-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت194
للكاتبـــــة: أميــرة اليــــمن
ـــــــــــــــــــــــــــــــــــــــــــــــــــــــــــــــ
بعد دقايق معدودة..!!!
دخل للغرفة وهو يتكلم: تفضلي ادخلي
تقدمت منار بخطواتها لا داخل الغرفةة وتوجهت لاعند مرام اللي مازالت على وضعها
جلست بطرف السرير وهي ترفع شعر مرام من وجهها وتتكلم: مرام ي قلبي مالش
فتحت عيونها بتعب وماردت عليها
تكلم قيس وهو يفتح الكيس اللي معة ويمد لها الفراشة: تاعبة شوية يمكن أرهاق وتعب بسبب العرس سوي لها الفراشة عشان نركب لها المغذي
منار: تمام.. مرام تجلسي سوا ياعيني.
مرام.......
جلس قيس جنبها بالطرف ودخل يده تحت اكتافها ورفعها لوما تجلست وتكلم: سويها لها هيا
مسكت منار يدها ودخلت الفراشة في يدها..
غمضت مرام عيونها بألم وهي تلف بوجهها لاصدر قيس وتهمس: اااه وجعتيني
قيس بهمس: تحملي..
كملت سبرتها منار وركبت المغذيةة فيها: صلحي يدش عشان يجزع العلاج
رفع قيس يدها وطرحها للسرير بتوازن وطرح الوسادة وراها وراسها عليها: هكذا عيس
هزت مرام راسها بدون رد
منار: ما قال لك الدكتور كم مغذيات
قيس: شرحت لها وضعها وادى ثنتين هذه الان كامله والثانية بكره الصباح
منار: خير.. معافايه يا قلبي مره ثانية لاتهملي نفسش لاهذه الحد ابسري كيف تعبتي لو تعرف امش لا تفتجع عليش
هزت مرام راسها بدون كلام وغمضت عيونها بتعب
منار لفت لقيس وتكلمت: اذا احتجت شي كلمني طيب
قيس: اكيد تسلمي لي تعبناش
منار : الله المستعان تعبكم راحةة.. يلا عتخطى وانت انتبه لمرام
قيس: في عيوني..
ابتسمت له ولفت خرجت وقيس خطي تأكد من مرور المغذيةة بعدها خطي تمدد على الكنبةة ونظره لمرام وللمغذيةة بتركيز..!!!
.
.
صباح ثاني يوووم...!!!
فزت من نومها على فتحت الباب وبسرت قيس اللي دخل وبيده كيس.. غمضت عيونها بتعب وفتحتهن ورفعت يدها اللي فيها الفراشة.. ورجع بسرت المغذية اللي خلصت واستغربت ايحين بعدها من يدها وهي ما حست عليه.. انتبهت على قيس اللي جلس بطرف السرير وهو يطرح اللي بيده على الكوميدينه ويتكلم: قومي غسلي وجهش ويداتش وتعالي اصتبحي هيااا
عرفت من الرائحةة انه شل شوارما وقامت بدون كلام نزلت من السرير واتجهت للدولاب شلت لها لدات وخطيت للحمام.. تشل دش دافي بعد تعب الأمس...!!!
.
.
كوثر..!!!
زفرت بملل وهي تجلس على الكنب وتوجه نظرها لاوس اللي مازال يغط بنوم عميق..
همست بقهر: ليت وانا في بيتنا كنت ذلحين مع خواتي وبين اتضارب مع فاطمة يييخ.. لمعت في راسها فكره وفزت واقفه وهي تتكلم: ايوةة لقيتها اقول له يرجعني بيتنا.. يييس..
خطيت لاعند اوس وجلست بطرف السرير.. مدت يدها وقومت اوس: اووووس.... اوووووس... ووووو اووووس
تحرك اوس ب انزعاج وفتح عيونه واول مابسرها قدامه همس: هممم
كوثر: قووم هيااا
اوس غمض عيونه وبهمس: ليش
كوثر بجدية: عشان توديني بيتنا قوم هيااا
فتح عيونه على وسعهن وبسرها متكلم: اوديييش بيتكم.؟!
كوثر بثقة: ايوةة.. اشتي ارجع بيتنا
اوس: على كيفش هوه او ايش
كوثر: ايوة ضبحت هانا اشتي اروح بيتنا عند خواتي
رفع نفسه لاعرض السرير لوما بسر جديتها وحط يده على جبينها وهو يتكلم: حرارتش طبيعيةة مش مرتفعة عجيب..
نزلت يده وهي تتكلم برجاء: قوووا وديني بيتنا هانا ضبحت عيشتكم ملل
اوس: ماقد ضبح بش عادش الا امس واليوم هانا
كوثر: مدري.. مش متعودة اجلس هكذا
مسح وجهه وبقلة حيلة: كووثر تعوذي من الشيطان وتعالي ارقدي عاده حين
كوثر بسخرية: ماشاءالله الساعة عشر عندكم حين والشرق ايحين..
اوس؛ بنتتتت
كوثر ببكاء: ماعةة ماعةة اشتي اخرررج اختنقت في الغرفة هذه
اوس بقلة حيلة: وين ودش تسيري
كوثر: بيتنا
اوس: انسي بيتكم بقعة غيرهاا
كوثر بتفكير: حديقة هران ماقد سرتها
اوس بهدوء: ابشري الان نخرج ونصتبح بمطعم بعدها نخطى للحديقةة
فزت كوثر وبفرحةة: قووول والله
اوس بضحكة لفزتها وفرحتها: والله
كوثر بحماس: يييس.. ياخي ايلااافيوو لككك هيااا بسرعةة.. خطيت تشل عبايتها ولداتها
نزل من السرير وهو مبتسم لفرحتها وتكلم وهو يخرج من الغرفة: جهزي لي لدات لوما اخرج من الحمام
كوثر وهي تلبس العباية: من عيوني..!!!
.
.
مرام..!!!
شلت منديل ومسحت فمها ويداتها بهدوء بعدما اكلت..
رفعت نظرها لقيس اللي جلس على السرير وبيده سيروم المغذيةة وتكلم: هاتي يدش
مدت يدها له وسبر لها المغذية وفتحها. وقف وتكلم: لا تحركي يدش عشان لا تتوقف..
هزت راسها بمعنى تمام.. ووجهت نظرها له وهو يشل شنطتة الجامعيةة ويخرج من بينها ورق
سألت بتوجس: عتخطى الجامعةة
قيس بدون ما يلف لها: ايووةة
مرام سكتت بدون رد واصلا متوقعة منه اي شي
غلق الشنطة ولف لها متكلم بسخرية: مقصدش عتعطلها واجلس عندش شهر ههههه
مرام: لا ما قصدي شي
ِ
تـــــوأم أغـــــراب 2
البارت193
للكاتبـــــة: أميــــرة اليـــــمن
ـــــــــــــــــــــــــــــــــــــــــــــــــــــــــــــــ
بعد العصـر..!!!
غلقت ماريا الروج وهي تتكلم: كملنا خلاص ابسري نفسش وقولي لي عجبش او مع
وقفت كوثر ووقفت قدام المراية وبضحكة: يجنن تسلمي ياعيوني
ماريا: الله يسلمش... قد مرام جاهزة وقده وقت انزلين هيا
كوثر: تمام.
دخلت فاطمة وهي تتكلم: كملتين
كوثر: وين انتي يا خاينةة
فاطمة بقهر: في المطبخ بين انظف معاهن وين عتكون
كوثر: اهااا ياسعم قلت
ماريا: هههه يلا انا عتخرج مرام وانتي اخرجي هيا تنزلين جمعه
كوثر: طيب..!!!
.
.
مرام.!!!
تنهدت بتعب وهي بطرف السرير بعدما صلحتها ماريا ومن لما قام قيس الظهر صلى وتغدا لوحده من الغداء اللي ادوه بدون حتى ما يكلمها تأكل معه واول ما كمل غير لداته وخرج من الغرفة بدون اي اهتمام او اعتبار لها... فركت جبينها بألم ولها من الأكل من امس الغداء واذا ما اكلت الا خفيف رفعت نظرها للباب اللي انفتح وبسرتها ماريا اللي تكلمت: يلا هيا
مرام: تمام.. تعالي افتحي درج الدولاب وادي لي الجوافه اللي بينه
شلتها ماريا وفتحتها ومدتها لها: بالعافيةة
مرام: الله يعافيش.. شربت شويةة منها وحنبين بحلقها الناشف.. مدتها لماريا اللي تكلمت: كمليها
مرام وهي توقف: ماعاد اشتي اشربيها انتي.. هيا
ماريا: سابر يلا اخطي...
خرجين من الجناح على خروج كوثر وفاطمة من جناح اوس..
بسرتها كوثر وتقدمت منها ببسمه: هلا والله بمرة اخي.
ابتسمت لها مرام وهي تسلم عليها خد بخد وترد: هلا فيش كيف حالش
كوثر: الحمدلله وانتي
مرام: الحمدلله
ماريا: ههههه بنات لاحظين ان مرام تكون مرة اخو قيس وبنفس الوقت سليفتها هههههه
كوثر؛ صححح هههههههه ماركزت
مرام: ههههههه حالي
فاطمة: خلاص خلين الملاحظات لابعدين وانزلين هيا النسوان ملان
البنات: تمام...!!!
.
.
في المجلس..!!
بعدما جلسين كوثر ومرام في المكان المخصص لهن وكل من قام سلم عليهن وبارك لهن...
همست كوثر لمرام: من هذه اللي لابسه فستان تفاحي
مرام بنفس الهمس: تسنيم بنت عمتي سارة
كوثر: اهااا باين من بعيد ههههه
مرام: ليش قد بسرتي عمتي سارة
كوثر: اليوم الصبح
مرام: نزلتي
كوثر: ههههههه اكيد ما اجلس افعل نسيت ما اداعيش غدة ان شاء الله
مرام: ههههه تمام.. بسرت خوات قيس اللي جنب بعض مع بنات عمها واختها وتكلمت: ماشاءالله خواتش قمارات
كوثر بزنط: اكيد حلوات بس مش احلا مني
بسرتها مرام بنص عين وكوثر ضحكت وهي تتكلم: امزح لا تبهرري ههههههه
مرام: مالت ههههههه
.
.
بعد العشاء...!!!
غرفة الأوس...!!!
كملت كوثر كلامها وهي متربعة على السجادة قدام اوس اللي جالس على سجادته والكل: بعدين خطيت ماعاد تكلمت هههههه
اوس: ماعاد عتقول بعد اللي فعلتيه
كوثر: تستاهل.. ييخ هذه عمتك سارة كريهه
اوس: ساع ابوها ههههه
كوثر: لمن طلعوا تقول
اوس: لجدهم السابع
كوثر: ههههههههه
اوس وقف وهو يتكلم:لهيتينا بمجابرش وعتسير صلاة العشاء علينا
كوثر وقفت معة: هههههه عاده أذن سهل. صلي..
.
.
قيس..!!!
وجه نظرة لمرام اللي مازالت على السجادة وماسكه لراسها وهي منزله له.
تكلم بسخرية: كملتي تصوري السجادة..
فتحت عيونها بتعب ومالفت له وهي بتحس بدوخة قويةة
قيس بحدة؛ لوما اكلمش جااااوبيني
وقفت بتعب وهي ترفع السجادة ولفت تخطى بس وقفت مكانها لوما حست الدنياء دارت من حولها وارتكت للتسريحةة
بسرها قيس برفعة حاجب وقبل يتكلم فز واقف وهو يبسرها نكعت للقاع من طولها.
جلس على ركبها وهو يرفع راسها لاحضنه ويتكلم: مرام.... مرااااام... ضرب على خدها بالخفيف: مراااام يييي.. توتر لوما مابسر منها استجابة وخاف ومسك معصم يدها بترقب وزفر براحة لوما حس بنبضها الضعيف شلها بسرعه وحطها على السرير ولف للتسريحةة شل عطر من عطوراتها وجلس بالطرف وهو يرفع راسها لا فوق ارجله وخلاها تشم العطر..
تكلم اول ما بسرها عقدت حواجبها ب انزعاج: مرام..
فتحت عيونها وغمضتهن بسرعه وهي تمسك جبينها بألم
قيس: بنت ما حصل لش
مرام ماقدرت تتكلم واشرت بيدها بمعنى داخت
قيس تذكر انها ما اكلت حاجة لا من الصبوح ولا من الغداء وزفر بقهر وهو ينزل راسها لافوق المخدة ويتكلم: به واحده معاها عقل تجلس بغير اكل من امس
ماردت مرام ورفعت يداتها لاوجهها وانفجرت بكاء وهي تدي له ظهرها..
تنهد بقوة ونظرها لها ومدري ليش حس بتأنيب الضمير لصوت بكاها... لف وخرج من الغرفةة بهدوء...!!!
كوثر: خخخخ اصلا القصة كلها كذب وبين ابسر لاوين عتوصل بكن عقولكن ههههههههه
البنات ضحكين معاها: ههههههههههه
ماريا: كنت صدق اول قلعش...
دخلت منار وهي تتكلم: كوثر جاوبي قيس في الصاله مع اوس قال سيري لاعنده..
كوثر: اللي يشتيني يجي لاعندي قولي له انا ما اخطى لاعند احد.. اي والله..
خرجت منار تكلم قيس اللي قام بقهر واوس يضحك عليه وتوجهوا للمطبخ بعدما تقدمت منار تبسر لهم طريق..
وقف مع اوس باب المطبخ واول ما بسرينهم النسوان حجرين وزغردين.. وهم نظراتهم لكوثر اللي لاهيه بتأكل خيار وتكلم البنات وتضحك..
اوس بهمس: ما بتفعل هانا اختك هذه مجنونه هههه
قيس: دعمم وركز على جلستها ولمت البنات معاها ولا تقول الا جدتهن... كووووثرررر
رفعت كوثر نظرها لهم ووقفت وتقدمت منهم وهي مبتسمة: قييس اخي حياااا
حضنته وهي تسلم عليةة: وحشتتتنيي قووويةة...!!!
غطت شعرها بكوفية الفنيلية ونزلت من السرير وخطيت جلست قدام اوس مدت يدها وشلت الخبز وقبل تأكل تذكرت تحذيرات خلود لها انها تكون راقية ومؤدبة في اكلها وما تأكل بهوارة.
وبدأت تأكل بهدوء وتشل من الخبزة قطع صغيرة وتأكلها مع البيض والكبدة..!!!
.
.
مرام.!!!
فزت لوما سمعت دق الباب ووقفت وخرجت للصالة غسلت وجهها بسرعةة لعدة مرات وخطيت فتحت الباب وبسرت ميس قدامها وببسمه ذابلة: حيااا
ميس ببسمه: صباح الورد يا عروسةة وينه قيس نا فتح هوه
تنحت من الباب عشان تدخل ميس وهي ترد: خرج لا بقعة وعيرجع قال
طرحت الصبوح في الصالة ولفت لمرام وقبل تتكلم انصدمت من ملامحها الباكية وبسؤال؛ مرام فيش حاجةة
وكأنها منتظرة لهذا السؤال عشان تنفجر بكاء وتبكي..
تقدمت منها ميس بسرعه وهي تحضنه بفجعة: مرام مالش فيش حاجة او قيس زعلش
استمرت مرام تبكي بدون رد وميس سكتت لوما خفت من بكاها وبهمس: ايش حصل ليش بتبكي
مرام بخفوت: ولاشي بس فقدت لاهلي اول مره افترق عنهم هكذا وانام ببيت غير بيتنا
بعدت من حضنها وكملت وهي تمسح دموعها وتبتسم:انتي بنت وعارفة لشعوري
ميس بتصديق: اي والله بس هذه سنة الحياة ما نفعل بس عتتعودي واسأليني انا
مرام: ان شاءالله.. طيب اجلسي اصتبحي معانا
ميس: اعذريني معانا عمل خيرات عارفة عزومة اليوم اعظم من امس.. اصتبحي مع قيس واذا تأخر اصتبحي لوحدش واسحبي عليه هههه
مرام: هههه لا عترراعي له اكيد
ميس: يمةة والحب.. ههههه طيب خاطرش ودش شي
مرام: سلامتش..
خرجت ميس ومرام بسرت الاكل لثواني ولفت دخلت للغرفةة..!!!
ِ
تـــــوأم أغـــــراب 2
البارت189
للكاتبـــــة: أميــــرة اليـــــمن
ـــــــــــــــــــــــــــــــــــــــــــــــــــــــــــــــ
همست كوثر لميس بعدما قالوا يطلعوا عشان مرام وصلت:ماعه اشتي ابسر مرة اخي كيف هي
ميس:غدوة وابسريها تمام
كوثر:مع اشتي ذلحين ..لفت لاوس الواقف وبهدوء:اسبق للغرفة وانا عتجي لوما ابسر مرام وقيس
بسرينها خواتها بقهر واوس رد رغم تفاجئة:ابشري..
تعالي يا رانيا ابسري لي طريق..
خطيت رانيا معه وخرجوا من المجلس..
نبيلة بقهر وهمس؛فضحتي بنا
كوثر؛مافيها اشتي ابسر مرة اخي.اوووف..!!!
.
.
رفع لها الغطاء بعدما قري عليها والنسوان كلهن حجرين وتحاشى النظر لها وهو يجلس جنبها بهدوء..
وقفت كوثر قدامهم ومدت يدها لمرام: مبرووك عليش اخي
صافحتها مرام وهي ترفع نظرها لها وترد؛ الله يبارك فيش
ميس؛ خلاص بسرتيهم نطلعش للغرفةة
قيس: هههه طابت نفسش ذلحين قد اوس يحرق
كوثر: عاد نفسي اتصور معاكم
فاطمة بقهر: يووة واللغاجةة
علا: تمام انا عتصوركم اوقفي يا مرام.. وانت يا قيس خليك بالوسط
وقفوا كلهم وصورتهم علا عدة صور ضخمات..
بعدها رانيا وميس شلين كوثر لاجناح اوس..
وقف قيس وهو يبسر امه وخواته عيخطين وتكلم:اجلسين هانا وين عتسيرين
سعاد:مع البيت لوحده غدوة نجي ان شاءالله
قيس؛طيب اجي اوصلكن
نبيلة؛جبرك مع واذا عماد وسند
قيس وهو يفتحه تلفونه:عتتصل لصقر يوصلكم والكل
سعادة:مابه داعي ياعيوني..هيا بنات..الله يهنيكم ويسعدكم وانتبه لكوثر وعقلها
قيس:بعيوني لاتهمين..
خرجين كلهن
وقيس خطي مع مرام لا جناحهم ومنار وبيان ومشيرة معاها يساعدينها...!!!
.
.
وقف اوس وهو يبسرهن مدخلات لكوثر اللي رجعت الغطاء على وجهها.. جلسينها بطرف السرير وخرجين بعدما تكلمين مع اوس..
غلق الباب وتقدم من كوثر وهو يتكلم ب استغراب: ليش مغطية لوجهش
رفعت كوثر يدها المنقشه واشرت له بمعنى زلط
اوس ب استغراب.: زلط لأيش
كوثر؛ الفتاشة
اوس: قد اديتها ما قالوا لش
كوثر: لا انا ما ادخل اللي اعرفة انه الفتاشة تجي لايد الحريوة صح
ابتسم اوس ب استغراب المفروض الان تكون خايفة وخازيه خاصة انها صغيرة بس العكس
تكلم بهدوء: ابشري كم تشتي
كوثر: سعما الناس
ضحك اوس وهو يخرج زلط من جيبه ومدها لها: وهذه فتاشتش ما تغلا عليش
شلتها كوثر ودخلتها شنطتها ورفعت الغطاء
تكلم اوس وهو كاتم ضحكته؛ المفروض انا اللي افتش لش صح
رفعت نظرها له وردت: اختنقت وضبحت منه..
جلس الأوس جنبها وتكلم: أنتي الصغيرة صح
كوثر؛ لا انا أكبر من فاطمة بخمسة شهور
اوس: اها كم عمرش
كوثر: 16 وانت
اوس؛ امم دخلت الـ24
رفعت كوثر اصابعها تعد بهمس وشهقت تتكلم: يعني اكبر مني بسبع سنين يوووووة
اوس بضحكة: مااالش
كوثر: قدككك شيبةة عادنا صغيرة
اوس: هههههههه انا قلت 24مش 42 ركزي
كوثر: يلا مش مهم عشان تموت قبلي وارجع اورثك وزعت نظرها للغرفة وسألت: هذه غرفتك
اوس: ما رأيش انتي
كوثر: غرفتك اكيد.
وقف اوس وهو يبعد القبع ويتكلم ببسمه: عتخطى اتوضى وانتي غيري لداتش وتوضي عشان نصلي مع بعض طيب
كوثر: تمام..!!!
.
.
قيـس..!!!
وقف قدام مرام اللي جالسة بطرف السرير ومد يده لها وهو يتكلم: هاتي تلفونش
رفعت نظرها بتعجب بدون رد
قيس بهدوء وما زالت يده ممدودة: كلامي واضح هاتي تلفونش
فتحت شنطتها اللي كانت جنبها وخرجت تلفونها وناولته بهدوء
شله من يدها وعلى طول رجمة لاعرض الجدار لوما تفتت
غمضت عيونها اول ما رجمة وهي منصدمةة
فتحت عيونها وبسرته مازال واقف قدامها وبسؤال؛ ليييش.؟!
قيس بسخرية: هكذا افضل عشان اضمن انش ما تراسلي احد من ورايا
فتحت عيونها بصدمة؛ ايييييييش
قيس بسخرية اكبر: اوووف ياالبريئةة.. نزل راسه لاقدام وجهها وهمس بحده: كل اخبارش وعلومش عندي لاتظني انش بنظراتش هذه عتخليني اصدقش.
مرام بقهر: اذا كان به حاجة تكلم بها الان ووضحها بدون لف ولا دوران
رفع نفسه وهو يصفق ويتكلم بضحكة ساخرة: برافو والله... الفتاة البريئةة هههههههه.. بسرها وبحده: كلن عارف لنفسه ولماضية وما بيفعل مابه داعي للغيشمة والغباء هذا.. بسيكون بعملش... كل اللي كنتي تفعلية وانتي بيت ابوش تنسيه من الأن حياة ثانية فاهمةة..
مرام ساكته بصدمة من كل كلامة اللي ولا توقعت واحد بالمية انه يكلمها هكذا ويهينها ويتهمها.. انتبهت عليه تمدد على الكنب بعدما. خلس العسيب والثوب وبقي ب الجامه وتدفى ببطانية ولف مدي لها ظهره وهو يتكلم: طفي الضوء اشتي ارقد..!!!
قيس خرج لسانه لحمزة اللي تكلم بغيظ: جاااهل وعيزوجوه
قيس: بيغااار حبيب ا...
سكت اول ما بسره حمزة بنظرات تهديد..
سياف وهو يدبع له القبع: حبيب من
قيس: حبيب الملايين ههههههههه..
سياف:.........
ِ
تـــــوأم أغـــــراب 2
البارت185
للكاتبـــــة: أميــــرة اليــــمن
ـــــــــــــــــــــــــــــــــــــــــــــــــــــــــــــــ
عصر ثاني يوم حفلة مرام.!!!
كوثر بهمس لخلود: ذلحين هذه مالها رافعة خشمها هكذا من بتظن نفسها كل ساع وهي تنافخ
خلود بنفس الهمس: اليوم خطوبتها وبعدين انتي عارفه انهن كلهن شايفات انفسهن.. الله يعينش بس
كوثر: الله يعينهن هن هههههه صبرش بس عليااا.
وقفت وهي تسبر فستانها وسألتها انداء: وين عتسيري
كوثر: لاعند الجنيات هولا.. خطيت لاعند بنات عم قيس ووقفت قدامهن وبدلع: بناوت من ترقص معي على زامل
البنات بسرين بعض وقامت مشيرة؛ انا نفسي ارقص على زامل
كوثر: تمام هيا. شغلين لنا زامل.. تقدري
مشيرة: اكيد.. قد الموضة هذه الايام الرقص على الزوامل ههههههه
كوثر: هههههه سابر اقلبي يا بيان لوما قد احنا هناك.وانتي يا مرام قومي معانا
مرام؛انا والله مالي حاله ارقصين انتين
مسكتها من يدها وبضحكه؛لا والله لاتقومي هياا
قامت مرام معاها بقهر وخطيين للوسط..
كوثر بصوت؛زامل لليث يا بيان
بيان:من عيووني..!!
.
.
صباح ثاني يوم في الجامعة..!!!
خاطي قيس متجه لاقاعته لوما سمع صوت بيداعيه لف وبسره ماهر واحتدت نظراته وبحده: خيييير
وقف ماهر قدامه وببسمه وهو يمد يده يصافحه؛ مبروك قالوا امس خطوبتك ببنت عمك
قيس تجاهل يده الممدوده وكلامه ولف يخطى
مسكه ماهر من يده بسرعه: على العموم حبيت ابارك لك بس ولو انك خربت عليا وشليت البنت اللي احبها وتحبني واللي كنا نجلس نتكلم بالساعات ونلتقي هانا بالسر وكم خاطرنا عشان نتكلم ونحافظ على حبنا العظيم. وكم سهرنا على اصوات بعض و.... قطع كلامةة اول ما لف له قيس وضربه بوكس على لقفه ونزل قيه ضرب وهو يتكلم بحرقة: يا كلب يا نذذذذذذذل يا منحططططط
ماهر بسخرية وهو يتفادى ضربات قيس؛ الحقيقة وجعتك هههههه للأسف هذا الصدق ليش تزعل
قيس فار دمه اكثر وتضارب معه اقوى لوما تجمعوا الطلاب فكوا بينهم ومن ظمنهم جواد اللي تكلم بقهر: انت الا حق ضرب وبس بخست بعايلتنا.
مسكه قيس من شميزه ومن بين اسنانه: سد حلقك مش حالي اوفي لك وافحرك هانا يا مفحره كما انا مش رايق لك احتمال ادفنك هانا واروح.. دهفه منه ولف لماهر اللي بيمسح فمه بوجع من الدم وبتهديد: يا ويلك عاد ابسرك قدامي يا كلب فاااااهم... لف وخطي ودمه فاير للأخير ومش مصدق انا واحده من بنات عمومه تطلع هكذا وعلى ما بسرهن لمرات معدوده بسرهن محترمات ومؤدبات.. ضحك بسخريه وهمس بوجع: لايغرك المظهر الخارجي يا قيس.. تحت المدني الف جني..!!!
.
.
بعد مرور شهر ب احداث روتينية..!!!
بدأ عرس الأوس وقيس من إسبوع واليوم الزفاف..!!!!
الصبح..! بيـت اللواء..!!!
دخل لاغرفة قيس وبسر عاده نوم وبصراخ: انااااا كم عتجلسسس اقومكككككك ككككككممم
فز قيس بسرعه وبصرعه: مالجدتكككك يقلع وجهككككك
تقدم. منه وبقهر: قد. الأوس وليث وجواد والرجال كلهم نازل وانت عادك نوووم ولي ساعة اقومككك هياااا
قيس بنعاس: كم الساعة وما اقوم افعل ذلحين يا حمزة
حمزة: الساعة عشر.. وانزل عند الرجال اللي مجتمعين عشانكم وبيبترعوا ويشعلوا الدنياء بتسمع
قيس: اها تمام.. نزل من السرير وخطي سحب منشفته وهو يتكلم: ما لبس اوس
حمزة: ثوب ابيض و..
قاطعه قيس وهو يدخل للحمام: جهز لي لدات ساع حقه... غلق الباب وصاح حمزة بقهر: خدااام ابوكككم اناااااا
قيس بضحكه: اخي وابن عمي بردها لككك في عرسككك بلي بالي بالككك
حمزة بقهر وهو يشل الثوب من المعلق: ماحد يحاكيك بسر انت
قيس: الحب مش عيب يا اخي بعدين ميشووو تستاهل من يحبهاااا
حمزة بصراخ: قييييييس..
قيس: خلاص اسف قصدي مشيرة هههههههه
دق الباب وبحده: انت ماحد. يفعل فيككك خير يانذل
قيس: ههههههههههه جبرككك بين امزح معاك بس مالك
حمزة بقهر وهو يخطى يجلس على الكنب: يلعن اللي عاده عيكلمك بحاجة.
قيس: هههههههههههه..!!!
.
.
بيت كريـم..!!
كوثر بضجر: ايحين عتجي هذه المكوفرة..
انداء:ذلحين قدها عتجي.
تنهدت كوثر بضبح وفزت وهي تتكلم:خلود ادي لي قلم وورقة لو سمحتي
خلود ب استغراب:تمام...
فاطمة:ما تفعلي بها..
كوثر وهي تشل الدفتر والقلم من خلود:بعدين واقول لكن..فتحت الدفتر وبدأت تكتب بهمة لعدة دقايق..
دخلت سعاد للغرفة مع المكوفرة وتكلمت ب استغراب وهي تبسر كوثر تكتب:قد المكوفره جت ما بتكتبي انتي..
شطت كوثر الورقه وعطفتها وهي ترد:طلبات
سعاد ب استغراب:ايش من طلبات
كوثر؛كل طلباتي اللي كان تقولوا لي كما تزوجتي اطلبيها من زوجش كتبتها كلها عشان امكن اوس الليلة ينفذهن كلهن
البنات فتحين عيونهن بصدمة وسعاد اما المكوفرة ضحكت من شكل كوثر الجدي وهي توقف وتطرح الورقة بين شنطتها
سعاد بحدة؛ياسعم انش مجنونة
ِ
تـــــوأم أغـــــراب 2
البارت184
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
وصلين لابقعة كوثر واول مابسرت ثنتين جواهل صغار جالسات فيها تخصرت وبقهر: يييه ما بتفعلي انتي وهي ببقعتي. انزلين نزلوا ماعاد انا قايلة لاعاد خزا ولاشي
قرصتها خلود وبقهر؛ ااص فضحتي بنا
كوثر وهي تفرك مكان القرصة؛ كسروا يدش ليش يجلسين ببقعتي
ميس: الان يقومين اهدأي ههههههههه.
نزلين الجواهل وجلست كوثر وبسرت النسوان نظرهن لها وهمست بقهر: وهذولا مالهن بيبسرني هكذا
رانيا: كان من يبسرين ما جين الا يبسرينش..
كوثر؛ اهاا ايوة صح..
ميس بهمس: اااص بنات عمي جايات يباركين لش وخواتي تعاملي برقي وذوق تمام
كوثر: ولايهمش..
وقفت منار قدامها وسلمت عليها ببسمه: الف مبروك يانظر
كوثر: الله يبارك في عمرش تسلمي
مكنتها الهدية وسلمين عليها علا وبتول وبيان وباقي البنات وصولا لمرام اللي تكلمت علا: هذه مرام خطيبة قيس سليفتس يعني
كوثر: اها حياش الله ي قلب كيف انتي
مرام: الحمدلله..
خطيين كلهن جلسين جنب بعض وقامت ام رانيا ولبست كوثر الدبلة والبنات يصفقين ويحجرين بفرحةة وكوثر عامله نفسها رزينه بسبب نظرات امها وخالتها سعاد المهدده لها..
جلست ميس جنبها بعدما جلسين كلهن وكوثر همست لها: اين احلا انا او مرام
ميس: ليش او انتين طباين ههههه
كوثر: من صدق هيااا
ميس بصدق: قمارات الثنتين الصدق بس انتي فيش قبله احلا خاصة عيونش
كوثر ببسمه؛ ريحتيني.
ميس: شلوش ع اساس هي طبينتش هههه
كوثر: لاتدعي عليا حريوه يا كلبة
ميس؛ مالت بس
كوثر: هولاك كلهم اهلش
ميس: ايوة هذك ام مرام.. وهذك ام مشيرة نسوان عمومي وهذك عمتي سارة وهذك جدتي
كوثر بشهقة: جدة الأوس هانا ولا تقولوا لي اقوم اسلم عليها.. وقفت ووقفت معاها ميس وهي تتكلم: وين عتسيري
كوثر: اسلم على جدة الأوس عيب علياا.. خطيت والكل بيبسرها ب استغراب والبنات وقفين مستغربات ولحقتها ميس وهي تخطى قدامها والنسوان يوسعين منها تخطى لوما وصلت لاعند جدة الاوس اللي مستغربه منها
جلست قدامها وسلمت عليها بوجهها: كيف حالش ياجدة اعذريني اول ما دخلت ما عرفتش العفو منش
الجدة بفرحة لأدبها وهي تسلم عليها: حياش الله يا بنتي انا اللي المفروض اجي لاعندش بس ماعاد قدرت اقوم قلت لوما اروح واجي صليش
كوثر؛ لا الله المستعان احنا اللي نجي لاعندش.. لفت لسارة ومدت يدها لها ومن نظراتها عرفت انها مش طيبة وببسمه: كيف حالش.
سارة بزنط: تمام..
كوثر دعممت ومدت يدها لام مرام ومشيرة وسلمت عليهن.. ولفت للجدة: يلا جدة عتقوم وده حاجة
الجدة بحب: سلامتشيا بنتي.. والله خير ما اختار اوس الله يوفقكم الاثنين
حبتها براسها وهي تهمس؛ الله يديمش فوق روسنا...
لفت وخطيت من جنب ميس اللي فاتحه للقفها وعيونها بصدمة انه هذه كوثر. وخواتها نفس الشي مصدومات من وين نزل الادب والهدوء...!!!
.
.
جلست جنبها وهي تتكلم: انتي كوثر
كوثر: لا خيالها هههههههه.. كيف انا ضبطت اموري مع الجدة
ميس: اخطر من امريكاا ما صدقت انه انتي
كوثر: هههههههه اعجبش يا نظر
لفت لبنات عم اوس وتكلمت: من منهن المسكينات ومن الكلبات
ميس: ههههههه لوما تسيري هناك وعتعرفي بنفسش
رانيا وقفت قدامها وهي تتكلم: قومي هيا اشتي ارقص معش على شيلة
كوثر قامت؛ طيب هيااا اقلبين هيا..!!!
.
.
بعد العشاء..!!!
بيت اللواء.!!!
تكلم قيس وهم ملتمين حول العشاء بيتعشوا؛ وكيف الخطوبة يمةة
الجدة: ماشاءالله حاليه ومابش، فيها تكلفة وكوثر قمرية ماشاءالله لا كان عيون ولا كان شعر ولا كان طول ولا...
قاطعها قيس بقهر: بس بس يمةة لاتوصفيها قدام الاغراب
رفع اوس نظراته له ب استغراب وتكلمت الجدة ب استنكار؛ من هم الاغراب
رهف: او قصدك اوس
قيس: ايوة ما يصلح توصفينها قدامه
اوس بقهر: خطيبتي على فكرةة ومن حقي اطلب نظره شرعية لو ودي
قيس: اتحدااا ابوككك والله ما ارضى
اوس بحناك: اصلا ما يحتاج هي محجبة اعرفها وجدتي وكفت ووفت بباقي الوصف
قيس بحدة: اووووس احترررم نفسككك لاتذكر اختي
الجدة: هههههههههه خلاص قدها عتوقع مرته عادي
رهف: يمةة والغيرة
اوس بزنط: اسمع من الان اقول لك ما عتسمحها لها تكلمك او تظهر عندك فاهم
قيس بسخرية: امانةة عليككك
اوس: اي والله
رهف: هههههههههه مجانين
اوس: ههههه وباقي البنات وينهن
رهف: ما خلتهن كوثر يروحين قالت يسمرين هناك من مره
قيس؛ رجاءيا خالة لاعاد تذكري اسمها قدام اوس
اوس بقهر؛ هذا اللي عاد كان نااااقصناااا
الجدة: ااااص انت وهو.. وبعدين ماشاءالله عليها كوثر ادب واخلاق وصوتها واطي
قيس فتح عيونه واوس رفع حاجبة بصدمة وعلى ما بسر وعرف كوثر بعيده كل البعد عن هذا الوصف
ِ
تـــــوأم أغـــــراب 2
البارت 183
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
حسن بسخرية: الله الله قد. عيال الامس عيتحكموا فينا ويمشونا على قولهم
قيس؛ الزواج مش بالغصب
حسن بصراخ: مناااااااااار وييييين جتتتت هذذذذهه
منار اللي كانت اعلى الدرج نزلت بخطوات خايفه من جدها وبسرت اوس وقيس اللي بيبسروا الجد بتحدي وبهدوء: ايييش
حسن خطي ووقف قدامها وبحده: انتي بأمر من تفسخي من اللي سمح لش دام وانا ما سمحت ولا عندر خبر
رفعت نظرها له وبقوة: سمحت لنفسي وانا قلت لكم من اول ابن خالي مشتيه ولا اشتي اي حاجة تربطني ب اسرة امي.
رفع الجد يده يضربها كف بس وقف قيس قدامه بسرعه وبحده: حدككككك تضربهاااا ليييييش
منار تخبت خلفه بخوف من جدها اللي فتح عيونه بصدمة ان واحد يقف في وجه ولاول مره
اوس: تنكسر يده اللي يفكر يمد يده على واحده من خواتي يكووون من كاااااااان
نزل حسن يده ولف لسياف اللي بيراقب بهدوء وبسخرية: هم هولا عيالك اللي بتتفاخر بهم هي هذه التربية.
سياف بهدوء: محشوم يا اباه بس دام ومنار ما تشتي ابن خالها فليش نغصبها غيره الف او مابه الا هوه..
حسن:هذا ردك يعني.
علا من الدرج بصوت عالي:ايوةة هذه رده ليحين عتجلس متحكم فينا وتمشينا على كيفك..خل كل واحد يفعل اللي يحب ويشتي انت ما دخلككك كل واحد حر بحياته.. بسرت الجد لف لها بنظرات نارية ولفت وطلعت باقي الدرج بسرعه وبتول وبيان واقفات بتوتر..
حسن بصراخ:حاليةةةة قد حتى اللي عاده مابلغ بيرفع صوته عليااااا..بسر اوس وقيس وبتهديد:اسمعوا الان تخطوا تعتذروا من خال منار فاهمين ويرجع كل شي على ما كان والليلة يجوا يدفعوا كأن ما وقع شي
شدت منار على قيس اللي تكلم بحده؛في احلامك والله ما تم حاجة ولا وقع عرس دام منار مش راضية
اوس:والفسخ قد.تم وماعاد به داعي لكثر الهدار وكلم خال منار وابنه ان مابش معانا بنات للزواج الله يوفقهم مع غيرهااا.. هيا اطلعوا غرفكم قلت ان معه حاجة مهمة طلع هذا الخبر..خطي وقيس مسك منار من يدها وخطيوا طلعوا الثلاثة وبيان وبتول تحت صراخ الجد وسكوت سياف اللي راضي اتم الرضا بلي فعلوه اوس وقيس لانه ما يشتي منار بنته تتزوج لا بيت اخوالها ابدا...!!!
.
.
بغرفة منار..!!!
دخلوا كلهم ومنار تفك يد قيس وتتكلم بخوف:لو جدي ما يرضى يفسخ ويدفعوا الشرط
اوس بضحكه:لاتهمي ولا عيحصل حاجة بعد اللي وقع نازل
قيس:وان حصل والله لا ادخل لهم للمجلس واكسر روسهم كلهم
منار: الله يحفظكم..
علا وهي تدخل بسرعه وتتكلم: جيييتوا ما عااد وووقع
اوس لف لها ولمها من رقبتها وبضحكه: جت القويةة حقناااا
علا: ههههههه بسرتوا كيف تكلمت وما افتجعت منه
قيس: باتمان ههههههه
بتول: والله انني كنت مريعه ايحين عيرجمها في راسها ب الباكوره حقه
بيان: هههههههه حتى انا خفت قلت هذه من وين جت لها الشجاعةة
علا: اصلا انا تشجعت لان اخوتي هانا قلت عيفزعوا معي صح
قيس: تبشري والله..
لفوا لسياف اللي دخل وهو يتكلم: مجتمعين هانا كلكم ماشاءالله وبتضحكوا وكأن الحرب العالمية الثالثة ما قرحت هانا قبل شويةة
سكتوا كلهم ومنار خطيت لاعند اوس خايفه من ابوها ما عيقول واوس مسك بيدها يطمنها
سياف ونظره لمنار: ذلحين ما تشتي ابن خالش صدق
منار بخفوت: ايوة وكم لي من لما قلت لك
قيس: اظن احنا حاليا في القرن العشرين..والناس فاهمين وواعين ومابه حاجة بالغصب يا حضرة اللواء
سياف بهدوء: حتى انا من الاول ما كان اشتي ازوجش لاعند اخوالش لان علاقتنا انتهت بطلاقي لامش.. بس..
قاطعه اوس بسخرية؛ بس حسن دعس الكل وجزع كلمته وماحد يصدى يدي كلمةة بعد. كلمتة حتى لو كانت غلط..
سياف: ابي وله احترامه ومكانته ومن زمان انتوا ايش عرفكم به اصلا.. بس ابشري يا بنتي ولا يهمش دامش ما تشتي ولا عنغصبش وقد. اخوتش انهوا كل شي خلاص انتهى الموضوع.. لف يخطى ورجع بسرهم وتكلم: وانتوا جهزوا انفسكم الليلة عنخطى ندفع لكم حق العرس والخطوبة اشتي ازوجكم وابسركم حراوة قبل ربي يشل روحي.. لف وخرج من الغرفة قبل يتكلموا.
الكل سكت بعد كلامة وتكلمت بيان بهدوء: ابي تاعب هذه الايام وضايق
بتول ونظرها لاوس: لو اوس وقيس وميس يعتبروه اب ويسامحوه كان ارتاح
اوس بهدوء: مش وقت هذا الكلام.. يلا انا عتخطى معي عمل انا وحسين ودكم شي
الكل: سلامتك..!!!
.
.
يوم الجمعة.!!!
خطوبة الأوس&قيـس..!!!
العصر بيت كريـم..!!!
غرفة البنات..!!!
كوثر بضبح: بس خلاااص اشتي ااااخرررج كم عتجلسي تسبري
المكوفره: لحظه باقي اللمسات الاخيرة
كوثر بهمس ماركزت عليه المكوفره: جعلتي تلفظي انفاسش الاخيرة..
سمعتها ميس اللي كانت بتلف المكيأب وانفجرت ضحكة: هههههههههههههه
المكوفره: مالش
ميس بضحكه: ولااشي كملتي
المكوفره: ايوة خلاص..البسي الفستان.
ِ
تـــــوأم أغـــــراب 2
البارت 182
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بيت عبدالله..!!!
غرفة مرام..!!!
حمزة ب انفعال: ممكن ادرى ليش ما تشتي قيس
مرام ببرود: هكذا ما اشتي
حمزة: على فكرة جدي قال كلمتة وحدد العرس وانتي عارفة لجدي ماحد يقدر يوقف بطريقة
مرام بقهر: ماله دخل مني
حمزة بحده: اسمعي اذا كنتي زاعله عشان ماهر الكلب.. ف اسمعي هذه الكلمتين.. قيس انقذش منه فاهمه
مرام بترقب: انقذني منه كيييف
حمزة بقهر: الكلب هذك طلع حق بنات ومراسلات وبيهدد البنات بصورهن ويضحك عليهن قد شبك نص الجامعة. ومره تضارب مع قيس بسبب انه بسره بيلاحق بنت ويهددها
مرام بصدمة: كذااااب
حمزة بحده: وعادنا كذااااب.. وعلى فكرة زد اليوم تأكدت بنفسي في الجامعة وطلع الخبر كله صدق.. وعلى العموم احتمال الخطوبة قريب عشان العرس بعد شهر في العطلة النصفية...!!!
.
.
قيـس..!!!
جالس في الصالة على تلفونه لوما دخل أوس وهو يتكلم: سلام
رفع نظره له وقفل تلفونه وهو يرد: وعليكم السلام واخيرا جيت
جلس جنبه وهو يسكب له ماء للقلص: ليش ما ودك مني
قيس: ولاشي بس قلت اقول لك تم البيت موافقين
اوس شرب القلص وحطه على الماسه وهو يرد: اي بيت
قيس بقهر: الاخضر
اوس: اهاا... قصدك. من الخطوبة ههههه تحاكى سوا وانت
قيس: ما اقول يعني
اوس: قول الف مبروك اختي موافقه
قيس: اللي هوه المهم.
اوس: خير ان شاءالله غدوة ندفع ونحدد كل شي
قيس: يعني عنرضخ لحسن والعرس بعد. شهر
اوس: مهما كان يضل جدنا ولكلمته احترام جزعها له هذه المره
قيس: سابر..!!!
.
.
ظهر ثاني يوم..!!!
المركز..!!!
كان الأوس في مكتبة لوما رن تلفونه برقم غريب.. فتح الخط وبهدوء: ارحب
وصله صوت بنت ببكاء؛ اوس وين انت
اوس بشك: منار
منار: ايوة منار وينك
اوس: في العمل خير ليش مابه ليش بتبكي
منار بكت وبرجاء: جي للبيت ذلحين احتاجك الله يخليك
فز اوس وهو يرد: ابشري ثواني وانا عندش..!!!
.
.
بيت اللواء..!!!
غلقت الخط ولفت لبتول اللي تكلمت: يعني بالله ما عيفعل اوس ولا قيس اتصلتي لهم ذلحين وخوفتيهم
منار وهي تمسح دموعها: يجوة يوقفوا قدام جدي ويفسخوا خطوبتي
بتول: وما تحركتي الا لوما قال جدي انهم الليلة عيجوا يدفعوا وعرسش مع اوس وقيس ومرام
منار: مشتيييش والله ما اتزوجه فاهمه.. اوس وقيس يثبتوا اخوتهم ويفعلوا حاجة من اجلي.. غطت وجهها بيداتها وبكت...
.
.
تلاقى اوس وقيس في الباب وسأل اوس ب استغراب: خير ليش مش انت في الجامعه
قيس: عادنا جيت اتصلت لي منار بتبكي
اوس وهو يسرع بخطواته لا داخل: ايش به حتى انا اتصلت لي..
طلعوا الاثنين الدرج بسرعه ولا غرفة منار على طول فتح اوس الباب وهو يسمع بكاء منار وبلهفة: منار.. اييش به
فزت منار ووقفت وسعت لاعنده وارتمت لاصدره وهي تتكلم ب انهيار: مشتيةة قووول لهم يا اوووس الزواجة مش بالغصب والله اقتل نفسي والله
اوس وهوه يحضنها يهديها: من اللي ما تشتيه اي زواجةة
منار ببكاء: قال جدي الليلة عيدفعوا بيت خالي لي ويكون عرسي معاكم
قيس: وانتي ما تشتيه
منار: ايوةة
اوس: طيب ليش وافقتي عليه من اول
منار ببكاء وغصة: وعند جدي هل لنا رأي كله على قولة وخطبني ب ولد خالي بالغصب وما عبرني حتى ابي ما صدى يدي كلمةة. وانهيار؛ وانا م اشتي ما اشتي اسير لاعند هذك الاسرةة مشتييييي..
اوس: اهدأي ياعيني اهدأي مالش الا اللي يرضيش ابشري
منار وهي ترفع راسها وببكاء: يعني عتفسخوها
اوس: غصب عنهم كلهم
قيس: ماعاش من يغصبش على حاجة واخوتش بظهرش الليلة وانتي محررة
ضحكت منار ببكاء وهي ترجع راسها لاصدر اوس اللي تكلم: هاتي الدبلة حقهم وكل شي يرجع لهم الان..!!!
.
.
الساعة. 4العصر....!!!
وقف الجد حسن وسط الصالة وبصوت عالي: ويييين جووووا هولاااااا اوووووووس قييييييييس .... ييييييييييييهه
سياف اللي عاده داخل للبيت: خير يا ابه مالك بتصيح
حسن بحده: وين جوا عيالككك هولااا
سياف: ليش ما حصل
حسن: داعيه وعتدرىىىى يا قيييييسسسس انزلووووا لانتوا رجاااااال...
.
.
طالع...
فتح اوس غرفته بنفس اللحظة اللي فتح قيس غرفته وهو يسأل: هذا صوت حسن او بين اتخيل
منار بتوتر وهي تتقدم منهم: الا صوت جدي بيداعيكم شكله عرف انكم فسختوا الخطوبة ورديتوا كل شي
خطي اوس ينزل وتكلمت بتول: لا تنزلوش لا فعل بكم شي
قيس وهو يخطى بعده:ههههههه وما عيفعل بنا لاتخافين ولا واحده تنزل طيب
البنات: حاضر..!!!
.
.
تكلم اوس وهو يتقدم من سياف وحسن: خير ماهوه هذا الصياح بكله اييش به
حسن بحده: جيت يا نذل انت واخوككك هذا
قيس بسماجة: قصدك انا. سهل جزاك الله خير
حسن بصراخ: من سممح لككك انت وهو تفسخوا الخطوبةةة بأمر مننننن
مساء الخير
امس خلص عليا النت ولا حد فزع ورسل لي نت ولا دريت كيف ارسلها لكم حاولت ارسلها بلوتوث ما رضي حظكم مثل حمار الزبيب 🥲😂
بارتـات يومنـا قراءه ممتعه 👆🏻😍
نظرا لان النشر قليل وما ياخذ من الوقت غير دقايق نكمل الروايه 🌝👏
ِ
تـــــوأم أغـــــراب 2
البارت192
للكاتبـــــة: أميــرة اليـــــمن
ـــــــــــــــــــــــــــــــــــــــــــــــــــــــــــــــ
حضنته وهي تتكلم: وحشتني قويةة
سلم عليها وهو يرد ببسمه: مابتفعلي هانا
كوثر: ولاشي. بس بين ابسر.. بسرت اوس وتكلمت وهي تمد يدها له: هاي انت هانا
صافحها اوس وهو يرد؛ لا هانك..
قيس: هههههههه
ام حمزة: قيس كيف انت يا ولدي
لف لها قيس وخطي سلم عليها ب احترام وهو يرد؛ الحمدلله ياعمة كيفش انتي
ام حمزة؛ الحمدلله كيف مرام ليش ما نزلت
قيس: هاه.. الحمدلله تمام.. عتنزل العصر قالت..
لف لكوثر اللي واقفه جنب اوس ومد يده لها وهي مسكتها وخطيت معه ووقفت اول ما مسكها اوس من كتفها: وووو وين عتسير بها
قيس: ايش عليك فك لاختي
اوس برفعة حاجب: زوجتي على فكرة
قيس: اختي قبل تكون زوجتك على فكرة
اوس مسك يدها بتملك: مابش خطيه معاك
قيس: فك احسن لككك
اوس: ولا ما عتفعل
ميس وقفت قدامهم وبحده: مالككك انت وهو ساااع الجهااال
قيس؛ كلميه هوه اشتي اجلس مع اختي واجابرها
اوس: انت اللي تكلمك
كوثر فكت يداتهم الاثنين وهي تتكلم؛ لحظة عتسوي قرعه ومن طلع له شلني ههههه
ميس بهمس؛ مالت عليكم فضحتوا بنا على الاقل اخرجوا من المطبخ
مسك اوس يد كوثر وخرج معاها من المطبخ وقيس وميس معاهم...
ميس: اوس خلي كوثر تخطى مع قيس اخوها ويشتي يكلمها
فك لها اوس وكوثر خطيت مع قيس للصالة الثانيةة وجلسوا يتجابروا
اوس ونظره لهم: ياسعم ما عيقول لها
ميس ببسمه: يطمن على اخته مالك انت
سكت بنرفزة وميس ضحكت ورجعت للمطبخ.!!!
.
.
تقدمت من اوس بعدما تكلمت مع قيس واطمن عليها وقيس طلع الدرج متجه لا جناحه..
اوس: هاه كمل التحقيقات
كوثر؛ ما وصلنا للقاتل تأجل الباقي لا غدوة ههههه
مسك يدها بين يداته وخطي متجه للمجلس وكوثر تسأله: وين عنسير
اوس: نسلم على جدتي
دخلوا للمجلس وتكلم اوس بصوت: السلام عليكم
الجدة وسارة اللي كانين بالمجلس لحالهن: وعليكم السلام
خطي سلم عليها وكوثر والكل ومد يده لسارة كوثر نفس الشي مدت يدها لسارة بس
الجدة: حي الله الطله الزاهية هذه
جلس الاوس جنبها وكوثر جنبه وهو يرد:الله يحييش يا غاليةة
الجدة لكوثر: تعالي هانا جنبي ياعيني
قامت كوثر وجلست جنبها وهي تسألها: كيف حالش يمةة ان شاءالله بخير
الجدة بحب: الحمدلله يابنتي ما اسأل الا عنش
كوثر: الله يحفظش ويخليش لنا
اوس رافع لحاجبة ومش مصدق ان هذه كوثر اللي جننت من امس لاذلحين اللي يبسرها الان يقول عقلها يوزن بلد..
سارة ب انزعاج: ما نزلتوا تفعلوا من الصبح
كوثر ببسمة: قلنا نسلم عليش ونبسرش ما يسبرش ندعمم منش
سارة؛ اها ماشاءالله أدب واخلاق
كوثر: الله يحفظش.. لفت لاوس بسؤال؛ من هي هذه يا اوس
اوس بضحكه خفيفة: سارة اخت سياف
كوثر: اها يعني عمتك حياش الله تشرفنا
سارة بقهر: لو انت محترم ما تقول سارة هكذا حافي
قبل يرد اوس ردت كوثر: قلعك يا اوس البس احذي لوما تكون تقول سارة ما يسبرش تجلس حافي
اوس: هههههههههههههههههههههه ابشري
وقفت سارة وبقهر: ما اوقح منك الا مرتكك التافهه هذه..خطيت خرجت من المجلس
وكوثر ردت: تسلمي كلش ذوووق
اوس: لاحول ولا قوةة ههههه
كوثر: لايكون زعلتي يمةة
الجدة: من ايش ازعل
كوثر: من كلامي لو ودش الان اقوم اعتذر منها
الجدة: جبرش لا ما زعلت تستاهل ما جاها طول عمرها شايفة نفسها
كوثر ونظرها لاوس اللي بيبسرها بتعجب: خلاش لنا يا نظر...!!!
.
.
قيس..!!!
دخل للصالة وبسر الصبوح مثلما هوه ماحد لمسه.. دعمم وخطي للغرفة فتح الباب وبسر مرام جالسه قدام الدولاب وبترتب لداتها فيه.. لفت لفتحت الباب ورجعت نظرها للي بيدها بعدم اهتمام..
توجه للسرير بعدما خلس العسيب والكوت والشال وتمدد بتعب وهو يطرح يده تحت راسه والثانيةة على عيونة ويتكلم بأمر: اخطي نزلي صحون الصبوح للمطبخ وابسري كيف تنقصي منهن عشان ما يبان ان احنا ما أكلنا فاهمه
مرام بهدوء: حاضر.. غلقت الدولاب ورفعت الشنطة بعدما كملت ترتب ملابسها.. خطيت للعلاقة وشلت عبايتها لبستها مع الطرحه وخرجت شلت الصبوح ونزلت به للمطبخ...!!!
ِ
تـــــوأم أغـــــراب 2
البارت191
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الأوس..!!!
فتح درج التسريحةة وشل ساعته ووقف يلبسها ولف على صوت كوثر اللي وقفت وراها؛ اوس
اوس: ارحبي
مدت له ورقه وهي تتكلم: نسيت ما اسلمها لك امس
شلها من يدها وهو يسأل ب استغراب: ايش هذه
كوثر: اقراها وعتدرى
فتحها وقري بصوت واطي: طلبات كوثر
شنطة يد لونها اسود
كرتون شكلاته بريك
عباية من...... مول
فستان اسود يجنن قيمته 40الف
إيباد..
سلس فضة بحرف اسمي
و..... و.... و.....
حاجات خيرات كتبتهن وكل ماقري الاوس طلب ضحك بهدوء.. وصولا لاخر شي: هذه كل طلبات كوثر اللي كان يمكونها كما تزوجتي قلتي لزوجش يدي لش واذا تذكرت حاجة عيتم إضافتها.. اتمنى التنفيذ للطلبات وب اسرع وقت.
رفع نظره لها وبضحكة: ذلحين المطلوب مني انفذ لش هولا كلهن
كوثر بفرحة انه ما صيح: ايوةة
اوس عطف الورقه ودخلها جيبه وهو يتكلم: ابشري هههههه
كوثر: جبررركك يارب ههههه
اوس: يلا عتخرج ذلحين ودش شي
كوثر: سلامتككك..
.
.
قبل الظهر..!!!
خرجت كوثر من الجناح بعدما لبست بالطو وتحجبت ووزعت نظراتها في الصالة وهي تهمس؛ من وين اخطى ذلحين ساع من بيتهم هههه.. خطيت لوما بسرت الدرج وسمعت اصوات النسوان من نازل.. نزلت بسرعه واتجهت لاحيث الاصوات في المطبخ..
وقفت في الباب وتكلمت: سلاام يا قوم
لفين لها كلهن وردين السلام وتكلمت بيان با استغراب: يوووه ما جيتي تفعلي هانا
كوثر وهي ترتزح لاعرض الدولاب: ولا شي قلت ابسركن ضبحت جلسة لوحدي
رهف: حياش الله.. ادي لها الجلاس تجلس يا علا
علا؛ حاضر.. تعالي يا كوثر
جلست كوثر ولفت على صوت ميس اللي دخلت وتكلمت اول مابسرتها: كوثر ما بتفعلي هانااا
كوثر: ولا شي مابين افعل
ام حمزة: خليها تتواله مع البنات ما تفعل لوحدها في الغرفة..
ميس: تمام ما قلت بس استغربت..!!!
.
.
بسر قيس اللي جالس في جلسة الحوش ونظره للطباخين اللي في طرف الحوش وتقدم منه وهو يتكلم: صباااحك ياعريييس
لف له قيس وابتسم بهدوء: صباح الورد يا عرريس
جلس جنبه وهو يتكلم: ما بتفعل هانا
قيس: ولاشي
اوس: كم لك هانا
قيس: مدري حدود الساعةة
اوس؛ اوووه اصتبحت
قيس بكذب: الحمدلله.. كيف كوثر نسيت اجي اسلم عليها
تذكرها اوس وضحك وهو يتكلم: كوثر الحمدلله تمام. اسأل عن حاالي انا شوية والتذع
قيس: هههههههه ليش ماقد سوت
خرج الورقة من جيبة ومدها له: اقراهااا هههه
فتحها قيس وقريها وهو يضحك كمل ورجعها لاوس وهو يتكلم: والله وفلعتها وكتبت كل طلابتها هههههههههه
اوس: قالت نسيت ما تمكني امس ههههه ادتها الصبح قالت انفذها
قيس: ما كوثر الا لحالها.. الفستان اللي طلبته طلبته ذاك اليوم مني واحنا بالسوق وكان غالي. فقلت لها لوما تزوجي يشتريه لش زوجش ههههههه
اوس: وهي ما قصرت ههههههههههه
سكتوا اول ما بسروا حسن متقدم منهم وهيبته في خطواته واول ما وصل لهم تكلم: ضحكونا معاكم
اوس: حياك تفضل اجلس
بسره حسن برفعة حاجب وجلس وهو يرد: اكيد. عتجلس او منتظر منك اذن
قيس: لا الاماكن العامة ماحد ينتظر فيها اذن من احد
حسن: ايوة كيف العرس
اوس: من اضخم ما يكون
حسن: اكيد عيكون ضخم دامه ببيت حسن الـ...... وعرس احفادة
قيس بضحكة: الله يحفظك لنا بس
بسره حسن ببرود ولفوا على صوت حمزة وهو يتقدم. منهم وخلفه ليث ويتكلم: ايوووه هكذاا انتوا اجلسوا وافتهنوا واحنا لنا نكرف من امس
قيس: كان ما مهرة امكككك
جلس جنبه وضربة على كتفة بقهر: تااافه
اوس: هههههه مردوده بعرسكك يا حمزة لاتهم
ليث جلس وبتعب: اوووف انكسر ظهري
اوس: وانت والكل مردودة بعرسكك
قيس؛ لكن تزوجوا جمعه عشان ننكرف مره واحده مش كل واحد لحاله
حمزة: مالت ما عتزوج الا لوحدي
ليث: هههههه حتى اناااا..!!!!
.
.
في المطبخ.!!!
مشيرة وعلا وماريا وبتول..عاملات دايرة حول السلطة اللي بيقطعينها وكوثر شلت مقص وبتقطع معاهن تحت اعتراضهن وهي تكلمهن وكلهن مركزات معاها بحماس:قولين بعدها هربت انا وفاطمة اختي هربنا هربنا وما بسرنا لكن الا جمل بدا لنااا وكان يشتي يأكلنا
مشيرة:ومن وبن بدا لكن الجمل
علا؛والجمل يأكل انسان
كوثر؛مدري من وين جاء وايوة يأكل قالوا.المهم..لفينا وهربنا منه وهو بيلاحق بعدنا وفاطمة اختي تبكي..بعدين بسرنا سيارة مفتوحه طلعنا فوقها وانا سقتها وهربنا بها..بسرعه شوية الا نبسر لكن أسد.قدامنا قال وقفين عندكن..قلت له ليش..قال انتي كوثر قلت ايوة..قال انزلي اشتيش تكوني ملكه للغابة وتأمري الحيوانات و...
البنات بصوت واحد:خرااااطةةة
كوثر بزنط؛وليش عتخرط
مشيرة: جمل وسقتي سيارة مشيناها اما اسد ووسط ذمار
بتول: وزد كلمش والكل ههههه
ِ
تـــــوأم أغـــــراب 2
البارت190
للكاتبـــــة: أميـــرة اليــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم..!!!
فتح عيونةة بتعب ولف للجهه الثانية واستغرب عدم وجود كوثر وجه نظره للساعة اللي على الجدار وبسرها تسع... رفع نفسه بتعب ووزع نظره للغرفة.. نزل من السرير وهو بيداعي بهدوء: كوثر.... كووووثررر.. خرج للصالة ومازال يداعي: كوثر.
كوثر من الحمام: اييييش
لف لا جهة الحمام.. اعز القارئ.. وتكلم: ما بتفعلي عندش
كوثر: ولاشي.. بس عجبني حقكم الحمام قلت اتصور فيةة
ضحك بخفة وضرب جبينه على سؤاله الغبي فعلا ولف لفتحت الباب وبسر كوثر واقفه وبجامتها اللولو كاتي واللي كانت باللون الرصاصي. ملان ماء وبتوطل وبصدمة وهو يتقدم منها: ليش هاجيه هكذااا من وين هذا الماء
كوثر بورطة وهي ترفع شعرها من وجهها: مدري فتحت هذك وماعاد قدرت اغلقه.
بسر لاداخل وبسر التشاش مازال مفتوح وتعداها ودخل طفاه وهو يتكلم: قدرتي تفتحيه وماقدرتي تغلقيه
حضنت نفسها وببرد: مدري ارتبشت بينهن الاثنين اغلق واحد وينفتح الثاني..
وقف قدامها وهو يحط يده على خدها ويتكلم: قدش باردة لازم تغيري لداتش.. بسر انه ما ينفع تدخل للغرفة هكذا وتكلم: ريعي انا عتدي لش لدات عشان تغيري
كوثر؛ طيب....
غاب لدقيقتين ورجع لها بملابس ومنشفة وتكلم: نشفي نفسش وغيري قبل تمرضي
شلتهن من يده وهي تتكلم: حاضر..
دخلت وغلقت الباب واوس توجه للحمام الثاني.. يغسل ويغير لداته..!!!
.
.
مرام.!!!
ما نامت عشان تقوم من النوم..
جالسه على ركبها قدام الطاقة الكبيرة ونظرها للشارع بسرحان وكلام قيس ما خرج من بالها ايش قصده.. انها بتكلم ومعاها علاقات.؟!
لفت لصوت فتحت الدولاب وبسرته قيس اللي عاده قام بيشل له لدات. طرحهن على السرير وسحب منشفتةة وخطي للحمام متجاهل وجودها تماما
رجعت نظرها للشارع وهي تهمس بقهر: مغرور وشايف نفسة ع اساس مابه احد حالي وعيونة ملونات الا هوه ييخ.. وقفت وخطيت لاقدام التسريحة.. وكانت لابسه فستان رصاصي طويل وعادي جدا مابه تكلفه مكمم.. وشعرها رافعه له ب الشباصةة. وخصل نازلات من قدام.. بسرت نفسها لثواني.. عيون عسليات واسعات رموش كثاف وطوال وجه دائري جميل شعرها لانص ظهرها.. جميلة وحالية والكل يشهد لها... طيب هو مابسر حلاها ولا عبرها حتى او قال حتى كلمة حلوة لها تنهدت وهي تنزل راسها وتغمض عيونها بتعب ويدها مركية بطرف التسريحةة..
فزت على صوت قيس الساخر: ما يفيد الحلا الخارجي والداخلي ملان خبث ووساخةة
لفت له وبسرته بيلبس الثوب وتكلمت بهدوء: ممكن تفهمني مغزى كلامك هذا من امس وانت تتكلم فيه
تكلم وهو يطبق ازار ثوبه: هههه تعجبني البراءة اللي تظهري نفسش فيهااا
مرام بقهر: اذا كان من اولها هكذا وكلام طالع نازل وشك وتجريح ف انا افضل الطلاق من الان طلقني.
بسرها لثواني بعدها تقدم منها بخطوات هادئة ووقف قدامها بالضبط وهمس ببسمه وحدة: ليش عشان تزوجي بالحب حقش ماهر
فتحت عيونها بصدمةة وقيس كمل: اوووه صح انا خربت عليكم ودخلت بالوسط وورطت نفسي بش.. لأني كنت اظنش شريفة وعفيفة وماهر ظلم لش وقلت مستحيل اخلي بنت عمي تزوجت بهذك الرجال النسونجي.. بنت عمي تستحق افضل.. ضحك بقهر وكمل:ما كنت عاااارف ان بنت عمي اخس والعن منه.... وطلعت هي اللي بتراسله وتكلمه وتتصل له بالساعات وتحبه وتموت عليةةة
تجمعت الدموع بعيونها من كلامه اللي صدمها وطعنها بالصميم وقبل تتكلم صرخ قيس بحده؛ لا تبكي وتبيني نفسش بريئة وماعندش علم بحاجةة.. كل فعايلش عندي فاهمةة مابه داعي تنكري.. والطلاق اخر مره تذكريةة.. لان مستحيل اطلقش. وستزوج االثانية والثالثة والرابعة و اوصلهن لاعشر وانتي تجلسي هانك مرجومةة.. فاااهمةةة.. لف بسرعه وسحب كوته من الشماعه وخرج من الغرفة وهو يطبق الباب بقوة
بينما مرام جثت للقاع وهي تغطي وجهها بيداتها وتبكي بنحيب وصدمتها بكلامه عنها فاقت كل شي...!!!
.
.
الأوس..!!!
كان قدام التسريحة بيمشط شعرها لوما تكلمت كوثر اللي بوسط السرير متدفيه وهي جالسه ووجها بين ارجلها ببرد: يعني عندكم ما تصتبحوا ولا شي
لف لها بعدم فهم: ايش
كوثر: الساعة عشر ما تصتبحوا تفطروا تتريقوا. تفرقوا.
اوس: اها هههه ذلحين قدهم عيدوه
كوثر: اهااا
خطي وجلس بالطرف قدامها وبسؤال: باردة
كوثر: لا الحمدلله بفضل الملابس اللي اخترتهن لي
اوس: ايش فيهن
كوثر: بالله عليك انا باردة مجمدة تقوم تدي لي فستان شيفون قصير ومقطع
اوس: هاه ههههه وانا ايش عرفني شليت اللي بسرته قدامي.. بعدين قد لبستي فنيلية فوقه تدفيش
كوثر: هههههههه
اندق الباب ووقف اوس وهو يتكلم: شكلهم ادوا الصبوح.. خطي يفتح باب الجناح ثواني ورجع للغرفة وبيده صحن الصبوح بعدما رفضت بيان تدخل.. طرحه في القاع وهو يتكلم: يلا تعالي اتصبحي
ِ
تـــــوأم أغـــــراب 2
البارت188
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
عند كوثر...!!!
صاحت بقهر وانداءوخلود يلبسنها العباية: لداتي كلهن اشلهن معي ولا تخلين حاجة هانا بين اقوول
سعاد: يوم ثاني ونديهن ذلحين شلي الجداد
كوثر: ماعةة بعدين يلبسينهن عليااا
فاطمة وهي تبكي: ماحد عيلبسهن يلعن شكلش بعدين الناس وين وانتي وين
كوثر برفعة حاجب: وانتي ذلحين مالش تبكي
خلود وهي تمسح دموعها:هيا كملنا قيس مريع نخرجها يمه سعاد
سعاد؛ ايوة هياا
كوثر: اسمعين فطوم لا تجي معي انا زاعله منها
انداء بقهر وبكاء: ليت وما انتي حريوة كنت وريتش كيف العمل
كوثر: ههههههه تعالين اودعكن هيااا
تقدمين البنات وودعينها على واحدة واحدة وصولا لفاطمة اللي وقفت قدامها وحضنتها بقوة وهي تبكي وتتكلم: عتفقد لششش قوووي
كوثر ببكاء: حتى انا.. تعالي عيشي عندي هيااا
فاطمة؛ ههههه على كيفش هوه.
تقدمت منهن نبيلة وحضنت كوثر وهي تتكلم بغصة: هالله الله المره تقع مره خليش عاقلة
كوثر: تمام سلمت على سعاد وودعتها وخرجين كلهن معاها عشان يبسرين عروسة قيس والكل..!!!
.
.
تقدم قيس منهن لوما بسرهن مخرجات لكوثر بينهن ومسكها من يدها وخطاها معه للسيارة فتح لها الباب وساعدها تطلع وطلعين البنات معاها وفي سيارات ثانيةة..
طلع جنب ليث اللي عيسوق وتكلم: سوق دلا وعلى اقل من مهلك اشتي زفة طويلة عريضة.. خرج راسه من طاقة السيارة وصيح: حمزززززة.. خلهم يشعلوا الدنياء قريييييح ويحرقوهااااا. يلا تحرك يا ليث...!!!
.
.
بيت اللواء..!!!
دخلت ميس ومنار معاها للمجلس اللي فية اوس وهي تتكلم بقهر: ساعة وهم يزفوها مجنون هذا قيييس
منار؛ ضبحت مراعاااه تقول الا اميرة يزفوها هكذا
اوس بضحكة: انا عارف لقيس هو حاليا بيحاول يعوض خواته عن كل شي وما يشتي يحسسهن بالنقص في اي شي.
رانيا وهي تدخل بالبخورة: الف مره واحنا نبخر وكوثر ولا وصلت..
علا دخلت وهي تسعى وبحماس: وصلوا بكوووثر وصلووووا.
فز اوس واقف والبنات خرجين يستقبلينها للصالة...!!!
.
.
دخلت كوثر للبيت وهي بين انداء وخلود.. وقيس قدامهن خاطي والنسوان ملان البيت بيحجرين والزفة عاليةة..
تقدم اوس مع امه اللي قالت له يخرج يلقف لها ومسك كوثر من يدها وخطي معاها للمجلس..
ساعدينها تجلس على الكنب بعدما بعدين العباية منها واوس واقف ولف لقيس اللي دخل وبسره برفعة حاجب بمعنى ما معاك هانا
قيس بحناك: اختي على فكرةة
هز راسه ببسمة وحط يده على جبين كوثر وقري عليها لدقايق.. ولمن يشتي يرفع الغطاء منها مسكته كوثر برفض واوس استغرب ولف لخواته وامه.
تقدمت منها سعاد وهمست بحدة: مالش
كوثر: الفتاشة حقي وين
نبيلة بهمس: قد اداها مع الشرط كلها
كوثر: ما اعرف اشتي حقي لايدي سعما البنات
تقدم منهم قيس ونزل راسه لها؛ ايش به
كوثر بقهر: قول له يدي حقي الفتاشةة ماشي والله ما افتش
قيس؛ قد دفعها كلها
كوثر: ما اعرف انا
قيس لف لاوس بورطة ورجع همس لها: طيب الان افتشي عشان النسوان ولوما قدكم وحدكم لاترضي الا بفتاشة اتفقنا
كوثر بتفكير: تمام بس لو ما رضي يديها
قيس: وجهي اديها انا
كوثر: اتفقنا.. رفعت يداتها تفتش ومسكتها نبيلة بسرعه وبقهر: يفتش لش هوه مش انتي
كوثر: اسفة نسيت. احمم هيااا..
بعدوا منها وتكلم قيس: افتش لعروستك يا اوس
تقدم منها اوس ورفع الغطاء منها وباسها على جبينها ببسمة وتكلمت ام رانيا: اجلس جنبها
جلس جنبها وقامت علا وبيدها كاميرا: عتصوركم هانا شوية والباقي للغرفةة
اوس: تمام..
بتول: وانت يا قيس اصور معاهم
قيس؛ صح ذكرتيني.. خطي للوسط ولم كوثر وتكلم: صوري
اوس همس بقهر: قليل ذوووق
قيس بضحكة: داري ههههههه
ميس بضحكة: قيس تعال في الطرف وخلوا كوثر بالوسط
قيس: ههههههه ابشري...!!!
ِ
تـــــوأم أغـــــراب 2
البارت187
للكاتبـــــة: أميـــرة اليــــمن
ـــــــــــــــــــــــــــــــــــــــــــــــــــــــــــــــ
قيس: حبيب الملايين
سياف: تضحكوا على من ههههههه.. كمل سبر له وخطي لاعند الأوس وصلح له والكل وهو يتكلم؛ تغديتوا شبعتوا يا شباب
الكل: الحمدلله
دخل جواد وهو يتكلم: هيا قال ابي الناس كملوا يتغدوا مريعين للزفة
سياف: يلا ذلحين جاهزين
اوس: ايوة..
ليث: يلا هيا نزلنا..!!!
.
.
بعدما أستمرت الزفة بحدود الساعة
وقفوا بالسيارات قدام بيت كريم بطلب من قيس اللي ترجل من السيارة واوس بقي وزفوه اصحابة لا باب البيت ودخل لا داخل لوحده تحت زغردت امهاته والنسوان اللي كانين مريعات له.. تقدم من سعاد اللي تجمعت الدموع بعيونها ودنى سلم على ركبها وحبها براسها وسلم عليها وهي تدعي له وتبكي. ولف لنبيلة وسلم عليها نفس الشي حضنهن الثنتين من اكتافهن ودخلوا لاداخل وهو يسأل عن خواته وهل يقدر يبسر كوثر..
سعاد: ايوة تعال واذا هن في الغرفة لوحدهن.. تقدمت قبله ودقت الباب وفتحت ولوما تأكدت ان مابحد غير خوات قيس داعته: تعال ادخل.
تقدم قيس ودخل للغرفة واول ما بسرينه البنات فزين وصاحين بصوت واحد: قيييييس
ضحك وهو يمد يداته وهن على طول سعين حضنينه وهن يباركين له..
لف لكوثر اللي جالسه بزنط ونظرها لأظافيرها وتقدم منها متكلم: واختي الصغيرة ما عتقوم تسلم على اخوها الكبير
رفعت نظرها له وقلبت عيونها بقهر ولفت عنه
ضحك وهو يجلس على ركبة قدامها وبسؤال؛ ااااف مالش او زاعله مني
كوثر بقهر: مدري اناااا ما قلت لككككك
قيس: ما قلتي لي.؟!
بسرته بحده وقيس تذكر: اهاااا من الصالة تجلسي مع مرام ما افعل قد فعلت كل حاجة عشان توافق امي وامي نبيلة ما رضيين قالين ما يشتين صالة ولا كنت عتحجز لش لوحدش من انتي ومرام
كوثر بقهر: ايوة انا مش قد المقام اتعرس، بصالة الا البرنسيسة مرام..
قيس: ومن مرام هذه ومن يقولوا لها. كوثر تسواهن كلهن.. بس رضى امي وامي اهم صح والعرس في البيت خير وبركة صح
كوثر بغيظ: صح
قيس بضحكة وهو يلمس عيونها: ما فعلوا لش، يخ شوعةة.. وهذا ايش اللي على شفايفش.. امسحيه ساع الجووكرر.. ماهوه هذا عتفجعي اخي
دهفته من صدره لوما نكع على ظهره وهو يضحك وصاحت بقهر: تااافه نذل اخرررج من عنددددي
وقف بمساعدة فاطمة اللي تضحك عليهم وتكلم: هههههه مصارع يا اوي عانك ربي
كوثر ببكاء: قييييس..
بسرها بنظرات حب اخوية ومد يده لها قومها لوما وقفت قدامه وحضنها وهو يتكلم: جعلني فدوة لاختي القمرية والحالية
كوثر بهدوء: صدق انا حاليةة
مسك وجهها بيداته وتكلم بحب: زدتي بالحلا وفقتي به كل المخاليق وعادش تسألي
كوثر بزنط وخزاء: تسلم حتى انت حالي..
ضحك وهو يحبها على جبينها ويهمس: ربي يوفقش يا عيوني
كوثر: انا وانت يارب..
خديجة وهي تشل تلفون كوثر اللي شله لها قيس: خلاص تصلحوا اصوركم مع بعض الناس مريعين لك يا قيس
قيس وهو يلم كوثر ويبتسم: صوري وتعالين تصورين معي كلكن وداعين امي وامي نبيلة..!!!
.
.
طلع جنب اوس اللي تكلم بقهر: كنت رقدت هناك
قيس: ههههههه ما مع الحاسدين الا الدموع..
اوس: يقلع وجهك ما بتفعل داخل لك ساعه
ميل عليه وهمس بنذاله: بين اتصور مع مرتك
قرصه على كتفه وبقهر: قييييس
فرك كتفه بألم وتكلم: كسروا يدك مالكك..
اوس: تكلم بشكل ارقى
قيس: اها طيب دخلت بسرت اختي اللي هي مرتك وتصورت معاها وكلمتها..
اوس بسره بنظرات نارية وقيس ضحك بقوةة
لف له حمزة اللي كان قدام جنب ليث اللي بيسوق وتكلم: مالك انت وهو
قيس ببسمه:سلامتكككك
اوس:دعمم لك منه واحد تافه
ضحك وهمس له بحناك؛بسرتها قبلك يا رحمتاه
اوس بصراخ وهو يمسك قيس:يلعننننن.........
قيس:هههههههه خلاص خلاص سكتنا
فك له اوس وبسر لاقدام بقهر وقيس يضحك بخفوت..!!!
.
.
الساعة 4 العصر.!!!
في الصالة عند مرام..!!!
تكلمت منار مع ميس اللي تحسنت علاقتهن باخر فترة: هيا خطبنا نبسر كوثر
علا بحماس: ايوة هيااا
ميس؛ كم الساعة
بيان: اربع
بتول: نخطى ساعة وجينا هانا من مره
ميس؛ تمام ماحد. عيسير الا احنا
مشيرة: الا انا عتجي معاكن.
ميس: تمام يلا اخطين البسين العبايات.وانا عتخطى اكلم رانيا وشهد يجين معانا والكل
البنات: تمام..!!
.
.
مرام..!!!
بسرتهن لبسين العبايات كلهن وأشرت لماريا تجي لاعندها وتكلمت لوما وصلت عندها: وين عيسرين هولا
ماريا: يبسرين كوثر سليفتش
مرام بقهر: ماشاءالله وهكذا يومية يجلسين عندي ساعة وعندها باقي اليوم
ماريا: ما تشتي كان وهي مرة اخوهن سعما انتي
مرام: ما توصل لمستوايا هذك
ماريا: مرام مالش من ايحين رجعت اخلاقش هكذااا..
مرام سكتت بقهر ووجهت نظرها لاقدام
ماريا بسرتها ب استغراب وخطيت نزلت من الكوشة...!!!
.
ِ
تـــــوأم أغـــــراب 2
البارت186
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بيت اللواء..!!!
كانوا في الشارع قدام البيت والاصوات عاليةة..
واوس وقيس واقفين جنب بعض والناس حولهم بيبترعوا..!
ميل قيس على اوس وهمس له: اشتي اخطى لا بيتنا
اوس بنفس الهمس: ليش
قيس: ناسي انه عرس اختي ابسر لو يشتوا حاجة
اوس: طيب بس كيف ما عيقول اللواء
قيس؛ ايش ماقال يقول مادخلني.. خاطرك..
لف وخطي متوجه لا سيارة حمزة اللي مفاتيحها معه شغلها وتحرك خارج من الحارة متجه لابيت كريـم.!!!
.
.
بيت كريم.!!!
دخلت فاطمة للمطبخ وهي تتكلم: يمة قيس جاء جاوبية..
سعاد بفرحة: صدق يلا قدنا هه..
خرجت للحوش وبسرته واقف وبصوت: قيس.
رفع نظراته لها وابتسم وهو يتقدم منها حبها على راسها وتكلم: كيف حالش
سعاد بضحكة: الحمدلله ما عيتغير من امس لليوم يعني هههههه
قيس: ههههههه قلت لو حصل شي.. محتاجين حاجةة كيف كوثر
سعاد: سلامتك الله يحفظك وكوثر مجننه للبيت عادك بسرتها امس لوما جيت تتصور معاها خفيفة العقل هذك
قيس: ههههههههه سكر البيت حقنا والله ما مهون عليا الا انها عتجي عندي وفي بيتي ولا لا يوقف قلبي عليها
سعاد ببسمه: كلنا ما مهون علينا الا لانك معاها
قيس: بيصلحوها ذلحين صح
سعاد: ايوة ذلحين قد جننت المكوفرة جنان
قيس: ههههههه تدلع اخت قيس... خلاص انا عتخطى ولوما قدها الزفة عتجي لاهانا
سعاد؛ في انتظارك ياقلبي..
قيس؛ يلا خاطرش ماحد وده شي والبنات
سعاد: سلامتك يا روحي قد. وفرت لنا كل شي وما قصرت.
قيس: واجبي. خاطركم...!!!
.
.
وقف بالسيارة قدام روضة الشهداء وترجل منها ونزل متقدم بخطواتها لاداخل ووقف قدام ضريح عمار جلس ومد يده لصورة عمارة ومسحها وهو يتكلم بهدوء: اليوم صاحبك حريو وانت مابحد.. اخذ نفس بقوة وهمس ونظره مثبت لعيونه في الصورة: كنت تقول عتتزوج انا وانت ياقيس بيوم. وانا اصيح واقول مع. انا اخدمك بعرسي وانت تخدمني بعرسي ما يسبرش مع بعض.. وانت تجنن وتصيح مابلا جمعه ننزف ونجنن على كيفنا... هههه عرسنا وماحد له دخل بنا..
سكت لثواني وهمس بغصة: واليوم قد. انا حريو وانت مش، جنبي تخيييل.. جزع كلامي وتزوجت لوحدي.. بس مابحد انت معي تخدمني وتلبي طلباتي.. اووووه يا الله ياعمار لو تبسر كم انا فاقد لكك ولمجابرك وللجلسة معاك. كم افتقدت ابث لك همومي واحزاني.. كم افتقدت اجي اشكي لك من ابي ومن عيشتي ومن كل شي وكم وكم.. لو اعدد لك ما عتكمل.... انتبه للظل اللي وقف وراه وتكلم وهو يرفع يدة ويمسح دمعة تمردت منه: ماجيت تفعل هانا يا حريو
جلس الأوس جنبه وهو يتكلم: جيت ابسر الحريو الثاني اين اختفى وقلت اكيد عيكون عند. عمار
ضحك بهدوء ويده على الضريح ونظراته له..
أوس بهدوء: ربي يرحمة شهيد للجنة
قيس: نال ما تمنى والنعم.. وبهمس موجع: ياااهو لو تدري كم فقده موجع لي وكاسر ظهري
أوس: عانك ربي فقد الاصحاب موجع
قيس: انشهد.. وقف ووقف اوس معه وهو يسأل: وين عتسير الأن
قيس وهو يخطى؛ تعال للمقبرة الثانية نزور امي
أوس وهو يخطى بعدة: اكيد جيت لاعندك عشان نسير نزورها ما عننساها بهذا اليوم..!!!
.
.
عند كوثـر..!!!
صاحت بوجع وهي تتكلم: ااااااي مالش وجعتيني حرقتيني بهذا
المكوفرة: تحملي شوية ونخلص يا كوثر..
كوثر: كم الساعة
المكوفرة: واحدة
شهقت كوثر وتكلمت: وماقد تغديت ايييش هذااا
المكوفرة: سهل كملي واتغدي
كوثر: ايييش عادها فيها اكمل... يا فااااااااطمةةة اندددداااااء يييييييه اماااااااااااه.. وييين جين هولااااا
فتحت سعاد الباب وهي تتكلم: مالش.. بتصيحي..
كوثر: انا جاوعةة اشتي غدااااء
سعاد: تمام شوية ونديه
كوثر؛ لا تتأخرين هيااا قد بين ادوخ
تكلمت فاطمة بقهر وهي توقف في الباب؛ كذابةة عاد قيس جاء اول وادى لش شوارما ييييخ
كوثر: ما تدخلي انتي لغااااجةة..
فاطمة: كبيرة بطن اللي اعرفه ان الحريوه ماعاد تأكل ولا شي
كوثر بسخرية: ليش ياسعم هذا الناااقص اخطي اديلي غداااء هييييااا
بسرتها فاطمة بقهروخرجت وهي تغلق الباب
صاحت كوثر لوما سحبت المكوفرة شعرها وبألم: ااااااااي دلا دلا مشعتي شعررري اهئ
المكوفرة: يلا كملنا شوية بس ياقمر...!!!
.
.
عند الأوس&قيـس..!!
في غرفة الأوس..!!!
تكلم قيس ب انزعاج: ياحمزة ما عجبني احسه طويل شوية ارفعه
حمزة بقلة: يا قيس جننتني طويل قصيرر اااوووف..
قيس: ياخي ما عجبني هكذااا صلحه سوووا
حمزة:أمري لله
دخل سياف وهو يتكلم: هاه كملتوا تلسبوا عيكملوا الناس يتغدوا ونزف بسرعةة
ليث وهو يسبر العسيب لاوس: ايوة يا خال شوية بس
حمزة: تعال ياحضرة اللواء ادبع لقيس انت انا جنن بي
تقدم سياف وشل القبع وهو يتكلم بضحكة:من حقة يدلع ابن اللواء ويجنن بك مامهرتك انت
كوثر:ليش مجنونة مش كنتي تقولي كما تزوجتي..خلاص زوجي ينفذ كل حاجة وطلب كان تقولوا لي يفعله هوه..والليلة اسلم له الورقة ان شاء الله....!!!!
Читать полностью…
رهف: ايوة ماشاءالله عليها والعقل اللي معاها بالرغم ان عادها صغيرة
الجدة: بسرتي كيف جت تسلم عليا وعلى سارة وسلايفش.. ادب واخلاق دخلت قلبي والله
اوس نزل راسها وهو مبتسم بضحكة مستحيل تكون هذه كوثر اللي عرفها..
قيس انفجر ضحكه: ههههههههههههههههههههههههههههههههههه
جدة ورهف: مالكككك
قيس: ههههههه تذكرت نكته
اوس: ههههههههههه
الجدة: وانت مالك
اوس بضحكة: تذكرت نكته ههههههه..!!
.
فاطمة: يلا ذلحين اديه..
كوثر بقهر: ماقد بسرت خطوبة بنت ويخطوا يخزنوا ببيت ثاني الا انا
ميس شلت الفستان من فاطمة وبدأت تساعدها تلبس وهي ترد عليها: سهل عادي قدهم كلهم ببيت الدكتور عبدالله ابو مرام عشان خطوبة اوس وقيس قدها من مره كان ما رأيش خطوبتهم بيوم وكل واحد يخزن ببيت
كوثر: كان يجوا بيتنا
فاطمة: على وسعه اهجعي بس
ميس: بعدين قده عشان انتي اليوم فعلتي الحفلة وغدوة مرام
كوثر: يلا تمام المهم كيف انا
ميس ببسمه وهي تسبر شعر كوثر: قمر يا حظ اوس بس
انداء: نفسي ادرى ما تحبي في اللون الاسود لو شليتي البيج كان احلا
كوثر بزنط: لا الاسود لون الفخامة واحسن لون
رانيا: هههه والله صدق طلع عليش يجنن مناسب مع لون عيونش
شهد: ماشاءالله عادنا ركزت عيونش حلوات
كوثر: شكرا انا عارفة هههه
خديجة بقهر: حتى رد ما تقدر ترد ساع الناس..
ميس: ههههههه يلا هيا دخلناها
خلود: ايوة هيا قده وقت.
كوثر خطيت الاوله بحماس: هيااا..
مسكتها وبقهر: يييه ريعي امسكي نفسش شوية قعي رزينه مالش.
كوثر: اووووف قلتين نخطى
خديجة: اخطي دلا واخزي شوية على الاقل ونزلي راسش
كوثر بغرور: ماقد. جاء اليوم اللي عتوطي كوثر راسها فيه ولا عيجي.. هيااا
خطيت بين البنات وميس ماسكه لها ودخلين المجلس وهي تهمس لها: ابسري قدامش ولا تبسري احد تمام
كوثر: حاضر..
وصلين لابقعة كوثر واول مابسرت ثنتين جواهل صغار جالسات فيها تخصرت وبقهر: يييه ما بتفعلي انتي وهي ببقعتي. انزلين نزلوا ماعاد انا قايلة لاعاد خزا ولاشي...!!!!
اوس ببرود؛ سمحت لنفسي
حسن: ومن انت حتى تسمح لنفسككك
اوس بصراخ وحده:انا الأوس لو مش انت عااااررف.. ودام اختي ما تشيته والله ما تنغصب عليه دام راسي يشم الهوااااء فاااااااااهم..
ِ
تـــــوأم أغـــــراب 2
البارت 181
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟
قيس: مثلما سمعت
اوس ضحك وبسخرية: انت بتمزح صح
بسره قيس بحده وبقهر: فارح بروحككك اجي امزح معااااكككك
اوس بنفس الحده: وانت تكلم ساع الناس ايش خطبت ما خطبت
قيس اخذ نفس وبهدوء: تذكر هذك الولد الكلب اللي تضاربت معه اول يوم في الجامعة لانه بيهدد بنت بصورها
اوس: ايوة هذك اللي اسمه ااا..ايش كان اسمه
قيس: ماهر
اوس: ايوة ماله
قيس؛ اكثر من مره اسمعه يتكلم مع بنت واحده يهددها وواحده يغازلها
اوس: يعني لعاب وكلب
قيس: تخيل انه نفسةاللي جاء يخطب بنت عمك تخييل
اوس بصدمة: اسألكك بالله
قيس: اي والله
اوس بفهم: وانت فزعت ومارضيت وقلت بنت عمي لي صح
قيس بتنهيده؛ بالضبط وحسن كود الا وقعت له وقال العرس بعد شهر
اوس بضحكة: انت فيك جاذبية للمصايب
قيس: الله يحفظك ادري هههههههههه
اوس: خير خليه يفعل اللي وده
قيس: ايوة انت ايش عليك متخرج ومتوظف مابلا انا
اوس: وانت مالك. بيت ودراسه وكل شي متوفر ماعاد تهم.. المهم ايحين عترودا لي بالموافقة
قيس بزنط: عاد اختي تفكر اسبوع ونبسر يا ايوة يا مابش نصيب
اوس بقهر وهو يسحبه لوما نزل من السرير: مالت عليككك قم انقلع قوووووم
ضحك قيس وهو يخطى: طيب تصبح على خير.. ودام وحسن حدد العرس غدوة بعد الجامعه اخطى لا بيتنا ابسر الخبر
اوس ببسمة: وانت من اهله. طيب.!!
.
.
ثاني يوم في الجامعة..!!!
ختم كلامه بـ: وهذه كل القصةة يا حمزة
حمزة بقهر: الكلب ابن الـ****، وعاده بكل جرأة جايي يطلب اختي
قيس؛ حتى انا انصدمت من جرأته
حمزة: لا وعاد اصحابه الكلاب يشهدوا له ب اخلاقه وحارتهم
قيس: اصحابه كلاب ساعه وااهل الحاره ايش، عرفهم ما بيفعل هانا
حمزة؛ الحمدلله وتخارجنا منه النذل
قيس: الحمدلله
حمزة بتوجس؛ وذلحين ايش عتواصل الخطوبة او..
قاطعه قيس بثقة؛ ايوة. هي كلمة من رجال مش لعب جهال. الا اذا ماودك تناسبني
حمزة؛ هههههه الله المستعان انت عارف لمكانتك عندي من قبل ما اعرف انك ابن عمي
قيس ببسمة: والنعم بكك..
.
.
قبل العصر.!!
بيت كريم..!!!
سعاد بصراخ وحده: يا بنت اعقلي خزيتي بناااااا بببسسس
كوثر بحده: وانتوا ليش عاد عتماطلوا الناس اسبووع خلااااص انا موافقةة ردوا لهم وقولوا لهم نشتي الخطوبة الجمعة هذه
نبيلة: الله يزكينا العقول ماعاد الا احنا نحدد الخطوبة
فاطمة: يمةة قلت لكم هذه خفيفة عقل
انداء: الله يستر لاعاد تخطى لا بيت اوس هي
كوثر بتفكير: والله فكرة اسير لاهانك اقول لهم موافقة.. لفت تخطى للغرفة وسحبتها سعاد من فنيلتيها وبصدمة: وين عتسيري
كوثر: البس العباية واسير
نبيلة بحده: وين تسيري جعلش العمى فضحتي بناااا
سعاد: ذلحييين انتي بعلقش او مع.
نبيلة: ماشي ماشي هذه البنت انا غاسله يدي منها اتصلي لقيس وقولي له مابش نصيب هذه فضيحةة
فتحت عيونها وبصدمة: ايييش مابش نصيييب.. لا لا خلاص بتأدب واسكت ولا عاد تسمعوا لي نخس. اهه. طرحت يدها على فمها
لفين لصوت قيس اللي دخل وهو يتكلم: السلام عليكم
الكل: وعليكم السلام
سعاد: عيس حن جيت كنت اشتي احاكيك
كوثر مسكت يدها وبرجاء: مع يمةة سعاد حفظش
قيس: ما تقولوا لي انا جيتكم اليوم بموضوع
نبيلة: ايش هوه
قيس وهو يجلس بتعب: اشتي رد كوثر على اوس اليوم
كوثر بفزه وهي تجلس جنبه: قصدك ردي على الخطوبة
قيس: ايوة
كوثر ببساطة: موافقة يا غالي ولاتهم
نبيلة؛ هاه كودين وقعت لهااااا
سعاد؛ هههههههههه
قيس ببسمه: واثقة من كلامش
كوثر: افااااعليك دامه اخوك اوافق وانا مغمضة
قيس: بياعة كلام هههههههه. سابر الله يوفق
. المهم اليوم عترد لهم الموافقة بس حبيت اتأكد منكم.. واحتمال يجوا يدفعوا عشان الخطوبة والعرس
نبيلة: وما دخل العرس الان
قيس بتنهيده: عرسي انا واوس بعد شهر
البنات بصدمه: عرسكككككك
قيس بفجعه: ايوةة مالكككن
انداء: يا خايييين
خديجة: يا تافه
فاطمة: يا نذل
كوثر: يا قلبي انت يعني عرسنل مع بعض عيكون
سعاد بقلة صبر: كووثر انقلعي وانت تعال هكذاا اين عرسكك ما بتقول
قيس بهدوء:امس خطبت بنت عمي و..
قاطعته سعاد بحده:هكذا من راسكك وبدون شورنا يعني احنا ولا عاد نعني لك شي خلااااص
قيس بسرعه:ماعزس وما اغلا يمةة ايش هذا الكلام بس كل شي حصل فجأة وقصة طويلة برجع احاكيش انتي وامي نبيلة بها..بس الان خلونا في الاهم
كوثر:ايوة قلت العرس بعد شهر اشتي شرطي سته مليووون
نبيلة من بين اسنانها:شلوها من قدامي لا اقوم اتحمل بظلمها
كوثر:هذه حقوق مالكم
قيس:ناهي تمام ولايهمش ههههههههههه..!!!
السلام عليكم ورحمة الله وبركاته
كيف حالكم 🌝🌸
قيس:عترجع احاكيك بوقت ثاني مافيني طافه الان والله
حمزة:سابر غدوة في الجامعة تحاكيني
قيس:ابشر ولايهمك
حمزة:تصبح على خير
قيس:وانت من اهله..
غلق الخط ورفع نظره للباب اللي انفتح وعرف انه اوس من قامته لان الضوء مقفل..
شغل اوس الضوء ولف وفز وهو يبسر قيس ممد على سريرة:اعوذ بالله فجعتنييا كلب ما بتفعل هانا
بسره قيس لثواني وتكلم:اليوم خطبت بنت عمي عبدالله
اوس ب استغراب وهو يجلس بطرف السرير:اين بنت عمك ما بتقول
قيس:مرام اللي كانت عتنخطب اليوم لماهر الكلب..طلبتها من ابوها ووافق هو وجدي
اوس بصدمه:منك صدق ذلحين امانه
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟