8098
Ўзингизга ёққан ҳикматни бошқаларга ҳам улашинг!
Гоҳида овга чиқасиз, аммо қўлингиз бўш қайтасиз. Аммо унутманг, ҳар ким ҳам бўш қайта олмайди. Фақат овга борганлар бўш қўл билан қайтиши мумкин!
Демак, ҳаракат қилинг!
/channel/Abdulqodir_Polvonov
МАЪНО
Ҳаётнинг маъноси йўқ деб ким айтди?!
Бу қандай англамаслик?!
Ҳар вақт ҳаётда маъно бўлган. Ибодатда, бир финжон қаҳвада...
Қайсидир мактубда...
Телефондаги овозда...
Китобларда, мусиқада, саҳарда...
Стол атрофидаги суҳбатларда...
СМСларда, саломларда...
Уйда нимадир керак бўлганида...
Ота-онангизла эрталаб нонушта қилишда...
Фарзанд, набираларни эркалашда...
Турмуш ўртоғингизнинг кўнглини олишда...
Қўшниларла лутф ила муомала қилишда...
Кимнингдир қалбида эканлигингизни ҳис қилишингизда...
Кимгадир саодат улашганингизни ҳис қилганингизда...
Кимнингдир дардига малҳам бўлганингизда...
Яқинларнинг шукрона кунида...
Уларни табассумида...
Уларнинг сўзларида...
Кимдир сиздан нимадир излаганида...
Қўллаб-қувватлашда...
Илиқликда...
Кузда сарғайган баргларда...
Илк қорда, юлдузли тунда...
Баҳорни кутишда...
Ҳаётда аниқ маъно бор...
Буни мен сизга айтаяпман.
Бу маъно суратини аслида биз чизамиз!
ФАЛСАФА
Аёлнинг жамолига ҳукмронлик қилишни истасангиз унга кўзингиз билан қараманг, аксинча ақлингиз билан қаранг. Ана шунда декорация ортидаги нарсаларни кўра оласиз.
Агар унга туйғу ва ғаризангиз ила боқсангиз биринчи қарашдаёқ ақлингизни йўқотасиз. У сизга худди денгиз қаъридан чиқиб келаётган Венера каби кўринади. Туйғулар туманлиги ичидан ҳақиқатни кўриш амри муҳол. Бунда ҳайвонот боғи жаннатга, бадбашара маймун фариштага ўхшаб кўринади.
Аёл бу китобдир. Уни аввало ақлингиз билан ўқишингиз лозим. Унинг ғилофига қарашдан ва мазмуни ҳақида бир қарорга келишдан олдин саҳифаларини варақлаб чиқишингиз керак. Сизга йўл кўрсатадиган нарса ошиқнинг завқи эмас, танқидчининг завқидир.
Шунинг учун аёл аввало сизни ақлингиздан айрилишингиз учун ўз заковати ила ошиққа айлантириб олмоқчи бўлади. Ақлингизни йўқотсангиз ҳақиқатни кўрмайсиз. Кўрсангиз ҳам вақт ўтганидан кейин кўрасиз.
Ҳақиқатни кўрганлар файласуфга айланишади. Оқибатда аёлни унутиб ҳақиқатга ошиқ бўлишади. Гўзаллик ҳақида, гўзаллик фалсафаси ҳақида китоблар ёзадилар. Гўзал аёллар ҳақидаги ёзувларни унутадилар.
Ҳатто мана шу файласуфнинг устидан кулиш учун ҳам аёлда ҳамиша сабаб топилади. Аёл ҳар куни қўлтиғида китоб билан унга рўбарў бўлаверади...!
Мустафо Маҳмуд
"Шайтон ҳукм қилади" китобидан.
/channel/Abdulqodir_Polvonov
ЎЗИ БИЛСА БЎЛДИ
Хотиржам бўлинг. Сизнинг исмингиз ҳеч қаерда таниқли бўлмасада, Аллоҳ сизни танийди...
Одамлар билмасада, У сизнинг қалбингиздаги яхшиликни билади...
Ҳамма билмасада, сиз оладиган кўнгилларни У билади...
Кишиларга кўрсатмасангизда, У сиздаги содиқликни билади...
Ярим кечаси ҳамма ухлаб ётганида қилган ибодатингизни ҳеч ким билмасада, У билади...
Қуръон ёдлаётганингиз одамлардан махфий бўлсада, У билади...
Кишилар сизни намозхон ёки рўзадор деб дафтарларига ёзиб қўйишмасада, У ёзиб қўяди...
Пайғамбарлар сони бир ривоятда бир юз йигирма тўрт мингта, бошқасида икки юз йигирма тўрт мингта дейилган. Қуръонда йигирма бештагина пайғамбар зикр қилинган. Қолганлари қани? Уларни ким танийди бугун?! Танимаслигимиз уларга зарар берадими?!
Шуни биламизки, улар бурчини бажариб, вазифасини ижро қилиб, омонатни адо қилиб вафот қилишган. Аллоҳнинг билиши уларга етади...!
Абу Зуръа роҳимаҳуллоҳ айтади:
"Набий саллоллоҳу алайҳи ва саллам вафот қилганларида саҳобалар сони бир юз ўн тўрт минг эди!".
Шунча саҳобадан нечтасини танийсиз. Танимаганингиз уларга зарар берадими? Яхши таниса энг буюк олимимиз бугун уларнинг ўн мингтасини танир. Қолган бир юз тўрт мингги қани?!
Улар вазифаларини адо қилиб дунёдан ўтишган. Уларни Аллоҳнинг билиши етади!
Аллоҳнинг билиши етади биродарлар!
/channel/Abdulqodir_Polvonov
"Кимнидир қалбдан ўчириш осон. Худди доскадан бўрни артмоқ каби артиб ташлайсан...
Кимнидир эса қалбдан машаққатла зўрға чиқариб ташлайсан...
Кимлардир бўлмаса ҳам бахтли яшашда давом этасан...
Баъзиларсиз эса ҳеч қанақасига яшай олмайсан...
Баъзилар кетса ундан из қолмайди...
Баъзи изларни эса тўлқинлар ювиб кетади...
Кимдир қалбга чандиқ қолдиради...
Кимдир эса қалбни бутунлай ўзи билан олиб кетади...!"
Маргарита Форьте
/channel/Abdulqodir_Polvonov
АРЗИМАС САРМОЯ
Аллоҳ бандаларидаги синиқликни яхши кўради. Аллоҳнинг ҳузурида синиқ бўлинг, ана шунда Унинг ёрдами келади.
Юсуф алайҳис саломнинг акалари унга синиқлик билан гапиргани каби синиқлик билан Унга нидо қилинг:
"Эй Азиз! Бизни ва аҳлимизни зарар тутди. Арзимаган сармоя билан келдик. Бас, бизга ўлчовни тўлиқ қилиб бер ва садақа ҳам бер. Аллоҳ албатта садақа қилувчиларни мукофотлайди!".
Азиз ва қудратли бўлишни истасангиз аввало Аллоҳнинг ҳузурида ўзингизни синиқ ва хор тутишингиз лозим.
Ёдингиздан чиқмасин Унинг амри, буйруғи "бўл" деган учта ҳарфдан иборат. Айтдими тамом, бўлаверди...!
Унинг раҳимли эканлигини эслашингиз яхши, аммо аввало Унинг ҳар нарсага қодирлигини ёдда тутишингиз лозим. Нуҳ алайҳис саломга нусрат бериш учун ерга бор сувини чиқаришини айтиб амр қилганини, ердан жуда катта ва кўп сув чиққанини эсланг.
Мусо алайҳис саломнинг асосига илонга айланишини амр қилганида у илонга айланиб сеҳргарларнинг илонларини ютиб юборганини эсланг.
Тоғни соябондек кўтарилишини амр қилганида тоғ кўтарилиб уларнинг устини соябондек беркитганини эсланг.
Денгизга иккига бўлинишини айтиб амр қилганида иккига бўлиниб Мусо алайҳис салом ва унинг қавми учун йўл бўлганини эсланг.
Оловга куйдирмаслигини айтиб амр қилганида унинг оташи сўниб қолганини эсланг.
Пичоққа Исмоил алайҳис саломни кесма дея амр қилганида унинг ўтмас бўлиб қолганини эсланг.
Китга Юнус алайҳис саломни ҳазм қилмасликни амр қилганида қирқ кундан сўнг унинг ичидан омон чиққанини эсланг.
Ана шунақа Азиз ва Қодир зотга сизни чорламоқдаман.
Юсуф алайҳис саломнинг акалари: "Бизни ва аҳлимизни зарар тутди!", деганларини эсдан чиқарманг.
Инсонларга шикоят қилиб дардингизни айтар экансиз, улардан энг яхши аҳволда меҳр туйғуларини кўрасиз. Энг ёмон аҳволда эса шафқат туйғуларининг гувоҳи бўласиз.
Агар дардингизни Аллоҳга айтсангиз қанотингиз синган бўлса янгидан уча бошлайсиз...
Қалбингиз синган бўлса қалбингизни янгидан топасиз...
Кўнглингиз ранжиган бўлса кўнглингиз хотиржам бўлади...
Болаларнинг услубини қўлланг. Болалар безовта бўлишса дарров йиғлашади. Оналари уларни қўлига олади!
Йиғласангиз Роббимиз эшигида йиғланг. Унинг эшигида худди нон топа олмаётган фақир каби йиғланг...
Бемор бўлсангиз шифохона эшиги олдида юзини ерга қўйган бемор каби Унинг даргоҳида бошингизни ерга қўйинг...
Аллоҳ таоло сўрашни яхши кўради!
Хабарларда келишича, Аллоҳ таоло Мусо алайҳис саломга ваҳий қилиб деди:
"Эй Мусо! Мендан ҳатто хамирингга туз, чорваларингга овқат, оёқ кийимингга ипни бўлса ҳам сўрайвер!".
Ким Аллоҳга эҳтиёжини арз қилса Аллоҳ уни беҳожат қилади.
Ким Аллоҳдан ўзгага дардини айтса Аллоҳ ундан беҳожатроқдир.
Юсуф алайҳис саломнинг акаларини: "Арзимас сармоя билан келдик!", деганини эсдан чиқарманг.
Тоатларингизга ажабланиш кўзи ила боқманг. Доим нуқсонга йўл қўйишингизни ёдда тутинг. Ибодат одобларини фаришталардан ўрганиш лозим. Самодаги ҳар бир қарич ерда қайсидир фаришта саждада ёки рукуъда. Улар қиёмат кунида қайта тирилишганда: "Эй Роббимиз! Сенга ибодатинг ҳаққича ибодат қила олмадик!", дейишади.
Ибодатингизда нуқсонни ҳис қилар экансиз, демак у қабул бўлаяпти.
Ибодатим мукаммал деб хаёл қилар экансиз, демак у рад қилинаяпти.
Аслида ибодатларимиз "арзимас сармоя"дир. Роббимиз Ўзининг фазли ва карами билан қабул қилаяпти холос. Ёдингиздан чиқмасин, банда ўзича истиқоматда бўла олмайди. Бу аслида Аллоҳнинг танлашидир. Бизни Аллоҳ ибодати учун танлади. Ким Унинг эшигидан ўз ихтиёри ила юз ўгирган бўлса Аллоҳ ундан беҳожатдир.
Аллоҳ сизни танлагани учун Унга ҳамд айтинг. Сиз Унга муҳтожсиз, У сизга эмас!
Юсуф алайҳис саламнинг акаларининг: "Бизга тўлиқ қилиб бер!", деганини ёдга олинг.
Аллоҳ таолодан қабул қилишини сўранг. Кечалари қоим бўладиганлар бор. Уларнинг баъзиси бундан фақат машаққатга эга бўлади холос. Кўплаб рўза тутиб юрадиганлар бор. Уларнинг баъзиси фақат очлик ва чанқоқликка эга бўлади холос. Билингки, жаннатга ҳеч ким амали билан кирмайди.
Зулм аслида обод диёрнинг катталарига яқин кунларда бу диёрнинг хароб бўлиши ҳақидаги хабарни етказадиган хабарчидир!
Ибн Холдун роҳимаҳуллоҳ
/channel/Abdulqodir_Polvonov
Тупроқ ҳамма нарсани кўмиши мумкин, аммо рижоллар тарихини эмас!
/channel/Abdulqodir_Polvonov
ХИЖОЛАТДАМИЗ...
Яҳё Синварнинг танаси ёриб кўрилганда шу нарса ойдинлашдики, у шаҳид бўлишидан 72 соат олдингина овқатланган экан. Кейинги уч кунда ҳеч нарса тотимаган экан...!
Бу хабарга нима дейишни ҳам билмай қолдим. Фузайл ибн Иёз роҳимаҳуллоҳ қароқчилигидан, йўлтўсарлигидан тавба қилганидан сўнг Маккага бориб Арофотда туриб, юзларини қўллари ила беркитиб шундай деган экан:
"Эй Роббим! Авф қилсангда нақадар шармандаман! Эй Роббим! Авф қилсангда нақадар хижолатдаман!".
Биз ҳам шундан бошқа гапни гапира олмаймиз....!
Ғазо манзаралари, ундаги хабарлар уйқумизни қочираверади, кўзларни ёшлатаверади, у ердаги биродарларимиздан хижолат бўлиб юраклар эзилиб оқаверади...ҳатто бизни авф қилишса ҳам. Қани энди бизни авф қилишса эди...!
Улар ўз ҳақларини ҳалол қилишсада, диндошларимиз, биродарларимиз борасида ожизлик қилганимиздан Аллоҳдан ҳаё қилаверамиз...!
Бу каби ҳолатлардан фақат қалбида иймон ва ислом бор инсонларнинггина юраги эзилади...!
Кўп гапларни айтмоқчи эдим. Аммо ожизман, шармандаман...!
/channel/Abdulqodir_Polvonov
ДАВОМ ЭТМОҚДА
Уҳудда Талҳа розияллоҳу анҳу иш оғир келганида Набий саллоллоҳу алайҳи ва саллам тош устига чиқиб олишлари учун танасини зинапоя қилди. Набий саллоллоҳу алайҳи ва саллам унинг орқасига оёқларини қўйиб тошнинг юқорисига чиқиб олдилар ва:
"Талҳа вожиб қилди!", дедилар.
Яъни, ўзига жаннатни вожиб қилди, дедилар.
Вожиб қилиш ҳамон давом этмоқда. Ким бутун борлиғини бугун ислом кўтарилиши учун зинапоя қилса демак у жаннатни ўзига вожиб қилди!
/channel/Abdulqodir_Polvonov
ЮПАНИНГ
Аҳнаф ибн Қайс роҳимаҳуллоҳ қартайиб қолгунича нафл рўза тутишни тўхтатмади. Бир куни бир киши унга деди:
- Ёшингиз бир жойга бориб қолди, рўза сизни толиқтирмайдими?!
Аҳнаф ибн Қайс деди:
- Агар билсанг мен катта сафарга ҳозирланаяпман!
Катта сафар...
Тафаккур қилинг. Мен сизни қўрқитмоқчи эмасман. Аслида кимдир бизни охиратдан қўрқитса бизга омонлик истаётган бўлади. Тайёргарлик кўришимиз керак демоқчиман.
Умримиз тугагач, Аллоҳ томон сафар қиламиз. Ана шу сафар учун кўп нарса керак бўлади. Дунё зод-роҳила тайёрлаш учун бизга бир имконият. Иш машаққатли кўринганида жаннат ила юпанинг...!
Набий саллоллоҳу алайҳи ва саллам саҳобаларни жаннат ила юпатиб турар эдилар.
Жаъфар розияллоҳу анҳунинг икки қўли кесилганида саҳобаларни Аллоҳ унинг қўллари эвазига жаннатда икки қанот бергани ила муждалаган эдилар.
Саҳобалар форс подшоҳларининг ҳарир рўмолчасини кўриб ҳавас қилишганда Саъд ибн Муознинг жаннатдаги рўмолчаси ундан яхшироқ эканлигини айтиб юпатган эдилар.
Бирор саҳобийнинг ёш боласи вафот қилиб қолса уларнинг боласини Иброҳим алайҳис салом билан Сора онамиз кафолатга олгани ила муждалар эдилар.
Абдуллоҳ ибн Ҳаром розияллоҳу анҳу вафот қилганида унинг ўғли Жобир йиғлади. Ўшанда Набий саллоллоҳу алайҳи ва саллам унинг отаси Абдуллоҳни Аллоҳ тирилтириб бевосита гаплашганини, унга: "Бандам тила тилагингни!", деганини айтиб юпатган эдилар.
Ёсирнинг оиласини мушриклар азоблаётганида уларнинг олдидан ўтиб: "Сабр қилинглар эй Ёсирнинг оиласи, учрашув жойимиз жаннат!", дея уларни юпатган эдилар.
Ҳамма машаққатнинг юпанчи жаннатдир.
Бу дунё аччиқми, ширинми бир куни ўтади. Намознинг машаққати, рўзанинг қийинчилиги тугайди. Ажр эса абадий қолади .
Кечаси қоим бўлишнинг машаққати, масжидга боришнинг қийинчилиги куни келиб тугайди. Аммо савоб абадий қолади.
Жаннатга кириш онларини ёдга олинг. Ана шунда бутун машаққатлар енгил бўлади!
Яна бир нарса ёддан чиқмасин. Гуноҳнинг лаззати ҳам ўткинчи. Аммо жазоси сақлаб қўйилади!
Тонгингиз хайрли бўлсин!
/channel/Abdulqodir_Polvonov
Аллоҳим! Мени ўзимдан қутқар!
/channel/Abdulqodir_Polvonov
САМОДА...
Самода таниқли бўлганларнинг ҳаммаси ҳам ерда машҳур эмас экан.
Ерда машҳурларнинг ҳаммасини ҳам самода эътироф қилишмайди....!
Бир куни Набий саллоллоҳу алайҳи ва саллам саҳобаларга дедилар:
- Ҳозир ҳузурингизга бир киши кириб келади, сизлар у туфайли ризқланасизлар, чорваларингиз у туфайли ризқланади, у туфайли ёмғир ёғади, у туфайли сизларга нусрат берилади!
Саҳобалар қараб туришди. Шунда доим масжидни супуриб тозалаб юрадиган қоп-қора, кўриниши хуник бир йигит кириб келди!
Бугун заминда арзимаган, лағв ишлар билан кишилар машҳур бўлиб кетишаяпти. Бировнинг хотини билан қўлга тушган зинокор боланинг подписчиги бугун юзлаб китоблар ёзган олимникидан анча кўп бўлиши ҳам мумкин. Бунақалар ерда балки таниқлидир, аммо самода...!
Самода кимлар таниқли эканини фақат само аҳли билади!
Самода таниқли бўлинг!
/channel/Abdulqodir_Polvonov
ФИКР
"Лайли ва Мажнун" достонининг қаҳрамони аслида муҳаббат эмас, маҳрумликдир.
Севгидан кўра маҳрумликнинг алами оғирроқ бўлар экан-да!
Мажнун агар Лайлога уйланганида кейинроқ бошқа аёлни севиб қолган бўлар эди. Биз эса Мажнундан айрилган бўлар эдик!
/channel/Abdulqodir_Polvonov
Ҳеч ким сизнинг оғриқларингизни, аламларингизни тортиб олишга қодир эмас. Шундай экан, сиздан саодатингизни ҳам тортиб олишларига йўл қўйманг!
Вильям Шекспир
/channel/Abdulqodir_Polvonov
Кимдир кунларимиз жўмрагини ёпиб қўядими йўқми?! Ахир умримиз оқиб кетаяпти-ку!
/channel/Abdulqodir_Polvonov
Қушнинг қанотини юлар экансиз, нафақат уни қанотидан айирасиз, балки осмонидан ҳам жудо қиласиз!
/channel/Abdulqodir_Polvonov
Ўзингиз ҳақингизда кўп гапирманг. Очиқ китоб ўқувчини жалб қила олмайди!
/channel/Abdulqodir_Polvonov
КУЗНИ СЕВАМАН!
- Мени нима қиласиз? - хотиржам сўради Лена. Мен қари бўлсам, унинг устига чиройли ҳам эмасман. Ёш, чиройли аёллар кўп-ку!
- Чиройли бўлмаган аёл йўқ бу дунёда! -эътироз билдирди Елисеев.
- Қарисичи, қариси бўладими?
- Мен учун сарғайган барг зангори баргдан яхшироқдир. Мен кузни яхши кўраман. Кишилардаги кузни ҳам, табиатдагисини ҳам!
Виктория Токарева
/channel/Abdulqodir_Polvonov
Ҳатто Набий саллоллоҳу алайҳи ва саллам ҳам Унинг раҳмати ва фазли билан кирадилар. Қолганларни энди қўяверасиз.
Имом Байҳақий роҳимаҳуллоҳнинг "Шуъабул иймон" китобида, имом Ҳоким роҳимаҳуллоҳнинг "Мустадрак"ида келади:
"Бир киши тоғнинг тепасида Аллоҳга беш юз йил ибодат қилди. Бирорта ҳам гуноҳ қилмади. Қиёмат кунида Аллоҳ таоло фаришталарига: "Бандамни фазлим билан жаннатга киритинглар!", дейди.
Банда айтади: "Эй Роббим! Мен жаннатга амалим билан кираман!", дейди.
Аллоҳ таоло яна: "Бандамни фазлим билан жаннатга киритинглар!", дейди.
Ҳалиги банда яна: "Эй Роббим! Мен жаннатга амалим билан кираман!", дейди.
Шунда Аллоҳ таоло фаришталарга дейди:
- Унинг амалларини неъматларим билан ўлчанглар!
Фаришталар унинг амалларининг муқобилида Аллоҳнинг неъматларини қўйишади. Биргина кўз неъмати унинг барча амалларидан оғир келади.
Шунда Аллоҳ таоло дейди:
- Энди бу бандамни дўзахга киритинглар!
Шунда банда нидо қилади:
-Эй Роббим! Раҳматинг билан...раҳматинг билан!
Аллоҳ таоло фаришталарга уни Ўз раҳмати ила жаннатга киритишларини амр қилади!
Юсуф алайҳис саломнинг акаларининг: " ...ва садақа ҳам бер", деган гапига эътибор беринг.
Бу нарса бой томонидан бериладиган аниқ зарба йўқлигига ишонган фақирнинг сўровидир. Фақир бойдан меҳр сўрамоқда, қалбини эритишга ҳаракат қилмоқда.
Роббингиздан сўровингиз ана шундай бўлсин. Ундан неъмат сўрайсиз, Унинг томонидан сизга зарар етишидан умуман қўрқмайсиз.
Одатда бермаса ҳам зулм қилмайдиган Зотдан сўралади. Агар берса фазлидан, карамидан саховат қилган бўлади!
/channel/Abdulqodir_Polvonov
БАҚИРОҚ
Ҳасан Басрий роҳимаҳуллоҳдан сўрашди:
- Қиёмат кунида ким энг қаттиқ бақиради?
Ҳасан Басрий роҳимаҳуллоҳ деди:
- Аллоҳ мансаб берган ва бу мансабидан кишиларга зулм қилишда фойдаланган киши!
/channel/Abdulqodir_Polvonov
Ҳикмат аҳли айтади:
"Эшаклар билан мусобақа қилма. Чунки улардан ўзиб кетсанг илк келган эшак сен бўласан. Агар улар сендан ўзиб кетсалар мағлубиятга учраган эшак сен бўласан. Буларнинг иккиси ҳам эшак. Нега ўзингни бу аҳволга соласан?!".
Умар Абдулкофий
/channel/Abdulqodir_Polvonov
Гарчи бутун бошли Францияни сиқиб бир шиша идишга солсангизда, севганларимиз ҳидига ҳеч нарса тенг кела олмайди!
Маҳмуд Дарвиш
/channel/Abdulqodir_Polvonov
ҒАРБ МАНТИҒИ
- Наум Аронович ғамгин кўринасиз?
- Ҳа нимасини айтасан, ўғлим уйланаяпти!
- Яхши-ку! Ҳамманинг ҳам ўғли уйланади. Хурсанд бўлишингиз керак. Келиннинг исми нима?
- Степан!
- Аааа...ҳмм исми яҳудийча эмас экан-ку!
/channel/Abdulqodir_Polvonov
Фарзанд тарбиясини муҳим бир лойиҳа деб қарамас эканмиз, бу борада муваффақиятга эриша олмаймиз!
Абдулкарим Баккор
/channel/Abdulqodir_Polvonov
Фиръавнга қарши чиқишнинг ўзи етарли эмас. Мусонинг ёнида бўлиш ҳам шарт!
/channel/Abdulqodir_Polvonov
"Бу диёрда умрингни ярмини билиш учун сарфлайсан. Билганингдан сўнг худди билиминг уятли ишдек қолган ярим умрингни билганингни яширишга сарфлайсан!".
Аҳмад Саъдовий
/channel/Abdulqodir_Polvonov
Европада узун романларни ўқишни қиш фаслига қолдиришар экан. Чунки қор ва совуқ кишиларни ташқарига чиқишдан ман қилар экан. Қишда ўқиладиган романларни "Камин адабиёти" деб номлашган экан. Сабаби, узун романларни тун бўйи камин олдида мазза қилиб ўқишар экан!
/channel/Abdulqodir_Polvonov
Даромадингиз, топган пулингиз ҳақида ҳеч кимга гапирмасдан жимгина сир сақлаб юрибсизми, ишингиз орқага кетиб қийналганингизда ҳам, пулсиз қолганингизда ҳам дардингизни бировга айтмасдан жимгина, сир сақлаб юринг.
Ишингиз яхшилигида инсонларни эсламасдан омадингиз кетганида эсласангиз уят бўлади-я!
/channel/Abdulqodir_Polvonov
Атрофимиздагиларнинг раҳмини келтирмаслик учун гоҳида ўзимизни роҳатда юргандек кўрсатамиз!
Менимча уддалаяпмиз...!
/channel/Abdulqodir_Polvonov