-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت 119
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نفس الوقت بيـت سياف..!!!
فتحت باب الغرفة وهي تدخل بسرعه وتتكلم: منااار بسرعةة قومي قوووومي
فزت منار وهي تغلق اللاب وتتكلم: ايش، به يا بتول مالش..
بتول: اخوالي هانا
فزت بصدمه وهي تنزل من السرير وبصوت رافع: ايييش واخواااالي ما بيفعلوا هانااااا
بتول بقهر: اكيد انه لنفس الموضوع حقش
منار بحده: واحنا عنجلس نلغج اوووو اييييش هذولا ما يفهمووووا
بتول: مدري ماعد ظهر لي والله
منار خطيت تخرج وهي تتكلم: هذولااا كيف يفهمهم وااااحد
لحقتها بتول وهي تتكلم: اييش عتفعلي يا مجنونه
منار وهي تنزل الدرج: اخطى اكلمهم بنفسي وافهمهم اذا ما فهموا من قبل
بتول بسرعة: جـدي موجود معاهم
تجمدت مكانها ولفت لها بصدمه وبهمس: جدي معاهم
بتول بخفوت: ايوة جاء قبلهم مع اعمامي وبعدين اخوالي.
جلست على الدرج بتعب وببكاء: مادام وجدي دخل بالموضوع خلااااص رحت يا بتول والله ماعاد لي كلمةةة والله لا يزوجني ب ابن خالي غصب ويسحبني على شعر راسي بدون ما يقول لي كلمة
جلست بتول جنبها وتكلمت: اكيد ابي ما عيرضى
ضحكت بسخرية وردت: ههههه ضحكتيني على اساس ابي يقدر يعصي كلمة جدي او يقول كلمة على كلمته. اااص اهجعي جدي داعس للصغير والكبير وكلمته هي اللي تمشي
بتول بهمس: صادقة ومن اللي يصدى يقول كلمه فوق كلمة جدي.
منار بسخرية: كلمي البنات يجهزين لهن فساتين لخطوبتي هههههههه . قامت وطلعت الدرج متجه لاغرفتها..!!!
.
بعد عدة إيام..!!!
بيت كريم..!!!
دخل للبيت و اوس ماسك له وبيخطيه معه وميس خلفهم
سعاد بترحيب: ياحيا الله من جاااء اهلا وسهلا
اوس؛ المرحب باقي الله يحييش يا خاله
نبيلة: تعالوا تعالوا لاغرفته قد. جهزناها.
قيس بألم: اخطى دلا دلا
اوس: حاضر
ميس بتوزع نظراتها بفضول للبيت اللي عاش فيه قيس طفولته وشبابه ودخلت بعدهم للغرفة
تمدد على الفراش بمساعدة اوس اللي تكلم: لو طعتني وخطيت الشقة افضل من هانا
قيس بوجع: لا هانا افضل عشان امي ما سمعت كيف حلفت ما اجي الا عندها
اوس: خير
ميس وهي تجلس جنبهم: هذه غرفتك
قيس ببسمه: ايوة غرفتي.. بسرتي كيف..
ميس: هههههه يعني ماحد عاش مرتاح مننا ومريش الا الأوس
قيس: بالضبط
اوس: هههههه الناس حظوظ هههههه
دخلت سعاد ومعاها عصير طازج وهي تتكلم: حيا بكم
ميس و اوس: الله يبقيكم ياخاله
وزعت لهم العصير وهي تتكلم: غداكم عندنا لاحد يروح
اوس بعدما شرب من القلص: اعذريني ياخاله انا خاطي للمركز ما عتقدر غير مره ان شاءالله
سعاد بسرت ميس وقبل تتكلم تكلمت ميس: من دون ما تعزميني انا جالسه هانا عند قيس اخي اكيد
سعاد: ههههههه حيابش فوق عيني وراسي
ميس ببسمه: ياسين علييش
اوس بهمس: قلة حياا قومي رووحي معي
ميس: مادخلكك ما عتفعلت اخي وهو تاعب هكذا
قيس: انفداااء لاختي بس ههههههه
ميس بزنط: يالله وانت روح اجلس في الشقة وحدككك
اوس: خخخخخ عتروح بيتنا عند امي واختي الثانية
ميس بقهر: ماالت..
اوس وقيس وسعاد: ههههههههههههه
.
.
عند منار..!!!
في الجامعة..!!!
جلست جنبهافي الاستراحه وهي تتكلم: مالجدتش مبرطمه هكذا اووووف
منار بهدوء: مرام لا تكسري راسي انقلعي
مرام: الله الله شكل الاخلاق قافلة من صدق
منار:........
مرام: مافيه ابن خالش والله انه رجال
منار: تزوجي به انتي
مرام ب ارتباك: هاه.. ههههه للأسف جاء لش انتي
لفت لها منار وضحكت بسخرية وهي تكلم: وانتي جالسه مصدقه لعلقش انا ماهر يحبش ههههههه يا بنت اصحي الولد لعاب واكيد بيضحك علييش
مرام بثقة: لا ما اعتقد وبعدين في ايش لعاب.. مابين اراسله ولا بين احاكيه ماغير اخته بتجي تكلمني انه يحبني ويشتي والولد محترم ما طلب رقمي وحتى لو طلب مستكيل اديه له
منار: هو هذا الضرر انه ما طلب رقمش.. الولد حافي منتف وحبه لش واضح انه عشان ثروتش اللي عتورثيها من ابوش مش لله حبه مصلحه يا مرام
مرام: اخته حلفت لي انه يحبني من صدق وقد انتي بتبسري نظراته لي بعدين يكفي انه ماقد. كلمني ولا بحرف ولاحد تجرأ وهذا يؤكد انه محترم وابن ناس وغرضة شريف
منار: نصيحة من اخت لـ اخت لاتحلمي قوي معش جدي حسـن ههههههههه
مرام: ماله جدي
منار بسخرية: طيوب قوي وحبوب عتخطي تقولي له ياجد وافق انا بين احبه وهو محترم ولو هم على قد حالهم ويحضنش ويقول لش ابشري ياعين جدش المهم رضاااش... هههههه قسم بالله غير الا يهفش ملطام لوما يكسر اسنانش
مرام: ماعليش شي وبعدين ويحين ماهر فقير لاهذك الحد مالهم شي حالهم متوسط.. واءا ما تدخل احد من عيال عمي او اخوالي ما عيتكلم جدي
منار: خير انتي اخبر انا خايفة تنكسري بعدين
مرام: على الله ما يقع شيء بإذن الله...!!!!
ِ
تـــــوأم أغـــــراب 2
البارت 118
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
فتحت باب الغرفة وبسرت سياف ووقفت وهي تتكلم: عفوآ ما انتبهت
ابتسم لها سياف وتكلم اوس: تعالي ادخلي اللواء مثل ابوش ياعيني.. عادي.
ابتسمت لهم وتقدمت من قيس وجلست بالطرف الثاني للسرير
قيس بضحكه: طبعآ هذه التوأم الثالث لنااا يا لواء
سياف بصدمة: قووول والله
اوس ميس وقيس: هههههههههههههههه
قيس: والله.. هذولا اللي زاحموني في بطن امي 9 شهور وحانبوني الله يقلعهم
اوس: تتشرف
ميس: يحصل لك اصلآ..
سياف ببسمه: ماشاءالله صلوات على محمد وآله.. الله يحفظكم ويحميكم يارب
الكل: يارب تسلم
سياف بتساؤل: الا يا اوس
اوس: أأمر
سياف: ولو هو تدخل مني وين ابوك مابسرته يعني اخوك متصاوب المفروض يجي يبسره. وامك.. بس للأن ماقد بسرتهم
الثلاثة بسروا بعض بوجع كبير تخفيه نظرات عيونهم المكسورة وسكتوا لثواني وهم يبسروا بعض وكل يبحث عن اجابه
سيياف بعدما بسر سكوتهم ونظراتهم اللي تغيرت للخيبه: انا اسف لو..
قاطعه اوس بهدوء: عادي.. من حقك تسأل.. امي الله يرحمها وابي مسافر الخارج معه عمل
بسروه ميس وقيس وما علقوو على كلامه
سياف بتفهم: الله يرحمها يارب وابوكم الله يعينه اكيد مشغول
قيس وهو يرفع نظره لافوق: ايوة مشغووول مشغول قوووي.. وبهمس ماحد سمعه؛ لدرجة انه تخلى عن عياله من كثر انشغاله...!!!
.
.
بعد يومين..!!!
العصر..!!! بيت كريم..!!!
تربعت وسط الصاله وهي تطرح التلفون الارضي قدامها وتتكلم: خلود. تعالي مليني الرقم اللي اداهولنا قيس وقال نتصل لابينه اذا احتجنا شي لان تلفونه انكسر
خلود وهي تقلب النوته؛ تمام ريعي.. اها هذا هوه سجليي..*. 77711..
حطت التلفون على اذنها وبأمر لخواتها اللي حولها وامها وامها سعاد: اووووص قده بيرن... اها رد..: الووووو..
.
.
الأوس. اللي وقف بسيارته قدام المستشفى وقبل ينزل منها رن تلفونه برقم ارضي غريب فتح الخط واستغرب اول ما وصله صوت بنت: الووو
اوس: اهلا
كوثر: وين قيس
اوس: من قيس
كوثر: قيس ابن الملوح. مدري الملوج.. قيس اخي كيف من قيس
اوس: اهاااا قصدش قيس اخي
كوثر: لا قيس اخي مادخلني باخوك انااا
اوس بقهر: طيب ماقيس اخوش هو نفسه اخي
كوثر: والله عنجد.. يعني انت اخي والكل
اوس بسرعه: لا لا لا.. قيس بس اللي اخي
كوثر: اصلاآ يحصل لك ان كوثر تكون اختك.. ما تستاهل اصلآ لا ينالها الا ذو حظً عظيم
اوس مسك نفسه لايضحك وبجدية: طيب ما ودش الان
كوثر: وين قيس اخي له اربع ماعاد بسرنااه خليه يكلمني الكلب البياع هذا
اوس: عيب تقولي لاخوش هكذا
كوثر: هكذا ونص بياع وكلب فلتنا ولاعاد بسرنا ما عذره
اوس؛ عذره انه في المستشفى
شهقت بقوة وبصدمة: اييش في المستشفى ما بيفعل ايش وقع فيييه تكلم...
اوس: اهدأوا الحمدلله حالته تمام وقده بخيير
كوثر: اااي مستشفىىى تكلم
اوس: مابه داعي...
قاطعته بقهر: ياخي مادخلك به داعي او مع اي مستشفى
اوس بتنهيده: مستشفى الـ....
غلقت الخط بدون ما تشكره و اوس بسر التلفون بقهر وبهمس: الله يعينكك يا قيس هههههه.. شل الفواكه اللي شلهن من السوق وامن السيارة ونزل متجه لاداخل المستشفى حيث قيس وميس..!!!
.
.
قطع له شريحة تفاح ومدها له وتكلم بتذكير:ايوة صح واحده من خواتك اتصلت لاعندي
قيس ب استغراب:خواتي
اوس وهو يأكل موز:ايوة كوثر اعتقد ههههههه
قيس:وما قلت لهااا
اوس:تناقرنا شوية واديت لها عنوان المستشفى
قيس:والله نسيت اكيد.قلقين علياااا
ميس بحماس:الله يعني عيجيين خواتك كلهن
قيس:مدري بس الاكيد كوثر في القايمة الاوله وفاطمة والباقي مدري
ميس:المهم....اشتي اتعرف عليهن..!!!
.
.
وقفين بالتاكس قدام المستشفى وتكلمت سعاد؛ هانا
كوثر: ايوة هيا انزلين..
نزلت سعاد ونبيلة وفاطمة واتجهين لاداخل للمستشفى..!!!
.
.
وقفين قدام الغرفة ودقت كوثر الباب وهي تتكلم: قيس
قز قيس ولف لاوس: خواتي
وقف اوس: تمام بفتح لهن واخرج شلوا راحتكم
ابتسم له قيس ب امتنان.. و اوس خطي فتح الباب وتنحى وهو يتكلم: تفضلوا
سعاد بصدمة: واذا انت بخير مافيك شي
اوس ابتسم وصاح قيس: واذا انا هاااه
خرج اوس وهن دخلين وكوثر تتكلم: وكأنه انت سبحان الله
تقدمين منه وسعاد تحضنه وتبكي: قيس يا قلبي كيف انت ما وقع فيككك
قيس ببسمه: بخير بخير انفداالش لا تبكي
كوثر وهي تحبه على راسه: ما تشوف شر يا غالي
قيس: افااا من وين نزل الادب
كوثر بقهر: مالت ماحد يدلعككك
فاطمة وهي تسلم عليه: الحمدلله على السلامة ي قلب
نبيلة: فجعتنا ياولدي الله يسامحك
قيس؛ الحمدلله سلم الله ياعيوني
كوثر وهي تبسر ميس بنظرات تقييم؛ وهذه من هي
ميس بزنط ك العاده: انا ميس توأمته
ِ
تـــــوأم أغـــــراب 2
البارت 117
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بسره اوس بشتات وضحك بعدم تصديق وهوه يتعداهم للغرفة ويتكلم بفرحه: بعدوا اشتي ابسرررره... افتحووووا الباب..
مسكه صقر بسرعه وهو يتكلم: ممنوع ما يسبرش لوما ينقلوه لغرفة ثانيةة
فك نفسه منه وبعصبية: ماقد خلق اللي يمنعني من اخي بعددددد.... خطي وفتح الباب والممرضين سعيوا يلحقوه ووقفهم الدكتور: خلوه.. خمس دقايق ما تضر..!!!
.
.
لفحته برودة المكان اول ما استقر في الغرفة وتوجهت نظراته لجسد قيس الممد على السرير بسلام وبدون حراك.. تقدم منه بخطوات هادئةة.. وقف جنب السرير ومد يده ومسك يد قيس وخلل اصابعه معه وبهمس: قيس يا عضـيد اخوك وعينةة..
جلس على ركبه في القاع وخلا يد قيس بين يداته الثنتين وبغصة: ليييش فعلت هكذااا.. ليش تخاطر بنفسك.... انا كنت اسمع عن حب الاخ لاخوه وعن التضحية بين الاخوة بس ما توقعتها لاهذا الحد ولا ظنيتك تسوي اللي سويته... باس يده بعمق ودموعه نزلين وهو يحط راسه بطرف السرير..!!!
.
.
عصر ثاني يوم..!!!
وقف باب الغرفة بفرحة كبيرة وخلفه صقر وميس اللي تكلمت وهي تتعداه: بعد عتجلس تصور او كيييف... بسرت قيس اللي بيبسرهم ببسمه كلها تعب وسعيت لاعنده وحبته على جبينه وهي تبكي وتتكلم: الف الحمدلله على سلامتك ياعيوني انتي ماتشوف شر
قيس بهمس؛ الله يسلمش ويعافيش
صقر وهو يوقف جنب ميس: سلامتك يا بطل هكذا تفجعنا عليكك لا تعيدها
ابتسم قيس ولف لاوس الواقف في الباب وتكلم: وانت ما عتجي لاعندي
بسره برفعة حاجب وتقدم منه ووقف قدامه وبحده: ما بتظن نفسك لوما فعلت اللي فعلت
قيس: قيس مابين اظن نفسي
اوس بقهر: انت عارف اننب قادر احبسك الان واخليك تعفن في السجن بتهمة انتحال شخصية او يحبسوني انا لاهمالي وتغافلي
قيس بضحكه: سهل فداااني صح
اوس بصراخ: قيييس لا تجنني فوق ماقد جننتني
قيس: تمام تمام الناس يقولوا الحمدلله على السلامة اول وسلم عليااا
اوس بزنط: قدك بخير مافيك شي
صقر بضحكة: الله الله اللي يبسرك الان ما يصدق انه انت امس اللي كنت تبكي وجننت وعتكسر المستشفى وكتت عتضارب مع اللواء ومدري ايش
بسره اوس بحده وقهر وضحك قيس بوجع وهو يتكلم: الله طلعت مهم والله
ميس: كان ما بتظن يا اهبل وربي توقف قلبي
قيس: سلامة قلبش.
صقر بسر نظرات اوس لقيس ومسك ميس من يدها وهو يخطيها معه ويتكلم: تعالي اشتيش بموضوع .. خرج معاها تحت اعتراضها..
رفع نظره له وببسمه: مصر للأن ماعتسلم عليااا
ابتسم على جنب وتقدم. منه جلس بطرف السرير وقيس رفع نفسه بسروا بعض بنظرات مطوله وضحك قيس متكلم: ايش جايي تنحتني هههههه
شده على الخفيف لاصدره وحضنه بقوة وبحده ممزوجه بغصة: لا تعيدهااا اقسم بالله اذبحككك يا قيييس ساااامع اذبحكككك يا كلب
قيس وهو يحط راسه على كتفه ويداته على ظهره: انت اخي وشقيقي ومن حقي افديك بروحي يا اوس والروح ترخص لك
اوس: حماااار بين اقول لو تنعاد يا ويلككك مني
قيس بهمس: يصيبني آذى ولا يصيبك يا عضيدي.. جعل كل الاوجاع فيني ولاتجي صوبك و....
قاطعه اوس بحده: قييييس ... كمل بخفوت: حسيت قلبي توقف وعيخرج من مكانه من كثر ما دق بتوتر وخوف.. من امس لليوم وانا في قلق وخوف ترقب.. خوفتني عليك والله خوفتني ولو وقع فيك شي ماكنت عتسامح نفسي
قيس بهمس: سلم الله الحمدلله
تنهد اوس وانفجر ضحكه اول ما تكلم قيس:ولو وقع فيني شي كنت اخنق نفسك ب مسبحة ولا اقلع عينك بمسواك..
اوس: قلعككككك.. ههههههههههه
رفع نفسه من صدر اوس وهو يضحك ولفوا على فتحت الباب ودخول سياف بباقة ورد بيضاء وهو يتكلم: لا الحمدلله دام فيهااا ضحكه فالصحة تمام الحمدلله... تقدم من قيس وببسمه: كيف حال المنحتل الحمدلله على السلامة
قيس بضحكة وهو يصافحه: الله يسلمك ويعافيك تسلم
مد سياف الباقة لاوس وجلس على الكرسي وهو يتكلم: خوفتنا الله يسامحك
قيس وهو يرجع يتمدد وبمساعدة اوس: المهم انكم بخير وعافية وما صابكم آذى
سياف ب امتنان: والله مانا عارف كيف اشكرك وارد لك دينك اللي فوق رقبتي
قيس بضحكه: عادي سدده اقساط كل شهر مية الف
اوس فتح عيونه بصدمة وسياف انفجر ضحكة: هههههههههههه الله يحفظك هههههههه
قيس: هههه الله المستعان مابش بيننا وهذا اقل واجب اقدمه لكم
سياف: والنعم فيكم والله..!!!
.
.
ميس..!!!
شهقت بصدمه وهب تتكلم: اييش اييش واحده من بنات اللواء تبرعت بدمها لقيس
صقر وهو جالس جنبها في الطارود: ايوة هي والأوس
ميس: وليش ترضوا ليش ما سحبتوا مني اناااا
صقر: انتي كنتي تاعبة وفاقدع لوعيش ما يسبرش
ميس: ولو كان تقوموني.. مش تسحبوا دم. من هذك التافهه الزناطه وتدوه لاخي
ابتسم برفعة حاجب وتكلماذا هي بنظرش زناطة انتي ايش تطلعي
ميس: مالي انا
ِ
تـــــوأم أغـــــراب 2
البارت 115
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الأوس..!!!
فز من نومة وشهق بقوة وهو يفتح عيونة ويوجه نظره للسقف بسرحان... رفع يده لقلبه اللي بيدق بشكل سريع وكأنه عيتوقف.. جلس لثواني يستوعب هو وين وحالما تذكر فز متجلس وهو يوزع نظراته في الغرفة والظلام من حوله.. صاح بصوت عالي وهو ينزل من السرير: قييييييييس.. شغل الضوء للسرير ومابحد. لداته العسكرية ولا تلفونه فتح الباب بسرعه وهو يداعي بسم قيس ولا من مجيب.. خطي بسرعه لاغرفته وشل تلفونه وفتحه واتصل لارقمه وهو خايف من اللي في باله.. اتصل ثلاث مرات بدون مجيب وفي المره الرابعه انفتح الخط وبكل لهفه: قييييس وينككككك
وصله صوت النيرس وهي تتكلم: صاحب هذا التلفون في غرفة العمليات تصاوب برصاصة و..
قاطعها بخفوت: اي مستشفى
النيرس: مستشفى الـ......
غلق الخط وبسر الفراغ بشتات ودقات قلبه سريعه سريعه بشكل ما يتخيله مخلوق..!!!
.
.
ميـس..!!!
تكلمت ببكاء زهي ترفع تلفون مجد عشان التغطية: ليييش ما يجااااوب ليييييش لا قيس ولا اوووووس
مجد: اذكري الله واهدأي مافيهم شي مالش انتي
ميس: مااااشي قلبي حاسس واحد فيهم فيه حاجةة.. مدري ما حصل معاهم احساسي ما يخيب اصلآ انا بين احس ب احساس شوعةةة قوووي
شهد بهدوء: ميس ياعيوني هو الا وسواس لا تقلقي
ميس بقهر: وليييش ما بيجاوبوا ليييييييش.. اتصلت لرقم اوس للمره العاشرة وفزت اول ما انفتح الخط.: اوووووس وينكككك ما بترد
النيرس بهدوء: المعذرة منكم صاحب هذا التلفون تصاوب وحاليا بغرفة العمليات...
قاطعتها بصرخة مفجوعه: ايييييش ما بتقووولي انتي اي مستشفى.....
النيرس: مستشفى الـ......
رجمت التلفون من يدها للقاع وبكت بصوت عالي
شهد بفجعه وهي تمسكها: مالش ما قالوا لشششش
ميس: اووووس اخي اووووس تصاااوب وهو في غرفة العمليااات... رفعت نظرها لمجد ووقفت وهي تتكلم: قم ودني لاعندهم بسرعه هيااا عتدخل اللبس... خطيت للغرفة بسرعه وشهد لحقتها.. لبست العباية واتبرقعت وهي تبكي وشهد تهديها..
خرجت من الغرفة وبسرت امها اللي صحت على اصواتهم وتكلمت ببكاء: هيااا مجد
مجد: طيب وانا فوق ايش عتوديش للمدينة بهذا الوقت
بسرته بعجز.. وفلتتهم وخرجت بسرعه
ام مجد: وين عتسيري تعالي للصبح ويوديش مجد
ميس وهي تسعى: عتبسر من يوديني.. فتحت الباب وخرجت وعلى طول لا بيت صقر وقفت قدام الباب ودقته بقوة وهي تبكي ثواني وفتح صقر اللي مفجوع
مسكت بيده وشدته لاخارج وهي تتكلم ببكاء: بسرعه تعال وصلني للمستشفى بسرعةةة هياااا صقر
صقر مسك يدها وبخوف عليها: ليش المستشفى فيش حاجة تاعبة او...
قاطعته بسرعه: اوس اخي بغرفة العمليات تصاوب.. غطت وجهها بيداتها الثنتين وانفجرت بكاء..
حضنها وهو يتكلم مهدأ لها: ااااوش ليش بتبكي ان شاءالله انه بخير لاتخافي.. لف لامه ورانيا اللي واقفات في الباب وتكلم: هاتي الكوت حقي يا رانيا ومفاتيح السيارة بسرعه
رانيا: عيووني.. لفت ودخلت بسرعه شلتهن ورجعت لاعندهم مكنت صقر اللي لبس الكوت ومسك يد ميس وخطي فتح السيارة وطلعها وغلق الباب ولف لام مجد وشهد اللي واقفات في بابهم وتكلم: لاتخافين انا عتوصلها انااا
ام. مجد: انتبه لهااا
اشر لعيونه وركب السيارة ولف بها وخطي متجه للمدينة..!!!
.
.
المستشفى..!!!
توجه للغرفة بعدما استعلم عنها وهو بيسعى وخفف خطواته اول مابسر اللواء سياف وحسين واقفين والقلق بادي عليهم.. تقدم منهم ببطء ووقف وهو يتكلم: كيييف حالته
لفوا له الاثنين وبصوت واحده: عادهم ماردوا لنا خبر
تقدم من حسين ومسكه من ثياب صدرة ورصه للجدار وتكلم بفحيح وتهديد: اءا وقع في قيييس اخي حاجة قسمابالله ما غريمي الا انتوووا فاااهم
فتحوا عيونهم بصدمة وبصوت رافع: قيييييس
اوس بصراخ: ايووةة قييييس اللي ما قدرتوا تفرقوا بيننا وتعرفوا انه مش العقيد وخليتوه يدخل معاكم في هذه المهمة الخطيرة اللي احتمال يخسر حياته فيهااااا
تقدم. منهم سياف وفك يدات اوس من قيس وهو يتكلم: اوس اهدأ كلنا ما عرفنا على بالنا انه انت لاحد الان والله
بسره بنظرات ناريه وانتبه للدم اللي على ثيابه مد يده ولمسهن ب اصابعه وهمس بغصة: هذا دم قيس اخي
سياف نزل راسه بوجع وحزن
اوس بصوت عالي ملانه غصة: والله ما اسامحكككككم لوووو وقع في اخيييي حاجةةة. والله ما احللكم والله.....
مسكه حسين وهو يتكلم: اهدأ وتعال اجلس لا تنفعل..
دفه منه لاعرض الجدار وبحده: انت اسكككت ماعاد قدرت تعرف من هو صاحبكككك يا نذلماعاد عررررفت
حسين بحده: وانا ايش عرفني بعدين قيس ما جلس جنبي ولا كلمني كان يتحاشاني عشان لا اعرفه.. واذا به احد هانا ينحط اللوم عليه فهو انت فااااااهم
ِ
تـــــوأم أغـــــراب 2
البارت 113
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الأوس..!!!
دق مكتب اللواء سياف ودخل بعدما سمح له ضرب تحية وهو يتكلم: طلبتني
سياف: ايوة تعال اجلس..
تقدم اوس وجلس: خير
سياف: كل خير معانا مهمة بكرة العشي وهي حساسة للغاية وخطيرة
اوس: طيب
سياف: وانا اخترتك انت وحسين وعدة ضباط ذات كفاءة عشان تنفذوها لأنها مثلما قلت لك خطيرة ومهمة للغاية ولنا نخطط لها كثير
اوس: قصدك عملية الهجوم على عصابة النصب والاحتيال اللي لنا نلاحق بعدهم سنين
سياف: بالضبط احنا والحمدلله قدرنا نتوصل لهم بفضل جهود ضباطنا ودرسنا الخطة بدقة.. ونحتاجكم بالهجوم مع بقية العناصر
اوس: اكيد جاهزين بإي وقت.!!!
.
.
ثاني يوم العصر..!!!
بيت كريم..!!!
تكلمت وهي فوق الشجرة بعدما ربطت الجزء الاول من الحبل: هاتي الشق الثاني يافطومة سرريع
رجمته لها فاطمة وهي تتكلم: شديه سوا لا يقتطع وننكع
كوثر: لا تقلقي انا كووثر مش، حي الله
خلود وهي جالسه بالقاع ومرتزحه لاعرض خديجة وانداء ممده وراسها فوق ارجلها: انا الاوله
كوثر بشراسه: لا والله يا حبيبتي بتبسريني معلقه هانا لي ساعة اربط وتجي تقولي انتي الاوله استحي على نفسش شويةة
خلود: انا اختش الكبيرة على فكرة
كوثر وهي تنزل من فوق الشجرة: والله لو انتي امي.. انا اللي سبرتها يعني انا الاوله.. فطوم هاتي الوساده بسرعه
مدت لها فاطمة الوسادة وهي طرحتها فوق الحبل وجلست فوقه وهي تتكلم بحماس: ايوةة هكذا ضخم.. يلا ادهفي يا فاطمةة
فاطمة وهي توقف خلفها: شوية واطلع انا
كوثر: تمام دفي هيااا قووووي ههههههه..!!!
.
.
الأوس..!!!
دخل للبيت وسمع صوت في المطبخ وتقدم. منه وابتسم وهو يبسر قيس بيتضارب مع الحرض والملعقة. ارتزح للباب وربع يداته وبضحكه؛ ما بتفعل
فز قيس ولذع يده بالحرض وصاح: اااااه يلعنننن..... يا نذل
اوس تقدم منه وهو يضحك: ههههههههههه ما بتفعل صدق
قيس واصبعه بفمه والثانيه بيحرك بها البيض: قدنا جاوع قلت اسبر لي بيض ولا دريت من وين يجو لهن. الله يفتح عليييش يا ميس لوجودها فارق والله عتسير اشلها غدوة
ضحك و طفى الغاز تحت الحرض وتكلم : تعال تعال قدنا شليت غداء، جاهز مابه داعي للبيض حقك هذا
قيس: الله يحفظك بس اكيد. حسيت اننا جاوع. قدناقلت اكيد انه ناسي لي وخطي بيتهم لكن طلعت جيد
ضحك اوس وخطي متكلم:انا انساااك مستحيييل حمىى عليككك بس..هات صحن للرز وتعال هيااا
.
.
بعدما تغدوا ورفعوا مع بعض تكلم اوس وهو يدخل غرفة قيس: قيس تعال
لحق بعدن قيس ب استغراب..
اوس شل بطانية وفرشها بالقاع وهو يتكلم: زيد ادي واحده فوقها هيااا
شل قيس بطانية وفرشها فوق اللي فرش اوس وتكلم: ليش..؟
اوس وهو يحط المخدات: عشان اشتي ارقد وانت ارقد معي
قيس: ليش وغرفتك مالها والسريرات
اوس وهو يتمدد ويتدفى: تخورت انام جنبك عندك مانع تعال اختمد هيا اشتي انام معي العشي عمل واشتي اكون مصحصح
تمدد جنبه وتكلم بسؤال: ايش من عمل.؟
اوس بتنهيده: معانا مهمة خطيرة قوي احتمال نفقد. حياتنا فيهاا
فز قيس وبصدمة: ايييش
لف له اوس وببسمه: مثلما سمعت.. رجع نظره لافوق وتكلم. كنت وانا صغير اتمنى لو معي اخ حقيقي وانام انا وهو واحنا بنتجابر ونتكلم ب اسرارنا لبعض وعن يومنا وكل اللي حصل لنا.. واليوم الحمدلله تحقق هذا الحلم
قيس بخفوت: اوس
اوس بهدوء: امانة اذا لقيت ابونا.. عاتبه كثيرر وقول له اوس مش مسامح لككك
قيس بصراخ: اوووووس بببببس للهباله
ضحك اوس ولف على جنب وهو يتغطى بكله ويتكلم: يلا اص اشتي ارقد..
بسره قيس بنظرات شتات وتفكير من جديته بالكلام.. وتوجع ببقعته وغمض عيونه بقوة وبيفكر كيف يسوي ويمنع اوس يخطى العملية هذه..!!!
.
.
بعد العشاء..!!!
كمل يصلي عشاء ولف لدخول قيس وملامحه ذابله ابتسم له ووقف وهو يتقدم. منه حضنه بقوة وهو يتكلم: احتمال تكون اخر مره ابسرك فيها
شد. عليه قيس وبقهر: تشتي اكسررر لقفككك اناااا ذلحين
اوس: ههههههه... فك له ولف للسرير حيث لداته العسكرية: يلا اخرج ابدل عشان اخطى
قيس مسك يده بسرعه متكلم: اول تعال اتعشى معي هياا امانه
تنهد اوس وخطي معه
ابتسم قيس بفرحه وجلسوا قدام العشاء وبدأوا يتعشوا. وهم يتجابروا..
كملوا ووقف اوس وهو يتكلم بنعاس: ااااه يمه اشتي ارقد
قيس: ما ترقد عادك قمت
فتح عيونه لاكثر من مره ولف خطي وهو يضحك: مدري والله بين احس بنوم فظيع. ااااخ.. دخل للغرفة وقيس ريع دقيقة وخطي بعده وابتسم اول ما بسره مرجوم فوق السرير وداخل بسبات عميق: نجحت الخطة.. يييييس..
ِ
تـــــوأم أغـــــراب 2
البارت 111
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم..!!!
قيس...!!!
وقف قدام بيتهم ودق الباب بهدوء وبعد. دقيقتين وصله صوت كوثر الحاد: ممممممننننن
قيس: انا قيييس
كوثر وهي توقف خلف الباب: قيس من
قيس: قيس جدتش افتحي
كوثر: من قيس جدتي هذا ما اعرفة للأسف
قيس: كووووثر مش وقت هبالتش
كوثر؛ ماعاد. نشتيك انقلع حيث ما كنت يلااااه
دق الباب وبحده: كووووثر يلعن.... افتحي يا كلبةةة
كوثر ب استفزاز: ماعة اسكه ورني ما عتفعل.
قيس وهو يبسر الباب: الان اوريش ما عتفعل..
مسك الباب وطلع فوق ولما مسك راسه يطلع للسور فتحت كوثر الباب وتعلق بيداته فيه وبصراخ: يا كلبةةة ليييش فتحتي
كوثر بضحكة: هههههههه ياربي محلااكك معلق هكذا ههههههههههه
قيس بتهديد: قربي الباب عشان انزل
كوثر: لا خليك معلق هكذا
قيس: يداتي وجعني غلقي الباب اااه لا راحت لششش
كوثر،بنذاله:تستااااهل..ههههههههه
قيس ماعاد قدر يقاوم نكع للقاع وكوثر فزت تهرب..بس قيس قام بسرعه رغم المه وسعي خلفها..:ريعي وييين عتهربي منيييي..
لفيها ومسكها بسرعه وكوثر صاحت بفجعه:اااااه اخر مره اسفةة والله اخر مره
البنات فزين من صوتها وخرجين للحوش
فاطمة بحماس:امانةة مردغ ابوها تستاااهل
سحبها قيس معه وهو يتكلم:تعالي يا خديجة..
خطيين البنات بعده..وقيس بعد الطرحة حق كوثر وهي تصيح يفك لها
قيس:كل واحده تشل حفنه تراب ولافوق شعرها ولداتها بسرعه
البنات تحركين بحماس يشلين تراب
كوثر وهي تحاول تفك نفسها:لا تصدقييين له فكككك ليييي..
ثبتها قيس والبنات بدأين يطرحين التراب فوق شعرها على واحده واحده وهن يضحكين مع قيس
كوثر بقهر والتراب دخل فمها:انا اختكككن يا وسخااات لا راااحت لكككككن بعينييي ..
الكل:هههههههههههههههههههه
.
.
بيت سياف..!!!
خلونا نعرفكن عليهم ونعطيكم نبذه عنهم..!!!
سياف الاب لواء وله مركزة بالدوله وله هيبة ومكانه رفيعة.
كان متزوج ثنتين الاوله رجاء اللي طلقها
وخلف منها
منار وعمرها 22 سنة..بتدرس سنة ثالثة جامعه
بتول وعمرها 20 سنة... سنةاولى جامعةة
زوجته الثانية رهف وخلف منها
بيان وعمرها 18 صف ثالث ثانوي
علا وعمرها 16 صف اول ثانوي...
عتتعرفوا على اخلاقهن من سياغ الاحداث..!!!
ــــــــــــــــــــــــ
نزلت منار الدرج وهي تتكلم بعجلة: هياا بتول تأخرنا على الجامعة والله لا افلتش
بتول وهي توقف وماقد تمت صبوحها: طيب اصتبحي اول
منار: مابش وقت عتصبتح في الجامعه هيااا
رهف ام بيان: ما يسبرش هكذا تخطي بغير صبوح يومية
منار ببرود: مادخلش.. هيا بتوووول... خرجت وبتول لحقت بعدها بسرعه..!!!
تنهد ام بيان ولفت لبناتها: اقطبين اصتبحين لا تتأخرين على المدرسة
بيان وعلا: حاضر..!!!
.
.
وقفت بسيارتها قدام بيت عمها ورنة لبنت عمها تخرج.. ثواني وخرجت وتقدمت منهن وهي تركب بالخلف: مرحبا صباحكن المــــــــرام وضحكـــــتهااااا
تحركت منار وهي ترد بسخرية: واثقة من نفسش
بتول بحب: يا صباح الورد
مرام؛ ياحبي لش يا بتولة قلبي
بتول: ايلاااافيوو
مرام: ايلاااافيوو توووو
منار؛ يالله احنا والسخافة من صبااااح الصبح
مرام وبتول: هههههههههه..
.
.
بعد اسبوع..!!!
العصر..!!!
ردت البرقوع على وجهها وخرجت من الغرفة وهي تتكلم:هيا انا جاهزة
وقف قيس وهو يتكلم:كم عتجلسي هناك
ميس:مدري كله على حسب مودي
قيس بسخرية:مودي ولا موده
ميس؛مودو هههههه هيا اخطى
خرجوا من الشقة وطلعوا السيارة متجهين لقرية ميس تسير عند امها وشهد لأنها فاقده لهن..!!!
.
.
وبعد سفر لنص ساعةة...!!
وقف قيس بالسيارة في الباب
ولف لميس متكلم:يلاه استمتعي بوقتش واحنا نرتاح منش،شوية ونتنفس لنااا
ضربته على كتفه وبقهر:يا سماجتككك اصلآ انا الاكسجين حقكم
قيس:خخخخخ يلا انزلي قطعتيني
ميس:ما عتدخلش تجلس شوية
قيس:ماشي والله مشغول
ميس:طيب انتبه لنفسك ولاوس وكل واحد يرجع لابيتهم عشان تأكلوا سوا طيب
قيس ببسمه:من عيوني
ميس:يلاه في امان الله..فتحت الباب ونزلت ولفت تغلقه وتسمرت مكانها اول ما بسرت قيس خارج من بيتهم وتوجهت نظراتها لها بعدم تصديق انها في القريةة..قطع نظراتهم لبعض صوت قيس العالي:حيااا دكتورنا الغالي..حيا الله بالنسب
يتبع.....
ِ
تـــــوأم أغـــــراب 2
البارت 110
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
سياف ببسمه وهو يصافحة: ياهلا بالأوس ما بتسوي هانا
الأوس: هلا بك خرجت مع الاهل
سياف: وانا مثلك بس مدري مال السيارة مع رضيت تشتغل معي
وصل قيس وتكلم: سلاااااااام
بسره سياف وببسمه: وعليكم السلام. قيس صح
قيس: هكذا بيقولوا لي الناس ومدري قلدهم الله
سياف: هههههههههههه
اوس: خلاص دام سيارتك خاربه تفضل معانا نوصلك على طريقنا السيارة فاضيةة
سياف: لا لا تسلم مشتيش اغلبكم معي عتتصل لواحد من عيال اخوتي وعيجي بسيارتي الثانية
اوس: الله المستعان.. قده بيأذن عتتأخروا لوما يجي ابن اخوك تفضلوا معانا بعدين سهل
تنهد سياف ولف لبناته اللي فوق السيارة: طيب تسلم خلني اكلم البنات ينزلين..
اوس: طيب.. تنحى مع قيس شويةة وسياف كلم بناته ينزلين.. ونزلين الاربع بعدم رضاء وخطيين خلف سياف اللي خطي مع اوس وقيس..!!!
اوس؛ البنات يطلعين بالخلف مع اختي وانتي تفضل قدام يا لواء
سياف: تسلم.. اطلعين يا بنات..
فتحت ميس الباب وبهمس: تفضلين..
طلعين البنات بضجر وسياف طلع قدام وجنبه قيس و اوس مكان السواق تحرك وهو يتكلم: بيتك في شارع
سياف: في شارع الـ.....
قيس: معروووف تعرفه يا اوس ماشي بجي اسوق بدالككك
بسره اوس برفعة حاجب ولف للطريق
قيس: ما قلت انا
سياف: هههههههه..
بالخلف..
منار بقهر: اوووف لو صدقني بابا وخرجنا بسيارتي ما تحواصنا هكذا
بتول: قرررف
علا: قد عتختنق الله يهديه بابي
بيان بهمس: عيب استحين البنت بتسمعكن.
منار: واذا سمعت عادي عتحشها..
ميس بصوت مسموع: انتي في حلقش حاجة سديه لمخارج الصوت والحروف صح... ياعم ليش ما تسوي لبنتك عملية تبسر ايش علتها وليش صوتها هكذا وكأن به حاجة بحلقها
اوس عض طرف شفته بغيض وقيس ابتسم ورد سياف بتعجب: اين بنتي
ميس: هذه اللي عيونها صغار
منار بقهر: من سمح تكلمي معي هكذا
علا بدلع: بابي قد شختنق اووووف
ميس بسخرية: اكيد. عتختنقي ياعيون بابي من العطورات اللي قد. حممتي نفسش بهن
اوس بحده: ميييييييس
ميس بسرت نظراته من المراية وسكتت بقهر
بيان بتلافي: ههههه البنات بيمزحين مع بعض لا تهتموا
بتول بهمس لمنار: عيونها وكأنهن عيون ابي
منار وقد. لاحظت وانقهرت: ناهي اسكتييي..!!!
.
.
بيت كريم.!!!
خرجت من المطبخ مع خلود وهن يكحين بقوة
خديجة وهي تبسر الدخان طالع من المطبخ: ما فعلتين بالبيتزاء
كوثر ومازالت تكح: تفحمتتتتت
البنات بشهقة: اييييش
خلود: جلسنا نتجابر ونسيناها لوما حرقت
انداء بقهر وهي تقلدهن: وانتين اخرجين واحنا عننتبه لهااا ومدري ايييش
كوثر: ذلحين ما نفعل لشششش
خرجت فاطمة من المطبخ وبيدها الصحن وبحزن: بنات ابسرين خربت من صدق
خديجة: اصلآ احنا هبل ركنا على شويةة بقر ينتبهين لها
كوثر: من البقر اضبطي الفاظش
خديجة بقهر: فانتي بقرة ودابه وحمارة وكلبة وكلهن يا تافهه
كوثر: شكل جلدش بيحكش صح
خديجة: قربي وابسري ما عيقع فيش لاتنسي اننا اختش الكبيرة يا قليلة الادب
كوثر: ما اعرف امي اناااا المهم قد كلامش
خديجة: قده من يووومي
خلود: بنات اهدأين
كوثر؛ انتي اللي جنيتيه على نفسش تقدمت منها. بس تسمرين مكانه اول ما سمعين صوت سعاد ونبيلة داخلات للبيت..
فزين كلهن بصدمة وتكلمت فاطمة وهي تدخل بالصحن للمطبخ: بسرعة جمعين ادوات الجريمةة بسرعةة ..
كلهن انتشرين وبدأين يلمين الادوات اللي ملان المطبخ وينظفينه بسرعه..
وقفت سعاد باب المطبخ وب استغراب: ما بتفعلين..
شهقين بصدمة وتكلمت انداء: هاه ههههه بنظف المطبخ ما بنفعل
بسرتهن بشك: وايشهذا الشم كأن حاجة حرقت
خلود: هي فطوم حرقت ورق من حقهاا
فاطمة: هاه ايوة صح حرقت ورق
بسرتهن بشك لثواني ولفت خطيت وهي تتكلم: ذلحين وقت صلاة قومين صلين..
خرجت وهن زفرين براحةة كلهن انها ما كشفتهن..!!!
.
.
وصلوا لاقدام فيلا سياف وقيس ماقدر يخفي الانبهار اللي في عيونه وتكلم اوس: هانا صح
سياف: ايوة هذا الفيلا البيضاء.. يلا بنات انزلين..
فتحين البنات الباب ونزلين بدون كلام.
بيان لفت لميس وبخزاء: انا اسفة نيابة عن خواتي
ميس ببسمه: لا عادي ليش تتأسفي مابه شي
مدت يدها لها وببسمه: انا بيان وانتي ميس صح
ميس: تشرفنا ايوة انا ميس
بيان: اسمش حلو مثلش ماشاءالله
ميس: هههه شكرآ.
ابتسمت لها ونزلت من السيارة..
اوس ونزل مع اللواء اللي تكلم ب امتنان: شكرآ يا اوس معروفك على راسي
اوس: الله المستعان بالخدمة بإي وقت
سياف: ما تقصر ربي يخليك
اوس ابتسم له وسياف لف ودخل للبيت.
ركب اوس السيارة وتحرك بها وهو يتكلم بقهر: ما تقدري تمسكي لسااانش دقايق لوما نوصلهم. وانت ما تقدر تخبي نظراتك المفشوحه على بيتهم
اوس: ابشري.. قيس اخطى افرش السفره وبس لك كملت السلطة
قيس: هي قالت لك انت تفرشهااا
اوس بحده: قيييس
حط السلطة من يده وبقهر: استغفر الله العظيم مابش احترام للكبير في هذا البيت.. شل السفرة وخرج للصالة
ميس و اوس: هههههههههههههه
قيس:
من يحبب حياته عاش مقهور شاقي
مرخص النفس ماشي في حياته يضرة
الكل مع قيس:
الوفاء ما تغير عهـــــــــد الأحرار باقي
يا رعى الله نفس تعيش في العمر حرة..!!!
كوثر: مابلا خواتي تخورين الفرسك ومابش معانا زلط نشتري قلت ابعد لهن خمس ست
فايزة بقهر: كان عتجي وتطلبي مني مش تتقفزي هكذا فوق الجدااار
كوثر: حاشا لله نتعبش معانا واذا انا هاااه ما يفعلوا بي
فايزة: كوووثر انزلي من السرررق كملتيهااا يا كلبةةة
كوثر: انااا كلبةة. شكلش مش حق احتراااام. والله لا ابعد. وابسر ما عتفعلي.. بدأت تقطف بشكل سريع وفايزة تصيح من نازل وتدعي عليهاا..
وقفت كوثر وبحناك: مووتي بغيظش والله ان قد بعدت فوق العشرين حبه ههههههه يلا احرررقي
رجمتهن لاعند خواتها ولفت لفايزة اللي مازالت تدعي وتتوعدها وبضحكه: جعل دعاااش في وعااااش انننن.. نطت للحوش حقهم وتكلمت بضحكه: كلمناها ب احترام وطلعت مش حق احترام
خلود وفاطمة: ههههههههه..!!!
ِ
تـــــوأم أغـــــراب 2
البارت 105
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
شل الهديةة من يدها ورد بهدوء وبسمة زنط: الله يبارك فيش يارب تسلمي ما كان به داعي تتعبي نفسش
ميس: واجبنا ولو..
اوس: خالتي ام مجد هانا او مع..
صقر؛لا مجد اللي حضر فقط
ميس بلهفة:وينه مجد
اشر لها صقر لاعند مجد وداعاه:ممممجددد
لف له مجد وابتسم وهو يتقدم.منهم
تقدمت منه ميس وبهلفة؛مجد كيف انتي..حضنته وهو سلم عليها وبفرحة:حيا ب البياعةة حقنااا
ميس:ما عاش من يبيعكم بس انت داري ما حصل لي
مجد:الله يعين يارب..ويحين عتجي تبسري امي وشهد فاقدات لش
ميس لفت لقيس و اوس اللي تكلم:لو ودش تخطي معاهم تبسري امش خطيتي وان ماشي انا عتوصلش ولا قيس
مجد:ماعاد به داعي تغلبكم عنشلها معانا
ميس بسرت صقر اللي دعمم وما تكلم
قيس:هاه ما قلتي
ميس:خلاص شخطى مع مجد للمغرب وعتروح
اوس:براحتش ياعيوني
قيس:انتبهي لنفسش..!!!
.
.
فوق سيارة الأوس وهم مروحين..!!!
قيس: انا بصراحة ماعاد. فهمت لاختك هذه
اوس بضحكة؛ والله حتى انا
قيس: صقر رجال والله خسارة عليها لو تخسرة والولد شاريها ويحبها
اوس: ميس هبلا ما تعرف وين مصلحتها
قيس بقهر: اسمع من الان لو تزوج انا معه
اوس: قلب الله فالك انطق خير
قيس: قد. انا بين اقول لكككك..!!!
.
.
بعد مرور إسبوع..!!!
بعد.العصر..
صقـر..!!.
دخل للمجلس وبسر امه وصفاء جالسات وتكلم: السلام عليكم..
الكل: وعليكم السلام
جلس وهو يتكلم: وين ابي
صفاء: خطي للمحلات
صقر: اهااا.. بسر امه وبجدية: اماااه
ام صقر: امي وعيني
صقر. اشتي اخطب
صفاء وامه بصدمة: اييييييش
صقر ببرود: مثلما سمعتين اشتي اخطب ذلحين والعرس نهاية الشهر
ام صقر: ما تخطب انتتت بعقلككك وميس
صقر: وميس مالها
صفاء: مش ع اساس تحبها وتجنن عليها ومدري اييش
ضحك بسخرية وبكذب؛ كان حب طييش المهم ذلحين اشتي اخطببب
ام صقر بعدم. تصديق: ذلحين منك صدددق
صقر: يعني ليش عتمزح بهكذا مواضيع ايوة اشتي اتزوج
صفاء: طيب ومن تشتي
ام صقر: لا تصدقي له يمزح اكيد
صقر بجدية: عتخطى لاعند ابي واكلمه والليلة نسير نخطب
صفاء: ومن عتخطب
صقر: هالة ولا هنادي واحده منهن
ام صقر وصفاء بصدمة: ايييييييش هالةةة ولا هناااااااااادي
ام صقر: انت اكيد جننت صحححح
صفاء بصدمة: بتمززح صح.. قلك. هالة ولا هنادي معاك عقل
وقف صقر وكل معالم الجدية بوجهه: كلامي واضح عتخطب واحده منهن والليلة والعرس نهاية الشهر.
ام صقر ب انفعال.: اذا قد انت حق عرس صدق تزوج سلوى بنت عمك.. هولاك العقارب ما تفعل بهن
لف يخرج وهو يرد:انا قررت وخلاااص..خاطرككن...!!!
.
.
الأوس.!!
خرج من مكتبة بنفس وقت خروج اللواء سياف رفع له تحية وردها له سياف وهو يتقدم. منه متكلم: قدك مروح
اوس: ايوة وانت
سياف وهو يخطى واوس معه: ايوة نرتاح ساعة ورجعنا..اخبار العمل معاك
اوس:الحمدلله.
وصلوا لقدام السيارات ولف اللواء لاوس قبل يطلع سيارته متكلم: ممكن سؤال
اوس ب احترام: اكيد تفضل
اللواء: انت اللي لون عيونك هكذا في اسرتكم او به غيرك والكل
اوس ببسمه: اخي واختي نفس اللون ايضآ
اللواء بضحكة: ماشاءالله
اوس: وانت
سياف: انا فقط للأسف
اوس: حلو تكون مميز في الأسرة
سياف: هههههه قده. هكذا.. يلا في امان الله
اوس: الله معاك.. كل واحد طلع سيارته وخطيوا كلن لوجهته.!!!
.
.
في الشقةة..!!!
في المطبخ.!!!
صاحت بقلة صبر وهي تضرب يد قيس بالملعقة بعدما اكل من السلطة وخربها للمره الالف : كسررروا يدكككك يا قييس
قيس مسح يده وبألم:اااااخ يا متوحشةة
ميس بحده:اااخرج من عندي اديت لي الضيييق اوووووف
قيس بروقان:اوووف انا ادي الضيق ب العكس انا اجلب السعادة لمن حولي
لفت ميس تتم عملها هي ترد بقهر:باين والله ما خليتني اسبر عمل عيجي اوس وماقد.حصل الغداء
قيس مد يده بخفه وشل سلطة ملانها وهو يرد عليها:الا صدق اقطبي عيوصل جاوع..
لف يخطى والسلطه بيده وميس لفت له وبسرته مقفي وجهت نظرها لصحن السلطة وبصراخ:انتتتت مش حق احترااااام والله..
فز قيس وهرب وهي لحقت بعده.
دق عرض اوس اللي دخة للبيت وتوجه لهم لوما تطايرين السلطة اللي بيدهه للقاع
مسك قيس راسه بألم وبحده: ما بتبسرششش
اوس:انتي خاطي ساع الحمااار
ميس بقهر: قسم بالله ما تكنس وتنظف الا انت.. وانا حلفت
قيس: لو تحلفي من ذلحين لاغدوة انا اخوش الكبير عييب
ميس ببكاء: اووس ابسره
اوس: انت اللي خربت وانت اللي عتنظف..
ميس ب انتصار: مثلما سعمت.. يلااا بسرعةة.. لفت ودخلت للمطبخ..
قيس بسر اوس ببرود وخطي متعدي له..
مسكه اوس ورجعه قدامه وبأمر: انت اللي خربت وانت اللي عتنظف.
قيس: شكلك ناسي انني اخوك الكبير
اوس: الله يهديش يا ميس ليش تقولي له هكذا
قيس: الرجال فارح جايي يعزمش على حفل تخرجه تقومي تكسري نفسه بطلبش
ميس رفعت راسها من صدر اوس ومسحت دموعها وهي تتكلم: ايوة اشتيه يطلقني
اوس؛ كان ليش البكاء عشانه قال عيتزوج دامش تشتي تطلقي..
قيس: انها خجافة البنات.. اصلا ياخي البنات كائنات غير مفهومه الله يعيننا بس..
اوس: اهجع خلها تتكلم.. ليش تشتيه يطلقش حاكينا الرجال كامل والكامل الله.. دارس ودكتور واخلاق وادب
قيس: وجميل وحالي وانفه كـ السيف وعيونه عسلي وحدتهن كما الصقر.. اممم ماعاد باقي..
اوس: باقي جدتك اهجع تتكلم البنت
ميس بتهرب: ما ارتحت معه وافضل حل لنا الطلاق
قيس بصراخ.: كاااان مالجدتشش تبكي هكذاااا.. مقصدش الرجال عيجلس على اطلالش او اييش.. لش شهر ماعاد رضيتي حتى تبسريه او تقابليه والرجال صابر ومتحمل لش ولمن يجي اليوم فارح بحفل تخرجة تقومي تجازيه بطلبش التافه
ميس غطت وجهها وبكت بنحيب وهي تتكلم: اللافضل لي وله يطلقني احناااا ما نسبرش لبعض انتوا اخوتي لازم تفهموووني.. صقر يستاهل واحده افضل مني...!!!
كوثر وفاطمه بصدمة: هوو انتي مييس
قيس: ههههه ايوة.. انتي كوثر صح بااااين
كوثر بغرور: اكييد وهل يخفىى القمر
فاطمة: شلووووش
ميس: هههههههه
قيس: وجاء من ينافسش بالزنط يا ميييس ههههههه..!!!
صقر: مدري مالش
ميس بزنط: انا لا زنطت يحق لي ماهي على اييش
صقر: وهي يحق لهااا مش الا انتي
فتحت عيونها وبصدمة: الله الله قدك تدافع عنها. لايكون حبيتها
بسرها بمراوغه: يمكن ليش لاااا
ميس بقهر: طلعت نسونجي وانا كنت اظنك ثقيل ورجال
شد. على يدها وبقهر: عدلي فمش وكلامش احسن ما اعدله بطريقتي
ميس سحبت يدها بقوة وبقهر: ومن انت عشان تعدله لي.. انت يلاه كودك تعدل هاله حقك اللي مناسبة لككك.. اما انااا بعيد عليكككك.. وقفت وخطيت من قدامه ورجع لفت له وهو جالس مكانه ونظره لها وتكلمت: صح مشكور لأنك وصلتني وجلست معي للأن.. الف شكر تعبناك.. تقدر الان تروح وترتاح ما قصرت.. وبسخرية: لا تقلق عليك هالة لوما ما تبسرك في القرية.. لفت وخطيت بغرور لاغرفة قيس.
بسر بعدها وضحك وهو ينزل راسه ويهمس: ساع الذي كلامها ملانه غيرة او انا بين اتخيل هههههههه
ِ
تـــــوأم أغـــــراب 2
البارت 116
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
دخل للغرفة وهو يتكلم بسؤال: هاه كيف حالتها الان يا صقر
صقر وهو يسبر لميس السيروم: حاليآ تمام الحمدلله فقدت وعيها بسبب صدمتها
اوس: سلامة قلبها قلب اخوها متى عتفيق
صقر: حطيت لها منوم احتمال بعد ساعتين ثلاث.. كيف قيس الان
اوس بتنهيده: والله لاحد الان ماحد ادى لنا خبر او خرجوا من غرفة العمليات
خطي لاعنده وهو يتكلم: خير ان شاءلله تعال نسير لاهناك..!!!
.
.
جلس جنب صقر في الطارود ولف للواء اللي مازال جالس مكانه وحسين جنبه وتكلم ب احترام: حضرة اللواء تقدر تروح مابه داعي لجلستك كفيت ووفيت وبيض الله وجهك ماقصرت
لف له سياف وابتسم بخفوت وهو يرد: انت عارف ليش قيس اخوك داخل غرفة العمليات ذلحين
اوس بسرها بمعنى ليش
سياف بتنهيده: الرصاصة اللي وقعت فيه كان من المفروض تدخل جسدي انا وتقتلني لكن اخوك البطل انقذني وتلقاها بدالي.. تشتيني اقوم اروح الان وافتهن وانام وقيس داخل بيصارع الموت علشاني. هههه لاوالله اني بكون وقتها نذل و خسيس
سكت اوس وارتزح للجدار وراسه لاعرضة وغمض عيونه بتعب... ثواني وفز على صوت الممرضة وهي تخرج وتتكلم: نحتاج دم للمصلب من زمرة دمه oموجب يتبرع له ضروري.
وقف بسرعه وتكلم بلهفه: انا نفس زمرة دمه اسحبوا مني كما ودكم
الممرضة؛ حلو من عاد باقي دمه نفس الزمره نحتاج قربتين المصاب نزف دم خيرات
صقر:زمرة دمي A سالب
حسين:وانا..ما نقدر نتبرع
سياف بسرعه: معي بنتي زمرة دمها نفس قيس و اوس عتتصله لها الان تجي
الممرضة: لو سمحت استعجل ضروري التأخير خطر على المصاب.. لفت لاوس: وانت تعال معي نسحب القربة الاولى..
خطي اوس مع المنرضة بسرعه وسياف خطي للطرف واتصل لمنار تجي مع واحده من البنات للمستشفى...!!!
.
.
بعد. نص ساعة..!!!
دخل للغرفة وبيده عصير وتقدم منها وببسمه: هاه عيون بابه مناري كيفش الان
منار ويدها على راسها: دايخه شويةة
بيان: طبيعي لأنهم سحبوا منش دم
سياف: الان عتشربي العصير وترتاحي ارفع نفسش شويةة
شلت العصير من يده وشربته وبيان تتكلم: وكيف حالته الان
سياف: ان شاءالله خير
منار: ان شاءالله يقوم بالسلامة قده بالدم اللي تبرعت
بيان: انتي ماهمش الا الدم. حقش الرجال بين الحياة والموت
منار: مش قصدي هكذا...
سياف: خلاص اص... اجلسين هانا انا عتخطى ابسر قد. خرجوا من العمليات..!!!
.
.
الأوس..!!!
جالس على الكراسي قدام غرفة العمليات وبيده العصير اللي اداه له صقر ونظره للباب بثبات
حسين: طيب اشرب العصير لاتدوخ
مابسره ولا رفع عيونه له
صقر اشر له بمعنى يسكت ويخليه براحته
اوس بعد. صمت لدقايق: تأخروا كثير.. والله تأخروا.
صقر: هذا عملهم والعملية خطيرة قوي و..
سكت وهو يبسر اوس وقف وتقدم يدخل وسعي بسرعه سد عليه الطريق: وين عتسير
اوس وهو يحاول يفك نفسه منه: بعد. ابسر هذولا ما بيفعلوا دااااخل لهم عشر ساااعات بعددددد
حسين وهو يمسكه: اوس اهدأ
دفه منه وبصراخ: ما اهدأ ما اهدأ ما بيفعلوا لاخي لهم سااااااعات ولا خرجووووا
سياف وهو يتقدم. منهم بفجعه: خير مالكم
صقر: اوس قدهم في عملهم ما بيلعبوا اعقل
اوس: والله العظيم لو يقع في اخي حاجة لا اقلب هذه المستشفى على روسهم.....
سكت وسكتوا كلهم لمن انفتح الباب وخرجوا الدكاترة.. تقدم. سياف وبلهفه يجهل سببها: طمنا يا دكتور
نزل الكمامه من وجهه وابتسم بتعب وهو يرد: الحمدلله قدرنا نخرج الرصاصة ووضعه تمام حاليآ..
سياف بفرحة: الف الحمدلله يارب الحمدلله
حسين بفرحه لاوس المتجمد مكانه: سمعت ما قااااال قيس بخير الحمدلله
صقر هزه وبصراخ: اوووووس مالككك قيييس بخييير
بسره اوس بشتات وضحك بعدم تصديق وهوه يتعداهم للغرفة ويتكلم بفرحه: بعدوا اشتي ابسرررره... افتحووووا الباب...
ِ
تـــــوأم أغـــــراب 2
البارت 114
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
دخل بخطوات ثابته للمركز.. ووقف محتار مايدري وين مكتب اللواء هذا.. بس انقذه خروج حسين من مكتب اللواء ومعه سياف وبعض الضباط.
تقدم منهم وتكلم اللواء وهي يخطى: تأخرت ياعقيد
لف وخطي معاهم وهو يرد: المعذرة منكم
سياف: حصل خير العناصر جاهزة يلاه كلنا متحركين..
خرجوا كلهم وركبوف فوق الاطقم والسيارات الخاصة بالشرطة وقيس تجنب يطلع مع حسين عشان لا يكشفة وطلع مع اللواء بنفس السيارة..!!!
.
.
ميس..!!!
يدها على خدها ونظرها لصفاء اللي سامره عندهم وهي تتكلم من اول عن صقر ومواصله: ولو تبسري لاعاد بيأكل ساع الناس ولا بيجلس في البيت ولا بيهتم بنفسه واصل راقد وضابح ومابيتكلم الا بصياح
ميس ببرود: طيب
صفاءب استغراب: طيب؟
ميس: ايوة طيب يعني بتكلميني انا ليش ما افعل له انا
صفاء بقهر؛ لان كل اللي فيه بسببش انتي.. كلنا عارفين مدى حب صقر لش من وهو صغير واتتي بإيش جازيتيه
ضحكت بسخرية وردت: وانتي عادش مصدقة انه يحبني
صفاء؛ اكيد يحبش
ميس بحده: لو كان يحبني ما سار خطب عدوتي اللدوده والبنت اللي قذفت في عرضي وعرضة وتكلمت فيني.. ما خطب العن واوقح بنت في القرية
صفاء بتبرير: اصلآ هو...
قاطعتها بضحكة غرور: بس بيني وبينكن تناسب له والله.. صقر ما يستاهل الا هالة. مناسبين لبعض ههههههه
شهد وهي تبسر صفاء تضايقت: ميس خلاص غلقين هذا المجبر..!!!
.
.
قيس..!!!
تمركزوا كلهم في اماكنهم حسب الخطة وقيس حاليآ جنب سياف وبقية الضباط منتشرين بكل مكان..
سياف لقيس: اشر للعسكري يضرب قنبله دخانيه سريع..
قيس: هاه اناااا
سياف بسره بحده.. وقيس لف بسرعه واشر للعسكري اللي عند الباب بمعنى ابدأ
العسكري أشر براسه بمعنى تمام ورمى القنبلة وانفجرت واقتلع الباب ودخلوا العساكر
تحرك قيس وسياف خلفه ودخلوو معاهم واقتحموا المكان بشكل مباغت للي فيه..
نزل راسه بسرعه اول ما ضربوا رصاص وتكلم: هولا بيضربوا رصاص
سياف: احتمي بإي حاجة ودافع بسرعه.. تكلم بصوت رافع لكل العناصر: الكل يثبت مكانه لاتخلوا احد يخرج منهم لا يفلتوا..
تخبى هو وقيس خلف عمود وكل واحد بيضرب رصاص من جهه
قيس وهو يبسر الرصاص من كل بقعة: الله يرحمك ياقيس عتموت وعادك شباب...
سياف بصراخ: بسرعه تعال للجهه الثانية هياااا
سعي سياف وخلفه قيس وهو يوزع نظراته ورافع سلاحه.. وصلوا للجهه الثانية..
سياف: بتبسر هذك اللي بيضرب على رجالنا ارميه برجله بسرعه
وجه قيس سلاحه له على رجله بالتحديد صوبه وابتسم اول ما اصابه وبفرحة: يييس قوة ياقيس.. لف للواء اللي بيبسره ب استغراب واختفت ابتسامته وب ارتباك: ما نسوي الان
سياف: خليك مكانك طيب لا تتحرك.. خطي سياف قيس بيبسر بعده بتعجب.. لف لقدام وفتح عيونه بصدمة وهو يبسر واحد موجه سلاحه لسياف وعيطلق عليه اكيد.. فز بسرعه وسعي بقوة خلف سياف.. وصل له ودهفه بقوة لوما انبطح للقاع والرصاصة اخترقت كتف قيس من الخلف
سياف اللي انصدم اول ما اندف للقاع على وجهه وبهذه الطريقة وحالما استوعب سمع صوت الرصاصة اللي دوت في المكان وقريب منه. فز واقف بسرعه وفتح عيونه بصدمة وهو يبسر قيس مدد على بطنه وسلاحه بيده ودمه حوله..
جلس بسرعه وهو يقلب قيس على ظهره ويرفعه منه اكتافه له وبصوت راجف: اوس.. اووووس.. بتسمعني.... اوووووووس... يالله ياربي.. لييييشش فعلت هكذااا.. لييش تخااااطر بحياتككك عشاااااني لييييش.. كان تخلي الرصاصة تخترق جسمي عادي.. انت عادك شباب وقدامك حياةةة.. اووووووس فتح عيونككك. غمض عيونة بقوة وحط جبينه على جبين قيس اللي مغمض عيونة ب استسلام.. ونزلين دموعه على وجه قيس.. وما يعرف ليش حاسس قلبه موجوع وومتقطع لمنظر قيس المدمى.. بالرغم انه حضر عدة عمليات وانصابوا عدة عناصر والبعض استشهدوا قدامه.. الا ان هذه المره احساسه غير غير وجدآ...
يتبع......
ِ
تـــــوأم أغـــــراب 2
البارت 112
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
تقدم. منه صقر وهو مبتسم؛ ابقاااك ياحيااا الله من جاناااا
ميس لفت ودخلت لابيتهم مدعممه لهم الاثنين
تنهد صقر ونظره لها.. ونزل قيس سلم عليه وهو يتكلم: مبروووك قالوا خطبت
صقر بتلبك: هههه الله يبارك فيك ايوة
قيس: ضخم الله يهنيك تستاهل كل خير
صقر لف بنظراته لابيت ميس وهمس بصوت سمعه قيس: كل خير مع ميس مش غيرها
قيس ابتسم على جنب وتكلم: وايحين العرس.. اكيد. انا معزوم
صقر بسره وبضحكه قهر؛ اكيد انت الاول.. العرس كنت اشتي نهاية الشهر بس رفضوا قالوا مابش وقت اقل شي سته شهور
قيس: حقهم والله.. يلا انا استئذنك
صقر: وييين ضيفنا ي رجال
قيس وهو يطلع السيارة: غير مره.. خاطرك
صقر: في امان الله....!!!
.
.
وقف بسيارته قدام بيت عماد وترجل منها وتوجه للبيت دق الباب وفتح له اخو عماد ودخله للمجلس لوما يداعي عماد اللي دخل بعد دقايق للديوان وهو بالعكاز ورجل واحده
بسره قيس بألم ووقف سلم عليه وهو يتكلم: ياهلا ب البطل كيف انت
عماد: حياك الحمدلله وانت
قيس وهو يجلس وعماد جنبه: نحمدالله.. كيف ايامك وين مقضيها
مدد رجله المقطوعه وكشر بوجع وهو يرد: هانا في هذه الدنياء
قيس: بتوجعك
لف له عماد وضحك بهدوء: تعودنا على وجع اكبر يا قيس فما بالك بهذه
قيس: كيف لوما حصل هذا احكي لي
عماد: ههههه كنت واثق ان فضولك عيديك لاعندي.. عارف لككك ههههه
قيس: ههههههه لا والله جيت اطمن عليك.. ومنها نتجابر.. هاه كيف لوما آسروك
عماد بتنهيده ونظره لقدام وكأن كل شيء حصل امامه الان: كانت الجبهه والعه والعه قوي يا قيس. والطيران حقهم بيضرب من كل بقعة.. انا كنت ساعي بالذخيرة اوصلها للمجاهدين اللي بالطرف الثاني.. مادريت الا برصاصة اخترقت رجلي وخلتني ارتجم للقاع ولاعاد قدرت اتحرك.. المجاهدين اللي كنت خاطي لهم بالذخيرة قصفهم الطيران والجو امتلى غبار خلاص ولاعاد تقدر تبسر شي.. حاولت اقوم وازحف لا بقعة ثانية ماقدرت رجلي خدرت كل جسمي يالله والوجع دمي كان يسيل والرصاصة مستقرة داخلها.. جلست بقعتي. وبعد دقايق ما ابسر لك الا الجنود السعوديين وقفوا فوق راسي واسلحتهم موجه لي
قيس بخفوت: ومن هانا أسروك
عماد: بالضبط شلوني اسير معاهم.. كنت ساني انهم بايعملونا مثل ما بنعاملهم بس طلعوا انذال.. انذال قوي يا قيس الله لاحطك بين ايديهم
قيس: ما فعلوا بك
اشر بوجع لرجله وتكلم: بسبب اهمالهم وعدم اهتمامهم بالجرحى اللي بيأسروهم.. اضطريت لقطع رجلي لأنها خاست وانتهت.. الرصاصة جلست فيها ثلاثة ايام.. كان اصيح واجنن من الوجع ولاحد عبرني او اكترثوا لاحد. هناك كلااااب كلاب لابعد. حد.. والله لو كنا يهود ما يعاملونا هكذا...
قيس: خسيسين.. عليهم غضب الله لو بس يبسروا كيف بنعامل آسراهم
عماد: هههه ما يوصلوا لمستوانا ما يوصلوه يا قيس لو مهما فعلوا
قيس: اكيد. احنا شعب اليمن اللي قال فيه النبي صلوات الله عليه وعلى آله.. اتاكم اهل اليمن أرق قلوب وألين أفئدة. الايمان يمان والحكمة يمانيةة.. النبي.. قال اللهم بارك في يمنا وشامنا.. وقالوا له ونجد.. فرد عليهم.. من هنا قرن الشيطان.. فلا تقارنا بهم يا عماد.. قد النبي وضح بنفسه من احنا ومن هم..
عماد؛ اي والله ونعم باليمن وباهلها رجال وابطال والنعم فينا...
.
.
صباح ثاني يوم..!!!
رفعت الطرحه فول راسها بعدما تلثمت وفتحت باب الشارع وخرجت. غلقته من خارج ولفت لبيت صقر اللي قدامهم وبسرت صقر خارج وشكله مستعجل ومتجه لسيارته داعته بصوتها: صقــــر
فز لصوتها ولف لها بسرعه اشرت له بمعنى تعال وتقدم منها بسرعه
وقف قدامها وهي مدت يدها تصافحه وهي تتكلم ببسمه: مبروككك الخطوبة ولو متأخرة ههه
شد على يدها بعدما خابت آماله في اللي عتقول ورد يقهرها: الله يبارك فيش شكرآ
فكت يده من يده وتكلمت: هال تناسب لك والله ماشاءالله طاسه ولقت غطاها هههه
رفع حاجبه بقهر ورد: والله هالة تسواهن كلهن وان شاءالله الخير فيها بعدما ما لقيناه في غيرها
ميس بزنط: تسواهن كلهن.. بس ما تسوى ميس ركز.. هي وين وانا وووين انا.. ميس.. عارف ايش يعني ميس... يعني الحلا والدلع والرقة والطول والعيون والشعر وكل حاجة زينة فيني ماني مثل غيري ولا الغير مثلي يا صقر.. على العموم قبل عرسك اتمنى هديك لي تكون ورقة طلاقي.. لأنو مش حالي ندخل للمحاكم يا ولد عمي وصاحب ابي.. خاطرك. اعطته ظهرها وهو يبسرها بنظرات قهر من كلامها القوي. ضحك بسخرية وهمس لنفسه: ما كنت ظني يا صقر انها داعتك تعتذر منك او تبكي عندك وتعاتبك ليش تزوجت.. غبي وعتصل طول عمرك.. غبي... وجه نظراته له وبسرها خاطية بكل زنط وغرور ما يليق الا بها همس بعشق وقهر بنفس الوقت؛ فعلآ هي الفارقة وغيرهن كلهن..!!!
.
.
قيس: صحح هو فيلا مش بيت
ميس بزنط: والله يا حبيبي انا واحده ما تقدر تسكت وهي تسمع شخص بيهينهااا والله لا ادعسها وادعس اللي خلفهاااا ياسعم جت تتدلع عندي تنقلععععع
اوس: فضحتوا بي عند اللواء
ميس: هذا اللواء قول له يربي بناته سوا وماحد عيتكلم عليه جين يدلعين عندي لو كان عندهن ذوق ما يتكلمين هكذا وهن فوق سيارتنا..
اوس: ميييس
ميس بقهر: ابسر ي قلبي.. صح انا بنت بس انا واحده تكره ددددلععع البنات وبقوة يعني خصمي ابسر بنت تدلع قدامي وتتمايع.. بابي.. بابا.. يييخ تقول ابااااه ساااع الناااس.. وعاد لو الدلع لاقي لهن شلوهن والصور تافاهات ما مؤدبة منهن الا هذك اللي اسمها بيان
قيس بضحكة: بيان صادر عن القوات المسلحة اليمنية بسم الله الرحمن الرحيم قال تعالى....
قاطعه اوس بقهر: قييييس
قيس: هههههههههههه وانت ابسر اسمها بيااان
ميس: هههه حالي مالها اسمها انا يعجبني اسم بيان
قيس: تمام ههههههه
تنهد اوس بقلة حيلة وجنب سيارته في الحارة وهو يتكلم: عتسير صلاة المغرب انزلوا هياااا وصلنا...!!!
يتبع......
السلام عليكم ورحمة الله وبركاته كيف حالكم🌝🌸
Читать полностью…
ِ
تـــــوأم أغـــــراب 2
البارت109
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صقــر..!!!
متمدد على السرير وارجيله للقاع وذراعه على عيونة وكل فكره وتفكيره عن ميس وهل يمكن تكون عرفت ومن عيكلمهااا.. وايش عتكون ردة فعلها عتزعل عليه عتتأثر او مع.. خاصة انه خطب هاله عدوتها اللدوده.. رغم اعتراض ابوه الصارم وامه خطبته لهاله. بعد اللي فعلته في ميس وتجريحها لها بانها لقيطة وفضحها بين الناس.. والسمعه اللي طلعتها له قبل الا انه اصر عليها هي بالتحديد.. عشان يقهر ميس وبقوه وهو عارف مدى الكراهيه اللي بينهن.. سمع فتحت الباب وضل ساكن مكانه.. وصله صوت صفاء المقهور: ماشاءالله حريو الغفلة راقد هانا والناس منتظرين له يخطوا يخزنوا.
صقر:.........
صفاء: قوووم هياااا اخرت الناس قد ابي بيصيح كملت تتغدا واختفيت... صقر
بعد يده من وجهه وقام وخطي بهدوء
صفاء بقهر: انا بين احاكيك جاوب
صقر بصراخ وبدون ما يلف: لاعااااد. تضبحي بي فوق مانااااا ضاااااابح مانا رااااايق لشششش اخطي من قدااامي... فلتها وخطي..
صفاء بصوت عالي: عادك وعادك.. عاد الضبح والضيق عيجي على اصوله لوما تجي هاله التافهه لاعندك..
طبق الباب بقوة لوما نكزت وغمضت عيونها
تنهدت بقهر وتكلمت: يحب ميس ويجنن عليها لكن بيتعب نفسه بنفسه مدري كيف بيفكر..!!!
.
.
العصر..!!!
وقفوا بالسيارة قدام حديقة هران بعدما قرروا يخرجوا عشان ميس تغير من نفسيتها وتنسى شويةة..!!
ميس بحماس؛ الله كم. كنت اتمنى اجي حديقة هران واخيرآ جيتهااا
قيس بضحكة: كنتي عتتصلي واديش الله المستعان بس
ميس: هاهاهاها ما تضحك
اوس: انزلوة هيااا... نزلوا الثلاثة واوس قفل السيارة وخطيوا متجهين للحديقة.. قطعوا تذاكر ودخلوا
ميس: اشتي العب فوق المرجيحه من عيدفني هيااا
قيس وهو يسبر دبعة الشال اللي مرفوعه لانص راسه ومديه له منظر جذاب خاصة ان الشال لونه رصاصي مقارب للون عيونه: انت خرجيني عن الموضوع لا تضيعي هيبتي بين النااااس
اوس بسخرية: اي هيبة يا حسرةة
قيس: انت اسكككت لاتكون ترادد على اخوك الكبير
اوس من بين اسنانه: يارب صبرني ويعدي هذا اليوم على خيررر
ميس: لا تغالطوا عتدفوني شوية بشويةة هيااا ما لعبتها واناصغيرة لاعبوني ذلحين وانا كبيرة... خطيت وهم بسروا بعض وخطيوا خلفهااا
جلست فوق المرجيحة وبأمر: يلا قيس ابدأ انت
وزع نظراته وهمس: سرحتك يا قييس
ميس: هيااااا
وقف خلفها وبدأ يدفها وهو يتكلم بقهر: كسرت تلفوني وبكل وقاحه عادها تتأمر
ميس: ههههههه سهل سهل يفداني او ما قلت يا اوس
اوس ببسمه: يفداش ويفدا كل قبيلتش وماله
رسلته له بوسه بالهواء وكلمت قيس: دف قويةة هيااااا
قيس دفها وهي تضحك ضحكوا لضحكتها وانهم قدروا يغيروا من مودها...!!!
.
.
بيت كريم..!!!
تكلمت بملل وهي متممده وارجلها مرفوعات للجدار: آه يا آلهي ماهذا الملل
فاطمة وهي بتشخبط في دفتر: اتفق معكِ أختي الغالية والرخيصة كوثر
كوثر بحده: اييش ايييش
فاطمة ببراءة: أختي الغاليةة ما قلت
كوثر بزنط: على بالي يعني
خلود بضجر: اوووف فارحات ب انفسكن
خديجة: اشتي ارقد
انداء: بسرتي احد. مسكش
خديجة: انتي..
تسبرت كوثر بجلستها وبضبح: فكرين معي ايش نفعل عشان يسير الضبح
البنات سكتين بتفكير وتكلمت فاطمة بفرحة: لقيتهاااا
البنات: ايييش
فاطمة: هيا نسبر بيتزاء
كوثر بحماس؛ ايوةة هياااا
خلود: ومن وين عندي المكونات
كوثر: هذا خلينه عليا امي وامي سعاد قد خرجين صح
خديجة: ايوة
كوثر بسرتهن بنظرات فهمينها وبصوت واحد: عتشلي زلط من شنطة امي
كوثر: بالضبط... وقفت وبأمر يلا ادخلين للمطبخ وانا وفطوم عنشل الزلط ونخطى نشل المكونات الباقيات....!!!
.
.
قبل المغرب...!!!
تكلمت ميس بضحكه وهي خاطية بين اوس وقيس: يالله كم. ضحكت مسكينة والموقف اللي وقع لهاا هههههههه
قيس: هههههههههه اي والله
اوس ببسمه: بس انت وهي البنت مسكينة ادربت تقوموا تضحكوا ليش
ميس وقيس بسروا بعض وانفجروا ضحكة وضحك اوس معاهم..
وصلوا للسيارة وقبل يطلعوا تكلم قيس بتشكيك: اوس ابسر مش هذك اللواء حقكم
لف اوس وبسر اللواء سياف واقف عند سيارته وبيصلحها وتكلم: الا هو ماله موقف
قيس: ساع الذي بيصلح سيارته
اوس: مدري اطلعوا للسيارة لوما اجي.. خطي متجه له
قيس خطي بعده. وهو يتكلم: ادخلي للسيارة وراعي لوما نجي..!!!
.
.
اللواء سياف..!!!
تنهد بقهر والسيارة ما رضيت تشتغل مع انه لوما خرج بناته بها كانت سابره.. لف لصوت اوس المتساءل:سلامات يا لواء ليش موقف هانا....
ِ
تـــــوأم أغـــــراب 2
البارت 108
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح يوم الجمعةة.!!!
سحبت البطانية من فوقه وبصراخ: كم عتجلس اقوووومككك. قوووم تحرككك هياااااا
سحب البطانية ورجع تدفى بنوم
ميس بحده: قيييييس
قيس بقهر: ما تشتتييي
ميس: قوووم اخطى للبقالةةة هيااا شرق اليوم جمعةة
قيس: ما تشتي من البقالة
ميس: اشتي حليب وبيض اسبر كيكة هيااا
قيس: من قال لش تفعلي كيكة ما نشتي..
ميس بصراخ: قسم بالله لوما تقووووم لا احمكك انت والسرير بسطل ماااااء
قيس:.......
ميس بقهر: طيب حاضر ريع وانا عتوريك.. خرجت لثواني ورجعت وبيدها قلص ماء سكبت وطلتين لاوجه قيس وبتهديد: عتقوم او مع
فز قيس ومسح وجه وبقهر: احد قال لكن من قبل ان البنات نكد وهم وغم وضيييق
ميس بضحكة: لااااا
قيس وهو يقوم: قدنا قلت لش الان
ميس: تمام هههه اخطى ذلحين هياااا
قيس بهمس سمعته ميس: ساااع الرازم
ميس بضحكه: سمعتكككك
قيس وهو فتح الباب يخرج: ياااسعم افتجعت..
ضحكت وبدأت ترفع الغرفة وهي تبسرها مكركبه بقوة وكل لدات قيس في وادي.. ثواني وسمعت تلفونه رن وخطيت شلته وقرت الاسم بهمس: مجد..
فتحت الخط وبفرحة: ياحياااا وقووواا
شهد بخفوت: بقيتي كيف حالش
ميس: الحمدلله وانتي وامي ومجد
شهد: الحمدلله كلنا بخير وعافية
ميس بتوجس: شهد ماله صوتش حصل حاجة
شهد اخذت نفس وبقهر: اليوم خطوبة صقر
ميس بعدم تصديق: خطوبةة من
شهد؛ خطوبةةةة صقر
ميس بهمس: بسلوى بنت عمه
شهد بصراخ: يالييييت وهو بهااااا ياليييييت
ميس بخفوت: بمن
شهد بكره: بـ هالةة
ضحكت ميس بعدم تصديق لوما دمعين عيونهااااا
شهد بخوف لضحكتها: ميييس اهدأي
ميس: هههههههههه قلتي صقر خطب بهاله بتمزحي صححح ههههههههههههههه
شهد: لا والله انه صدق واليوم الحفلة
ميس بعيون ملان دموع: شهد لا تكذبي علياااا
شهد بزعل: ما اغلاش العب معش بهكذا مواضيع
ميس بخفوت: طيب احاكيش بعدين. مع السلامة.. غلقت الخط وطرحت التلفون وانفجرت ضحكه ودموعها بعيونها ثواني وانفجرت بكاء وهي تشل التلفون وترجمه للجدار وبصوت عالي: كككككذااااااابيييييين انااااا داريةةةةة والله انهم كذاااااااابييييين.....
دخل قيس بصدمه اللي سمع الصراخ اول ما دخل وانصدم. من منظرها وتلفونه المكسور طرح الاغراض في القاع وتقدم منها جلس قدامها وبترقب وخوف: ميش مااالش
رفعت نظرها وارتمت لاصدرة وببكاء: اليووووم خطوبةةة صقر اليوووووم خطوبتةةة
حاوطها من اكتافها وبهدوء:طيب هدي وصلِ على النبي واله.واذا خطب طز فيييه
ميس بهتسيرية:خطب هاااله لييييش يخطبهااا لييييش لو كااان خطب واحده غيرهااا عاااادي والله عااادي ومن حقه بس مش هاله مش هاله
.يا شماتتهن فيني يا شماتتهن..
قيس يقهر:قلعته هو وهي في ستتييين داهيةةلا تزعلي نفسش بعدين لاتنسي انو انتي اللي طلبتي الطلاق
ميس بغصة: بس ما صدقت كود الا وقعت له وخطب.. انت ما تعرف مدى حب صقر لي من وعاد احنا صغار.. كل القرية تضرب بحبه لي مثاال.. طبع كذااااب والله كذاااب ما يحبني.. ما يحبني.. دفنت وجهها بصدرة وبكت بنحيب
قيس همس بتوجس: تحبية.؟
ميس:.........
قيس بصراخ: تحبيةةةة او معععع جااااوبي
ميس بنفس الصراخ: ايوووة احبةة احبةةة ارتحت الأن
قيس بقهر: وليييش تقولي له يطلقششش
رفعت راسها له وبصراخ ملانه بكاء: لأني بنت بلا نسب ولا اصل ولا فصل وهو دكتور ومتخرج ما اناسبه ولا يسبرش اكون ام لعياله.ما عيقولوا يوم ثاني بنت من انتي يمه ما عتقوووول لهم..ما ماعرفش من اهلي وبنت من انااااا..حتى هو يووم ثاني ااحتمال يعايرني..صقر يستاهل بنت افضل مني بنت ناس ومعاها حسب ونسب مش انااااا ولا هاله يا قيس..مش هاااااله..
سحبها قيس لاصدره وماقدر يرد عليها وبنظره كلامها صح بس ما يعتقد ان صقر نذل لدرجة انه يعايرها..تنهد بقوة ومابه كلام يقدر يعبر عن حالتهم الان ومدى عجزهم..!!!!
.
.
بعد صلاة الجمعة..!!!
دخلوا للبيت وتوجهوا للمطبخ على طول وبسروا ميس مازالت بتجهز
اوس بألم لملامحها الباكية وقد كلمه قيس: ما عتجيش تسلمي علينااا.
لفت لهم وتقدمت منهم ب ابتسامة وهي تحضنهم وتسلم عليهم: جمعه مباركةة يا عيوووني
قيس: علينا وعليش بالعافيةة.. ابسري على تعب لو طعتيني وخليتني اشتري من خارج بدال التعب هذا
ميس لفت تتم عملها؛ لا وانا ما يفعلوا بي بعدين اليوم دلعتكم وسويت لكم اكلات كثيرة
قيس بحماس وهو يخطى يأكل من السلطة: ايش سويتي
ميس بضحكة: اممم زربيان. وسبايا.. فتة مرق طبيخ شبس.. سلته.. كيك. سلطات سحاوق.. وكل اللي تحب
قيس: ياخي انا فداااء اعظم شي في الحياة وجود اخت فنانه في الطبخ
اوس وهو يحشر اكمام ثوبة: انت الا حق بطنككك.. هاه ميس ما اسبر معش
ميس: كل شيء جاهز يا عيوني.. بس افرش السفر وقربوا معي
ِ
تـــــوأم أغـــــراب 2
البارت 107
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
خرجوا من المحكمة ولف لقيس اللي مبتسم وتكلم: هاه فااارح
قيس: هههه قوووي وش عاد باقي احلا من هذااا نصار اعدام وباقي شلته مؤبد.. ياربااااه
اوس: الحمدلله. المهم بسرناك فااارح هكذا
قيس: الحمدلله..!!
.
.
بعد العشاء..!!!
رفع راسه لوما خرج من الغرفة وبسؤال: من بتكلم بالتلفون وقدك فارح وعتطير.
جلس جنبه وهو يشل خاص ويبدأ يتعشى: هذا سند.. قال بكره عيوصل عماد من الأسر اخطى من الصبح للحارة عشان نسوي له استقبال ضخم
ميس: من عماد
قيس: انتي ارقدي
اوس: الحمدلله يعني وقع صفقة تبادل
قيس: ايوة وطلع من بينهم ههههه والله اننا فارح كنت زاعل عليةة قووي
اوس: الله يقر عينك بشوفته
قيس: يارب..!!!
.
.
من الصبح..!!!
فز من نومة على صوت في غرفته وبسر قيس عند دولابه بيدور حاجة وتكلم: ما بتدور..؟
قيس بدون ما يلف له: معاك ثوب جديد. ومكوي سريع هياااا
اوس: معلق خلف الباب ثوب ابيض.
خطي قيس وشله بسرعه ورجع لدولاب يدور كوت وهو يتكلم: ايش يناسب اللون الابيض من لون
اوس وهو يرفع نفسه ويرد بنوم: اي لون عادي..
شل قيس الكوت الرصاصي وشال رصاصي.. ولف لاوس متكلم: عترجع اردهن لكك .. خرج من الغرفة
وصاح اوس: على الاقل غلق الدولاااب..!!!
.
.
وصل للحارة وهو يبسر الرجال كلهم مجتمعين لأسقتبال عماد.. بسر سند واشر له هو يتوجه لاعنده.
سند: وينكك للأن
قيس: عاده وقت.. ما قد وصل
سند: قدهم عيوصلوا ذلحين... وحركاتك يا ولد متشيك وقوةة
قيس: هههههه انا كشخة من يوم يومي
سند: ماهذه الا صدق.. الا حق من هذا الألي
قيس اللي شل سلاح اوس بدون اذنه؛ حق واحد صاحبي
سند: الرماه ممنوع انتبه ترمي
قيس: انااا عارف لاتهم...
فز سند وبصراخ: ابسر وصلووا وصلوووا
لف قيس وتقدم مع سند للسيارات اللي وصلين مع عماد وعماد كان باول سيارة.. وقف بلهفه يبسر عماد.. اللي ساعدوه ينزل ومدوا له عكازتين.. نزل نظره لأرجله وبسر واحد مقطوعه بلع ريقة بصدمة وهو يبسر الناس تسلم عليه وفز على صوت سند:مالك مصدوم
قيس: رجله بسرتها
سند: اااص لاتكلمه خلي نفسك عادي وتعال هيا نسلم عليه
تقدم مع سند اللي سلم على عماد قبله.. ولف له عماد مبتسم بفرحة: كيف قيس الشجااع
ابتسم له وحضنه بقوة وهو يهمس.: نووورت ذمااار واهل ذمار يا مرحبااا برجعتككك ياعيني ياهلاااا..!!!
.
.
العصر..!!!
اللواء سياف..!!!
دخل للبيت او نقول الفيلا وداعى بصوت رافع:منااااار يامناااااار..
نزلت منار الدرج بسرعه وخلفها خواتها وبفرحة:باااااابي.
ضحك وحضنهن كلهن مع بعض:ياعييين ابوكن انتين.
عُلا بزعل:ماقدرت احضنكك قلهن يبعدين..
ضحك لها وحضنها وهو يتكلم:ولو دلوعة بابا تأمر وتدلع
بتول:صح هي الدلوعه واحنا بنات البطة السوداء
بيان:ما علا الصغيرة اكيد عيدلعهااا
سياف ببسمه:كلكن بناتي وعيوني مابين افرق بين احد..وين امكن
منار:بغرفتها كملت سبرت الغداء وطلعت ترتاح
سياف وهو يخطى:عتطلع اغير لداتي واصلي وانتين جهزين الغداء نتغداء تمام
البنات:حاضر..
ابتسم بحب لهن وهو يطلع الدرج..ياكم تمنى لو وقع له ولد.يحمل اسمه وتزج الاوله وجابت له منار وبتول...بعدها حصلت بينهم مشاكل وطلقها وتزوج.رهف وجابت لها بيان وعلا..ويأس ان الولد يجي له وبالرغم ان ابوه جالس يحث وراه عشان يتزوج هو وامه لكنه رافض وراضي بحكمة الله ان خلفته بنات وبس.وياكبر حبه لهن..!!!
.
.
في مجلس بيت عماد.!!!
كانوا الرجاب كلهم مجتمعين بمناسبة رجوع عماد.من الأسر
تكلم عماد لقيس اللي جنبه:تصدق لايش انا فاقد
قيس:لايش
عماد:لصوتك وانت بتزومل
ضحك قيس وبهمس:لا تحرجني رجاءً
عماد؛لا والله انك عتزومل لنا كلنااا هييااا..بسر سند وبصوت:سند.هااات الارج قيس عيزومل لنااا
فز سند وخطي يديه..
قيس بخفوت:قلعككك
ثواني وطرح سند الارج قدام قيس ومد له المايك
قيس:فارح كود الا قال لك
جلس جنبه وبحماس:لان صوتك خياال واشتي اسمعه بالارج يلا زووومل.
شغل المايك ولف لعماد:ما بنفسك ازومل لك
عماد ببسمه:الوفاء ما تغير للشهيد لطف القحوم
قيس:متشدي المفضل ربي يرحمه ما طلبت شي ابشر..
شل نفس وببحه جميلة وضخمة:
الوفاء ما تغير عهـــــــــد الأحرار باقي
يا رعى الله نفس تعيش في العمر حرة
لا تراجعت خطوة جعلها الكسر ساقي
وأن تنازلت مره جعلي أموت حسرة
الكل ردد مع قيس :
الوفاء ما تغير عهـــــــــد الأحرار باقي
يا رعى الله نفس تعيش في العمر حرة
قيس: دام للموت قيمة فـ ارحبي ياسواقي
من بغى العز يصبر نالت العز مـــــــــرة
الكل مع قيس:
الوفاء ما تغير عهـــــــــد الأحرار باقي
يا رعى الله نفس تعيش في العمر حرة
ِ
تـــــوأم أغـــــراب 2
البارت 106
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم.!!!
قيـس..!!!
واقف قدام التسريحة وهو يلف العسيب ولبس الكوت ودبع الشال بشكل انيق بسر نفسه برضى ولف لصوت ميس اللي دخلت للغرفة: الله الله وين عتسير متشيك من الصبح
قيس لف لها وبزنط: عتسير اخطب
ميس: صدق صدق
قيس: ههههه عتخطى المركز لاعند قيس
ميس: ليييش
قيس بتنهيدة: اليوم عيصدر حكم نصار وشلته والرجال اللي كانوا مع ابي كريم
ميس: اهاااا ..
قيس: يلا انا خاطي واقطبي سبري غداء يا خمةة
ميس بقهر: والله انا خمة هذا وانت الا حق بطنككك
قيس: اكيد مع الانسان الا بطنه ههههههههه فتح الباب ولف لها:انتبهي تفتحي الباب لاحد فاهمه
ميس: حسستني ان عادنا جاهله شلووكك
قيس: ولو نحذرش بااااااي هههههه
غلقت الباب خلفه وهي تضحك على هبالته..!!!
.
.
نزل من التاكس قدام المركز ونزل وهو يدندن بخفوت.. وتقدم بخطواته منه.. خطي من جنب ضابط متوجه لاداخل بعدم اكتراث
سياف رفع حاجبه ب استغراب وهمس: هذا الاوس.. وين تحية الاحترام ولا كأن اننا قايده.. داعاه بصوت عالي: العقيد اوس.
لف قيس بتلقائيةة وفهى فيه لثواني.
تقدم سياف منه وبحده: مالك خاطي بدون انتباه
قيس: هاااه
سياف: ايش هاااه...
قيس: ما قلت ما سمعتك عيد لو سمحت
سياف فتح عيونة بصدمة: هكذا علموك تتكلم مع اللي اعلى منك
قيس بهبالة: كيف اعلى مني يعني.. بدرجة ولا درجتين.. ثلاثة صح
سياف: انت اكيد مخك ضارب اليوم
قيس: ايوة.. اصلآ لهم. مده. ماعاد ادوا له المعتش فقال اليوم يسوي اضراب..
سياف: اووووس وين الاحترااااام
قيس: افاااا ليش ما قلت لكك انا.. سألت وجاوبت فيها شي.. ابتسم بسذاجة..
سياف من بين اسنانه: يشتي لك إعادة ضبط المصنع.
قيس: اولآ.. من انت حتى تتكلم. معي هكذا.. قرب منه. ومسك شارته اللي على البدله وتكلم: اللواء سياف حسن الـ...... اوميقااااد طلعت لواء يالها من ودااافةة.. سرحتككك يا أوس.. لف وخطي بسرعه
سياف بصوت عالي: اوووس رررريييع
قيس وهو خاطي: اللي يشتيني يجي لاعندي انا مستعجل... اذا انت لواء فانا عقيد يابااااا هههههه
بسره سياف بنظرات مذهوله وصدمة وخطي بعده بسرعه يحد حد للمهزله اللي وقعت..!!
.
.
الأوس..!!
فز اول ما انفتح الباب وتكلم اول ما بسر قيس: وقفت قلبي الله يشلككك
قيس بسرعه: اسمع احتمال يفصلوك اليوم من عملككك
اوس بشك: ليش ماقد فعلت
قيس ببراءة: ولاشيء ماغير مزحت شوية مع اللواء حقكم بس طلع نفسية قلعه
اوس بصدمة: قصدك اللواء سياف الـ.....
قيس: هوه هذااا بالضبط
قبل يتكلم اوس دخل اللواء وهو يتكلم بحده: اوووس انت....
سكت ووقق مكانه مذهول وهو يبسر قيس و اوس قدامه نسخة واحده..
رفع له يده قيس بتحية وبضحكة: هااااااي
سياف بعدم. تصديق: انت من.. لف لاوس وتكلم: انت الأوس صح..
اوس ببسمه بقهر: ايوة انا الأوس
سياف: وهذا من
قيس بفخر: قيس اخوه الكبير
سياف: اكيد توأم صح
اوس: هههه ايوة.
سياف: صلوات على محمد واله
قيس؛ زيييد قول ماشاءالله لا تصرعنا عيين ذلحين
اوس بحده: قييييييس
قيس: مالككك العين حق
سياف: هههههه ماشاءالله.. ولا تزعل
قيس: طمنتني هكذا
اوس: اعتذر منك لو قيس زيد بالهباله معاك هو طبعه هكذا دبش
قيس: ااااخس انا دبش
سياف: ههههه لا لا عادي.. الغلط من عندي ماقدرت افرق.. اخليك تبسر عملك الان
اوس: في امان الله..
خرج اللواء و اوس شل القلم ورجم قيس اللي بيبسر بعد سياف: انت حماااار انت
قيس: اااخ مالجدتككك
اوس بقهر: تتكلم. مع اللواء هكذا.. انت داري بمكانته بالدولة.. ماحد بيصدى يرفع نظره لابينه وانت دقي لها ميانه ومجابر ومزح
قيس: الله يحفظني هيبة حتتى مع اللواءات ههههه
اوس؛ الله يصبرني بس.. اخطى هيا للمحكمه باقي نص ساعة وتبدأ
قيس: هياااا..!!
.
.
بيت كريم..!!!
لفت لها بعدما طلعت لسور الحوش وهي تتكلم: حق كم اسرق يا فطوم
فاطمة: حق عشرين كما كان هياااا
كوثر؛ تمام.. خطيت فوق السور لوما وصلت لاغصان شجرة الفرسك حق الجيران اللي جايه لاحوشهم.. وبدأت تقطف وترجم لاعند فاطمة وخلود اللي بيلمينهن
صاحت بتعب: كم قدهن
فاطمة: 15 عادهن قليل
كوثر: عتزيد ابعد خمس بس... مدت يدها لاوحده بعيده منها وفزت على صوت مره من نازل؛ ما بتفعليييي عندددددش
بسرتها كوثر وببسمه: خاله فايزة كيف حالش هاي قااايز قودمورنيق. تحياتي لمن دمر حياااتي
فايزة بحده: ما بتهدري ما فهمت.. بتسرررقي الفرسكك حقنااااا
شهقت كوثر وببراءة: انااا اسرررق معااااذ الله معاذ الله ثمني كلامش كما عيقع حكم وتهجير
فايزة بصراخ: كاااان ما بتفعلي عندددش
اوس: ما كبير الا الله واقطب نظف لاتخليني اقلب الوجه الثاني
قيس: قصدك ساعي يوم قلبته لكم في المطعم
انفجر اوس ضحكه لوما ذكر وخطي وهو يتكلم: نظف يا حمااار هياا عشان نتغداء انا جااااوع...!!!
.
ِ
تـــــوأم أغـــــراب2
البارت 104
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس غطت وجهها وبكت بنحيب وهي تتكلم: الافضل لي وله يطلقني احناااا ما نسبرش لبعض انتوا اخوتي لازم تفهموووني.. صقر يستاهل واحده افضل مني..
اوس بحده:وانتي ايش فيش لوما يستاهل واحده افضل منش..ايش نااقصش
ميس كانت عتتكلم بكل اللي في خاطرها بس اكتفت بردها:مابين احبه وهذا اكبر دافع لطلاقي منه...وقفت وخطيت من بينهم ودخلت لاغرفتها
اوس لقيس اللي بيقراء في الدعوة:ما قولك
قيس ومازال نظره للدعوات:قولي نقوم نخطى نشتري هدية معتبرة لاختك الهبلا هذه تهديها بكرة لصقر بمناسبة تخرجة
اوس ببسمه: انفداااا للافكار هذه.. هيا قوم ومنها نشتري غداء، شكل اختك قضتها بكلء وما طبخت..
وقفوا الاثنين وتكلم قيس بحناك: دامش ما سبرتي غداء عنخطى نتغداء بمطعم وانتي موتي جوع هانا واجلسي ابكككي.. يلااااه..
دهفه اوس وبقهر: لا تصدقيه عنخرج نشل غداء ونرجع انتبهي لنفسش
ضحك قيس وخرج مع اوس وهم يتصايحوا..!!!
.
.
صباح ثاني يوم..!!!
صقـر..!!!
وقف قدام مرايه التسريحة وهو على اخر شياكه ببدلته السوداء القاتمه مع ساعة وخاتم بفص اسود.. وشميز ابيض. مشط شعره بهدوء.. بسره نفسه ولملامحه المرهقة.. طرح يداته على التسريحة ونظراته مثبته على صورته في المراية وهمس بخفوت: نفسي اعرف ايش اللي فيني ما ينحب عشان ميس ما تقلتني ولا حبتني.. لا انا شين ولا بشع الحمدلله ملامحي مقبوله وجميله بشهادة الكل.. تنهد بقوة وهمس بحرقة: كان المفروض يكون اليوم اجمل ايام حياتي لكن وقع العكس... كسرتي نفسي يا ميس الله يكسر..... سكت وما كمل الدعوة وبخفوت: الله يسامحش.. بس.. تنهد لبس بالطو التخرج وشل الكوفية بيدة وخرج من الغرقة والشقة متجه لانازل عشان يخطوا الحفل..!!!
.
.
ميس..!!!
خرجت من الغرفة بعدما اجبروها قيس و اوس تلبس العباية وتتبرقع تحت التهديد منهم.. عشان تحضر حفل تخرج صقر اللي رفضت رفض قاطع انها تحضره لكن دام قيس و اوس صمموا من يقدر لهم.. تكلمت بضبح وهي توقف قدامهم: جاهزةة
بسروها بضحكه ووقفوا ومد لها قيس الهدية وهو يتكلم: هكذا شطورة وقمرية
ميس بقهر. وهذا ايش
اوس: هدية لصقر او عتخطي بيدش
ميس: هذااا الناااقص ماعاد الا اشل له هدية
قيس بهنجمة: امسكككي هاااه لا اكسر راسش اسمعي كلااام اخوووش الكبير ولا ماعددددبش احتراااام للكبير هاناااا.
شلتها منه بقهر وبالغصب
اوس دهف قيس من وراه وهم يخطوو ويتكلم: الله يدي ربع ثقتك اللي خلتك تصدق نفسك انك الكبير.. اخطوا هيا عنتأخر..!!
.
.
وبعد.إنتهاء الحفل.!!!
وصقر بين اصحابة بيسلموا عليه ويباركوا له بعدما سلم على اهله....لمح اوس وقيس متقدمين منه وابتسم بحزن وكم تمنى تكون ميس معاهم بس مستعبد للفكرة من مره مستحيل ميس تتنازل وتجي خاصة بعد كلامة حق امس..
وصل اوس وحضنه وهو يبارك له: الف مبرووك يا نسب
صقر: الله يبارك فيك يااارب
قيس سلم عليه بالمثل: ترليوون مبااارك يا حمامه مدري غراب ههههه
ضحك صقر وهو يرد: الله يبارك فيك يا غالي..
بعد. منه وانصدم بقوة وهو يبسر ميس تقدمت منه وبيدها هدية مدتها له وهي تهمس بزنط كـ عادتها وبنظرات كلها شموخ: الف مبروكك يا دكتور نشوفك بـ أعلى المراتب أن شاءالله..
ِ
تـــــوأم أغـــــراب 2
البارت 103
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
اوس ب ابتسامة: حياك الله ان شاء الله نكون عند حسن ظنكم
فك ليده بهدوء وبسؤال: قالوو كنت غايب لمدة شهر خير
اوس بتنهيده؛ توفت الوالدة
سياف بآسى؛ اووه ربي يرحمها ويغفر لها
اوس: يارب تسلم.. محتاج شي بخطى مكتبي
سياف: سلامتك الله معاك.
ابتسم له اوس بخفوت وضرب التحية ولف خرج..
سياف جلس ومازال نظره مثبت للباب همس بشرود: وكأنه انا في شباب حتى عيونه ساعي.. سبحان الله ههههههه
.
.
ميس..!!!
كانت بتنظف الشقة بعدما خرجوا قيس و اوس لمن اندق الباب تقدمت منه وبهمس: من
صقر بهدوء: انا صقر
فتحت الباب وبنفسها فرصة وجت لها تحاكيه بنفسها..
بسرها صقر ببسمه وهو يدخل ويغلق الباب ويرتزح لاعرضة: واخيرآ بسرنا القمر
ميس وهي قدامه: كيف انت
صقر: الحمدلله وانتي طمنيني عنش
ميس: الحمدلله
صقر بتنهيده: امش وشهد ومجد وصفاء وامي كلهم يسألوا عنش وقالوا يشتوا يبسروش ماذنبهم تقاطعيهم حرام عليش.
ميس ببرود: ماعاد اشتي حاجة من هذه الدنياء خلني هكذا احسن
صقر: ايش قصدش.
ميس: اشتي ورقة طلاقي
بسرها برفعة حاجب وبهدوء: ورقة طلاقش.؟
ميس: ايوة ورقة طلاقي.. طلقني
صقر: وليش تشتي اطلقش
ميس ببرود نرفز صقر: لأني مشتيككك
صقر بقهر العالمين كله: وكل ما ضبحتي وزعلتي جيتي تقولي لي هذه الكلمةة
ميس:لأنها الحقيقة انا مشتيكك طلقنيي
صقر قرب منها ومن بين اسنانه:وانا حرام وبالله اللي رفع سبع وبسط سبع..ان ما يجي نهاية هذا الشهر الا وانا متزوج وانتي خلييش هانا معلقة لا مزوجة ولا مطلقةة وخلي غرورش وزنطش ينفعش يا مييس..
ميس فتحت عيونها بصدمة ما خفيت على صقر
صقر كمل كلامه بقهر وهو يخرج بطايق من جيبه ويطرحهن على الماسة اللي جنبه:كنت جايي ادي لش بطايق حفل تخرجي عشان تشاركيني فرحتي. لكن. طلعتي بنت انانيه ماتقدر احد ولا يهمها الا نفسها.. بياااعةةة واكبر دليل نكرانس لامش واخوتش اللي قلبهم محرووق عليييش.. ضحك بسخرية وكمل: عقبى لوما ادي لش دعوة زفافي عشان تحظرية.. رفع يده وضرب لها تحية ولف فتح الباب وخرج وطبق بكل قوةة..
فزت ميس وغمضت عيونها بقوةة..خطيت وشلت الدعوات وبسرتهن ثلاث والاكيد لها ولاوس ولقيس..لفت ودخلت للصاله بهدوء..جلست بالارض على السجاد وشلت الدعوة لايدها وهمست بعدم تصديق:حلف لا يتزوج....... ههههههه كذاب اصلآ هو يحبنييي....... ايوة يحبني ما عيتزوجش.هههههه بيمزح عشان يفجعني...غطت وجهها بيدها وانفجرت بكاء وهي تصيح:كذااااااب هو يحبني ما عيتزوووووجشششش كذااااااب كذاااااااب.......!!!
.
.
قيس..!!!
وكـ عادته المعتاده جالس بالحارة قدام بيتهم ونظره للشارع وللعيال اللي بيلعبوا.. بشرود.. تنهد بقهر ورفع راسه لاعرض الجدار ونظره للسماء وغناء بخفوت: امي امي ضمي يدي ضمي. لاشيء مثل دعائكِ يبعدني عن الهمي.. ضمي يدي بيديكِ ان الله اعطاكِ..... فوق المحبة موقعآ للفوز برضاكِ... اطوي السنين الى غدِ وخيالك الحاني... في كل وجهآ طيب اللقاه يلقاني.. امي امي ضمي يدي ضمي لاشي مثل دعاك يبعدني عن الهمي...
لف على صوت سند وهو يجلس جنبه: ماشاءالله جالس صوتك فخم في الغناء من لما وعادك صغير. كم لي ماعاد سمعت صوتك الضخم هذا..
ابتسم له قيس وتكلم: ياحيا الله سند كيف انت.
سند بضحكة: هههههه الحمدلله اول مره تقول اسمي بدون لغاجة.. ملف وارشيف
ضحك قيس بدون نفس ولف بنظره لقدام وتكلم؛ هكذا الدنياء تغير اللي ما تغير ما معانا الا الصبر
سند: الله يعين اللي مريت به مش قليل عليك سبحان اللي مصبرك
ابتسم قيس بخفوت وبنفسه لوعاد يدرى ان كريم مش ابوه ما عيقول له..: الحمدلله على كل حال.. اخبار الحاره حقنا
سند: زينةةة. وان شاء الله قريب يفكوا عماد من الأسر
قيس بفرحة: اسألك بالله
سند: هذا على ما قال اخوة والله اعلم
قيس: ان شاءالله خير..!!!
.
.
الساعة 2 الظهر..!!!
دخل للبيت مع قيس بعدما تلاقوا في باب الشقة وصاح؛ ميييس
جلسوا الاثنين وميس خرجت من الغرفة وبصوت خافت: ياحياااا
بسروها ب استغراب لملامحها اللي تدل على انها بكت وتكلم قيس: ورجعنا للبكاء من جديد
سكتت ميس ونزلت راسها
اوس: تعالي ياعيوني تعالي.
تقدمت منهم وجلس بينهم بالوسط وهمس اوس بحنان: مال عين وحبيبة اخوهاا
ميس بعد. نبرة الحانية اللي تكلم بها معاها انفجرت بكاء وهب ترتمي لاصدرة وتتكلم: صقر عيتزوووووج عليااااااا
قيس و اوس بصدمة: اييييييش
قيس: من. قال لش
ميس ببكاء: جاء اليوووم لاهانا عشان يدي لنا دعوات حفل تخرجه.. اشرت للماسه وقيس شلهن وتكلم: الحفل بكره
اوس: وليش قال عيتزوج ما قلتي له
ميس بخفوت: قلت له يطلقني
قيس: هاه وعادش تبكي ليش قال عيتزوج