8098
Ўзингизга ёққан ҳикматни бошқаларга ҳам улашинг!
ЙИҒИНИНГ САБАБИ!
Бир куни Умар ибн Хаттоб розияллоҳу анҳу халифалиги даврида Масжидун Набавийга чиқди. У ерда Муоз ибн Жабал розияллоҳу анҳунинг йиғлаб ўтирганини кўрди. У жуда ҳам ўксиниб йиғлар эди. Умар розияллоҳу анҳу ундан сўради:
-Нега йиғлаяпсан эй Муоз?
Муоз розияллоҳу анҳу деди:
-Расулуллоҳ саллоллоҳу алайҳи ва салламдан эшитган бир ҳадисим сабабли йиғлаяпман. Набий саллоллоҳу алайҳи ва саллам шундай деган эдилар: “Риёнинг озгинаси ҳам ширкдир. Ким Аллоҳнинг дўстларини душман тутса Аллоҳга қарши уруш очибди. Аллоҳ таоло тақводор, махфий, йўқолганида биров сўрамайдиган, келганида биров танимайдиган, қалблари худди ҳидоят чироғи каби бўлган аброрларни севади...!”.
Набий саллоллоҳу алайҳи ва саллам бизни риёдан огоҳлантираяптилар. Риё бу инсонларга амалини кўрсатиб мазза қилиш. Бундан мақсад Аллоҳнинг розилиги бўлмайди, балки фақат инсонларни хурсанд қилиш, уларга мақтаниш ва уларнинг розилигини олиш бўлади. Бу ҳадисда Набий саллоллоҳу алайҳи ва саллам бизга Аллоҳга энг суюкли банда ихлосли банда эканлигини айтмоқдалар!
/channel/Abdulqodir_Polvonov
"Мақтовлар мени алдай олмайди. Танқидлар мени йиқита олмайди. Булар ҳаммаси фикрлардир. Мен эса қарорман!".
Жуброн Халил Жуброн
/channel/Abdulqodir_Polvonov
АБУ БАКР ЎЗИБ КЕТДИ!
Бир куни Набий саллоллоҳу алайҳи ва саллам кечаси Абу Бакр ва Умар розияллоҳу анҳумо билан масжидга кирдилар. Масжидда бир киши қуръон ўқиётган эди. Набий саллоллоҳу алаҳи ва саллам уни тинглаб тўхтаб қолдилар ва кейин дедилар:
“Ким қуръонни янги нозил бўлгандек ўқишни истаса Умму Абднинг ўғли каби ўқисин!”.
Абу Бакр ва Умар розияллоҳу анҳумо билдиларки, қуръон ўқиган киши ибн Масъуд розияллоҳу анҳу экан!
Тонг отгач, Умар розияллоҳу анҳу бу хушхабарни айтиш учун ибн Масъуд розияллоҳу анҳунинг уйига борди. Ибн Масъуд розияллоҳу анҳу унга деди:
-Сендан олдин Абу Бакр келиб айтган эди!
Инсонларнинг муваффақият қозониши сизнинг мағлубиятингиз эмас. Уларнинг бой бўлиб кетиши сизнинг фақир бўлишингиз эвазига бўлмайди. Қалбингизни тозаланг. Қалбингизни кишиларга муҳаббат қилишга одатлантиринг. Уларга яхшиликни истанг. Ёдингиздан чиқмасин, жаннатга олиб борадиган энг қисқа йўл қалб саломатлигидир!
Сулаймон алайҳис саломнинг ҳидоят ташиган Ҳудҳуди каби яхшилик элчиси бўлинг.
Тўфоннинг тугаши ҳақида хушхабар берган Нуҳ алайҳис саломнинг кабутари каби бўлинг.
Кишилар орасида яхшилик билан юринг. Кишиларнинг ортидан айтилган яхши хабарларни уларга етказинг. Улар ҳақида эшитган ёмон гапларни ташиманг, уларни яширинг. Чақимчилик қилиб Иблисга элчи бўлманг!
/channel/Abdulqodir_Polvonov
ИНСОН ШАРАФСИЗ ҲЕЧ КИМДИР!
Британия Ҳиндистонни мустамлака қилган даврларда Британиялик бир зобит Ҳиндистонлик бир кишининг юзига тарсаки тортиб юборди. Ҳиндистонлик киши уни тепиб ерга йиқитди.
Зобит генералнинг олдига бориб бўлган воқеани гапириб берди. Генералдан уни ўлдиришини талаб қилди. Ҳиндистонлик киши Ҳазрати олийларининг қўшинига беадаблик қилганини айтди.
Аммо генерал бошқача йўл тутди. Унга Ҳиндистонлик кишининг қўлига эллик минг рупия беришини ва кечаги қилмиши учун узр сўраши кераклигини айтди.
Табиийки, Ҳиндистонлик киши унинг пулини олиб уни кечирди ва кўпдан бери орзуси бўлган тижоратни бошлади. Моли кўпайиб кишиларнинг назарига тушди. Шунда генерал ҳалиги зобитга деди:
-Энди бориб унинг қўриқчилари ва ходимлари олдида унга тарсаки тушир!
Зобит генерал айтганидек қилди. Ҳиндистонликнинг уйига бориб ходимлари ва қўриқчилари олдида унга тарсаки туширди. Бу сафар Ҳиндистонлик киши табассум қилиб унга ҳеч нарса демади!
Зобит қайтиб генералга бўлган воқеани айтиб берди. Шунда генерал деди:
-Олдинги сафар урганингда Ҳиндистонликнинг шарафидан ўзга нарсаси йўқ эди. ўшанда у шарафини ҳимоя қилган эди. Кейинги сафарда эса биз унинг шарафини сотиб олдик. Унинг тижорати ривожланди. Энди у шараф ҳақидаги гапларни унутиб пулини, тижоратини ҳимоя қилди!
Инсон ҳаётда доимо шарафини эҳтиёт қилиши лозим. Уни сотувчилар бугун ниҳоятда кўп. Уни ушлаб қолганлар эса ниҳоятда оз.
Кўп ҳолатларда бизнинг шарафимиз кундалик тасарруфларимиз, ҳаётимизнинг дақиқ тафсилотлари орқали синовда бўлади...
Муҳаббат исми билан кимдир пол латта бўлишга ҳам рози бўлади. Ўзига-ўзи “севишганлар ўртасида шарафга ўрин йўқ”, деб тасалли ҳам беради. Бу севгининг даъвогари қалблари ва шарафлари ўртасидаги танловда қалбларни танлаганлар аслида ошиқ бўлишга ҳам номуносиб эканлигини унутгандир. Ҳатто у бундан муҳимроқ нарсани ҳам унутган. Аслида бизни яхши кўрганлар бизни ҳеч қачон танлов олдида қолдиришмайди. Чунки бизнинг шарафимиз уларнинг шарафидир!
Кимдир ризқ номи билан юзининг сувини тўкиб юради. Сўнгра ўзини-ўзи “ҳаётда бир бурда нон топиш жуда ҳам машаққат”, деб алдаб ҳам қўяди.
Хамири хорликка аралаштирилиб қорилган ва бизни қулга айлантирадиган нон ўлиб кетсин. Бунақалар наздида ризқ Аллоҳнинг эмас, гўё инсонларнинг қўлидадир!
Мансабга кўтарилиш номи билан кимдир ишхонадаги ҳамкасблари билан хўжайини ўртасида жосуслик қилади!
Бир халқнинг катталарини таниш исми билан кимдир лаганбардорлик ва хушомадни жойига қўяди!
Манфаат фиқҳи баҳонасида кимдир салла ва соқолини арзимаган қора чақага сотиб юборади. Бунақалар Аллоҳнинг каломини таълим олиб Иблиснинг йўлидан юришади!
Баъзан ўзни билмасликка солиш ҳам фазилат ҳисобланади. Бу олий ахлоқий қадриятдир. Баъзан кўз юмиш олий хулқдир. Аммо шарти бор. Жонинг борича бошқаларни муҳофаза қилишга уринишинг, ажрини Аллоҳдан кутишинг лозим. Аммо ажрни одамлардан кутсанг билгинки, шарафингни уларнинг оёқлари остига ташлабсан!
Шарафингиз севгилингиздан ҳам, нонингиздан ҳам, ҳатто ўзингиздан ҳам муҳим бўшлиши лозим. Ёдингиздан чиқмасин инсон шарафсиз ҳеч кимдир!
/channel/Abdulqodir_Polvonov
РАҲМАТИ ЧЕКСИЗ...
Набий саллоллоҳу алайҳи ва саллам айтадилар:
"Нафсим қўлида бўлган Зот билан қасам ичаманки, қиёмат куни Аллоҳ таоло шунчалар кўп инсонни мағфират қилади, ҳатто Иблис ҳам: "Мени ҳам кечирса керак!", деб ўйлаб қолади!".
Аллоҳ таоло чексиз раҳмати ила гуноҳларимизни мағфират қилишини ўтиниб сўраб қоламан!
Ҳадисни Имом Табароний "Муъжамул авсат"да келтирган.
/channel/Abdulqodir_Polvonov
ХУЛҚЛАР САЙЙИДИ!
Набий саллоллоҳу алайҳи ва саллам Абу Бакр розияллоҳу анҳунинг уйига келдилар ва дедилар:
- Эй Абу Бакр! Менга ҳижрат қилишга рухсат берилди!
Абу Бакр розияллоҳу анҳу сўради:
- Ҳамроҳликми, эй Аллоҳнинг Расули?
Набий саллоллоҳу алайҳи ва саллам дедилар:
- Ҳамроҳлик, эй Абу Бакр!
Абу Бакр розияллоҳу анҳу деди:
- Эй Аллоҳнинг Расули! Менда иккита туя бор. Уларни ҳижрат учун тайёрлаб қўйган эдим. Биттасини олинг!
Набий саллоллоҳу алайҳи ва саллам дедилар:
- Пулга оламан, эй Абу Бакр! Ўзимники бўлмаган туяга минмайман!
Набий саллоллоҳу алайҳи ва саллам ҳижратлари ўз моллари ҳисобидан бўлишини истадилар. Холбуки, Абу Бакр розияллоҳу анҳу доим молини Набий саллоллоҳу алайҳи ва салламга берар, Набий саллоллоҳу алайҳи ва саллам индамасдан қабул қилар эдилар!
Дўстингиз билан варақ ва қалам билан эмас, эзгулик асосида муомала қилинг. Уларнинг эҳтиёжларини ўрганиб, сўрашидан олдин раво қилишга ўрганинг. Дўсти сўраганидан сўнг ёрдам қиладиган дўст нақадар ёмон дўст!
Аммо кимнингдир ҳаққини адо қилиш, қандайдир молнинг пулини тўлаш ахлоққа зид эмас. Ҳамма ҳам бадавлат эмас. Ҳамма ҳам дўстининг юкини кўтара олмайди.
Аммо эҳсон ва яхшилик барибир ахлоқлар саййиди бўлиб қолаверади!
/channel/Abdulqodir_Polvonov
Мустақиллик нелигини уйғурлар билишади...
Мустақиллик нелигини Фаластинлик биродарларимиз билишади...
Истиқлол байрами муборак азизлар!
/channel/Abdulqodir_Polvonov
КИШИ ЯХШИ КЎРГАНЛАРИ БИЛАН БИРГА БЎЛАДИ!
Бир киши Набий саллоллоҳу алайҳи ва салламнинг ҳузурларига келиб сўради:
-Қиёмат қачон бўлади?
Набий саллоллоҳу алайҳи ва саллам сўрадилар:
-Унга бирор нарса тайёрлаганмисан?
Ҳалиги киши деди:
-Мен қиёматга кўп намоз, кўп рўза, кўп садақа ҳозирламадим. Аммо мен Аллоҳ ва Расулини яхши кўраман!
Набий саллоллоҳу алайҳи ва саллам дедилар:
-Сен яхши кўрганларинг билан бирга бўласан!
Насибамизни қаранг! Биз Набий саллоллоҳу алайҳи ва салламни яхши кўрамиз. У зотнинг аҳли байтларини яхши кўрамиз. Абу Бакр розияллоҳу анҳуни, Умар розияллоҳу анҳуни, Усмон розияллоҳу анҳуни, Али розияллоҳу анҳуни, Холид розияллоҳу анҳуни, Оиша розияллоҳу анҳони, барча саҳобаларни яхши кўрамиз. Ким Набиййимизни яхши кўрса, ёрдам берса, суяса уни ҳам яхши кўрамиз!
Қиёматда ёнида бўлишни истмаганингиз ҳар қандай кишининг муҳаббатини қалбингиздан чиқаринг. Муҳаббат ҳам зеро ибодатдир!
/channel/Abdulqodir_Polvonov
НЕГА?
Ҳеч кимни сўкмоқчи эмасман. Ҳеч кимни хиёнатда айбламоқчи ҳам эмасман. Фаластин фуқароси ўлароқ сўрашга ҳаққим бор бўлган саволни бермоқчиман:
1. Нега адади етмиш минг бўлган Фаластин хавфсизлик хизмати жим? Нега ғарбий соҳилдаги ишларга аралашмаяпти?
2. Дунёнинг барча давлатида хавфсизлик хизматлари бор. Улар фуқаролар тинчлигига, хавфсизлигига жавоб беришади. Босқинчилар Фаластин фуқароларини қириб битираётган бир пайтда нега Фаластин хавфсизлик хизмати душманга қарши бир дона ҳам ўқ отмади?
3. Агар Фаластин хавфсизлик хизматининг фуқаролар тинчлиги ва хавфсизлигидан бошқа қанақадир вазифаси бўлса у нима? Бизга уни билдирингки, савол бермайлик! Ўзимизни ҳам, бошқаларни ҳам савол билан қийнамайлик! Агар унинг бошқа вазифаси бўлмаса нега бу вазифасини бажармаяпти?!
Адҳам Шарқовий
/channel/Abdulqodir_Polvonov
ЖАННАТ АҲЛИДАН...
Бир куни Набий саллоллоҳу алайҳи ва саллам саҳобаларга дедилар:
-Ҳозир сизнинг олдингизга жаннат аҳлидан бўлган бир киши келади!
Бироздан сўнг ансорлардан бўлган бир киши таҳорат қилгани сабабли соқолларидан сув томиб турган ҳолатда кириб келди.
Иккинчи куни ҳам Набий саллоллоҳу алайҳи ва саллам ўша сўзларини такрорладилар. Яна ўша киши кириб келди.
Учинчи куни ҳам Набий саллоллоҳу алайҳи ва саллам ўша сўзларини такрорладилар яна ўша киши кириб келди. Саҳобалардан Абдуллоҳ ибн Амр розияллоҳу анҳумо ўша ансорийнинг қанақа амали борлигига қизиқиб ортидан унинг уйигача борди ва деди:
-Отам билан бир масалада келиша олмай қолдим. Уч кун уйингда яшашимга рухсат берасанми?
Абдуллоҳ ибн Амр розияллоҳу анҳу унинг уйида уч кун меҳмон бўлди. Мақсади уни кузатиш эди. Ансорий бошқа саҳобалардан ортиқча ҳеч қанақа амал қилмади. Абдуллоҳ ибн Амр розияллоҳу анҳу унга ростини айтди. Набий саллоллоҳу алайҳи ва саллам уни жаннат аҳлидан деганларини хабар берди ва нима амал қилишини сўради. Ансорий деди:
-Менинг ортиқча ҳеч қандай амалим йўқ. Аммо мен бирор кишига нисбатан қалбимда адоват сақламайман, ҳеч кимга ҳасад қилмайман!
Абдуллоҳ деди:
-Сени бу мартабага мана шу амалларинг олиб чиққан. Биз бунга тоқат қила олмаймиз!
Қалбингизни ислоҳ қилинг. Ортиқча нафлларингиз бўлмаса ҳам майли. Инсонлар қалбларининг хароблигидан тутиладилар!
Биродарларимизнинг тойилишини ўзимизнинг тойилишимиз деб билмоғимиз лозим. Биродарларимиз гуноҳ қилишса худди ўзимиз гуноҳ қилгандек ачинишимиз, пушаймон бўлишимиз керак. Кишиларга берилган нарсаларда ҳасад қилавермасдан уларга барака тилашимиз лозим. Ахир улар биздан олишмадику, Аллоҳ берди-ку уларга!
Кишилардаги неъматларининг кетишини истайдиганлар фақатгина касаллардир!
/channel/Abdulqodir_Polvonov
АЛЛОҲ ТАОЛО МЕНИ СЕНГА ЎҚИБ БЕРИШГА АМР ҚИЛДИ!
Набий саллоллоҳу алайҳи ва саллам Убай ибн Каъб розияллоҳу анҳуни чақиртириб одам юбордилар. У келгач дедилар:
-Аллоҳ таоло мени сенга “Лам якуниллазина кафаруу...” сурасини ўқиб беришимни амр қилди!
Убай деди:
-Аллоҳ сизга менинг исмимни айтдими?
Набий саллоллоҳу алайҳи ва саллам дедилар:
-Ҳа! Менга исмингни айтди!
Убай ибн Каъб розияллоҳу анҳу ҳолатнинг даҳшати ва ҳайбатидан йиғлади. Умрининг охиригача “Роббим менинг исмимни айтди!”, деб юрди!
Бу бахтнинг Убай ибн Каъб розияллоҳу анҳуга насиб қилганининг сабаби шу эдики, у саҳобалар ичида энг буюк ҳофизи қуръон эди!
Буюк ислом ўшанда буюклиги чўққисига етган эди. У муносиб маконга муносиб шахсни қўяр эди. Абу Бакр розияллоҳу анҳу Холид ибн Валид розияллоҳу анҳудан афзал эди. Аммо Холиднинг урушда мусулмонларга фойдаси кўпроқ тегар эди. Умар ибн Хаттоб розияллоҳу анҳу Убай ибн Каъб розияллоҳу анҳудан афзал эди. Аммо Убай ваҳийни Умар розияллоҳу анҳудан кўра яхшироқ ёдлаган эди.
Сиёсатчилар эҳтимол ҳадис ва фиқҳ ўқишга муносиб бўлмас. Қўмондон эҳтимол университетда яхши дарс бера олмаслиги мумкин. Малакали шифокор эҳтимол вазирликда муваффақият қозона олмас.
Абу Зарр розияллоҳу анҳу фазилатли инсон эди. У содиқ саҳобалардан. Унинг тарихдаги ўрни ниҳоятда буюк. Аммо Набий саллоллоҳу алайҳи ва саллам унга шундай деган эдилар:
“Мен сени заиф деб биламан. Икки киши орасида ҳукм қилма. Етимнинг молига жавобгар бўлма!”.
Жавобгарлик Абу Зарр розияллоҳу анҳу учун мушкулот туғдирар эди. Бунга унинг тоқати етмас эди. Кишиларнинг манфати зое бўлиши мумкин эди. Мансабга ўтириш учун ибодатни кўп қилишнинг ўзи етарли бўлмайди. Шундай экан, ҳар-бир инсонни ўз ўрнига қўйиш матлубдир!
/channel/Abdulqodir_Polvonov
Феодор Достоевский ўзининг "Жиноят ва жазо" романида шундай ёзади:
"Ҳали дунё шунақанги босқичга етиб борадики, унда аҳмоқларга халақит қилишмасин деб ақллилар фикрлашдан ман қилиб қўйилади!".
/channel/Abdulqodir_Polvonov
ЯШАСИН!
Жазоирлик адиба Аҳлом Мустағномий айтади:
"Тўқсонинчи йилларнинг бошида Байрутга бордим. Ўшанда Жазоирлик Холид деган йигит юлдузлик чўққисига кўтарилган пайт эди. Унинг биргина "Ди-ди-воҳ" деган ашуласи араб оламида уни машҳур қилиб юборди. Кечаю-кундуз ҳамманинг ташвиши ана шу ашула бўлиб қолди. Тўйлар унинг ашуласи билан ўтар, зиёфатлар унинг ашуласи билан қизир, кишилар унинг ашуласини эшитиб эрталаб ишга отланар эди. Мен Байрутга Париждан келган эдим. Қўлимда "Ал-Жасад" номли китобим бор эди. Мен бу китобни ёзишда умримнинг тўрт йилини сарф қилдим. Унда шонли Жазоир халқининг мустақиллик учун кечган ярим асрлик курашлари баён қилинган. Араб оламига бу китоб орқали мен оғриқларимиз ва буюкларимизни танитишга ҳаракат қилганман.
Мен Байрутликларга ўзимни таништиришим билан улар менга "мулозамат" қилишди: "Сиз Холиднинг юртиданмисиз?!".
Улар мени қулоқларига зирак тақиб олган, Франция телевидениясида баъзан қўлида ит етаклаган ҳолда кўриниб турадиган, саволларга аҳмоқона кулиши билан жавоб берадиган йигитга нисбат бераётган эдилар. Холид Жазоирнинг рамзига айланган эди!
Қизиғи, менинг Жазоирлик эканимни билиб қолган Байрутликлар мендан Холиднинг "Ди-ди-воҳ"ининг маъносини сўрашар эди. Мен уларга бунинг маъносини билмаслигимни айтганимда улар бунга сабаб Франциянинг босқинчилик сиёсати эканлигини айтиб афсусланишар эди.
Мендан "Ди-ди-воҳ"нинг маъносини дўстларим, такси ҳайдовчилари, ёқилғи қуйиш шаҳобчаси ходимлари ва хоказолар сўрайвериб толиқтиришди. Ниҳоят улардан кимлигимни яширишга қарор қилдим. Шундай қилиб уларнинг саволларидан қутилишни умид қилдим.
Тўғриси мен бир ёзувчи бутун бир умрини тикиб эриша олмаган эътиборга бир машшоқнинг бир оғиз сўз билан эришганидан хафа эмас эдим. Менинг хафалигим Байрутга бевақт келганлигимдан эди.
Эллигинчи йилларда Жазоир давлати Францияга қарши курашган амир Абдулқодирга нисбат берилар эди.
Олтмишинчи йилларда эса президент Аҳмад ибн Баллага ва Жамила Буҳайридга нисбат берилар эди.
Етмишинчи йилларда президент Ҳуари Бумедьен ва миллион шаҳидга нисбат берилар эди.
Бугун эса Жазоирдек давлат бир машшоққа нисбат берилмоқда.
Ўзимга савол бердим:
Агар бугун Исроил Ливан ёки Мисрга ҳужум қилса ёшларни сафарбар қила оламизми? Улардаги ватанпарварликни уйғота оламизми?
Ёки уларга Ҳайфа Ваҳбий, Элисса, Ненси Ажрам, Марва Руби каби машшоқаларнинг ватанини ҳимоя қилинг деймизми?!
Ёшларнинг ҳимматини қўзғаш учун булардар бошқа номларни кўрмаяпман.
Бу ишда бирор бир нозик қочирим йўқ!
Тўрт йил олдин Мисрлик асир Махмуд ас-Саварика Исроил қамоқхонасидан чиқди. У йигирма икки йил қамоқда ётди. Ҳатто Мисрликлар ичида энг қадимги асир номини олди. Аммо у қамоқдан чиққанида ҳеч ким уни кутиб олмади. Ҳолбуки, Маҳмуд ас-Саварика шу одамлар учун жанг қилиб қамоққа тушган эди. Ҳатто бирор бир газета унинг қамоқдан чиққани ҳақидаги хабар учун ярим қарич жойини ажратмади.
Ҳолбуки Мисрда бирор машшоқ четга чиқмоқчи бўлса уни хавфсизлик хизмати ходимлари кузатиб қўйишади.
Яшасин араблар!".
/channel/Abdulqodir_Polvonov
БОСҚИНЧИЛИК ВА ФАТҲ
Кўпчилик бугун босқинчилик ва фатҳ ўртасини ажрата олмайди. Советлар томонидан яратилган янги “тарихимиз”да арабларнинг Ўрта Осиёга келишини араб истилоси ёки араб босқинчилиги деб аталади. Аслида ҳам шундайми?
Аслида бу истилоҳни бизнинг тарихимизга ҳақиқий босқинчилар бўлмиш руслар киритган. Уларнинг даъвосига кўра, араблар биз томонга бостириб келиб ҳамма жойни талашган, кишиларни мажбурлаб исломга киритишган, мол-мулклармизни ўзлаштириб олишган, катта-катта солиқлар солишган.
Аслида бу мусулмонларга туҳмат. Мусулмонлар ҳеч бир мамлакатнинг мол-мулкини таламаган. Зўрлаб олиб кетмаган. Бугун бизнинг ва бошқа ислом диёрларининг кўплаб тарихий осорларимиз Америкада, Европада, Россия музейларида турганига эътибор берсангиз ким талончи эканлигини яхши англайсиз.
Мусулмонлар ҳеч кимни динини тарк қилишга, исломни қабул қилишга мажбурлашмаган. Буни ажнабий халқларнинг ўзлари тасдиқлашган.
Ислом юришларининг мақсадини яхшиси саҳобалардан сўраш керак. Зеро ҳақиқий фотиҳлар ўшалар. Саҳобаи киромлар Саъд ибн Аби Ваққос розияллоҳу анҳу бошчилигида Форс чегарасига келиб тушишди. Уларнинг мақсадини билиш учун Форслар қўмондони Рустам уларга одам жўнатди. Мусулмонлар билан гаплашмоқчи эканлигини айтди. Ўшанда форсларнинг элчиси келиб мусулмонлар қўмондонини кўргач ҳайрон қолган эди. Чунки Саъд ибн Аби Ваққоснинг оддий мусулмонлардан ажралиб турадиган на кийими, на чодири бор эди. Элчи мақсадини Саъдга айтди. Саъд бир четда дам олиб ётган Рибъий ибн Омирни уйғотиб деди:
-Сен бориб буларнинг бошлиғи билан гаплаш!
Рибъий оддий одам эди. Форслар элчиси уни назарга илмай сўради:
-Яхшироқ одамларинг йўқми?
Саъд деди:
-Ичимизда яхшимиз шу. Истасанг шу. Сен сўрадинг, биз сўрамадик!
Элчи ноилож Рибъий билан Рустамнинг қароргоҳига келди. Унинг чодири ниҳоятда ҳашаматли эди. Рибъий оти билан кирмоқчи эди. Аммо қоровуллар киргани қўйишмади. Отни чодирнинг пардасига боғлаб найзаси билан ичкарига кирди. Рустамнинг олдига боргунича найзасини гиламга, ерга тўшалган йўлбарс терисига суқиб-суқиб борди. Рибъий тўғри бориб Рустамнинг ёнидан ўрин олди. Ходимлар уни пастга туширишга ҳаракат қилишди. Шунда Рибъий деди:
-Бизга сизнинг адолатингиз ҳақида турли гаплар етиб келган эди. Ҳаммаси бекор гаплар экан. Ўзингизга ўхшаган инсонга шунчалар таъзим қилиб эгилар экансиз, бизни ҳеч қачон енга олмайсиз!
Рустам таржимонга деди:
-Ундан сўраб кўрчи, нега келишди экан?
Рибъий ибн Омир ана шунда асрлар оша ўтиб келаётган ислом қоидасини, фатҳдан мақсадни айтди:
-Аллоҳ таоло бизни бандаларни бандаларга ибодат қилишдан Аллоҳга ибодат қилишга, динларнинг жабридан Исломнинг адолатига, бу дунё торлигидан охират кенглигига олиб чиқиш учун юборди!
ЮКНИ КЎЧАГА УЛОҚТИРИНГ!
Бир киши Набий саллоллоҳу алайҳи ва салламга қўшнисидан шикоят қилиб келди. Набий саллоллоҳу алайҳи ва саллам унга: "Сабр қил!", дедилар. У яна шикоят қилиб келди. Набий саллоллоҳу алайҳи ва саллам унга яна: "Сабр қил!", дедилар. Ҳалиги киши учинчи бор шикоят қилиб келганида Набий саллоллоҳу алайҳи ва саллам унга: "Матоларингни кўчага чиқариб ташла!", дедилар.
У киши уй жиҳозларини кўчага чиқариб ташлади. Кишилар ундан бу ишининг сабабини сўрашди. У бунга сабаб қўшнисининг азияти эканлигини айтди. Кишилар унинг қўшнисини лаънатлай бошлашди. Ҳалиги ёмон қўшни Набий саллоллоҳу алайҳи ва салламнинг ҳузурларига келиб кишилар уни лаънатлаётганини айтди. Набий саллоллоҳу алайҳи ва саллам унга дедилар:
- Бундан олдин Аллоҳ сени лаънатлаган эди!
У деди:
- Аллоҳга бундан кейин бу ишларимни такрорламасликка аҳд бераман!
Набий саллоллоҳу алайҳи ва саллам шикоят қилган кишига одам юбориб юкларини кўчадан олишини, энди ёмон қўшниси қайтиб унга ёмонлик қилмаслигини айтдилар!
Гоҳида азиятлар сабримиздан ҳам ўзиб кетади. Энг ёмони, баъзилар бизнинг сабримизни ожизлик деб ўйлаб азият беришда давом этаверишади. Шунинг учун гоҳида биз ҳам "юкларимизни кўчага улоқтиришимиз" лозим.
Зулмга рози бўлган инсон ҳалим эмас, қўрқоқ инсондир. Маҳкамага шикоят қилиш, ижтимоий тармоқларда ёзиш, маҳалланинг обрўли кишиларига мурожаат қилиш "юкни кўчага улоқтириш"дир.
Сизни йиғлатадиган гуноҳ қалбни ўлдирмайди, балки сизни маст қиладиган, кўзингизга парда тортадиган гуноҳ қалбни ўлдиради!
/channel/Abdulqodir_Polvonov
ДУНЁ МЎЪМИННИНГ ЗИНДОНИ, КОФИРНИНГ ЖАННАТИДИР!
Бунинг сабаби шуки, мўъминнинг Аллоҳдан бўлган хавфи уни тўсиб туради. Унинг розилигини истаб ҳаром шаҳватларини тарк қилади. Кофир эса тушовдан бўшаган ҳайвон каби истаган ишини қилиши мумкин.
Мўъминнинг аҳволи ҳақида тафаккур қилсангиз уни нафси, ҳавоси ва шайтони билан курашаётганини ҳис қиласиз. Бомдод намозига туриш машаққатли. Рўза тутиш ниҳоятда нафсга оғир ботади. Ҳажга катта пул керак. Инсонга пули ширин бўлади. Ҳақ сўзни айтиш хатарли. Иффатни сақлаш кучли иродани талаб қилади. Омонатга хиёнат қилмаслик хиёнат қилишдан ҳам қийинроқдир. Кўзни номаҳрамлардан тийиш ҳавога қарши туришдир. Садақа қилсанг молинг кетади. Закот бериш эса жиҳоддир!
Кофир эса буларнинг баридан озод. У лаззатли уйқусидан воз кечиб бомдодга турмайди. Шаҳвати ва лаззатига қарши туриб номаҳрамлардан кўзини тиймайди. Закот бериб нафсини қийнамайди. Рибо ҳақидаги оятлар уни қўрқитмайди. Ҳужурот сурасидаги одоблар уни чегарада тўхтатмайди!
Жаннат йўли тиканлидир. Дўзахнинг йўли эса текис ва юриш осондир.
Яратувчиси кишанларидан ўзини озод қилиб шаҳвати асирига айланганлар нақадар бахтсиз!
/channel/Abdulqodir_Polvonov
ҲИДОЯТ ТУҒИЛДИ, КОИНОТ НУРГА ТЎЛДИ!
Биламан эй Аллоҳнинг Расули! Охирги пайғамбарлик сиздан ўзгасига муносиб эмас эди. Олдин келган пайғамбар биродарларингизнинг ўз қавмига келиш вақти сиздан олдин бўлсада, сиз улардан мақомда олдиндасиз. Биринчи бўлиш учун охирда келдингиз. Рисолатларнинг охирида мушкдан бўлган муҳр бўлиши шарт. Мушкнинг эса инсон бўлиши тақдир қилинганда , сиздан ўзга ким ҳам мушк бўла олар эди?!
Эй инсонларнинг энг гўзали, энг хушбўйи, энг қалби юмшоғи, энг меҳрибони ва саййиди! Сизга салом бўлсин!
Омина бинт Ваҳбга салом бўлсин! У зулматга ғарқ бўлган бу сайёрага ёритувчи чироқ ҳадя қилди. У тушида кўрганидек Бусродан Шомгача эмас, биз ўнгимизда кўраётганимиз машриқдан мағрибгача ёритувчи чироқсиз!
Абдулмуттолибга салом бўлсин! У ота-онасиз қолган, келгусида ер юзининг тарбиячиси бўладиган етимни тарбия қилди!
Ҳалимайи Саъдийяга салом бўлсин! У Маккадан қуруқ қайтмаслик учун сизни эмизишга олди. Етим боладан қанақа қилиб пул ишлаш мумкин?! Кейинроқ билдики, энг буюк бойликка эга бўлган экан. Сиз уларнинг қабиласига борганингизда Бани Саъд диёрига барака ёғилди. Қаерга борсангиз ширинлик атрофида чумоли айланганидек, сизга хайр ва барака эргашиб юрар эди!
Абу Толибга салом бўлсин! У фақирлигига қарамасдан сизга гирдикапалак бўлди, боқди, кафолатига олди.
Ёшингиз кичкина бўлсада амакингизга юк бўлишни қабул қилмадингиз. Унга ёрдам бериш учун чўпонлик қилдингиз. Сиз гўдаклигингиздан бошлаб инсонлар саййиди эдингиз!
Ҳадича розиёллоҳу анҳога саломлар бўлсин! У сизга қабила, қўшинингиз бўлмаган кунларда эса муҳаббатга тўла қўшин эди. Сиз ваҳий даҳшатидан титраганингизда бағрига олган эди. бошингизни қўллари билан силаган эди. Сизга сўзлар кўринишидаги қалби ила: “Аллоҳ сизни хорламайди!”, деган эди. Сизни ким эканлигингизни яхши билар эди. Сиз ҳам унинг қанақанги аёл эканлигини билар эдингиз. Шунинг учун унинг вафотидан йигирма йил ўтиб қўй сўйиб: “Бунинг гўштидан Ҳадичанинг дугоналарига ҳам беринглар!”, деганингиздан ажабланмаса ҳам бўлаверади. Нақадар вафодорсиз эй Аллоҳнинг Расули! Нақадар вафодорсиз!
Варақа ибн Навфалга салом бўлсин! У тўдасидан ажралиб қолган қуш сингари ёлғиз эди. У бузилмаган Инжил, ўзгартирилмаган Таврот эди. У отангиз Иброҳимнинг динида бўлган ёлғиз қалб эди. Сизнинг келишингиз яқинлигини биладиган ақл эди. Сизга ваҳий келганида у сизга: “Яқинда қавминг сени ҳайдаб чиқаради!”, деди. Сиз даҳшат билан: “Ҳали мени улар ҳайдаб чиқаришадими?!”, дедингиз. У сизнинг ҳайратингизни кетказиш учун деди: “Сен келтирган нарсани ким келтирган бўлса албатта уни душман тутишган, юртидан чиқаришган!”.
Аммо қавмингиз сизни ўзи билмаган ҳолда даъват машаққатидан давлат азизлиги томон чиқарган эди!
Абу Бакр розиёллоҳу анҳуга салом бўлсин! Умр дўстингиз, йўлдаги йўлдошингиз, ғордаги шеригингиз, учинчиси Аллоҳ бўлган икки шерикнинг бири эди у!
Покизаликдан халқ қилинган аҳли байтингизга, покиза завжаларингизга, танланган зотлар бўлмиш саҳобаларингизга салом бўлсин!
Қиличингиз ва асойингиз бўлган Авс ва Ҳазраж қабилаларига салом бўлсин!
Бадрга, Уҳудга, Ҳайбарга, Ҳунайнга ва бу диннинг қиличсиз тарқалгани ҳақида хабар берадиган бошқа маконларга салом бўлсин! Аммо қилич бўлмаса бу динга кўз тикадиганлар ҳам кўп бўлар экан!
Ҳудайбийяга салом бўлсин! Бу сулҳдан кейин ғалаба ва фатҳ туғилди. Бу фатҳда Уззо хор бўлди, Ҳубал синдирилди. Билол розиёллоҳу анҳу Каъбанинг устига чиқди ва бутун коинотга Аллоҳ энг буюклигини айтиб ҳайқирди!
Сизга салом бўлсин! Сизга бу дунёда қолиш ёки Роббингиз ҳузурига кетиш танлови берилганида “Олий Дўст”ни танладингиз!
Сизга салом бўлсин! Сиз бизнинг ичимизда доимо тириксиз. Сиз ҳеч қачон ўлмайсиз. Биз сизни яхши кўрамиз. Сизни яхши кўрганларни ҳам яхши кўрамиз. Ўзингиз хабар берганингиздек, учрашув жойимиз Ҳовуз бўйидадир. Биз сизга ишонамиз!
/channel/Abdulqodir_Polvonov
Ўзингизга муносиб бўлмаган ҳар қандай жойни тарк қилишдан қўрқманг!
/channel/Abdulqodir_Polvonov
ХУРСАНДЧИЛИК ВА КЎНГИЛ ШОДЛИГИ ҲАМ НЕЪМАТДИР!
Набий саллоллоҳу алайҳи ва саллам саҳобалар билан бирга ўтирган эдилар. Бойлик зикр қилинди. Набий саллоллоҳу алайҳи ва саллам уларга дедилар:
-Аллоҳдан қўрққан киши учун бойликнинг зарари йўқ. Тақво қилган киши учун саломатлик бойликдан яхшироқдир. Хурсандлик ва кўнгил шодлиги ҳам неъматдир!
Беморлик келганида сабр қилсангиз бу ҳам неъматдир.
Неъмат келганида шукр қилсангиз бу ҳам неъматдир.
Яқинингизни йўқотганингизда Аллоҳнинг қадарига таслим бўлсангиз бу ҳам неъматдир.
Ризқингиз тор бўлганида Аллоҳнинг ман қилиши ҳикмат эканига ишонишингиз ҳам неъматдир.
Чиройли бинони кўрганингизда унинг эгасига барака тилаб дуо қилишингиз ҳам неъматдир.
Қиммат машинани кўрганингизда унга қалбингиз ила эмас, кўзингиз ила боқиб унинг соҳибига тавфиқ тилашингиз ҳам неъматдир.
Эр-хотин ўртасида муҳаббат ва улфатни кўриб уларга Аллоҳдан зиёдаликни тилашингиз ҳам неъматдир.
Кимдир яхши мансабга ўтирганида унга Аллоҳдан ёрдам беришини тилашингиз ҳам неъматдир.
Инсонларга яхшиликни исташ ҳар кимнинг ҳам қўлидан келмайдиган жиҳоддир. Сизга бу насиб қилса сизга дунёнинг бешафқатлиги зарар бера олмайди. Чунки сизнинг жаннатингиз қалбингиздадир!
/channel/Abdulqodir_Polvonov
БОЙЛИК БУ ҚАЛБ БОЙЛИГИДИР!
Набий саллоллоҳу алайҳи ва саллам Абу Зарр Ғифорий розияллоҳу анҳуга дедилар:
-Эй Абу Зарр! Молнинг кўплигини бойлик деб ўйлайсанми?
Абу Зарр розияллоҳу анҳу деди:
-Ҳа, эй Аллоҳнинг Расули!
Набий саллоллоҳу алайҳи ва саллам сўрадилар:
-Молнинг камлигини фақирлик деб ўйлайсанми?
Абу Зарр розияллоҳу анҳу деди:
-Ҳа, эй Аллоҳнинг Расули!
Шунда Набий саллоллоҳу алайҳи ва саллам дедилар:
-Ҳақиқий бойлик қалб бойлигидир. Ҳақиқий фақирлик эса қалб фақирлигидир!
Оз нарсанинг ёнида розилик бўлса у кўпдир. Кўп нарсанинг ёнида тамаъ бўлса у оздир.
Ҳар-биримиз чўнтаги фақир, аммо қалби бой инсонларни биламиз.
Ҳар-биримиз чўнтаги бой, аммо тамаъ қалбини кемириб ташлаган кишиларни ҳам биламиз. Унга доимо нимадир етишмайди.
Аллоҳ тақсим қилган нарсага рози бўлинг, инсонларнинг энг бойи бўласиз!
Кишиларнинг қўлидаги нарсалардан кўз юминг, ана шунда ўз қўлингиздаги нарсаларни кўра бошлайсиз!
Аллоҳнинг энг қаттиқ жазоси кишининг фақирлигини қалбида қилиб, нафсини оч қилиб қўйишидир.
Аллоҳнинг энг гўзал неъмати кишининг бойлигини қалбида қилиб, кўзини тўқ қилиб қўйишидир!
/channel/Abdulqodir_Polvonov
ҚЎРҚИНГ!
Инсонларнинг қалби борасида Аллоҳдан қўрқинг.
Қалбингизда бўлмаган гапни тилингиз билан айтманг.
Миянгизда акси бўлатариб, бировнинг қўлидан тутманг.
Охирига етиб олиш учун қатъий ниятингиз бўлмаган йўлга кирманг.
Вафо қилишга аниқ ишончингиз бўлмаган ёлғон ваъдани берманг.
Бировнинг қалбида шам ёқиб сўнгра уни ўчирманг.
Эҳтимол сиз тутган йўл аслида йўл бўлмаслиги мумкиндир. Аммо бу йўлга сиз билан йўлнинг охирига етишни ният қилган кишилар бирга чиққан бўлиши мумкин. Кимнингдир орзуларини барбод қилар экансиз, демак унинг ҳаётини барбод қилдингиз!
Бировнинг қалбини синдириш суякни синдириш каби овоз чиқармаслиги мумкин, аммо ишонинг оғриғи ундан қаттиқроқ бўлади!
/channel/Abdulqodir_Polvonov
ОНАНГ СЕНИ ЙЎҚОТСИН!
Муоз ибн Жабал розияллоҳу анҳу Набий саллоллоҳу алайҳи ва салламдан уни жаннатга олиб кирадиган, дўзахдан қутқарадиган амал ҳақида сўради. Набий саллоллоҳу алоайҳи ва саллам унга бир неча амалларни санаб ўтдилар, сўнгра дедилар:
-Эй Муоз! Буларнинг барини асосини айтайми?
-Айтинг, эй Аллоҳнинг Расули!
Расулуллоҳ саллоллоҳу алайҳи ва саллам тилларини ушлаб:
-Мана буни тий!-дедилар.
Муоз розиёллоҳу анҳу деди:
-Эй Аллоҳнинг Набийси! Биз айтаётган гапимиз туфайли ҳам тутиламизми?
Набий алайҳис салом дедилар:
-Онанг сени йўқотсин эй Муоз! Инсонларни дўзахга ёмон гаплар киритмаса нима киритади?!
Тилимизда суяк йўқ, аммо у суякни синдириши ҳам мумкин. Жароҳатли сўзлар туфайли қанча-қанча кишилар кечаси ухлай олмайди.
Қанча-қанча қизларимиз ёлғон сўзлар туфайли турмушга чиқа олмаяпти.
Қанча-қанча инсонлар чақимчилик туфайли мансабларидан айрилмоқда.
Фитнали сўзлар сабаб қанча-қанча дўстлар бир-биридан ажралмоқда.
Сўзларингизни танлаб гапиринг. Раддияларингизга эътибор беринг. Изоҳларингизга аҳамият беринг. Ёдингиздан чиқмасин, биз ижтимоий тармоқларни эмас, амал дафтаримизни тўлдирмоқдамиз!
/channel/Abdulqodir_Polvonov
КИМ ҚУЛ СОТИБ ОЛАДИ?!
Саҳрода Зоҳир исмли бир бадавий яшар эди. У саҳродан Мадинага у-бу нарса олиб келиб сотар эди. Сўнгра аҳли-оиласига лозим бўлган нарсаларни Мадинадан олиб уйига қайтар эди.
Набий саллоллоҳу алайҳи ва саллам уни яхши кўрар, уни эркалаб, илтифот қилиб турар эдилар. Зоҳир қачон Мадинага келса Набий саллоллоҳу алайҳи ва салламга совға олиб келар эди. У саҳрога қайтаётганида Набий саллоллоҳу алайҳи ва саллам уни кузатиб қўйиб бирор ҳадя бериб юборар эдилар. У ҳақида Набий саллоллоҳу алайҳи ва саллам: "Зоҳир бизнинг саҳромиз, биз эса унинг шаҳримиз!", дер эдилар. Яъни, у саҳродан бизга керакли нарсаларни келтиради, биз ҳам унга шаҳардан керакли нарсаларини бериб юборамиз, демоқчи бўлар эдилар.
Зоҳир жуда ҳам бадбашара эди. Аммо унинг кўксида асал каби ширин қалби бор эди.
Бир куни у матоларини сотаётганида ортидан Набий саллоллоҳу алайҳи ва саллам сездирмасдан келиб, ҳазиллашмоқчи бўлиб қучоқлаб олдилар. Шунда Зоҳир:
- Ким бу, қўйиб юбор!-деди.
Расулуллоҳ саллоллоҳу алайҳи ва саллам ўзларини танитиш учун ҳазиллашиб:
- Ким қул сотиб олади?- дедилар.
Зоҳир таниб, ўзининг бадбашаралигига ишора қилиб деди:
- Мен ўтмас молман-да, эй Аллоҳнинг Расули! Мени ким ҳам олар эди?!
Набий саллоллоҳу алайҳи ва саллам дедилар:
- Сен Аллоҳнинг ҳузурида қимматсан!
Набий саллоллоҳу алайҳи ва саллам энг ғами кўп инсон эдилар. Аммо у зот ғамга инсонни қатл қилиши учун имкон бермас эдилар. Набий саллоллоҳу алайҳи ва саллам ажойиб турмуш ўртоғи эдилар. Меҳрибон ота эдилар. Ажойиб қўшни эдилар. Вафоли дўст эдилар!
Эътибор беринг, у зот Зоҳир билан ҳазиллашаяптилар. Зоҳир ҳолбуки оддий савдогар эди. Айланиб юриб молини сотар эди.
Энди Набий саллоллоҳу алайҳи ва салламнинг “Сен Аллоҳнинг ҳузурида қимматсан!”, деган гапларига қалбингизла қулоқ солинг. Кишиларнинг олдида кимлигингиз муҳим эмас, балки Аллоҳнинг олдида кимлигингиз аҳамиятлидир!
Тасаввур қилинг, одамлар сизни танимайди. Аммо дуога қўл кўтарганингизда фаришталар: “Эй Роббимиз! Таниқли бандангдан таниқли овоз келаяпти!”, дейишади. Вафот қилганингизда сизни ҳеч ким эсламайди. Аммо масжидга борадиган йўлларингиз, сажда қиладиган маконларингиз сиз учун йиғлайди. Буюклик мана шу. Агар билган бўлсангиз буни қўлдан бой берманг!
/channel/Abdulqodir_Polvonov
Ғазаб босилганида идрок номли учинчи кўз очилади!
/channel/Abdulqodir_Polvonov
КУЧ-ҚУВВАТИ БОР ИНСОНГА...
Набий саллоллоҳу алайҳи ва саллам инсонда қандайдир касб ёки ҳунар бўлишини яхши кўрар эдилар. Бир куни саҳобаларга Закарийё алайҳис саломнинг дурадгор бўлганини айтиб берган эдилар.
Набий саллоллоҳу алайҳи ва саллам ишлашга қодир, тўрт мучаси соғ инсонларнинг садақа сўраб юришини ёмон кўрар эдилар. Бир куни саҳобаларга шундай дедилар:
“Бой инсонга садақа сўраш ҳалол эмас. Куч-қуввати бор инсонга садақа сўраш ҳалол эмас!”.
Садақа сўраш, тиланчилик қилиш бугун эҳтиёж эмас, касбга айланди. Бугун соппа-соғ, тоғни урса талқон қиладиган кишиларни одамларга қўл чўзиб садақа сўраб юрганини кўрмоқдамиз. Бунақаларга садақа берманг. Акс ҳолда бу ишга, қабиҳ кўринишга уларни тарғиб қилган бўласиз.
Андалус аҳли соппа-соғ инсоннинг тиланчилик қилиб юрганини кўришса унга танбиҳ беришар, уни ишлашга тарғиб қилишар, унга садақа беришмас эди. Бу бахиллик эмас, фиқҳни яхши англаш эди. Бу қўли қаттиқлик эмас, гўзал сиёсат ва гўзал тадбир эди!
/channel/Abdulqodir_Polvonov
Грациани:
-Одамларингизни таслим бўлиши учун неча кун етарли бўлади?
Умар Мухтор:
- Биз таслим бўлмаймиз. Биз ғалаба қозонамиз ёки ўламиз. Бу билан иш тугади деб ўйлама. Сизлар ҳали келажак авлодимиз ва ундан кейингилар билан ҳам жанг қилишингизга тўғри келади!
/channel/Abdulqodir_Polvonov
Балолар биз ўрганиб қолган ва офият сабабли биз кўришни унутган неъматларни фош қилади!
/channel/Abdulqodir_Polvonov
Қолаверса мажбуран бирор-бир халқ ўзганинг динини, маданиятини қабул қилмайди. Мўғуллар бир пайтлар бизнинг заминни босиб олди. Бугун уларнинг динида бирорта ўзбекни кўрмайсиз. Руслар босиб олди. Бугун моддий манфаатга учиб уларнинг динига кирган миссионерлардан бошқасини уларнинг динига кирганини кўрмайсиз. Мусулмонлар фатҳ қилишганда боболаримиз ўз ихтиёрлари билан исломга кириб унга амал қилишган. Минг йиллардан ошибдики Абу Райҳон Беруний, Ибн Сино билан фахрланамиз. Бухорий, Тирмизийлар билан фахрланамиз. Навоий, Бобурлар билан фахрланамиз. Уларнинг барида салла, соқол бўлган. Улар араб, форс, турк тилларида ижод қилишган. Исломни улар ўз ихтиёри билан қабул қилишган. Уларнинг китоблари бисмиллаҳ билан, Аллоҳга ҳамд ва Набий саллоллоҳу алайҳи ва салламга саловотлар билан бошланади...
Салмон Авда ҳафизаҳуллоҳ қуйидаги воқеани айтиб беради:
“Мусулмонлар Мисрни фатҳ қилишганда Мисрликлар уларга қучоқларини очишган. Араб тили бугун уларнинг тилига айланиб бўлган. Улар ўз тилини бугун унутган. Ислом уларнинг динига айланган. Муҳаммад саллоллоҳу алайҳи ва саллам уларнинг ҳабибига айланиб бўлган. Уларнинг қаҳвахонасидами, ошхонасидами бугун Муҳаммад саллоллоҳу алайҳи ва салламнинг исмларини зикр қилсангиз улар томонидан эҳтиромни кўрасиз.
Қизиғи, Мисрдаги бир мажлисда бир тўда ароқхўрлар ароқ ичиб ўтиришган экан. Улардан бири Набий саллоллоҳу алайҳи ва салламни сўкади. Улар орасида бир коммунист ҳам бор экан. Ўша коммунист ўрнидан туриб унга бақиради:
“Иймонимиздан фақатгина Аллоҳга ва Расулига бўлган муҳаббатгина қолди. Сен бўлсанг биздаги ана шу азиз нарсага ҳам тиғ ураяпсан!”.
Агар бу босқинчилик бўлганида Миср бугун исломдан ҳам, араб тилидан ҳам халос бўлган бўлар эди!
Бу айнан фатҳдир!
/channel/Abdulqodir_Polvonov
МУСУЛМОНМИСИЗ?
Набий саллоллоҳу алайҳи ва салламни кишиларнинг бир-бирларига ўзаро ёрдам бериши ниҳоятда хурсанд қилар эди.
Бир куни саҳобаларга Абу Мусонинг қавми бўлмиш Ашъарийларни мақтаб дедилар:
- Уларнинг аёллари урушда бева бўлиб қолишса, болалари етим бўлиб қолишса, кимдир фақир бўлиб қолса қавм ўзидаги бор мол-мулк ва озиқ-овқатни ўртага тўкиб кишилар ўртасида тенг тақсимлаб баҳам кўришади. Улар мендан, мен уларданман!
Агар қаерингиздир оғриётганини билсангиз, ҳис қилсангиз демак тирик экансиз!
Агар ўзгаларнинг дардини ҳис қилаётган бўлсангиз демак инсон экансиз!
Мусулмоннинг дарди ўзга мусулмонни дардга солиши керак. Агар зилзила ёки бомба туфайли қаердадир мусулмонлар вайрона остида қолса, бундан ҳеч қандай дардни ҳис қилмасангиз мусулмонлигингизни бир текшириб кўринг!
Қаердадир сув тошқинлари мусулмонларнинг уйини вайрон қилса-ю, бундан ҳеч қандай оғриқ ҳис қилмасангиз иймонингизни текшириб кўринг!
Агар қаердадир бир мусулмон бемор бўлиб дорига пул топа олмаётганини эшитсангиз-у, қалбингизга унга ёрдам қилиш фикри тушмаса бу қалб қалб эмас, тош экан!
Агар маҳаллангизда етимлар бор бўлиб, улар оч ухлаётганини билсангиз-у, уйингиздаги таомдан уларга илинмасангиз демак ҳали иймон сизнинг гўштингиз ва қонингизга сингмаган экан!
/channel/Abdulqodir_Polvonov
ЯХШИСИ...
Бир куни Набий саллоллоҳу алайҳи ва саллам саҳобалар билан бирга ўтирган эдилар. Бир киши қўлида тухум катталигидаги олтинни кўтариб келиб деди:
- Эй Аллоҳнинг Расули! Буни ишлаб топдим. Буни қабул қилинг, бу садақадир. Менда бошқа нарса йўқ!
Набий саллоллоҳу алайҳи ва саллам ундан юзларини ўгирдилар. У айланиб ўша томонга ўтди. Набий саллоллоҳу алайҳи ва саллам яна юзларини ўгирдилар. У яна айланиб ўша томонга ўтди. Шунда Набий саллоллоҳу алайҳи ва саллам ундан тухумни олиб яна қайтариб унга отдилар. Тухум унга тегмасдан ерга тушди. Сўнгра унга дедилар:
- Сиздан бирингиз уйидаги бор нарсани олиб келиб "мана бу садақа" дейди. Сўнгра ўзи бошқалардан тиланиб ўтиради. Садақанинг яхшиси бойликда қилинган садақадир!
Кунлар чархпалакдир. Замон турли ҳодисаларга тўла. Мўъмин киши зийрак ва ақлли бўлиши лозим. У замоннинг ўзгаришларига режа қилиб қўйиши, ҳодисаларга қарши тайёр туриши лозим. Бу дунё сабаблар дунёсидир. Сабабларни тутиш мўъминнинг фақиҳлигига, тадбири гўзаллигига далолат қилади.
Сузишни билмасангиз Аллоҳга таваккул қилиб ўзингизни денгизга ташламайсиз. Олдин сузишни ўрганиб сўнгра Аллоҳга таваккул қилиб денгизга шўнғийсиз.
Набий саллоллоҳу алайҳи ва саллам ҳалиги кишининг ҳамма молини садақа қилишини ёқтирмаяптилар.
Каъб ибн Молик розияллоҳу анҳунинг тавбаси қабул бўлгач, у хурсанд бўлганидан барча молини садақа қилмоқчи бўлди. Аммо Набий саллоллоҳу алайҳи ва саллам бунга рухсат бермасдан шундай дедилар:
"Молингни бир қисмини ўзингга олиб қолишинг сен учун яхшироқдир!".
/channel/Abdulqodir_Polvonov