-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب
البارت ⑥⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ضحك اوس بهدوء وتكلم؛ وانت عارف ما كنت اتمنى وانا صغير.
قيس: ايش
اوس: اكون غيمةة..
قيس ابتسم وما علق
كمل اوس: احب الغيوم منظرهن يبعث الراحه في النفس خاصة وقت المطر
قيس:.......
اوس: انا ما اقدرش اواسي ساع الناس ولا اقدر اصيغ الجمل.. مصيبتنا واحده يا قيس صح..
قيس ثابت مكانه على وضعيته ونظره فوق ومارد عليه..
اوس: على فكرة حتى انا اكتشفت ان اهلي مش اهلي وطلعت بلا هوية مش انا عارف ابن من انا ومن اهلي مثلككك بالضبط
قيس بهدوء: بس ما عشت اللي انا عشته
اوس: اكيد كل واحد له حياته و....
قاطعه قيس بنفس الهدوء: انت عشت مع عايلة متفاهمه ويسودها الحب والامان.. عشت مع عايلة درستك بارقى المدارس والجامعات.. عشت ببيت كبير ولك غرفتك الخاصة اللي مجهزة بكل شي.. بينما انا.. تنهد وضحك بسخرية: عشت مع كريم اللي رغم عيوبه الا انني تمنيت انه يكون ابي ولا اطلع بلا اصل.. انا يا اوس عشت حياة صعبة صعبة قوي.. ابي اجبرنا على فعل اشياء كثيرة ما تتخيلها وحتى انه جبر خواتي يسرقين تخييل.. كان معه فلوس وكان قادر يعيشنا ببيت افضل من هذا.. الا ماهوه الا سبع غرف.. غرفة لامي وثلاثة لخالاتي. وغرفة صغيرة لي وغرفة واحده لخواتي السبع تخيل سبع اشخاص بغرفة.. والغرفة الاخير كانت له خاصة به هو ماحد يدخل.. تنهد بقوة وكمل: كان بخييييل بخيييل قووي عكس اسمه.. ما كان مهتم بنا اكلنا جوعنا شبعنا معانا مصروف او مع.. انة انشغل معه وما افضى للبيت ومايرضى يدي لي زلط اصلآ وخواتي هن اللي يتكفلين باكلهن ومشربهن ويضطرين انهن... اخذ نفس بقوة وهمس: يسرقين كله عشان يسدين جوعهن ويأكلين.. كوثر وفاطمة تحملين اثقل الحاجات رغم صغر سنهن الا انهن متحملات للبيت كله
اوس بتذكر: كوثر.؟
لف له قيس ورد: ايوة
رفع نفسه ونظره له وتكلم: كأني قد التقيت بهن.. مره سرقيني ومرتين ظنيني انت
قيس ببسمه: سرقينكك
اوس بضحكه: لو احكي لكك القصة لا تضحك عليااا خلهااا مستوره الله يحفظككك
ابتسم قيس ورجع نظره لافوق وتكلم: تقول عيجي يوووم ونعرف عيال من احناا.. من اهلنا او عنجلس هكذا ضايعين
اوس بأمل: ولله في حكمة شؤون بأذن الله خير وفاهنه لا تقلق
غمض عيونه بقوة ودمعه كسيره تمردت من عينه وتكلم بغصة وحرقة: اااااه يا وجع قلبي يا اوس.. ماعد. عرفت الاقيها من وين موت اللي كنت اظنه ابي او معرفتي للحقيقة هذه اللي كسرت ظهري نصين.
اوس وهو يرجع يتمدد جنبه: يهونها وتهون يا قيس عتهون والله رحيم بخلقه...!!
.
.
صباح ثاني يوم..!!!
فتح عيونه وغمض بسرعه من أشعة الشمس القويةة وحط كتفه على وجهه ولف للجهه الثانية وحاسس ظهره مكسر.. فتح عيونه وبسر اوس نايم جنبه وحالته ترحم ابتسم لمظهره الدال على عدم راحته بالنوم..
تحرك اوس من مكانه وفز بألم اول ما دق مرفق يده بحجر صغير وصاح: ااااااخ يمااااااه
ضحك قيس بتشفي واوس فتح عيونه وبسره بقهر وتكلم: عادك تضحك يا اهبل فوق ما خليتنا ننام في الجباء فوق التراب ساع المجانين
قيس: المجانين يناموا في الشوارع في الاجبي
رفع اوس نفسه وهو يحرك نفسه بتعب: اااه يا ظهري تكسر خلااااص
قام قيس وهو يتلمس ظهره بوجع: اوماااا نومه من قلبهااا
اوس؛ ههههه عجبتككك
قيس: نعيدها مره ثانيةة ما رأيك
اوس: توبةةة اعيدها هههههههه
تنهد قيس وهو يسمع اصوات النسوان والرجال اللي اكيد عرفوا بموت ابوه وبدأوا يجوا يعزوا وصوت بكاء امه وخواته. لف لصوت اوس: نزلنا هيااا
وقف قيس وتكلم: نخطى نستلم جثة ابي الان او ايحين
اوس وقف معه وهو ينفض لداته من التراب: ايوة ذلحين عشان الدفن عتدفنوا اليوم
قيس هز راسه وخطي بدون و اوس بعده ونزلوا تسلق من الجباء مثلما طلعوا.!!!
.
.
ميـس..!!!
كانت في المطبخ بتنظف بعدما خطيت صفاء للمدرسة..انتبهت لصوت صقر اللي دخل للمطبخ وهو يتكلم:صباح الخير
لفت له وبسرته لابس لداته ومعه شنطته وعيخطى الجامعه:صباح النور..
صقر تقدم منها وحط يده على جبينها وتكلم:كيفش الان عادش تاعبة وضايقة
نزلت يده من جبينها وردت بخزاء استغربة صقر:لا الحمدلله
ضحك بهدوء للحمرة اللي اكتستها وتكلم:الحمدلله..به صبوح اصتبح قبل اخطى الجامعه
ميس:ايوة ثواني واديه لك للصاله
صقر وهو يخرج للصاله:تسلمي..
بارتـات يومنـا قراءه ممتعه 👆🏻😍
زدت العدد عشان من تفاعل وطلب جبركم ربي يسعدكم 😍🌹
ما رائيكم نختم الجزء الاول غدا وننزل 15الباقي اذا شفت التفاعل 100بنزل 🌝👏
غطى وجهه بيداته وانفجر بكاء وهو يحط راسه بحضن سعاد اللي شدت عليه وبكت بصوت عالي.. والكل من حولها بحالة صدمة من موت كريم وكشف حقيقة قيس... وماعاد عرفين يبكين لموت كريم او لحالة قيس اللي تقطع القلب..
Читать полностью…
شد عليه وتكلم بحرقة لحالته: كل مر عيمر انت قلت لي هكذا تذكر.. محنه وعتعدي.. لف لحسين اللي كلبش رجال نصار ونصار.. وخطى قيس معه وهو يتكلم: تعال اخرجك من هانا مش من صالحك يبسروك هانا..
خطي معه قيس بهدوء ومازال للأن في صدمة كبيرةة..
اوس لحسين وهو يخرج مع قيس: أأمر العناصر يدخلوا ويمشطوا المكان واطلب الأمن الجنائي عشان الجثةة انا عتخطي قيس لا مكان آمن
حسين بتفهم: طيب ابشر..
بسره ب امتنان وخرج مع قيس...!!!
.
.
ميــس...!!!
فتحت باب الغرفة بهدوء وفزت على صوت صقر الحاد: شرررفت المداااام الموقرة والمحترمةة اللي دعست على كلااام زوجهااا وخرجت وبكل وقاحةة
ميس بتوتر؛ انا......
كريم بصراخ وهو يحاول يفك نفسه: اخي وتكلمت بها ومشيتها لككك بس يا ويلككك تتكلم بحاجةة ثانيةةة يا ويلكككك
نصار: يماااه خوفتني يا اخي الصغير ههههههه
قيس بعدم استيعاب: ذلحين انت وهو اخوة.. وبينكم كل هذه العدواة والمشاكل
نصار: بسرت كيف هكذا حال الدنياء ما نفعل المهم نتكلم بالاهم
كريم: اسككككت يا ككككلب
قيس بقلة صبر؛ لا تكلم ايش انتوا مخبيين علياااا...
كريم.. ولا شي كلاام فارغ سلمه ملفه التافه وتعال فك لييي
نصار: لا لا لا خلنا اول نتكلم مع بعض انا اليوم قررت انه يكون يوم كشف الحقايق
قيس بحده: طييبب تكلم ليش بتقووول لا اقول له ابااااه
نصار ببساطة: لأنه مش ابووووك..!!!
ِ
تـــــوأم أغـــــراب
البارت①⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نصار..!!!
رمى الملف بكل قوةة للجدار وتكلم بصراخ: قييييس النذل هوه وابوووة بيلعبووا علياااا
سلطان ب استغراب: ليش رجمت الملف هكذا
نصار بقهر:قوم شله وابسر ملف ايش هوووه
شله سلطان وبسره وتكلم بصدمة:اوارق قيس الدراسية وشهادات تخرج الثانوية
نصار:قيس الكلب بيلعب بذيله هو وابوه لكن خلاص لاهاناااا وبببس
سلطان: ما عتفعل.؟
نصار بغموض: صبرك عليااا حان الوقت وعتضرب عصفورين بحجر واحد صبركك بس يا قيس انت وابوووك.. حان الوقت لكشف الحقايق..!!!
.
.
بعد مرور إسبـوع..!!!
الاوس ماعاد روح للبيت ومقضي كل وقته بالمركز وبينام هناك.. وماعد التقى بقيس
ميس لاتغيير مازال صقر متجاهل لها تمامآ وازاداد التجاهل لمن رجع يدرس..
قيس عايش بشكل روتيني بدون احداث مهمة..!!!
.
.
العصر..!!!
قيس..!!
خاطي في الحارة وبيده مسبحه صغيرة بيحركها بين اصابيعه ونظره لاقدام..
لف على صوت بيداعيه وبسره قاسم اخو عمار وتكلم: ارررحب
قاسم صافحه وهو يتكلم: وين انت ماعاد تنشاف يا ولد
قيس: والله موجود انت اللي وينك
قاسم بتنهيده: لاهيين بهذه الدنياء دريت ب اخر خبر
قيس: لا ايش حصل
قاسم: عماد...
قاطعه قيس بلهفه: عماد ماله
قاسم بزعل: اسير عند المرتزقةة
قيس بخفوت: لاتقولهاااا
قاسم: له اسبوع وعادهم بلغوا اهله امس
قيس: ايحين حصل هذا وكيف ذلحيييين ما عيفعلوا
قاسم؛ مدري والله بس اكيد خبرتنا عيسووا تبادل اسرى لا تقلق
قيس بسخرية: كيف لا اقلق وهو مأسور انت انجس ما خلق ربي ناس لا فيهم رحمة ولا ضمير احتمال يقتلوه بدم بارد
قاسم: عارفين وداريين ومن يجهل معاملتهم لآسرانا بأسوأ المعاملات.. عكسنا احنا.. لكن ما نفعل
قيس: اوووف ضبحت بي. عماد ما يستاهل
قاسم: ونعم بالله الله يرده بالسلامة
قيس: يارب
قاسم: يلا خاطرك
قيس: الله معاك.. قاسم ناقصكم شي تحتاجوا حاجةة
قاسم: سلامتك الله يحفظك.. مع السلامه..
قيس وهو يواصل طريقة: الله معاك... همس بحزن عميق: الله يفك أسرك يا عماد بحق محمد واله يارب....!!!
.
.
ميـس..!!!
دخلت للغرفة وبسرته بوسط السرير ولابتوبه قدامه وملازمه واوارق كثيرة ومركز على شاشة اللابتوب.. تكلمت بهدوء: صقر
صقر بدون ما يبسرها: هممم
ميس بقهر من رده: عمتي وصفاء عيخرجين بيت خالتك عادي اسير معاهن
صقر ببرود: لاااا
ميس بحده: وليييش ياسعم
صقر: انا حررر
ميس بضبح منه: حررر على نفسكككك مش علياااا اناااااا
رفع راسه لها وبسرها بنظرات حاده: جالسة اخلااقش زفت ولا عدلتيهااا
ميس بزنط قهر صقر: مالهن اخلاقي مابش ساعي في القيةة حلا وجمال وادب والكل بيتمنى كلمة مني يانظر
صقر بسخرية: خفي علينااا ليش من قد. انتي وبنت من
ميس بفخر: بنت محمد الـ...... وانت عارف من محمد الـ.....
صقر: سابر.. ذلحين ما اسوي لششش
ميس بقهر من رده: ولاشي.. عتخطى عمتي مريعه لي
صقر بتهديد: عتبي باب الباب وعتبسري صقر ما عيفعل انا قلت لاااا يعني لاااا فاهمه
بسرته ميس بتحدي ولفت خرجت من الغرفة وطبقت الباب بقوةة
غمض عيونه من الصوت وصاح بصوت عالي: ميييييييييييس...
زفر بقهر وهو يغلق لابتوبه ونفسه انسدت من المذاكرة تكلم بقهر: تجاهلناها قصدنا عتعقل وتعرف غلطها وتكون تثمن كلامها واذا بتزداد وقاحة وطولة لسان اكثر.. كيف اسوي بها هذه... اووووف.. رجع فتحت اللابتوب وهو يتكلم: خلي ميس تولي واهتم للمشروع حق تخرجك اللي باقي له شهر بس يا صقر ..!!!
ِ
تـــــوأم أغـــــراب
البارت ⓪⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الاوس...!!!
تنهد بهدوء وختم كلامه ب: وهذا كل اللي حصل يا حسين
حسين ساكت بصدمة من كلام اوس وكل اللي حصل
لف له اوس وابتسم لملامحه: مالك انصدمت اعظم مني هههه
حسين: ماشاءالله عادك تضحك
اوس بتنهيده. شكل قيس عداني من الضحك حقه في اسوأ حالتها يضحك ويزبج ههههه
حسين بجدية: اسمع انت لازم ترجع للبيت
اوس: مستحيييل
حسين: لا مش مستحيل انت لازم ترجع وتكلمهم وتخلهم يفهموك كل حاجةة لعلك توصل لحاجةة توصلك لاهلك
اوس سكت بتفكير وهو فعلآ في بالها الف سؤال وسؤال ونفسه يسأل امه وابوه عنهن..
حسين: هاه ما قلت اخطى لابيتكم وتدخل تواجههم
اوس بخفوت: اخطى هيااا..!!!
.
.
ميـس..!!!
تكلمت بحده ونظرها لصفاء:مع يعني مع
صفاء:طيب ليش مافيها لو صلحتش سلوى بنت عمي
ميس بقهر:مشتيها تصلحني ياختي مارتحت لها ولا اشتيها تدخل غرفتي
صفاء بزلفه:ليش تكرهيها قد كلمش صقر انها تحبه وقد امها لمحت لامي وله يخطبوها له
فتحت عيونها بصدمة وتكلمت:ايييش ايييش..تحب صقر يعني طلع شكي في محلةة قليلة الادب هذه ما تستحي على نفسها وانا اقول مال امها تبسرني الصبح بنص عييين
صفاء بورطة:يعني صقر ماقد كلمش بهذا الموضوع
ميس:ماشي ما كلمني بس كنت شاكه من نظراتها وكلامها مع صقر
صفاء: خلاص قد غلقوا الموضوع زمان وصقر رفض لأنه وبصراحة يحبش
ميس بثقة: دارية.. اسمعي ذلحين كلمي ليلى تجي تصلحني هي ماشاءالله عليها وهذه سلوى لا ابسرها
صفاء: ههههه تمام الان اخلي جاهله تخطى تداعيها او عتسير انا ولا يهمش
ميس: تسلمي..
صفاءخرجت من الغرفة والشقه وميس لفت وخطيت للتسريحة بسرت نفسها في المراية وتكلمت بزنط: اصلآ من الاهبل اللي معه ميس ويبسر لاعند. غيرها هع.. بيننا يا سلوى عتوريش حبش لصقر هذا... سكت لفترة وتكلمت: ميس مالش جننتي من ايحين بيهمش صقر هذا وتجنني هكذا لانه هذه التافهه تحبه. خليه يولي هو وهيه.. يييع.. صاحت بحده: بس ولو يضل زوجي ومن حقي اغار عليه ايوة.. ويا ويلها اللي تبسر لا بينها اقلع عيونها.. شلوكك الجن يا صقر ماعاد الا ميس بكلها تفكر فيك....
.
.
الأوس..!!
وقف قدام غرفة امه بعدما دخل للبيت وبسر ابوه وطلع للدور الثاني بدون ما يكلمه.. شل نفس بقوة وفتح الباب ودخل واول ما بسرته امه فزت وهي تمسح دموعها وتتكلم بعدم تصديق: اووووس
وقف مكانه بدون كلام وام رانيا سعيت وحضنته بقوة وبكت بصوت عالي
رفع يداته وحطهن على ظهرها وهمس بهدوء: لا تبكي عشاني.. رفع راسه لصوت رانيا وجلال اللي تقدموا منه ورانيا تتكلم ببكاء: اووس رجعت..
فك لامه وحضنها وتكلم بهدوء؛ مارحت بقعة حتى ارجع..
لفوا كلهم لصوت ابو رانيا اللي تكلم: هذا بيته واحنا اهله وانا ابوه وامل امه ورانيا اخته وجلال اخوه
تنهد اوس وفك رانيا وخطب جلس على الكنب وتكلم بهدوء: كلموني بكل شي من اول ما لقيتوني وكيف لقيتوني ووين لقيتوني
ام رانيا لفت لابو رانيا اللي خطي وجلس قدامهم بطرف السرير وتكلم: اجلسوا عتحكي لكم ااقصة من اولها..
جلسوا رانيا جنب اوس وهو بالوسط وامهم جلست جنب زوجها اللي بدأ يتكلم: في ليلة بعد العشاء وعاد كنا ببيتنا القديم في حارة بسيطه.. خطيت مع علي اخي... ابو جلال.. نصلي العشاء.. مثل كل يوم. خرجنا بعد الصلاة وخطيت معه مروحين للبيت فجأة سمعنا صوت طفل بيبكي تلفتنا حولنا نبسر الصوت من وين واحنا مستغربين .. وتقدمنا لمصدر الصوت... تنهد بقوة وكمل.. ولقينا طفل صغير ملحف فى ومغطى على وجهه وبيبكي.. انا شليته لاحضني بسرعه عشان يسكت وعلي اخي انتبه للورقه اللي نكعت منه.. خرج ورقه من جيبه ومده لاوس اللي شلها وقريها بصوت عالي.: السلام عليكم دام انت بتقراء الورقه فاكيد ان ابني اصبح بين يداتك الان امانتك انتبه له وربه واعتبره ابنك اللي ما خلفته لاتظلمه ولا تعذبه.. كون له العون ولبي كل طلباته اللي انا ماقدرت اوفرها له واجرك عند الله.. اسمه الأوس واتمنى من قلب امه محروق على ضناها انك ما تغيرة ابدآ.. اهتم ب ابني... غمض عيونه بقوة وعطف الورقه وخلاها بيده.. ولف لابوه: كمل
ابو رانيا بهدوء: كات معاك اسواره بيدك ومكتوب فيها اسمك بشكل انيق ومزخرف ﴿الأوس﴾.. واعتقد انها مازالت معاك للأن..
هز اوس راسه بمعنى ايوه وكمل ابوه؛ بعدها شليتك انا وعمك علي للبيت ووقتها كانت امل والده للمره الثالثه والمولود مات بعد الولادة ب اسبوع.. كل ما ولدت ما كان احد يعيش وكان قلبها محروق.. سلمتها انت واضت لها الدنياء وفرحت بقوة.. بس بعدها فكرنا ما عيقولوا الناس والكلام عيأذيك.. ووقتها قررنا نخرج من الحاره اللي كنا فيها وجينا لمدينةة ذمار نفسها وماحد عارف لنا ولا احنا نعرف احد
اوس بحرقة: واهلكم احد عارف
ِ
تـــــوأم أغـــــراب
البارت ⑧⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قـيس..!!!
وصل للمركز بسيارة اوس اللي شلها معه وعلى طول اتجه لا مكتبه..فتح الباب ودخل جلس على الكرسي خلف المكتب..دقيقة ووقف لدخول حسين اللي تكلم بنرفزه:انت وينككك للأن من فجر بين اتصل لكككك ليش مغلق لتلفونكك وانت عااارف ان معانا اجتماع مهم وقدهم الان كلهم في غرفة الاجتماع ومنتظرين لحضرة جنابكك وانت زد جييت تجلس
قيس بيبسره بهفاوه من هجومه وكلامه السريع: بتكلمني انااا
حسين بنرفزه:لا جدتي بين اكلم ما رائيك انتتت..هياااا اخطى كلهم مراعيين لكككك..انجززز ياخي مالك صنم
فز قيس وخطي خلفه وهو يهمس بورطه:شكل اوس رقد وما اتصل له يفهمه.
وصلوا لغرفة الاجتماع ودق حسين الباب ودخل مع قيس وهو يتكلم:السلام عليكم
الكل: وعليكم السلام
اللواء لقيس: وين انت للأن يا حضرة العقيد.؟
قيس: راحت عليا نومةةة
الكل بسره ب استغراب من رده
قيس بتلافي وبسمه: امزح حنبت بزحمة الطريق شويةة المعذرة منكم
اشر لهم اللواء يجلسوا وخطي مع حسين وجلسوا جنب بعض وبدأوا الاجتماع وقيس مستمع لهم وماهو عارف بإيش يتكلموا وعن ايش..
.
.
بيت كريم.!!!
دخل كريم للبيت وعلى طول لاغرفة قيس فتحها وبسرها مقفله ودق الباب عدة مرات..
داخل الغرفة فز اوس من نومه على دق الباب واستغرب من عيدق عليه وسكت اول ما سمع صوت كريم: قيييس يا حمااار افتح الباب هذا
وقف اوس وخطي فتح الباب وقبل يتكلم دهفه كريم على خفيف لا ورا ودخل للغرفه وغلق الباب وهو يتكلم: راقد لا ذلحيين ما بتظن نفسككك ابن وزير ولا ملك
اوس: هاه
كريم بصراخ: ايييش هاه انا ما قلت لككك امس
اوس: ما قلت
كريم بقهر: بتتهابل هكذا ليييش
اوس: نسيت ذكرني ما قلت
كريم بحده: انت اليوم عتخطى ترجع الملف اللي سرقته من نصار الكلب وتستلم الزلط منه مقابل ارجاع الملف لهم
اوس: اناااا
كريم: لا جدتكك
اوس: هههه زباج
كريم بقهر: قيييس تحرك الان باقي نص ساعه على موعدي مع نصار
اوس:من نصار
كريم بصراخ:نسيييت من نصااار الاااااان
اوس:هاااه لا لا ايوة ما اخطى افعل
مسكه كريم من صدره وتكلم بحده:لا تجنني يا قيس الملف مكنتك امس واليوم موعدك مع نصار تسلمه الملف ويسلمك الزلط وروحت
نزل يداته منه وتكلم بورطه:طيب طيب
كريم:شل الملف واخطى الان هيا نصار لو تتأخر دقيقة عيرحله
اوس:حاضر.وين عتلقاه
كريم:مالك انت امتسحت الذاكره عليك كلمني
اوس:نسيت ما يمانع تذكرني
كريم:في ***.. تحرك هياااا
اوس:يلا الان....خطي لبس كوته وبيفكر وين الملف هذا.. بسر دولاب قيس وخطي فتحه وبدأ ينبش بين لداته وابتسم براحه اول مابسره شله ولف لكريم:يلا هيااا..
خطي كريم خرج من الغرفة وخرج اوس بعده وخطيوا في الصاله واصوات البنات في المطبخ وتورط اوس وخايف لو واحده تخرج منهن او شي..بس الحمدلله ولا واحده خرجت..تنهد رراحه اول ما وصلوا للحوش ورفع راسه لصوت بنت بتكلمه بحده:ع اساس انككك عتخرررج مدري وين مسرع رجعت وايحين جييت
بسرها لثواني ونزل نظره بسرعه وتكلم كريم بحده:مش وقتش انتي ادخلي يا كووثر..هيا وانت تحرككك..خطي خلف كريم اللي مد له مفاتيح سيارته وتكلم:كون حذر لا يضحك عليك نصار
اوس:لاتهم..طلع السيارة واتحرك بها حيث العنوان اللي وصفه له كريم..همس بحيرة وهو يتنهد:من انت يا قيس وايش عملك..الله يستر بس..
.
.
عودة لقيس المفهي فيهم وفي كلامهم ولافهم حاجة من تحقيقاتهم..
انتبه لسؤال اللواء: مالك يا اوس ساكت وما شاركت برائيك حول القضية
قيس: هاه انا...
اللواء: خير من اول ما دخلت وانت مش على بعضك
قيس تنحنح بتوتر وتكلم: لا بس راسي يوجعني قليل
ضابط: طيب ما شاركت وابديت برائيك.
قيس: احمم.. دام والامر قد وصل بهم لاهانا فانا من رأيي نوكل بعض العناصر تتبعهم وتراقبهم بدون ما يحسوا واذا اضطر الامر خلينا واحد من عناصرنل يتداخل معاهم.. علاميد نتوصل لمكانهم وقايدهم.. لأن هذه خلية كبيرة وما يسبرش الاستهانة بها وبقدراتها.. بسرهم بترقب لردهم وهمس لنفسه: شكلك جبت العيد يا قيس
اللواء: انا اوافقك قي كلامك واتفق معاك وخطتك عظيمة وعتسهل لنا الوصول لهم. والباقي ايش قولكم.
الكل: بعدكم
حسين: طيب دام الكل مؤيد لخطة العقيد الأوس فمن رأيي نبدأ التنفيذ من اليوم وعدم التأجيل
اللواء: وهذا اللي عيحصل..!!!
.
.
وصل الأوس للمكان المحدد ووزع نظراته حوله.. شل الملف ودخله بصدره بعدما غلق الجاكت حقه نزل من السيارة وتقدم بخطواته من المكان وقف لثواني محتار وين يخطى ولف على صوت نصار العالي: يا هلاااا بـ قيس يا هلاااا ومرحبااااااا
aмeera"aℓyeмeи:
ِ
تـــــوأم أغـــــراب
البارت ⑦⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بدأوا يصتبحوا بهدوء وصمت تام. لدقايق وقطعه اوس بسؤاله: انت كيف تقدر تضحك وتزبج هكذا وكأنك ما مريت بحاجة ولا حصل لك شي
ابتسم قيس بوجع وتكلم: انا هكذا عايش مع الدنياء والدنياء عايشة معي
اوس: كيف يعني
قيس: يعني يا صاحبي زعلي وضيقي على اللي حصل وراح ما عيرجع لي شي ولا عيفيدني.. ماغير انكد على نفس لذلك انا عايش على مبدأ اضحك للدنياء تضحك لكك
اوس؛ ولو جلست ضابحه ولا رضيت تضحك لك
قيس: لا ماعليك ارقص لها وهي تضحك عليك مش لككك
اوس: هههههه قلعككك من صدق
قيس: هههههه هيا اقطب اصتبح وخليها على الله بس.. عتخطى عملك او مع
اوس بحيره: مدري مع ان معي عمل مهم
قيس: طيب لازم تسير
اوس بتنهيده: مابه نفس لشي
قيس: طيب والحل
اوس بسره وبتفكير: انت عارف كيف
قيس: لا مش عارف
اوس ببسمه: اخطى بدالي انت
قيس: اووووف والفكره الجهنميةة
اوس: قيس مني صدق ضروري اسير وانا والله مالي نفس لشي ومعانا اجتماع مع الضباط
قيس: معاكم اجتماع وتشتيني اخطى بدالك معاك عقل
اوس: انت اخطى وبس وانا عتتصل لحسين صاحبي وافهمه وهو عيدبرها المهم ان اللواء يبسرني قدامه.. هاه ما قلت عتسير
قيس بتفكير: امممم.. وكم عتحاسبني
اوس بضحكه: كما ودك انت الا اخدمني
قيس: ههههه سابر طريقك عشان عيونك الملونات بس
اوس: شكرآ يابو عيون ملونات ما عتنساها لك
قيس بحماس: اسمع اكتشفت اليوم حاجة. قصدي مش اليوم الان اكتشفت.
اوس: ما اكتشفت اتحفني
قيس: اكيد اكيد ان امك توحمت فيني لمن كنت صغير وخاصة عيوني لونا انت جيت مثلي هكذا
اوس بقهر: وليش ما تكون امك هي اللي توحمت فيني وجيت انت ساعي
قيس: لاانا اكبر منككك
اوس: ومن قال انك اكبر مني كيف دريت
قيس: قلبي بيقول لي هكذا.. احتمال انا اكبر منك بسنه سنتين
اوس: مش ع اساس عمرك 23 سنة
قيس: ههههه ايوة وانت عمرك 20 صح
اوس بصراخ: قيييس يلععن ماعاد انا قااايل قم انقلع من قدامي
وقف قيس وهو يضحك ويتكلم: اعصابكك امزح معاك مالك كبريت
اوس: غثيث ياخي اوووف
قيس وهو يشل كوته من العلاقة ويلبسه: هذا شيء يطمني والحمدلله ههههه
اوس ببسمه: مشكلتك انك واثق بنفسك زياده
قيس: هذا شيء يطمني اكثر
اوس: يااااارب الصبرررر والقوووة
قيس: ههههههههه يلا انا عتخطى بدالك.. انت عتجلس هانا او ودك تخرج
اوس بخزاء: عادي لو جلست يعني
قيس: الله المستعان البيت بيتكك
اوس: تسلم.. خلاص عترجع انا لاني ملان نوم وانت قفل الغرفة معاك لوما تروح
قيس: قفلها انت من داخل وانا بنبه البيت ما يزعجوك وانت شل راحتك. يلا خاطرك. قوم قفل..
شل صحن الاكل وخرج و اوس قفل الباب ورجع للفراش ارتمى عليه بتعب وغمض عيونه متناسي كل شي حصل معه...!!
.
.
في الطبخ..!!!
كوثر بنرفزة: ماشاءالله والضيف عاده عينام لاظهر ولا خزاء ولا شي
قيس: وطي صوتتتش الرجال نوووم
كوثر: انا نفسي ادرى من هو هذا اللي جاء يتضيف عندك. من نص الليل وللأن ماقد رحله
قيس: ما دخلش وانتي
كوثر: يشلوك انت وهو بس ما عليا لو تضاربنا وسمع اصواتنا انا وفطوم
قيس بتهديد: بسرتين الشجرة اللي في الحوش قسمآ بالله اربطكن عرضها لو ادري ان صوتكن طلع
كوثر بقهر: استغفر الله العظيم
قيس وهو يخطى: كلمي البنات ونبهي عليهن وامي وامي نبيلة انا مشغول عتخرج الان.. خاطرش..
.
.
عودة لـ ميـس..!!!
لفت الطرحه على شعرها بتثبيت وبسرت نفسها برضى بعدما لبست روب شبابي انيق وحالي مع طرحه بنفس اللون وكوت جلد نص لونه اسود...خرحت للصاله وتكلمت لصقر اللي فوق تلفونه:جاهزه هيااا
قفل تلفونه ووقف بدون ما يبسرها وخطي..
بسرت بعده بقهر وخطيت بعده ينزلوا يسلموا على جدته ام امه اللي كانت في المدينه عند.ابنها وجت عشان عرس صقر...!!
وصلوا لاقدام باب المجلس واول ما ميزت صوت سلوى بنت عم صقر..فزت ودخلت كتفها بكتف صقر وشبكت يدها مع يده تحت صدمته منها وقبل يتكلم همست:ادخل..سكته
بسرها بقهر ودخل للمجلس وبصوت رافع:السلام عليكم
الكل لف لهم وبصوت واحد:وعليكم السلام
جدة صقر بترحيب:يا حيااا ب الغالي وزوجته يا حياااا
تقدموا منها صقر وميس اللي بسرت سلوى بنظره خاطفه وابتسمت بزنط..سلم صقر على جدته وبعدها سلمت عليها ميس باحترام.. وجلست جنبها بعدما مسكت يدها. وصقر جنبها
جدة صقر بنظرات تقييم لميس:ماشاءالله ماشاءالله..ما الومك يومك متخبل عليها ومجنون بحبها يا صقر
ميس بسرت ميس بنظرة انتصار مفادها.. ابسرت ان كلامي صح.
صقر نزل راسه بقهر من كلام جدته لثواني ورفعه وهو يتكلم ببسمه: اكيد يا جدة ميس تستاهل كل الحب والدلال
ِ
تـــــوأم أغـــــراب
البارت ⑥⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ارتمى لاصدر قيس وشد عليه وبصوت كسير وبغصة: اخوك تاعب يا قيس تاعب
قيس هو يحط يداته على ظهره: سلامتك من التعب ياغالي ايش حصل.. تعال تعال لا داخل ونتكلم
اوس: لا تعال نجلس هانا في الشارع
قيس وهو يخطى معه: ابشر تعال.
جلسوا جنب جدار بيتهم وقيس ساكت منتظر لاوس يتكلم بتفسه.. وبعد دقايق تكلم.
اوس شل نفس بقوة وبصوت كسير: هههه تخيل تكون عايش ومرتاح بسن اهلك وناسك ومع ابوك وابوك واخوتك اللي هم اهلك وكل شي بحياتك.. دارس متعلم مثقف متخرج متوظف وعايش افضل حياة.. بس فجأة... سكت والغصة بحلقه.. رفع راسه لافوق عرض الجدار ومسح على حلقه بتعب والدموع متحجرات بعيونة
قيس بترقب: فجأة ايش.؟
غمض عيونه بقوة وهمس: تطلع مش ابنهم وانهم لقيوك جنب جامع ولاتربطك اي صلة بهم تطلع لقيطة تخيل ياقيس.. الأوس طلع لقيطة
قيس فتح عيونة بصدمة وبهمس: ما بتقول انت.؟ متأكد
فتح عيونه ولف له وعيونة ملان دموع على وشك النزول: طلعت مش ابنهم ي قيس لقيوني وربوني تخييل ما ادري من اهلي ومن امي وابي.. احتمال اكون ابن.......
سحبه قيس لاحضنه وهمس بحده: حتى لوما طلعوا اهلك الحقيقن تضل ابن ناس وقبايل لا تقول هكذذذااا فاااهم
انفجر الاوس بكاء وهو يشد على قيس ويتكلم بتخبط: ليش يرجموني .. دامهم مش حق جهال ومسئوليه ليش يخلفوا يا قيس لييش.. انا ذلحين بلااا اصل ولا فصل ماعرف من اناااا. كيف عتكون نظرة الناس لي و.... سكت وبكي بخفوت ومابه كلام يوصف شعورة الان
قيس بغصة وهو يمسح على راسه: صلِ على النبي واهدأ اذا الله كتب لك تعرف انهم مش اهلك الحقيقيين فاكيد عيكتب لك لقائك باهلك الحقيقيين لا تيأس من قدرة الله
اوس.......
قيس: الله المستعان بس ما توقعتها منك انت اوس الضابط واللي الكل عامل له الف حساب تبكي وتنهار خليك جبل قاسي وحيد عالي
اوس بخفوت وصوت ملانه بكاء ومازال راسه بصدر قيس: لو تبسر كمية الوجع اللي بقلب اوس الان لو تشوف كيف قلبه متقطع لإشلاء لو تعرف كيف اوس متمني الموت بهذه اللحظة
تنهد قيس وهمس: استغفر ربك محنه وعتعدي.. ذلحين قوم تعال معي للبيت ارتاح عندي والصبح لنا كلام..
وقف معه اوس بدون اعتراض وخطيوا لابيت قيس ودخلوا غرفته...!!
.
.
صباح ثاني يوم..!!!
ميـس..!!!
لفت له اول ما دخل للغرفة وهي من لما قامت مابسرته في الغرفة ولا تعرف وين سار تكلما بهدوء: وين كنت
صقر وهو يفتح دولابه ويشل له لدات: شيء ما يخصش
ميس بنرفزة: الا يخصني ونص ممكن ادرى وينك من صبح ربي
طبق باب الدولاب ولف لها وتكلم بحده: لا ما يخصش ياقمر ولا لش اي دخل مني فاهمه.
ميس بقهر: الله.. ع اساس انا زوجتك اذا ماعندك علم
صقر بسخرية: هههعع مصدقة لنفسش انتي
ميس بحده: وضح كلامك ما قصدك وليش تزوجتني دامك هكذا عتعاملني..
خطي ووقف قدامها بالضبط بعدما وقفت لمن بسرته تقدم. منها تكلم بكل برود: اذا انتي ناسيه كلامش لي بعد. عقدنا فانا ما نسيت للأن واذا انتي ناسيه كلامش يوم المركز فانا ما نسيته.. وعلى فكرة.. عارف انش عتقولي ليش ما طلقت ومدري ايش.. اولآ احترمت الصحبة اللي كانت بين ابي وابوش وثانيآ لأجل امش التاعبة. وثالثآ واخيرآ
عشان سمعتش لاتضيع بين الناس فوق ماهي ضايعةة.. ولا انتي ماعاد تلزميني والنفس عافتش من زمان
ميس بصدمة من كلامه: النفس عافتني.؟
صقر ببرود اكبر: وبقووةة ولا عاد. انا طايق ابسر صورتش حتى..
ميس بحده: ع اساس انا اللي ميته عليكك واحبككك.. على فكرة الف مره وانا اطلب من امي تفسخ العقد واطلق منك لكن. رفضت وما رضيت..
صقر بقهر اخفاه ب ابتسامته: الحمدلله شعور متبادل...
قاطعته ميس بثقة: لا مش شعور متبادل الكل عارف وداري مدى حبك لميس وجنونك عليها ومن لما كنت صغير وللأن وانت تعشقها مش الا تحبها..
ابتسم برفعة حاجب وهو عارف ان الكل عارفين مدى حبه الكبير لميس: كنت احبش يا ميس وكنت فعل ماضي.. تأكدي ان قلب صقر عافاش من اول ما استهزئتي بحبه لش ونقصتي من رجولته..
ميس بقهر: ما قلت الا الصدق...
قاطعها بصراخ: احد. قلش قبلي انش قليلة ادب ولسانش طويييل ويشتي قص
ميس ببرود رفع ضغط صقر: خيرات قالوا لي والحمدلله
صقر بقلة صبر: انتي بنت تافهه و.... سكت اول ما اندق باب الشقة.. بسرها بقهر وتكلم: الكلام ما خلص بيننا.. رجم. لداته للكنب وخطي يفتح الباب وميس تبسر بعده بقهر وغضب من. كلامه لها..!!!
.
.
قيس& الأوس..!!!
فتح الغرفة ودخل وهو يغلق الباب برجله لأن بيده صحن الصبوح وبسر اوس قد قام ونظره مثبت في الفراغ.. طرح الصبوح في القاع وتكلم ب ابتسامه: يسعد صباحكك
رفع نظره له ورد بهدوء: وصباحك
قيس وهو يتوضع ببقعته: يلا مد يدك واصتبح هيا وغسل يدك بين هذا الماء اللي اديت
السلام عليكم ورحمة الله وبركاته
كيف حالكم إن شآء الله بخير 😍🌸
.
الاوس..!!!
وقف قدام بيت قيس وهو ماحس بنفسه الا هانا تنهد بقوة ونزل من السيارة وتقدم بخطواته للبيت وقف قدام الباب واتصل لرقم قيس اللي رد ب اخر رنة وبصوت ملانه نوم:الوو
اوس بصوت مخنوق:اخرج لي انا في باب بيتكم
غلق الخط وارتزح للجدار ممنتظر له.. دقايق وانفتح الباب وظهر قيس اللي ملامحه خايفه من وجود اوس هانا بهذا الوقت تكلم بترقب:اوس سلامات ايش حصل.
رفع نظرة له وبسره بعيون حمر ونظرات مخذوله ومكسوره
قيس بصدمة من ملامحه:اوس ا..
ارتمى اوس لاصدره وشد.عليه بقوة وبصوت كسير ملانه غصة:اخـوك تاعب يا قيـس....!!!
ِ
تـــــوأم أغـــــراب
البارت ④⑦
للكاتبـــــة: أميــــرة اليــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم.!!!
بيت الاوس..!!!
دخل جلال. للبيت وهو مشغل زامل وبيبترع والجنبيه في يدة ويزومل معه:
سبحان من يجعل الاحداث تتشقلب
امس الدول تضربه واليوم يضربها
لاقد تصيح السعودية ولا تغضب
ولا الصواريخ باتوصل تحببها
ابتسم اوس ووقف يبترع معه بعدما كان جالس مع امه ورانيا يبسروا بيان العميد يحيى سريع..
اوس مع جلال والزامل:
بطل خبل واوقف الغارات واتأدب
وارفع حصارك ومجموعاتك اسحبها
ولا لنا العار يعورنا في العسوب
ويسود الوجه والرجله يكذبها
لاما سرحنا نغلقها من المندب
ونحاصر الارض مشرقها ومغربها..
جلال بحمااااس:ياااااااااقووووة الله
رانيا بفرحة كبيرةة:امانةةة اخباااار تشفي الصدووور
اوس ببسمه:ارامكو انتهت خلاص حرقوا ابوهااا
جلال:والقاااادم اعظم بإذن الله انتصارات بكل بقعةة
ام رانيا:الحمدلله وربي بردوا قلبي.!!!
.
.
قيس..!!!
دخل للبيت وهو بيسعى وبسر خواته في الحوش وتكلم بحماس:خبررر بمليوون دولاااار يابناااات
البنات بصوت واحد:اييييش
قيس بفرحة:دكووور ارامكو بالمسيرات واحرقوا نفطهم
البنات بفرحة:اسألككك بالله
قيس:والله العظيم عاد سريع النصر كمل البيان وقال ضربوا ارامكو واشعلوا نفط السعوديةة
خلود بضحكة:ههههههه يالله لككك الحمد بردت قلبي
كوثر:سررريع نصر من صدددق يحرقووا
فاطمة:باقي الامارات نفسي يزد يرسلوا لابوها صاروخ
خديجة:قصدش بلد الزجاج هذك..هي عاد حاجتها صاروخ جنب الصواريخ اللي قد رسلنا لها وانتهت هههههههه
انداء:بلدان الزجاجات قريحه حمراء وبح مع السلامةة
قيس ولأول مره يضحك من قبل بعد الحادثه:هههههههههههههههه وربي صادقات هههههههههههههه
خلود:يارب كثر ولا تقلل اللي قد.فعلوه فينا مش قليل
الكل:يارب...!!
.
.
العصر..!!!
خرج الاوس من المركز وكان بالميري العسكري وكوفيته على راسه ايضآ وشكله يدل على الهيبة والوقار.خطي برزانه متجه لسيارته اللي مجنبه في الشارع..وقف خطواته اول ما سمع صوت مره بتداعيه:قيـس
لف لها وبسرها مره عجوزة وتكلم بتداعيني يا خاله
المره بتردد:انت قيس
اوس ببسمه:لا
المره:اذآ انت الأوس
اوس ب استغراب:تعرفيني.؟
المره:بالاول قول لي انت الأوس اسمك الأوس
اوس:ايوة بس من وين تعرفيني يا خاله ومن وين تعرفي قيس
المره بصدمة:يعني انت تعرف قيس
اوس:اكيد اعرفه
المره بتوجس:اخوك صح
اوس:هههههه لا صاحبي تعرفت عليه قبل فترة
المره بتفهم:اهااا
اوس:بس ما قلتي لي من وين تعرفينا
المره بغموض:مش مهم انت ضابط صح
اوس ببسمه: ايوة قدش تبسري لبسي
المره: طيب في امان الله.. خطيت من جنبه واوس واقف ب استغراب بس ما اهتم وخطي طلع سيارته وتحرك..
تكلمت اول ما خطيت السيارة من الخط: وكبروا عيالش يا انتصار واصبحوا رجال وكلهم رجولة وهيبة يارب عجل ب اللقاء يارب..!!
.
.
بعد. مرور شهـر..!!!
واليوم عرس ميس&صقر.!!!
طبعآ عتجزع احداث العرس الروتينية ونكتفي بذكر يوم الزف فقط..!!!
العصر..!!!
طلعت فوق جنبها المرتبة وشلت الواهفه وهي توهف لها وتتكلم: كنت داريه انش قمرية وحالية وماحد قدش بالحلا في القريةو..
ميس مقاطعه لها بزنط: وخارجها
ليلى بقهر: مالت.. على العموم ما توقعت توقعي حلوه هكذا بصراحة مززززة وتجنني
ميس ببسمه بينت غمازاتها: قولي ماشاء الله
ليلى بصوت مقهور: ااااوف لوما انتب حريوة كان وريتش العمل
ميس: ههههههههه ابسري فاتن ورحمة
بسرتهن ليلى وهن يرقصين وابتسمت: فارحات لش وتزوجتي دكتور القرية من قدش
ميس اللي فعلآ بدأت تشوف نفسها انها عتزوج بصقر: يموتين هالة وهنادي
ليلى: ههههههههه مدري ليش ما حضرين العرس
ميس بقهر: هذا الناااقص
ليلى: هههههه... اها واخيرآ جت زينات بالمنديل وشهد بالماء
ميس: عاطشة هاتي لي صحة ماء
ليلى: من عيوني تدللي يا عرووس..!!
.
.
الساعة11 الليل..!!
عملوا لفة لميس حول القرية عشان يزفوا ميس بشكل مطول لأن البيوت جنب بعض وبعد ءاعة وقفوا قدام بيت صقر. ونزلت ميس بمساعدة شهد وفاتن ودخلينها لاداخل مع باقي النسوان..!!
.
.
صقر اللي مش قادر يحدد شعورة يفرح لزواجها من البنت اللي حبها من. طفولته وياماا تمناها له او ينقهر من كلامها له اول ما عقدوا ويوم قللت من رجولته لمن روحوا المركز.. بس شعور الفرح طغى عليه ومهما حاول يخفيه ما يقدر.. فز قلبه اول ما سمعهم وقفوا قدام البيت وصوت المحجرات ملان المكان رفع راسه لصفاء اللي دخلت تداعيه بحماس: صقر سريع اخرج استقبل ميس هيااا...
حط راسه على كتفها قبل يلمحين دموعه اللي نزلين بتمرد وشد من حضنه لها ومابه اي كلمه توصف وضعهم حاليآ..
فاطمة كانت جالسه وبحضنها المخده وظهرها للجدار.. دفنت وجهها فيها وبكت بخفوت..
اما كوثر كانت متممده وراسها على ارجل خديجةة غطت وجهها بيداتها وانفجرت بكاء بعد. كلمة قيس المعروفة لهن واللي يداعيهن بها اول ما يدخل البيت وما يبسرههن.. السبع المثاني.. وكلام خلود وفا بالبكاء والغصةة
تقدمت انداء من قيس وخلود وهمست: خلود..قيس
شهقت خلود بقوة ودفنت وجهها بصدر قيس. اللي رفع راسه وخطاها معه وجلس معاها بين البنات ومازالت دافنه لوجهها بصدرة وتكلم بحزن لحالتهن: ما يفيد البكاء الا نزعلهن مننا
خديجة بغصة: والله مانا مصدقة للأن مش مصدقةة حاسه اننا في حلم وبقوم منه باي وقت
قيس: قضاء الله وقدره ولا اعتراض لحكم الله
انداء: ونعم بالله
قيس لفاطمة اللي دافنه وجهها بالمخدة: فطوم.. فطووومي
لفت له براسها وبسرته عيون ملان دموع..
ابتسم بغصة وتكلم: الشهادة منحة آلهيهـ من الله وشرف عظيم صح
هزت راسها بخفوت وما تكلمت
قيس: ودام امي خيرية وامي دولة ومنار وهاجر شهيدات لازم نفررح لهن لأنهن للجنة فازين وربحين والله ...
اوس: خرجناه طلع ماله دخل بالموضوع ضارب معاهم بس ما كان معه جنبيه
قيس: الحمدلله
اوس: ما لاحظت حاجة في البنت
قيس: ما عتلاحظ عيب عليككك ترفع
بسر اوس بإيش يرجمه وتكلم بضبح وهو يرميه بالقلم: كييف فهمت يا نذل انتتتت
مسك القلم من القاع وتكلم بضحكه: ادري ادري قصدك عيونهاااا
اوس: بالضبط
قيس: اعيد واكرر لك يخلق من الشبهه اربعين ما خلق لون العيون هذا الا لك او ايش
اوس بتشتت: مدري بس كمية التشابه عجيبة حتى انني حسيت ب احساس غريب
قيس حس بنفس الاحساس بس حب ما يتكلم؛ لايكون قلبك دق لهااا
اوس بقهر: دقوووا راسككك يا حمااار لا وووين بتفكررر
قيس: هذا اللي توصلت له هههههههه
اوس: يقلع تفكيركككك ما انت
قيس: هههههههههه الله يحفظني بس...
السلام عليكم ورحمة الله وبركاته
وبما انه التفاعل اربعين بنزل اربع بارتات 🌝❤🔥
ِ
تـــــوأم أغـــــراب
البارت ⑤⑧
للكاتبـــــة: أميـــــرة اليـــــــــمن
ــــــــــــــــــــــــــــــــــــــــــــــــــــــــــــــــــــــــــــ
بعد. العشاء..!!!
دخل قيس لا مكتب اوس بعدما استدعوه عشان مقتل ابوه وهمس بخفوت: سلام.
وقف اوس وحسين وردوا بهدوء: وعليكم السلام
اوس: تفضل يا قيس
تقدم. قيس وجلس وتكلم بهدوء: طلبتوني
جلس اوس قدامه وتكلم: ايوة عشان مقتل ابوك معانا بعض الاجراءات
قيس: طيب...!!.
.
.
ميـس...!!!
دخل صقر للغرفةة وانصدم وهو يبسر ميس بوسط السرير ولامه ارجلها لا صدرها وبتبكي بخفوت
تقدم. منها بخوف وهو يسألها: ميس مالش بتكبي
ميس.......
جلس قدامها وبقلق ظني انها زعلت لمن صيح فوقها: مييس مالش.. ايش حصل.. زاعله مني حن صيح عليييش
ميس هزت راسها بمعنى لا ومازالت تبكي
صقر بقلة صبر: كان مالش احد. زعلش امي او صفاء
ميس ببكاء: ماااشي
صقر: كاااان اييييش
رفعت راسها له وبغصة وهي تمسح دموعها: مدري بين احس بغصة وزعل وقلبي بيوجعني ومقبوض... غطت وجهها بيداتها ورجعت تبكي من جديد
سحبها لاعنده وحضنها وهو يتكلم بتهدأه: اهدأي وصلِ على النبي.. به حاجة زعلتش
ميس ببكاء: لا بس ضايييقة ضااايقة بقووةة واشتي ابكككي.. دفنت وجهها بصدرة وانفجرت بكاء..
حط يده على راسها وبدأ يقرا قرأن بخفوت...!!.
.
.
المركز..!!!
وقف بهدوء بعدما تمم الاجراءات وتكلم: اقدر اخطى الان
وقف اوس معه وتكلم: ايوة لحظة عتجزع معاك
قيس لف وخرج وهو يتكلم: ماابش داااعي
حسين لاوس: الرجال ضايق من روحة لا تزيدها عليه
اوس وهو يخطى يخرج: هو ما تركني وقت ما احتجته فوقي دين له ولازم ارده..
لحق قيس اللي كان على وشك الخروج. وتكلم: نخطى بسيارتي
قيس ببرود: لا اشتي اتمشى
اوس: تمام نتمشى كلنا..!!
.
.
بيت كريم..
الكل بحالةة سكون وصدمة تامة من اللي حصل ومن الاحداث المتتاليه اللي حصلت خلال دقايق بس..
تكلمت فاطمة بعدم تصديق؛ صدق يمه قيس مشو ابنش ولا هوه اخي
سعاد. وهي رابطه راسها وبتبكي بخفوت: الا ابني واخووش حتى لوما خلفته. انا اللي رضعته وربيته
كوثر: ذلحين هو اخونا والكل او مع
نبيلة: ايوةة قيس رضع مننا كلنا وكلكن خواته
انداء ببكاء: وابي ذلحين ايحين عيقبروه
خديجة بغصة: مدري
خلود وهي تمسح دموعها: وقيس وينه ماقد رجعش
سعاد: عيرجع لا تقلقين .. ذلحين قومين ارقدين عتقومين بحين غدوة عيعلموا الناس ان كريم مات ويجوا كلهم..!!!
.
.
الساعة2/00 الليل..!!!
وقف مع قيس قدام بيتهم وتكلم: يلا ادخل وارتاح احتمال بكره يسلموك جثة ابوك
قيس بهدوء: مشتيش ادخل البيت
اوس: كان تعال نخطى فندق
قيس: مشتيش اماكن مغلقه
اوس: كان ايش
رفع نظره لافوق وتكلم: تعال نطلع للجباء
اوس ب استغراب: الجباء.
تسلق قيس فوق الباب وهو يرد: ايوة تعال هيا
طلع اوس بعده وخطيوا فوق السور لوما وصلوا للجباء.. وخطي قيس للوسط. خلس كوته وحطه تحت راسه وتمدد ويد تحت راسه ويد فوقها..
فعل اوس نفس الشي وتمدد جنبه والكل ساكت ونظرهم للسماء..
قيس بغصة؛ تصدق ما كنت اتمنى وانا صغير
اوس ب اسغاء: ايش.؟
قيس: كنت اتمنى اكون نجمة في السماء بين هولا النجوم.. ماحد يقدر يوصل لي ولا احس واشعر بشي
ضحك اوس بهدوء وتكلم؛ وانت عارف ما كنت اتمنى وانا صغير....
ِ
تـــــوأم أغـــــراب
البارت ④⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس بتوتر: انا خطيت مع عمتي وصفاء
صقر: عارف انش خطيتي مع صفاء وعمتش.. بس من سمح لشششش
ميس بثقة: سمحت لنفسييي
صقر بصراخ: واناااا ايييش هاناااا رجل كرسييي
ميس: لا كوز مركوووز
فتح عيونه بصدمه وبقهر: اللي اعرفه ان امش ربتكم احسن تربية في القرية انتي من وييين ورثتي هذه الوقاحه بكلهااا
ميس ب استفزاز: اكيد منك من وين بورثها بالله
صقر ضحك بسخرية وتكلم بقهر: ويلوموا الرجال لو رفع يده على مرته وضربهاااا
ميس بتحدي: انت الا جرررب حضكككك وارفعهاااا عليااااا
صقر بصوت عالي: ميييييييييييس
ميس افتجعت بس ما بينت:لا ترفع صوتككك.انا عارفة انككك مقهور قصدك ما عرفت بخبرككك كله
صقر بحده:اي خببببر
ميس بسخرية:مقصدك ما عرفت انك تحب سلوى بنت عمك وكنت تشتي تخطبهااا هههههه
عقد حواجبه بتساؤل من كلامها وابتسم بفكره:الحمدلله عرفتي لوحدش..لذلك تجهزي احتمال اتزوج باقرب لحظةة..امممم اكيد.اول ما تخرج عتزوجها ما قصدش اني ميييت علييش
ميس بقهر ما بينته:ههههه الله يهني سعيد بسعيده ما هميتني لا انت ولا هي
صقر: ههههههه طيب عنبسر لوما اتزوجها هو يهمش او لا
ميس؛ عتبسرررر
صقر: المهم هذا مش موضوعنا... عتتجاوز لش هذه المره. لكن. مره ثانية عيكون لنا خبر ثاني.. فلتها وخرج من الغرفةة وهي تنفست براحه وهمست: مالت عليكككك ييييخ...
.
.
قيس&أوس..!!!
رد على تلفونه اول ما اتصل له حسين وتكلم: ارحب..... اها قدكم في المركز........ تمام سابر..... تسلم...... غلق الخط ولف لقيس اللي مرتزح للجدار ولامم ارجله بيداته ونظره للفراغ قدامه
تنهد وهمس: قيـس
لف له بدون كلام...
اوس: قوم معي هياااا.
وقف قيس معه بدون كلام وخطيوا الاثنين وخرجوا من المكان اللي هم فيه واوس خطي للخط يوقف سيارة توصلهم..!!!
.
.
وصلوا لا قدام بيت قيس ولف له اوس متكلم: قيس انت بخير
هز راسه بهدوء وفتح الباب ونزل.. نزل اوس بعده وتكلم: قيس اذا مش انت مستعد للمواجهه....
قيس دعممه وخطي فتح الباب ودخل للبيت..!!
تنهد اوس بزعل لحالته ورجع ركب السيارة متجه للمركز..!!!
.
.
دخل لصالة البيت وبسر امه وامه نبيلة جالسات بيتجابرين واول ما انتبهين له فزين بخوف من شكله: قيييييس ماااااالك
قيس تقدم. من سعاد ووقف قدامها بالضبط وتكلم بهمس مقهور: أبـــن من انـاااااااا.؟
سعاد. بصدمةة: ايييييش
قيس بنفس الهمس؛ ابن من انااااااا
نبيلة بتوتر: ههههه كيف ابن من انت امك سعاد وابووك كريم
قيس بصراخ هز البيت: قققققللللللتتتتتتت ابببببببببننننن مممممننننن انااااااااااااا
خرجين خواته على صوته العالي وانصدمين من منظره ووقفين بخوف
سعاد غمضت عيونها من صوته وتكلمت بصوت مهزوز: ابني انت ابني.
ضحك بقهر وتكلم من بين اسنانه: لا عااااد. تخبي عررررفت ككككل شيييي.. انتي مش اميييي ولا كررررريم اببببببي انتوا لقيتوووووووني لقيتووووني
شهقين البنات بصدمةة قويةةة
ونبيلة لطمت وجهها وهي تتكلم: من قااال لكككك هذا الكلاااااام
قيس بغصة: عمي نصااااار اللي هو اخووو ابي او هذااا عتنكرينه والككككككل
سعاد: وينه ابووووك وايحين لقيت نصار هذا لا تصدقة كلامه كذذذذب
قيس: لا ابشرش كلامه صدق. واللي اكده له كريم قبل ما يقتله نصار
صاحين بصدمه وبصوت واحد: قتتتتتل ابي.. قتل كرررريم..
سعاد مسكته من كوته وهزته بقوة وبعدم. تصديق. ما بتقوووول كريم انقتتتتل منكككك صدددق
رفع لهن يداته واشر للدم اللي بثيابه وتكلم: وهذااا دمه.. دم كرررريم اللي كذبتوا علياااا طول هذه السنين وقلتوا انه اببببي
كوثر ب انهيار: قيييس ما بتقووول مالك جننت
فاطمه: من صدق ابي ماااات
انداء: كيييف مش انت اخونااا مستحيييل
خديجة: بتمزززح صح
خلود ببكاء: ابي ماااات صدق..
نبيلة: وين كررريم الان..
جثى على ركبه للقاع وصاح ب انهيار: قتلةةةة نصااااار قتلةةة بعدما دمروووني وحطموووني.. قتلةة بدم. باااااارد. بعدما عرفونر الحقيقة وخلوووني ضااايع في هذه الدنيااااء.. قتلةةة قبل ما يقووول لي من اهلي وابن من انااااا.. رفع راسه لسعاد اللي بتبكي بصدمة وتكلم برجاء: قال اسألش انتي وانتي عتفهميني... حاكيني كلميني وووين لقيتوني وكيف لومااااا. اشتتتي اعرررف كل شيييي ..
جثت سعاد ب انهيار وبكاء وهي تتكلم: حتى لو ما كنت ابن بطني.. تضل ابني اللي ربيته وبزيته وكبرته واهتميت به ورضعته من صدددري.. تضل ابننني مش ابن احد غيري الام مش اللي خلفت الام هي اللي ربت وبزت يا قييس فاااهم اناااا امككككك اناااااا.. مش هذك اللي خلفتككك ورجمتك بلا قلب ورحمة منهااااا... انا اممككك فااااهم
مـامـتي💗:
ِ
تـــــوأم أغـــــراب
البارت ③⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بحده: طييبب تكلم ليش بتقووول لا اقول له ابااااه
نصار ببساطة: لأنه مش ابووووك
كريم بصراخ: نصااااااار يااااااا كككككككلبببب
نصار بضحكه: مالكككك هذه الحقيقةة
قيس ببطء وعدم استيعاب: كيييف يعني مش ابي.؟
نصار: سؤال وجيه. كيف يعني مش ابي.. يعني يا عزيزي ان كريم هذا مش ابوككك ولا انت ابنه
قيس: مافهمت للأن
نصار بصراخ مقهور:مش انت ابنه كيف عاد تشتي افهمككك اكثر من هذااا
قيس:وايش وصلني له
كريم بقهر:لا تصدقةةة كذااااب
نصار:لقيككك جنب جاااامع او ب اباحرى لقيناك انا وهو جنب جاااامع مدري من رجمككك هناككك
كربم بعصبية:نصاااار يا كلب لو انت رجاااال تعال فكني عشااان اربيكككك من جديد يا نذل
تقدم قيس من كريم وتكلم برجاء:كلامه صدق او كذب اسألك بالله لا كذبت عليااا واحلفك بكل شي غالي عليككك كلمني بالحقيقة
كريم ماقدر ينكر بعد حلفانه عليه تكلم.بخفوت: كلامه صدق انت مش ابني الحقيقي
غمض عيونه بقوة وابتسم بسخرية وهو يتذكر كلام اوس له لمن عرف ان اهله مش هم اهله اليوم انحط بنفس الموقف وما ابشعه واخسه من شعوور..شعور مؤلم وفظييع بقوةة..فتح عيونه على صوت نصار:كنت خاطي انا وهو في الحارة لمن لقيناك جنب الجامع. وانا عقيم وماقدر اخلف وكريم كان معه بناته منار وخديجة وخلود وهاجر.. كلمته اشلك لي واربيك انا.. لكنه رفض وشلك هو بحجة ان مابش معه عيال وعشان تكون اخ لبناته.. كم ترجيته اشلك وكم انذليت له لكنه كلب فضل نفسه علياااا..
وقف كريم بشكل سريع بعدما قدر يفك الحبل اللي مربط به وتكلم بحده وهو يسعى جهة نصار وبيده مشرط صغير اللي قطع الحبال به؛ زووودت بهااا يا ككككلب..
انتبه له نصار وللي بيده وخرج سلاحه بسرعه وضربه رصاصه قبل يوصل له وارتجم للقاع
فز قيس بصدمةة كبيرة واتجه لكريم اللي سال دمه ب الارض وصاح: ابااااااه...
فتح كريم عيونة بتعب وب انفاس لاهثه: عمري ما بسرتك الا ابني الحقيقي. وعيني اليمنين ياعين ابوكك
قيس بغصة: ابااااه..
مسك كريم يده اللي امتلت دم وتكلم: انت ابني لا تصدق لنصار
نصار بيبسرهم بصدمة ويده ماسكه للسلاح ومنفجع انه اطلق على كريم..
قيس برجاء: اذا انت مش ابي كلمني من اهلي لو تعرفهم من هم.. من انااااا
كريم بتعب: اسأل امك سعاد وهي عتفهمك كل شي
قيس بغصة: لحظةة قوم معي الان عتسعفكك
لف نصار لرجاله اللي دخلوا بعد اطلاق النار واشر لهم يوقفوا عندهم
كريم: ماعاد به داعي ميت انا... اطلب لي السماح من امك وخواتك وخالتك وانت سامحني.. كنت ابني لأخر لحظة من حياتي... غمض عيونه بهدوء وصاح قيس بقووة: اباااااه ابببببييه.. قوووووم... عاد باقي حاجااات خيراااات اشتيككك تفهمني بهن قووووم كلمني اببببن من انااااا لا تموووووت لا تمووووووت.. لف لنصار وبسره بنظرات ناريه وفز لاعنده وضربه بوكس بكل قوةة وهو يتكلم ب انهيار: لييييش قتلته يا ككككلببب لييييش تكككككلمممم.. تحاكىىى ابن من انااااا من وين سرقتوني انت واخوككككك من اهليييي... فلته ورجع لكريم وتكلم برجاء: قوووم وكلمني من انااااا لا ترحلككك وتخليني معلق هكذاااا تحركككك فتتتتح عيونكككك .. لف على صوت اوس الخايف: قيـــــــس.
فز ووقف وهو يبسره يدخل مع حسين واسلحتهم بيديهم وموجهين لها لرجال نصار
تقدم من اوس اللي تقدم. منه وتكلم بهلوسه: اوي تعال ابسر نصار قتل ابي لا لا قال مش هو ابي.. اسمع قالوا انا مش ابن كريم هم لقوني.. بس لا لا انا ولد كريم متأكد.. هههه نصار الكلب حب يلعب ب اعصابي بس.. لف ورجع لاعند كريم وهزه بقوة وهو يتكلم بصراخ ملانه غصة: قووووم مش وقتككك تمووت الان قوووم كلمهم وقووول لهم انكككك ابي ونصااار كذاب وحتىىى انت كذاااااب انا ابنكككك وبناتك خواااتي من لحمي ودمي قوووم كلمهم وقول قيييس ابني... راضي بككك اب لي حتى لو كانت كل عيووب العالم فييككك.. ولو انت قاسي وعصبي وواصل تهزئني. بس المهم انككك ابي.. قووم كلمهم لا تخليني ضااايع هكذاااا لا تخيلني ضااايع هكذااااا لا تخليني.. حط راسه صدره المدمى وبكاء بخفوت وكل قواه انهارت..
حسين لرجال نصار: كل واحد ينزل سلاحه العسكر خااارج والمكان محاصر مابش امل بمقاومتكم الكل ينزل سلاحه.
بسروا نصار اللي مازال واقف مصدوم ونظره لكريم ومش مصدق انه قتل اخوةة بيداته.. نزلوا اسلحتهم بهدوء..
اوس تقدم من قيس المنهار ورفعه من فوق ابوه وهمس بغصة: قيــس
بسره قيس بعيون ملان دموع وحضنه بقوة وهو يتكلم ب انهيار: وانحطيت بنفس موقفكك يا اوس وعرفت شعورك ومدى وجعكك وحرقة قلبككك..
ِ
تـــــوأم أغـــــراب
البارت ②⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس..!!.
سبرت البرقوع ولفت لصفاء اللي مريعه لها وتكلمت: زد اديلي شنطةة هياا
صفاء بشك: متأكدة ان صقر سمح لش تجي معانا
ميس؛ ايوة قلت.. بس حقي العبايات وسخات قلت لش وماعاد فيني من طلع يشل شنطة.. هيا عمني عتصيح
صفاء وهي تمد لها شنطة: شلي هاه وهيااا بسرعه..
لبست الشنطه وخرجت مع صفاء من غرفتها وخطيين مع عمتها لابيت اختها ضاربة لكلام صقر عرض الجدار..!!!
.
.
قيـس..!!!
كان بغرفتة متمدد على فراشة بعدما روح وما بباله الا عماد وكيل حالته الان وهل أسروه وهو جريح او مع.. تنهد بقوة.. وشل تلفونه اللي رن وبسره رقم ابوه ورد بهدوء: هاه اباااه
وصله صوت نصار الساخر: الله والاخلاق لا حرمنا بس
فز قيس وتجلس وهو يتكلم بشك؛ نصار.؟
نصار: بالضبط يا كلب
قيس بحده: ما الكلب الا انت احترم نفسكك
نصار: ههههه ضابح شكلك
قيس: وما دخل جدتكك تكلم تلفون ابي ما بيفعل عندككك ووين ابي
نصار بخبث: ابوك في ضيافتي ومضيل له احسن ضيافة لو تبسر بس
قيس بصدمة: ابي وليش هو عندككك تكلم بوضوح
نصار بقهر: قصدك حركتك حق الملف اللي جبته لي عتمشيها لك انت وابوووك
قيس: اي ملف.؟
نصار بصراخ؛ ملفك الدراااسي اللي اديته لي بدال ملفي اللي عند ابوووك قصدك تستهزء بي يا كلب لكن انتوا عند نصااار
قيس سكت بصدمة وعرف ان اوس لخبط بين الملفات وودى لنصار ملفه الدراسي اللي عاده خرجه من الدرج قبل فترة وحطه بالدولاب
نصار: وين رررحت
قيس: معاااك وين ابي وما تشتي ذلحيين
نصار: ابوك عندي لا تخاف عليه هو عند اخوه
قيس بعدم: من اخوة ايش قصدك
نصار: ههههههه لوما تجي للعنوان اللي بقولك عتفهم كل شي..
قيس: اي عنوان
نصار: عترسله لك الان... تعال وهات االملف معاك ولا ابوك عيصبح في خبر كان فااهم لا تتأخر.. غلق الخط وقيس زفر بقهر وهمس: الله يهديك يا اوس والورطة ورطتني مع هذا الكلب وزد ابي ما عيقول لي... بسر الرساله اللي وصلت له ووقف شل كوته وشاله ولبس العسيب وخرج من الغرفة والبيت بكبره بعدما شل الملف معه ..!!!
.
.
الأوس..!!!
جالس في مكتبةة ونظره للأسواره حقه لمن.كان صغير و اللي فيها اسمه بشكل انيق وسرحان بفكرة من ممكن يكونوا اهله وهل هم عايشين معه اخوة ليش فلتوه واسأله كثيرة بباله قد. توصله للجنون.. فاق من سرحانه على رنة تلفونة وابتسم بخفوت اول ما بسره رقم قيس وفتح الخط ووصله صوت قيس المرح: ياحياا بالنسخة حقي اللي ناسي لييي اسبووع
اوس: ههههههه المعذرة منكم انشغلنا
قيس: افاااا تنشغل عن نسختك الأصلية ما توقعتها منك
اوس: حقك علينا ههههه
قيس بجدية: احممم اسمعني
اوس ب انتباه لوما سمع جديته: تفضل
قيس وهو واقف قدام الموقع اللي حدده له نصار بمسافه: عترسل لك عنوان لمكان داخل له ذلحين واذا مرت نص ساعه وما اتصلت لك تجي لاعنده طيب
اوس بقلق: اي مكان ايش به ياقيس كلمني وين عتسير
قيس: لا تخاف مابه شي بس من باب الاحتياط ومثلما قلت لك اذا ما اتصلت لك بعد نص ساعه من الان جيت للعنوان طيب وءاحين مضطر اغلق لأني وصلت.. وبرسل لك العنوان.. غلق الخط قبل يتكلم اوس الله بسر التلفون بحيرة وقلق على قيس. بسر رسالة قيس له واللي كانت العنوان وهمس: اخطى ذلحين او انتظر نص ساعة يارب الصبر..!!!
.
.
قيس..!!!
وصل للمكان المحدد وعلى طول خرجوا له رجال نصار ودخلوه لا داخل وهم ماسكين له وهو يتكلم بحده: فكككك انت وهو اقدررر اخطى لوووحدي..
بسر نصار قدامه ولف وبسر ابوة مربط على كرسي وشكلهم قد ضربوه وتكلم وهو يحرر نفسه منهم: فككك انت وهو ما فعلتوا ب اببييي
نصار بسخرية: واثق انه ابووووك
كريم بصراخ: نصااااااار
لف له نصار وبضحكه: مالك بتصييح من حقه يعررف الحقيقةةة قده رجااال خلاااص
كريم بتهديد: لو تتكلم بكلمةةة واحدةة ي ويلكككك فااااهم
قيس بعدم. فهم: اي حقيقة..؟ عن ايش بتتكلموا
كريم: دعمم منه واحد مجنون
نصار: اوووف مجنون مره واحده يا اخي العزيز
قيس: اخوكككك.؟ مو بيقول هذاا يا اباااه
كريم من بين اسنانه: نصاااااار
نصار: ههههههه اعصابككك.. لف لرجاله وتكلم. كلكم اخرجوا من هانا معانا جلسة عايليةة انا واخي وابن اخي
الكل بسره بصدمة ان كريم اخوة وقيس فتح عيونه وبسر ابوه بتسآل
نصار بصراخ: تحرررك انت وهو اخرجووا
خرجوا رجاله كلهم وتكلم قيس: ما بيقول هذا يا ابااه اين اخوك
كريم: لا تصدقةة
نصار: افااا ماتوقعتها منك تنكرني بحضووري.. لف لقيس مكمل: المحترم هذا يكون اخي وللأسف الشديد
قيس بصدمة: كيييف كيييف اخوووك.. كلامه صدق يا ابااااه
نصار بضحكه: ويرجع يقوول له ي ابااااه
ابو رانيا:علي اخي وخالتك امال وزوجها فقط
ابتسم على جنب وما علق وتكلم جلال: نضل اخوة مهما كانت الرابطة اللي بيننا
ام، رانيا: اكيد اوس ابني اللي رضعته مني وربيته وكبرته هو ابني فاااهمين
وقف اوس وخطي خرج من الغرفة وداعته رانيا: اوووس
مسكها جلال وتكلم: خليه يحتاج يكون لحاله..!!!
ِ
تـــــوأم أغـــــراب
البارت ⑨⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
لف الاوس على صوت نصار العالي: يا هلا ب قيس يا هلا ومرحبااااا
اوس بهدوء: سلم الزلط تستلم الملف
نصار: اووووف مالك مستعجل هكذا
اوس: تحسبني فاضي لاشكالك جزعني هياا مع اعمال اهم منكككك
نصار: ههههههه لا لا في تطور انتقلت من مرحلة الزبج الى مرحلة الجدية حلو حلو
اوس بقلة صبر: لا حووول ياخي انجزز هيااا
بسره نصار بقهر ولف لسلطان: سلمه الفلوس
تقدم سلطان منه ومد له شنطه وتكلم اوس: افتحها
فتحها سلطان وبسر اوس الزلط.. وشلها لايده يتأكد منها وتكلم: حلو سابر هكذا
نصار؛ الملف
شل اوس الشنطة وخرج لهم الملف وتكلم: هكذا انتهينا. مع السلامةة.. لف وخرج بثقة بخطواته ونصار بيبسر بعده بقهر...!!!
.
.
قيـس..!!!
دخل للمكتب ولف لحسين اللي دخل بعده وتكلم بتشكيك: قيس صح
ابتسم ورد: الحمدلله كيف عرفت
حسين: ما عتعرف صاحبي قده. جنان وينه الاوس
قيس: في بيتنا
حسين ب استغراب: وما بيفعل في بيتكم
قيس: تاعب شويةة
حسين بقلق: تاعب ايش، فيه ما وقع امانه تحاكى
قيس: لا تخاف ماغير شوية ضغوطات
حسين: هيا نخطى لاعنده ممكن
قيس: ورئيسكم ما عيتكلم
حسين: بخطى استئذن منه.. هيا تعال
خطي مع حسين لاعند اللواء يكلموه انهم عيخرجوا.. وسمح لهم وخطيوا بسيارة اوس متجهين لابيت كريم..!!!
.
.
وقف اوس بسيارته قدام الباب وتنهد بحيرة كيف عيدخل للبيت ذلحين وكربم مريع له اكيد.. رفع راسه على صوت سيارة داخله للحاره وبسرها سيارته وتنهد اول ما بسر حسين مع قيس والاكيد. انه عيسأله عن كل حاجة.. فتح الباب ونزل اول ما وقفت السيارة قدامه وهم بدورهم نزلوا ووقفوا قدام بعض
حسين بقهر: وش الحركات البايخه هذه
اوس: اي حركات
حسين: فاهم لقصدي لا تتغابى
قيس: لحظة.. اول تكلم انت من وين جيت بسيارة ابي
اوس لحسين: اطلع سيارتي دقايق واجي اكلم قيس ضروري..
هز حسين راسه بتفهم وطلع سيارة اوس
اوس لقيس: تعال... خطيوا لاورا سيارة كريم وتكلم قيس: هاه من وين جيت وليش سيارة ابي عندك
اوس: ابوك. جاء قومني من غرفتك مقصده انه انت وكلمني اخطى اودي ملف لنصار
شهق قيس بصدمة: يالله كيف نسيييت هذااا.. وما قلت لابي انت
اوس: ولاشي ما ادى لي فرصة افهمه مالقيت نفسي الا اجاريه
قيس: ايوة وما فعلت
اوس: دورت بين لداتك ولقيت الملف وشوفت عينك خطيت وديته لنصار
قيس بصدمة: اوماااا اسألك بالله
اوس وهو يخطى يفتح السيارة ويشل الشنطه ويتكلم: والله
قيس: وما قال لك
مد له الشنطة وتكلم: ولاشي ما سمحت له يتكلم.. شل هذه فلوس ابوك
شلها قيس من يده: اوس انا...
اوس ببسمه: خليني افضى بس ووقتها ما عتفلت لك الا وقد الموضوع كله عندي وعتتكلم غصب عنككك
قيس بتنهيده: خير
اوس: وذلحين. ادخل لاعند ابوك وانا عتخطى مع حسين
قيس: وين تخطى ذلحين غداء هيا انت وحسين ضيفنا
اوس: تسلم تسلم ضروري اخطى لي كلام مع حسين ولنا لقاء مره ثانية
قيس: سابر براحتك.. اخوك موجود. بإي وقت طيب
ابتسم له اوس وحضنه وهو يتكلم: ما تقصر والنعم بك.. فك له وتكلم: مع السلامة
قيس: في امان الله..
طلع اوس سيارته اللي ساقها حسين وخطيوا وقيس لف ودخل للبيت..!!!
.
.
بيت ابو رانيا.!!!
اخذ نفس ودق الباب بهدوء وتكلم لوما ما سمع ردها: رانيا انا جلال افتحي الباب
ثواني وانفتح الباب وارتمت رانيا لاحضنه وهي تنفجر بكاء وتتكلم: اوس يا جلال اووووس
جلال بتنهيده وقد. ابوه كلمه بالموضوع كله: هدي يا قلبي.. هذه الحقيقة ومابه مفر منها
رانيا بجنون: لاا لااا اوس اخييي انا والله انه اخيي واخوككك صح هو اخونا احنا ولد امي وابي..
تنهد بقهر وخطي معاها وجلسوا على الكنب ومازال حاضن راسها لصدرة وتكلم: اكيد. اخونا دامه رضع من امي امل فاحنا اخوة كلنا
رانيا بشهاق: مش مصدقةة انه مش اخي الحقيقي اكيد. انهم بيكذبوا علينا صح بيكذبوا
سكت جلال وما عرف ما يرد وحالة ام رانيا ورانيا يقطع القلب وحتى عمه تاعب وما خطي للعمل والكل بحالة صدمة وعدم استيعاب..
جدة صقر: الله يحفظكم ويحرسكم من العين.. لفت لسلوى وبمغزى فهمته ميس.: ويبعد. عنكم كل حاقد وحاسد
ميس بصوت: امييين يارب ويخليش لنا يا جدة
جدة صقر ببسمه حب: حتى منطوقها عسل خير ما اخترت يا صقر
ابتسم صقر بهدوء وبنفسه لو تسمع مراددها له بس.انتبه على صوت سلوى تسأله:صقر ودك حاجة او شي
ميس بسرعه:سلامتش ما يشاي حاجة واذا وده شي واذا مرته قدامه عيطلبها منها انتي استريحي وخليش على جنب بس
بسرتها سلوى بقهر من ردها وقامت خرجت من المجلس. وصقر ابتسم على جنب وبسر ميس برفعة حاجب وميس بسرته بنفس النظره ولفت تجابر الجدة بدعممه له..!!
.
.
اوس بتنهيده: والله مالي نفس لشي
قيس: ابسر لابيني ونفسيتك عتنفتح صدقني.. هاه ابسر محلااااني..
بسره اوس وابتسم بهدوء
قيس بضحكه: الله يحفظني بس.. جميل صح
اوس بضحكه: لا انت قيس من قال جميل
قيس: شلوووك قصدي ملامحي يا اهبل قم اصتبح هيااا انا جااوع
قام اوس وغسل يداته وخطر جلس مقابل قيس اللي مد له الخاص وتكلم: سم بالله.. ولو هو صبوح متواضع وانا عارف انك متعود على اللحم الصغار والكبده
اوس: ههههه مش لهذه الدرجةة مالك
قيس: داري هههههه
بدأوا يصتبحوا بهدوء وصمت تام. لدقايق وقطعه اوس بسؤاله: انت كيف تقدر تضحك وتزبج هكذا وكأنك ما مريت بحاجة ولا حصل لك شي...
من يشتي 8بارتات 😍❤️🔥
لاعجبني التفاعل عتنزل لكم🌝👏
ِ
تـــــوأم أغـــــراب
البارت ⑤⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
تقدم بخطواته وبسر ميس متلحفه بالسواد سلمينها له ومسك يدها وخطاها معه للمجلس..
جلست جنبه بمساعدة صفاء وجلس جنبها
صفاء بهمس وهي تنحني له: مكن اختها الفتاشة وافتش لها هيااا
خرج زلط من جيبه ومكن صفاء اللي ناولت شهد
قري عليها صقر لدقايق وفتش لها وابتسم بهدوء وحبها على جبينها وجلس جنبها.. خمس دقايق ووقف ومسك. يدها وخرج معاها من المجلس وطلعوا الدرج متجهين لشقته ومعه صفاء وشهد اللي دخلين ميس للغرفة وخرجين بسرعه...
دخل للغرفة بعدما غلق باب الشقة وبسرها بطرف السرير تكلم بهدوء عكس مابداخله: شلي راحتش وغيري لداتش وابعدي المكياج هذا..ولمن تكملي داعيني عشان نصلي انا في الصالة..خرج بدون ما يسمع ردها وغلق الباب..
شلت نفسها بقوة ووزعت نظرها في الغرفة وهمست ب اعجاب:واو طلع ذواق بقوةة وقفت بتعب وخطيت للتسريحة وبدأت تمسح المكأب...
.
.
نفس الوقت..!!!
الأوس...
دخل للبيت بهدوء وبدون صوت عشان لاحد يقوم خطي في الصاله وانتبه للأصوات اللي في المجلس ورفع حاجبة ب استغراب وتقدم منه ووقف في الباب سمع صوت ابوه وعمه ابو جلال اللي تكلم: يعني ايش ولايحين عتجلسوا مخبيين على الولد
ابو رانيا بحدة: بين اقول افهم اوس ابني لو مهما حصل ويا ويله اللي يقول غير هذا الكلام
ابو جلال بهدوء: انا داري اوس ابننا كلنا بس انا خايف يرجع يدرى من الناس والله اننا خايف من النقطة هذه قوي
ابو رانيا:وحتى لوما كان الأوس ابني الحقيقي يكفي انه ابني بالرضاع وانا اللي ربيته وكبرته وبزيته
ابو رانيا:والنعم والله....
انقطع كلامهم اول ما سمعوا حاجة نكعت للقاع وفزوا الاثنين وتجمدوا مكانهم اول مابسروا اوس اللي جامد مكانه ونظره للمزهرية اللي نكعت للقاع
ابو رانيا بتوجس:اوس كم لك هانا
وجه نظره له وابتسم بغموض وهو يرد:من وقت ما قلت يا ويله اللي يقول انا مش ابنك..زحتى لوما كنت ابنك الحقيقي يكفي اننا ابنك من الرضاع
ابو جلال نزة راسه بصدمة انه سمعهم وما تكلم
ابو رانيا بتوتر:هاه من قال هكذاا شكلك فهمت غلط انا..
قاطعه اوي بهدوء مخيف:أبن من انا.؟
ابو رانيا:ابني انت ابني اناااا فاااهم
اوس بصراخ وعصبيه:ااااااااابن من اناااااااا تككككلللممم
ابو رانيا بنفس الصراخ:ابببببني انااااا فااااهم انتتت ابني حتى لومااا خلفتتتتك تضل ابببببنيييي
لفوا على صوت رانيا وامها الللي قامين مفزوعات من الصراخ وتكلمت ام رانيا:مالكم ليش اصواتكم رافعه.بسرت اوس وتكلمت بعتتاب:مالك يا اوس اول مره ترفع صوتك على ابوك...
قاطعها اوس ب انفعال:مشششووو ابببييي...قاااال مش انااا ابنه الحقييييقي..
شهقت ام رانيا بصدمة ورانيا فتحت عيونها من كلامه وبرعب:ايش قصدك مش انت ابنك ما بتقول انت
اوس بنظرات نارية لابوه:انت قلت مش انااا ابنككك اللي خلفته اذآ قووول لي ابن من انااااا حاااكني تككككلم
ام رانيا ببكاء:ليييش تكلمه ليييش مش احنا اتفقنا ما نتكلم بهذا الموووضوووع ونغلقه للأبد يا يونس
ابو رانيا بقهر:ما تكلمت هو اللي سمعني
رانيا ب انهيار:مالكم انتواا ما بتقولوا اوس ااااخي وانت ابوه وانتي امه مالكككككم
اوس بحده وصوت عالي:ببييين اقووووول ابن من اناااااا تحااااكوووا كيف وصلت لككممم من ابي من امممي من اهللللي ابننننن من انااااااااا
ابو جلال:اوس اهدأ.
اةس ب انفعال:سؤااالي واااااضح من اااااهلي تحاااكوا من امي وابي
ام رانيا جلست وبكت ب انهيار وهي تتكلم:انت ابني اناااا..ابني يا اووووس
اوس بقلة صبر: من ووووين شليتوووني من اهللللي
ابو رانيا بهدوء:مدري
اوس بصراخ:كيييف مددددري كييييييف..انا كييف وصلتتت لكم
ابو رانيا بقهر:لقيتككك
اوس:ووييين
ابو رانيا بتنهيده:جنب جااامع
ابتسم اوس بقهر العالمين كله..ولف وخرج من البيت وابوه وعمه ابو جلال لحقوه يرجعوه بس طنشهم وركب سيارته وشخطها بقوة وخطي من قدامهم..
.
.
صقر&ميس..!!!
كمل يصلي ولف لها وهمس بهدوء:تقبل الله
ميس:منا ومنكم
وقف صقر ورفع السجادة معه وميس وقفت بعده ورفعت سجادتها
صقر ببرود:تشتي عشاء
ميس:مع
صقر:وفرتي
فتحت عيونها بصدمة من كلامه وصدمها من جديد بكلامه:تنامي على السرير ولا الكنب
ميس بهفاوه:هاه
صقر بحده:كلامي واضح
ميس بخفوت:السرير
ابتسم بسخرية من ملامحها وهي خطيت وجلست بطرف السرير ونظرها له
جلس على الكنب وبسرها برفعة حاجب وتكلم:خييير
ميس؛خير
تمدد وهو يتكلم:طفي الضوء من عندش وارقدي شرق
ميس بهدوء:طيب..طفت الضوء واتغطت ب اليرقان..وغمضت عيونها بهدوء وهي مستغربة بقوة..
تنهد صقر بقهر ولف بوجهه للكنب مدي لميس ظهره وهمس بخفوت:عادش ما بسرتي شي..!!
ِ
تـــــوأم أغـــــراب
البارت ③⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس: ودام امي خيرية وامي دولة ومنار وهاجر شهيدات لازم نفررح لهن لأنهن للجنة فازين وربحين والله
فاطمة بشهاق: بش مانا مصدقة ان هاجر اختي ماعد عترجعش ولا منار وامي خيرية ودولة.. البيت بدونهن ولاشي ماعد للحياة بدونهن
كوثر بغصة: ماعاد به احد نتضارب معه ونتحانك معه ونرفع ضغطه.. راحت منار الهادئه والرقيقة واللي كان تخاف من اقرب شي وهاجر الحساسة والطيبة واللي قلبها على الكل..مش مصدقةة والله
تنهد بعجز ونزل راسه لخلود واللي متأثرة اكثر من الكل وهمس:خلودي ياعين قيس..ابسريني هاااه
رفعت راسها له وبسرته ببكاء
ابتسم بخفوت وتكلم وهو يمسح دموعها:ما يحق لش تبكي عيونش العسليات الحاليات هولا وترهقيهن هكذااا
ابتسمت بغصةة وهي تهمس:حتى امي عيونها عسلي وحلوات وماكان يحق لأحد يزعلهن ويدفنهن تحت التراب
قيس:كلنا حق الله ماحد مخلد ياعيني
دفنت وجهها بصدرة من جديد وهي تبكي وتصيح:لا سامح الله آل سعوووود..شلوا مني امي وخواتي لا ساااااامح الله تحالفهم الباطل وعدوانهم الغاشم علينااااا
قيس بخفوت وحرقة:لا سامحهم الله ولا غفر لهم..!!!
.
.
9-00 العشي..!!!
دخلت مت شهد للمجلس وهي تجلس جنب امهل وتتكلم بترقب:هاه امه ما يشتي صقر وابوه
اشرت لها للدعايه اللي قدامها وتكلمت:جو دفعوا الشرط حقش ويشتوا العرس بعد شهر
سكتت ميس بصدمة وتكلمت شهد بحماس:والله واخيرااا عيقع عندنا عرررس
ميس ب انفعال:مش على اساس لوما يتخرررج ومدري ايييش مسرع قدموه
ام مجد:باقي ثلاثة شهور وتخرج وقال يشتي يعرس ذلحين وكل شي جاهز وما ناقصة شي وهذا من حقه
ميس:بس انا مش موافقةة
ام مجد بحده:القول مش قولش العرس تحدد وخلاص ومن بكرة تبدأي تتكسي
شهد:وانا عتخطى معاها للمدينه ونتكسى لها اممم ونكلم ليلى وفاتن والكل
ميس بصراخ:انتتتي اسكككتي فارحة بروحهااا تخطى تتكسى لجدتمهاااا
ام مجد:ومالش بتصيحي ذلحين
ميس:يمةة مشتي عررس ذلحيين خليهم يأجلوه
ام مجد:مابش تخلينا نأجله والعرس تحدد وخلاص من الهدار والدلع
سكتت ميس بقهر وتكلمت شهد:وين مجد
ام مجد:خرج معاهم يجزع للبقالة يدي سكر
شهد:اهااااا لفت لميس الغاضبة وابتسمت بضحكه
ميس بحده:خير به حاجة تضحككك
شهد:ههه لا ولاشي بس من الان اقول لش مية الف حقي من الراس كسوتي لعرسش
ميس:فلااا استعدي بس والله ماتبسري ريال من حبي حناك لششش
شهد:امااه قولي لهااا
ميس:الزلط حقي ما دخل امييي
شهد:امااااه
ام مجد:ناهي اص انتي وهي كلكن عتتكسين هجعيني
شهد خرجت لسانها لميس تحانكها وميس قلبت عيونها بزنط وهمست لها:مطلبة..!!!
.
.
عصر ثاني يوم.!!!
وقف بسيارته قدام المحلات ولف لأوس: ذلحين ما قلت ايش اشتري لها
غلق تلفونه ولف له: قلت لي خطوبة اختكك وتشتي لها هدية ضخمة صح
حسين: ايوة
اوس بتفكير: امممم.. مابه هدية ضخمه الا الذهب
حسين: طيب ما اشتري لها سلس ولا خاتم ولا ايش
اوس: سلس عيكون اضخم سلس حالي وانيق
حسين: تم بعدك يلا انزل هيا ندخل محل الذهب هذك..
نزلوا الاثنين واتجهوا لمحل الذهب اللي قدامهم..!!!
.
.
داخل محل الذهب..
همست ميس بضجر: ما اعجبنيش هذا الشكل يمه اشتي واحده أأنق منها
ام مجد: طيب اختاري انتي هيااا وجزعينا
ليلى بهمس لها: يقلع طبعش الخايس والله انها ضخمه
ميس: اص والله مافيها حلا... لفت تبسر اللبات المعروضات لو به واحده عتعجبها ووقعت عينها على اوس اللي دخل للمحل وخلفه حسين.. رفع نظراته لها وفهى فيها لثواني وميس شاحت بنظرها بسرعه ولفت لقدام
حسين بهمس لاوس: مالك تصنمت ومن ايحين بتقعي للبنات هكذا
اوس بتوتر: هاه.. احمم.. ادخل هيااا
بسره حسين ب استغراب ودخل خلفه ووقفوا يختاروا سلس لاخته..
دقايق وشلت ميس اللي ودها وخرجت مع امها وليلى من المحل بسرعةة ..!!!
ِ
تـــــوأم أغـــــراب
البارت ②⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صقر..!!!
وقف بسيارته قدام بيت ميس بعدما وقفوا لعصام عند بيتهم وتكلم بهدوء:انزلي
ميس اللي كانت بالخلف تكلمت بتبرير ما تعرف ليش: اصلآ ماعاد فكرت بحاجة اول ما قال ان اخي محبوس ومدري من. طعنوا ماعاد فكرت بشي وخفت لو تعرف امي ويقع بها حاجة
صقر بقهر: ليش ما كلمتيني انا واصلآ من ايحين النسوان عندنا بيدخلين مراكز الشرطةة من ايحيييين
ميس: ما جاء على بالي اكلمك
ضحك بسخرية ورد: داري على اساس انتي مديه لي قيمة وحاسبه لي حساب
ميس بقهر: فكر كيف مو تحب طز انت اخبر..
مجد اللي كان قدام: صلوا على النبي واله انت وهي مابه شي ذلحين
ميس وهي تفتح الباب تنزل: كلمه هو لانه مكبر لموضوع تافه
صقر لف لها وبصراخ: موضوع تافه تدخلتش للمركز ووقوفوش بين الرجاال تافه كأن ما وراش رجال ولا شي
ميس بحده: وين هولا الرجال ما بسرتهم.. نزلت وطبقت الباب وخطيت للبيت
تنفس صقر بقهر العالمين بعد كلمتها.. ايش قصدها مشو رجاال.. كبر حسابش يا ميس كبر وكثييير
مجد بتدارك: اعذرها هي منفعله بسببي ماعاد دريت ما تقول
ابتسم بسخرية ورد: عادي هذه ميس وهذه اخلاقها معروفة لسانها متبري منها.. يلا انت انزل ذلحين عمتي منتظره لك
مجد: حياك انزل معي
صقر: ابقاك بوقت ثاني مشغول مع مشروع التخرج
مجد: الله يعينك ونبسرك احلا خريج
صقر: يارب..
فتح الباب ينزل وهو يتكلم: تسلم ياحيدي تعبناك معانا
صقر: الله المستعان احنا اهل.. يلا في امان الله
مجد: الله معاك.. دخة للبيت وصقر تحرك لابيتهم اللي بعد. خطوات من بيت ميس.!!!
.
.
داخل البيت..!!!
ميس بحماس وهي متربعه قدام امها وشهد: وتخيلين الاثنين وكأنهم واحد شبحان الله العيون والملامح اول مابسرتهم انصدمت وقلت من الضابط يالله والشبه بينهم
شهد: اكيد انهم توأم واخوة دامهم يتشابهوا هكذا صح يمة
ام مجد: الظاهر اكيد. ماشاءالله
ميس: وازيدكم من الشعر بيت
امها وشهد: ايش
ميس بحماس؛ تخيلين ان عيونهم ساع عيوووني بالضبط وكأنهن عيوني يمةةة لو تبسري
مجد وهو داخل لاعندهن: ايوة صدق الضابط لون عيونه ساع ميس ب الضبط وكأنهن هن.. بس ان عيون ميس اوسع ومكحلات
شهد بفزه: اسألكم بالله ساع عيوون ميس
ميس: والله قلت لش الاثنين لون عيونهم ساعي بالضبط ويشبهوني هههه الحمدلله لقيت من اشباهي اثنين باقي 38 هههههههه
ام مجد بتوتر من الافكار اللي جت ببالها: احم.. هاه مجد تعال هانا وفهمني ايش وقع ب الضبط..
.
.
ثاني يوم بعد الظهر..!!!
دخل للمكتب وبسر قيس مازال نوم على الكنبه اللي بالطرف تقدم منه وجلس بالطرف وقومه: قيييس.. قييس يا استاااذ قييس
تحرك قيس ولف له وفتح نص عيونه وهمس: ما تشتي من صبح يالله رضاك
اوس برفعة حاجب: لاتكون في فندق خمسة نجوم وانا مش عارف
قيس وهو يمسح وجهه: لا عشر نجوم
اوس بسره بنظرات قهر وقيس ضحك وهو يرفع نفسه ويتجلس متكلم: وين الصبوح
اوس: الله وعاد الصبوح علياااا
قيس: اوووف ما ابخلككك
اوس: هههههههه قوم قوم صبوحك جاهز
قيس: ايوة هذا العشم فيككك يا صاحبي
اوس: وبعدها وين عتسير
قيس: اروح البيت دام. قد. تنفذ اللي ببالي
اوس: مصر ما تكلمني
قيس بسخرية: السودان خخخخخ
اوس: يا سماجتك
قيس: ههههه بالوقت المناسب
سكت اوس ونظره له بهدوء.. بسر مدى الألم والوجع في ملامحه مهما ضحك وزبج وتكلم لازالت عيونه تحمل ألم كبير وفقد موجع.. ومن خلال معرفتة بقيس القصيرة عرف انه يتخطى او يحاول يتخطى ويتناسى ويتعايش مع الدنياء وهذه ميزة نادرة فيه وبقوة.. انتبه على صوت قيس الساخر: داري اننا حالي بس مش لدرجة تفهي فيني هكذا هههههه
اوس بضحكه: فاااارح بروحككك قوم غسل وتعال اصتبح هياااا..!!
.
.
الساعة 2 الظهر..!!!
دخل للبيت بخطوات هادئه ومترقب لظهور ابوه.. وقف في الصالة وتنهد بقوة من الهدوء اللي في البيت بعدما كان اصوات خواته لا اخر الشارع ضحكة ولعبة وضياح.. بس من بعد استشهاد امه خيرية ودولة ومنار وهاجر اصبح البيت هادئ وخالي من الفرح وخواته اصبحين اكثر هدوء وقليلات كلام.. حتى كوثر وفاطمة اللي كانين اشغب بنات.. صاح بصوت شبه عالي والغصة خنقته: السبــــــع المثانــــــي وينكـن..
ثواني وانفتح باب غرفة البنات وبدت خلود وعيونها حمر من بكاها اللي ولا وقف من يوم موت امها وخواتها وامه دولة تكلما بغصة: ماعاد احنا السبع المثاني. اصبحنا خمس بس يا قيييس ماعاد بحد منارة القلب وهاجر الروح..
تقدم بخطواته للغرفة وسحب خلود لاحضنه وهي انفجرت بكاااء بشكل يوجع القلب وتكلمت من بين بكاها: اششتتتي اميييي يا قيييس هاتوهاااا ليييي اشتي خوااااتي ادوهن لي فااااقده لامي دولةةة فاقده لهن كككككلهن رجعووووهن لي كككلللهن رجعووووهن
ِ
تـــــوأم أغـــــراب
البارت ①⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس:اشكررك..طيب اتصل لابي وكلمه انني محبوس عندكم ومدري ايحين عتخرج لحظة قول له ان انا اشتي غرامة لوما اخرج وكذا عجزه المهم
اوس: طيب طيب ونبسر اخرتها معاك.. وقف وخطي لا مكتبه وهو يشل التلفون الثابت: مليني رقمه
قيس وهو يتممد على الكنب ويحط يداته خلف راسه: *7796
ضغط اتصال على الرقم وتكلم اول ما انفتح الخط: السلام عليكم
كريم: وعليكم السلام
اوس: معاكم مركز المديرية معانا الاخ.. رفع نظره لقيس وهو يسد سماعة التلفون وهمس بسؤال: ايش اسم ابوك
قيس بنفس الهمس: كريم الـ.....
بعده وتكلم: العفو منك الاخ كريم الـ....
كريم ب استغراب: ايوة خير
اوس: كل خير ابنكم قيس الان عندنا قبضنا عليه قبل شويةة
كريم بصدمة: قبضتوو عليه لييش.؟ ما فعل
اوس: تضارب مع شباب ورفع جنبيته على واحد منهم وطعنه وحاليآ في المستشفى بس تقدر تخرج بكفاله او دفع فلوس امد تنحل القضيةة
كريم: هاه زلط.. لا لا خله يجني ثمار اعماله الكلب يستاهل ادبوه.. غلق الخط واوس بسر قيس اللي سمع المكالمه وتكلم: متأكد ان هذا ابوك
قيس بسخرية: دعمم ياعم
قبل يتكلم اوس اندق الباب ودخل العسكري اللي ضرب التحية وتكلم: سيدي به بنت و ولد يشتوا يتكلموا معاك بخصوص المضرابة اللي وقعت في قرية الـ.... والعيال المحبوسين
اوس: دخلهم..
اعتدل قيس في جلسته ولف لدخول ميس ومعاها عصام وهي تتكلم بثقة: السلام عليكم
قيس و اوس: وعليكم السلام
ميس بسرت قيس بنظره خاطفه ورجع اوس وانصدمت وهي ترجع نظرها لقيس: عفوآ من الضابط منكم
ضحك قيس ولف لأوس اللي بسر ميس وتكلم ببسمه حالما اختفت لوما اتضح له لون عيونها البارز: انا تفضلي..
ميس: بخصوص مجد اخي ايش تهمتة لوما حبستوه
اوس نزل راسه وغمض عيونه بقوة وهو يبسر كمية الشبهه بين عيونها وعيونه وعيون قيس..
قيس بسره ب استغراب وهو ماركز على ميس اصلآ: مالك البنت بتسألك
لفت له ميس بعفوية والتقت عيونهم مع بعض وكل واحد فتح عيونه بصدمة وتعجب فاقوا منها على صوت عصام المتحمس: سبحان الله وكأن عيونكم عيون شخص واحد نفس اللون والشكل..
ميس نزلت خنة البرقوع بسرعه وقيس نزل راسه بدون كلام
اوس بتدراك: هاه.. قصدش مجد الـ......
ميس بتوتر: ايوةة
اوس: ما يقع لش
ميس: اخي ممكن اعرف ليش حبستوه
اوس: حسب المعلومات اللي وصلتني تضاربوا مجموعة عيال وتدخلوا ب الجنابي مجد معاهم.
وقف قيس وهو يتكلم: انا عتسوي لفه حول القسم وراجع لك ابسر عملك.. خطي وخرج من المكتب وعلى طول دخل صقر بعده وملامحه ما تتفسر: السلام عليكم
نكزت ميس وغمضت عيونها بقوة وهمست: يا سواد ليلش يا ميس
عصام و اوس: وعليكم السلام
اوس: تفضل
تقدم منه صقر وهو يتكلم: انا الدكتور صقر الـ..... جيتكم عشان مجد الـ... ممكن تشرح لي ايش حصل ب الضبط
اوس: اكيد تفضل استريح
صقر لف لميس ومد لها مفاتيح السيارة وتكلم بحده خفيفه: شلي مفاتيح السيارة واخطي اجلسي فيها لوما اجي وانت اخطى معاها ياعصام وراعي جنب السيارة
عصام: تمام
شلت المفاتيح من يده وخطيت بدون كلام ولأول مره تخاف منه ومن نظراته الناريةة
لف وجلس على الكنب متكلم: تفضل فهمني لو سمحت..!!!
.
.
قيس..!!!
وقف مكتب لضباط وهو يبسر من خلال الطاقة بيتجابروا ومجموعين حول مكتب واحد ويضحكوا وابتسم بخبث ولمعة فكرة براسه..
خطي وفتح الباب ورسم على وجهه ملامح الجديةة والعصبية
الضباط الثلاثة بسروه ووقفوا بتوتر وب اصوات مختلفه؛ احترامي..
قيس بحده: ما بتفعل انت وهو عندكم معاكم حفلة شاهي ولا اييش
الضباط:......
قيس بصراخ: ما تنطق انت وووهوو لييييش ما كككككل واحد بمكتبةة
واحد منهم: احنا كنا بنبسر في اللابتوب
قيس بحواحب معقودات: وما بتبسروا
......: معلومات يا سيدي معلومات
قيس: معلومات عن اييش ب الضبط
بسروا بعض بورطه وتكلم قيس بعصبية متقنه: شتغاضى هذه المره عنكم لكن المره الجايةة فصل وتسريح على طووول احناااا هانا للعمل والجد وعملنا حساس مش لمجبارة النسوان فاااهمين.. قالوا قالت خلوها للنسوان
الكل:........
قيس بحده: فاااااهميييين او مع
الكل: فاهميييين
قيس: يلاااه كل واحد يرجع عمله
كلهم تحركوا على مكاتبهم وبدأوا يشتغلوا وقيس بيبسرهم بحده ورفعة حاجب لدقايق ولف خرج وغلق الباب خلفه واول ما بتعد عن المكتب تمردت منه ضحكه على اشكالهم وخوفهم منه.. ومل من بسره ضرب له تحيه ب احترام ظنآ منهم انه اوس وهو يأمر هذا وهذا وبكل زنط لوما وصل لا مكتب اوس.. فتح الباب بعدما دق وتكلم وهو يوزع نظراته: راحت لها هذك البنت والولد
اوس: ايوة ادخل
دخل وغلق الباب وتكلم وهو يجلس: ما فعلت لاخوها