نزلة -- استشهاد الزهراء ع
يزهراء بعد مابينه صبر
يزهراء لازم بكبرج نمر
يالله يم الحسن يالله انريد منج مفخرة
مري لو لمحه بخيال نكوملج زلمة ومرة
والله نبنيلج منارة اعليهه نلزم هم سرة
ونضل بيهه نطوف كلنه دنيا وي الاخرة
مري لو طيف عيوني ذبلهه السهر
يازهراء لازم بكبرج نمر
**
جرح بينه ومايطيب وانتي بلسم للجرح
جرح الافراك اليمرنه. جاهل وكلسا يلح
ضاكت وكلش تعبنه والهوة بصدري يشح
سودة بعدج هاليالي وشوفت عيونج صبح
مو بالتراب. بكلبي بانيلج كبر
يزهراء لازم بكبرج نمر
****
حتلو خطار لينه عالعراق. ومن تجين
نوكف استعداد كلنه نرحب بأم الحسين
ياوكت هذا اليلمنه. بحضرتج جن زائرين
بروحي ابنيلج مناير بيهه ارفع رايتين
حمرة لحسين. خضرة عباس البدر
يزهراء. لازم بكبرج نمر
**
روحي مشتاكة وتريدج. بيهه يزداد الالم
ونار والله بوسط صدري. اشبه بنار الخيم
عيني لمصابج يحرة. مودمع لاتبجي دم
وعن صفاتج شرد اوصف. عجزن الورقه وقلم
كل الاقلام. والله حيرهه الامر
يزهراء لازم بكبرج نمر
**
منج نريد البشارة بجاه عبدالله الرضيع
عطرج بيا لحضه اشمة. يانفس وكت الربيع
نزحف احنه زحوف كلنه. من العراق وللبقيع
دنيا خلصانة ونريدج. والترك دربج يضيع
مو شرط شوف. والله يكفينه العطر
يزهراء لازم بكبرج نمر
-------------------------------------------
لخادم الزهراء ع
عباس المجتومي
/channel/abaas997
لسان حال مولاتنا زينب ع
بفقد الزهراء ع
اليفكد يضل بالونين. وتاكل بروحه السنين
والفكد ام وجنين. ماله راحه ماله راحه
-------------------
كلي ياموت شجرة وستعجلت
زينب انه ومن زغر شو شيبت
يعينه الله اليفكد امه من وكت
مات امي وريت وياها. متت
ماتت ومات الحلم. بزغري مكتوب اليتم
وكلبي بعدج منصدم. ماله راحه ماله راحه
--------------------------
راحت امي الكلهه طيبه وبس محنه
وبيهه جنه نشم عطر ماكو احله منه
شالت وعنه ابعدت ماضلت النه
جنت الله شتاكت الله وهيه جنه
للحضنهه بس حنان. والله مشتاكة الجنان
الفاكد يجرحه المكان. ماله راحه ماله راحه
---------------------------
امي اميرة اعله الخلك بس مو اميرة
تنكلب. خبزة. لون. شافت. فقيرة
اعله اليتامه اتناشد امي ديرة ديرة
وهيه ماعدهه فقط سبحه وحصيرة
والله لوشافت فقير. من الدمع تلكاها بير
والفكد امه يحير. ماله راحه ماله راحه
---------------------------
جانت. تغبش. ندة. وتروي. اليتامه
ومن كثر ماترفه تبجي ع الحمامه
يلي مالحكت اودعج. بالسلامة
رحتي عني وليلي بعدج ما انامه
ليل المفارك طويل. يصعب وكلسا يعيل
والدمع منه يسيل. ماله راحه ماله راحه
----------------
ولله حيل. تعيل. بيه. ذكرياتح
من حرك. باب. وحرك. حته عباتج
زغيرة يمه وكلشي ماشفتي بحياتج
بيج محضوظ الكبر. من ضم. حلاتج
18 يافاطمة. الباقي كملي بالسمة
الفاركج صابه الضمة. ماله راحه ماله راحه
▧▧▧▧▧▧▧▧▧▧▧▧▧▧▧▧
لخادم الزهرا۽ الشاعر
عباس المجتومي
/channel/abaas997
لسان حال الامام علي ع
لحظة دفن الزهراء ع
يالدفنج بليل ماخله كل حيل
واعله الكبر ماضل صبر
بيه وخلص كل حيلي
###
يالزهرة ياعمر الورد عشتي بحياتج زهرة
يحبيبه يزغيرة عمر ضل عمري عكبج حسرة
جنتي بحياتي بهالوصف شمعت ضوة ومطشرة
بس ماقسم ليه الوكت تبقالي روحج خضرة
حيدر انه انعاج عمري انطفه وياج
ليش القدر بيه غدر
والله وخذج ياويلي
###
شيعتيج بليل وغفل وعيوني صارت حمرة
ونزلتج بوسط اللحد وبكلبي ضلت جمرة
ويلي وشفت منج ضلع يم الحسن بي كسرة
وجماله بخدوج شفت بيهن اثر جم سطرة
يالزهرة ويلاه صاح الكلب اه
هوايه صبر لا موحجر
كلبي ويكلج شيلي
###
لمن غبت ياحيدرة شحجيلك بحالي الصار
هجمو علي ذوله الكفر وبابي وجوهه النار
وواحد يكلهم بالضلع لازم انبت البسمار
وهنا تمنيتك علي خاطر تسل الفقار
وشكد تمنيت تحضرني ياريت
والله العمر ضلمه يمر
بس انت ال تضويلي
###
مو بالارض يافاطمة كبرج احفرة بكلبي
يالجنتي بعيوني الضوة شمعه وتضوي بدربي
ياحيلي بوجودج امس واليوم بيت تعبي
عكبج اضلن منكسر وعيوني صوبج تربي
ذابحني الافراك يالزهرة مشتاك
ضيم وقهر ليل وسهر
وي محنتي وتحجيلي
###
ياحسرتي ويامحنتي لمن رجعت الدارج
كمت وطحت يم الحسن لمن شفت بسمارج
زينب تريدج فاطمه تسالني عن اخبارج
كتلهه يازينب ترة ماتطفي جمره نــــارج
والدمعه بعدين ضميهه لحسين
باجر درب ضلمه وصعب
حلمي امس يرويلي
###
-------------------------------
لخادم الزهراء ع
الشاعر عباس المجتومي
/channel/abaas997
كعدة
خوية حسين هذا الليل ياذيني
المن باليتامى ودمعتي بعيني
▧▧▧▧▧▧▧▧▧▧▧▧▧▧▧▧
عمت عين المنايا الباكتك مني
يالرحت وعفتتي ما برد وني
طكات الدهر يحسين اذني
ودليلي عليك والله هواي متمني
متمني تردلة البينك وبيني
خوية حسين هذا الليل ياذني
▧▧▧▧▧▧▧▧▧▧▧▧▧▧▧▧
تدري الليل يصعب حيل عالنسوان
مهنه يالعفتني ونايم بتربان
بقت كسرة بدليلي كسرة الخوان
وانتو احنان والله وحيل خوية احنان
وبس خوية من اموتن يبرد ونيني
خوية حسين هذا الليل ياذيني
▧▧▧▧▧▧▧▧▧▧▧▧▧▧▧▧
عليه اركض ودور مثل المتيهين
من رض الخيول الكيت جسمه طحين
صار وي الرمل مخبوط ليش حسين
عليج الخوة زينب كال لاتبجين
ترة دموعج يزينب نار تجويني
خوية حسين هذا اليل ياذيني
▧▧▧▧▧▧▧▧▧▧▧▧▧▧▧▧
حسب احساب كلش وماحسبت الهاي
عبالي ترد يحسين والله وياي
شنهي الماي ردلي وعوف خوية الماي
ترة فراك النحبهم حيل تكلف هاي
ولا طالن بعدكم عمري وسنيني
خوية حسين هذا الليل ياذيني
▧▧▧▧▧▧▧▧▧▧▧▧▧▧▧▧
ترة بريته اليفارك مايضل هوة
وبالمغرب يشهكة النفس بالكوة
حن كلبي عليك وجيتك اتلوة
دلتني بمجانك ريحت الخوة
ويمك كون اموتن ريت خليني
خوية حسين هذا اليل ياذيني
▧▧▧▧▧▧▧▧▧▧▧▧▧▧▧▧
عفتني بنص درب متروس بس شمات
محتارة بناتك وين كلي تبات
توجع من تمرني بأذني الاحجايات
كلساع اليمرني يكلي اخيج مات
وانت منين اجيبك لية تحميني
خوية حسين هذا الليل ياذيني
▧▧▧▧▧▧▧▧▧▧▧▧▧▧▧▧
لخادم الحسين ع
الشاعر --- عباس حسين
ليلة ام البنين ع
يالحنينة. يم الانجوم وكمر
يالحنينة. كلتي جلمة اعله الدهر
يالحنينة. فدوة لحسين العمر
###
اختارج الكرار والله ونعم هالراي
زهرة اسمج مثل امنة الجانت وياي
شفت بعيونج محنه وانا بصباي
وكلتي من عدهه فداكم زينب ارباي
والله هاليوم. عمري كله بخدمتج
والله هاليوم. كل اخوتج بأمرتج
والله هاليوم. فنة يازلمة يمر
يالحنينة
########
يامرة مثلج وفاها تارس الكون
وبحليبج كلهه حارت شنهي يالون
انتي ربيتي وتعبتي وساهرة عيون
وكلتي هذا ارباي كله فدوة لام عون
ساهرة الليل. اردربيلح اخو
ساهرة الليل. مثل حيدر هم كفو
ساهرة الليل. كون اضملج ضخر
يالحنينة
########
منهو مثلج يامرة بكل النساوين
قدمت اربع كواكب فدوة للدين
توصي عباس وتحلفه بتعب الاسنين
باجر انت تصير قائد جيش الحسين
يبني اريدك. تعبي كله تردة الي
يبني اريدك. تطيح كدام الولي
يبني اريدك. تردلي حك ذاك السهر
يالحنينة
########
يبني اوصيك بوصيه وانت بيك المقدرة
باجر انت تكفل اختك لاتكلي المعذرة
تعب كون ارباي اريدة. يبين اعله الكنطرة
يبني لو عطشت اخيتك نشف انت المشرعه
زينب تريد. ماي يوصل للخيم
زينب تريد. وانت بعيونك سهم
زينب تريد. فياي عن شمس الضهر
يالحنينة
########
بالوفه ام عباس صارت مضرب امثال
وبوفاهه والله لسه تسولف اجيال
ولدي ماريدن شبهكم كون عالخال
بطل حيدر جان ابوكم وانتم ابطال
ولدي يسباع. عيدو صولة حيدرة
ولدي يسباع. يالله يهل المفخرة
ولدي يسباع. حامو عن ام الخدر
يالحنينة
########
لخادم ام البنين ع
___
الشاعر عباس المجتومي ##
/channel/abaas997
قصيدة هلالية نزلة
يامحرم لاهله. بيك اذكر كربلة
وكل المصايب
بين هلال الحزن. زينب الليلة تون
تنعه الحبايب
###
لاهلة بجيتك محرم لاهله بشهر المصاب
بيك احبابي عفتهم. نومة كلهم ع التراب
يوجع وياكل بروحي. والله عذبني الغياب
وانت ياشهر النوايب فتحت لاحزاني باب
من طلعت بنص سمة
كلبي فز بيه الضمة
وكثرت نوايب
####
من طلع بالسمه هلالك فزز بروحي الجرح
بيك ردن كل جروحي والهوة بصدري يشح
من بدة ليلك محرم. ع الجرح رش الملح
جرح الافراك اليمرني. جاهل وكلسا يلح
من بدة هذا الشهر
جرحي البكلبي كبر
وصااار شايب
####
من بدة شهر النوايب بيه زادت علتي
شذكر وشنسه محرم. ياجرح من اخوتي
من عكب عز ودلال. الشمر يحدي بناكتي
صار يضربني ويكلي. اليوم احقق غايتي
زينب ابين العدو
لا اهل لاعدهه اخو
ولا كو كرايب
####
ريتك تطول مغيبك ريت شهرك مايهل
ياشهر عاشور والله صعب جرحك موسهل
حملي ماشالته اجبال ويصعب اعليه الحمل
بحضن الحسين واشوفن ينذبح عندة طفل
زود بكلبي الالم
بركبته ينام السهم
بيمن اعاتب
####
عندي محنه وياك صعبه وكلفه كلش ياشهر
روحي هندس جنهه صارت. من وكع بيك الكمر
كافلي وراح من اديه. اقوة طكات الدهر
عميه كون ومااشوف. حسين مكسور الضهر
وانكسر بعدة الحسين
لاكو ناصر لامعين
ولا اكو صاحب
####
لخادم زينب ع
الشاعر عباس المجتومي
/channel/abaas997
،
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
لسان حال مولاتي زينب ع لفقد سيف الاسلام علي ع
ليل المفارك طويل. يصعب وبيه يعيل
وهمي بعدك هم ثجيل. بويه حيدر. بيويه حيدر
-------------------------
ليل المفارك كلف لمن يجل
وهمي بعدك ياعلي ماينحمل
يكلف ويكسر ضهر لاموسهل
وعيني بعدك مو دمع دم تهمل
من مشه عني ضواي. عيني ماضل بيهه ماي
جرحي يعزف جنه ناي. بويه حيدر بويه حيدر
-------------------------
كلمن يفارك عزيز اتعبه الايام
يبقه عايش بالجذب والعيشه اوهام
ومايعرف النوم شنهي يحلم ينام
ونار البكلبه تشابه نار الاخيام
يابس ومابي خضار. المفارك كلبه نار.
لاله ليل ولانهار. بويه حيدر بويه حيدر
-------------------------
محلا لمتنه. يبويه وكت الاذآن
من نصلي وندعي لله ونقرة قرآن
ومن نمد سفرتنه جنه شجرة وغصان
هسه يوجعنه يحيدر ذاك الامجان
من تصد عيني علي. اذكر شجنة احنه بي
عنه ابعد ما اجي. بويه حيدر بويه حيدر
-------------------------
يامن نفز اعله صوتك وكت الاسحور
من رحت كله عمرنه نحسه عاشور
سافرت يالغالي انت وسافر النور
بيك محضوضه وتشمك والله الاكبور
شكثر محضوضه تره. تشم علي هالمكبرة
عكبك ابقه حايرة. بويه حيدر بويه حيدر
-------------------------
كلهه منتضرة الهلال وتفطر تريد
وكلمن يعايدهه ناسه بجيت العيد
وكلب المفارك حبايب مارضه يهيد
عيدك مبارك تخلي جرحي ايزيد
كلمن مفارك حبيب. بعيدهم ماله نصيب
عمره يخلص بالنحيب بويه حيدر بويه حيدر
-------------------------
الشاعر - عباس المجتومي
/channel/abaas997
يتمت الازغار. عكبك يحماي الحمه
يتمت الازغار. برواحهم فز الضمة
هذا الضمة مو للماي.
عطشت الشوفك عيناي
يتمت الازغار
#####
يحيدر يابو المروة اوكف خل اشمنك
واضمك ضمة مال اوداع. بعد لا ما اشوفنك
جروح الطبرة بويه هواي احس والله يأذنك
يمن مثلك فلا نلكة ولا بالكون جن منك
يابويه هالناس. مشتاكة والله لشوفتك
يابويه هالناس. حيل والله بعازتك
لمن رحت راح الراي
عطشت الشوفك عيناي
يتمت الازغار
###
منهد رمضان احس بيه جرح لايبرد ويشفه
وانه اكضي ليلي بالونه وابد عيني فلاتغفه
هوسه بروحي مال ألالام. وضجت فركة ماتصفه
نحيل اصبح انه جسمي. يكدتور العلل وصفه
مامرني ابد نوم. دمعي عله خدودي طبع
مامرني ابد نوم. حد الفجر لمن طلع
يامن فكدتك بصباي
عطشت الشوفك عيناي
يتمت الازغار
###
صعب فكدك يمن شخصك جنت بالضلمة نور النه
عشنه خلافك بحسرة ويريت اخلافه ماعشنه
علي ويكلف صدك فركاك. ويفرك الوالد اكلفنه
يريت انشيل ويه الشال. ويكون الموت ياخذنه
اتوسل الموت. ياريته يلفيني بعجل
اتوسل الموت. بالدنيا ماضلي امل
يامن عشت وانت وياي
عطشت الشوفك عيناي
يتمت الازغار
###
يمن بعدك فلا شفنه ولاضكنه طعم راحه
طير ومنذبح بعدك. ويموتك كصص اجناحه
كلبي من الونين اعليك. كطع يابويه سباحه
اكره والله طاري الليل. يطول وماكو مصباحه
ياليل الافراك. استجعل وطلع الصبح
ياليل الافراك. فوك الجرح لترش ملح
كلبي يون ون الناي
عطشت الشوفك عيناي
يتمت الازغار
###
مستجعل شجاك شبيك. تحط ياموته بينه اصواب
علي وصعبه فلا ترهم ابو تراب ويلوحه تراب
من يوم الرحل شخصك. عيوني معلكة اعله الباب
ترة الفارك يكلفة الشوك. يحين كل ساعه للغياب
ياوسفه الاتراب. خلة الدمع سيل يهلي
ياوسفه الاتراب. مني خذك والله علي
بهداي اونن بهداي
عطشت الشوفك عيناي
يتمت الازغار
###
_____
خادم اهل البيت ع
عباس المجتومي ###
/channel/abaas997
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
#اعلان
1- لزيادة مشاهدات اليوتيوب
2- لعمل هندسة صوتية عن طريق البصمات
3- لترويج المجالس الحسينية ع الفيس بوك
التواصل مع
@ahmed_alziwar0
07732320742
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
نرلة --- استشهاد الزهراء ع
فاطمة بعد النبي ضربوهه
*
عاشت ابهم والله هيه من الزغر
ثمن طعش ماكملت من العمر
مارحم بيهه ابد هذا الدهر
بت نبي الله ويسبوهه
**
فاطمة بعدك محمد تنضرب
وحكهه ليش يروح منهه وينغصب
سيده اعله الكون وتعيش برعب
والعصابة المجرمة أذوهه
*
بين باب وحايط وهم الجنين
حيل يعصرهه بغضب صار اللعين
ومنهه طك الضلع والله ام الحسين
وطاح منهه الطفل من عصروهه
***
يازلم توصلهه لو يمهه الفقار
جان ضلم يومهم ماصح نهار
ولاكدر زلمتهم يوج يمهه نار
غايب الكرار من وجوهه
**
بالصدر بسمار نابت والضلع
ومنه دم العين تجري ومو دمع
وين عنهه المرتضى بهذا الوضع
ماحضرهه شعجب من سطروهه
----------------------------
لخادم الزهراء ع
عباس المجتومي
/channel/abaas997
لسان حال الامام علي ع لفقد الزهراء ع
هااا يالقدر. عندي عتب. مني خذيت الغالي
شو من وكت. وستعجلت. خاطر تحطم امالي
متحزم انت عليه
عالفركة لامابيه
هايالقدر. هايالقدر
****
ليش الورد. شو ينذبح. ويسير لبطن الكاع
سافر بعد. لامايرد. مستعجل وراح بساع
واجه الموت بغفل هاليذبح الوردة
ولون جاء القدر لامو سهل. ردة
لمن اجه. بايك امل. وبجيته بايك حيلي
مني رحل. اغلى شخص. ياعيني دم هم سيلي
ياجيته اصعب جية
عالفركة لامابيه
هايالقدر. هايالقدر
***
فكدج صعب. ونار الكلب. ماتطفه اله بملكة
كون النفس. يحمل عطر. من عندج بكل شهكة
وانه الضايع دواي وماضن انه الكاه
وصعد ويه النفس عطرج نزل ويااه
انه علي. ومكتوب الي. افكد وضل بحسرة
احضر شدد. بس شدتي. تبدي بفكدهه الزهرة
وشل هواها الريه
عالفركه لامابيه
هايالقدر. هايالقدر
****
وكت المسه. يثكل ترة. ويكثر حنيني وشوكي
رب السمة. خلصه الي. ودعيلة الله الفوكي
وثكيل المغرب اعله اليتركة خلة
يجي ويكلف يحط العلة ع العلة
بثكل الجبل. فوك الصدر. وكت المسه من يكرب
يكتل كتل. ماينحمل. من عندة كلبي شيب
وبهالوضع يومية
عالفركة لامابيه
ها يالقدر. هايالقدر
*
ليل وسهر. ويه الصور. ويفيضن عيوني بماي
والله الجفن. عاف الجفن. ماترضه تغمض عيناي
وترة نار الحنين بتالي كل ليلة
تمر بالفاكد اعزازة وتهد حيلة
طول العمر. ليلي يمر. حسرة واذية ودمعه
حد الفجر. لمن يطر. ذاب الكلب جن شمعه
ياربي عينك لية
عالفركة لامابيه
هايالقدر. هايالقدر
**
بدارج انه. مابينه. حزني يزهرة البيه
بس الصدك. جوة الكلب. نار وتوج ليلية
واكضنه الدمع والحسرة تجويني
اخافن زينب تشاهد دمع عيني
عنهه اضم. سيل الدمع . وعيوني لاماتبجي
بس شاهدت. لون الوجه. كالتلي بويه احجي
احجيلي بويه شويه
عالفركة لامابيه
هايالقدر. هاليقدر
--------------------------------
لخادم الزهراء ع
عباس المجتومي
/channel/abaas997
نزلة للعسكري ع
العسكري اللية ----- للمهدي هد حيلة
نار الكلب وجر -- يمته علي تضهر
ثار الحسن يكبر -- بينه وعلي اثر
وانت الترد عيلة -- العكسري اللية
----
ثار الابو يكلف -- بيك الجرح ينزف
واحنه الك نهتف -- ثارك نهر ميجف
يجري يضل سيلة -- العسكري الليلة
------
ثارات الك عدة -- كسر الضلع بعدة
والتل صدك شدة - والعكسري وجبدة
كل يوم انه اشكيلة
-----
بالسم صدك كلفه -- جبدة نمرد وسفه
وجرحة كبر نزفه -- لا مارضه يغفة
بينه صعب شيلة -- العسكري اللية
-----
عيني اله اعميهه -- وسامراء اصل ليهه
ونعة الحسن بيهه -- من يوم اجه عليهه
ثبت نصر جيلة -- العسكري الليلة
خادم الحسين ع
الشاعر --- عباس حسين
لمولاتي رقيه ع
بعدني بعازتك وشتاك الك والملكاك
زغيرة اعله اليتم مابيه احمل فركاك
وشلت دمع العين
يمي بس راس حسين
---------------
يذبح المغرب يمر. .ويعصر بروحي عصر
ااااه يروحي
ادفع الكاع من اكوم. حمرة صرت من الدموم
من جروحي
بذني اسمع بويه اجيج. ليلي يخلص كله هيج
ويه نوحي
ولو كلت بويه اريد. بيه يستهزء يزيد
يكلي روحي
ااه. يادرب اليسر. ماينحمل بس. لجمات
من بعد حضن الابو بحضن الخرابه احنه نبات
ذوله ماعدهم دين
يمي بس راس حسين
---------------
طفلة عشت مدلله. منين اجتني كربلة
عذبتني
ركضتي بحرك الخيم. لا اكو ابوي ولاكو عم
تعبتني
رايدة اوصل للذبيح. انهض ورجع اطيح
ماشفتني
بويه لازم اعتنيك. حتلو ازحف اجيك
يالعفتني
رايدة اوصلك وكلك عمتي بنص ازلام
تركض وتعثر شفتهه وجت عليهه اخيام
واحنه نركض لاوين
يمي بس راس حسين
---------------
حسين سولفلي عليك. وينه راسك وين اديك
ترفس شبيك
الفين بيك من الجروح. وانه بعدك وين اروح
ارد اناغيك
هو هذا آخر لقاء. نلتقي يم السماء
هناك ارد ليك
دورت اذنه الترف - وماشفتهه من النزف
ردت احاجيك
ردت الزمة وماكدرت منين مالزمة اوجاع
صدرة من رض الخيول تساوة والله وي الكاع
واحنه عنك ماشين
يمي بس راس حسين
---------------
بوية ورمت الجفن. طفله وبعازت حضن
اكعدلهه
كلي جا ترضه الشمر. مني ترجيتي يجر
يوصللهه
حسينه يابو البخت. جرهه وذني تعورت
مايفلهه
من عظمهه شدتي. صرت اتيه عمتي
كون اصلهه
بويه من جرهن واحسن فاضت من ذني دموم
والله من كثر الوجع طحت وفلا بيه اكوم
والجرح صار ثنين
---------------
ويه اجانب بالدرب. من كعدنه بنص غرب
ع الترابه
اذكر ايام الخيام. وليلي ماكدر انام
من مصابه
دمعي مايبطل يسيل. غمضت عيني قليل
بالخرابة
بطيفي اه لمن شفت. راس ابوي وجن صحت
وينه بابا
يمي جابوه الطشت عبالي اكل كت ماريد
ولمن افتحته وشفت.راس الحسين الصنديد
متت فوك الشفتين
يمي بس راس حسين
---------------
لخادم رقيه ع
الشاعر --------
عباس المجتومي -------
/channel/abaas997
ميمر
هاي المجالس للدوم
عز وفــخر ويانه
▧▧▧▧▧▧▧▧▧▧▧▧▧▧▧▧
هاي المجالس بيهه تحضر فاطم
وتبجي دمة لا مو دمــع يالخــادم
تشارك عزانه وتنحب اويه الوادم
وتدعي الله كون يعجلنه الـــقائم
وهنيالة التسجلة اليوم
خادم تحط عنوانه
▧▧▧▧▧▧▧▧▧▧▧▧▧▧▧▧
هــنياله اليـخدمه بـصفاء النية
وفاز اليحصل دمعه باالطــمية
يعله الكنسهه بيده الحــسينية
يكبر كيانه وأجره موش اشــوية
هاذه الاجر حيل هواي
ويعادل المبجانه
▧▧▧▧▧▧▧▧▧▧▧▧▧▧▧▧
رايـد اوصي اليصـعد اعــلة المنبر
ثـوب التــواضــع لبســه لاتتـــكبر
بكل مجلس الزهره الزجيه تحضر
عدهه القلم هية وعدها الدفتر
تحضر تسجل الخدام
الملة وي خوانه
▧▧▧▧▧▧▧▧▧▧▧▧▧▧▧▧
انته الجبتنه من العدم للـخدمة
نعمة المجالس ورزقـتنه النعمة
نقسم وحك جف الكفيل اودمة
نجدد عهدنه اويـاك يابـو اليمة
واسمك دمة وبينه يعيش
كل خادم بشريانه
▧▧▧▧▧▧▧▧▧▧▧▧▧▧▧▧
مــاهـادت الــروح وعـليك اتـأسف
لن ماحضرت اوياك ساعات الطف
ريت اويــه ابوصـالح الثارك نوكف
ثــار السبيه وثــــارك وثـــار الجف
امربع نرجعه احنه الثار
اويه المنتظر مولانه
▧▧▧▧▧▧▧▧▧▧▧▧▧▧▧▧
لخــادم الحســـين الـشاعر
عــباس المجتـــومي
/channel/abaas997
قصيدة هلالية ثكيل
هلال الاحزان. عم بالاكوان
وفتح اهواي. لجروحي بيبان
####
بين اهلالك يعاشور المصايب
بكلبي فززت الجرح شهر النوايب
بيك افكد كل هلي وكل الحبايب
نومة كلهم والله ضلو. ع الترايب،
وذكر امصاب. فكد الاحباب
البيه عاشو. شجرة واغصان
#####
ااااه من بين هلالك وكت الغروب
كلبي من كثرت جروحه شمعه ويذوب
يصعب اعليه اعوفن اغله محبوب
وخنصر ايدة بياذنب من عندة مسلوب
بس بالاونين. عفت الحسين
موقف اوداع. بيه ماهان
#####
عيني من بين عليهه بالسمة هلال
كلت ردلي جروحي الشلن الحال
من عكب عين اخوتي بيه الشمر عال
انه اخت عباس وسفه يجرني بحبال
يططني كلسااا. مااصيح ااه
ورم امتون . وين الاخوان
####
لبست اسود ياحسيناا هالخدم هاي
وانه زينب والسواد بزغري وياي
ها يعاشور الحزن دم تبجي عيناي
والله واصعبهن جروحي جرحك الماي
شط الافرات. خلة لجمات
مات الحسين. يم عطشان
####
زينب وجرحك محرم بيه مينام
ينعصر كلبي واموت من اذكر الشام
حرمة وادخلت اعله وادم كله ضلام
صعبة ياطبت المرة مابين الازلام
تصعب هواي. طبتي هاي
تعاين الناس. واحنه نسوان
#####
لخادم زينب ع
الشاعر *عباس المجتومي
/channel/abaas997
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
جرح فكدك يحيدر حيل شلنه
وبعدك نبقه احنه نعيش شلنه
يريت وياك كون اليوم شلنه
ولانبقى نعيش بهم وذيه
------------------
الشاعر عباس المجتومي
/channel/abaas997
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يتوفر زيادة متابعين ومشاهدات
للفيس بوك والانستا
للتواصل @ahmed_alziwar0
#اعلان
1- لزيادة مشاهدات اليوتيوب
2- لعمل هندسة صوتية عن طريق البصمات
3- لترويج المجالس الحسينية ع الفيس بوك
التواصل مع
@ahmed_alziwar0
07732320742
