️ريحانة الرسول الأولى☜ لنشر القصائد المكتوبة
24 September 2026 17:45
شده لزهراء ع
يالعفتي زينب بالنزل تبجي وحزينه
لوصار الغروب اندبت وجه امي وينه
...........
عفتيها وارحلتي بعجل اه يالزجيه
والدارتوحش يم حسن وكت المسيه
صاحت ودمعتها جرت ردي عليه
كلبي ييمه بفركتج زايد ونينه
.........
يايمه ردي الخاطري كلبي كسرتيه
ويلاه ياكسر الكلب جابيش اداويه
والبيت تخنك وحشته مابيه اصد ليه
يادهر هم امي تجي واطب علينه
.........
هيهات صارت ردتج واكعطت الاضنون
خليها تعمه من البجه وتروح العيون
اولادج بوكت العصر يمي يكعدون
ياخويه راحت فاطمه وماضن تجينه
.........
خل نلبس هدوم الحزن ونون عليها
يحسين شالت والدهر شيعوده بيها
ماترجع تنشف الدمع بجفوف اديها
والموت ضيع فاطمه واحنه شبدينه
.........
لاكن عله فراك المشت شيصبر الروح
ياخويه شيهود الكلب شيطيب الاجروح
لا ينفع الون والدمع لا ينفع النوح
والدنيه ماتسوه بعد عكب الحنينه
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب الجزء السادس والثلاثين المآسي الفاطميه
/channel/Um_Zainab_Kar
Читать полностью…
️ريحانة الرسول الأولى☜ لنشر القصائد المكتوبة
24 September 2026 17:44
لطميه لزهراء ع عن لسان حال زينب ع
اليوم حسين يبجي وبيش اسكتنه
يريد امه الحنينه ويجذب الونه
..........
كعد عالباب والونه يجر بيها
امسح دمعته ويكلي خليها
خل تعمه العيون الحنت عليها
حنيت الحظنها وارد اشمنه
..........
الدمع تارس عيونه وكام يحجيلي
من اطب للبيت احس امي تناديلي
يزينب فركة امي ركدت حيلي
اريد اشتم حضنها المشبعت منه
.............
يجي اليل وصورها انرسمن اكبالي
حس امي اسمعه وصوتها ابالي
جن تصيحيلي يحسين يالغالي
انفطر كلبي عليها وبيش اصبرنه
...............
خليته عالصدري ويجر بالحسره
حاضني وعبرته مكسره بصدره
يزينب وين نشتم ريحت الزهره
بعد وجه الزجيه وين اشوفنه
.............
صرخنه ثنينه والعين جريانه
اجه يمنه الحسن من سمع مبجانه
وكام بصوت عالي يصرخ ويانه
نده زينب يخويه ماترد امنه
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم القصيده من كتاب المآسي الفاطميه الجزء االثاني والثلاثين
/channel/Um_Zainab_Kar
Читать полностью…
️ريحانة الرسول الأولى☜ لنشر القصائد المكتوبة
23 September 2026 20:00
السلام ُعلى ام الحسين فاطمه
_____
يا سلام الله عله الكسروا ضلعها
يا سلام الله عله السالت دمعها
يا سلام الله عله الطفوا شمعها
يا سلام الله عله اليذبح صفعها
السلام ُعلى تلك الحزينه الكاتمه
__
يا سلام الله عله الزهره الزجيه
يا سلام الله عله ضلع الزكيه
يا سلام الله عله أم البريه
يا سلام الله عليها بهل المسيه
السلامُ على من عل الصلاتي عازمه
__
يا سلام الله عله أبنت محمد
يا سلام الله عله حزنج تجسد
يا سلام الله عله الثأر التوعد
يا سلام الله عله دمعاته أحمد
السلامُ على خير النسا أرض وسمه
__
يا سلام الله عله الام و طفلها
يا سلام الله عله المحد حملها
يا سلام الله عله المحد وصلها
يا سلام الله عله اليبجي لجلها
السلامُ على من دنيتيها مضلمه
_____
يا سلام الله عله التقضي الصعيبه
يا سلام الله عله هذي الحبيبه
يا سلام الله عله الراحت غريبه
يا سلام الله عله هاي المصيبه
السلامُ على من الى الحق عازمه
__
يا سلام الله عله الرحمه الجبيره
يا سلام الله عله الطاحت كسيره
يا سلام الله عله هاي الاميره
يا سلام الله عله الليله العسيره
السلام ُعلى من تنجيها الخاتمه
__
خادم الزهراء
سيد علي خالد الحسيني
Читать полностью…
️ريحانة الرسول الأولى☜ لنشر القصائد المكتوبة
21 September 2026 23:32
#نعي_للزهراء
لسان حال الامام الحسين ع
انوحـــن ليلي ونهاري على أمي
ماتـت مـــن وكت والعاش همي
امنـــحن وشتاگ ما ألگاهه يمي
واون ومــــن ونيني ايفور دمي
الجنت اغفه ابحضنها اليل كله
مشت وتركت وسط الدار خله
عليها الدمـع من دم گمت اهله
الدرب ضليــت اتيه ما انـــدله
آ ياحســــــرت اليفگــدله غالي
وحشه اتصـــير بعيـــونه اليالي
وأنه ضليت حال الضيم حالي
حــرگ الباب ماچان اعله بالي
الخادم
✍كامل السعيدي
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:58
لطميه لزهراء ع عن لسان حال زينب ع
ثكل همي واريد امي تمر وتنشد عليه
وين الكاج واحجي وياج يلكلج محنيه
وين الكه حنان امي وافل شوك الكلب يمها
ماعدها تجيه تصير كلمن ضيعتها ا مها
الدنيا لوجفتها بيوم عدمن تشتكي همها
الخلك لوضاك الج اشتاك والدمعات مجريه
..................
تعاي بساع لاتبطين وبتج نشدي عليها
تون وماتنام اليل افراكج حيل ماذيها
مانشفت ييمه العين دم عليج تجريها
وحك عيناج مر فركاج والفركاج مابيه
...............
مابيه عله فراكاج ييمه وياج حمليني
نتعاتب عتاب احباب يم حسين خليني
المن اشتكي همومي لورحتي ونسيتيني
اضل انعاج ماانساج عليج الروح مكضيه
.................
عليه اطول غيبتها واشبع من زماني هموم
عتابي ماتسمعينه اودي عتاب الج كل يوم
وحشه دنيتي بلياج وحزينه والكلب مالوم
الكلب يهواج اريد ارباج وعدمن عفتي البنيه
...............
لوثكلت علي دنياي المن اشتكي همومي
وفراكج ابد ميهون كتلني وغير ارسومي
خلصت العمر لوعات ما وصلنج اعلومي
خبر ماجاج واترجاج يوم الرحت مسبيه
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب الجزء الأول المآسي الفاطميه
/channel/um_zainab_kar telgram
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:54
أماني ... فاطمه
كياني ... فاطمه
ملاذي ... فاطمه .... ام الحسن والحسين
.......
١؛؛؛؛؛؛؛؛؛؛
اني كلشي ... عندي هيه ... فاطمه أم الحسن
وي دمي ... ويه روحي ... تسري ما عشت الزمن
انه تايه ... عمري جبته .. وهيه صارتلي الوطن
ليهه ترخص ... كل حياتي .. وما اوفيهه الثمن
ندائي ... فاطمه
رجائي ... فاطمه
ملاذي.... فاطمه .... ام الحسن والحسين
.......
٢؛؛؛؛؛؛؛؛
نعمة الله ... ام ابوها .... اعليه افضل كل نعم
الهه خادم ... أفخر انه ... من صرت يهل الشيم
بعتقادي ... كلشي زايل ... هذا واقع مو وهم
بس ذكرها .. الزهره باقي ... ارد افهم الما فهم
شعاري ... فاطمه
خياري ... فاطمه
ملاذي .... فاطمه ... ام الحسن والحسين
......
٣؛؛؛؛؛؛؛؛
جنة الله ... من سألني .... راح اكَله فاطمه
ما أساوم ... على حبهه ... لو يملكوني السمه
الدنيا هايه ... ابلا رسمهه ... جنهه ذيج الحاطمه
وحق زينب ... وابو اليمه ... وعلي حماي الحمه
وجودي ... فاطمه
خلودي ... فاطمه
ملاذي ... فاطمه ... ام الحسن والحسين
......
٤؛؛؛؛؛؛؛
كل حياتي .... الزهره بيهه ... ما تفاركَـ دنيتي
في جلوسي ..في قيامي ... فاطمه الكَـه صيحتي
ما تفارك ... لحضه بالي ... عايشه برويحتي
الهه ارخص .. كل بنيني ... المنهه صارت قيمتي
سلامي .. فاطمه
هيامي ... فاطمه
ملاذي ... فاطمه ... ام الحسن والحسين
.....
٥؛؛؛؛؛؛؛؛
أبقى خادم ... وبخدمتي ... للزجيه انه افتخر
والمجالس ... نعمت الله ... بيهه يا محله الذكر
بالنواعي ... والبواجي .. وبلطم ذاكه الصدر
كَـبري أدخل ... انه ناذر ... من يخلَّص هالعمر
حياتي ... فاطمه
مماتي ... فاطمه
ملاذي ... فاطمه ... ام الحسن والحسين
...........
٦؛؛؛؛؛؛؛؛؛؛
رافع ايدي ...والإمامي ... أدعي تعجيل الفرج
من جنوده ... كون اصيرن ... اخر وباقي الحجج
الثار أمه ... الزهره فاطم ... دمعي للباري عرج
امنياتي ... وانه عايش ... اسمع المهدي خرج
أنادي ... فاطمه
مرادي ... فاطمه
ملاذي .... فاطمه .. ام الحسن والحسين
.................؛؛؛؛؛؛؛؛؛.....................
✍️ كلمات .. موسى الخادم
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:52
يافاطمه يافاطمه
،،،،،،،،،،،،،،،،،،،،،،،،،،،،،،،،،،،،،،،،،،
شخليتي بيـه بطيحتـچ هاي
اگعــــد وگومن كاض مگفاي
يالزهره گلبي عليـــچ ممرود
سويها لله وگـــــــومي وياي
،،
گومــي ياعزي ودلالي گومي گلبي عليج راح
علي اذا مــو انتي يمه بعــــــد ليمت يستراح
،،
چا هاي تاليها المحنه
تخلينه وترحيــن عنه
،،،،،،،،،،،،،،،،،،،،،،،،،،،،،،،،،،،،،،،،،،
شيكضله گلبه الگلبه محتام
ماعنده غيـــــر يخلي وينام
چاغير كــــون بنومه يرتاح
كـــل ماينام تگعده الاحلام
،،
انه ماتعبان انه انه اصــــــلآ ارد امــــــــــوت
انه من گـــــــد المتانه ريجي ابلعه ومايفوت
،،
كومــي ياشلعان گلبي
گومي مو تيهت دربي
،،،،،،،،،،،،،،،،،،،،،،،،،،،،،،،،،،،،،،،،،،
من گلبي رحتي الحـدر التراب
وخليتي گلبي اعليــــچ عطاب
يالزهره هجرج عافيـــــه يريد
وعافيتي اخذها الضلع والباب
،،
علي التنخاه الوادم علي بالگــــــــــوه يگوم
اعليچ ما ساكتله ساعـــه علي مانايمله يوم
،،
علي يالزهــره تعــــذب
علي ليـــل انهار ينحب
،،،،،،،،،،،،،،،،،،،،،،،،،،،،،،،،،،،،،،،،،،،،
ياحيلي ماضــل حيل بجفاچ
كـــــــــل الأحبهن ماتن وياچ
سويلي چاره الروحي لاموت
الكلشي انه گادر الـــه فرگاچ
،،
حيل ماضل للبواچي والبواچي تريــــد حيل
صبح مامر اعله عيني كلشي صار بعيني ليل
،،
انتي رحتي وراح كلشي
وگمــت باليادوب امشي
،،،،،،،،،،،،،،،،،،،،،،،،،،،،،،،،،،،،،،،،،،،،،
انكسار ابالحسن ع
،، مصطفئ الصالحي،،
Читать полностью…
️ريحانة الرسول الأولى☜ لنشر القصائد المكتوبة
11 September 2026 20:34
نعي طور الفراق الى مولاتي الزهراء عليها السلام
يالزجيه،، فرگتج طرت دليــــلي
يالزجيه،، فرگتج هدتلـي حيلي
يالزجيه،، مساهره ومانمت ليلي
يالزجيه،، دمعـتي سالت بعيــني
ويلي يمه،، البيت ضلمه خلاف عينج
ويلي يمه،، زغيــــره ماعشتي سنينج
ويلي يمه،، المــــوت حارمني حنينج
ويلي يمه،، للگــبر رحــــتي بــونيــنج
ــــــــــــــــــــــــــــــــــــــــــــــــــــــ ـــــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان
/channel/ma_x72w
Читать полностью…
️ريحانة الرسول الأولى☜ لنشر القصائد المكتوبة
02 September 2026 23:05
ياباعبدالله ياباعبدالله
ــــــــــــــــــــــــــــــــــــــ
اخذني العالمك مولاي دنيا ابلا عشگ صعبه
الجدمه ايضيِع اثارك مايندل بعد دربه
امنيتي يا عزيز الروح گلبي الگلبك اتجذبه
مابين اهلي وناسي وحيد وعايش ابغربه
ارد اشكيلك عالحال ... همومي بلياك اثگال
محتاجك يابو الروح اكثر من حاجة مال
ياباعبدالله ياباعبدالله
ــــــــــــــــــــــــــــــــــــــ
مخنوگ واجيت اعليك اريدك ترحم بحالي
اديه مجتفه وخجلان وعارض يمك اعمالي
اعرفك ماترد طلاب وطالب عطفك الغالي
المارجع سهم جتال صعبه ايرجع امثالي
يبن الزهراء اترجاك ... خليني بدمعي وياك
يالمارجعت السيف والموت امن اتعناك
ياباعبدالله ياباعبدالله
ــــــــــــــــــــــــــــــــــــــ
برحمتك حيريت الموت وغزر بالترب ملحك
حنين وكلشي يامولاي جان ابكربله ايجرحك
أتحرك راسك ويالسيف خاف اتعب اليذبحك
لو عنده گلب جا مات بس كلش صلف رمحك
تفرق عن هاي الناس ... نحرك متروس حساس
يمضحي بخيمه وماي ومراضي الله بعباس
ياباعبدالله ياباعبدالله
ــــــــــــــــــــــــــــــــــــــ
اشكال الوادم يوزعون لاجن تختلف انته
جسمك للسحگ يحسين بثواب الزهره وزعته
دخيل الله شكثر تنحب وغرام تسولف بسكته
المثلك عالعرش سلطان مو تطلع سبيه اخته
صدرك شابع طعنات ... هاگد شايل شوغات
بگد حنيتك مولاي طلعتلك علويات
ياباعبدالله ياباعبدالله
ــــــــــــــــــــــــــــــــــــــ
ارزقني البواجي عليك يالمامل ابد منك
خلها تخلص سنيني وانه امجلب بحزنك
ماريد العمر خلصان ماريد ابتعد عنك
اقبلني عبد للموت امشي مدنگ بضعنك
يالقابل حر ابروح ... صدرگ للحب مفتوح
بلا عطفك والنضرات الخادم وين ايروح
ياباعبدالله ياباعبدالله
العبد ابوفايز الرافضي
Читать полностью…
️ريحانة الرسول الأولى☜ لنشر القصائد المكتوبة
19 August 2026 16:13
#أبوذيـات
لمولاي الإمام العسكري (عليه السلام)
عيوني اعليك يالمـهدي ترابات
وحزن عاشور بضلوعي ترابات
من طف كــــربله عندي ترابات
خلهـــــن بالگـــبر يوليدي اليه
بس دم يجري بعيوني مظلما
وسهم فگـــدك ابدلّالي مظلما
يبويه اليوم ســـــامرّه مظلما
وعجيبه بالثره اتغـيب الثريه
سيدي ياصاحب الزمان فداك روحي
وسيعه جروحك ومايوم لمّن
واسنينك مـــــرار وضيم لمّن
بقيت اوحيد يالموعـــود لمّن
ادفنت والدك بحجــور المنيه
✍ فراس المحمداوي
#اللهم_عجل_لوليك_الفرج
Читать полностью…
️ريحانة الرسول الأولى☜ لنشر القصائد المكتوبة
18 August 2026 07:40
خل نشيع العسكري .. خل نشيعه
📜 1
وينكم يهل الحميه كَـومو احضرو الساعه
مات ابو النفس الأبيه وحان وكت اوداعه
وين انصار ابو صالح وين وين اتباعه
خلهه تلطم خلهه تنحب على الحلوه اطباعه
خل نشيع العسكري … خل نودعه
📜📜 2
لا يطر فجر المصيبه ويمه محد حاضر
المهدي بالتشيع رايد عون هل من ناصر
حيله مهدود اعله جده الداس فوكَـه الحافر
لا تخلونه وحيد اعله الدروب ايناظر
خل نشيع العسكري … جاري دمعه
📜📜📜 3
الليله سامره ابكُبرهه امحزمه اويه القائم
والمواكب على كَـدهه وخادم بصف خادم
ماكو شارع بيهه فارغ تارستهه الوادم
والعزاء قائم نشوفه وبي أكيداً فاطم
حل نشيع العسكري … أُمه تنعه
📜📜📜📜 4
ساعت التشيع حانت يلا يالوفايه
خلو سامره تغص ابروجت المشايه
ومثل يوم الأربعين انروح ليهه اهوايه
وموش رايه وحده نطلع رايه تتبع رايه
خل نشيع العسكري … اهوايه ربعه
📜📜📜📜📜 5
نعش ابو المهدي تجهز وين اليشيعونه
ومنكسر ظهر ابو صالح وين الي ايعينونه
الرايد ايبرد دليله او يكـف دمع اعيونه
خلي يجي السامره شايل حزنه فوكَـ امتونه
خل نشيع العسكري … غربه وضعه
======================
✍️🏻 كلمات خادم الحسن العسكري #موسى_الخادم
Читать полностью…
️ريحانة الرسول الأولى☜ لنشر القصائد المكتوبة
12 August 2026 14:49
(لحن يا عباس فگدك هضمنه)
بوية شلون اني الحبيبة
بوية شلون بعدك غريبة
ــــــــــــــــــ
بوداعك جني بالهيمة
مثل طفلة بوسط خيمة
دمعتي مطرت الغيمة
حزن فگدك يبو الشيمة
يبوية والفگد ظيمة
صعب يا بوية تعضيمة
بوية شلون موتك عجيبة
بوية شلون بعدك غريبة
ــــــــــــــــــ
انا اتنفس وسط ريتك
انا عافيتي عافيتك
يخيمة راسي خاجيتك
يبوية اذكر وصيتك
انا اول اهل بيتك
اموت والگة حنيتك
بوية شلون موتي شيجيبة
بوية شلون بعدك غريبة
ــــــــــــــــــ
يبوية بقلبي واحجيلك
يغالي بفگدك اشيكلك
ولا خلوني ابجيلك
يبوية ومنعو اهديلك
انا لليلة اصليلك
يغالي بدمعتي ادعيلك
بوية شلون دعوة مجيبة
بوية شلون بعدك غريبة
ــــــــــــــــــ
مصايب من جرت الية
يبوية وصبت اعلية
تصير الدنيا مطوية
إذا شافتهن شوية
ولا هود جرح بية
الحزن يگطع هوه الرية
بوية شلون صعبة المصيبة
بوية شلون بعدك غريبة
ــــــــــــــــــ
دمعتي القرحت جفني
ولا يهدة وسكت وني
يبوية ومن رحت عني
بعد عينك متت جني
الالم من الحزن ذبني
فگد وجهك يلوعني
بوية شلون قلبي ولهيبة
بوية شلون بعدك غريبة
ــــــــــــــــــ
انا المشدوهه وبدمعي
انا ابنيتك شفت وضعي
على الونة صبح طبعي
طفى بوية الفگد شمعي
وكسر بوية الهجر ضلعي
اسولف بالصبر وادعي
بوية شلون جفني ونحيبة
بوية شلون بعدك غريبة
ــــــــــــــــــ
للشاعر : زين العابدين الشمري
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:13
عظــــم الله لــك الاجـــر علـــــي
*
يا مصابك يا عـلي شعظم المصاب
منـه گلبــك سيــدي بالحــسره ذاب
يــوم وجـه الهادي عن عيناك غـاب
احــس روحــك غابــت بأحـــزانها
*
اليوم غضمت عين طــه المصطفى
اليـوم روح الكــون بحضانــك غفه
الشامت اليوم بعلـي وطـه اشتــفه
وبالسقيـــفه گعــدو وشيــطانهــا
****
روحه فاضت سيدي وعينك تشوف
الامــه سلت ضـدك اقــلام وسيـوف
عافت الهادي وعلى الكرسي تطوف
وقسمّــت حكـم وبغـــي بطغـــاينها
*
عافــت الامــه نبي الرحمــه الأمين
لا غســل خلـوه بعــد هــاي السنين
ركضت أعلى الحكم لنها إبلايا دين
شكــل ديــن أهــل البغـي و إيمانها
*
حيدر امصـابه بـده بجرح الرسول
جرحـوا الهــادي بكسر ظل البتول
اولده سـم وذبح وتجـول الخيـول
لآل أميــه وسفــه وي مــروانهــا
*
وصه بالعتره النبي بنـص الكـتاب
بالســيوف الامـه ردتلـه الجــواب
حرگــو بأحقـادهم للــزهره بــاب
الامــه مــا حفظت نهــج قـــرآنها
*
الشاعر
موسى البديري
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:10
قصيدة في شهادة الرسول الأكرم صلى الله عليه وآله وسلّم … لسان حال الزهراء عليها السلام
ــــــــــــــــــــــــــــــــــــــــــــــــــــــــــــــــ
آه واويلاه يا بويه الحبيب
آه واويلاه يا بويه الحبيب
ــــــــــــــــــــــــــــــــــــــــــــــــــــــــــــــــ
عيــــني ما ترتــــاح إلاّ بشــوفتك
وما تروح ٱهمومي بَس بحَـضرِتك
ٱتحَــوّل الآهـــات بَســمة نظــرِتك
والجروح بلَمسِتَك تِشفى وتِطيب
آه واويلاه يا بــــويه الحــــــبيب
ـــــــــــــــــــــــــــــــــــــــــــــــــــــــــــ
چِنت أبويه وچِنت أخويه والسنَد
وچان حيـــدر إبــن عمك والمَــدد
والشجَر وَي سَجـدِتك خَر وسَجَـد
والبَدُر من نورك ٱمحصّل نصيب
آه واويـــــلاه يا بـــويه الحبيب
ـــــــــــــــــــــــــــــــــــــــــــــــــــــــــــــ
إنتَ مشـكاة ٱهـــتدت بـيك الأنــام
وٱنتِـشَلت الغارگ بــبحر الــظـــلام
على ٱحروفك يا حبيب الله السلام
حتى عالظلموك ظل دمعك سَكيب
آه واويــــــلاه يا بـــويه الحبـــيب
ـــــــــــــــــــــــــــــــــــــــــــــــــــــــــــــــ
چِنت بالوادم يبو الــقاسم رحيم
وإنت بالـقرآن ذو الخُـلق العظيم
غـيث نازل عالأرض چــفّك كريم
طاهر الأصلاب يا طه النجيب
آه واويــــلاه يا بويـه الحبيب
ــــــــــــــــــــــــــــــــــــــــــــــــــــــــــــــــ
ما حِسبت ٱحساب تتــركني وتروح
بــويه من عگبك تـــولّتني الجـروح
ما طبگ جفني وعلى ٱفراگك أنـوح
بالحزن راح أگضي عمري والنحيب
آه واويــــــلاه يا بويـــه الحــــبيب
ــــــــــــــــــــــــــــــــــــــــــــــــــــــــــــــــــــــــــ
بويه عگبك ظهر أبو حسين ٱنكِسَر
والدلــــيل ٱعلـــيك بحزانه ٱستَعَـر
رِحِــــت عنـي وسَـــــلّمتني للقــهَر
الكون ظلمة ٱيصير لو شمسك تِغيب
آه واويــــــلاه يا بويـــــه الحبــــيب
ــــــــــــــــــــــــــــــــــــــــــــــــــــــــــــــــــــــــ
تبــــچي دم ٱعلــيك آيات الكــتاب
والشمس مفجوعة غطّاها السحاب
عظّــــم الله أجـورنا بهذا المــصاب
واللقاء ٱوياك قد أصبح قريب
آه واويـــلاه يا بــويه الحبيب
ــــــــــــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:08
الشاعرة ام زينب كربلاء:
لطميه لرجوع زينب ع الى المدينه وهي تخاطب الدار
جهبت الدار وحشه وحيل ونيت
يدهري بيش رحت وبيش رديت
...............
رحت مهيوبه بخواني الاحبهم
عالراسي رحت ويرف علمهم
نومه عالثره احبابي عفتهم
راحت هيبتي وبلاولي جيت
..............
مكسوره اجيت بغير الخوان
بحيره اشلون اطب الدار الاحنان
يافركت هلي اوحشت الديران
وانه من الهظم والضيم سليت
..............
حزينه والمصايب هدت الحيل
جهبت اديارهم والمدمع يسيل
ياداري نهارج يشبه اليل
ضلمه وارهبتني يوم طبيت
.............
طبيت ابحزن لديار الحسين
تلكتني الحنينه و ام البنين
نشدتني يزينب جا هلج وين
تذكرت السبع عباس وابجيت
...........
صاحت صوت والونه شجيه
وين حسين والبيهم حميه
اخوتي اتذبحو بالغاضريه
جم غالي عله التربان خليت
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
/channel/Um_Zainab_Kar
Читать полностью…
️ريحانة الرسول الأولى☜ لنشر القصائد المكتوبة
24 September 2026 17:44
لطميه لزهراء ع عن لسان حال زينب ع
ياليل بيك اتوادعت ويه امي ياليل
ياريت وياها شلت من رادت تشيل
..............
كلمايمر ليلك بجت روحي الحزينه
جاليش من عدنه خذت وجه الحنينه
يالبيك شالت فاطمه وبعدت علينه
ويضعونها ماحملت ويه امي ياليل
.........
ياريت حملنه سوه وشلنه بضعنها
ولاشالت ولايتمت بتها وابنها
وشلون عني الوالده غمض جفنها
تمنيت عيني غمضت ويه امي ياليل
..............
وشلون عيني ماعمت من ودعتني
لاهيه سمعت صرختي لا جاوبتني
دارت العين وحملت وما حملتني
وشلون كلي اتفاركت ويه امي ياليل
............
خلتني بالدار ومشت واصرخ وراها
هليت دمعي وعاتبت موت الخذاها
امي واعز من الهوى محمل جفاها
اصرخ وراها وعاتبت ويه امي ياليل
...........
ودعت امي فاطمه والدمع ساجب
يايمه سمعي ونتي وعتب الحبايب
رحتي يممه والكلب بالفرگه ذايب
فلت العشره وانكضت ويه امي ياليل
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم القصيده من كتاب المآسي الفاطميه الجزء االثاني والثلاثين
/channel/Um_Zainab_Kar
Читать полностью…
️ريحانة الرسول الأولى☜ لنشر القصائد المكتوبة
24 September 2026 17:43
لطميه لوحشة الزهراء ع عن لسان حال زينب ع
وحشة امي بيش اسدها
شيسوه عمري من بعدها
يازماني عود بيها
امي مااصبر عليها
وحشة امي وحشة امي
...........
عود بيه ياوكت وارحم دليلي
خلها تسمع صرختي اوني وعويلي
اه يوحشة بيتها وياحزن ليلي
تنشف دموعي واكل للعين سيلي
تنشف الدمعه بديها
امي مااصبر عليها
وحشة امي وحشة امي
........
منين اجيبنه الصبر وتغمض العين
انشد البيت بدمع وين ام الحسبن
ليش يادنيه عله حالي ماتحنين
رجع امي لنزل وارحمني يابين
بعد مايكطع بجيها
امي ما اصبر عليها
وحشة امي وحشه امي
..........
شلون من نكعد سوه وماهي الزجيه
البيت يوحش ياخلك وكت المسيه
حسين يبجي والحسن لازم بديه
عليج مكتوب اليتم خويه وعليه
زينب تحاجي وليها
امي ما اصبر عليها
وحشة امي وحشة امي
...........
كعدت اكبال الحسن ويهل دمعها
خويه فكد امي تره انفاسي كطعها
والبعمري مفاركه شنهي وضعها
صاح يازهره ييمه من سمعها
تعاي زينب سكتيها
امي مااصبر عليها
وحشة امي وحشة امي
..........
ضلمه صارت دنيتي عكب الحنينه
وين اليساعد بدمع روحي الحزينه
هاليله وحشة فاطمه تصعب علينه
نصيح يمه وأمنه ماتسمع بجينه
ياعلي وديني ليها
امي مااصبر عليها
وحشة امي وحشة امي
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم القصيده من كتاب المآسي الفاطميه الجزء االسادس والثلاثين
/channel/Um_Zainab_Kar
Читать полностью…
️ريحانة الرسول الأولى☜ لنشر القصائد المكتوبة
23 September 2026 19:59
احب ملكَاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
الحياة ابلا وجودج ظلمه تدريهه
منو الزينب بعد موتج يباريهه
تريد اوياج روحي اتروح خليهه
من شوفت اعيونج لا تحرميهه
الكَلب يهواج ... يايمه
صعب فركَاج ... يا يمه
اموت اوياج ... يا يمه .... يا زهراء
.....
على ارسومج ييمه اعيوني متعوده
ودليلي اعليج من النوح شيهوده
التموت امه يعيش ابدنيته الوحده
مثل واحد غريب وكلشي ما عنده
ابدمعتي انخاج ... يايمه
صعب فركَاج ... يا يمه
اموت اوياج ... يا يمه .... يا زهراء
.......
يم حلو الحجي ويم حلوت الملكَه
بعد عينج نضيع وفرحه ما نلكَه
عليج ابداعت الخيل العده اتسحكَه
افتحي ااذراعج اواخذيني بالشبكَه
أظل انعاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
ييمه المكَبره ما لايكَه السنج
وبعدنه ما شبعنه اهواي من حضنج
تدخلين الكَبر وانتي الورد جنج
ابعمر اثمنطعش حرمو هلج منج
طفو عيناج .... يا يمه
صعب فركَاج ... يا يمه
اموت اوياج ... يا يمه .... يا زهراء
......
باجر ياهو اليه ابحركَت الخيمه
ومنو ايلملم اعيالي وماكو اهل شيمه
تجيني لو اظلن وحدي بالهيمه
امن اصيحلج تعالي ابصيحت ايتيمه
إلحكَي أرباج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
✍️كلمات .. موسى الخادم
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:59
#فصيـح
مولاتي فاطمة (صلوات الله عليها)
الكسرُ في أضلآعِها أعيآها
وكذا سقوطُ جنينِها آذآها
قد خلّفت تلكَ السياطُ كدُملُجٍ
منهُ اسوداد ٌ بآنَ في يُمنآها
يالطمةً في وجهِ بَضعةِ أحمد ٍ
منها تنآثر َ في الثرىٰ قُرطاها
ولِـفقد ِوالِدِها النبيِِّ تكَدَرَت
مُحمَرّتانِ من البكآ عيناها
تمضي لتندُبَهُ بحُرقةِ قلبِها
ونياحةُ الهاديِ غدَت سلواها
وقميصُهُ كقميصِ يوسُفَ عِطرُهُ
فتشمُهُ ونِدآؤها يـآ طٰــه ٰ:
أصحابُكَ انقلبوا علىٰ أعقابِهِم
أوَ لم تَقُلْ ويل ٌلمن عآدآها !
والسامريُ وعِجلُهُ فتكا بها
هذي حبيبَتُكَ التي ظلمآها
تشكو إليهِ ولوعة ٌبعتآبِها
والحزنُ والآهآت ُ في شكوآها
(ياليتني قد مِتُ قبل هُنيئتي)
بَقِيّت تُرَدِدُها إلىٰ مَثواها
حتىٰ قضَت مهضومةً مجهولةً
قدراً وحيدرُ خِفيةً وآرآها
سمير الصالحي
#اللهم_عجل_لوليك_الفرج
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:56
لا تلوموني اعله دمع اعيوني
ابجي لمصاب ام حسن خلوني
🟥1
آنه من يوم اسمعت ضلع ام حسن
منكسر بالباب واعيوني بچن
وصار مجلس فاطمه الزهره وطن
وبعد يا هالناس لتلوموني
2🟥🟥
يا مصيبة فاطمه التدمي الگلب
حگي من ابچيلهه ودمعي اليصب
گالو امن العَصره طاحت عالترب
ابهل الكلام اهواي احس هضموني
3🟥🟥🟥
أحسب احساب الليالي فاطِمه
آنه وادموعي وجفوفي اللآطِمه
عالمجالس حيل روحي امعلمه
وين ما گالو عزه تلگوني
4🟥🟥🟥🟥
لا تلموني اعله حزني المنفضح
على الزهره واعله ابنهه المذبح
اشلون اعيش الفرحه وانسه اكبر جرح
نازف امن الزهره نور اعيوني
5🟥🟥🟥🟥🟥
أنسه أسمي ومستحيل انسه الجره
اضلوع فاطم ويلي كلهه امكسره
هالابيات ابكل عزيه حاضره
اومن اموتن بيهن اذكروني
6🟥🟥🟥🟥🟥🟥
الفاطمه الزهراء الخدهه منسطر
يحرم اعليه الفرح لآخر عمر
باقي وي حزني لحد طبت الگبر
وبثوب الاسود يا خلگ جفنوني
🤲🏻✍️ كلمات #موسى_الخادم
Читать полностью…
️ريحانة الرسول الأولى☜ لنشر القصائد المكتوبة
14 September 2026 22:54
نزله
يازهراء ... يازهراء ... يازهراء مدد
...........
يالزجيه انخاج .. لا تحرميني خدمتج يالزجيه
انخاج
يالزجيه انخاج ... دوم خليني اعله بابج خادم اترجاج
يالزجيه انخاج ... لا تخليني اويه روحي يمه اريد اوياج
حزميني اعله الخدمه اشما املك عمر
لتخلين ايامي ابلا خدمه تمر
عبدج يالمظلومه للموت افتخر
........
علميني اشلون ... من كلب والسان اخدمج علميني اشلون ...
علميني اشلون... ما اخونن زاد خيرج مثل اليخونون
علميني اشلون ... ابجي لمصابج لحد مدكلي كافي ام عون
وفقيني اعليج الطم حد كسر الظلع
وما يخلص من عيني الحد موتي الدمع
خادم روحي ابابج اشعلهه شمع
......
كلشي بية يصيح... ويلي لمصابج يزهره كلشي بية ايصيح
كلشي بية ايصيح..رايتج بالعالي رفت رايتج مطيح
كلشي بية ايصيح..الحاربوج اصبحو ماضي في مهب الريح
وين الاول وينه الثاني اللم حطب
فعلتهم مفضوحه كدام العرب
خانو عشرة طه الاغله امن الذهب
.......
يم حسن للموت..باقي وياج اعله عهدي
يم حسن للموت ..
يم حسن للموت .... ما اساوم على كسرج لا ابيع الصوت
يم حسن للموت .... اه يا مظلومه اصيحاً حتى بالتابوت
لمصابج يالزهره اسنيني امكدره
صورة كسر اظلوعج عيني امناظره
ثارج بية ايعيش اليوم الاخره
...
عالمج اعجاز .. يحس بيه العاش عمره
عالمج اعجاز
عالمج اعجاز ...ما يضل مهموم بيه ولا يضل معتاز
عالمج اعجاز..ما اعوفه امشيله لاخر عمري عالعكاز
باصملج بالعشره يا أم الحسن
عبدج باقي وابقى ويشهدلي الجفن
و أعمى الماينظرلج بعيونه وطن
.........
كلمات
موسى الخادم
Читать полностью…
️ريحانة الرسول الأولى☜ لنشر القصائد المكتوبة
11 September 2026 20:36
الليالي الفاطميه
دخيلج فاطمة دخيلج فاطمة
.............................
يام الحسين .... ياضوه العين
بخدمتج كون تگضي السنين
انه ضايع يالزجيه وعالم احساسج وطن
نازح من ذنوبي جيتج منكسر يم الحسن
يالعطر جفج كرامه ويسوه الف جنة عدن
مالي غيرج بالحياة وغربه بعيوني الزمن
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
انه بحماج .... عمري وياج
بدمعة العين حساسي يقراج
انتي امي وكلشي ليه وصرتي الجروحي دوه
بيج اطيب وانتي ضلعج ينلجم من الهوه
ضلمه بعيوني الحياة وسمج بعيني ضوه
گلبي ضامي ومن اجاج بنورج اليزهي رتوه
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
بأسمج النور .... محير الحور
بيج اذى اموت والله معذور
انتي سر الله العضيم الحيير املاك السمة
تسجد الجن والخلائق لو صحت يا فاطمة
نورج اقرب من وريده الگلب حماي الحمة
حيدر ابحبج اتصدق ل الله موش ابخاتمة
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
ام الحسان .... گلبي عطشان
ذكرج اوياي موين ماجان
فاطمة حروفج هدايه وبيها محتار الوصف
( ف ) معناها فخامة والألف يعني العطف
( ط ) معناها طهاره واسمج البي ينحلف
( م ) معناها محنة بكلشي وصفج مختلف
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
جيت اواسيج .... وعمري انطيج
الجرح الحسين ارد ابجيج
اذكر خيام الدلال وحسرة النوگ الهزل
كسرت حسين وعياله الراجع ابدم الطفل
دمعت ام عون السبيه الطلعت بجفها الحبل
انحب ابلوعة ومصيبه وعالحزن ماريد امل
دخيلج فاطمة دخيلج فاطمة
ابوفايز الرافضي
Читать полностью…
️ريحانة الرسول الأولى☜ لنشر القصائد المكتوبة
11 September 2026 20:33
نعــي الى مولاتي الزهراء عليها السلام
ــــــــــــــــــــــــــــــــــــــــــــــــــــــ
الشوفت ام البيت حنيت
وصبح عليها موحش البيت
ريت الموت وياها تمنيت
ردي عليه يمه ياريت
وين ام هله أم حلو المحاجي
وخلافــها نشبـــــع بــواجي
لو ضاگ خلگي المن احاجي
اااه يـالوالده يــــالعلمتني
حنـــان ومحبه رضعتني
وعلى فراگها مهدول متني
رحتي ييمه بضلع مالوم
وگلبي عليج هواي ملجوم
رديـلي يزهره حيلي مهدوم
شوفي الحسن مكسور گلبه
غميج الجرح بـله اشيجبره
لــوعه افراگج حيـل مــــره
شوفي الحسين المرمرانــــه
ســاكـن حجرتج لـــــوعانــه
شيصبرهم وشلون اصبر انه
ويلي يم حسن يامر الفراك
والبنيـــــه لأمه دوم تشتاك
نيران الهجر للجبد حراك
ــــــــــــــــــــــــــــــــــــــــــــــــــــــ ـــــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان
/channel/ma_x72w
Читать полностью…
️ريحانة الرسول الأولى☜ لنشر القصائد المكتوبة
19 August 2026 16:14
لطمية
المجلس الاول لوفاة
السيدة سكينه بنت الامام الحسين عليه و عليها السلام
(طور يوم الي ضلع امي انكسر)
......
ظلت تون اعله الكضه
عطشان وبگلبه لضه
من المها من حزنها
ظلت تون اعله الكضه
.....
سكنه العزيزه الغاليه
جان الحسين ايودها
امدلله ابجال الابو
امصاب الابو ماردها
كل وكت تذكر كربله
والدمع حافر خدها
وتنادي يابويه رحت
نگطة اميه مشربت
ياحزنها يا المها
ظلت تون اعله الكضه
.....
ظلت مدامعها تهل
اوتذكر اوداعه اوياها
للخيمه من طب او أجه
الصدره ضمها اوحباها
يابويه سكنه اتصبري
اوبوصيته وصاها
شيعتي تذكر لوعتي
والعطش يبس جبدتي
ما نستها. اوبلغتها
ضلت تون اعله الگضه
.....
تتذكر امصاب الولي
لمن سگط علغبره
لمن اجته املوعه
واعليه تهل العبره
صاحت يبويه اتيتمت
واليتم ناره كَبره
يابويه دلالي انمرد
وياك اموتن استود
يتمتني يالعفتني
ظلت تون اعله الگضه
......
تذكر ابأرض المعركه
من اعتنت والدها
شافته جثه امكطعه
ومصيبته مردتها
جرها الشمر من جثته
وبسوطه ايهددها
صاحت اومدمعها ايهلي
بعدك غريبه اومنهو الي
اوجرجروها من ابوها
ظلت تون اعله الگضه
.....
برضاك لو غصبا يبيً
من جثتك ايجروني
انه العزيزه وانولي
يابويه ويذلوني
يحسين بويه اتلوعت
اوبعد اليتم يسبوني
جروها من جثة الابو
اوصاحت عله الدنيه العفو
بعد ابوها مارعوها
ظلت تون اعله الگضه
......
مصدوعه والهم بالگلب
ماردها ومأذيها
عاشت ابروح املوعه
اوضيم الدهر غاطيها
عمها ابوفاضل كضه
من راح ما رد ليها
واخوتها كلها اتذبحت
اوعمتها تالي اتسلبت
محنوها اوضيعوها
ظلت تون اعله الكضه
.......
غمضت سكنه اودعت
دنيتها اومفجوعه
كتلتها لوعات الولي
ماتنسه رضت اظلوعه
بعيونها وجه الابو
اعليها تجري ادموعه
كدرتها مانستها
عطشان وبگلبه لضه
.....
الحاجة ام احسان الخاقاني
1ربيع الاول 1442هـ
/channel/sarkhat_alahzan
Читать полностью…
️ريحانة الرسول الأولى☜ لنشر القصائد المكتوبة
19 August 2026 16:12
آه اعليك يالعسكري
آه المصابك سيدي وچم حسره
وچم ملك ينزل ينحب ابسامره
هالليله أحبابك تهل العبره
المجلس عزائك تحظر اويه الزهره
يبچي اعليك كل حيدري
آه اعليك يالعسكري
لو ينكشف عنه الغطا هالليله
وانشوف دمع المهدي ليك ايسيله
جرح المصاب ابحظرتك يبچيله
ياسيدي وهالفاجعه اتهد حيله
وينادي كاسر خاطري
آه اعليك يالعسكري
يارحمة الله وحجته اعله الاكوان
وامحبتك حبل الوصل للرحمن
هالمعرفه واجب على كل انسان
وابحقك ايات وسور بالقران
انت الكتاب الجوهري
آه اعليك يالعسكري
ناس التسمك سيدي ويغدروك
واليهم انت وياوسافه ايعادوك
من السلاله الفاطميه ايعرفوك
كل هذا واحفاد الجهاله ايضدوك
صارت عليكم تفتري
آه اعليك يالعسكري
رغم العده ورغم الحقد والضلام
والينه انت وبيك مرفوع الهام
يالعسكري نبقه احنه الكم خدام
ياسيدي وتشهد علينه الايام
بالدم محبتك نشتري
آه اعليك يالعسكري
سيد علي الموسوي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
Читать полностью…
️ريحانة الرسول الأولى☜ لنشر القصائد المكتوبة
15 August 2026 17:42
لطميه للأمام الحسن العسكري عليه السلام ( تلوك لطمتنه )
بس للعسكري ... تلوك لطمتنه
بسم والقتل خلصو أيمتنه
تلوك الطمه الهم گلهم هيابه
واحدهم گريم ومايسد بابه
بوكت الضيچ ابد ماخاب طلابه
يكضيه الكلافه ويكضي طلبتنه
بس للعسكري ... تلوك لطمتنه
يگضيه الكلافه بساعة الشده
ونشكيله الزمن چار وچزه حده
حاشاه النخاه بلضيچ ميرده
نحلفه بالشهيد يزيل محنتنه
بس للعسكري ... تلوك لطمتنه
بحسين الشفيه الطالبه تحلفه
وبعضيده الشچاع المنگطع جفه
نحلفه بلگمر خل يكضي الكلفه
وتضل بچالكم مرفوعه رايتنه
بس للعسكري ... تلوك لطمتنه
نحچي بزودنه بچالكم مولاي
وشحده الكربني واليزل وياي
بس بيگم ازامط سيدي وحماي
والله ونعم منگم يسادتنه
بس للعسكري ... تلوك لطمتنه
منگم ونعم بعد وثلث انعام
واحدگم شفيه عل ظلم مانام
بيگم نفتخر ياسيدي الضرغام
ياراية الشيعه وضخر موتتنه
بس للعسكري ... تلوك لطمتنه
ياراية الشيعه بساعة المحشر
نريدك سيدي هناك بس تحضر
وتزيل الخطر مولاي يمشگر
وتمحي ذنوبنه تبيض صحيفتنه
بس للعسكري ... تلوك لطمتنه
✍️لخادمة اهل البيت ع
الشاعره اسيل ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
/channel/abbasns5
قصائد نساء لكل ايام محرم اشترك
Читать полностью…
️ريحانة الرسول الأولى☜ لنشر القصائد المكتوبة
12 August 2026 14:48
صاحت الزهرا وداعاً
يارسول الله وداعاً
…………
اودعة الله ياحبيبي والله وياك
دام ينبض گلبي بويه صعبه انساك
الابو لبنيته هيبه وهيبه طرواك
خوفي من تغمض عيونك تهجم اعداك
كون اموت اويا. وداعاً
………….
غمض اعيونك حبيبي وموت مرتاح
وانه راح ابقه بدونك لازمه اصفاح
على الراح هواي تسوه صفگة الراح
فرگة الغالي يعالم طعنة ارماح
المثله صعبه انساه. وداعاً
………
الابو خيمة محنه وخيمة افياي
اليعطش وما يمه ابوو مايرتوي ابماي
حگي من اصفگ يبويه اعليك يمناي
كلشي ما ويايه دامك موش وياي
قبلت يمنا وداعاً
يامحمد وكتي بعدك لابد ايدور
وراح اجيلك بويه ابچي وخدي مسطور
اليدفن الوالد تگله الناس مأجور
الا انه بويه خلو ضلعي مكسور
ضلعي ضاع ادواه. وداعاً
……….
باخر انفاسك عليه هجمت الناس
التمو اعله الباب بويه لمت ارجاس
غيره مامش بويه عدهم ما مش احساس
لعنة اللهِ عليهم عدد الانفاس
يعله صوت الاه. وداعاً
عباس هابيل الزينبي
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:12
الشاعر الحسيني ظاهر الهليچي (استشهاد رسوله الله)
ألك مدمعنه ردد --- وداعا يا محمد
*
وداعا والدمع يلهج عله أمصابك
رسول الله ترانه أنعيش بطيابك
أحاديثك مناهج ألنه بغيابك
يريت اليوم كون التعزيه أبابك
والحزن يتجدد --- وداعا يا محمد
*
رزيتك والخميس أنعيشهه بكل يوم
يبو الزهره رحلت بدمعتك مهظوم
تناظر بالوجوه أتشوف بيهه أسموم
ما همهم مصابك بس علي مهموم
عليك وحيله ينهد --- وداعا يا محمد
*
تاريخ الحقد يشرح مأربهم
ألتهو بالحاكميه وهذا واقعهم
شريعتهم بنوهه من سقيفتهم
ومصيبه فاطمه أول مظالمهم
نسيل أدموم عل الخد --- وداعا يا محمد
وصيتك للوصي غصبوهه بالبهتان
خلافتهم شريعه موت مو قرأن
ذبح وأرهاب للأسلام ظل عنوان
مسيل الدم ثمن حقبتهم وللأن
بصرختنه أنتوعد --- وداعا يا محمد
*
عهدنه لئالك ولجلك مئاتمنه
نذرناهه فداء الكم مناحرنه
رضينه أنموت وما توكف مجالسنه
ويجي يوم بحظرتك ينعه منبرنه
بجمعنه ونلبس أسود --- وداعا يا محمد
*
يثرب بالدمع هليله والحسره
يبو القاسم جمر فكدك فلا يبره
شما طال الزمن بينه ألك عبره
تظل مستعره للمحشر يبو الزهره
وعدنه وأنته تشهد --- وداعا يا محمد
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:10
#جديد
في استشهاد النبي الأعظم صلى الله عليه وآله
فزاعية + نعي ( وزن : نصف الحدي )
.
.
رايح يبويه يالنبي
هالليله واتخليني
يا نور عيني ومهجتي
بعدك يبويه اشحالتي
يا ريت حانت موتتي
وابگبرك امنزليني
فرگاك يا بويه صعب
مسموم ترحل يا عجب
واينزلونك بالترب
وهالموقف ايأذيني
يا روحي او نور البصر
يا خيمتي طول العمر
اشلون انظرك وسط الگبر
اشلون وتشوفك عيني
ترحل ولا ليَّه ترد
وگلبي بغيابك ينمرد
واجروحي ما تشفى بعد
وأختم ابهضمي اسنيني
بأحزاني بويه وهضمتي
أتعنه ليك ابكسرتي
وابليل تلفي اجنازتي
تشوف اشجرى بضلعيني
____
#فاطمة_كريم
٢٠٢٦ م
Читать полностью…
️ريحانة الرسول الأولى☜ لنشر القصائد المكتوبة
11 August 2026 02:07
#هوسات_للرسول_من_ديوان_عبرات_وانين_ج٥
❥━──➸➽❥❂❥━──➸➽❥❂
اليوم المصطفى حملهن ظعونه
وشال وخلة بتة عليه محزونه
يفراگ الابو يصعب تعرفونه
*((اشحال الزهره//بيوم الفگدت واليها))*
❥━──➸➽❥❂❥━──➸➽❥❂
ظلت تنتحب واتسيل عيناها
ابوها شال عنها ووسفه خلاها
خل نبچي ونون عالوالي وياها
*((باحمد ومصابه//انعازي الزهرة))*
❥━──➸➽❥❂❥━──➸➽❥❂
عاف الزاچية مهظومة ووحيده
واعليه يون ظل حيدر عضيده
مصيوب الگلب ياناس شيهيده
*((الكون واهله//ايون اعليه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/mariamalnoor1988
Читать полностью…
-