1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
(صليت هذا اليوم ياصايم)
صليت هذا اليوم ياصايم
علمصطفى سيد بني هاشم
ثق مايمسك ويل صلي نهار وليل
علمصطفى سيد بني هاشم
★★★★★
تريد الاعمال الباري يقبلها
خلي الصلاة على النبي اولها
صلي على خير البشر كلها
أعلى المراتب انته توصلها
بصيامك اتهنيت لوعلنبي صليت
علمصطفى سيد بني هاشم
★★★★★
صلي على المختار محبوبك
بهاي الصلاة اتنال مطلوبك
طول الحياة اتنور ادروبك
تمحي الخطايا وتهدم اذنوبك
للفرج باب وخير بهاي الصلاة اتصير
علمصطفى سيد بني هاشم
★★★★★
رمضان شهر الغانمه اصيامه
بذكر النبي تتعطر أيامه
برد وسلام اتحيطك انسامه
ابصدر الذنوب اموجهه اسهامه
يلثابت على الصوم خلي صلاتك دوم
علمصطفى سيد بني هاشم
★★★★★
گال النبي الصله علي مره
اعليه ازيدن بلصلاه عشره
ويوم الحشر بيه ماتمر حسره
وماتضل من ذنوبه لو ذره
يلماتريد النار صلي على المختار
علمصطفى سيد بني هاشم
★★★★★
صلي على الهادي واهل بيته
تنال الشفاعة وماتمنيته
بأسم الزچيه لوترجيته
وبحب على الكرار ناديته
بالغانمه رديت لوعلنبي صليت
علمصطفى سيد بني هاشم
الشاعر حسن لعيبي الحريشاوي
يا ايران
انتم صوت الحق القادم
انتم من انصار القائم
شگد مارايد يعلَه الباطل
ويحكم هاي الدنيا الجاهل
ينذل لازم صوت العايل
وصوت الخايف والمتخاذل
والحق هو الحل الدايم
الخامنئي ياصوت الضارب
مسدد بالله من كل جانب
وبأنفاس الحِجَّه انت الغالب
بأييد وكلمه إنَّصرَك واجب
ياغِيره ويانخوه وعالِم
الخامنئي وَفَّه اعهوده
جنود الحق للموت اجنوده
على اسرائيل بعزمه وزوده
سَوَّه الدنيا اعليهم سوده
سوده الدنيا بوجه الظالم
هز اسرائيل ومابيها
وامريكا الگالت نحميها
بعون الله الباري يمحيها
لكل ظالم عبرة ايسوويها
انتم جيش النخوه الحازم
اسرائيل الشر وناموسه
حالتهم صعبه وميئوسه
خطتهم گالوا مدروسه
ايران من الشر محروسه
رَدَّها الغالب دوم وحاسم
الشاعر حسن لعيبي الحريشاوي
ياخديجه أم الوفى وين
حسن لعيبي الحريشاوي
لوفاة ام المؤمنين خديجة
ملا هاشم البزوني 🎤
الشاعر حسن لعيبي الحريشاوي ✍️
لوفاة ام المؤمنين خديجة سلام الله عليها (فايزي)
ملا عبد الزهرة المياحي
الشاعر حسن لعيبي الحريشاوي
اتصدع تره گلب النبي فاگدله غالين
افراگ الحنينه وغربته بالگلب رمحين
ياراحه يلگاها النبي الراحه تجي منين
احباب راحوا للابد علسفر ناوين
شوغات ماالهن عدد لا ألف وألفين
وياه الدهر شد الحرب ومرادف البين
كل رحم مابيه الدهر لايعرف ايلين
جروحه ضلت بالگلب ضلت نياشين
والدمع ماساعه نشف جَرَّح الخدين
راحت خديجه الطاهره وتيتم الدين
من شمعة البيت انطفت ينطي الوجه وين
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/ADRHnNe2kv4?si=wzn2kd-i-lSVa8_L
Читать полностью…
لوفاة خديجة ام المؤمنين عليها السلام (وزن هجري )
عظم الله يطه إجرك بهذا المصاب
الروح من غابت خديجه عنها كل الفرح غاب
“★★★★★
يارسول الله النوايب من بعدها اموجهات
اعليك والايام غربه وموحشه اعليك الحياة
الصابره بوكت الشدايد كلها ايمان وثبات
للحزن روحك مدينه باب يفتح الف باب
★★★★★
احزام ظهرك بالنوايب لوزمان الدنيا خان
دارها خير وموده من ترد تلگه الامان
هاي بيبان المنايا وهاي عملات الزمان
خذت اغله الناس منك گلبك من اللوعه ذاب
★★★★★
نصرتك لمن الوادم يبو القاسم حاربوك
وآمنت بيك الوفيه بيوم بالصد قابلوك
ام الوفه الماجفت مره وحاربتهم من جفوك
يفخر الاسلام بيها حتماً ورب الكتاب
★★★★★
شمعة الدار وضواها الچانت تزيح الظلام
فرقت شمل الحبايب دنيا موخير وسلام
صعبه علمختارلمن صار الموادع ختام
عشره عام الحزن خلصت فرگه ناتجها العذاب
★★★★★
ايساعد الباري الزچيه علجره وگلب الرسول
لمن يشوفون فرگه فرگه موسهله وتطول
عشره بالتوديع خلصت حزن عنهم مايزول
ياسمه وحنيه كلها أصبحت تحت التراب
الشاعر حسن لعيبي الحريشاوي
لوفاة ام المؤمنين خديجة سلام الله عليها (فايزي)
اتصدع تره گلب النبي فاگدله غالين
افراگ الحنينه وغربته بالگلب رمحين
ياراحه يلگاها النبي الراحه تجي منين
احباب راحوا للابد علسفر ناوين
شوغات ماالهن عدد لا ألف وألفين
وياه الدهر شد الحرب ومرادف البين
كل رحم مابيه الدهر لايعرف ايلين
جروحه ضلت بالگلب ضلت نياشين
والدمع ماساعه نشف جَرَّح الخدين
راحت خديجه الطاهره وتيتم الدين
من شمعة البيت انطفت ينطي الوجه وين
الشاعر حسن لعيبي الحريشاوي
لوفاة ام المؤمنين خديجة بنت خويلد زوجة النبي محمد صلى الله عليه وآله وسلم (موشح)
ياخديجه ام الوفة وياعالمه
غيابچ امأذي الرسول وفاطمه
★★★★★
ياربيع الخير يانبع الوفه.
بالحنان امليتي دار المصطفى
زهره فواحه بمحنه وعاطفه
تستحي من جودچ غيوم السمه
★★★★★
مو وكتها جفنچ.الليله غفه
عام يكسر گلب ابوالزهره لفه
باللحد يم الوفه نورچ صفه
نورچ الزاح الليالي المظلمه
★★★★★
ياهو مثلج منزله بهاذي وصل
هذا جبرائيل يم دارچ نزل
الچ يلحره سلام الله حمل
الچ من الله السلام ايقدمه
★★★★★
دوم لزمة ظهر ساعات الشدد
وي النبي بكل معضله عون وسند
مانظر مثلج ولامثلچ وجد
حگ تسيل دموعه بفراگچ دمه
★★★★★
وي طه ابروح وإحساس وفكر
وقدميتي المال ساعات العسر
شلون ماگلبه يذوب وينكسر
ساعة افراگچ عظيمه ومؤلمه
★★★★★
شلون مايبچي بدمع مثل المطر
ودم يهل من ناظره سيد البشر
يلتركتي اجمل فعل واطيب أثر
وموت لجل الدين اعظم خاتمه
★★★★★
كل كتر بالدار لأنوارچ يحن
فاطمة وجبريل والهادي يون
يوم فاضت روحچ بعام الحزن
گلوب احبابچ حزينه اميتمه
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
على طور حمزة الصغير دهري ذبني لوفاة ابوطالب رضوان الله عليه (ؤزن الدارمي)
عالي زودك تاريخك ابيض ياابوطالب
★★★★★
غيض وكره واحقاد إلهن گبل ساس
زمرة حقد يردون متهابك الناس
حتى ابزغير الگوم كون انته تنقاس
وانته الفديت الدين حد گطع الانفاس
عالي زودك تاريخك ابيض ياابوطالب
★★★★★
أبشانك ايعرفون كلك قداسه
ماچانوا يجهلون اصلك وساسه
من حاربوك الگوم چانت سياسه
عندك بهاي الگوم حكمه وفراسه
عالي زودك تاريخك ابيض ياابوطالب
★★★★★
عم النبي ومعروف دين وشجاعه
شانك يبوالكلفات للباري طاعه
گالوا تطب للنار وانته الشفاعه
بس الچذب والزور عدهم بضاعه
عالي زودك تاريخك ابيض ياابوطالب
★★★★★
الضدك ايكتبون معروفه الاهداف
ومن الله رب الكون ماواحد ايخاف
عالوا وي اهل الخير ماعدهم انصاف
حيف اسمك المهيوب للكفر ينضاف
عالي زودك تاريخك ابيض ياابوطالب
★★★★★
بقول وفعل وبراي ناصرت الاسلام
وابنك علي الكرار هدمها الاصنام
لهذا السبب بغضوك مأجوره الاقلام
وانته الموحد دوم ياراعي الايتام
عالي زودك تاريخك ابيض ياابوطالب
★★★★★
خافي الكفر سووك بأسلامك اتبوح
وانته الفديت المال للهادي والروح
اسمك شفاعه وخير منكتب باللوح
للعده مجد وزال مجدك فلا ايروح
عالي زودك تاريخك ابيض ياابوطالب
الشاعر حسن لعيبي الحريشاوي
لوفاة ابوطالب عم النبي رضوان الله عليه
(وزن الطويل)
شيحچي عنك التاريخ مدري شيكتب الكاتب
ياحامي رسول الله وسند ظهره يبوطالب
★★★★★
ياحامي رسول الله اله عون وچنت كافل
من نوگفلك بتقدير وبأجلال تستاهل
بذلت الروح للهادي رغم كل حاقد وعايل
كل تقدير الك منا وتقدير المحب واجب
★★★★★
يبوطالب الك عدوان اجيال اهواي غشوها
گلبوها المناقب شر مثالب ياما سووها
لان والد علي كرهوك وافضالك ينكروها
جبل من كل كتر انته شيهدمون ياجانب
★★★★★
عليهم فَضلَّك ربك وبايمان وحلم زادك
رعيته من الزغر طه مثل ماتحفظ اولادك
مايختلف بيك اثنين بس گلوب حسادك
يامن تعبد الرحمن وبحبه الگلب ذايب
★★★★★
افضالك ماعرف بيها الجاهل مايثمن الدر
ميشم العطر مزكوم وعين الرمده ماتنظر
لارواح الحقد اقلام بافضالك عكس تنشر
اليوجهلك تهم معلوم من صدر الكفر شارب
★★★★★
بدمع من ودعت طه سيل اتماوج ابخدك
عام الحزن ماينساه سماه النبي بعدك
مهموم النبي وحيدر يبو طالب على فگدك
شحال اولادك ينظرون عنهم من صرت غايب
الشاعر حسن لعيبي الحريشاوي
سابع برمضان من عام الحزن
ملا سعد ابو عبدالله الاماره
الشاعر حسن لعيبي الحريشاوي
ياسيد علي وحشه المسيه
شهيد الدين معلوم القضيه
مصابك مو سهل اعظم رزيه
يا روح المهابه الاحمديه
حفيد المرتضى حامي الحميه
بعزمك حيرت اهل الرديه
شوكه بعينهم حد المنيه
عدوان الامامه الناصبيه
اليهود اهل الظلال وآل أميه
الشاعر حسن لعيبي الحريشاوي
يادهر كافي اذيه 😭
الشاعر حسن لعيبي الحريشاوي
الرادود ..............كرار الطائي
في حب النبي وعترته الاطهار عليهم السلام
(وزن فايزي)
المات على حب آل النبي بالحشر ينزار
ضامنها حسن العاقبه يشفعون الاطهار
المات على بغض آل النبي بالحشر محتار
ماله شفيع بوحشته والموعد النار
المات على حب آل النبي وبهلدرب سار
يلگه اليريده والسلامه تصير إله دار
المات على بغض آل النبي شابحها الانظار
ماكو سلامه لومشه وظلمه الدرب صار
المات على حب آل النبي معلوم الاخبار
ينسگي من حوض النبي المصطفى المختار
المات على بغض آل النبي مايملك أعذار
موحش مصيره وبالندامه الدمع مدرار
الشاعر حسن لعيبي الحريشاوي
ياخديجه للاسف حانت وفاتج
حسن لعيبي الحريشاوي
نعي لوفاة أم المؤمنين خديجة سلام الله عليها
أتهد الحيل فرگاهم الغالين
الوكت وفراگهم بلگلب رمحين
راحة بال بعد الراحوا أمنين
على فراگ اليهدم الحيل ناوين
يلچمات النبي لاوحده وأثنين
للهادي حملها. وجابها البين
يدهر الماعرف يمتاز ويلين
اخذ من داره الاحباب الميامين
بفگد ام الزچيه النار نارين
يلگه الراحه بعد ام الوفه وين
جروح البلگلب خلت نياشين
وعاونها الدمع يجرح الخدين
يكتر العافيه وشم الرياحين
ولاعلبال عنه غفل ترحين
خلافچ ذبل عمره الجزه الخمسين
ياشمعة البيت وياضوه العين
ياثار اليطلبه الوكت يادين
شكثر مهظوم جد الحسن وحسين
الشاعر حسن لعيبي الحريشاوي
لوفاة ام المؤمنين خديجة سلام الله عليها
ثلث دگات
ملا سعد ابوعبدالله الإمارة
الشاعر حسن لعيبي الحريشاوي
https://youtu.be/j4Cy5eCmCFU?si=90j9zmFesvWIZ2Ji
Читать полностью…
بمناسبة وفاة ام المؤمنين خديجة سلام الله عليها
ياخديجة ام الوفه وين
صدگ منچ غمضت العين
عفتي ابو الزهره الحبيب
باقي من بعدچ غريب
صدگ منج غمضت العين
★★★★★
الغربه موزادت على گلب الرسول
رحله حتما رجعه مابيها وتطول
شلون حال البيت لوحال البتول
عفتي جرح المايطيب ولايزول
العشره لا موسهله وتهون
صعبه حيل على اليحبون
المصطفى عاش بنحيب
باقي من بعدچ غريب
صدگ منج غمضت العين
★★★★★
منهو أول من گدر ينصر الدين
وين مثلچ طه يلگه يلگه وين
محيتي جرحه ولوعته وتعب السنين
نار تحرگ من توج نار الحنين
ياخديجه ام الوفه شلون
تغفه هيچ بساع العيون
جرح طه مايطيب
باقي من بعدچ غريب
صدگ منج غمضت العين
★★★★★
مابخلتي بعمرچ وزهر الشباب
وبالحصار شكثر قاسيتي العذاب
يلنصرتي النبي ودينه بالصعاب
يلحميتي الدين وحفظتي الكتاب
بلاطعم من تمشي الايام
طه ظل بعدچ بالالام
ينادي طه ولامجيب
باقي من بعدچ غريب
صدگ منج غمضت العين
★★★★★
من حنانچ خالي ياحيف المكان
يلمليتي البيت بالود والامان
جرح فرگه مايطيب وي الزمان
بگلب طه وفاطمه يم الحنان
وحشه بعدچ صارت الدار
الخاف من عنده النبي صار
الجرحه ماينفع طبيب
باقي من بعدچ غريب
صدگ منج غمضت العين
★★★★★
انصرتي طه شكثر لمن عارضوه
وصدگيتي اقواله لمن چذبوه
ماجفيتي وصرتي مثل الي جفوه
حرب صرتي على الناس الحاربوه
صعبه كلمن مثلچ يروح
النبي لجلچ لجلچ ينوح
چنتي اله اقرب قريب
باقي من بعدج غريب
صدك منج غمضت العين
الشاعر حسن لعيبي الحريشاوي
لوفاة ام المؤمنين خديجة
رضوان الله عليها(وزن عگيلي)
الله يساعد گلب الزهره
لمصاب أمها اتعيش ابحسره
★★★★★
أمها العاشت نار الغربه
ماعافت طه ولادربه
بالسهله وَيَّاه وبالصعبه
وبالحلوه وَيَّاه وبالمره
★★★★★
للهادي شگد ضحت أمها
ماغير الاسلام ايهمها
وسفه اتراب الگاع يضمها
عگب اللمَّه وذيچ العشره
★★★★★
هيه ابوكت المحنه الناصر
عون وملگه وجبرة خاطر
لاچن طبع الدنيا الغادر
من احمد سلَّبَتْ هاي لدَّرَه
★★★★★
هيه الناصر وكت المِحَنَه
وياما دفعت كل هم عنه
سبقت طه الدار الجنه
ياكسر الفاگد شيجبره
★★★★★
ايعين الله الزهره ابفرگتها
والهادي الفارگ شوفتها
والدار الفگدت شمعتها
مثل الليل الغايب بدره
الشاعر حسن لعيبي الحريشاوي
لوفاة ام المؤمنين خديجة بنت خويلد رضوان الله عليها (وزن المثلث)
وفه وطيب وعاطفه تحمل صفاتچ
ياخديجه أم الوفه شگد تضحياتچ
وفه وطيب وعاطفه
كلها لاجل المصطفى
شگد تضحياتچ
★★★★★
بصف محمد يوم كل الناس ضده
وابوجودچ ماشعر بالدنيا وحده
اول أنصاره. اذا ماتمر شده
حتى لايثني الوكت عزمه ويرده
هلعمر شمعه وطفه
كلها لاجل المصطفى
شگد تضحياتچ
★★★★★
للمنيه وقف خليتي حياتچ
ماتعده الخير يوم وعبر ذاتچ
وين يلگه بعدچ التحمل صفاتچ
غابت البسمه عليه ساعة وفاتچ
يلحملتي اهل الجفه
كلها لاجل المصطفى
شگد تضحياتچ
★★★★★
چذبوه وانتي بيه الصدگيتي
وخطوه خطوه وياه من هاجر مشيتي
الدين الله شكثر يم قاسم وفيتي
لاخر انفاس العمر ماقصريتي
ايامچ الخلصت وفه
كلها لاجل المصطفى
شگد تضحياتچ
★★★★★
طبگ چف الموت يلحره كتابچ
طه ظل بلوعته يشكي مصابچ
ياعذاب اكثر عذابه لوعذابچ
بيوم عام الحزن سماه بغيابچ
دوم جفنچ ماغفه
كلها لاجل المصطفى
شگد تضحياتچ
★★★★★
وين ام الزهره وانته اليوم وينك
راحت البلشده يلهادي تعينك
عن يسارك خاليه الدار ويمينك
. القدمت اموالها وضحت الدينك
تنادي علدنيا العفه
كلها لاجل المصطفى
شگد تضحياتچ
الشاعر حسن لعيبي الحريشاوي
لوفاة السيدة خديجة رضوان الله عليها
سلام الله على الحرَّه
خديجه سلوة الزهره
سلام الله على الحرَّهَ
★★★★★
العفيفة ومنبع الرحمه
الجليلة المؤمنه القمَّهَ
الحكيمه التملك الهِمَّه
وگلب ماينهدم صبره
سلام الله على الحرَّهَ
★★★★★
النجيبه العالمه القدوه
الكريمه الفاضله الصفوه
خديجه صفوة النسوه
سلام الله الف مره
سلام الله على الحرَّهَ
★★★★★
السخيه وروح للعصمه
الرشيدة بعزم وبحكمه
الامينه الجاه والحشمه
مصدر فخر للعتره
سلام الله على الحره
★★★★★
خديجة النصرت الدعوه
الرجاحه الحزم والنخوه
احملت من الزمن قسوه
الحليمه المخلصه الدَّرَه
سلام الله على الحره
★★★★★
الوفيه للنبي الطاهر
القويه وبگلب صابر
اتحدت كل نهج كافر
الچانت علظلم ثوره
سلام الله على الحره
الشاعر حسن لعيبي الحريشاوي
رادوا ايصغرون قدرك
لوفاة ابوطالب رضي الله عنه (وزن شيعتي )
رادوا يصغرون قدرك
وانته مثل الشمس أمرك
يابوطالب
يابوطالب
★★★★★
گالوا اسلامك تقية والمقاصد جاهلية
يابوطالب واعرفتهم حسد كلما بلقضية
ياموحد عمرك انته من المهد حد المنية
حرب ضدك لان والد حيدرة حامي الحمية
يلي ماينقاس صبرك
وانته مثل الشمس أمرك
يابوطالب
يابوطالب
★★★★★
بالاساليب الهزيلة رادوا يصغرون دورك
چي الك دور ومكانه بلشدد واضح حضورك
حاولوا بالفشل ردوا عجزوا يطفون نورك
غايتك تنصر الهادي برايك وعلمك وشورك
انت للحق بعت عمرك
وانته مثل الشمس امرك
يابوطالب
يابوطالب
★★★★★
تشهد اشعار الگلتها على ايمانك هيه تشهد
وگلت افضل كل ديانه دين ابوالقاسم محمد
گلبك على الدين ثابت لحظه وحده ماتردد
رادو يصغرون قدرك ما إلك اي ذكر ينعد
عاجز القاصد يصغرك
وانته مثل الشمس امرك
يابوطالب يابوطالب
★★★★★★
للنبي ناذر حياتك حافظ وكافل وناصر
بعزمك وزودك حميته وبكلامك وانت شاعر
لان والد علي الخله خله جيش الكفر حاير
لهلسبب گال اليضدك ابوطالب مات كافر
عن حقد هذا اليكفرك
وانته مثل الشمس امرك
يابوطالب يابوطالب
★★★★★
لملة ابراهيم ير جع ابوطالب لو تعدد
جده اسماعيل يعني من نسل طاهر المولد
ومن اصل يعبد الباري لاصنم لاغيره يعبد
سيرته لساعة وفاته مات ابوطالب موحد
مايحيير الي يذكرك
وانته مثل الشمس امرك
يابوطالب
يابوطالب
الشاعر حسن لعيبي الحريشاوي
لوفاة ابوطالب رضوان الله عليه
عالي شانك يابوطالب. يلنلت اعلى المراتب
خابوا اليردونه.
دورك يهمشونه
يلنلت اعلى المراتب
★★★★★
مؤمن بدين النبي قول وجوارح
ماتبدل منهجك. . بين الجوانح
السيرتك قصدوا يغيرون الملامح
حمله عدوانيه بيها الحقد واضح
استعملوا كل الوسائل. گالوا ابدينك تجامل
افكارهم محدوده.
الدين انته وزوده
يلنلت اعلى المراتب
★★★★★
افتراءات وچذب مابيه براءه
المقصد يوجهون الك اكبر أساءه
يلنصرت الهادي وملبي نداءه
وحيدر ابنك بالحرب رافع لواءه
رادوا يصغرونه شانك.
انته يلعالي مكانك
المؤمن ايعرفونه. كافر ايسمونه
يلنلت اعلى المراتب
★★★★★
ذاك عام الحزن يشهد يابوطالب
بآخر انفاسك چنت بالدين ذايب
توصي حيدر بالنبي لجله. يحارب
نصرت المختار عنها تگول واجب
بآخر انفاسك تنادي.
نصرتي للنبي الهادي
احقادهم مدفونه. فضلك ينكرونه
يلنلت اعلى المراتب
★★★★★
الجده اسماعيل من فكره وبيانه
علشرك گالوا گضه عمره وزمانه
وكلمة التوحيد بس لفضه بلسانه
ناتج ومقصود يسعون الهوانه
وهاي الاحقاد اللئيمه من زمن سالف قديمه
اسبابها المعروفه.
اصبحت مكشوفه
يلنلت اعلى المراتب
★★★★★
والمصادر كثره. ايمانك تذكره
منهو يگدر. يا ابوطالب ينكره
من الاصلاب الطاهره ومن خير شجره
يلعليك المصطفى مكسور ظهره
غيبتك نار ومواجع. أشد من كل الفواجع
مهجته محزونه.
والدمع بعيونه
يلنلت اعلى المراتب
الشاعر حسن لعيبي الحريشاوي
حزني على عم النبي
ملا سعد ابو عبدالله الاماره
الشاعر حسن لعيبي الحريشاوي
عام الحزن لوفاة أبو طالب عم النبي رضوان الله عليه
ملا سعد ابو عبدالله الاماره
الشاعر حسن لعيبي الحريشاوي