2407
قناة قصائد منبريه للتواصل تلگرام 👈 @abbas_m_alafret
#بت_محمد_يلتريد_اخبارهـا
بـت مـحـمـد يلتـريـد اخبارها
أسـال الباب اشعـمل بسمارها
=========================
أسـال الباب ويخـبـرك علجـره
ويا أعظام اهناك تبگه امكسره
منهي يا بـاب العصرتي يا مـره
هاي مصباح الهده من انوارها
=========================
نار شبت واعتلت نـار الحـقـد
واعله دار الطاهـره الوادم تهد
بيت طـــه هـذا يابيت المجد
جازته ألگــــوم اللعينه بنارها
=========================
بيت طه مهبط امـلاك الـسـمـه
بيت تسبيح الوحي وسر فاطمه
شلون باب الـدار يمليها الدمـه
من فعل رجس العرب واشرارها
=========================
شلون خـــدها يلطم بت الرسل
شلون يجراء دفــــع باب النـذل
اصيـح يافـظـه گـرب مني الاجل
سنديني ودمـها حــدر اكتارها
=========================
سگــط محسن منها محـنـيـة ظهر
بشوغه صاحت فظه والگلب انفطر
ياجـمـــر دلالها بـيـهـا اسـتـعـر
جـــرعت بـچـــاس المنيه أمرارها
=========================
ليش حــيـدر مافــزع سـر الجليل
وليش ماخـلــه العده دمـها يسيل
وليش سيفه ما شهر حامي الدخيل
ام ابيها الـزهـــره بـيـهـا اسـرارهـا
=========================
#شـهـادة_فـاطـمـة_الـزهـراء_ع
✍️عباس مالك آل عفريت
نسألكم الدعاء
#شهـادة_العـسـكـري ع
اتــنـوح سامـره الـحـزن غاطيها
عنـهـا شـال العـسكـري والـيـها
========================
كل الافـــلاك وبچت ليه السمه
واصبحت بعده المنازل مظلمه
زادت اجـــروح ومواجع فاطمه
الدمعه لمصاب الولـــد تجريها
========================
شاب بالعشرين مــولاي العمر
چبده ممـرود بفعل سم الغدر
بالحقــد جـازوك اشرار العصر
اشباه الرجـــال الحقـد عاميها
========================
دار ظلمه والحـــزن بيها سـِــده
امصاب سامـــره بغيابك هالبده
يـــوم بيه العسكري بالسم غـده
اعيونها انصـــاره الدمـــع ماليها
========================
ارد اسألك يبو المـهــدي هالــسؤال
هم سـبــوا مــن بعـد چتلك العيال
هم تضل بالصحره عاري اعله الرمال
لو هـــدومك سـيــدي مسلـبـيـهــا
========================
ارد اسالك يـبــو المهدي هالسؤال
هـــم ذبيح وجسمك اترسه النبال
حسين جدك داست بصدره الانذال
اعظام صـدره حسينك مكــسريها
========================
يـمـتــه يالغـايـب تِـــرف برايتك
وتاخـــذ الثار وتشـوفك شيعتك
يـمـتــه تاخـــذ ثار زينب عمتك
مــن الانــذال الـشــام المأذيها
========================
طالت الغيبه وجـــزع بينه الصبر
اطلــع واصلب جــثـث يالمنتظر
من السقيفه ابديها وابديها بشمر
اسيوفك ابـــدم الظـلـم تـرويـها
========================
✍️عباس مالك آل عفريت
نسألكم الدعاء
عودة السيدة زينب من السبي
#رجعت_زينب_من_الشام
رجعت زينب أمـن الشام بس مو مثل روحتها
من بعد اليسر والضـيـم اتـرد بروس لخـوتها
=========================
ردت بالـحــزن والـهـم ردّت حــيـل تـعـبانـه
شحوال الي عينه تشوف اگباله انذبحت اخوانه
حسره وهم دمع واحزان ضعن ام عـون عنوانه
بهيده وصوتها التعـبـان تنعه وتـجـري دمعتها
=========================
طالت فرگـــة الاحباب طالت سفـرة الغـربه
والغايب هَـلـه اتلاكيـه لو رد للأهــل دربــه
راحت ردت ابلا اخـوان زينب ياخلـگ صعبه
همها الما تحمله اجبال مامـر مـثـل لوعتها
=========================
طاحت علگبر وتصيح ليكم خــويــه ردينه
مفارگتك ليالي اهواي مشتاگه يبو سكـينه
اعتب انه منكم ليـش مـا واحــد يلاگيـنه
طاحت علگبر تـنـعاه وحـاطت بيها عيلتها
=========================
ردت حــيـل مشتاگـه والكـربلــه مسراها
ردت زينـب بـهـمـهـا وجابـت روس وياها
ردت والدمـع هـمـال ماهـوّدت عـيـنـاها
عبرتها تشـيـب ازغـار تكتل حـيـل عـبرتها
=========================
✍️عباس مالك آل عفريت
#جديد_رجوع_الظعن
نسألكم الدعاء
شهادة كريم اهل البيت الحسن ع
رسول الله الحسن مولاي سمّاك
انت وبـــس الـه الكــــون ساماك
بحقد ابن الشرك بالــدين سمّاك
وعلى اهل الدين عظمت هلرزيّه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️عباس مالك العفريت
#٧صفر
نسألكم الدعاء
#من_مصاب_حسين_لمصاب_الحسن
ايعـينك الله يابـو صـالـح علمـِحـن
من مصاب حسين لمصاب الحسن
=======================
مـن شهر عـاشــور والسبعه صِفر
جمر صــدرك بالحــزن نـار استعر
ياشــهــر يـرتـاح بالك ياشــهــر
بالـدمـــع والـنـوح ايامك گـضـن
=======================
يــوم سبط الهادي يــوم الفاجعه
يـوم كـل دين الله يهـمل مـدمعه
مــات مسموم الحـسـن وتودعـه
شيـعـته وكـل عين بدموع الجرن
=======================
يابو صــالح نفس گــوم السمّته
هـدّمـت مــولاي جــدّك گبته
احفـاد ام الجـمـل مِـنعت رايته
اتوارثت احقادها ابعـبر الزمـن
=======================
ابسيفك انهض گــوم أدبها يحـيد
واصلب الجبتين والطـاغــي يزيد
اگطع اجــذور السقيه والعـبـيـد
من اساسه اتقلعه هلطاري العفن
=======================
يعينك الله سـيّـدي اعلـه الفاجعه
الحـسن بالســم چـبدته امگطعه
لچــن مـوش ارمــاح راسه ترفعه
وموش خيل اعضام صدره كسرن
=======================
يابو صالح مامثل يـــوم الوحيد
يابو صالح منـگـطـع منّه الوريد
يابو صالح حـجـر ورماح وحديد
يابو صالح كـلـهـن اعليه انرمـن
=======================
يابو صالح چبده متفطره ضِـمه
يابو صالح نـار شـب امـخـيـمـه
شرب دم مو ماي يسگونه بدمه
طايح وخيماته من هجموا دون
=======================
✍️عباس مالك آل عفريت
#جديد_شهادة_الحسن_ع٧صفر
نسألكم الدعاء
شهادة كريم اهل البيت الحسن ع
الـيـــــوم ابن حــيـدر چِـفــوهـا ادلاله
عــــيـن فـاطـــــــم بالدمـــع هـمّـالـــه
==========================
عظم الله اجــــرچ يفاطـــم بالحـسن
بالمــضـيــف ادلاله لمـصـابـــه انچفن
امـصـــايب اخــوتهـا العقيله هلــبدن
اتشـوف مــــن ضيــم الزمان اشكاله
==========================
اليوم ابن حـــــيـدر يفارگها الـــديـار
ونّـت اعلـــه امصـــابـه لزغـار وكـبار
يانهــــار الاظـلــم بــــذاك الـــنـهــار
شــيــعــتــه ادمـــوع الحزن تجرالـه
==========================
تموت بالسم بالطشت ترمي الـچـبـد
الزمره نفس الزمره متروسه بحـقــد
حــاربت جـــدّك وابــــوك ومــاتِــــرد
وباچر أحـــسـيـن الـدهــــر ضمّـالـــه
==========================
فـــوگ بغله اتعنت وترمـــي السهام
بت اراذل موش بت ناس الكــــرام
يانسل انجـــــس عــبـيـد وبـت لئام
بيك ماسـمـعــت نـبـيـنـه ألگـالــــه؟
==========================
يالحــســن مسـمـوم بس يمك هلك
هـــذا يقــره اعلــيـك هــذا ايچفنك
هـــذا بهداي الگــــبـر مــــن نـــزّلـك
لو تشوف احــسيــن شنهـو احـواله
==========================
يالحسن وحسين بالحومه وحــيـد
يالحسن من داست بصدره العـبيـد
يالحسن نار وعصي احجار وحديد
وكسرت اضلوع الـصــدر خــيّـالـــه
==========================
ماكفاهم بالصدر مـــــن كــــسّـــروا
نزلو اعلــه اهدومه بالـطــف سلّبوا
حتى خنصر چــفـه مولاي أكطعـوا
سلبوا اخــــيامــه وسبــوها اعيالـه
==========================
يالحسن مــولاي اخــبـرك كــربلـه
حرگـــو اخيامه وسبـوها العايلــه
لاهواشـــــم لا عـمــامــه ولاهلــه
حسين ظل فوگ التراب الحـالــه
==========================
✍️عباس مالك العفريت
#شهادة_كريم_اهل_البيت_٧صفر
نسألكم الدعاء
المشايه/نزال #حسين_طلعت_شيعتك_مشايـه
حـــسـيـن طلعـت شيعــتك مشايـه
علـــعـهــد مــــولاي ألـك وفــايـــــه
=========================
طلـعــت الالاف طـلـعـت شـيـعـتــك
عالــيـه ومايـــوم طـاحــت رايـتـــك
تبقه شــامــــخ ياحُـسيـن وگــبـتــك
كعبه ويگـصـدونها
العالم يطـوفـونهـا
وعالـــيـه بدربك تِـظــل الـــرايـــــه
=========================
حسين ياثوره الجديده بكل سـنــه
حسين كل مابـــ الارض ليك اعتنه
حسين اسـمـك ربّـك ابـــــدر كوّنـه
اسمك بماي الذهــب
علعرش اسمك كتب
ومـيّـــزك رب الـســـمـــاء ابـهـايـه
=========================
يلطريجك يختلف عن كل طـريج
يعتنيك الگلبه بهمــومه يـضــيــج
كعبة احرار امتلت ارضك حجيج
يلطريجك صايـــر
كل شبر بي زايـــر
وكــــربلــه الكل الـعــوالــم أيـــه
=========================
الشايب بدربك مشه بكٓل همّـتـه
والطـفـل والشاب رفت رايــتــه
والنسه الخِـــدّر الدربك گصدتـه
شايب اطفال ونساء
والطريق الكــــربلاء
هــاي ثايـــه وما تطيح الثايــــه
=========================
والخدم متحزمه تخدم بالشمس
شما يقدم الخادم مقصر يحــس
يوم يوم الموكب اكبر من أمـس
تحسب ايام الخَدم
شباقي ليّام النِـعـم
معطي لحسين اليخدمه أحچايـه
=========================
زايرك يدلل اشــرايـــد يـصـيـــر
بدربك الزاير يـبــــو اليمّه أمـيـر
بلا حدوود ولا عُمر حتى الزغير
لجلك ايخدمــونـه
شرايد يقــدمـولـه
الغايه أنت حــسيـن هـيّـه الغايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️عباس مالك آل عفريت
نسألكم الدعاء
https://youtu.be/Ppupdo2jApM?si=LLxgtb9h_vM7q2hC
Читать полностью…
سيد الشهداء
هـاي الگــوم هـجـمـت وين مــنـواها
وحــيـد حــسين ظــل حـاير بـمـلگاها
========================
ظـل ابـحــده وحــاير يــدور الــعــين
لاصـاحــب بقه ولا أخـو يم حــســين
گــوم اتحزمت هاي الـعـرب صــوبين
تـطـلــب ثارهــا وبالـحـقــد مـسـراهـا
========================
مسراها بـحـقـد گــوم الـعـمـاها الشر
حــاير ابـو اليـمـه ومـامـش الـيـنـغر
هــذا الـكـاتـبـه الله وهـــذا الـمـگـدر
اجساد اخــوته اعـله الـترب خـلاهـا
========================
اجساد اخــوتـه تتراجف اعلـه الگاع
من تسمع ينادي حسين حيها أسباع
لا واحـــد يـجـاوب لافــزع فـــــزاع
لا واحــد عـلـيـه الـچـلـمــه رداهـــا
========================
ياچـلمـه يگول ويـفـرك بــراحــــه (راحة اليد)
صـاح اصحـابه مافزعهم اصـياحـه
يهل الـغــيره يل عـلـگـاع مرتاحـه
يبطال الـوغـــى ويلــيـوث ناداهـا
========================
ناداها بـحـسـرته وبالحــرم حاير
باوع علـخيم ضـل علـخـيم داير
دمه اعـلـه النسه والبلـخـدر فاير
ياهـو اطـفاله بالبر يـبـقـه وياهـا
========================
اطفاله غــدت بالـعـطـش تشكيله
چلمة مـــاي مـنـهـا ينهدم حــيلـه
عمكم هس يرجــع گــال للـعـيـله
وأخوته اعله الثره لاگت مناياها
========================
تلاگت هلصفوف وهجمت العدوان
صــاح الله وكـبـر واعـتنـه المـيدان
انه اربات هاشــم وانه ابن عــدنـان
رعبها اصــفوفها وطـشّـر ســراياها
=======================
=
طشـرهـا السرايا وگـطـفـاها الــروس
واعله خشومها وسط المعاره يدوس
ماثنّه بظــربته مــن يـهـد جــايــوس
وابطال الـحـــرب نسوان ســواهـــا
========================
✍️عباس مالك آل عفريت
نسألكم الدعاء
قصيده لانتصارات شيعة امير المؤمنين على اليهود واعوانهم
#الرايـه_مـاطـاحـت
الرايـــه مــا طاحـت ولا نطيها
وبيد ابـو صــالــح غـداً نهديها
======================
الرايه ماطاحت ولد حامي الحمه
جيل جيل الثار عـدنــه انسلـمـه
انخلي كــل ارگـابـهـا تفيظ بدمه
بالنـحـــور سيوفـنـه نحـد بيهـا
======================
ما حنينه الراس كل هاي السنين
واعله طگ السيف احنه معلمين
ثار عـدنــه ويالـثـارات الحسـين
ماتطـيــح الـرايـــه ونـعـلـيـهـا
======================
يروح قائــد يجـي قائــد علنـهـج
يبقه درب حسين قبله البي نحج
لو تشـوف اگلـوبنـه بيمن تضـج
كربلاء .. جمـره منـو يطفـيها ؟!
======================
اشما تزيد اعدائنه اعليهم نزيـد
احنه عندي حسين اذا انتم يزيد
ابد لا نعطيكـم اعـطـاء العـبيـد
حـسيـن گـالاهـــا والك ارويـهـا
======================
من يصيح الدين يلگانه جـنـود
ماتزعـزنه ولا قــل الـصـمــود
ياهو غيـر الشيعه ذلاها اليهود
بسيف حـيـدر نرجــع نربيـهـا
======================
انرجع الهم خيبر ونلوي الرگاب
ياكـل باجسادهم يـبقـه التراب
ولـد حيدر احنه ولد الما يهاب
اسهامنه بدم العــدو انـروّيـهـا
======================
هي نفس اچفوفنه اللطمت صدر
ينسـطـر بيها الگــربـنـه ينسـطـر
بالشهاده يحله مــن يگظي العمر
ارواحنه المـنهــج علـــي نفديها
======================
✍️ عباس مالك آل عفريت
نسألكم الدعاء
#نحن_من_ذل_اليهود
قصيده مُلمع بحق انتصارات الشيعه على اليهود
=======================
نحن مــن ذل اليهود
ولــديـن الله جـنــود
بحشــوداً وحــشـود
نحن ابناءُ علـي
ضربنا ضــرباً شديـد
نحن من نلوي الحديد
شخصُنا شخصاً عنيد
نحن ابناءُ علـي
يشهد التاريخ يشهد شيعه بس قاده تجيب
باب خيبر يشهـد ألنه ويشهدلنـه تـل ابيب
نحن ابناءُ علـي
========================
نحن امطرنا السماء
وعلــى الظـلـم بلاء
نحــن عزمــاً و إبـاء
نحن ابناءُ علـي
واسكناهم جـحــور
عندما حامـت نسور
نحن فجـرنا الفجور
نحن ابناءُ علـي
طارت اعليهم حرايب والصـواريـخ اعتلت
بسم فاطمـة الزجيـه اهناك يمهم سيرت
نحن ابناءُ علـي
========================
نحن ابناء الـطـفـوف
دئبنا ضـرب السيوف
قد طحناها الصفوف
نحن ابناءُ علـي
نحن جاسم و علــي (علي الاكبر)
نحن عـبـاس الأبـي
أسمُنـا شيعة علـي
نحن ابناءُ علـي
احنه طارينه اليخوف واحـنـه ذلـينـه الـيـهـود
اشما نِقل احنه بعددنه اشما كبر بينه الصمود
نحن ابناءُ علـي
========================
قد بصمناها اليدين
لحيببنا الـحُـسـيـن
قولنا قـــولاً يـقـين
نحن ابناءُ علـي
لـن نفر يوماً ولــن
نتراجع في المـحن
لم يكـررنا الزمـــن
نحن ابناءُ علـي
كلنه جند امجندوين وقائد حسين النه صار
احنه چوينه اللهيب ومـا تچوينه احنـه نــار
نحن ابناءُ علـي
========================
✍️عباس مالك آل عفريت
نسألكم الدعاء
https://youtu.be/J7RP9Mr93To?si=oqjwIptK9QfMg3jV
ياعباس زينب هاي بعيونك تخليها
اداء الرادود حيدر الاسدي
كلمات. عباس مالك آل عفريت
شهادة الامام علي بن الحسين (زين العابدين) عليهم السلام
مات مسموماً قضى زين العباد
ابن خير الناس وعـضاً ورشــاد
=======================
انت للــديـن اساساً مـن اقـــام
انت ينبـوع المـعـارف والسلام
أبـن أمـامـاً أب أمـامـاً و أمــام
وشفيع الأمـه فـي يـوم المعاد
=======================
انت يامـن ذل طـغـيان يـزيــد
واهان المُلك مغلــول الحـديـد
تقضي مسموماً بأحقاد الوليـد
والمساجد ترتدي ثوب السواد
=======================
ياعلي يا ابـن سـيـد الشـهـداء
يا أبـاة الضـيم يامعنى الفداء
ياسـراج النور قــد قام العزاء
وعلى المسموم نعلن بالحداد
=======================
يا اسير الحرب في يوم الطفوف
وابيـك واحــداً بـين الصـفــوف
كثر الطعن به ضـرب الـسيـوف
وعليلاً قـد دفـن تلك الاجـسـاد
=======================
أعانك الله تُـحـامي عـن عِـيال
حـرمٌ أطفال ما بـيـن الرجــال
كيف حالك سيّـدي ماهـو حال
من خيامهْ تـشتـعل دون خِمـاد
=======================
✍️عباس مالك آل عفريت
#شهادة_الامام_السجاد_ع
نسألكم الدعاء
#شـهادة_السجـاد_ع
يا عــلـــي الـســجــاد اللـه يعــيـنــــك
الصار بالطــــف انـت شـفتـــه بعيـنك
===========================
آه يالمـسـمــوم يا زيــــن الـعــــــبــاد
بنـــوح عـمــرك خلّــص بلبس السواد
انت ياديـــن اللـــه يـــــا باب الـمـراد
ادمـــوع خلـصـت الـعــمـــر وسنينك
===========================
مـــن فـعــل ذاك الـولـــيد ابن الزنات
اتموت بالسم تجـــرع امـــرار الحياة
هز وجودك ضعضع اعروش الطـغـاة
يالعمر خلـصـتــه حـــامـي الديـنـــك
===========================
ايــسـاعدك الله اعــلـه عـمـلـة كربله
كــلـهـا جــدامك تطـيـــح امـچــتلـه
شحال ذاك الوحـده ماتــو كل هلــه
نومــه صــارو وحـــدك امخـليــنـك
===========================
بيوم عاشـــر شاهـــدت كــل الجره
گلـبك امصـاب الذبـيــح ايـمـرمــره
كل اخــوتك نامــت بــذاك الـثــــره
وانت بـحــبال العــده امـچـتفيـنك
===========================
انت شفت احسين طايـح عـلتـراب
كثره بيه اجروح من دمـه الخضاب
ايعينك الله شلون تحـمل هلمصاب
الخيل چــدامك تـــدوس احسينك
===========================
يا فـــرار العيله ياحــــرگ الخـيــم
يا سبي النـــســوان زادك بالألـــــم
بين گـــوم انجــاس ماعدهم شيم
وانت وحـدك والعــده محوطينك
===========================
اثر باقي الجامعـه اسلال الحديـد
ابرگبتك مــــولاي وصلـت للوريـد
وحدك ومچـتوف ومخـوّف يزيـد
حتى وسـط المجـلس امگيدينـك
===========================
✍️عباس مالك آل عفريت
نسألكم الدعاء
#لسان_حال_السيـده_زيـنـب_ع
السبي
زينبكـم مشـت مسـبـيـه للـشـام
زينبكـم مشـت مسـبـيـه للـشـام
==========================
يهل زينب مشـت زينب سـبـيـه
يهل زينب حــبل چـتّـف اديــه
غـــربه وكــوم ماترحــــم يعباس
ناس ابلايــــه غـيـره ولا حـمـيــه
زينبكـم مشـت مسـبـيـه للـشـام
==========================
هـزله النوگ هـزله ويامشي النوگ
بهذا الحال خــويه وندخل السوگ
والحــادي بضعنه يفــــرّج الناس
من شتم السمعته الگلب محروگ
زينبكـم مشـت مسـبـيـه للـشـام
==========================
يادرب الاروحه ابغـيـر اخــــوتــي
انخه وبس غــرب الـمـن نخوتي ؟
وين احسين اصيحن وين الاخوان
يومــي وياهـم اتمنيت مــوتــي
زينبكـم مشـت مسـبـيـه للـشـام
==========================
كـل مـا طفلـه تعثر ليها انــدار
بيه الكه اثـــر مـن سـوط لو نار
اصبـره وتگـلي عـمّــه حـفّــاي
ياعمه الرمــل ماينـمـشي حــار
زينبكـم مشـت مسـبـيـه للـشـام
==========================
حرت ياخوتي حيره وگلبي ممرود
هم يرجــع زمان وبـيـكــم ايعود
هم يرجع شملنه ويرجـع حسين
هم عباس اشوفه وشايل الجـود
زينبكـم مشـت مسـبـيـه للـشـام
==========================
بس الروس خـويـه اويانه حراس
من فوك الرمــح حارسنه عـباس
ياحـرگـان گلـب امدلـلـه شلـون
مچفتوفه بحـبل وتشوفها الناس
زينبكـم مشـت مسـبـيـه للـشـام
==========================
✍️عباس مالك آل عفريت
نسألكم الدعاء
الامام الحسين مخاطبا امه فاطمة الزهراء عليهم السلام
..................................................
ســـــود الليالي الســيّـرن .. ويبتدي امصــابك ياباب
كل دمعه طاحت علجفن .. من فعل ذولي الاصحاب
انفتحـت روازيــن الألـم .. وبخباره چــــذاب الهـاب
يمّـه..
احسينچ ودمعي ايسيل
ياحـــزني لو جـــن الليل
بفراگــــچ ايـبـيـد الحيل
يمّـه..
تبتدي امصــايبنه اهنـا
وكـــل ضيم مر وشفنا
كل ألم بعــــدچ عشنا
اهنانه يبدي امصاب هاشم هاي رازونت حزن
حــرگة الباب ودفعته سبب كــل دمعه بجفن
=========================
ضلعچ وضلعي اتكسرن .. بسمار وانــه بحافــر
والنار هــاي الّــي دوّت .. بخيامي تحــرگ باچر
يايمــه نفسيته الجـرح .. باچــر يصــير العاشــر
باچر..
من بابـــــــچ اتلــوح النار
جمره تچوي اطفال ازغار
يرجـــــع يصــير الي صار
باچر..
كسروا ضلـعــچ ويكسـرون
اضلوعي يايمه يسـحــگون
بحبل السبي تمشي ام عون
هي هي الزمّـــره يمّـه والوكــت بس يختلف
الدفعت الباب اعله ضلعچ باچر بسبعين الف
=========================
يمه اخيي ايطيح منـــچ .. محـســن الزاد الألم
باچر اوليدي اعله صدري.. يذبح اوليدي السهم
يمه هي الحسره وحــده.. بابچ وحــرگ الخيم
بابچ..
يفتح مصايبنه اهــواي
حرگ المخــيّـم والمـاي
يازهـــره ويتيه الــراي
بابچ..
چم طشت زينبنه تشوف
حسره ومدامع والخوف
من يومچ اليوم اطفوف
ابنچ وابـنـي يزهــــره يمّـه محــسـن ينعصر
وانه عبدالله اعله صـدري ينذبح يمّه العصر
=========================
كل نفس يشرح مصيبه .. هجـــرچ ايهد الحيل
الفاگد اتبين ابمـشـيـتـه .. محني بالممشه يميل
يمه ابوي ايساعده الله.. بموتچ يشوف الويل
حيدر..
ايامه بعـــدچ احـــزان
ابابچ وگلــبه النـيــران
روحتچ خلّــت نيشان
حيدر..
لو راحت احباب الروح
يبقه الگلب بس للنوح
شيطبه گلب المجروح
والعزيز الراح صعـــبـه يمــه ننطر جـيته
حيــدر ابفگدچ ييمه اهنانه شفنه دمعته
=========================
✍️عباس مالك العفريت
#شهادة_الزهراء
نسألكم الدعاء
شهادة رسول الله ص
اشعظم هاي المصيبه حيدر يفارگ حبيبه... بالدموع
......................................................
هالمسيه اشكثر صعبه وحــــزنت ايات الكـتاب
غالي ويودعله غــالـي بالــــدمع يبقه الجـــواب
يابشر يفگـــد محـمـد ايعينه الله اعله المصاب
حيدر وزهــره الزجيه ويبتدي امـصــابك يباب
والنفس ضاگ برحيله حيله مامش بيده حيله
ياجرح غايب طبيبه حــــيـدر يفارك حـبيبه ... بالدموع
===========================
روح وحده العمر عاشو حيـدر وروحه الرسول
جسد ويفارگها روحـه عن وصف هاي اشأگول
حـيـدر الخاض المعارك وعجّـب ابفعله العقـول
هس حاني الهامه يمّـك بالدمــع يابــو البتــول
يلوداعك كسر ضـهـره والصبر يعجب الصبره
بحسره والينه نحيبه حــــيـدر يفارگ حبيبه ... بالدموع
=========================
ايگله ياحيدر وصـيّــه اصــبر وكــثر الصـــبـر
بعدي هاي الامـه بابك تـعتــدي وتشعل جمـر
بعدي روحي وام ابيها بچف نواصــب تنسطر
منها تبقه العين حمره وضلـــع بيها الـينـكسر
سطرة العين وضلع اهنانه گلــبك ينشلع
حگك ولابـد تجيبه حــيدر يفارگ حبيبه ... بالدموع
=========================
تعتدي الزمره الخـبيثه وتشــعل ابابك فتن
تركض وتحت السـقيفه اتبايــع اولاد الـزنن
اكظم الغيظ ابرحيلي ادري صعبه هلمحن
ياعلي سر هلوصــيّــه تنذكر عــبر الزمــن
سيفك ايظل بالغـمــد ويكثر اعليك الحقد
من فعل ولد السقيفه حيدر يفارگ حبيبه ... بالدموع
=========================
فاظت الروح الجليلـه من بعــــد اذن المَلَك
اهتزت السبع الشدايد وناحت انجوم الفلك
والرسل من زمن ادم يامحمد تبــچي الك
انت يا اعظــم خليقه يعتليك بس خالقك
انت يا اعظـم بشـر بالخلِق عـبـر الدهر
بفگدك الدنيا غريبه حيدر يفارگ حبيبه ... بالدموع
=========================
✍️عباس مالك العفريت
#٢٨_صفر
نسألكم الدعاء
عودة السيده زينب من السبي
هـــاي زيـنــب ردّت الــولـــيـــاهــا
نــومــه كلـهـم مـــحّـــد اتـلـگـاهـا
============================
ردّت وحـالــتــهـا ياحــــال الـصــعـب
هــــــواي متغيره جسـه وياها الدرب
اشلــــــون حال ام عون تمرد بالگلب
لا كـــــفـيــل و لا ابن امـــهـا وياهـــا
============================
چــــانت اوياها الاهــل يزهي الضعن
حـــسيــن يتفگّــــد خــواته لـو مشن
ردّن ابلايـــــــه حِـــمـه لـمّــن اجــــن
زينب امـــرار الـدهــــــــــر راواهـــــا
============================
رجـــعـــت الگـــبر الولي اتون وتنوح
مـــــن عــــطر ذاك الثره الخوه تفوح
بالــــتـراب اتشـــم تـِـهـيّـج بالجروح
فاضت اجــــفــون بـــدمــع عـينــاها
============================
بين عــــباس الــــدرب وحـسينــــها
تـــكــثر اعــــتـاب و مــدامــع عينها
اعلــــــه المصايب زينب الله يعينها
اسـنين زينب هـلـــــزمـن بچــــاهــا
============================
ساعه گبر حسين ساعه اعله الكفيل
تسعه بين اخــــــوتها بالممشه تميل
هاي زينب هـاي بت حامي الدخيل
الدهر مــــن بــلــد الــبــلـــد فـراهـا
============================
تشكــــي لخوتها تريد اعله الجـره
لٰـچـــن الخــــوان صـــارو بالثـــره
يم اخـــوها تـسـولف اتحب المره
ابــهـاي تـفـــرح لــو اخـو حاچاها
============================
تسولف اعلـه الشام آه اشسولفت
لو على النــــوگ الهزل من اركبت
لو تســولف ســـــوگ بيه اتشتمت
لو العـــسـكــر بالـحـبـل جـــراهــا
============================
آه علــــديــــوان لو صــار الحچي
بالـقــصــر ويزيـــد سب أل النبـي
لا اخـــو اليمها تجــيلــه وتشتكـي
ولا عــمــام اتـهــد لـــون ســبّــاها
============================
✍️عباس مالك العفريت
نسألكم الدعاء
#اليوم_لمصاب_الحسن_فاطم_تنوح
اليوم يــوم الفاجعه ويــوم الجروح
اليوم لمصاب الحـسـن فاطم تنوح
=======================
تبچي ليه حــزنانــه املاك السـمـه
رايــه ســـوده اليــوم ترفـع فاطمه
مــو دمـــع تبـچــيـه تبچيه بدمـه
اليــوم يــوم احــزانها الهز الصروح
=======================
اليوم ديوانه يظل خــالــي الحسن
امصايب اخــوتها العقيله هل بدن
اليوم يــوم ادموعنه ويــوم المحن
اليوم سبط الهادي عــن داره يروح
=======================
اتحمل امرار الحسن مــن هل عمر
چبده ممرود بحـقــد ســم الغـدر
وحـتـى نعشك بالسهم هم ينشمر
ماتـريــد الامــه كل هادي ونصوح
=======================
هــي نفس الگــوم نفسيته النـهـج
الدفـعـت الباب ودوت بيــه الحرج
وراس حـــيـدر مـــن فعلهم ينفلج
من زمــن طــه الغــدر منهم يفوح
=======================
سيّـدي ومــولاي ياكُــبـر المصـاب
لچــن يغـسلـوك ماتـبـقـه بـتـراب
ولا تغـيّـر لـون شيبـك بالخــضـاب
ولا ثلاثه ابلا دفــن تبـقه مـطــروح
=======================
حسين صدره الخيل داست واعتلت
حسين صدره الخيل بالطف كسرت
واعله كـبر الطــف اوصاله اطشرت
وزينب اتصدله البقه بهيمه مذبوح
=======================
✍️عباس مالك العفريت
#شهادة_كريم_اهل_البيت__٧صفر
نسألكم الدعاء
#ليثها_وضرغامها
ابي الفضل /مراجل-نزال
لـيـثـهـا وضـرغـامها ومـقـدامها
اسـمـك وسـوح الحــروب اولامها
=======================
ليثها انـت ونّـعـــم مـنـك يحـيد
سيفك الصل ماثلم سيفك حديد
نسل حــيـدر ماتطخ راس العبيد
بس لواك يــرف تطـيح اعلامها
=======================
بس لواك يرف يبن فارس مظر
ابد مــا مـثـلك تكــرر بالـدهـر
گمر يا عـبـاس انت اعله الگـمر
حامي زينب انت ساگي ايتامها
=======================
حامي زينب كافل ونعـم الكـفيل
شما اوصفك يا ابـو فاضـل قليل
ماتعـيل وكلـف وتــرد اليعـيل
اعداك سيفك سوه منها اكوامها
=======================
اعداك يوم العاشر بطف كـربله
يوم واديها ابـجـثـثـهـم امتله
اللاگه سيفك حان موعد مقتله
اللاگـتـك منـهـا سِلبـت ايامها
=======================
اللاكتك بالطف تـِـرد ابلايـه روس
نكـسـت رايتـها واعلـيـها تـدوس
فحـل يا قايدها كل حرباً ضروس
گمر يمـنـگـص اعـمـار ازلامـهـا
=======================
گمر ياصــنـديـد ياسِــر ياصـعب
لـيـث يا مـغـوار يلـ مــا تنغلب
اسد تطلب عركـه بس ما تنطلب
التِـفــر مـنّـك حقـقت احـلامها
=======================
✍️عباس مالك آل عفريت
#جديد_محرم_الحرام_١٤٤٨هـ_٢٠٢٦م
نسألكم الدعاء
https://youtu.be/NsvxBTCkEXw?si=OHM5UuPZCfSYMemT
Читать полностью…
بصوت. مسلم المطيري
هاي الگوم هجمت وين منواها
كلمات الشاعر
عباس مالك العفريت
#اشحال_زينب_من_بعد_خوّانها
الــســبــي
اشحـال زيـنـب مـن بعـد خوّانها
اعـلـيـهـا دنياهـا تصـب بحـزانها
=======================
شحال زينب من بعد ذاك الدلال
تروح مجتوفه وتـجـر بيها الحبال
ياخلگ ماطـالـع الزينب خـيال
وهـس مسبـيـه تـطـب ديوانـها
=======================
فوگ هزله اتـروح بـت طـه النبي
حيل ماذيه تـعـب درب السـبـي
مـن بعـد عـباس واليها اجـنبـي
بت محـمـد هــاي بت عـدنانها
=======================
اخوانها بحــر الشمس فوگ الثره
عـافــت الـوليان كلها امـطبـّره
ودعـتـهـم عـلـهـزل مـتـحـيـّره
اجــسـاد مـرمـيـه بـلا دفـانـهـا
=======================
الحادي وسط السوگ طوّل وگفته
وراس اخوها بحجر ناس الضربته
وناس حـيــدر يـم اذنها شتـمته
وناس تشـمر مـن سـطـح نيرانها
=======================
تعثر بممشاها بـس مامـش مُعين
شلون حال اليفگد المثل الحسين
آه زيـنـب آه بـس تـهـمـل العـين
اتكت دمعها ومــا سكت جـريانها
=======================
والله صعبه وروس اهلها اعله العواد
والله صعـبه مــن تطـب ديـوان غاد
ويشـتـم ايـزيـد ايتباها بالـمـجـاد
وصاح~هـاشـم منها اسبي اضعانها
=======================
✍️عباس مالك آل عفريت
#جديد_محرم_الحرام_١٤٤٨هـ_٢٠٢٦م
نسألكم الدعاء
#بسم_اللـه_مجراها_ومرسـاها
قصيده افتخاريه نصرتا لشيعة امير المؤمنين
======================
بسم الله مجـراهـا و مرساها
بسم الله طارت علــي وياهـا
طارت ابابيـل
راوتهم الويل
نار ونار حـيــدر ياهـو لاگاها
طارن بسـم داحـي الباب طاحـن يم ابن مـرحب
شيعه ومانهاب المــوت يمنه الصعب مايصعب
حي الله ولد الكرار حي الله ولد الكرار
==========================
وديناها شاهـد خيـبـر وسجـيـل
ذلينه اليهود وياهـو بينـه يعيـل
من حيدر مددنه
خسران اليضدنه
طيحنه ابرها واصحاب ذاك الفيل
ضوينه سمه المحتل بسم العزه بسم الديـن
احنه اولاد ذاك الگال ابـد لا ما يـذل حسيـن
حي الله ولد الكرار حي الله ولد الكرار
==========================
اخذنه الغيره مــن عباس غيرتنه
ابد ما ننسحب من نطب عركتنه
نصر او شهاده
بالدم القـياده
هزينه الابـــد مايــوم هـزّتــنـه
من ارض الطفوف اجيال عرّاكه وتجيب احگوگ
ولـد حـسـيـن بالميدان بس الهم العزه تـلـوگ
حي الله ولد الكرار حي الله ولد الكرار
==========================
✍️ عباس مالك آل عفريت
نسألكم الدعاء
https://youtu.be/uqUWHn7MmYI?si=EPDFtFl9QbClMCkT
اداء الرادود ليث الموسوي. السويد
كلمات. عباس مالك آل عفريت
https://youtu.be/Hjpq60g6NCk?si=mRZDB886Ra0i8uZP
وينها ازلام الهواشم وينها
اداء. الرادود سلام الركابي
كلمات. عباس مالك آل عفريت
#شهادة_السجـاد_ع
دموعك يبو الباقر .. من عملة العاشر .. مولاي مولاي
=========================
بثوبك تشم دخـــان الخـيمــه
بعينك شفت نســـوان بهيمــه
بأيدك اثر من سبي وضيـمــه
تخلص حــياتك
رمح وسهم وسيوف ومنـحر
نار وضمه و خيماتك تســعـر
طايح ابــوك ومـحــد يـنـغــر
تخلص حــياتك
من عاشر العاشـــر بچي بـس بالمـدامــع عينك
يلشاهدت كل الجره بطف كربله اعـله حسينك
شعلو خـيـامك نار .. من المـعـسكر دار .. مولاي مولاي
=========================
نايم ابوك وداسه الحـافــر
يالشاهدت ما صار بعـاشـر
والصار ابد مامثله صـايــر
ظل يطلب الماي
محد سگاه احسين بگطره
نزلو عليه وحـــــــزّو نحره
هذا اليرفسه وذاك يجـــرّه
ظل يطلب الماي
يشهك بصوته اعله الترب من الرفس لو عطشان
الف وتسعمية جـــــرح ماسِـلــم بــحـسين امچان
وجروح ابوك اهواي .. عطشان وبلا ماي .. مولاي مولاي
=========================
من خيمه الخيمه اتفر النسوان
اطفال ازغــــار ابنـص النيران
أه يلعليل بوحـــدك حـــيــران
نــــــار و جــــمــــر
تذكر مصابه تصب دمــعـاتك
طف كربلــه يــزيـد بلوعـاتك
وسط الزلم راحــــــن عماتك
نــــــار و جــــمــــر
نار وجمر والطف غـــدت مابيــه نـاس ترحمك
يمك سبوهن نســوتك وحـسـيـن طايــح يمـك
ياحيرة النسوان .. شردن من النيران .. مولاي مولاي
=========================
باقي الجرح كل عاشر يكبر
لميت ابوك اهــنــاك امطشر
تِـعـثـر تگــوم وترجــع تِعـثر
وكــت الـــدفـــن
تطلب يجيبون الحـصـيـــره
نزلت دموع وحسره چبيره
لا ناصــر ولا مــن عـشـيـره
وكــت الـــدفـــن
وتلم ابوك من الترب وحسين صـــايـر طـــشّـار
من وحـده باقي بكربله والعسكر اعليه مـن دار
وتلمهن اوصالـه .. يامصعب الحالـه .. مولاي مولاي
=========================
✍️عباس مالك آل عفريت
نسألكم الدعاء
#يال_هاشم_وينكم_يسيادها
الـســبــي
يال هـاشــم وينـكـم يسـيادها
الحـبل زينب يهـل زينب گادها
======================
يا اسياد الـكـون يشـيوخ العـرب
يا لهيب النار واعــداكــم حطب
وينها سيوف الي ماتخطي الرگب
ال هاشـم ويــن ذيــچ امجادها
======================
وين جعـفـر وين حمـزه خليهد
وينه واعله اعداه بالباشط يشـد
مـن حــبـال الگيد نسـوانـه يرد
يأدب بسـيـفـه ال ميه احفادها
======================
وين ابـو الحملات كرار الحــروب
فوگ هزله الحره تگطعها الدروب
يعتني الزينبه ويـسـرع علـركـوب
يهدم اصـنـام الشـرك والحادهـا
======================
يال هـاشـم صوتها الما ينسـمع
هس فوگ الهِـزلـه تجـريه الدمع
تنفجع بـخـوتـهـا زينـب تنفجع
ابين ناس انجاس موش اجوادها
======================
عافت اخوتها صريعه اعله الثـره
ابلايه روس اجسادهم ومـطـبـره
مره وما تـگـدر تصد جيش المره
اخوتها نومه وصرعه كل اولادهـا
======================
مجلس الكـوفه غـرُب وادم غـرُب
شلـون للديـوان زينبكـم تـطـب
اعتذر عـن هـاي والموقـف صعب
اعله راس حسين عصا ابن ازيادها
======================
يوم عــاشـــر يا مـصيبـه وياقهر
جسم ابو السجاد جم طبره انطبر
والصـدر مـن السحگ صـاير حفر
دارت اعلـيـه الـعـرب بحـقـادهـا
======================
دارت اعـلـه حــسيـن كلها يا وسف
يال هـاشــم كـــل كـتـر مـنّـه نِــزف
من على الخيمه اهجموا جسمه رجف
ورجـفـت الحـومـه بجمـيع اوتادها
======================
✍️عباس مالك آل عفريت
#جديد_محرم_الحرام_١٤٤٨هـ_٢٠٢٦م
نسألكم الدعاء
السيده زينب ع/ السبي
مــن بعد ذاك الـــدلال اتيـسرت
زينب الـحـــرّه شِـمـر حــاديـهــا~~~
ودعت ولياها مــن فوگ الهزل
كل اهلها مطرح وراحو چــتـل
شلون هاي اصير مايقبل عـقـل
بت علي بحبل السبي مگيديها~~~
فوگ هزله النوگ والمدمع يسيل
تعاتب حسين وتعاتب بالكفيل
مابقه وياها ولــي بس العلـيل
والعدو ابلايه رحـــم سابـيـهـا~~~
طروا الـوديان طـــروهـا البلاد
بت محمد هـــــاي جدام العباد
يا مصيبه الهزت اجبال الشداد
اخــبار ماصــارت مثل طاريها~~~
طببوهن ســوگ والـوادم شتم
خارجيه يصــيح من بين الزلم
ناس ماعــدها ضمير ولا رحـم
فوگ سبــي الـعـايلـه مشتميها~~~
تذكر حسين الي باقي بلا دفن
وتذكر العباس لخـــوتها تـِحــن
آه من الليل لـوصـــار ويـــجـن
بهيده دمــع العين مـن تجريها~~~
بين جيش وعسكر يصير الدرب
هناك بالديوان ياحــــال الصعب
مره وحيده ابين عـدوان وغرب
لا اخــوهــــا اليـمـهـا لا والـيـهـا~~~هــزّت اعروش الطغو من سولفت
بمجلس الكــــوفه زلمـهـم دنگت
بت ابوها الحـسـره بيها وكــابرت
من عــلـــي كــــل الصفات البيها~~~
✍️عباس مالك العفريت
نسألكم الدعاء