1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
صب العليل ادموعه في ذكرى الامام السجاد عليه السلام (وزن التجليبه )
الحال النسه المفجوعه
صب العليل أدموعه
صب العليل أدموعه
★★★★★
هله راحوا ذبح وعيونه بيها ايشوف
عساكر للنهب صوب الخيام اطوف
على رد العساكر ماتعينه چفوف
بعد الطف عليه صارت جثيره اطفوف
بلوعه تسابگ لوعه صب العليل ادموعه
★★★★★
گوم الراجله وگوم على ظهر الخيل
ناس اتوج خيم ناس ابغراض اتشيل
سبيه بالسبيه تلوذ من الويل
يريد يگوم لاچن مايعينه الحيل
صار الخدر موضوعه صب العليل دموعه
★★★★★
لعداه لوطلع محتار وبياحال
الماخلوا احمول ولابگايا ارحال
ينظر للسبايا والدمع همال
وروس على الرماح بلاذنب تنشال
بارماحهم مرفوعه. صب العليل دموعه
★★★★★
شمل ملتم ولايرجع الشمل الراح
والتَمْ الصلف طبعه الغدر. ذباح
عويل من الخيم لمن سمع وصياح
عليل على الحبل يتوچه لكن طاح
جمر الهظم بظلوعه صب العليل ادموعه
★★★★★
لاخايف الموت ولاكثر عدوان
خايف علحرم يمشن بلاوليان
ولايهلك طفل فوگ الاسر عطشان
وياخيمه يطفي المشتعل نيران
ولاطفاله المفزوعه صب العليل دموعه
★★★★★
عليه يصعب يشيل السيف مايگدر
وسلابه يشوف على الخيم تفتر
لاتطلع تناديه زينب اتكتر
علي انته الوصي من بعد ابو الاكبر
رد چبدته مصدوعه صب العليل دموعه
الشاعر حسن لعيبي الحريشاوي
https://youtube.com/shorts/hdlS-8e0DJ4?si=q6yNgoA9kf81dfqa
Читать полностью…
لاستشهاد الامام علي بن الحسين السجاد عليه السلام (وزن عگيلي )
ذل اليردون ايذلونه
يلرايد تعرف مضمونه
★★★★★
يلرايد تعرف أخباره
معروفه ومشهوده آثاره
بس الله اليعرف اسراره
وأملاك الكون يعرفونه
يلرايد تعرف مضمونه
★★★★★
من طه ومن طبع الكوثر
هذا النور ايعود الحيدر
ومن أحسين أخبار ومصدر
سجاد العتره ايسمونه
يلرايد تعرف مضمونه
★★★★★
بلطف صح ذبحوا خِوَّانَه
وذبح حسين الزاد أحزانه
أرعبهم لاچن عدوانه
وماتطبگ علذل أجفونه
يلرايد تعرف مضمونه
★★★★★
فگد الحرگه وليل مصابه
وفگد حسين يزيد صوابه
حَيَّرَهَا الگوم السَلَّابَه
عالي ومايهتز يدرونه
يلرايد تعرف مضمونه
★★★★★
لحد الموت بآخر لحظه
الفعل العايل أكد رفضه
وعن فعل الظالم مايرضه
رغم السم أمغيَّر لَوَنَه
يلرايد تعرف مضمونه
★★★★★
بصولات اعلومه المعروفه
صارت ساحتهم مكشوفه
من يرفع للباري أچفوفه
وينزل للطف دمع اعيونه
يلرايد تعرف مضمونه
الشاعر حسن لعيبي الحريشاوي
نار السبي. (وزن الحدي)
ملا علي المصطفى
الشاعر حسن لعيبي الحريشاوي
نار السبي ودمع اليهل والصيف
بنت النبي تركب هزل ياحيف
زينب
زينب
★★★★★
هم السبي وسوط الشمر
اشگد صبرها ام الخدر
تسمع شتم منه وزجر
لاعنده شيمه ويعتذر
من هلظلم شبعت هظم وآلام
وشافت بعد. اصعب واشد. ايام
زينب
زينب
★★★★★
للشام مگيود الضعن
يعني هظم فوگ المحن
بحيره الحرم يتناشدن
بالنوح يم زينب لفن
ماكو بعد النه سند واخوان
وگلب اليرد. على النشد خلصان
زينب
زينب
★★★★★
والمامشت هيمه ودرب
تمشي على أديار الغرب
ملچومه مهظومة گلب
تمشي ومدامعها تصب
أعيال ابخطر. وين المفر. چاوين
ماكو أثر. وين الگمر. وحسين
زينب
زينب
★★★★★
للشام تمشي اميسره
عباس يزعل لودره
عافت اهلها على الثره
بدور العشيره اموذره
محد دره بيها اشجره. وماصار
لامن أمل . بعد الاهل. . لادار
زينب
زينب
★★★★★
چم گمر من هاشم طفه
اتوذروا ال المصطفى
يادنيا مابيها وفه
للشام تمشي أمچتفه
ون وقهر. يهدم صخر. وجبال
وألها دمع. ماينگطع. هَمّال
زينب
زينب
الشاعر حسن لعيبي الحريشاوي
نعي عن لسان فاطمة العليله
بعد استشهاد ابيها الحسين عليه السلام
ياشمل الاحبهم راح واجاني الليل والمدمع
شلون الروح بعد تهيد وعيوني بعد تهجع
عليله وچملوا علتي شدّهه من الخبر اسمع
هلي راحوا ذبح كلهم وابوي على الثرى مگطع
گالوا منذبح عطشان گلبه من الضمه اتصدع
وعمامي الظلوا على الگاع حرگتهم شمس تلسع
چم حيد وبدر يضوي جسمه على الثرى اموزع
الطلعته بدر مني راح بعينه السهم مايطلع
وبالخيمه اسمعت گالوا زينب تنظر المصرع
تحشمن بعد عباس ؟ ولا الها گمر يفزع
عليها وج المخيم وجاها جيش المدّرع
وين اتروح بالايتام ظلّت قهر تتجرع
سلاّبه اجتها الكوم بغير النهب ماتقنع
اطفال الي كتلها الخوف تطب للخيم لوتطلع
گلبي شلون ماينهد وعلى اهلي شلون مايجزع
عليلة ابلا اهل ضليت وشمل الراح مايرجع
الشاعر حسن لعيبي الحريشاوي
(عن لسان رقيه في درب السبي
امام راس ابيها لكن لاتعرف
لمن هذا الراس)
مهظومه من درب السبي
محتاره روحي والتفت
اعيوني ياريت انعمن
علرمح ماادري اشفت
محتاره مااوچد صرت
محتاره روحي والتفت
★★★★★
خنگتني عبرات الصبح
مهظومه مكسورة جنح
انظر وگلبي منجرح
چن نور من فوك الرمح
شفت الضوه ماصدگت من الدم تراوالي طفه
من هلوجه مستغربت بنوره حنان وعاطفه
وابحيره يمه أتقربت محتارة روحي والتفت
مهظومه من درب السبي
★★★★★
امشي وعاند علتي
بالرمح صارت سلوتي
علراس صارت صفنتي
صاحت عليه عمتي
ردي رقيه للضعن لتلوحچ سياط العده
گتلها ياعمه احس هلوجه گلبي مرّده
بالرمح چني اتعلگت محتاره روحي والتفت
مهظومه من درب السبي
★★★★★
من الراس يجري للاسف
الدم يسيل وما وگف
ايات مو دم النزف
من طلعته لوني انخطف
راس الابو ياعمتي لوغيره هذا على الرمح
صدگيني ياعمه الخبر حسين اخافن منذبح
اتعثر بدربي وطحت محتارة روحي والتفت
مهظومه من درب السبي
★★★★★
لاگوني بسياط وزجر
گلبي يون ومستعر
وظالم يسمونه الشمر
رافعله راس ويفتخر
ياراس هذا المنگطع ماينگطع دمعي يصب
اعليه كاتلني البچي شماطال بجدامي الدرب
للموت چني اتوجهت محتارة روحي والتفت
مهظومه من درب السبي
★★★★★
شگد عمري واحزاني لفن
ويمر عليه اصعب زمن
وين انا وادروب الضعن
وبفراگهم گلبي. امتحن
للشام گالوا نتجه بيها أَحسَّن موتتي
ماريد راحه بالعمر اغفه على راسك راحتي
گبل المنيه انا متت محتارة روحي والتفت
مهظومه من درب السبي
الشاعر حسن لعيبي الحريشاوي
https://youtu.be/yC8QmBFaz4Y?si=Tdu8s9PRcaT7UAFJ
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لسان حال العقيلة زينب عليها السلام تخاطب أخيها الحسين عليه السّلام بين الاقواس من التراث الحسيني
(ضليت وحدك مالَك امعين )
ضليت وحدك خويه يحسين
★★★★★
آلاف خويه التمت الناس
كلمن بسيفه ودرعه والطاس
يم الشريعه طاح عباس
(التمت عليك الگوم صوبين )
★★★★★
هلشدَّه ماصارت بالاسلام
فزعوا عليك شلون ظِلَّام
وصلت عساكرهم للخيام
(وگومك على الغبره مطاعين )
★★★★★
گومك على الغبره يمظلوم
وتنهب خيمنه هجمت الگوم
بس العليل يطيح ويگوم
(أمنين اجيب المرتضى منين )
★★★★★
مووكت نومه فوگ الرمال
يحسين خويه عاين الحال
چفوف الحرم شدَّوها بحبال
وللشام عگبك بينه ماشين
★★★★★
بويه علي مااحمل النوح
كونك تجي ياسلوة الروح
بعينك تشوف حسين مذبوح
(عن كربلا بويه غبت وين )
الشاعر حسن لعيبي الحريشاوي
الرادود عباس الغانمي
الى خدام الحسين عليه السلام افتقدناهم هذه السنه
تسوُوين ماتسوُوين يادنيانه
جرحچ غميچ بنص درب خَلَّانه
لحسين عِدنَه بالمجالس خدَّام
هاي السَنه ياحيف مو وَيَّانه
أِيد المنايا خَذَت مِنَّه الغاليين
أبمُر الدموع غيابهم بچانه
تزهي المجالس بيهم وتتعطر
غيَّاب عنها افراگهم أذانه
هاذي صورهم ماتفارگنه بيوم
فراگ النحبهم بالگلب نيرانه
يستاهل حسين المدامع من دم
وشهر المحرم نار تچوي احزانه
باچر أجرهم بالحشر يم حسين
وندعي مثلهم كون يتلگانه
لظيم النايبات الوكت عدنه
وعدينه الليالي وتاه عدنه
لبواليمه شكثرخدام عدنه
فگدناهم صفوا تحت الوطيه
الشاعر حسن لعيبي الحريشاوي
في استشهاد أبا الفضل العباس
عليه السلام (وزن الفايزي)
مِنْ كِثْر دمُوعِي . نيران اظلوعِي
مِنْ الْقَهْر شَابٌّ الراس
ابچي وانوح لعَبّاس
نيران ظلوعي
★★★★★
حَيْدَرِي نَهْجَه وَصِفَاتَه وَطَعْم الْإِحْسَاس
مِن الْمَهْد طَبْعَه حُسَيْنِي حَتَّى الْأَنْفَاس
ياعبارات التوصفه . وبيش ينْقاس
تعجَز الْأَوْصَاف . كُلُّهَا . گبال. عَبَّاس
النَّاذِر چفينه. والنبله ابعينه
مخنوگ أَعِيش . الْأَنْفَاس .
ابچي وَنُوح لعَبّاس
نيران ظلوعي
★★★★★
منذبح عطشان وانته . وانته رَوَّاي
الماي مِنْ صَبْرِك تَرَوِّه . يَشْرَب الماي
شگد خَصَايص يابوفاضل عِنْدَك اهواي
امعطَّر ابسيف الشَّجَاعَه. وَقُوَّةُ الرَّأْيِ
بعزمك وايمانك . يَشْهَد ميدانك
خَلّ تَعْلَم . بحزني النَّاس .
ابچي وانوح لِعَبّاس
نيران ظلوعي
★★★★★
يلمهماتك عَظِيمَةٌ . شعنها ينگال
كَافِل الْحُرَّه العقيله وضعن الْعِيَال
انْتَه سگاي العطاشى . وَحَامِي الرِّحَال
وَنَاصِر حسَيْن وعضيده بِيَوْم الْأَهْوَال
عُمُرِك ضحيته . لِلْمَوْت انطيته
للخوه مِن دگ السَّاس .
ابچي وانوح لِعَبّاس
نيران ظلوعي
زينب تنادي يخويه. شوف الرحال
والوكت هدم شملنه وبلعجل مال
مو إلك هلنومه هاي. وهاي الاحوال
سَلَّبَوا ضعني يخويه. وراحة البال
بلطف ضلينه. ياهو يراعينه
مابعد ضلت حرَّاس
أبچي وانوح لعباس
نيران ظلوعي
★★★★★
للضعن انظر يخويه. وشوف الاجناب
بين من يضرب بسوطه. وبين سَلّاب
حرگوا اخيمنه علينه. وزاد المصاب
الحرمه تدري بلاوليها. شلون تنهاب
تنعه وتبچيله. كل يوم وليله
كاس الصبر مر الكاس.
ابچي وانوح لعباس
نيران ظلوعي
الشاعر حسن لعيبي الحريشاوي
قتلوه السيد المحجبا ملمع بين قوسين فصحى (وزن المثلث)
( قَتَلُوه السَّيِّد الْمُحَجَّبَا خَيْرٌ خَلَق النَّاسِ أَمَّا وَأَبَا )
واحسينا. واحسيناه
★★★★★
شلون زمره الأجوا مابيهم حميه
والحقدعدهم طبع صار وسجيه
نَفذَّوا رغبات اهل الجاهليه
بياذنب ذبحوا نظر عين الزچيه
(لِيَنَالُوا فِضَّةٍ أَوْ ذَهَبًا قَتَلُوه السَّيِّد الْمُحَجَّبَا)
واحسينا واحسيناه
★★★★★
حگ دموعي تسيل كل صبح ومسيه
لبن خير الناس كلها على البريه
انذبح بسيوف الضلال بن الزچيه
رَضَّت اضلوعه الخيول الاعوجيه
(والسما بِالدَّم تَبْكِي غَضَباقَتَلُوه السَّيِّد الْمُحَجَّبَا )
واحسينا واحسيناه
★★★★★
اختاره الله وصار للباري وسيله
المثل جده غايته وحكمه وسبيله
علعدل والخير والحق والفضيله
چم قبيله اتحزمت تنصر قبيله
(هَل نَسُوا مِنْ أَيِّ قَوْمٍِ نَسَبَا قَتَلُوه السَّيِّد الْمُحَجَّبَا )
واحسينا واحسيناه
★★★★★
مثل حيدر صبر وإصرار وعزيمه
برهن لأهل الضلالات القديمه
السكوت على الظلم اكبر هزيمه
سيوف باطلهم أبنحره مو أليمه
(أَنَّهُ قَلَبَ ثَبَات وَإبَا قَتَلُوه السَّيِّد الْمُحَجَّبَا)
واحسينا واحسيناه
★★★★★
انفوس مو لوَّامَه لاتعرف ملامه
أنسدت آذان الطمع تسمع كلامه
بعد ذبح حسين ماعدهم ندامه
عن طمع مو عن جهل نكروا مقامه
( مزقوه بِالْحِرَاب والضبا قَتَلُوه السَّيِّد الْمُحَجَّبَا)
واحسينا واحسيناه
الشاعر حسن لعيبي الحريشاوي
يوم ذبحوا مهجة الزهرة البتول ( موشح )
يوم ذبحوا مهجة الزهره البتول
هلمصيبة الماتهون على الرسول
واحسيناه
واحسيناه
★★★★★
هلعساكر بيهم اثلاثين الف
والنوايا سوده أبد ماتختلف
صارت الاحزاب بالعاشر حلف
بمنهج الهادي النبي ماتعترف
على الذبحوا سلوة الهادي شگول
هلمصيبة الماتهون على الرسول
واحسيناه
واحسيناه
★★★★★
هلمصيبة الماتهون على النبي
ينگطع راس الشريف الطالبي
ارحاله منهوبه وحريمه تنسبي
ويحرگ خيامه اللئيم الناصبي
والعساكر علخيم گامت تجول
هلمصيبة الماتهون على الرسول
واحسيناه
واحسيناه
★★★★★
وبعزم شيطاني مرفوعه السيوف
لغاية الشر چان لمتها الالوف
ينگطع نسل النبي بيوم الطفوف
گوم مد البصر والينه يشوف
من الارض دين النبي رادوا يزول
هلمصيبة الماتهون على الرسول
واحسيناه
واحسيناه
★★★★★
وبجمع معلوم معروف الگصد
جابهم غيظ الامس اهل الحقد
صف يرامي اسهام والثاني يهد
گوم عن راي الظلاله ماترد
غير ذبح حسين ماعدهم حلول
هلمصيبة الماتهون على الرسول
واحسيناه
واحسيناه
★★★★★
كل دوه لگلوبنه لامايصح
كل جرح ملچوم بيه مية جرح
ياعشيرة الي گظوا كلهم ذبح
كسر بالاسلام ابد ماينصلح
شمايمر بيها الزمن حسبه تطول
هلمصيبة الماتهون على الرسول
واحسيناه
واحسيناه
الشاعر حسن لعيبي الحريشاوي
سبيٌ وشقاءٌ وبكاء
من روائع الاستاذ الشاعر حسن لعيبي الحريشاوي
اداء خادمكم الرادود علي الفوادي
ليالي محرم الحرام 1447
ياروحي زيدي بالنحيب وبالنعي
وتألمي لابن الزچيه اتلَوَّعي
جمرات للمذبوح خليه مدمعي
ويانار فوگ جروح گلبي توَّزعِي
غداره دنيا بالعداله تِدَّعِي
وماخبر منها يوم طَيَّب مسمعي
خانت حسين بن المعارف والوعي
ولزمت ظَهَر ذاك الدَعِي وابن الدَعِي
الشاعر حسن لعيبي الحريشاوي
مشتهم ادروب الفله بيهم اسوت كربله
ويلاه واويلاه 🚩 ويلاه واويلاه
https://youtu.be/wOI6key2SZ8?si=Ao-V8WUDh0fyDHv4
Читать полностью…
لاستشهاد الامام علي بن الحسين السجاد عليه السلام شوط كربلائي
ماينساهن السجاد حتى ابنادم يذَكرَه
ايام الطفوف وياه نار وتلهب بصدره
★★★★★
لحظات الطفوف أثگال ينسه منها يالحضه
الفاگدله عشيره شلون يهَوَّد الجفن ويغمضه
چم حيد نذبح بالسيف وحافر بالصدر رضه
احزان الشافها السجاد
كل يوم اليمر تنعاد
يهل الدمع وكت الزاد
ويصد للماي يتذكر گلب عطشان للگطره
★★★★★
لفحات وسموم الطف شكثر مولاي خانگته
شينسه ياجسد مرضوض عشر خيول ساحگته
ينسه أعيال مرعوبين لوينسه هظم عمته
بحيره عمته ضلت
بلاوليان تتلفت
اعيال من الرعب فرت
اصعب موقف يشوفه هدم حيله و كسر ظهره
★★★★★
أبد ماترحل الذكره جرح چتال تبراله
حالت كل بدر مذبوح أويلي اسووت ابحاله
شحال الدنيا بعيونه الغريب وفارگ عياله
ولمن يفتح عيونه
مايلگه اليهمو نه
بحرگه يطبگ جفونه
واشد لوعات من فارگ عزيز الطاهره الزهره
★★★★★چ
أشد لوعات من فارگ اهله ابروح حيرانه
المدينه اظلمت كلها وحتى الشمس حزنانه
روحه من القهر ذابت غريبة حال خلصانه
بعد افراگ ابواليمه
النهار تساوه بالظلمه
يوم الغدرت الأمه
بسبط المصطفى المختار نبيهم خالفوا امره
★★★★★
بلوعة يوسف وبلواه وحزن يعگوب وآلامه
وصبر ايوب بالصعبات النوايب تِحدِي بأيامه
ياهو المثله بالوادم أبوه انذبح گدامه
وراح الاكبر وجاسم
بالحومه وگمر هاشم
بفعل كل غادر وظالم
راحوا كل هله الطيبيين يعني راحت العشره
الشاعر حسن لعيبي الحريشاوي
لاستشهاد المولى أبا عبد الله الحسين عليه السلام.( وزن الحدي)
ابدَّمَه تخضب وانسلب
للحق مجد بالدم كتب
★★★★★★
بدمه رسم خط الشرف لمن على الغبره نزف
كل مبهم ابدمه انكشف شكل الجهل ليله انحجب
★★★★★★
زاچي الدمه لمن جره. كل نهح باطل غَيَّرَه
سبط النبي خير الورى ابن الوصي سيد العرب
★★★★★★
بدمه كتب قصة فخر. ماتنمحي طول الدهر
وَبَيَّن تعاليم وعِبَر. وشنهي الوجب والماوجب
★★★★★★
خالد ابواليمه الأبي. غصبن على كل ناصبي
ساگي الشرف سبط النبي. ضامي ولاگطره شرب
★★★★★★
دمه كتب معنى الوفه. وخط العلم والمعرفه
وَضَّح طريق المصطفى. للذله مايوجب سبب
★★★★★★
نحر الشرف حين انگطع ثورات للعالم صنع
يعني محه آثار البدع. ماهمه لاصعبه وتعب
الشاعر حسن لعيبي الحريشاوي
بيهم اسوت كربله
مشتهم ادروب الفله بيهم اسوت كربله
ويلاه واويلاه ويلاه واويلاه
★★★★★
حگ السهام اصدورهم
حگ السيوف نحورهم
داست الخيل ظهورهم واويلاه
وحگ التراب جسومهم
شنهو البقه من ارسومهم
مسلوبه حتى اهدومهم واويلاه
راوتهم انواع البله بيهم اسوت كربله
ويلاه واويلاه ويلاه واويلاه
★★★★★
محروگه ليش اخيامهم
منهوبه ليش ارحالهم
مذعوره تمشي اطفالهم واويلاه
حگ السياط امتونهم
وحگ البواچي اعيونهم
للشام مسره اظعونهم واويلاه
سار الظعن محد اله بيهم اسوت كربله
ويلاه واويلاه ويلاه واويلاه
★★★★★
اسوّه العطش بچبودهم
والهظم ذبّل عودهم
والشمس تچوي وجوههم واويلاه
لاوين تمشي اجدامهم
ترست الغربه ايامهم
يمشي الشمر گدامهم واويلاه
ياهو الهظم يتحمله بيهم اسوت كربله
ويلاه واويلاه ويلاه واويلاه
★★★★★
زينب تسيل دموعها
درب السبي موضوها
مثل الجمر بظلوعها واويلاه
للشام خطوة كربله
عليها الاحزان امفصله
الچانت عزيزه امدلله واويلاه
الماخلتلهم عايله بيهم اسوت كربله
ويلاه واويلاه ويلاه واويلاه
★★★★★
البلسبي ايشوفونهم
ماچنهم ايعرفونهم
يسبون وينكرونهم واويلاه
الباري يكون بعونهم
نيران دمع عيونهم
امذبله الخرايب لونهم واويلاه
اولاد الزچيه الفاضله بيهم اسوت كربله
ويلاه واويلاه ويلاه واويلاه
الشاعر حسن لعيبي الحريشاوي
هلخدمه واجب تظل لاولاد حامي الحمه
لحسين دمعي يهل. وسط الگلب مٱتمه
لعياله خلصوا ذبح. والنزف جسمه دمه
وعلمشت درب السبي لاوالي عدها وحمه
بدور الهواشم گضت. طاحت ابدور السمه
ابمجلسچ يم الحسن چف علصدر لاطمه
وتهل جمر دمعتي. سجليها يافاطمه
الشاعر حسن لعيبي الحريشاوي
https://youtu.be/yz5RX4t6tk4?si=XUuxYBmHOZ8BuiXR
Читать полностью…
لسان حال السيدة رقية
أيام السود شمخليات بيه
الردتهن مايجن مَرَّن عليه
بحال المايسر صبح ومسيه
صحت ياوالدي الفرگه أذيه
گبلك ردت تلفيني المنيه
شلي بالروح يلرحت من أديه
عليله من مصاب الغاضريه
هذا حالها بنتك رقيه
الشاعر حسن لعيبي الحريشاوي
لوفاة ام البنين عليها السلام
ضحت اشبال وگمرها
وراحة الروح وعمرها
والشهود ايامها
الجنة تحت اقدامها
ام البنين🚩 😭
★★★★★
تضحيات وجود كلها
من البداية الحد أجلها
رضا الباري كل املها
غير هذا مايهمها
يشهد التاريخ الها
يعجز يوصف فضلها
رغم كل آلآمها
الجنة تحت اقدامها
ام البنين
★★★★★
لاحت جروح الخفيه
ومرت ايام المنيه
تعاني بالدار الخليه
وفارگت ابن الزچيه
والبدور الهاشميه
موحشه اعليها المسيه
اعليها تبچي ايتامها
الجنة تحت اقدامها
ام البنين
★★★★★
يافضل عنها نذكره
الفاضله الطاهره الحره
أبد ماقصرت مره
تفخر ابخدمة العتره
أتمنت من الولد عشره
كون كلهم فده الزهره
فده الطيب انسامها
الجنة تحت اقدامها
ام البنين
★★★★★
ابدارها تنحب عليله
عگب ابو اليمه نحيله
وابو فاضل والعقيله
ليله أشد من بعد ليله
الراحة صارت مستحيله
بدت رحلتها الطويله
والقدر گدامها
الجنة تحت اقدامها
ام البنين
★★★★★
بحر من فيض العداله
وگفت بوجه الضلاله
ورسمت الحق وجماله
ونالت بهاي البساله
الفوز من رب الجلاله
الخدمت اعلام الرساله
نفتخر خدامها
الجنة تحت اقدامها
أم البنين
الشاعر حسن لعيبي الحريشاوي
في ايام محرم
شفت بيه شكثر تغيير
حالي غير حال يصير
أشوف الدنيا واقع طف
عدها شكثر اتوقف
حالي غير حال يصير
★★★★★
اشوف حسين يتقرب
على الناس ويخاطبهم
يذكرهم عطايا الرب. .
بنعيم الرب يذكرهم
رغم احقادهم تلهب
يريد حسين يصلحهم
اهل الحقد واهل السب
مثل جده يعاملهم
خلاني اگولن وين
العالم يلگه مثل حسين
شاغل كلبي والتفكير
حالي غير حال يصير
★★★★★
اصحابه مابقه منهم
بعينه الموقف ايشاهد
واخوه على الجرف طايح
ماشارب عذب بارد
اهل بيته ضحايا اتروح
ودخان الخيم صاعد
طفله بالحظن مذبوح
لاچن موقفه واحد
لجل الدين والاصلاح
ماهمه نزف لوطاح
بدمه من كتب تعبير
حالي غير حال يصير
★★★★★
اجاهم يشرح ابرهان
بس لله العبوديه
من يتعلم الانسان
تصير قيوده حريه
حسين على الجهل بركان
أعلن فكره ثوريه
حل الوسط مايرضاه
مو كل ثوره سلميه
يبوالتسعة صغت ثوره
بمحرم من جزت عشره
يخامس ايه التطهير
حالي غير حال يصير
★★★★★
وعلمني شهر عاشور.
ادروس شكثر علمني
مراحل ماوصلتلها
الافضل حال وصلني
الكلمه سيف ارفعها
على الي رايد يذلني
واضحي ماتعز روحي
على كلمن يصاحبني
حسين شكثر علمني
قريب ومابعد عني
علمني على التدبير
حالي غير حال يصير
★★★★★
ومن زينب اخذت دروس
ام الصبر والاحزان
زينب للصبر ايات
لو وج الگلب نيران
الظنوا بالسبي تنذل
بكلمه طيحت تيجان
ماخذ من عزم زينب
عزمي وقوة الوجدان
اگوم شماعثر جدمي
من زينب خذت عزمي
والشر مايوگف الخير
حالي غير حال يصير
الشاعر حسن لعيبي الحريشاوي
يافراتا كيف تدعى بالفرات؟
للشاعر حسن لعيبي الحريشاوي
أداء الشيخ سعود شروفنا
(قصيدة گعده) باللغة العربية الفصحى لاستشهاد الامام الحسين عليه السلام
طَوَّقوا التاريخ في اعتى جريمة
لم تزل آثارها جدآ أليمه
روعوا آل النبي يوم الطفوفِ
برماح وسهام وَسيوفِ
واحسيناه واحسيناه
★★★★★
ملئوا الدنيا ظلاما غَيَّروا وجه الزمانِِ
زمر الشَرِ بِشَرٍ جعلوا الخير يعاني
لم يراعوا الحق يوما حاربوا السبع المثاني
قد قاتلوا نور الهدى
سبط النبي المصطفى
لما اذاقوه الردى أصدروا شر بيانِِ
بعد ارسال العهود المستفيضه
انكشفت كل الاسارير البغيضه
انقلبوا ثم رأووا ان الحلول
كلها في قتل اولاد الرسول
واحسيناه واحسيناه
★★★★★
أنها اقسى جريمه ابكت السبع الشِدادِ
فبدا الصبح ظلاما وارتدى ثوب السوادِ
احرقت قلب الموالي جعلته كالرمادِ
تجعل في الحلق شجى
وتملئ القلب أسى
قد قتلوا شمس الضحى قتلوا خير العبادِ
لوبكينا أمة من بعد أمه
لا نوفي لهمو حقا وذمه
لويشق الجيب اوتدمى الصدور
لم نوف العشر من ذبح النحور
واحسيناه واحسيناه
★★★★★
ملئوا الأرض جيوشا نشروا الجور عليها
رفضوا إعلاء حق اويصان الحق فيها
انكروا حق الامامة وتمادوا جاحديها
حرب على اهل الحمى
يبغون فيها مغنما
ايسره سفك الدما وجحود يعتليها
أغضبوا الرحمن اذ أرضوا يزيدا
عند قتل السبط اذ امسى وحيدا
كيف من حارب نور الانبياء
يرتجي الغفران من رب السماء
واحسيناه واحسيناه
الشاعر حسن لعيبي الحريشاوي
ياطلعة الحق
ياطلعة الحق والكلام الحاسم
ياثورة المظلوم تنهي الظالم
حبيبي ياحسين
حبيبي ياحسين
★★★★★
بين الخلگ تنقاس وحدك أمه
اتذوب المعاني بيك يابواليمه
رحمه ونعيم وزود خير وهمه
ماتاخذك بالله لومة لايم
ياطلعة الحق والكلام الحاسم
حبيبي ياحسين
حبيبي ياحسين
★★★★★
درب الاسلام وجنته المعلومه
وراعي الشعوب الحايره المظلومه
والحق علاماته صفت محسومه
انته السلامه والنعيم الدايم
ياطلعة الحق والكلام الحاسم
حبيبي ياحسين
حبيبي ياحسين
★★★★★
دمك عبارة رفض تجلي الباطل
تنشر الخير وتطوي صوت الجاهل
ماتقبل بهلدنيا حال المايل
الفايز يظن بغير دربك واهم
ياطلعة الحق والكلام الحاسم
حبيبي ياحسين
حبيبي ياحسين
★★★★★
انته الهداية والطريق الواضح
وانت المواقف والكلام الراجح
حكمة بطريق الخلگ دوم وناصح
انته على گلوب الظماير حاكم
ياطلعة الحق والكلام الحاسم
حبيبي ياحسين
حبيبي ياحسين
★★★★★
ينزال كلشي ونهج حبك ثابت
غصبن على كل ناصبي وكل شامت
لسان العداله المايحب الساكت
واكمال نهجك يضل بيد القائم
ياطلعة الحق والكلام الحاسم
حبيبي ياحسين
حبيبي ياحسين
الشاعر حسن لعيبي الحريشاوي
نعي بين الاقواس من التراث الحسيني
فدوه كل صدر لجلك تهشم
نياشين الصدور جروح من دم
(لولاك الفرض يحسين ماتم)
يبن الطاهره الحره الزچيه
وحگ كل منذبح عاشر محرم
وحگ اعيال ماعدهم مخيم
(وحگ چبدك المنه ثلث ماتم)
عليك أگلوب تنحب للمنيه
عدوك للهوه يحسين يشتم
وجسمك بالحصيره حيف ينلم
(الك بگلوبنا يحسين مأتم)
(لجلك كل صباح وكل مسيه)
الشاعر حسن لعيبي الحريشاوي
نِدَاء إلَى نَهْرِ الْفُرَات (ملمع )
(يافراتا كَيْف تُدْعَى بالفرات)
(اذمنعت الْمَاءِ عَنْ مَاءٍ الحياة)
وَي الْعَدُوّ لِمَن صِرْت ضِدّ الْحَبِيب
ذَاب گلبه مِنْ الْعَطَشِ وَأَصْبَح لَهَيْب
ماكسر گلبك ولاجاسك نَحِيب
(حينما جَمْع الْهُدَى أَمْسَى شتاة)
(يافراتا كَيْف تُدْعَى بالفرات)
مِنْ الْعَطَشِ گلبه حسَافَة ينچوي
ومايك أَهْل الْغَدْر مِنْه ترتوي
رَيْت مِنْ الْأَرْضِ رِيتُك تَنْطَوِي
(حِينَ أَصْبَحَتْ . حَلِيفًا للطغاة)
(يافراتا كَيْف تُدْعَى بالفرات)
شلون قيَّمَت الْأُمُور بيافكر
صِرْت وَي جَيْش الظَّلالَة وَالْغُدُر
شلون يَم رَبَّ الْبَرِيَّةِ تَعْتَذِر
(كَيْف اعطوك مِنْ الْغَدْرِ صِفَات)
(يافراتا كَيْف تُدْعَى بالفرات)
إلَيّ تُرْس مُأَيٌّ وتعنه الخيمته
بِسَهْم فارگ ليش مَايك جَرَّبْته
وَيَلِي علعباس ظِلّ ابحسرته
(لَهُ فِي سَقْيًا العطاشى أمنيات)
(يافراتا كَيْف تُدْعَى بالفرات)
وَي ابوالسجاد أسَف ماقصرت
سَهْمٍ مِنْ الْعَطَشِ أَنَّتَهُ مِنْ صِرْت
وَي مُعَسْكَر شِمْر بالحومه چنت
(حَاصَرُوه الْقَوْمُ مِنْ كُلِّ الْجِهَاتِ)
(يافراتا كَيْف تُدْعَى بالفرات)
صرت جُلُمُود وصَّخْر يلماتلين
ياظميرك وين ذيچ السَّاعَة وين
ياحسافه ذَبُلَت اشفاف الْحُسَيْن
(بِدَم تُسْقَى شَفَاه ذابلات )
(يافراتا كَيْف تُدْعَى بالفرات)
شلون تَجْرِي اوگفت أَفْلَاك السِّمَة
علمصاب حسَيْنُ بْنُ حَامِي ألْحَمَه
زينب اتصد ابحزن متألمه
(يالنحر قَطَعْته المرهفات )
(يافراتا كَيْف تُدْعَى بِالْفُرَات )
الشَّاعِر حَسَنٌ لعيبي الحريشاوي