8098
Ўзингизга ёққан ҳикматни бошқаларга ҳам улашинг!
Ҳатто мўъжизаларни ҳам Аллоҳ таоло ҳаракат билан боғламоқда:
"Асойингни денгизга ур!",
"Кема яса!",
"Қўлингни чўнтагингга сол!".
Ҳаракат қилмасдан, ишламасдан ҳеч нарсани кутманг!
/channel/Abdulqodir_Polvonov
Табиий бўлинг, очиқ бўлинг, сохтакорликдан сақланинг...
Ўзгаларни рози қилиш учун юзингизни ўзгартирманг...
Қўрқманг, сизни истаганлар сизнинг барча сифатларингиз ва айбларингизга рози бўлишади!
/channel/Abdulqodir_Polvonov
МИСКИНЛАР ОТАСИ
Имом Тирмизий роҳимаҳуллоҳ ўзининг ҳидис тўпламида Абу Ҳурайра розияллоҳу анҳудан қуйидаги ҳадисни ривоят қилади:
“Очликдан қорнимга тош боғлаб юрар эдим. Оятни ёд олган бўлсамда уйига олиб бориб қорнимни тўйдирармикин дея кишилардан қуръон ҳақида сўрар эдим.
Доим охирда мискинларни уйига олиб бориб тўйдирадиган кимса Жаъфар ибн Аби Толиб бўлар эди!”.
Қийин кунларда ёнида турганларингиз сизни унутмайди.
Сиз тўйдирган оч қоринлар сизни ҳеч қачон унутмайди. Сиз хотиржам қилган кўнгиллар сизни юзингизни тоабад унутишмайди. Сиз артган кўз ёшлари худди тинч маконни сифатлагани каби сизнинг исмингизни ёд этади!
Абу Ҳурайра розияллоҳу анҳу ҳеч кимни эсламаяпти. Аммо қорнини тўқлаган “Мискинлар отаси” Жаъфар ибн Аби Толиб розияллоҳу анҳуни эслаяпти.
Қарийб бир ярим минг йилдан бери Жаъфар эсланади!
/channel/Abdulqodir_Polvonov
ФИТРАТ
Ибнул Асир роҳимаҳуллоҳ ўзининг "Усудул ғоба фий маърифатис саҳоба" номли китобида келтиради:
"Ҳорис ибн Ҳорис ал-Ғомидий ривоят қилади. Унинг отаси саҳоба бўлгани айтилади. У отаси билан жоҳилиятда Маккага келади. Узоқдан шовқин-сурон эшитилди. Ҳорис отасидан сўради:
- Ота! Булар нега жамланишган?
Отаси деди:
- Булардан бири динини тарк қилган экан. Ўшанга унинг қавми жамланишган!
Биз жамланган инсонларнинг олдига бордик. Набий саллоллоҳу алайҳи ва саллам қавмни исломга даъват қилаётган эдилар. Улар эса у кишини уриб азият бераётган эди. Кун кўтарилганида улар тарқалишди.
Шунда бир аёл қўлида қадаҳ ва рўмолча билан келди. У йиғлаган, бўйинлари очиқ эди. Набий саллоллоҳу алайҳи ва саллам қадаҳни олдилар, сувни ичиб таҳорат олдилар. Сўнгра аёлга қараб дедилар:
- Қизим! Бўйнингни ёп. Отангни мағлуб бўлишидан ёки хор бўлишидан ташвишланма!
Мен кишилардан у аёл кимлигини сўрадим. Улар менга уни Набий саллоллоҳу алайҳи ва салламнинг қизлари Зайнаб эканлигини айтишди!".
Набий саллоллоҳу алайҳи ва саллам оғир аҳволда турганларида ҳам қизларининг кийимига эътибор қилишни унутмабдилар. Шунча бало ичида ҳам қизларининг бўйни очиқлиги у кишини рози қилмабди...
Бизни ҳам қизларимиз, аёлларимиз кийимига эътибор қилишимиздан дунёйимиз чалғитиб қўймасин.
Баъзилар бу ҳадис ҳақида турли гапларни гапиришган. Ўша пайтда ҳижоб фарз бўлмаганини ҳам айтишган.
Хўп майли, инсонда агар дин бўлмаса мурувват, шараф ва рашк ҳам бўлмаслиги керакми?!
Оддий ҳайвон ҳам урғочисини бошқа ҳайвонлардан қизғанади-ку ахир!
/channel/Abdulqodir_Polvonov
МУНАВВАР РУҲЛАР...
Дунёда шунақанги инсонлар бор, уларни фақатгина яхшилик қилиш, кўнгил олиш ўринларидан топасиз.
Уларнинг гапида, қилмишида ва тутган ўрнида фақат яхшиликни кўрасиз.
Улар бу ҳаётга абадийлик макони деб эмас, сафар йўли деб қарашади. Бунда фақат гўзал ахлоқ, чиройли муомала ва яхши из қолиши лозим деб эътиқод қилишади...
Дунёда бунинг акси ўлароқ қалби қоп-қора кўмир каби инсонлар ҳам бор. Улар турли суратларга кирувчан, вазиятга қараб ўзгарувчан бўлишади...
Муҳаббат улар учун ёлғон, дўстлик улар учун йўқоладиган нарса ва сафсата...
Инсонлар ҳар-хил бўлар эканда. Бир турли инсонларнинг ташқи кўриниши ниҳоятда гўзал. Аммо ҳақиқий гўзаллик хотиржам юзлардадир.
Заковатли инсон сизни асир қилади, аммо фақатгина меҳрли инсонлардан роҳатни ҳис қиласиз.
Ҳазил-мутойибага мойил руҳдан шодланасиз, аммо жароҳатингизга малҳам бўладиган, зулматингизни ёритадиган ва тарқатадиган руҳлардагина сакийнат топасиз.
Аммо мунаввар руҳлар жуда ҳам ноёб!
САҲНА ОРТИДАГИ ҚАҲРАМОНЛАР!
1994 йилда бобом (ойижонимнинг дадалари) мени ўқишга тарғиб қилдилар:
"Ўғлим! Сен ўқишинг керак. Неча йил ўқисанг ҳам мен ўз нафақамни сенга бераман. Ўқишинг харажати менинг гарданимда!".
Мен Наманганга "Мулла Қирғиз" мадрасасига ўқишга бордим. Билимим пастлиги учун ўқишга кира олмадим. Қайтиб келиб роса йиғлаганман ўшанда. Сал ўтмасдан бобом оламдан ўтдилар. Ўқишга кира олмаганимнинг ҳикматларидан бири шу экан. Яъни, менинг таъминотчим оламдан ўтган эдилар. Оиламиз эса менинг ўқишим харажатига тоқат қила олмас эди ўшанда...
Менинг ўқишим учун бобом бор пулларини бермоқчи эдилар...
Аллоҳимнинг ҳикматлари кўп экан. Ўша йили Тожикистонда нотинчликлар бўлиб у ердан бизга устозим Саймуддин домла роҳимаҳуллоҳ ташриф буюрдилар. У кишида ўқишни бошлаганман. Беш-олти йил устозда таълим олдим. Устозимни Аллоҳ раҳматига олсин. Ҳақиқий дарвиш эдилар. Ўзбекистонда юриб Денов, Наманган, Самарқанд, Ургут шаҳарларида қатнаб талабалар етиштирдилар. Ҳатто Россияга бориб олти ой Қозон мадрасасида дарс ҳам бериб келдилар...
Биз яшаб турган жойларда диний илми бор инсонлар жуда ҳам оз эди. Деярли йўқ эди ҳисоб. Ўша пайтлар домла Шоди устозимиз Қўқондан иккита қори акаларимизни, устозларимизни олиб келдилар. Қаршидан ҳам иккита ҳофизи қуръонни олиб келдилар. Уларнинг таъминотини қилиб турдилар. Бир неча йиллар улар бизга қуръондан дарс бердилар. Домланинг ўзлари эса машиналарида айланиб юриб талабаларга араб тили, сарф-наҳв ва тажвиддан дарс бериб бизни қўллаб турдилар...
Домланинг ёнларида ўша пайтлар устозимиз мулла Аҳмад бобо, Аҳтам бобо, Бозор боболар каби отахонлар туриб у кишини иқтисодий жиҳатдан, уй-жой масаласида қўллаб-қувватлаб турдилар...
Ўтганларини Аллоҳ раҳмат қилсин. Ўзи рози бўлсин улардан. Қолганларга узоқ ва баракали умр берсин
Саҳна ортидаги қаҳрамонларни негадир эслагим келди!
/channel/Abdulqodir_Polvonov
ЎЛИБ КЕТСИН ТААССУБ!
Шиалар Абу Бакр розияллоҳу анҳуни сўкадилар, уларга савол:
Нега буюкларинг Абу Бакр исмини фарзандларига қўйишган?!
Али ибн Аби Толиб розияллоҳу анҳунинг Абу Бакр исмли ўғли бўлган.
Имом Ҳасан розияллоҳу анҳунинг Абу Бакр исмли ўғли бўлган
Имом Ҳусайн ибн Али розияллоҳу анҳунинг Абу Бакр исмли ўғли бўлган.
Имом Мусо Козим роҳимаҳуллоҳнинг Абу Бакр исмли ўғли бўлган.
Шиалар Умар ибн Хаттоб розияллоҳу анҳуни сўкадилар, уларга савол:
Нега буюкларинг, сиз ихлос қилган имомларинг ўз фарзандларига Умарнинг исмини қўйишган?!
Али ибн Аби Толиб розияллоҳу анҳунинг Умар исмли ўғли бўлган.
Имом Ҳасан розияллоҳу анҳунинг Умар исмли ўғли бўлган.
Имом Ҳусайн розияллоҳу анҳунинг ҳам Умар исмли ўғли бўлган.
Имом Зайнул Обидийн роҳимаҳуллоҳнинг ҳам Умар исмли ўғли бўлган.
Имом Мусо Козим роҳимаҳуллоҳнинг ҳам Умар исмли ўғли бўлган.
Шиалар Оиша розияллоҳу анҳога туҳматлар қилишади. Уларга савол:
Нега буюкларинг қизларига Оиша розияллоҳу анҳонинг исмини қўйишган?!
Жаъфар Содиқ роҳимаҳуллоҳнинг Оиша исмли қизи бўлган.
Мусо Козим роҳимаҳуллоҳнинг Оиша исмли қизи бўлган.
Али Ризо роҳимаҳуллоҳнинг Оиша исмли қизи бўлган.
Нега булар фарзадларига шиалар душман тутадиган кишиларнинг исмини қўйишди экан?!
Ёмон кўришгани учунми?!
Ўлиб кетсин таассуб!
Бу зиддиятни қандай қабул қиламиз?!
/channel/Abdulqodir_Polvonov
Ёлғон гапирганингизда сизга ўн киши қарсак чалиб олқишлаши мумкин. Аммо афзали, аччиқ ҳақиқатни гапирганингизда саккиз киши сизни жиноятчи деб, иккитаси эса ўйловга қолишидир!
Бертант Рассел Британиялик файласуф
/channel/Abdulqodir_Polvonov
Бу дунёда модомики синиқ кўзли бола бор экан, мен дунёни ҳурмат қилмайман!
Эрнесто Че Гевара
/channel/Abdulqodir_Polvonov
Самимий савол, нотўғри тушунманглар:
Футболнинг дунёйимиз ёки охиратимизга нима фойдалари бор?
/channel/Abdulqodir_Polvonov
БУГУННИНГ ГАПИ
Мендаги ҳатто ўзим ҳам эътибор бермайдиган кичик тафсилотларга аҳамият берадиганлар қалбимни ларзага солади, улар қалбимга тобора яқинлашиб бораверишади!
ХАЙРЛИ ТОНГ!
/channel/Abdulqodir_Polvonov
Агар имконини топганида душман барча озод фикр дарчаларини беркитиб ташлар эди. Чунки озод фикр уни қўрқитади, шарманда қилади....
Яхшиям бу иш амри маҳол!
/channel/Abdulqodir_Polvonov
Саодат излаб жойни ўзгартираверманг. Аввало саодатли бўлишга ҳаракат қилинг...
Туйғулар сиз қаерда бўлсангиз ўша ерда бўлади!
/channel/Abdulqodir_Polvonov
Агар билсангиз, нур бизнинг туб-тубимизга қалб жароҳатлари орқали киради!
/channel/Abdulqodir_Polvonov
Диндорликнинг энг юқори чўққиси кишининг ўзгаларга эмас, ўзига ҳукмрон чиқишидир!
/channel/Abdulqodir_Polvonov
Умрингиз китобини биргина қора саҳифаси учун куйдириб юборманг. Ё лутф ила кейинги саҳифани очинг, ёки у саҳифани жаҳл билан йиртиб ташланг!
/channel/Abdulqodir_Polvonov
Агар у неъмат бўлмаганида бошқа неъматлар йўқолиб кетар эди...
Биласизми у нима?
У сатр неъматидир!
Аллоҳим бизнинг устимиздан сатр неъматини кўтармагин!
/channel/Abdulqodir_Polvonov
Агар тўйингда хотинингни қариндошлари кўпроқ ўйнаса демак бошингга муаммо орттирибсан!
Африка мақоли
/channel/Abdulqodir_Polvonov
Золимдан ҳам ифлос одам бор дунёда. Бу унинг ёрдамчиси!
/channel/Abdulqodir_Polvonov
Кузни ўз ҳолига қўйинг, дарахтларни нима қилса сизни ҳам ўшандай қилаверсин. Ахир сизда ҳам сарғайган барглар бисёр-ку!
/channel/Abdulqodir_Polvonov
Кишининг бахтсизлиги уни тушунмайдиган кишилар билан бирга ўтиришидан бошланади!
Аҳмад Холид Тавфиқ
/channel/Abdulqodir_Polvonov
Кўксимни тешиб ўтиб қалбимнинг бўм-бўшлигини кўрадиган кўздан қўрқаман...
Эътирофимдан қўрқаман...!
/channel/Abdulqodir_Polvonov
"Ўғлим! Ўзгаларнинг мусибатини ва синганини кўрганингда улар олдида табассум қилишдан сақлан. Жароҳатлар олдида адабли бўл...
Инсон бўл ёки шу йўлда жонинг чиқсин!".
Лев Толстой
/channel/Abdulqodir_Polvonov
ОМОНАТ
Абдуллоҳ ибн Муборак роҳимаҳуллоҳ Шомда юрганида бир кишидан омонатга қалам олди. Сўнгра қайтаришни унутган ҳолда Антокияга борди. У ерда омонатга олган қалами ёдига тушди. Яна пиёда Шомга қайтиб бориб қаламни эгасига қайтарди!
ХАЙРЛИ ОҚШОМ!
/channel/Abdulqodir_Polvonov
Куз ҳам секин ва оҳиста қадам ташлаб бизни тарк қилмоқда...
Унинг ўрнини кумуш қиш эгалламоқда.
Эрталаб тоғларга боқиб оппоқ қор билан қопланганини кўрдим!
Фасллар ҳам умримиз сингари гўё...!
Кетиб бормоқдамиз...!
/channel/Abdulqodir_Polvonov
УНУТДИК
Ўрта асрларда мусулмон уламолари ёсуман, бинафша, наъно ва лаванда каби ўсимликлардан атир олишни йўлга қўйишган.
Бу борада энг кўзга кўринган олим ҳижрий 256 санада вафот этган Яъқуб ал-Киндий ҳисобланади.
Ўша пайтларда Европада чўмилиш, тозаланиш мумкин эмас эди!
/channel/Abdulqodir_Polvonov
Набий саллоллоҳу алайҳи ва саллам мунофиқлар боши ибн Салулга кўп маротаба намоз ўқиб берганлар. Бу нарса унга фойда бермаган.
Диндаги баъзи кемтикларни ҳеч нарса тўлдира олмайди. Ҳатто намозингизни Пайғамбарлар ўқиб берса ҳам...
Буни ибн Таймия роҳимаҳуллоҳ қуйидаги сўзлари билан қисқа таърифлаган:
"Агар мен мўғуллар томонида турсам, бошимда қуръон билан кўрсангиз ҳам ўлдираверинг!".
/channel/Abdulqodir_Polvonov
У билан тортишишни бас қилиб, унинг кулгусини қозонсанг нима бўлади-я!
/channel/Abdulqodir_Polvonov
РАЗЗОҚ
Тикувчилик билан шуғулланаман. Отахонларга яктак-чопон, шим, куйлак, ҳожиларга махсус кийимлар тикаман...
Хуллас бу воқеа бундан ўн йиллар олдин бўлган эди. Тикувчилик дўконимга турмуш ўртоғим билан бирга бориб ишлаймиз. Мен тикаман, турмуш ўртоғим тикилган кийимларни дазмоллайди.
Ўша пайтлар дўкон ижарага олинган. Ижара пулини зўрға тўлайман. Янгилигимиз учун танилмаганмиз. Мижоз ҳам ўзига яраша. Пул орттиришни эса ўйламаса ҳам бўлади. Бир кунда топсак иккита нон ва икки кило макаронга пул топамиз.
Бир куни эрталаб ишга келдик. Ҳаво совуқ эди. Кечгача ўтирдик, бирорта ҳам мижоз келмади. Турмуш ўртоғим ташвишга тушиб кўзига ёш олди. Бешта фарзандимиз бор, нима еймиз, деб маҳзун бўлди. Мен уни Аллоҳ Раззоқ, албатта ризқимизни беради деб юпатдим. Аммо ўзим ҳам биров келишига ишонмасдим...
Шомга яқин бир машина дўкон олдига келиб тўхтади. Кўриб кўзларимга ишонмадим. Бир йил олдин бир киши келиб чопон буюриб кетган эди. Ҳадеганда олиб кетавермади. Ҳеч кутилмаганда келиб чопонни олиб пулини бериб кетди. Аслида бу пайтда чопон кийилмайди. Эр-хотин иккимизнинг кўзларимиздан ёш чиқиб кетган ўшанда. Роббимизнинг меҳрибонлигидан эриб кетганмиз. Бизни ўзгаларга муҳтож қилмади!
/channel/Abdulqodir_Polvonov
"Кишига ўлимидан олдин фойда бермаган дин ўлимидан кейин ҳам фойда бермайди!".
Али Шариатий
/channel/Abdulqodir_Polvonov