-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت189
للكاتبـــــة: أميــــرة اليـــــمن
ـــــــــــــــــــــــــــــــــــــــــــــــــــــــــــــــ
همست كوثر لميس بعدما قالوا يطلعوا عشان مرام وصلت:ماعه اشتي ابسر مرة اخي كيف هي
ميس:غدوة وابسريها تمام
كوثر:مع اشتي ذلحين ..لفت لاوس الواقف وبهدوء:اسبق للغرفة وانا عتجي لوما ابسر مرام وقيس
بسرينها خواتها بقهر واوس رد رغم تفاجئة:ابشري..
تعالي يا رانيا ابسري لي طريق..
خطيت رانيا معه وخرجوا من المجلس..
نبيلة بقهر وهمس؛فضحتي بنا
كوثر؛مافيها اشتي ابسر مرة اخي.اوووف..!!!
.
.
رفع لها الغطاء بعدما قري عليها والنسوان كلهن حجرين وتحاشى النظر لها وهو يجلس جنبها بهدوء..
وقفت كوثر قدامهم ومدت يدها لمرام: مبرووك عليش اخي
صافحتها مرام وهي ترفع نظرها لها وترد؛ الله يبارك فيش
ميس؛ خلاص بسرتيهم نطلعش للغرفةة
قيس: هههه طابت نفسش ذلحين قد اوس يحرق
كوثر: عاد نفسي اتصور معاكم
فاطمة بقهر: يووة واللغاجةة
علا: تمام انا عتصوركم اوقفي يا مرام.. وانت يا قيس خليك بالوسط
وقفوا كلهم وصورتهم علا عدة صور ضخمات..
بعدها رانيا وميس شلين كوثر لاجناح اوس..
وقف قيس وهو يبسر امه وخواته عيخطين وتكلم:اجلسين هانا وين عتسيرين
سعاد:مع البيت لوحده غدوة نجي ان شاءالله
قيس؛طيب اجي اوصلكن
نبيلة؛جبرك مع واذا عماد وسند
قيس وهو يفتحه تلفونه:عتتصل لصقر يوصلكم والكل
سعادة:مابه داعي ياعيوني..هيا بنات..الله يهنيكم ويسعدكم وانتبه لكوثر وعقلها
قيس:بعيوني لاتهمين..
خرجين كلهن
وقيس خطي مع مرام لا جناحهم ومنار وبيان ومشيرة معاها يساعدينها...!!!
.
.
وقف اوس وهو يبسرهن مدخلات لكوثر اللي رجعت الغطاء على وجهها.. جلسينها بطرف السرير وخرجين بعدما تكلمين مع اوس..
غلق الباب وتقدم من كوثر وهو يتكلم ب استغراب: ليش مغطية لوجهش
رفعت كوثر يدها المنقشه واشرت له بمعنى زلط
اوس ب استغراب.: زلط لأيش
كوثر؛ الفتاشة
اوس: قد اديتها ما قالوا لش
كوثر: لا انا ما ادخل اللي اعرفة انه الفتاشة تجي لايد الحريوة صح
ابتسم اوس ب استغراب المفروض الان تكون خايفة وخازيه خاصة انها صغيرة بس العكس
تكلم بهدوء: ابشري كم تشتي
كوثر: سعما الناس
ضحك اوس وهو يخرج زلط من جيبه ومدها لها: وهذه فتاشتش ما تغلا عليش
شلتها كوثر ودخلتها شنطتها ورفعت الغطاء
تكلم اوس وهو كاتم ضحكته؛ المفروض انا اللي افتش لش صح
رفعت نظرها له وردت: اختنقت وضبحت منه..
جلس الأوس جنبها وتكلم: أنتي الصغيرة صح
كوثر؛ لا انا أكبر من فاطمة بخمسة شهور
اوس: اها كم عمرش
كوثر: 16 وانت
اوس؛ امم دخلت الـ24
رفعت كوثر اصابعها تعد بهمس وشهقت تتكلم: يعني اكبر مني بسبع سنين يوووووة
اوس بضحكة: مااالش
كوثر: قدككك شيبةة عادنا صغيرة
اوس: هههههههه انا قلت 24مش 42 ركزي
كوثر: يلا مش مهم عشان تموت قبلي وارجع اورثك وزعت نظرها للغرفة وسألت: هذه غرفتك
اوس: ما رأيش انتي
كوثر: غرفتك اكيد.
وقف اوس وهو يبعد القبع ويتكلم ببسمه: عتخطى اتوضى وانتي غيري لداتش وتوضي عشان نصلي مع بعض طيب
كوثر: تمام..!!!
.
.
قيـس..!!!
وقف قدام مرام اللي جالسة بطرف السرير ومد يده لها وهو يتكلم: هاتي تلفونش
رفعت نظرها بتعجب بدون رد
قيس بهدوء وما زالت يده ممدودة: كلامي واضح هاتي تلفونش
فتحت شنطتها اللي كانت جنبها وخرجت تلفونها وناولته بهدوء
شله من يدها وعلى طول رجمة لاعرض الجدار لوما تفتت
غمضت عيونها اول ما رجمة وهي منصدمةة
فتحت عيونها وبسرته مازال واقف قدامها وبسؤال؛ ليييش.؟!
قيس بسخرية: هكذا افضل عشان اضمن انش ما تراسلي احد من ورايا
فتحت عيونها بصدمة؛ ايييييييش
قيس بسخرية اكبر: اوووف ياالبريئةة.. نزل راسه لاقدام وجهها وهمس بحده: كل اخبارش وعلومش عندي لاتظني انش بنظراتش هذه عتخليني اصدقش.
مرام بقهر: اذا كان به حاجة تكلم بها الان ووضحها بدون لف ولا دوران
رفع نفسه وهو يصفق ويتكلم بضحكة ساخرة: برافو والله... الفتاة البريئةة هههههههه.. بسرها وبحده: كلن عارف لنفسه ولماضية وما بيفعل مابه داعي للغيشمة والغباء هذا.. بسيكون بعملش... كل اللي كنتي تفعلية وانتي بيت ابوش تنسيه من الأن حياة ثانية فاهمةة..
مرام ساكته بصدمة من كل كلامة اللي ولا توقعت واحد بالمية انه يكلمها هكذا ويهينها ويتهمها.. انتبهت عليه تمدد على الكنب بعدما. خلس العسيب والثوب وبقي ب الجامه وتدفى ببطانية ولف مدي لها ظهره وهو يتكلم: طفي الضوء اشتي ارقد..!!!
قيس خرج لسانه لحمزة اللي تكلم بغيظ: جاااهل وعيزوجوه
قيس: بيغااار حبيب ا...
سكت اول ما بسره حمزة بنظرات تهديد..
سياف وهو يدبع له القبع: حبيب من
قيس: حبيب الملايين ههههههههه..
سياف:.........
ِ
تـــــوأم أغـــــراب 2
البارت185
للكاتبـــــة: أميــــرة اليــــمن
ـــــــــــــــــــــــــــــــــــــــــــــــــــــــــــــــ
عصر ثاني يوم حفلة مرام.!!!
كوثر بهمس لخلود: ذلحين هذه مالها رافعة خشمها هكذا من بتظن نفسها كل ساع وهي تنافخ
خلود بنفس الهمس: اليوم خطوبتها وبعدين انتي عارفه انهن كلهن شايفات انفسهن.. الله يعينش بس
كوثر: الله يعينهن هن هههههه صبرش بس عليااا.
وقفت وهي تسبر فستانها وسألتها انداء: وين عتسيري
كوثر: لاعند الجنيات هولا.. خطيت لاعند بنات عم قيس ووقفت قدامهن وبدلع: بناوت من ترقص معي على زامل
البنات بسرين بعض وقامت مشيرة؛ انا نفسي ارقص على زامل
كوثر: تمام هيا. شغلين لنا زامل.. تقدري
مشيرة: اكيد.. قد الموضة هذه الايام الرقص على الزوامل ههههههه
كوثر: هههههه سابر اقلبي يا بيان لوما قد احنا هناك.وانتي يا مرام قومي معانا
مرام؛انا والله مالي حاله ارقصين انتين
مسكتها من يدها وبضحكه؛لا والله لاتقومي هياا
قامت مرام معاها بقهر وخطيين للوسط..
كوثر بصوت؛زامل لليث يا بيان
بيان:من عيووني..!!
.
.
صباح ثاني يوم في الجامعة..!!!
خاطي قيس متجه لاقاعته لوما سمع صوت بيداعيه لف وبسره ماهر واحتدت نظراته وبحده: خيييير
وقف ماهر قدامه وببسمه وهو يمد يده يصافحه؛ مبروك قالوا امس خطوبتك ببنت عمك
قيس تجاهل يده الممدوده وكلامه ولف يخطى
مسكه ماهر من يده بسرعه: على العموم حبيت ابارك لك بس ولو انك خربت عليا وشليت البنت اللي احبها وتحبني واللي كنا نجلس نتكلم بالساعات ونلتقي هانا بالسر وكم خاطرنا عشان نتكلم ونحافظ على حبنا العظيم. وكم سهرنا على اصوات بعض و.... قطع كلامةة اول ما لف له قيس وضربه بوكس على لقفه ونزل قيه ضرب وهو يتكلم بحرقة: يا كلب يا نذذذذذذذل يا منحططططط
ماهر بسخرية وهو يتفادى ضربات قيس؛ الحقيقة وجعتك هههههه للأسف هذا الصدق ليش تزعل
قيس فار دمه اكثر وتضارب معه اقوى لوما تجمعوا الطلاب فكوا بينهم ومن ظمنهم جواد اللي تكلم بقهر: انت الا حق ضرب وبس بخست بعايلتنا.
مسكه قيس من شميزه ومن بين اسنانه: سد حلقك مش حالي اوفي لك وافحرك هانا يا مفحره كما انا مش رايق لك احتمال ادفنك هانا واروح.. دهفه منه ولف لماهر اللي بيمسح فمه بوجع من الدم وبتهديد: يا ويلك عاد ابسرك قدامي يا كلب فاااااهم... لف وخطي ودمه فاير للأخير ومش مصدق انا واحده من بنات عمومه تطلع هكذا وعلى ما بسرهن لمرات معدوده بسرهن محترمات ومؤدبات.. ضحك بسخريه وهمس بوجع: لايغرك المظهر الخارجي يا قيس.. تحت المدني الف جني..!!!
.
.
بعد مرور شهر ب احداث روتينية..!!!
بدأ عرس الأوس وقيس من إسبوع واليوم الزفاف..!!!!
الصبح..! بيـت اللواء..!!!
دخل لاغرفة قيس وبسر عاده نوم وبصراخ: انااااا كم عتجلسسس اقومكككككك ككككككممم
فز قيس بسرعه وبصرعه: مالجدتكككك يقلع وجهككككك
تقدم. منه وبقهر: قد. الأوس وليث وجواد والرجال كلهم نازل وانت عادك نوووم ولي ساعة اقومككك هياااا
قيس بنعاس: كم الساعة وما اقوم افعل ذلحين يا حمزة
حمزة: الساعة عشر.. وانزل عند الرجال اللي مجتمعين عشانكم وبيبترعوا ويشعلوا الدنياء بتسمع
قيس: اها تمام.. نزل من السرير وخطي سحب منشفته وهو يتكلم: ما لبس اوس
حمزة: ثوب ابيض و..
قاطعه قيس وهو يدخل للحمام: جهز لي لدات ساع حقه... غلق الباب وصاح حمزة بقهر: خدااام ابوكككم اناااااا
قيس بضحكه: اخي وابن عمي بردها لككك في عرسككك بلي بالي بالككك
حمزة بقهر وهو يشل الثوب من المعلق: ماحد يحاكيك بسر انت
قيس: الحب مش عيب يا اخي بعدين ميشووو تستاهل من يحبهاااا
حمزة بصراخ: قييييييس..
قيس: خلاص اسف قصدي مشيرة هههههههه
دق الباب وبحده: انت ماحد. يفعل فيككك خير يانذل
قيس: ههههههههههه جبرككك بين امزح معاك بس مالك
حمزة بقهر وهو يخطى يجلس على الكنب: يلعن اللي عاده عيكلمك بحاجة.
قيس: هههههههههههه..!!!
.
.
بيت كريـم..!!
كوثر بضجر: ايحين عتجي هذه المكوفرة..
انداء:ذلحين قدها عتجي.
تنهدت كوثر بضبح وفزت وهي تتكلم:خلود ادي لي قلم وورقة لو سمحتي
خلود ب استغراب:تمام...
فاطمة:ما تفعلي بها..
كوثر وهي تشل الدفتر والقلم من خلود:بعدين واقول لكن..فتحت الدفتر وبدأت تكتب بهمة لعدة دقايق..
دخلت سعاد للغرفة مع المكوفرة وتكلمت ب استغراب وهي تبسر كوثر تكتب:قد المكوفره جت ما بتكتبي انتي..
شطت كوثر الورقه وعطفتها وهي ترد:طلبات
سعاد ب استغراب:ايش من طلبات
كوثر؛كل طلباتي اللي كان تقولوا لي كما تزوجتي اطلبيها من زوجش كتبتها كلها عشان امكن اوس الليلة ينفذهن كلهن
البنات فتحين عيونهن بصدمة وسعاد اما المكوفرة ضحكت من شكل كوثر الجدي وهي توقف وتطرح الورقة بين شنطتها
سعاد بحدة؛ياسعم انش مجنونة
ِ
تـــــوأم أغـــــراب 2
البارت184
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
وصلين لابقعة كوثر واول مابسرت ثنتين جواهل صغار جالسات فيها تخصرت وبقهر: يييه ما بتفعلي انتي وهي ببقعتي. انزلين نزلوا ماعاد انا قايلة لاعاد خزا ولاشي
قرصتها خلود وبقهر؛ ااص فضحتي بنا
كوثر وهي تفرك مكان القرصة؛ كسروا يدش ليش يجلسين ببقعتي
ميس: الان يقومين اهدأي ههههههههه.
نزلين الجواهل وجلست كوثر وبسرت النسوان نظرهن لها وهمست بقهر: وهذولا مالهن بيبسرني هكذا
رانيا: كان من يبسرين ما جين الا يبسرينش..
كوثر؛ اهاا ايوة صح..
ميس بهمس: اااص بنات عمي جايات يباركين لش وخواتي تعاملي برقي وذوق تمام
كوثر: ولايهمش..
وقفت منار قدامها وسلمت عليها ببسمه: الف مبروك يانظر
كوثر: الله يبارك في عمرش تسلمي
مكنتها الهدية وسلمين عليها علا وبتول وبيان وباقي البنات وصولا لمرام اللي تكلمت علا: هذه مرام خطيبة قيس سليفتس يعني
كوثر: اها حياش الله ي قلب كيف انتي
مرام: الحمدلله..
خطيين كلهن جلسين جنب بعض وقامت ام رانيا ولبست كوثر الدبلة والبنات يصفقين ويحجرين بفرحةة وكوثر عامله نفسها رزينه بسبب نظرات امها وخالتها سعاد المهدده لها..
جلست ميس جنبها بعدما جلسين كلهن وكوثر همست لها: اين احلا انا او مرام
ميس: ليش او انتين طباين ههههه
كوثر: من صدق هيااا
ميس بصدق: قمارات الثنتين الصدق بس انتي فيش قبله احلا خاصة عيونش
كوثر ببسمه؛ ريحتيني.
ميس: شلوش ع اساس هي طبينتش هههه
كوثر: لاتدعي عليا حريوه يا كلبة
ميس؛ مالت بس
كوثر: هولاك كلهم اهلش
ميس: ايوة هذك ام مرام.. وهذك ام مشيرة نسوان عمومي وهذك عمتي سارة وهذك جدتي
كوثر بشهقة: جدة الأوس هانا ولا تقولوا لي اقوم اسلم عليها.. وقفت ووقفت معاها ميس وهي تتكلم: وين عتسيري
كوثر: اسلم على جدة الأوس عيب علياا.. خطيت والكل بيبسرها ب استغراب والبنات وقفين مستغربات ولحقتها ميس وهي تخطى قدامها والنسوان يوسعين منها تخطى لوما وصلت لاعند جدة الاوس اللي مستغربه منها
جلست قدامها وسلمت عليها بوجهها: كيف حالش ياجدة اعذريني اول ما دخلت ما عرفتش العفو منش
الجدة بفرحة لأدبها وهي تسلم عليها: حياش الله يا بنتي انا اللي المفروض اجي لاعندش بس ماعاد قدرت اقوم قلت لوما اروح واجي صليش
كوثر؛ لا الله المستعان احنا اللي نجي لاعندش.. لفت لسارة ومدت يدها لها ومن نظراتها عرفت انها مش طيبة وببسمه: كيف حالش.
سارة بزنط: تمام..
كوثر دعممت ومدت يدها لام مرام ومشيرة وسلمت عليهن.. ولفت للجدة: يلا جدة عتقوم وده حاجة
الجدة بحب: سلامتشيا بنتي.. والله خير ما اختار اوس الله يوفقكم الاثنين
حبتها براسها وهي تهمس؛ الله يديمش فوق روسنا...
لفت وخطيت من جنب ميس اللي فاتحه للقفها وعيونها بصدمة انه هذه كوثر. وخواتها نفس الشي مصدومات من وين نزل الادب والهدوء...!!!
.
.
جلست جنبها وهي تتكلم: انتي كوثر
كوثر: لا خيالها هههههههه.. كيف انا ضبطت اموري مع الجدة
ميس: اخطر من امريكاا ما صدقت انه انتي
كوثر: هههههههه اعجبش يا نظر
لفت لبنات عم اوس وتكلمت: من منهن المسكينات ومن الكلبات
ميس: ههههههه لوما تسيري هناك وعتعرفي بنفسش
رانيا وقفت قدامها وهي تتكلم: قومي هيا اشتي ارقص معش على شيلة
كوثر قامت؛ طيب هيااا اقلبين هيا..!!!
.
.
بعد العشاء..!!!
بيت اللواء.!!!
تكلم قيس وهم ملتمين حول العشاء بيتعشوا؛ وكيف الخطوبة يمةة
الجدة: ماشاءالله حاليه ومابش، فيها تكلفة وكوثر قمرية ماشاءالله لا كان عيون ولا كان شعر ولا كان طول ولا...
قاطعها قيس بقهر: بس بس يمةة لاتوصفيها قدام الاغراب
رفع اوس نظراته له ب استغراب وتكلمت الجدة ب استنكار؛ من هم الاغراب
رهف: او قصدك اوس
قيس: ايوة ما يصلح توصفينها قدامه
اوس بقهر: خطيبتي على فكرةة ومن حقي اطلب نظره شرعية لو ودي
قيس: اتحدااا ابوككك والله ما ارضى
اوس بحناك: اصلا ما يحتاج هي محجبة اعرفها وجدتي وكفت ووفت بباقي الوصف
قيس بحدة: اووووس احترررم نفسككك لاتذكر اختي
الجدة: هههههههههه خلاص قدها عتوقع مرته عادي
رهف: يمةة والغيرة
اوس بزنط: اسمع من الان اقول لك ما عتسمحها لها تكلمك او تظهر عندك فاهم
قيس بسخرية: امانةة عليككك
اوس: اي والله
رهف: هههههههههه مجانين
اوس: ههههه وباقي البنات وينهن
رهف: ما خلتهن كوثر يروحين قالت يسمرين هناك من مره
قيس؛ رجاءيا خالة لاعاد تذكري اسمها قدام اوس
اوس بقهر؛ هذا اللي عاد كان نااااقصناااا
الجدة: ااااص انت وهو.. وبعدين ماشاءالله عليها كوثر ادب واخلاق وصوتها واطي
قيس فتح عيونه واوس رفع حاجبة بصدمة وعلى ما بسر وعرف كوثر بعيده كل البعد عن هذا الوصف
ِ
تـــــوأم أغـــــراب 2
البارت 183
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
حسن بسخرية: الله الله قد. عيال الامس عيتحكموا فينا ويمشونا على قولهم
قيس؛ الزواج مش بالغصب
حسن بصراخ: مناااااااااار وييييين جتتتت هذذذذهه
منار اللي كانت اعلى الدرج نزلت بخطوات خايفه من جدها وبسرت اوس وقيس اللي بيبسروا الجد بتحدي وبهدوء: ايييش
حسن خطي ووقف قدامها وبحده: انتي بأمر من تفسخي من اللي سمح لش دام وانا ما سمحت ولا عندر خبر
رفعت نظرها له وبقوة: سمحت لنفسي وانا قلت لكم من اول ابن خالي مشتيه ولا اشتي اي حاجة تربطني ب اسرة امي.
رفع الجد يده يضربها كف بس وقف قيس قدامه بسرعه وبحده: حدككككك تضربهاااا ليييييش
منار تخبت خلفه بخوف من جدها اللي فتح عيونه بصدمة ان واحد يقف في وجه ولاول مره
اوس: تنكسر يده اللي يفكر يمد يده على واحده من خواتي يكووون من كاااااااان
نزل حسن يده ولف لسياف اللي بيراقب بهدوء وبسخرية: هم هولا عيالك اللي بتتفاخر بهم هي هذه التربية.
سياف بهدوء: محشوم يا اباه بس دام ومنار ما تشتي ابن خالها فليش نغصبها غيره الف او مابه الا هوه..
حسن:هذا ردك يعني.
علا من الدرج بصوت عالي:ايوةة هذه رده ليحين عتجلس متحكم فينا وتمشينا على كيفك..خل كل واحد يفعل اللي يحب ويشتي انت ما دخلككك كل واحد حر بحياته.. بسرت الجد لف لها بنظرات نارية ولفت وطلعت باقي الدرج بسرعه وبتول وبيان واقفات بتوتر..
حسن بصراخ:حاليةةةة قد حتى اللي عاده مابلغ بيرفع صوته عليااااا..بسر اوس وقيس وبتهديد:اسمعوا الان تخطوا تعتذروا من خال منار فاهمين ويرجع كل شي على ما كان والليلة يجوا يدفعوا كأن ما وقع شي
شدت منار على قيس اللي تكلم بحده؛في احلامك والله ما تم حاجة ولا وقع عرس دام منار مش راضية
اوس:والفسخ قد.تم وماعاد به داعي لكثر الهدار وكلم خال منار وابنه ان مابش معانا بنات للزواج الله يوفقهم مع غيرهااا.. هيا اطلعوا غرفكم قلت ان معه حاجة مهمة طلع هذا الخبر..خطي وقيس مسك منار من يدها وخطيوا طلعوا الثلاثة وبيان وبتول تحت صراخ الجد وسكوت سياف اللي راضي اتم الرضا بلي فعلوه اوس وقيس لانه ما يشتي منار بنته تتزوج لا بيت اخوالها ابدا...!!!
.
.
بغرفة منار..!!!
دخلوا كلهم ومنار تفك يد قيس وتتكلم بخوف:لو جدي ما يرضى يفسخ ويدفعوا الشرط
اوس بضحكه:لاتهمي ولا عيحصل حاجة بعد اللي وقع نازل
قيس:وان حصل والله لا ادخل لهم للمجلس واكسر روسهم كلهم
منار: الله يحفظكم..
علا وهي تدخل بسرعه وتتكلم: جيييتوا ما عااد وووقع
اوس لف لها ولمها من رقبتها وبضحكه: جت القويةة حقناااا
علا: ههههههه بسرتوا كيف تكلمت وما افتجعت منه
قيس: باتمان ههههههه
بتول: والله انني كنت مريعه ايحين عيرجمها في راسها ب الباكوره حقه
بيان: هههههههه حتى انا خفت قلت هذه من وين جت لها الشجاعةة
علا: اصلا انا تشجعت لان اخوتي هانا قلت عيفزعوا معي صح
قيس: تبشري والله..
لفوا لسياف اللي دخل وهو يتكلم: مجتمعين هانا كلكم ماشاءالله وبتضحكوا وكأن الحرب العالمية الثالثة ما قرحت هانا قبل شويةة
سكتوا كلهم ومنار خطيت لاعند اوس خايفه من ابوها ما عيقول واوس مسك بيدها يطمنها
سياف ونظره لمنار: ذلحين ما تشتي ابن خالش صدق
منار بخفوت: ايوة وكم لي من لما قلت لك
قيس: اظن احنا حاليا في القرن العشرين..والناس فاهمين وواعين ومابه حاجة بالغصب يا حضرة اللواء
سياف بهدوء: حتى انا من الاول ما كان اشتي ازوجش لاعند اخوالش لان علاقتنا انتهت بطلاقي لامش.. بس..
قاطعه اوس بسخرية؛ بس حسن دعس الكل وجزع كلمته وماحد يصدى يدي كلمةة بعد. كلمتة حتى لو كانت غلط..
سياف: ابي وله احترامه ومكانته ومن زمان انتوا ايش عرفكم به اصلا.. بس ابشري يا بنتي ولا يهمش دامش ما تشتي ولا عنغصبش وقد. اخوتش انهوا كل شي خلاص انتهى الموضوع.. لف يخطى ورجع بسرهم وتكلم: وانتوا جهزوا انفسكم الليلة عنخطى ندفع لكم حق العرس والخطوبة اشتي ازوجكم وابسركم حراوة قبل ربي يشل روحي.. لف وخرج من الغرفة قبل يتكلموا.
الكل سكت بعد كلامة وتكلمت بيان بهدوء: ابي تاعب هذه الايام وضايق
بتول ونظرها لاوس: لو اوس وقيس وميس يعتبروه اب ويسامحوه كان ارتاح
اوس بهدوء: مش وقت هذا الكلام.. يلا انا عتخطى معي عمل انا وحسين ودكم شي
الكل: سلامتك..!!!
.
.
يوم الجمعة.!!!
خطوبة الأوس&قيـس..!!!
العصر بيت كريـم..!!!
غرفة البنات..!!!
كوثر بضبح: بس خلاااص اشتي ااااخرررج كم عتجلسي تسبري
المكوفره: لحظه باقي اللمسات الاخيرة
كوثر بهمس ماركزت عليه المكوفره: جعلتي تلفظي انفاسش الاخيرة..
سمعتها ميس اللي كانت بتلف المكيأب وانفجرت ضحكة: هههههههههههههه
المكوفره: مالش
ميس بضحكه: ولااشي كملتي
المكوفره: ايوة خلاص..البسي الفستان.
ِ
تـــــوأم أغـــــراب 2
البارت 182
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بيت عبدالله..!!!
غرفة مرام..!!!
حمزة ب انفعال: ممكن ادرى ليش ما تشتي قيس
مرام ببرود: هكذا ما اشتي
حمزة: على فكرة جدي قال كلمتة وحدد العرس وانتي عارفة لجدي ماحد يقدر يوقف بطريقة
مرام بقهر: ماله دخل مني
حمزة بحده: اسمعي اذا كنتي زاعله عشان ماهر الكلب.. ف اسمعي هذه الكلمتين.. قيس انقذش منه فاهمه
مرام بترقب: انقذني منه كيييف
حمزة بقهر: الكلب هذك طلع حق بنات ومراسلات وبيهدد البنات بصورهن ويضحك عليهن قد شبك نص الجامعة. ومره تضارب مع قيس بسبب انه بسره بيلاحق بنت ويهددها
مرام بصدمة: كذااااب
حمزة بحده: وعادنا كذااااب.. وعلى فكرة زد اليوم تأكدت بنفسي في الجامعة وطلع الخبر كله صدق.. وعلى العموم احتمال الخطوبة قريب عشان العرس بعد شهر في العطلة النصفية...!!!
.
.
قيـس..!!!
جالس في الصالة على تلفونه لوما دخل أوس وهو يتكلم: سلام
رفع نظره له وقفل تلفونه وهو يرد: وعليكم السلام واخيرا جيت
جلس جنبه وهو يسكب له ماء للقلص: ليش ما ودك مني
قيس: ولاشي بس قلت اقول لك تم البيت موافقين
اوس شرب القلص وحطه على الماسه وهو يرد: اي بيت
قيس بقهر: الاخضر
اوس: اهاا... قصدك. من الخطوبة ههههه تحاكى سوا وانت
قيس: ما اقول يعني
اوس: قول الف مبروك اختي موافقه
قيس: اللي هوه المهم.
اوس: خير ان شاءالله غدوة ندفع ونحدد كل شي
قيس: يعني عنرضخ لحسن والعرس بعد. شهر
اوس: مهما كان يضل جدنا ولكلمته احترام جزعها له هذه المره
قيس: سابر..!!!
.
.
ظهر ثاني يوم..!!!
المركز..!!!
كان الأوس في مكتبة لوما رن تلفونه برقم غريب.. فتح الخط وبهدوء: ارحب
وصله صوت بنت ببكاء؛ اوس وين انت
اوس بشك: منار
منار: ايوة منار وينك
اوس: في العمل خير ليش مابه ليش بتبكي
منار بكت وبرجاء: جي للبيت ذلحين احتاجك الله يخليك
فز اوس وهو يرد: ابشري ثواني وانا عندش..!!!
.
.
بيت اللواء..!!!
غلقت الخط ولفت لبتول اللي تكلمت: يعني بالله ما عيفعل اوس ولا قيس اتصلتي لهم ذلحين وخوفتيهم
منار وهي تمسح دموعها: يجوة يوقفوا قدام جدي ويفسخوا خطوبتي
بتول: وما تحركتي الا لوما قال جدي انهم الليلة عيجوا يدفعوا وعرسش مع اوس وقيس ومرام
منار: مشتيييش والله ما اتزوجه فاهمه.. اوس وقيس يثبتوا اخوتهم ويفعلوا حاجة من اجلي.. غطت وجهها بيداتها وبكت...
.
.
تلاقى اوس وقيس في الباب وسأل اوس ب استغراب: خير ليش مش انت في الجامعه
قيس: عادنا جيت اتصلت لي منار بتبكي
اوس وهو يسرع بخطواته لا داخل: ايش به حتى انا اتصلت لي..
طلعوا الاثنين الدرج بسرعه ولا غرفة منار على طول فتح اوس الباب وهو يسمع بكاء منار وبلهفة: منار.. اييش به
فزت منار ووقفت وسعت لاعنده وارتمت لاصدره وهي تتكلم ب انهيار: مشتيةة قووول لهم يا اوووس الزواجة مش بالغصب والله اقتل نفسي والله
اوس وهوه يحضنها يهديها: من اللي ما تشتيه اي زواجةة
منار ببكاء: قال جدي الليلة عيدفعوا بيت خالي لي ويكون عرسي معاكم
قيس: وانتي ما تشتيه
منار: ايوةة
اوس: طيب ليش وافقتي عليه من اول
منار ببكاء وغصة: وعند جدي هل لنا رأي كله على قولة وخطبني ب ولد خالي بالغصب وما عبرني حتى ابي ما صدى يدي كلمةة. وانهيار؛ وانا م اشتي ما اشتي اسير لاعند هذك الاسرةة مشتييييي..
اوس: اهدأي ياعيني اهدأي مالش الا اللي يرضيش ابشري
منار وهي ترفع راسها وببكاء: يعني عتفسخوها
اوس: غصب عنهم كلهم
قيس: ماعاش من يغصبش على حاجة واخوتش بظهرش الليلة وانتي محررة
ضحكت منار ببكاء وهي ترجع راسها لاصدر اوس اللي تكلم: هاتي الدبلة حقهم وكل شي يرجع لهم الان..!!!
.
.
الساعة. 4العصر....!!!
وقف الجد حسن وسط الصالة وبصوت عالي: ويييين جووووا هولاااااا اوووووووس قييييييييس .... ييييييييييييهه
سياف اللي عاده داخل للبيت: خير يا ابه مالك بتصيح
حسن بحده: وين جوا عيالككك هولااا
سياف: ليش ما حصل
حسن: داعيه وعتدرىىىى يا قيييييسسسس انزلووووا لانتوا رجاااااال...
.
.
طالع...
فتح اوس غرفته بنفس اللحظة اللي فتح قيس غرفته وهو يسأل: هذا صوت حسن او بين اتخيل
منار بتوتر وهي تتقدم منهم: الا صوت جدي بيداعيكم شكله عرف انكم فسختوا الخطوبة ورديتوا كل شي
خطي اوس ينزل وتكلمت بتول: لا تنزلوش لا فعل بكم شي
قيس وهو يخطى بعده:ههههههه وما عيفعل بنا لاتخافين ولا واحده تنزل طيب
البنات: حاضر..!!!
.
.
تكلم اوس وهو يتقدم من سياف وحسن: خير ماهوه هذا الصياح بكله اييش به
حسن بحده: جيت يا نذل انت واخوككك هذا
قيس بسماجة: قصدك انا. سهل جزاك الله خير
حسن بصراخ: من سممح لككك انت وهو تفسخوا الخطوبةةة بأمر مننننن
مساء الخير
امس خلص عليا النت ولا حد فزع ورسل لي نت ولا دريت كيف ارسلها لكم حاولت ارسلها بلوتوث ما رضي حظكم مثل حمار الزبيب 🥲😂
ِ
تـــــوأم أغـــــراب 2
البارت 180
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
وقف قيس في الباب وخرج له حمزة وهو يرحب به: حي الله ولد ليش ما تدخل
قيس ب احراج: ما اعرف الطريق للمجلس.. بعدين والله ما كان به داعي لجيتي
سحبه معه وخطيوا وهو يتكلم: الله المستعان مابش معي اخ قلت تكون انت جنبي
قيس: ابشر ولايهمك..
دخلوا للمجلس وبصوت واحد: مساءالخير
الكل لف لهم وردوا: مساء النور
خطيوا الاثنين وجلسوا جنب بعض
وحسن وسياف وعبدالله كانوا بصدر المجلس وماهر وابوه وخاله في العرض..
رفع قيس نظراته لهم وانصدم لوما بسر ماهر بينهم وحس الزمن توقف لوما تكلم ابوماهر: وهذا ابني ماهر تقدروا تسألوا عنه وعن اخلاقةة..
همس لحمزة ونظراته النارية على ماهر اللي توتر لوما عرف قيس: هذا اللي عيخطب اختك
حمزة: ايوة
قيس: وانت سألت عنه
حمزة: اكيد ما قالوا عنه الا كل خير
قيس: من سألت بالضبط
حمزة: اصحابة وخبرته
ابتسم قيس بسخرية وهو يسمع عبدالله يرد: حياكم بكم والبنت بنتكم واحنا بعد ما سألنا عن ابنكم نتشـ.....
قاطعه قيس بحده: بعد اذنك ياعم
الكل لف له ب استغراب ورد عبدالله: تفضل
قيس بثقة؛ هم يقولوا البنت لولد عمها وهو اولى بها من غير ة وانا اليوم طالب يد بنتك مرام على سنة الله ورسوله
الكل بسره بصدمةة من كلامه وحمزة فتح عيونه مستغرب ليش قال هكذا.
ابوماهر بحده؛ مل يصلح على خطبة على خطبة يا ولد
قيس بحده: ماهي خطبة على خطبة ماقد سدينا على شي وبنت عمي ما عتكون الا لي او ما قلت ياعم
عبدالله بسرعه: الله المستعان لك من الان ومن افضل منك لبنتي
سياف بيبسر قيس بتعجب والجد رافع حاجبة ب استغراب..
ابو ماهر وقف وبقهر: ما يسبر منكم هذه الافعال و..
قاطعه قيس بحده وهو يوقف: قبل تدق بيوت الناس وتشهد ب اخلاق ابنك تأكد من افعاله وسوابقه فاهم. وعندنا مابش بنات لان احنا نزوج بناتنا برجال مش نسوان ومبتزين
ماهر بتوتر: انت اييش بتقوول
قيس؛ خل المغطى مستور واخطى من هانا
خرجوا اهل ماهر وحمزة خطي يوصلهم تحت صدمة الكل من كلام قيس
عبدالله: انت من صدق خطبت بنتي او بس قدامهم
قيس ب اصرار: شاريها على سنة الله ورسوله
سياف: دام وقيس يشتيها ماعاد لك كلام يا عبدالله البنت لابن عمها
حسن: اكيد وهذا كلام مابه عليه خلاف
عبدالله: والنعم والله بس نسأل البنت
وقف حسن وبهيبة: ومن ايحين بنستشير بناتنا في هذه الامور خلاص تم مرام لقيس والخطوبة الجمعه الجاية والعرس بعد شهر
قيس انصدم من سرعة العرس وتكلم سياف؛ شهر يا اباه قليل مسرع
حسن وهو يخطى: كلامي ما اعيده عرسه وعرس الأوس مع بعض والكلام منتهي منه وبلغوا الكل..!!!
.
.
المـرام..!!!
همست بصدمة بعدما كلمتها امها بلي حصل: مستحيييل
بتول: قيس اخي خطب مرام
منار: قيس قيس ماغيره
ام حمزة: ايوةة قيس خطبها من ابوها وتموا على كل شي. والعرس بعد شهر قال جدكن
البنات بصدمة: شهررررر
مرام ب انفعال: لا ماهذه قد زيدووا فيهاا وانا ايييش هانا رجل كرررسيييي على الاقل يستشيروني
منار بسخرية: ومن ايحين جدي يستشيرنا بهذه المواضيع نسيتي خطوبتي من ابن خالي كيف ماحد عبر رأيي
ماريا: طيب وماهر ايش موقعه
ام حمزة: مدري رحله لمن خطب قيس
مرام ب انفعال: وهذا قييس من وين طلع لنا ذلحين وليش يخطبني
بتول بحده؛ يحصل لش قيس اخي انتي وماهر الزفت حقش الف من تتمنى قيس
منار بقهر: ايوة وقارنر وانتي عتشوفي فرق السماء عن الارض بين قيس اخي وماهر الزفت.. هياااا بتول رسلي لقيس لو عاده هانا يراعي لنا نروح معه
ماريا: بنات مرام مش قصدها بس لأن كل شي حصل فجأة...
منار وهي تلبس البرقوع: قصدها واضح وطز فيها... هيا بتوووول....!!!
.
.
بيـت سياف.!!!
فزت علا وبيان وبصوت رافع: ايييش خطبت مرام
قيس هز راسه وتكلم سياف: ايوة
رهف؛ كيف لوما مش على اساس اليوم مدري من جاء يطلبها
سياف: ايوة بس قيس قال يشتيها والبنت اولى لابن عمها
بتول: وما قال جدي مش ع اساس يخطب له تسنيم
سياف: ما تحاكى ابي وحدد العرس على طول.. لف لقيس وبسؤال؛ قيس انت واثق من اختيارك
قيس لف لها وبهدوء: ايوةة
سياف: اكيد. انك تعرف ماهر وبسرت عليه حاجة لوما انفعلت هكذا وتكلمت معه ب الغاز حاكيني ماله
وقف قيس وهو يتكلم: مابه داعي للكلام قد سار بحال سبيلة الله معه.. تصبحوا على خير...!!!
.
دخل لاغرفة اوس واتمدد على السريى بتعب وهمس بقهر:ورطت نفسك يا قيس انت مالك وللزواجة اووووف...بس مستحيل كان ارضى لها ترتبط بالنذل هذك حق البنات... رن تلفونه وبسره رقم حمزه فتح الخط وبهدوء:ارحب
حمزة؛ممكن تفهمني ايش اللي حصل اليوم
قيس بتنهيده:ايش حصل
حمزة:قيييسس من وين تعرف ماهر وما بسرت عليه لوما انفعلت هكذا ودخلت بالوسط
سياف:احنا جيناك اليوم طالبين راغبين يد اختك المصون كوثر للأبننا الأوس ولكم ما طلبتوا
قيس بسرهم وبجدية:حياكم الله والنعم بكم وبنسبكم لكن نشاور البنت ونرد لكم خبر
اوس ماعاد يقدر يصبر وهو يبسر جدية قيس وانفجر ضحكة:ههههههههههههههههههههههههههههه
قيس انفجر ضحكه مثله:ههههههههههههههههههههههههههههه
سياف ببسمه وتعجب:مالككم
اوس وهو يمسح دموعه ويضحك؛ما اقدرت اصدق انه بالجدية هذه
قيس بضحكه:اخي ويخطب مني كيف انا جدي معاك
اوس:ههههههههه
سياف:على فكرة انا عارف انك مش خاطب لكوثر ولا شي وانك بس سكت ابي.
اوس بهدوء:بس انا فعلا عتخطبها وعنتم كل شي اليوم ايش شروطك يا قيس
قيس بغمزة:قدنا قلت لكك
شل المخده ورجمه وبقهر:مالت عليك انت وشروطكك
قيس:ههههههههههههه
سياف:هههه طيب خلونا نتكلم بشكل جدي
اوس وقيس:طيب..!!!
.
.
عند النسوان.!!!
كانين بيتجابرين بمجابر عاديه لوما دخلت كوثر وهي تهلي وترحب تحت صدمة امها وخالتها سعاد القويةة:يا حي الله من جاء حي الله ميس وخالتها ارحبين....!!!
ِ
تـــــوأم أغـــــراب 2
البارت 177
للكاتبـــــة: أميـــرة اليــــــمن
ـــــــــــــــــــــــــــــــــــــــــــــــــــــــــــــــ
مد يده وقرص قيس المنصدم بدون ماحد يبسره عشان ينتبه ولا يفضحهم..
قيس ب انتباه: هاه.. ايوةة اةس خاطي لكوثر اختي من زمان وقد سدينا على كل شيء
منار: بس كوثر صغيره اظن لو عادها خديجة او انداء
اوس: الحب من الله وانا ما ماحبيت الا كوثر وطلبتها من قيس
حسن ب انفعال: وايحين حصل هذااااا
اوس: قلت لك من زمان
حسن؛ الان تفسخ هم مش من مستوانا ولا مناسبين لنااا
قيس بحده: اعذرنا لوما تمينا الخطوبة ما كنا نعرف انك جدنا.. وبعدين مالهن خواتي مش من مستواك علر فكرة خواتي يسوينك ويسوين كل قبيلتكككك فااااهم
اوس بحده: قد سدينا مع الناس وكل حارتهم تعرف انني خاطب لكوثر ومستحيل اتراجع فاهم
الجدة: لا والله انه عيب دام قد سديتوا بين الناس يا ولدي
بتول بصدق: بعدين كوثر ماشاءالله جمال وحلا وطول ايش ماريا جنبها مع احترامي
بسرتها منار بقهر وهمست بتول: ماقلت الا الصدق..
سكت الجد بقهر بعدها تكلم وهو يوقف: خلاص اوس بستين داهية جهز نفسك يا قيس عنخطى بعد. خطوبة بنت عمك نطلب لك تسنيم بنت عمتك من ابوها واخوها
فز قيس وب انفعال: واقسم بالله ما دخلت لي راااس فااااهم وانت ما يحق لك تتحكم فيني
رفع عصاته لاصدره وبحده: انا متحكم بلي اكبر منك واعلى منك ما عتجي انت توقف بوجهي يا بيبي الكلام منتهي انقلع من قدامي.. لف وخطي وقيس يصيح ويجنن وشل الصحون راجمهن بقوة وقف اوس ومسكه بسرعه: قيييس اهدأ
سياف وهو يمسكه؛ قييييس
دهفهم منه وبصراخ: كلمووه ان ماقد خلق اللي عيتحكم في قييييس.. شكله ماقد تعرف على قيييس سوووا خلوه يتخبر الناااااس وعيقولوا له من هوه قيييس
سياف: اهدأ ما عيقع الا اللي ودك فيه
قيس ب انفعال: اكيد ماعيقع الا اللي ودي فيه مش ابوووك فاااهمين.. فلتهم وطلع الدرج بسرعه متجه لاغرفتةة ولحقه اوس بسرعه..!!
الجدة: قد بين اقول له ما عيرضوا لكن ما صدقنر
رهف بتوتر؛ ذلحين ايش انتوا لعمي ما يمشي الا اللي براسه
منار؛ على اوي وقيس ما اعتقد يقدر لهم بسرتي كيف صيحوا
بتول؛ ايوة لو هوه واحد ثاني حمزة او ليث ماحد يقدر يرد عليه بكلمةة
علا بحماس: امانه رجال
بسرها سياف وتكلمت بوهقه؛ قصدي ما يصلح يرفعوا اصواتهم على جدهم الصدق......
.
.
دخل لاغرفة قيس وغلق الباب وهو يتكلم؛ قيس..
فز قيس اللي كان قدام الطاقه وتقدم منه بسرعه مسكه من كوته ورصه للجدار ومن بين اسنانه: انت ليييش قلت انك خاااطب لكوثر هااااه ما بتظن بناات الناس عندك لعبةة او ايييييش
اوس.؛ انا
هزه بقوة وبحده: انت اييييش من بتظن نفسككك تدخل بنات الناس بعلبتك وتكذب ظني ان خواتي سلعه رخيصة اووو ايش تتكلم على كيفكككك
نزل يداته منه بحده وبصراخ: من قال هذا الكلاااااام
قيس بنفس الصراخ: انت يا تافه مقصدك تتخارج من حسن الجن وتلعب بسمعة بنات الناااااس
اوس ب انفعال: انا ما لعبت ولا كذبت وفعلا عندي اخطب واحده من خواتك ولا اللي اختارها لي حسن
قيس بحده: وخواتي مش اختيار ثاني ولا بديل فاااهم ماعزهن وما غلا ورعتزوجين سيد سيدككك انت وجدككك التافه
اوس بحده: قيييس انا فعلا واعي لكل كلمة قلتها وواثق من نفسي واختك اشتيها على سنة الله ورسوله مش لعبه مني افهم
قيس: ايييش معنى كووثر وهي الصغيرة منهن ايش معنىىى هاه
اوس؛ لأني ما اعرف من خواتك الا هيه واعرف ما اسمها وجت على بالي
قيس بسخرية: اها حبيت تنقذ نفسك على حساب اختي انا يا نذل
مسكه اوس من صدره ومن بين اسنانه: انت قد بتتمادى وتغلط قوي.. وقلت لكك اختك انا طاالبها على سنة ورسوله ولو ودك بكرة نعلن الخطوبة علناها
سحب نفسه منه وبحده: في احلامكك انقلع سير ابسر لك بنت ثانية
اوس بقهر؛ ليش انا ما اشرفككك استاذ قييس.. ما تتشرف فيني لاختك المصون.. قول هكذا من البداية واهجع.. لف وخطي خرج من الغرفة وطبق الباب وراه بقوة..
غمض عيونه بقوة وتنهد بقهر وهو يشد شعره وكل حاجة تلخبطت عنده..!!!
.
.
بعد العصر.!!!
دق الباب وفتحه واستقر نظره على اوس اللي جالس على السجاده وبيده مسبحته ونظره للقاع بهدوء.. غلق الباب وتقدم. بخطواته منه وجلس قدامه واوس مدعمم له
شل نفس وتكلم: ايحين عتجي تخطب رسمي
اوس:......
قيس: معي شروط خيرات لا تظن لأنك اخي عتتساهل معاك
اوس......
قيس: نشتي حب الخال والخاله والجد والجدة والعم والعمة والخوات واعمل حسابك معاها ثنتين امهات.
اوس بيستغفر بالمسبحة ومدعمم له
قيس بتنهيده: انا محكم لك اعتذر واسف... اوووووس.. حط يده على كتفه: من بين اكلم
اوس ببرود: مش فاضي لككك قووم انقلع من قدااامي
قيس: وتسخى عليا.. قلت لك انا اسف كنت منفعل وانت دخلت كوثر بالوسط
رفع نظره له وبحده: وانت ظنيت فيني الشينه واننا مدري ايش ولعاب
ِ
تـــــوأم أغـــــراب 2
البارت 176
للكاتبـــــة: أميــــرة اليـــــمن
ـــــــــــــــــــــــــــــــــــــــــــــــــــــــــــــــ
الأوس..!!!
دخل لا مكتبة بعدما وقف مع سياف وسلموا على بعض الضباط اللي ما قدروا يحضروا العزومة والكل منصدم ان الاوس ابن سياف وعدة اسأله ببالهم جاوب عليها سياف ب اختصار..
تقدم من مكتبة ووقع نظره على اسمه اللي على المكتب وبسره تغير.. شله لا يده وقري بهمس: العقيد ركن/الأوس سياف حسن الـ.......
ابتسم بسخرية متى لحق يغيرها بس ما يدري ليش لاسم سياف هيبة بجنب اسمه لف لفتحت المكتب وبسره حسين اللي تكلم: ياهلا بالعقيد ابن اللواء واخيرا تكرمتوا وجيتوا انت وابوك
رفع له الاسم وضحك حسين وهو يشله من يده: اووووف ايحين غيرت
اوس: مش انا
حسين: اللواء ههههه الا ضخم وقع لأسمك هيبة
اوس: هيبة من يوم يومي
حسين: خف عليناااا
اوس: ههههههههههههه
.
.
بجناح الجد والجدة اللي بفيلا سياف..!!!
تكلمت الجدة ونظرها لحسن اللي متمدد على السرير ويده تحت راسه ونظراته لافوق بتركيز:خف على عيال سياف لا تكون تقهرهم قدك متأكد انهم عياله بعدمت خليت سياف يسوي الفحص هذك هو وهم ماعاد باقي
لف لها وبمابغته: عتزوج قيس واوس
الجدة بصدمة: ايييش
تجلس وبجدية: العيال متمردين وبيردوا الكلمة لي بعشر وما بيحترموني
الجدة: لو انت عاملتهم سوا كان الان يحترموك بس انت نبذتهم
حسن: هم متمردين وما عتكسرهم واخليهم تحت امرتي الا لا زوجتهم بلي في بالي واخليهم تحت شوري واجزع كلمتي عليهم واخليهم تحت رجلي
الجدة بعدم. اعجاب: هم رجال وكبار ومن حقهم يختاروا اللي يشتوا مش انت تختار لهم
حسن بحده: انا اللي كلمتي عتجزع على الكل
الجدة بمحاولة: بس ما يسبرش هكذا عيكرهوك اكثر
حسن: طز المهم افرض سطيرتي عليهم واعلمهم ان انا ماحد يقدر يخرج من شوري او يعصيني
الجدة: وسياف ما عيقول
حسن بحده: ما عيقول يكفي اللي قد فعله زمااان وعياله ماعتزوجهم الا اللي اشتي اناااا
الجدة: وبمن عتزوجهم
حسن ببسمه نصر: قريب وتعرفوا كلكم الان طفي الضوء ارقد تاعب...!!!
.
.
ثاني يوم..!!!
في الجامعة..!!!
جلس على المقاعد بتعب بعدما شلوا محاضرتين ورا بعض.. شل تلفونه اللي اعلن وصول رساله وبسرها من ميس:انا روحت مع صقر بيتنا
رد عليها:توصلوا باالسلامة..غلق تلفونه ولف للي جلس بالمقاعد خلفه..ورجع نظره لقدام بعدم اهتمام وابتسم بسخرية لوما سمعه بيتكلم:انا والله ماقد.احد دخل قلبي الا انتي ولا قد حبيت احد ساعش انتي.........لاتصدقي لهم.........مرام....من مرام.........هههههههه لا تصدقي وينهم ووين انا..........ايوة مثلما قلت لش ي قلبي.......... طيب لاتنسي اليوم العشي بتصل لش............تمام انا الان في الجامعه..........انتبهي لنفسش يا حبيبتي مع السلامة...
هز راسه بسخريةة وسمع واحد جاء بيداعيه بسرعه:ماهر تعال بسرعه مرام القلب حقك خاطية مع بنت عمها لحالهن...
رفع حاجبه من الاسم ولف لهم بسرعه وبسرهم خطيوا..
وبهمس:مرام وين قد سمعت هذا الاسم.؟
وقف بعدم اهتمام وشل ملازمه وخطي..!!!
.
.
البتول والمرام.!!!
شدت على يد بتول بقوة لوما سمعت صوت ماهر بيداعيها:مرام ممكن دقيقة.
بتول بفجعه:لاتصدقي اخطي
مرام بخوف؛اول مره يجي يتكلم معي
ماهر وهو خاطي بعدهن:مرام..بس كنت اشتي اقول لش انني خلال هذا الاسبوع عتجي اطلب يدش من اهلش عشان تعرفي ان حبي صادق واختي ما كذبت بكلامها معش..
سحبتها بتول وخطيين بسرعه..
وقف ماهر مكانه وابتسم بخبث:وقربت توصل لحلمك يا ماهر هههههههه..
صاحبه بضحكه:مسكينة ذلحين مصدقه انك تحبها
ماهر: اختي ما قصرت معاها واصل تكلمها واعتقدت بدأت ادخل بالها
صاحبه: وعتسير تتقدم صدق
ماهر: اجرب حظي اذا وافقت عتغتني للرقبة صبرك بس ههههههههههه..!!!
.
.
بعد مرور إسبوع روتيني لا يخلوا من المشاكل بين الجد واوس وقيس..!!!
وقت الغداء بيت سياف..!!!
تكلمت رهف بسؤال:خلاص مرام وافقت على هذا اللي طلب يدها
سياف؛والله مدري قال عبدالله عيجوا غدوة يطلبوها رسمي ويتموا على كل شي
رهف؛الله يوفقها
منار بهمس لبتول:للأن مش مصدقة ان جدي مارفض ماهر مصدومة
بتول:حتى انا ساعش بس حاسه ان جدي مش في تو مرام باله مشغول بحاجة الله يستر بس
منار:حتى انا..لو مان منتبه ماكان وافق والله
بتول:سبرت لمرام ههههه
سياف:ما رأيك يا اباه
حسن:هاه قد.عبدالله اخبر قلت له يخلي حمزة يسأل عن الولد وخير
سياف ب استغرب:الله يقدك.مافيه الخير
حسن وجه نظره لاوس وقيس اللي بيتغدوا بهدوء وتكلم:باقي الأوس وقيس نزوجهم
شرغ قيس وكح وعلا صبت له ماء بسرعه
سياف والجده بفجعه:بسم الله
ضربه اوس على ظهره وشرب الماء وبهدوء:خلاص
رهف:مالك
قيس:احمم.ولاشي
حسن:نرجع لكلامنا
سياف:مش وقت يا اباه العيال اخبر
ِ
تـــــوأم أغـــــراب 2
البارت188
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
عند كوثر...!!!
صاحت بقهر وانداءوخلود يلبسنها العباية: لداتي كلهن اشلهن معي ولا تخلين حاجة هانا بين اقوول
سعاد: يوم ثاني ونديهن ذلحين شلي الجداد
كوثر: ماعةة بعدين يلبسينهن عليااا
فاطمة وهي تبكي: ماحد عيلبسهن يلعن شكلش بعدين الناس وين وانتي وين
كوثر برفعة حاجب: وانتي ذلحين مالش تبكي
خلود وهي تمسح دموعها:هيا كملنا قيس مريع نخرجها يمه سعاد
سعاد؛ ايوة هياا
كوثر: اسمعين فطوم لا تجي معي انا زاعله منها
انداء بقهر وبكاء: ليت وما انتي حريوة كنت وريتش كيف العمل
كوثر: ههههههه تعالين اودعكن هيااا
تقدمين البنات وودعينها على واحدة واحدة وصولا لفاطمة اللي وقفت قدامها وحضنتها بقوة وهي تبكي وتتكلم: عتفقد لششش قوووي
كوثر ببكاء: حتى انا.. تعالي عيشي عندي هيااا
فاطمة؛ ههههه على كيفش هوه.
تقدمت منهن نبيلة وحضنت كوثر وهي تتكلم بغصة: هالله الله المره تقع مره خليش عاقلة
كوثر: تمام سلمت على سعاد وودعتها وخرجين كلهن معاها عشان يبسرين عروسة قيس والكل..!!!
.
.
تقدم قيس منهن لوما بسرهن مخرجات لكوثر بينهن ومسكها من يدها وخطاها معه للسيارة فتح لها الباب وساعدها تطلع وطلعين البنات معاها وفي سيارات ثانيةة..
طلع جنب ليث اللي عيسوق وتكلم: سوق دلا وعلى اقل من مهلك اشتي زفة طويلة عريضة.. خرج راسه من طاقة السيارة وصيح: حمزززززة.. خلهم يشعلوا الدنياء قريييييح ويحرقوهااااا. يلا تحرك يا ليث...!!!
.
.
بيت اللواء..!!!
دخلت ميس ومنار معاها للمجلس اللي فية اوس وهي تتكلم بقهر: ساعة وهم يزفوها مجنون هذا قيييس
منار؛ ضبحت مراعاااه تقول الا اميرة يزفوها هكذا
اوس بضحكة: انا عارف لقيس هو حاليا بيحاول يعوض خواته عن كل شي وما يشتي يحسسهن بالنقص في اي شي.
رانيا وهي تدخل بالبخورة: الف مره واحنا نبخر وكوثر ولا وصلت..
علا دخلت وهي تسعى وبحماس: وصلوا بكوووثر وصلووووا.
فز اوس واقف والبنات خرجين يستقبلينها للصالة...!!!
.
.
دخلت كوثر للبيت وهي بين انداء وخلود.. وقيس قدامهن خاطي والنسوان ملان البيت بيحجرين والزفة عاليةة..
تقدم اوس مع امه اللي قالت له يخرج يلقف لها ومسك كوثر من يدها وخطي معاها للمجلس..
ساعدينها تجلس على الكنب بعدما بعدين العباية منها واوس واقف ولف لقيس اللي دخل وبسره برفعة حاجب بمعنى ما معاك هانا
قيس بحناك: اختي على فكرةة
هز راسه ببسمة وحط يده على جبين كوثر وقري عليها لدقايق.. ولمن يشتي يرفع الغطاء منها مسكته كوثر برفض واوس استغرب ولف لخواته وامه.
تقدمت منها سعاد وهمست بحدة: مالش
كوثر: الفتاشة حقي وين
نبيلة بهمس: قد اداها مع الشرط كلها
كوثر: ما اعرف اشتي حقي لايدي سعما البنات
تقدم منهم قيس ونزل راسه لها؛ ايش به
كوثر بقهر: قول له يدي حقي الفتاشةة ماشي والله ما افتش
قيس؛ قد دفعها كلها
كوثر: ما اعرف انا
قيس لف لاوس بورطة ورجع همس لها: طيب الان افتشي عشان النسوان ولوما قدكم وحدكم لاترضي الا بفتاشة اتفقنا
كوثر بتفكير: تمام بس لو ما رضي يديها
قيس: وجهي اديها انا
كوثر: اتفقنا.. رفعت يداتها تفتش ومسكتها نبيلة بسرعه وبقهر: يفتش لش هوه مش انتي
كوثر: اسفة نسيت. احمم هيااا..
بعدوا منها وتكلم قيس: افتش لعروستك يا اوس
تقدم منها اوس ورفع الغطاء منها وباسها على جبينها ببسمة وتكلمت ام رانيا: اجلس جنبها
جلس جنبها وقامت علا وبيدها كاميرا: عتصوركم هانا شوية والباقي للغرفةة
اوس: تمام..
بتول: وانت يا قيس اصور معاهم
قيس؛ صح ذكرتيني.. خطي للوسط ولم كوثر وتكلم: صوري
اوس همس بقهر: قليل ذوووق
قيس بضحكة: داري ههههههه
ميس بضحكة: قيس تعال في الطرف وخلوا كوثر بالوسط
قيس: ههههههه ابشري...!!!
ِ
تـــــوأم أغـــــراب 2
البارت187
للكاتبـــــة: أميـــرة اليــــمن
ـــــــــــــــــــــــــــــــــــــــــــــــــــــــــــــــ
قيس: حبيب الملايين
سياف: تضحكوا على من ههههههه.. كمل سبر له وخطي لاعند الأوس وصلح له والكل وهو يتكلم؛ تغديتوا شبعتوا يا شباب
الكل: الحمدلله
دخل جواد وهو يتكلم: هيا قال ابي الناس كملوا يتغدوا مريعين للزفة
سياف: يلا ذلحين جاهزين
اوس: ايوة..
ليث: يلا هيا نزلنا..!!!
.
.
بعدما أستمرت الزفة بحدود الساعة
وقفوا بالسيارات قدام بيت كريم بطلب من قيس اللي ترجل من السيارة واوس بقي وزفوه اصحابة لا باب البيت ودخل لا داخل لوحده تحت زغردت امهاته والنسوان اللي كانين مريعات له.. تقدم من سعاد اللي تجمعت الدموع بعيونها ودنى سلم على ركبها وحبها براسها وسلم عليها وهي تدعي له وتبكي. ولف لنبيلة وسلم عليها نفس الشي حضنهن الثنتين من اكتافهن ودخلوا لاداخل وهو يسأل عن خواته وهل يقدر يبسر كوثر..
سعاد: ايوة تعال واذا هن في الغرفة لوحدهن.. تقدمت قبله ودقت الباب وفتحت ولوما تأكدت ان مابحد غير خوات قيس داعته: تعال ادخل.
تقدم قيس ودخل للغرفة واول ما بسرينه البنات فزين وصاحين بصوت واحد: قيييييس
ضحك وهو يمد يداته وهن على طول سعين حضنينه وهن يباركين له..
لف لكوثر اللي جالسه بزنط ونظرها لأظافيرها وتقدم منها متكلم: واختي الصغيرة ما عتقوم تسلم على اخوها الكبير
رفعت نظرها له وقلبت عيونها بقهر ولفت عنه
ضحك وهو يجلس على ركبة قدامها وبسؤال؛ ااااف مالش او زاعله مني
كوثر بقهر: مدري اناااا ما قلت لككككك
قيس: ما قلتي لي.؟!
بسرته بحده وقيس تذكر: اهاااا من الصالة تجلسي مع مرام ما افعل قد فعلت كل حاجة عشان توافق امي وامي نبيلة ما رضيين قالين ما يشتين صالة ولا كنت عتحجز لش لوحدش من انتي ومرام
كوثر بقهر: ايوة انا مش قد المقام اتعرس، بصالة الا البرنسيسة مرام..
قيس: ومن مرام هذه ومن يقولوا لها. كوثر تسواهن كلهن.. بس رضى امي وامي اهم صح والعرس في البيت خير وبركة صح
كوثر بغيظ: صح
قيس بضحكة وهو يلمس عيونها: ما فعلوا لش، يخ شوعةة.. وهذا ايش اللي على شفايفش.. امسحيه ساع الجووكرر.. ماهوه هذا عتفجعي اخي
دهفته من صدره لوما نكع على ظهره وهو يضحك وصاحت بقهر: تااافه نذل اخرررج من عنددددي
وقف بمساعدة فاطمة اللي تضحك عليهم وتكلم: هههههه مصارع يا اوي عانك ربي
كوثر ببكاء: قييييس..
بسرها بنظرات حب اخوية ومد يده لها قومها لوما وقفت قدامه وحضنها وهو يتكلم: جعلني فدوة لاختي القمرية والحالية
كوثر بهدوء: صدق انا حاليةة
مسك وجهها بيداته وتكلم بحب: زدتي بالحلا وفقتي به كل المخاليق وعادش تسألي
كوثر بزنط وخزاء: تسلم حتى انت حالي..
ضحك وهو يحبها على جبينها ويهمس: ربي يوفقش يا عيوني
كوثر: انا وانت يارب..
خديجة وهي تشل تلفون كوثر اللي شله لها قيس: خلاص تصلحوا اصوركم مع بعض الناس مريعين لك يا قيس
قيس وهو يلم كوثر ويبتسم: صوري وتعالين تصورين معي كلكن وداعين امي وامي نبيلة..!!!
.
.
طلع جنب اوس اللي تكلم بقهر: كنت رقدت هناك
قيس: ههههههه ما مع الحاسدين الا الدموع..
اوس: يقلع وجهك ما بتفعل داخل لك ساعه
ميل عليه وهمس بنذاله: بين اتصور مع مرتك
قرصه على كتفه وبقهر: قييييس
فرك كتفه بألم وتكلم: كسروا يدك مالكك..
اوس: تكلم بشكل ارقى
قيس: اها طيب دخلت بسرت اختي اللي هي مرتك وتصورت معاها وكلمتها..
اوس بسره بنظرات نارية وقيس ضحك بقوةة
لف له حمزة اللي كان قدام جنب ليث اللي بيسوق وتكلم: مالك انت وهو
قيس ببسمه:سلامتكككك
اوس:دعمم لك منه واحد تافه
ضحك وهمس له بحناك؛بسرتها قبلك يا رحمتاه
اوس بصراخ وهو يمسك قيس:يلعننننن.........
قيس:هههههههه خلاص خلاص سكتنا
فك له اوس وبسر لاقدام بقهر وقيس يضحك بخفوت..!!!
.
.
الساعة 4 العصر.!!!
في الصالة عند مرام..!!!
تكلمت منار مع ميس اللي تحسنت علاقتهن باخر فترة: هيا خطبنا نبسر كوثر
علا بحماس: ايوة هيااا
ميس؛ كم الساعة
بيان: اربع
بتول: نخطى ساعة وجينا هانا من مره
ميس؛ تمام ماحد. عيسير الا احنا
مشيرة: الا انا عتجي معاكن.
ميس: تمام يلا اخطين البسين العبايات.وانا عتخطى اكلم رانيا وشهد يجين معانا والكل
البنات: تمام..!!
.
.
مرام..!!!
بسرتهن لبسين العبايات كلهن وأشرت لماريا تجي لاعندها وتكلمت لوما وصلت عندها: وين عيسرين هولا
ماريا: يبسرين كوثر سليفتش
مرام بقهر: ماشاءالله وهكذا يومية يجلسين عندي ساعة وعندها باقي اليوم
ماريا: ما تشتي كان وهي مرة اخوهن سعما انتي
مرام: ما توصل لمستوايا هذك
ماريا: مرام مالش من ايحين رجعت اخلاقش هكذااا..
مرام سكتت بقهر ووجهت نظرها لاقدام
ماريا بسرتها ب استغراب وخطيت نزلت من الكوشة...!!!
.
ِ
تـــــوأم أغـــــراب 2
البارت186
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بيت اللواء..!!!
كانوا في الشارع قدام البيت والاصوات عاليةة..
واوس وقيس واقفين جنب بعض والناس حولهم بيبترعوا..!
ميل قيس على اوس وهمس له: اشتي اخطى لا بيتنا
اوس بنفس الهمس: ليش
قيس: ناسي انه عرس اختي ابسر لو يشتوا حاجة
اوس: طيب بس كيف ما عيقول اللواء
قيس؛ ايش ماقال يقول مادخلني.. خاطرك..
لف وخطي متوجه لا سيارة حمزة اللي مفاتيحها معه شغلها وتحرك خارج من الحارة متجه لابيت كريـم.!!!
.
.
بيت كريم.!!!
دخلت فاطمة للمطبخ وهي تتكلم: يمة قيس جاء جاوبية..
سعاد بفرحة: صدق يلا قدنا هه..
خرجت للحوش وبسرته واقف وبصوت: قيس.
رفع نظراته لها وابتسم وهو يتقدم منها حبها على راسها وتكلم: كيف حالش
سعاد بضحكة: الحمدلله ما عيتغير من امس لليوم يعني هههههه
قيس: ههههههه قلت لو حصل شي.. محتاجين حاجةة كيف كوثر
سعاد: سلامتك الله يحفظك وكوثر مجننه للبيت عادك بسرتها امس لوما جيت تتصور معاها خفيفة العقل هذك
قيس: ههههههههه سكر البيت حقنا والله ما مهون عليا الا انها عتجي عندي وفي بيتي ولا لا يوقف قلبي عليها
سعاد ببسمه: كلنا ما مهون علينا الا لانك معاها
قيس: بيصلحوها ذلحين صح
سعاد: ايوة ذلحين قد جننت المكوفرة جنان
قيس: ههههههه تدلع اخت قيس... خلاص انا عتخطى ولوما قدها الزفة عتجي لاهانا
سعاد؛ في انتظارك ياقلبي..
قيس؛ يلا خاطرش ماحد وده شي والبنات
سعاد: سلامتك يا روحي قد. وفرت لنا كل شي وما قصرت.
قيس: واجبي. خاطركم...!!!
.
.
وقف بالسيارة قدام روضة الشهداء وترجل منها ونزل متقدم بخطواتها لاداخل ووقف قدام ضريح عمار جلس ومد يده لصورة عمارة ومسحها وهو يتكلم بهدوء: اليوم صاحبك حريو وانت مابحد.. اخذ نفس بقوة وهمس ونظره مثبت لعيونه في الصورة: كنت تقول عتتزوج انا وانت ياقيس بيوم. وانا اصيح واقول مع. انا اخدمك بعرسي وانت تخدمني بعرسي ما يسبرش مع بعض.. وانت تجنن وتصيح مابلا جمعه ننزف ونجنن على كيفنا... هههه عرسنا وماحد له دخل بنا..
سكت لثواني وهمس بغصة: واليوم قد. انا حريو وانت مش، جنبي تخيييل.. جزع كلامي وتزوجت لوحدي.. بس مابحد انت معي تخدمني وتلبي طلباتي.. اووووه يا الله ياعمار لو تبسر كم انا فاقد لكك ولمجابرك وللجلسة معاك. كم افتقدت ابث لك همومي واحزاني.. كم افتقدت اجي اشكي لك من ابي ومن عيشتي ومن كل شي وكم وكم.. لو اعدد لك ما عتكمل.... انتبه للظل اللي وقف وراه وتكلم وهو يرفع يدة ويمسح دمعة تمردت منه: ماجيت تفعل هانا يا حريو
جلس الأوس جنبه وهو يتكلم: جيت ابسر الحريو الثاني اين اختفى وقلت اكيد عيكون عند. عمار
ضحك بهدوء ويده على الضريح ونظراته له..
أوس بهدوء: ربي يرحمة شهيد للجنة
قيس: نال ما تمنى والنعم.. وبهمس موجع: ياااهو لو تدري كم فقده موجع لي وكاسر ظهري
أوس: عانك ربي فقد الاصحاب موجع
قيس: انشهد.. وقف ووقف اوس معه وهو يسأل: وين عتسير الأن
قيس وهو يخطى؛ تعال للمقبرة الثانية نزور امي
أوس وهو يخطى بعدة: اكيد جيت لاعندك عشان نسير نزورها ما عننساها بهذا اليوم..!!!
.
.
عند كوثـر..!!!
صاحت بوجع وهي تتكلم: ااااااي مالش وجعتيني حرقتيني بهذا
المكوفرة: تحملي شوية ونخلص يا كوثر..
كوثر: كم الساعة
المكوفرة: واحدة
شهقت كوثر وتكلمت: وماقد تغديت ايييش هذااا
المكوفرة: سهل كملي واتغدي
كوثر: ايييش عادها فيها اكمل... يا فااااااااطمةةة اندددداااااء يييييييه اماااااااااااه.. وييين جين هولااااا
فتحت سعاد الباب وهي تتكلم: مالش.. بتصيحي..
كوثر: انا جاوعةة اشتي غدااااء
سعاد: تمام شوية ونديه
كوثر؛ لا تتأخرين هيااا قد بين ادوخ
تكلمت فاطمة بقهر وهي توقف في الباب؛ كذابةة عاد قيس جاء اول وادى لش شوارما ييييخ
كوثر: ما تدخلي انتي لغااااجةة..
فاطمة: كبيرة بطن اللي اعرفه ان الحريوه ماعاد تأكل ولا شي
كوثر بسخرية: ليش ياسعم هذا الناااقص اخطي اديلي غداااء هييييااا
بسرتها فاطمة بقهروخرجت وهي تغلق الباب
صاحت كوثر لوما سحبت المكوفرة شعرها وبألم: ااااااااي دلا دلا مشعتي شعررري اهئ
المكوفرة: يلا كملنا شوية بس ياقمر...!!!
.
.
عند الأوس&قيـس..!!
في غرفة الأوس..!!!
تكلم قيس ب انزعاج: ياحمزة ما عجبني احسه طويل شوية ارفعه
حمزة بقلة: يا قيس جننتني طويل قصيرر اااوووف..
قيس: ياخي ما عجبني هكذااا صلحه سوووا
حمزة:أمري لله
دخل سياف وهو يتكلم: هاه كملتوا تلسبوا عيكملوا الناس يتغدوا ونزف بسرعةة
ليث وهو يسبر العسيب لاوس: ايوة يا خال شوية بس
حمزة: تعال ياحضرة اللواء ادبع لقيس انت انا جنن بي
تقدم سياف وشل القبع وهو يتكلم بضحكة:من حقة يدلع ابن اللواء ويجنن بك مامهرتك انت
كوثر:ليش مجنونة مش كنتي تقولي كما تزوجتي..خلاص زوجي ينفذ كل حاجة وطلب كان تقولوا لي يفعله هوه..والليلة اسلم له الورقة ان شاء الله....!!!!
Читать полностью…
رهف: ايوة ماشاءالله عليها والعقل اللي معاها بالرغم ان عادها صغيرة
الجدة: بسرتي كيف جت تسلم عليا وعلى سارة وسلايفش.. ادب واخلاق دخلت قلبي والله
اوس نزل راسها وهو مبتسم بضحكة مستحيل تكون هذه كوثر اللي عرفها..
قيس انفجر ضحكه: ههههههههههههههههههههههههههههههههههه
جدة ورهف: مالكككك
قيس: ههههههه تذكرت نكته
اوس: ههههههههههه
الجدة: وانت مالك
اوس بضحكة: تذكرت نكته ههههههه..!!
.
فاطمة: يلا ذلحين اديه..
كوثر بقهر: ماقد بسرت خطوبة بنت ويخطوا يخزنوا ببيت ثاني الا انا
ميس شلت الفستان من فاطمة وبدأت تساعدها تلبس وهي ترد عليها: سهل عادي قدهم كلهم ببيت الدكتور عبدالله ابو مرام عشان خطوبة اوس وقيس قدها من مره كان ما رأيش خطوبتهم بيوم وكل واحد يخزن ببيت
كوثر: كان يجوا بيتنا
فاطمة: على وسعه اهجعي بس
ميس: بعدين قده عشان انتي اليوم فعلتي الحفلة وغدوة مرام
كوثر: يلا تمام المهم كيف انا
ميس ببسمه وهي تسبر شعر كوثر: قمر يا حظ اوس بس
انداء: نفسي ادرى ما تحبي في اللون الاسود لو شليتي البيج كان احلا
كوثر بزنط: لا الاسود لون الفخامة واحسن لون
رانيا: هههه والله صدق طلع عليش يجنن مناسب مع لون عيونش
شهد: ماشاءالله عادنا ركزت عيونش حلوات
كوثر: شكرا انا عارفة هههه
خديجة بقهر: حتى رد ما تقدر ترد ساع الناس..
ميس: ههههههه يلا هيا دخلناها
خلود: ايوة هيا قده وقت.
كوثر خطيت الاوله بحماس: هيااا..
مسكتها وبقهر: يييه ريعي امسكي نفسش شوية قعي رزينه مالش.
كوثر: اووووف قلتين نخطى
خديجة: اخطي دلا واخزي شوية على الاقل ونزلي راسش
كوثر بغرور: ماقد. جاء اليوم اللي عتوطي كوثر راسها فيه ولا عيجي.. هيااا
خطيت بين البنات وميس ماسكه لها ودخلين المجلس وهي تهمس لها: ابسري قدامش ولا تبسري احد تمام
كوثر: حاضر..
وصلين لابقعة كوثر واول مابسرت ثنتين جواهل صغار جالسات فيها تخصرت وبقهر: يييه ما بتفعلي انتي وهي ببقعتي. انزلين نزلوا ماعاد انا قايلة لاعاد خزا ولاشي...!!!!
اوس ببرود؛ سمحت لنفسي
حسن: ومن انت حتى تسمح لنفسككك
اوس بصراخ وحده:انا الأوس لو مش انت عااااررف.. ودام اختي ما تشيته والله ما تنغصب عليه دام راسي يشم الهوااااء فاااااااااهم..
ِ
تـــــوأم أغـــــراب 2
البارت 181
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟
قيس: مثلما سمعت
اوس ضحك وبسخرية: انت بتمزح صح
بسره قيس بحده وبقهر: فارح بروحككك اجي امزح معااااكككك
اوس بنفس الحده: وانت تكلم ساع الناس ايش خطبت ما خطبت
قيس اخذ نفس وبهدوء: تذكر هذك الولد الكلب اللي تضاربت معه اول يوم في الجامعة لانه بيهدد بنت بصورها
اوس: ايوة هذك اللي اسمه ااا..ايش كان اسمه
قيس: ماهر
اوس: ايوة ماله
قيس؛ اكثر من مره اسمعه يتكلم مع بنت واحده يهددها وواحده يغازلها
اوس: يعني لعاب وكلب
قيس: تخيل انه نفسةاللي جاء يخطب بنت عمك تخييل
اوس بصدمة: اسألكك بالله
قيس: اي والله
اوس بفهم: وانت فزعت ومارضيت وقلت بنت عمي لي صح
قيس بتنهيده؛ بالضبط وحسن كود الا وقعت له وقال العرس بعد شهر
اوس بضحكة: انت فيك جاذبية للمصايب
قيس: الله يحفظك ادري هههههههههه
اوس: خير خليه يفعل اللي وده
قيس: ايوة انت ايش عليك متخرج ومتوظف مابلا انا
اوس: وانت مالك. بيت ودراسه وكل شي متوفر ماعاد تهم.. المهم ايحين عترودا لي بالموافقة
قيس بزنط: عاد اختي تفكر اسبوع ونبسر يا ايوة يا مابش نصيب
اوس بقهر وهو يسحبه لوما نزل من السرير: مالت عليككك قم انقلع قوووووم
ضحك قيس وهو يخطى: طيب تصبح على خير.. ودام وحسن حدد العرس غدوة بعد الجامعه اخطى لا بيتنا ابسر الخبر
اوس ببسمة: وانت من اهله. طيب.!!
.
.
ثاني يوم في الجامعة..!!!
ختم كلامه بـ: وهذه كل القصةة يا حمزة
حمزة بقهر: الكلب ابن الـ****، وعاده بكل جرأة جايي يطلب اختي
قيس؛ حتى انا انصدمت من جرأته
حمزة: لا وعاد اصحابه الكلاب يشهدوا له ب اخلاقه وحارتهم
قيس: اصحابه كلاب ساعه وااهل الحاره ايش، عرفهم ما بيفعل هانا
حمزة؛ الحمدلله وتخارجنا منه النذل
قيس: الحمدلله
حمزة بتوجس؛ وذلحين ايش عتواصل الخطوبة او..
قاطعه قيس بثقة؛ ايوة. هي كلمة من رجال مش لعب جهال. الا اذا ماودك تناسبني
حمزة؛ هههههه الله المستعان انت عارف لمكانتك عندي من قبل ما اعرف انك ابن عمي
قيس ببسمة: والنعم بكك..
.
.
قبل العصر.!!
بيت كريم..!!!
سعاد بصراخ وحده: يا بنت اعقلي خزيتي بناااااا بببسسس
كوثر بحده: وانتوا ليش عاد عتماطلوا الناس اسبووع خلااااص انا موافقةة ردوا لهم وقولوا لهم نشتي الخطوبة الجمعة هذه
نبيلة: الله يزكينا العقول ماعاد الا احنا نحدد الخطوبة
فاطمة: يمةة قلت لكم هذه خفيفة عقل
انداء: الله يستر لاعاد تخطى لا بيت اوس هي
كوثر بتفكير: والله فكرة اسير لاهانك اقول لهم موافقة.. لفت تخطى للغرفة وسحبتها سعاد من فنيلتيها وبصدمة: وين عتسيري
كوثر: البس العباية واسير
نبيلة بحده: وين تسيري جعلش العمى فضحتي بناااا
سعاد: ذلحييين انتي بعلقش او مع.
نبيلة: ماشي ماشي هذه البنت انا غاسله يدي منها اتصلي لقيس وقولي له مابش نصيب هذه فضيحةة
فتحت عيونها وبصدمة: ايييش مابش نصيييب.. لا لا خلاص بتأدب واسكت ولا عاد تسمعوا لي نخس. اهه. طرحت يدها على فمها
لفين لصوت قيس اللي دخل وهو يتكلم: السلام عليكم
الكل: وعليكم السلام
سعاد: عيس حن جيت كنت اشتي احاكيك
كوثر مسكت يدها وبرجاء: مع يمةة سعاد حفظش
قيس: ما تقولوا لي انا جيتكم اليوم بموضوع
نبيلة: ايش هوه
قيس وهو يجلس بتعب: اشتي رد كوثر على اوس اليوم
كوثر بفزه وهي تجلس جنبه: قصدك ردي على الخطوبة
قيس: ايوة
كوثر ببساطة: موافقة يا غالي ولاتهم
نبيلة؛ هاه كودين وقعت لهااااا
سعاد؛ هههههههههه
قيس ببسمه: واثقة من كلامش
كوثر: افااااعليك دامه اخوك اوافق وانا مغمضة
قيس: بياعة كلام هههههههه. سابر الله يوفق
. المهم اليوم عترد لهم الموافقة بس حبيت اتأكد منكم.. واحتمال يجوا يدفعوا عشان الخطوبة والعرس
نبيلة: وما دخل العرس الان
قيس بتنهيده: عرسي انا واوس بعد شهر
البنات بصدمه: عرسكككككك
قيس بفجعه: ايوةة مالكككن
انداء: يا خايييين
خديجة: يا تافه
فاطمة: يا نذل
كوثر: يا قلبي انت يعني عرسنل مع بعض عيكون
سعاد بقلة صبر: كووثر انقلعي وانت تعال هكذاا اين عرسكك ما بتقول
قيس بهدوء:امس خطبت بنت عمي و..
قاطعته سعاد بحده:هكذا من راسكك وبدون شورنا يعني احنا ولا عاد نعني لك شي خلااااص
قيس بسرعه:ماعزس وما اغلا يمةة ايش هذا الكلام بس كل شي حصل فجأة وقصة طويلة برجع احاكيش انتي وامي نبيلة بها..بس الان خلونا في الاهم
كوثر:ايوة قلت العرس بعد شهر اشتي شرطي سته مليووون
نبيلة من بين اسنانها:شلوها من قدامي لا اقوم اتحمل بظلمها
كوثر:هذه حقوق مالكم
قيس:ناهي تمام ولايهمش ههههههههههه..!!!
السلام عليكم ورحمة الله وبركاته
كيف حالكم 🌝🌸
قيس:عترجع احاكيك بوقت ثاني مافيني طافه الان والله
حمزة:سابر غدوة في الجامعة تحاكيني
قيس:ابشر ولايهمك
حمزة:تصبح على خير
قيس:وانت من اهله..
غلق الخط ورفع نظره للباب اللي انفتح وعرف انه اوس من قامته لان الضوء مقفل..
شغل اوس الضوء ولف وفز وهو يبسر قيس ممد على سريرة:اعوذ بالله فجعتنييا كلب ما بتفعل هانا
بسره قيس لثواني وتكلم:اليوم خطبت بنت عمي عبدالله
اوس ب استغراب وهو يجلس بطرف السرير:اين بنت عمك ما بتقول
قيس:مرام اللي كانت عتنخطب اليوم لماهر الكلب..طلبتها من ابوها ووافق هو وجدي
اوس بصدمه:منك صدق ذلحين امانه
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟
ِ
تـــــوأم أغـــــراب 2
البارت 179
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس ورهف ببسمه: وعليكم السلام الله يحييش
سلمت عليهن وسألت رهف ب اعجاب: انتي كوثر
كوثر بأدب فاجئ امها وخالتها: ايوة يا خالة انا كوثر. ودكم حاجة قبل اخرج انا بس جيت اسلم عليكن
رهف ببسمه: تسلمي لي ياقمر
ميس: وين خليش جاهزة
كوثر: لا شلين راحتكن خاطركن..
خطيت بهدوء ورزانه لوما وصلت للصالة وسعت للغرفة فتحت الباب بقوة وهي تتكلم: ييييس وغرزت السنارة
البنات بصدمة: ايش من سنارة
فاطمة بشك: دخلتي لاعندهن
كوثر وهي تجلس: ايوة سلمت عليهن وخرجت
خديجة بصدمة: يا فضيحتناااا قوولي والله
كوثر بثقة: والله العظيم
انداء بقهر: يووةة وايش عتقول لش امي سعاد ونبيلة
كوثر بضحكه: والله لو النظرات تقتل كان قتليني
خلود: والله انش ما تستحي
كوثر: عارفة الله يحفظني بس ههههههه..!!.
.
.
مجلس الرجال.!!!
بعدما جاء عماد وجلس معاهم و اوس وقيس مخليين للوضع عادي بينهم وبين سياف قدام عماد
تكلم سياف: فخر لك يا ولدي جريح حرب وراسك مرفوع ولا مرتزق بايع لنفسه
عماد: والنعم بالله الحمدلله على نعمة الهدايةة
قيس: ذكرتني بالجبهه ياشوقي لها
سياف بتفاجؤ: ليش انت قد سرت الجبهه
اوس وقيس وعماد بسروا بعض وانفجروا ضحكة: هههههههههههه
سياف برفعة حاجب: مالكم
عماد: لو تسمع بالقصص اللي حصلت لنا بالجبهه يا لواء لا تجنن
سياف بفضول: ايش من قصص ما وقع
عماد:قل عمار صاحب قيس الروح بالروح خطي الجبهه بعدا ولا عاد. جاء منه خبر فقيس قرر بخطى يبسره وبما ان لي مكانه هناك وموقع طلب مني اوديه وكنت همي ما عتقول القيادة خاصة انه دخل للجبهه على طول
سياف بترقب؛ ايوةة
عماد بضحكه؛ والحمدلله اول ما وصلنا الكل ضرب له تحية وياحضرة العقيد وحابك ياعقيد وتعال ارسم لنا خطة ياعقيد
سياف ضحك بعدما فهم انهم ظنوه اوس: ههههههههههه والله وكيف فعل بعدين
عماد: بعدا.....!!!
.
.
بعدما روحوا سياف واوس وميس ورهف ..!!!
دخل للبيت وبسر امه وامه نبيله واقفات باب غرفة البنات وبيصيحين ويدقين الباب؛ كوووثررر افتتتتحي الباااااب يا قليلة الادب
كوثر من داخل: ماااااعةةةةةة
قيس وهو يوقف جنبهن: مالكن
سعاد بقهر: هذه البقرة دخلت لاعندنا وسلمت على خالتك واختك خزت بنا
كوثر من الغرفة: انا قلت يبسروني مش بعدا يقولوا غشيناهم
نبيلة بحده؛ كنا عنداعيش احنااا اكيد مش تدخلي وعادهن ماقد. تكلمين بالموضوع
قيس: ههههههههههههه هذه كوثر وحركاتها مابه غرابةة...
.
.
بعد العشاء..!!!
توجه لا غرفة اوس وفتح بعدما دقة وبسره بالزي العسكري وسأل: عتخطى المركز
اوس: ايوة. بسره لابس ومتشيك وتكلم: وانت وين عتسير
قيس: بيت الدكتور عبدالله حمزة اتصل لي قال احضر معاهم
اوس: اها اليوم خطوبة اخته
قيس: ايوةة.. ايوة صح نسيت اسألك
اوس: ايش
قيس: ليش ما جت امك امل واختك وابوك يونس معاك اليوم
اوس وهو يشل تلفونه ومفاتيحه: مش هم في ذمار نزلوا إب يومين ثلاث ويجوا
قيس وهو يخرج معه من الغرفة: اهاا قد تعجبت
اوس: هههههه لاتهم لو كانوا هانا كانوا اول الحضور
قيس؛ والنعم... ميس روحت صح
اوس: ايوة جاء لها صقر مغرب
قيس: الله معاها وصلني معاك..
اوس: حسستيني ان البيت اخر الدنياء واذا هوه خطوتين
قيس؛ ههههههه ولو هياااا...!!!
.
.
بيـت عبدالله.!!!
غرفة مرام..!!!
تكلمت بتوتر ونظرها لماريا ومنار: بنات متوتره
منار؛ طبيعي سهل
ماريا؛ انا للأن مصدومة أن ماهر اوفى بوعده وجاء خطبش
منار: والصدمة الكبرى ان جدي راضي
مرام؛ هههههه حتى انا مستغربة
ماريا: يعني طلع كلام وعد اخته صدق
بتول وهي تدخل للغرفة: يا بنات وصلوا
مرام: صددددق
بتول: والله دخلوا للمجلس
منار بنظرات شك لمرام: مرام اسألش سؤال
مرام: ايش
منار؛ تحبي ماهر
مرام بصدق: ابسري حب والله مابين احبه تقدري تقولي شوية اعجاب من كلام اخته عنه وكذا اما انني احبه لا والله
منار: على بالي ههههههه
ماريا: طمنتيني عشان لا ماوقعش نصيب ما ترجعي تبكي
مرام: والله انه عادي وكنت متوقعه من جدي يرفض وما تأملت قوي..!!!
ِ
تـــــوأم أغـــــراب 2
البارت 178
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ضربه على جبيته وبقهر؛ خطبت مش انخطبت
ميس بصدمه: اييش ذلحين منكم صدق
اوس: ايوة
ميس: بمن
قيس: بكوثر اختي
ميس: اييش ايييش كوووثر
قيس: مالجدتش ماعجبتش
ميس بقهر: انتوا عتجننوني فهموني ساع الناس كوثر والنعم بها الف من يتمناها
قيس برفعة حاجب:ياسعم قلت
اوس بهدوء: هذا يا طويلة العمر حسن اليوم......... حكى لها القصة كامله
ميسب انفعال: هذا الناقص ماعاد الا اخوي يتزوجوا ماريا وتسنيم البايخات هولاك والله ما وقعت انا عتجي واوري حسن هذا كيف يتشرط
اوس: هههه لا تخافي وفينا وكفينا
قيس: مقصدش عنرضخ له والله لو ماعاد احتزمت بالعسيب
ميس: كفو هذا العشم فيكم.. اسمعوا انا عتجي غدوة مع صقر ابسر الوضع كيف
اوس: حيا بش تمام.. وقده منها تخطي العصر لابيت قيس انتي وخالة رهف تطلبوا اخت قيس لي
ميس بضحكة: والله... تمام سابر ابشر بس قيس كلم امك وخالتك من قبل تمام وفهمهن عشان ما نظهر قدامهم كذابين
قيس: لاتهمي العشي اخطى لاعندهن
ميس: هكذا سابر خلاص موعدنا غدوة وانت لاتهم يا قيس والله ما يقع الا اللي بنفسك ماعاد الا تسنيم يييخ
قيس: ههههههه لا تقلقي معش قيس
اوس: هههههههه واثق
ميس: طيب الله معاكم صقر جاء ودكم شي
اوس وقيس؛ سلامتش..!!!
.
.
العشي..!!!
بيت كريم..!!!
جمعهن قيس كلهن وكلمهن ب اختصار ان اوس بكره عيجي يطلب يد كوثر بدون ما يذكر اي شيء من اللي حصل تحت صدمة الكل من الموضوع واختيار اباوس الكوثر..
قيس:المهم بكره العصر عتجي ميس وخالة رهف ويتكلمين معاكن طيب
سعاد بهدوء:تمام
نبيلة:الله يقدم مافيه الخير الاوس والنعم به
فزت كوثر وهي تصفق وتصيح بصوت عالي:ايووووا عااااشوواا ويييين الصفقةةة يا بنااااات كووووثر انخطبببت قبلكن كلككننن ولولووووووللللللللييييييي صفقة يلااا صفقةةة وزغرودةةة ووووووللللللييييي...
قيس: ههههههههههههههه يلعن ام الفشاااحةةة
فاطمة بقهر: وعادهم عيزوجها
كوثر فحست يداتها ببعض وبزنط: مووتي بغيييظش يلااااه
سعاد: فضحتي بناااا اول من انخطب
خديجة: الله يزكينا العقول
انداء: هههههههههه
قيس ببسمه: المهم غدوة جهزوا انفسكم
جلست كوثر جنبه وبسؤال: ذلحين منك صدق
قيس: ماحد يمزح بهذه المواضيع
كوثر: ذلحين اوس اخوك ذاك الهيبة والعقيد يشتيني انا.. عدم المواخذه انا كامله والكامل الله والف من يتمنى كوثر بس ايش ادا اخوك لاعندي
قيس: النصيب
كوثر: امممم خلوني افكر وارد لكم خبر
نبيلة: ما كأن لها ساعة ترقص وقد عتطير وعادها ذكرت تفكر الان
الكل: ههههههههههه..!!!
.
.
صباح ثاني يوم..!!!
نزل الدرج وهو يلبس ساعته بعجله وخطي في الصالة بعدم انتباه لوجود جده اللي تكلم: افسخ وبزوجك سيد سيدهاااا
اوس بهدوء: الكلام منتهي منه بالنسبة لي.. لف وخطي خرج من البيت..
دقايق ونزل قيس اللي جلس على الكنب وبصوت: هاتوا الصبووووح
حسن: اليوم عيجوا يطلبوا بنت عمك رسمي كون حاضر
قيس: وهو ضروري حضوري يعني
حسن: عشان تتعرفوا على الرجال
طرحت الخدامه الصبوح قدامه ورد بعدم. اهتمام: عتبسر
حسن: وان شاءالله بعدها نخطب لك بنت عمتك سارة
طرح الخبزه من يده وبقهر: هذا الناقص نتصابح بهذا الكلام الزفت... كيف افهمك انا خطوبة ما عتخطب
حسن ببرود: غصب عنك مش بكيفك
وقف وشل شنطته وهو يرد بحده ويخطى: سابر عنبسر بكيف من هوه بيننا..!!!
.
.
العصـر..!!!
تكلمت ميس وهي تبسر رهف نازله: تأخرنا على اوس هياااا
رهف: يلاه قد. انا هه
خطست معاها وهي تسألها: وين البنات ما بسرتهن من لما جيت
رهف: عند مرام
ميس: ليش
رهف: اليوم عيجوا يطلبوها ناس
ميس وهي تفتح باب السيارة: اها ماشاءالله
طلعين الثنتين ورا وتكلمت ميس: يلا اخطى
قبل يشغل السيارة انفتح الباب الامامي وطلع سياف وهو يتكلم: وين خاطيين بدوني
انصدم. اوس وميس وضحكت رهف متكلمه: نخطي لاوس
سياف: انا عارف يلا اخطى مابش ولد يخطى يخطب بدون ابوه
لف اوس لقدام واتحرك بالسيارة متجهين لا بيت كريم..!!!
.
.
بيت كريم..!!!
غرفة البنات...!!
لفت لهن كوثر وهي لابسه فستان اسود طويل وانيق عكس بياضها وشعرها مفرود كله ومغطي ظهرها بأمر من امها:كيف انا
خديجة بحب:قمر ماشاءالله
فاطمة:لو معانا مكياج كان فعلت حتى روج شبابي
انداء؛ما يحتاج كوثر حاليه من دون
كوثر:شكرا ههههههه
خديجة:صوت ميس شكلهن جين اااص انتي اجلسي لوما تجي واحده تداعيش
كوثر:تمام
.
.
دخلوا للمجلس بعدما استقبلهم قيس وجلسوا الثلاثة..
وتكلم قيس:حياكم الله
اوس وسياف:الله يحييك
قيس برسمية:تفضلوا ايش تشربوا
سياف:سلمت..مابه داعي..خلنا ندخل بالموضوع دغري
قيس:تفضل
قيس: انا اسف بس قهرتني يعني ما توقعت تذكر كوثر وتقول انك خاطب لها
اوس: خلاص انسى دامك تشوف انني مش مناسب لاختك
قيس؛ افااا واحد يلاقي واحد مثل اوس لاخته ويرفض.. عقيد وله هيبتة وطوب وعرض وجمال وكل الصفات الحسينه فيه ماعاد نشتي
بسره اووس برفعه حاجب.. وقيس ضحك بتعب وهو يتمدد ويطرح راسه على ارجل اوس ويهمس: قسم اننا تاعب تاعب قوووي يا اووس
طرح يده على شعره وبتنهيده: سلامتك من التعب يا عضيد
قيس وهو مغمض لعيونة: ليت وانا ضليت ابن كريم قيس البسيط اللي كان ملان هموم بس عايش براحه ومابش حاجة تعكر مزاجة
اوس بهدوء: مقادير الله لا اعتراض لحكمه محنه وعتزول ياعيني
سكت قيس وبعدها تكلم: نشتي الشرط والمهر عشرة مليون
ضربه على جبينه بخفه لوما فتح عيونه وبقهر: هذا وانا اخوك وتقول تشتي عشرة مليون مني لو كان غيري ما عتقول
قيس بضحكه: كوثر غالية وتستاهل اكثر والله
اوس بسخرية؛ ليش او زايده عين او يد
قيس؛ هههههههه لوما تجب عندك انت عتدري.. وبهمس.. الله يعينك بس...
اوس ضحك وشل تلفونه اللي رن وبسرها ميس وفتح الخط وقبل يتكلم تكلمت ميس: سريع ايش به قلبي مش مطمن انتوا غاثيين صح
اوس وقيس: ههههههههههههههه
ميس بقلق: امانه حصل لكم شي
اوس ببسمه: سلامتش ما عيقع بنا
ميس: قلبي حاسس ما وقع هياااا
قيس: باركي لاوس انخطب
حسن بحده:ليش مش وقت او عادهم بيرضعوا البز..قدهم رجال
اوس بهدوء:هذا شي خاص فينا واحنا اللي نقرر
حسن:لا انا اللي اقرر هانا
قيس بسخرية:والله
حسن بحده:اييووةة الكلمة كلمتي وادعس اللي يخرج عن شوري وعتزوجوا يعني عتزوجوا
اوس ببسمه ورفعه حاجب:ايوة وبمن عتزوجنا
حسن بثقة:انت بـ ماريا بنت عمك عبدالله وقيس بتسنيم بنت عمتكم سارة
البنات فتحين عيونهن بصدمة
اوس وقيس بسروا بعض وانفجروا ضحكة:هههههههههههه
حسن بحده:قلت نكته لوما بتضحكوا يا قليلين الادب
قيس:احلامك واسعه يا استاذ حسن
اوس:اولا من هي تيه ماريا وتسنيم
حسن:اللي قلت لكم وان شاءالله بعد.خطوبة مرام نطلبهن رسمي
قيس بحده:يييييه هذا قده منه صدق
حسن بصراخ:كان بسرتني بين امزززح يا كلببببب
اوس ضرب الماسه وبصراخ:ايوةة لام مالككك اي حق تتدخل في حياتنا فاااااهم
سياف:اوس عيب ترفع صوتككك
اوس بحده:ابسر ابوككك ما بيقول وقول له ما دخله بحياتي انا واخوووتي
سياف:الرأي لكم لاتهموا
حسن بحده:الرأي لي انا وما عيتزوجوا الا بلي قلت لهم
اوس بتهور:اذا مش انت عارف انا خاطب لواحده من خوات قيس اخي بالرضاع.. ومتممين كل حاجةة
قيس فتح عيونه بصدمة والكل بسره بعدم تصديق وسألت بيان بحماس:من منهن
اوس بدون ما يبسر قيس وبتهور اكبر:الكوثر..!!!
ِ
تـــــوأم أغـــــراب 2
البارت 175
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بغرفة ميـس..!!!
تكلمت كوثر وهي قدام الطاقة: واووو غرفتش تجنن احلا من غرفة قيس
ميس وهي تمشط شعرها قدام التسرحيه: انتي الحاليه والله
كوثر ونظرها لحوش الفيلا: داريةةة
ميس: شلوش الجن ماحد يجامل معش
كوثر لفت لها؛ هههههه انتي ما اديتي الا الصدق ما اقول
ميس: هههههه تمام كيف شكلي
كوثر: تجنني
ميس؛ صدق انزل هكذا
كوثر: ايوة هيا يا مزززه
ميس؛ فدوووة هيااا جدتي عتصيح تأخرت..
خرجين الثنتين ونزلين لانازل ودخلين للمجلس اللي ملان من النسوان العايلة القريب والبعيد ميس بصوت عالي وثقة: السلام عليكم... ردين السلام وهي خطيت لاعند جدتها وامها اللي جالسات جنب بعض وتكلمت جدتها وهي توقف قدامهن؛ ماشاءالله الزين كله مجتمع فيش
ميس ضحكت لوما باينين غمازاتها: تسلمي لي وراثينه منش يا غاليه
الجدة: ههههه بياعة كلام ساع ابوها سياف
ام مجد: ههههههههه صدقتي
ميس: ماحد يدلعكن عتقوم اخطى اجلس مع البنات....
خطيت من جنب عمتها سارة وبنتها تسنيم ومرة عمها عامر ورفعت شعرها بدلع ومشت بغرور حناك فيهن وضحكت لوما سمعت اف أفتهن وخطيت جلست مع خوات قيس ورانيا واختها وصفاء.. ومرام ومشيرة وعلا وبيان.. اما وجدان ومنار وبتول وماريا جالسات لوحدهن بالطرف...!!!
.
.
8_العشي..!!!
دخلوا الاوس للصاله بعدما كل واحد وصل اهله وصلوا وجلسوا هناك شوية بس اتصلت لهم ميس يجوا لان الجدة والجدة قرروا يجلسوا هذه الفترة في بيت سياف اما سارة روحت مع ليث وتسنيم وزوجها عشان عمل ليث وابوه..
بسروا جدهم جالس بكل عنجهيه وتكلموا: مساءالخير
الكل: مساءالنور
الجدة بسخرية: من اولها هكذا هياته وصعلكه وينكم من قبل المغرب
جلس الاوس وقيس جنبه وهو يرد: اظنه شي ما يخصك
الجد: ما قلت عيد
قيس: قال اظنه شي ما يخصك
الجد لف لسياف وبحده: بسرت والعيال معاك
سياف بهدوء: هم خطيوا يوصلوا اهلهم واكيد جلسوا هناك
ميس: تعيشتوا او ادي لكم عشاء
اوس وقيس: الحمدلله
الجد لميس: اناما اعجبني زوجش هذا باين هم ناس وسطيين مش مستواهم عالي
ميس بحده: مستواهم عالس واطي متخفي ما دخلك من زوجي واهله ولا لك حق تتكلم عليهم
الجد بصراخ: الا دخلني ولو ودي الان اطلقش منه وازوجش بلي ودي واللي يناسب مستوانا مش هولاك
اوس بحده: هذا اللي عاد كاااان ناااااقص
قيس بنفس الحده: ابسر يا هذا خليها ببالك اختي واخي وانا مالك اي دخل فينااااا فاهم
حسن: ونعم التربية تربية شوارع تردوا على جدكم هكذا
ميس: سبحان الله امس ماكنت معترف فينا واليوم قدك جدنا
الجدة؛ بس خلاص مالكم وهذا الكلام
بتول بهمس لمنار: ابسري كيف بيردوا على جدي بدون خوف
منار: خليهم بس بردوا قلبي يكفي تحكم منه
بيان بهمس: حتى ميس قوية ماشاءالله لو هي واحده مننا ما تدي كلمة
علا: عجبوني هههههههه.
سياف: العيال ذلحين تاعبين من عمل اليوم خلهم يرتاحوا و...
قاطعه حسن ونظره لاوس: انت ايش تشتغل
اوس بهدوء.: عقيد ركن
حين تفاجئ بس ما بين وسأل قيس: وانت
قيس بدون نفس؛ سنة اولى ادارة اعمال
حسن برفعة حاجب: وليش عادك تدرس الان
قيس بسخرية: لاني كنت عايش بقصر والزلط بيدي ساع التراب ماكنت اعرف وين اوديها.. كنت عايش امير انا
سكت سياف وحسن سأل ميس.: وانتي
ميس: خلصت الثانوية
حسن: وليش ما كملتي دراسة
ميس بضحكه سخرية: لاني نفس قيس كنت عايشه بقصر واميرة ههههههه
حسن بحده: مايسبرش، هكذا احفاد حسن ومستواهم الدراسي لا هانااااا
قيس: العفو منك لو كنا نعرف انك جدنا كنا عندرس غصب هههههه
ميس: اي والله اعذرنا
سياف بتنهيده: حصل خير يا اباه وقد قيس يدرس والحمدلله وميس متزوجه الله يسترها بس لو ودها تدرس تأشر بس وتبشر بافخم جامعه
ميس: لاشكرا النفس طابت من زمان
الجدة: الدراسة مش معيار
حسن بحده: وانتوا مرتبطين
قيس بسر يداته بهباله: ماشي مفكفك وانت يا اوس مربط
اوس بضحكه: لامفكفك ساعككك
حسن بقهر: سؤالي واااااضح لكككك انت وهو
اوس بنرفزه: لا واظن هذا شي شخصي ماحد له دخل فيه
حسن رفع حاجبه بتفكير لثواني وابتسم وهو يتكلم: سابر ههه
وقف اوس بضبح وتكلمت ميس: وين عتسير
اوس: خاطي المركز
وقف سياف معه: وصلني معاك
اوس: طيب.. لف لقيس: اطلع غرفتك وذاكر بكره معاك امتحان وماقد ذاكرت
قيس: تمام..
خرج مع سياف وقيس وقف وهو يتكلم: خاطركم بطلع اذاكر
الكل عدا الجد ومنار: الله معاك....!!!