قناة الرادود والشاعر الحسيني ابو منتظر الموالي

15 September 2026 18:33

جديد _ الليالي الفاطميه
ثارج والله ميروح
ثارج. زاد الجروح
ثارج. شاغل البال ثارج
___
نعوفج لا وحك ضلعج يزهرة
والله شكبرة بينه الم العصره
ننطر يمتى يضهر خاتم العترة
ضهور المهدي كل شيعه متحضره

شيعه انطت اعهود
شيعه كلهم احيود
شيعه تطلب اليوم ثارج
__
عزائج ننصبه وكل يوم يتجدد
ونلعن باليضدج والكلب ردد
الحرك بابج ترة تاريخه اسود
مو من الزلم الحاربج ينعد

باجر يوم الحساب
باجر. يخسر الباب
يمج تشهد الناس ثارج
___
تحت هاي السقيفه جبيرهم قرر
اشهرو السيف والبيت النبي اشر
الحرك دار الزجيه والضلع كسر
باجر بالقيامة بنص حرك يسعر

والله. يبقى ندمان
والله يبقى حيران
والله هوة اليجيب ثارج
___
نعصر قلب الحسن وحسين بمصابج
وزينب تبجي وتعاين لعد بابج
تشوف النار تلهب كرب اغيابج
بدت رحلة صبر بكلوب احبابج

صاحت يم الحسين
صاحت دمعي بالعين
صاحت عذب الروح ثارج
___
لون ينشف دمعنه عليج يايمه
ما نوفي الجرة والصار يالرحمه
شكثر لوعت العصرة كلبج تألمه
وبعده ازغير محسن والكبر ضمه

راحت زهرة الروح
راحت تحمل اجروح
راحت زينب تريد ثارج
___
الشاعر _ارشد المساري

قناة الرادود والشاعر الحسيني ابو منتظر الموالي

19 June 2026 15:34

يشيال اللوه حركوها الخيام
يشيال اللوه هجمت الضلام
يشيال اللوه الحك عالايتام
يعباس يعباس
_______
خويه حركو كل خيمنه وانته مرمي عله الترب
من بعد عينك يكافل مستمر دمعي اليصب
وين رحت وعفت زينب حرمه بديار الغرب
لون ترجع يابوفاضل تنظر اختك تنضرب

يشيال اللوه عينك علينه
يشيال اللوه سكت بجينه
يشيال اللوه يمتى تجيني
يعباس يعباس
_______
خوية كوم الحك علينه ترة العيله بلا ولي
حين تكصد ال اميه عيونه تشوفك علي
ادري ماتقبل يخويه يلفي يمنه الجاهلي
لجن مكتوب بحكمته همنه ما ضن ينجلي

يشيال اللوه وينك يعباس
يشيال اللوه تتجاسر الناس
يشيال اللوه ماتو الحراس
يعباس. يعباس
_______
خوية ماضلت زلمتة كله خلصت بالحرب
وانة صرت بحاله صعبه وموقفي كلش صعب
شبو النار اعلة زينب والخيم صارت حطب
خلافك الايتام عاشت نص قهر نص برعب


يشيال اللوه وينك يضامي
يشيال اللوه انت المحامي
يشيال اللوه ماتت ايامي
يعباس. يعباس
_______
اتشمتو بيه العواذل من طحت يم النهر
ليش مافزعو اخوتج كالو وكلبي انفطر
ادري ما ترضه يخويه ابقى محنية ضهر
شلون تتركني وحيدة وانته افضالك بحر

يشيال اللوه تتركني بلوه
يشيال اللوه خلافك متسوه
يشيال اللوه ودعتك. الله
يعباس يعباس
_______
شلون لو عاينت راسك منرفع فوك الرمح
تبقى كافلني يخويه رغم نحرك منذبح
شلون لو كطعو جفوفك يعني كلبي ينجرح
طاحت اختك من تشوفك على الغبرة منطرح

يشيال اللوه ذبحو دلالي
يشيال اللوه عذبني حالي
يشيال اللوه ضيمي بقالي
يعباس يعباس
_______
الشاعر _ ابو منتظر الموالي

قناة الرادود والشاعر الحسيني ابو منتظر الموالي

16 June 2026 16:22

ليلة ام البنين عليها السلام ١٤٤٨هـ

عالوفاء معلمه فاطمه يافاطمه
_______
تكول فدوة كل حياتي تروح لبن الزهرة
كون اضل ابهالكرامه حتى اضل منتصرة
انه ام عباس انه بسيرتي روح اقرة
حسين كاسرلي دليلي وبي اضل
متأثرة

للنحر متألمه فاطمه يافاطمه
_______
بدونكم يبن الزجية كلشي ما املك بعد
فدوة الك يابو المحنه اهل بيتي والولد
ردت اشوفك كون مرة شوفتك عندي السعد
لون ترجع انه اسجد لله سجدات الحمد
على الهم متعلمه فاطمه يافاطمه
_______
الدنيا ماتسوة بدونك ياحبيبي المنذبح
والله من رحت الطفوفك بده كلبي ينجرح
ام البنين وتعاين عالدرب حد الصبح
يمتى تشفيلي غليلي يلي راسك عالرمح
حالتي متأزمه فاطمه يافاطمه
_______
عيوني غركانه بدمعها ارجع ونشف الدمع
يلي سحكولك ضلوعك ما بقى عندك ضلع
جلمة اليمه اشحلاها الجنت منك استمع
هسه منهو يكلي يمه بعد.ماضن ننجمع

اتهيأيت المأتمه فاطمه يافاطمه
_______
خبر من عدكم اتاني يلي رحتو الكربله
انه هم مثل العليلة صرت هم معلعله
فراكم هدالي حيلي وكلبي ما يتحمله
والضعن من ودعاني بدتي عندي المشكله
وابغربتي ونادمه فاطمه يافاطمه
_______
الشاعر _ارشد المساري

قناة الرادود والشاعر الحسيني ابو منتظر الموالي

15 June 2026 15:48

ليلة عبدالله الرضيع عليه السلام
اهوازي _محرم ١٤٤٨هـ

نام يوليدي نام ياعبدالله
_______
يحسين ارد انشدنك وين وليدي حاجيني
شلون أكدر على فركاه ضاوي دنيتي بعيني
ماريد العمر لو راح ابقى بولية اونيني
عبدالله ياماي العين مات وماتت اسنيني

بعده شيبالي الهام ياعبدالله
نام يوليدي نام ياعبدالله
_______
من سهم العدة صاباه كامت ترجف جفوفه
يبني هالقدر مكتوب لازم دمك
تشوفه
بعدك عالفجيعه صغير واللوعات والخوفه
نحرك والبياض البيه للشمات مكشوفه

لازم تحمل سهام ياعبدالله
نام يوليدي نام ياعبدالله
_______
عطشان وتريد الماي بهالذنب يذبحونك
حاجيني يا لب حشاي ليش مغمض عيونك
ابقى اتذكر مناغاك اعيش شلون من دونك
صعبه شكثر يارجواي اهلك من يودعونك

الله يلعن الظلام ياعبدالله
نام يوليدي نام ياعبدالله
_______
يوليدي وتحن الروح ليك شكثر مشتاكة
اتمنيتك ترد وياي من نركب على الناكة
بنبلة حرمله فجعوك دمعتي عليك حراكة
شيسكت لهيب الروح والدلال واشواكه

صعبة هاي الايام ياعبدالله
نام يوليدي نام ياعبدالله
_______
تانيني قبل لتموت يوليدي ارد اشمنك
تسع شهور وانه اتناك تاليها الكبر ضمك
حيلي من تروح يروح حسبالي يشد عضمك
ابد ما حسابه ابالي اشوفك سابح بدمك

ما يرضاها الاسلام ياعبدالله
نام يوليدي نام ياعبدالله
_______
الشاعر _ ارشد المساري

قناة الرادود والشاعر الحسيني ابو منتظر الموالي

15 June 2026 15:45

ليلة العباس عليه السلام محرم_١٤٤٨هـ

دير بالك يابو فاضل لو وصلت المشرعه
الدرب كله اعادي وانه بيك ملوعه
سكنه تسئلني عليك
ترجعلنه لو نجيك
يابوفاضل يابوفاضل
_______
خوية من تنوي برحيلك عالدرب زيد النضر
خوية منتشرة الاعادي وانته وحدك يالكمر
ادري سيفك مايقصر منه عدوانك تفر
لكن اتحذر يخوية عليك كلبي منعصر

من اودعك ياكفيلي شلون تكضي دنيتي
تقبل انه ابقى وحيده بلا ابوي واخوتي
العيلة خوية تشتكيك
ترجعلنه لو نجيك
يابوفاضل. يابوفاضل
_______
وينك بياكتر طايح النهر دربه بعيد
اختفى صوتك عليه اضن كطعولك وريد
انشغل بالي يكافل غير جيتك مانريد
ادري وحدك بين اميه لجن ضل وحده الشهيد

حيرة حيرني زماني من رحت ياباالفضل
شلون لو انضرك طايح طيحتك ماتنحمل
عدنه. نية نعتنيك
ترجعلنه لو نجيك
يابوفاضل يابوفاضل
_______
يساعد الله الفاكد اهله عله المصيبه الصابته
شلون يكضيها حياته واشكبرها حسرته
وانه ودعت الكفلني وعني غابت شمعته
اكصدت من المدينة بصاية الله وصايته

بعده الخيمه احركوها واقترب سبي الحرم
موعجيبه عله ال امية بلايه غيرة
ولا رحم

كطعو خويه اديك
ترجعلنه لو نجيك
يابوفاضل. يابوفاضل
_______
العمد من صاب راسك بدت عندي الفاجعه
ايست ما ترجعلنة وكمت اقرة الفاتحه
بالسهم صابو الغيرة ورحمة الله الواسعه
جيت وبهيبت اخوتي وهسه وحدي راجعه

بلايه عباس الحياة بلايه ماي ولا ضوه
جانت ابو فاضل عليه مثل نسمات الهوه

خوية انه ارتجيك
ترجعلنه لو نجيك
يابوفاضل. يابوفاضل
_______
خوية عطشانه اليتامه وذبلت اشفاه الزغار
من تراب الخيل عجت بعد ماشفنه النهار
ولو نطب السوك باجر يشمرو علينا الحجار
بكل جهه سيوف ال اميه علنو اعلينه الحصار

ارجع ونشف دمعنه بينة ماضل كل صبر
ترضا من بعدك يخويه ننهضم من الشمر
عيوني يمتى ترتويك
ترجعلنه لو نجيك
يابوفاضل. يابوفاضل
_______
الشاعر _ارشد المساري


‏

قناة الرادود والشاعر الحسيني ابو منتظر الموالي

31 May 2026 20:58

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

31 May 2026 08:57

ليله الانصار

احنه  كلنه  مجننين
مثل عابس ياحسين
بينه تندار     فزعت انصار ______
صرنه عابس يبو اليمه من فزع بالحومه
انريد نفزع عالخدامه جنه عاد بيومه
من فزع لحسين انطه نحرة وي دمومه
وكع مادون ابو اليمه وماصحه من نومه

سكت من عنده الونين
مثل عابس ياحسين
بينه تندار     فزعت انصار
≡≡≡≈≈≈≈≈≈≡≡≡
ينقل التاريخ عنه ويحجي عن صولاته
والعدو كدام عابس ينحني الخزراته
ميت وفدوة لحبيبي ايردد ابكلماته
فدوه لحسين ابو اليمه كلبي وي دكاته

هذا درب   العاشكين
مثل  عابس ياحسين
بينه تندار     فزعت انصار
≡≡≡≈≈≈≈≈≈≡≡≡
شهر سيفه بيوم عاشر يطلب ابثار الولي
كال زينب لايهمج ابشري وادللي
انه خادم يالأميره يابنت حيدر علي
اتروح فدوة يالعقيله كل حياتي وكل هلي

عدنه من عدكم يقين
مثل عابس يا حسين
بينه تندار     فزعت انصار
≡≡≡≈≈≈≈≈≈≡≡≡
من سمع زينب تنادي منهو ينصر اخوتي
كال خادم بنت حيدر اقبليها خدمتي
عابس انه ورايد افزع ارد اموت ابهمتي
اوكف ابطف المنيه وتكفولي  بمحنتي

ربي   هوه المستعين
مثل عابس يا حسين
بينه تندار     فزعت انصار
≡≡≡≈≈≈≈≈≈≡≡≡
اخر انفاسه وينادي خادمك يالوالي
هذه عابس بالمعارة ناده فدوة عيالي
حب ابواليمه امامي دوم يجري ابالي
غالي عندي حسين غالي وانه احب الغالي

ما نكف هذا الحنين
مثل عابس ياحسين
بينه تندار   فزعت انصار
≡≡≡≡≡≡≡≡≡
خادم الزهراء _ ارشد المساري

قناة الرادود والشاعر الحسيني ابو منتظر الموالي

30 May 2026 14:38

نزله_ليلةالانصار ع محرم_١٤٤٨هـ

صوت الانصار اعتله
احنه كلنة مرجله
عالعهد. باقين
ننصرك.يحسين احنه كلنة مرجله
___
نركض الدرب الشهاده وما نهاب من العده
صحنه هيهات ابو اليمه يبقى بلطف وحده
نوقف بوجه الاعادي ننصره وانسانده
ما يهمنا شكد عددهم لو الوف مجنده
نموت لاجل العائله
احنة كلنا مرجله
عالعهد باقين ننصرك.يحسين احنه كلنة مرجله
___
من نطب لرض المعاره الكاع ترجف بينه
سيوفنا تنزل عليهم جف علي مربينه
وشيخنا ترعب نضرته ويسطر ابجفينة
خله فرسان ال اميه دروبها متيهينه
ذل شمرهم بهذله
احنا كلنا مرجله
على العهد باقي ننصرك يحسين
احنه كلنه مرجله
___
عابس يكول الزهير ونار بي تغلي غلي
انه من اكصد عليهم سيفي يصرخ يا علي
اليكف كدامي اشطر وما يهمني الجاهلي
حاجه عندي وي امامي يرضى الحسين الولي
شرد منهم حرمله
احنا كلنا مرجله
عالعهد باقين ننصرك يحسين
احنه كلنه مرجله
___
شيخهم لو رفع سيفه ما يثني بضربته
لو يطب ارض المعاره جنه طب الديرته
عشره عل عشره ذبحهم حرج كل الكصدته
من علي ماخذ شجاعه وشحلاته بغيرته
حسين احنا نرتله
احنا كلنا مرجله
عالعهد باقين ننصرك يحسين
احنه كلنا مرجله
___
منهو يدنه للمخيم انطو الزينب عهد
ما نعرف حسين وحده عشكناه من المهد
نمشي بدروب المنيه بينه لو طال الامد
حب الحسين العقيده ويبقى حبه للابد
وحق باء البسمله
احنا كلنا مرجله
عالعهد باقين ننصرك يحسين
احنه كلنه مرجله
___
الشاعر_أرشد المساري

قناة الرادود والشاعر الحسيني ابو منتظر الموالي

29 May 2026 20:37

نزله .مسلم ع
ترهب اجفوفه
ترعب الكوفه
جنه عباس جنه عباس
___
شال سيفه وصال صوله وخله الكوفه بخطر
كلها تسأل ياهو هذا جنه عباس الكمر
ماسلم كدامه واحد بعد ماينفع عذر
خله كل جيش الأعادي للمنية تنتظر
لمن ايقاتل
جنه بوفاضل
جنه عباس جنه عباس
___
سيفه مايثني ابضربته جنه
ذو الفقاره
غيرة من قصر الأمارة شعت ابأنوارة
مسلم ايشمر جثثهم هالعدة محتارة
من الوصي الكرار حيدر ماخذ ابأثارة
اسد بالحومه
هالأجه يومه
جنه عباس جنه عباس
___
جنه عباس ابوفاضل يوم طب المشرعه
شطر الجيش بيمنته ال امية امروعه
خله فرسان الاعادي تشتكي بالفاجعه
مسلم ابنفس الشجاعه ياهو
يكدر يمنعه
هيبه من حيدر
هلا بهالمنضر
جنة عباس جنة عباس
___
رايتة رايت محمد بالكرم معروفه
حذرو اهل الكوفه منه يوم طب الكوفه
انه هاي الليله كاصد والنصر ماعوفه
الزمن لبن الرساله هد عليه بسيوفه
لمن ايجاهد
مسلم القائد
جنه عباس جنه عباس
___
فزع يم قصر الامارة مسلم ابكل همه
كال سمعا لبواليمه وارتفع للقمه
ماخذ ابحب الصميدة منهجة وكل علمه
افدي كل شمعه حياتي فدو دمي الدمه

انكظه عمرة
خادم العترة
جنة عباس جنه عباس
___
خادمكم _ارشد المساري
.

قناة الرادود والشاعر الحسيني ابو منتظر الموالي

28 May 2026 14:13

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

26 May 2026 12:58

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

26 May 2026 09:46

ليلة العليلة عليها السلام _محرم _١٤٤٨هـ

ليلة وحشه ومظلمه
اعله العليله فاطمه
يابوية يحسين يابويه يحسين
___
شلون هالطفله العليله تعيش بديار الغرب
ويلي لو تعرف اهلها كصدو السوح الحرب
هالخبر ياذي كلبها مودمع دمها يصب
لا تعوفوني غريبه امشي وياكم احب
تبجي املاك السمه
اعله العليله فاطمه
يابويه يحسين. يابويه يحسين
___
وحدي ظليت واتاني يمتى يرجعلي الضعن
سافروا سفره طويله وانا حاطتني المحن
راحوا السكنو دليلي البيهم يعم الامن
واليفارك اهل بيته يعيش بس بلا ثمن
الزمن شد محزمه
اعله العليله فاطمه
يابويه يحسين. يابويه يحسين
___
الليل من يلفي عليه بويه ياخذني السهر
اذكر اسكينه ورقيه راح اموت من القهر
هوايه مشتاقه لخوتي بقت بس يمي الصور
من رحلتو للمنيه اشسوه بيه هالدهر
كبالي صورة مؤلمه
اعله العليله فاطمه
يابويه يحسين. يابويه يحسين
___
هم يجي يوم وتردلي وترجع الضحكه الي
ياوكت يلتم شملنة وهمي مني ينجلي
بوية يحسين ارد انشدك ارجع بداعة علي
والله ماشفت السعاده بعد ما راحو هلي

دنية ما متراحمه
اعله العليله فاطمه
يابويه يحسين يابويه يحسين
___
اصعب ايامي العشتها يوم ودعت الاهل
وحيلي مهدود واعاين عالضعن لمن رحل
الافراك شكد هضمني وعيني تارسها الزعل
لوتطول غيبت اهلي انه اموتأ محتمل
والسمة تنكط دمه
اعله العليله فاطمه
يابوية يحسين يابويه يحسين
___
الشاعر _ ارشد المساري

قناة الرادود والشاعر الحسيني ابو منتظر الموالي

24 May 2026 22:58

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

24 May 2026 18:10

ليله العليله ع
العليله ع_1444
كًلب العليله مملي جمرات     بويه
انت الكلت انساج  هيهات    بويه
تاليها عشت  بهل  معانات    بويه
__

كضيتها بس بحزن صبح ومسيه
ساعه ساعه انتظر اهل  الحميه
لجن ايسني الصبر وصفك  بديه
كطع دليلي هالبعد ما  الك جيه

البيت اظلم بعد الاحباب    بويه
اعزاز كلبي جوة  التراب     بويه
اصغيرة ما اتحمل اغياب   بويه
__
اعله رقيه كمت  اون من    فاركوني
مخنوك بنفاسي الحزن اهلي نسوني
ضنيت انه بنص حلم كلهم يجوني
تاليها روس عله الرمح  ما  ودعوني

راس عبدالله الطفل وين      بويه
من الرمح جاوبني يحسين    بويه
فوك المرض حاوطني للبين   بويه
__
ابد ماهمني المرض  مرضني بعدك
يحسين ليش بكربله  بقوك  وحدك
والدنيه كلها بخدمتك وصاها  ربك
ويلي من شفت بدمه مصبوغ خدك

حسين كتلك خذني وياك    بويه
دلالي كل لحضاته ناداك      بويه
قاسي الزمن وبناره جواك    بويه
__
ضليت اشكي بغربتي انه العليله
ماحسبت ياوالدي الهجره طويله
لمن نويت عله السفر دمعي اسيله
ياهو الي ينظر محنتي ارد اشتكيله

وياك رايح كلشي بي روح    بويه
ما ترجع البنتك  يمذبوح      بويه
سكنت كليبي ونه والنوح    بويه
__
تواسيني بدموع الحزن ام الميامين
ماقصرت وي والدي هايه  ام البنين
وياي تحضر بالعزة تصرخ  يالحسين
يا ويلي  ام الاربعه  ماخذها الونين

ربت ولدها ورفعت الراس  بويه
بالغيرة ماكو مثل عباس    بويه
بطف كربله رجفو لأرجاس  بويه
__
الشاعر _ ابو منتظر الموالي

قناة الرادود والشاعر الحسيني ابو منتظر الموالي

24 May 2026 17:37

ليلة العليلة عليها السلام _محرم
١٤٤٨هـ
مهدوده الحال
مشغوله البال
ظليت وحدي بغربتي من غير كفال
_______
ما شايفه النوم وعلي من ودعت ضعنكم
عفتوني وحدي بغربتي مو انا هم بنتكم
عذبني هذا اللي جره يمتى التقي بدربكم
وحدي وعليله وعلتي من كثر ما احبكم
لحسين حنيت
دمعاتي بالبيت
وشلون تكضي دنيتي من غير كفال
_______
دمعي عليكم ما نشف وكثرت هموم البيه
تردولي اتمنى جنت وما شفت هاي الجيه
امناطره بدمعي اليصب ودعي واون يوميه
هيهات ترجع عيلتي ويمتى اشوف ارقيه
اهاتي بالدار
مشتعله بالنار
ما حسبت انا اضل. من غير كفال
_______
يا حسره ودعت الاهل صرت اشكثر حيرانه
شفت المصايب والقهر من الالم تعبانه
ليريد يقره بسيرتي انه العليله
انه
شفت المصايب من وكت وين الزمن ودانه

ارفعت هالصوت
مشتاكة للموت
شلون يخلص هالعمر. من غير كفال
_______
عالغبره طاحوا اخوتي وطاحت حياتي وياهم
والروس صعدت عالرمح مسفوحه كل دمائهم
لعنه البارت تنزلت ع الي اجه واذاهم
عاشور بيه تيتمت ياريت منمت وياهم
اجرعت لأحزان
خلصو الوليان
الله يعين الفاكده ومن غير كفال
_______
مر بيا يا ابوي بحلم روحي اشكثر مشتاكة
بحسراتي مخنوكة وعلي ونار الفكد حراكه
والدمعه سبقت ونتي ولهلي شكثر مشتاكه
وياكم ارد اجرع الم وضيم اليسر والناكة
عذبني الغياب
اغياب الاحباب
يابويه ضيعت الامل من غير كفال
_______
خلوني اروح لكربلاء ارد التقي وي حسيني
بالخيمه كون اويه الضعن ورقيه لتواسيني
تعطش سوه ونبجي سوه منهو الهم يوديني
يا موت خذني مروتك ماريد هاي سنيني
مني الصبر مات
شكد بيه اهات
معلوله وانوبه اضل من غير كفال
_______
الشاعر_ارشد المساري

قناة الرادود والشاعر الحسيني ابو منتظر الموالي

15 September 2026 17:07

جديد
قصيدة للزهراء عليها السلام

يعلي شهاي الرزية
يعلي وين الزجية
_______
يعلي شيكضي حياتي بهالليالي الفاطمه
ترضه فاطم يهضموهاوانت حماي الحميه
بدة يتكسر دليلي من مشت شفت الاذيه
تشوف الزهرة المنية ويريت انه بهالمنيه

يعلي دموعي جرية
يعلي وين الزجية
_______
يعلي بهاي المسيه تندفن امي ابكبرها
يبوية ويصعب فكدها وكلبي مشتاك العطرها
حال ليفارك عزيزه يجرع الدنيا بجمرها
وانه ودعت الحنينه الراحت بغصة صبرها

ياعلي شيكضي المسيه
ياعلي وين. الزجيه
_______
يعلي بداعت وجودك اسألك يابو اليتامه
بيا سبب كسرو ضلعها وانت مخنص للسلامه
يبوية وليش اضربوها وخسفه بالصدر العلامه
وانته متوصي بوصيه وملتزم يابو الامامه

يعلي صعبه الوصيه
يعلي وين الزجية
_______
يعلي كبالي شفتهم من بدو هاي المصيبه
دفعت الباب اشكبرها حين جرعتها عجيبه
اجه وبلايه حميه كسر كلب امي الحبيبه
شفت محسن عالوطيه غاب ويطول مغيبه

يعلي شفت الاذيه
يعلي وين الزجيه
_______
يعلي وبلش عذابي ورحلت مصابي لفتني
وبده يلجمني دليلي وللحزن دهري يذبني
الليلة ودعت الزجيه وباجر السوط عله متني
وحده لحسين بغربته وعلنهر طاح الكفلني

يعلي وباجر سبيه
يعلي وين الزجية
_______
الشاعر _ارشد المساري

قناة الرادود والشاعر الحسيني ابو منتظر الموالي

16 June 2026 19:47

ليلة ام البنين عليها السلام ١٤٤٨هـ
لحسين انطت اربعه
ام البنين الخاشعه
هذا العطاء في كربلاء في كربلاء
___
ربتهم اعله المرجله وغذتهم الحنيه
وصتهم بهذا العهد لاتتركو المسبيه
اولادي كصدو كربله وادعيلهم يوميه
لو عندي عشره من الولد اقدمهم هديه

للزهرة فدوة ضنوتي
وانه وهلي وكل اخوتي
لهل الرجاء في كربلاء في كربلاء
___
كاللها ابن حذلم صفو ولدج مطاعين
عالغبرة ويلي توسدو وبلايه تكفين
عباس كاللها انجتل بالله شتكولين
كالتله فدوة الاربعه بس يسلم حسين
فدوة للحسين العمر
ميت اعرفه وانتصر
منه العطاء في كربلاء في كربلاء
___
حسرتها تمشي وي الضعن ابدرب الاحباب
تاليها ضلت بالمدينه تحمل امصاب
جم مغربيه لنكضت ومناطره الباب
هم يرد يوم وننجمع وي اهل الغياب
ما فارك عيوني الدمع
بالعبرة وني ينسمع
زاد البكاء. في كربلاء في كربلاء
___
اعزاز ياناس الضنة بلمت شملهم
وبس للحسين وعيلته يوكف عشكهم
جعفر وعبدالله ارحلو عون الحكهم
وعباس صوب المشرعه كمل دربهم

شمعات اولادي انطفت
بالفاجعه امهم صفت
هذا البلاء في كربلاء في كربلاء
___
يومية تبجي عله الجرة ضلت وحيده
قدمت كلشي الفاطمه وابن الصميدة
سافرو ليش الكربله وسفرة بعيدة
وحسين ليش عله الرمح كطعو وريده
عجل يلاهي موتتي
ياربي كبرت حيرتي
سالت دماء. في كربلاء. في كربلاء
___
الشاعر _ ارشد المساري

قناة الرادود والشاعر الحسيني ابو منتظر الموالي

15 June 2026 15:53

ليلة العباس عليه السلام _محرم_١٤٤٨هـ ٢٠٢٦م

دوهنتنه مصيبتك يااباالفضل
بعيدة جانت عالهواشم تنجتل
يلا فز من نومتك
عيلتك واتنختك
ياعباس ياعباس
_______
ارجع وشوف العقيلة وشوف همها البالكلب
زينبك ضلت وحيدة بين عدوان وغرب
لا اخو يمها ويجيها والله موقفها صعب
شلون لو تسمع الحرة بمجلس الشامت تطب

العقيلة خلاف عينك تنولي
ابد ماترضه يبن حيدر علي
لا تطيل بسفرتك
يلا فز من نومتك
ياعباس ياعباس
_______
شلون نكضيها الليالي وانته نايم عالثرة
شلون وبعاشر محرم نصبر اعله الي جرة
شلون وانه بلاي كافل كلبي كسرو خاطرة
على مصابك يابو فاضل حزني ماتتصورة

ياحساف ما تعاود للابد
ياكفيل العيله وموفي الوعد

ترد يمتى الديرتك
يلا فز من. نومتك
ياعباس ياعباس
_______
خوية والناكة الهزيله صعبه لو بينه سرت
سيوف وارماح ال اميه اعلينه كلها تحضرت
والحرم والله هضيمة كبال عيني تيسرت
ونسمع يشتمون ابونه لعدة هواي تجاسرت

شفنة اهات ومصايب باليسر
الروس ويانة وتعاين عالخدر

بينه كبرت حسرتك
يلا فز من نومتك
ياعباس ياعباس
_______
خوية والنار الجبيرة مو نفسها البالخيم
تسعر وحركت دليلي وزادت عليه الالم
ساعت فراك.عضيمه اعله زينب والحرم
ندعي ترجع بالسلامة خلافك الببت انهدم

وجمرة افراك ترى ما تنطفي
دموعنه خلت اثر ما يختفي

شكد.عظيمه رحمتك
يلا فز من. نومتك
ياعباس ياعباس
_______
التعيش ابلاي والي هيه والميت سوه
والتفارك عدها غالي ابد متشوف الضوه
العدها خوان وعليله ابد ميهمها الدوه
نسمة الكعدة وي اخوها تفوق نسمات الهوه

يالكفيل ام عون صوبها الضمه
وضلت ابلاي ولي بت فاطمه

هسه كلنه بعازتك
يلا فز من نومتك
ياعباس ياعباس
_______
الشاعر_ارشد المساري

قناة الرادود والشاعر الحسيني ابو منتظر الموالي

15 June 2026 15:45

ليلة ابو فاضل عليه السلام ١٤٤٨هـ

شلون اشوفك
وانته لا راس وادين
شلون اشوفك
والسهم صوب العين
دمك الطاهر يسيل وداعة الله يالكفيل
شلون اشوفك شلون اشوفك
_______خوية وكت المغربيه كمت ادورلك اثر
كبالي روس شكد عضيمه شاهدتها تحتضر
والدمه تارس الحومه مروعه كبالي الصور
ماحسبت احساب اشوفك نايم بكتر النهر

انهدم حيلي
انته مرمي عله التراب
انهدم حيلي
على مصابك كلبي ذاب
ليش كاسرلي الدليل وداعت الله يالكفيل
شلون اشوفك. شلون اشوفك
_______
اركضت من المخيم شبحت عيوني عليك
خوية من كثرت سهامك ماعرفت شلون اجيك
شفت جثة عله الشريعه لجن مابيها اديك
جامد الدم عله عينك خوية ارجع ارتجيك
سال دمك
كل كتر تنزف اجروحك
سال دمك
روحي راحت وي روحك
صار همي شكد ثجيل وداعة الله يالكفيل
شلون اشوفك. شلون اشوفك
_______
مو مهم نعطش يخوية رجعتك هيه الاهم
تدري ماتدري شجرالي كونك تشوف الخيم
حتركت وفرينه منها لجن ما طاح العلم
رماد صارت يابوفاضل كلشي بيها ماسلم
حرت بامري
دنيا صارت بس ضلام
حرت بامري
شلون لو عينك تنام
يمي ماضل بس عليل. وداعة الله يالكفيل.
شلون اشوفك. شلون اشوفك
_______
شيبت من هالمصايب زمن مابقالي حيل
انة زينب ياهضيمه بخيمتي حاطت الخيل
صحت عباس الحك اختك ماتجيني يالكفيل
واسمع بصوت الحوافر وانه وحدي ودنية ليل
ناري تلهب
عليه هجمت ال اميه
ناري تلهب
خوية دهري شسوه بيه
بدونك اصبر مستحيل. وداعة الله يالكفيل
شلون اشوفك. شلون اشوفك
_______
عالرمح راسك اشوفه غير ينكط مو دمه
وعالارض جثه سليبه جفوف يمها مهشمه
انعادت الصرخه علينه انهدمت اركان السمه
وحضرتك يابو المحنه اجت تلطم فاطمه
الله وياك نشوفك بيوم القيامه
الله وياك. ترافقك خويه السلامه.
خوية يالمالك مثيل. وداعة الله يالكفيل
شلون اشوفك شلون اشوفك
_______
الشاعر _ ارشد المساري

قناة الرادود والشاعر الحسيني ابو منتظر الموالي

14 June 2026 22:23

نزلة ليله القاسم عليه السلام ١٤٤٨هـ

مثل الاكبر لوكصد للحومه
وغيرة العباس بي مرسومه
هذا جسام يزينب هذاجسام
_______
هذا منهو الشال سيفه وكاصد الحومه بعزم
شتت اصفوف الاعادي والي مامات انهرم
واليصير كباله منهم منه سيفه ينتقم
جاسم بسيفه تعنه وكسر خشوم الزلم

واليصير اباله
ابجهنم حاله
هذا جسام يزينب هذا جسام
_______
انطه كلمه العمته زينب كال عمه ابشري
اله اجيب الثار منهم وانه عزمي حيدري
الحومه لكلبها عليهم عزم عندي خيبري
الكاع متروسه بجثثهم على الموت اتحضري

سيفه واليدناله
ابجهنم حاله
هذا جسام يزينب هذا جسام
_______
كباله الاف الاعادي وابد ماهمه العدد
خوايه مستصغر اميه وحده واكف كالاسد
صاح وبصوته رعبهم علي ياحيدر مدد
رجفو وبدد شملهم جيشهم كله
لبد

الشمر وارجاله
ابجهم. حاله
هذا جسام يزينب هذا جسام
_______
فدوة كل دمي وحياتي للي كطعوله النحر
نموت كدام ابواليمه ونوكف بوجه الدهر
اتربه جاسم عالعقيدة ومايرد الا بنصر
معرفه عنده عضيمه وبيها غاض اهل الكفر

والكصد لعياله
ابجهنم حاله
هذا جسام يزينب هذا جسام
_______
جان كل همه الشهادة وسوة بيهم ملحمه
صال صولات الصميده ياهو يكدر يلزمه
استشهد وحقق منيته ونال اعضم مكرمه
اليخدم حسين وعياله ترضا عنه فاطمه
وقائد الخياله
ابجهنم حاله
هذا جسام يزينب هذا جسام
_______
الشاعر ارشد المساري

قناة الرادود والشاعر الحسيني ابو منتظر الموالي

31 May 2026 20:38

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

30 May 2026 14:39

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

29 May 2026 21:50

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

28 May 2026 18:32

ليلة مسلم عليه السلام _محرم ١٤٤٨هـ

ادري هذا اخر سفر
وادري رايح للخطر
وصيتي يبنيتي حميدة
صيري مثلي هم شهيده يا حميده
_______
انه رايح للمنيه ونحري يمكن ينكطع
بويه من قصر الاماره يشمروني وانفجع
كلها كالتلي نبايع لبن عمك بالجمع لجن غدروني بفعلهم علمناصب والطمع
باجر اشعر بالضمه
صحت اه يا فاطمه
حسين مذبوح بوريده
صيري مثلي هم شهيده يا حميده
_______
مسلم وناذر حياتي لبن عمي وسيدي
والله ما همني عددهم حتى لوضل وحدي
همه ما عدهم عقيده وانا افدي قائدي
نحري لحسين ارد اقدمه ابو اليمه مسندي
نزل عن دربه محال
حسين مدرسه الكمال
ومنهج الشيعه تريده
صيري مثلي هم شهيده يا حميده
_______
كل حياتي خلصتها بنصرة حسين الولي
لا حياة ابلا ولاية ولافتى الا علي
حسين كرمنه بكرامه بدربه نمشي ونعتلي
مسلم بهاي العقيده ايغيض بيها الجاهلي
لصبر علمنه الحسين
ونرضي رب العالمين
هاذه ميزان العقيدة
صيري مثلي هم شهيده يا حميده
_______
لو لفت ساعه الملكه مانجامل لو تجي
احنه بس درب الشهادة امن الله هذا نرتجي
والعندة معروف بحياته لبو اليمه يلتجي
والعندة دمعه بالمجالس ينفعه هذا البجي
هذا درب العاشقين
هذا نصر الله المبين
وجيشهم لازم نبيده
صيري مثلي هم شهيده يا حميده
_______
بوية كومي ودعيني وبعد ما ارجع تره
وانه ماعندي وسيله غير خدمة حيدرة
عمي وصاني بحياته وكلي اشري الاخره
حسين لتعوفه يمسلم بروحك افدي منحره
باجر يضل وحده
على مصابه ساعده
وانه ملحمتي بعيده
صيري مثلي هم شهيده ياحميده
_______
الشاعر _ارشد المساري

قناة الرادود والشاعر الحسيني ابو منتظر الموالي

26 May 2026 12:59

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

26 May 2026 09:52

ليلة مسلم عليه السلام _محرم ١٤٤٨هـ
كلبي ذاب بغيبتك
بويه رد لبنيتك
يا سفير حسين يا سفير حسين
_______
بالطفوف اول يتيمه باول مصيبه ابتدت
رحل مسلم من حميده والسبيها تحضرت
فاكده وتمشي بضعنها وبألمها اتحيرت
رغم ما يرجع ابوها تكله ليش اتاخرت
يكتل وداع الابو هو مثله وين اكو
يا سفير حسين يا سفير حسين
_______
البنيه بلا ابوها شكد تحس بغربه
انه هذا الحال حالي بهالحياة الصعبه
الكوفه اخذتك يغالي وراح اظل متعذبه
رمو من قصر الامارة ويلي فجعو كلبه
طفله ما احمل الم صوبو كلبي بسهم
يا سفير حسين يا سفير حسين
_______
مناطر الباب واتاني يلفي من عندك خبر
حرت وكت المغربيه قلبي اشعر ينعصر
الحميده رد ابوها يا مليك المقتدر بكربله اتمنى حاضر يفدي نحره للخدر
ارد اشوفه لو فزع اشحلوه من يلبس درع
يا سفير حسين يا سفير حسين
_______
جن خياله كبال عيني وكل وكت اتذكره
وخذ من عزم الصميده ومن شجاعه حيدره
اليوكف كباله يشطره يسفرة للمكبرة
لكن امر الله نشوفه مرتمي فوك الثرى
انطه روحه ومايهم والدي مسلم شهم
ياسفسر حسين ياسفير حسين
_______
شلون اكضي ايام عمري تعبتني مصيبتك
كنت من تنظر عليه اشعر انه بهيبتك
بويه ما ترجع يمسلم ارد اشمأ ريحتك
منهو يمسحلي الدمع صوتي بالهم ينسمع
يا سفير حسين ياسفير حسين
_____
الشاعر_ارشد المساري

قناة الرادود والشاعر الحسيني ابو منتظر الموالي

24 May 2026 22:59

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

24 May 2026 22:15

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

24 May 2026 17:42

‏مقطع صوتي من الرادود ارشد المساري

قناة الرادود والشاعر الحسيني ابو منتظر الموالي

24 May 2026 17:37

‏مقطع صوتي من الرادود ارشد المساري