1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
نستنكر حصار المطارات لاي دوله اسلاميه
https://youtube.com/shorts/BYb1ePbbiLA?si=UCc6WyaFHBqBmSD1
كتاب اقوال اهل المشارق والمغارب في أمير المؤمنين علي بن ابي طالب عليه السلام المصور
جمع واعداد وتصميم
الشاعر حسن لعيبي الحريشاوي
اقوال امير المؤمنين علي بن ابي طالب المصورة جمع واعداد وتصميم الشاعر حسن لعيبي الحريشاوي
Читать полностью…
گال ليش الليل مظلم
والنهار انگطع ضيه
گتله حگه الوكت مظلم
كل صباح وكل مسيه
گال شنهي الجره وگلبك
بالحزن ناره سريه
گتله كلشي اليوم يبچي
من الثرى الحد الثريه
گال وشفاگد وتنحب
شلك من بلوه ورزيه
گتله بدموعي اواسي
صاحب الطلعه البهيه
گال وضحلي كلامك
واشجره وشنهي القضيه
گتله هذا اليوم بيده
الموت أخذ روح الزچيه
ارحلت مظلومه وحزينه
. من بعد سيد البريه
الشاعر حسن لعيبي الحريشاوي ✍️
لاستشهاد فاطمة الزهراء (ميمر ملمع )
﴿يا للآسى قَلبُ الهُدى)
(في لوعةٍ طُولَ المَدى)
(عَذَبَّوا قَلبَ الزهراء مِن دونما إحسانِ)
★★★★★
گبر النبي مابعد جف اترابه
ولاسكنت العبرات عگب أغيابه
ناس اصبحوا بعد المودة أذيابه
(اَهلُ العمى كأنما)
(لم يقرأوا في أنما)
(طَهَّر الباري الزهراء في مُحكَمِ القُرآنِ)
★★★★★
الظالم الاول بالجفه گابلها
ماانصف الزهره بظلم عاملها
گال الزچيه كل ورث ما إلها
(حيث أستبد حين اعتقد)
(في شَرعهِ دون سند )
(ليس لها من ميراث لم يأتي بالبرهانِ)
★★★★★
ظنوا الزهره من فدك سلبَّوها
بهذا المهم عن الاهم شغلوها
حتى الخلافه من علي غصبوها
(قد أظهروا مااظمروا)
(عهد النبي قد انكروا )
(وانكروا قول الله في سورةِ الانسانٍ)
★★★★★
اتسجل ادانه فاطمه من طلبت
يخفي گبرها المرتضى شگد وصت
وبليل دفنتها الزچيه اتمنت
(تشكى الاسى للمصطفى )
(في بيتها ماقد جَرى )
(من اول ما أشقاه كان كفعل الثاني)
★★★★★
خاب الدعه مسكين يسچب دمعه
چن ذيب وافعال الغدر من طبعه
برگبته حد الموت موت البضعه
(طاغٍ كَفَرْ اين المَفَرْ؟ )
(في حُفرةٍ يُصلى سَقَرْ)
(شئمٌٌ يرى يوم الدين لم يكن بالحسبانِِ)
الشاعر حسن لعيبي الحريشاوي
لوفاة السيدة فاطمة المعصومة بنت الإمام الكاظم عليه السلام. ( تجليبه)
لمعصومه اعتني بالدمعه والحسره
بت كاظم الغيظ الطاهره الحره
اخذ مني يصاحب هاي معلومه
لورايد دليلك. تنجلي اهمومه
واطيب العلل اگصد المعصومة
هاي المن علي ومن فاطمه الزهره
يم عطر النبوه ومنبع الجنه
ماخاب التوسل بيها وتعنه
محنه ماتضل صدگني كل محنه
وكل مكسور يمها ينجبر كسره
مابين المدينه ومشهد اتقسم
متلوع گلبها ومبتلي. بالهم
خافت مثل ابوها ينغدر بالسم
حزينه بكل معاني الحزن متاثره
تعنت للرضاباللوعه والحرگه.
المفارگ يتاني ساعة الملگه
وافاها الأجل من طالت الفرگه
ماتت من هظمها ماتت ابعبره
تولاها الحزن من سمعت اخباره
عليه اتجمعت عدوان. غداره
خالفها القدر ماوصلت الداره
عاجلها قدرها الصالحة الدره
اركان الخير هذا اليوم مصدوعه
لغياب الكريمه. الدنيا مفجوعه
نكسر گلب الامام وصبن ادموعه
على اخته الطاهره ليوم نكسر ظهره
الشاعر حسن لعيبي الحريشاوي
يمظلومه لاستشهاد الزهراء عليها السلام ملا عادل خضير الكربلائي الشاعر حسن...
https://youtube.com/watch?v=CDbDW6eTjp8&si=F2Y4FyALgEqa2D7h
اندب فاطمة بساحة المحشر
ملا كريم عبد
الشاعر حسن لعيبي الحريشاوي
ضلع الما طاب // الرادود علي الكناني // الشاعر حسن لعيبي الحريشاوي
https://youtube.com/watch?v=gFSSM7Z42wM&si=tw_gqY26hkl44Op1
الليالي الفاطميه
علزهره مامر الفرح والزمن خالفها
اللوعات وايام الحزن والدمعه تعرفها
حسرات وهموم وي ضلع ملچوم
اللوعات وايام الحزن والدمعه تعرفها
★★★★★
اسوت الأيام بيها ظلت ادموع وجفن
الهظم رافگ گلبها وصاريعرفها الحزن
اشعوداها تون تالي شوكت متعوده تون
حنت الشوفة ابوها. ينصدع گلب اليحن
ياشمعه عاندها الوكت للريح وداها
چن ماي من چف الوصي للگاع بداها
الفرگة والنوح وچويات الجروح
اللوعات وايام الحزن والدمعه تعرفها
★★★★★
ياشمس حيدر حسافه نورها ابليل اندفن
اسباب مجهوله وخفيه شعجب ماضمها الزمن
الجرح والمدمع چواها ضلوع منها اتكسرن
الرفس باب الكرامة من نطق چلمة (وأن)
ورگه بعد ورگه تضل شجرتها خلصانه
بفصل الخريف الماگضه ولاغير الوانه
من عصرة الباب وفراك الاحباب
اللوعات وايام الحزن والدمعه تعرفها
★★★★★
انتبه ياغافل وأقره اشدون الراوي اشكتب
فاطمة شنهو ذنبها عليها من صب الغضب
اتحقق واكشف الخافي حقها راح بياسبب
ياهو السالب ورثها وياهو لم بيده الحطب
منهو السلب منها الفرح والسلب راحتها
وقدم مراسيم الحزن واختار محنتها
ياطبت الدار وي لسعة النار
اللوعات وايام الحزن والدمعه تعرفها
★★★★★
بعده ماجف گبر طه اخضر اترابه الگبر
الحرس وصلت الداره بالحرگ عدهم امر
بعد ذيح الرحمه منه وضحه بسنين العمر
ينكشف بيت النبوة ابكسر مابعده جبر
شقصده من لم الحطب بالرعب خلاها
هذي مصالح لوحرص علدين معناها
ياهدت الحيل وياظلمة الليل
اللوعات وايام الحزن والدمعه تعرفها
★★★★★
الليل يعرفها وجفنها. علدمع من ينطبگ
بلاخلگ من بعد ابوها منين للفاگد خلگ
مثل شمعة تضوي لاچن مادروها تحترك
ماتصدگ هذا يحصل. ريت هذا موصدگ
رادوا يضيعون الاثر يااثر يمحونه
السمه ماتسجن شمس بالغيم مدفونه
جروح الغياب وايام المصاب
اللوعات وايام الحزن والدمعه تعرفها
الشاعر حسن لعيبي الحريشاوي
في مدح فاطمه الزهراء عليها السلام ( وزن نصاري )
بيا تعريف اوصف فاطمه شلون
خفت مدحي قليل وسكتتي تزييد
شوصف حيرتي مثل اليوصفون
مداركها المعاني اصبح بعيد
شوصف نور من اسرار مكنون
مثل محزون حار يوصف العيد
يابضعة نبي بيه ازهر الكون
كل يوم اليمر بحروفه تجديد
وين الالفوا وين اليكتبون
محيطات الوصف ماالها تحديد
يدرونچ قداسه وعلم مخزون
يا تأكيد يقبل بعد تأكيد
الشاعر حسن لعيبي الحريشاوي
يمظلومه لحن ياقاروره
الشاعر حسن لعيبي الحريشاوي
قصيدة گعديه عن استشهاد فاطمة الزهراء عليها السلام على طور قصيدة الرادود حمزة الصغير رحمه الله قصيدة شيگول الگلب دسمع يحيدر باسم الله ورسوله
إندب فاطمه بساحه المحشر تشفع بالقيامه
لتظن لحظه تنساك تدري فاطمه هناك
تشفع بالقيامه
★★★★★
ما تخيب يوم ظنك وبهجير الدرب غيمه
ثقه ولا لحظه تعوفك صاحب الفطره السليمه
يوم من تخلص لربك وابتعاليمه العظيمه
بالاخره هي الامل
واصعب امر حالك وصل
معروفه ميزان العمل وفوز ليفوتك نعيمه
متعوفك ابد ثق بالزچيه
باب الجنه بت خير البريه
بيوم الشدد وياك تدري فاطمه هناك
تشفع بالقيامه
★★★★★
فرج بالشده العظيمة فاطمه ودرب السلامه
تلتقط شيعتها لمن تستعر نار القيامه
حبها هيبه وريح جنه ومنزله وشان وكرامه
مغبون كلمن ما دره
بسر الزچيه الطاهره
ما حصد يوم الاخره غير بس حسره وندامه
نجاة من الفتن لو تمر بينه
وشمس بكل درب مظلم علينه
يوم الشدد ترعاك تدري فاطمه هناك
تشفع بالقيامه
★★★★★
فاطمه روح الحقيقه الفجرت نور الرساله
بوجه كل ظالم معاند منهجه الشر والضلاله
ابعلمها الدين ازهر وارتفع قدره وجلاله
كلمن تيقن واعتقد
ام الحسن هي السند
عن دنيا ماتسوه ابتعد وبيها مايربط وصاله
استغيث بفاطمه يوم القيامة
نجاتك باسم باريها وسلامه
لو كل شر تعناك تدري فاطمه هناك
تشفع بالقيامه
★★★★★
مدرسه الزهره ومواقف من المهد حد الشهاده
دروس منها تعلمينه بالثبات وبالقياده
اصلاح وايمان وعقيده كرم واحسان وعباده
وشما يخالفها الزمن
متهز صلابتها المحن
ضربت امثال ام الحسن بالتحدي وبالاراده
توسل بالزچيه ما تجافيك
نار الحاطمه لا ما تمر بيك
ابد ما تجفي ملگاك تدري فاطمه هناك
تشفع بالقيامه
الشاعر حسن لعيبي الحريشاوي
لاستشهاد فاطمة الزهراء (ميمر ملمع )
﴿يا للآسى قَلبُ الهُدى)
(في لوعةٍ طُولَ المَدى)
(عَذَبَّوا قَلبَ الزهراء مِن دونما إحسانِ)
★★★★★
گبر النبي مابعد جف اترابه
ولاسكنت العبرات عگب أغيابه
ناس اصبحوا بعد المودة أذيابه
(اَهلُ العمى كأنما)
(لم يقرأوا في أنما)
(طَهَّر الباري الزهراء في مُحكَمِ القُرآنِ)
★★★★★
الظالم الاول بالجفه گابلها
ماانصف الزهره بظلم عاملها
گال الزچيه كل ورث ما إلها
(حيث أستبد حين اعتقد)
(في شَرعهِ دون سند )
(ليس لها من ميراث لم يأتي بالبرهانِ)
★★★★★
ظنوا الزهره من فدك سلبَّوها
بهذا المهم عن الاهم شغلوها
حتى الخلافه من علي غصبوها
(قد أظهروا مااظمروا)
(عهد النبي قد انكروا )
(وانكروا قول الله في سورةِ الانسانٍ)
★★★★★
اتسجل ادانه فاطمه من طلبت
يخفي گبرها المرتضى شگد وصت
وبليل دفنتها الزچيه اتمنت
(تشكى الاسى للمصطفى )
(في بيتها ماقد جَرى )
(من اول ما أشقاه كان كفعل الثاني)
★★★★★
خاب الدعه مسكين يسچب دمعه
چن ذيب وافعال الغدر من طبعه
برگبته حد الموت موت البضعه
(طاغٍ كَفَرْ اين المَفَرْ؟ )
(في حُفرةٍ يُصلى سَقَرْ)
(شئمٌٌ يرى يوم الدين لم يكن بالحسبانِِ)
الشاعر حسن لعيبي الحريشاوي
لاستشهاد فاطمة الزهراء عليها السلام
وزن المثلث
بلوعه جينه انوح. علزهره الغريبه
والدموع اتسيل. لايام المصيبه
بلوعه جينه انوح. علزهره الغريبه
بالمجالس حالها لمن نذكره
تنزل الدمعات علخدين جمره
المنكسر منها ضلعها شلون كسره
الدنيا ويه فاطمة دنيا عجيبه
شگد عجيبه الدنيا راحتها گصيره
تخلي گلب الطيب اللوعه مصيره
شذنبه بيها يعيش متعذب ابحيره
مبتلي ومهموم والحسره نصيبه
من بعد فگد النبي المصطفى الغالي
النهار انصبغ برماد. الليالي
بعد أبوها البيت. صار البيت خالي
لايرده النوح. لادمعه التجيبه
تنادي بويه لودريت اصار بيه
اكسروا ضلعي خذوا ميراثي من اديه
وچتفوا بحبال حماي الحميه
بهظم صارت بضعتك ذيچ الحبيبه
الجبت والطاغوت من حقها منعها
المنها محسن راح وتهشم ضلعها
لم حطب علدار والوادم جمعها
من هجم علدار حضر چم كتيبه
على مصاب الطاهره الحره الوديعه
نواسي بدموع الحزن حامي الشريعه
بفاجعتها ضاگت اعليه الوسيعه
من المهد حد اللحد دايم نحيبه
الشاعر حسن لعيبي الحريشاوي
احنه اهل العراق المانلف وندور
نستنكر افعال اهل الظلم والجور
غربان الظلام تحارب اهل النور
(ملعونه امريكا وخسرانه)
كل طياره من أيران ما تنزل
مطارات العراق امريكا تستشكل
حل الذل ولا نقبل بحل الذل
(ما يوم تفرقنا امريكا )
استنكار وادانه ضد الامريكان
مرفوض الحصار الجائر على ايران
بجو واحد نعيش احنا ونظل جيران
(للموت انظل شيعه حيدر )
الها أيران ويانا اشكثر وگفات
خلينا الدواعش جثث بالساحات
ما تگدر تذلنا امريكا أبد هيهات
(مو ويانه الخاوه امريكا)
الشاعر حسن لعيبي الحريشاوي
hassan.aliebe12?_t=ZS-8ssQIcvqi2r&_r=1" rel="nofollow">https://www.tiktok.com/@hassan.aliebe12?_t=ZS-8ssQIcvqi2r&_r=1ح
حساب قناتي على التوك توك
على طور بيدك ترف الرايه للمرحوم سعدون طابور عن استشهاد فاطمة الزهراء عليها السلام
(وزن الشيَّاله )
ودموعچ الهَمَّاله هيَّه التوصف الحاله
وجروحچ المهظومه يافاطمة المظلومه
هيَّه التوصف الحاله
★★★★★
ماچانوا ايهابونچ ولاطبع شايل رحمه
ذرة وفه مابيهم
ماچنهم يعرفونچ مارعوا يوم الذمه
بس الحقد طاريهم
يازهره ميودونچ ذوله عذاب الأمه
يدري النبي شتاليهم
احقاد الامس رَبتُّهم لوتنوصف حالتهم
احقادهم معلومه يافاطمة المظلومه
هيَّه التوصف الحاله
★★★★★
من شدَّه بعد الشدَّه روحچ تون يلزهره
يوم الرحل غاليها
ضدچ الگوم وضده من رحل والي العتره
وهذا الجزه تاليها
وياچ الزمان شعنده روحچ تضل بحسره
ودوم الزمن ماذيها
روحچ تعيش بغربه المحسن چتيل شذنبه
وضلوعچ المهشومه يافاطمة المظلومه
هَيَّه التوصف الحاله
★★★★★
دموعچ توصف الحاله حال الگلب وآهاته
وليل الونين وناره
صار الالم يبراله ضلع شكثر لچماته
لامن دوه ولاچاره
تدمي الزمان افعاله وياچ الحرب عاداته
كل يوم هجمه وغاره
ومن حيدر تشوفينه مغضب وتجدح عينه
اعليه العده ملمومه يافاطمة المظلومه
هيه التوصف الحاله
★★★★★
من ظالم الجَمَّعها هاي الجموع اتاني
اكوام الحطب لمووها
وادم رحم ماعدها عنها شيگول لساني
دار الشرف حرگوها
نفس الضماير كلها واحد يوصي الثاني
يافاطمه هظموها
بالگلب تسعر نارچ وانوب حرگوا دارچ
واركانچ المهدومه يافاطمة المظلومه
هيه التوصف الحاله
الشاعر حسن لعيبي الحريشاوي
https://vt.tiktok.com/ZSbdahhYu/
Читать полностью…
هوسات لذكرى معصومة بنت الامام الكاظم عليه السلام
من العصمه قريبه. والمسميها
اخوها الرضا. حوزة علم يدريها
أجر نال وشفاعه من گصد ليها
(ماخاب اليگصد معصومه )
مثل باب الحوايج مبدأ ومنهاج
تگضي بلكرم حاجات كل محتاج
وفود اهل العلل متعنيه الها افواج
( كل صعبه العندگ تگضيها )
الشاعر حسن لعيبي الحريشاوي
لوفاة معصومة بنت الامام الكاظم عليهما السلام ملا كاظم الوائلي الشاعر حسن...
https://youtube.com/watch?v=NYRggXJDmCs&si=2UWsmVEDyw849ggw
بصوت. مسلم المطيري
نعي عن الزهراء عليها السلام
اتعنت الزهره وحنين الجابها
يم گبروالدها تشكي امصابها
يامصيبه العنها تحچي وتشتكي
شگد مصايب ما اجن بحسابها
تشكي حيل المنهدم من الصبر
لوربع للغدر جمع احزابها
لو الم عصرتها لو فگد الجنين
لوجدم ملعون يرفس بابها
لو الم سطرتها من چف اللئيم
الماخجل من فاطمه وماهابها
تشكي من ظلع التهشم ونكسر
ماشفه للموت جرح اصوابها
لوغصب حقها بحجج ماتنقبل
والمقاصد واضحات اسبابها
وناتج الحسرات منهم والهظم
فارگت باول عمرها احبابها
الشاعر حسن لعيبي الحريشاوي
لاستشهاد الزهراء عليها السلام
من المهد حد المنيه
جروح گلبي فاطميه
من المهد حد المنيه
★★★★★
البدايه من دمعها
تنتهي بكسرة ضلعها
فاطمه المحد رعاها
ومن شكت محد سمعها
هذا طبع اهل الخيانه
ظلموا الطيب طبعها
ما تفارگني الرزيه
جروح گلبي فاطميه
★★★★★
فاطميه جروح گلبي
رافگتني طول دربي
ليش ظلموها الزچيه
وعينها للخير تربي
ويل گوم الحاربوها
شاهد أعليهم يربي
مثل نار الغاضريه
جروح گلبي فاطميه
★★★★★
تفرغ من المال أديها
والكرم يبعد عليها
هذا كل مخلص قصدهم
حارب الاول سعييها
يوم يمنعها ورثها
وچلمه موحگ يدعييها
من مقاصد جاهليه
جروح گلبي فاطميه
★★★★★
من الهدايه الشرحجبهم
الله ما يغفر ذنبهم
الحاربوا روح الرساله
بالحطب شنوا حربهم
دروا متودهم الزهره
ولا دربها من دربهم
كل صباح وكل مسيه
جروح گلبي فاطميه
★★★★★
بعد سم النبي الطاهر
ما رعوا روح و مشاعر
داهموا بيت الزچيه
بنار وبسل البواتر
رادوا تغيب الحقيقه
وكون ما يذكرها ذاكر
بهلمصيبه نار بيه
جروح گلبي فاطميه
الشاعر حسن لعيبي الحريشاوي
لاستشهاد الصديقة فاطمة الزهراء عليها السلام (وزن تجليبة)
ويلي علزهره المظلومه
ويلي علزهره المظلومه
★★★★★
غضب وجه الزمان ورعدت أيامه
وسل سيف المنية وحَضًر اسهامه
على جروح الزچيه تمطر آلامه
من كسر الضلوع الليل متنامه
ويلي علزهره المظلومه
ويلي علزهره المظلومه
★★★★★
عبس وجه الزمان ولملم أحزانه
يريد ام الحسن مهظومه حيرانه
روح من البچي والنوح خلصانه
غصنها وروده حيف تموت ذبلانه
ويلي علزهره المظلومه
ويلي علزهره المظلومه
★★★★★
اختلف ليش الزمان اتغيرت ناسه
ميزانه اختلف واندار مقياسه
عدوان الشرع والدين وانفاسه
تريد اتهدم الحق ليش من ساسه
ويلي علزهره المظلومه
ويلي علزهره المظلومه
★★★★★
دنيا بلاامان أشگد فواجعها
الخلت فاطمة تسچب مدامعها
مكسورة ضلع زادت مواجعها
ومكسور الضهر حيدر يودعها
ويلي علزهره المظلومه
ويلي علزهره المظلومه
★★★★★
ليل انهار تنحب مابطل ونها
ماتنهض عليله الطاح محسنها
عليلة تموت شتريد الخلگ منها
الطلبت من علي بالليل يدفنها
ويلي علزهره المظلومه
ويلي علزهره المظلومه
الشاعر حسن لعيبي الحريشاوي
گالولي عندك ذخر بالحشر تنتظره ؟
گلت إي وحگ الذي جبريل گله أقره
گالولي منهو الذخر ياريتك اتذكره؟
گلت الامل بالحشر بالندم والحسره
گالولي وضح الامر موضوعك اختصره ؟
گلت انا عندي الذخر حب فاطمه الزهره
الشاعر حسن لعيبي الحريشاوي
حواريه مع الدهر لاستشهاد فاطمة الزهراء عليها السلام
گتله دهري شهلقضيه
عذبت گلب الزچيه ؟
گال من الازل طبعي
حرب ضد اهل الحميه
گتله هاي أرباة طه
المصطفى سيد البريه !
گال وي اهل الرساله
للابد طبعي الاذيه
گتله چا وين العداله
صاحبتهم آل أميه ؟
گال مثل الدنيا حالي
والفت اهل الرديه
گتله ماهزك كسرها
فوگ ونتها الخفيه ؟
گال متهمني الملامه
والعتب ميفيد بيه
گتله وشظميت الها
من بعد هاي الرزيه
گال انواع النوايب
وأشد بلوه الغاضريه
الشاعر حسن لعيبي الحريشاوي
يمظلومه لاستشهاد الزهراء عليها السلام
الرادود عادل خضير الكربلائي
الشاعر حسن لعيبي الحريشاوي
لخدمة الزهراء عليها السلام
بالعمر ياربي لوضلت بقية
ريت يگضي بخدمة الزهره الزچيه
★★★★★
ريت تگضي بخدمة الزهره حياتي
مره لوعني رضت كل امنياتي
بلكي تحضرني اذا حضرت وفاتي
حتى ميهمني اذا تلفي المنيه
★★★★★
لوبقية بالعمر ضلت يربي
كون درب الزهره حد الموت دربي
ذنوب هاي الدنيا ماترحم بگلبي
شلون دنيا مدري وين تريد بيه
★★★★★
خادم شماراد يحني الدهر ضهري
چفوف رايد باللطم تخسف ابصدري
بالمجالس ينگضي ياريت عمري
وكون كل عمري الليالي الفاطمية
★★★★★
خدمة الزهره رضا الباري ورسوله
ومن فروع الدين حبها ومن اصوله
هيه من اسباب شرع الله ونزوله
يعني حب الطاهره دين وقضيه
★★★★★
أجعلني ياربي وجيها بالزچيه
وناذر اسنيني اضل حد المنية
للشهيده الطاهره الدره النقية
بت نبي الرحمه الوديعه الهاشمية
الشاعر حسن لعيبي الحريشاوي
لاستشهاد الزهراء عليها السلام. موشح
اليوم ياشيعة رحيل أم الحسن
الشافت أنواع المصايب والمحن
★★★★★
الأرض ملچومه تنوح ومظلمه
ومومثل كل يوم حالتها السمه
ابيا گلب حيدر يودع فاطمه
بنار گلبه من دفن جنة عدن
★★★★★
بگلب حيدر تحرگ الدنيا حرگ
وبحوافر خيلها تسحگ سحگ
موأكيد عيونه تغفه. وتنطبگ
ولاكفيل اجروحه يمحيها الزمن
★★★★★
ينظر الزينب وگلبه منكسر
حايره بالدار تنظر كل كتر
يكتل أفراگ الحنينه من صغر
ايام موعلبال يم زينب لفن
★★★★★
داهم البيت الزمن حين الهجم
بيت من جور النوايب ماسلم
فوگ لچماته علي شگد انلچم
الدين كله شلون لفاه ابچفن
★★★★★
انگطعت انفاس الزچيه وهودت
اتلوعت من الظلم واتروعت
بموحشات الليل لمن غربت
مشه الموت وراح يحدي بالظعن
★★★★★
اليوم ياشيعه صدگ وكت الحزن
والمدامع تصب. للزهره ونون
مهشمه اظلوع الزچيه والمتن
والسبب يرجع لأصحاب الفتن
الشاعر حسن لعيبي الحريشاوي