2820
قناه حسينية تختص بنشر القصائد والتلحين ودروس الخاصه لتطوير الرده الحسينية للمنشد والملحن علاء الفهد
والد المنشد والملحن علاء الفهد في ذمة الله
نسئلكم الدعاء والفاتحه
م//#مقطوعه >>>للمهدي عج
_
ما تنسانه والله وحاسب احسابك
گرب موعد ظهورك واحنه احبابك
العراق اليوم منتظرك يبو الثارات
يم حسين حاضر شفنه جلبابك
احنه بصايتك يالمهدي والله بخير
يبو كلب السمح مايخلص اغيابك
مبدئنه العقيده وثابت الايمان
عد عينك وگفنه وتعرف اصحابك
احنه بكل وكت يالمهدي منتظريك
شعل عيسى المسيح شمعه يم بابك
دليل اكبر وجودك نشتم النسمات
عراق حسين حاضن انت بعتابك
يالمهدي نحبك والله صحنه بصوت
فرح شعبان عشنه بلمسة اطيابك
***
#الشاعر_يوسف الفتلاوي
جينه ننشد عن سجن طاموره
اِو ليش مشكاة الله بي مكسوره
جينه ننشد وين محبوس البعيد
او ليش شَدوه اِبسلاسل مِن حديد
او ليش مربوطه الرِجل وْايد اعله ايد
اِوْ هَذي يا ظلمه التغطي نوره
جينه ننشد عالسبب سِجنه الامام
وليش كلما يخلص يزيدونه عام
ما صحه عقل الذي شاف الحمام
على شباجه الطيور اتزوره
جينه ننشد وين امام الشيعه صار
وليش مايعرف الليل من النهار
والله ملينه حياة الأنتظار
ويدري بينه اگلوبنه معصوره
جينه ننشد عن حبل الله المتين
ضاعة اخباره علينه مِن سنين
او لو نشوفه نذر يا ام البنين
عليج نقره الفاتحه مشكوره
جينه ننشد عالوجه تجري الدموع
صاحب السجدة الطويله بي رجوع
اِتْكَزبُر الحيطان من ذاك الخشوع
حلو صوته من يرتل السوره
جينه ننشد والبشاره من الحبيب
گالو الجمعه تره الموعد قريب
ما عرفنه الجرح ياجمعه يطيب
والله كل مهجه تره مفطوره
جينه ننشد هالجنازه المن تميل
خبر بس هذا الخبر وقعه ثگيل
هذا امام الرافضه اصبح قتيل
واالله كل الدنيا مامعذوره
#للشاعر #محمد #الظالمي
/channel/pagy007
فتحنة ابيوتنه أهــــلاً يزوار
أهل البيت أنتم وأحنه خطار
هلا وكل الهلا بيكم خدم وانقبل أياديكم
أهل البيت أنتم وأحنه خطار
.................................................
من بغداد صوت الخدمة شد راية
هلا بزوار ابـــــــن جعفر الوفاية
هلا وكــــــل الهلا يالجيتوا مشايا
هلا وكـــــل الهلا شرفتوا الولاية
خدمتكم شرف ألنه عذراً خاف قصرنه
بكل خطوة هلا وحياكم أنصار
أهــــل البيت أنتم وأحنه خطار
................................................
نصبناها المواكب والخدم وكفت
أيد أبأيد للخدمة حِــــــــزم شدت
من أبعيد ريحتكــم مسك وصلت
ماي العين حـدر أرجولكم طشت
ءأمــر كول واتمنه أشرب ماي واتهنه
يالزاير هــــلا وادلل وصار
أهل البيت أنتم وأحنه خطار
.......................................................
شدوا الحيل كـل خطوة أجر بيها
كلمن عنده حاجة الزهرة تكضيها
بمصاب أبن جعفر خـــل نواسيها
غريبة أجنازته واتــــــريد أهاليها
اليوم أنجدد البيعة أنشيل النعش وانشيعة
وبسم المهدي نرفع راية الثار
أهـــل البيت أنتم وأحنه خطار
...................................................
من البصره حـــــــــد بغداد حياكم
عين الزهرة تبره وعلــــــي وياكم
الله أيعنكم عالتعب كـــــــواكــــــم
باجر بالحشر تلكونه ممشاكــــــــم
كل خادم واله أجر شاهد دفتر الزهره
بيده باجــــر أيعبرك الكرار
أهل البيت أنتم وأحنه خطار
.......................................................
خدمتـــكم شرف زوار والخدمة
من الله هدية اعله الخــدم رحمة
شد عزمك يزاير وأعتني النعمة
واوكف يم ضريحه وردد ابأسمه
بشباجه العلك شدة تلكي حاجتك عنده
أبو طلبة أبــد ما يرد محتار
أهل ألبيت أنتم وأحنه خطار
......................................................
خادم خدمة الحسين
الشاعر
محمد الموالي
/channel/AlaaAlFahad8080
فزاعية للكاضم ع 💔
منهو اليشيل جنازته
موسى غريب اليله
🎤🎤🎤🎤🎤🎤🎤🎤🎤🎤
منهو البهيده يشيله
منهو الكفل تغسيله
وتراب كبره يهيله
ومهدوم بسم حيله
وبنيته خل تبجيله
والاملاك السمه تنعيله
وهاذا اليعدل الميله
ومعصومه شو كوميله
ومن الشمس فييله
والسامه ياويله
وعل جسر حماميله
ومعصومه خل تنعيله
تمت بفضل الله واهل البيت ((ع))
بقلم الشاعره اسيل الزينبيه
ارجو عدم حذف الاسم
اطلب منكم تندعولي ان الزهراء تقبل خدمتي
/channel/AlaaAlFahad8080
-
نعزي مولانا صاحب الزمان (عج) .. ومراجعنا العظام وجميع شيعة أهل البيت عليهم السلام ... بمناسبة وفاة عقيلة بني هاشم السيدة المظلومة أم المصائب زينب الكبرى سلام الله عليها ..
عّہظۣہم ُإٱﻟﻟـِْﷻـِْﮭﮧ أِجہۣؤرنآ ؤأِجہۣؤركہم
مولد الامام علي ع
گلبـي شمسويله ـ ياعلي
اوياك يسهر ليله ـ ياعلي
گلبي مجنون بغرامك وأنت جننته
🌷🌷🌷🌷🌷
يالملكت احســـاسي وبـــدلالي نبــضه
اســـمك آيـه اوآجــب اتوضــه والفضه
انتــه قــرأن الحكـــــــيم وانتــه فرضه
كل حديث ايخص حياتك گمت احفظه
يالشغلت اذهاني ـ ياعلي
مذهـبي وقرئآني ـ ياعلي
گلبي مجنون بغرامك ونته جننته
🌷🌷🌷🌷🌷
انته ممـــلكة العواطف والمشـــاعر
كثر مابيك انه مغرم صرت شاعـــر
صـــورتك مرسوه بعماق النواضــر
عالمنـصه اتباهه بيـــك وعالمنـــابر
فرحتك نحييها ـ ياعلي
الفاطمه نهديها ـ ياعلي
گلبي مجنون بغرامك ونته جننته
🌷🌷🌷🌷🌷
استبشرت بيــك الانس والجـان كلها
مـولدك فـرحه وابـد ما صــــح مثلها
لايگــه الكعــــــبه عليــك ولايگ الها
هالكــــــرامه بس الك ربـك جعـــلها
وحدك انته اختارك ـ ياعلي
وبـارك بـأنـــــوارك ـ ياعلي
گلبي مجنون بغرامك ونته جننته
🌷🌷🌷🌷🌷
والله احلى امن الشهد اسمك قريته
مــركز اگلوب البشــــر حبــك لكيته
مولدك شع بالســــمه وبالگاع صيته
العلي حبـــك يا علي ونطــــاك بيته
الك فاتــح بابه ـ ياعلي
انته اعز احبابه ـ ياعلي
گلبي مجنون بغرامك ونته جننته
🌷🌷🌷🌷🌷
الك بيت الله انفتح ونشق جداره
وبقــدومك رحب وســرفن ستاره
هلهلن بالفرحه اجن مريم وسـاره
يا وليد الكعبه انته اجمل بشــاره
اتشـرفت بقدومك ـ ياعلي
يالعظيمه اعلومك ـ ياعلي
گلبي مجنون بغرامك ونته جننته
🌷🌷🌷🌷🌷
ياهو قبــلك لقبوه ابحـــامي جـاره
ومــــــن يقــرر ربك يأيــد قـــراره
ياهو غيـــــرك ثبـت الديـن ابفقاره
ابكلهن اول يا علي ونلت الصـداره
انته آيه ورايه ـ ياعلي
والامل والغايه ـ ياعلي
گلبي مجنون بغرامك ونته جننته
🌷🌷🌷🌷🌷
الخادم
كامل السعيدي
/channel/pagy007
..........(هوسات)..........
،،،،،،،،،،،،،،،،،،،،،،،،،،،،،،،،،،،،،،،،،
مرحب مالحك يمك شهك انفاس
علي قايسهه جدا من طبر عالراس
بعده بظهر حيدر يسمع العباس
والغيره اهتزت من شافه
****
تشهدلك معارك بدر والاحزاب
كالبهه المنايا وناكث الاطناب
صفين بيمينك طير الاركاب
تتراعب من شاله اكرابه
***
قلع خيبر علي والعامري دنك
كل هذا اليشوفه اكباله ماصدك
خطف راسه علي مالحك ويشهك
والدنيا بيدك تطويهه
***
يا منقذ سفينة نوح بالطوفان
لوما انت ربك ما خلق اكوان
قيسم النار والجنه علي الميزان
حامينه حيدر مولانه
***
الك مشهوده حيدر شاطر الفرسان
مخنوكه المنايا ويكلب الميدان
خيبر من اجاها انشالت البيبان
مرعوبه بجفك صارت
*
علي وي سيف عشره مايشيل اكراب
بالطول وعرض شاطرها سيفه اركاب
يضحك بالحرب فقاره داحي الباب
ويموت العاذل لو شافه
****
يوسف الفتلاوي
https://t.me/pagy007
ابوذيات للهادي ع
_
الحزن عالهادي ماعوفه..وهم لا
بجرحنه مارضه العاذل..وهم لا
سألني وشاف دمع العين. هملا
عالهادي جرت صبح ومسيه
*
عليه احزاني هاليله...وجارت
دنيا بلا رحم صارت...وجارت
علينه وحطت بهمنه...وجرت... وجارت
عالهادي تصب جور الرزيه
****
دموع احزاني هالليله..... اجرها
وصفت حسره بأثر حسره اجرها
علي الهادي اله شيعه...... اجرها
عله الزهره وعلي حامي الحميه
****
شعجب گلب الزمان اعليك لاحن
وسهام الحزن بالروح .......لاحن
علامات الحزن عالهادي ....لاحن
ونصبت مأتم احزان الزجيه..
****
تعيل الدنيه لو داور...... سكنها
وألي ونه ولا واحد....... سكنها
عله اللي برض سامره.... سكنها
الحسن بيها اندفن هوه وابيه
.*
معاني الحزن يالهادي * يعيناي
وعليه دموع دم هلن * يعيناي
دعيت الله عله هالبلوه* يعيناي
يوافيني اجر هاي الرزية
ـــــــــــــــــــــــــــــــــــــــــــــ
يوسف الفتلاوي
/channel/pagy007
فلـسفة الانتـظار .. للغايب باختصار
اترجمها ام البنين
اترجمها ام البنين
-------
كــلمن منــتظــر غـــايــب .. وگلبه امن الوله جمره
بغمار الحب وجوب ايخوض .. وفلسفة الوفه يقره
امـــن ام عبـــاس اتــعلـم .. يمــن للمــهدي منتظره
عــلى غايـــبها مــن تبچي .. دمــعتها تهـــل حــمره
ودمــوع الانكسار .. للغايب باختصار
اترجمها ام البنين
اترجمها ام البنين
-------
يامن ناطــر الغايـب .. وحچي اسمعونك بكل يوم
تره ام الاربـعه قبلــك .. مـــن الــنـاس شبــعت لوم
المامذبوحلـه ابـن ادم .. ايســـولف حـقـه ماملچوم
والرايحله ابو اليــمـــه .. عــاديـــه يطـلــگ الـــنوم
والحدر اعيونه نار .. للغايب باختصار
اترجمها ام البنين
-------
عـــالــم فلــسفة حــبها .. يـــامـــن رايـــد اتــدرسه
ابحب ام البنين ابحث .. اخــذه وطبــقـــه بـــنفسه
اساس المعرفه القصوى .. الوفـــاء وكـــون مـاتنسه
الامامك شوگك امن ايقل.. امن الطف صدرك اترسه
اشواگك مهما صار .. للغايب باختصار
اترجمها ام البنين
اترجمها ام البنين
------
راح الـكــــربلـه وراحــت .. كــل ايامهــا الحلوه
وكل مانسمه مـن الطـــف .. تمـر بالطاهره تهوه
اعــــز مانمتـــلك احـــنه .. تعـلـــمنه الـــه فدوه
ابلايه انفاس ابو صالح .. كلشي الدنيا ماتسوه
ومن انگول البذار .. للغايب باختصار
اترجمها ام البنين
اترجمها ام البنين
-----
خل اعيونك اتسولف .. والدمــعات بــديها
هوه الفارگ احبابــه .. روحه اتضل تواليها
يمن للمهدي تشتاگه .. ام عـــباس حـاچيها
گلها ابداعة اعيونچ .. جمرتي بيش اطفيها
الدمعه ليل ونهار .. للغايب باختصار
اترجمها ام البنين
اترجمها ام البنين
-----
المثل ام البنين ايعيش .. ينطــر غايبــه اعوام
شــما رادو يــحاچـونه .. تره المشـتاگ ماينلام
هــوه المــنذبح شوگه .. متفزز اجروحه اسهام
اليدور ماي حتى ايعيش .. يمشي مستعد ايام
والاحزانه جهار .. للغايب باختصار
اترجمها ام البنين
-------
حيدر تركي الكربلائي
/channel/alaa66klf
اثنينهن......... عمن عليه
اچفوف صبري والوصيه
يازهراء..........يازهراء
***
امچتف بصبري وبقيت ابديرة العين
امنين ماانظرها اشوفن سطرة البين
ادخيلك الله لوتنادي وين ابوحسين
يجوز اسويهه الوطيه اثنين بثنين
حيرتي ... اصفك بديه
اجفوف صبري والوصيه
يازهراء..........يازهراء
***
انه من صبري استغلني افلان وفلان
ماطلع راسه عله ود اشعجب ماچان
ادري بيهم بالمراجل كلها نسوان
اكبال بيتي هسه هذا ايصرفن اردان
شلوني ... بذيج المسيه
اجفوف صبري والوصيه
يازهراء.......يازهراء
***
وين چان افلان لمن اني بالدار
خاتل بسدهه المنايا شلون يندار
سيفي ماينسل عليهم كلش ازغار
بيا وكت يهجم عليه يصير بسمار
ينفتح......... باب الرزيه
جفوف صبري والوصيه
***
الاه مصدر للجرح وبصبري مذبوح
والعذاب اشكثر ياكل بابي مفتوح
بالعلي اشچم مره اگوم وانه بالنوح
بيا وكت بابي اندفع والظلع مجروح
اجروح كلبي بهالقضية
اجفوف صبري والوصيه
***
چان لو بيدي الامر امحيي الوطيه
بسيفي اساويهه الثرى ويه الثريه
اشلون بالله افلان يوصل للزچيه
والحرك بابي حرك بيت الله هيه
بيا وكت يوصل اليه
اجفوف صبري والوصيه
***
اسوالف الباب اشكثر تاخذ عذابي
امنين اجيبن خيبر واقلعهه بابي
افلان يعرف زين واصلهم حسابي
سيف ذو فقار چن لمحة جوابي
اشلون ودعت الزجيه
اجفوف صبري والوصيه
يازهراء..........يازهراء
***
هيه وحده من الامر لو بيدي امره
اله اسوي الدنيا بيهم كلها حمره
چفي هذا الشيخ يدري شلون اسطره
مثل حمزه شلون يسطر وانه اشطره
كلها ..... تختل بالمنيه
اجفوف صبري والوصيه
***
تمت بعون الله تعالى
خادمكم•••••• يوسف الفتلاوي
/channel/pagy007
في ذكر الزهراء عليها السلام
ياگاع اشهدي علجره وياسمه
من عذاب الگوم ماتت فاطمه
فاطمه خير ونعيم ومرحمه
فاطمه المتعذرت بالموزمه
فاطمه التشفع بيوم الخاتمه
فاطمة البضعه الزجيه العالمه
فاطمه نور وفخر كل مسلمه
فاطمة قصة اظلوع امهشمه
فاطمة سلوة علي حامي الحمه
فاطمة ايات الكتاب المحكمه
فاطمة شمس بدياجر مظلمه
فاطمه ام نهر العذب يوم الظمه
فاطمه التجلي الجحيم الحاطمه
فاطمه يافاطمه يافاطمه
الشاعر حسن لعيبي الحريشاوي
/channel/pagy007
✨💭
من الجنّة جاءت فاطمة ..
وإلى الجنّة عادت فاطمة.
" وعاشت في الدنيا ڪقطعة من الجنّة تمشي على قدمين...وڪان رسول الله يشمُّ منها رائحة الجنان ، فيضمّها إليه ڪأنها الشوق ، ويعانقها ڪأنها الحنين.
فهي بالنسبة إلى النبي : الجنّة.
وهي بالنسبة إلى أمّته : الطريق إليها. 🌿
#يازهراء
ابوذيات ولادة نصف من شعبان
***
عشكنه من زغر باقي
مهدنه
جواز الجنه يالغايب
مهدينه .....مهدنه
هلا بجيتك يبو صالح
مهدنه
تكحل اعيون يمتى الجعفريه
****
ألاهه القدره بالموعود
من من
اجيت اسال جمال الكون
من من
أشوفن يا صفات البيك
من من
اظن عباس والمهدي سويه
*
اخذ روحي وصحت ممنون
ياريت
نشوفه بصحن ابوسجاد
ياريت
علي دنياي بالشينات
ياريت __يرت
تلمنه برايتك يبن الزجيه
*
صبرنه ومن صبرنه جروح
جماه
حسبت انه العمر بجفاك
جماه....(چملا)
صرت وي الحزن صحبان
جم اه
احسب بالجمع ياجمعه اليه
**
يوسف الفتلاوي
https://t.me/pagy007
خــدام خـــدام للكاظم اتعنينه
خدام خدام وبخدمته اتباهينه
«»«»«»«»
خـــدمة الكاظم شرف وحنه نفخر بيهه
عالعهـــــــد وبكل سنه نحظـــــر نأديهه
كل مــــوالي ابخدمته هــــامته ايعليهه
وحاجته اباب الصحن لووگف يحچيهه
عشاگ عشـاگ ومحبته اتسلينه
خدام خدام للكاظــــــم اتعنينه
«»«»«»«»
اشگد دعينه ابحضرته ابدمعه وترجينه
انريد يـم باب الصحن نكنــــس ايخلينه
ننحسب مــــن الخــــدم شيعته اتمنينه
عدنه هـــــذا اشرف عمل باجر اينجينه
بالموت بالموت هذا العمل يكفينه
خدام خدام للكاظـــــــــم اتعنينه
«»«»«»«»
نشعر ابراحه اشكثر مـــــــن نطب انزوره
ولي يخلـص بالدعا ايشوف وجهه ونوره
صار سـور الشيعته وعشنه داخل سوره
مايهمنه الناصــــبي اشما يصطر جــوره
منخاف منخاف من الذي ايعادينه
خدام خدام للكاظــــــــــم اتعنينه
«»«»«»«»
شما نضحي الحظرته مانگول اهوايه
يشهد اعلينه الجسـر اله انضل وفايه
ابدمنه وقعنه عهد ماتطيــــــح الرايه
ثوره ضد اهل الظلم خطوة المشــايه
هيهات هيهات من دربه ماردينه
خدام خدام للكاظـــــــم اتعنينه
«»«»«»«»
مـن الزغر حبه سكن والله وسط گلوبنه
اشلــــــون عنه نبتعد هوه نـــور ادروبنه
اگبال طغيـان العصر نفخر ابمحبـــــوبنه
باچـــر ابيــوم الحشر يمحي كل اذنوبنه
بحماه بحماه عشنه ويعرف اشبينه
خدام خدام للكاظـــــــــــم اتعنينه
«»«»«»«»
الخادم
كامل السعيدي
/channel/pagy007
يموسى يموسى عالجسر شفنه محرم ثاني
انت واحسينك تشابه . . . صرتو بالقضيه
اجنازه مشدوده بحديد . . . واجنازه عالوطيه
الخيمه والطاموره جمعن . . . عابد وسبيــه
والجســر والتـل يــأذن . . . مهجة الزجيــه
يموسى يموسى سممو چبدك يويلي إشجاني
يموسى يموسى عالجسر شفنه محرم ثاني
دمعتك جانت غزيره . . . وسجدتك طويله
مذبح حسينك تعيشه . . . وتبچي عالعقيله
فاطمه المعصومه عدك . . . تشبه العليله
لاچن اللوعه على الي . . . ركبت الهزيله
يموسى يموسى عمتك زينب سبب احزاني
يموسى يموسى عالجسر شفنه محرم ثاني
انت ذو الساق الترضرض . . . تشهد المحاجر
احسينك الي رضرضنه . . .سحگت الحوافر
اصبع وترجيه بالطف . . . اسسن منابر
وانت يالكاظم جفوفك . . . اصبحن مناير
يموسى يموسى من دعائك يرجف السفياني
يموسى يموسى عالجسر شفنه محرم ثاني
عمتك زينب يشبهك . . . بالقهر گلبها
السندي ابن شاهك يضربك . . . والشمر ضربها
لو دعه السجاد والله . . . الدنيه چا گلبها
ورضا ابجسر الرصافه . . . دمعته يصبها
يموسى يموسى بالدعاء اذكرني لاتنساني
يموسى يموسى عالجسر شفنه محرم ثاني
شگد حرام المثلك انت . . . بالسجن نقيسه
عقلي ما ممكن اعوفه . . . للوهم فريسه
شبه الهم بالزنازن . . . وانت ثاني عيسه
ولذالــك شيعـنــك . . . جــامـع وكنيسـه
يموسى يموسى رتلاك انجيلي وقرأنـي
يموسى يموسى عالجسر شفنه محرم ثاني
يا امام الرافضه . . . الترفضه السقيفه
كل بني العباس راحو . . . وانت الخليفه
لعنة الله اعله كلمن . . . نيته مو نضيفه
وتبقه ارض الكاظميه . . . طاهره وشريفه
يموسى يموسى احفظ النه السيد السيستاني
يموسى يموسى عالجسر شفنـه محرم ثانــي
#العبدالحسيني_محمدالجماسي
/channel/pagy007
نزله عگيلي
●●●●●●●●●●●●
الليله المهدي اتهدم حيله
الليله المهدي اتهدم حيله
■■■■■■■■■■
شايل رايه المهدي و گاصد
صوب الكاظم اول واحد
قبل الشيعه لصحنه وگاعد
يصرخ ياجدي و يبچيله
الليله المهدي اتهدم حيله
■■■■■■■■■■
صاحب مأتم حتماً حاضر
جوه الگبه و قبل الزاير
دمعه بخده واحمر صاير
خل انواسيه و نمشيله
الليله المهدي اتهدم حيله
■■■■■■■■■■
كاشف راسه بلايه عمامه
يبچي ويلطم فوگ الهامه
عالخلصت بسجون ايامه
اعله الكاظم دمعه يسيله
الليله المهدي اتهدم حيله
■■■■■■■■■■
ويه الوادم وسط الحضره
شايل نعشه و چن الزهره
ويه الناعي تبچي و تقره
نعشه الرمزي المهدي يشيله
الليله المهدي اتهدم حيله
■■■■■■■■■■
شايل نعشه وشايل ثاره
سيفه بغمده وتلهب ناره
ربك يعلم شنهو اسراره
يم الكاظم چن يشكيله
الليله المهدي اتهدم حيله
■■■■■■■■■■
يم الكاظم جده ويدعي
ويسمع امه تصرخ ضلعي
يگله حسين الغير وضعي
عجل يارب خل ندعيله
الليله المهدي اتهدم حيله
■■■■■■■■■■
المهدي ايسجل كل الزاره
بيده الدفتر تملي احباره
بي نتشرف و بأنضاره
النضره تكفي وممنونيله
الليله المهدي اتهدم حيله
■■■■■■■■■■
الشاعر : حيدر العمار الخزعلي
المنشد والملحن علاء الفهد
#الحسين_يجمعنا🌼
1.القناة تسعى لتنمية الأصوات الحسينية 🎤
2.دورات مستمرة للمقامات الأساسية ولفرعيه🎹
3.دروس تطويرية لفن التصرف بالقصيدة 📄
4.تعليم فن الأداء المنغم وزغارف الصوتية🎵
5.دورات الأطوار الحسينية🔊
معرف الخاص
@Alaa_ka9111
/channel/pagy007
ياحيدر بعيوني...مصحف غزل
حبيتك لاموني......خير عمل
***
بسورة جلاله يرتل لساني
حيدر عشكته مالك كياني
رسمك لكيته يبعث تهاني
بوجداني حبك لاماكو ثاني
حيدر درب الجنه عيسى استعد
صارت بيك انفاسي تقره الحمد
****
بالكعبه صارت اجمل بشاره
لدنيا ضوه نورك نهاره
تاج المعالي فوك الصداره
واحنه نحبك رهن الاشاره
يا فرحة اعيادي بسمك شهد
واليته وناديته حيدر المدد
*
اتوضه بسمك الكه اليتامه
وبوجهي اشوفك ظلت علامه
قرآني انت وابدي بختامه
يغمرني حبك كلبي بهيامه
يالمالك انفاسي تاج اصبحت
واليته وحبيته عبدك صرت
***
بيك شجاعة صارت مدارس
يالغالي حبك يملي نوارس
يالماكو مثلك لا اي منافس
يحلى بحضورك طعم المجالس
يا رحمة وجداني بيت الفرح
اقره وبيك يرتل صدري انشرح
****
حبك خذاني بحلى المشاعر
بس انت اشوفك تملي النواظر
احنه اليتامه تجبر خواطر
بحيدر أمامي تضوي المنابر
يطهر بيك لساني خالي النقد
لمن اهتف حيدر صاحو اعد
****
تمت بعون الله
ش....يوسف الفتلاوي
/channel/alaa66klf
ابوذيات
،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،
علي يالطلك الدنيا..........مردهه
وتصير الناس يم حيدر ....مردهه
جيوش الكفر لو يزعل .....مردهه
يسطره بچفه حامي الحميه
***
علي بيده الشمس صارت....وردهه
عليك الكعبه تنثرلك......وردهه
الشيعه بالحشر تعطش.......وردهه
بچفك ياعلي حامي الحميه
****
ولايه بحب علي صرنه......وشيعه
وظل اندب علي حبك......وشيعه
وجوباً فرحت السنه.......وشيعه
بعيادك علي خير البريه
**
يوسف الفتلاوي
/channel/pagy007
شفت اهوال السجن
والدمع صب عالجفن
شلون يالهادي گضيت اسنينهه
بالسجون وروحك الله يعينهه
***
صعبه امنطالع سيرتك..... شاهد عيان اكبالي
شفت السجن ويه الهضم......مرسومه صوره ابالي
والحيره تأكل بالكلب....كلشي الاشوفه اوحالي
محروم من شم الهوه.....محتار اشوف الغالي
عشت وياك العذاب
صعبه نايم عالتراب
روحي ظلت بالحزن بونينهه
بالسجون وروحك الله يعينهه
***
عشت السجن لوعه وقهر ....قصة حزن ارويهه
مثل الگبر هذا السجن ....مظلم عليه تاليهه
معقوله باب الله اختنك.......لشيعه لو احچيهه
شفت الجره يابو الحسن.... من قصتك ابچيهه
والله صعبه امصيبتك
اشما ... اطالع سيرتك
شعيتك تنعه وعلامه اجبينهه
بالسجون وروحك الله يعينهه
***
عالبال ما چان الامر ....شفت العذاب ابعيني
والهادي ياويلي انهضم ...چان الجرح ناسيني
وادخلت ابواب الحزن......ماتت حياة اسنيني
شاهدت كدامي الظلم....اغفه عله صوت اونيني
شلون اسولف قصتك
علي الهادي وغربتك
بالحقد مهجتك سم مسگينهه
بالسجون وروحك الله يعينهه
***
من يمك ومات الدهر ....اهل الحقد يدرونك
من بني العباس الفعل..... هذا السبب يجفونك
شفت العجيبه بهالسجن...ماغمضتهه اعيونك
شلون حالك سيدي......وشلون صاير لونك
اتفاجئت كلشي اتضح
بخنكته شفت الجرح
وين ...هاشم ما لفتلك وينهه
بالسجون وروحك الله يعينهه
***
ايام شفنه مظلمه......اهل الرجس تتماده
حتى الضوه مشتاك الك مايلفه يمك
راده
متعود السم والغدر.....بيت النبي كالعاده
ياوسفه تاليته الدهر....يتماده فوك اسياده
اتصلي ودموع الهضم
يبچي.....وياك النجم
جثتك اهل الوفه امشيعينهه
بالسجون وروحك الله يعينهه
***
اخر محطات الحزن....والحسره تكبر بيه
مذبوح عمري بالدمع ..طول الدهر لطميه
وشلون انسه كربله ....نار الخيم يوميه
وحسين نايم عالترب....محد ايشرب اميه
عالرمح شفت الحمد
والكهف تنعه وتصد
دارت الدنيا وتخون احسينهه
بالسجون وروحك الله يعينهه
****
تمت بعون الله
خادمكم...... يوسف الفتلاوي
/channel/pagy007
شهيدةَ البكاءِ يا امَ البنين
شهيدةَ البكاءِ يا امَ البنين
*
انتي يــا اول شهيده الضحت بأعظــم ثمــر
قدميتــي اربــع ضحايا وي عبـاس الگمــر
يالــي مــا همــچ بينينچ نوحـچ لذلك النحر
انتـــي يا ام الامــاجد والله حيـــرتي الدهـر
شهيدةَ العزاءِ يا امَ البنين
شهيدةَ البكاءِ يا امَ البنين
*
يالفديتي اهــروش گلبـــچ للحسين ابكـربـله
يالوفائــچ آيـــه بالطـــف والاجيــال اتــرتله
للمــدامــع والمــواجع انتي صرتي البسمله
انتي يـــا اول شهيــده للحــزن مـــن الملا
شهيدةَ الفداءِ يا امَ البنين
شهيدةَ البكاءِ يا امَ البنين
*
سهم فگـــد حسين منــه دمعتــچ ظلـــت تصــب
وگبـــل لا صابـــه المثلث صابــچ ابنـص الگلب
وگبل لا طاح ابو اليمه انتي طحتي اعلى الترب
يا شهيده ومـــا حصلــچ بس دمــع عينچ عذب
شهيدةَ الوفاءِ يا امَ البنين
شهيدةَ البكاءِ يا امَ البنين
*
داست الخيل اعلى صدره صدرچ ابعبره انهشم
والمثلـــث صـــاب گلبـــه صوبــــچ ذاك السهم
والحجر صـــوب جبينه ادري يــا جبهه الخذم
صابــــچ ابــذاك الجبين وحيلــچ لفگــده أنهدم
شهيدةَ ألولاءِ يا امَ البنين
شهيدةَ البكاءِ يا امَ البنين
*
مــو سهم شـرط اليموت ولا سيوف اتگطعه
سهم فگـد حسين اصعب مــن ولدها الاربعه
فگــد الحسين ومصـابه سهم ياهو اليجرعه
والفگــد غالـــي سلوته بس ونينـه ومدمعه
شهيدةَ ألسماءِ يا امَ البنين
شهيدةَ البكاءِ يا امَ البنين
*
جامعــه بس للمـــواقف للايثــار وللــوفاء
خرجيتي أربــع مدارس يالعظيمه ابكربلاء
مدرسة عباس قمه اتخرجت بأمر السماء
يــــا شهيده وللـــزچيه قدميــتي الشهداء
شهيدةَ الاباءِ يا امَ البنين
شهيدةَ البكاءِ يا امَ البنين
*
الشاعر
موسى البديري
/channel/pagy007
كلشي من عندج..........نعمتي وخيري
وانه حس روحي .....هواي تقصيري
يا زهراء ___يازهراء
***
كلشي من عندج صبح ياسر حياتي
لو نسيت الزهره احس خله.....بصلاتي
انتي تسبيح الفرض كل ركعه ذاتي
بيج احس كلشي اكتمل دربي ونجاتي
بجاهج اتوفق ........دمعتي ابليلي
وشكبر حظي .......الزهره تدعيلي
يازهراء ____يازهراء
***
اشكبره حظي لورضت عني الزجيه
خادم اتباها صرت اجمل هويه
فاز كلشي بدنيته وجنه هنيه
هناك صوت الرافضه نحيي العزيه
نظره من عندج........ هوايه مولاتي
المجلسج اسعى....... اجري دمعاتي
يازهراء _يازهراء
***
دمعتي عاشور صارت كلي مأساة
صاحت الزهره اعد يا ملا الابيات
وانه ادعي بحضرتج تكضيلي حاجات
خادم وعندج صرت رهن الإشارات
احلى بالدنيا......... عايش أمنيتي
عالگبر خادم......... كاتب اوصيتي
يازهراء ____يازهراء
***
عمري خلص بالمجالس اني منذور
ماخلص عندي محرم والدمه ايفور
عدنه عاشوراء ثاني باقي منشور
اتصير ايام الزجيه چنهه عاشور
صدري خليته............بالطم شاره
عودت روحي.......... ما ألي جاره
يازهراء ___يازهراء
***
هوايه يزهره دعائج احنه نحتاج
انريد عاشور الزجيه ايصير مناهج
مانهم ننطي نفسه وحتى الاوداج
خدمتج بس احنه ننجه وبيها الافراج
اني ما خايف .......حققت صيتي
خادم الزهره............تعلم ابنيتي
يازهراء ___يازهراء
**
وجهي باچر ابيض وتلكاني عابس
جنون بالخدمه صرت شوك المجالس
صار تسبيحي الزجيه وعندي واهس
اسمي صاير خادم وأكبر منافس
ادعي يزهره........بكلشي توفيقي
عاشك الخدمه....... .بيها توثيقي
يازهراء ___يازهراء
***
تمت بعون الله وبركاته
ش...يوسف الفتلاوي
/channel/pagy007
اللهُمَ العَنْ____قاتِلِيكِ فاطِمَهْ
اللهُمَ العَنْ___ظَالِمِيكِ فاطِمَهْ
***
هَجَمَ الجِبْتُ عَلَيها...وَهِيَهْ كانَتْ حَاسِرَهْ
أَيُّها الصُّعلُوكُ تَدرِيْ.... أَنَّ فِيها الصَّابِرَهْ
إنَّ عَينَ اللهِ تَبْكِيْ...... لِلعَزِيزَهْ الطَّاهِرَهْ
***
إنَّ بَيتَ اللهِ هذا...... أَيُّها العَبْدُ الجَهُولْ
كانَ طه حِينَ يَسْعى.. قَلبُهُ نَحوَ البَتُولْ
يَرتَوِيْ مِنْها بَهاءاً ...حِينَها وَقْتَ النُّزُولْ
***
أيُّها الرِّجْسُ تَنَحَّى .. بَيتُها وَحِيُ الكَلامْ
مَهْبَطُ الأَمْلاكِ هذا ...... قالَها خَيرُ الأَنامْ:
اللهُ يَرضى لِرِضاها ..سَخْطُها كانَ انْتْقامْ
***
دارُها وَحِيُ الرِّسالَهْ..مِنْهُ فَالدِّينُ اسْتَقامْ
فاطِمٌ سِرُّ الخِزانَهْ...فَسَّرَتْ مَعنى السَّلامْ
مِشْكاةُ نُورِ اللهِ ذِيْ ... قَد سَنَتْ وَقْتَ الظَّلامْ
***
كانَ يَتلُوها مُحَمَّدْ....... آيَةُ القُربى تَنُوحْ
في بُكاءٍ وشُجُونٍ..حُزْنُها يَحكِيْ الجُرُوحْ
وحُسَيناً كانَ يَنْعى.......عَينُهُ باتَتْ قُرُوحْ
***
إنَّ في الشَّيخَينِ شَرَّا.ً..يَعتَلِيْ حَطَباً ونَارْ
فِيهِ قَد قَادُوا عَلِياً......حَاسِرَ الرَّأسِ جِهارْ
غَضِبَ الرَّبُّ عَلَيهِمْ ....... فَلَهُمْ دَارُ البَوارْ
***
كَسَرُوا ضِلْعَ النُّبُوَّهْ...عَينُها تَشْكُوا احمِرارْ
كادَتِ الطُّهْرُ تَمُوتْ....خَلْفَ ذا البَابِ اعتِصَارْ
تَشْكُوا لِله شُجُوناً ... في دُمُوعٍ وانْكِسارْ
***
نَحِلَتْ أمُّ أَبِيها..........دَمْعُها يَروِيْ الأَنِينْ
وكَذا المِسْمارُ يَحكِيْ... أَلَماً طُولَ السِّنِينْ
قَد قَضَتْ مَقْتُولَةً......بَعدَ إِسْقاطِ الجَنِينْ
***
#تمت بعون الله تعالى
# خادمكم....... يوسف الفتلاوي
/channel/pagy007
اشتاگينه. لمنه ياحيدر نريد
اشتاگينه. شوفت الأم تدري عيد
للگبر بويه اخذنه
اني واخواني انجمعنه
لمنه ياحيدر نريد
==========
اشتاكت الروح وتون هاي المسيه
زينب اتحلفك بحق ظلع الزجيه
للگبر ودينا ياحامي الحميه
عالگبر نبچي ونون ونه شجيه
اتلاگينه. همنه بالمدمع يروح
اتلاگينه. وبينه مزروعه الجروح
عالكبر خضر دمعنه
اني واخواني انجمعنه
لمنه ياحيدر نريد
==========
ٱتلاگت الروح وي روح امي الحنينه
عالگبر سوه بهضم كلنه إنحنينه
إحضنه گبر الطاهرة بويه بإدينه
مومدامع عالگبر من دم بچينه
صدعلينه بويه مانبچي دموع
صد علينه نبچي للزهره ظلوع
فگد إمنه شكد جرحنه
آني واخواني انجمعنه
لإمنه ياحيدر نريد
==========
يم گبرها طولت كعدتنا خنگه
والگلب من الألم جاويته حرگه
حرگة الراحت بعد ماشفنه ملگه
چفي من كد القهر بالحرگه افركه
يالحنينه. بله شيفيد الصبر
يالحنينه. يمه مااريد العمر
يمه وإغيابچ ذبحنه
آني وإخواني انجمعنه
لإمنه ياحيدر نريد
==========
يمه حاچيني صحت يالزهره فدوه
إخلافج لروحي الحزن يحبيبه سلوه
اني وجروحي ودموعي وحزني بلوه
عِيشتي بعدج تره يالزهره كوه
من ونينه. يمه ميهيد الگلب
من ونينه. نار أحسها وتلتهب
صعب يالزهره وضعنه
آني وإخواني انجمعنه
لإمنه ياحيدر نريد
==========
كلشي حاسبته وغيابچ ماحسبته
يمه ريت وياج هسه اني ميته
يمه صوت الينجرح يحبيبه سكته
والصخر من كد ونيني هم فطرته
شكد بچينه. اني وحسين الغريب
شكد بچينه والحسن طَوّلْ نحيب
يمه يالزهره انهضمنه
اني واخواني انجمعنه
لإمنه ياحيدر نريد
==========
الباب ياخذ روحي يمه بيه الآلام
واذكر الكعده سويه وذيج الأيام
النار ترسملي الطفوف وذيج الاخيام
بفرگتج يمه اشوفن غربة الشام
من مشينه. گبالي اشوف هالهزل
من مشينه. مشابگ اجفوف وحبل
اتصورت من افترگنه
اني واخواني انجمعنه
لإمنه ياحيدر نريد
==========
تمت ولله الحمد المقصر مع الحسين
✍علي النائلي
/channel/pagy007
|ابوذيات للسيده الزهراء ع|||●●●●~~~~
عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين
وهيل اترابهه اشلون بأديه
__
يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي
دفنت الزهره وي روحي سويه
_____
عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج
علي ولا چن علي ذيج المسيه
_____
ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ ﺑﻴﻪ ﺩﺭﻳﺘﻲ اشصاﺭ ...... ﻳﻤﺂﻩ
ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ
__
تمت بعون الله تعالى
خادمكم●●●●●يوسف الفتلاوي
/channel/pagy007
هوسات بحق مولاتنا زينب عليها السلام
مو من تالي زينب هاي هيبتهه
سلطانه وأميره من ولادتهه
وابيوت الشرف والعِزَّه ربَّتهه
( شتصير الحيدر ربَّاهه )
للباري العقيله انطت اشما عِدهه
لذلك شوف ربنه اشلون خَلَّدهه
وحگنه نفتخر نفرح ابمولدهه
( والكون ابزينب يتباهه )
رغم اجروحنه ولوعة مآسينه
الزينب وابولادتهه تعنِّينه
نِهنِّي اگلوبنه وانهنِّي مهدينه
( وانهنِّي حسين وعباسه )
نفرح يالعقيله ابهايه أيَّامچ
وانعاهِد يزينب نِضل خِدَّامِچ
خَدَم وابكل وكت تلگينه گِدَّامِچ
( وانموت اعليكم تدرينه )
سيد علي الموسوي
ــــــــــــــــــــــــــــــــــــــ
علينه ابحب ولايتكم مَنَّ الله
وين ايروح مُبغظكم مِنَ الله
يزينب رزق خدمتكم مِنَ الله
خدمتكم فخر واشرف هويه
سيد علي الموسوي
/channel/pagy007