8098
Ўзингизга ёққан ҳикматни бошқаларга ҳам улашинг!
"Эҳтимол яқинда ўларман. Ўшанда мени ҳеч ким эсламайди. Қабрим устида ҳеч ким турмайди. Мени таниган баъзи инсонлар: "Яхши инсон эди!", дейишади. Бошқалар эса: "Паст ва разил одам эди!, дейишади.
Ҳаёт китобидаги саҳифам ёпилади. Менинг келганимга далолат қиладиган ҳеч нарса қолмайди. Ҳаёт олдин қандай бўлса шундай ўз маромида давом этади. Ҳеч нарса ўзгармайди. Қуёш чиқаверади, ботаверади. Ягона ўзгарган нарса менинг йўқлигим бўлади.
Бутун ҳаётимни ташвиш билан гумонда ўтказдим. Бўлган ва бўладиган ишлардан қўрқиб яшадим. Ўзимни, ўзлигимни унутдим. Ўзгаларнинг гапи мен учун муҳим бўлди...!".
Феодор Достоевскийнинг "Бечора одамлар" китобидан.
/channel/Abdulqodir_Polvonov
"Инсон инсон бўлишга қарор қилар экан доим ёлғиз қолади!".
Александр Зиновьев
/channel/Abdulqodir_Polvonov
ЧЎКТИРАЯПСИЗ
Германия иккинчи жаҳон урушида мағлубиятга учраган даврлар эди. Немислар поездга миниш учун саф тортиб навбатни кутишар эди. Шу пайт бир киши келиб сафда турмасдан поезд эшигига яқин турганлар орасига суқулиб кирмоқчи бўлди. Шунда сафда турган бир аёл унга деди:
"Тўғри биз урушда мағлуб бўлдик, аммо ахлоқимизни бой берганимиз йўқ! ".
Исроилнинг собиқ бош вазирларидан бири Моши Даян шундай деган эди:
" Араблар қурол -аслаҳа борасида қанчалик тараққий этишмасин бу мени қўрқитмайди. Аммо уларнинг тартиб билан саф тортиб автобусга минаётганларини кўрсам дағ-дағ титрайман!".
Доимо ўзимиздаги навбатдаги тартибсизликлар, бақир чақирлар, одобсизликларни кўрсам юқоридаги каби воқеалар ёдимга тушаверади.
Ислом фақат намоз ёки рўзада эмас, у бутун бир ҳаёт йўлимизда кўриниши шартдир.
Қаердадир навбатни бузаётганлар билиб қўйинг, мамлакатни мисли кўрилмаган суратда чўкишига сиз сабаб бўлаяпсиз. Ҳатто қиёмат сиз туфайли яқинлашаётган бўлса ҳам ажабланмайман!
/channel/Abdulqodir_Polvonov
Кимдир яхшиликни кўрар экан, кимдир эса уни амалга оширар экан. Бир ишни кўрсангиз-у уни амалга оширишга имконингиз бўлмаса, у ишни кучи ва имкони бўлган бошқа кишиларга айтинг.
Аҳмад ибн Ҳанбал роҳимаҳуллоҳ кўпинча: “Аллоҳим Абул Ҳайсамни мағфират қил!”, деб такрорлаб юрар экан. Буни эшитган ўғли Абдуллоҳ сўрабди:
-Ота, Абул Ҳайсам ким?
-Мен танимайдиган бир киши. Мени дарралаб зиндонга ташлаганларида зиндон жуда қоронғу эди. Мен ҳатто бармоғимни ҳам кўрмас эдим. Шунда бир киши мени оёғи билан туртиб: “Сен Аҳмад ибн Ҳанбалмисан?”, деди. Мен: “Ҳа”, дедим. У: “Мени танийсанми?”, деди. Мен: “Йўқ!”, дедим. У: “Мен Абул Ҳайсамман. Ароқ ичар эдим, қароқчилик қилар эдим. Мўъминлар амирининг девонида мени ўн саккиз минг марта дарраланганим қайд этилган. Мен бу азобларга шайтон учун сабр қилганман. Сен Аллоҳ учун сабр қил эй Аҳмад!”.
Эртаси куни мен дарралашганда унинг сўзларини эслаб сабр қилдим!”.
/channel/Abdulqodir_Polvonov
"Ҳамма ўлади, аммо ҳамма ҳам яшайвермайди!".
Уильям Уоллес
/channel/Abdulqodir_Polvonov
Гўзаллик аслида қаровчининг кўзида бўлади!
Эътибор берганмисиз, сиз учун бетакрор туюлган манзара кимдир учун қизиқ бўлмайди!
/channel/Abdulqodir_Polvonov
АХЛОҚ
Бир куни Набий саллоллоҳу алайҳи ва саллам саҳобаларга дедилар:
"Мен учун энг суюклиларинг, қиёмат кунида менга энг яқин турадиганларинг хулқи гўзалларингдир!".
Эътибор берсангиз Набий саллоллоҳу алайҳи ва саллам "кўп ибодат қиладиганингиз", демадилар. Чунки ҳаёт йўлида таъсири бўлмаган ибодат сўқир ибодатдир. Қолаверса исломдаги энг буюк дарс бу ахлоқдир. Ким ахлоқдан мосуво бўлса у ҳеч нарса топмабди.
Индонезия ва Малайзияни мусулмонлар қилич билан эмас, мусулмон савдогарлар айнан хулқлари билан, гўзал муомалалари билан фатҳ қилишган.
Келинг, уйда хотинимиз, фарзандларимиз билан, кўчада қўшниларимиз ва қариндошларимиз билан, ўқишда дўстларимиз ва тенгдошларимиз билан, идорада ҳамкасбларимиз билан, дўконда мижозларимиз билан, бемор кўргани борганимизда беморлар билан, ширкатдаги ишчиларимиз билан ахлоқла муомала қилайлик.
Жаннат унчалик узоқ эмас. У жуда яқин. Ҳар куни ундан хатлашимиз мумкин... Модомики инсонлар билан ислом ахлоқи ила муомалада бўлсак!
/channel/Abdulqodir_Polvonov
Анави нарироқда турган ҳайвонлар ишга аралашса бўлар эди, аммо "ҳикмат", "ақл" ва "ўзини босиш" ва....ва... ҳам керак-ку!
/channel/Abdulqodir_Polvonov
ҚИЙМАТИНГНИ БИЛ!
Католик черкови роҳибаси Тереза она Ҳиндистонга борганида бир заводга боради. Заводнинг бир бўлимида кўринишидан саодатга тўла, ғайрат ила қувноқ шеър ўқиб ишлаётган бир ишчини кўриб қолади. Ишчи Тереза онанинг диққатини тортади. Унга яқинлашади. Ишчи бошқа ишчилар каби оддий винт ва болтларни жамлаб махсус қутига жойлар эди. Тереза она ундан ажабланиб сўради:
- Нима қиляпсан?
Ишчи жавоб берди:
- Самолёт ясаяпман!
Тереза она ажабланиб деди:
- Самолёт ясаяпсан?!
- Ҳа хоним, бу самолётсозлик ширкатининг буюртмаси. Катта-катта самолётлар мана шу кичкина винт ва болтларсиз уча олмайди!
Ўзимиз ҳақимиздаги қарашларимиз ҳаёт йўлимизни белгилайди. Ўзини оддий винт ва болтларни махсус қутида жамловчи деб биладиган киши билан ўзини самолёт ясаяпман деб биладиган киши ўртасида катта фарқ бор.
Маош учун ишлайдиган киши билан ўзидан маълум бир из қолдиришни мақсад қилган киши ўртасида катта фарқ бор.
Иш қанчалар оддий бўлмасин бу ҳаётда таъсири бўлади.
Сиз оддий фаррош эмас, сиз шаҳарни гўзаллигига ўз ҳиссасини қўшувчи буюк ходимсиз.
Сиз оддий дурадгор эмас, уй ва хонадонларни қуёш ва ёмғирдан ва шамолдан ҳимоя қиладиган инсонсиз.
Сиз оддий тикувчи эмас, балки кишиларга гўзал бир кўринишни ҳадя қиладиган инсонсиз.
Сиз оддий имом-хатиб эмас, балки кишиларга Аллоҳга олиб борадиган йўлни кўрсатадиган йўлбошчисиз.
Сиз оддий ўқитувчи эмас, балки келажак инсонларининг бинокорисиз.
Сиз оддий муҳандис ёки кўприксоз эмассиз, балки кишилар орасини яқинлаштирувчи инсонсиз.
Сиз оддий шифокор эмас, балки дардларни енгиллаштирувчисиз.
Сиз оддий уй бекаси эмас, балки дунёдаги энг муҳим инсонсиз. Сиз она сайёрамизга яшовчи инсон тақдим қиласиз. Сиз илк ва муҳим мураббийсиз. Дунёда инсон биносидан ортиқ иш йўқ.
Фақатгина пул учун ҳаракат қиладиганлар худди кўрмайдиган сўқир кабидир. Бир нарсани унутмаслигимиз лозим. Инсонга ўз қийматини бера оладиганларгина қиладиган ишини рисолатга айлантира оладиган кишилардир. Инсоннинг ҳақиқий қийматини бошқаларнинг у ҳақидаги қарашлари эмас, балки унинг ўзига бўлган назари белгилайди.
Инсон модомики ичидан ўзини хорлигини ҳис қилмас экан, ҳеч ким уни хорлай олмайди.
Модомики ўзингизнинг қийматингизни билмас экансиз ҳеч ким сизни қадрламайди!
/channel/Abdulqodir_Polvonov
ЎЗИНГИЗДАН КЕТМАНГ!
Интернетда бугун бир аёл ҳижобини ечганини кўрдим. Уни олқишлаб зал тўла одам қарсак чалди. Тафсилотини била олмадим. Қайси давлатда бўлди, нима учун бундай бўлди билмадим...
Аммо шуни биламанки, ер юзидаги ҳамма аёллар ҳижобини ечса ҳам Аллоҳга зарра миқдорида зарар етказа олмайди...
Аммо шуни биламанки, ер юзидаги барча аёллар ҳижобга кирса ҳам Аллоҳга зарра миқдорида фойда бера олмайди...
Биз ибодатимиз билан масжидларни тўлдириб ташласак ҳам бундан Аллоҳга фойда йўқ...
Биз гуноҳларимиз билан ер юзини фасодга айлантириб ташласак ҳам бундан Аллоҳга зарар йўқ...
Барчаси ўзимизга. Ўзимизга кўп ҳам катта баҳо бериб юбормайлик. Шунақа инсонларни кўрдим, пулининг ҳидига ухлай олмас эди. Охир чоғида оғзидаги оқаётган сўлагини артишга ўзида куч топа олмади...
Анча илгари, аниқроғи шу йилнинг бошларида Петронелла Уайаат бутун Европани ларзага солган мақоласини эълон қилди. Британиялик бу ёзувчи аёл бутун умр аёллар фикрини заҳарлаб келиш билан шуғулланган. Ҳаётини шунга тиккан эди. Ва нихоят унинг кўзлари очилди...
Олдинги бузилган ҳаётини эҳтимол тиклай олмас, аммо бутун умр ўзи ичиб келган заҳарли қадаҳнинг охирги томчиларини ичишни истамади. Унинг бу иши ҳар қанча эҳтиромга арзийди. Чунки хатони эътироф қилиш ва ундан қайтиш унда бир умр давом этишдан яхшироқдир...
Петронелла Уайаатнинг қуйидаги фикрлари менинг эътиборимни тортди:
1. Мен турмушга чиқмадим. Фарзандларим йўқ, ёлғизман. "Аёллар ҳаракати" мени бахтсиз қилди. Мен фарзандларимни бой бердим...!
2. Дугоналарим билан учрашаман. Ҳаммамиз элликдан ўтдик. Олий маълумотли бўлдик, яхши жойларда ишладик. Аммо ҳаётимизда бўшлиқ бор. Бизнинг фарзандимиз йўқ...!
3. Бугун бошқа дугоналарим каби мен ҳам бизнинг "Аёллар ҳаракати"миз келажак авлодни барбод қилганини кўп эслаяпман. "Аёллар фалсафаси" зарарли бўлиб чиқди...!
4. "Аёллар ҳаракати" бизга анъанавий аёл эркаклар ўзининг манфаати учун ихтиро қилган стандарт аёлдир деб ўргатди. Шу туфайли мен эркаклардан жиркана бошладим. Бугун эса бунинг бадалини тўлаяпман...!
5. Мен ва дугоналаримга нисбатан энди вақт ўтди. Аммо биз "Аёллар ҳаракати"га келажак авлодимизни ҳам барбод қилишига йўл бермаслигимиз керак...!
Азиз сингилларим! Уйларни хароб қилувчи бундай ҳаракатлардан эҳтиёт бўлинг. Улар сизга эркак билан аёл ўртасида фарқ йўқ дейишади. Эркак билан рақобатлашинг, ундан ўзинг дейишади. Биз эркаклар билан тенгмиз, дейишади. Гендер тенглик ҳақида бонг уришади. Улар сизга ҳаётни эркаклар билан жанг деб тушунтиришади. Эркакларни дўст, ҳимоячи эмас, душман қилиб кўрсатишади.
Сиз фитратингиздан биласизки, эркаклар бошқа хилқат, сиз эса бошқа хилқатсиз. Улар сизга ўхшамайди, сиз эса уларга.
Сиз улар билан, улар эса сиз билан бирга бўлиш учун дунёга келгансизлар. Сиз ундаги нуқсонни тўлдирасиз, у эса сиздагини!
Сиз эркаклар билан ёқалашгунча уларнинг қўлидан тутинг. Сиз улардан яралгансиз. Сиз уларнинг бир қисмисиз. Эркаклар эса сизнинг борлиғингиздир!
Аёл кишининг саодати ўзи яхши кўрган ва аёли ҳақида Аллоҳдан қўрқадиган эркакнинг химояси ва ғамхўрлиги остида бўлишидир.
Улар сизга ҳали "қўзғолинг, бу жамият сизга хўжайинлик қилмоқчи", ҳам дейишади. Сиз жангга киришасиз. Бутун умрингизни қонга бўяйсиз. Сўнгра умр ўтгандан сўнг Дон Кихот шамол тегирмони билан жанг қилгани каби улар ихтиро қилган мавҳум душман билан курашганингизни англайсиз.
Ўрнида сарфланмаган куч ва қувватингиз ҳамда ёшлигингиз оила аталмиш буюк неъматни йўқотишингизга, хотиржамликдан айрилишингизга, умрингиз охирида катта хонадонда ўргатилган ит ёки мушук билан яшашга сабаб бўлади.
Улар сиздан муҳаббат, оилага эътибор каби нарсаларни тортиб олиб ўрнига ит билан мушук беришади.
Улар сизга "тананг сенинг мулкинг, уни истаганингга бер, истаганингдан ман қил" дейишади. Умрингиз поёнида эса ўзингизни тўшакда ўйинчоқ бўлганингизни ҳис қиласиз. Инсон ёши ўтгани сари ёлғизликни қанчалар совуқ эканлигини, қанчалар инкор қилмасин бу совуқдан руҳи титраётганини англаб боради. Бошқа аёлларнинг оиласи, фарзанди, набиралари борлигини, уларни яхши кўришини англайсиз.
Ассалому алайкум биродарлар!
Аллоҳ ўғил набира билан сийлади. Исмини Мусо қўймоқчимиз...
Мусомизнинг ҳаққида дуода бўлинглар!
/channel/Abdulqodir_Polvonov
МЎЪМИН МЎЪМИНАНИ ЁМОН КЎРМАЙДИ!
Набий саллоллоҳу алайҳи ва саллам бир куни саҳобаларга дедилар:
“Мўъмин мўъминани ёмон кўрмайди. Агар ундаги бир хулқ унга ёқмаса бошқаси унга ёқади!”.
Сиз ҳам мукаммал эмассиз, мукаммалликни талаб қилаверманг. Сиз маъсум эмассиз, маъсумликни талаб қилаверманг. Ҳар-биримизнинг кимгадир ёқмайдиган томонимиз бор. Келин ва куёвнинг тўйда киядиган кастюм-шими ва оқ куйлаги эшигимиз остонасигача боради. Ундан кейин эса яхшилик билан, сабр билан, чидам ва айблардан кўз юмиш билан ҳаёт давом этади.
Агар аёлингизнинг баланд овози сизга ёқмаса ундаги меҳрни ёдга олинг. Агар ундаги асабийлик сизга ёқмаса сизнинг обрўйингизни омонатдорлик билан сақлаётганини ёдингизга олинг. Агар у фильмлардаги каби романтик бўлмаса унинг ота-онангиз ва ака-укаларингизни эҳтиром қилишини ёдга олинг. Агар у доимий сизга эътибор бера олмаса унинг оналигини ёдга олинг...
Ҳаёт ўзи шу. Унинг сифати нуқсондан иборат. Унинг сифатларидан яна бири ҳеч кимга вафо қилмаслигидир. Агар аёлингизнинг бир айби учун талоқ қилсангиз сизга жаннатдаги айб ва нуқсонсиз ҳур турмушга чиқармиди?!
Бир аёлни қайсидир айби учун тарк қилсангиз бошқа бир айбли ёлга уйланасиз. Ҳеч ким мукаммал эмас дўстим!
/channel/Abdulqodir_Polvonov
Аллоҳнинг дини сизсиз ҳам, бизсиз ҳам ривожланаверади. Аммо унутманг, Аллоҳ Ўз дини ривожи учун сизни танлабдими, бу сиз учун чексиз саодатдир...
Қиёмат куни махсус инсонлар сафида бўлиш, яъни Унинг динига ривож берган буюклар карвонида бўлиш буюк бир бахтдир!
Зарра қадар бўлсада хизматингиз билан бу карвонга қўшилинг!
/channel/Abdulqodir_Polvonov
"Акиллайдиган ит аслида тишламайди!".
Япон мақоли
/channel/Abdulqodir_Polvonov
АЛЛОҲ СЕНГА РАҲМ ҚИЛСИН!
Набий саллоллоҳу алайҳи ва салламнинг ҳузурларига бир катта ёшли аёл келди. У зотнинг олдиларида бир эркак киши ҳам ўтирган эди. Ўша эркак киши дарҳол ўрнидан туриб ҳалиги аёлга жой берди. Шунда Набий саллоллоҳу алайҳи ва саллам ундан сўрадилар:
-Бу аёл сенинг онангми?
-Йўқ!
-Опангми?
-Йўқ!
-Унга раҳм қилганинг учун Аллоҳ ҳам сенга раҳм қилсин!
Мажлисларда ёши улуғ инсонларга туриб жой беришингиз раҳматдир.
Маҳаллада оғир юк кўтариб кетаётган қариянинг юкини кўтаришга ёрдамлашишингиз раҳматдир.
Кишилар ўтиб олиши учун йўлда машинангизни тўхтатиб туришингиз раҳматдир.
Уйингизда ижарага турадиган кишидан байрам кунлари ижара пулини олмаслигингиз раҳматдир.
Бу дин раҳм-шафқат, хулқ, завқ ва гўзал муомала динидир!
Аллоҳ таоло бандасига унинг ўзгаларга нисбатан кўрсатадиган раҳм-шафқати миқдорида раҳм қилади. Жазо ҳам, мукофот ҳам амалнинг жинсидан бўлади. Аллоҳ таолодан кўра вафолироқ ким бор?!
/channel/Abdulqodir_Polvonov
ҚИЙИН БЎЛАДИ
Ҳаром ейдиган, хоинлик кўчасига кирган киши учун ҳақни гапириш қийин бўлади...
Фузайл ибн Иёз роҳимаҳуллоҳ айтади:
"Гуноҳ кўпайгани сари тавфиқ камаяди!".
Яъни, Аллоҳ томонидан тавфиқ ва ҳидоят келиши учун гуноҳни камайтириш, Аллоҳ томон қадам қўйиш керак бўлади. Гуноҳни қилавериш ва: "Бизга ҳам инсоф бериб қолар!", деб қилмишларини хаспўшлаш ҳидоятнинг ҳам, тавфиқнинг ҳам йўлини тўсади!
/channel/Abdulqodir_Polvonov
АХЛОҚ
Араблар кишилар онасининг кўнглини овлаяпти демасликлари учун бегона аёлнинг олдида унинг боласини ҳам эркалатишмас эди!
/channel/Abdulqodir_Polvonov
ШОВВОЗЛАР
Жума куни жума намозидан қайтишда тирбандлик юзага келди. Биз навбатни кутиб секин-секин бораяпмиз. Биздан кейинроқда шоввозлар бор экан. Ўзларича учар ва уддабурон йигитлар. Эээ ўргилдим сандақа йигитдан... Қарама-қарши йўналишдан ҳайдаб шовуллаб ёнимиздан ўтиб кетишди. Рўбарўларидан машина келса яна биз томондагилардан йўл бер деб илтимос қилиб орага кириб олишаяпти. Улар сабаб жимгина навбатини кутиб ўтирганларнинг кутиши узаймоқда...
Бировнинг ҳаққини ейиш фақат мол билан бўлмайди. Вақтини еб ҳам гуноҳкор бўлиш мумкин, ҳой шоввозлар. Аллоҳнинг олдида бунга ҳам жавоб берамиз. Сизнинг вақтингиз вақт-у бошқаларники вақт эмасми?!
Исломга фақат масжидда эмас, ташқарида ҳам амал қилиш лозим. Жума намозини ўқидим, бўлди қутилдим деб ўйлайсизми?!
Ислом сулукимизда кўринмас экан, нажот топишимиз қийин!
/channel/Abdulqodir_Polvonov
СЎЗЛАР
Имом Бухорий роҳимаҳуллоҳ айтади:
“Бир куни Исҳоқ ибн Роҳувайҳнинг ҳузурида ўтирган эдим. Асҳобларимиздан бири : “Қани энди бирортангиз Набий саллоллоҳу алайҳи ва салламнинг суннатларини мухтасар қилиб жамлаганида эди!”, деб қолди. Бу гап менинг ёдимда қолди ва бу китоб(ал-жомиъус саҳиҳ)ни жамлашни бошладим!".
Ўзингиз қилмасангиз ҳам яхшиликка буюраверинг. Бу динда яхшиликка далолат қилувчи худди уни қилгандек бўлади, дейилади. Эҳтимол сизда фикр бўлиб имконият бўлмас. Ана шунда фикрингизни имконияти бор инсонга беринг.
Юқоридаги гап имом Бухорийнинг қалбига таъсир қилиб “Саҳиҳул Бухорий” дунёга келган. Расулуллоҳ саллоллоҳу алайҳи ва салламнинг: “Эй Аллоҳим! Исломни иккита Умарнинг бири билан қувватли қил!”, деган дуолари ҳазрати Умар ибн Хаттоб розияллоҳу анҳунинг қалбини топиб борди. Натижада Умар розиёллоҳу анҳу “Форуқ” бўлди.
“Олдингилар кейингиларга етказсин. Эҳтимол эшитувчидан етказилган киши ўзига сингдирувчироқ бўлар!”.
Юқоридаги жумла кейингиларга олдингиларда бўлмаган куч ва энергияни жалб қилади. Дунёда ҳамма ўз соҳасида, имкони даражасида ҳаракат қилиши учун имкон бор.
Расулуллоҳ саллоллоҳу алайҳи ва саллам Холид ибн Валид розияллоҳу анҳу ҳақида: “Аллоҳга қасамки, уларнинг васвасаларини Холид ибн Валид билан даволайман!”, деганлар. Холид розияллоҳу анҳунинг қўмондонлик даҳосига эҳтиёжи бўлган дин, Ҳассон ибн Собит розияллоҳу анҳунинг шеъридан беҳожат бўлмаган. Расулуллоҳ саллоллоҳу алайҳи ва саллам Ҳассон розияллоҳу анҳуга: “Уларни ҳажв қил, Руҳул қудс сен билан!”, деганлар.
Фикр қиличга юзланади, қилич фикрни ҳимоя қилади, шеър даъватнинг ёнини олади, даъват эса шеърни тартибга солади.
Имом Шофиъий роҳимаҳуллоҳ олдин шеърга ишқибоз бўлган. Бир куни бир байт ҳақида ўйлаб турганида Мусъаб Зубайрий у кишига: “Фиқҳ билан шуғуллансангиз бўлмайдими?!”, дейди. Бу гап имомнинг қалбидан жой олиб биз билган Шофиъийга айланади.
Яхши сўз ҳам садақадир. Инсонлар бир бурда нондан кўра ширин сўзга муҳтожроқдирлар. Чунки нон ошқозонни тўлдиради. Ширин сўз эса ақл ва қалбни тўлдиради.
Ибн Аббос розиёллоҳу анҳу хаворижлар билан мунозара қилганида битта суҳбатда уч мингта хавориж тавба қилган. Сўзларга енгил қараб бўлмайди. Сўзлар қўшиннинг йўналишини ўзгартира олади. Қадамларни тўғри йўлга сола олади.
Расулуллоҳ саллоллоҳу алайҳи ва салламнинг мўъжизалари Мусо алайҳис саломнинг асоси ёки чўнтагига тиққанда оппоқ бўлиб чиққан қўллари мисол эмас эди. Расулуллоҳ саллоллоҳу алайҳи ва салламнинг мўъжизалари сўзлардан иборат эди. Бу сўзлар қалбларни фатҳ қилди. Бу сўзлар қиличларни тартибга солди. Яйлов ва сув учун жанжал қиладиган умматни айнан сўзлар инсониятни етаклайдиган етакчи умматга айлантирди.
“Сенинг ёзувинг муҳаддислар ёзувига ўхшайди!”. Бу гапни имом Барзолий имом Заҳабийга айтган. Имом Заҳабий роҳимаҳуллоҳ айтади: “Бу сўз туфайли Роббим менга ҳадис илмини севдирди!”.
Гоҳида сиз айтган гапингизни унутарсиз, аммо бошқалар уни унутмайди. Яхши сўз сувга ўхшайди. Ерга тушса ўша ерни обод қилади.
“Бу ҳақида ким ёзади?”, деган гап учун кўп китоблар дунёга келган. “Ким бу ерга дарахт экар экан?”, деган сўзлар учун қанча-қанча дарахтлар экилди. “Ким қудуқ ковлаб берар экан?, деган гап учун неча-нечалаб қудуқлар ковланди. Қанча-қанча йўллар биргина сўз билан очилган. Ҳатто Қуръони карим ҳам олдин териларга, тошларга, ҳайвонлар суягига, инсонлар қалбига ва ҳоказоларга ёзилган эди. Умар ибн Хаттоб розияллоҳу анҳунинг ундови билан Абу Бакр розияллоҳу анҳу уни жамлашга рози бўлди.
Ҳузайфа ибн Ямон розияллоҳу анҳу Озарбайжондан қайтиб келиб Усмон розияллоҳу анҳуни инсонлар қуръон ҳақида ҳам худди яҳудийлар ва насронийлар таврот ва инжилда ихтилоф қилганлари каби ихтилоф қилишини айтиб огоҳлантиради. Усмон розияллоҳу анҳу қуръонни жамлайди. Бугун қўлимизда турган мусҳаф айнан Усмон мусҳафи дейилади.
ҚАРҒАМАНГЛАР!
Набий саллоллоҳу алайҳи ва салламнинг ҳузурларига хамр ичган кишини келтирилди. Набий саллоллоҳу алайҳи ва саллам уни дарралашни амр қилдилар. Саҳобалар унга хамр ичганга уриладиган даррани уришди. Ҳалиги киши кетгач, саҳобалардан бири уни сўкиб: “Аллоҳ сени хор қилсин!”, деди. Шунда Набий саллоллоҳу алайҳи ва саллам дедилар:
“Ундай деманглар. Шайтонга ёрдамчи бўлманглар. Аксинча: “Аллоҳим! Уни мағфират қил. Аллоҳим! Унга раҳм қил!, денглар!”.
Бу дин бағрикенглик, юмшоқлик, раҳмат ва шафқат динидир. Дин дегани кишиларнинг қўлидан тутиб Аллоҳ томон бошлашдир, Аллоҳ билан бандалари ўртасида туриб олиш дин эмас!
Аллоҳ таоло Пайғамбарларини гуноҳкор бандаларига юборди. Агар бандалар иймонли ва тақводор бўлишганда Пайғамбарга эҳтиёж бўлмас эди.
Маъсиятлар худди сил ва саратон каби иллатдир. Аммо булар танада эмас, қалбда бўлади. Беморга шафқатли бўлиш, унга раҳм қилиш керак. Уни касаллиги билан айбланмайди. Қолаверса биздан қайси биримиз фариштамиз?!
Ҳаммамизда катта ёки кичик гуноҳ бор. Ҳар биримиз кўринганимиздан ёмонроқмиз. Аммо Роббимиз бизни сатр қилган.
Биз қози эмас, даъватчи бўлишимиз лозим!
/channel/Abdulqodir_Polvonov
ҒАРИБЛАР
Бир куни Набий саллоллоҳу алайҳи ва саллам саҳобаларга дедилар:
" Ислом ғариблик билан бошланди. У яна бошидаги каби ғарибликка қайтади. Ғарибларга жаннат бўлсин!".
Набий саллоллоҳу алайҳи ва саллам назарда тутган ғариблар фасод тарқаганида, гуноҳлар кўпайганида динида собит турадиган кишилардир. Уларнинг ишлари, мансаблари, ўқишлари, тижоратлари, цехлари ва ҳоказолари бўлади. Инсонлар орасида худди чўғни тутгандек динларини қийинчилик билан тутиб яшашади.
Ғариблик деганда ёлғизланиб, жамият ва инсонлардан ажралиб, ҳаётдан бир четда яшашни тушунмаслик керак. Бу ғариблик эмас, мағлуб бўлишдир. Бу салбийлик ва пассивликнинг энг қабиҳ кўринишидир.
Абу Бакр розияллоҳу анҳу Маккада моҳир савдогар эди. Олиб-сотар, қуллар озод қилар эди. Усмон розияллоҳу анҳу ҳам Маккада бой инсон бўлиб, катта савдоси айланар эди. Миқдод ибн Асвад розияллоҳу анҳу жоҳилият даврида ҳам моҳир чавандоз ва моҳир жангчи эди. Умар розияллоҳу анҳу ҳам қавмининг саййидларидан эди. Дорун Надвада қавми номидан иштирок қилар, бунинг устига Қурайшнинг элчиси ҳам эди.
Буларнинг ғариблиги қалбида эди. Бузуқ жамиятда булар динларида собит туришди, ҳаётдан ажралишмади, заифлашиб, мағлуб бўлиб тоққа чиқиб кетишмади!
/channel/Abdulqodir_Polvonov
Ўртоқлар! Ғазо воқелари фонида Ал-қоида, Доъиш, Жабҳатун нусра, Жундул ислом каби қуролли-такфирчи гуруҳлар кўринмай қолдими?!
Улар қаерда?!
Ёки улар фақат мусулмонларни ўлдирадими?!
Хайрли оқшом!
/channel/Abdulqodir_Polvonov
ТАСАВВУР ҚИЛИНГ!
Бир неча кун олдин босқинчи яҳудийлар қизил хоч жамиятига Ғазо аҳлига мансуб саксон саккизта шахси номаълум маййитни топширди.
Бу хабар сайёрамиз аҳолиси қулоғи олдига бирровга келиб тез ўтиб кетди. Сўнгра саксон саккиз инсон қуруқ рақамга айланди...
Бир неча кундан бери бу воқеа хаёлимдан кетмасдан ўзимга-ўзим савол бераман: "Куни келиб мен ҳам рақамга айлансам-а!".
Тасаввур қилинг, сиз ҳам куни келиб улар каби рақамга айландингиз. Номаълум ҳолатда сизни охирги марта қучишни истаган онангиз қалбини ғуссага тўлдириб кетдингиз.
Тасаввур қилинг, отангиз ерда сочилиб ётган гўшт бўлакларининг қайси бири сизники эканлигини билмаяпти.
Тасаввур қилинг, ҳатто хотинингиз ҳам сизнинг кафанга ўралган танангизни қучиб "сизни севаман" дея йиғлай олмаяпти.
Тасаввур қилинг, изсиз ғоиб бўлганингизда ўғлингиз суратингизни олиб қўймагани учун афсусланаяпди.
Тасаввур қилинг, қизингиз ҳаётидаги илк қаҳрамонни охирги марта ўпа олмаганидан афсусланаяпти.
Тасаввур қилинг, энг яқин дўстингиз сиз билан қабргача бора олмаганидан афсусланаяпти.
Энди сиз яхши кўрадиган барча инсонлар рақамларга айланганини тасаввур қилинг.
Тасаввур қилинг, кўчаларда сочилиб ётган гўшт парчалари орасидан қайси бири онангизнинг гўшти эканлигини билмаяпсиз.
Тасаввур қилинг, сизни елкасида кўтариб катта қилган отангизнинг тобутини бир марта бўлсада елкангизда кўтармадингиз.
Тасаввур қилинг, бир умр сизнинг жароҳатингизни боғлаган хотинингизнинг бутун танаси жароҳатга айланган. Уни охирги марта қучоқлай олмадингиз. Ҳаёт захматлари ичида унга яхши кўришингизни айта олмаганингиздан афсусда эканлигингизни билдира олмадингиз.
Тасаввур қилинг, ўғлингиз оддий рақамга айланди. Унинг ҳар-бир ҳужайрасини асраб авайлар эдингиз. Охирги марта юзларини силай олмадингиз.
Тасаввур қилинг, никоҳ либосида кўришни истаганингиз қизингизни ҳатто кафан ичида ҳам кўра олмадингиз. Улар сизнинг қўлингизга бир халтада парчаланган гўшт беришди. Ўзлари у гўшт парчаларини сизнинг қизингиз эканлигига ишонишмасада, сизни юпатиш учун "бу сенинг қизинг" дейишди.
Тасаввур қилинг, уларни соғиндингиз. Қабрини зиёрат қилай десангиз қабри йўқ...
Мана шу рақамга айланганларнинг бари сиз ва мендек инсонлар эди. Уларни севадиган оиласи бор эди. Уларнинг отаси, онаси ва дўстлари бор эди. Уларнинг орзу-умидлари, яхши ниятлари бор эди. Уларнинг айтмоқчи бўлган гаплари бор эди. Аммо умр вафо қилмади. Уларнинг қучоқламоқчи бўлган аҳбоблари бор эди. Аммо ўлимнинг қўли узунроқ чиқди.
Тасаввур қилинг, инсоннинг оддий рақамга айланиши қанчалар даҳшат!
Бу Ғазода содир бўлмоқда...!
/channel/Abdulqodir_Polvonov
Сизда эса яхши кўриш ва яхши кўрилиш учун ҳеч кимса йўқлигини ўшанда биласиз.
Ана ўшанда турмуш ўртоғингизнинг иссиқ қучоғи ва оиладаги омонлик энг катта неъмат эканлигини англайсиз.
Улар сизга "аёлларни хорлашди, уларга зулм қилишди", дейишади. Ҳа тўғри, ғарб аёлларни хорлади, уларга зулм қилди. Унинг танасини хорлади. Уни бир матога айлантирди. Ҳатто машина мойининг рекламасида ҳам ярим яланғоч аёлнинг суратини жойлайдиган бўлишди.
Ғарб аёлларга зулм қилди. Уни иш бозорига улоқтирди. Бутун ҳаёти мусобақага айланди. Авлод бинокоридан ишлаб чиқарувчига айлантирди.
Аммо сизга ким зулм қилди?!
Агар бизда ҳали ҳам аёлларга зулм қиладиган эрлар бор экан, демак сизлар хотинликни тушунмаганингиз каби улар ҳали эрликни яхши тушунишмабди. Сиз турмуш қуришингиз, фарзанд кўришингиз, тушунчаларни тузатишингиз лозим эди.
Жамиятимиздаги оилаларга боқинг. Бугун ибратли оилалар жуда кўп. Унда оналар дунё маликаси каби бошларга кўтарилади. Чунки уларнинг оёғи остидадир жаннат.
Хотин эъзозланади, ҳурмат қилинади, эркаланади. Чунки эрларнинг яхшиси хотинларига яхши муносабатда бўлганидир.
Қизларга шабадани теккани қўйишмайди. Улар гўё уйларимиз маликаси.
Амма, хола ва яқинларимиз эса бир учи Аршга боғланган арқондирлар.
Бу дин биргина муслима аёлнинг фарёди сабаб Бағдоддан қўшин тортиб Европагача келган ва уни озод қилган. Сиз ана шундай буюк динга мансубсиз.
Ғанимлар сизни қандай қилиб арзимас эканлигингизга ишонтиришди?!
/channel/Abdulqodir_Polvonov
ҲЎЛ ЖИГАРДА АЖР БОР!
Бир куни Набий саллоллоҳу алайҳи ва саллам саҳобаларга ўтган қавмлар ҳақидаги хабарларни айтиб туриб шундай дедилар:
"Бир киши йўлда кетаётиб қаттиқ чанқади. Қудуқни кўриб қолиб унга тушди. Сув ичиб ташқарига чиқди. Ташқарида бир ит чанқоқликдан нам тупроқни ялаётган эди. Ҳалиги киши: "Бу ит ҳам мен каби чанқабди", деб яна қудуққа тушди. Ковушига сув тўлдириб оғзида тишлаб ташқарига олиб чиқиб итга тутди. Унинг бу иши Аллоҳга мақбул келиб уни мағфират қилди.
Саҳобалар сўрашди:
-Эй Аллоҳнинг Расули! Ҳайвонлар учун ҳам ажр оламизми?!
Набий саллоллоҳу алайҳи ва саллам дедилар:
-Албатта. Ҳар-бир ҳўл жигарда ажр бордир!”.
Хотинингиз ва фарзандларингизга берадиган таомингизда ҳам ажр бор. Йўл очсангиз-у ундан кўпчилик ўтса бунда ҳам ажр бор. Кишилар йўлни кўриши учун кечаси дарвозангиз чироғини ёқиб қўйсангиз бунда ҳам ажр бор. Сув чиқарсангиз, дарахт эксангиз, улардан инсонлар ва ҳайвонлар манфаат олса бунда ҳам ажр бор. Агар чиқарган сувингиз, эккан дарахтларингиз, ёққан чироғингиз вафот этганингиздан кейин ҳам инсонлар ва ҳайвонларга фойда бериб турса сизга садақаи жориянинг савоби бориб туради. Бу ишларнинг манфаати модомики инсонларга етиб турар экан буларнинг савобини қабрингизда ҳам топасиз!
/channel/Abdulqodir_Polvonov
УНИ АЛЛОҲ УЧУН ЯХШИ КЎРАМАН!
Набий саллоллоҳу алайҳи ва саллам саҳобаларга ўтган қавмларнинг хабарларидан гапириб туриб дедилар:
“Бир киши Аллоҳ йўлидаги бир биродарини кўргани бошқа қишлоққа қараб йўл олди. Аллоҳ бир фариштага уни кузатишни амр қилди. Йўлда унга фаришта инсон кўринишида учраб сўради:
-Қаерга кетаяпсан?
-Фалончиникига!
-У қариндошингми?
-Йўқ!
-Унинг олдида оладиган бирор нарсанг борми?
-Йўқ!
-Унда нега бораяпсан?
-Мен уни Аллоҳ учун яхши кўраман!
Шунда фаришта ўзини танитиб деди:
-Мен Аллоҳнинг элчисиман. Сен дўстингни яхши кўрганинг учун Аллоҳ ҳам сени яхши кўради!”.
Муҳаббатнинг энг гўзали ортида ҳеч қандай манфаат бўлмагани, фақатгина Аллоҳ учун холис бўлганидир. Бунда сиз бир кишини сизга Аллоҳни эслатгани учун яхши кўрасиз. Унинг мажлисида Аллоҳ кўп эслангани учун уни суясиз. Унинг қалбида Аллоҳнинг ўрни беқиёс бўлганлиги учун ҳам сиз унга қалбингиздан жой бергансиз.
Инсонлардаги энг гўзал туйғу бу муҳаббатдир. Энди бу муҳаббат Аллоҳ учун бўлсачи?!
/channel/Abdulqodir_Polvonov
АЛЛОҲ АДО ҚИЛАДИ!
Бир куни Набий саллоллоҳу алайҳи ва саллам саҳобаларга дедилар:
“Ким кишилардан мол (қарз) олганида қайтаришни ният қилиб олса Аллоҳ унга ёрдам беради. Ким йўқ қилиш мақсадида олса Аллоҳ унинг молини йўқ қилади!”.
Дунё келиб кетадиган нарса. Бир куни сизники, бир кун эса бошқаники. Дунёнинг исми аслида сифатидан олиб номланган. “Дунё”нинг маъноси “паст” деганидир. Унинг пастлигини шундан ҳам билсангиз бўладики, Набий саллоллоҳу алайҳи ва саллам вафот қилганларида совутлари бир яҳудийникида олган қарзлари эвазига гаровда эди...
Аммо бизнинг бошимиздан қийин кунлар ҳам ўтиб туради. Инсон инсон билан тирик. Кишиларнинг қайғусини кеткариш Аллоҳ суйган амаллардандир. Ким бировдан қарз олса-ю, уни бермасликни ният қилса Аллоҳ унинг хусуматчиси бўлади. Бу қарзни бевосита оладими ёки ҳийла-найранг билан оладими фарқи йўқ.
Бир киши қандайдир бир жамиятга ёки хайрия уюшмасига қўшилди. Пулни олганидан сўнг ўзлаштириб жуфтакни ростлади. Бу энг қабиҳ ўғирликдир. Чунки бунда бир кишининг эмас, бир қанча кишининг молини ўғирлади!
/channel/Abdulqodir_Polvonov
Кимгадир табассум қилсангиз билингки, унинг қалб эшигини тақиллатдингиз. Агар у ҳам сизга табассум қилса демак қалбига киришга муваффақ бўлдингиз!
Хайрли тонг!
/channel/Abdulqodir_Polvonov
МУСТАҲКАМ ДЕВОР БИЛАН ҲИМОЯЛАНИБСАН!
Набий саллоллоҳу алайҳи ва салламнинг ҳузурларига бир аёл боласини кўтариб келиб деди:
-Эй Аллоҳнинг Расули! Боламдан хавотирга тушиб қолдим. Бундан олдин учта боламни тупроққа топширдим!
Унга Набий саллоллоҳу алайҳи ва саллам дедилар:
-Дўзахдан жуда ҳам мустаҳкам девор билан ҳимояланибсан!
Арабларда бир мақол бор: “Яқинларни йўқотиш ғурбатдир!”.
Болаларидан бирини йўқотиш ота-она учун осон эмас. Бу жуда ҳам қийин ҳолат. Бундан гўё қалб ўрнидан суғурилганга ўхшайди. Набий саллоллоҳу алайҳи ва саллам ҳам ўғиллари Иброҳим вафот этганида йиғлаганлар.
Аммо маҳзунлик бошқа, Аллоҳнинг қадарига эътироз қилиш, қарши чиқиш бошқа. Биз ҳар қандай йўқотишга дуч келганимизда Аллоҳнинг қазои-қадари олдида турганимизни ҳис қилишимиз керак. Дунё бизнинг мақсадимиз эмас. Куни келиб барчамиз дунёдан ўтамиз. Бу дунё бизга Аллоҳ томонидан белгилаб, ўлчаб берилган вақтдир. Ҳаммамиз вақти келиб ўламиз. Бугун кимнидир елкамизда кўтарсак, эртага бизни кўтаришади...
Демак, Набий саллоллоҳу алайҳи ва салламнинг хушхабарларини маҳкам тутишимиз лозим. Инсон розилик билан қабул қиладиган ҳар қандай йўқотиш унинг учун дўзахдан пардадир!
/channel/Abdulqodir_Polvonov
ХОТИН БИЛАН ТОРТИШМАНГ!
Айтилишича, Иброҳим ал-Айёший роҳимаҳуллоҳ йигирма йил бир китоб устида ишлади. Уни нашр қиламан деб турганида хотини билан жанжаллашиб қолди. Хотини унинг йигирма йил меҳнат қилиб нашр қилмоқчи бўлиб турган китобини ёқиб юборди. Иброҳим ал-Айёшийнинг миясига қон қуйилиб оёқ-қўллари ишламай қолди!
"Мултақатотул ъавид" китобидан.
/channel/Abdulqodir_Polvonov