1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
لوفاة مؤمن قريش عم النبي محمد صلى الله عليه وآله وسلم أبوطالب رضوان الله عليه
سابع برمضان من عام الحزن
لفگد أبوطالب رسول الله يون
★★★★★
رمده عين الأبد ماشافت ضواه
ابغيض مخنوگ الجفه وماشم هواه
گال حاسد بالحقد يتبع هواه
علكفر غمض أبوطالب جفن
★★★★★
ثابت الايمان يامؤمن قريش
ديره فارگها ولاكافر يعيش
بيش يتوصف ابوالكرار بيش
أبروح للتوحيد ضحه وبالابن
★★★★★
كهف للدين ودرع للهادي صار
بكل صلابه اتحمل ايام الحصار
ماتهمه الدنيا لوعاش ابمرار
للشهاده دون ابوالزهره يحن
★★★★★
وارث التوحيد من جده النبي
جده إسماعيل ذاك اليعربي
ثابت التوحيد ضد الناصبي
محتسب صابر بعزمه وممتحن
★★★★★
گضه نحبه الطيب ورباة الوفه
على فراگه يساعد الله المصطفى
عاصف الاحزان علهادي لفه
انهدم منه الحيل چم ركن بركن
الشاعر حسن لعيبي الحريشاوي
عن وفاة ابوطالب رضي الله عنه
على وزن يابوفاضل لباسم الكربلائي
يابوطالب عفت گوم العاشرتها
يابوطالب ملة احمد ماعفتها
يابوطالب ثابت وماغيرتها يابوطالب
★★★★★
حسبه عدهم چانت بهاي المقاصد
الحچوا عنك كافر وللصنم عابد
يلعلى التوحيد شعرك چان شاهد
رادوا الحيدر ذنب لوذنب واحد
كلها تدري من نسل طاهر موحد
كلها تدري لاحجر لاصنم تعبد
كلها تدري اشگد ظروف اتحملتها يابوطالب
★★★★★
منهو غيرك من فده ابروحه محمد
عايش ابدارك على دارك تعود
رغم عوزك ماشكيت العوز لحد
ولاخفت باب الزمن بالوجه ينسد
منهو غيرك جاهد وحارب الباطل
منهو غيرك على الحق لا مايجامل
منهو غيرك اعداك ابد ماجاملتها يابوطالب
★★★★★
غاية التوحيد منها وهيه منك
انكروها وملحد يگولون عنك
وي النبي للموت حد ماغمض جفنك
ماحزنت الروحك على الدين حزنك
منهو مثلك باع للإسلام عمره
منهو مثلك ماخلف يوم وتبره
منهو مثلك تشهداشعار الگلتها
يابو طالب
★★★★★
ذاك عام الحزن يشهد يابوطالب
متت مابين العشيره والحبايب
الراحة الإسلام تتحمل متاعب
ناصر الاسلام بايام النوايب
شلون كتبوا جاملت طه اونصرته
شلون كتبوا رب محمد ماعبدته
شلون كتبوا علكفر موته المتتها
يابو طالب
★★★★★
زله وحده عليك رادوا مالگوها
بس مناقب سيرتك لمن قروها
تهمه للتاريخ موصح قدموها
ابوطالب مات كافر سجلوها
خله يقره الي يريد بصافي نيه
خله يقره الماعرف شنهي القضيه
خله يقره اسنينك الربك بعتها
يابو طالب
الشاعر حسن لعيبي الحريشاوي
لوفاة عم النبي ابوطالب سلام الله عليه (فايزي)
حزني على عم النبي ياخير الاعمام
حامي رسول الله وكفيله وراعي الأيتام
عَرَّضهَا روحه لكل بليه وخطر مادام
سالم حبيبه المصطفى من گوم ظلَّام
ودينه بسلامه ومعتلي ومحفوظ الاحكام
ابوجه النوايب ماجزع شَدَّلهِن احزام
مذهول طه بفرگته ماهَوَّد ونام
عام الحزن عاش النبي مامثله كل عام
لوعات ودموع وحزن وجروح وآلام
وبفگد ابوطالب تره مفجوع الاسلام
الشاعر حسن لعيبي الحريشاوي
لذكرة وفاة مؤمن قريش ابوطالب عليه السلام
يا كفيل الهادي خير الانبياء
ووالد الكرار خير الاوصياء
يا بو طالب
يابوطالب
★★★★★
يبو طالب كافر العنك يگول
منزله مثلك ولا يگدر ينول
كله ناتج حسد ما عدهم قبول
حقد من سابع ظهر همه وبلاء
يا بو طالب
يا بو طالب
★★★★★
كافل الهادي چنت عون ونصير
وماعفت دعواه لليوم الاخير
وماخفت تالي العواقب واليصير
وماعفت دين النبي كلك ولاء
يابوطالب
يابوطالب
★★★★★
يا كفيل المصطفى حكمه وثبات
يا حصن للهادي وكت الموزمات
دعوته ألها سند طول الحياه
بمعنى ثاني انت سيد الاوفياء
يابوطالب
يابوطالب
★★★★★
بوفاتك لوعة الهادي تطول
المرتضى حسرات گلبه ما تزول
ذاك عام الحزن سماه الرسول
الك من رب السمه خير الجزاء
يابوطالب
يابوطالب
★★★★★
أبغيابك كل فرح عن طه غاب
ناصر الاسلام وايات الكتاب
نواسي آل المصطفى بهذا المصاب
اليوم نرفع أسمى ايات العزاء
يا بو طالب
يا بو طالب
الشاعر حسن لعيبي الحريشاوي
في فضائل شهر رمضان (وزن تجليبه )
من رب البريه يا شهر رمضان
الرحمه بأوله وبآخره الغفران
★★★★★
طريق النور لتعوفه وتظل محتار
شهر ميدان طاعه وحصن من النار
خسر كلمن يدور عن صيامه اعذار
كنز والعافه يرجع نادم وخسران
★★★★★
الاجر ضعفين يا صايم الك ينضاف
شهر بيه العطايا لوصمت آلاف
شهر الخير عنه تعجز الاوصاف
بشهر النور الله انزَل القران
★★★★★
شهر الخير بيه الدعوه ماتنرد
وجحيم النار بابه بهلشهر تنسد
من اشهور الدهر ليله بألف تنعد
وينطي ولا يبالي الخالق الرحمن
★★★★★
اغتنم شهر الفضيله واعظم الايام
اعظم نعمه هو بمنهج الاسلام
كنوز الرحمه عنها يابشر لتنام
مادامه أسير امگيَّد الشيطان
★★★★★
هَذَّب الروح صَفَّي يابشر گلبك
الدنيا اهجر دربها وارجع الربك
ولتحط ذنب يبن آدم على ذنبك
بشهر الصبر شهر التوبه والاحسان
الشاعر حسن لعيبي الحريشاوي
لاستشهاد اية الله العظمى السيد محمد محمد صادق الصدر قدس (وزن تجليبه )
يبو مأمل كسرت الباطل وشره
خطاباتك مبادئ تصنع الثوره
★★★★★
مسدد ياحليم الراي من الرب
ياجوهر الحكمه وشمعة المذهب
صبور الگلب ياما گلبك اتعذب
بس خليت خصمك حاير بأمره
★★★★★
شمانبعد تضل گلوبنه يمك
تفز جروحنه من ينذكر اسمك
مشاعل للدرب ماينطفي علمك
بكل فكره اطرحتها تنولد فكره
★★★★★
عقائد لوفقه لوشرح للقرآن
كل عنوان يفتح للعلم عنوان
منهج للاصول ومنة المنان
واضواء على ثورة خامس العتره
★★★★★
حاربت الضلاله والظلم والجور
وذليت اللئيم الظالم المغرور
أخذت الحكمة والايمان من عاشور
ومن صبر الذبيح الماشرب گطره
★★★★★
رحيلك بالمواجع نرد خلانه
يبو گلب الوفي المايوم ينسانه
برحيلك ياصدرنه الدنيا حزنانه
بجوانحنه الحزن ماينطفي جمره
الشاعر حسن لعيبي الحريشاوي
(صليت هذا اليوم ياصايم)
صليت هذا اليوم ياصايم
علمصطفى سيد بني هاشم
ثق مايمسك ويل صلي نهار وليل
علمصطفى سيد بني هاشم
★★★★★
تريد الاعمال الباري يقبلها
خلي الصلاة على النبي اولها
صلي على خير البشر كلها
أعلى المراتب انته توصلها
بصيامك اتهنيت لوعلنبي صليت
علمصطفى سيد بني هاشم
★★★★★
صلي على المختار محبوبك
بهاي الصلاة اتنال مطلوبك
طول الحياة اتنور ادروبك
تمحي الخطايا وتهدم اذنوبك
للفرج باب وخير بهاي الصلاة اتصير
علمصطفى سيد بني هاشم
★★★★★
رمضان شهر الغانمه اصيامه
بذكر النبي تتعطر أيامه
برد وسلام اتحيطك انسامه
ابصدر الذنوب اموجهه اسهامه
يلثابت على الصوم خلي صلاتك دوم
علمصطفى سيد بني هاشم
★★★★★
گال النبي الصله علي مره
اعليه ازيدن بلصلاه عشره
ويوم الحشر بيه ماتمر حسره
وماتضل من ذنوبه لو ذره
يلماتريد النار صلي على المختار
علمصطفى سيد بني هاشم
★★★★★
صلي على الهادي واهل بيته
تنال الشفاعة وماتمنيته
بأسم الزچيه لوترجيته
وبحب على الكرار ناديته
بالغانمه رديت لوعلنبي صليت
علمصطفى سيد بني هاشم
الشاعر حسن لعيبي الحريشاوي
اجه رمضان لوتدرين يمنه
وانتي يلحنينه موش يمنه
يسره الدرب ماندريه يمنه
خلافچ موحشه الدار وخليه
الشاعر حسن لعيبي الحريشاوي
برمضان المضه احبابي الغوالي
مشوا عني. ولاچانت. ابالي
اجه رمضان هسه البيت خالي
شوصف الحال ماينوصف حالي
ادري كل اجل معروف إله اكتاب
ابد بس مادريت بجرح الصواب
يهد حيلي من اشوفن عتبت الباب
مغطيها الحزن چي فاگد احباب
چبدتي تصدعت من كثر الأحزان
يلعني رحت. مواجاني رمضان
غصن مگطوع عني الماي ذبلان
سحور وفات اجانه وكت الآذان
ضگت مر الزمان وفرت البين
اظن ثارات يطلب چنه لو دين
اجه رمضان وانا ادموعي بالعين
شجاوب حرت. عنك لونشد وين
الشاعر حسن لعيبي الحريشاوي
https://youtu.be/bT0kfVMsfGI?si=6l8vJEoHLHMfPVCD
Читать полностью…
لقدوم شهر رمضان المبارك
ياهله ابشهر الكرم من رب كريم
ياشهر احسان من ربنا الرحيم
ياشهر رمضان. ياشهر النعيم
شهر من الجنه ريحان. ونسيم
ياشهر بيه تنغلق باب الجحيم
★★★★★
ياهله ابشهر العبادة والصيام
ياهله ابشهر السماحه. والسلام
شهر نور العابد. ابجوف الظلام
شهر تسبيح وعبادات وقيام
شهر بيه تتزاحم املاك الكرام
★★★★★
ياهله بشهر الأجر نور على نور
ياشهر رمضان ياتاج الشهور
ياشهر كل عام بافضالك تدور
ياشهر غفران من ربنا الغفور
ياشهر فوز وختاماته سرور
★★★★★
ياشهر رمضان يلمالك مثيل
ياشهر رضوان من ربنا الجليل
ياشهر للغانمه اقرب . سبيل
ياشهر توبه وجنان وسلسبيل
شهر بيك الأجر من ربنا جزيل
★★★★★
ياشهر خير وكرامات وأمان
ياشهر يعجز على وصفه اللسان
ياشهر باب الفرج صوب الجنان
أيامه حتماً اعظم ايام الزمان
وبشروطه الفوز والجنة ضمان
الشاعر حسن لعيبي الحريشاوي
لقدوم شهر رمضان المبارك
ياهله بشهر الفضيله ياهله بشهر الصيام
ارسله الباري علينه مغفره ورحمه وسلام
ضاعف الباري ثوابه بالسجود وبالقيام
ربنا حاسبها عباده حتى ساعات المنام
★★★★★
ياهله بشهر العباده ياهله بشهر النعيم
مغفرة وخير وكرامه ارسله الرب الرحيم
ابوابها انفتحت الجنه انسدت ابواب الجحيم
اغتنم فرصه عظيمه مد إلك چفه الكريم
★★★★★
ياهله بشهر المحبه ياهله ابتاج الشهور
ربنا ينطي ولايبالي كل بشر عابد شكور
والطلب غفران ذنبه ابد ميرده الغفور
يجعل الصعبات سهله والظلام ايجعله نور
★★★★★
الصلاة افصل اعماله علنبي الهادي الأمين
والد الزهره الزچيه طه سيد المرسلين
ابن عم الوصي حيدر ذاك أمير المؤمنين
طه جد الحسن هوه المصطفى جد الحسين
★★★★
ياهله بشهر الضيافه ياهله بشهر العطاء
خاسر الفاته صيامه وماتمسك بالدعاء
وضَيَّعَ ايام العباده الربه مالَبَّه النداء
واتبع رغبات نفسه ودنيا تاليها فناء
الشاعر حسن لعيبي الحريشاوي
مناجاة
يارحمن يامنَّان
ارحم عبدك الحيران
يارحمن يارحمن
★★★★★
ياكافي وعظيم وغافر ورحمان
ياواهب النعمه وصاحب الاحسان
قابلت النعم بالهجر والعصيان
صلف گلبي لئيم ومارجع ندمان
ياوهاب ياحَنَّان
ارحم عبدك الحيران
يارحمن
★★★★★
اعرفك يااله الكون يامنان
من فيض الكرم خليتني خجلان
ماتقبل مذلتي شماچنت غلطان
قابلت الاساءة بنعمة الاحسان
ياجبار ياسلطان
ارحم عبدك الحيران
يارحمن
★★★★★
وين انطي الوجه كلهم مشوا عني
السند چانوا اليه اتكتروا مني
من غيرك على عِلاتَّي يقبلني
اتوب واذنب وترجع تسامحني
يابو الرحمه والغفران
ارحم عبدك الحيران
يارحمن
★★★★★
يَمطَلَّع النبي يونس من الظلمه
غرگتَّه الگلب بالخير والرحمه
ماناسي اشتكيلك لوعشت أزمه
بس ناسي جميلك ياولي النعمه
يرب الحشر والميزان
ارحم عبدك الحيران
يارحمن
★★★★★
يارب الفلق والناس ياربي
اسمك ثَبتَّه بلساني وبگلبي
من دنيا عنيده تركض التعبي
وگفت بينك وبيني وسط دربي
ياقدوس ياديَّان
ارحم عبدك الحيران
يارحمن
الشاعر حسن لعيبي الحريشاوي
ارحم ابحال الغريب
ارحم ابحال الغريب
الما له بالراحه نصيب
يارحيم ويامجيب
يا أله العالمين
★★★★★
ذنوبي ذلتني وقصدها يهون قدري
وبوضع ماينحسد خلاني دهري
بحالي ماادري صرت محتار بأمري
لكن انا برحمتك ياربي ادري
ياعظيم وياجليل
ارحم العبد الذليل
الجاحد وناكر جميل
يا اله العالمين
★★★★★
كَثَّرتني انا القليل الچنت وحدي
وقربتني ودوم بالغفران تبدي
ماگلتلك من اذنوبي هذا حدي
ومابچيت ولاشفت دمعه على خدي
يارحيم وياقدير
ارحم الحال العسير
كل غني بدونك فقير
يااله العالمين
★★★★★
ياهو يغفر سيدي ذنوبي العظيمه
وياهو يجبر كسري بالدنيا اللئيمه
بدونك شمايعله قدري مالي قيمه
بلانعيمك گمت اشوف الجنه هيمه
ياحميد ويامجيد
عني لاتصبح بعيد
اشعر بروحي وحيد
يا اله العالمين
★★★★★
وين اروحن لوتسد بابك عليه
حالي مثل الدنيا وكت المغربيه
مادريت الدنيا وين تريد بيه
ارحمني لوبالعمر ضلتلي بقيه
يابديع وياسميع
بلاطريقك انا أضيع
اي وحگ طه الشفيع
يا اله العالمين
★★★★★
ارحم المكروب واعماله قليله
لواجاك بندم والمدمع يسيله
همومه كل ليله تعادل الف ليله
ماينفعه الضوه المو انته دليله
ياحفيظ ويامعين
وين انطي الوجه وين
يا اله العالمين
يااله العالمين
الشاعر حسن لعيبي الحريشاوي
يلچنت الهم حبيب
سيد حسن البوحمد الموسوي
الشاعر حسن لعيبي الحريشاوي
يلچنت الهم حبيب صرت عنهم موقريب
غاب جسمك بالتراب
لاكلام ولاجواب صرت عنهم موقريب
★★★★★
لارجوع وعمر ثاني خلصت أيام الحياة
انت موأول واخير الخلگ گالوا عنه مات
وانت مواول قريب يصير اسمك ذكريات
بعد جاهك والسعادة بالثرى القاسي تبات
يلچنت مثل الوريد
صرت تاليها بعيد
صرت عنهم موقريب
★★★★★
من الخلگ ماخذت عبره ليش عبره الهم تصير
ماگلت هلدنيا تگضي والعمر بيها گصير
هاي دنيا شلون دنيا يحيير بيها المايحيير
يلي اسمك چان الاول ينذكر صار الاخير
وينها الناس التودك
بالگبر خلوك وحدك
صرت عنهم مو قريب
★★★★★
يلعلى گبرك شفتهم صحت ماردوا جواب
بعد دمعه وكسر خاطر هلوا اعليك التراب
خذت بالدنيا نصيبك بعد ميفيد العتاب
الدنيا ماتسوه ندامه من تمر مر السحاب
فرصه منك ضيعتها
وناس عندك فارگتها
صرت عنهم مو قريب
★★★★★
الدنيا ماتوفي لهلها هذا سابع مستحيل
چم حكيم الگال عنها راحة ابنادم قليل
لاتغرك لاتضرك الها بالك لاتميل
هم تجي الساعه الاخيرة والعمر تاليه رحيل
يلصرت للغير عبره
والاهل نكروا العشره
صرت عنهم موقريب
لوفاة عم النبي ابوطالب وام المؤمنين خديجة رضوان الله عليهما ( ميمر )
گلبه يحن طه ويون
فارگهم ابعام الحزن
بسابع وعاشر رمضان فارگ أعز احبابه
★★★★★
باسبوع واحد للاسف فارگهم
دامي الگلب حال النبي رد عنهم
احباب راحو يازمان يردهم
بليل الالم حيله انهدم
ودمع الحزن علخد هجم
ونزلت تنوح الاملاك لجل النبي ومصابه
★★★★★
شگد حاولوا منع الرسول وحربه
ومن ابوطالب طلبوا بكل رغبه
يعوف النبي دينه ورسالة ربه
وإلي حصل بس الفشل
من ردَّوا ابخيبة امل
وبزود ابوطالب خاب خاب العدو بحسابه
★★★★★
معروفه ابوطالب جميع اخباره
بنصرة الهادي بوگفته واشعاره
ومثله خديجه بهيبته وإصراره
كلهم وفه للمصطفى
نفس الكرم والمعرفه
چانوا سند للمختار وهمه الضمد لصوابه
★★★★★
حي ابوطالب والصبر اركانه
بقوله السديد وحكمته وإيمانه
وچانت خديجه للوفه عنوانه
چانوا سند وكت الشدد
بالموزمه عون وسند
من بعد فرگه الغالين أعيون النبي سچابه
★★★★★
ضجت املاك الكون يابوطالب
فاگد الهادي اليوم عون وصاحب
غايب وتكتل حيل فرگه الغايب
لهذا الامر ضحه العمر
كل لحضه من عمره تمر
بگلب النبي تسعر نار لاجل الاهل لَهابَّه
الشاعر حسن لعيبي الحريشاوي
لوفاة ابو طالب رضي الله عنه
يبوطالب أُمَيَّه عَلَيْك تَحْقِد
عَنْ الْحَقِّ ترِيد النَّاس تبْعْد
كلُّهَا طَعَن بالكرار . تقْصْد
هاي أفْكَار أَهْلُ الْجَاهِلِيه
كفْلْت المصطفي بصغره رَعَيتَه
رغُم حَالَك صْعُب . مافارگيته
سَنَدْ يَوْم النَّوَايب ناصريته
وفْي لِلديْن حَدّ يَوْم الْمْنْيَة
لحمِّاي الشَرَف أَفْضَل سَلَامِي
لِدَيْن الْمُصْطَفَى نَاطِقٌ إِعْلامِي
ابوطالب سَنَدٌ طَه ومُحامي
نَذَر عُمْرَة لَجْلْ سَيْد الْبَرْيَّة
الشَّاعِر حَسَنٌ لعيبي الحريشاوي
مواويل وابوذيات بطاقات للعيد
تحيه من الگلب تحمل معاني
اخصك بافضل وأجمل تهاني
سعيد ويوم تحقيق الاماني
بنعيم وخير كون ورفاهيه
★★★★★
جميل العيد بس ايصير أجمل
بوجودك ياصديقي وبعد يكمل
ارسلت اول. تحيه الك. وأول
تهاني العيد يلغالي عليه
★★★★★
اخط واكتب الك اجمل عباره
اسمك نور يحتل. الصداره
سعيده ايامك وعيدك أبشاره
بمسره ادعيلك ودنيا. زهيه
★★★★★
وحگ الرحمته سبقت وعيده
يشرفني كلام ارسل. وعيده
واگول العيد هو انته وعيده
بوجودك ينحسب عيدين إليه
★★★★★
نسولف عن كرم شخصك وجودك
يسگاي الوفه بچفك وجودك
العيد أجمل تعطر من وجودك
تهانينا يابو الذات الوفيه
★★★★★
عيد مبارك عليك وعلينه
بذكرك بلقمم صرنه وعلينه
وحگ ربنا ومحمدنه وعلينه
ندعي بخير الك صبح ومسيه
الشاعر حسن لعيبي الحريشاوي
لوفاةعم النبي ابوطالب رضوان الله عليه
يبوطالب يمظلوم
عليك الدين مهظوم
يبوطالب يمظلوم
★★★★★
نعيناك بدمع ساچب
ولاساعه الحزن غايب
على گلب اليحب واجب
بگلبه الحزن مرسوم
يبوطالب يمظلوم
★★★★★
سند للهاجر ادياره
حميت الهادي واسراره
وهزمت الشرك وانصاره
وعفت الرايد ايلوم
يبوطالب يمظلوم
★★★★★
شفت هجمات وحشيه
من زمره عدائيه
الك تحمل كراهيه
وعزمك ماضعف يوم
يبوطالب يمظلوم
★★★★★
تخط اقلام مأجوره
بزيف الصحف منشوره
ضدك نقلوا الصوره
وگالوا كافر الگوم
يبوطالب يمظلوم
★★★★★
كفيل المصطفى وناصر
عنك ينكتب كافر
رخيص اسلوبهم خاسر
بيه الحقد مضموم
يبوطالب يمظلوم
★★★★★
ابظمايرهم الملعونه
هدفهم علي ايأخرونه
وهدف شانك يصغرونه
يعالي الشان للدوم
يبوطالب يمظلوم
★★★★★
بكل شده چنت حاضر
خليت العدو حاير
ومرعب كل صلف غادر
وحال الظلم ميدوم
يبوطالب يمظلوم
★★★★★
الرايد يعرف اخبارك
دليل أيمانك آثارك
فعلك قولك اشعارك
نصرت النبي المعصوم
يبوطالب يمظلوم
★★★★★
نصرت الدين بأيمانك
حليم اتجود بأحسانك
أبحيره عفت عدوانك
وسيف الشرك مثلوم
يبوطالب يمظلوم
★★★★★
يبوحامي الحمه حيدر
وعقيل وطالب وجعفر
النوايب بيك تتعثر
عدوك يضل مهزوم
يبوطالب يمظلوم
الشاعر حسن لعيبي الحريشاوي
https://youtu.be/FSuMihFUU1Q?si=4b3tUcABHEy7oi-Z
Читать полностью…
برمضان المضه احبابي الغوالي
مشوا عني. ولاچانت. ابالي
اجه رمضان هسه البيت خالي
شوصف الحال ماينوصف حالي
ادري كل اجل معروف إله اكتاب
ابد بس مادريت بجرح الصواب
يهد حيلي من اشوفن عتبت الباب
مغطيها الحزن چي فاگد احباب
چبدتي تصدعت من كثر الأحزان
يلعني رحت. مواجاني رمضان
غصن مگطوع عني الماي ذبلان
ساهر بيك اسولف حد الآذان
ضگت مر الزمان وفرت البين
اظن ثارات يطلب چنه لو دين
اجه رمضان وانا ادموعي بالعين
شجاوب حرت. عنك لونشد وين
الشاعر حسن لعيبي الحريشاوي
https://youtu.be/1EEMp20wDd0?si=dO7DBeFvBIIJJ1UH
Читать полностью…
الى احبة افتقدناهم كانوا معنا في شهر رمضان الماضي
اجه رمضان بَيَّن نور الهلال
نوخ يم نزلنه اوحط الرچاب
واني ابلوعتي فاگدلي غالين
انا ابرمضان عيني تصد علباب
احباب الروح چانوا سلوة العين
يامحله الشهر. بيه لمة احباب
هذا الما على بالي يمر يوم
وهذا الماگبل حاسبله احساب
احبابي گوطروا عني بعيدين
ماكو هلسنه ياحيف غياب
گالوا كل جرح تمحيه الايام
چاليش الجرح لليوم ماطاب
اكسر يازمان ابخاطري وزيد
وزيد اصواب بيه فوگ الصواب
مالي خاطر ولاراحه للموت
يوم احبابي صاروا تحت التراب
الشاعر حسن لعيبي الحريشاوي
❀❀❀❀❀❀❀❀❀❀❀❀
❀❀❀❀❀❀❀❀❀
❀❀❀❀❀❀❀
❀❀❀❀
الخادم غازي الساعدي
الى احبة افتقدناهم كانوا معنا في شهر رمضان الماضي
اجه رمضان بَيَّن نور الهلال
نوخ يم نزلنه اوحط الرچاب
واني ابلوعتي فاگدلي غالين
انا ابرمضان عيني تصد علباب
احباب الروح چانوا سلوة العين
يامحله الشهر. بيه لمة احباب
هذا الما على بالي يمر يوم
وهذا الماگبل حاسبله احساب
احبابي گوطروا عني بعيدين
ماكو هلسنه ياحيف غياب
گالوا كل جرح تمحيه الايام
چاليش الجرح لليوم ماطاب
اكسر يازمان ابخاطري وزيد
وزيد اصواب بيه فوگ الصواب
مالي خاطر ولاراحه للموت
يوم احبابي صاروا تحت التراب
الشاعر حسن لعيبي الحريشاوي
❀❀❀❀❀❀❀❀❀❀❀❀
❀❀❀❀❀❀❀❀❀
❀❀❀❀❀❀❀
❀❀❀❀
الخادم غازي الساعدي
الى احبة افتقدناهم كانوا معنا في شهر رمضان الماضي
اجه رمضان بَيَّن نور الهلال
نوخ يم نزلنه اوحط الرچاب
واني ابلوعتي فاگدلي غالين
انا ابرمضان عيني تصد علباب
احباب الروح چانوا سلوة العين
يامحله الشهر. بيه لمة احباب
هذا الما على بالي يمر يوم
لهذا اليوم انا ماحاسب احساب
احبابي گوطروا عني بعيدين
ماكو هلسنه ياحيف غياب
گالوا كل جرح تمحيه الايام
چاليش الجرح لليوم ماطاب
اكسر يازمان ابخاطري وزيد
وزيد اصواب بيه فوگ الصواب
مالي خاطر ولاراحه للموت
يوم احبابي صاروا تحت التراب
الشاعر حسن لعيبي الحريشاوي
لِقُدُوم شَهْرِ رَمَضَانَ الْمُبَارَك
جِئْت ياشهرا كَرِيمٌ.
جِئْت مِنْ رَبِّ رَحِيمٌ
جِئْت مِنْ بَعْدِ غِيَاب
بِعَطَاء وَثَوَاب
جِئْت مِنْ رَبِّ رَحِيمٌ
★★★★★
جِئْت ياشهرا كَرِيمًا فِيك حَال الْعَيْش طَاب
تَمْلَأ النَّفْس نَعِيمًا بَعْد حُزْنٍ وَاكْتِئَابٍ
لَيْت تَبْقَى يارفيقي دُون هجْرٍ أَوْ ذَهَابِ
صَبّ فِيك الْخَيْر رَبِّي مِنْ نَعِيمِ وَثَوَاب
جِئْت مِنْ رَبِّ قدير
شأنه الخير الكثير
جِئْت مِنْ رَبِّ رَحِيمٌ
★★★★★
أَثْقَلَت ظَهْرِي ذُنُوبِي أَثْقَلَت ظَهْرِي الذُّنُوب
كَادَت النَّفْس وَغَابَت مِثْل شَمْس فِي غُرُوبِ
ذَهَب الْخُلَّان عَنْهَا وتولتها الْخُطُوب
فتداركني ضياءا مِنْه لَيْلِي فِي هُرُوب
جِئْت مِنْ رَبِّ السَّمَاءِ
تجْعَل الذَّنْب هَبَاء
جِئْت مِنْ رَبِّ رَحِيمٌ
★★★★★
جِئْت ياربي حزيناً هَارِبًا مِنْك إلَيْك
كُلُّ هَذَا الظُّلْمُ عِنْدِي أَنْتَ لاظلم لَدَيْك
أَرْحَم الْوَاقِف ذُلًّا. بَاكِيًا بَيْنَ يَدَيْكَ
أَنْت يَأْمَن قُلْت شَهْرِيّ بِه أَقْسَمْتُ عَلَيْكَ
ايها الشهر الكريم
تملئ الدنيا نعيم
جِئْت مِنْ رَبِّ رَحِيمٌ
★★★★★
آه من نفسي العنيده لم يبارحها الشقاء
كَم إلَيْهَا الرَّبّ نَادَى لم تبالي بالنداء
كم عصيت الله فعلا ويجود بالعطاء
ليتها وقفة فَصلٍ ان شهر الخير جاء
جئت ياشهر الجمال
أَيُّهَا السِّحْرِ الْحَلَالِ
جِئْت مِنْ رَبِّ رَحِيمٌ
★★★★★
بَرَز الْخَيْر جَمِيعا قارعا سن الذنوب
يهطل الْخَيْر نَعِيمًا ترتوي منه القلوب
يَنْزِل النّعماء شهرا هو في الخير دؤؤب
لايمس العبد ذلا حينما العبد يتوب
فلك الشكر الجزيل
ايها الشهر الفضيل
جِئْت مِنْ رَبِّ رَحِيمٌ
الشاعر حسن لعيبي الحريشاوي
أجه رمضان وايامه على الباب
يناشدني بده ويريد الجواب
السنه الفاتت يگلي عندك احباب
احباب الامس مووياك غياب
شگله والمناشد جمر لهاب
شگله اووين صاروا عني الاطياب
احباب الامس صاروا تحت التراب
الشاعر حسن لعيبي الحريشاوي
https://youtu.be/qGCfKswpdHo?si=5zy-RC9u7NwWH-g0
Читать полностью…
شهر رمضان الكريم
باب يفتح الف باب
للنعيم وللثواب
ياهله بشهر الصيام
★★★★★
ياشهر خيرات نَوَّرت المكان
بالتسامح والمحبة والامان
ياشهر خير ابتشر بيك الزمان
الك ياشهر الكرم كل امتنان
نسئل الله القبول
واجر ثابت مايزول
ياهله بشهر الصيام
★★★★★
انبارك الاحبابنه باحله الكلام
يستجيب الله العبادة والقيام
ويقبل من احبابنه شهر الصيام
هو جنه ونور يمحي كل ظلام
باب من ربنا الكريم
للثواب وللنعيم
ياهله بشهر الصيام
★★★★★
هذا شهر الخير شهر الله العظيم
شكل هو للصراط المستقيم
بمعنى ثاني هو عنوان النعيم
وادق معنى رضا الرحمن الرحيم
هله بشهر المتقين
العارفين الشاكرين
ياهله بشهر الصيام
★★★★★
فَضلَّك ربنا على كل الشهور
شامخ وبالخير علوادم تدور
جيت نعمه وخيرمن ربنا الغفور
بيك ليله ماتعادلها الدهور
ليله من الباري نور
يعني اخرها السرور
ياهله بشهر الصيام
★★★★★
المغفره من ربنا نطلب والقبول
والشفاعه نريد من آل الرسول
والنعيم الدايم إلي مايزول
ياسلام وخير عنه شرد اگول
شهر ايامه دلال
للكرم صارن مثال
ياهله بشهر الصيام
الشاعر حسن لعيبي الحريشاوي
صباح الخير مولانا
بقلم حسن لعيبي الحريشاوي
بصوت ستار الصالحي