Şêrko_bêkes
04 августа 2022 18:56
کورتەیەک لە ژیاننامەی شاعیری نەتەوەیی:
#شێرکۆ_بێکەس
🎀 @
شێرکۆ بێکەس، کوڕی شاعیری ناوداری کورد فایەق بێکەس و لە ٢ی ئایاری ساڵی ١٩٤٠ لە شاری سلێمانی لەدایکبووە و ٤ی ئابی ٢٠١٣ لە ستۆکھۆڵمی پایتەخی سوید بەھۆی شێرپەنجە کۆچی دوایی کرد.
لە ١٩٨٦ وڵاتی عێراقی بە جێھێشت. لە ساڵەکانی ١٩٨٧-١٩٩٢ لە و سوید ژیاوە و پاشان گەڕاوەتەوە بۆ کوردستان.
شێرکۆ بێکەس بە یەکێ لە شاعیرە نوێخوازەکانی ھاوچەرخی کورد دادەنرێت و خاوەنی چەندین نامیلکە و دیوانی شیعرییە و زۆرێک لە شیعرەکانی بۆ چەندین زمانی زیندووی جیھانی وەرگێڕدراون. ساڵی ١٩٨٧ لە سوێد “خەڵاتی تۆخۆڵسکی” وە‌ردە‌گرێت.
خە‌ڵاتە‌کە‌ی لە لایە‌ن سە‌رۆک وە‌زیرانی ئەو دەمی سوێد ئیگڤار کالرسۆنە‌وە پێشکە‌ش دە‌کرێت وە لەساڵی ١٩٩٢ دەبێتە وەزیری ڕۆشەنبیری حکوومەتی ھەرێمی کوردستان ئەمەش لەیەکەم کابینەی حکوومەتی ھەرێمی کوردستان بوو، لە ساڵی ١٩٩٨ بە یارمەتی کۆمەڵێ کەس و ھاوڕێکانی “دەزگای چاپ و پەخشی سەردەم”ی دامەزراند.
لە ساڵی ٢٠٠٩ تەواوی بەرھەمەکانی لە ھەشت ھەزار پەڕە لە چاپ دا.
🌹 ژیان
🎀 @
شێرکۆ بێکەس ڕۆژی ٢ی مەیی ساڵی ١٩٤٠ لە گەڕەکی گۆییژەی شاری سلێمانی لەدایکبوو. شێرکۆ یەکەمین شعری خۆی لە تەمەنی ١٧ ساڵیدا بڵاو کردەوە. ساڵی ١٩٦٨ یەکەمین پەرتووکی شعری خۆی بە ناوی “تریفەی ھەڵبەست” لە بەغدا لە چاپ دا.
لە ساڵی ١٩٧٠ لەگەڵ کۆمەڵێک لە شاعرانی بەناوبانگی ئەو سەردەمە بانگەوازێکیان بۆ گۆڕانکاری لە شعری کوردی و بە تایبەت چوون بە لای شعری نوێی کوردییەوە بڵاو کردەوە.
شێرکۆ بێکەس
ساڵی ١٩٨٨ لە وڵاتی سوید خەڵاتی “تۆخۆڵسکی” پێ بەخشرا و شعرەکانی بە زۆر زمانی دنیا وەرگێڕا. لە ساڵی ١٩٩٨ەوە ھەتا کۆتایی ژیان، ئەندامی ئەنتەلۆجیای خوێندنی پۆلەکانی ئامریکا و کانادا بوو. لە ھەمان ساڵدا بە یارمەتی کۆمەڵێ کەس و ھاوڕێ “دەزگای چاپ و پەخشی سەردەم”ی دامەزراند.
🎀 @
لە ساڵی ٢٠٠١ ناوەندی چاپ و راگەیاندنی “خاک” خەڵاتی پیرەمێردی شاعری بە شێرکۆ بەخشی. لە ساڵی ٢٠٠٩دا تەواوی بەرھەمەکانی لە ھەشت ھەزار پەڕەدا لە چاۆ دا.
شێعر
شێرکۆ بێکەەس یەکێک بوو لە دامەزرێنەرانی سەردەمی شعری نوێی کوردی و ھونەری کوردی بە زمانی شعری نوێ ناساند. شعری شێرکۆ زۆرجار باسی لە نیشتمانپەروەری و خۆشەویستی ئاو و خاک کردووە.
نموونە ھەڵبەستێک لە شێرکۆ بێکەس:
لە کاتێکدا کە منداڵ بووم
دەستی چە‌پم حەزی ئەکرد
وەک دەستی منداڵی پۆشتە‌ی دراوسێمان،
سە‌عاتێکی تیابێ ئەویش.
وڕکم ئە‌گرت،
دایکم ناچار گازی ئە‌گرت لە مە‌چە‌کم
بە جێگە‌ی دان سە‌عاتێکی بۆ ئە‌کردم
ئای.. کە دڵخۆشی ئە‌کردم…!
لە کاتێکدا کە منداڵ بووم
واتە‌ی کامە‌رانیی لای من
لە‌وە‌دا بوو: لە حە‌ماما
بەسەر پە‌شتە‌ماڵی جاما
فوو بە کە‌فی سابووناکە‌م
گڵۆپێکی سە‌وزو سووری لێ دروست کەم!
لە کاتێکدا کە منداڵ بووم
لە زستانا، لەبەر تینی ئاگردانا دائە‌نیشتم
سە‌رنجم ئەدا لە پشکۆی،
گە‌شاوە و ئاڵ
وام حەز ئەکرد، منی منداڵ
بچمە ناو پشکۆکانە‌وە..
دابنیشم.. بیکە‌م بە ماڵ!.
کە منداڵ بووم.. زۆر ئێوارە ئەیان ناردم.
لە ماڵی پوورە "مە‌نیجە"
ترشیات بکڕم
کام تام لەو تامە خۆشتر بوو
لە دوای ئاوڕ، لە پێچی تە‌نگی کۆڵانا
کاتێ یەک دوو قوومی خێرام
ئەدا لە ترشیاتی ناو جام!
لە کاتێکدا کە منداڵ بووم
خۆشەویستی لام ئەوە بوو:
شەوی جە‌ژن، تا بە‌یانیی.. چاو ھە‌ڵدێنم
لەگەڵ خۆما..دەس لە‌ملان
پێڵاوی تازە بنوێنم!
کە گەورە بووم دەستی چە‌پم
زۆر سە‌عاتی ڕاستە‌قینە‌ی جوانی… بینی
بەڵام ھیچیان وەک سە‌عاتی
جێگە‌دانی دایکم… لەسەر قۆڵ و دەستم
وە‌ھا دڵخۆشیان نە‌کردم.
کە گەورە بووم
ھیچ چل‌چراو گڵۆپێکی ژوورە‌کانم
وەک گڵۆپی کە‌فی سابوون
پێکە‌نینیان… پێ نە‌گرتم.
کە گەورە بووم
ھیچ گڕێکی زۆپای ئێستا
نە‌کردە ماڵ و تیا بژیم.
کە گەورە بووم ھیچ خواردنێ
تامی ئەو قومە ترشیاتە‌ی پێ نە‌بە‌خشیم.
کە گەورە بووم
ھیچ کراس و بۆینباخ و قاتێکێ نوێم
نە‌ھێنایە‌وە ژێر جێگە‌وە
وەکوو پێڵاوە‌کە‌ی جە‌ژن
تا بە‌یانیی چاو ھە‌ڵدێنم، لەگەڵ خۆما بیان نوێنم
ھیچیان.. ھیچیان!
#وەسیەت_نامە
من نامەوێت لە ھیچ کام لە گرد و گردۆڵەکەکاندا بنێژرێم کە دیارن و ناویان ئەبرێ، یەکەم لەبەر ئەوەی پڕ بوونەتەوە و دوەم لەبەر ئەوەی من حەز بە قەرەباڵغی زۆر ناکەم، من ئەمەوێ ئەگەر سەرۆکی شارەوانی و ئەنجومەنی شارەوانی شارەکەم رێگەم پێبدا و ئەوەم پێ رەوا ببینن کە لە پارکی ئازادیدا و بە تەنیشت مۆنۆمێنتەکەی شەھیدانی (١٩٦٣)ی سلێمانیەوە بمنێژن، ئەوێ خۆشترە و تەنگەنەفەس نابم،
من حەز ئەکەم بە مردوویش نزیکی ئەو خەڵکە‌و ژن و پیاو‌ی شارەکەم و دەنگی مۆسیقا و گۆر بم.
🎀 @
Читать полностью…
Şêrko_bêkes
04 августа 2022 16:01
🎀 @
لێرە نیت و بەڵام هێشتا
لەسەر زاری پەڕەسێلکەی ئێوارانی و
لە نەغمەی ڕەش و سپیدا
دوو باڵی تەڕی گریانی و
لەسەر پاییز و
لەسەر من
لەنگەر ئەگری!
لێرە نیت و کەچی ئیستەیش
شۆڕەبیەکان یەکە یەکە
بەسەر جۆگەی یادگارتا نوشتاونەوەو
چاوەڕوانن لەگەڵ شەپۆلێکی وێڵدا
تۆیش بێیتەوە!
🎀 @
شێرکۆ بێکەس
Читать полностью…
Şêrko_bêkes
04 августа 2022 15:58
🎀 @
تۆ دەس بەرداری بەهاری
تۆ قەت بڕوا بەوە ناکەیت
ساتێ هەبێ ئارام لە شێوەی سروەدا
ڕۆژێ سەردانێکت بکا!
هەرگیز.. هەرگیز
یان ئۆخژنێ جارێ بێت و
لە بەردەمتا ئیستێ بکا و
شنەیەکی خۆیت باتێ
هەرگیز.. هەرگیز
یان هەتاوێ لە پەنجەرەی ساماڵەوە
ئاماژەیەکت بۆ بکا.
یان دەم و چاوی خۆشییەک
بۆ چرکەیەک، ئاورێکت لێ باتەوە
یاخود شەوێک لە شەوانی ڕاز و نیازێ
مانگەشەو بێ و
بە پۆپەشمینی خەوێکی خۆش و هێور
سکاڵاکانت داپۆشێ
هەرگیز.. هەرگیز
🎀 @
شێرکۆ بێکەس
Читать полностью…
Şêrko_bêkes
27 июня 2022 13:20
🎀 @
تا ئەتوانم ئەم دووکەڵە
درێژ درێژ ئەکەمەوە
بۆ ئەوەی چاوی ئایندە
پڕ کەم لە ئاو
تا ئەتوانم ئەم قیژەیە
درێژ درێژ ئەکەمەوە
بۆ ئەوەی گوێچکەی داهاتوو
پڕ کەم لە گڤەی زایەڵە و
لە وردە ناسۆری شکاو
شێرکۆ بێکەس
Читать полностью…
Şêrko_bêkes
17 мая 2022 13:20
#کۆچ
ـــــــــــــــــ
بەشی "۲۴"
🎀 @
بڕۆ...بڕۆ.. تا ئەگەیتە دوو ڕیانێ
یەکەمیان بە دەستە ڕاستا...
ڕێگەی هاتە... تۆ... مەیگرە..
ملی چەپیان بگرە و بڕۆ و بەری مەدە
تا ئەگەیتە کانی و ئاوێ... لێ مەدە.
بڕۆ... بڕۆ... دەشتێکی دەرزییت دێتە ڕێ
تۆ هەر بڕۆ... بەرەو دوا نەگەڕێیتەوە
تۆ هەر بڕۆ... تا ئەگەیتە بەر ئەشکەوتێ
بچۆ... ژوورێ
له نیوەیدا... خۆت مەڵاس دە.
کە تەماشات کرد ئەبینی
لە کەناری ڕووبارێکدا
دەڵە دێوێ لێی نوستووە
مەمکێکی داوە بەم شانیا و
مەمکێکی تر بە ئەو شانیا.
هیچ دەنگ مەکە.
ئاوی ڕەش دێت... هیچ دەنگ مەکە
ئاوی زەرد دێت... هیچ دەنگ مەکە
ئاوی سەوز دێت... هیچ دەنگ مەکە
کە ئاوی سوور هات بچۆرە پشت سەریەوە
ترست نەبێ، شمشێرەکەت هەڵبکێشە
تا ئەتوانی... دەست هەڵبڕە
دەست هەڵبڕە
بەرەو کاژەلاکی سەری
دایوەشێنە...
دایوەشێنە...
ئاوی ڕەش هات
ئاوی سەوز هات
بەڵام ئاوی سوور هەر نەهات
بۆچی نەهات؟!
بۆچی نەهات؟!
بۆ ئەوەی ئاوی سوور بێت و شمشێرەکەت بوەشێنی
ئەبێ سەرچاوە، لە خوێنا هەڵقوڵێنی
بە دەمای ڕەنگەکاندا شۆڕبێتەوە و
لە ناو خۆرێکی تازەدا سەر دەربێنی.
بۆ ئەوەی ئاوی سوور بێت و شمشێرەکەت بوەشێنی
ئەبێ لەشی مەرگ و ژیان
بە یەکەوە ڕاوەشێنی!
دایە... دایە! من ئێستاکە دووکەڵێکم
لە شوێن برینی خۆمەوە هەڵئەستم و
بەو دووکەڵە شەدەی سەری ئەم
لووتکانەت بۆ ئەبەستم.
دایە! ئێستە چادر منە و من چادرم
خۆم هەڵئەدەم
لە ناو کڕێوەی... خەمی سەر دەم و چاوی
هەژاراندا خۆم ئازاری پاڵکەوتووی
پێدەشتی زام هەڵم ئەدا!
چادر... چادر... چادر...
شارە مێروولەی دەرکراو...
هێلانە بۆ پەڕسێلکەی باڵ کراو و
دەنووک کراو
چادر... چادر... لانە بۆ کەروێشکی گیراو
چادر... چادر.
دەرزیی سەرما، پەراسووی سیل، کۆشی بەفر،
نانی گریاو، سیمای وەریو،
چاوی مردن، گۆڕستانێ...
🎀 @
ـــــــــــــــــــــــــــــــــــــــــــــــــــــــــــــــــــــــــــــــــــــ
#کوچ
ـــــــــــــــــ
قسمت "۲۴"
برو... برو
تا بە یک دو راهی می‌رسی
یکی بە سوی راست
این یکی راە بخت است، می‌گذری
راە دست چپ را بگیر و برو
می‌رسی سر یک چشمە،
از این یکی هم می‌گذری،
برو.. می‌رسی بە یک دشت سوزن،
برنگرد و برو.. برو تا می‌رسی بە یک غار
توی غار برو.. بە کمر غار کە رسیدی جای قایم شو.
نگاە کن آنجا کنار یک رودخانە یک مادە دیو خوابیدە
بک پستانش را انداختە روی این دوشش
آن یکی را، روی دوش دیگر.
تو چیزی نمی‌گویی.
آبی میاید، آب سیاه... بگذار برود.
آبی میاید، آب زرد... بگذار برود.
آبی میاد، آب سبز... بگذار برود.
آب سرخ کە آمد، برو پشت سر دیو،
نترس، شمشیرت را در بیار.
تا می‌توانی دستت را ببر بالا،
دستت را ببر بالا، بزن بە فرق سر دیو.
بزن.. بزن..
آب سیاه آمد
آب زرد آمد
آب سبز آمد
آب سرخ اما نیامد، چرا نیامد؟!
چرا نیامد؟!
اگر می‌خواهی آب سرخ بیاید و
تو شمشیرت را بزنی،
باید چشمە از خونت بجوشد،
در درون ریشەها پایین بخزی و
آفتابی تازە را تجربە کنی.
اگر می‌خواهی آب سرخ بیاید و
تو شمشیرت را بزنی
باید تن مرگ و زندگی را
بە لرزە در آوری.
مادر! من اکنون دودی هستم
از زخم‌های خود بر می‌خیزم
و این دود را چون دستاری
بر سر قلەها خواهم بست.
من اکنون خیمەای هستم در کولاک
آن دم کە برف اندوە بر چهرە تهیدستان می‌بارد
خیمەای بر دردی آرمیدە در پهندشت زخم‌ها
خیمە... خیمە... خیمە
لانۀ مورچگان راندە شدە
لانۀ پرستوهای بال و نوک قیچی شدە
خیمە... خیمە... لانۀ خرگوش‌های شکار شدە
خیمە... خیمە...
سوزن سرما، سینە سل، دامن برف،
نان گریان، سیمای پژمردە، چشم مرگ،
یک گورستان...
🎀 @
شعر: #شێرکۆ_بێکەس
ترجمە: #ناصر_حسامی
ادامە دارد...
.
Читать полностью…
Şêrko_bêkes
08 марта 2022 07:47
۸ی مارس
تۆ یەک ڕۆژ نیت
هەموو ساڵیت!.
تۆ یەک وشە و یەک کتێب و
یەک گڵۆپ و یەک نیگار و
یەک تابلۆ نیت!.
گەر دەقیقەیەک دیار نەبی
سەعات دڵی ئەوەستێت و
ماڵ کوێر ئەبێ و
پەلکەگیای ساوا ئەمرێت و
شەقام ئەگری و
باڵندەکان ڕەش ئەپۆشن و
شیعریش بۆ خۆی هەڵئەوەرێ!.
تۆ بە تەنها بای بارانی
هەشتی مارس نیت.
ئەی قوڵپی خوێنی هاوین و
پرچی شەوانی پاییز و
کلووی بەفری خۆشەویستیی
گەر تۆ نەبی؟
ئەبێ کێ بێ؟!
ژن. ژن. ژن
تۆ ژیانی!
🎀 @
شێرکۆ بێکەس
#هەست_و_نەست
..................
به مناسبت هشتم مارس، روز جهانی زن
تو یک روز نیستی
تمامِ سالی.
تو یک شب
یا یک کتاب و یک قطره نیستی
تو یک نقاشی یا تابلویی بر دیوار نیستی.
اگر دقیقه ای نباشی
ساعت ها از کار می افتند
خانه ها برهوت می شوند
کوچه ها اشک می ریزند
پرندگان، سیَه پوش می شوند
و شعرها هم نیست می شوند.
تو فقط باد و باران هشتمِ ماه مارس نیستی
تو ای دل انگیزِ شب های تابستانی
گیسوان شب های پاییزی
تو ای سوز بوران عشق
تو نباشی
چه کسی باشد؟!
زن، زن، زن، زن
تو زندگی هستی..
🎀 @
🎀 @
#شیرکو_بیکس
ترجمه: #بابک_زمانی
.
Читать полностью…
Şêrko_bêkes
23 января 2022 14:35
#گۆڕستانی_چراکان
ــــــــــــــــــــــــــــــ
بەشی "۱"
🎀 @
بە بەرگی تازەی شیعرەوە
بەرگێ... لە وردە پوولەکەی ئەسرین
با بریسکەی بێ مەراق و
بدرەوشێنەوە ئاخ و داخ!
بەرگێ... لە شەماڵی وەنەوەشەیی شەفاف
لەمدیوەوە با هەناوی کزەکانی هەموو دیاربێ.
بەرگێ... لە پەلکە گیای غەمگین
وەختێ کە فەسڵی دابڕان
بە ئەسپایی ئەیکاتە بەر ئێوارانی عاشقان و
باڵای سەفەری غەریبان!
بە جلی تازەی شیعرەوە
ئەو جلانەی کە خەیاتە
باریکەلەکەی
خەیاڵی خۆم لە ژوورە نسرمەکانی
تەنیایی و تەریکیدا
هێور هێور لە بەر فانۆزێکی هیلاک
بۆی بڕیم و بە تەقەڵی وردە هەنیسکی شەوانە
بۆیشی درووم!
هەر بە کاڵا و
هەر بە پێتاوی شیعرەوە
بەو کڵاوەوە
کە پەپووسلێمانکەیەکی عاشق
بە دەم خوێندنی سورەتی ئەوینەوە
لە سەری کردم و
بەو بۆینباخەوە کە دار هەنارێکی بێوەژن
بە دوو دەستی لەرزۆکەوە
بۆی بەستم و
هەر بەو کڵاشە دۆمیانەیشەوە
کە دار بەڕوویەکی هەورامان
دوای خوێندنەوەی پێدەشتێکی پەخشانم
لە بەر دەمی هۆرەیەکی کاکۆڵ درێژ و
"کنالەیلێکی" چاوڕەشدا
لە شارەزوور پێشکەشی کردم!
هەر بە کراسی شیعرەوە
وەک پۆشاکی
چیای تەم لە دامێندا گرمۆڵە بوو
وەک بەرگی گڕەژۆی
دارستانێکی کۆست کەوتوو
هەر بە جل و بەرگی شیعرەوە.. ئەڕۆم
بێ مۆڵەت وەرگرتن...
لە یەکەم ڕەشنووسی تووڕەم.
بێ مۆڵەت وەرگرتن...
لە ڕەشەبا چەنەبازەکەی ڕەخنەگر
بێ مۆڵەت وەرگرتن...
لە بازگەی هیچ ڕۆژنامە و گۆڤارێ
لە هیچ کەوشەنێ و لە هیچ پیرەرێ و
لە هیچ داوێکی سەرەڕێ.
ئەڕۆم.
هەر بە کاڵای مۆسیقا و چریکەوە ئەڕۆم
واتە بەو جریوە و جووکە و نەغمانەوە
بەو گڕاگڕ و گژەگژەی ژانانەوە ئەڕۆم
کە لە بێشەی لەشمەوە دێنە دەرێ
بە چکچکەی ئەو دڵۆپە زیوینانەوە
ئەو دڵۆپی حەسرەتانەوە ئەڕۆم
کە لە نامۆییم ئەتکێنەوە و
ئەچۆڕێنەوە و
ئەبریسکێنەوە...
🎀 @
شێرکۆ بێکەس
Читать полностью…
Şêrko_bêkes
21 января 2022 14:35
#ئێستا_کچێک_نیشتمانمە
ــــــــــــــــــــــــــــــــــــ
بەشی "۱۸"
🎀 @
پاسارییەک بە باوکی وت:
سەری من سەری تۆ نییە...
من فڕینێکی جیاوازم.
سەری من پڕ جریوەیە و
سەری تۆ پڕ خۆڵەمێشە.
تۆ سەرت داوەتە دەستی (با)ی ڕابوردووی باپیرەم و کونەبۆری ئەشکەوتەکان.
ئەوندە کۆن و بەسەر چوون
هێندە ڕەش و هێندە نسرمن
بۆنی گۆگردی مردن و
بیر چوونەوەتان گرتووە.
من لە سەرما ڕووباری ئاوێنە هەیە و
من لە دڵما
ڕەنگ هەڵئەکا و ڕەنگ هاژەی دێ و
تۆ فڕینت گرمۆڵەی ناو هێلانەیە و
من فڕینم بە چاوی باڵ قووڵایی ئاسمان ئەبینێ!
تۆ دەنگی باڵت نووساوە و
گەوجێتیت بۆتە یەقین و
من شەقژنم پڕ پرسیارە و
گومان چاومە و
خۆشەویستیی لە دەنووکما
بۆ سبەی ڕۆژم ئەخوێنێ!
شاعیرێکیش لە نیوەشەودا چڕاندی:
من باوکم نیم هەتا لە ڕێی شاخ و داخ و دووکەڵ بۆنی بارووت و شەهیدەوە
ئەم نیشتمانەم ناسیبێ .
من ئەو مێژووەم نەدیوە
بۆ ڕۆژێکیش نەچوومەتە ژێر دەواری و
بۆ جارێکیش چییە سواری
ئەسپی دەربەندێکی نەبووم.
یەک خەویشم بە خوێنی داروبەردەوە
بە زریکە و قیژەی ئاوو
بە ڕاکردنی درەخت و
بە سێدارەی حەپەساو و
بە پایتەختی قەمەکانەوە نەدیوە!
من بڵێم چی؟!
ئەو ئەشکەوتانە ناناسم
کە هاوڕێی شەمشەمەکوێرە و باوکم بوون.
حیکایەتی ئەو حیلانەیشم بیر نییە
کە ئەو ئەیانگێڕێتەوە.
چاوی من دوور دوور ڕۆیشتووە.
ئەو تخووبەی جێهێشتووە.
کە لای باوکم دوا مەنزڵە و
لەو ڕەنگەی تێپەڕاندووە
کە لای باوکم تاقە ڕەنگە و
ئەو دەنگەیشی لە کوێدا نازرنگێتەوە
کە لای باوکم تەنها دەنگە گوێی لێ بووە!
ئەم باوکەی من لە ئیستادا!
لە دۆڵابێکی تەختەی کۆن زیاتر نییە
کە هەر بۆ فڕێدان باشە!
لە ڕادیۆیەکی پەڕپووتیش زیاتر نییە
کە هیچ کەسێ نایکاتەوە تا بیبیسێ.
لە شووشەیەک مەرەکەبی وشکەوەبوو ...
زیاتر نییە
کە یەک وشەی پێ نانووسرێ!
ئەم نیشتمانەی من تاقە نیشتمانە
ساڵی جارێکیش خۆی ناشوات
هەتا ئەمڕۆیش هەموو جارێ باوکم لەگەڵ نیشتماندا
قڕەقڕی ئەوەیانە ئەرز خڕە یاخود تەختە!
هەر شەوێکیش کە نیشتمان باوێشکی دا
باوکیشم ڕێک بەرامبەری باوێشک ئەدا!
هەر دووکیشیان درەنگانێ
لەسەر چرپایەکی داری جیڕەجیڕکەر
بە جووت خەویان لێ ئەکەوێ
بۆ سبەینێش چێشتهەنگاوێ...
هەڵئەسن و دیسانەوە ئەو خەوانە بۆ یەکتری ئەگێڕنەوە
کە بە دوێنێوە دیویانن.
🎀 @
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#اینک_دختری_سرزمین_من_است
ــــــــــــــــــــــــــــــــــــ
قسمت "۱۸"
یک گنجشک بە پدرش گفت:
سرِ من سرِ تو نیست... من پروازی دگرم.
سرِ من پُر از جیک جیک و
سرِ تو پُر از خاکستر است.
تو سرت را بە دستِ "بادِ" گذشتۀ
نیاکان و سوارخِ غارها سپردەای.
بە حدی کُهنە و قدیمی‌اند
بە حدی سیاە و بە حدی سایە سارند
بوی گوگردِ مرگ و فراموشی گرفتەاند.
من در سرم نهرِ آینە دارم و
در قلبم
رنگ می‌‌وزد و رنگ می‌خروشد و
پروازِ تو اسیر آشیانە و
پروازِ من با چشمِ بال عمق آسمان را می‌بیند!
امّا صدایِ بالهای تو خفتە است و
حماقتِ یقین گردیدە است.
پروازِ من ولی پُرسشگر و گُمان چشمم و
عشق در منقارم
برایِ فردا ترانە می‌خواند!
شاعری هم در نیمه شب سرود:
من پدرم نیستم، تا از طریق کوهساران و
دود و بویِ باروت و شهیدان
این میهن را شناختە باشم.
من آن تاریخ را ندیدەام
حتی یک روز هم به خیمەگاهش نبودەام و
حتی یکبار هم سوار
اسبِ درّەهایش نشدەام.
حتی یکبار هم فریاد و فغانِ آب و
دارِ اعدامِ متحیر و
پایتخت قمەهایش را در خواب ندیدەام!
من چه بگویم؟!
وقتی کە آن مُغازەها را نمی‌شناسم
کە رفیقِ شب‌پرە پدرم بودند.
حکایتِ آن شیهەها را هم بە یاد ندارم
کە او برایم نقل می‌کرد.
چشم من به دورِ دور پرواز کردە است.
آن مرز را در نوردیدە، کە پیشِ پدرم
آخرین منزلگە بود و از آن رنگ هم سبقت گرفتە است
کە پیشِ پدرم تنها رنگ بود و
آن صدا هم در گوش پژواک ندارد و
کە نزدِ پدرم تنها صدایی بود شیندە بود.
این پدرِ من در حالِ حاضر
از یک کُمدِ چوبینِ کهنە بیشتر نیست
کە فقط برای دور انداختن خوب است!
از یک رادیوی زهوار در رفتە بیشتر نیست
کە هیچ کسی آنرا باز نمی‌کند و نمی‌شود.
از یک شیشە مرکبِ خشک شدە نیز... بیشتر نیست
کە یک کلمە با آن نمی‌توان نوشت!
این میهنِ من یگانە میهنی است
سالی یکبار هم خود را شستشو نمی‌دهد
تا بە امروز هم پدرم با میهن
بر سرِ این، در مشاجرەاند کە
زمین گرد یا مسطح است!
هر شبی هم کە میهن خمیازە کشید
خمیازەام در مقابلش خمیازە می‌کشد!
هر دوی آنها دیر وقتی
بر یک سریرِ تختۀ پُر سروصدا
با هم خوابشان می‌برد
روزِ دگر، بامدادان... برمی‌خیزند و
بارِ دگر، قصەهایی را برای هم باز می‌گویند
کە در مورد دیروز در خواب دیدەاند...
🎀 @
شعر: #شێرکۆ_بێکەس
ترجمە: #سیامند_شاهسواری
با صدای دلنشین امپراتور شعر دنیا
"شێرکۆ بێکه‌س"
ادامە دارد....
.
Читать полностью…
Şêrko_bêkes
19 января 2022 14:35
#چاڵێک
🎀 @
چاڵێکم کردە بێدەنگی
لە هاوار... مشتێ دوو مشت و
لە جەسووری ... خاکەنازی و
لە زانیاری ... چەند گرامێکی تێ ئین تی و
کردمە ناوی و
دامپۆشیوە و
دوور کەوتمەوە و
پەنجەیەکم نا بە ژاندا و
تەقاندمەوە
گرمەیەک بوو بە تەپ و تۆز و غوبار و
وەختێ کە غوبار نیشتەوە
بێدەنگیم دی
لەت و پەتە و ورد و خاشە و
لەو جێیەدا پیاوێک لە شێوەی بێشکچی
ڕاوەستاوە و
پەیڤی ڕووناک دەوریان داوە و
قسە ئەکا بۆ ئازادی
🎀 @
شێرکۆ بێکەس
Читать полностью…
Şêrko_bêkes
17 января 2022 14:30
🎀 @
ئاخر من بۆیە وتوومە
کە لە خاکی ئەم گۆرانی و عەشقانەدا
لەگەڵ شمشاڵێ یان تارێ
بمشارنەوە
بۆ ئەوەی گەر گەڕامەوە
جارێکی دی من هاتمەوە
لەگەڵ ئەوان
بە پۆشاکی مانگەشەو و
جلی شیعر و مۆسیقاوە
من بێمەوە
🎀 @
شێرکۆ بێکەس
Читать полностью…
Şêrko_bêkes
15 января 2022 14:31
ئەو قەسیدەیەی کە پاییز
خۆشی بوێ
ئەبێ تەنیایی ماڵی بێ و
وەرینی وشە ئیقاعی و
وێنەی ناوی
لە دەم و چاوی ژنێکی
سەراباوی گەرمێن بچێ
🎀 @
شێرکۆ بێکەس
Читать полностью…
Şêrko_bêkes
14 января 2022 14:30
#قیبلەنما
ـــــــــــــــــــــــــــــــــــــ
🎀 @
کوردستانم برینێکە،
برین، لقی دار بەڕووە
واز لەو برینەم بهێنن، لێ گەڕێن با
پەل و پۆی سووری بهاوێ و
سێبەر بۆ ئازادیم بکا!
من هەر چاوی دارستانی گڕ تێبەر بووی
خۆم شک ئەبەم
ئێشکم بگرێ.
من هەر خوێنی لە بەر
ڕۆیشتوی ئەم شاخانەی
خۆم شک ئەبەم
هەڵگیرسێت و پێسم کەوێ!
واز لەم برینەم بهێنن
زەریام شەوە و، قیبلەنمای ملم مۆمە
بایەوانی ئەم کەشتیەیش
هەر چارۆکەی سەری خۆمە
هەر خۆم... هەر خۆم... هەر خۆم
من خوا نیم و ئەوەتەی هەم هەر تەنیام و
کوردستانیش باوەشی عەشقی دایکێکە
وەکوو میژووم سک سووتاوە و چاوەڕێمە!
واز لەم برینە بهێنن
چەشەی چەقۆ،
چەشەی پشکۆ،
چەشەی خوێیە ئەم برینە!
پەنجەرەیە، ئەستێرەیە،
ئەسپی سووری غار کردنمە ئەم برینە.
هەر ئەو بە تەنیا شک ئەبەم
لە جێی ئاڵا ئەوەم هەیە
من هەڵیکەم!
هەر ئەو برینە شک ئەبەم
بۆیە جارێک چەتری ڕەهێڵەی سەر سەرمە و
هەڵی ئەدەم
جارێکی تر دەمی ئەستێرکی چاوانمە و
بەری ئەدەم!
هەر ئەو برینە شک ئەبەم
هەر ئەو خوێنە،
فرۆکەمە
دەبابەمە
بازۆکامە
کاتیۆشامە
لە ئاتشگەی مەرگی سووری خۆمدا تەنها
من هەر سوجدە بۆ ئەو ئەبەم!
کێ دەنگی کرد؟! کێ هاتە سەر تەرمی کانییم؟!
لە ناو مێژووی هەڵقرچاوما
کێ بوو قومێ ئاوی کرد بە دەمی
سنەوبەری سەر بڕاوما؟!
کە ڕووباری لەشیان کوشتم
کام ئۆقیانووس خۆی گرژ کرد؟
پردی کام جێ دەستی گرتم؟
کە هەرمێی مەمکیان هەڵکەندم
کە شەمامەی دڵیان گووشیم
ڕەشەبای کام لا هەڵیکرد؟
کێ ورتەی کرد؟
کێ؟ کێ؟ کێ؟
کە پرچی ڕەزیان هەڵکێشام
کە چاوی گوڵیان دەرهێنام
وەکوو ئاغزە جگەرە
توێکڵە شووتی
پێیان پیا نام!
کورسی کام پایتەخت و یاسا
لەقەی بۆ کرد؟
کێ دەنگی کرد؟
مووی سمێڵی کام ڕژێم بوو
جووڵەی بۆ کرد؟
تووکە سەری کام گەورە پیاو
تووکە بەری کام گەورە ژن
بۆ من بزووت؟!
هەر دوو لایان
هەر سێ لایان
هەر چوار لایان
یەک لە دوای یەک،
هەرچی هەستا بە خوێنی من
دەس نوێژی گرت
بە خوێنی من ڕۆژووی شکان
خوێنی منی دا بە نەوت!
یەک لە دوای یەک
هەرچی هەستا کاسە سەرمی کرد بە تەپڵەک
هەرچی هەستا چەرمی سکمی
کرد بە جانتای دیبڵوماسی و
ئینجا سرەوت!
هەرچی هەستا ئێسکی منی کرد
بە پەیژە و بە پێپلیکە و
خۆی پیا سەرکەوت!
لە بازاڕی ڕۆژهەڵات و ڕۆژئاوادا
کۆیلەی پێست سپی بووم و
من بۆ کێ نەبووم بە دەسکەوت؟
کێ گۆشتی کوت کوت کراوی
ئەم لەشەی منی بەر نەکەوت؟!
کوردستانم برینێکە، برین مانگە
واز لەو برینەم بهێنن
با لە کەلی ئەوینەوە
گەش گەش هەڵبێ.
با گەورە بێ، با تریفەی پەل بهاوێ.
بەرەو باکووری ئازارم
بەرەو باشووری شەوگارم.
دەبا هەڵچێ، برین هەڵچێ
وەکوو سوورە چنار هەڵچێ
وەکوو لاولاو با لە قەفی زنجیرمەوە
خۆی بپێچێ
هەر ئەو برینە شک ئەبەم پەنجەرەم بێ
کڵاوڕۆژنەی ئەم سەرەم بێ.
نەوەتی چرای لەشیان دزیم
من چیم هەیە لە دووکەڵی شیعر زیاتر!
قژی کەژ و هەردیان بڕیم
من چیم هەیە لە ئاگر و کڵپە زیاتر!
ئاوی سەرچاوەیان کوشتم
دار و درەختیان کوێر کردم
لە کوختەکەی دڵی خۆیشما
کرێچی بووم، دەریان کردم!
پشیلە بووم... بۆ بەرەو خوار
خستمیانە گوێنیەوە و سەریان بەستم.
مەیمون بووم و ورچ بووم و پەتا بووم و
لەوێش دەوریان بە دڕکەزی و تەلبەند گرتم.
من چیم هەیە لە پەتی سێدارە زیاتر
لە ئۆردوگای دیل بەولاوە
لە ژمارەی شەهید زیاتر؟!
من چیم هەیە؟
من هەر ئەو خوێنە شک ئەبەم
کە سووراویی لێوی بەرد و
گۆنەی پەلکە گیای پێ بکەم!
من هەر ئەوینێ شک ئەبەم
ڕقی پیرۆز ئەخاتە بەر
پەلە پیتکەی تفەگەکەم!
من ئەو برینە شک ئەبەم
برین مانگە و برین ئاگر
من چیم هەیە لە خوێن زیاتر؟!
🎀 @
بەرگەڵو 1986/02/20
شێرکۆ بێکەس
Читать полностью…
Şêrko_bêkes
12 января 2022 14:31
🎀 @
من وا تازە دێمەوە ناو
قۆزاخەکەی شەوی خۆم و
ئەگەڕێمەوە بۆ ناو خۆم
درەنگ گەڕامەوە درەنگ
بۆ لای کڕووزەکانی پەلکە گیای
ڕۆحی خۆم و
درەنگ گەڕامەوە بۆ لای
ژووری ژانەکانی خۆم و
کورسی خۆم و، چرپای خۆم و
خەوی خۆم و پرسیاری خۆم!
ئەوەی بۆی نەبووم غەریبیی ڕەنگی خۆم بوو!
ئەوەی بۆی نەبووم ئاسمانی چاوی خۆم بوو.
ئەوەی بۆی نەبووم فڕینی سەری خۆم بوو.
من غەریب بووم بە غەریبیم.
گەروو هی خۆم و هاوارم
هەر بۆ گەرووی ئەوانی دی.
چاو هی خۆم و فرمێسکمدا
بە گۆڤانی ئەوانی دی!
خۆم قاقڕۆ
چی گەوالە هەورم هەبوو
باراندم بۆ ئەوانی دی!
کە بووم بە سروود لێم ون بوو
حەیرانەکەی ناو ڕۆحی خۆم.
کە بووم بە زەنگی بێداری هەموو کەسێ
ونم کرد و بیرم چۆوە
زرنگەکانی تەنیایی ناو ناخی خۆم!
کە بووم بە شەقامی گشتی
شەقامەکەی خۆم بن بەست کرد.
ناوی خۆم لە ناو ناواندا
زیندانی کرد
من حەزی خەڵکم بردەوە و
حەزەکانی خۆمم دۆران!
🎀 @
شێرکۆ بێکەس
ــــــــــــــــــــــــــــــــــــــــــــــــ
لە کتێبی " تۆ ئەتوانی بە قومێ ماچ بمخەیتەوە هەڵقوڵین"
.
Читать полностью…
Şêrko_bêkes
10 января 2022 14:30
#ئێستا_کچێک_نیشتمانمە
ــــــــــــــــــــــــــــــــــــ
بەشی "۱۷"
🎀 @
ئەم کاتەتان باش!
من ناوم "ناڕەزاییە"
لە دایکبووی شاری یاخیبوون و
گەڕەکی برسێتی و
کۆڵانی کوێرەوەریم
لێرە بەدواوە...
من سەر بە هۆزی بێدەنگی نیم.
من ڕێبواری سەر ڕێ و بانی
هەتاهەتای چاوەڕوانی و
دروشمی بێدەست و قاچ نیم.
لەمڕۆ بەدواوە
من هاووڵاتی خەریتەی
نیشتمانێکی دزراو نیم
نیشتمانێ هەموو جارێ
یان پەنجەیەکی ئەفڕێنن
یان گوێچکەیەکی و
یان چاوێکی ون ئەکەن و
یان وشەیەکی زیندەبەچاڵ ئەکەن و
کەچی نە هاوارێ ئەکات و
نە برینێکی ڕائەچڵەکێ!
🎀 @
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#اینک_دختری_سرزمین_من_است
ــــــــــــــــــــــــــــــــــــ
قسمت "۱۷"
وقتتان بخیر
اسم من "ناراضی"است
متولدِ شهرِ یاغیانم،
محلهٔ گرسنگی، کوچۀ مشقت
از حالا بە بعد...
من دیگر بە عشیرۀ سکوت تلعق ندارم.
من رهگذرِ پیادەرو و خیابانِ
ابدیِ انتظار و
شعارِ بی دست و پا نیستم.
از مروز به بعد
من همشهری نقشهٔ
میهنی دزدیده شده نیستم.
میهنی کە هر بار یا انگشتی از آن می‌دزدند،
یا گوش و یا چشمی از آن گُم می‌کنند
و یا کلمەای از آن را زنده به گور؛
اما نە فریادی بر می‌دارد و
نە زخمی از آن به درد می‌آید!
🎀 @
شعر: #شێرکۆ_بێکەس
ترجمە: #سیامند_شاهسواری
با صدای دلنشین امپراتور شعر دنیا
"شێرکۆ بێکه‌س"
ادامە دارد....
👇👇
🎀 @
Читать полностью…
Şêrko_bêkes
08 января 2022 14:30
🎀 @
ئەی ژنی کورد
هەتا ئێستەیش
تۆ پەڕەسێلکەی ناو شیعری شەرمنۆکی
هێلانەکەت وا لەناو لۆکەی نووستندا و
ئاسمانەکەت بێ چەخماخەی ڕاچڵەکینە و
بێدەربەستە باڵەکانت و
هێدی... هێدێ...
بۆ خۆت لەناو بێدەنگیدا ئەفڕی!
ئەی ژنە پەڕەسێلکەی کورد!
ئەی لە شەونم بەسزمانتر!
لە زەردپەڕ بێوەیتر و
لە کانیاویش نەرمتر!
ئەگەر ئەو سەرە نەگۆڕی
بە سەرێکی ناو گێژەنگی بێ‌ئارام و
دوو باڵی تر لە برووسکە دانەتاشی
بۆ لەشێکی یاخی و تووڕە
لەم زەمانی تیرۆرەدا
لەم زەمانی هەڵۆی نێر و "داڵانە"دا
ڕۆژێ هەر بە ئاسمانەوە ئەخورێی
ئەی ژنە پەڕەسێلکەی کورد.!
🎀 @
شێرکۆ بێکەس
Читать полностью…
Şêrko_bêkes
04 августа 2022 18:53
◼️◼️◼️◼️
ئەمڕۆ ۴ی ئاگۆست بەرانبەر لەگەڵ ۱۳ی گەلاوێژی ٢٧٢٢ی کوردی
ساڵڕۆژی کۆچی دوایی ئیمپراتۆری شیعری جیهان و شاعیری ئازادی خواز مامۆستا #شێرکۆ_بێکەس،(۲۰۱۳ـ۱۹۴۰ز) یادیان بۆ هەتاهەتایە لە بیر و هەستماندا بەرز و زیندوو ڕادەگرین، ڕێگایان پڕ ڕێبوار.
🎀 @
◼️◼️◼️◼️
Читать полностью…
Şêrko_bêkes
04 августа 2022 16:01
🎀 @
من گۆمێکم
نیوەی ئاوم
لە خۆشەویستی بەفرەوە بۆ هاتووە
ساڵ هەیە زۆر
ساڵ هەیە کەم.
نیوەکەی ترم لە چاوی
ژنەکانی ئەنفالەوە تێ ئەڕژێ
ئەم ئاوەیان
کەم ناکات و
هەموو ساڵێ
سێڵاوێکی تازەترم
ئەکاتە سەر
🎀 @
شێرکۆ بێکەس
Читать полностью…
Şêrko_bêkes
28 июня 2022 07:04
🌸تاپو نووسراوەکان😉👇
/channel/tapuynusrawe
🌸شێرکۆ بێکەس 😉👇
/channel/sherko_bekas
🌸ڕۆزانـــــــا کوردستان😉👇
/channel/rozana_kurdistan
🌸عەبدۆڵا پەشێو😉👇
/channel/Abdulla_Pashew
🌸بەخــتیــار عــەلی😉👇
/channel/bextiyar_eli
Читать полностью…
Şêrko_bêkes
18 мая 2022 12:20
#داستانی_هەڵۆی_سوور
ــــــــــــــــــــــــــــــــــــــــ
بەشی "۱"
🎀 @
هەور تەتەرێکە خێرا و مژدەی سەوزی
ئەم بارانە ئەدا بە تۆ
بچۆ بەری
بچۆ بەری و
لە خۆشیاندا تێر تێر بگری!
زۆر دەمێک بوو، ئاسۆ وەکوو
شاعیرێکی تەنیای چاوشین
ئانیشکی دادا بووە سەرکەل
غەمگین... غەمگین،
بەر پەنجەرەی چاوەڕوانی گەڕانەوەی
باڵندەی وشەی گرتبوو
بەیانیان زوو
ژانی نەنووستووی ئەو،
ئەبوو بە نامۆیەکی گەڕیدەی سەر هەڵگرتووی
شاخ و دۆڵی
وڵاتی تەم
وڵاتی خۆم
لە ئەنگۆرەشدا، هەناسەی
ئەبوو بە کزە بایەکی
باوەشێنکەر
بۆ ئاگردانی برینی پڕ لە پشکۆی
سەرنجی وێڵ ئەفڕێ و ئەڕۆی
لەو سەرەوە، برژانگی تەڕ ئەهاتەوە
هیچ دیار نەبوو، کپ و خامۆش
هیچ دیار نەبوو کپ
هیچ دیار نەبوو
هیچ!
باڵندەکان لە کۆچدا بوون
ڕێگە ون و، کۆچ بێ وادە
هەتاو: لە تەما خنکا بوو
زەریا: کاروانی قووت دا بوو
هەوار: دووکەڵ،
وشە: نمەی نەباریو بوو
چاوی شاعیر دوو ئەستێرەی
خۆڵەمێشی، لە ناو سەردا
قەتیس ماو بوون
دەستی شاعیر دوو لقی وشکی
دارێکی لە دارستان بە جێ ماو بوون
یاری شاعیر،
دوو سوێسکە مەمکی سپیلکەی
لە بناردا بڕاو بوون.
زمان دەمی گوێزانێ بوو
ڕوومەتی ئارام و ئۆقرەی،
کچی خۆری قاش قاش ئەکرد
دڵۆپی سوور تکایە سەر:
شەوی تەمەن
بووکە بە بارانەی خوێنین باڵای تۆ بوو
هەژاری گوند، هەژاری شار
کۆڵان... کۆڵان... تەلان... تەلان
ئەیان گەڕان
ئەی باڵا ئاوێنەی گوڵین!
تۆ ئەڕۆشتی و چاوم لێ بوو
هەنگاو، هەنگاو لە دواتەوە
مێژوویەکی تازە "ئەڕۆا" !
ڕایان کرد و ماڵیان چۆڵ کرد
ڕایان کرد و ئاگریان بەردایە بێشکە
بێشکە گریا و بوو بە زوخاڵ
ڕووباریان کوشت
ڕایان کرد و ماڵیان چۆڵ کرد
ئابڕوو مەلێکی سپی بوو
خستیانە ناو
قەفەزی سنگی فەرهادێ و
هەڵیان گرت و بردیان بۆ "شا"
ئابڕوو سەرپۆشی کێوان بوو
دایان بەسەر تەرمەکەمدا و
بردیان بۆ "شا"
دوای قاقایەک کە "شا" سەرێکی هەڵبڕی
مەلی هێنایە دەرەوە و
لەبەر قاچی شابانوودا سەری بڕی
ئەمجارەیان دانەوێوە و
بە سەرپۆشیش
پێڵاوەکانی پێی سڕی!
ئەوەتا وا
لە پرسەی ڕووبار و شاخا
شایی مەرگ و برسێتییە
کات، گوللەیە
چاوی کێڵگە و چرا ئەخوا
ئەوەتا وا
کوردستانم بەلەمێکی سەرگەردانە
ڕوەو گێژ و گەرداو ئەڕوا
وەرن گوێ لە خوێنم بگرن
تاوانەکان بنووسنەوە
چۆن ئەژمێردرێن؟!
وەرنە سەر منارەی دەنگم و
"قەڵای دم دم"ێکی تازە
بخوێننەوە.
کێ ئەتوانێ گوێی بۆ بگرێ؟!
کەژ کچێکی بسک سەوزی
لەش زێڕینی چواردە ساڵ بوو
بە زیندوویی
ئەیان پەستایە گۆڕەوە و
پڕ بەدەربەند، ئەیزریکان.
وا دووبارە هەر هەمان تۆڕ
گرتمیەوە
تۆ ئاوڕێ بدەرەوە
چۆن تۆڕێکە:
وردە ماسی قەتیس ئەکا و
گەوره ماسیش سووک و باریک
لێوەی ئەچێتە دەرەوە.
ئێوە ئەی گەورە پیاوینە
پیاوانی دز
پیاوانی پووت
چاومان لێیە
لە ناو لنگی تارانەوە سەر دەردێنن
لەگەڵ خۆتاندا وەک جانتای،
ڕەشی دەستتان
ئۆتێل... ئۆتێل
شەقام... شەقام
ڕوو زەردیتان ئەگەڕێنن
ئێوە ئەی گەورە پیاوینە
پیاوانی پووت
چاومان لێیە
بە ڕیز جامانە دائەگرن
دای ئەگرن و پەردە کوللەی دەوری چرپای
سۆزانییەکانی تارانی پێ ئەگێڕن!
من ئەو شاعیرە ناسکەی
ڕابردوو نیم
هەرچی گوڵێ کە هەڵوەری
تێر بۆی بگریم!
ئەم بەیانییە تەرمەکەی
دوێنێی خۆم ناشت!
🎀 @
شێرکۆ بێکەس
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
📚 فەرهەنگۆک
تەتەر: سریع السیر، نامه بر
ئانیشک: آرنج
ژان: درد شدید
دۆڵ: درّە
تەم: مه
ئەنگۆرە: تنگ غروب
باوەشێن: بادبزن
ون: گُم
قووت: قورت دادن
سوێسکە: تیهو
سپیلکە: سیفدفام
گوێزان: استره، انتقال
ڕوومەت: ظاهر، صورت
ئۆقرە: آرامش
بێشکە: گهوارە
زوخاڵ: زُغال
شا: پادشاە 👈در اینجا منظور "رضاشاە" شاه ایران است.
بەلەم: قایق
کەژ: کوه
زریکاندن: جیغ کشیدن
قەتیس: درماندە
ماو: باقی، از بین نرفتە
پووت: حلبی توخالی
تاران: تهران
سۆزان: سوزندە
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
🆔 ☞ @
Читать полностью…
Şêrko_bêkes
16 мая 2022 13:20
🎀 @
هاتم بۆ لات
جۆگەیەک بووم شوێنت کەوتم
لام دا و خۆم دا بە دەم ڕووبارتەوە
ڕووبار کردمیە قەڵبەزە و
قەڵبەزە کردمیە تاڤگە و
لە چاوتەوە ڕژامە ناو هەناوتەوە
لەو ساکاوە بەژنی شیعرم
بەقەد تاڤگەکەی "بێ خاڵ" کەڵەگەتە.
لەو ساکەوە کە بڕبڕەی پشتی شیعرم
بووە بە شاخ
قەڵەمم بۆتە پێشمەرگە
من و چیای ئاسنگەران
ئاسنین و دەسمان چەک و
چەکمان دەسە....
🎀 @
شێرکۆ بێکەس
ــــــــــــــــــــــــــــــــــــــــــــــــــــــ
لە کتێبی " شایی شەهید"
.
Читать полностью…
Şêrko_bêkes
05 февраля 2022 19:15
#دەربەندی_پەپوولە
ـــــــــــــــــــــــــــــــــــــــــــــــــــــــــــــــــــــــ
بەشی "۱"
🎀 @
دڵۆپ، دڵۆپ باران،
گوڵ ئەنووسێتەوە و
نمەنمەیش چاوانم تۆ!
چ ساڵاوێکی نامۆیی و
چ ژانێکی بەخشندەیە
وا لەسەرخۆ
بەرد بە بەردی
کێوی سەرم ئەپشکوێنن
لق بە لق و چڵ بە چڵی
دەست و پەنجەی وشکەڵاتووم
شین ئەکەن و وەک باویلکە
ئەمدەن بە دەم باڕێزەکەی ئەوینتەوە و
لە شەختە بەندانی گیانتا، ئەمڕسکێنن.
گڤە، گڤە "با" پێدەشتت ئەخوێنێتەوە و
نەفەس نەفەس هەناسەیشم، باڵاکەی تۆ
چ گەردەلوولێکی سەوزە و
چ ئەسپێکی ئەفسانەیی باڵدارە وا
لەم کۆتایی دنیایەوە
بە پرتاو دێ و هەڵم ئەگرێ و ئەمفڕێنێ و
دوور دوور ئەمبا
بەرەو هۆبەی ئارانی تۆ.
کلوو، کلوو بەفر گوێ بۆ چیا ڕائەدێرێ و
وشە وشەیش هۆنراوەی من بۆ سۆزی تۆ
چ بەفرانبارێکی زەردە و
چ کڕێوەی حیکایەتێ بەم ناوەختە و
لە ئاویلکەی ئەم ڕۆژەدا
وەک عەشقەکەی "برایمۆک"
پێدەشت پێدەشت و کۆ بە کۆ
بە ڕێگەی مەرگی سپیدا
ئەمخاتە ڕێ بەرەو لای تۆ...
🎀 @
شێرکۆ بێکەس
بە دەنگی پڕ سۆزی ئیمپراتۆری شیعری جیهان
"شێرکۆ بێکەس"
.
Читать полностью…
Şêrko_bêkes
22 января 2022 14:35
🎀 @
هاوڕێکەم!
کانییەکانی وڵاتەکەم خۆشەویستن
لە هەموویان خۆشەویستتر
ئەو کانییەی
تینوێتی زۆری شکاندووم.
باخەکانی وڵاتەکەم خۆشەویستن
خۆشەویستتر لە هەموویان
ئەو باخچەیەی
بەری زۆرتر بۆ گەیاندووم.
مامۆستایانی وڵاتم خۆشەویستن
لە هەموویان خۆشەویستتر
ئەو مامۆستایەی یەکەم جار
فێری یەکەم حەرفی کردووم.
هاوڕێکەم!
شەهیدانی وڵاتەکەم تێکڕا
هەموو خۆشەویستن
لە هەموویان خۆشەویستتر
ئەو شەهیدانەی یەکەم جار
ترسی مەرگیان
بۆ بەزاندووم!
🎀 @
شێرکۆ بێکەس
ـــــــــــــــــــــــــــــــــــــــــــــــــــــــــ
لە کتێبی " داستانی هەڵۆی سوور"
.
Читать полностью…
Şêrko_bêkes
20 января 2022 14:35
🎀 @
تاکوو دێم، ئەو گوڵە سپیانە مەنێژن
بوەستن! بەلانکەی مێژوویان مەسپێرن
با لە سەر سەوزە گیای لەشی هەرد
لە سەر پشت پاڵکەون
با لە سەر باسکی ئاو ڕاکشێن.
با لە سەر شانی "با" هەڵکوڕمێن.
ئاسمانی چاویشیان دامەخەن
هیچ پەڵە هەورێکی سەر شاخیان
پیا مەدەن، هەتا دێم
مەیکەنە تارومار
خۆزگه بۆ دوا جار
تەماشام بە برژەی گوڵاویان تەڕ بکەم.
خۆزگەمە بۆ دوا جار
شنەیان بگرمە باوەشم.
یەک بە یەک دەم خەمە
ناو دەمی حەسرەتیان
ناکامی سینەیان هەڵمژم
وەک دایک و
باران و
شەمامە بۆنیان کەم.
یەک بە یەک دەست بێنم
بە تێشک و تیرێژی قژیاندا و
موو بە موو ماچیان کەم.
🎀 @
شێرکۆ بێکەس
ـــــــــــــــــــــــــــــــــــــــــــــــــــــــ
لە کتێبی " دەربەندی پەپوولە"
.
Читать полностью…
Şêrko_bêkes
18 января 2022 14:35
#کۆچ
ـــــــــــــــــ
بەشی "۲۳"
🎀 @
نیسان هات و گوڵی چاوی
گوندەکان و شارەکانی
دا لە یەخەی مێژووی زەمین.
لە کۆتایی ڕۆژەکانی نیساندا بوو
چووم بە پیری ئەو جۆگەیەوە.
لە لێڵی دەم و چاویا...
ئەم سوێسکە کوژراوانەی بەرەو
کەناری ڕائەدا کە گۆڕیچەی
یادگاری گریانم بوون.
بەیانییەک... لە کۆتایی ڕۆژەکانی نیساندا بوو
شەوەزەنگێ لە ناو دەمی ئەژدیهاوە
کەوتە خوارێ.
بەیانی بوو...خۆر ئاوا بوو
هات... هات... هات
بوومەلەرزە، قیژە، ئاگر ، دوکەڵ و
خوێن، نیاز ، خۆلەمێش.
ئەی نیسانی گوڵی ڕەش پۆش چیت لێکردم!
سەرت بەخشی بە ڕەشە باو
چوویتە ناو چاوی مەرگەوە،
چرای گریانت داگیرسان.
چرای گریان
ڕەنگی شەوقی
لە مانگی کوژراو وەرئەگرێ.
تۆ لە بەریا ... دابنیشە و
"لۆرکا" بێنە تەنیشتەوە و
ئەوسا وەک،
دوو جووتە سەروو
هەڵچن... هەڵچن... هەڵچن...
بڕۆن هەتا کوو مانگ
لە باوەشی شیعر ئەگرن!
باران نەنووست و نەنووستم
ئەم زریانە لە "گلگامش"ی کاروانیا
قاڕەی تۆفان ناونووس ئەکات.
دەرگای داستان و ئەفسانە...
لەسەر "ئەنکیدۆ"ی هاوڕێی ئەکاتەوە.
تۆش "پیرەکەو زەریا" کە...بە!
پەڕینەوە... لەم تۆفانە
پردێکی چەخماخەی ئەوێ!
تۆش "بوراق" بە!
بووم بە بوراقی پەیامی سووتاوەکان،
بووم بە پیرە و بە زەریاکەی،
ناو ڕۆمانی کۆچی ئەمجارەی پەری خان،
کێوەکانم لەناو ورەی خۆمدا مت کرد.
کێوەکانم، بەسەر وشەمدا هەڵگەڕان.
لە نێرینەی ترسا ژیام.
من زمانی خەنجەرێ بووم
خوێنی کێلانەکەی خۆمم ئەلستەوە و
هەموو ڕۆژێ چاوەڕوانی،
هاتنی کفنی خۆم ئەکرد،
هەموو شەوێ چاوەڕوانی
تەورداسی بڕینەوەی خۆمم ئەکرد
🎀 @
ـــــــــــــــــــــــــــــــــــــــــــــــــــــــــــــــــــــــــــــــــــــ
#کوچ
ـــــــــــــــــ
قسمت "۲۳"
فروردین فرا رسید
و بنفشە چشم روستاها و شهرها را
بر سینە تاریخ زمین زد
و فروردین هنوز بە پایان نرسیده بود
کە من به پیشواز جویباری رفتم
جویباری کە با چهرەای کدر
نعش تیهوهای کُشتە شدە را
"کە مدفن خاطرەها و گریەهایم بودند"
بە کنار می‌افکند.
در سپیدە دم یکی از روزهای پایان فروردین
شبی تیره و تاریک
از گلوی اژدها فرو رفتم.
در سپیده دم آفتاب غروب کرد.
آمد... آمد... آمد...
زلزلە... فریاد... آتش... دود...
خون... خاکستر!
آە ! ای فروردینِ گُلهایِ سیاهپوش با من چە کردی؟
سرت را بە گرباد سپردی
در دیدە مرگ فرو رفتی
و چراغ گریە بر افروختی.
چراغ گریە
از ماه کُشتە شدە رنگ می‌گیرد
د ر روشنایی این چراغ بنشین
و "لورکا" را در کنارت بنشان
و آنگاە هم چون دو سرو قد بکشید
چندانکە ماە را در آغوش شعر بگیرید
این گردباد در "گلگمش" کاروان خود
قارە طوفان را نامنویسی می‌کند
و دروازەهای افسانە و حماسە را
بر "انکیدو" می‌گشاید.
تو هم "پیرمرد و دریا" باش!
گذر از این طوفان را پلی از آذرخش باید.
تو هم "بوراق" باش!
من بوراقی شدم برای رساندن پیام سوختگان
و در داستان بلند کوچ پری،
پیرمرد و دریا شدم.
کوهها را، در پایداری خویش خیرە کردم.
کوهها بر واژەهایم قامت برافراشتند.
در چنبرۀ ترس زیستم...
من زبان دشنەای بودم
کە خون غلاف‌ام را می‌لیسیدم
و روزها را انتظار رسیدن
کفنم سپری می‌کردم
شبهایم را در انتظار رسیدن تبر می‌گذشت
کە بر قامتم فرود آید..
شعر: #شێرکۆ_بێکەس
ترجمە: #ناصر_حسامی
ادامە دارد...
👇👇
🎀 @
Читать полностью…
Şêrko_bêkes
16 января 2022 14:30
#کۆلارە
🎀 @
ئەوە تەنها کۆلارەیەک
نەبوو، ئێواران لە سەربان
کە منداڵیم هەڵی ئەدا.
لەگەڵ ئەودا
تا بەر هەیوانی هەورەکان
من خەیاڵیشم هەڵ ئەداو
دەستم ئەدا
لە قژی مانگەشەوەوە و
لە جۆلانەی خەرمانەدا
خۆم ڕائەدا
لەگەڵ با دا.
ئەوە تەنها کۆلارەیەک
نەبوو، کە ئەیشچڕا
لەگەڵ ئەودا
خۆزگەی منداڵیم ئەپچڕا و
کۆلارەکەم
لە لقی دارێ ئەگیرا و
بۆ شەویش وەختێ ئەنووستم
خەونەکانم لێ ئەزرا.
🎀 @
شێرکۆ بێکەس
Читать полностью…
Şêrko_bêkes
14 января 2022 14:40
#قیبلەنما
کوردستانم برینێکە،
برین، لقی دار بەڕووە
واز لەو برینەم بهێنن، لێ گەڕێن با
پەل و پۆی سووری بهاوێ و
سێبەر بۆ ئازادیم بکا!
🎀 @
شیعر: #شێرکۆ_بێکەس
دەنگ: #عەلی_خزری
Читать полностью…
Şêrko_bêkes
13 января 2022 14:31
#درێژ
🎀 @
تەنها پێنج دەقیقەی ترە و بەڕێم ئەکەی
بەیەکەوە ڕاوەستاوین،
بێدەنگیمان درێژ ئەدوێ
هەموو شتێ درێژ... درێژ
تۆ خۆت درێژتری لە من
سێبەری هەردووکمان درێژ
پرچت ... درێژ
کراسی مۆری ئاودامان، ئەویش درێژ
شۆڕابەی گوارەکان... درێژ
نینۆکی زەرکەفتی درێژ
واگۆنی ڕیز بەستوو... درێژ
شۆستەی قەراغ.. درێژ.. درێژ
دڵۆپە فرمێسکیش... درێژ!
شەو درێژ و
هێڵ درێژ و
ئاوارەیی من درێژ و
ئیستە دوو دەقیقەی ئەوێ
بۆ سەعات هەشتی دابڕان
وەرە با ئاوێزانت بم
بۆ ماچێکی دوور و درێژ..!
🎀 @
شێرکۆ بێکەس
ـــــــــــــــــــــــــــــــــــــــــــــــــــــــــ
لە کتێبی "نسێ"
.
Читать полностью…
Şêrko_bêkes
11 января 2022 14:30
🎀 @
ئێوارە ...
دوای بانگی برینتان من ئەگەم... ئێوارە.
ئێوارە...
دوای شێوی گریاوتان لاتانم... ئێوارە.
کە هاتم
مۆمێکیم لە قوللەی حەزرەتی "نالی"دا بۆ هەڵکەن
با ملی دارێ بێ
یان پەنجەی نێرگزێ
یان قژی وەنەوشە.
زامێکم لە دوندی "کەکۆن"ی
"حاجی"دا بۆ پێکەن
با سەری بڕاوی شیعرێ بێ
یان مەمکی "وەسانان"
یان باڵای هەڵەبجە.
دوای بانگی برینتان من ئەگەم
کە هاتم
لە بەردەم دەروازەی هەناسەی ساردتانا
تاقێکم بۆ لێدەن
شیاوی شای خەم بێ و ئەم تاجی غوربەتە
شیاوی ڕیشەکەی "خەندان" و
شیاوی هەیبەتی "جەلادەت".
تاقێکم بو لێدەن:
بە خونچەی ئەو هەموو فرمێسکەی هەتانە.
بە گەڵای ئەو هەموو ئاخانەی لاتانە.
بە ژاڵەی ئەو هەموو کسپانەی پێتانە.
تاقێکم بۆ لێدەن
بە نەخشی باڵندەی ئەو قوڕە سوورانەی هەتانە و
لە گڵکۆی ئازیزان بە ئاوی نێو نیگا شێلاتان.
تاقێکم بۆ لێدەن
بە خشتی ئازاری چوار گۆشەی
ئەو هەموو پرسانەی دای ئەنێن.
تاقێ بێ لە شێوەی مێزەرەی "مەولەوی"
تۆزێ قووچ
تاقێ بێ وەک پشتی کۆماوەی
خەڵوەتی "مەولانە"
🎀 @
شێرکۆ بێکەس
ــــــــــــــــــــــــــــــــــــــــــــــــــ
لە کتێبی "دەربەندی پەپوولە"
.
Читать полностью…
Şêrko_bêkes
09 января 2022 14:30
🎀 @
کێ دەنگی کرد؟! کێ هاتە سەر تەرمی کانییم؟!
لە ناو مێژووی هەڵقرچاوما
کێ بوو قومێ ئاوی کرد بە دەمی
سنەوبەری سەر بڕاوما؟!
کە ڕووباری لەشیان کوشتم
کام ئۆقیانووس خۆی گرژ کرد؟
پردی کام جێ دەستی گرتم؟
کە هەرمێی مەمکیان هەڵکەندم
کە شەمامەی دڵیان گووشیم
ڕەشەبای کام لا هەڵیکرد؟
کێ ورتەی کرد؟
کێ؟ کێ؟ کێ؟
کە پرچی ڕەزیان هەڵکێشام
کە چاوی گوڵیان دەرهێنام
وەکوو ئاغزە جگەرە
توێکڵە شووتی
پێیان پیا نام!
کورسی کام پایتەخت و یاسا
لەقەی بۆ کرد؟
کێ دەنگی کرد؟
مووی سمێڵی کام ڕژێم بوو
جووڵەی بۆ کرد؟
تووکە سەری کام گەورە پیاو
تووکە بەری کام گەورە ژن
بۆ من بزووت؟!
هەر دوو لایان
هەر سێ لایان
هەر چوار لایان
یەک لە دوای یەک،
هەرچی هەستا بە خوێنی من
دەس نوێژی گرت
بە خوێنی من ڕۆژووی شکان
خوێنی منی دا بە نەوت!
یەک لە دوای یەک
هەرچی هەستا کاسە سەرمی کرد بە تەپڵەک
هەرچی هەستا چەرمی سکمی
کرد بە جانتای دیبڵوماسی و
ئینجا سرەوت!
هەرچی هەستا ئێسکی منی کرد
بە پەیژە و بە پێپلیکە و
خۆی پیا سەرکەوت!
لە بازاڕی ڕۆژهەڵات و ڕۆژئاوادا
کۆیلەی پێست سپی بووم و
من بۆ کێ نەبووم بە دەسکەوت؟
کێ گۆشتی کوت کوت کراوی
ئەم لەشەی منی بەر نەکەوت؟!
🎀 @
شێرکۆ بێکەس
ـــــــــــــــــــــــــــــــــــــــــــــــــــــ
لە کتێبی "شایی شەهید"
.
Читать полностью…
Şêrko_bêkes
07 января 2022 14:30
🎀 @
بەو گەڕەکەدا ڕۆیشتمەوە
کە منداڵیم
چۆلەکەی سەر گوێسەبانەی
ماڵەکانی و
تۆپی یاریی کەلاوەی و
عەزیزی دڕاوی بەری
دار تووەکەی بوو.
بەو گەڕەکەدا ڕۆیشتمەوە
کە بە جێم هێشت دوور کەوتمەوە
ئاخێکی قووڵم هەڵکێشاو
ئاخ لە شیعرێکی تازەدا
بوو بە دایکم و
پەرەسێلکە و
بە ئێوارانی پاییزی
ئەوسای گەڕەک.
🎀 @
شێرکۆ بێکەس
Читать полностью…
7823
