قصيده لامام الحسن
☆☆☆☆☆
لطمت زينب عالراس
لمن شال واليها
دكت عالصدر عالعين.
للسموه لطمت زين
خلصو اهلي الطبيبن.
بس ظاليت اون ليها》
وسفه سمته جعده.
تنمرد بطشت جبده.
ابو محمد وصل حده.
والعيله شعمل بيها》
اه بافرحة الشمات .
من كالو اخيج مات.
يالمندوب بللكلفات.
يالماتبطي عليها》
ياحركت دليلي عليه
من شفت الاخو مغطيه
ريت بعمري كون افديه.
وسنيني اله اهديها 》
الله يساعدج يم عون
.فاركتي تحوج اشلون.
فراكه عليج مو بالهون .
صدمه شلون شلتيها》
*ناعيه الخيام*
ام فاطمة
. /channel/UmfatimaALzahraa34
قصيده للامام الحسن سلام الله عليه
______
للمسموم كل النوح
ولاخته نعازيها.
يستاهل ندك لصدور.
ابو محمد كظه مقهور.
بسم الجبد مفطور.
قصته هاي تاليها/
يعين الله كلب اخته.
تبجي وتنتحب سكته.
من الضيم نخته .
اكعد يابطل ليها/
تبجي عليه عيب تهيد.
ابو محمد مشه البعيد.
غير مرافكه منريد.
فراكه حيل ماذيها/
نام وغمض اعيونه.
شلون اهله يعفونه.
الدار مظلمه ابدونه.
وحشه خلاف راعيها/
دوهنه جبير الدار.
راح وعافنه طشار.
ها يا وكتي الغدار.
بهالعمله التسويها/
ازغار ولاده يردونه.
سراج البيت والعونه.
ياوسفه يفكدونه.
الدنياهم مضويها/
*ناعية الخيام*
/channel/UmfatimaALzahraa34
قصيده اهديها للامام الحسن عليه السلام
___
اون اليوم عالمسموم
ياهو الي يعازيني /
اخوي ينوح وتراده
وحضرت يمه الساده
سمه فتت افاده
وعاميلي نظر عيني /
وناته تهد الحيل
عليه سهرانه طول اليل
ابو محمد ونينه اثكيل
وياحاله يبجيني /
يم اطفاله ملتمه
تون وصيح ياعمه
ابونه ياهو السمه
وبواجبهم تجويني /
اه يحال ابومحمد
اخوي الجبده تمرد
جمرته بكلبي ماتبرد
اخوي وحاله ماذيني /
انوح اليل كله اعليه
اخوي وبس افكر بي
شمسوي العده تاذيه
اخوي الموته يعميني/
اصيحن اه واويلاه
اخوي وكون اموت اوياه
ما اصبر بعد عيناه
بموتن خلصت سنيني /
ناعيه الخيام
فاطمة الزهراء ✍🏻✍🏻✍🏻✍🏻✍🏻
نهايه مجلس
_________
نون ون حيل والزينب نعازيها./
على هظم الشماته وذبح اهليها./
زينب تنسبي ياوسفه تاليها./
موليه مشت من جور اعديها./
محد شافها ومحد دره بيها/
.
تظل دوم بهظيمه الشال واليها./
خل نلطم سوه وزينب نواسيها./
بالدمعات ياشيعه نواسيها /
شلون تحملت سكنه وبواجيها./
وياهظمه رقيه وجر تراجيها./
عالطفله اشكلتي من دفنتيها/
ماتت بالخرابه ويلي اعليها/
يازينب اشكلتي من دفنتيها./
*ناعية الخيام*
قصيده لثورة الحسين
__
الك يحسين هالونه النون بيها./
من يوم نولدنا نستمع ليها./
من يوم الولاده رافكينها.
امنه تنوح وحنا انوح وياها.
من وحنا اجنه اعرفنا معناها.
على رفض الظلم رايه نعليها/
ببطون الحناين نسمع نعوه.
جنها للحزن تنطينه دعوه.
نشارك بدمع ولا اه والوعه .
نحضر للمجالس دوم نحييها/
الله خصصانا نقيم هالماتم.
من يوم الولاده الطلعت القائم.
واليكظي حياته ابد ما نادم .
نرفع رايتها بروح نفديها /
من عمر الطفوله نعشك النوحه.
وكلوب التحبك دوم مجروحه.
مناحرنه غدت للدين مذبوحه.
وللزهره ببنها احنا نعزيها/
كل هذا الوكت وعدانه متحزمه.
لاتعرف ضمير ولا الها رحمه .
من دمانه شربت كوس مزدحمه.
وحنا ويه التضدنه شلون تاليها/
*ناعية الخيام*
/channel/UmfatimaALzahraa34
ياعلي مدد يامهدي سند:
محاضرة قصيرة للمحبّات في بداية محرم
عنوانها: "العبرة قبل العَبرة"
بسم الله الرحمن الرحيم، والحمد لله رب العالمين، وصلى الله على محمد وآله الطاهرين.
أخواتي المؤمنات، يا محبّات أهل البيت (ع)، عندما يحل شهر محرم تتوجه القلوب إلى الإمام الحسين بن علي، وتسيل الدموع على مصابه. ولكن أهل البيت (ع) أرادوا منّا أن لا تكون القضية دموعًا فقط، بل أن تكون دموعًا تُغيّر السلوك وتُصلح النفس.
ورد عن الإمام الحسين (ع): "إنما خرجت لطلب الإصلاح في أمة جدي"، فكل واحدة منا تسأل نفسها: ماذا أصلحتُ في نفسي منذ محرم الماضي؟
كم من إنسانة تحضر المجالس سنوات طويلة، لكنها ما زالت تحمل الغيبة أو الحسد أو الخصومة في قلبها. وكم من امرأة حضرت مجلسًا واحدًا بقلب صادق فغيّرت حياتها كلها. العبرة ليست بكثرة الحضور فقط، بل بالأثر الذي يتركه المجلس في النفس.
أخواتي، الدنيا سريعة الزوال. كم من أشخاص كانوا معنا في محرم الماضي واليوم هم تحت التراب ينتظرون دعوة أو رحمة. هذا يدعونا إلى محاسبة أنفسنا قبل أن نُحاسَب. المال يزول، والجمال يزول، والمنصب يزول، لكن العمل الصالح يبقى.
تأملن في نساء واقعة معركة كربلاء، وعلى رأسهن زينب الكبرى. واجهن المصائب العظيمة، لكنهن لم يفقدن إيمانهن ولا صبرهن. فإذا كانت لدينا مشكلة أو ابتلاء، فلنتذكر ما جرى على أهل البيت (ع)، ولنجعل ذلك دافعًا للصبر والثبات.
ومن أعظم المواعظ أن الإنسان لا يضمن عمره. قد يكون هذا آخر محرم نحضره. لذلك لا تؤجلي التوبة، ولا تؤجلي الاعتذار، ولا تؤجلي صلة الرحم، ولا تؤجلي الصلاة في وقتها. اغتنمي الفرصة ما دام الباب مفتوحًا.
يا محبّات الحسين (ع)، علامة المحبة الحقيقية ليست في اللسان فقط، بل في الطاعة والأخلاق. من تحب الحسين (ع) تحفظ لسانها، وتستر نفسها، وتحترم الآخرين، وتربي أبناءها على القيم والمبادئ.
فلنجعل هذا المحرم بداية جديدة:
بداية للتوبة الصادقة.
بداية لترك الذنوب والعادات السيئة.
بداية للتقرب إلى الله تعالى.
بداية للاقتداء بأخلاق أهل البيت (ع).
نسأل الله بحق الإمام الحسين (ع) أن يجعلنا من السائرات على نهجه، وأن يرزقنا شفاعته في الدنيا والآخرة، وأن يتقبل منا هذا العزاء وخدمة أهل البيت (ع). فالنفتدي بغخر المخدرات زينب عليها السلام التي لم يرى غريب خيالها الى ان فقدت ابناؤها وخوتها في ساحه المعركه ولم يبقى لها احد خرجت ولكن اي خىوج خروج الوفوره المحتشمه رعم كل الالم الذي تحمله بصدرها اي واه زبنباه
ظليت اون ونه شجيه
كتال ظيم الغاصريه .
جا وين اروح بهالمسيه
شفتك امدد ياشفيه
يارحمة الباري عليه
ويا ماي وتبده من اديه.
متعوبه وهزيله النوك
درب الشام هد حيلي.》
درب الشام خويه طويل
من عنده صحت ياويل .
ماظل عد اخيتك حيل .
خويه ومانمت ليلي 》
اطفالك بدرب يبجون .
ورضع بقو يلعون .
احتار الدليل شلون .
ظيم عداك يبريلي 》
يالوالي شفت شوغات .
من عدهن دليلي مات .
اه ياهظمة الهظمات.
من عدهن صحت ويلي 》
ظيم الشفته ياخوان .
ماضن شافه يوم انسان.
ماشاله الانس ولجان .
منه ذايب دليلي 》
درب الشام كله هموم .
عدوانك عليه تحوم .
هالشمات ياجيدوم .
بالهم عبت شليلي 》
دمعاتي تصب نيران .
اه ياهظمت العدوان .
من بعد الزلم لحنان.
دمعاتي دمه سيلي》
*ناعيه الخيام*
ام فاطمة
. /channel/UmfatimaALzahraa34
قصيدة ارفع ايدك لمجالس ابا عبد الله
------------
ارفع ايدك ارفع ايدك
هاي الطمه هناك تفيدك
-----
ارفع ايدك ولطم صدرك
لوتنصر لحسین ينصرك
ظل ویاه وخلص عمرك
ولو شح دمعك انطي وريدك
--------
صرخه تعلت يوم العاشر
ضد كل حاقد ضد كل كافر
وظل حسين بلايه ناصر.
ولحاله الوالی الطم جیدك.
-------
للظل وحده ومحد عانه
وكسرو يوم الطف ضلعانه
كتلوهه وكتلو رضعانه.
هذا الي سوو بعميدك .
-------
الطم ياشيعي اعله حسينك
هوه الي ينصرك ويعينك
وتمسك بالال ودينك.
وتعيش بعز هوه يريدك .
-------
حبل الله حسين ولاتعوفه
ولاتخسر مثل اهل الكوفه
نكروه ونكرو معروفه.
وكلوله ارجع لا منريدك .
ناعيه الخيام
ام فاطمة الزهراء ✍✍
قناة لرثاء اهل البيت
/channel/UmfatimaALzahraa34
قصيده للزهراء
__
شدي الطم لم حسين
والونه دعليها
،،،،،،،،،،،،د،،،
نخيها ولا تقصرين
هاي ام الحسن وحسين
هي وبس تكر العين
والحاجه اطلبيها
عطايه تظل لمراد
بس ابجي لبو السجاد
هاي الضيعت الولاد
معكود الامل بيها
ماتبخل علا اليبجون
ولي بالعزه يلطمون
لجل البقه وما مدفون
وجثته العده مخليها
خلي دمعتج تجره
لجل الكطعو نحره
وصيحي اه يازهره
روحي حيل وافيها
لطمي حيل للمسلوب
الظل علا الوجه مكلوب
وخته تنتحب وتلوب
ومجتوفات ايديها
للمحروم شرب الماي
عنيني ولطمي وياي
وعلي الونه مو بهداي
امه بونه عينيها.
*ناعيه الخيام*
ام فاطمة
. /channel/UmfatimaALzahraa34
قصيده صرخه حسينيه
.................
ثورة ثورة. ضد الباطل
حسين الفجرها ويه الكافل
ثورة مذهب.. دومه مصوب..
اسمع هذ الخبر العاجل
ثورة ثورة. ضد الباطل .
....................
ثوره وهای الکلمه عباده.
ترجع الاهله الحق ياساده.
مهمه انكطعت روس القاده
نرفض موتتنه اعله وساده.
ثورة اصلاح ال هل امه .
قادها حسين بكل همه.
راعي الحق لاضن يتنازل
..................
صوت الحق ماینظم لا له.
ولاتتگطع خفیه اوصاله.
ربک چم رایه ال علاله.
وبهیبه یرفعه واجلاله.
ثوره ثوره .وربك ناصر
وتوکل عالباری القادر
اجمح مثل المهر الصايل..
...........................
حسين الفجر ثورة ثائر.
ما همه الخاين والغادر.
راد يعلمك مثله تكابر.
وتذل الفاجر والجائر .
ثورة ثورة .حسين الهدها
تجرف كلمن يوكف ضدها
للباطل بالك لاجامل .
....................
ذبحو كم نجمه وكم كوكب.
ضنو نور الحق يتحجب.
دم النازف ظل يضهضب.
والصابه ابعماله اصوب .
خاب المسعه وخاب العادي
وظل صوت الهيهات ينادي
رمح وصوب كلب العاذل..
.........................
جف الحق لاضن يتلاوه.
وصرح الذل لابد يتهاوه.
عرش الطاغي بكاعه تساوه.
ولاضن جرحه يفيده مداوه .
ثورة حسينيه وﻻئيه .
ماتخلص وظل دهريه .
وتنهي العهد النازي الفاشل.
....................
ناعيه الخيام
ام فاطمة الزهراء ✍✍
نعي لحن الفراق
****
غربيتي ،ياشموس الغاضريه
غربيتي ،وضاكت الوسعه عليه
غربيتي ، وانا مشوني سبيه
غربيتي .بالحبل مربوطه اديه
غربيتي .ورافقت علجان اميه
غربيتي .انوارج اخذتها المنيه
غربيتي .وونتي صارت شجيه
غربيتي .ودمعتي ظلت جريه
غربيتي .ياشموس اعله الوطيه
غربيتي .وحزنت اعيون الزجيه
ناعيه الخيام
ام فاطمة الزهراء ✍
ياعلي مدد يامهدي سند:
قصيده علا لسان السيده زينب للامام العباس
_
اجيناكم مطر تايه علا جرف النهر طحنه
نادينه برفيع الصوت بسمك يابطل صحنه
صحنه ولا سمعنه جواب جنه مستحي العباس
خويه يابعد حيلي يالضحيت بالانفاس
ماتدري يبعد اهلي فراكك شيبالي الراس
انا الجيت خجلانه لان عفناكم ورحنه
يخويه ياعزيز الروح يالماكو اعز منك
يالرابي بشليل اختك فرحتي من زغر سنك
ياشيمه ومعزت روح حسبالك تهت عنك
ادري جفوفك مكطات ماتكدر تصافحنه
ياخويه و يا بعد عيناي يالجنك كمر ضاوي
كبعني بعباته الليل حيلي بفركتك داوي
الك ونه بضمير الروح اونن بيهه غفلاوي
لاتسمعني الشمات وفوك الظيم تجرحنه
انفض تربك وردلي اريد امسامرك يازين
تردلي روحي بحسك بعد حسك اجيبه منين
خفه صوتك وانفاسك يلي عاشرتني اسنين
شكثر ياخويه مشتاكين كوم اكعد وصابحنه
محلاتك ياعود البان يانسمات العذيبي
جنت مثل الشمس ازهي غزاني بفركتك شيبي
اموتن ما اظن احيه بعدك يادوه كليبي
الموت اهون علي ياخوي ولااتحمل المحنه
ناعيه الخيام ✍
ام فاطمة الزهراء
غير مبري الذمه من يقوم بحذف اسمي من جميع قصاءدي
. /channel/UmfatimaALzahraa34
بعد السباع الغربو
يحدي الشمر بضعوني》
من بعد اخوتي وهيبتي
حركولي بطف خيمتي
. ظليت من بعد اخوتي
ميسره وخذوني 》
الشمر يحدي بضعن
.وبانتنه يتناحبن
. ودمعاتي نار ووجرن.
ومغوركات اعيوني.》
يالحالنه الماينحجي
ظلينه بالهم والبجي
. بيمن يخوتي انتجي
يالبلفه عفتوني》
اعداك ماعدهم رحم
هجمت علي خيل وزلم
.ظليت محتاره بحرم.
وطفالك الحيروني》
دكيت صدري والمتن
.من الهظم كلبي يون
بعيالكم خويه امتحن.
عدوانكم هظموني》
حزني عليكم مايفل.
ولا ينجرع لا ينحمل .
دمعاتي عليكم تهل
يلي هدلتو متوني》
*ناعيه الخيام*
ام فاطمة
. /channel/UmfatimaALzahraa34
راح الجان رفعة راس》
يفزع من احشمنه》
عباس الي جان العون
وسفه اعله النهر مطعون
كلبي عليه ظل مطحون
راح وايست منه 》
ظليت انتحب للجان
بشده الي عوان
ياوسفه زماني خان.
خلاني اكطع الضنه》
حزام وعون بشدات
ها يراعي الكلفات
.كالولي عزيزج مات.
وظلي بنوح وبونه 》
ريت عيوني عميه عليك
ياخويه الكلب يفيدك
نوماس اتنومس بيك
يلعد الحيل يمجنه》
وسفه اطيح عالشاطي
يامندوب يزماطي
. ظل بس الهظم غاطي.
روحي وضلعي اتحنه》
الك دكت صدر دكيت
يالغصبن عليه امشيت
. لختك ليش مارديت.
وسفه غربت عنه》
حزنك مايفل للدوم .
ونعه عليك يامظلوم
يالعلمك علم ميشؤم
ياشمعة منازلنه》
*ناعية الخيام*
. /channel/UmfatimaALzahraa34
قصيده اهديها الى مولاتي جبل الصبر
____
وين هذا اليوم حالي ووين حالي بالامس
جنت بظلال الهواشم هسه وحدي بشمس
امس جنت انا اميره بالهوادج وي هلي
وكلهم يشيرون ليه كولي خويه ادللي
انتي زينبنه الحنينه وصيت الوالد علي
ولوصيه شكد عزيزه اعز حتى من النفس
امس جانولي الغوالب على اليمن وعالشمال
ويمشي صعني بكل هيابه غالي ومحمل دلال
شحده يدنالي غريب يشوف من عندي خيال
خواني العزاز اعله كلبي هم لي عاضه وحرس
: راح كل هذا وبقيت بلا حمه ووبلا وصي
وصار تضربني النذاله بسياط وبالعصي
وصدر الحسين العزيز الظالم اعليه ينتصي
بعد ما جسمه الشريف الطاهر سهام انترس
بعد كل هذا دلالي صرت مركب للقهر
محمل اهات ويتامه ومشي كيعان الخطر
سياطهم هي الدهتني ونزلت اعليه جن مطر
كون ويه خواني ميته وبترب جسمي اندرس
شايله يتيمه اعله صدري وعالجتف احمل يتيم
ولوذت حدر العبايه ايتام خافنها تهيم
طفرت من الخيم تركص بعد ما صارت جحيم
وهاي ايتام اتباجه لهب حامسهم حمس
ناعيه الخيام
ام فاطمة الزهراء
انواسي زينب بالحسن
مسموم هاي الليله》
نلطم ندك اعله الصدر
من دونه مايسوه العمر .
مفكود ياراعي الفخر.
وسم عدمله حيله》
ونينه وي زينب سوه
مافاد طب ولادو ه.
وسغه ابو محمد نوه.
يفرك تره مدالليله》
حسرات زينب تنسمع
ويسيل من عدها الدمع .
وناتها حدر الضلع.
شايل جبير العيله》
مسموم يانااس الحسن
ويامه باوسفه انكظن
. خلانه بالهم والحزن.
ومدمعنه دم انسيله》
ويلاه يبنت الطاهره
للحسن مدمعها جره
ويلي بكلب الصابره.
مفجوع وتنعيله》
سموه ياحيف العده .
وظيم الي شافه ماسده
. وبسم جبدته امرده.
وخوانه اتجيله》
*ناعيه الخيام*
ام فاطمة
. /channel/UmfatimaALzahraa34
قصيده لوفاة رقية
_______
دفنو رقيه بهل المسه.
وبلدموع غسلوها.
ماتت على راس الولي.
احضرني ياحيدر علي.
ماضنه ليلي ينجلي .
بنتك تره هظموها/
ماتت رقيه من الحزن.
تبجي على ابوها وتون.
وحنا بخرابه والسجن.
والعدوان حاطوها/
ميسوره مابين العده.
وروحي عليها مرده.
كلبي يكلب الوالده .
وحيل الكوم اذوها/
طفله وهظم ماتحتمل.
وسحلوها عالغبره سحل.
وشدو اديها بالحبل .
وفوك الهزل شالوها/
مجروح منها كل كتر.
ودمها يولي ظل يخر.
من الجدم من الضهر.
بالسياط لوعوها/
ماتت وجعها من المتن .
ازرك صفه من الطعن .
وياذيها ياجرح الاذن.
بطف حيل جروها/
فرفح كلبها من الهظم.
ماتقتنع ماتفتهم
وشلون اكلها بالعلم.
اظل تنشد اعله ابوها/
*ناعية الخيام*
/channel/UmfatimaALzahraa34
قصيده للسير للسبي
__
تمشي لليسر وروس
بهيبه تمشي وياها.
محزونه وتهل العين.
وفوك الرمح راس حسين.
تباوعله وتجر الونين .
هو البجه عيناها/
تظل مرافكه السلاب .
تمشي عالجمر لهاب.
بالدلال الف مصاب .
هدها وطيح الوها/
حرمه وتنظر الخوان.
روس معلكه بسنان.
صارت لاحزن عنوان .
مهظومه يابت طه/
اه يحسين نادته.
شلون الي يعوف اخته.
دمعتها جرت سكته.
ولجله سالت دماها/
يبن امي الكلب دامي.
دربك تعب جدامي .
وهاي الروس جدامي .
دمع دموم بجاها/
راح ادخل بعد ديوان.
وبيه تشمت العدوان .
حا ياجمرة الخوان
حسين مصابه جواها/
*ناعية الخيام*
/channel/UmfatimaALzahraa34
رده للخدام
___
حسين اعذرنه اعله الطف ما لحنه اعليه/
لو ينعاد نتمدد تحت رجليه/حسين تعذرنه اعله الطف.
بعز واغله المناحر بالحرب نفديه/
ننطي رواحنه من دونه ونحاميه/
يا العطشان يلي بدمه نروييه/
ياغالي علينه ونفس ننطييه/
يقران المجالس كلنه انسميه/
زغار كبار نزحف صوبه منخليه/
متاسفين راح وما نهضنه ليه/
حسين ارواح ننطيها ولا نجازيه/
يا بيرغ شرف نفخر نهوس بيه/
رسول الله بعزيزه اليوم خنواسيه/
وعلي الكرار بولاده تره نعازيه/
*ناعيه الخيام*
/channel/UmfatimaALzahraa34
الك غصه جبيره بكلبي ماتهمد
والك شوغات تعصرني شكثر وشگد
مشيت وللموادع ماشفت شبگات
عفتها الذكريات البيهن اتوسد
ابنك ذكراني بحمل كومه اسنين
وبذيچ الليالي اتنومس ومجّد
غفيت بلحظه وحده وزاحماك الموت
خاويت الشهاده وهل صرت اسعد
جنات الخلد من كون ربك شاء
الف رحمه اعله روحك يالمخلد
خويه سياطهم نيران》
مطبوعه على متوني》
من ظيم الضرب تعبيت
ياخويه بهظم ظليت .
جم ونه قهر ونيت.
لمن ضيعيتوني 》
عدوانك ولتنه سياط.
ياخويه دليلي شاط .
راح الجان اليه زماط.
روحي وقرت عيوني 》
نيران الضرب لسعات .
جم ايتيم منهن مات .
خويه كتلته الشوغات .
فجعه عداك فجعوني》
طبعن بالمتن ياحيف.
عطشانه ومسموم الصيف.
حزت كلبي مثل للسيف.
كون وباك ذبحوني 》
اشكيلك هظم لحوال .
حيف الدهر بختك مال.
حمالها حمول ثكال.
منهم منخطف لوني》
اشكيلك وصيح الويل
يحزامي ويبعد الحيل.
من عيني الدموع اسيل.
والعدوان هظموني》
ولا واحد رحم بيه.
من مشيت مسبيه .
وبرفجت بنو ميه.
نذال وما يرحموني 》
*ناعيه الخيام*
ام فاطمة
. /channel/UmfatimaALzahraa34
ناحت بالخرابه اطفال》
نص اليل مفجوعه.》
ناحت ماتنام الليل
يرهبهم صهيل الخيل
شبعو ظيم المداليل.
من الهظم والوعه》
لاواحد رحم بيهم
عكب اعيون اهليهم
يتامه وظيم غاطيهم
من اليسر موجوعه》
من الخوف يتباجون .
ليل نهار يتلاعون
من حر وعطش يشكون.
ته ياروعت الروعه》
محد يرحم الايتام
من طف كربله للشام
شافو بالفله الزلام .
فوك الكاع مصروعه》
طك السوط ماذيهم
. الحلوه معانيهم .
خربت كل معانيهم.
جفني خلصت دموعه》
متت من القهر يحسين
مهظومه وجر ونين
هاظمني مرار البين..
من الظيم مصدوعه》
حال يتامك بياحال
ونيت بدمع سيال
ما ظل عندي ليه رجال.
حدي خليت ربوعه》
.*ناعيه الخيام * /channel/UmfatimaALzahraa34
قصيده عوده زينب من السبي
☆☆☆☆▪
جم ماتم تنصبه ام عون
من توصل لاهليها
اهليها جثيره ام عون
ظلو بالفله يونون
اه يا هظمة المد فون
بليه جفان تاليها》
ياونه تلوك عليج
يازينب نفكر بيج
. كلها واكفه اتانيج.
ودمعات تجريها》
اهليتج بكث عالكاع .
كلها اذبحت لسباع
ياوسفه دماهم ضاع.
ولا وحد فزع ليها》
جم ماتم على الغالين
يابت فاطمه تنصبين
وكل واحد عليه تنعين.
وليان الفكدتيها 》
هظمج ياهو اليشيله
يامن رحتي بالعيله
عملت كربله ثكيله.
ولوحدج حملتيها》
من ظيم اليسر وشام .
جيتي وجبتي الايتام
رافكتي زلم ظلام.
نذاله ولا رحم بيها》
لطمي لاهل لطمات
وذكري هظم المسنات
اليمها كافلج من مات.
دمعاتج اله هديها》
*ناعيه الخيام*
ام فاطمة الزهراء
. /channel/UmfatimaALzahraa34
ياعلي مدد يامهدي سند:
قصيده لمولاتي زينب
_
كلشي يكتل يمي لاكن ما اموت
حتى صرخاتي ترن بس بسكوت
حرت ليل البارحه
المن اقره الفاتحه
___
مثل رايه واكفه برض الطفوف
صح اباوع بس احسن ماشوف
لهب نيران ويتامه ميته خوف
حتار كلبي ياهو احضنه وياهو اعوف
الروح مني رايحه
المن اقره الفاتحه
__
كمت احس السكته ماترهم الي
كون اصرخ بلكي همي ينجلي
كعدو من الموت ردو ياهلي
كلبي بانيران سكته ينصلي
بدمع ونايحه
المن اقره الفاتحه
__
يخفك بوجهي عجاج البي دموم
من جروح اهلي احر من السموم
اهلي دمهم حار بركان وحموم
ياحسافه وجود اهلي مايدوم
وكلها مني رايحه
المن اقره الفاتحه
__
صبري عجبني احسن بي ثكل
تعب جتافي وحس فوكي جبل
لاكن حملته وعلا الهامه وصل
وكامت ترف فوكي جنحان الاجل
بدمعه تنزل مالحه
المن اقره الفاتحه
_
سكته ترهب جن شمس لفها الكسوف
كل شي سكته هنا بس صوت السيوف
جيش من الموت اجه يزحف زحوف
والحزن طوفان وتعده الجروف
بهم خيالي سارحه
المن اقره الفاتحه
*ناعيه الخيام*
ام فاطمه
. /channel/UmfatimaALzahraa34
نعي للخوان
**
خويه خويه
ماشفت سوط الروعاني
فوك المصاب الي رماني
اعتب علي وكتي وزماني
ماسمع وني ولا نحيبي
ولاطفه ناري ولا لهيبي
نوحي وهظم حالي نصيبي
مكتوب الي دمعه اعله دمعه
وكظي اليالي بلايه شمعه
اخلاف اهلي العز اضيعه
حدرت دمعاتي اعله خدي
هاظمني خصمي الداس حدي
ظليت بين عداي وحدي
عاميني وسفه مصاب اخوتي
وياهم تمنيت موتي
لحنان ما سمعو نخوتي
ناعيه الخيام
ام فاطمة الزهراء
ظيم الخرابه
لسان حال زينب وهي تحدث نفسها وتنظر الي هند خادمتها بالامس التي اصبحت اميره
تقراء تجليبه اوشوط كربلاءي
☆☆☆☆☆☆
على ظيم الخرابه اليوم ابجي والدمع هالي
ياهو يروح لمحمد يخبره اصار بحوالي
☆☆☆☆☆☆
هند معيده وجتني ،لبست ثوب لصافي》
ونا بنت الكرم والخير،متربه وجدم حافي》
والكيد البديه ثكيل ،هدني وطيح اجتافي》
من يوم العفت لخوان بس الظيم يبرالي》
☆☆☆☆
كعدت عالعرش تنشد، منين انتي يامسبيه 》
شجاوب ودهر ياناس ،فراني ولعب بيه》
حكهه تيهت اسمي ،القهر خلاني محنيه》
من نشدت علي لحسين صابت حيل دلالي 》
☆☆☆☆
الدنيه بينه لعبت دور ،يهند وغير ت اوصافي》
حكج ماعرفتيني ، عطشكم يبس شفافي》
وخاف الي جره وصار،بنظركم هذا مو كافي》
يزيد يريد يفنينه ويصبح عالبشر والي》
☆☆☆☆☆☆
تتباجه الجهال احذاي ،وعليه التمت الوادم 》
ودليلي من حجي الشمات،ماظل بي عرك سالم》
جندوب اسكت عالظيم ،وكلبي كل هظم كاتم》
اخاف الشامت يكيف ويشيل الراس للعالي 》
☆☆☆☆☆☆
كل الصاربيه يهون ،بس ظيم الخرابه اضعاف》
خيالي الماتعرفه الناس،وسفه بالخرابه انشاف》
مصايبكم يهلنه اسهام، اجتني وصبتني ارداف》
كون الموت ماخذني وياكم ياهلي اشوالي 》
☆☆☆☆☆
ناعيه الخيام
ما فاطمة الزهراء
ياعلي مدد يامهدي سند:
: حديث عن قيمه الدمعه التي تنزل على ابا عبد
☆☆☆☆☆☆
" اللهم صل على محمد وال محمد و عجل فرجهم يا الله "
حديث قيمة الدمعه على الامام الحسين (عليه السلام)
تبكيك عيني لا لأجل مثوبة..لكنما عيني لأجلك باكيه.
روي عن الامام الباقر أنه قال : إذا كان يوم عاشوراءمـــن المحرم تنزل الملائكة من السماء على عدد الباكين في الارض على أبـــي عبدالله الحسين ومع كل ملك قارورة بيضاء فيدورون على المحافل والمجالس التي يــــذكر فيها مصاب الحسين وأهل بيته فيحملون في تلك القوارير جزع الباكين ودموع أعينهم على الحسين فإذا كان يوم القيامــة ويـــوم الحشر والندامــــة وأتى الباكي على الحسين وليس له عمل سوى هذه الدمعـــه وهـــذا الجـــزع على الحسين فيقف محتاراً في أمره يوم المولــــى تعالى : قفوا يا ملائكتي فإن لهذا العبد أمانه عظيمة ودرة ثمينة فاعرضوها على الأنبياء حتى يفرضوا قيمتها ويُعطى ثمنها فيجمع الله الانبياء والأوصياء حتى يقوموا هــــذا الدمعـــة الثمينة بأعظم قيمه
فيأتي آدم أبو البشر فيقال به : يا آدم قوم هذه الأمانة لهذا العبد الفقير الخاطئ الذي لا يملك غيرها فيتقدم آدم ويقول : الهي أنت الكريـــم الغفـــور الرحيم قيمة هذه أن تكفيه العذاب من نار جهنم فيقال له يا آدم قليل ماقومتها به
فيأتي الملائكـة على نبي الله نـــوح فيحضر نوح فيقول : يا الهـــي يا كريم يا غفار قيمتها أن تكفــي صاحبها شــر الحساب وشـــر العقاب فيأتي النداء : هذا قليل ما قوّمتها يا نوح
فيأتي الملائكة بإبراهيم ويقول : إلهي أنت القادر على كل شيء وأنت الكريـم الذي لا يبخل قيمتها أن تسهـــل على صاحبها الحساب وتجعلـــه يستظل تحـــت عرشك وتسكنه فسيح جنتك فيأتي النداء : قليل ما قومتها به يا إبراهيم وهكذا حتى يعرضوها على جميع الأنبياء والأوصياء فيأتــي النداء : قليل ما قومتها به إلى أن يؤتـــى بها الى سيد الأنبياء وخاتـــم النبيين محمـــد فيحضـــر سيد المرسلـــين وشفـــيع الامــــة فيأتــي النداء : يا محمد قوّم هذه الأمانة لهذا العبد الخاطئ العاصي من أمتك حتى يشتريها الله تعالى منه بأغلــــى ما يكـــون من الأثمان فيقول سيدنا محمد يارب أسأل وأنت العالم بنطقي إن هذا الشــيء الذي أمرتني بتقويمه لعبدك الفقير من أين أتاه ومن أين حصل عليه ومن أيــــن اكتسبه
فيأتيه النداء قد جلس يوماً مع جماعة يذكرون مصاب ولــدك الحســـين فتأســـف وتحسر حتى خرجت قطرة من دموع عينه فحفظتها له الملائكــة فصورتها بقوتي وقدرتي وجعلتها له هذه الدرة البيضاء وأمـرت ملائكتي أن يحفظونها له فكانت له ذخيرة في هذا اليوم فإذا سمع رســـول الله هذا الكلام يخـر ساجداً لله تعالى ويقول : يا رب العالمين يا مالك يوم الدين أنت اكرم الأكرمين ورحمتك وسعت كل شيء إذا كان هذا العبد حصل على هذا الشيء الذي لانظير لـــه فـــي دار الدنيا وأنت تكرمت عليه وتريد أن تشتريها منه بأغلى الأثمان فهذا الحســـــين هو يقوّمها لهذا العبد الفقير لأنه اكتسبها بسببه فيأتي الحسين فإذا نظــــر الى ذلك العبد وهو واقف بين يدي ملائكة العذاب وناصيته بيد زبانية غضاب وينظــــر الى تلك الدرة الثمينة والذخيرة العظيمة فيقول له : لا تخف ولا تحـــزن ويقول : يا رب قيمة هذه أن تنجي صاحبها من جميع الأهوال وتسقيه من الحـوض على يدي أبي أمير المؤمنين وتجعل مقامه عند مقام الشهداء والصديقين فـــي الجنة التي عرضها عرض السموات والارض فهذه قيمتها وهذا أجره وثوابه عند الله تعالى .
نعم نبكي على من بقي وحيدا فريدا وظلت عياله في ايدي اعداه يذوقونهم انواع العذاب ايواه اهماماه واسيده
لسان حال الحسين وهوينظر الي زينب وقد اهلكها العطش ولاتقوى على الكلاك وشكوي خوفا علا مشاعر اخيها وهي تعلم بان عطشه اشد من عطشاها ايواه زينباه واه حسناه
ابجن ودكن عل البقه هنا
مفرد وحيد ومحد وياه
يباوع الاهله ويهل عيناه
شلون لو يسروهم عداه
يباوع على زينب ومكسور
كلبه عليهه شكثر مقهور
اربات الدلال وام الخدر
شيصير بيهه بضهر عاشور
شيصير لو هجمو عليها
وعالغبره ظل نايم وليها
وطفال تلعي ابين اديها
وسط العدو شيصير بيها
شسوي لو وجن الخيمات
وضاعو ولدها والبنيات
وتحتار بيهن بثنيات
وليل لوجل عدمن اتبات
شلون لوجتها اليالي
وموزمه هيه بجهالي
ولهالثكاله هي والي
وصيتهه تباري اعيالي
ابجن وصبن دمع العيون
عالشالو وعافو هالضعون
لعيال حارو وين يرحون
عليهم يولي ضايك الكون
☆☆☆☆
ناعيه الخيام
ام فاطمه الزهراء
لا اجيز حذف اسمي
المصدر بحار الانوار
. /channel/UmfatimaALzahraa34
الحك عليها فرفحت طفله وتريد اشوفك.
بليل ونت ونحبت .
كلها على حسها صحت
من البواجي فرفحت.
ماتدري خويه ضروفك
ونت وتبجي يا سبع
مانشف من عدها الدمع .
خلتلي عله بضلع.
يالفاركتني ووصوفك
لمصابها يحن الكلب
كلبتنه ياخوبه كلب .
ياحالها كلش صعب.
شافت يخويه طيوفك
ظيعتنه بعدك مهظمه
.احا ياضنوة فاطمه
.دمعاتي لجلك من دمه.
ماننسه ابد معروفك
جا بيش اسكتها البجت
نيران بحشاها سرت
بحالك يخويه مادرت.
جسمك بقه بطفوفك
ودولها راس بطشت
دارت عليه وتحسرت
.صاحت ابويه يالمتت
محتاجه ابوس اجفوفك
ماتت على راسك تره
.ودموعه متناثره
وسط الخرابه محسره.
موجه وسرت بجروفك
*ناعيه الخيام*.
. /channel/UmfatimaALzahraa34
اتعنت بت علي لحسين
وتنادي يوالينه
خويه ويابعد هالروح
.جاوبني يهل مذبوح
بعدك كول وين اروح
بيد عداك ظالينه》
خويه حرت بعيالك
تبجي بالخله اطفالك
وسفه نشوف جتالك
يتمرجل بقه علينه》
جتالك يبعد الحيل
هد اعلينه زلم وخيل
خلانه نصيح الويل
متعمد يبجينه》
حرك كل خيم هاليوم
عكبك ياعجيد الكوم
كون اتشوف ياجيدوم
شلون عداك تاذينه》
عسكر هل فزع فزعه
وخلف بالكلب وجعه
والايتام منفجعه
وتنادي يبو سكينه》
كلها تنادي ياعمه
وين حسين ابو اليمه
.زودو بالكلب همه
ماظل كل عزم بينه》
*ناعيه الخيام*
. /channel/UmfatimaALzahraa34
قصيده لسان حال السيده زينب
____
هاي كلمه حيل توجعلي الكلب
هاي كلمه من حبيبه للمحب
ياحبيبي ياحسين
نورعيني ياحسين
هاي كلمه طلعت بضهر الطفوف
من كلب عطشان يحلم بالجروف ..
ونهر سكطت علا جرفه الجفوف ..
والعطاشه مذبحين
ياحبيبي ياحسين
من كلب زينب ابد مو من لسان
خويه جار علينه ياوسفه الزمان
حركو خيمنه وشردنه بكل مجان
صرنه خويه مشردين
ياحبيبي ياحسين
نادت حسين بكلب يمطرشرار
خويه انظر للخيم مشبوبه نار
بالخله الصبيان شردو وزغار
بعدك انت يالحنين
ياحبيبي ياحسين
من كلب مفطور نصين انكسر
صفحه صوب حسين صفحه عالنهر
عين للمذبوح عين عله الكمر
ختنكت بعبره وانين
ياحبيبي ياحسين
ياضهر عاشور كاسر كل ضهر
شكد صبر يراد ينفع ياصبر
زينب الحره شعمل بيهه الدهر
وحنه الهه نادبين
ياحبيبي ياحسين
ناعيه الخيام
ام فاطمة الزهراء
غير مبري الذمه من يحذف اسمي من جميع قصاءدي
