963
قصائد مع الحانها لخادمكم موسئ الخادم
الباقر خلص عمره قهر
جاباهه ضيم امن النحر
يا راحه يلكاهه ابكبرته
الذبحوله من زغره فرحته
......
خلصت حياته بالقهر واللوعه والاه
من يومه عاش اويه الحزن والدمعه ترعاه
المسبية عمته ابكربله يا فرحه تدناه
راسه يشيب من الوجع ومن المعاناه
الشاهد حرك ذيج العبي
كل يوم يطلع للسبي
امن ابعيد مسموعه عبرته
الذبحوله من زغره فرحته
.......
مات وأثر حبل السبي بجفوفه موجود
يا كبر جرحه الماشفه للصابه عامود
ليله ونهاره يبجي دم الكطع الازنود
مات ويسولف عالكمر واليمنه والجود
عالمشرعه طاح الكمر
الباقر بحزنه كبر
عاليمنه واليسره حسرته
الذبحوله من صغره فرحته
......
مسموم ويصيح العطش مرَّد جبدته
جدي الحسين ابيا ذنب حزو ركبته
اشكد مرت اسنين وبعد يذكر ذبحته
والهل السبب ما ليله مرت بي فرحته
الميتله جد شابع ذبح
اجروحه تكعده امن الصبح
ما تنتهي وتخلص محنته
الذبحوله من زغره فرحته
........
يا ليلة الحادي عشر مصعبهه ليله
يحجيهه من كلبه انسبت بيهه العقيله
لا اخو الظل عده و كفيل التشتكيله
اه يا مصايب كربله الهدتله حيله
جم منظر الشاهد صعب
العماته نامن عالترب
بالعاشر انباكت ضحكته
الذبحوله من زغره فرحته
.......
هاليوم ودع دنيته باقر علومه
والصادق ابحركة كلب شيع ارسومه
وين اليواسي ابلطمته هاليوم يومه
اليكسر على الباقر ظلع محد يلومه
وين اليواسي فاطمه
وين الجفوف اللاطمه
عالباقر السمو جبدته
الذبحوله من زغره فرحته
.......
كلمات
موسى الخادم
عالجواد ادموعي تجري
لحد ما انزل الكبري
واجواداه ... صيحو وياي
......
شاب بعمر وردة ومات ... ما تمم اسنينه
عاش الهضم واللوعات ... حد ما غمض عينه
أصغر شهيد ابقافله اهل البيت
قصة حياته احزان بحزان الكيت
كل عمره عشرينات والسم روه
اي نعم هذا البل روايات أقريت
ياهضيمه يا هضيمه
بعده صاحت كل يتيمه
وامصاباه .... صيحو وياي
.......
من اقرب الناس اعليه ... سهم الغدر لاحه
صاحبت بيته التؤيه ... اتسببت بجراحه
خانت العشره وطاعت امر الشيطان
سممت جبد الحجه عالانس وجان
ما راعة امه فاطمه وجده حسين
عطشان مات وهوه هم ضل عطشان
مات ما شارب اميه
مثل ابو سكينه ورقيه
يابسه اشفاه ... صيحو وياي
......
موته أشبه ابموت حسين .. ظل بالشمس جسمه
وأهله عليه ابعيدين .... ما واحد اليمه
اتلث ليالي اعله السطح ظل مطروح
ابحر الشمس ما واحد اليمه ينوح
بالذاكره لو نرجع الطف الموت
نلكه شبه ما بينه بين المذبوح
بس نحر ما منه دامي
اختلافه ويه امامي
ويلي ويلاه .. صيحو وياي
......
لمصابه هاليوم اينوح ... ابنه علي الهادي
من كلبه ذاك المجروح ... يا والدي اينادي
لاتمشي وتخليني وحدي ابدنياي
اعليك الذبيح الماشرب كطرت ماي
يا والدي اوداعك يهد مني الحيل
اتمنيتك اتعيش العمر كله اوياي
خل نواسي الهادي ابنه
مات ابونه انصيح كلنه
نبجي لبجاه .... صيحو وياي
......
كلمات
موسى الخادم
الباب المراد اجري الدمع ...
واعلكله دلالي شمع .... ليلة مصابه
يشهد علية المنتظر
ما وافي اله بكطع النحر .... ليلة مصابه
......
كل شهر ذو القعدة يمر... زاير اجي المزارة
بلطمات صدري الموجعه ...وادموعي التجارة
من اوصل الصحنه اطب .... لهفان عالزيارة
تاخذني صفات اشكثر ... وعيوني عالمنارة
كل اشتياق الحضرته
امن ادخل اقبل عتبته .... وابجي اعله بابه
.....
امن اقرة الزيارة اتخيله ... فوك السطح رمية
بحسين اشبه قصته ... هم عاملو بذية
ظل عاري ابحر الشمس ... محروم شرب المية
بس ماعليه خيل اسحكت ... لا شافته علوية
مكطوع راسه امن الكفه
وسهام صدرة امزرفه .... اه يا عذابه
.....
عمر الجواد اصغر عمر ... من بين كل اجدادة
عشرين عام وجم سنه ... لو نحسب الميلادة
خلصها لوعات وقهر ... ودموعه جانت زادة
ماشاف فرحه ابهل عمر ... حد ما وصل ميعادة
كوم الي ماعدهم شيم
سممو جبدة ابلا رحم .... علنو غيابه
......
هالليله واجب كل محب...مجلس عزائه ايحضره
بي حاضر حسين وحسن .. وام العزاء الزهره
كل دمعه كل لطمت صدر ... مسجله وكل عبرة
الواسه الجواد بلوعته ... الله بعضمته ايشكرة
ينطي اجر كد السمه
جي واسه امه فاطمه .... واهله النجابة
.....
ما خاب اليزورة بعسر ... يمه العسر يتيسر
كل حاجه يمه تنكضي ... بالساعه ما تتأخر
باب المراد ايرد طلب ... حاشاها ما يتعذر
بس صفي نيتك واعتني ... من يمه ترجع منسر
كل وكت بابه منفتح
وصفه شفاء الكل جرح ... تلكه بترابه
.......
الحمدالله رب العالمين
اللهم صل على محمد وال محمد
موسى الخادم
.....
السلام علــــيك يا محمـــد الجـــواد
.......
مــو دمع تبجيك مـــن دم عيـــن أملاك السمة
وبحزن هـاي العزية نصبت أمـــك فاطــــمة
وحشة يا دنيانة بعــدك حــــيل صارت مظلمة
ثوبنه الاسود لبسنة أعليك أعلنة الحداد
........
يا جواد الدين أبـدأ مـــــثل يــــومـــك ما حصل
عايش يظل باقــــي ذكرك أبد ما يمحي جــدل
يالكظيت سنين عمـــرك عابـــد الباري بخجل
بعدك الله يعينة هذا الدين يا باب المراد
.........
مــــوسهل لاصعبة نعـــشك ينحمل يابــو الوفة
شبل عـــجل عــنة انت راحل يا سليل المعرفة
كل محب هل نادى بعدك من على الدنية العفـة
الدنيا من عكبك هموم وشاهدك رب العباد
..........
مـــثل ماســــمو أبــــوك وسمو الغالي الحسـن
جـــرعوك السم غــدر أهــــل النفاق أهل الفتن
اللـــه لا يرحمة الي الحلل دمـك بهـــذا الزمن
الله يلعن ال أمية الاسست حقد وعناد
مصيبتك عادت علينة نص مصيبت كـــربلة
ظل ثلــــث تيـــام جسمك بالشمس من غسلة
حـــالك بحال الحـــــسين أشبه يسلطان الملة
شهر عاشور بمصابك عاد يا والينة عاد
.........
الحمد الله رب العالمين
اللهم صل على محمد وال محمد
موسى الخادم
الناصب عزائه جان لحسين
مات المسيه وغمض العين
اويلاه .... اويلاه
......
مدرسة العلم جانو يسمونه
مات بسم غدر ناس اليكرهونه
ما شاف الراحه بعمره ولا عاش الفرحه
خلَّص ايامه اعله حسينه امصاحب جرحه
مره ينوح الجبده الضامي وسحكت ظهره
مره أينوح السبي اعياله ومره الذبحه
جعفر الصادق لاخر ايام
يبجي الحبيبه الشابع اسهام
واويلاه ... واويلاه
......
ليلية اعله خده ناثر ادموعه
وروحه الموت ابو الاحرار مفجوعه
يومية ابنص داره الجده ناصب مأتم
حركة كلبه الذبح حسينه حرك أمخيم
شيًّب حاله الطف من زغره وكبًّر عمره
موضوعه اصبح ليل انهار البي يتكلم
مجلس حسين ابداره باقي
يقراه بالطور العراقي
واويلاه ... واويلاه
......
اه يحسين دوم ايردد السانه
شاعر صار والرادود عنوانه
اه يحسين واه يمصابه بحت صوته
والزينب ما فارك حزنه وهضمه الموته
صورة حبل الظالم كَيد جفهه وجرهه
هيه الهاي الهدت حيله وهدت قوته
القتل الهم جان عاده
بس سبي زينب موت زاده
واويلاه ... واويلاه
....
ليش اضلوع جدي بخيل سحكوهه
ما كفاهم اضلوع امه كسروهه
المثل حسين اتشيله الودام فوك الهامه
موش اطشر لحمه وحيل ادوس اعظامه
وبحر شمس العاشر يبقى ايام اتلاثه
ريت الطف لا صار ولا صارت ايامه
جا ما بقى جسمه رمية
ولا عل طشت ماتت رقيه
اويلاه.... اويلاه
......
كلما يشرب المي يذكر حسينه
عطشان انذبح ليش وغمض عينه
سامع كلشي بس ما سامع ذبحو ضامي
يحجيهه بدمعات اعيونه وكلبه الدامي
امصيبت جدي الما تشبهه كل مصيبه
هي الاخذت مني اسنيني وكل ايامي
السم احسبه سبب ثاني
حزني اعله جدي الموتاني
اويلاه .... اويلاه
......
كلمات
موسى الخادم
ماحاضر كربله… ولا سبّي العايلة
بس سامع من هله… اشجارو على حسين
……
ماحاضر بطف كربله…ولا شاف نبله حرمله…
ولا سبي الاعيال
حزنهه كثر من الزغر ..ميت قهر ﻻم الخدر .. الراحت عالجمال
من مولدة الحد موتته…يبجي اعله زينب عمته … الكيدوهة بحبال
راسم صور بالذاكرة … الراس الحسين ومنحره .. المنة الدمه سال
ما شاهد جف كمر
ولا رايه اعله النهر
والدمعة السايله… .. اشجارو على حسين
……
قصة عذاباته ابتدت ..من اول ايام اللفت ...
روحه اعله دنياه
ماضاكت اسنينه الفرح …من الزغر كلبه انجرح … بهمومة ويلاه
الباقر حجاله الي جره…اعله حسين من ظل عالثرة … تتناثر ادماه
من منحرة نازف دمة… واظلوعه كلهة امهشمة…
ما رحمته اعداه
الباقر ما خبّره
عن كسرت خاطره
وعن شمر وحرمله… .اشجارو على حسين
………
الصادق كظه سنينه قهر…اعله حسين مكطوع النحر ... حزنه وعذابه
ليلة يخلصه بالدمع …وانهارة ذايب كالشمع … شاب ابشبابه
نار 🔥 ابدليله اتوجرت… مثل الخيام الماطفت … زادت مصابه
كل ما يمر شهر الحزن… يذكر حسين ابلادفن…
ظل عل الترابه
طايح فوك الثره
دم نازف منحرة
تنظر له العايله… اشجارو على حسين
…
عايش وروحة ابكربله … يبجي بواجي الثاكله… خلص هالاعوام
ما لحضة فارك للحزن . .بدموعة غركان الجفن… جاباها الايام
مجلس عزائه منصب…ولحسين دمعاته تصب… ولحرك الاخيام
يتمنه جانت موتته… وية رقية عمته
بالغربه بالشام
وبحبال اهل الغدر
متكييد لليسر
ويبراله عاذله ... اشجارو على حسين
……
هالليلة ناس العادته… بالسم روتله جبدته …
بكاس المرارت
ماهمهم الصادق ولي …وجده الوصي حيدر علي … حاضر الشدات
بعروكهم يسري الحقد … بالدم سكو غصن الورد… وذبحو الضحكات
من السقيفة استلهمو… معنى الغدر واتعلمو…
للفتنه رايات…
ماهمهم حالته
من سمو جبدته
نسألهم أساله… .. اشجارو على حسين
……
كلمات
موسى الخادم
…
علي راح .... متخضب ابدم هامته
علي راح .... وبعينه دمعه العيلته
علي راح .... ياهو اليسدها وحشته
باخر ثلث من شهر الاصيام
ودع حياته علي الضرغام
عاف الحسن وحسين ايتام
وام الخدر مسبيت الشام
مات امخضب ابجرحه علي حامي الحمية
مات وراحه ما شاهد لحد يوم المنية
غمض عينه وبكلبه قصص كلهن اذية
نار الخيمه جاويته كبل سكنه ورقية
بالجروح ... خط قصه احزانه علي
بالجروح .... خلص حياته مبتلي
علي راح ... والطبرة وصلت كصته
......
حيدر علي بسيف الحقد مات
ما تمم اصيامه حرامات
راح وترك وحشه المناجات
واعليه بجت عين السماوات
مات وماتت الفرحه وسط عين اليتامه
مات ومن بعد موته النهار اعلن ظلامه
مات وخلِّف الزينب حزن تكتل سهامه
مات وجلمت الشامت علي طبروله هامه
حسافات ... نكرو فضل حامي الحمه
حسافات ... مو ناسه تبجيله السمه
علي راح ... دم هامه واصل لحيته
......
راح وترك جم غصه بالروح
جازو جهادة بطبره وجروح
ليث الشدايد راسه مفتوح
وزينب تصيح ابصوت مبحوح
يااغله واعز مني واعز كلشي هويته
انه امضيعه حضن امي الوسط حضنك لكيته
لا ترحل تذكرني بحزن كلبي النسيته
اغيابك يكسر اجناحي وسط روحي قريته
والحسين ... سولفله كلشي بالدمع
والحسين ... مكسور كلبه منفجع
علي راح ... وحسين حزو ركبته
....
الطبرو علي بالهامه ياناس
نفس اللي طبرو راس عباس
وانطو امرهم ينكطع راس
حسين ابو اليمه وصدرة ينداس
نفس الحركو اديارة احركو باب المخيم
والكسّر ظلع فاطم ظلع حسينه هشم
اه يالوعت العاشر العاشر من محرم
ما ننساها من نقره وحك الخلق ادم
ا
بالاخبار ... الماضي والحاضر جرح
بالاخبار .... لا بد حسينأ ينذبح
علي راح ... لحسين تسعر جمرته
.....
خلص حياته ابخبزة اشعير
جوعان يغفى ويشبع الغير
حيدر وجودة اعله الارض خير
سفرت عطائه وكلت الطير
ما واحد وصل حمكه علي واضح طريقه
ساوه اويه الفقير اويه الغني اباول وثيقه
عادل حيدر بكلشي كبل خلق الخليقه
عاش اويه الفقر عمرة صبح فقرة رفيقة
ملك عاش ... ماعندة قصر ولا حشم
ملك عاش ... يتفقد ايتامه ابألم
علي راح ... بس لسه ظلت صورتة
....
كلمات
موسى الخادم
نزله
سلطاني . عنواني . ايماني ... حيدر علي
.....
يا واحد ما مثله ... ثاني يصح
يا مرهم يابلسم ... اكبر جرح
يا اجمل يا اكمل... طلعت صبح
يا اول يا اخر ... صاحب ربح
ياحيدر ...
ياموطن . . عشكي الاولي
والعافك . . خصمي وعاذلي
والحبك . . انطي كلشي الي
مولاي مولاي ... مولاي مولاي... مولاي ياعلي
.... .
ماعوفك لو خلو ... بيدي الشمس
خل يسمع كل حاقد ... اصله نجس
بيك امن دلالي ... بأول درس
مو من هسه ولامن ... أول امس
ياروحي
بعيوني ... راسملك صور
محبوبي ... حد كطع النحر
ما بدلك ... بكنوز الدهر
مولاي مولاي ... مولاي مولاي ... مولاي ياعلي
....
من فتَّحَّت أعيوني ... اسمك شفت
مخطوط اعله اكماطي ... واتعلقت
بحروفك ياحيدر ... همت وهمت
عايف كلشي وحبك .. لا ماعفت
ياغالي
وي حبك .... باقي للأبد
مجنونك ... عن اباً وجد
ياروحي ... هاك اخذ العهد
مولاي مولاي ... مولاي مولاي ...مولاي ياعلي
.......
يامالك احساسي ... وكلشي ألي
من الذر واليتك ... نعم الولي
اعروك الدم البية ... تهتف علي
كاتبلك من زغري ... ياكل هلي
حبيتك
بايعلك . روحي ابلا ثمن
مارايد ... كلشي بهل الزمن
خليني ... مده بهل صحن
مولاي مولاي ... مولاي مولاي ... مولاي ياعلي
.....
باقي اوياك الاخر ... نسمة عشك
دلالي ونبضاته ... بسمك يدك
عن دربك يا غالي ... ما افترك
ابحبك راضي اتعذب ... راضي احترك
واليتك
ياحيدر .... يا خير العمل
افدواتك ... واتكطع وصل
لعيونك ... خطيت الجمل
ماعوفك ... واليوم الاجل
مولاي مولاي ... مولاي مولاي ... مولاي ياعلي
.....
كلمات
موسى الخادم
رئيسية
اكعد يروحي .. ما لايكه النومه الك ...اكعد يروحي
عاين جروحي .. بدموعي بويه اتوسلك .. عاين جروحي
سبب موتي فركاك
الي افتحه عيناك
.......
بغلات امي ... عليك اقسم .. تفك ليه العيون
يمحبوبي ... الك فدوه ... رحت اَنه يكون
اذا تمشي ... تهد حيلي ... عليك أمري يهون
وردة وبلا ماي اضل بعدك اني
تسبيني الادموع واضل منهه اعاني
من بعدك اهواي أحير ابزماني
انه بعدك ياهو اليه
ياحبيبي رد عليه
من رحتلك فدوه بوية
الزم ايدي هاي اديه
وياك اخذني ..لو ناوي ترحل للكبر .. وياك اخذني
يالماشي عني..كلشي يهون الا الهجر .. يالماشي عني
اخذ روحي وياك
الي افتحه عيناك
.....
بعد كلبي ... جرح راسك .. يريته ابراسي صار
الوجع بيه ... تمنيته ... يمن كلك وقار
انه بدونك ... شبه ميته ... اعيش الاحتضار
فدواتك الروح اخذ مني روحي
عمري بلياك اخلصه اويه نوحي
يالجرحك اهواي اشد كل جروحي
عمري بعدك ما أريده
موتي ارحم من وحيده
بوية يالكلك محنه
بعدك افراحي بعيده
شيصبره حالي .. لو ما اشوفك كل صبح ... شيصبره حالي
ضيم الليالي ... تلفيني واتهيَّج الجرح ... ضيم الليالي
يبويه العمر هاك
الي افتحه عيناك
......
صعب احمل .. خبر موتك .. يبوي الكله خير
على امجانك ... انه امعوده ... اصبَّح يا جبير
صور ذكرك .... تشل حالي... امنصفح بيهه احير
الماعده ابو ايصير اسمهه اليتيمه
تسبيها الاحزان تعيش الهضيمه
محتاجه لفياي وابوي انت خيمه
ياحبيبي المالي غيره
رد عليه انه الاميره
وين حيلك ذاك بوية
ارحم بحالي زغيره
يابو المحنه ...احتاجك ابكد الهوه ... يابو المحنه
ياخير اهلنه .. داري اظلم وشوفك ضوه ... ياخير اهلنه
حنيني اعله ملكاك
الي افتحه عيناك
......
احس داري .. بعد ساعه ... يغطيهه السواد
على الوحشه .. تعودني ... وتصير الدمعه زاد
بعد عينك ... حزن كلبي ... علي يعلن حداد
بعدك دمع عيني ياهو الينشفه
بعدك يبوية بحضن منهو اغفه
وجرحي اعله فراك فلا ضنه يشفه
جنت اليه كلشي احبه
هسه اعيش بدونه صعبه
عيني متعوده اعله شوفك
كاس موتك مر اشربه
ناعي المصيبه ... ماخله عندي كل فكر ... ناعي المصيبه
حال الغريبه ... صرت انه بعدك يا بدر... حال الغريبه
نبض كلبي ينعاك
الي افتحه عيناك
.....
انه بحاجه ... الك بويه ... امن اضل ابلا خيام
وعلي تفتر ... زلم صلفه .... يجرحوني بكلام
اروح المن .. واهل بيتي ... ذبايح يا حرام
وحسيني عالكاع تدوسه الحوافر
دم منحره يسيل عالخيام يناظر
متكَّسر اظلوع اعاينله باجر
راسه مو يم جسمه انضره
والدمه ايغطيله نحره
بحاجتك بوية تجيني
انلملم اعظمات صدره
لوما تجيني ... معناهه أنجر بالحبل.. لوما تجيني
باخر سنيني..أبلا هودج اركب عالهزل...باخر سنيني
علي بوية بحماك
الي افتحه عيناك
.......
كلمات
موسى الخادم
يا جرح أكثر ... زيَّد اونينك
طبرت الهامه ... دمعت ابنينك
....
رسول الله .. انه وجيتك .. اضمد جرحك ابأيدي
يمحبوبي ... شنو أيألمك ... عليك احسينك اوليدي
ياعلي ابداعت الزهره سولف اوياي
ياجرح اكثر يلجمك نظر عيناي
جرح راسك لو جرح ولدك يبو حسين
جاي اشوف اثنين مو واحد جرح جاي
ياعلي ... شنهو الي ألمك
ياعلي ... سولفلي همك
ياعلي ... شو نزف دمك
يا أبو الحمله .... واصل اجبينك
......
على امصابك ... عفت محسن .. ينوح وفاطمه الزهره
الك رادت ... تجي لكن ... الضلع ما منجبر كسره
كلشي برجاء الجنان امكدر اعليك
وصوت جبريل ابعضمته صار ناعيك
ضجه صارت بالسماء الطبرتك هاي
والأرض من مستحاهه ابحور تبجيك
يا علي ... امصابك فجعنه
يا علي ... خلَّص دمعنه
يا علي .. صيحه سمعنه
الخاطر ايتامك .... لا تسد عينك
.....
على بابك ... شفت موقف ... يبجي اعيون الي يشوفه
طفل واكف .. على اعتابك ... ملامح وجه مخطوفه
بيده طاست لبن شايل لازم الباب
يحجي وي روحه ويسولف جرحه لو طاب
ناذر اعيوني الثنين وروحي انطي
واليتامه اوياه تدعي بهذا المصاب
ياعلي ... عالخد دمعهم
ياعلي ... طفو شمعهم
ياعلي ... يهضم وضعهم
بمدمع الجاري ... نادتك وينك
.......
جرح هامك ... كسر كلبي ... مثل ما كاسر ايتامك
اه شكد ... كبر عمره ... الحسن شاب ابطبر هامك
وذاك ماجنه الحسين اليمك ينوح
جاي اشوفه بس جسد باقي بلا روح
كربله ما واصللهه وفاكد الحيل
على مصابك ياعلي بالدمعه مذبوح
يا علي ... حاله فجعني
يا علي ... ماجنه ابني
ياعلي ... زيدلي وني
ذابله اعيونه ... انظر أحسينك
.....
اشد منهم ... وضع زينب... عليك امحيره وتنعه
اليتم بين ... كبل موتك ... عليها وتشهد الدمعه
ياعلي اعليك العقيله شابحه العين
ذكرتني ابموقف اوياهه اويه الحسين
من على التل توكف اتعاين شمرهم
يحز نحره من كفه ويسبل الايدين
ياعلي ... سامع بجيهه
ياعلي ... يشرح سبيهه
ياعلي ... عاين عليهه
حالت الحره .... زادت اونينك
.......
كلمات
موسى الخادم
لا فتى ... لافتى الا علي
....
حب حيدر ينجينه من كل حاطمه
نعمت حيدر بيها انباهي اهل السمه
غلطان اليظن يوم ... نترك سيد الكوم ...حماي الحمية
ماخاب الي والاه ... دنيه واخرة اوياه ... محسومة القضية
نحجي ابعالي الصوت ... ما يمنعه كل موت ...
اهلا بالمنية
لا فتى .. صيحت الحق تعتلي
.....
ماحب حيدر بس الزلمه المن صدك
مالك الاشتر عدنه اثبات الهل عشك
واليكره علي انشوف ... تاريخه كظاه خوف ... وهواية الادله
ابن لعاص شنهو سواه ... من حيدرنه لاكاه ...
عن هدمه تخله
صولاته علي اهواي ... تشهدله الزلم هاي ...
عيِّش خصمه ذله
لافتى ... هالاسم شرف هلي
لا فتى ... لا فتى الا علي
.....
يالسامعني اتخيل لو ماكو علي
اشلون اتخلص يومك بالهم مبتلي
همزين الله سوّاه ... وخلانه انتولاه .... واجب ربنه نشكر
لو ما حيدر امنين ... نحضى ابخدمت حسين ...
جا حالتنه تقهر
جا والينه الاصنام ... واكظيناهه الايام ... وسط الظلمه نفتر
لا فتى ... نهج حق ليك والي
....
ميشم ريح الجنه اليبغض حيدرة
درب اجهنم دربه اعليه يلزم سرة
دين الله ابعلي اتمام ... مركز قطب الاسلام ...
خل تسمع خصومه
حيدر كحل العيون ... بي كل شيعي مجنون ...
خي يلوم اليلومه
ميثم جن ببو حسين ... عابس جن بالحسين
وصلتهم علومه
لا فتى ....بيها منجن كل ولي
.....
هنياله اليتوفق يحضر مجلسه
مجلس حيدر بيدة المهدي امأسسه
المهدي وفاطمه اهناه .. تتلكه الي ينعاه ... هاي الكم بشارة
يله انوسد الاصدور ... فاطم يمكم ادور ... تنطينه الاشارة
يالكلكم بطولات ... حي اعله العزاءات ... ناخذه ابجدارة
لا فتى ... بيها كل هم ينجلي
.....
الحمد الله رب العالمين
اللهم صل على محمد وآل محمد
موسى الخادم
ياعلي احضر وحشتي ... لو نزلت الحفرتي
مالي غيرك ياعلي اينجيني
....
ظلمه تدريه الكبر وبلا نور
وانه انتظرك تجيني يالغيور
مالي غيرك يحضر الكبري ويزور
كلهه راح اتعوفني وتجفيني
....
ساعت ايهيلونه فوكاي التراب
ويمي يحضر منكر بسوط العذاب
ابقى حاير مالي طاقه الكل جواب
انتظر جيتك علي اتحاميني
.....
اشلون بية من يوفيني الاجل
انه اخافن سيدي من المغتسل
احضر احضر لية ياخير العمل
انه خادم حضرتك تدريني
......
من ينزلوني يحيدر للكبر
وعن يمشون الاهل وبلا عذر
جيتك يا ابا الحسن ابقى انتظر
يمي تحصل جيتك حاجيني
.....
صعبه ما احملها طبت المكبرة
اشلون بية انظر حفرتي امحضرة
والذنوب اهواي نعشي امحاصرة
انت بس انت علي اتنجيني
......
الحمدالله رب العالمين
اللهم صل على محمد وآل محمد
موسى الخادم
وحشة """ هالليلة دارك يا علي
وحشة """ صوت اليتامة معتلي
وحشة .. وحشة
"""""""
وحشة دار أهل الرسالة ابهل المسية "" وحشة صارت "" ياعلينة
من عفتهة احزان صبت عاليتامة "" الفرحة غابت "" مادرينة
تمشي وتخليهه زينب تبجي سكتة "" بيك حارت "" ياولينة
زينب """ يم راسك الطاهر بجت
زينب """ دمعتهه بالخــد حفرت
زينب """ ضيم السداهة مايلي
""""""""""""
ياعلي الايتام عكبك ياهو ليهة "" لوعفتهة "" يا املهه
بالحسن وحسين وصت أمهم امهم "" واعدتهة """ كد حملهه
ارجع ورجع بتسامة زينب اله ""فاركتهه "" وية أهلهه
ارجع """ ايتامك اشكد تنتظر
ارجع """ ماضل بعد عدتهم صبر
ارجع """ ونفذ الوصية يا علي
""""""""""""""""
من يتاماك العفته صوت نسمع "" لا لتبعد "" يا شمسنة
ظلمة دنيانة بغيابك ظلمة تصبح "" فدوة اكعد "" يانفسنة
احنة ايتامك يحيدر لا تردنة "" أكلوبنة أسعد "" يا فرحنة
حيدر """ ما ينحمل فكدك صعب
حيدر """ وكف نبض دكت الكلب
حيدر """ ردنة يا اعظم ولي
""""""""""""""""""""
غايب وغابت رسموك ما نصدك "" عــــن بنينك "" تمشي سكتة
الموت أرحم صار الهم يا علينة "" أخلاف عينك "" زاد ونـــــتة
اليتيم أعليك ينعى دمعـة جاري "" ينـادي ويــنك "" مـا حضرتة
وينك """ يا والــــد حسين وحسن
وينك """ بعدك قسة أعلينة الزمن
وينك """ واحدنة بالــــهم مبتلي
"""""""""""""""""
الحمد الله رب العالمين
اللهم صل على محمد وال محمد
موسى الخادم
يابو صالح يا امامي ... يابو صالح يا امامي
متى الفرج .. متى الفرج
................................................................................
خلصت عمري انتظار الجيـتك امتانيهة
يمتى اشوف ابنور وجهك هل السمة امضويهة
احضر بساعك يوالي وكلبي نارة اطفيهة
يا وكت يا ساعة تظهر يا علامة اتنيهة
كل وكت بيك اهتمامي ... يابو صالح يا أمامي
متى الفرج ... متى الفرج
...................................................................................
مثل يعكوب ابغيابك جاري دمع اعيوني
من كثر ما بيك منجـن عابـس ايسموني
خاف اموت او كبل جيتك سيدي ايدفنوني
ادعي ربي ايطول عمري الخدمتك يا عوني
واعلى شوفك كلبي ظامي ... يابو صالح يا امامي
متى الفرج ... متى الفرج
...................................................................................
أمنيت عمري او حياتي احظة اني ابشوفك
ولوتحقق هذا حلمي اوياك اظل ما اعوفك
يا كبر بختي تلامس هل الجفوف اجفوفك
كلبي هايم يا امامي من الـزغر بحروفك
انه الك اعلن هيامي ... يابو صالح يا امامي
متى الفرج. متى الفرج
………… .
غيرك اعلم يا ابو صالح ما يصح محبوبي
انت بس انت حبـيـبـي اموضح ابمكتوبي
يلـمحبتك باب رحمـة تمحي كـل اذنوبي
ساهرت ليـل انتظارك والدموع ابثوبي
كل صباح ابعث سلامي ... يابو صالح يا امامي
متى الفرج ... متى الفرج
..................................................................................
غـاية ما عندي ابحياتي انـت كل غاياتي
لحظة عمري بيـن اديك اوبينت شيباتي
سيدي كـثر المدامع جّرحت وجناتي
ما أسولفلك وحكك بـس حزن ضحكاتي
فرحة للشامت كلامي ... يابو صالح يا امامي
متى الفرج ... متى الفرج
...................................................................................
الحمدلله رب العالمين
اللهم صل على محمد وال محمد
موسى الخادم
باجر ليلة القدر… راح احيهة بالكبر…
واقرأ المناجات
مات الوصي مات
… ..
ليلة القدر ابهل السنة .. وسط الكبر أحييهة
اقرأ المناجات ابدمع .. عيني الي راح ابجيهة
سجادة اسوي امن الترب .. واوكف اصلي اعليهة
تسبيحت امك فاطمة . بيهة ابدي واختم بيهة
باقي الليالي التمر .. وحدك تصلي الفجر
يوليدي مأسات
مات الوصي مات
… ..
ما تتم صيام الشهر .. يالحسن بوية اوياكم
راحل كبل عيد الفطر … حيدر علي اليهواكم
انه ادري الموادع صعب .. يل عاشك الملكاكم
اقرو اعلى كبري الفاتحة . عين السمة ترعاكم
بهّلال عيد الفطر… جيتكم انه انتظر
مصعب اللحضات
مات الوصي مات
… .
اكتب الك يبني الحسن ..بدموعي هاي اوصيتي
بوية انت مسؤول اصبحت..عن عيلتي وعن بيتي
ادري انه حملك مو سهل ..يالنيّتك من نيتي
لحسين صير انت الابو ..يالهوه التارس ريتي
اوصيك يبني الطهر… بحسين اخوك البدر
ايامة وحشات
مات الوصي مات
… .
لو غمض اعيوني الاجل .. وانت بجفوفي املازم
لتحسس العيلة ابد .. كلهم ابوكم نايم
زينب خطية اشتحتمل ..لساهة تبجي الفاطم
لا تفشي سر هذا الخبر… . تفجع گلب كل صايم
لتخبّر ابهل الامر … صيام اهلنه انتظر
تفطر معانات
مات الوصي مات
… ..
لو غسلتني يولدي .. لا تنفجع بجروحي
لساته جرح ام الحسن .. ما طايب ابنص روحي
ماتت الزهرة امن الكسر .. وانه اموت ابنوحي
نظراتك الكلهة حزن ..هدت كيان اصروحي
حسرات اشوفك تجر .. منك اريد الصبر
يالكلك اهات
مات الوصي مات
… ..
عن هاي دنية الفانية ..راح انتقل يوليدي
والتقي أبأمك فاطمة .. الوياهة اجمل عيدي
روحي الهة مشتاكة اشكثر..يا موت أخّذ أبأيدي
فرحان وبنفس الوقت..حزني عليك أشبيدي
خلصت ليالي العمر ..والموتي باقي انتظر
سامع هالاصوات
مات الوصي مات
… .
الحمدلله رب العالمين
اللهم صل على محمد وال محمد
موسى الخادم
الشاعر والرادود موسى الخادم:
عظم الله اجورنا واجوركم بأستشهاد الامام الباقر ع
( أصعب أليالي العشتها ابكربله... لـيلة اوداع الكمـر للعايله)
دمعت الناظر
تكسر الخاطر
في كربله
… .
ليلت احــزان ومصـــيبة وفاجــعه
ليله بيها اعـــيون زيــنب دامـــعه
اه يا صوت البجي الصار اسمـعه
مـــن دخـــل ليها الــكمر بموادعه
ضجة صارت بالمخيم ضجه حيل ...
من بواجي الحرة زينب والكفيل
ليلة العاشر
تكسر الخاطر
في كربله
… .........
شفته ذب روحه اعله زينب بت علي
صاح يختي وهية صاحت كافلي
هاذي اخر لـــيله ويـــاج انه الي
هيـــجي كـــله وهية كالتله انولي
لو رحت عباس يوليني الشمر
ولا يضل صيوان عندي ولا خدر
وكفت اتناظر
تكسر الخاطر
… ..
شفته ما چــن ذاكه عباس الكمــر
كوه يمشي وظهرة عالحرة انكسر
يحجي وي روحه وسمعته امن اعتذر
من اخيّته الغــالية ابــدمع النظــر
اعيونه ذبلانات من كثر البچي ..
كوه يتفرزن امن اشفافة الحچي
روحه عالصاير
تكسر الخاطر
في كربله
اباب خـــيمة زينب الكـــافل كعد
يجري دمعات الّموادع حيلي هد
رحت يمة وكتله يا عمي اشبعد
كال زينب تنسبي بعـــدة وعــدد
باجر ام عون العزيزة تنسبي ..
والسياط اتشكك امتون وعبي
عمّتك باجر
تكسر الخاطر… ..في كربله
……
الباقر انه وصح زغير ابكربله
لجن لسة ابالي نبله حــــرمله
ابعين ابو فاضل شفته امشكله
وشفت عمتي امكيدها بسلسله
هالصور بعيوني مطبوعه طبع
ماتفاركني مثل مجرة الدمع
صورت الحافر
تكسر الخاطر ... في كربله
....................
كلمات
موسى الخادم
ياجواد الائمه .... جرحك منين اكلمه
من حرك باب وخيم
لو مناحر تجري دم
جرحك منين اكلمه
.....
اسالك يا اغله غالي ..واعتذرلك عن سؤالي
يا جرحك اكثر يألمك ...فدوة جاوب ريحه بالي
جرح حرك المخيم لو سبي الخدر
يمن لسه بدليلك جمرتك تسعر
متت وعيونك اتصب العلي الاكبر
الك ثار اليجيبة المهدي من يظهر
لحضه ما ينسى ثارة .... المهدي واضح قرارة
يظهر وبيدة العلم
من حرك باب وخيم
.......
يالخبر موتك فجعني ...ما ابطله اعليك وني
شنهو اكثر شي بجيته .... سيدي لا تخفي عني
احلفك بالجفوفه العمتك صانت
دمعتك تجري المن كل وكت جانت
اعلى زينب لو رقية العل طشت ماتت
يمن ساعت وفاتك هالمسه حانت
بوح الي بهذا سرك .... حتى اظل اعله ذكرك
اتقاسم اوياك الالم
من حرك باب وخيم
........
يالعشت عمرك مصيبة ... عل البقت جثته سليبة
ضامي مت اوهو ضامي ... موتتك مثله عجيبه
متت ضامي مثل موت الذي احلالك
رمية اعله السطح شمس الله تبرالك
ثلث تيام ما واحد اجه وشالك
يمن حتى العرش ناح وبجه الحالك
بموتتك هالمسية .... عادو الغاضرية
جبدك مصوبينه سم
من حرك باب وخيم
......
يالجواد ابجي المصابك ... وحزني مافارك عذابك
روحك اشافت مصايب .... يلي ما راعو شبابك
يالعمرك وصل حد خمسه والعشرين
وسمو جبدتك ياحجة الطيبين
خلص عمرك تنوح الوحدك لحسين
ومثل جدك علي ابيجت الزجية سنين
سنينك الي عشتها .... بالمدامع خلصتها
سنين عمرك كلها هم
من حرك باب وخيم
........
مجلسك هالليله حاضر ... سيدي اعله جروحي اكابر
امن اذكرك واذكر شبابك ...صورتك مسموم اناظر
اشد ليله اعلى كلبي ليلة اغيابك
عليك اشما انوح امقصر ابابك
يمن متفضل اعليه اقرة بمصابك
بمانك سيدي ما فارك اعتابك
عبدك اقبل خدمتي .... لا تردني ابدمعتي
جرحي وياك انرسم
من حرك باب وخيم
.......
الحمدالله رب العالمين
اللهم صل على محمد وال محمد
موسى الخادم
نعش والينة الجواد نشيعة هالساعة
""""""""
نعشة هاي الليلة .... بالدموع أنشيلة ...... سيد العقيدة
وبالطم نحيهة ..... ذكرى ونواسيهة ..... روحة الشهيدة
تستمعنة أعدانة .... ثارة عاش ويانة ... منهم نريدة
مانعوفة وللأبـــــد بالــــــثار شــراعة
"""""""
يـــــلة يا أنصارة .... هـــبو يم ديارة ...... هاي المسية
أتوادعو أويالوالي .... حجة الله الغالي .... هاوي المنية
غمضاهة عيونة .... شوفتة الحرمونة .... أتباع أمـــــية
حرمو الشيعة تشوفة وتلمس أذراعة
"""""""
ساعت أتشيعونة ..... جبدة لتلجمونة ..... بالسم تكطع
يامحب أبــــهيدة ..... من تشيلة بهيدة ... ونـــاتة تسمع
لا فــعل يشفينة ..... لا حزن يكفينة .... فاركنة مرجع
وارث علوم الرسول وفكرة وأطباعة
يادهر ياظالم .....ليشت أخذت العالم .....وارث نبينة
أبيا ذنب سميتة .... وبالترب غطيتة .... غالي علينة
ربنة ما ينساهة .... فعلتك وي طــه .... أوي بنيـــنة
ياخذ بثاراتة منك تفرح أتباعة
.......
الحمد الله رب العالمين
اللهم صل على محمد وال محمد
موسى الخادم
السلام عليكم احبتي خدام الحسين ع
عظم الله اجورنا واجوركم بذكرى شهادة سيدنا ومولانا الامام الجواد عليه السلام
للصادق اليوم اعتنت فاطمه
بدمع المصيبه الجارية امحزمه
اتصيح اه يبني
امصابك افجعني
.......
من السمه نزلت تون ... من غمض اعيونه
بالكوه تمشي اعله الجدم ... ويه اليشعونه
مكسوره خاطر والضلع ... ماذيهه بمصابه
متألمه حيل الدفنته ... جن هيه مدفونه
يم كبره كعدت تبجي وي عيلته
اه يبني يالبسم متت نادته
يومك اَ لمني
امصابك افجعني
......
يم راسه كعدت تنتحب ... والدمعه تجريهه
وحتى الحمام البَّسمه ... ون وبجه اعليهه
خيمة عزاهه اعله النعش ... نصبت ابكل حركه
بالكلب نار اموجره .... رادت تطفيهه
نصبت عزاهه والضلع دم يصب
لطمت صدرهه وكعدت اعله الترب
وسولفت ذني
امصابك افجعني
.....
ادكله يوليدي الك ... جيت بحزن كلبي
ما ظلي حيل ابموتتك ... يشهد علي ربي
اكعد يسباح الكلب ... اكعد تلكاني
مصابك اخذ شوفي وصرت ... ما وجده دربي
اعليك السماوات العَّلا باكيه
مثل البحار البل أرض جاريه
يالرحت مني
امصابك افجعني
.....
اتناديه يمه ابيا ذنب .... سموك حاجيني
عادو علية اشجم جرح ... نازف امأذيني
كل يوم فاجعني الدهر .... بيكم يهل بيتي
واحد بسم واحد ذبح ... خلصكم ابنيني
بيه وبهل بيتي اشعمل هالدهر
كل يوم فاجعني بجبد وبنحر
دهري شيبني
امصابك افجعني
......
صيحتهه يالصادق الك ... جابتني ايامي
بعدك منو ايقيم العزه ... عالمنذبح الضامي
لمصابك اتون كربله .... يا صاحب الدمعه
كل يوم ذابحلي الشمر ... محبوب كدامي
يا جعفر الصادق الك دمعتي
ما تنشف ولا تنتهي عبرتي
ولا ينتهي وني
بمصابك افجعني
......
كلمات
موسى الخادم
قصائد الامام الصادق ع
Читать полностью…
علي فارس مرعب ابصولاته
.......
علي قالع باب خيبر مثله فارس ما حصل
من يطب هو وفقاره الحومه يلفيهه الاجل
سطرته سطرت زلازل تنزل ابروس الكفر
والنعم من ابو زينب صيته ما واحد وصل
حيَّر الكون ابعظم سطراته
.......
علي دستور الشجاعه الشرَّف انساب العرب
اكباله كل واحد تجرأ يعني معناهه انشطب
ابن ود اكبال حيدر جسمه نصين انجسم
لا زياده البيه طلعت لا نقص لا مو عجب
علي ميثنيهه ابد ضرباته
.........
علي جان بوحده جيش ايعادل بهاي الارض
امسيطر اعله الحومه كلهه بطولهه وحتى العرض
الزلمه بيهم جان يوكف يم علي ابعد السمه
ومن كثر مابيه خوفه ايموت من كثر الركض
كبل سيفه ايموت من خزراته
......
اتلاثه وثمانين غزوه العلي حماي الحمه
كلهه مسجَّله انتصار العلي هيبة فاطمه
لا فتى الا علي تبقى الشعار الينذكر
راية الحق الإلهي بيده رفت بالسمه
كلهه تحجي بحيدر وحملاته
.....
علي ذكر اسمه عباده يعني هو اصل الذكر
عالصراط انشوف باجر بس اليحبه يمر
هالراساله بصوت عالي توصل المبغض علي
نفتخر والينه حيدر بالقيامه نفتخر
باجر اشمحله وعلي وكفاته
.....
كلمات
موسى الخادم
المات ابوه الوادم اتجيله
ومن كلبهه بالصبر تدعيله.
اشحال اذا جان الابو حيدر علي
.....
خيمه يا ناس الابو ... للابن حضنه دفو
ما يسد واحد مجانه شما جره وصار
كل وكت عون وسند ... مثله وين يصح بعد
ضاوي جان الدار هسه اظلم الدار
وسفه الاكبور ... تاخذ الزين ... الجان جفه ... مكرم الضيف .
احب شي جان اعله كلبه الضيفه
ايعزب وصايم يخلص صيفه
والضرب بالسيف هم كالاهه الي
.....
المات ابوه عمره انتهه ... ابصفنت احزانه التهه
كل طعم بالدنيه ما يبقاله ياناس
وين ما ذكره يمر ... يضيك من عنده الصدر
وعينه تغرك بالمدامع لاخر انفاس
بالبواجي ... والمناحه ... عمره يكضي .. الفارك اعزاز
ماتضله ابدنيته كل راحه
ليله وانهاره تلجمه اجراحه
هذا حالي الصبَّحت بي مبتلي
......
مصابي يا سامع اشد ... من مصايبكم بعد
اني راحالي ابو مطبور عالهام
كبل عيد الله انطبر ... صايم ودمه انثر
فوك محراب الصلاة وعافنه ايتام
يا هضيمه ... حجه الله ...دمه نازف .. عالترايب
ابن ملجم بالغدر طر هامه
وعاف حال الضيم حال ايتامه
كلمة البويه حرمني عاذلي
......
ابموت ابوي الي يحب .. ايواسي كلبي خل يحب
راس ابوه ابكل صبح وبكل مسه يروح
صيرو لاباكم خدم .... سمعاً وطاعه ونعم
خل كلامك هذا اله حط طلعت الروح
هالوصية ... مني اسمعو ... حسين انه
ابن حيدر
هالوصية ابالكم خلوهه
ليل وانهار وصبح ذكروهه
البر ابوه بالهم ابد ما يبتلي
........
تشهد اعلي كربله ... العاق أبوه ما اقبله
خدمته يمي وهم خل يعلم أبهاي
ما أسجله اويه الخدم ... أحسابه كالحارك خيم
كلمن امأذي ابوه ومخالفة الراي
ما أقبله ... لو خدمني ... كل سنينه ... ذنبه أكبر
المن صدك خادم الي يدعليه
والده وأمه تشدله الشيله
الراضي عنه والده راضي هلي
......
كلمات
موسى الخادم
افتتاحيه **
علي وينه .... علي وينه
يازينب .... علي وينه
.....
اليتامه أنجمعت ابابه
اول ليله لغيابه
واحد شابك الثاني
ويصيحون بحزن بابه
الك جينه ... الك جينه
يا بونه ... الك جينه
....
طلعت زينب بهمهه
مكسورة مثل امهه
صاحت مات ابو الحمله
بصوت المحترك دمهه
غُمض عينه ... غُمض عينه
من اصوابه ... غُمض عينه
.....
صاحو ياهو اليلمنه
بعده ويسمع الهمنه
حنَّيته علينه اكثر
جانت من حنان امنه
يسلينه ... يسلينه
جان اشكد .... يسلينه
.....
يمهم كربت زينب
تبجي وتشهك وتنحب
منظر مو سهل وصفه
بعد من الصعب اصعب
يوالينه ... يوالينه
تصيح بهم ... يوالينه
......
راح الجان حاسبنه
مثل اولاده ويحبنه
بديه دمعتنه يمسحهه
ويوكلنه ويشربنه
يغطينه .... يغطينه
اذا نمنه ... يغطينه
......
صاحت زينب بحركه
حانت ساعت الفركه
حيدر غمض اعيونه
وعليكم روحه محتركه
طفه اسنينه ... طفه اسنينه
ابن ملجم ... طفه سنينه
ا
......
كلمات
موسى الخادم
الماشايف ضوه ... صرت انت ضواه
المخنوك الهوه ... صرت انت هواه
مولانه علي ... مولانه علي ... مولانه علي
. ..
انت اول انسان انكتب
بيد النبي لا مو عجب
مالك ثمن مثل الذهب
يابو تراب
بكبتك نعاين للذهب خادم صار
كنوز الارض كدامك اتصير احجار
الله جعل كلشي الك يابو حسين
مو بس فقط بالدنيه بالجنه ونار
يا ايه عشك .... رتلها الصباح
يا معنى الصدك ... يا درب الفلاح
.......
سرك فلا واحد عرف
منك اخذ صيته الشرف
يم اسمك العالم وكف
يا بوحسين
ياقالع الباب الذي ما تنشال
يم معجزاتك وكفت الناس إجلال
كلشي ابحياتك جان موضع اعجاز
من مولدك بالكعبه حد بيت المال
يالخيرك شمل ... طير البسماء
عيشت السئل ... عيشت اغنياء
مولانه علي ... مولانه علي ... مولانه علي
......
اعظم رجل فوك الارض
بعد النبي حبك فرض
معلينه بلي يعترض
جاهل هاذ
انت علي المامثله بالكون اثنين
دستور ثابت ينطبق عالدارين
آخره ودنية عالمك عالم خير
الماواله الك اعمه الكلب اعمه العين
دنيه واخره ... خاسر مبغضيك
يابو المفخره ... سلام الله عليك
.....
لو تنجمع جن وانس
لا شي امام اسمك تحس
يا ظلمه توصل للشمس
واقع حال
افضالك ابكد البحار السبعه
يشهدلك الدين واصوله وشرعه
شطرت ابن ود وحده من فضل هواي
نصين سويته وتشوفك ربعه
نصين انجسم ... ما لحك يموت
عيشته الوهم ... ما ظل عنده صوت
.....
يالذكرك امن الله ذكر
نادي علياُ بيها سر
كل عسر تجعَّله يسر
سهله اعليك
نادي عليا مظهرا العجائب
تجدو عوناً لك في النوائب
كل هم نشوفه ينجلي من انصيح
بسمك يحيدر ياملاذ الخائب
بسمك ياعلي .. تنزاح الهموم
يانعم الولي ... ماهمنه اليلوم
.......
كلمات
موسى الخادم
ياعلي ... ياعلي يا حامي الحمه ....
ياعلي ... ودع الارض رد للسمه ....
فاطمه الزهرة تنتظر
جيتك على حر الجمر
حان اللقاء اشتنتظر .... يا علي
.......
حانت منيتك ياعلي .... منك كرب حيل الاجل
ياابن عم المصطفى .... ودع يتاماك ابعجل
مشتاقه الك اهل السمه ...كد دمعك العل خد نزل
صيحات المفارك محب ... صارت بعد ما تُحتمل
ياعلي ... امتنايك طه المصطفى
ياعلي ... روحه اعله شوفك لاهفه
عجل بعد مابي صبر
حان اللقاء اشتنظر .
ياعلي
......
منتظره جيتك يا علي .... انفاس روحك وفاطمه
كل يوم اليمرهه بسنه ... جانت تكل لهل السمه
اشتاكت التسبيحك علي ... والشوفك اليروي الضمه
اشتاكت تصلي اجم فرض .. خلفك يحماي الحمه
ياعلي ... خلصت حياتك بالارض
ياعلي ... وي فاطمه صلي الفرض
منتظرك اذان الفجر
حان اللقاء اشتنتظر
ياعلي
.....
صيحات جبريل اعتلت ... قم ياعلي ادي الفرض
ساعات ظلتلك بعد .... واتشيل عن هاي الارض
يالعابد اكظيت العمر .... والحق الاهك تنتفض
سمعا وطاعه نعرفك .... عالموت ابد ما تعترض
ياعلي ... مشكور ابد ما قصرت
ياعلي ... للدين روحك قربت
لسلامك انطيت اشكتر
حان اللقاء اشتنتظر
.......
يالطلكتها دنيتك ....كلتلها غيرك خل تغر
بالرحه تطحن ياعلي .... خبزت شعيك تنذكر
اول امير ابلا حرس .... اول امير ابلا قصر
تاريخك الحافل يظل ... ما ينتهي اوياك بكبر
ياعلي ... يالخلصت عمرك تون
ياعلي ... ميموت طاريك ابدفن
تشهد الك غزوت بدر
حان اللقاء اشتنظر
ياعلي
.....
اهل الجنان الجيتك .... متزينه بثوب العشك
والجنه من كثر الفرح .... ياعلي رادت تختنك
كلشي اعله حبك منفطم.. يا رحمة الله المن صدك
كلمن ظلم حقك غدا ... بالحاطمه ايظل محترك
ياعلي .... يا كلمت الحق الصدك
ياعلي .... بالنار خصمك يحترك
مظلوم باجر تنذكر
حان اللقاء اشتنتظر
ياعلي
......
الحمدالله رب العالمين
اللهم صل على محمد وال محمد
موسى الخادم
أبد ما خاب الكصد ليك بطلب سريته .
يونس بعمق البحر بسمك ندب نجيته
بالشدد معروف
ما ترد ملهوف
…… ..
يونس بوسط البحــــر ناداه يحيــدر
احضر احضر ياعلي خلصني احضر
يـــدري مــترد الطلب لا ما تأخــــر
بالشدد تحضر يمن ذكــــرك تـكـرر
حاضربكل الشدد حاصل حضورك حاصل
تشهد أموات النجف تحضرهة ما متكاسل
صاحب المعروف
......
كاصدك يابا الحسن ماعنــدي غيرك
كلبي من عـــمر المهد أصبح اسيرك
المن اكصد واشتكي هاي انة أشيرك
ياهو يحـــمل غيرتك يحمل ضميرك
عودتني امن الزغر أشكيلك انه همومي
وبيه هالعادة أصبحت متبدلت من يومي
عاشت وما عوف
.....
يا من أبكـــل الشـــدد حاضر لكيــتك
ياهـو غــيرك ياعلي أكصد نخيـتـك
طايح بشـدة وعـلى العــادة أعتنيتـك
غير بابك مــا أدك هــاي انه أجيـتك
جيتك وشايل بدي حاجاتي يابو الغيرة
بدمعي كاصد حضرتك طايح تراني بحيرة
معتني بلا شوف
…… .
ســـائل أبابـــك وكــف يطلب رجائي
لا تردني بشــيمــتك ياســر بقـــائي
من أصــــيحأ يا علي أنـــه بــدعائي
ربي ميــــرد الدعا يكـــشف بـــلائي
امن اذكر اسمك يا علي كل المحن
تتلاشه
شيمتك مترد طلب تنسى اليندبك حاشى
بالكرم موصوف
ماتــــرد ملهوف
… ..
أبــد ما خــاب الكصد ليـــك وتنعنى
تجلي هــمة والكـرب تــنزاح عــنه
البيك يتمسك علي مـيخـيــب ظــنه
جنة حبك يا شمس مفتــاح جــــنه
هذا صوتي المرتفع ميسكتة ابد كل حاقد ... عاشكك من المهد يالوالي والرب شاهد
مايهم كل خوف
ماترد ملهوف
.......
الحمدلله رب العالمين
اللهم صل على محمد وال محمد
موسى الخادم
لافتى الا علي هالصرخة ما يمحوهة
بكل زمان ابكل عصر لأبدهم يسمعوهة
يبقى داحي الباب
قائــد الالـــباب
؟؟؟؟؟؟
هــذه صرخة وينسمع بالبر صداهـة
لافــتى الا علــي العالـــم قراهـة
يالنواصب صعبة تمحون أحتواهة
الصرخة هذه , الكون معتز بضواهة
هذا دستور انكتب بيد الجليل العالي عالبشر حيدر علي نصبتة الهم والي
مايصح لأصحاب
قــــائد الالـباب
؟؟؟؟؟؟؟
قـام ألاسلام بعلي وهــاي الحقيـقة
صعبة واحد يمحي ذكرى أبأي طريقة
ذوالفقار الشاهـد أشقــــدم رفيـــقة
بالمعارك لــــو نزل يمحي اليعيــقة
هذا قائدنة الابد ما ينوجد بمثالة البلحرب ما ينهزم كثر العدد يحلالة
عكس أبن حطاب
قائــــد الالــباب
؟؟؟؟؟؟
أشلون يتقارن عـلي ويهل الــرذالة
هــو روح الهادي جاويــن العدالة
لومة حيدر جا محو ذكر الرســالة
جان نـروة الهسة مـن كاس الجهالة
جان لسانة الصنم نسجد نقبل اعتابة جان لا دين انتشر لومة الوصي و احبابة
فضلة ما ينجاب
قائـــد الالــباب
؟؟؟؟؟؟؟
ياخليفة اليطعـــم بجــــفة اليتامة
ياخليفــة الليـــل ســاهــر ما ينامة
بس علينة وغيرة كاذب فـــي كلامة
اليدعي هــــــو المؤهــل للـــزعامة
غيرة ماعندة الغصب حق الخلافة الحيدر
لا خليفة الا علي بأمر الاه مصدر
أول الاطياب
قائد الالباب
؟؟؟؟؟؟؟؟؟؟؟؟؟
اليبغضك يا با الحسن ماعندة غيرة
الصافح جفوف الغدر بايـع ضميرة
خسر دنية وأخرة الخالف أمـــــيرة
الله يلعـن صاحب الفتـــنة الشهـيرة
الحرك دارك ياعلي نفسة الجمع أنصارة
بايعو شيخ الكفر تحت السقيفة أثارة
بغضأ أبحباب
قائد الالباب
الحمد الله رب العالمين
اللهم صل على محمد وال محمد
موسى الخادم
علي بصوت ... علي بصوت ... ناداكم
يخدام ... يخدام ... حياكم
....1....
علي من ارض النجف ... هلا بحبابي هتف ....
للحسين انطيتو جف .... وراية
راح اذيع اعله المله ... الكم بطف كربله...
كل عزية مسجله .... واقراية
خدم يا نعمه الخدم ... بيكم امباهي الامم ...
حسين صورتكم رسم ... مشاية
بالعيون ... بالعيون .... شفناكم
علي بصوت ... علي بصوت ... ناداكم
....2....
منزلتكم مفخره ... يم حسين امقدرة ...
بدنيته والاخرة ... احبابه
امه بيكم تفتخر ... تدعي الكم كل فجر ...
يالطمتو اعله الصدر .... بمصابه
كلشي يم ام الحسن ... ما يضيع ابهل الزمن ....
وحك جفين الرسن ... بعتابه
يضل دوم ... يضل دوم ... ذكراكم
علي بصوت ... علي بصوت ... ناداكم
.....3.....
يالخدمتو ابن الولي ...بشارة الكم من علي ...
بيدي همكم ينجلي ....انخوني
دعوه الكم ما ترد ... صك ضمان الكم بعد ...
حاضر الكم بالشدد ... تلكوني
ما اضيعلكم تعب .... ما اردلكم طلب ...
هذا عنوان انكتب ... بعيوني
بدي هاي ... بدي هاي ... حاجاتكم
علي بصوت ... علي بصوت ... ناداكم
....4 .....
كل شخص موكب بنه ... منه اتشكر انه ...
وبيده اخلي جم ضنه ... يخدمونه
صيته يوصل للنجم ... خادم حسين الشهم ...
منكتب اول اسم ... ... تلكونه
كل ثواب اعله السبط ... انحط تحت صاحبه خط .... كطرة المي عدنه شط ... لعيونه
بالكلوب .... بالكلوب .... شلناكم
علي بصوت ... علي بصوت ... ناداكم
.....5.....
باجر بيوم الحشر ... كل فعلكم ينذكر ...
ثوب خدمتكم عطر ... لنفاسي
مني اسمع يالمحب ... كل تعبكم منحسب ...
كل صرفكم منكتب ... ما ناسي
رغم انف الناصبي ... شافع الكم كل نبي ...
وفاطمه وام العبي ... وعباسي
يل الاحباب ... يل الاحباب .... وياكم
علي بصوت ... علي بصوت ... ناداكم
.....
تمت
الحمدالله رب العالمين
اللهم صل على محمد وآل محمد
موسى الخادم
الماوالاه ابو الحسنين شنهو ايفيده
مفتاح باب الجنة حيدر بيدة
حيدر علي نعمه الولي
........
الماواله حيدر عالسراط انشوفه
مجتفه ابحل المهانه اجفوفه
اجهنم ملاذه انهايته معروفه
نار السعير اتصير اله مكشوفه
مينفعه الوالهم كلبه
كدامه يلكه الشمر يلكه ايزيده
.....
كلمن بغض حيدر علي والينه
ما يدخل الجنه ويشوف ابعينه
دين الله حيدر والصحيح ابدينه
خسران كلمن خالفه امسجلينه
رابح كلمن سالك دربه
هنياله كلمن رابح بتأييدة
......
الخالف نهج حيدر خلاف المله
دستور واضح عاقل اليندله
مو كل شخص يتوفق ويوصله
بس الدعتله ام الحسن يتعله
وتكضيله الحاجات الصعبه
اكرام العلي اتقدمله كلشي ايريدة
....
الله ابجلالت قدره يهوا الحيدر
والهل السبب خلاها زوج الكوثر
يوم الحشر محد يجوز المعبر
الا بشفاعة علي قالع خيبر
توقيع الصك باخر شعبه
صك الجواز الوصي ايوقع بيدة
......
العالم ابكفه وعلي اسمه ابكفه
كل المناقب والفضائل صفه
يعجز لساني القاصر أن ايوصفه
بس الله وحده ايوصفه هو ايعرفه
ما يعرف حيدر بس ربه
مو عادي حيدر كلشي زاد ايزيدة
.....
٥ رمضان
الحمدالله رب العالمين
اللهم صل على محمد وال محمد
موسى الخادم