4278
Маҳрум бўлгач намозимдан- Бўлгунча марҳум. Марҳум бўлгач- Намозимдан бўлайин маҳрум.
#Abdurahmon_Meshayan
#Nazm
Rashki yo'q oshiq
Radioni tinglash: https://azon.uz/radio
Kanalga ulanish: @azonmedia
#Мен_учун_яша
Кўзимдан ирмоқмас дарёлар тоша,
Аллоҳга ёлвориб кўп йиллар оша.
Мен сени топганман ўлишга эрта,
Мен учун яшагин, мен учун яша!
Сендан ўзгасига армондир васлим,
Сен бирла кўкламга дўнар қиш фаслим.
Майли мен ўрнингга қилай жон таслим,
Мен учун яшагин, сен учун яша!
Биламан кечалар бедорлигингни,
Ҳасталик дастидан безорлигингни.
Ёлворай енгақол беморлигингни,
Мен учун яшагин, мен учун яша!
Кезай табиб излаб розиман хатто,
Бадахшондан тортиб Кашмиргача то.
Дардингга шифони Хақ қилсин ато,
Мен учун яшагин, мен учун яша!
Меҳрингга ташнаман ташнаман ташна,
Эй мен севган дарахт яшнагин яшна.
Кўзлар йиғлайвериб бўлдилар чашма,
Мен учун яшагин, мен учун яша!
Сен кетсанг айт сўлим боғларни нетай,
Минг ёшдан ҳам ошган тоғларни нетай.
Жуфтим хаста бўлса соғларни нетай,
Мен учун яшагин, мен учун яша!
Қалбингда умиднинг қасрини қургин,
Кексайган чоғим ҳам ёнимда юргин.
Тезроқ тузал жоним, оёққа тургин,
Мен учун яшагин, мен учун яша!
@A_meshayan
20:17-17.04.2024
Абдураҳмон Мешаян
Assalomu alaykum va rohmatulloh
Azizlar yana hayriya masalasida yozayabman. Sizlarni qo'llab quvvatlashingiz bilan bir singlimizni Moskvaga, operatsiyaga yuborish uchun mablag‘ yig‘ib bergan edik.
Hozir aytilgan buyrak ko'chirib o‘tkazish operetsiyasi bo‘lib o‘tdi(operatsiyani Цердца degan fond qoplab bergan). O‘sha payti juda shoshilinch yordam so‘rashgani uchun to‘liq ma‘lumotga ega bo‘lmagan edim. Bir vaqtning o‘zida buyrak saratoni, sahr, jigar serrozi bilan og'rigan ekan(noto‘g‘ri muolaja oqibati). Sahr tufayli ko‘zi yahshi ko‘rmay boshlagan. Hozir o‘sha yerdaligida boshqa kasallarini ham davolatish kerak, ikkisi ham hayot uchun xavfli. Davolayotgan doktor fondga ariza kiritgan lekin javob ijobiy bo‘ladimi yo‘q, noma‘lum. Hozirda to‘liq tekshiruvdan o‘tkazish uchun 15 mln ga yaqin pul kerak bo‘larkan. Siz azizlardan yordam qo'lini cho‘zishingizni so‘rayman.
Singlimizni ota-onasi tashlab ketgan deb aytgandik. Men buni qabul qila olmadim. Shuning uchun ham inshaalloh davolanishini oxiriga yetkazishga bel bog‘ladik. Oz muddat ichida guvohi bo'lganim, u qizning tamoman umidlari uzilgan paytda ko'pchilikning yordami tufayli yana yashab qolishga umid uyg'ondi, tuzalib ketishiga ishonyabdi, inshaalloh yordamingiz zoye ketmaydi
Aloqa uchun:
99-988-94-65 o‘zimning raqamim
997280073 Nodir aka, bizga dalolat qilgan, va ehsonlarni to‘g‘ri joyga yetib borishiga iymoni bilan kafillik bergan akaning raqamlari
5614 6805 1307 4993
Mamatqulov Nodirjon nomida
Oz-ozdan bo‘lib ko‘l bo‘ladi inshaalloh. Tilxat bilan qarz olishga ham rozimiz. Befarq qoldirmasliklaringizni iltimos qilardim. Hech bo'lmaganda ulashing
Davron Mirzoubaydullayevning facebookdagi sahifasidan
АРЗОНЛАШГАН ҚАДР
Тушунмовчиликдир, балки эҳтимол,
Каззоб амалдорнинг шу бўлди шархи:
“Халқ қилгани учун кўп-кўп истеъмол,
Ошди мамлакатда барра гўшт нархи.
Тўғрида не иши, нима иши бор,
Қорқни оч халқ билан қорни тўқ хоннинг?
Бу гал қора халқни қақшатиб зор-зор,
Нархи ошар эмиш қаро-оқ ноннинг.
Шудир давлат элга кўрсатган химмат,
Авом эл қолмоқда сарсонлигича.
Мамлакатда бўлди хар нарса қиммат,
Инсон қадри қолди арзонлигича...
16:28-12.10.2019
Абдураҳмон Мешаян
#Мусулмонга_ўхшамай_қолдик
Лаа Илаҳа Иллаллоҳ айтиб,
Мўмин деган бир унвон олдик.
Аммо яна гуноҳга қайтиб,
Мусулмонга ўхшамай қолдик.
Май тўлдириб хум ва кўзамиз,
Ичдик шароб, тотдик бўзамиз.
Қилмай тоат, тутмай рўзамиз,
Мусулмонга ўхшамай қолдик.
Қизига шим танлаюр ота,
Доооод виждонин иблисга сота.
Гуноҳ деган ботқоққа бота,
Мусулмонга ўхшамай қолдик.
Тупурди қалб булоғимизга,
Бомдод чоғи гар ухлаб олдик.
Шайтон "суйиб" қулоғимизга,
Мусулмонга ўхшамай қолдик.
Ўз кўксимни тиғлаб айтяпман,
Дилга малҳам излаб айтяпман.
Кулиб эмас йиғлаб айтяпман,
Мусулмонга ўхшамай қолдик.
Бизларда йўқ хаё ва ибо,
Хар томонда фахш, кибр, рибо.
Г'ам қасрига қилиб мархабо,
Мусулмонга ўхшамай қолдик.
Энди эса юрибмиз додлаб,
Фарзандимиз иблисни шодлаб-
Қуръон эмас, рок юрса ёдлаб,
Мусулмонга ўхшамай қолдик.
Талоқ деган сўзга чўкдик тиз,
Ёр туғса гар ўғил эмас қиз.
Бошқаларни билмадиму биз,
Мусулмонга ўхшамай қолдик.
Қилган минглаб гуноҳимиздан,
Пушаймонга ўхшамай қолдик.
Хаё қилмай Паноҳимиздан,
Мусулмонга ўхшамай қолдик.
Қуръон ётур жавонда бекор,
Жойнамозни сандиққа солдик.
Кечир бизни ё Парвардигор,
Мусулмонга ўхшамай қолдик.
Юрак қолди иймондан бўшаб,
Юравердик кибримиз тўшаб.
Ажнабийга шу қадар ўхшаб,
Мусулмонга ўхшамай қолдик.
@A_meshayan
10:16-08.02.2016
Абдураҳмон Мешаян
Абдулла Орипов
Менга хуш хабар айт...
Менга хуш хабар айт, ёлғон бўлса ҳам...
Дарду машаққатлар ўтгайдир бари,
Ўксима, оёққа тургайсан, деб айт.
Умрингни фараҳбахш, тотли онлари
Ҳали олдиндадир, кўргайсан деб айт.
Менга хуш хабар айт, ёлғон бўлса ҳам...
Дўстларинг бордир-ку ҳали дунёда,
Сени кулфатларда қолдирмас деб айт.
Ёвузлик бўлса ҳам ҳаддин зиёда
Сени чангалига олдирмас, деб айт.
Менга хуш хабар айт, ёлғон бўлса ҳам...
Олис муҳаббатинг сўнмаган ҳамон,
То ҳануз унутмай юрибди дегил.
Сарғайган дафтарин варақлаб пинҳон,
У сени тушида кўрибди дегил.
Менга хуш хабар айт, ёлғон бўлса ҳам...
✍ 2008 йил 7 июнь
@abdullaorifijodi
#Аллоҳнинг_раҳми_келган_она_бола_мўминлар
Уч йил аввал шу гулларни онамга соғва қилгандим.
Онам у вақтларда мусулмон эмасди.
Гулларга қараб роса йиғлаганман.
"Ўзингни нега алдаяпсан, бу онангнинг байрами эмаску" деб.
Ўшанда илк марта юрагим санчиб кўзларим йиғидан хиралашиб қолган.
Ўн олти йил тинмай сўраганимдан кейин онам муслима бўлдилар.
Ҳали бир йил ҳам бўлмади.
Бугун борсам ўзбекча ош қилибдилар.
"Бу йил пасхани нишонламайман, тухум бўямайман энди" дедилар.
Роса қувондим.
Нима деб ўйлашингиз ўзингизга ҳавола.
Аммо ўлим хақ.
Ё онам мени кўмади ё мен онамни кўмаман.
Аввало узоқ яшасинлар.
Аммо агар ўлсалар энди армоним йўқ.
Ортларидан "Инна лиллаҳи ва инна илайҳи рожиъун" дея оламан, Қуръон ўқий оламан.
Отамга нисбатан эса бу амалларни амалга ошира олмайман.
Онангизнинг қадрига етинг.
Уриб сўкса ҳам сизга кун бермаса ҳам.
Муҳими у муслима ахир.
Онам тобора қариябдилар мен ҳам.
Юзларимиз нигоҳларимиз кўзларимиз тобора янада бир-бирига ўхшаб бормоқда.
Жуда-жуда яхши онанинг ёмон боласиман.
Онамдек ҳалим, мулойим, мулоҳазали, босиқ, фаросатли эмасман минг афсус.
Шу жиҳатлари юқишини ҳам насиб қилсин.
Онам менга ширин гапларни кўп айтган.
Энг мени хурсанд қилгани:
"Ашҳаду алла илаҳа иллаллоҳу ва ашҳаду анна Муҳаммадан абдуҳу ва росулуҳ" бўлган.
Аллоҳ мени дўзах билан жазоламасину агар жаннатий бўлсам онамнинг жаннатига осмонлардаги юлдузларга ердан тикилганим каби қараб турсам керак.
@A_meshayan
Абдураҳмон Мешаян
ҲАЙИТИНГИЗ БЎЛСИН МУБОРАК!!!
АБДУРРОҲМАН МЕШАЯН
Манзилимиз: t.me/A_Meshayan
Сен билан илк кўришганда-
Қалб эди муз
Кўклам тугаб ёз оҳирлаб-
Келганди куз
Кўзлар йиғлаб, юрак эди-
Тамом бўлган
Ул чоғ эди эндигина-
Отам ўлган
Билган эдим пучдир ўзга-
Мафкуралар
Ёдлар эдим кичик-кичик-
Зам суралар
Бахтдан тополмасдим ўзни-
Қўярга жой
Эй мен шаҳодат келтирган-
Муборак ой
Ўн икки йил бўлди сени
Билганимга
Келганингга шукроналар-
Қилганимга
Кўришармиз ҳар йили биз-
Шундан буён
Гоҳ йигирма тўққиз, гоҳ-
Ўттиз кун аён
Ўтди бундай ўттиз кундан-
Неча-неча
Насиб этди ўн икки бор-
Қадр кеча
Барокатинг қандоқ қилмай-
Айт эътироф
Расул янглиғ ўтирмишман-
Кўп эътикоф
Ўрганмишман ялқовликмас-
Илғорликка
Кўприк солдим саҳарликдан-
Ифторликка
Шаъбон ойи тугаганда-
Этиб мамнун
Шаввол ойи бошланганда қилдинг маҳзун
Ташрифларинг ой кўришла-
Бошланадир
Кетарингда ой кўрсам
Кўз ёшланадир
Дейсан: Мўмин маҳзун бўлма-
Қайтажакман
Келгуси йил яна салом-
Айтажакман
Кетмоқдасан эй Аллоҳдан-
Буйруқ олган
Қайтганингда, бўлмасайдим-
Ухлаб қолган
Оғрир бугун юрагимнинг-
Хамма жойи
Айт эртадан айрилиқми
Қуръон ойи?
#ҲУЗАЙФАНИНГ_МАРДЛИГИ
Уҳуд жанги куни мўмин кимсалар,
Саҳоба Ямонни қатл қилишди.
Қатлни адашиб қилганди улар,
Жанг тугагач буни кечроқ билишди.
Саҳоба Ямоннинг ўғли Ҳузайфа,
Қолди воҳ "Бу отам" "отам" деб фақат.
Аммо мўминларни қилмасдан хафа,
Деди: "Аллоҳ қилсин сизни мағфират"
Аллоҳга бағишлаб кун бирла тунин,
Мардлар керак бўлса тушар Хандақа.
Пайғамбар тўласа отасин хунин,
Ҳузайфа хун пулин қилди садақа.
Майда ишлар сабаб биродарингдан,
Ранжиган чоғингда қилганча араз.
Ҳузайфа ўрнида бўлганингда гар,
Қандай йўл тутардинг қилиб кўр фараз.
Асл мўмингина етимнинг бошин,
Ҳеч миннат қилмасдан силаёлгайдир.
Отмасдан кимсага маломат тошин,
Диндошга мағфират тилаёлгайдир.
Насронийлар кўп ҳам кетмасин катта,
Яҳудийнинг қалби узоқ ўртансин.
Мардликни улардан эмас албатта,
Дунё Ҳузайфадан келиб ўргансин!
@A_meshayan
17:43-11.08.2023
Абдураҳмон Мешаян
#Мушрик_оталар_ва_саҳоба_ўғиллар
Эй дўст! Аллоҳ қилсин жонинг саломат,
Мени отам билан қилма маломат!
Мушрик Абу Жаҳл қилмади тавба,
Ўғли Икримачи бўлди саҳоба.
Билки Валид ибн Муғийрадек зот,
Абадий солгайдир жаҳаннамда дод.
Ўғли Ҳолид ибн Валидга эса,
Бир мақом берилган: "Жаннатий кимса"
Утбанинг топгани хорликдек рутба,
Қизи саҳобия Ҳинд бинти Утба.
Рост, Абдуллоҳ ибн Салул мунофиқ,
Ўғли эса мўмин динга мувофиқ..
Гарчи набий эди буюк Иброҳим,
Отасичи дерди бутни Илоҳим..
Кимсанинг чиқмасин асло ёдидан,
Ашаддий кофирнинг зурриёдидан,
Чиқмоғи мумкиндир хаттоки набий,
Саҳобаю ансор, ажам, арабий...
Ота учун ўғил бермагай жавоб,
Падар гуноҳ қилса, зурриёд савоб..
Балки кўзларингни бир шира тўсар,
Нилуфар ҳам билки ботқоқда ўсар...
Эй дўст! Аллоҳ қилсин жонинг саломат,
Мени отам билан қилма маломат!
@A_meshayan
22:49-21.07.2021
Абдурроҳман Мешаян
Рислиғой Сиддиқова Наманган вилоятининг Учқўрғон туманидада яшайди. Пенсияда. Турмуш ўртоғи 2015 йилда вафот этган.
Қизи Наима Абдураҳмонова 1991 йилда туғилган. Болаликдан касаллик туфайли 1-гуруҳ ногирони. 900 минг сўм нафақа пули олади.
Рислиғой опа етишмовчилик туфайли 4 йилдан бери қизини даволата олмаяпти. Наиманинг аҳволи тобора оғирлашиб боряпти.
Яхши гапиролмайди. Касаллиги тутганда ўзини дуч келган жойга ташлайди, оқибатда турли тан жароҳатлари олади, тишлари синган, тилини чайнаб юборади. Боши ҳам бир неча бор ёрилган, қон босими доимий баланд юради. Ўзини мустақил эплай олмайди.
Саховатпеша инсонлардан улуғ ойда закот ва эҳсонларингиздан шу оилага ҳам ажратишларини сўраймиз.
“Эҳсоннинг мукофоти фақат эҳсондир”.
Рислиғой опанинг илтимосига кўра, ўзимизга тегишли картани жойладик. Йиғилган маблағ етказилгач, ҳисоботини берамиз.
UzCard Agrobank (UnionPay): 6262570031613914
UzCard Kapitalbank(Visa):4278320024650508
Xudayberdiyev Temur номида.
Рислиғой опанинг телефон рақами: +998950529111.
#hadis
Қадр кечаси - 27 кечада
Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам қадр кечаси борасида: "У 27-ёки 29-кечадир. Ушбу кеча ерда фаришталар сони майда тошлардан ҳам кўп бўлади", дедилар (Имом Аҳмад ривояти).
Бугун 5 апрел жума куни шом намозидан кейин Рамазон ойининг 27-кечаси бошланади.
🌐 /channel/+ZgkOZopwJwc3ZWEy
#Олимжон
Тушда кўриб посбонга хайқириб кетдим:
"Олимжоннинг қўлларини кишанлама!"
Уйғондиму ўнгда шундай ният этдим:
"Қамоқда ҳеч бошқа ҳайит нишонлама!"
Озод кезгил боғу-роғ қир-адирларни,
Ўзни қийнаб излаб нетарман ташбеҳни?
Озод кутгил кўп Лайлатул қадрларни,
Ўлгунча масжидда ўқиб таровеҳни!
@A_meshayan
22:25-04.04.2024
Абдураҳмон Мешаян
#Жаннатга_кўприк_қаламим
Ижод барибир мазза.
Айниқса саҳобаю ансорлар хақида шеър ёзиб чиқсанг.
Шунақа кўп ўқишингга, изланишингга тўғри келадики натижада ҳаминқадар кўлмакдек илминг баҳайбат уммонга айланганишга шайланади гўё.
Сен шеър атаётган саҳоба жангда ғалаба қозонса у билан ҳаёлан хурсанд бўласан, яраланса сен ҳам азобланасан ўлса шеър ёзатуриб сен ҳам хўнграб юборасан...
Абу Бакр Сиддиқ розияллоҳу анҳудан тортиб Ҳассон ибн Собит розияллоҳу анҳугача ҳаёлан ҳамсуҳбат бўласан...
Расулуллоҳ Алайҳиссалом билан саҳобалар қилган мулоқотни шеърга айлантираётганингда янада масъулият сезасан. Севикли Пайғамбарингнинг
"Менинг номимдан ёлғон ҳадис тўқиган ўзига жаҳаннамдан жой ҳозирлайверсин" деган муборак гаплари ёдингни ёритиб ортиқча гап қўшмайсан шеърингга.
Ёзаётган шеърларингдан манфаат олишса руҳланасан.
Яхшиям қаламим бор.
Жаннатга кўприк бўлсин.
Насиб қилса саҳобалар хақидаги шеърларимнинг ҳаммасини йиғиб бу йил китоб қиламан.
Узоқ йиллар кутдим.
Назаримда бу йил китобнинг айни вақти.
#Рамазон_бошлангандан_бери_саҳобалар_хақида_жойланган_шеърлар:
1.Абу Бакр Сиддиқ розияллоҳу анҳу.
2.Умар ибн Хаттоб розияллоҳу анҳу.
3.Али ибн Абу Толиб розияллоҳу анҳу.
4.Усмон ибн Аффон розияллоҳу анҳу
5.Зубайр ибн Аввом розияллоҳу анҳу.
6.Талҳа ибн Убайдуллоҳ розияллоҳу анҳу
7.Саъд ибн Абу Ваққос розияллоҳу анҳу
8.Абу Убайда ибн Жарроҳ розияллоҳу анҳу
9.Абдурроҳман ибн Авф розияллоҳу анҳу
10.Саъийд ибн Зайд розияллоҳу анҳу.
11.Жулайбиб розияллоҳу анҳу
12.Икрима розияллоҳу анҳу
13.Абдуллоҳ ибн Зубайр розияллоҳу анҳу
14.Мусъаб ибн Умайр розияллоҳу анҳу
15.Абдуллоҳ ибн Ҳузофа
16.Салмони Форсий розияллоҳу анҳу
17.Ҳанзала ибн Абу Омир розияллоҳу анҳу
18.Абу Зарр Ғифорий розияллоҳу анҳу
19.Аммор ибн Ёсир розияллоҳу анҳу
20.Билол ибн Рабоҳ розияллоҳу анҳу
21.Муовия ибн Абу Суфён розияллоҳу анҳу
22.Абу Зарр ва Билол розиаллоҳу анҳумо ибрати
23.Ҳазрати Усмон ибн Авфон ва завжалари
24.Анас ибн Молик розияллоҳу анҳу йиғиси
25.Аллоҳ тарафини олғон саҳобалар
(Билол, Суҳайб ва бошқалар)
26.Ҳадича бинти Ҳувайлид розияллоҳу анҳо
27.Аййёш ибн абу Робия розияллоҳу анҳу
28.Абдуллоҳ ибн Амр розияллоҳу анҳу
29.Солим ал Форсий розияллоҳу анҳу
30.Суҳайб Румий розияллоҳу анҳу
31.Осим ибн Собит розияллоҳу анҳу
32.Абдуллоҳ ибн Умму Мактум розияллоҳу анҳу
33.Ҳассон ибн Собит розияллоҳу анҳу
34.Абдуллоҳ ибн Равоҳа розияллоҳу анҳу
35.Сумайя розиаллоҳу анҳо
36.Ваҳший ибн Ҳарб розияллоҳу анҳу
Яна 297 та шеър жойлайман ҳали ИншаАллоҳ!
Шу билан 333 шеър бўлади.
Абдураҳмон Мешаян
РАШКИ ЙЎҚ ОШИҚ.
Севиб қолдим, лоф эмас чиндан,
Юрагимни эгалламиш ашк.
Аммо ўзга ошиқлариндан,
Севганимни айламайман рашк.
Неки берса шодланиб ейман,
Маҳзунлик йўқ, йўқдир маъюслик.
Уни хамма севсайди дейман,
Дўстлар деманг, бу не даюслик.
Иродамни қилмайин деб мўрт,
Ва бўлмай деб "ғаним"га мағлуб,
Битта эмас бир юз-у ўн тўрт,
Ўзи менга юбормиш Мактуб.
У гўзалдир ва бойдир, хар дам-
Қилар эҳсон ва бергай кўмак,
Хатто ўзин севмасларга хам,
Улашадир нон-у туз емак.
Ошиқ қилган Муҳаммаднида(Алайҳиссалом)
Ошиқ қилган янглиғ Исони.
Дилга солди мухаббатнида,
Йўқдир билмайдиган лисони.
Уни қандай кучли севмоғин,
Рус русчада айлайди изҳор.
Турк туркчада айтур ардоғин,
Хинд хиндчада такрор ва такрор.
Мукофотин олур лойиқлар,
Даргохимас севганларга тор.
Фақат кирар мўмин ошиқлар,
Қабулига кунинга беш бор.
Қабулига тўсиқсиз беш бор.
Ох ўн олти ёшимдан буён,
Қалбим уни яхши танийди.
Кўнглимдагин айласам баён,
Исмин айтиб ўлсам қанийди....
Исмин айтиб ўлсам...қанийди...
@A_meshayan
19.04.2017
Абдураҳмон Мешаян
#Янги_шеър
#ЗАЙНАБ_БИНТИ_ЖАҲШ_РОЗИЯЛЛОҲУ_АНҲО
(#Азвожи_муттоҳарот)
Қурайшнинг зўрлари уйланай дея,
Совчисин жўнатди бир азиз гулга.
Пайғамбарчи сизга қилди тавсия,
Турмушга чиқмоқни собиқ бир қулга.
Ғазабга миндингиз "Собиқ бир қулга,
Мендайин оқсуяк тегадими?" деб.
"Ўз нафсига қарши бориб бўлса ҳам,
Инсон амрга бош эгадими?" деб?
Сиз пайғамбар бирла сўзлашаркансиз,
Бирданига ваҳий келиб ҳам қолди.
Сизга йўл кўрсатди Қуръони Карим,
Азҳоб сура-оят ўттизу олти.
"Ҳеч бир мўмин эркак ва мўминага,
Аллоҳ ва Расули ҳукм қилган дам.
Ўзларича бирор ишни иҳтиёр,
Қилмоқ мумкин эмас"-оятда шу жам.
Аллоҳдан қўрққанча итоат билан,
Набийнинг гапига кўндингиз шу пайт.
Нафсга қаршиларга берар дунё тан,
Сизни никоҳига олар бўлди Зайд.
Зайд ким?
Пайғамбарнинг асранди ўғли,
Дарожати баланд улуғ бир одам.
Аммо ажрашдингиз турмушингизга,
Бир йилдан сал кўпроқ вақтлар ўтган дам.
Аммо қолдирмади Хақ сизни ёлғиз,
Гарчи у қулларни доим синовчи.
Набий ўзи сизга солдилар оғиз,
Жаброил бўлмишдир ўртада совчи.
Қизларни отаси ё бирор валий,
Куёвга узатар ўзлари хохлаб.
Сизни эса асли ҳаммадан Олий,
Аллоҳимнинг Ўзи қўйди никоҳлаб...
Қайси аёлда бор бундайин фазл,
Бундайин дарожат бунчалар обрў?
"Мана менда бор деб" келолмас асли,
Бирор аёл зоти сизга рўбарў.
Бу никоҳ амалга ошгани бўлди,
Тоза бир тилакнинг тоза ниятнинг.
Асранди ўғилнинг ажрашган ёрин,
Олиб бўлмас деган жоҳилиятнинг-
Мантиқсиз қонунин бузди бу нигоҳ,
Қуръонда қилинди бу ишлар зикр.
Ўн тўрт асрдирки ҳаммамиз огоҳ,
Ўқиб-уқиб қилдик бу хақда фикр...
О сиз бу замонда яшасайдингиз,
Қалбингиз бермасди менимчалик дош.
Кўрар эдингизда нафсга чўкиб тиз,
Кундош кундошига отганлигин тош...
Сиз эса энг ростўй аёл эдингиз,
Ойишага туҳмат қилинганида.
Пайғамбарга фақат чин сўз дедингиз,
Кимнинг ким экани билинганида.
Кундоши хақида сиздан гўзалроқ,
Таъриф сўзлаган йўқ туҳмат қилмайман.
Дедингиз: "Оиша тўғрисида мен,
Яхшиликдан бошқа нарса билмайман"
Туғишган аканиз вафоти хақда,
Сизга келтирилди бир куни хабар.
Сизчи сўрадингиз шунда хушбўйлик,
Ўздан анқисин деб ширин мушк анбар"
"Дедингиз:"Қасамки мушк суртадиган,
Ҳолатим йўқ менинг мусибат қаттиқ".
Фақат билганим шу мотам тутилса,
Гуноҳ бўлар экан уч кундан ортиқ".
Уммат онасисиз сиз хақингизда,
Ўқир ҳар иймонли кўзларин ёшлаб.
Садақани кўп-кўп қилардингизда,
Тикувчилик қилиб, терини ошлаб.
Пайғамбар айтарди:" Менинг ортимдан,
Қўли узунингиз етишар энг тез"
Ҳамма ким етар деб қизиқиб зимдан,
Қўлларини ўлчаб юришди ҳар кез"
Пайғамбар ортидан энг тез етишган,
Сиз бўлдингиз, бундан эмасман маҳзун.
Эҳсон-садақани жуда кўп қилган,
Сизнинг қўлингизда ҳаммадан узун.
Бемор чоғингизда кетмай дардингиз,
Ҳазрати Умарнинг ҳаёлларидан.
Сўради: "Ким қарар беморга энди"
Буюк пайғамбарнинг аёлларидан.
Набий завжалари бердилар жавоб:
"Албатта беморга қарагувчи биз"
Сочингизни тараб ювиб кафанлаб,
Кундошлар ёш тўкди кетган чоғда сиз.
Сиз менинг онамсиз сиз хақингизда,
Ёмон гап айтганнинг кўзин ўяман.
Гўзал ва хайрли ният бор бизда,
Исмингиз қизимга бир кун қўяман.
Бутун олам аро жар солсин жарчи,
Аллоҳнинг йўлига жоним бўлсин баҳш.
Расулуллоҳ отам эмасдир гарчи,
Менинг онам бўлар Зайнаб бинти Жаҳш.
@A_meshayan
18:16-17.04.2024
Абдураҳмон Мешаян
#ТАНДИР_НОВВОЙ_ВА_ХАМИР...
“Тандир” қиздирилган, ловуллар олов,
Ўйласам йиғидан қабоқлар ишар.
Энди бу “тандир”да ёнганча лов-лов,
“Патир”лар, “сомса”лар, “ширмой”лар пишар...
“Тандир”нинг оловин сўндирмоқ учун,
Кўзаларни “сув”га тўлдирмоқ керак.
Яна бир йўли бор, яширмоқ нечун,
Аввало “новвойни ўлдирмоқ” керак!
Сенга насиҳат шу: тансоқчинг мисол,
Эргашсада қочгин “новвой”дан наслим.
Йўқса насиб этмас хурлар-ла висол,
“Новвой” қилмай туриб хали жон таслим!
Юрак қон, кўзлар ёш, эзилган жигар,
Қачонки бизлар қул, нафс бўлса амир.
Гуноҳ-новвой, дўзах-тандир бўлса гар,
Демак ўз-ўзидан инсондир хамир!
“Савоб ханжари”ни аямай суқсанг,
“Гуноҳ деб аталмиш новвой” ўлади.
“Дўзах тандири”ни сўзимни уқсанг,
Ўчиргувчи “сув” бу тавба бўлади!
Қўчқорку сўйилгач дастурхонингга,
Ўзи кириб келар тушиб паловга.
Эй инсон ачингин сен ўз холингга,
Тириклай кирасан кирсанг оловга...
“Тандир” қиздирилган ловуллар олов,
Ўйласам йиғидан қабоқлар ишар.
Энди бу “тандир”да ёнганча лов-лов,
“Новвой”дан қўрқмаган “хамир”лар пишар!
@A_meshayan
14:45-09.04.2020
Абдураҳмон Мешаян
ФАРҚИМИЗ ҚОЛМАДИ ҒАЙРИДИНЛАРДАН
Пайғамбаримиз соллаллоҳу алайҳи васалламнинг ўн тўрт аср олдин марҳамат қилганлари - охирзамон аломатларига доир ҳадис маъноларидан бир парча:
- Қуръондан бир расм, Исломдан бир исм, мусулмондан бир жисм қолади.
Илонлар ҳамласин бошласа секин,
Қалдирғоч қочаркан бундай инлардан.
Тоза мусулмонман деймиз-у лекин,
Фарқимиз қолмади ғайридинлардан.
Иймонимиз эмас ширин жонимиз,
Тўй бошласак увол қоплаб
нонимиз.
Ароққа лиқ-тўла дастурхонимиз,
Фарқимиз қолмади ғайридинлардан.
Севамиз иғвонинг донин чўқишни,
Олимнинг ортидан иғво тўқишни.
Қирқ ёшда ҳам билмай намоз ўқишни,
Фарқимиз қолмади ғайридинлардан.
Тавбамиз йўқдир-у гуноҳ ҳисобсиз,
Тангрим қолдирмагай буни итобсиз.
Завжалар ҳам
мажбур юрар хижобсиз, Фарқимиз қолмади
ғайридинлардан.
Афзал билдик иблис бизга
берди тан,
Римда дам олишни Хаж ва
Маккадан.
Судхўрликка кетдик буткул
муккадан,
Фарқимиз қолмади
ғайридинлардан.
Гуноҳ кўчасида юрдик
дайдиб ҳам,
Хато қилдик Аллоҳ исмин
айтиб ҳам.
Зино қилганлар бор Хаждан
қайтиб ҳам,
Фарқимиз қолмади
ғайридинлардан.
Қулоқ тинч бўлса бас,
қолсак ҳамки оч,
Кимлардир тақдилар
диндан кечиб хоч.
Масжидга бир бормай
оқартирдик соч,
Фарқимиз қолмади
ғайридинлардан.
Биримиз шиъамиз,биримиз сунний,
Биримиз табииймиз,биримиз сунъий.
Наҳот шу тариқа бўлармиз
фоний?
Фарқимиз қолмади ғайридинлардан.
Гўё қолмиш фақат Исломдан исм,
Гўё қолмиш фақат Қуръондан расм.
Мусулмондан эса қуп-қуруқ жисм,
Фарқимиз қолмади ғайридинлардан.
@A_meshayan
Абдураҳмон Мешаян
#РОЗИ_ҚИЛОЛСАЙДИМ_САНИ.
Жаҳолатнинг ботқоғидан,
Раҳм этиб қутқардинг мани.
Асар қолмай дил доғидан,
Рози қилолсайдим Сани.
Дунё боғин кезмоқдан,
Яшашданда безмоқдаман.
Ўлим яқин сезмоқдаман,
Рози қилолсайдим Сани.
Ичмас эдим хасрат майин,
Чалмас эдим қайғу найин,
Қирқар эдим ғамнинг пайин,
Рози қилолсайдим Сани.
Томиримда музлайди қон,
Кун келиб Сен истаган он.
Табассум-ла берардим жон,
Рози қилолсайдим Сани.
Нафснинг кўзин ўярдимо,
Дилни оққа бўярдимо,
Жамолингга тўярдимо,
Рози қилолсайдим Сани.
Кўздан ёшим тирқирарди,
Юрак Ишқдан зирқирарди.
Руҳим нечун чирқирарди?
Рози қилолсайдим Сани.
Бахтим лаъинни хорларди,
Хурлар бағрига чорларди.
Маҳшарда юзим порларди,
Рози қилолсайдим Сани.
@A_meshayan
11:52-08.02.2020
Абдураҳмон Мешаян
#БИРОДАРИМГА_ТАСКИН.
Ағёрларинг бузиб, Кўнглинг Каъбасин,
Кўнглинг қандилига, тош отдилар мўл.
Аршнинг муаллифи билур хаммасин,
Нихоят очилди омад томон йўл!
Қуришни битирди қисмат меъмори,
Умринг саройининг, чорак асрини.
Келганда бир куни кексалик чоғи,
Ташлаб кетадирсан, ёшлик қасрини.
Ёзишни тугатди, тақдир қалами,
Умринг китобининг эллик уч жузин.
Умринг кўклами-ю, ёзин тугатиб,
Яшашни бошладинг, умрингнинг кузин.
Яшaaдинг сабрнинг шойисин кийиб,
Чидадинг, сабрли тақсирларга хос.
Ижодинг севганга қиламан таъзим,
Ўзингни суймасга битта илтимос:
Пок зотни ёмонлаб жар солма эй дўст,
Тилингни иғводан пок айла олдин.
Олтин идишдаги, лойнинг қадри йўқ,
Лойда ётса хамки, қадрли олтин!
@A_meshayan
2010-йил
Абдурроҳман Мешаян
ҲАЙИТИНГИЗ БЎЛСИН МУБОРАК!
Парвардигор бирдир деганлар,
Рамазонда нафсин енгганлар,
Фақат халол луқма еганлар,
Ҳайитингиз бўлсин муборак!
Золимларнинг бўшар тўрлари,
Тўрларидан яқин гўрлари.
Пайғамбарнинг меросхўрлари,
Ҳайитингиз бўлсин муборак!
Тақлид қилмас эшакка отлар,
Ахир улар ханграшга ётлар,
"Рождество"ни кутмаган зотлар,
Ҳайитингиз бўлсин муборак!
Бу Рамазон тез тугади деб,
Йиғлаяпман ич-этимни еб,
Иймонига беролганлар зеб,
Ҳайитингиз бўлсин муборак!
Ушбу кунни узоқ кутганлар,
Иғвонида чин унутганлар.
Рамазонда рўза тутганлар,
Ҳайитингиз бўлсин муборак!
Аллоҳ дея дардин енгганлар,
Сажда қилиб бошин эгганлар,
Мусофирлик нонин еганлар,
Ҳайитингиз бўлсин муборак!
Хақ йўлида оққан қонлари,
Хақ йўлида чиққан жонлари.
Бутун дунё мусулмонлари,
Ҳайитингиз бўлсин муборак!
Иншааллоҳ...
Баданимни тарк қилмаса жон,
Томиримда музламаса қон,
Етмиш кун сўнг, шеър битгум Қурбон,
Ҳайит бўлсин дея муборак!
15:02-25.06.2017
Абдураҳмон Мешаян
Эртага Тошкентда соат 05:50 да қуёш чиқади. Шунга мувофиқ Рамазон Ҳайити намози Тошкент масжидларида қуёш чиқишидан 20 дақиқа ўтиб, соат 06:10 да ўқилади.
Эслатма: Бомдод намози ҳайит намозидан муҳимроқ! Бомдод Тошкент масжидларида эртага 05:00 – 05:15 атрофида (±5-10 дақиқа фарқи билан) ўқилади.
Musannif Adham
#азвожи_мутаҳҳарот
#Умму_Ҳабиба_бинти_абу_Суфён #розияллоҳу_анҳо_ибрати.
Умму Ҳабиба ҳеч қилмай исённи,
Расули Акрамга гап очди ўзи:
"Менинг синглим бинти Абу Суфённи,
Ўз никоҳингизга олинг мен рози"
"Шуни хоҳлайсанми? Қилганча тоқат,
Умму Ҳабиба ҳам айлади жавоб:
"Сизни ўзимники қилгум йўқ фақат,
Синглим шерик бўлсин қилмоқққа савоб"
Умму Ҳабибанинг айтган сўзлари,
Гапчи пайғамбарга келмади малол.
Дедилар меҳр-ла порлаб кўзлари,
"Албатта ушбу иш менгамас ҳалол"
-Умму Саламанинг қизини олинг,
-Гарчи оғрисада кўнгилларингиз.
Менга тақдим қилманг, бир сўздан қолинг,
Қизларингиз бирла сингилларингиз".
Ўзгача бўлишган саодат асрин,
Эркаклари каби аёллари ҳам.
Улар ўйлаб ўтган жаннатнинг қасрин,
Ҳақ ризосин деган ҳаёллари ҳам.
Эй аёл сен эса ёринг рашк қилиб,
Иккинчисин олса куйиб кетасан.
Ёринг чаккасига ҳар кун гул илиб,
Фоҳишага борса айтгил нетасан?
Ҳалол бева кўпдир, ёрга таклиф қил,
Камайиб қолмайсан охир сен ҳам тўй.
Фаҳшга ботмасин деб оғриса ҳам дил,
Майли, уни ўзинг уйлантириб қўй.
Шунда сенга Аллоҳ ажратгайдир жой,
Жаннатнинг энг гўзал хоналаридан.
Ё рашкда зўрмисан ўзинг хойнахой,
Хатто мўминларнинг оналаридан?
@A_meshayan
22:51-31.10.2022
Абдураҳмон Мешаян
АБУ ҲУРАЙРА(Р. А.)ГА ТАҚЛИД.
-Исминг надир?
-Исмим Абдушшамс!
-Абдушшамсмас, Абдураҳмондир!
Рози бўлди Абу Ҳурайра,
Расул ҳам шод. Хаққа осондир.
Мен ҳам эдим бир пайтлар Ренис,
Мўмин бўлгач қувончга тўлдим.
Абдурроҳман эканлигим ҳис-
Қилганимда баҳтиёр бўлдим.
-Сен кимдансан? Сўради Набий
У жавобан "Давсликман" деди.
"Давсликлардан яхшилиги бор,
Бирортасин кўрибман энди".
Дунё кўрган арманларнинг ҳам,
Исломдек пок динга қаршисин.
Кўрсатарлар мени ушбу дам,
Кўрсат деса арман яхшисин.
Чўпон бўлган Абу Ҳурайра,
Менчи ҳануз оддий қўйбоқар.
"Мен ҳам дейман у каби яйра,
Ва менга ҳам мушуклар ёқар.
Волидаси эди мушрика,
Менинг онам эса насроний.
Юрагидан кетиб таҳлика,
Бу дунёдан бўлгунча фоний.
Онажони келтирди иймон,
Расуллуллоҳ айлагач дуо.
Онамга ҳам Ҳақ берсин имкон,
Мўминликдан бўлмасин жудо.
Ҳар кун уйдан чиқар чоғида,
Ўғил деркан кўриб онасин:
Меҳрингиз-чун бола чоғимда,
Аллоҳ сизни мукофотласин!
Онаси ҳам дер экан шунда,
Дуо айлаб шундоқ боласин:
Меҳр бердинг кекса чоғимда,
Аллоҳ сени мукофотласин!
Ҳали имкони бор тавбага,
Волидамни айламанг танқид.
Мен ҳам доим шу саҳобага,
Ҳайр кутиб айладим тақлид.
Ё Раб раҳминг келиб дўзахдан,
Қутқариб қол ўзинг руҳимни.
Тўйдим банданг қилган мазаҳдан,
Сенга айтай бор андуҳимни.
Онамга бер жаннат хонасин,
У ҳам бўлсин бандаи аброр.
Абу Ҳурайранинг онасин,
Қисматини айласин такрор!
P. S: Шеърнинг сўнггидаги икки қатордаги дуо Алҳамдулиллаҳ амалга ошди
@A_meshayan
20:55-13.11.2022
Абдураҳмон Мешаян
Akalar, yana yozaman
Nodir aka bilan gaplashdim, faqat ancha kechikdim. Vaziyat jiddiy. Aldamayabdi, o'rtaga iymonlarini qo‘yib yordam so‘rayabdi bir insonning hayotini saqlab qolish uchun.
Vaziyat qanday?
Bunday, hali o‘n gulidan biri ochilmagan qiz, sahrmi bilmadim bir yomon kasallikga yo‘liqqan, O'zbekistonda operatsiya o‘tkazishgan, yetarli bo‘lmagan. Otasi ham kasallikdan oyog'i kesilgan ekan. Moskvada qandaydir fond pul ajratgan, faqat analiz qilib jo‘natish kerak xolos. Faqat shunga yetmayabdi.
Eng achinarlisi qizni ota-onasi ham tashlab ketgan nogironlik uyiga. Kimnidir telegramidan yozganlarini, hushidan ketib qolganda navbatchi ayol yozganlarini 😔(dahshat) ko‘rsatdi.
Kasallik tufayli tana chirishni boshlagan, terida ham alomatlari bor. Moskvadagi doktor agar tezda kelishga imkon qilolmasang o‘ldiradigan dori ichib azobdan qutilgin debdi.
3 million. Ko‘pchilik uchun katta summa emas. Pulni o‘z joyiga yetib borishiga Nodir aka iymonlarini o'rtaga qo‘yib so‘z berdi. Qarzi hasana beradiganlar bo‘lsa ham mayli, faqat iltimos befarq qoldirmaylik.
Hayriya guruhiga bildirgan edim, haqdorlarimiz ko‘p deb qabul qilishmadi
Savollar tug‘ilsa shu raqamga qo‘ng‘iroq qilishingiz mumkin:
+998999889465
Davronbek Mirzoubaydullayev
Davronbek Mirzaubaydullayevning facebook саҳифасидан
ЛАЙЛАТ-УЛ ҚАДР
Қувончдан кўзимдан ёғмоқдадир сел,
Сени узоқ кутди энг бағрикенг эл.
Эй маним минг ойдан яхшироғим кел,
Хис қилай бахт надир, сакийнат надир?
Ташрифинг муборак Лайлат-ул қадр!
Севмади пок қалбим черков бонгини,
Масжид банд қилган-чун мўмин онгини,
Рамазон тўккандек қалбим зангини,
Сени интиқ кутдим, либосим сабр,
Ташрифинг муборак Лайлат-ул қадр!
"Рождество"ни дея дард ютганим йўқ,
Ёҳуд "Хеллуин"ни зор кутганим йўқ.
Менга санчилгунча ажал деган ўқ,
Қалбимни хушнуд қил ютгунча қабр,
Ташрифинг муборак Лайлат-ул қадр!
Хақнинг мархамати бунчалар хам кенг,
Барокатли оқшом қилмиш сени энг.
Саксон уч йил бирла бўлибдирсан тенг,
Бахтлиман, билдимку Хақ ишқи надир,
Ташрифинг муборак Лайлат-ул қадр!
@A_meshayan
2017-йил
Абдураҳмон Мешаян
#Саҳобалар #ҳаётидан #шеър
#УММУ #СУЛАЙМ #РОЗИЯЛЛОҲУ #АНҲО
#ЖАННАТИЙ #AЁЛНИНГ #САБРИ
Румайсо (р.а) Расулуллоҳ (с.а.в) “Менга жаннатда Абу Талҳанинг аёли Румайсо” кўрсатилди дея, жаннатий эканлиги башорати берилган мадиналик ансория аёлдир. Кунялари Уму Сулайм.
Гўдак ўғли ногаҳон,
Касалликка чалинди.
Она ошкору пинҳон,
Хақдан шифо ялинди.
Набий ёнига ёри,
Бориб келиб турарди.
Уйга келган заҳоти,
Ўғлин холин сўрарди.
Ёри Талҳа Набийнинг,
Ҳузурида бўлган он.
Умму Сулайм боқса,
Гўдак ўғли бермиш жон...
Ўзга она бу замон,
Мен билмайман нетарди.
Сочин юлиб ютиб қон,
Балки ёқа йиртарди?
Умму Сулайм нетди?
Аввал болани ювди.
Гарчи қалби дарз кетди,
Ноҳуш хаёлни қувди.
Кафанлади боласин,
Сепиб атирлар хушбўй.
Ичга ютиб ноласин,
Гўдакка боқди хушрўй
Кўрсада фарзанд доғин,
Ўзида бир куч топиб.
Сўнг фарзандин устига,
Қўйди бир кийим ёпиб...
“Учраганимиз айтма,
Биз оғир жудоликка.
Деди: Толҳасиз қайтма,
Анас ибн Моликка.
Анасдек ўғли кетди,
Талҳа ёнига дарҳол.
Талҳа келиб сўради:
“Ўғлимизда не аҳвол?”
Умму Сулайм деди:
Ухлади. Ўғлим шояд.
Бу уйқусида роҳат,
Топса шудир кифоят.
Абу Талҳа ўйлади:
“Оғриқ йўқолибдида.
Ичда ўзга сўйлади:
“Соғайиб қолибдида”.
Ўшал кун Абу Талҳа,
Ифтор қилди, еб ичди.
Ўғли соғаймиш деб ҳа,
Бу куни хушнуд кечди.
Ўз ўғлидан хотиржам,
Бўлинмади хаёли.
Мусибатни чекиб ғам,
Билдирмади аёли.
Зийнатланиб ёри деб,
Хушбўйланиб ёр учун.
Умму Сулайм хам кеб,
Талҳа-ла ўтказди тун.
Тонг отди. Талҳа аста,
Масжидга отланган дам.
Умму Сулайм охир,
Сўз бошлади тортиб ғам:
“Абу Талха, кишидан,
Гар олинса омонат.
Сўнг омонат эгаси,
Омонатин ўтиб вақт,
Қайтаришларин сўрса,
Омонатин олганлар.
Омонатни бермайсиз,
Дея айтишса агар.
Уни қайтармасликка,
Уларнинг хаққими бор?
Талҳа деди хақлари,
Йўқ эрур бунга зинҳор.
Омонат эгасига,
Қайтарилар албатта.
Абу Талҳа шундай деб,
Сўзлаётган бир вақтда,
Умму Сулайм деди:
Аллоҳ бизга омонат-
Бир ўғил берган эди,
Қайтариб олди фақат.
Абу Талха истиржо,
Айта олди, шу холос.
Сўнг Набийнинг ёнига,
Борди бир мўминга хос.
Намоз ўқиди сўнгра,
Набийга қилди баён:
Шомда ўғли ўлганин,
Гўдак топширганин жон.
“Бу холатдан бехабар,
Ёрим-ла ўтказдим тун”
Тинглар эди пайғамбар,
Абу Талҳачи маҳзун...
Пайғамбар хам чекмай ох,
Деди: Таратиб сасин:
“Бу кечангизни Аллоҳ,
Барокатли айласин!”
Ушбу оилага мангу,
Раҳмат ёғилди ахир.
Абдуллоҳ ибн Абу-
Талҳа туғилди охир.
Унинг тўққиз фарзанди,
Тўлин ой мисол тўлди.
Ва хамма жигарбанди,
Хофизи Қуръон бўлди...
Бу қиссадан хисса не?
Беҳуда кулма аёл.
Боланг ўлса хам ҳамд де,
Сочингни юлма аёл.
Сенга тилайман сабр,
Куйсанг фарзанд доғида.
Учрашасиз барибир,
Бир кун жаннат боғида.
@A_meshayan
11:23-25.10.2020
Абдураҳмон Мешаян
#БУЮК #САҲОБИЯ #АЁЛ
#ҲИНД_БИНТ_УТБА_РОЗИЯЛЛОҲУ_АНҲО
Бадр куни отанг ўлди-
Утба ибн Робия.
Сендек қизин қалби тўлди-
Ғамга, қочиб тобия.
Сен Исломга қарши эдинг,
Кўзларингга тўлиб қон.
Уҳуд жанги куни дединг:
Мўминлардан олгум жон.
Уҳуд куни хамма шоҳид.
Қони шундоқ қайнадинг.
Буюк Ҳамза бўлгач шаҳид,
Жигарин сен чайнадинг.
Қасосга топдим деб имкон,
Байрамдек билдинг буни.
Лек охир келтирдинг иймон,
Макка фатҳ бўлган куни.
Кун келиб бўлгувчи подшоҳ,
Ўғлинг Набий қошида.
Деди: Бир ва бордир Аллоҳ,
Йигирма уч ёшида.
Кўздан араз, қалбдан мараз,
Дилдан ғараз қувилди.
Бу шунчаки эмас фараз,
Бор гуноҳинг ювилди.
Кеча кофир аёл эдинг,
Ким келтирмиш хаёлга.
Бугун эса сен айландинг,
Саҳобия аёлга.
Ислом келмасдан аввал ҳам,
Аслзода аёллар.
Зино қилмоқликни бир дам,
Сурмас эди хаёллар.
Зино қилар эди фақат,
Чўри, жория, қуллар.
Зино қилмоқликка тоқат,
Қилмасди озод гуллар.
Тағин қилмас эди асло,
Ҳур аёллар ўғрилик.
Ҳамма жоҳил эди аммо,
Ўлмаганди тўғрилик.
Сен иймонга келганинг вақт,
Ниқоб тортиб юзингга.
Расулга бермоқ-чун байъат,
Бординг, келиб ўзингга.
Расулуллоҳ сендан сўрди:
"Ибодат қилмоқликка,
Ва Аллоҳни ягона бир,
Илоҳ деб билмоқликка?
Байъат қиласанми айтгин?
Байъат қиламан дединг.
Ва Аллоҳни ягона бир,
Илоҳ биламан дединг.
Расулуллоҳ на бир юзинг,
На кўзларинг кўрдилар,
Рост айтанинг билдинг ўзинг,
Яна сендан сўрдилар:
" Айтгин қиласанми байъат,
Ўғрилик қилмасликка.
Харом иш қилмасдан фақат,
Зинони билмасликка.
Сени чулғаб олди хайрат,
Хайрон эдинг лол эдинг.
Карахт бўлганингдан фақат,
Набийга шундоқ дединг:
Ё Расулуллоҳ ҳеч замон,
Ўғирлик ва зинони.
Озод аёл ҳам қиларми?
Қаранг сўзда маънони.
Озод аёл афифадир,
Озод аёл малика.
Дугонаси андишадир,
Бахти Хақдан тахлика.
Эй эри саҳобий аёл,
Эй ўғли подшоҳ бир зот.
Фирдавсда абадий қол,
Руҳи покинг бўлсин шод.
Яхшиямки бизнинг макон,
Замонни кўрганинг йўқ.
Бугун осур олиб арқон,
Маликалар ўзга тўқ.
Бугун озод аёллар ҳам,
Ўғирликка ҳўб мойил.
Зинони хам мана ҳар дам,
Кўплари қилар қойил.
Сен эса иймон топдингу,
Лойқа умринг тиндирдинг.
Ёмон саҳфангни ёпдингу,
Суйган бутинг синдирдинг.
Балта билан дединг чопиб:
Сенга қилиб ибодат.
На бўлди халоват топиб,
Ва на бахту саодат.
Бўлмаганинг учун қули,
Харом ишрат ва айшнинг.
Сен бўласан жаннат гули,
Саййидаси Қурайшнинг!
@A_meshayan
01:33-23.06.2021
Абдурроҳман Мешаян
#ВАҲШИЙ #ИБН #ҲАРБ #ҲАБАШИЙ
#РОЗИЯЛЛОҲУ #АНҲУ
Жубайр ибн Мутъим айлади ваъда:
"Ҳамзани ўлдирсанг, озодсан буткул".
Хожасига қандоқ қиларди зарда,
Эрк ваъдаси турса, қора танли қул?
Ҳали у вақтларда иймондан маҳрум,
Ҳинт бинт Утба ҳам қилиб илтифот.
Ота ва амаки қасоси учун,
Унга ваъда қилди катта мукофот.
Найзани нишонга бехато уриш-
Борасида моҳир Вашҳий найлади?
Мозийдан даркормас асло юз буриш,
У Ҳазрат Ҳамзани шаҳид айлади.
Уҳуд жанги битгач, қурайшликлар-ла,
Ваҳший ортга қайтди Макка томон шод.
Лек бахтни туймади хожаси Жубайр,
Уни айласада қулликдан озод.
Хотиржам бўлмагач Маккани ташлаб,
Жонини сақлай деб Тоифга қочди.
Лек Тоифликлар ҳам кўзларин ёшлаб,
Митти юракларин иймонга очди.
Ваҳшийнинг қалбида порлади шунда,
Бир кун ловулловчи умид учқуни.
Аллоҳ иродаси турибди бунда,
Фазли билан қилди мусулмон уни.
Сохта пайғамбарлик даъвосин қилган,
Разил ўлсин тортолмасдан тил.
Ямома жангида Мусайламатул-
Каззобни айлади шу Ваҳший қатл...
Мусулмон номимни ўртага қўйиб,
Юксак шаъним билан ичаман онтни.
Ваҳший ўлдиргандир жоҳил чоғида,
Пайғамбарга яқин энг яхши зотни.
Мусулмон номимни ўртага қўйиб,
Юксак шаъним билан ичаман онтни.
Ваҳший ўлдиргандир муслим чоғида,
Аллоҳ ёмон кўрган энг разил зотни.
Мен не демоқчиман мўмин биродар,
Айб қилган бўлсангда жоҳил пайтларинг.
Ё гуноҳга ботиб бўғзингга қадар,
Ёзган бўлсанг динга қарши байтларинг...
Аллоҳ кечиримли қалбинг уйида,
Тавба қилиб умид чироқларин ёқ.
Менга ишонмасанг илинж кўйида,
Саҳоба Ваҳшийнинг ҳаётига боқ...
@A_meshayan
18:31-06.04.2023
Абдураҳмон Мешаян
