(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

( أين الطالبُ بدمِ الزهراء )
....
باجر المهدي من يطلع
صيحته اهل الارض تسمع
ياليثار الضلع يرفع
لا عذر لا دمع ينفع

زهراء ... يزهراء
يرفع شعاره بوجوه الاعادي
زهراء ... يزهراء
لبيكي مسطورة الخد ينادي
زهراء ... يزهراء
ثاراته ياخذها من كل مرادي

هيهات ينسه
الطفو شمسه
فاطمة الراضية المرضية

(اين الطالبُ بدمِ الزهراء )
......
القائم المهدي من يظهر
لجدته ام الحسن يثأر
ابكل بقاع الارض يفتر
ايحاسب الظلمو الكوثر

حيدر ... يحيدر
يبديها غزواته عالناصبية
حيدر .... يحيدر
ما ينسى محسن وكع عالوطية
حيدر ... يحيدر
يشهد فقارة ينول القضية

ميعوف خصمه
لا ثار امه
اي وحك كافل العلوية

(اين الطالبُ بدمِ الزهراء )
......
يفتح المحضر الاول
منهو التسبب بمقتل
ام ابيها بوجع يسأل
ياهو كسر الظلع حلل

ويلاه ... وويلاه
شنهو الجنت فاطمه ام ابيها
ويلاه ... وويلاه
منهو الحطب جابه من شبه بيها
ويلاه ... وويلاه
منهو العصرها منو من سب عليها

هاليوم حاسم
بثارات فاطم
تنبني المحكمه المهدية

(اين الطالبُ بدمِ الزهراء )
.......
يبني لام الحسن مرقد
كبته امن النجم ابعد
والصحن كبره ما ينعد
يوسع الشيعه من كل حد

حوراء ... يحوراء
يكتبها عل الراية بالخط الاحمر
حوراء ... يحوراء
نال الشفاعه الكصدلج يكوثر
حوراء ... يحوراء
يستقبل انصارة بالثوب الاخضر

رايات نصره
بكبرالحضره
اترف بسم فاطمه الحورية

(اين الطالبُ بدمِ الزهراء )
.......
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

يا يوسف الزهرة… جم كبه جم حضره
باجر .. ابلطعتك .. تبني للزهرة
… .
هالسؤال ايدور بعقول الملايين
ابطعلتك باجر يمهدي ياضوه العين
جم صحن للزهره تبني ابهاي الايدين
وجم مناره وكبه تشبه كبه حسين

ياصاحب الطلعه… موعدنا ياجمعه
بيهة ...يبن الحسن… حقك اترجعه
… ..
يابو صالح ننتظر منك بشارة
حيل ملهوفه الاكلوب اعله الزيارة
يمتى هذا اليوم يحصل انطي اشاره
بنتظاره بنتظاره بنتظاره

كل عاشك ومغرم … ابهذا الامر مهتم
الفجرك… امتاني… وابرايته امحزم

……
حلم بينه ايعيش يا راعي الحمية
انشوف للزهرة ضريح اليزهي ضيه
ويمهة نحييها الليالي الفاطمية
باللطم والنوح والدمعه الجرية

كل مجلس انقيمه… بسمك يبو الشيمه
واللطم… عالصدر… نهدي تعزيه
… ..
يمتى ننصبها المواكب يم كبرها
وهلا بالزاير نصيح الي حضرها
خدمة الزهرة عظيمه يا كبرها
انبياء الله اخدموها من زغرها

كل خادم امنيته … يخدمه واليته
ابروحهة ..الهة يعزب… وابهل بيته
… .
نعتني مشايه للزهرة حلمنه
مثل يوم الاربعين ايرف علمنه
لام حسن زوار يسجل اسمنه
وتحت كبته الشريفه اتلم شلمنه

نتعنه مشايه… رايه اباثر رايه
للمدينه … نوصل … المظلومة بقرايه
……
جم زياره المرت وما جينه ليها
والسبب معروف ما نندل نجيها
مخفي كبر الزهره دلينه عليها
ليش ذكراها تمر ما نعتنيها

يالعل جرح صابر… وين الكبر صاير
فدوه… دلينه يمهدي… نكسر الخاطر
…… .

الحمد الله رب العالمين ..
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

ابعمر اثمنطعش… شالوها ابنعش
ليش… ليش
مكسورة ظلع… واتصب الدمع…
ليش… ليش

……
هاي ام الحسن هاي… هاي الطاهرة
ليش ابدال القصور .. تسكن مكبرة
الله ايساعدة حسين… عالصار وجرة
فكد امه تراه حيل… كاسر خاطرة

بيت ابلا ام… ما يخله الهضم … ليش ليش
… .
عمر الزهراء ياناس… كله اثمنطعش
ماتت و الظلع بي… بسمار انقش
ليش ابظلمت الليل… شالوها ابنعش
وليش اعيون الايتام… صايبهة العطش

امهم فاركو… والدنيه أكرهو . . ليش ليش
… ..
ام الحسن وحسين… عانت من زغر
ما شافت ابد يوم… راحه بالعمر
ضيم وقهر والالم…بالزهرة اشكثر
اوحيده ابلايه خوان… خاواها الصبر

جم حسره اتعلي … عافت عد علي… ليش… ليش
… ..
دنيت حيدر اليوم ..ظلمه ابلا ضوه
يتعثر ابممشاه ..والظهر التوه
افراك الزهره خلاها ..ابعازه الكل هوه
ميت يمشي عالكاع … ماجنه هوه

اتغيرت حالته … غابت ضحكته.. ليش
..
جرح الفاكد اعزيز… يشفه بشوفته
وحيدر مثل هاليوم… ودع سلوته
الله ايساعدة اشلون… صبّر حالته
ساعت هال الاتراب ... فوك ارويحته

ماظل بي نفس .. ما سمعوله حس… ليش ليش

… ..
الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

02 октября 2021 09:43

مات الرسول الطاهر الامين
وعيونه تجري دمعه للحسين
من سمع بالطف ينقتل
وعيونه تجري دمعه للحسين

.......
مات الحبيب المصطفى ... والدمع تارس عينه
اعله حسين ما بطل بجي ... لا نوحه لا ونينه
عاش الذبح كبل الذبح .... جن اله مو لحسينه
ذابل مثل غصن الورد .... اصبح بخير اسنينه


حكه اذا يذبل من النحيب
مشغول فكره بذبحت الحبيب
هالمسأله ياهو اليحل
من سمع بالطف ينقتل
وعيونه تجري دمعه للحسين

....
صورة حسين ابكربله .... ما فاركت وجدانه
كل لحضه ينظرها ابالم ... جانت سبب أحزانه
يمه الحسين ويلتفت .... ايدور عليه بمجّانه
خايف عليه من الهوه .... من بين كل خوانه

خايف علية من حرمله الطفوف
من سهم العمى الي مايلزمه شوف
ياخذ حبيب امه الطفل
من سمع بالطف ينقتل
وعيونه تجري دمعه للحسين
......
نايم على افراش المرض ...بحسين سارح فكرة
كل سا يوصيني عليه ... ما جني امه الزهرة احسين امانه ابركبتج ... بالج شخص يقهرة
كل ليلة شمي منحرة .... واهديلي شمت نحرة

باجر شمر ما يرحم ابضناج
من الكفه ايذبحه تعب رباج
منظر يشتت كل شمل
من سمع بالطف ينقتل
وعيونه تجري دمعه للحسين
......
مصيبه حسين المابدت ... عاشاها طه بلوعه
جم ماتم ابماتم بنه ... بروحه العليه مفجوعه
خياله عشرة تسحكه .... ايكلي وتكسر اضلوعه
يحجيه الي بحركه كلب ... يحجيه الي بدموعه

يافاطمه ايكلي ابنج الامير
يلمونه ساعت دفنته بحصير
بالنعش لا ما ينحمل
من سمع بالطف ينقتل
وعيونه تجري دمعه للحسين
.....
عاشور صارت دنيته .... عاشور كل ايامه
جي سمع ابني ابكربله .... ينذبح بين ايتامه
البكّاء اصبح والدي .... الاول الحرك اخيامه
لحسين تجري دمعته ... بيقضته وابحلامه

حزنه تعده حزن الانبياء
يشهدله ادم حزنه كربلاء
ايوب يم صبره يمل
من سمع بالطف ينقتل
وعيونه تجري دمعه للحسين

......
للمهدي اروي هالقصص ... بدموعي التجّارة
ثارات تنتظرة اشكثر .... ثار النبي اول ثارة
يملي الارض قسط وعدل ...الله بعظمته اختارة
ما ينسى ثارات السبي ... والحرك بابي بنارة

اوليدي باجر ياخذ الثارات
وايحاسب الكل عالجنين المات
والشدو ايديها ابحبل
من سمع بالطف ينقتل
وعيونه تجري دمعه للحسين

......

الحمدالله رب العالمين
اللهم صل على محمد وال محمد
موسى الخادم
٢٧ صفر ١٤٤٢ ه

(ألَشُـأعر والَرادٍودٍ مًوٌسِـى أّلَخِـأدٍم )

02 октября 2021 09:43

حصريا لمجموعة خدر الفواطم
لنشر القصائد الحسينيه غير
مسموح بحذف حقوق القناة


راية رفت بالحرم .... يا رسول الله
بسمك انباهي الامم .... يا رسول الله

....
راية رفت بل الاعالي تحمل اسمك
اتعزي بنتك فاطمة الوادعت رسمك
يارسول الله اعلى بابك جاري دمك
الله يلعن كل شخص يالهادي سمك

السمموك بمعرفة .... يا رسول الله
نورك الطاهر خفة .... يارسول الله
...

يالحيت الدين بسمك والله نهواك
عايش بوسط الضماير ما نسيناك
اشما يعادينة الزمن باقين وياك
صرخة الاحرار ثورة تسمع اعداك

ثارك ابوسط الكلب .... يا رسول الله
عايش وما ينشطب .... يا رسول الله
.......
يا شمس رب الجلالة الضاوي نورك
للأبد ما يخفى عل الاسلام دورك
رحمة الله اجسدت كلهة بظهورك
الف هنيالة الوصل كبرك يزورك

لجلك الكون انخلق ... يا رسول الله
اي وحك رب الفلق ... يا رسول الله

........
يارسول الله لضريحك نوصل ازحوف
بلمدامع والبواجي كبرك نطوف
مايمنعونه النواصب عينك اشوف
احنه تربات الكفيل الرجف الخوف

نسحك ابصدر الرجس .... يارسول الله
لجلك انضحي النفس .... يارسول الله

........
مثل عاشر من محرم نحي ذكرك
والمواكب تنصب هيج على دربك
ابد ما خاب اليخدمك خدم ربك
دنيه فاز واخره كل شخص حبك

جنة الله جنتك .... يارسوك الله
يا شفيع الامتك ..... يا رسول الله
.......

الحمدلله رب العالمين
اللهم صل على محمد وال محمد
موسى الخادم
.........



لمن يجد صعوبة بالحن اطلبه من



@moatmed1

(ألَشُـأعر والَرادٍودٍ مًوٌسِـى أّلَخِـأدٍم )

02 октября 2021 09:43

قصائد شهادة الرسول ص

(ألَشُـأعر والَرادٍودٍ مًوٌسِـى أّلَخِـأدٍم )

23 августа 2021 14:59

https://youtu.be/6xeROMe6gJg

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:18

هاي المرة التمشي اوياكم منين
ماجنها امن اهلنه جاية من وين
كل ما ارفع الراس
الكاها اعله عباس .... على حسين ... تبجي
...1...
ياعلي السجاد اكلمك .... ياهي هاي التبجي يمك
فدوة ياعمي اسألك .... رد علية
تبجي كلما ابوك اذكره ... جنها الها اوياه ذكرى
الفاتحه بدمعتها تقرة ..... ياهي هيه
ليش مجويات اديها ..... وذابله من كد بجيها
اشما اصد عيني ليها ... اتصد علية

محتار أبأمرها يبن الاطهار
كلما اذكــــر الخوان تندار
كلما راسي ينباس
الكاها اعله عباس .... على حسين ... تبجي
...2...

خوية جنك معرفتني .... انه زينب ضيعتني
المصايب غيرتني ... اء يناري
اختك انه الجنت اميرة ... امدللت بدر العشيرة
هسه الك رديت اسيرة .. دمعي جاري
محمد انه الهاشمية ... بت علي جامي الحمية
وامي فاطمت الزجية ... وهذا داري

انه اخت العله الشاطي بجه احساس
واخت الماتت ابنيته على الراس
بته الماتت انعاس
الكاها اعله عباس .... على حسين ... تبجي




.....3....

خوية زينب هاية انتي ... ما اصدك هيجي صرتي ... عمرج بيا ديرة عفتي .... جاوبيني
كربله شمسويه بيكم ... كلشي ما خلت عليكم
ما اشاهد بس بجيكم ... سامحيني
وين اهل بيتج يحرة .... حسين لاعباس انظره
بوجهج اقرة احزان كثرة .... كلميني


لا تخفين عني عظم المصاب
وين اخوانج الجانولج احباب
صفناتج متنقاس
الكاها اعله عباس ... على حسين ... تبجي


.....4.....

صبّحت ما عندي غالي ... كلشي راح وما اجالي
منو باكو كل دلالي ... وكلشي عندي
ذبحو حسين ورضيعه ....والكفلني اعله الشريعه
حرمه حاطنتي الفجيعه .... وانه وحدي
حركو اخيمنه علينه .... ما رعو حرمة الجينه
امن السياط اللتلوعينه ... ويحجي خدي

خاف احجيلك وما يبقن اعيون
من كثر الضرب ما ظلت أمتون
تمنيت التقي بناس
الكاها اعله عباس .... على حسين ... تبجي


...5...

عالهزل مشوني اسيرة ... وناظري لحسين اديرة
نايم ابحر الظهيرة ... عفته اني
بالحبل مجتوفه ادية ... والشمر يفتر علية ...
والشماته اتصد الية .... ياهو اتاني
حرمه ما بين العساجر .... امشي وايتامي تناظر
عالجروح البية اكابر ... من زماني

شحجيلك بعد عن صعدت النوك
لـــو طبتنه بين اغراب للسوك
لو جثه بلا انفاس
الكاها اعله عباس .... على حسين ... تبجي
.....
تمت
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:15

علي بصوت ... علي بصوت ... ناداكم
يخدام ... يخدام ... حياكم

....1....

علي من ارض النجف ... هلا بحبابي هتف ....
للحسين انطيتو جف .... وراية
راح اذيع اعله المله ... الكم بطف كربله...
كل عزية مسجله .... واقراية
خدم يا نعمه الخدم ... بيكم امباهي الامم ...
حسين صورتكم رسم ... مشاية

بالعيون ... بالعيون .... شفناكم
علي بصوت ... علي بصوت ... ناداكم



....2....

منزلتكم مفخره ... يم حسين امقدرة ...
بدنيته والاخرة ... احبابه
امه بيكم تفتخر ... تدعي الكم كل فجر ...
يالطمتو اعله الصدر .... بمصابه
كلشي يم ام الحسن ... ما يضيع ابهل الزمن ....
وحك جفين الرسن ... بعتابه

يضل دوم ... يضل دوم ... ذكراكم
علي بصوت ... علي بصوت ... ناداكم





.....3.....

يالخدمتو ابن الولي ...بشارة الكم من علي ...
بيدي همكم ينجلي ....انخوني
دعوه الكم ما ترد ... صك ضمان الكم بعد ...
حاضر الكم بالشدد ... تلكوني
ما اضيعلكم تعب .... ما اردلكم طلب ...
هذا عنوان انكتب ... بعيوني

بدي هاي ... بدي هاي ... حاجاتكم
علي بصوت ... علي بصوت ... ناداكم





....4 .....

كل شخص موكب بنه ... منه اتشكر انه ...
وبيده اخلي جم ضنه ... يخدمونه
صيته يوصل للنجم ... خادم حسين الشهم ...
منكتب اول اسم ... ... تلكونه
كل ثواب اعله السبط ... انحط تحت صاحبه خط .... كطرة المي عدنه شط ... لعيونه

بالكلوب .... بالكلوب .... شلناكم
علي بصوت ... علي بصوت ... ناداكم






.....5.....

باجر بيوم الحشر ... كل فعلكم ينذكر ...
ثوب خدمتكم عطر ... لنفاسي
مني اسمع يالمحب ... كل تعبكم منحسب ...
كل صرفكم منكتب ... ما ناسي
رغم انف الناصبي ... شافع الكم كل نبي ...
وفاطمه وام العبي ... وعباسي

يل الاحباب ... يل الاحباب .... وياكم
علي بصوت ... علي بصوت ... ناداكم
.....
تمت
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:11

عاشرت ما خليت صحباني كلهم
كل الطلع وياي بس خمسه منهم
......1.....

اول اصحابي البقى وياي ومخاويني
ذاك المتعبها روحه في سبيل حسيني
الكظه عمرة بالمجالس
المرجعه بالدنيا عابس
اليم علي الكرار دارس
ذاك اليشد عزمي عالخدمه اعله طول سنيني

( والخدمو اهل البيت أشكرلهم )



.....2 .....
ثاني اصحابي البقالي والابد ماعوفه
العل صدر لاخر عزية لاطمات جفوفه
العاشك اللطمه الثكيله
لبو الاكبر والعليله
التنسحن روحه ونشيله
الماتمنعه اامن المجالس اي ظروف انشوفه

( صحبانك اليوفون لا تجفي عنهم )
.....3.....
ثالث اصحابي الاحبه والابد ما بدله
اليسمع ابطاري ابو اليمه والدموع تغسله
الدمعت عيونه جرية
على امصاب الغاضرية
الروحه متعلقه برقية
العايش بطف الحسين امن الزغر يندله
(هنياله كلمن صار يحيي ذكرهم)
.....4 ....
رابع اصحابي المعزته عندي مثل اخواني
العل منابر يقرة لحسين ويهيج احزاني
الاه يحسين ومصابه
يقره من كلبه بعذابة
الأسمه رادود ابكتابة
هو هذا الصدك صاحب موش صاحب ثاني

( حسين بعظمته اهناك يشّفّعلّهم )
.....
وخامس اصحابي الاودهم ذكرة دوم ابالي
الينظم اشعارة الحسين ودمع عينه ايلالي
العايشه بروحه المصيبه
الذايبه انفاسه الحبيبه
اليبجي للجثه السليبه
الما يدور اجر دنيا وصيته يصبح عالي
( من دعبل ومنضور صاحب وصلهم )

......6 .....

والاخير الما ذكرته ابمستهلي الواضح
اعشك الصاحب الميجامل الي ويمازح
الغيبه ما ياخذ السانه
الماله وجهين بزمانه
اليحفظ السر والامانه
أليماشيني اعله حب الله والي يظل ناصح

( لتصاحب اهل السوء تصبح مثلهم )

.......
.الحمد الله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:08

راسك عالي ... وانا ابالي ... احضن راسك
يابعد اهلي ... فدوه انزلي... احضن راسك
يابو الحمية ... رد الرقية
....1....
اشلون اوصل الراسك
يالرمحك اطويل
اشما ارفع اطرافي
ما لوحه يا هيل
انزلي محبوبي
ما ظلي كل حيل
من نار المخيم
من هجمت الخيل

تعال .... انزل عليك ادموعي
تعال .... شبعن سياط اظلوعي
تعال .... يبن الزجية ... رد الرقية
....2.....

يا بوية حاجيني
ما تحجي وياي
زعلان من عندي
لو تبجي لبجاي
عشطان يا روحي
لو شارب الماي
سكتتك اذتني
يا نظر عيناي

عليك .... ما بطلت وناتي
عليك .... صارت صدك مأساتي
عليك .... الله ونبيه .... رد الرقية
.........


.....3 .....

كلشي انتهى بدونك
يل عني بعدوك
ميته ولا شفتك
بالخيل داسوك
مو انت الاحنين
جا ليش ذبحوك
ما رحمو ابحالي
كدامي سلبوك

اروح .... المن بعد حاجيني
اروح .... يا حضن اليدفيني
اروح ... وين المسية ... رد الرقية


.......4 .....

يا بوية واعيونك
ما ظلت اعيون
كلما عليك ابجي
اعيوني يسطرون
هو انه كل عمري
اربعه يدرون
ما احتمل ضربة
لا سوط بمتون

تشوف .... يا بوية ما رحموني
تشوف .... وكعو ضرب لمتوني
تشوف .... مجوية ادية .... رد الرقية

....5....

كلما اصد عيني
بعيوني الكاك
ما فاركت شوفك
اتماشى وياك
نحرك يبعد اهلي
منة جره دماك
جا هاي جانتلي
ابجي اعله مبجاك

حرام .... عالرمح كاعد راسك
حرام ..... امفارك اعز كل ناسك
حرام .... امشي سبية .... رد الرقية


....6....

بالشام موعدنه
نتلاكه بدموع
وسط الخرابه اكعد
اعلكلك شموع
يجيبون الي راسك
عن جسمه مكطوع
اغفى على الحيتك
والبجي مسموع

اموت .... والدمعه فوك اخدودي
اموت .... عطشانه ماي اورودي
اموت .... بأحله منية .... رد الرقية
......
تمت
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

19 августа 2021 12:37

يا ليلة الحادي عشر .... ظلمه سماج ابلا كمر
مذبوح يم جرف النهر ... ما دوريتي

....1....

ظلامج ما حصل مثله ظلام
كئيبه وموحشه أبعين اليتام
خليّة امن الاهل وامن العمام
سكوت ابلايه ملكه ابلا كلام

بالعيون .... بالعيون ... بواجي ابلاية دمعه
على الراح ... على الراح ... اكظي اسنيني انعه

ليلت امسج جانت احن ... ما بيها طعنات ومحن
ما بيها مكطوع النحر ... خافن نسيتي

....2....

اشم حرك الخيم انه بهـــواج
وسبي اعيالي بعد ليله وراج
تــمنيت المـــنية ولا لـــــقاج
ولا اشوف الكمر خالي بسماج

تمنيت ... تمنيت ... كبل يومج وفاتي
على الكاع ... على الكاع ... تركت انه امنياتي

عكب اخوتي عمري دمع... ذايب مثل عود الشمع
شلي بعمر يخلص قهر .... لو ناشديتي





.....3.....

تمنيته علي يسمع نـــداي
يجي ايشاهد منو اليحرسني جاي
عكب عباس ابو الغيره وحماي
حارس خيمتي اجنود العـــــداي

ابا الغوث ... ابا الغوث .... صحت ادركني حيدر
وحشتي ..وحشتي .... غيرك منهو يحضر

باكت دلالي كربله .... واخواني راعين الهله
ما رحم دلالي الدهر .... هدم بنيتي




.....4.....

باجر بالحبل مجتوفه اشــــوف
وعلى طول الطريق انظر سيوف
اخوتي اعله الترب مذبوحه اعوف
هذا اول حـــلم ذابحني خــــوف

على النوك .... على النوك ... حده الحداي بية
بالاحبال ... بالاحبال .... مجتوفات ادية

هذا الحلم باجر يصح...وي طلعت اخيوط الصبح
اشبع سياط اعله الظهر .... لو صبحيتي

تمت
.......
الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 15:05

#برنامج_محرم_الحرام_١٤٤٣






كلشي راح بطيحيته .... اء يساعت ذبّحته
حسين من ادية
راح يالـــزجية

......1......
عالوجه طايح لكيته ... والدمه مخضب لحيته
وجسمه ماكو دوريته .... ختفه
حسين راس الباقي منه ....والجسم مفصول عنه
اسمع امن بعيد ونه .... ختفه
بالحجر ممرودة عينه .... كلشي ما ظل من ولينه
بالسيوف امكطعينه ... ختفه

١٢ طبره انطبر ... بالنحر باقي الاثر
دمه عالـوطية
راح يالـزجـية
......2 .....

يمه لوشفتي الجراله .... كلشي بالدنيا بجاله
حسين باقي بس خياله .... ودمه
حافر الخيل اعله صدرة ... والسهام امزرفه ظهرة ... والسيوف امكطعه نحره ... ودمه
جروحه ما تنعد جثيرة ... نايم بشمس الظهيرة
اظلوعه واعظامه كسيرة .... ودمه

شفت اخوي المذبح ... كل كتر نازف جرح
عالارض رمية
راح يالـــزجية

.....3 .....

منظر حسين اللماني .... من بعيد وكلماني
خوية زينب لا تتاني ... الخبر
ديري بالج عاليتامه ... وبعده ما كمل كلامه
منه جروها العمامه .... الخبر
يمه شمر اكبالي داسه ... من مكان الجدي باسه
حز وريده أوشاله راسه ... الخبر

ابالي ظلت صورته ... من يحز ابركبته
عينه تربي لية
راح يالـــزجية

.....4....

ردتج اتحضريني يمه ... نكعد اجم ساعه يمه
حسين محد شال جسمه ... بقى
رمح البكلبه فجعني ... ردت اسحبه وشي منعني
بدمعي حاجيته وسمعني ... بقى
بحر شمس عاشر محرم ... مغطه برماد المخيم
وعالترب متخضب بدم .... بقى

حافر الخيل انترس .... دم اخوي الماله حس
هاي اشد منية
راح يالــزجية

......5 .....

روحي وي روحه عفتها ... طلعت وما ودعتها
بكطعت المنحر شفتها ... بجت
هذا كله عيوني نظرت .. همومي بعد حسيني كثرت
العيله كلها بموته سهرت... بجت
سامحيني يالحبيبه .... اعليج مو هينه المصيبه
عينج الجثته السليبه .... بجت

قصته انقلها ابألم .... كلشي منه ما سلم
والاشد علية
راح يالزجية
......
الحمد الله رب العالمين
اللهم صل على محمد وال محمد
موسى الخادم





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________________
لمن يجد صعوبة بالحن اطلبه من
@moatmed2

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:57

قصائد ليله الوداع 👇

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:52

قصائد عبدالله الرضيع ع👇

(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

يالماخذه اوياج النبض... لاسمه تلميني ولا ارض
بغيابج
وياج راحت ضحكتي ... شلي ابحياتي ودنيتي
بغيابج

......
يعافيتي المشت ... كسيرة للكبر
النفس كوه صبح.... وسط ريتي يمر
الفكد مثلج مره .... شله ابهذا العمر

يالماكو مثلج بالناس .. شاب الراس .. ياروحي
ما احتمل طاري الموت.. والتابوت .. واجروحي

تصعبه الحياة ابروحتج ... لو ساعه ردي امروتج
الاحبابج

.....
وحكج يم حسن ... جبيرة مصيبتي
فكدت ابموتتج... وجودي وبسمتي
عليج ابكل وكت ... متنشف دمعتي

عفتيني وحدي بهل كون ... ابجي عيون .. عفتيني
اظلم صرت مثل الليل ... راح الحيل ... شوفيني

محني الظهر يا فاطمه .... بعدج حياتي مظلمه
اوشبابج

......
يوجه الله السمح ... الج كلبي انمرد
شسولفلج بعد. غيابج حيلي هد
الدفن بيدة الورد .. صعب يزرع بعد

اتراب الكبر من هليت .. ربي ادعيت ... يم بيتي
ياخذه روحي بساعات .. بس لجمات ... تاليتي

يم بيتي بعدج لا عشت... توسلت اموت وما متت
بمصابج

.....
علي بعدج صبح ... فلا يشبه علي
ذبل مثل الغصن ... يعز ناسي وهلي
وداعج مني اخذ ... حياتي وكلشي الي

ماظلي كلشي ابدنياي ... غير ابجاي .. واحزاني
همي صبح شبه الغيم ... حال الضيم ... حال اني

كبرني موتج جم سنه . وي روحي اسولف ياهو انه .... اعله بابج

.....
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

وردة 🌹 الله ذبلوهة
بعد موتي عطشوهه
مارحمو ابد بيهة
لا راعو بواجيهة
بعد موتي عطشوهه
……
ترفه مثل الوردة جانت بنتي بنتي
عطر جنت الله بيهة وحك بختي
اشكثر حسدوني عليه من صحبتي
اليوم ردت ليه ذبلانه كبرتي

حيل متغير رسمهه
معرفتهة لانه لامهه
جم هضم السده اعليهة
مارحمو بواجيهة
… .
بعد موتي شافت انواع المصايب
فوك خدهه الدمع ليل انهار سايب
بنت بيت احزانهة بدمع وترايب
وسكنت اوياهة المصايب والنوايب


ليل وانهار الزجية
امرافكة الدمعه الجرية
مسموعه نواعيهة

……
منعو الزهرة علية تبجي ياناس
بنيت بيت احزان الهة خالي الانفاس
اثمنطعش عمر الزجية وشابت الراس
راحة ما شافت عكب موتي امن الارجاس

اثمنطعش عام الحبيبه
شوفوهة اجم مصيبه
كثر الهضم ماذيهة
……
حكة لو ماتت الزهرة من هضمهة
الله لا ينطيه كل واحد ظلمهة
بالقيامة اهناك نوكف انه ومهة
انطالب ابحق الزجية السال دمهة

بالحشر اول قضية
من كسر ظلع الزجية
من غير معانيهة
……
الجنت اسميهم اصحابي بية غدرو
من بعد موتي بحقدهم داري حركو
خلف باب الدار ظلع ابنيتي عصرو
ابلا رحم كسرو ظلعهة وكلبي كسرو

ما رعوهة وما رعوني
ابسطرت العين اهضموني
ايد انمدت اعليهة
… .
خانو الزاد وملح عبّاد الاصنام
اتأمرو بعدي اعله حيدر روح الاسلام
نصبو غيره خليفه ايقيم الاحكام
حقه غصبو بالخلافه كوم ظلام

غصبو الحق والخلافه
وجتفو اجفوف الترافه
قصة بدمعي ارويهة

… .

الحمدالله رب العالمين
اللهم صل على محمد وال محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

26 октября 2022 10:05

السلام عليكم اخوتي خدام الحسين سوف يتم نشر قصائد الليالي الفاطمية… الرواية الاولى .

(ألَشُـأعر والَرادٍودٍ مًوٌسِـى أّلَخِـأدٍم )

02 октября 2021 09:43

هالليلة تبجيك السماوات
والفاطمه اتقدم مواسات
الله يامصعبها ليله
نعشك علي الوحده يشيله
مو انت ميت جن علي مات
........
يارسول الله محمد ... ليلتك ليله عظيمه
بيها ام حسين صارت ... من بعد عينك يتيمه
وحيدر الكرار بعدك .... حزنه ما توسعله غيمه
اه يانار المصيبة ... يصرخ بصوت الهضيمه

مكسور ظهره حيدر اعليك
مو من دمع دم صار يبجيك
موتك ترك روحه عليله
.....
كل نبي ومرسل حضرلك...يجري دمعاته على الخد
بموكب الاحزان نزلو .... بالبواجي الله يشهد
والحداد اعليك علنو ... ولبسو اعله امصابك اسود
ادم ونوح بدمعته ... ويوسف ابكترك تمدد

وايوب ما بطل نحيبه
شاف بمصابك جم مصيبه
وناته لفراكك طويله
......
من بعد ما حامي جاره .... وسدك بيده الشريفه
انكشفت اوجوه النواصب ... والايادي المو نظيفه
الجانو اصحابك تكلهم .... اتأمر تحت السقيفه
مارضو حيدر خليفه .... اختارو الظالم خليفه

نكرو وصيتك ياضوه العين
لجل الخلافه باعو الدين
بان افعلهم كل رذيله
.......
اول افعال السقيفه .... من بعد نكر الوصية
هجمو الدار الامامه ... بكل حقد وبكل ردية
وبظهر بابك نخبرك ... جانت الزهره الزجية
اعليها حيل الباب دفعو ..وطاح ابنها اعله الوطية

وحيدر علي كادو بالحبال
ايبايع خليفتهم الانذال
كسرت ظلع فاطم ثجيله
......
ننتظر مهدينه يظهر .... ابراية الحق الشهيره
وياخذ الثارات كلها ... كل ظلم ينهي مصيرة
يبتدي بثارك يطاها ... ويختمه ابدر العشيرة
المهدي ما ينسه وعوده... اوجده اتلف بحصيره

وثار السبايه لا مينساه
مثل الانفاس يعيش وياه
ثار الطفل ثار العقيله
......
الحمدالله رب العالمين
اللهم صل على محمد وال محمد
موسى الخادم
........

(ألَشُـأعر والَرادٍودٍ مًوٌسِـى أّلَخِـأدٍم )

02 октября 2021 09:43

حصريا لمجموعة خدر الفواطم
لنشر القصائد الحسينيه غير
مسموح بحذف حقوق القناة




#ويبقى_الحسين



كلمن ايفارك حبيب .... ليلة يكظي بالنحيب
وانه فاركت الابو الجانالي خيمة
.....

الجانالي خيمة اتفي الي خلصت حياتة
عن عيني غاب وما بقت بس ذكرياته
راح وتركني للحزن ساعة وافاتة
يا وسفة ضماه الكبر حلوة صفاتة

ويلي من عظم المصاب ....وجه غطاه التراب
عني غاب وغابت ارسومة العظيمة
......

مو هين افراك الابو اعظم مصيبة
يترك جرح عاجز يظل يشفي طبيبة
ما بي يحس بس الفكد مثلي حبيبة
مالومة لو عمرة انكظة بونة ونحيبة

الفارك احبابة يجن ..... ليلة وانهارة يون
كل فرح ما يبقى عندة يا هضيمة

.......

ما ينشف بعيني الدمع ﻻخر حياتي
عالفاركاني ابقى انتحب حتى ابوفاتي
ثكل المصيبة والحزن غير صفاتي
ا يا عظمهة الفاجعة يشرحة ذاتي

عيشتني بالقهر ..... حنت من عندي الظهر
امصيبة مو هينة الصرت بيهة يتيمة

.....
انه البتول الطاهرة انه الزجية
نار بدليلي اموجرة العظم الرزية
وينة اليواسيني المسة بدمعة جرية
مات الحبيب المصطفى راعي الحمية

راح وتركني للهظم ...... والدمعت الخد واللطم
والبيت الاحزان البنيتة بوسط هيمة

.......
دنياتي بعد المصطفى يخنك هواهة
ظلمة اصبحت وابلا ضوة غايب ضواهة
غيمت حزن غيمت دمع مطرت سماهة
الفكد النبي روحي اصبحت وحشة تراهة

كل فرحة ما ظلت الي ..... بعد النبي يشهد علي
قصتي انه من بعد النبي صارت أليمة



للعبد الحسيني موسى الخادم




لمن يجد صعوبة بالحن اطلبه من
@moatmed1

(ألَشُـأعر والَرادٍودٍ مًوٌسِـى أّلَخِـأدٍم )

02 сентября 2021 10:36

https://youtu.be/yb2vmlstPsc

(ألَشُـأعر والَرادٍودٍ مًوٌسِـى أّلَخِـأدٍم )

23 августа 2021 14:38

https://youtu.be/qSUx7eP8D1M

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:16

يوم اربعينك نعتني مشاية
واسمك نشيله اعله ألجفوف براية

....1....
نكصد ضريحك ياحبيب الزهره
براية كمر هاشم نصير العتره
كل واحد البينه نــذرلك عمره

وياك ..... وياك .... يبن الزهره منعوفك
للموت ... للموت ... نكصد كبرك نطوفك
غايتنة وحدة وانت هاي الغاية




....2....
كلمن يــزورك زايــر الله بعرشه
واجهنم ابيوم الحشر ما يخــشه
درب الصراط ايصير اله اجمل فرشه

يحسين ... يحسين ... دنيه اواخره نريدك
نهواك ... نهواك ... ونتمنه نبوس ايــدك
نتعنه الك يا سيدي عنّاية
....3....
لأخــر نفــس مشاية الك نتعنه
و نهدي المسافات بثوابك كلنه
غــايتنه انت ما نــريد الـــجنه

هيهات .... هيهات ... هاي الصيحه نحيها
رايات ...رايات .... عزتنه نعليها
ما عدنه بالدنيا امنيات اهواية
.....4.....
دربك حرام اعله المحب ايعــوفه
واجب عليه صبح ومسية ايطوفه
نقســـم الك بالكطعـوها اجفـــوفه

حفاي ... حفاي .... نتعناك والينه
واهناك ... واهناك .... ننثرلك بواجينه
يالعزّبت للدين روحك هاية
....5....
يوم اربعينك والله يا بو اليمة
نحسبله مثل الـــولد رايد امه
هنياله كلمن بره اوياك الذمه

مشاي ... مشاي .... حتى المهدي الك باجـــــر
عنوان .... عنوان .... يحجي الماضي والحاضر
وية الامام المنتظر وفاية
......
الحمد الله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:12

كافي امن البواجي مو خلص دمعك
اشويه ارحم ابحالك ارحم ابوضعك
يالعايش الطف كل وكت
....1....

يلكل صباح وكل مسه... تبجي اعله مذبوح النحر
مو كافي مولاي البجي ... والنوح والهم والقهر
ارحم اعـيونك ذابله ... ويمكن ضعف بيها البصر
واشلون ما تعمه النظر ... يالخلصت عمرك سهر

أعذرني امن اكلك كـــــافي لا تبجي
ابو حمزه الثمالي الحضرتك احجي
خوفي اسمع بكلمت متت
يالعايش الطف كل وكت

.....2.....

ارحم ابحالك سيدي ... الخاطر الزهره ام الحسن
منكم تعلمنه الصــبر ... وكـــت الشدايد والمحن
ليلك نهارك تنتحب .... تلطم على الراس ابشجن
عل منذبح مـــن الكفه .... وعماتك اكباله انسبن

نيران المخيم تسعـــر بــروحك
الاف الجروح الخلفت اجروحك
كالساعه اشوفك تلفت
يالعايش الطف كل وكت





.....3 .....

الله يعـــينك ســـيدي ... مو هين الصار وجـــره
حكك اذا عشت الحزن .... عل منه كطعو خنصره
جم اه شــايل جم جرح ... جم لوعه يا بن حيدره
بالشام شفت اشكد صور ... تكسر الخاطر يا ترة

فوك الرمح راس احسين يبرالك
والشـــماته تضحك جــــانت اكبالك
معـــذور شــــاب شيبت
يالعايش الطف كل وكت





.....4.....

يا زين العباد اشوكت ... ننظر ابوجهك ضحكتك
نوحك اليا مــدة يظل .... خافن يطول الــموتتك
معذور ما تنسى الحصل ... بالحبل شــدو عمتك
الله يعــــينك سيـــدي ... نيـــران تسعــر شيمتك

مو سهله المصيبه الحلت اعليكم
الهسه كربله تبـــجي البواجــيكم
جم جسم المكطع شفت
يالعايش الطف كل وكت





.....5 ....

لساعه اثرها السنسله ... ابركبتك ما طابت بعد
اتذكرك بسبيت عليتك.... وذبحت اخوك البلمهد
صبرك كسر قيد اليسر ... واتحده كل عدة وعدد
ما دنكت هامــــك ابــد .... لحسينك انطيت العهد

شامخ كالجبل ما بينت كسرك
كـدام الاعادي منحنه ظهرك
اشكد اعثرت بس ما طحت
يالعايش الطف كل وكت

تمت
.......
الحمد الله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:10

محتاجك بكـــد الهـــوه الاشمه
يالطاري اسمك من يمر اضمه
يالبية عايش من زغر
اتمنى شوفك بالعمر
لو مرة وحده
...1...
اين استقر بيك النوى ... يا جوهرت زمانك
وهــل برضوا سيدي ... ام غـــيرها مكــانك
عند الحسين ابكربله ... لو بالنجف عنوانك
يا درب اسلكه واوصلك ... اعطف علي بحسّانك

دليني وينك سيدي ارد اجيلك
لا تجفي عني امروتك دخيلك
لو جارحك ارجو العذر
اتمنى شوفك بالعمر
لو مرّه وحده
...2...

عايش ابيا ديرت غرب ... يا اغله اهلي وناسي
من فدوة اروح الطلعتك ... يا ملك هاي انفاسي
شاتلك اعيوني ورد ... ابدرب الــــكمر عباسي
ويم الحسين امناطرك ... نبض الكلب واحساسي

اعجز اوصف حـــالتي بكـــلامي
شاغل حواسي الخمسه يا امامي
كل يوم بغيابك جمر
اتمنى شوفك بالعمر
لو مرّه وحده





...3...

ناذر اذا شفتك انه .... روحي بثـــوابك اهـــدي
يا بلسم اجروح الكلب ... يا اعز واحـــد عندي
وياك سالفتي ابـــدت ... من عمر يوم ابمهدي
جانو اذا ابجي هلي .... ايسكتوني بسم المهدي

غذتني امي امن الزغر حروفك
وصتني اعوف الدنيا ما اعوفك
يا رحمت الله التنشكر
اتمنى شوفك بالعمر
لو مرّه وحده




...4...

بس الك يحلالي العشك ... يا احــله شي عشــكته
سهران كل ليله التمر .... اعليك ابجي انه أبسكته
يالمهدي صـارت غايتي ....بس انت وحـــدك انته
كل طلب مالي ابدنيتي ... بس شوفـــك الطلـــبته

ماعندي بالدنيا امنيات اهواية
بس شوفتك يا مصدر الرواية
ابكل المسائل تنذكر
اتمنى شوفك بالعمر
لو مره وحده




...5....

يالمهدي ماخذني الدمع ... رايد اجي وانـــعالك
عن ذبحت حسين وبعد ... عن سبي ذيج اعيالك
زينب وحيدة بكــــربله ... هالبيت مـــا اقــــرالك
جـــلمت سبية عمتك .....اتأثر اهــــواي بحــالك

عادة القتل عدكم يراعي الغيرة
بس حرمه تمشي لليسر جبيرة
الله يعيــنك يا بـــدر
اتمنى شوفك بالعمر
لو مره وحده
.....
تمت

الحمدالله رب العالمين
اللهم صل على محمد وآل محمد
موسى الخادم
.....

(ألَشُـأعر والَرادٍودٍ مًوٌسِـى أّلَخِـأدٍم )

20 августа 2021 11:06

كلما ارفع راسي الكاك ... من نحرك يجِّاره دماك
عالرمح وتنظرنه بعينك
ماجن ميت عايش ذاك

...1...
كلما صد اعليك اعيوني ... يحسين اتصد عينك لية
جن ادكلي لا تهتمي ... انه احرسكم يل العلوية
حتى وميت تنكط غيره ... يالمنك هاي المرجية
ميت وتهابك عدوانك ... اكبالك ينعدون اشوية

مثلك ما موجود اثنين ... بس حسين وانت حسين
يا فرحت حيدر والزهرة
عايف اختك رايح وين
........

2_عالي الرمح وراسك عالي .. شلون اوصلك ماكو امتونك
حر الشمس امغيره ارسومك... وذبلانات انظرها اعيونك
عمية ولا شفتك محبوبي ... ذابل هيجي امغير لونك
الله يلعنه البيك افجعني ... يحسين وعيشني بدونك

ميته انه ولا شفت الصار ... يذبحونك واعلي تندار
هذا المنظر ما فاركني
مثل الباب وحرك الدار
.....3 ....
ذبحوك وما شارب مية... يا فرحت عمري وامالي
لو بيدي ارويتك بدموعي .. ولا شفتك عطشان اكبالي
متسلبه اثيابك انظرها ... ما جانت يحسين ابالي
بدمك متغسل يعيوني ... وراسك شاله الرمح العالي

جسمك لو جسم اسماعيل ... صعدت فوك امتونه الخيل
اه يالوعت كسر اظلوعك
بختك ما خلت كل حيل
4_.........
اشلون اقنعها ارقية ابنيتك ... اشلون اقنعها مو هذا انته
جوه اعباتي امغطيته انه ... وابجيلك يحسين بسكته
كالساعه اعليك اتسائلني .... شحجلها وذباحك شفته
راسك شايل بيده وهوس ... راح الجان ايحامي الاخته

زاد اعلية الحمل اهواي ... يالرحت وما شارب ماي
كتلتني الحسرات بدونك
وابنيتك هاي الوياي
.....5 .....
سامحني بحقك يا خوية ... ابريني الذمه يا بو اضعوني
جم خطوة الظلتلي واوصل ...ذيج الشام انظر بعيوني
وي راسك خليني اتوادع .... يل عنك راح يبعدوني
حدي اوياك بهاي الرحله ... باب الساعات يسمعوني

جرح افراكك ما يلتام ... بية ايعيش ادموع ايتام
حبل الخوه البيني وبينك
راح يكطعونه الظلام
........
الحمدالله رب العالمين
اللهم صل على محمد وآل محمد
موسى الخادم

(ألَشُـأعر والَرادٍودٍ مًوٌسِـى أّلَخِـأدٍم )

01 августа 2021 05:42

احبتي خدمة الامام الحسين عليه السلام
لمن يجد صعوبة بئي لحن يتفضل للمعرف
وان شاء الله راح نكون بخدمتك 👇👇👇
@Alfoatm1

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:59

#برنامج_محرم_الحرام_١٤٤٣




هاية اخر ليله وية حسين تجمعنه
لا تعلون البواجي خاف يسمعنه
اتوادعو اوياه أبلطف
حسين محبوبي ترف .... لا تلجمونه لا تلجمونه

....1....
من بده اللــيل وظلامه ... ونامت اعيـــون البشر
العيله كلهه بخيمه وحده...انجمعت ابوكت السحر
ما حجو بس على حسيني ...اعيونهم تربي النظر
الحرة وصتهم بواجي ....اكباله ماكو ابهل السفر

كالتلهم خل نضم ادمـــوعنه الباجر
من نشوف حسين وحده ما الة ناصر
وعينه لخيامه ترف
حسين محبوبي ترف .... لا تلجمونه لا تلجمونه


.... 2 ....

قصت الموادع بدتها ... الرباب اوية الطفل
صارت اتناغي ابدمعه.... جنها تعرف ينقتل
جم سهم رسمت بديها .... مصوبه واكماطه يحل
اه يا نار المصيبه .... البلمخيم تشتعل

ينذبح عطشان ابنها وعمره ست اشهر
الها ابو اليمه يـــردة ونحرة دم يكطر
دمه ما يبقى يجف
حسين محبوبي ترف ..... لا تلجمونه لا تلجمونه

.....3.....

رمله وي جاسم تسولف ... يبني يا حلو الطبع
وليلى عل الاكبر تنادي ... بيك ما اريــد انفجع
بالبــواجي الليل خلصو .... دمع متلاكي بدمع
من كــثر ما ظلمه جانت ... روحهم شعلو شمع

التقو مثل الحمامه ابعش الملاكه
واحد يصبر بالاخر يابسه ارياكه
موقف ايعادل الف
حسين محبوبي ترف ... لا تلجمونه لا تلجمونه

......4.....

عـــاين العباس لخــته ... امكدرة وما الها حـــس
كعد عد رجليهه يبجي ... وصار يحجي الها بهمس
خوية شنهو الضاك خلكج ... صبح باجر لو امس
فـــدوة دمعــاتج امسحي....اعليج رداد الشـــمس

عنده اعز من كلشي اخته حتى من روحه
يزعل ويرضى الــرضاها تشهد اجروحه
ودّاعاهه ابلا حرف
حسين محبوبي ترف ... لا تلجمونه لا تلجمونه
.....5.....

بخيمت الـــوالد رقية .... كعـــدت الحد الصبح
منة رادت شوف تشبع ... كبل ميعــاد الــــذبح
اتعاين اعله حسين ابوها ... والكلب نازف جرح
منظر ايهدي الراوسي ... مثله منظر ما يصح

ساجد بمحرابه يدعي وهي شابكته
حكها كظت كل عمرها وما مفاركته
يمه صارت ترتجف
حسين محبوبي ترف .... لا تلجمونه لا تلجمونه
.....6....

بس اشد اوداع يذبح .... جان الاوداع الاخــــير
حسين من جمع عياله... وحجه عن ذبحه اليصير
الخيمه ضجت بالبواجي ... من زغير الحد جبير
حين كال ابروها ذمتي .... كلمن ايلاكـــيه مصير

اهنانه ساعتها انه كتله بوية حاجيني
ياهـــو الية لو عفتني يا نظــر عيني
سكنه انه اعترف
حسين محبوبي ترف .... لا تلجمونه ... لا تلجمونه
.....
الحمد الله رب العالمين
اللهم صل على محمد وال محمد
موسى الخادم





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________________
لمن يجد صعوبة بالحن اطلبه من
@moatmed2

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:54

#برنامج_محرم_الحرام_١٤٤٣




شُبّه لهم عبدالله ما مات .... لحسين ابو رد بالسلامات
عن الوعي غاب اي نعم
بس ما كطع نحرة السهم

.....1....
واقع تسولف لو حلم امه الرباب
عبدالله فطموه بالسهم لو وعيه غاب
دمه الترس ارض وسمه شنهي سراب
واكماطه المكطع وكع فوك التراب

موته فلا خلت على البال .... ظنتهم ايرحمون الاطفال
عيشها فركاه بوهم
بس ما كطع نحرة السهم

.....2.....
معذورة ننطيها العـــذر ام الـــرضيع
مصدومه من عظم الخبر حقهه تضيع
عبدالله مــو اين طـــفل حـجه وشفيع
ما حسّبت يروه بسهم ويــرد صريع

ما جانت اتحسب يذبحو.... والخيمته ميت يرجعو
جـــانت تسولفها ابألـــم
بس ما كطع نحرة السهم
....3....
اصغر طفل عاش الضمه بحضان ابوه
ابدمه رسمها لوحته وبسهم الرموه
شاهد على الصار وجرة مي ما روه
ابدال العذب رووه عطش ما انصفوه

صورت ذبحته العالم ايشوف .... اصغر شهيد ابراية ملفوف
يجذب خبر يحجي العدم
.....4.....
حسين انطه قربانه ورضا ابكل اليصير
بين حقيقة هالعـــده ابطـــفله الــزغير
للعالـــم بأسره تـــرك قــصت مصير
ياهو الي مظلوم انكتب يحجي الضمير

حرمله لو عبدالله مظلوم .... ياهو الي بيهم حقه محروم
ياهو الي بالنبله انفطم
بس ما كطع نحرة السهم
.....6......
يا كلمه بالحق اعتلت يا كلمه زور
عبدالله ثــار ابكربلــه ضــد الفجور
صح عمرة ست اشهر لجن جان الة دور
كل طفل يسمع قصّته كبرة يزور

اعظم طفل تاريخه خالد.... عبدالله ست اشهور قائد
لوحت بطولاته رسم

........
الحمد الله رب العالمين
اللهم صل على محمد وال محمد
موسى الخادم



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________________
لمن يجد صعوبة بالحن اطلبه من
@moatmed2

(ألَشُـأعر والَرادٍودٍ مًوٌسِـى أّلَخِـأدٍم )

24 июля 2021 14:52

يا ليلى الاكــــبر ما يــرد لتانين
للخيمه هذا الصوت اجاني من حسين
راح وبعد ميرد الي
اليشبه رسول الله وعلي
......1......
يا الهي بالضمه ... الحل على بن فاطمه
رد علي الاكبر الي سالم يمعبود
هاذي جانت دعوتي ... تشهد اعلي دمعتي
امنيتي جانت وحده بس أوليدي يعود

على الباري اقسمت بحسين ابو اليمه
الذبل من العطش واوليده كل همه

من عمري خلي شوية وانطي ابني هواي
هاذي دعوتي الربي جانت والماي
خوفي عليه لا ينولي

...2...
صوت الحسين الولي .... طر خيامي بلا علي
ما يرد ابنج يليله مات مذبوح
مهره وداه للعده .... اكبال حسرت والده
وغارت اعليه السيوف العافت اجروح

بعلي الاكبر يليله مثلو تمثيل
من كل جسمه شفت انه دماه تسيل

من مهره طاح اعله الارض ويلي اعليه
هذا برمح ذاك بحجر يضرب بيه
ضميته كـــون ابداخلي
اليشبه رسول الله وعلي

...3...
ناطرة اوليدي يرد ... ودمعي شاتلته ورد
حسبيت ايرد الية واحضى برباه
ما حسبت أيرد وذر ... سابح بدم النحر
لخيمتي جابوه مكطع وصل والله

الف طعنت رمح بيه والف طبره
احس روحي اطلعت من شفته والزهره

لا عنده ايد الظلت ولا ظل راس
كلشي بعلي الاكبر ذبيح ومنداس
قرباني للرب العلي
اليشبه رسول الله وعلي



....4....

جان الاكبر ضحكتي ... وكل حياتي ودنيتي
فرحت سنين الليالي اوياه عشتها
جان يا محله الصبح .... وي ابو وجه السمح
كل معاني رسوم وجه حافضتها

الوجه مثل الكمر وعيونه محلاها
جمال الله انرسم بي وبعلي وطاها

وسفه اعله كاع الغاضرية مطروح
وجه الله ذاكه مو علينه مذبوح
مات احله ناسي وكل هلي
اليشبه رسول الله وعلي


....5....

لوعت افراك الولد .... ما يحس بيها احد
يحس بيها الفكد مثلي زين الاولاد
باجر بدرب اليسر .... صورة الاكبر تمر
واكف بطوله وضحكته اعليه تنعاد

حلم هذا الاشوفه لو صدك واقع
بعد ما يرجع الاكبر يهل سامع

جرح الابن ما يشفه نازف للدوم
مثل الحمامه ارويحته اعله امه تحوم
يــوليدي صــيحه تعتلي
اليشبه رسول الله وعلي
.....
الحمد الله رب العالمين
اللهم صل على محمد وال محمد
موسى الخادم