالم امصابك
خليني عبد عندك يأغله امن النفس عندي
اصغر خادم ابابك اصير ابامرتك جندي
لا تحرمني من عطفك يجد القائم المهدي
كون اكظي العمر يمك لحد ما انزل اللحدي
يا عشك الطفوله ... لا تحرمني مرضاتك
با عشك الطفوله ... عيش كلبي لوعاتك
خليني اعله بابك ... عطر الحضره اشتمه
_2_
حبيتك على الفطره
وصرت ابمجلسك اقره
ما ردت الاجر مولاي
بس منك ردت نظره
غيرك يابو الاكبر ما شغل فكري وشغل راسي
بس انت الاشوفه ابعالم الحب سيد احساسي
لا تحرمني اخدمك يا اعز من روحي وانفاسي
عليك ابصاحب الرايه الكفيل الهيبه عباسي
يحسين انت تعلم ... باليخلص الك نيته
يحسين انت تعلم .... بالفاتح الك بيته
خليني اعله بابك .... كلبي بحضرتك ضمه
محبوبي حُسين
_3_
وفقني عليك انعه
لحد ما تخلص الدمعه
شلّي بعيني خل تعمه
الك يا وارث البضعه
واهبلك حواسي الخمسه وسنيني وبعد روحي
اجروح البيه وعيونك عليك اكبرهن اجروحي
علمت الكلب يبجيلك وتنعالك اصروحي
ميمر بية يوم الا اذكر امصابك يمذبوحي
خير اجتافي منك ... يل كل شده حاضرني
خير اجتافي منك ... لا تبعدني قربني
خليني اعله بابك ... عمري بمجلسك ختمه
محبوبي حُسين
_4_
يالمت بعطش ضامي
عليك امزاحمه الامي
اموتن من يجي العاشر
وارد بدمعي لايامي
من اسمع شمر حز راسك وزينب تعايله
روحي الطفك الدامي تروح امحمله بعله
مصرع حضرتك اني ابد ما اكدر اوصله
خايف لا اجي واللكه اعله صدرك حافر امخله
خايف لا اجيلك ... ما الكه الك كلشي
خايف لا اجيلك ... بيك اتعثر امن امشي
خليني اعله بابك .... يالنحرك نزف دمه
محبوبي حُسين
_5_
يحسين الالك يخدم
كون الامرك ايسلم
يرخصلك نظر عيناه
موش اجروحك ايلّجم
الخادم من صدك لجلك ابد ميدور الشهرة
ميساوم على اجروحك يجي من ذاته الك يقره
موش الا ابأجر يحضر لعند احبابك الفقره
كون الخدمتك يرخص حياته وراحته وعمره
ليك ايفوض امره .... مو للشهره والسمعه
ليك ايفوض امره .... يقره امصابك بدمعه
خليني اعله بابك .... عمري ابلا لطم ظلمه
محبوبي حُسين
......
تمت
كلمات
موسى الخادم
الليله الثانيه / ليلة الخدام
Читать полностью…
اعتذرلك يا إمامي ... بيك ما جان اهتمامي
غارك بذنبي واجيتك
اليوم اقدم اعتذاري
.....
اسف اهواي ... عن ذنوبي وعن جميع افعالي
اسف اهواي ... جارحك مولاي وانت الغالي
لو بية الزمن يرجع فلا زعلك يمحبوبي
جا اكضي العمر بس بيك افكر واترك اذنوبي
كاتلني الخجل مولاي شكتبلك ابمكتوبي
دخيلك ... اعتذر من ذنوبي .... دخيلك
......
ياهوه الروح ... رامي كلبك جم سهم حاجيني
ياهوه الروح ... شحسب وشحسب اهوايه اسنيني
لو اذنب ذنب كل يوم شعدهن صارن اهواية
يافشلتهه عيني اوياك ما جنت احسب الهاية
اجروح التوجعك مني يا مصعب هالحجاية
دخيلك ... اعتذر من ذنوبي .... دخيلك
........
يابو صالح ... ادعي بالتعجيل الك بس اني
يابو صالح ... الغيبه كل يوم اعله ذكر الساني
يالمخيبهن اضنونك ومزيدهه لوعاتك
اروحن فدوه لعيونك المنهه تجري دمعاتك
اه من امداها الروح الماعاشت معاناتك
دخيلك .. اعتذر من ذنوبي .... دخيلك
........
لا تردني .... تايب امن افعالي اجيتك نادم
لا تردني .... فشله من أتردني بين الوادم
اروح الوين اذا بابك تسده ابوجهي وين امشي
يأقرب ليه من روحي وبعد من حاجبي ورمشي
اذا تطردني من عطفك اصبح خالي من كلشي
دخيلك .... اعتذر من ذنوبي ... دخيلك
.......
اعليك أمشي .... السلبوهه اهدومه يوم العاشر
اعليك أمشي .... النابت ابصدره الرمح والحافر
تسامحني يمحبوبي على كل البدر مني
وتخليني تحت امرك جندي اهواي متمني
وبعد خدمة حبيبي حسين لا تحرمني من ذني
دخيلك ... اعتذر من ذنوبي ... دخيلك
.......
كلمات
موسى الخادم
نزله
عباس ... عباس
...1...
الف السلام اعليه ... الضحى الاخوه جفيه
محد وصل طاريه ... بدر الهواشم
ما مثله بين الناس ... اجاب الحجر عالماس
واحد فقط عباس ... وجه الله راسم
من دورت اعيونه الكمر غار
من يوسف احله سيد الأقمار
عباس .... عباس
...2...
حامل لواء حسين ... غيرة وشجاعة ودين
عزب لاخيه العين ... وانطاهه فدوه
وكفه اله عالماي ... بينت معاني هواي ...
عن كلمة الوفاي ... الوافه الاخوَّه
شابع عطش والشاطي يمناه
ما شرب كطره ظل على اضماه
عباس ... عباس
...3....
اسمه انكتب صنديد ... عنده الحرب كالعيد
وحده السراية ايبيد ... شاهد فقاره
صولاته كلهه اثكال .... مو كلمة التنكال
منه تفر الابطال .... توجع يساره
تاريخه حافل بالبطولات
قائد فلا خاسر نزلات
عباس ... عباس
.......4......
من معجزات الكون ... ما نلكه بالمي لون
بس غيرهاه شلون ... كافل خواته
بالعاشر احمر صار ... هذا الجره والصار
بي كلشي ضل محتار ... غير صفاته
بالدم صبغ عباس الاجروف
هذا التسولف بيه الاطفوف
عباس ... عباس
...5...
بي كربله للدوم ... تتباهه مو بس يوم ...
ابشباجه كل ملزوم .... تتشافه علته
باب الحوائج غير ... يمه الكصد ميحير
يشهدله حتى الطير ... ما منة بخته
شافي العلل ومهيَّد الاوجاع
بصحنه الحوائج تنقضي ابساع
عباس ... عباس
.......
كلمات
موسى الخادم
خايف عليك .... لا تمشي للنهر
خايف عليك .... من طعنت الظهر
ظل يمي شايفهم يغدرونك
من فدوه اروح الدورت اعيونك
لا تمشي للنهر
....
لا تمشي يضي عيني ... لا تمشي وتخليني
اوداعك مو سهل عندي ... يبو فاضل ياذيني
بعدك يمي واعيوني ... ما شوفن صرت بيهه
وين انطي الوجه بعدك .. يامالك هوه اسنيني
ما بيه اودعك خوية عباس
بالدنيه عندي انت ينوماس
افراكك صعب يا رفعت الراس
ظل لا تروح ... يا طلعت الفجر
ظل لا تروح ... ما احمل الهجر
شلي بحياتي خوية من دونك
من فدوه اروح الدورت اعيونك
......
كلمه خوية من بعدك ... ما يبقى طعم بيهه
تموت الخوية وي موتك ..صعبه الساني يحجيهه
يسوه اجم نهر جاري ... شوفك يا بعد عمري
يحزام الظهر تاني ... روحي الروحك افديهه
من فدوه اروح الوكفتك هاي
كون انت يمي شلي بالماي
يخسى العطش كون انت وياي
كلشي يهون ... كونك عدل تظل
كلشي يهون ... يابن علي الفحل
يالكافل الحره يسمونك
......
اكبر كل جرح بية ... جرحك يا كمر ليلي
موتك لو حصل خوية ... ياهو اليجي يتجيلي
بعد ساعه يصح موتي ... هذا الخبر انقلك
شمر بيده يحزه نحري ... ومني يروح كل حيلي
وزينب على التل توكف تشوف
يكطع ركبتي الشمر بسيوف
وهيه تندبك مالك اجفوف
عباس اموت .... بعدك تره ذبح
عباس اموت .... هذا الامر يصح
من تمشي عني وينخطف لونك
.....
خوفي سهم المثلث .... ياخذ عينك الحلوه
واجفوفك يكطعوهه .... وانت اعله الارض تهوه
من ابعيد الك انظر .... توكع عالوجه دامي
ياخوية اشيضل بيه ... وانت اكبالي تتلوه
واضيعتي بعدك يبو الجود
بعيوني اعاين كطع الزنود
ارجع الوحدي اوياي متعود
امشي لوين ... تكتلني حيرتي
امشي لوين ... تسألني عيلتي
سكنه ورقيه خوية يردونك
.....
كلمات
موسى الخادم
الليله السابعه / ليلة ابا الفضل
Читать полностью…
الليله السادسه / ليلة الانصار ع
Читать полностью…
الليله الخامسه / ليلة مسلم ع
Читать полностью…
كلش قليله اربع ولد هديتك
لو عندي عشره امن الكمر فديتك
....1....
لو عندي عشره امن ولد غير الكمر وإخوانه
جا قدمتهم فدوه الك ممنونه مو حزنانه
القاهرني بس اربع زلم خلفت لجلك انه
والزينب اشلون اشلون... ما خلفت وحده ام عون
وياهه تطلع بالسبي .... تشكف اسياط الامتون
أبحقَّك أمقصره يبني ماوفيتك
...2...
كاتنلي يمه المستحه موقفي اخجل منه
بحقك قليله صوغتي يا سيد اهل الجنه
تستاهل انت ابكد عدد انفاسي ولد امهنه
سامحني يانور العين .... ماخلفتلك سبعين
مثل الكمر راعي الفخر ... جا جابو انهار اثنين
يم الخيم يرونْ عطش ذرَّيتك
...3...
وين العداله للحرب رايح واضل ابيتي
المفروض كبلك ركضتي بالسيف مو عوجيتي
وياك اخذني امروتك افديك روحي أمنيتي
وياك اروح الاطفوف .... اتلكه كبلك الاسيوف
يحسين يمه امروتك ... وياك اخذني ولتعوف
ياخذني موتي لو عفتني ابيتك
......4......
يحسين يا يمه العمر دونك ابد ما يسوه
شلي بعمر مابي ضوه ياشمس ربنه الحلوه
نار ابديلي اموجره ارجعلي سالم فدوه
يحسين ضلمه ابلياك .... كلشي يصير اتنخاك
لا تفجع اكليبي بخبر .. موتك ابدمعي اترجاك
ترجعلي سالم يمه روحي انطيتك
.....5.....
كلشي يهون الا الهجر ما ينحمل طاريه
من عندي مو بس النفس يكطع هوه البريه
حاجيني لا تخفي علي روحتك بيهه جيه
اني ادري سالم متعود ... مثل الكمر راعي الجود
أمنيتي بابك ينفتح ... واكبالي اشوفك موجود
امعزَّتك عندي لو تصح راويتك
......6.....
عبدالله جعفر عون الك يروحن فدوه اوليدي
وعباس من يوم المهد الزينب انطيته أبأيدي
يعني الك كل ما أمتلك يالشوف وجهك عيدي
من يوم طبتي الهل الدار... انذرلك اشعندي وصار
انه وبنيني فدوه الك ... انروح يبن الكرار
بعت الولد للمشرعه وشريتك
.....
تمت
كلمات
موسى الخادم
يا طير الصاف ... وصل سلامي الوالدي
يا طير الصاف ... كله بقيت الوحدًّي
جني خطار
موحش الدار
....1....
يا طير مرسالي بدمع ... خطيته جاي اذكرك
لحسين ابوي انقل صور ... يا حاله اشد تقهرك
كـَله العليله الشوفتك ... محتامه حيل اتخبرك
طال السفر كله اشعجب ... ماجيت ليهه اتنطرك
كله افراكاك ... زادت عليلتكم علل
كله افراكاك ... يابوهه صاباهه الشلل
بعدك الصار
موحش الدار
...2...
من توصل الطف كربله ... عبدالله شوفه اشلونه
شو كلبي لاجمني بخبر ... بيد الابو ايذبحونه
عطشان مو ماي العذب ... سهم الغدر يرمونه
من ركبته ايسيل الدمه ... ومفتوحه تبقى اعيونه
جذبلي اخبار ... موت الرضيع وذبحته
جذبلي اخبار ... سهم اليصيبه بركبته
كلبي محتار
...3...
حط رحلك اكبال الخيم ... واشبعلي شوف امن اهلي
عده الشهر وانه انتظر ... لا والدي ولا خلي
مشتاكه حيل اسمع خبر ... منهم الي يوصلي
ما واحده العني سأل ... وكلمة اشلونج كلي
راحو الاعزاز ... اهل المراحب والهله
راحو الاعزاز ... اليمهم جنت مدلله
احله تذكار
...4...
يم عمي عباس الكمر ... سولف قصص عذابي
من اول اليوم المشو ... حد ما خلص شبابي
ما كبرتني علتي ... كبرتني عتبت بابي
من الصبح حد المسه ... اتنطر انه احبابي
اغفه اعله ادموع ... واصحه اعله وني ونوحي
اغفه اعله ادموع ... وتلجمني حيل اجروحي
شابحه أنظار
...5...
والصاحبة اعظم خدر ... وصل سلام اليه
كلهه العليله بروحتج ... كل يوم ميته اشوية
ولو صادفت طفله بعمر .... اربعه هاي ارقيه
جانت الي مثل الهوه ... ذاك اليطب بالرية
كعدتهه اوياي .... جانت فلا اتفاركني ابد
كعدتهه اوياي .... اتوكلني بيديهه الشهد
حلوة اصغار
...6...
واختملي مرسال الدمع ... ويه اخوي الاكبر
شملي قميصه البي عطر ... جنة عدن والكوثر
واشبرلي طوله امن الجدم ... حد ما تصل للمنحر
امفاركته فترة امن الزمن ... متأمله اشوفنه اكبر
مشتاقه العين .... شوفة علي ابن الطالبي
مشتاقه العين .... تنظر وجه الجنه النبي
بذاك الانهار
موحشه الدار
......
تمت
كلمات
موسى الخادم
شور
اعله باب الحبيب ... رفعت الادين
الا من مجيب ... حبيبي حسين
.....1.....
وكفت العبد واكف واهل ... دمعاتي بنكساري
مولاي حن عليه
هاذي دعوتي يمه راحتي ... امن امشيله كبلي روحي
ادك بابه مو اديه
من زغرهه حسين تهوه
حكهه لجله اتروح فدوه ... عشكهه جبير
كل ثمن ما ينطي حقه
اسمه عرش الله ينطقه ... حسُين الامير
موطن العشك ... امامي
صدره منسحك .... واشوفه ملاذ الالوف
راسه منكطع ... حبيبي
نازف الظلع .... ولكن تحده السيوف
رغم كلشي بي .... نزف عالتراب
بقى اسمه شعار ... ترفعه السنين
....2 ....
ناذر العمر لاخر النفس ... ما ينتهي عزائي
للمنكَطح وريده
صيحت الالم صفنت الحزن .. مصدرهه كربلائي
واخته البقت وحيده
يا دموع العين سيلي ...
عالاخذ من عندي حيلي ... سليب الثياب
فشله من يغيب وني ...
وأشتكول الزهره عني ... تركت المصاب
راحتي اللطم ... لكيته
موكب الخدم ... هويته اعله ريحت حسين
رأيت الشيم ... ردائي
حركت الخيم .... عزائي ... اعله طول السنين
نحيبي يدوم ... فلا يوم اعوف
على الجسمه صار ... مزار الونين
...3...
باقي عالعهد عاشك اللطم ... عالكسرو ظلوعه
هذا الخبر اذيعه
روحي تحتي بلطمت الصدر ... مجلس عزا المصيبه ... هاوي الكلب ربيعه
ياليالي النوح زيدي ...
دعوتي امن ارفعهه ايدي... اعله شيبه الخضيب
عالبقى أبحر الظهيره ....
وجسمه لموه بالحصيره ... بجاله الغريب
عاشر الدمه ... عذابي
تشهد السمه .... مصابي مصاب الذبيح
نازف الجرح ... كياني
ليلي والصبح ... نحيبي اعله خده الجريح
عزائي المصاب ... ذبيح السيوف
لحد ما اموت ... واسبل الادين
...4...
كلشي أمتلك انه وامتلك .... باجر ملك امامي
هذا العهد كتبته
اهلي فدوه اله ودمي والنحر ... واموالي والاحبهم ....كلشي اله وهبته
ريته يقبل مني روحي ...
ابدربه افرشهه اويه نوحي... وسط هالعزاء
وبوصيتي اختم كلامي ...
موتي قربان الأمامي... كريم العطاء
صاحب الفضل ... عليه
خيمته تضل ... اليه ستر للممات
قيمه ما الي ... اسولف
حسين ابن علي ... جعلني اعيش الحياة
دعاء امي جان ... الي بكل غروب
امام البتول ... ابيض الجبين
...5...
انه ماصرت لولا طيبته ... خادم لبو رقية
صاحب فضل عليه
ياهو انه واصير بخدمته ... اعظم شرف منحي
اقراله جم رزية
ما اوافي اشما اشكره ....
للبحر شتضيف كطره ... حقيقة وجود
من عطائه خيري كله ...
الدنية ويه حسين احله ... زرعهه بورود
حبيبي اعترف ... نطاني
ابخدمته الشرف ... منحتي مقام الامير
اميري ابفخر ... انادي
صاحب النحر ... اميري كلامي الاخير
طريقه امان ... اضل ماشي بي
اذا عوفه عيب .... من ام البنين
........
كلمات
موسى الخادم
شور
يا أخونه
......1......
أمودع ابالله يمجنون العزاء
يالكضيت اسنين عمرك كربلاء
هذا اول يوم الك وسط الكبر
يعني مانسمع الك باجر بكاء
اسمع افهم
يافلان ابن فلان
انت ميت لجن ميطول الممات
ما يفارك خادم حسين الحياة
العينه جانت تبجي لمصاب الغريب
روحه تفتر بالعزه بثوب الصلات
يا خواني اسمعوني
الكبري من تنزلوني
بمجلس لطم ودعوني
اريد ابجي الأمامي
عندي جم دمعه البقت ابجيهه اريد
على حسين الدمه سال امن الوريد
كون اطب الكبري باجيله العيون
شما يزيد النوح نوحي اوياه يزيد
....2....
يالخدمت احسينك بكول وفعل
مو سهل فركاك عدنه مو سهل
لسة جلماتك ترس هاي الاذان
اشلون زينب بت علي تركب هزل
اسمع افهم
يل على زينب تنوح
لاتخاف امن الكبر كبرك امان
هي ساعه زمن وتروح الجنان
خادم حسين الصدك أجره جبير
مايعوفك وحدك ابهذا المكان
ماخايف يصحباني
امتاني جيتَّه امتاني
عليه ما هادت احزاني
وصدري اعليه دامي
قافلة احزاني ما حطت رحال
حاضره بكل العزاءات الثكال
فاركت طعم الفرح يوم الدريت
ظل ثلث تيام مرمي اعله الرمال
......3......
الك جم موقف حسيني ينذكر
جبت عمرك تلطم بحركه الصدر
للحُسين ادموعك اموزع ثواب
والخدمته ظهرك اكسرته كسر
اسمع افهم
زين ياخادم حسين
لو أتاك الملكان اذكر حُسين
ما يسئلونك على ايام السنين
عدهم امسجل الباجي اعله الخيام
والمشه لزيارته بالاربعين
مو همي انه بجوابي
الهمني وزيد امصابي
ما تشميله يحبابي
بهايه السنه اجدامي
اشلون ما زوره السنه بالاربعين
ولا اخدمه ابموكب انصار الحسين
يعني ما وزع بثوابه الماي اروح
يعني اضل بكبري يافشلة العين
...4...
يا أخونه نقسم ابموت الخذك
عفت بينه اجروح ما تشفى الك
اه يحسين ومصابه منهو راح
النه يقراها يالمفارك هلك
افهم اعلم
جنت تقرأهه بخشوع
رحت عنه واتركت بينه النحيب
على نحر الدامي والخد التريب
يشهد المنبر الك ناعي المصاب
من صدك دمعاتك الجسم السليب
يا خدام ابو اليمه
مني سمعو هالجلمه
امقصر اهواي بالخدمه
ريت اكثر ايامي
هايه جانت دعوتي عمري يطول
حتى تطول خدمتي اويه ابن الرسول
ازغير عمري والعزاءه جنت اروح
بيدي اصفط نعول خدام البتول
.......5......
مثل ما وصيتنه اتريد الجفن
راية العباس حماي الضعن
وتحت خدك تربه من كبر الولي
نفذيناهه اوصيتك ابدمع الجفن
اسمع افهم
يالرحت يم الله ضيف
باقي ذكرك بينه عايش مايروح
بالمجالس عطر لطميتك يفوح
شما تمر اسنين تبقى صورتك
امعلكيهه ابموكب أيليالي الجروح
ماقصرتو وفيتو
الكلت بالحرف سويتو
جازيتوني جازيتو
مثل اهلي وعمامي
ما تركتوني وحيد ابمحنتي
شيعيتوني وحضرتو دفنتي
ويلي مو مثل الحسين بكربلاء
ابلا دفن ظل عالترب اه يخوتي
......
كلمات
موسى الخادم
نزله
كفو منكم يزلام ... خدم نعمه الخدام
....1....
والنعم منكم يصيح بعالي صوته حيدرة
كفو منكم يالبواسل فزتو دنيه واخره
عالصراط ابئيدي باجر بيدي اعبركم تره
والاملاك اتصير الكم خدم يهل المفخره
رفرفت هالاعلام ... خدم نعمه الخدام
....2....
يالخدمتو ابهل الليالي ما يضيعلكم تعب
انجان ناعي انجان مله انجان شيخ انطه خطب
فاطمه أمسجله الاسامي ابيدها لا مو عجب
هالتشوف الخادم اسمه صار اغله امن الذهب
اتحققتله الاحلام ... خدم نعمه الخدام
.....3.....
هذا شهر الخير وانتم خير كل هذا الشهر
موش انه احجيها مني زينب اذيع الخبر
يالرخصتو بكلشي عدكم يالبجيتو اعله النحر
باجر الكم جنه وسعه بصف ابو الاكبر فخر
والشهود الايام ... خدم نعمه الخدم
......4......
خبر عاجل هسه اجانه بجف كمر هاشم يلي
كل شخص قام المأتم حصد مرضات الولي
لا ذبيح الا الحسين ولافتى الا علي
هايه صيحات الرجوله البيها كل هم ينجلي
بالفخر رفعو الهام .... خدم نعمه الخدام
......5.....
بعد عندي ابهل قصيده اسوالف اتسر مسمعك
يالبجيت اعله الابو اليمه الك شافع مدمعك
وباجر بيوم القيامه حسين بيده يرفعك
كلشي غيره ما ينفعك هو بس الينفعك
حسين نهج الإسلام ... خدم نعمه الخدام
....7....
ابشاره الكم هالمجالس كلها بعيون النبي
الف هنياله اليسجل اسمه باجي اعله العبي
المهدي كضه سنين عمره يمشي بدروب السبي
اه يالوعة مصابه البيهه يحجي الطالبي
محترك كالاخيام ... خدم نعمه الخدام
......
كلمات
موسى الخادم
اخر محطات العمر ... كون بعزائك
اخر نفس اتنفسه .... كون ابعزائك
وتخلص حياتي سيدي ... كون ابعزائك
.....1.....
يحسين يا اول عشك .... عاش ابدليلي من صدك
مثل المخيم محترك ... انه اعله شوفك
قصّتي وياك ابتدت ... من عمر يوم اتولدت
صورة ابخيالي اتجسدت ... كل يوم اطوفك
يحسين يالحبك فرض من الله عل وادم
حبيتك ابعمر المهد عل الحب فلا نادم
هنياله كلمن صار الك من الزغر خادم
يا بلسم اجروح الكلب .... طالب دعائك
تقبلني اخدم حضرتك .... طالب دعائك
وتخلص حياتي سيدي ... كون بعزائك
....2....
مولاي يا نعم الولي .... اشهدُ تعلم داخلي
كلشي الاملكه مو الي ... ملكك يمولاي
ناذرلك اسنين العمر .... تشهد علية ام الخدر
ما بدلك بجنه وقصر .... انت اغله بهواي
يكفيني كناس انقبل يم بابك الطاهر
كلش علية اهواي اصيرا خادم الزاير
اتراب زوارك شرف ما ينوصف باجر
لايذ امامي ابحضرتك ... لذت ابردائك
باجر اذا صار الحشر .... لذت ابدعائك
وتخلص حياتي سيدي ... كون ابعزائك
.....3....
امنيتي اصيرلك عبد .... مو لجل جاه ولا ولد
انه اعله ذكرك منولد ... يا سر الاسرار
ما راضع امن امي لبن ... راضع بواجي اعله الضعن ... يحسين يا اجمل وطن .... بعيون الاحرار
جانت تلوليلي اعله حبك امي ليليه
وتكلي راحت زينب اويه الغربه مسيبه
خادم اريد اتصير الهم تقره لطميه
بيض الوجه يم فاطمه .. ظل ابوفائك
خليني بسمك افتخر ... ظل ابوفائك
وتخلص حياتي سيدي ... كون ابعزائك
.........
.....4 ....
يالعيشتني بالنعم .... وانت بوسط كلبك سهم
ما وافي الك لو ابجي دم .... يل دللتني
يل كلشي منطيني اعترف ... ما استحق كل هالعطف ... بفضال خيرك ملتحف ... ما عيرتني
طبعك كريم ابلا تعب تنطي اليخدمونك
الف انعمله سيدي شايلنه بعيونك
خايف علية امن الجرح وانت يذبحونك
خجلان منك سيدي .. بكثرة عطائك
عاجز الساني اشما حجه ... بكثرة عطائك
وتخلص حياتي سيدي ... كون ابعزائك
..........
تمت
كلمات
موسى الخادم
عادت ليالي الحنه والأنه
ارزقني جم دمعه اعله جم ونه
يا ابا عبدالله ... يا ابا عبدالله
..1..
الحمدلله والشكر من ردلي عاشور
وانه اشتم الهوه مو وسط الاكبور
شي مقدس حيل عندي لطم الاصدور
ما يهمني اليعترض افديلك انحور
يمضحي كلشي خاطر اتهنه
ارزقني جم دمعه اعله جم ونه
يا ابا عبدالله ... يا ابا عبدالله
...2...
لايذ ابابك اجيت وكلي امال
دمعه ترزقني عليك اتهد الاجبال
كون اطيح امن البواجي مثل الأطفال
وكون احس ابلوعة الشدوهه بحبال
الجابت طريق الشام بس حنه
ارزقني جم دمعه اعله جم ونه
يا ابا عبدالله .... يا ابا عبدالله
....3....
خادمك مولاي لا تحرمني الادموع
كون اكضي اسنين عمري اعليك مفجوع
اضلوعك امكسرات وانه سالم اضلوع
ابمجلسك وفقني اموتن وانه موجوع
بجويت خيامك موتي اتمنه
ارزقني جم دمعه اعله جم ونه
يا ابا عبدالله ... يا ابا عبدالله
...3...
عمري منذور الك كد ما املك سنين
انطيني حيل الخدمتك مولاي يحسين
كلشي ما عندي بحياتي بس شغلتين
اللطم اعليك الصدر وابجيلك العين
لا ردت اجر لا رايد الجنه
ارزقني جم دمعه اعله جم ونه
يا ابا عبدالله ... يا ابا عبدالله
...4...
سيدي امَّشي اعليك ادموعي ذني
فدوة لا تطردني يمك عبد خلني
من زغر واعليك ما بطلت وني
امصايب الطف الجرتلك سوددني
امصابك حقيقه ما شفت منه
ارزقني جم دمعه اعله جم ونه
يا ابا عبدالله ... يا ابا عبدالله
.....5 ....
كون عاشورك على طول المواسم
حتى اكضي اسنيني الك جفيني لاطم
احله شي عندي خدمتك يبن فاطم
اخذ كلشي اتريد مني وخلني خادم
بابك اموت امن ابتعد عنه
ارزقني جم دمعه اعله جم ونه
يا ابا عبدالله ... يا ابا عبدالله
.......
تمت
كلمات
موسى الخادم
بدا موسم عشكنه ... بدا موسم لطمنه
اليحب هاي المجالس ... خل يشاركنه
...1...
هلا وكل الهلا ابكلمن اجانه
يسجل اسمه حاضر في عزانه
لبو اليمه بفخر علكنه رايه
ونصبنه منبره بدمعة بجانه
يامن تحب طور النعي ... هالليله اول ليله
البس سوادك واعتني ... مجلسنه كوم امشيله
حضرنه رادود العزه .... اليقرالنه اعله العيله
على امصيبة امامك ... لطم صدرك وسامك
تسجل الزهره اسمك .. يلي تسمعنه
.....2.....
بده موسم بجينه اعله التكطع
وذر جسمه وشمر فوكاه تربع
اليحب يتشارك اويانه بدموعه
دمعنه ودمعته انثوبهه نطلع
ميت امامك بالعطش ... لا تبخل اعليه دمعه
اكسر ظلوعك باللطم ... ظلعك فداء الظلعه
ليلة العاشر يالمحب .... تحضرهه كونك تنعه
بثواب الجسمه ضايع ... نوزع هالمدامع
اله مأتم نصبنه ... بهذا مدمعنه
....3....
المجالس نعمة الله ومن حضرهه
اله باجر مقامات اشكبرهه
الادله واضحه للراد ادله
قصائد حمزه ليهسه بذكرهه
الميمون ظلت خالده ... بصوته العذب يقراهه
كل عاشر امحرم يجي ... تبدي المصيبه اوياهه
كلمن خدم بيت النبي ... فاز وربح معناهه
اكيداً هالمجالس ... يحب يحضرهه عابس
لتبخل في حضورك .... جيتك اتهمنه
...4...
شهر حزن الله هذا وما نعوفه
شهر بي طاحن الكافل جفوفه
ومشت مسبيه بي زينب يويلي
فشل نترك جرحهه وما نروفه
واسوهه يخواني الخدم ... جرح السبي أماذيهه
لا اخو الظل عدهه ولا .... كافل يجي ايحاميهه
كل عام ينعاد السبي ... يلف حبل بيديهه
نحشم العنده غيره .... يفك حبل الاسيره
ابعزاء النحره دامي ... يحضر بونَّه
....5....
العمر يخلص اكيداً لا محاله
ربح من علَّم الخدمه الجهاله
النصب موكب لبو اليمه اعله نيته
تصير الجنه دارة اِي عداله
الله جعل جنة عدن ... للخادم البي همه
المايشعر ابطعم التعب .... راحته ابثوب الخدمه
هنياله كلمن فاطمه .... بدفترهه سجلت اسمه
الخدم لحسين امامه ... حصد تاج الكرامه
رغم أنف النواصب ... يدخل الجنه
....6....
اذا ردنه نفرح المهدي واجب
ابد ما نبتعد عن المواكب
نجي بلطمة صدرنه للمجالس
اكيد المهدي حاضرهه ويراقب
خنداوي كَلبه المنجرح... نازف تره من العاشر
انعزي ابذبحت مهجته ... البي منكسر جم حافر
فاتحته منصوبه شهر ... شدكل لامامك باجر
اذا تسمحلي انصح ... عتاب المهدي يذبح
ابد لتخلي نفسك ... مبتعد عنه
........
تمت..
.........
كلمات
موسى الخادم
خليني اشوفك مرة لو حلم
يالبية عايش طيف منرسم
انت الاهم عندي انت كل مهم
يا ابا صالح .... يا ابا صالح
..........
يايوم اشوفك أسألك ... ليل اونهار اتوسلك
ما دمعه كسرت خاطرك ... حاجيني مولاي
صوره ابخيالي راسمك ... ياملك وانه خادمك
ارحمني وارحم حالتي ... ياشوف عيناي
ذبلت اعيوني امن السهر ... شابع بجي شابع قهر
مر بية لو نسمة هوا ... محتاجك اهواي
روحي انه يمك باقي بس جسم
........
يانبضت اكليبي التدك ... مو جذب عشكي من صدك ... وياك واصل مرحله ... مرحلت الاجنون
كل لحضه التمر اذكرك ... عايش اوياي اتصورك
مو عني غايب سيدي ... ساكن بالعيون
تسري ابشرايين الدمه ... تشهد علية فاطمه
روحي انت وانت عالمي ... ياسيد الكون
عطرك يغايب يا وكت اشم
......
ما ادري من وين ابتدي ... بيك انه سارح سيدي
عنوان قصتي من الزغر .... مكتوبه وياك
كاتبلك بدمع النظر ... ياسيدي يالمنتظر
طالت الغيبه اشكد بعد ... امنيتي ملكاك
خايف تجي وانه بكبر ... تظهر وما عندي عمر
يل كلك احساس اوفه ... اهواك اهواك
حربا لمن حاربكم وسلم
.....
فارش الك داري ورد ... هلبت تمرني من ترد
صح انه مو خوش ادامي ... ضيفني لله
بية اكسب اجر المال اهل ... احسبني يتيمك يا امل ... فدوة اخذ بيدي اتوسلك ... نسيني كل اه
ما ريد كلشي بدنيتي ... بس شوفتك يا سلوتي
ما اريد مال ولا ولد ... لا اريد كل جاه
الوياك صار ابدنيه ما يهم
......
مرسالي اختمنه بشجن.... وين استقر بيك الزمن
عايش ابيا ديرت غرب .... عايش ابيا حال
اشتاكل اشتشرب يل ولي ... هذا السؤال ابداخلي ... ما لحضه فارك خاطري ... شاغلي البال
كاعد ابدار ومستقر ... لو خيمه محروكه بجمر
اتذكرك بزينب عمتك ... وبيذج الحبال
كلشي ابحياتك غصه ياشهم
.............
كلمات
موسى الخادم
السلام عليكم احبتي خدام الحسين ع
بفضل الله وبركات اهل البيت ع
وبركات دعائكم تم اكمال ديوان .
(اخر محطات العمر )
من قصائد عاشوراء الحسين لسنه ١٤٤٥ هجريه
شكرآ لله على هذه النعمه
ويهدا ثواب هذا العمل إلى سيدي ومولاي صاحب الامر والزمان ع
ونسأل من الله القبول