1166
ترا الطيب والوقفات والعز والامجاد تسلم علينا خشّم ماهي تخامسنا.
المرأة مأمورة بالستر وهى تصلى أمام ربها بمفردها داخل بيتها
فكيف لها أن تتكشف أو تلبس الفاضح أمام الناس
اللهم زين بناتنا بالحجاب
جامل ولكن جامل الناس بقياس
زود المجامل مفْسده للعلاقه
مثل الطعام ان قل ملحه فلا باس
وان زاد فيه الملح خرّب مذاقه
مجامل المخطي على فعله..خطأ
وفـ المجتمع عـاده نفاق ورديه
يامجامل المخطي ولوطال البطا
لابد مـا تاصلك منه الخطيه
وألْقَيْتُ عَلَيْكَ مَحَبَّةً مِّنِّي
إن أحبّك الله، أسعدك ونصرك وأجاب دعائك وأزال همك وأزاح غمّك وألقى في قلوب الناس حبّك،
اللهم ارزقنا محبتك ورعايتك وحنانك، ربِّ اصنعنا على عينك ..
⚘ #تأملات_قرآنيه ⚘
ينتقدك اللي ما يوصّل مستواك
والتطفل شـيء .. ناتج عن ملل
لا تضايقك الســوالف مـن وراك
هالفئه هــذي .. تعاني مـن خلل
ياناس انا لـــي جــو وانتم لكم جو
في جوكم عيشوا وانا اعيش جوي
جوي على مركـــــاي ومسامر الضو
وفنجال من دله علــــى جال ضوي
واخفِض جَناحكَ لِلمُؤمنين
العاقل من خفض جناحه لمن حوله فنال محبتهم فأسكنوه قلوبهم،
اللهم جملنا بحسن الخُلق ..
⚘ #تأملات_قرآنيه ⚘
ابتسم لو الزمن .. ما يبتسم لك
الحياة احلى من شعور التعاسه
صير راضي .. بالذي ربي كتب لك
ولو جفاك الوقت لا يكسـرك فاسه
يميز الإنـسـان عقلـه وثقلـه
وانا بعمري ماتصنعت الثقل
اخاطب الجاهل على قد عقله
واخاطب العاقل على قد عقلي !
وما أُبَرِّئُ نَفسي
اعلم أنك في حرب مستمرة مع نفسك، تضبطها فترة وتتفلت منك فترة، تؤلمك حينا وتسعدك أحيان، وهذا هو جهاد النفس،
اللهم آت نفوسنا تقواها وزّكها أنت خير من زكاها ..
⚘ #تأملات_قرآنيه ⚘
سامح ترى دنياك رحلة قصيرة
ﻻتحمل من الـحقد مثقال ذرّه
ومن البشر ﻻجتك غلطة صغيرة
إصفح ترى بالصفح خير ومسرّه
لا تشتكي للناس همٍ جرى فيك
ما للبشر في بعض الأحيان حاجه
ان جيتهم في هم زادوا بلاويك
وان جيتهم في فرح طفواسراجه
اثبت على رأيك وخله يداويك
واصبرعلى همك لوكثرت أمواجه
ترى الهموم الي تغير مباديك
مثل السموم الي بوسط الزجاجه
يا أيُّها الذينَ آمَنوا صَلُّوا عَلَيهِ وَسَلِّموا تَسليمًا
التجارة الرابحة يوم الجمعة كثرت الصلاة على النبي ﷺ،
اللهم صلِ وسلم على نبينا محمد ..
لـيتـهـا تـرجع من اعوام لحظات
لحظات كـانت بـ الـفـرح تحتوينا
وليتها ترجع على الـوجه بسـمـات
بسمات تخفي لـمحة الضيق فـينا
يا صـدر لا ضـاقـت عليك الوسيعه
ترى فجـوج الارض للمسلم وسـاع
دام الجروح اللي سطت بك شنيعه
ديره بدل ديره — وقـاع بدل قـاع .
أهم شي في طبع الإنسان الأخلاق
وكلٍ على ما قيل يلزم حدوده
ترى البشر مثل البضاعة بالأسواق
شين بلا جوده وشين بـ جوده
يا أيُّها الذينَ آمَنوا صلُّوا عَلَيهِ وسَلِّموا تَسليمًا
أكثروا من الصلاة على نبينا محمد كما كان يُحِبُّ منّا ﷺ في هذا اليوم،
اللهم صلِ وسلم على نبينا محمد ..
الرجال انواع والدنيا حصاد
كم اخو بالطيب يفرق عن اخوه
من يقول النار تاليها رماد
كم ولد بالمرجله غالب ابوه !!
الزمـن دوار والموقـف وعّـد…!
وأكثر الافعـال داخلهـا اشتبــاه
الغريب يقول … تبشر بالسعــد
والقريب يقول تشغلني الحياه
وعَجِلتُ إلَیۡكَ رَبِّ لِتَرضَىٰ
قال سفيان الثوري رحمه الله :
"إذا هممت بصدقةٍ أو بِبرٍ أو بعملٍ صالح، فَعَجّل مُضيّه من ساعته؛ من قبل أن يحول بينك وبينه الشيطان"
اللهم اجعل سعيَنا في رضاك ..
⚘ #تأملات_قرآنيه ⚘
الطـــيب للانسـان : مــثل المـــناعه
يستخدمه لمكافحة بعض الامراض
واكــبر مرض واجب علينا انـتزاعه
الحقــد والغيبه وتشــويه الاعراض
ماهاب غــير الله ولا اخاف غيره
واللي مع الله وش يبي بالخلايق
عله يزين الحـظ ونشــوف خيره
وان كان ما زانت فــماني بضايق
وإن مِّن شيْءٍ إلا عِندَنا خَزائِنُه
خزائن ملأى ورب كريم يداه مبسوطتان وأنت غارق في اليأس من أمنية صغيرة لا تعجزه !
اللهم افتح لنا خزائن فضلك ورحمتك ومغفرتك ورزقك وبركتك وتوفيقك ..
⚘ #تأملات_قرآنيه ⚘
ضرينا على بيض الفعايل وكبر الشان
وعلى كل علمً يطلق الوجه واليمنى
ما نرخي مناكبنا سوالـ طاعة الرحمان
ولا تعترض فـ نحورنا ..الا محازمنا
تجاهلي لبعض الاوادم من الله
ماهيب شوفة نفس والا كِبر فِيّ
احب انزل كل شخص بمحله
ولا احب اجي لي في محلٍ مهو لي .
هل أتاكَ حَديثُ الجُنودِ • فِرعَوْنَ وثَمود
جاءنا حديثهم يا رب! زال ملكهم وغُلبوا وأخذهم العذاب الأليم وبقيت قصتهم تُروى في عاقبة الظالمين،
اللهم عليك بالظالمين أعداء الدين فإنهم لا يعجزونك ..
⚘ #تأملات_قرآنيه ⚘
حـاول تميــز فـي طبوعـگ وتختار
أحلى الطبوع اللي لها قدر وثمن
ثلاث تجعـل لگ مع النـاس مقـدار
أسلوبـگ وطيبـگ والخلـق الحسـن
اخـذ النصيحة لا تخلي صلاتك
احـرص عليها قبل ينقال مرحوم
اجمع حصيلك قبل موعد مماتك
الموت لا من جاك ماعاد لك يـوم"..
لا يَسمَعونَ فيها لَغوًا إلا سَلامًا
ليس فيها كلمة جارحة واحدة ولا حرف يكدر الخاطر، واها لك يادار،
اللهم اجعلنا ووالدينا من أهلها ..
⚘ #تأملات_قرآنيه ⚘
عسى الله يجملنا مـع اصحابنا الغالين
وعسى من هقى فينا نجي فوق هقواته
عسى علومنا بالطيب تذكر مع الوافين
وعسى الله يرزقنـــا بـ عفوه وجناته