5764
قناة لنشر القصائد الحسينيه للشاعر ابو محمد الموالي
دگــــــو صدور المنايا بحيلهم
توسطوا الميدان همه وخيلهم
واصرخو يا ويلهم
ــــــــــــــــــــــــــــــــــــ
طبو وكل زلمه بيهم الـــــــــى قصة وشاهد
الفرح بعيونـــــــــــه وعلى العسكر غاضب
مثل نجمات الثريـــــــــا تشوف ضيهم واحد
حسين هـــو واهلــه جانـــــــوا الكــــــواكب
تراصفوا مـــــــــا ميزوهم قائد بصف قائد
وي النصر متواعــد بگصته عــــاشك كاتب
والفرح بالنصر بــــان بعينهم
توسطوا الميدان همه وخيلهم
واصرخو يا ويلهم
ــــــــــــــــــــــــــــــــــــــــ
هيبة القران بيهم مـــــــــــا تعرف أسرارة
حسين ذولة أنصاره مــــــــــــا ترد مغلوبه
زلـــــم والبيهم تعنه لــــــــو بــــــرز فقارة
من تـــــــدور أكتاره زلم تـــــــــرس جيوبه
مثل ظـــــــل ايصير جنه مـــــــا تبين اثارة
والزلم مـــــــرعوبه أتـصـيــــح والله التوبه
وهو بالميزان كــــــام ايكيلهم
توسطوا الميدان همه وخيلهم
واصرخو يا ويلهم
ــــــــــــــــــــــــــــــــــــــــ
بس صليل السيف تسمع والزلــــــم مرميه
والدمة جــــــــــــارية وصل رؤوس الساسة
والشمر من خوفه ناده الجيش هدوا شويه
هو والسبعين ألف أتلثــــم وظـــــــــم راسة
تاهت أعليه وتحير جــــــــــــن عرف تاليه
وعمره صار ايشوفه عمر شجــــرة وفاسة
انكسروا وحـاروا منو ايتجيلهم
توسطوا الميــدان همه وخيلهم
واصرخو يا ويلهم
ـــــــــــــــــــــــــــــــــــــ
ذبوا الرايـــه من ايديهم والله من اتشوفهم
وتستمع لـــــــونينهم ونة الاخــرس صارت
راية الانصار رفت تيهـــوا مــــــــن خوفهم
خيلهم صــــــح دارت بـــــــس عليهم غارت
تكله شسمك مـــــا يعرفه ناقصات حروفهم
تيهوا اسمـــــــــــاهم قــوى الجيش انهارت
احتاروا مــن الصبح خيم ليلهم
توسطوا الميــدان همه وخيلهم
واصرخو يا ويلهم
ـــــــــــــــــــــــــــــــــ
جلمة وارواح ومـهـجـهـــــم للحسين انطوهه
هالزلــــــــم محلاهه زلم بـــــــس مملوحه
واسم جيش شويه عدهم جلمة بس مسحوهه
واليصد عليهــــــــــم هــــــــو اليدج روحه
النجوم بليل تطلــــــــع والظهـــر شافــــــوهه
مو جسد خلــــــــوهم عقولهـــــم مجروحه
بيهم الخــــوف انزرع وبجيلهم
توسطوا الميــدان همه وخيلهم
واصرخو يا ويلهم
ونسالكم الدعاء
للخادم ... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
انه رقيــــــة سهم المنيـة
صوبـــــني بحشاي بالغاضريــة
$$$$$$$$$$$$$
تبچي وتبچي الروح بنت الاكـــــــارم وبالكلب تلهب نـــــــــــار نار الهواشـــــــــم
شافت غصص وهموم كل الفواطــــم وتـــــــون على المظلوم ونــــــــــــة خفيـــة
$$$$$$$
هالطفلة تبجي اتريد شوفة أبــــــوهه مــــــــــــاتدري بالظلام بالطف سبـــوهــــه
مسبية لارض الشام لمــن خذوهـــــه گامت تدير العيـــــــن عــــــــــــالفاطميـــــة
$$$$$$$$
تسـأل على المظلوم بنت الصميــــده بالطف غريبـــــــــــــه هناك ظلت وحيــــــده
ما تدري أبوهه حسين نازف وريده مــــــــــــــــا تدري جسم حسين بالطف رمية
$$$$$$$$
عالهزل وبلاصوت هل الطفلة نامـــت ومـــــــــــن التعب بالطيف والدهه شــــافت
من الناكة وسفة وحيف فزت وطاحت مـــــــو هين الي صـــــــــــار صعبة الرزية
$$$$$$$
من طاحت أعله الكاع طفلة ولينـــــة هــــز الرمــــــــــــح والخيل ضنؤة علينــة
لكن الف يـــــــا حيف ياهو اليعينــــة فــــــــــــــوك الرمح مرفوع راس الشفيــة
$$$$$$$
ومن طبت ارض الشام والطاغي موجود كاللهه مــــات حسين مـــاضنتي أيعــــود
ويسب أبوهه هناك ويضربة بالعـــــــــود وسبــــــوة بنات حسين ولــــــــد الدعية
$$$$$$$
بطشت الذهب مذبوح راس الامامـــــــة وبــالدم خضيب الشيب وبلا عمامـــــــــة
كاللهه هـــــــــذا حسين صرتم يتامــــــة يــــــم راس ابو الاحرار ماتت رقيـــــــة
$$$$$$$$$$$$$$
وأسألكــــــم الدعـــــــــــــــاء
خادم رقية ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
حجي السبي والشام تعبنـــــــــــي والالام
امشي بحرم وايتــام والشمر حاديهه
ـــــــــــــــــــــــــــــــــــ
يـــــــــــــا شيعتي وبيا زمن مـوش اخوتــــي الحداية
التابوت جــــــان اهون علي مـــن شمـر يمشي ويايه
مـــــا ردت ابــو فاضل يجي عا الشمر أخــوي هوايه
مـــــن الراية لو عندي علك مـــــا جان يحجي حجايه
منــي الزمن شيريد جاتفني ايد بأيــــــد
حرمه واخيهه بعيد أمن يسابيهه
ـــــــــــــــــــــــــــــــــ
يا شيعـة ويطــــــــول الحجي من كلشي صاير كلشي
مو انــــــــــــــه الانگاد بحبل وبنص أراذل أمشـــــي
يسبـــــــــــــون امي وحيدره لو دمــــعي بلل رمشي
من الاه أحس صدري انترس والناگه صــارت نعشي
جلمة مصيبه تهــــون سمعوني اني ام عون
الطف ترسته عيـــون أدور محبيهه
ــــــــــــــــــــــــــــــــــــ
يا شيعة أمشي بـــــــــلا گمر والليل حــــاوط عيني
بعيوني بس دمــــــــع الهظم وحافر يدوس حسيني
وهناك يم جــــــــــرف النهر طاحت غـــلاة سنيني
وما أدري شنهو الــــي وگع جفينه لــــــــو جفيني
صاحوا اخيـج مات بالضيــم واللجمات
والموت بالحظــات وعيوني تربيهه
ـــــــــــــــــــــــــــــــــــــــ
يا شيعة والصعبــــــة علي الشام وهــــو وضيمه
أنترست عيونــــــــي غُرب ونـــــاس البلايه قيمه
يدرون بيـــــــــــــه استحي مــن تمر فوكي غيمه
وهواي شافــــــــوهه علي مـــــــا نصبولي خيمة
شافــــوا عليه هواي خيمة وسگف وفياي
والشمر رايـــح جاي للعيَله يشريهه
ــــــــــــــــــــــــــــــــــــــ
بــــــــت حيدر وبت فاطمة اسمعهــــم ايگـــــــولهه
التستحــــــــــي من الضوه بلايـــــــه سگف خلوهه
اليندعي بصـــــــوم وصلا كــــال الخرابـة أخذوهه
والله واكبــــــــــــر للصلاة ما صاح صاح اسبوهه
فرصه واجت الارجاس حيهم يصيــــــح الناس
ضلت بـــــــــــلا عباس ياهو اليحاميهه
ــــــــــــــــــــــــــــــــــــــ
انه الاميرة مــــــــن الازل للكوفــــــة أطب بحبالي
وين الذبح اهلـــــــي بحقد يعرض يشيعــــة أگبالي
ذوله الخوارج صيحــــــوا وبحجار ترمـــي عيالي
واحنه اصل كـــــل البشر وهمه الاجوا مــن تالي
والله الخرابة تهــــون من الكوفة واليحجون
بيا وكت ويسبـــــــون زينب واهاليهه
للخادم .... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
يمه اعله كيفك لــو رحت خليني أشم أنفاسك
حر الشمس لو غيرتك شو حار أحسن رأسك
ـــــــــــــــــــــ
يـــــــا يمـــه ثگل خطوتـــك وبهيده اريـــــــــــدن مشيتـــك شو نـــار احس بمتوني
يـــا جاسم أفراگك صعب مــــــن غبشة الله اعـلــــه الگلب تنـزف افــــــراك عيوني
الغصـــن لــو مــات الـــورد يستبرد بطـــــــاري البرد وانــــــه أمـــــــك ويدروني
روحـــــي بسماك اطشرت
شيلمني لـــــو عينك غفت
تنعصر عافيتي عصر حر وبرد لو جاسك
ـــــــــــــــــــــ
اسم الله اعلــه طولك يـــا سمح متوازي يمه اعله الذبح أكعد شويه أكبالي
خلينــــــــــــي أحسن بالدفؤ مــا گول لتروح العفو لأجـــــــل الحسين الغالي
بجروحـــــــي أرسم صورتــك واشبــــع ييمه بشوفتــك واتوكل اعلـه العالي
بحلامي مــا ظل كل جنح
أتكسرن ييمه من الصبح
من شفت رفت رايتك ويهزه جان أحساسك
ــــــــــــــــــــــ
الحومـــــة طلبت هامتـــك أمـــــــودع ييمــه بسفرتـــك بــس لا تخيب ضني
ابلــع الروس الگصدتـــك چـــن عصه موسى بيمنتك مو سيف بيـــدك يبني
جويهــــم ابنــار الغضـــى وارحـــــل لبوك المجتبـــــى وبجنتــــــــك متهنـي
رآية ابـوك ويـــــــــا نعم
بيدك امانه يـــــــــا شهم
أمودع يتربات الزلـم يـــــل بالفخر نوماسك
ـــــــــــــــــــــــ
خليلـــي منك بس أثر وخــل يطحن بروحــــي القهر عگبك ايامــي اجفيهــن
واتگبــع بشمسك جـرح وادعــــي بمسيه والصبـح وشموعك انــي ارثيهــن
عـــا لسيف يمه 0اشصبرك مشكولـــة ذمته الطبـــــرك واسنينــــــك ايطفيهـن
أنســــــــــــاك لا لا تعتقد
لو طلع عظمي من الجلد
مـــا انسه طبرة هامتك وجفوف كلمن داسك
ــــــــــــــــــــــــــ
ضؤك الجرح يبن الحسن تلكاني لجروحك وطن واجروحك انته جروحي
ملوحـــــــــة أجفوفك والأثر لو مشو بروحـــــي نهر مالـــــــــح تظل بروحي
يا حيل ظهــــري الي انكسر يــا حزن عاشور وصفر بيش انـي اسكت نوحي
بفكاري دومك مزدحـــــم
لو برد طاريــــــــك انلجم
يل طحت نجمه من السمه رديت يمه الساسك
ونسالكم الدعاء
للخادم .... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
من حضني ييمه الحضن الحسين ورد شابگ ورد يا گرة العين
وديتك ييمه تشرب الماي
ـــــــــــــــــــــــــــــــــــــــ
يعبد الله يـــــــــالمــــدلل عمــــت عيني يبعـد أمك
وديتــــــك ورد ضامـــي شصــــار وسابــح بدمك
آه اعـــلــه الحسين وآه يـــــــوليـــدي
مو عمـــرك يعمـــــري فرهدوا عيدي
صح بحضـــن ابو اليمه السهم صابك
بــــــــس دمـــك ودمعة سالـــن أبيدي
نهرين الحــــــــــزن ودتلي دنياي
وديتك ييمه تشـــــــــــــرب الماي
ــــــــــــــــــــــــــــــــــــــــ
من بعدك يبعـــــــــد أمك كل أحـــــــــــلامي مبيوگه
أول مره أشم عطــــــرك واحـــس بروحي مخنوگه
يضربوك بسهم وانته السهــــم طولك
يمـــن جيش آل أميه فدوة يــــرحولك
عساه أبنحره يمــه الصابــــك بنحرك
والمفرغ شليلـــــي مـــــــــــن دللولك
صغير وجنت أحسك شجره وفياي
وديتك ييمه تشــــــــــــــرب الماي
ــــــــــــــــــــــــــــــــــــــــ
رحت وأخدودك التـــرفه حـــــــــــــر الطف يجويهه
يمراية وجــــــــــــه أمك وضحكتـــــــــــه التسليهـه
يطر جان الفجـــــر وي فتحت عيونك
الورد والنده أتــــلاگه برمشـة جفونك
يشع مثل الشمس وجهك ضوه يـلالي
سوده وجوهم گد مــــــــا ضوه بلونك
شمس الله وطفت مـــا صدك بهاي
وديتك ييمه تشــــــــــــــرب الماي
ــــــــــــــــــــــــــــــــــــــــــــ
يغالي وراح وي غـــالي وانــــــــــــه بحسـرة اتلوه
يطير الجنه يــــــــوليدي شلــــــــــون بسهم تتروه
جنت بروحي أحضنك ايــدي ما مدهه
حفضت رموش عينك كثر مـــا عدهه
أناغيلك بعد مــــــــــــــا أدري يوليدي
شتناغي اليــــــــروح اوليد من عدهه
طعم بالدنية مــــــا ضلي يضنواي
وديتك ييمه تشــــــــــــــرب الماي
ـــــــــــــــــــــــــــــــــــــــــــــــ
بحضني وعطرك أشتمه وأغار من الهوى الجاسك
رضيت بسهـــم البنحرك انوب اعله الرمـــح راسك
انته اول طفل عـــــــــــا لرمح تاليته
بكاروكــك جمـــر بـــــــــالدمع طفيته
جنت وي مهدك اغفه واشبك انفاسك
الهوى ال متشمه انته مـــــا اشتميته
هسه اشلون أعيش بروحتك هاي
وديتك ييمه تشــــــــــــــرب الماي
ــــــــــــــــــــــــــــــــــــــــــــــــ
ونسألكم الدعاء
للخادم .... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
عطشان يوليـدي للماي لــــــو دمك
هزيته كـــاروكك وأتذكـــــرت عمك
تشبه صرت لبو الفضل
جــــان بمهد مثلك طفل
لمن سمع بالطف تشبه صرت عمك
ـــــــــــــــــــــــــــــ
مـــن أگماطه فز لمن سمــــــع يوليدي عباس
بعيونه أشر عــــــالرمـــــح والسيف والطاس
عبدالله وانتــــــه أمنسمعت وبنفس الاحساس
يـــــــا ناس الا مـــــــن ناصراً هزيتلي الراس
جنك ورد ذابـــــــل بس عطرك اشتمه
وعباس ابو الغيرة دمــــــــك مثل دمه
والغيرة تشبه غيرته
لبيك نطقـــــت شفته
وبهاي أشــــــوفنك تشبه صرت عمك
ـــــــــــــــــــــــــــــ
عباس وبدمعة أنكتب يــــــــــــــا خويه مأجور
يا خويه طفك مــــــــو نحر يــــــــرادله نحور
ومن نزل دمعك عالصدر يــــــــــــا بدر البدور
مــــو صدر واحــــد گمت أحس دگيتلي صدور
وهسه أعرفت قصده وحجايه البصدره
واتبينت الفكـــــــــره نحــرك تبع نحره
بالدمـــع دگيت الصدر
وانطيت يوليدي العمر
وحزام ظهري انته تشبه صرت عمك
ــــــــــــــــــــــــــــــــــــ
كــــــظ ايــــــــدي عباس الشهم والهسه الاثار
مــــــو راسه بس بيهه عرفت جفة شكثر حار
وهزيت كـــاروكك لچن مــــــــــو هزت صغار
جنك صعدت اعله الفرس بــــس صعدت أكبار
وشلت الحمل يبني مو طفل لا عالم
واسيتنـــــي بعمك والاكبر وجــاسم
محسوب يبني اعله الزلم
خـــــــــل يفهم الما يفتهم
زلمه ونعـــــم منك تشبه صرت عمك
ـــــــــــــــــــــــــــــــ
بشفاف عمك مـــــــو حجي مــــــرسوم عينين
مـــــــو عين وحدة كلي الك يــــا خويه الاثنين
وتفطرت إشفافـــــك زعـــــــــــل بيهن جملتين
ويـــــــــاك اخذني للحرب : واجــرك عالحسين
وعيونـــــك الحلوة دم ودمــــع تجري
وشجم نحر رسمت بيهن شفت نحري
يوليدي وبتالــــــي العمر
كاعد على صدري الشمر
وبيهه انته مو يمي تشبه صرت عمك
ــــــــــــــــــــــــــــــــ
للماي لا هسه عـــــــــــرفت لدمــــــاك عطشان
ال بعيون اخـــــــــويه ورگبتك مو شغلة انسان
نفس السهم مــــــــــــــو حرمله لا جان شيطان
مـــــــــــن أهك واهه اعرفت نفس السهـم جان
بـــــس الفرق يبني مـــــــن جلمه ميزته
عباس يــــــا خويه ويا بويه صحت انته
بحضانــــــي شلتك چا الگمر
چــــن شلت اخويه من النهر
وجــــــه الگمر جنك تشبه صرت عمك
للخادم .... ابو محمد الموالي
لا تنسون والدتي من الدعاء
جزاكم الله خير
والله يرحم امواتكم
يا نهر بس طاح ضامي ويا گمر عالي بسماه
ابو فاضل جــــان اسمه أمبلل الدنيـــة بضواه
ـــــــــــــــــــــــــــــــــــــ
انه زينب وارد اسولف عن گمرنه الضامي
عن اخوي الجان تخجل من جمالــه خيامي
هـــــذ اخوي الجان واگـــف بالطفوف
سيف ضـد سبعين ألــف سيف وسهم
جان حماي الخيم فـــــــــــــــي كربلاء
لان جان الدين گاعـــــــــــــــــد بالخيم
جنه حماي الحمه
غير ابوه المعلمه
شلون طايح عا الشريعة ويا سهم هذا العماه
ــــــــــــــــــــــــــــــــــــــ
هذا مـــن طوله المناير مــــــا تصل للهامة
الما يلــــوح ايقبل أيده ينزل اعلـــه أجدامه
شلون لاحــــوا هامته والله عجيب
بهل الذنب ما طاحت شلون السمه
خلوا براسة الرمــــح تجه السماء
وسكتــــوا الـگاع بعظم ذاك الدمة
عايشه وجني متت
لمن بعينـــي شفت
عا الترب والله هضيمة الما شفت واحد علاه
ـــــــــــــــــــــــــــــــــــ
بالوفــــة لتسولفولــــي من وصل معروفه
الحَجي أبدون ابو فاضل أمبهذلات حــروفه
هذا جـــــف حسين بوجوه الالوف
والله لو تـــــــدرون بالطف اشعمل
بس حفاضاً عا لعقل ما راح اكول
اسوه اخويه عا الشريعة من زعل
ينقــــــل التاريخ الك
شويه من ذاك الفلك
بيوم شاف حسين وحدة وطلبت الخوه دماه
ـــــــــــــــــــــــــــــــــــــ
شلون لو يدري اعله تله اخته زينب واگفه
والله جــــــان الهسه منه كربله أتظل خايفه
جان خضر مــــن جديد بلايه ماي
وجان علمهم ابــــــو الغيرة درس
يعني يسمع ضلـــي بين بالطفوف
والله يصعد للسمه أيطفي الشمس
جــان ما ضلت بشر
وكربلـه صارت خبر
گبل لا ينشــــــاف ضلي طاح من ايده لواه
ـــــــــــــــــــــــــــــ
كاتب اعله السيف زينب أختي مــــن يدناهه
روحه ما عزهـــــه عليه وللكفالـــــة انطاهه
والله لو ما شاء ربي ما يطيح
الريح ما تدناله مو عاد البشر
الگمر يلاح بالطف مــا يصير
الروحه مثل الغيم ما يترك أثر
شفــت بالطف العجب
عا الترب طاح الذهب
وفرهدوا بيــــه آل أميه جيش وتخيل ولاه
ــــــــــــــــــــــــــــــ
للخادم .... ابو محمد الموالي
لا تنسون والدتي من الدعاء الله يرحم امواتكم
غفيت من الآلم لو طيف مر عيني
أشتعل بيه الغضب يــاماي يطفيني
ــــــــــــــــــــــــــ
أشتعل بيه الغضب وانحـــزت اهاتي
وأحس خيول تسحگ فوگ وجناتي
هـــنـاك ابـخيم زينـب كـل مـعـانــاتي
نهر دمـــع العقيلــة أوجـاغ يجويني
ـــــــــــــــــــــــــــ
نهر دمــــع ويتامــــى وخيم الحترگت
نــــار الهسه تـاكــل بيـــه مـــــاهفتت
بدخـــــان المـخـيــم رئـيــتـي أنترست
ومـــن ذاك الـوگـت مـــابطل ونـيـنـي
ــــــــــــــــــــــــــــ
ومــن ذاك الوگـــت كل عـام اسويهن
سنيني اعيون مـــاي بجربه امشيهن
هـنـاك بـخـيــم زينب مــــاي ابــديهن
خطوة بأثر خطوة ويــــــــاهو يثنيني
ـــــــــــــــــــــــــــــ
خطوة بأثر خطوة أجروحـي أفززهن
وأسگيهن ملـــح كل لحظه والجمهن
ولو جـــرح العقيلة بروحي سودنهن
بــس خـــايف جـرح ينسـه وينسيني
بــس خـــايف أروح ومن اصل ليهه
حصتي مـــن الـدمع ما تكفي ارويهه
ساعتــه قـسـم لــعـيـونـــــي اعـمـيـه
وأطشرهن دمـــع لـو عوزت سنيني
ونسالكم الدعاء
للخادم ... ابومحمد الموالي
لا تنسون والدتي من الدعاء
جزاكم الله خير
يــــا شريكة العقيلة يم الاقمار
بالجراحات الطويلة يم الاقمار
ـــــــــــــــــــــــــــــ
انتِ ام الدنيا كلهــــــــه مو فقط اربع شباب
امواسيه ادموع العقيلــة يا شريكة المصاب
اكراماً لصبرچ ودمعچ صرتي للحاجات باب
أنتِ للباري وسيلة يم الاقمار
ــــــــــــــــــــــــــــــ
انتي ام عباس انتـــــــــي وام الحسين الاباء
يعني بوب اتلاثه عنده اليرفع جفوف الدعاء
مستحيل الشال جفه فـــــــــارغ ترده السماء
يرجع جفوفه ثگيله يم الاقمار
ــــــــــــــــــــــــــــــــ
الگمر بـاب حسيـن وانتي بـاب فاطمـة البتول
الينخه اسمچ يعنـي چنه معتني لگلب الرسول
بفگــــدچ الله يعظم اجره هالمسه فحل الفحول
يا جفن ما خَف مسيله يم الاقمار
ـــــــــــــــــــــــــــــــــ
اليعتني الگبرج وخايف يوصل أيحـــس بأمان
الفاتحة النقرآهه يمــــج هيــه مفتـــاح الجنان
والبَعـَد گبــــــــرچ عليه بگلبــــه سوالچ مكان
هاي ويحسهه قليلة يم الاقمار
ــــــــــــــــــــــــــــــ
ليلة اوداعچ حزينة وبيهــــــــه بالمدمع نضيع
بگلب كل شيعي اندفنتي مو فقط بارض البقيع
المشتري حبچ بروحــــــــــه بيش لو رايد يبيع
يا وفه ما صح مثيله يم الاقمار
ـــــــــــــــــــــــــــــــــــــــ
هاي ليله وكل عمـــــــــرنه نبقى والمدمع يسيل
الحاجة والما تگضي يمج تگضي يمن مستحيل
مثل زينب وبمصابــــــــــــــچ ما رأيتي الا جميل
بالوفه، بصبرج جميله يم الاقمار
ـــــــــــــــــــــــــــــــــــ
الشايل اذنوبه ويـــزورج قبل لا يوصــل تطيح
والله عجبه شلون گبرج مــــا يشيدوله ضـريح
المره الما تبجي الولده وتبجي يم راس الذبيـح
هاي تتسمى الاصيلة يم الاقمار
ـــــــــــــــــــــــــــــــــــ
فاگــــــــــدچ هالليلة شمعه بيت أمير المؤمنين
نسألــــــــه وجاوبنه عنّچ هاي أُم گلب الحزين
الغيرة للعباس كلهــــــــــــه، والوفه لأم البنين
العالمة الحرة الجليله يم الاقمار
كلمات
الخادم ابو محمد الموالي
الخادم سعد هادي الشمري
اللحن عاالخاص اعزائي 07733797255
لا تنسون والدتي من الدعاء
جزاكم الله خير
تعرف الصاحب من يطب بالموقف الجَد والصعب ما يهتم ايفوت
لـــــو عين ربــــك نصبك تلگــــــاه صاير حاجبك گدامــك ايموت
ـــــــــــــــــــــــــــــــــــــــ
الاصحاب مــــو كثرة عدد تتــرس ميادين
واحـــد يصحلك لـــــو فزع يسوه مــلايين
سبعين الف جان العدو واصحابــه سبعين
معناهه كل واحــــد بــألف أنصار الحسين
من ربعك اتعدة
اليفزعلك بشدة
شتعــــــده ال بنحرة فزع گبلـــك وگدامــــــك وگع بفعاله ميموت
ـــــــــــــــــــــــــــــــــــــــ
لــــو هيجي لو كل الزلم فــدوه الهم اتروح
يـــــــــــــم الحسين اليندفن يستاهــل النوح
من حگهه لو تبجي الزلم والمستحه ايروح
كــــــل مالحـــه بطف كربله جـواهه مذبوح
نجمه بحضن نجمه
عشاگ ابـــو اليمه
اندفنوا بطف كــــــــربله نفـس الفضل والمنزلـــة واحـد التابوت
ـــــــــــــــــــــــــــــــــــــــ
للرفگه مــــــــو سهله صعب للصحبة تختار
البارد ويــــــــــــاك بموقفه وگت الطعن حار
أكبار بمناصبهــــــــــم أمس بالموقف صغار
وأكبر دليل اعلـــــــــه الحجي عملة البسمار
واليوم الي ايحاسب
ما يبقى الـه صاحب
والهذا منهــــــــم منوجد وي حسين ظلوا عا العهد معدن الياقوت
ـــــــــــــــــــــــــــــــــــــــ
مرجعهم الحب والشـــــــرف صاروله خوان
اليمشي بطريـــــــق الجنه ابد ميغره شيطان
مو غيم ثابت موقفه واحــــــــــــــدهم وجان
يدخل الحومه الوَحـــده يتـــــــــرس الميدان
كلمن اله اسلوبه
واحد يشـك ثوبه
واحد وگف صـدرة درع مثل الجبل مـــــــــا يندفع ما همه جالوت
ـــــــــــــــــــــــــــــــــــــ
أتبدت گصصهم مـــــن عطش وبهاي لتحير
عباس جــــــــــــــان بوگفته واحدهم ايصير
شجرة وخريـــــف الطف أجه بهيئة مناشير
الما يطخ راســــــــــــــــه النهر ميدنك البير
وطاحوا فرد طيحــه
وصاحوا فرد صيحه
بكثرتهه متهزنـه العده لبن الصميده احنــه فده وبعالي الصوت
ــــــــــــــــــــــــــــــــــــــــ
للخادم .... ابو محمد الموالي
ونسألكم الدعاء
اللحن خاص اعزائي 07733797255
مو دمعة لا قــــــررت مـا أبجي أكســـــر ضلع
مو ضده بس سيـــدي عــا الماي أحسبه الدمع
ــــــــــــــــــــــــــــــــــ
ما ابجي لا شنهـــو الدمع گدام دمـــــــــــك يا نهر
أيذكرني بالطـف والعطش واستحـــي من دم النحر
أكسر أضلوعي الحضرتك يل ما يشبهـــك اي بشر
امفي اعلـه زينــب سيدي حتى أمنشــوفك بالصور
يحسين والله صعــب حيرني هذا الوظع
عطشان يا ابو علي والزمـزم انته نبع
ــــــــــــــــــــــــــــــــــ
بعيوني عابس مـن يمر بــذاك العشگ حـاير انه
ليش انه عقلي ما يجن والعقل عــــــابــس جننه
بالصحبة لا مـــا اعتقد امشـي ويناس أمسودنه
مو بس محـــرم سيدي تلطم الك طــــــول السنه
وين الخلل بـــــالگلب يحسين هاك استمع
من الزغر ينبض الك ومطبع بهل الطبـع
ــــــــــــــــــــــــــــــــــ
جنة وضريحك ينوصف للعلة مــــــــــا بيهه أمل
حبك يبــــــو الاكبر دوه غير انته شفـــــاي العلل
ينگط سواد مــن الخجل بشباجك اليــــوگف سئل
ال بنحرة دين الله أكتمل يـــا جلمه توفيه يا جُمل
شمقدم اني واجي گدام حامـــي الشرع
اعذرني يا سيـدي ما عندي غيرك ربع
ـــــــــــــــــــــــــــــــــ
يا نعمه الله ال بالأرض شلون بسنابـك تنسحگ
يا خيل هــاي الداستگ اتمنـــــى جذاب الصدگ
كلما أمـــــــر بمصيبتك مو خيم گلبي اليحتــرگ
مو بالقيامــــة اليكرهك بالدنية يستاهـــل حرگ
كل يوم ننصب عزه واهاتنــــــــه ترتفع
مو بالجـــوامع فقط بكل بيت وبكل فرع
ـــــــــــــــــــــــــــــــــ
وجفوفي الك ذنـي وقف يادوب أسيطر عا القهر
ولو بيدي يبن المرتضى عا لصدر الطــم والظهر
بس انته حـــزنك يختلف تارك بكل شيعــــــي أثر
يبــــــــدي بمحرم سيدي وما ينتهــي بهذا الشهر
طول السنه وما نمل وبحبنـه الك ننجمع
واهـــات شيعة علي منهه الجبل ينصدع
للخادم .... ابو محمد الموالي
ونسالكم الدعاء
لا تنسون والدتي من الدعاء
جزاكم الله الف خير
اخواني الاعزاء اللحن عالخاص 07733797255
اخواني الأعزاء راح انشر قصائد لمحرم الحرام اي قصيدة انشره لحنه موجود الي تعجبه القصيدة يراسلني على هذا الرقم واتساب اكون بخدمة
٠٧٧٣٣٧٩٧٢٥٥
حتى اكون بالخدمة بالنسبة للالحان واي استفسار ايخص القصائد الي راح تنشر
تحياتي
ولا تنسون والدتي من الدعاء جزاكم الله خير
السلام عليكم اخوان هذا رابط للقصائد الحسينية بالتوفيق ان شاءالله
Читать полностью…
قصيدة ( حبيبي يا حسين )
يا حبيبي يا حسين نور عيني يا حسين
انته دمعه اتعيش بحضان النواظـر**** يا حبيبي يا حسين
وانته ثوره اتوحدت بيهه الضمائـر**** يا حبيبي يا حسين
الما عرف حگك يقيناً هذا كافـــــر**** يا حبيبي يا حسين
والا أظن احساس عنده ولا مشاعر**** يا حبيبي يا حسين
وبقى صوت الولاء
يعتلي فـــي كربلاء
يا حبيبي يا حسين *** نور عيني يا حسين
&&&&
ما غبت عن بالي لحظة وما تغيب**** يا حبيبي يا حسين
مستحيل اتغيب يـــــــــا اول حبيب**** يا حبيبي يا حسين
انته روحي البلجسد وانه الغـــريب**** يا حبيبي يا حسين
جسد عــــــن الروح يتبرءه عجيب**** يا حبيبي يا حسين
ترتوي الأرض بماء
ورتوت منك دمـــاء
يا حبيبي يا حسين *** نور عيني يا حسين
ســرك المكنون بينه مــــــن الزغر**** يا حبيبي يا حسين
بل قبل مـــــــــا تبتدي اسنين العمر**** يا حبيبي يا حسين
انته كلي ولــــــــــو گلت كلي اعتذر**** يا حبيبي يا حسين
لأن كلــــي أيضيع وي لحظة صبر**** يا حبيبي يا حسين
أي صبراً قـــــد يقال
وانحنت منه الجبـال
يا حبيبي حسين *** نور عيني يا حسين
رسمــــك اتملــــك خيالي وياخيال**** ياحبيبي ياحسين
رايد اسئل المن اسئل هل الســؤال**** يا حبيبي يا حسين
هذا وجهك گمر لو قوس وهـــلال**** يا حبيبي يا حسين
لو شمس لو كلهن ابهذا الجمــــال**** يا حبيبي يا حسين
يا الاهي يا معيــــن
أي سراً في الحسين
يا حبيبي يا حسين *** نور عيني يا حسين
&&&&&&
وصفت منـــك جزء مـــن الصفات**** يا حبيبي يا حسين
صعبه أوصف كل هذيچ المعجزات**** يا حبيبي يا حسين
منهو مثلك ينولد يــــــــوم الممـــات**** يا حبيبي يا حسين
انته مرتين انولــــــــدت ابهل الحياة**** يا حبيبي يا حسين
مـــــولدٌ بين الجنان
مولدٌ فوق السنــــان
يا حبيبي يا حسين *** نور عيني يا حسين
&&&&&&&&&&&&&
نســـــــــــــــألكم الدعـــــــاء
للخادم ابو محمد الموالي
أذن الموت اعله الخيم مـــن ما رجع منك خبر
الهوى الريتــي ما نزل مشكلتي مو جربه ونهر
يا خويه عباس
ــــــــــــــــــــــــــــــــــــ
مثل الهوى واكـثـــــر بعد جنت اني اشم راعي الشيم
مـــــــالت عليــــــه كربله وبعازة اجتـــــــــــاف الخيم
الصعبة الجبيرة من شفت الحومه صارت كلـــــــه دم
وانـــــــــه بقيــت بحيرتي الطاحـت عشيرة مــو علـم
وبحسرة ظليــــت والم الشامت اعلينـــــــه عبر
الهوى الريتــي ما نزل مشكلتي مو جربه ونهر
ـــــــــــــــــــــــــــــــــــــ
ظليت اللمم بـــــــــــالخيم والباقي مـــن روحي التون
التبقه وحيــــــدة بلا اخو عـيـــــــــــن التصدله سجن
كلشي اسود بلايه اخوتي حتــــــى البياض ال بالجِفن
الحزن بــــــــالطف انولد وانه صـــــــــرت أم الحزن
بالصحرة عطشانه السفن والعطشوهـــن مو بشر
الهوى الريتــــــي ما نزل مشكلتي مو جربه ونهر
ـــــــــــــــــــــــــــــــــــــ
بسمك صحت يا ابا الفضل والجيش ظــــل بلايــه حس
حسبالهم رد صــــــــــارمك لمـــــــن كبر ضـل الشمـس
گلت أسمك وصوت الصدى خلـــه ضرس طگ بضرس
سكتوا ولا واحــــــــد حجه وخيرهـــــم ايسولف همس
رد بيهم الخـــوف الامس حسبالهـــــم حيدر ظهر
الهوى الريتــــــي ما نزل مشكلتـي مو جربه ونهر
ــــــــــــــــــــــــــــــــــــــــ
وما بين دمعي وحسرتي والفرجــــة رادونـــــي أزل
واني مثل نــــــار الشمع تـــاج اعله راس الـراد أذل
والراد يشتمنــــي وعلي بحلگـــــــه السوالف تشتعل
وانــــه مثل غيمة بسمه وحيدي مــــــن شلت الحمل
السوتــــــه اختك بــالفعل ليهسه بي يحجي الدهر
الهوى الريتــــــي ما نزل مشكلتـي مو جربه ونهر
ـــــــــــــــــــــــــــــــــــــــ
ومحراب ابوي وسجدته ودمعي ال على اخدودي نزل
مـــــــــا نزلت راسي ابد صح طحت بــــس طيحة جبل
هدمت جــــــم راي وفكر جـــــــــــم ناصبي بهيئة هبل
الجيش كلــــــــه وكربله ضمت وجهـه مــــــــن الفِشل
والنصر بأحضانـي أكتمل ولا واحــــــد اعليه گدر
الهوى الريتــــــي ما نزل مشكلتـي مو جربه ونهر
ـــــــــــــــــــــــــــــــــــــــ
ونسالكم الدعاء
للخادم .... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
جم مصيبة عيونـــــي شافت جم ذبح
روؤس اهل بيتي على أجتاف الرمح
عا لهزل يا جرح أشده
ونــــــامت الايتام گعده
العليل انــــــــــي وجرح فوگاه جرح
ـــــــــــــــــــــــــــــــ
للشام مشونه يــــــــا شيعــة أبهزل النوك
وراس ابويــه اعله الرمــح طبينه للسوك
وتتجاســـر الوادم اعلينه بــگعب الارماح
ومن جان عايش ابو فاضل خرسه الحلوك
والفرح بيـــن عليهم
عيد وأطبول بأيديهم
أجروح اجيناهم ونظرتم ملح
ـــــــــــــــــــــــــــــــــ
من على السطوح اترامه علينه الاحجار
ضعن جنه بجـــــــــــف اميه مشتعل نار
وعبرة أطفال اتصارخ مــــــــــــن الالام
بغضاً بجدك يگلـــــــــــــــي اليطلب بثأر
وبالشمس وكفونه كلنه
الحد الغـــروب بعطشنه
بين واحد يضحك واحد فرح
ـــــــــــــــــــــــــــــــــــ
عيـد بيهه الشام صار بطبــة الروؤس
اليوگع من الرمح فوگه خيولهه أدوس
سهم خله بعينه خـاف ايشوف الاسياط
يـــــــا سلام الله على البلغيـرة متروس
صرنه بين الناس فرجه
نسوا طه ونســـو نهجه
ما شفت بوجوهم واحد سمح
ـــــــــــــــــــــــــــــــــــ
ويبس كلشي بـــروح عمتي من الالام
مــــــا طفت نيران همهه چنهه الخيام
أيبات بين ضلـــــوع زينب ليل الفراك
تــرمش عيون الشماته وترشك سهام
جروح صارن بالعقيلة
وابد مـــا صارت ذليلة
جبل وگفت وابد ما صارت سفح
ــــــــــــــــــــــــــــــــ
رجع صوت الثـورة يعلـــــة بدمعة العين
وويّه كـــــــــد كيدك ارتفعت لاء الحسين
ابمجلس الطاغي يزيد ادموعهه ام عون
لراية العباس لـــــــــــــزمت چنهه چفين
هذه زينب مـــــن يذله
وصاير العباس ضلهه
يا يزيد أسكت بعد لا تنفضح
ــــــــــــــــــــــــــــــــــــ
للگاصده الطـــــف للأجر صديت العيون
عاينت للرفض نــــــــزلت دمعة أم عون
والي عدهه الدين يسلــــــم يبقى شتكول
مـــــــــــا رايت الا جميل بضرب المتون
بلا سكيفه وبالخرابة
صار ديـن الله وكتابه
وللسبي ردوه بس طر اصبح
للخادم
ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
ما ضل عمر يا يمه وانساك الجانت اتناغي اليوم تنعاك
ست اشهر وطاح العمر بعيني المهد صاير كبر
تعبني فرگاك
ــــــــــــــــــــــــــــــــــــ
تعصرني روحـي الشوفتك والحــــــزن مليته
طيفك البي صوتـــك أمس لعيونــــــي رديتـه
الهوى مــــــــــــــا اتنفسه المــــلگـاك خليته
يتنفس اشلـــــــون الهوى التـــــروح عافيته
يل البدرك بحضنـي أكتمل مو دمي لا گلبي اشتعل
تعبني فرگاك
ـــــــــــــــــــــــــــــــــــــ
للموت لا يـمـــــــه انتظر لتعوفنـــــي الحالي
ما بيه ابـــــــــاوع للمهد والگه المهـد خالي
نحرك وسهـــم ال بالنحر واگبالــــــي عذالي
بديرة العميــــان الشمس ما تسوه يـا الغالي
بعدك ولا يسـوى الوكت الساعة توگف لو رحت
تعبني فرگاك
ـــــــــــــــــــــــــــــــــــــ
العطر ال بحضنـــي ذبل والفرگـــــه تأذيني
وكــل الفـراشات الصبح جتي تـــــــواسيني
طفاك بـــــــالطف السهم يــا شمعـة أسنيني
الماي مــــا يطفي الجمر ال بگلبـي وبعيني
يروى بشنو الميت عطش وأرض وسمه دمه أنفرش
تعبني فرگاك
ــــــــــــــــــــــــــــــــــــ
راسك أتلاگه وي الشمس عـا الرمح تاليهه
گد ما ضوة بوجهك طفـت غـيــــــر معانيهه
عا اليُمه اتحسر صــــرت ما أگدر أحجيهـه
ينترسن شفافــــــــي دمه لو جبت طاريهـه
وتلثمت عـــيــون الــسـمـه مـــــن الحزن من الدمه
تعبني فرگاك
ـــــــــــــــــــــــــــــــــــــ
حلم الطفولة الــــي أنذبح يـا يمــــه گـدامي
بحضن الگبر بعدك صرت ينحسبـن أيــــامي
الوحشة ويايـــــــــــه بدت لمن رحت ضامي
حيلــي مثل خيط الشمــــع مـا شالته أجدامي
حالـــــــــي مثل حال الدمع خطواتي ابد مــــا تنسمع
تعبني فرگاك
ـــــــــــــــــــــــــــــــــــــــــ
ونسألكم الدعاء
للخادم .... ابو محمد الموالي
لا تنسون والدتي من الدعاء الله يرحم امواتكم
وجزاكم الله خير
أريد الماي لا يـــــا ماي أنه اليوم الحــرب عيدة
انه الاكبر وابوي حسين شبيه المصطفى أوليده
ـــــــــــــــــــــــــــــــــــــ
اليموت احساس مو عطشان يعيش الموقــــــف اليكبر
لخلي بكل شبـــــــــــر نيشان واصبغه الماي لون أحمر
وأذلهم لـــــــــو شمس طبيت قياساً بيه شنهـــــــو الحر
لخلي الجيش كله أيكــــــــول عَليــه ايلـوگ اسـم الاكبر
الجمر بحشاي طفيته
بوجهه عباس رويته
الجبير بكلشي كـون يصير يضحي بروحه وبجيدة
انه الاكبر وابـــوي حسين شبيه المصطفى أوليده
ــــــــــــــــــــــــــــــــــــ
العطش گدامي شنهو ايصير وابـــــوي حسين المعدل
ولا تضمه بعـــد روحـــــــي شربت ريجـــــــه المهيل
انه الشايــــــل قضيت أحرار وانه بغيرة هلــــي أمبلل
ولأن گلبه ونظـــــــــر عينه دخلت الحومــة انه الاول
على الفرسان ودانــي
كأنه أيكــــول هذا اني
سهله وكتلـه راح اتشوف وبـــدت تتراجف البيدة
انه الاكبر وابـــوي حسين شبيه المصطفى أوليده
ــــــــــــــــــــــــــــــــــــ
وجـــــــه طه وگلب ضرغام انه الموت وانه اسبابـه
واذا خيبــــــــر يصير الطف انه الجف القلــــــع بابه
جبل أوگف وصـــــــد الريح العرفني يحسب حسابه
بخيم عمتـــي الورد ميصير الحدايق تـــــدخل ذيابه
اليصل الخيـام ما عذره
يلگه المـــوت منتظـره
انه السجيل بالطـــــف جان وخل فيل أبـرهه ايفيده
انه الاكبر وابـــوي حسين شبيه المصطفى أوليده
ـــــــــــــــــــــــــــــــــــــــــ
جبير وتشهـــــــــــد الفرسان مــــــن حملاتي شافوهه
مــــن شافونــــــــي بالميدان الرتب گدامـــــــي ذبوهه
ترســـت الطف رتب والگاع بساط الريــــــح سووهه
واكو فــــــرسان من الخوف اليومـــــك مـــــا أندلوهه
صلت عا الجيش والظالــم
لنه يصيــــــــــح أبن غانم
يا هو انته وتخوف الجيش دخل للحومه هــز ايده
انه الاكبر وابــــوي حسين شبيه المصطفى أوليده
ـــــــــــــــــــــــــــــــــــــــــ
تواجهنه ضـــــوه وي الليل واسمعه ايصيح يا هو انته
علي الاكبر وابـــوي حسين گتلـــــــــــــه وداخ بالگلته
أجـــــــــــه مغيم ينگط ماي وآنه بضـــــــــربة عطشته
اليعادل جـــان نص الجيش أنـــــــــــــــه نصين رجعته
قسمته اثنين بصولاتي
مثــــل حيدر بضرباتــي
صغير وسيفــــي بالميدان بكُبر حيدر مــــــواليده
انه الاكبر وابـــوي حسين شبيه المصطفى أوليده
ــــــــــــــــــــــــــــــــــــــــــ
ونسالكم الدعاء
للخادم .... ابو محمد الموالي
لا تنسون والدتي من الدعاء جزاكم الله خير
والله يرحم امواتكم
طبهه عباس وصفت مگلوبه والجهات الاربعة مرعوبة
ـــــــــــــــــــــــــــــــــــــــــــــ
كاشخ برايــة علـــــي وطـــب للعـدو
والجهات الاربعــــــــة صاحــت شكو
گالوا العباس طـــــــب سوح النــزال
والله من خـــوف الزلم صاحـوا كـفـو
ذاك يشرد هــذا صاح التوبة والجهات الاربعة مرعوبة
ـــــــــــــــــــــــــــــــــــــــــــــ
صاحـــــــت الوادم دخـل مـــن يمنعه
وصفت گدامة الــــرؤوس مفـــــرعة
الماي جيبوا الماي وانطـــوه اشيريد
وهاي ما طـــب للحرب للمشــــرعــة
وصفرة خله وجوهم متعوبه والجهات الاربعة مرعوبة
ــــــــــــــــــــــــــــــــــــــــــــ
مــــــــن يغير أعليهم أتظـــــل السمه
ترعد شما رفـــــع سيفـــــه وصارمه
حـــــــرز البصدره دعـــــاء ام البنين
وكلكــــــــم امجربيـــــن دعوة فاطمة
جيوش ردت بالدعاء مغلوبة والجهات الاربعة مرعوبة
ـــــــــــــــــــــــــــــــــــــــــــــ
لمهم بـــذرعانه جـــــن يـــــوم الحشر
طگـــت ايــــــده بخدهم اطشـــــر جمر
بضربته وسرعة ضـــــواه جان الكفيل
مثل ســـــــــــــــرعة سنه ضـوئية يمر
وهاي يمكن هم غلط محسوبه والجهات الاربعة مرعوبة
ــــــــــــــــــــــــــــــــــــــــــــــــــــ
يشتري العرگــــــــــه الثگيلة لو عرف
الباطل اعلــــه الحگ أخذ دور الشرف
وانته عاد اتخيل بيـــــــــــــوم الطفوف
عرگـــــــه بيهه حسين ابو اليمه طرف
يعني ميــزان الشرف ودروبه والجهات الاربعة مرعوبة
ــــــــــــــــــــــــــــــــــــــــــــــــــــ
بحيلهه نكثهــــــــه الشوارب عا الرمل
دخيلك اتصيح الزلم يــــــــــا ابا الفضل
بگثر ما نگط وفــــــــــه بدرب الحسين
ال هذا يومـــــــــــــك كربلاء بيهه ثگل
منهو مثلــه بوكفته المهيوبة والجهات الاربعة مرعوبة
ـــــــــــــــــــــــــــــــــــــــــــــــــــ
لخادم ابا الفضل العباس
ابو محمد الموالي .....
لا تنسون والدتي من الدعاء جزاكم الله خير
ثگيله جروحك من الطف يمولاي
العاشن بيك نــفـس العاشن وياي
ــــــــــــــــــــــــــــــــــــ
أمــــــــــان الله يغايب بيك حسيت
عزيز وبــــــــالجروح وياك لميت
مــن دمعي الدمعتك فرض صليت
صلاة الخوف خـاف ايتيه ممشاي
ـــــــــــــــــــــــــــــــــــــ
صلاة الخوف خـــاف أتيه الروح
كون ويــــاك اضل للدوم مجروح
يشــــــراع السفينة وللغرگ نوح
اريد بكـــــل وگت عاشور ملگاي
ـــــــــــــــــــــــــــــــــــــ
اريد بكــل وگت مــا تسكت العين
واريـــــد الطم لطم لاعزاز ميتين
لخلي الشمر يبجـي وياي لحسين
وابجــــي الموتى والاحياء وياي
ـــــــــــــــــــــــــــــــــــــ
ابجــــي الموتـى والاحياء عا لصار
الاصابــــــــــع تكتب وتنعيك الاوتار
يمن الحسين ضلعي وجرحه بسمار
وصــدري الباب والمجروحة دنياي
ــــــــــــــــــــــــــــــــــــــ
صدري الباب بــــس منتظرك تعود
مــــــــــــا ينفتح بس الثارك أردود
انه ابراهيم جرحي ونــــــار نمرود
مثل خيمــــــات محترگـــات بحشاي
للخادم
ابو محمد الموالي
ونسالكم الدعاء
لا تنسون والدتي من الدعاء
جزاكم الله خير
ما بيه أكومن بس گمت وللسفر هـــم أتحضرت
وي الاهل وي الحبايب
ايعوفونــي لا متصورت يا ربي أموتن هم ردت
ويـاهم أتلگه المصايب
ـــــــــــــــــــــــــــــــــ
عافوني وحدي وي المرض ضلت صورهم
بالريح أگضن مـــــــــن يمر وأشتم عطرهم
مــــــــــا عندي حيل وأيست الحگ ضعنهم
هم ميته هــــــــــــــم أتَيتمت روحـــي بعدهم
من أحسب أحساب الزمن ميتــــــه تــره لبلا وطن
والوطن راح وعني غايب
ــــــــــــــــــــــــــــــــــــــــ
الهوى الريتي لـــــــــــو عبر يتحــــــول سيوف
بحسين أحس لمــــــــــن تمر نسمه من الطفوف
سكتت مثل طبــــــــــع الحجر بشفافي الحــروف
گد مــــــــا مسح خدي الدمع مــا ضلت أجفوف
ومجتوفه روحي امعلعله بحسرات مـوش بسلسلة
مو حگي يا ناس من اعاتب
ـــــــــــــــــــــــــــــــــــــــ
بــــــــــالسيف يذبح بالنبض وعن صدرة ميگوم
الجان مــــــــــــــوطن للورد يتوسطـــــــه البوم
يذبح ببوي مــــــــــــن الكفه ويسلـــــــب الهدوم
بوجه شعمل حـــــــــر الرمل مـــــا ضلت ارسوم
والجيش أشوفه بكل گتُر وعيونهم تجـــــــدح جمر
وعيوني شافة هل العجايب
ـــــــــــــــــــــــــــــــــــــ
قرأن طايــــــــــــح عا النهر وأجـــــــــــزء آيات
مـــــــو بسمله اليقره الگمر يبديهــــــــه هيهات
خجلان مــــــــن زينب جذب نقرة الــــــــروايات
وجناته حمرة مــــــــو خجل محتــــــركه دمعات
لأخته العقيلة بكل گتــــر أثــــــــــــــار دگات الصدر
بالطف گمر ضوء الگواكب
للخادم
أبو محمد الموالي
لا تنسون والدتي من الدعاء
جزاكم الله خير
اللحن خاص اعزائي
07733797255
هاك أسمع أخبار طبوهه الانصار
لـخـيــام الحسين البعينــــــه يندار
ما يظل راسة بـــــرگبته ورمل الصحاري حصته
طبوهه الانصار
ــــــــــــــــــــــــــــــــ
كالوله ويـــــاك يــــــــــا گرة العين
نتشرف انصيـر خــــــــدام الحسين
متميـــز الشاب والعمـــــرة تسعين
نزلوا فـرد حيل نصرتن للــــــــدين
بيهـــــــــم الحسين افتخر الاســـــلام والدين انتصر
طبوهه الانصار
ـــــــــــــــــــــــــــــــ
راحـــــــــوا للخيام كامــــوا يهوسون
عشاگ الحسيـــــن خدامــــج أم عون
يــا نبض الگلوب مـا بينــــه اليخون
يتبـــــــــــدل أبيش لغله مــــن العيون
بيرغ بصف بيرغ عله سوو فياي بكربلــــــــــــه
طبوهه الانصار
ــــــــــــــــــــــــــــــــ
أوتــــــاد الطفوف بيهه الجـرح طاب
قــــــــــرآن الخيام آيــــــاته الاصحاب
تربـــــات الحسين وربــــات ابو تراب
فرسان فرســـــان وأشـــرف الانساب
آيات نزلوا مــــو زلــــم واحـدهم بعلــــــو النجم
طبوهه الانصار
ــــــــــــــــــــــــــــــــــ
بـــــــــالصبر ايوب والـدمعة يعگوب
يوسف يشــــــوفوه مــا حاجه للثوب
كل واحــــــد شراع والقلـــــــع البوب
مو بس عا الحسين عا البيت محسوب
من اهل بيته ومهجتـه هذا اني رائي بصحبته
طبوهه الانصار
ـــــــــــــــــــــــــــــــــــ
هاي الزلم هـاي بـــالكلفـــة نوماس
وكفوا للحسيــن وكــــفـــــة العباس
گلبه الدرع جان مو درعـه والطاس
صاروا لـلأجيال والغيرة مقيــــــاس
طبوا سيوف بــــــلا درع بوجه الرياح ايضل شمع
طبوهه الانصار
ـــــــــــــــــــــــــــــــــ
كل الجــــره وصار شگد مـرت أعوام
بي حــــارت الناس ومـــــدوخ الاعِلام
من ذولـــه الانصار مـــــا جابت أرحام
كل التواريـــــــــــخ تشهـــــد والاسلام
واليومـــــــك الدنية خلت الانصار ذولــــه وانتهت
طبوهه الانصار
ـــــــــــــــــــــــــــــــــــ
ونسالكم الدعاء
للخادم .... ابو محمد الموالي
قصيدة مجلس وزنجيل نزال
اللحن خاص اعزائي
07733797255
وياك طول العمر ما عفتك وياك خذني بذيـــج قافلتك
آه يحسيــــن گلبي يصيح حيـران
شلون الماي ظـــل للماي عطشان
وياك مثل الهوى اتنفستك
ـــــــــــــــــــــــــــــــــــــــ
بــــــــالآهات والـــدمعات كل العمـر گاضـيـهـه
روحي تموت مـــن أنعاك وآه يحسين تحــيهـه
مــــــا أنساك يــــا مولاي واني هواي حاجيهه
فـدوة ايروح لأجل حسين خيـر الدنيـة والبيهه
يا مصباح وجــه الخيــــر والنور
بـــالشباج يلگه مـــــــراد لأيزور
وياك واعشگ والله سالفتك
وياك خذنـــي بذيـــج قافلتك
ــــــــــــــــــــــــــــــــ
المخنـــــوگ يتعنــــــــاك يلگــــه الجيته مناطر
تتلـــگـــــــاه مثل العيـــد تنســه مصيبة العاشر
تنطي مــراد بــالحظـات مــــــــــا تتأجل الباجر
اي انســـان مهما يكون مــــن شيعتك لو زاير
مــا سديت بابــــــــــك دوم مفتــوح
وليهـــواك ظل ويــــــــــاك مجروح
وياك نفسي وروحي خادمتك
وياك خذنـــي بذيـــج قافلتك
ــــــــــــــــــــــــــــــــــ
العافــــــــوك ما شافوك ما بيهم بعــــد ضنه
شربوا كـاس ملُك الـري عــــافوا كوثر الجنه
واحنـه ويـاك حبينـــــاك نسمــع بيك ما شفنه
وجرحك حار مــا بردوه كل دگــــــة گلب ونه
مـــــا توفيك يـــــــــا مولاي جلمـات
صاحوا مات صحنه بصوت هيهات
وياك جنت اتمنـــى وبوگتك
وياك خذنـــي بذيـــج قافلتك
ــــــــــــــــــــــــــــــــ
ما عفنــــاك وآه يحسين صارت مذهبي وديني
الكه منيـــن مثلك ويـــن ما واحـــد ترس عيني
يا المظلــوم يل المحروم طــاري اسمك يبجينـي
بگلبي النار جن خيمــات محترگــــــــــات طفيني
مثل نـــجوم فوگ الگاع طشيت
عا الوذروك تبجي شلون ظليــت
وياك محد عـــــرف منزلتك
وياك خذنـــي بذيـــج قافلتك
ــــــــــــــــــــــــــــــــــــ
أخــــدم بيـك لو عمريـــن الله انطـــاني مـا اتعب
وأصرخ دوم يل المذبـوح عــا لتربان وامخضب
مو اعـــراب ذولوا أجناب كلمـــــــن للخدر سلب
مو مشـــــاي اركـــض ليك من أذكر ركض زينب
يل المذبـــوح لأجل الديــن والناس
مو بس روح منطي عيون عبــاس
وياك يل مثــل الجبل شفتك
وياك خذنـــي بذيـــج قافلتك
ـــــــــــــــــــــــــ
للخادم .... ابو محمد الموالي
قصيدة ترهم مجلس وترهم زنجيل نزال
اللح خاص اعزائي 07733797255
قصيدة استهلالية لبداية محرم الحرام
اسال الباري عز وجل لنا ولكم كل التوفيق
اليسأل عـــا الحال والدمــع السأل
من جروحي اليوم گــــــرب الهلال
ــــــــــــــــــــــــــ
هيه مـــــــو شغله مصيبـة وعاشـــگ وفاگـد حبيبه
ولا احــــــاسيس ومشـاعر هاي دنية ومـــــو عجيبة
الراح مـــــــو انسان عادي وفاتحة انصــب للمصيبة
انه واحـــــــد بيه علــــــــه وذبحوا أگبالــــــه طبيبـه
مــــــــو دم وسال الراح من الآل
من جروحي اليوم گــــرب الهلال
ـــــــــــــــــــــــــــــــــ
انه واحـــــــــد شرف عنده وغثني تاريــــخ السمعته
علـــــى خيال اختي اليباوع لـــــــــو اموتن لو اموته
هذا انــــــــــــــه ومنهو انه أگبال ابــو اليمه وعترته
مـــــــا رضيت بهاي لأختي والحسين انسبــــت اخته
بالنضـــــرة أشكال مو سبي أعيال
من جروحي اليوم گـــــرب الهلال
ــــــــــــــــــــــــــــــــــ
هيه مـــــو بس هاي صعبة هواي مو وحده قضيتي
تـــــره النار بخيــــــم زينب والقصد يحــــرك هويتي
والله صعبة ومدري شحجي شلون يــــا دنية رضيتي
الطب علـــــى خيام العقيلـة مـــــا اتشرف يطب بيتي
تدخـــــــــل الانذال وبيـــــدة أحبال
من جروحي اليوم گـــــرب الهلال
ـــــــــــــــــــــــــــــــــــــ
شلون ما ابجـــي المصابة ورايه أعلك علـــــى داري
حسين المعــــــــزب الدنية طايــــــح ابين الضــواري
انه كل واحــــــــــــد محرم ايطيح من وجهي سماري
لمــــــــــــــــــن اذكر رقية انباگـــــــت بعز الضهاري
والظالـــــأأأـم صال وجر أذن أجبال
من جروحي اليوم گــــــرب الهلال
ــــــــــــــــــــــــــــــــــــــ
يـــــــا هلال اشلـــــون بيه منين اجيب ادموع تكـفي
هنه بـــــس أثنيــن عنــدي وبير زمــــــــزم ما يــكفي
أكتفــــــه بالسبعين أمــامي وعلــــــــم الــوادم تــوفي
اله مــــــــــــــن ناصر اليه انه هـــــــم محتـــاج طفي
وحـــجــي الينگال ضامي الشلال
من جروحي اليوم گـــــرب الهلال
للخادم
ابو محمد الموالي
ونسألكم الدعاء
لا تنسون والدتي من الدعاء
جزاكم الله خير
https://youtu.be/vG6z8QhurSg?si=m8vZMYfVr9aGC3iw
Читать полностью…