4278
Маҳрум бўлгач намозимдан- Бўлгунча марҳум. Марҳум бўлгач- Намозимдан бўлайин маҳрум.
ИШҚ САВДОСИ БОШГА ТУШДИ...
Қалб хис қилди Жалолингни,
Тегмасидан ўлим мушти.
Бир бор кўрмай Жамолингни,
Ишқ савдоси бошга тушди.
Чиқдим куфр қучоғидан,
Кечдим дўзах ўчоғидан.
Дил дарзмас ширк пичоғидан,
Ишқ савдоси бошга тушди.
Қалбга қургач фаросат ин,
Кема бўлиб мукаммал дин,
Деди: Нажот топ, менга мин,
Ишқ савдоси бошга тушди.
Кўз ёшларим селга дўниб,
Каломий фармонга кўниб.
Дил дарчамга иймон қўниб,
Ишқ савдоси бошга тушди.
Энди менга эмасдир ёт,
Гўзал Сарвари Коинот.
Дунёдаги энг Буюк Зот,
Ишқ савдоси бошга тушди.
Гох касал қалб хаволанди,
Сўнг зикринг-ла даволанди.
Каломинг-ла наволанди,
Ишқ савдоси бошга тушди.
Хавотирдир юрак қурғур,
Амалларим гуноҳ туғур.
Қалбдан мунофиқлик суғур,
Ишқ савдоси бошга тушди.
Ишқсиз қалби доғланмишам,
Хаста эдим соғланмишам.
Беш арконга боғланмишам,
Ишқ савдоси бошга тушди.
Жон берар дам менга авло,
Исминг айтиб ўлмоқ Мавло.
Ё султони Арши Аъло,
Ишқ савдоси бошга тушди.
Бу юракдан чиққан байтдир,
Ёлвораман қайси пайтдир.
Жон волидамга хам айттир:
Ишқ савдоси бошга тушди.
@A_meshayan
19.10.2019
Абдураҳмон Мешаян
Оламнинг ахволи
Ногоҳ ўлдирилса бир дайди кучук,
Дод солур ҳар бийрон, ҳам тили чучук.
Ғазода жон берса минглаб гўдаклар,
"Жонкуярлар" билмам жим турар нечук...
@A_meshayan
Абдураҳмон Мешаян
#Жулайбиб_розияллоҳу_анҳу
🎤Ижрочи: Зуҳриддин Муҳаммадалиев
✍️Муаллиф: Абдураҳмон Мешаян
Яқинларингизга ҳам улашинг !
👇👇👇👇
@m_zuhriddin_official
#ЙИҒЛАМА_УЙҒУР
Шарқий Туристонни зулмат буркади,
"Сариқ аждар" унга олов пуркади.
"Оқ айиқ" ҳам ундан туродир титраб
"Сеҳрли диёр" ҳам ондин хуркади.
Ит эмган кимсалар қони гупуриб,
Учинчи сайёра ичдан супуриб-
Истадилар қилмоқ уйғурни ҳалок,
Аммо қафас ичра қонлар тупуриб,
Булбул мисол фақат эрк деб сайради,
Иймонин қиличин синов қайради.
Фақатгина унинг вужуди маҳбус,
Руҳи озодликликда бўлгач яйради.
Жони қийналсада бўлмади таслим,
О уйғур қариндош, о уйғур муслим.
"Бермадингиз кўмак уйғурга нечун?"
Шармисор бўлгайман сўраса наслим.
Мен кезиб турибман кўкламда гулшан,
Сайр айлаб юрибман ўлкамда гулшан.
Маним виждонимга занжир солинган,
Унда эса фақат қўл-оёқ кишан.
У кўз ёш ичяпти мен эса шарбат,
У ғам емоқдадир, мен таом албат.
Пушаймон чекяпти менчи сигара,
У жангда мен эса дуода фақат...
Кун келиб қўлига олганча ҳанжар,
Топилгай ғанимнинг кўксига санчар.
Йиғламасин уйғур, ёруғ кун яқин,
"Сариқ аждаҳо"нинг Хақ бошин янчар.
Тавба-қуёш эрур, гуноҳлардир-қор
Хақ қаҳридан устун, Хақ муҳаббати.
Хар бир Фиръавннинг ўз Мусоси бор,
Хар Абу Жаҳлнинг ўз Муҳаммади!
@A_meshayan
09:46-26.12.2022
Абдураҳмон Мешаян
РУХАН ЁЛҒИЗЛИК
Устоз дердим, Абдурахмон Жомиӣ қани?
Дӯст бӯлардим, Жалолиддим Румиӣ қани?
Ишқ элига Хақдан буюк хомиӣ қани?
Азобдаман бугун рухан ёлғизликда
Чинор эдим золим зотлар синдиришди,
Уммон эдим бир лаҳзада тиндиришди
Пушаӣмонлик тулпорига миндиришди
Азобдаман бугун рухан ёлғизликда
Атрофимда одам кӯпу яккадирман,
Ё бемаврид бунёд бӯлган чаккадирман
Гӯё Муҳаммад(Алайҳиссалом)сиз қолган Маккадирман
Азобдаман бугун рухан ёлғизликда
Мен қӯшиқман куӣлолмаӣсиз авжим баланд
Мен ошиқман, бир париваш қилди дардманд
Ёримсиз Ӯзбекистонман Бесамарқанд,
Азобдаман бугун руҳан ёлғизликда
Мени сотиб ололмаӣсиз кӯнглим тӯқдир
Бебахоман, нарх қӯӣмангиз нархим йӯқдир
Онам учун фариштадан фарқим йӯқдир
Фақат...
Азобдаман рухан ёлғизликда
Мен излаган таскин хатто ёримда ӣӯқ
Шукр аӣтмаӣ ӯтган куним ёдимда ӣӯқ
Аллоҳимдан бошқа хеч ким ёнимда йӯқ
Азобларда қолсам руҳан ёлғизликда.
@A_meshayan
Абдураҳмон Мешаян.
«НЎНОҚ ШАХМАТЧИ»
Бургутман, чувалчанг чўқимасдирман,
Бу сўздан изламанг қинғир маънолар.
Аммо мендан кутманг, ўқимасдирман-
«Нўноқ шахматчи»га хамд-у санолар.
«Шахмат доналари» шўрлик халқ хамон,
«Шахматчи»-подшохдир, «шахматчи»-хоқон.
Қарама-қаршидир унга хар замон,
«Ўзга бир шахматчи» ўзга бир султон.
Биламан қийиндир «шахматчи»га хам,
«Шахмат доналари»н, асрай дер хамон.
«Фарзин»ни асрай деб бешикаст хар дам,
Доим «пиёда»ни айлайди қурбон.
Аммо жуда оғир бунга кўз юмиш,
Гар «фарзин» порахўр амалдор бўлса.
Дехқоннинг кўзига бахор ёз-у қиш,
«Пиёда»лиги-чун жиққа ёш тўлса.
«Шахматчи» хақ дейсан менга биродар,
Юрагингга ғазаб, нафрат, тўлганда.
Лек айтчи «шахматчи»н хақ дермидинг гар,
«Пиёда»лар ичра онанг бўлганда?
Бир «қурбон пиёда» отанг бўлганда?
@A_meshayan
18:06-08-11-2016
АБДУРАҲМОН МЕШАЯН
2005.13-МАЙ
-Ариқларда сув ўрнига қон-
Оққан кунлар ёддами эй жон?
Бегуноҳ эл қилинди қурбон,
-Ёдимдадир қандоқ унутай?
Икки минг беш, ўн учинчи май.
Нима қилди тахтда ўтириб,
Андижонни қонга ботириб.
Сиёсатни қўйса қотириб,
Бўлармиди халқ исёнга шай,
Икки минг беш, ўн учинчи май.
Билмасми қон оқизган қотил,
Катта посбон бўлмади одил.
Ўттиз бор Хаж қилса ҳам ботил,
Умраси ҳам уволдир бай-бай,
Икки минг беш, ўн учинчи май.
Андижонда қон оқизган зот,
Жаҳаннамда солиб ётур дод.
Қизгинаси қамоқдадир шод.
Шерикка ҳам навбат яқин ҳай,
Икки минг беш, ўн учинчи май.
Аскарлар ҳам кўрганча таҳдид.
Бир чуқурга кўмиб юз шаҳид,
Руҳий хаста бўлдилар, шоҳид-
Шу шўрлик халқ, қандайин алдай?
Икки минг беш, ўн учинчи май.
Ўн етти йил ўтди орадан,
Хануз оқар қонлар ярадан.
Халқим ажрат оқни-қорадан,
Алданасан ўзинг айт токай,
Икки минг беш, ўн учинчи май.
-Ариқларда сув ўрнига қон-
Оқиб ётди, олингач минг жон.
Вазир тирик, ичиб ўлди хон,
Халқ маҳшарда қасосин олгай,
Икки минг беш, ўн учинчи май.
@A_meshayan
13:56-13.05.2021
Абдураҳмон Мешаян
Отамнинг руҳини чирқиратмагин...
Энг яқин жигарим қондошим маним,
Бечора юракни зирқиратмагин.
Мол-у дунё учун бўлмайлик ғаним,
Отамнинг руҳини чирқиратмагин...
Дардларим шундоқ хам кетмиш қалашиб,
Юрмайлик илоннинг ёғин ялашиб.
Иним, ўз оғанг-ла мерос талашиб,
Отамнинг руҳини чирқиратмагин...
Тун-у кун халол ризқ излаб чопарман,
Рўзғорим кам-кўстин шундоқ ёпарман.
Зар топгум лек сени қайдин топарман?
Отамнинг руҳини чирқиратмагин...
Мен бойлик сўрасам Раҳмон йўқ демас,
Оғаман инисин хаққин хеч емас.
Хақдан нажот кутдим отамдан эмас,
Отамнинг руҳини чирқиратмагин...
Бу не шафқатсизлик бу қандай жазо?
Волидам қошида қилурсан низо.
Уй сенга, ҳужжатга қўймишман имзо,
Отамнинг руҳини чирқиратмагин...
Ё йўлдан урдими олтин жилоси,
Майли сенга бўлсин падар тиллоси.
Менга кифоядир унинг дуоси,
Отамнинг руҳини чирқиратмагин...
Мен халол ўлжага кўниккан қушман,
Кўзларимдан ёшлар тирқиратмагин.
Қўлнинг кири учун бўлмайлик душман,
Отамнинг руҳини чирқиратмагин...
09:26-26/04/2016/
Абдураҳмон Мешаян
#Болалигим_кирди_тушимга
Тушга кирди болалик... Кўз нам
Ер эмишман қоққанча ўрик
Нон ёпармиш тандирда онам
Отам эса эканлар тирик.
Гоҳ довучча тўлдириб бағир
Дўстлар билан тотармишман тут
Юзларимиз кирдан-кир яғир
Қалбларимиз тоза мисли сут.
Кечалари ухлармишман жим
Укам билан мен биргалашиб
Орамизни бузмасмиш ҳеч ким
Юрмасмишмиз мерос талашиб.
Сингилларим сакроғич ўйнар
Опаларим юрар сув сепиб
Менда эса танда қон қайнар
Тўймасмишман сира тўп тепиб.
Бўлишганча нор бирла тузни
Илинганча қўзичоқ гўштни
Иссиқ қилиб ҳамиша юзни
Яшармишмиз ҳар қўни-қўшни
Болалигим тушга кирди воҳ
Катта тоғам сўяр эмиш қўй
Жар солганча қилибмиз огоҳ
Маҳаллада бугун бор деб тўй.
Ёшу қари йиғилмиш бир кун
Жанозадан ҳамма қайтармиш
Ҳалойиқ ҳам марҳум ортидан
Фақат яхши гаплар айтармиш.
Қишда босиб ғарчиллатиб қор
Эргашибман онам изидан
Уйғондиму йиғладим зор-зор
Ажин йўқмиш отам юзида.
Болалигим кирди тушимга
Волидам ёшариб қолибди
Эгамишман яп янги шимга
Отажоним ойлик олибди
@A_meshayan
Абдураҳмон Мешаян
ТАҚИЛЛАТАР ЭШИГИМ БИТТА!
Мен шу қадар бахтсизман ё Раб,
Гуноҳ қилиб қалбим толмади.
Келдим яна мададинг сўраб,
Бошқа борар ерим қолмади!
Қалбим кўмирданда қорайди,
Сўнг кенг ризқим буткул торайди.
Нетай дил Уйингда яйрайди,
Бошқа борар ерим қолмади!
Кўнглим эмас қаро ниятсиз,
Мен шу қадар чиқдим уятсиз.
Гарчи феълим сура, оятсиз,
Бошқа борар ерим қолмади.
Шайтон қўлларимдан етаклаб,
Кўп гуноҳ қилдирди эрмаклаб.
Иймоним ҳам қолди эмаклаб,
Бошқа борар ерим қолмади.
Боғламасанг нафс ҳам бир итда,
Тақвоимга ташланар четда.
Тақиллатар эшигим битта,
Бошқа борар ерим қолмади.
Сени йўқлаб борсам арзирда,
Бомдодда, пешинда, асрда.
Шомда ҳуфтонда ва ҳозирда,
Бошқа борар ерим қолмади.
Оғир-оғир дардга чалиниб,
Шифо Каломингга талпиниб.
Ҳузурингга келдим ялиниб,
Бошқа борар ерим қолмади!
@A_meshayan
23:17-21.05.2023
Абдураҳмон Мешаян
#Уйғур_аёллари_сўраган_фатво
Хитойлик зўрлагач беникоҳ фарзанд-
Туғиб ўз шаънини қилмай деб расво.
"Жонга қасд қилмоқлик мумкинми" дея,
Сўраяпти уйғур аёллар фатво.
Уммат яросига ё Раб қўй даво,
Кўксимизга етмай қоляпти ҳаво.
Бир куни жим қараб турганимизга,
Жаҳаннамни бизга кўрмагин раво!
@A_meshayan
00:08-06.05.2024
Абдураҳмон Мешаян
(Аммо барибир ўйлайсан, одам. Ҳар бир вагонга масъул бириктирилган. Ўз фаросати билан бошқалар эътиборини жалб қилиб, сизлардан ноқулайлик учун узр сўраймиз, деса борми! Бутун вагон аҳли ўзини одам деб, ҳис қила бошлашига аминман).
Пулингга яраша шароитда яшайсан. Пулингга яраша жойда кетасан. Пулинг озми, шароитинг йўқми, танловинг йўқми, унда олға вагонга! Молдай кетавер!
(Ахир мана бу ёнимдаги онахоннинг қизи оққон бўлган. Шифохонада оғир муолажаларни оляпти. Куёви қизини даволатаман, деб итдек қийналяпти. Қизининг касаллиги сабаб ўзининг ҳам қон босими ошадиган бўлиб қолибди. Шу ҳолида набираларига қараб туриш учун Тошкент кетяпти. Ахир бу аёл Қорақалпоғистоннинг бир чеккасида, овулда қийинчилик билан яшаяпти. Самолётда учолмайди. Каттаконлар, сизнинг поездингизда юрса, унда нима айб? У нима қилсин?!)
Мен Самарқандга 3 май куни 1.43 да етиб келишим керак эди. Поезддан тушганимда 3.43 эди. Нақд икки соат кеч келдим ва ҳеч ким изоҳ бермади.
Ҳурматли АЖ катталари! Қизингизни, аёлингизни шу поездларга чиқаринг. Ўзгарасиз, бунга ишонаман!
Исомиддин Пўлатов.
P/S: Қорақалпоқ халқи ва таассуротларим бундай руҳда эмас. Улар ҳақида алоҳида таҳлил бераман. Қорақалпоқлар яхши эл ва ҳар қадамда истеъдодларни, ватанпарварларни, ориятли инсонларни учратдим...
Исомиддин Пўлатов
Олма.
(Бўлган воқеа)
Отам қариб улгурмай ётоққа михланиб қолдилар. Галма-галдан опа-сингилларим билан бориб қарайдиган бўлдик. Отамнинг эти суякларига ёпишиб, озиб кетдилар. Ошқозонга ботмаслиги учун ҳазми енгил овқатлар ичириб, едириб турдик.
Орадан ойлар ўтди. Бир куни отам мени ёнига чақириб, олма егилари келаётганини айтдилар. Кун совуқ бўлгани учун эриниб олиб келмадим. Олмани сўраганлари эсларидан чиқиб кетади деб ўйладим. Ўрнига қишга ёпилган олча қайнатмасидан бердим. Ичмадилар, истамадилар, қўллари билан пиёлани итариб, юзларини секингина ўгириб олдилар. Олма менинг эсимдан чиқиб кетган эди. Лекин адамларнинг эсларидан чиқмаган экан...
Ўша куни шомдан кейин оғирлашдилар. Йиғи-сиғи билан атрофларига йиғилиб ўтирдик. Онам отамнинг пешоналаридан оқаётган тер томчиларини оқ чит рўмол билан дамба-дам артиб турар эканлар, отам кўзларини узмасдан менга тикилиб қараб туравердилар.
Юзларига яқин келиб сўрадим: "Адажон у-бу нарса керакми?"
"Олма егим келганди. Энди керакмас...", дедилар ҳансираб.
Томоғимга тош тиқилди. Бўғзим ачишиб, юрагим қаттиқ сиқилиб, отамнинг юзига қаролмай қолдим. Ўлим билан олиша-олиша отамнинг жони тонгда узилди.
Ўшандан бери олма кўрсам ўзимни койивераман.
"Ўша олмани олиб келсам ўлиб қолармидим. Ахир жуда-жуда истаган экан-ку. Ўзини еёлмасалар сувини ичириб қўйсам бўлар эди-ку..."
Ҳар сафар кўнглимда шу гаплар айланаверади. Биламан фойдаси йўқ. Лекин нима қилай виждон азобида қовурилганим қовурилган.
Олма емаганимга етти йил бўлди. Бундан кейин ҳам еёлмасам керак. Чунки олмани кўрганимда кўзлари жавдираб ётган отам кўз олдимда гавдаланаверади.
Зулфия Махмуд.
©konspektor.
#Умму_Ҳабиба_розияллоҳу_анҳо
(Рамла бинти Абу Суфён)
Умму Ҳабиба ҳеч қилмай исённи,
Расули Акрамга гап очди ўзи:
"Менинг синглим бинти Абу Суфённи,
Ўз никоҳингизга олинг мен рози"
"Шуни хоҳлайсанми? Қилганча тоқат,
Умму Ҳабиба ҳам айлади жавоб:
"Сизни ўзимники қилгум йўқ фақат,
Синглим шерик бўлсин қилмоқққа савоб"
Умму Ҳабибанинг айтган сўзлари,
Гапчи пайғамбарга келмади малол.
Дедилар меҳр-ла порлаб кўзлари,
"Албатта ушбу иш менгамас ҳалол"
-Умму Саламанинг қизини олинг,
-Гарчи оғрисада кўнгилларингиз.
Менга тақдим қилманг, бир сўздан қолинг,
Қизларингиз бирла сингилларингиз".
Ўзгача бўлишган саодат асрин,
Эркаклари каби аёллари ҳам.
Улар ўйлаб ўтган жаннатнинг қасрин,
Ҳақ ризосин деган ҳаёллари ҳам.
Эй аёл сен эса ёринг рашк қилиб,
Иккинчисин олса куйиб кетасан.
Ёринг чаккасига ҳар кун гул илиб,
Фоҳишага борса айтгил нетасан?
Ҳалол бева кўпдир, ёрга таклиф қил,
Камайиб қолмайсан охир сен ҳам тўй.
Фаҳшга ботмасин деб оғриса ҳам дил,
Майли, уни ўзинг уйлантириб қўй.
Шунда сенга Аллоҳ ажратгайдир жой,
Жаннатнинг энг гўзал хоналаридан.
Ё рашкда зўрмисан ўзинг хойнахой,
Хатто мўминларнинг оналаридан?
@A_meshayan
22:51-31.10.2022
Абдураҳмон Мешаян
#Зайнаб_бинти_Ҳузайма_розияллоҳу_анҳо
Эллик баҳорни ҳам кўрганингиз йўқ,
Эй хатто қирқ ёшга тўлмаган онам.
Ўттизда тарк этди жон аталмиш чўғ,
Муборак вужудни кўзларимда нам...
Кўмакчи бўлдингиз мозийдир шоҳид,
Бадр урушида ярадорларга.
Димоғингиз туйсин жаннатда соф ҳид,
Азизсиз қалбида Аллоҳ борларга.
Абдуллоҳ ибн Жаҳш ўлди Уҳудда,
Тақдир экан сизга бир дам бўлмоқ тул.
Асли Мадинадек гўзал ҳудудда,
Иддасин ўтагач сиздек тоза гул-
Никоҳига олди сизни пайғамбар,
"Мўминлар онаси" қаторидан жой-
Олдингиз ва лекин ўлимдан хабар,
Келди дарҳол ўтгач вох бир неча ой...
Пайғамбарнинг ўзи ўқиди сиздек,
Жасоратли аёл жанозасини.
Оз умр кўрдингиз сизга қилмай берк,
Аллоҳ очсин жаннат дарвозасини!
Эй шоир сен фақат ширин сўзлар айт,
Саҳоба зотларга асло узайма.
Кўзингга ёш олиб ёзмоғингга байт,
Арзийдида Зайнаб бинти Ҳузайма!
@A_meshayan
20:23-21.04.2024
Абдураҳмон Мешаян
ЁНИМДА БИРГИНА СЕН ҚОЛДИНГ РОББИМ!
Дадамни қумурсқа тўдаси еди,
Аямга айтмадим тортган азобим.
Дўст:"Дардинг тинглашга вақтим йўқ" деди,
Ёнимда биргина сен қолдинг Роббим!
Табибларку фақат қилар сабабин,
Ўзинг шифо бердинг қочганда тобим.
Ёр деди: Нолиблар бузма асабим,
Ёнимда биргина сен қолдинг Роббим!
Эшигини ёпди менга қариндош,
Қаро булутлардан қўрқиб офтобим-
Юзин кўрсатмади гоҳида қуёш,
Ёнимда биргина сен қолдинг Роббим!
Тупуриб кетарди юзимга борлиқ,
Асл юзим кўрса кирлашди қалбим.
Сен кечиравердинг, тавбам бор ортиқ,
Ёнимда биргина сен қолдинг Роббим!
Соқолим жиққа хўл, жойнамозим нам,
Уйинггача бордим излаб меҳробим.
Бутун дунё мендан юз ўгирган дам,
Ёнимда биргина сен қолдинг Роббим!
Қамалдим ажрашди суюкли дилдор,
Тўп кўрган минордек чиқди харобим.
Гоҳи йўқламади фарзандлар бир бор,
Ёнимда биргина сен қолдинг Роббим!
Қилганим йўқ мен ҳам Сенга ҳиёнат,
Зам-замга алмашиб тўкдим шаробим.
Айтай келганда ҳам бир кун қиёмат:
"Ёнимда биргина сен қолдинг Роббим!"
@A_meshayan
22:16-21.05.2023
Абдураҳмон Мешаян
ЖУЛАЙБИБ رضي الله عنه
✍Муаллиф:Абдурроҳман МЕШАЯН
🎤Ижрочи:Зуҳриддин МУҲАММАДАЛИЕВ
Манзилимиз: t.me/a_meshayan
ЖУЛАЙБИБ (РОЗИЯЛЛОҲУ АНҲУ)
Қорачадан келган,
Бўйи паст.
Уйи ҳам йўқ,
Оддий либосли.
Егуликка недир топса ер,
Топмаса –
Рўзадор!
Ихлосли!
Тўшаги – ер,
Осмон – ёпинчиқ,
Ёстиғидир икки ковуши.
Масжидун-Набавий ёнида,
Суффада кечарди турмуши.
Бир кун ўтираркан саҳобалар-ла,
Биз уммати бўлган ул азиз Ҳабиб.
Тилда зикр, дилда чин тавбалар-ла,
Уларнинг олдидан ўтмиш Жулайбиб.
“Анави ким биласизларми?
Расулуллоҳ бермишлар савол.
“Анави ким биласизларми?”
Жавоб йўқдир, саҳобалар лол.
Чунки саҳобалар кўзлари,
Бу кимсага тушмаган эди.
Сўнгра Пайғамбарнинг ўзлари,
"Бу зот асли Жулайбиб", деди!
Сўнгра Жулайбибни ёнига чорлаб,
Саволга тутдилар Пайғамбаримиз:
Бир гўзал сўровга жуфтладилар лаб,
Энтикиб кетамиз тинглаб баримиз:
“Эй Жулайбиб, уйланмайсанми?
Оғиздан қуш каби учмади нолиш,
Бош эгилиб,
Ёшланмади кўз.
Янграмади асло даркор тан олиш,
“Қийналиб қолганман”, деган сўз.
Фақат деди: "Ё Расулуллоҳ,
На моли бор, на мансаби бор.
Жулайбибга ким хам қизини
Берар эди?
Ким ҳам бунга зор?"
Бу ҳол бўлгач икки бор такрор,
Расулуллоҳ сўз бошлаб секин:
Дедиларки: "Бир ансорим бор,
Уйига бор ва шундай дегин:
“Расулуллоҳ айтдилар салом,
(Овозлари бўлгандир майин)
Қизингизни менга турмушга,
Бермоқликни қилдилар тайин”...
Ансорий саҳоба не дейишга лол,
Қизи ансория аёллар аро.
Энг гўзали эди ҳам соҳибжамол,
Йигитнинг-чи юзи кўримсиз қаро,
Ахир бу не ҳолат ахир бу не ҳол
Йигитда йўқ эди на чирой, на мол...
Ансор деди: "На иш, на молингдир бор,
Қандоқ қилиб сенга берадирман қиз?"
Ансорнинг ёри ҳам айларди такрор:
“Шу Жулайбибга қиз берармизми биз?”
Ортга қайтармоқчи бўлишди уни,
Аммо шу он деди пок солиҳа қиз:
Эй отажон!
эй онажоним!
Қандоқ ортга қайтарадурсиз,
Расулуллоҳ номидан совчи
Бўлиб келган бу йигитни сиз?
“Аллоҳга қасамки, мен шу инсонга
Турмушга чиқаман. Қиз қилганди аҳд.
Қаранг эътиқодга, қаранг иймонга,
Расулнинг сўзига кирмоқ бунча бахт?
Дуч бўлинг ибратнинг бир нечасига,
Ибрат олмоқликни истасангиз гар.
Тўй ўтди. Висолнинг илк кечасига,
Яқин қолган чоғда жарчи солди жар:
“Динингизнинг ҳимояси учун чиқинг!
Динингизнинг ҳимояси учун чиқинг!
Асли Мадинада энг гўзал қизни,
Берилмай энг ширин лаҳзаларига.
Қолдирди..
Нафсига букмасдан тизни,
Жулайбиб қўшилди аскар сафига.
Жангда мусулмонлар қучдилар зафар,
Аммо ўлди баъзи саҳобалар ҳам.
Жанг кечган майдонга келиб бу сафар,
Муҳаммад соллаллоҳу алайҳи васаллам:
Бир бир изладилар саҳобаларни...
– Фалончи ўлибди...
– Эҳ, фалончи ҳам...
– Ҳатто фалончи ҳам тирик қолмади.
Аммо бирор киши ҳатто ушбу дам,
Жулайбибни тилга олмади...
Ўшанда Муҳаммад алайҳиссалом,
Жулайбибнинг ғамин едилар.
Ҳабибни, яъники бир содиқ дўстни,
Йўқотмадингизми дедилар?
Саҳобалар ҳайрон.
Мутлақо ҳайрон!
Урушда жон берган душман йиқишган.
Эдиларда ахир қалб бўлиб вайрон,
Ҳамма саҳобани санаб чиқишган.
Сўнг дедилар: "Ким у сиз айтётган дўст,
Эй Ҳақ Расули?.."
Ёш сидирмоқдаман...
Сўзладилар Ҳақнинг энг буюк қули:
“Дўстим Жулайбибни қидирмоқдаман”...
Жулайбиб жасадин қидириб топиб,
Динга бўлгани-чун чин камарбаста.
Унинг бошин қўйиб тиззаларига,
Шу сўзни Пайғамбар айтдилар аста:
“Сен Мендансан ва Мен сенданман”
“Сен Мендансан ва Мен сенданман”
“Сен Мендансан ва Мен сенданман”...
Бироз ўтгач пок Расулуллоҳ,
Бошларин бошқа ён бурдилар.
Бир ҳикмат бор бунда ё Аллоҳ,
Қуръон-ла хулқланиб юрдилар.
Пайғамбарга бўлганди аён,
Ҳеч тафаккур қиласизларми?
Сўнг дедилар: “Бошим бошқа ён
Нега бурдим биласизларми”?
Ҳаққа қасам, ул Жулайбибнинг,
Ҳурдан бўлган пок хотинлари.
Уни бағир босмоқлик учун,
Талашганча келарди бари.
Сўнгра юзим бурдим бошқа томонга,
Жулайбибнинг рашки ёдимга тушиб”.
Сўнгра юзим бурдим бошқа томонга,
Жулайбибнинг рашки ёдимга тушиб”...
О азиз Жулайбиб, шаҳид Жулайбиб,
Мендек бир қул эса эсини еган.
Кибрланар..
Гўё унга ҳам Ҳабиб,
“Сен Мендансан ва Мен сенданман”, – деган.
Ўз ўзимга энди шудир дуоим:
Ерда мени майли уч кимса билсин!
Энди шудир мақсад шу муддаоим,
Роббим осмонида таниқли қилсин!
20:54-01.02.2020
Абдураҳмон Мешаян
ДАДА СИЗНИ СОҒИНГАНИМДА
(Дўстимнинг дарди)
Тарк этаман бир кун дунёсин,
Кечиб бўлгач хаёт дарёсин.
Забонимдан тушмайди “Ёсин”,
Дада сизни соғинганимда.
Хасрат тоғи бирдан қулайди,
Тил дуога дуо улайди.
Қалб боғимда иймон гуллайди,
Дада сизни соғинганимда.
Мени дардлар қиломас эрмак,
Гўдакмасман тинглашга эртак.
Хотирамга тушар чин эркак,
Дада сизни соғинганимда...
Саккиз фарзанд улғайтирган зот,
Фирдавсда бўлсин дейман шод.
Ёдга тушар лафзи халол зот,
Дада сизни соғинганимда.
Хаёт экан улкан иморат,
Хасрат ва шодликдан иборат.
Қиларман қабрингиз зиёрат,
Дада сизни соғинганимда.
Қалбим ёниб, юрак куяди,
Кемтик кўнглим соғинч туяди.
Кўзларимдан ёмғир қуяди,
Дада сизни соғинганимда...
Хаёт мени қаттиқ элади,
Дард шамоли хануз елади.
Болаликка қайтгим келади,
Дада сизни соғинганимда.
Хануз юрак-бағрим ўяман,
Хилватларда йиғлаб қўяман.
Чопонингиз хидлаб тўяман,
Дада сизни соғинганимда...
Тиззангизга ўтириб олиб,
Новвот ердим оғзимга солиб.
Хаёл кетар ёшликка олиб,
Дада сизни соғинганимда.
Оздир сиздай қалби офтоблар,
Ёдимда сиз қилган хитоблар.
Овутар сиз тутган китоблар,
Дада сизни соғинганимда.
Овозингиз истар қулоғим,
Бир луқма ўтказмас томоғим,
Марғилонга тортар оёғим,
Дада сизни соғинганимда.
Ифорингиз қумсар димоғим,
Ашъор битсам титрар бармоғим,
Суратингиз ўпар дудоғим,
Дада сизни соғинганимда.
@A_meshayan
21.03.2020
Абдураҳмон Мешаян
ИЛЛАТ ВА МИЛЛАТ
Ҳеч қайси иллатнинг, йўқдир миллати.
Ҳар қайси миллатнинг лек бор иллати.
Араб зўрда дейсан Алига қараб,
Лек Абу Жаҳл ҳам бўлгандир араб.
Дунё аҳли Гёте немис ўғли дер,
Аммо олмон бўлган шунингдек Ҳитлер!
Думбадзеда оққан гуржининг қони,
Жугашвилида ҳам, шу энг ёмони.
Русдир ул оқ пошшо қилмиши қаро,
Лек Толстой ҳам русдир, нечун можаро?
Арманнинг бир ўғли тенгсиз даҳодир,
Тағин бир боласи қонхўр юходир.
Сенинг ҳам бир боланг олимдир ўзбек.
Золиминг ҳам йўқмас, бу оғриқли лек.
Шундан ҳар миллат-ла қилдим муросам,
Шудир энг ишонган тўғри хулосам:
Ҳеч қайси иллатнинг йўқдир миллати,
Ҳар қайси миллатнинг лек бор иллати.
@A_meshayan
19:43-02.11.2017
Абдураҳмон Мешаян
АНДИЖОНДА ТЎКИЛГАН ТУТЛАР...
Ўз вақтида берилмаса сув,
Ниҳоллар хам қоларкан қуриб.
"Боғбон" элни туширганча чув,
Қолса халқнинг хаққидан уриб.
Бу қандайин "боғбон"дир беғам,
Сув йўлини ёпинглар деса.
Ниҳоли ёш дараҳтларни хам,
Битта қўймай чопинглар деса.
Хақ эшитур солган додимни,
Тингламайди кар-соқов бутлар.
Тарк қилмаган хануз ёдимни,
Андижонда тўкилган тутлар...
"Нодон боғбон" кўрсатма бергач,
"Итлар" қоқди, "тутлар"ни бир-бир.
Бобур номли майдондан тергач,
Кўпин омбор тиқдилар охир.
Йиғидандир кўзларим ишган,
Шеър атадим аларга маҳсус.
Йирик, майда, пишмаган, пишган,
Андижонлик тутларга маҳбус.
Эзғилангач кир товон-ла дод,
Чиққан каби тандин жонлари.
Айлагандек майхўрларни шод,
Кишмишларнинг ширин қонлари,
Ёдга олмоқ жуда хам оғир,
Олганлигин дард кўпнинг жонин.
Ўшал куни ёғмаса ёмғир,
Юволмасдик "тутлар"нинг қонин.
Мен не дердим хилватда қолсам,
Яратганга дардим айтурман.
Бир кун Самарқандга йўл олсам,
Шайтонга тош отиб қайтурман...
@A_meshayan
20:20-13.05.2018
Абдураҳмон Мешаян
#ЯГОНАМ
Нетай нафснинг қитолига тавбадан зўр силоҳим йўқ,
Мендан бошқа қулларинг кўп, менинг бошқа Илоҳим йўқ.
Хатокорман кечир мени, Рози қилгум келур сени,
Разиллашяпман ҳар куни, Сендан ўзга гувоҳим йўқ.
Ўзим лолман ўзим ҳайрон, Манинг ишим қилмас ҳайвон,
Хайратдадир хатто шайтон, айламаган гуноҳим йўқ.
Йиғлаб-йиғлаб остонангга бошим уриб келдим яна,
Йўлдан урар лаъин бисёр- Сендан бошқа паноҳим йўқ.
Не учун ранжитдинг она?
Не учун инжитдинг яна?
Сўрар бўлсанг сўроғингга-
На жавоб на изоҳим йўқ!
Номаҳрамга боқиб тўймас қаро-қаро кўзим бордир,
Фурқонингга ойда бир бор боқадурғон нигоҳим йўқ.
Маъсият-ла дўст тутиндим, макруҳ бирла бўлдим иноқ,
Қалб дер: Билганим қиламан-
ақл билан никоҳим йўқ!
Сенинг қулларинг беадад, мен эса чиқдим беадаб,
Қилма ғазаб бергил мадад, сендан бошқа Фаттоҳим йўқ.
Ғамим милён, дардим милярд, ҳасратларим трилёндир,
Умидим эса биттадир, сендан бошқа Аллоҳим йўқ!
18:05-17.05.2023
Абдураҳмон Мешаян
Хуллас, Юлдуз Усмоновани судга бермоқчиман.
"Онам" эканлигини тан олса бўлди. 33 йил жим юрганим етар!
Манга ҳеч нарса керакмас.
Тасаввур қиляпман Абдураҳмон Усмонов...
Увахаха
БАЙРАМ ҚИЛАЙМИ?
Ўзбекка "басмач" деб аталмиш тамға-
Босилган кунларни байрам қилайми?
Ё ўзбек, қутургач "мўйловли оға"-
Осилган кунларни байрам қилайми?
"Ёт унсур" аталиш баҳонасида,
"Ўткан кунлар" чиқса кошонасидан,
Тўппонча тиралиб пешонасидан-
Отилган кунларни байрам қилайми?
Ғаним жон олай деб чиққанда "ов"га,
Зумда таслим бўлиб арзимас ғовга.
"Миллат ойдинлари"н чўчқафеъл ёвга-
Сотилган кунларни байрам қилайми?
Бормиди бизданда холи хароби,
Бузилган масжиди хамда меҳроби.
Уруш чоғ муттасил қайғу шароби-
Тотилган кунларни байрам қилайми?
Навбатда турганча бир бўлак нонга,
Нон деб раҳна солиб гохида жонга,
Қўлдан тирсаккача ювилмас қонга-
Ботилган кунларни байрам қилайми?
Завжалар-беваю, сағир-зурриёд,
Тобут қучиб солди волидалар дод.
Авахтада чорак асрдан зиёд-
Ётилган кунларни байрам қилайми?
Магаданга сургун бўлган бехуқуқ-
Боболар гўё дер айт бўлмай дудуқ:
Эллик даражадан ошганда совуқ-
Қотилган кунларни байрам қилайми?
Бир пайтлар дейишса тиззаларинг бук,
Темурий ворисда қилт этмасди тук.
Етмиш тўрт йил халқим елкасига юк-
Ортилаган кунларни байрам қилайми?
Токи қулагунча у ваҳший тузум,
Ўз боғимда пишган олмаю узум.
Ёт дастурхонларга тўхтамай бир зум,
Тортилган кунларни байрам қилайми?
telegram.me/a_meshayan
02:59-09.05.2019
Абдураҳмон Мешаян
САЙЁҲМАН
Чекмасамда чексамда андуҳ,
Вужудимни тарк айлайди руҳ.
Кетди ҳатто шунча яшаб Нуҳ.
Мен ҳам кетгум дили сиёҳман.
Бу дунёда йўлчи, сайёҳман.
Бир кун ботса умрим қуёши,
Диндошларим қилар кўз ёши.
Тегмаса бас туҳматнинг тоши,
Фиръавндек демам:Илоҳман,
Бу дунёда йўлчи, сайёҳман.
Вужуди соғ навқирон-ўзим,
Иймоничи-ногирон ўзим.
Шаҳид бўлиб юмилсин кўзим,
Демасманки ман бегуноҳман,
Бу дунёда йўлчи, сайёҳман.
Аллоҳга бош эгмайин нега?
Ўзи ахир хақиқий Эга.
Балки бугун, балки эртага,
Ҳузурига чорлаюр Роҳман,
Бу дунёда йўлчи, сайёҳман.
Бандаларга бўлсин деб роҳат,
Каломуллоҳ-Ҳақ юборган хат,
Ота-онам топишгач албат,
Аллоҳ жон киргизган гиёҳман.
Бу дунёда йўлчи, сайёҳман.
Саёҳатим гўдак ёшида,
Бошланмишдир бешик қошида.
Бир кун тугар мозор бошида.
Айби бисёр, юзи доғ моҳман.
Бу дунёда йўлчи, сайёҳман.
@A_meshayan
Абдураҳмон Мешаян
Qibray tumanida yashovchi Maʼpura opa yana sizlarning yordamingizgaga muhtoj.
2021-yilda aseptik nekroz tashxisi bilan tos sohasiga 2 ta endoprotez qo‘yilgandi.
2022-yilda protez qo‘yilgan joyda og‘riq boshlangan va Maʼpura opa muntazam muolaja olib yurishga majbur bo‘lgan.
2023-yilda og‘riq kuchayib ketgan. Tekshiruvlardan keyin suyakda osteomiyelit aniqlangan. Shuning hisobiga hozirda harakatlari anchayin cheklangan.
Ayni paytda qo‘yilgan protezni tezroq olib tashlab, muolaja qilinishi kerak.
Jarrohlik operatsiyasi uchun 35 million pul zarur.
Plastik kartalar:
UzCard SQB: 8600030409795352 Ro‘zihojiyeva Maʼpura.
UzCard SQB: 5614681628662979 Ro‘zihojiyeva Feruza (qizi).
Telefon: +998955950605.
18+
Аёлингизни, қизингизни поездга чиқарманг!
(Имкон топсангиз тарқатинг, керакли манзилга етиб борсин)
Менга Самарқанд-Нукус, Нукус-Самарқанд йўналиши бўйича поездга чипта буюртма қилишди. Очиғи, тадбир белгилаб бўлинган, шу чиптани топишнинг ҳам ўзи бўлмади. Узоқ йўл, таксида бориш ва тадбирларда иштирок этиш одамни толиқтиради.
Хуллас, қайдасан Қорақалпоғистон, деб йўлга тушдим.
Доим ҳам поездда юрган одам эмасман, "ичкаридаги ҳаёт"ни билмайман.
Купенинг юқори қаватидан жой буюртма қилишган экан. Мени чақираётган мезбон масъулнинг истиҳола билан чиптани электрон ташлаганини кейин англадим... "Плацкарт" бўлиб қолдида", деб қўйди.
Купенинг иккинчи қаватига чиқиб жойлашиш эркак киши учунам азоб. Аёлларни қўяверинг. Тор, деярли ҳаракатлана олмайсиз. Масалан, Самарқанддан Нукусга бормоқчимисиз, шу алфозда 12 соатдан ортиқ юрасиз. Тошкентдан йўлга чиқсангиз қарийб бир ярим кун... Қамоқ!
Бу узоқ масофада телефон зарурати бўлади, албатта. Қуввати ўтириб қолиш эҳтимоли юқори. Вагонда қувватлаш учун шароит йўқ. Жуда муҳтож бўлсангиз, ҳожатхонага кириб телефонни қувватлаб оласиз. Ажойиба! Сиз ҳожатхонада телефон қувватлаяпсиз, қолганлар ташқарида сизни интиқ кутишяпти.
Ҳамроҳларимнинг айтишича, қайсидир қимматроқ вагонларда қувватлаш учун шароит бор экан. Ўша гап, мажбуран ё пулингиз камроқ бўлгани учун чипта олдингизми, чидайсиз. Сиз одам эмассиз. Паст табақасиз. Қаранг, атиги зарядлаш қурилмаси... Йиғлагинг келади одам. Қадрингга.
Ҳожатхонада қоғоз йўқ. Бир марта қўйилади, қўпол бўлсаям улгуриб қолсангиз бахтингиз...
Поездга масалан, мен аёлим ё қизим билан чиқмайман. Аллоҳ мажбур қилмасин, агар аҳволимиз шу, "Ўзбекистон темир йўллари" одамни итдан баландроқ кўришни бошламас экан, аёлим поездга чиқмайди.
Узоқ йўл. Ҳамма бироз ҳордиқ чиқаришни истайди. Иссиқ. Аёлми-эркакми, чўзилиб ётади. Енгилроқ кийинади, вагон бўйлаб ҳаракатланади. Хунук манзара. Кўзингиз чидамайди. Аёллар, қизлар ноқулай ҳолатда ётиб кетишга мажбур. Купелар ёпилмаган, бир аёлнинг ноқулай ҳолатда ётганини бутун вагондаги эркаклар бемалол томоша қилади.
Негадир одамлар вагонга кирган заҳоти уятни унутадигандек. Мажбурлик, мажбурлик, мажбурлик ва яна озгина бефаросатликдан, деб ўйладим буни.
Шу ўринда ўзимизга бир гап. Ич кийимда юриш эркакка уят эмас, деган қоида йўқ. Сизнинг кўкрагингиздаги ифлос юнгга ҳали турмушга чиқмаган қизболанинг кўзи тушиши шартмас.
Тўғри, вагон иссиқ, совитиш тизими йўқ. Лекин ҳаё терлаб кетишдан, ноқулайликдан баландроқ нарса. "Ўзбекистон темир йўллари" бу ҳақда ўйлагунча асрлаб ўтиб кетмаса бўлди. Чунки катталарнинг хотини, қизлари бу вагонлар ҳақида тасаввурга эга эмас! Қўрқинчли туш бу жой.
Ёнимдаги ҳамроҳим эътирозимга эътироз қилди. "Агар купеларни олди ёпилса, нархлар яна ошади", деди. Жой "эконом", демоқчи.
Хуллас, анави купенинг иккинчи қаватига чиқишни истамасангиз "проводник"ларга мурожаат қилинг. Улар сизга қайсидир вагондан жой топиб беришади. Купенинг паст қаватида кетиш учун яна 150 минг тўлайсиз. Кўнсангиз шу, бўлмаса йўқолинг!
Етмишларга яқинлашган онахон Навоий вокзалига келганда нолияпти. "Жойим тепада ўғлим, пастда бўлсангиз алмашайлик. Ҳозир зўрға пастга тушиб олдим. Ҳамма ерим қақшаяпти", деди. Мен нафас олишга қийналган ковакда унинг ҳоли нима бўлганини тасаввур қилдим. У Тошкентгача кетиши керак...
Энг ажойиби энди! 2024 йил 2 май куни Нукусдан қайтишда, Хоразм вилоятининг аллақаеридадир чўлда поезд бузилиб қолди. Тахминан соат 20.10 лар эди. Алоқа йўқ. Қарийб қирқ дақиқа давомида ёрдамчи поровоз келишини кутдик. У бизни судраб, маълум масофага олиб борди. Яна йигирма дақиқа уринишлардан сўнг, биз юрдик.
На кимдир изоҳ берди, на ташкилот номидан узр сўралди.
Бутун поезддагилар, ҳамма табиий қабул қилди буни. Битта ўзимдан "оқсуяк" ясаб олгим келмади. Камига бу ерда ҳар қандай гап ортиқча. Ҳамма поезд ходимларини буралаб сўксангиз ҳам улар айбдор эмас. Тизимдаги тизимсизлик, эгасизлик учун улар айбдор эмас. ТЕПА пастга тушиши керак. Улар тушмайди. Ҳаммасига, ҳаммага тупурган.
#Премьера
#Қайта_ижро
Кўпчилигингизга маълум ва айримларингиз ушбу шеър ижройимдан сўнг мени танигансиз. Аввалги ижройим қарийб 5 ёки 6 аввал ижро қилинган ва ўзимга унчалик ҳам ёқмас эди. Овоз монтажи телефонда қилингани учундир балки. Бугун эса айнан шу шеърни профессионал студияда, профессионал овоз устаси ёрдамида қайта ижро этдим. Ўйлайманки сизга ҳам манзур бўлди, тўғрими?
🎤Ижрочи: Зуҳриддин Муҳаммадалиев
✍️Муаллиф: Абдураҳмон Мешаян (@a_meshayan)
👨💻Овоз монтаж устаси: Нажмиддин Мўйдинов (@REAL_MEDIA)
_Агар ижро ёққан бўлса дўстларингиз ёки сизни кутаётган қорияларингизга ҳам юбориб қўйинг_😉!
@zuhriddin_muhammadaliyev
Илтимос эртага кел.
Чарчадим.
Жиллақурса бомдоддан кейин.
Илтимос қиламан илҳом париси!
Итдек чарчадим ахир!
СИНГИЛ ЕЛКАСИДАГИ ЮК
Бир кунимдир гохи ноҳуш, гохи суюк,
Об-хаво тез ўзгарар қалб ўлкасида.
Англадимки дунёдаги энг оғир юк,
Оғаси бор сингилларнинг елкасида.
Билиб бўлмас инсонларнинг ич оласин,
Умрим қисмат тарозуда тортилгандир.
Хар сингилнинг елкасига ўз оғасин,
Ор-номуси юк ўлароқ ортилгандир.
Оға кўнглин ғам-андуҳлар қўйгач ея,
Бош эгилиб, қад букилиб, синар кўнгил.
"Бундай юкни кўтаролмам оғир" дея,
Хушторларин тўшагига тўкса сингил.
@A_meshayan
10:15-20.04.2017
