1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
لولادة أمير المؤمنين علي عليه السلام
فده أسمك ياعلي روحي وكنيتك وأجمل الألقاب
امين الله الوصي حيدر أمير النحل يا بو اتراب
ابوالحسنين ابو النورين ياضرغام داحي الباب
الداعي الشاهد الفاروق الهمام وقاصم الاصلاب
مصباح الدجى ويعسوب دين الله يبو الاطياب
ابوالسبطين أسد الله ورسوله وهازم الأحزاب
الامام الابطحي المكي وغيث الناس ليث الغاب
بيك احتاروا الاعلام واهل الشعر والكِتَّاب
ميلادك امنوَّر الكون وللخيرات صار أسباب
ميلادك سعاده ونور ومحفل يجمع الاحباب
((الشيعه اليوم أمعَيَّدَه بمولد حيدر حامي الجار))
الشاعر حسن لعيبي الحريشاوي
لِوِلَادَة أَمِيرَ الْمُؤْمِنِينَ عَلِيٍّ بْنُ أَبِي طَالِبٍ عَلَيْهِ السَّلَامُ
اهني صَاحِب الطَّلْعَة الْبَهِيَّه
بمولد حَيْدَرَه حَامِي الْحَمِيَّة
★★★★★★
بحبك ياامير الرُّوح هَايمٌ
يَنور وَخَيْر علدَّنْيَا وَمَكَارِم
يَحِبّ بِالرُّوح مايعرف مَوَاسِم
أُحِبَّك ياعلي حَدْ الْمْنْيَّة
★★★★★★
تَعَطَّر ليلنه وَنَوَّر ظَلامَه
بمولد نُور لِلنَّاس وَسَلَامُه
الْكَوْن اِبْتَهَج وَتَغَيَّر نِظَامِه
الشَّمْس والگمر يتلاگن سَوِيَّه
★★★★★★
فُرَص راحات ماينطي زَمَانِي
رَغِم ماعاند بروحي وجفاني
أَفْرَح وَابْتَهَج وَأَرْسَل تهاني
لامامي الْمُنْتَظَر هاي المسيه
★★★★★★
مَيَّز علخلگ. رَبِّك خصالك
وَكَمَال الْمُصْطَفَى وسحره كَمَالِك
مِن طَه خذت رَوْعِة جَمَالُك
وَمِثْلُك سَيِّدِي الْمَهْدِيّ سِجِيَّة
★★★★★★
فوگ الْفَخْر بيك افْتَخَر وَأَكْثَر
بولائك نِعْمَتِي تَمَّت يحيدر
للجنَّات حُبُّك صَار مَعَبِّرٌ
بولائك صَارَت الدُّنْيَا زهيه
★★★★★★
مِن طَه نَبَع وَاحِد وَصُورَه
وَاحِد بِالْأَصْل نُورَك وَنَوْرَه
أَبَد ماينوصف گلبي سُرُورِه
سَاعَة مَوْلِدَك سَاعَة الهنيه
الشاعر حسن لعيبي الحريشاوي
لولادة أمير المؤمنين علي بن ابي طالب عليه السلام
اهلا يارجب من لاح مصباحك
يوم اثلطعش زارتنا افراحك
وبماي الذهب. هليوم انكتب
يوم ثلطعش. زارتنا افراحك
★★★★★★★
الطيب الذات والغيره أصل بيها
گول بكل ثقة الكرار ساگيها
الذاته امكدره والحقد ماليها
گول المرتضى حيدر. امجافيها
أحبابك تنتظر ياشهر الاجر
يوم ثلطعش زارتنا افراحك
★★★★★★★
من نورك لگينه أنوار ملموسه
نور أدم ويحيى والنبي موسى
وأيوب وشعيب ويوسف وعيسى
ياشجرة الخير ابجنه مغروسه
يااطيب ثمر. وياأجمل شهر
يوم ثلطعش زارتنا افراحك
★★★★★★★
بنادم بالعباده لويهد حيله
صلى وصام عمره لوسهر ليله
يدعي الباري طول الوكت يشكيله
بدون ولايتك مانفعته حيله
غافل مادره. مولد حيدره
يوم ثلطعش زارتنا افراحك
★★★★★★★
ياهو النال مثله بهلبشر رتبه
بالكعبة الولادة وشرف الكعبه
يعني اول ابشارة كرمه ربه
أيحب الله علينه وخالقه ايحبه
يشهر اتعطرت. بحيدر نورت
يوم ثلطعش زارتنا افراحك
★★★★★★★
هذا اليوم ألوان الفرح شفنه
خله للفرح مية ألف معنه
مولد نور الله من السمه امكونه
باب العلم هو وباب. للجنه
يومك يارجب. بالفرحه وجب
يوم ثلطعش زارتنا افراحك
الشاعر حسن لعيبي الحريشاوي
لولادة الامام محمد الجواد عليه السلام
فرحان يادنيتي عن حالتي اجنبي
بحب الفتى الهاشمي صار العشك مذهبي
المثل يحيى ارسله رب الخليقه صبي
بدور الامامه اعتله شامخ فتى طالبي
بميلاده اجيت احتفل رغم العدو الناصبي
انا وهلي وديرتي وخواني وصاحبي
بمولد جواد العلم المن حيدره والنبي
الشاعر حسن لعيبي الحريشاوي
ابوذيات لولادة الإمام الجواد عليه السلام
الجواد بنوره كل ظلمه محلها
ومثل غيث الأرض يروي محلها
السعاده اليوم ياشيعة محلها
ونهني صاحب الطلعه البهيه
★★★★★
جربته بالكرم زمزم وجوده
خير على البشر وأكثر وجوده
شعدد من كرم روحه. وجوده
علوم وعاطفه وغيره وحميه
الشاعر حسن لعيبي الحريشاوي
لولادة الإمام محمد بن علي ( الجواد ) عليه السلام
بمولد تاسع العتره اجينه انجدد الذكره
★★★★★
نزل نور ونزل فرحه.
طوه صفحه ونشر صفحه
طوه الليل ونشر صبحه.
بجماله وصورته وعطره
★★★★★
وين إلي جمع عزمه.
يناظر تاسع اليمه
علمهم وين من علمه
وين البحر والگطره
★★★★★
قَدَّم بالعلم دوره.
باكمل منهج وصوره
مثل عيسى يشع نوره.
نطق بلعلم من صغره
★★★★★
علم واحكام من جده.
وتعاليم الرضا عنده
نهض بالأمر من بعده.
بتسع اسنين من عمره
★★★★★
الوادم وگفوا ابابه.
خصمه اصبحوا طلابه
حتى الحاكم ايهابه.
ذاك الساكن ابقصره
★★★★★
اطلب سيدي عذرك.
بمدحك عاجز وذكرك
گلت إلي وصف قدرك.
حتماً يرتفع قدره
★★★★★
مثل آيات تنزيله.
أسم يامحله ترتيله
يطيب الفرح هليله.
وتحله بمولده السهره
الشاعر حسن لعيبي الحريشاوي
مدح الامام محمد الجواد عليه السلام (نصاري)
جواد الخير والرحمه والاحسان
يمنبع للفقه والعلم. والحگ
مايلحگ مناظر بيك مولاي
أخير يصير كلمن يظن يلحگ
شطر علمك علوم الوادم وزاد
عصا موسى التخلي البحر ينشگ
يابحر الكرم والجود والخير
ابحر جودك تره المحتاج يغرگ
مِايحوَّج يدگ الباب محتاج
شوكت مسدود بابك حتى يندگ
الشاعر حسن لعيبي الحريشاوي
موشح جناس لولادة الامام محمد الجواد عليه السلام
بمولدك مولاي يامَيَّة. هله
الجود انته منبعه وانته هله
★★★★★
والنعم مولاي منك وال نعم
كل صخر جلمود گدامك نعم
ماتعرف اللاء كل جودك نعم
ياجواد الخير بالجود اعتله
★★★★★
نور كلك نور عن والد وجد
بيك مولانا الرضا روحه وجد
وعرفت بالدين من جد وجد
ياعليم بكل فريضه ومسئله
★★★★★
عسل ذكرك سيدي منه شمل
كل گلب عاشگ محب نورك شمل
ياشمل كل خير يجمع كل شمل
يابدر كل ليل بانواره أنجله
★★★★★
السيرتك يبن الشرف گلبي هوه
تسري وي الروح لانفاسي هوه
الجهل يبني اجبال من علمك هوه
يبن حماي الحمه والبسمله
★★★★★
الفرح وي الروح هلساعه ولم
لامواجع تشتكي روحي ولم
اجمع اصحابي على حبك ولم
بمولدك وكت الفرح تَوَّه حله
الشاعر حسن لعيبي الحريشاوي
لولادة الإمام محمد الجواد عليه السلام (موشح)
اليوم ياشيعه الفرح وكته حله
بالفرح عاشر رجب نستقبله
★★★★★
هاي ليلة فرح ما إلها وصف
من الليالي الليله تنعد ابألف
كل ظلام بنوره حتما ينكشف
الجواد ابن العلوم الكامله
★★★★★
الجادله خسران كلمن يعترض
الجعل حبه الباري علوادم فرض
للجواد انوار هلت علأرض
ياهله بهلنور يامية هله
★★★★★
الشكر للمعبود يحتاج الشكر
رحمه ساعة مولده خير وأجر
يامضامين وتعاليم. وفكر
يلجوابك حاضر الكل مسئله
★★★★★
ياخلاصة علم من المرتضى
ياجواد الخير يا أبن. الرضا
منزله غيرك ولابيها. حضه
منهو غيرك حضه بهاي المنزله
★★★★★
الناظرك غاب وفشل ماله اثر
كل چبير الناظرك يمك صغر
شلون گطره تصمد اگبال البحر
لكل سؤال انطيت حل وامثله
★★★★★
منين مايبدي الفرح ماينتهي
علحزن حاكم إله أمر ونهي
وبفرحها الكاظمية تزدهي
وبالفرح ثوب الاحزان اتبدله
ألشاعر حسن لعيبي الحريشاوي
ياگلب افرح وابتهج واطوي السواد
وأنشر مظاهر للفرح بين العباد
ماينوصف يوم الفرح وبروحي زاد
غصبا على اهل الحقد واهل العناد
الارض تضوي بمولده وسبع الشداد
بمولد امامي ابن الميامين الجواد
الشاعر حسن لعيبي الحريشاوي
دارك فارغه بويه تراها
عمت عيني ولاوحشه تراها
عليه الظيم وجيوشه تراها
يبويه من صرت تحت الوطيه
الشاعر حسن لعيبي الحريشاوي
لاستشهاد الامام علي الهادي عليه السلام
على طور شال الشهيد حسين لملا مسلم الوائلي
عنها الحزن ماغاب مهبط حزن داره
ابن الجواد الموت متعني إله وزاره
“★★★★★
روح الشرع والدين والحكمه والطاعه
الهادي شفيع الناس لوگربت الساعه
گلب الحسن مهظوم مايحمل اوداعه
گلبه بلهيب النار من غابت انواره
★★★★★
شيعة الهادي تنوح فارگها هاديها
وتبچي السور وتنوح لأجله ومعانيها
الچان بطريق الناس كل ظلمه يمحيها
صعبه العزيز يغيب ماتسمع اخباره
★★★★★
منبع قوافل نور والحكمه عنوانه
قول وفعل معروف والفكر ميزانه
كل عاتيات الريح ماهزت ايمانه
يبچي القلم واللوح للهادي واسراره
★★★★★
رد الحسن مفجوع والفرگه موضوعه
خيول الحزن ميدان اتهشم اظلوعه
بيها شكثر آهات چبدته المصدوعه
لگلب الدفن غالين مابعد كل چاره
★★★★★
سامره غربه ونوح وبرجب مهظومه
هيبتها لمن راح وجروحه ملچومه
ياوسفه تلهب نار چبدته المسمومه
وگلب الحسن مذهول ماتنطفي ناره
الشاعر حسن لعيبي الحريشاوي
إلَى سَيِّدِي وَأَمَامِي الْعَاشِر الْإِمَامِ
عَلِيٍّ الْهَادِي عَلَيْهِ السَّلَامُ
(وزن المثلث)
مِنْ اللَّهِ هَذَا الْأَمُرِ سَيِّدِي طَاعَتَك
اتمنه كُلّ الْعُمْر ينگضي بِخِدْمَتَك
★★★★★
نُورٍ مِنْ الْبَارِي لِلدُّنْيَا وَأَرْضَهَا
عَلِيّ الْهَادِي طَاعَتَك رَبِّي فُرَضَها
طَاعَتَك مَوْلَاي اِرْفُض مِن رُفَظها
وَكُلّ مَوَدَّة مارعاها ولاحُفَظها
جِبَالٌ مِنْ الصَّبُر بالمحن مُهجتَك
اتمنه كُلّ الْعُمُر ينگضي بِخِدْمَتَك
★★★★★
بِخِدْمَتِك مَوْلَاي رَيْت يَطُول عُمْرِي
خادم آٌبِقَه يَنْحَنِي بِالْخِدْمَه ظَهْرِي
مِنْ سَوَادِ الشَّعْرِ حَدّ ميشيب شَعْري
ياوسيله وَنوُر. إلَيَّه ابليل گبري
وفوك رَأْسِي تمُر بِالْحَشْر يمنتَك
اتمنه كُلّ الْعُمْر ينگضي بِخِدْمَتِك
★★★★★
ياامامي الْهَادِي لِلْبَارِي وَسِيلَه
بِدَمْعَه جِيتُك تَصُبّ واعمالي قَلِيلَه
ياطريق الدِّين يانهجه وَسَبِيلَه
وَخَيْر مااگدر . أَوَفِي مِن جَمِيلَه
لوتهل مِنْ جَمُرِ دمعتي بِحَضْرَتَك
اتمنه كُلّ الْعُمْر ينگضي بِخِدْمَتِك
★★★★★
بِالْحَشْر حَمَاي لِلنَّاس وَسَلَامَه
لِلْعَجْزِ عَنْه لِسَانَه وشت كَلَامَه
وَكُلّ ذَلِيلٌ هنَاك يشْعر بِالْكَرَامه
مِن الْجَحِيم انْتَه دِرْعٌ يُوْم الْقِيَامَه
مِن الْمَهْد للگبر سَيِّدِي امحبَّتَك
اتمنه كُلّ الْعُمْر ينگضي بِخِدْمَتِك
★★★★★
شلون نَار الْحَشْر باچر تحتويني
يَوْم انخاك ودمعتي بِطَرَف عَيْنِي
يَوْم أَتْلَفَّت يَسَارِي وَعَنْ يَمِينِي
أَبَد ماتتركني وَحْدِي كُلّ يَقِينِي
كُلّ كَسْر يَنْجَبُر يشفه من نظرتك
اتمنه كُلّ الْعُمْر ينكضي بِخِدْمَتِك
★★★★★
ياامامي الْعَاشِر وَمِنْ خَيْرِ عِتْرَه
يَبْن طَه وَحَيْدَرَه وَفَاطِمَه الزَّهْرَه
يلگضيت الْعُمْر حَسْرَه بِأَثَر حَسْرَه
أَلَك بِالسَمّ ظالِم أَتَوَجَّه ابغدره
زَلَّه ماتنغفُر لِلذَّبْح شمعتك
اتمنه كُلّ الْعُمْر ينگضي بِخِدْمَتِك
الشاعر حسن لعيبي الحريشاوي
سامره مهظومه اليوم تعلن مصاب الهادي🚩
Читать полностью…
نعي
لاستشهاد الامام علي الهادي
علي الهادي شكثر مولاي
عانيت شكثر منهم
لگيت اخرهم ابغدرك
مثل اطباع أولهم
لاعندك ذنب مولاي
حتى تعتذر الهم
تحقيق وبحث يردون
تثبت انته موضدهم
يم دارك حرس وانته
كل مره تفهمهم
دارك لللعلم والخير
لاچن ياهو يقنعهم
خافوا ثورة من دارك
تجي يوم وتطشرهم
خافوا من دعائك يوم
ريح ابليل تاخذهم
خافوا من عباداتك
صلاتك دوم ترعبهم
وحدك لاچن يشوفون
دولة انت تحاربهم
مصدر قلق للظلَّام
وجودك مايناسبهم
رادوك شكثر تحتار
يلصبرك محيرهم
يعرفون الغدر بالسم
هاذي دوم لهجتهم
بدايه موتتك صارت
تعبر عن نهايتهم
الشاعر حسن لعيبي الحريشاوي
لولادة أمير المؤمنين علي
بن ابي طالب عليه السلام
هذا حبيب النبي. لوردت عنه خبر
من آل طالب مجد. من آل هاشم فخر
أعجاز رب السمه. وآيات وجهه وسور
مزدهر بيه العلم. والدين بيه. انتصر
ياوصف يوفي الشرح عن يابلاغه وأثر
كل بحر لوبالارض . اصبح حبر كل بحر
وكاغد تصير السمه. واقلام صار الشجر
وتنخط مناقب علي (جن) تكتب وي( البشر)
تعتذر كلها ترد وحگه الرجع واعتذر
ماادركه أي وصف. كل واصف شما ذكر
هذا ابن عم النبي. المختار سيد البشر
ألشاعر حسن لعيبي الحريشاوي
لولادة أمير المؤمنين علي عليه السلام
ياروحي ودعي الحزن لفراحچ استقبلي
شلال صار الفرح كون الفرح منهلي
من نور هاي السمه اليوم الأرض تنملي
بارك الباري ابگمر فوگ الارض. معتلي
بعزمه القيم ترفع عصر الصنم ينجلي
هليوم گلبي ابتهج زار الفرح منزلي
رغما على شامتي. وغصبن على عاذلي
ياهله بشهرك رجب. جبت السعاده إلي
هليوم يوم الفرح. مولد. امامي علي
الشاعر حسن لعيبي الحريشاوي
لذكرى ولادة امير المؤمنين علي عليه السلام
إلي يحبك ياعلي صك جنته مختوم
عنه رضا رب السمه وثلطعش معصوم
وإلي يحب النبي
يتبع ولاية علي وثلطعش معصوم
★★★★★
الايمان حبك ياعلي عنه الرسول يگول
ياباب علم المصطفى غيرك فلامقبول
خير البشر گال النبي وإلي كفر مذلول
اوصافك اتعَّب القلم وعنها الكلام يطول
وإليً يحب فاطمه يتبَّع حامي الحمه
وثلطعش معصوم
★★★★★
واليحب مولانا الحسن وحسين والعباس
وزينب الحره الطاهره لحد آخر الانفاس
ابنهج حيدر يقتدي مرفوع دوم الراس
المشى بدرب المرتضى ميهمه وين الناس
واليحب ثاني علي يعشگ امامه الوصي
وثلطعش معصوم
★★★★★
والنِصَر باقر كل علم دوم ويوالي ابنه
وبكاظم الغيظ التزم مايبتعد عنه
والي توسل بالرضا ماخاب أبد ظنه
يصبح قريب الخالقه واقرب من الجنه
وحب الجواد أسَّرَه ذاب بعشگ حيدره
وثلطعش معصوم
★★★★★
اليتمسك بآخر علي والعسكري بعده
وسار بدربهم للابد كل ريح متردًه
يعشگ ويترجى علي حلَّال كل شده
ميهمه اليوالي علي كل الخلگ ضده
الينصرامام العصر للمرتضى ينتصر
وثلطعش معصوم
الشاعر حسن لعيبي الحريشاوي
هوسات لِوِلَادَة الْإِمَامِ مُحَمَّدٍ
الْجَوَادِ عَلَيْهِ السَّلَامُ
أَتْرك يگلبي الْحزْن وَاعْتَبَرَه ماموجود
هليوم عيِش ابفرح گوم أَشْكُر الْمَعْبُود
ابميلاد ابْن الرِّضَا بَابُ الْكَرَمِ وَالْجُود
((نشكر فَضْله الْبَارِي أعلينه ))
★★★★★
عَلَى اعْمَالِي مااعتمد يَوْمَ الْحِسَابِ هنَاك
ماعندي غَيْرِك أَمَل مَوْلَاي . واترجاك
تشفعلي يَوْمِ الْحَشْرِ يَبْن الرِّضَا انخاك
((بالشَّده أَفْعَالُك مَشْهُودَةٌ ))
★★★★★
مِنْ حسَيْن سَادس بَدْر يامحله هلأنوار
جُودٌ وَبَلَاغَة وَكَرَّم علِم وَفقَه وَإِسْرَار
ابمولده انزيد الْفَرَح وَنصَلِّي علمختار
((فرحانه الشيَّعَة بميلاده))
★★★★★
أنهني الْمُنْتَظَر . ابْن الْهَدْى الْإِعْلَام
نهني مراجعنا الْكَرِيمَه وَأُمِّة الْإِسْلَام
بِنُور الْجَوَاد السَّطْع . جُودٌ وَكَرَّم وانسام
((من صغَرِه امحيَّر عدْوَانِه ))
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بِمُناسَبَة وِلَادَةِ الْإِمَامِ مُحَمَّدٍ بْنُ عَلِيٍّ (الجواد ) عَلَيْهِ السَّلَامُ
نُور الْإِمَام .
بَدْر التمَام .
وَابْن الْكِرَام
هَذَا أَمَامِي. التَّاسِع الْجَوَاد
★★★★★
وين الْأَكَابِر ظَنهِم يحيرونه
حَتَّى بفنون الْعِلْم يختبرونه
بِمَوْقِف صَعُب طُول الْوَكْت يَرُدونَه
أُحَرِّج ابعلمه الرادوا ايحرجونه
الْكلّ خِطَاب
عِنْدَه جَوَابُ
مِنْ الْكِتَابِ
هَذَا أَمَامِي التَّاسِع الْجَوَاد
★★★★★
هَذَا الْجَوَاد ابْن الْكَرْمِ مِنْ هَاشِمٍ
بِالْجُود مَشْهُورٌ وَجَلِيلٌ وَعَالِمٌ
رَدّ ابفشل خَصْمِه ذَلِيلٌ ونادم
طُول الْوَكْت كَاسِب گلوب الوادم
نُور علنور .
هَزّ الدُّهُور .
وَأَهْل الْغُرُور
هَذَا أَمَامِي التَّاسِع الْجَوَاد
★★★★★
بفرحه وَمَسَرَّه البابه اتعنينه
انهني بفرحنه كلمن يهنينه
لَبَن الرِّضَا بالشوگ وَالْحَبّ جينه
وَلَبَّيْك بِالْحَبّ صَحْنِه ياوالينه
فَرَحُه وَسُرُور.
تُمْلِي الشُّعُور.
بَدْر الْبُدُور
هَذَا أَمَامِي التَّاسِع الْجَوَاد
★★★★★
يَوْم السَّعَادَة المايوصفه الْوَاصِف
بمولد جَوَادٌ أَهْلِ الْعُلُومِ الْعَارِف
بَابُ الْأَمَانِ يَلُوذ بيه الْخَايف
والجرحه مَنْ ظَلَمَ النَّوَايب نازِف
لِمَن يَجُود.
بلاحدود.
مابعده زَود
هَذَا أَمَامِي التَّاسِع الْجَوَاد
★★★★★
يَوْم بِرجَب هليوم يَوْمَ الْعَاشِرِ
يحلَه الْوَكْت بيه وَيَطِيب الْخاطِر
الْقَارِي صِفَه شگد مبْتَهِج وَالشَّاعِر
واليستمع هَذَا الحَفْل . وَالْحاضِر
مِنْ رَب عَظِيمٌ .
هَذَا النعِيمَ
بمولد كَرِيمٌ
هَذَا أَمَامِي . التَّاسِع الْجَوَاد
الشاعر حسن لعيبي الحريشاوي
قضية الحسين عليه السلام
ياقضية حسين اكبر من تفاصيل الكلام
حسين فكره منهجية للمحبه. والسلام
فلسفة دين اووجود ابد ماالها حدود
ياقضية حسين اكبر من تفاصيل الكلام
★★★★★
القدم الحريه بيده للاسير
والنفوس تعيش يملكها الظمير
خله ايده ابعزم علجرح الخطير
ويشعر بروحه غني خله الفقير
حسين موسوعة معارف تعبر حدود الجواب
وللوجود البيه كرامه حسين للحريه باب
ثورته إصرار وجهاد. حجة الله على العباد
ياقضية حسين اكبر من تفاصيل الكلام
★★★★★
حسين صفعة صابت الشربالصميم
حسين مبدء خطه واضح مستقيم
حسين دمعه اطفي نيران الجحيم
يعني رحمه ودين للرب الرحيم
هوه منظومة مبادئ منها يصدر كل قرار
حسين يا تفصيل شفته ماقبل يوم اختصار
حسين عنوان الحياة. من ملك هاي الصفاة
ياقضية حسين اكبر من تفاصيل الكلام
★★★★★
يامناهل خير متحدها الحدود
لخص الدين الحقيقي بهلوجود
بيّن الحريه ماتقبل قيود
ولاضياع بدين طه ولاجمود
حسين يرفض كل عبوديه وتنازل لوهوان
حسين صرخه تنبه المظلوم صرخة بكل زمان
حسين عنوان الدعاء. اليفتح ابواب السماء
ياقضية حسين أكبر من تفاصيل الكلام
★★★★★
بگلبه من الخوف بيه مية كسر
لاتطب الناس نيران الحشر
يدعي للناس التعنتله بغدر
امطوگ بهلگوم ويصلي الظهر
حسين مايرضه السكوت بيوم مرفوض السكوت
ولايهاب الموت واحد كل بشر باچر يموت
صعبه عليبقه ذليل. بعمر تاليته الرحيل
ياقضية حسين أكبر من تفاصيل الكلام
★★★★★
حسين بالطف رسم للحاضر وجود
وخنگ ريح الباطل الرادت تعود
وزمن لايرجع جهل وأيامه سود
مثل صالح مبتلي صار بثمود
هو الاجراء السريع الماقبل ذل الظروف
وكتب للعالم بدايه من نهايات الطفوف
تفوز علسيف الدماء. أعلنت من كربلاء
ياقضية حسين أكبر من تفاصيل الكلام
الشاعر حسن لعيبي الحريشاوي
هوسات لولادة الإمام محمد الجواد عليه السلام
هله بنور الجواد اليوم يامحلاه
امامي الرضا هذا الچان يتمناه
دره بخير وسعاده. تنملي دنياه
(أنواره النزلت رحمه وصارت خير على الإسلام )
★★★★★
الجواد اهلا بنوره تاسع اليمه
للاسلام خير. من السمه ورحمه
هله بنور الجواد انردد بأسمه
(( اليوم الدنيا معيده. وفرحانه ويانه))
★★★★★
هله ابساعة الرحمه ياهله بيها
اجه زود الرساله بعلمه يبنيها
واحكام السنن بالفكر يرويها
((يامحله الدنيا بأنواره))
ألشاعر الشاعر حسن لعيبي الحريشاوي
لولادة الإمام محمد الجواد عليه السلام ( وزن هجري)
مولد يسر الخاطر من رجب يوم العاشر
من رجب يوم العاشر
★★★★★
تشرفت بانواره طيبه. توالمت نور على نور
بطلعته يرحل حزنها وتنملي الدنيا ابسرور
هاشمي اصله وجماله الفرحه يم بابه تدور
نفخر بهاي الولادة بمولده انهني الحضور
للموت ماننساها
ساعات يامحلاها
من رجب يوم العاشر
★★★★★
هلت انواره الشريفه. والفرح ماخذله لون
يبقه ساكن حبه بينه . من المهد حد المنون
هلت أنوار الامامه. من بعد ليل وسكون
نحتفل هليله بيها. الليله أجمل مايكون
املاك السمه خدامه.
مرت علينه انسامه
من رجب يوم العاشر
★★★★★
تسوة لمتنه وجمعنه. بعشره مرت من رجب
السهر واجب علينه. والفرح وكته وجب
ابن الرضا نسل الامامه. البلعرش اسمه انكتب
هذا ابن سيد البريه. هذا ابن سيد العرب
بدر الامامه الساطع
مولد امامي التاسع
من رجب يوم العاشر
★★★★★
الرضا الهلساعه ناطر. ربه جاد وعوضه
شرفه بهاي الكرامه. من كرم ربه حضه
من بعد صبر الليالي. وامره لله فوضه
الجواد أنواره هلت. وانشرح گلب الرضا
مزدهره صارت داره.
هلت علينه أنواره
من رجب يوم العاشر
★★★★★
اشرق بنور الولايه. زَيَّن ابعطره المكان
ونغرس بالعصمه عوده اتغذه من فيض الحنان
بصغره حيرها المجالس. الجادله يرد بهوان
لامسائل عنده تصعب. هوه عنوان البيان
للي سكن وجداني.
محله الشعر والحاني
من رجب يوم العاشر
الشاعر حسن لعيبي الحريشاوي
لابطال الحشد وقادته (گعديه )
الحشد عنوان الوطن تسلم أبطاله
فَرَّت أفلول الحقد وهذا من فضل الحشد
تسلم ابطاله
★★★★★
والحشد دايم فَضلهُم ارواح ضحوا للقضيه
ناتج ايمان وعقيده ذوله ولد المرجعيه
ذوله قدوتهم الهادي وحيدره حامي الحميه
القائد ابو مهدي البطل
بعزمه ضرب اروع مثل
وقاسم عضيده بلا ملل ذل فلول الناصبيه
وشهد تاريخ الزمن يا هم رجاله
شكرا لبو مهدي الشهم وقاسم الغِيرَه والعزم تسلم ابطاله
★★★★★
صوله ابومهدي حِسَمها بزود الأبطال الغيارى
وقاسم سليماني مثله عزم واصرار وإداره
خَلَّد التاريخ اسمهم مجد نالوه بجداره
نفخر بقادات الحشد
ودروس منهم نستمد
الذَلَّوا عصابات الحقد ماتوصفهم عباره
فخر بأيام المحن تسلم ابطاله
والحشد جاب النصر للابد بيه نفتخر
تسلم ابطاله
الشاعر حسن لعيبي الحريشاوي
✍🏻قناة الشاعرحسن لعيبي الحريشاوي كتابة أنواع القصائد في مدح ورثاء ال البيت الأطهار
✨معرف القناة🌹 /channel/a3lei
✨معرف التبادل🌹 @ha_aliebee
رابط قناتي على اليوتيوب
https://www.youtube.com/channel/UC_qMISpvnKnqhS-LTnV3thw
https://youtube.com/shorts/OfoaTkajxPc?si=actFjNkXY6XmGSQv
Читать полностью…
لاستشهاد الامام علي الهادي عليه السلام
(وزن تجليبه )
حزن ماله نهايه وينتهي نوحي
مصابك سل خناجر تطعن جروحي
تاه الفكر تاه الراي
امامي الهادي يا مولاي
مصابك سل خناجر تطعن جروحي
★★★★★
يا وسفه الخلگ ما انصفوا وياك
تصلح هذا ضدك تلگه صاير ذاك
مايكفي غدرهم حَزمَّوا دنياك
بالشر حَزمَّوها الماتود ملگاك
الگضه مو اصعب من الجاي
امامي الهادي يا مولاي
مصابك سل خناجر تطعن جروحي
★★★★★
من سادات اهل البيت والحكمه
علي الهادي يبو الطيبات والرحمه
ما ترضى تمر على البشر ظلمه
شانك من يقدره ورايك يفهمه
خانوا گلبك الوَفَّاي
امامي الهادي يا مولاي
مصابك سل خناجر تطعن جروحي
★★★★★
بعد المن امامي اتوجه اعتابك
سلطه امعَثَّره وادَّور مصابك
رقابه وحرس ياما وگفوا ابابك
حضروا والهدف يتعَجَل غيابك
هاي الگوم ضدك هاي
امامي الهادي يا مولاي
اصوابك سل خناجر تطعن جروحي
★★★★★
يا قطب العلم يمدلي كل حاير
امام انت نهار من السمه صادر
سلطة شر يا اول رادتك آخر
ما تحجب علم مكشوف للناظر
فكرك بالعلم رَوَّاي
امامي الهادي يا مولاي
مصابك سر خناجر تطعن بروحي
★★★★★
السَمَّك وين مجده كل مجد ماله
المعتز ماله عِز المحشر اگباله
بجهنم لاله چاره ومنكسر حاله
ونفس الحال باچر تصبح امثاله
يامن بالحشر حَمَّاي
امام الهادي يا مولاي
مصابك سل خناجر تطعن جروحي
الشاعر حسن لعيبي الحريشاوي
لاستشهاد الامام علي الهادي عليه السلام (وزن هجري)
لفت ياحيف المنية. التاسع اولاد الزچيه
الدنيا ماادري شجاها. ضجت الگاع وسماها
التاسع اولاد الزچيه
★★★★★
أشطَوَّل الليل وعذابه. والنهار اصبح ظلام
وبرجب وگفت الدنيا. تودع أنوار الامام
موحشه سامره صارت فارگت بدر التمام
غاب حاضرها ومجدها. وكل خمايلها او وردها
من مشه عنها ضواها. ضجت الگاع وسماها
التاسع اولاد الزچيه
★★★★★
العسكري ينظر الهادي. بلوعته وگلبه الحزين
فارگت يابويه بعدك. راحتي وطعم السنين
فارگت طه وبضعته. وجدي أمير المؤمنين
ياضوه عيوني ونظرها. كسرتي يصعب جبرها
الحزن سامره لفاها. ضجت الگاع وسماها
التاسع اولاد الزچيه
★★★★★
ضلت الدار ابحزنها. تون علهادي وتنوح
ومهبط جروح بدليله. العسكري يشكي الجروح
وين من لوعة عذابه. يشتكي والمن يروح
موحشه الدنيا بأهلها. ايام مامرت مثلها
بكل صبحها وكل مساها. ضجت الگاع وسماها
التاسع اولاد الزچيه
★★★★★
شيَّعَت سامره اهلها. وَدَعَّت خير الزمان
الشامل الناس بمحبته. حصن للناس وأمان
عطف واحسان ومَوَدَّه. وين ما حل يامكان
الناس لوتخفي دمعها. گلوب يكشفها وضعها
يوم ناحت لابن طه. ضجت الگاع وسماها
التاسع اولاد الزچيه
★★★★★
الساطعه الدنيا بوجوده. تاسع اولاد البتول
طال سامره حزنها. حزن دايم مايزول
تشكي من حكَّام بيها. عذبوا آل الرسول
ليش بالسم ليش تالي. غابت بدور الليالي
موحشه يخنگ هواها. ضجت الگاع وسماها
التاسع اولاد الزچيه
الشاعر حسن لعيبي الحريشاوي
لاستشهاد الامام علي الهادي عليه السلام
(وزن تجليبه )
روحي اميتمه ومشتاگه للحضره
للهادي امامي ابأرض سامره
★★★★★
للمظلوم أبد مارحمته الوادم
ولاظالم رجع من فعلته نادم
مدري بياذنب مطلوب للحاكم
لأن من طه أصله ومن بني هاشم ؟
وتحبه الناس كلها وتحلف بصبره
★★★★★
سجن لابيه ضوه ولاترحل الظلمه
بمطامير العليها ماتمر نسمه
معروف السبب لوينحچي ابكلمه
علي الهادي خطر لوينذكر أسمه
مسجون ويهابه الگاعد ابقصره
★★★★★
بوجه الخير طبع الحقد من يوگف
معروف السبب ماحاجه يتوصف
السم الهادي منهم مابشر أنصف
نفس الذبحوا المظلوم يوم الطف
بحوافر خيل گوم الهشمت صدره
★★★★★
أريد اشبع بواچي وأنحب إبابه
اول حال أوصف شوگي واسبابه
وثاني حال اپچي اللوعة أمصابه
وثالث حال اعزي أهله وأحبابه
واعزي المصطفى المختار والعتره
★★★★★
يا آل الجرايم ما الهن كل حد
من أرض المدينه وصلت المشهد
سامره عليكم والنجف تشهد
وارض الكاظميه وكربلا المقصد
بالمحشر خصمكم والد الزهره
الشاعر حسن لعيبي الحريشاوي