Abror Pir Muhammad

20 ноября 2024 14:43

"Турлича қараш"...

@abrorpirmuhammad

Abror Pir Muhammad

15 ноября 2024 09:28

Муҳим ўйинларда етакчи футболчиларнинг жароҳат олиши доимо оғриқли. Аммо бу ҳам футболнинг бир қисми.

“Сон ички мушагининг қисман узилиши” ташхиси ила Элдор Шомуродов ҳамда “тизза бўғими ички ён бойламининг чўзилиши” ташхиси қўйилган Отабек Шукуровнинг кейинги ўйинга олиб борилмаслиги борасида тўғри қарор қилинди.

Остон Ўруновнинг реабилитация жараёнини ўз назоратига олган ассоциация ва тиббий штаб мазкур футболчиларни ҳам тезроқ соғайтириш, шунингдек, шамоллашдан кейинги Машарипов ва сон мушакларида толиқиш сезган Турғунбоевни кейинги ўйингача сафга қайтариш учун зарур чора-тадбирларни белгилаб олган.

Жароҳатдагиларга тезроқ соғайиш, қолганларга куч-қувват тилаб, мухлислик қилишда давом этамиз. Барчаси олдинда!

@abrorpirmuhammad

Abror Pir Muhammad

06 ноября 2024 07:49

Maftunkor Samarqand!

@abrorpirmuhammad

Abror Pir Muhammad

01 ноября 2024 10:40

"Aнтиқа Суперкубок"

Бугун Про лиганинг амалдаги чемпиони ҳамда Супер лиганинг бўлажак чемпиони ўртасида ҳаёт-мамот "жанги" кутилмоқда.

Бу баҳс аслида ким қайси лига чемпионлигига муносиб эканини кўрсатиб беруви мезон ўйини бўлиб кўринмоқда...

@abrorpirmuhammad

Abror Pir Muhammad

24 октября 2024 18:02

Данагидан мағзи ширин.

Пишиқчилик мавсумида мева-сабзавотдан кўп тановул қилиб, аксар ҳолларда уруғини ташлаб юборамиз. Аммо ўша уруғ – фойда жиҳатдан мева-сабзавотнинг ўзидан қолишмайди.

Масалан, тарвуз уруғи – цинкка бой, қовоқ уруғи – магний кўп ушлайди, олма уруғи – йодга бой, ўрик данагида магний ва калий бисёр, узум доначалари ўзида организм учун фойдали мойларни сақлайди ва ҳ.

Хуллас, мева, сабзавот тановулида уларнинг уруғи ҳақидаги маслаҳатларимни ҳам унутманг!

@abrorpirmuhammad

Abror Pir Muhammad

13 октября 2024 15:02

Ўрик шарбати - юрак қуввати!

Турфа микроэлемент ва витаминларга ўта бой ўрик шарбати истеъмоли организмдаги электролитлар даражасини тиклайди, юракни қувватлайди, гемоглобинни оширади ва анемиянининг олдини олади; қалқонсимон без фаолиятини меъёрлаштиради; суякларни мустаҳкамлайди, кариеc ва остеопорознинг олдини олади; тери қаришини сезиларли сусайтиради, турфа яллиғланиш ҳолатларини бартараф этади, кўриш қобилиятини яхшилайди ва ҳ.

@abrorpirmuhammad

Abror Pir Muhammad

05 октября 2024 17:34

Финалмисан финал!!!

Ажойиб ўйин, фантастик атмосфера, зўр ташкилотчилик ва қайноқ мухлислар!!!

Табриклааар! ⚽🥳🎉

@abrorpirmuhammad

Abror Pir Muhammad

26 сентября 2024 13:03

Иммун тизимининг асоси ҳисобланмиш аскорбин кислотасига бой нокнинг калий, натрий, темир ва фосфор ушлаши унинг фойдалилигини янада оширади.

Яна шуниси эътиборга моликки, нокда ҳомила учун зарур В9 витамини - фолат бўлиб, бу ҳомиланинг нуқсонсиз улғайишига асос яратади.

Хуллас мавсумида нокдан тўйиниб олинг!

@abrorpirmuhammad

Abror Pir Muhammad

16 сентября 2024 06:47

Янги Зеландиялик икки қария мухлис Андижонда биз истиқомат қилаётган меҳмонхонага келишди. Уларни тушлик б-н меҳмон қилиб, бироз суҳбатини олдик.

Шундан сўнг улар шаҳарга чиқиш учун такси чақиришди. Улар б-н бирга чиқиб, манзилни ҳайдовчига тушунтирдим, меҳмонлардан пул олмасликни, қаерга дейишса олиб бориб, сўнгида умумий пулни менга айтишини, камина унинг пластик картасига маблағни ташлаб беришимни уқтириб, икки кекса мухлисни кузатиб қўйдим.

Кечга яқин қўнғироқ бўлди ва ҳалиги такси эгаси меҳмонларни аввал жамоаси истиқомат қилаётган меҳмонхонага, кейин бозорга, сўнгра боққа олиб борганини ва улардан пул олмай кузатиб қўйганини айтди.

-Неча пул бўлганини ва пластик карта рақамини юборинг, - дедим унга.
-Йўқ ака, пулингиз керак эмас, ўзингиз меҳмон бўла туриб, бу меҳмонларга яхшилик қилмоқчисиз, биз мезбон бўла туриб...

Ҳар қанча ундамай, пул олмагач, жамомиз б-н бирга кечки емакка келиш шарти ила рози бўлдим. Мезбонни қуюқ меҳмон қилиб, кузатиб қўярканман хаёлимдан ўтди: Яхшилик – яхшиликка етаклар!

Abror Pir Muhammad

10 сентября 2024 20:10

Ajoyib oqshom, ajoyib futbol!
Barakalla yigitlar! Faqat olg'a!

@abrorpirmuhammad

Abror Pir Muhammad

05 сентября 2024 05:30

Цинк - эркак киши учун муҳим элемент!

Чунки у организмда тестестерон гормони етарли даражада бўлишини рағбатлантириб туради. Бу билан у нафақат эркаклик жинсий фаолияти сифатига таъсир кўрсатади, балки соғлом ташқи кўринишга эга бўлишда ҳам муҳим ўрин эгаллайди.

@abrorpirmuhammad

Abror Pir Muhammad

27 августа 2024 07:36

Майдон четидаги суҳбат:

- Шу Мбаппе "ПСЖ"ни норози қиб кетиб, ҳееч иши юришмаябти, ҳалиям гол уролмаяпти-даа. Ҳа, айтганча, унинг бурни ҳалиям операция қилинмадими..?
- Синмаган нарсани нимасини операция қилади Ҳошимбой...
- Ия, ҳаммаси шов-шув ва пиар денг, биз бўлсак бу ерда переживат қиб юрибмиз...
- Мбаппени нима қиласиз ўйлаб, мана ўзимизни Санжар Турсунов куни-кеча бурнини синдириб олибди, энди у айнан Килианни маскасидан тақиб майдонга тушармуш...

@abrorpirmuhammad

Abror Pir Muhammad

22 августа 2024 13:25

Маймун чечаги. Бу қандай касаллик?

Маймун чечаги – вирусли инфекция. Бемор билан яқин суҳбатда ҳаво-томчи йўли б-н юқади. Африкадан чиқиб келган маймун чечаги, халқимизда аввалдан маълум чинчечакнинг қариндоши.

Касалликнинг белгилари гриппга ўхшайди ва қўшимчасига тошмалар тошади. Инкубацион даври ўртача 1-2 ҳафта. Юқори ҳарорат, совуқ қотиш, кучли ҳолсизлик, мушаклардаги оғриқдан сўнг 1-3 кун ичида тошма пайдо бўлади. Ташхис – ПЦР тест. Касаллик ўртача 2-4 ҳафта давом этади. Специфик даво йўқ, даво усули чинчечак каби. Тошма тўлиқ йўқолмагунча бемор касаллик юқтиришга хавфли саналади. Касалликни қай тариқа кечишию, асорат қолиш-қолмаслиги ёшга, иммунитетга, сурункали касалликлар бор-йўқлигига боғлиқ.

Профилактика – касалликдан сақланишнинг самарали усулидир. Бу 1) Вакцина. 1980 йилгача туғилиб, чинчечакка қарши эмланганларда маълум даражада иммунитет мавжуд. Шу боис ёш авлодда касалланиш хавфи юқори саналади. 2) Шахсий гигиена ва ҳар доимгидек вирусли касалликлардан сақланиш чора-тадбирларига риоя қилиш.

Abror Pir Muhammad

18 августа 2024 19:34

Бир пайтлар бўри эдик,
Чемпионат тўри эдик,
Жамоалар зўри эдик...
Эҳ жўралар, эҳ жўралар...

Энди эса остонада,
Эшик каби кошонада,
Мехмондирмиз "тўйхона"да,
Эҳ жўралар, эҳ жўралар...

@abrorpirmuhammad

Abror Pir Muhammad

11 августа 2024 08:46

Shunchaki "respect"! 🇺🇿

Faxr tuyishga arzigulik natijalar...

@abrorpirmuhammad

Abror Pir Muhammad

16 ноября 2024 12:44

Эрталаб Лаосдан ҳамкасбим сим қоқди. Жамоадаги тиббий масалалар юзасидан фикр алмашарканмиз, телефон экранида Лаосдаги легионер футболчимиз – Шохрух Махмудхожиев кўриниш берди...


Лаос чемпиони “Янг элефантс” – “Ёш филлар” футбол клуби аъзоси ҳисобланмиш Шохрух тизза бўғимидаги жароҳат сабаб 1 ойдан буён машғулотлардан чекланган экан. Ҳамюртларини кўриш ила тиббий маслаҳат илинжида термамиз йўлига кўз тиккан Шохруҳга зарур маслаҳат ва ёрдамни бериш борасида тиббий штаб билан келишиб суҳбатни якунларканман, хаёлимдан :”Биз ўзбекларнинг ҳам бормаган юртимиз йўғ-а!?, - деган ўй ўтди.

Турли ўлкаларга борганда легионерларимизга қўлдан келганча ёрдам бериш – термамиз ходимлари учун ажойиб анъана!

@abrorpirmuhammad

Abror Pir Muhammad

12 ноября 2024 05:55

Миллий футбол маркази ва ундаги тиббий-реабилитация биносининг лойиҳа ишларидан тортиб, бугунги ҳолатга келгунига қадар яхшигина меҳнат қилинди ва ҳали анча-мунча тер тўкиш керак...

@abrorpirmuhammad

Abror Pir Muhammad

02 ноября 2024 20:00

Кимда кутиб олиш..,
кимда эса кузатиш маросими...

Айтсам тилим, айтмасам дилим..,
Ёзсам қоғоз, ёзмасам қалам...
Бу кетишда ошно бўлгайдир чилим,
Тезроқ нари бўлгин бизлардан алам!

@abrorpirmuhammad

Abror Pir Muhammad

30 октября 2024 10:09

Гоҳида айтилмоқчи бўлган сўз, билдирилмоқчи бўлган муносабат, етказмоқчи бўлган фикрлар шунчалар йиғилиб қолади-ки, пироваридида шунчаки сукут барчасидан афзалдек туюлади...

@abrorpirmuhammad

Abror Pir Muhammad

19 октября 2024 07:01

Kitob - uzoqni ko'ra bilishga yordam beruvchi do'stdir...

@abrorpirmuhammad

Abror Pir Muhammad

09 октября 2024 06:34

Мия гўёки мушак сингаридир. Қанча кўп машқ қилдирсангиз, унинг имкониятлари янада кенгайиб бораверади. Аксинча, ақл пешланмас экан...

Ёмон томони, инсоннинг жисмонан заифлигини дарҳол илғаш мумкин, аммо ақл кемтиклигини пайқаш учун вақт сарфлашга – албатта ҳамсуҳбат бўлишга тўғри келади-да..!

@abrorpirmuhammad

Abror Pir Muhammad

01 октября 2024 06:49

Ҳақ йўлинда ким санга бир ҳарф ўқутмиш ранж ила,
Айламак бўлмас адо онинг ҳақин
юз ганж ила.

Алишер Навоий

Барча соҳадаги устозларга, жумладан футболимиздаги устоз-мураббийларга байрам муборак бўлсин!

Устозларим сизларнинг,
Мартабангиздир улуғ!
Табригимиз бизларнинг
Сизларга бўлсин қутлуғ!

Зиё тараб чарчаманг,
Илм бериб толмангиз.
Шогирдлардан ариманг,
Эътирофдан қолмангиз!

Аброр Пир Муҳаммад.

@abrorpirmuhammad

Abror Pir Muhammad

21 сентября 2024 11:01

Узум мавсуми... Узум фойдали элементлари жиҳатидан ихтиёрий мевадан қолишмайди.

Узум – А, С, В гуруҳ витаминларига бой бўлиб, калий, кальций, темир, магний, цинк, йод каби қатор микроэлементларни ўзида сақлайди. Шу боис етарли миқдордаги узум истеъмоли чарчоқликнинг олдини олади, асаб тизимини тинчлантириб стресс ҳолатига барҳам беради, тана қувватини оширади.

Узумни доналари билан истеъмол қилиш янада фойдалидир. Чунки узум доналари ўзида қўшимча Е ва К витаминларини, шунингдек табиий мойларни сақлайди ҳамда бу билан барча аъзолар ҳужайраларини мустаҳкамлаб, натижада организмда қариш жараёнини секинлаштиради.

Хуллас, мавсумида узумни эрмак қилишни канда қилманг!

@abrorpirmuhammad

Abror Pir Muhammad

13 сентября 2024 11:39

Ниҳоят Андижон сари йўл олдим. Футбол баҳонасида Бобур юрти ҳавосидан нафас олиб, тарихни ёд этиб, қадрдонлар билан дийдорлашиш ниятим бор.

Поезд манзилга яқинлашаркан, "Юлдузли тунлар"нинг дилга яқин сатрларини варақлашни якунлаб, аллақандай шиғир ёзишга ҳам улгурдим:

Борар бўлсам сен томон,
Жўш урар юракда қон,
Ҳар ўғлонинг қадрдон,
Бобур юрти Андижон.

@abrorpirmuhammad

Abror Pir Muhammad

09 сентября 2024 09:26

Ҳар бир инсон ДНКси – тузилиши жиҳатдан Ер шаридаги ихтиёрий бошқа инсон ДНКси билан 99%га бир хил.

Бу дегани – одамларнинг хилма-хиллиги, жумладан ташқи кўриниши, характер ва ҳ. – улардаги ДНКнинг бир фоиз улушидаги ўзгаришларга тўғри келаркан.

Тасаввур киляпсизми? Биргина ДНКнинг бир фоизида шунча хилма-хиллик. Хуллас, фикр қилинг!

@abrorpirmuhammad

Abror Pir Muhammad

31 августа 2024 06:18

Мамлакат кубоги финали водий дербисига айланувчи кунларга ҳам етиб келдик.

Водийлик мухлислар учун хурсандмиз!

@abrorpirmuhammad

Abror Pir Muhammad

24 августа 2024 11:23

Mavsumning eng huzurbaxsh yemagi...

@abrorpirmuhammad

Abror Pir Muhammad

20 августа 2024 08:54

Иссиқ кунларда сув истеъмоли ҳам ортиши табиий. Шу ўринда бир муҳим масала. Даво хусусияти мавжуд минерал сувларни оддий сув ўрнида ҳам ичиб юрганларни кўп кўрамиз. Бу тўғрими?

Илгари фақат дорихоналарда сотилган – ҳазм, ҳаракат ва бошқа тизим касалликларига даво ҳисобланувчи маъданли сувлар бугунда оддий дўконларда ҳам сотилмоқда. Тўғри, улар меъёрида – қандай ва қанча ичишни англаб қабул қилинса фойда. Аммо, бундай минерал сувларни билиб-билмай, ихтиёрий ҳажмда ичиш организмда муаммолар туғдириши тайин. Чунки улар ўз таркиби ва хусусиятига кўра баъзиларга фойда бўлса, айрим инсонларга зарар келтириши мумкин.

Сиз даво хусусиятига эга минерал сувлар ичишни одат қилган бўлсангиз илтимос, эринмай бир маротаба ўз шифокорингиз билан маслаҳатлашинг, ўзингиз учун қандай таркибли минерал сувни истеъмол қилиш фойда эканини аниқлаб олинг ва умр бўйи, ичаётган маъданли сувингиз сизга фақат фойда бераётганига амин бўлиб кўнгил хотиржамлигида саломат юринг.

@abrorpirmuhammad

Abror Pir Muhammad

15 августа 2024 07:31

Илмга етган оёқ қанотга айланур.

Сабри йўқнинг иймони ҳам бўлмайди.

Сабр – инсонни мақсадига энг тез олиб борадиган йўл кўрсатувчидир.

Ақл қўйдир, нафс бўри, иймон эса чўпон. Агар иймон кучли бўлмаса, нафс ақлни ейди.

Ойнинг кечага сабр қилиши уни ойдинлатур. Гулнинг тиконга сабр қилиши гулга ёқимли ҳид берур.

Бутун дунёни қидириб, гўзал хулқдан кўра яхшироқ лаёқатни топмадим.

@abrorpirmuhammad

Abror Pir Muhammad

09 августа 2024 08:49

Олимпиаданинг бокс йўналишида ажойиб бир ҳолат диққатга сазовор. Мураббий Акмал Ҳасанов секундантлик қилаётган қирғизистонлик боксчи финалга чиқди. Финалда эса у ўзбек боксчисига қарши рингга кўтарилади...

Қайси боксёр ғолиб бўлса ҳам, биз бунда ютиб бўлдик.., дўстлик ютди, қўшни-қардошчилик ютди, биродарлик ютди.

Аслида мураббий ва шогирдлар аллақачон чемпионликдан-да юксакроқ бўлган унвонга эга чиқиб бўлишди!

@abrorpirmuhammad