رِوايات سُودانية🪐🤎!)"

19 April 2026 07:38

بتحكي:

" بتذكر زمان جيت اشتكيت لأمي من بنت في المدرسة بتشاكلني وتعمل لي حركات.

كنت متوقعة تحنسني أو تمشي تشتكيها للإدارة ، لكن أمي قالت لي :
(لو تاني جيتي اشتكيتي منها أنا بدقك اتعلمي تجيبي حقك بعد داك أنا بساعدك )

الكلام كان قاسي لكن ده كان أول درس في القوة علمتني له امي ، من اليوم داك اتعلمت ما أكون خصم ساهل ، اعرف كيف أوقف أرد وأعرف حدودي كويس واخت الناس في حدودها واتعلمت اخلي لحمي مر والجربني عارف ، ما بتذكر زول حاول يتعدى علي في حاجةوطلع من الموقف سليم مش لأني شريرة لكن لاني اتعلمت من صغيرة شديد ما اكون الهوان والله لا يكتبه علي ولا عليكم في يوم.

أنا في صف القوة لا بارك الله في الضعف البخلي الناس تدوس عليك ، التمكين ما مكان الضعاف..

ولا مكان الناس البتتمنى الدنيا تكون لطيفة معاها التمكين مكان الناس البتعرف تقيف على رجليها وتحمي نفسها وتاخد حقها.

ربنا ينصر إيران وينصر السودان 🔥❤️

- Wisal Gray.

رِوايات سُودانية🪐🤎!)"

16 April 2026 21:17

عارفين ؟!

انا بتفق مع البقولو انه في طبائع او خِصال في الإنسان ما بتتغير مهما حاول يغير من نفسه أو يطورها .

و أنا لاحظت أسي فيني حتة صغيرة كدة .. طَبع مهما كبرت لسة زي ما هو !

عندي عادة بستمتع بيها بصمت ،بحب أشوف صور أصحابي أو الناس البعرفهم عمومًا او حتى الـ مابعرفهم ... مع ناسهم البحبوهم.

فاهمين علي ؟

سواء في اعياد الميلاد او المناسبات الموسمية البتجي تذكّر بيها أشخاصك البتحبهم أو ترسل ليهم مُعايدات على شكل : "كل سنة وانت معاي" او "كل سنة وانت منور حياتي."

أنا بستمتع لم اقعد اتفرج في الصور واقرأ الكابشنات اكتر من مرة .. والعجب عندي ناس كتّابة عديل موهبة ومُبدعة بالفطرة لو ما لاحظت روحهم ظاهرة في المعايدة عديل ؟كنت ح اقول ده كلام منسوخ!

ببقى عاطفية وعيوني تبقى قلوب قلوب ..واحياناً من حلاوة الكلام بلقاني سكرنته(اخدت لقطة شاشة) واحتفظت بيهو😂

عادة غبية ما قادرة اسيبها بس بقول يمكن احتاج ليه في يوم اقوله لشخص من أشخاصي😂❤️ الظروف ما معروفة !

مع انه للأمانة! في النهاية مصيره بيتنسي.

المهم حالياً أنا جاية من استوري عااادي خااالص

من وحدة زميلتي عاادي جداً مُنزلة صورها مع صحبتها بمناسبة عيد ميلادها

يعني صور عادي وكلام عادي ..

لكن عندي انا؟؟
= لا

عيوني تتقلب قلوب قلوب😂❤️❤️

طوالي بلا إحم ولا دستور

مشيت طبّلت ليها طبيل!
وعلّقت على كل الصور

واديتهم دعوة حلوة بتمنّى تتحقّق

دعيت ربنا يحفظ الودّ البيناتهم وتفضل عيونهم تنوّر كدة كلما يتقابلو

و كل سنة وصورهم مع بعض زاايدة حلاوة اكتر وهم زايدين حلاوة..

وكل سنة و البيناتهم بيكبر مع العمر❤️

بتمنّى بمرور العمر ..ومهما كل وحدة مشت في طريق . دايما يلاقو طريقة يسدّو بيها الفجوة

بضمّة حنينة و قعدة مريحة وحكاوي كتيرة ورغي ماليه حدود ،بضحك بأعلى صوت وبصور عديدة لتخليد الذِكرى❤️.

...

عندي احساس قوي أنو العادة دي ما عندي براي !

عارفة في كتار زي بنبسطو لغيرهم بالسرّ

ناس قلوبها نضيفة، بيتمّنو الخير لغيرهم، ويدعو دعوات بالسر لدوام الوِنس المحبّة حتى وإن هم بتمنّوها لروحهم.

حتى لو كانو هم في أشدّ الحوجة .. يكونو مكان الناس دي ؟

كان بسبب بُعدهم ااجغرافي عن أصحابهم وأحبابهم

او لانه العشم ما طلع في محله
وأضحى الأمر في نهاية المطاف صور سااي مالية تلفوناتهم

المهم الأسباب كتيرة البتخلي الواحد بسهولة يتجرّ لـ لوب المقارنة ويسمح لشرارة الحسد تتقد في روحه لم يسأل لسان حاله يسأل:
" و إشمعنا أنا لا ؟ "

مداخل الحسد كتيييرة ..لا نهاية لها وبتزيد كل يوم مع سهولة المشاركة اليومية على الملأ.

بقدر سهولة كل واحد ينشر تفاصيل حياته على الميديا بنقرة زر.

فبحبّ في النهاية أذكّر نفسي وإياكم بالتالي❤️

حتى الحسد ما عيب ..تمام؟!
كلنا بنيادمين ..أضعف مما بنتخيل
وكلنا من وقت للتاني بنقع في الشعور ده عادي .

بس البيفرق بيّن كل واحد والتاني بجد ؟!

في واحد أول ما يحس روحه حسد غيره ؟

بدل ما يجلد نفسه يزكي نفسه ..

يطرد الافكار والمشاعر الخبيثة أول شي
ويبدلها سريع.. بدعوة وامنيات بالخير لغيره❤️ .

بأن يبارك ويزيد ليهم.. وزي ما أنعم عليهم.. يكرمه بالمِثل.

وقريت في حديث دي وحدة من اللحظات الخاصة اللي تُتستجاب فيها الدعوات بسرعة🥺

سبحان الله !

لم تكون وسط نعمة غيرك.. فتشتهيها لنفسك

ولكن تغلب نفسك الأمّارة بالسوء ، وتسأل الله في اللحظة ديك يبارك ليه فيها

ويديك مثل ما أعطاه ..بل اكثر.

" والله ذو فضلٍ عظيم 🌷."


#على_الهامش:

غايتو أنا بدعي الله يديم كل انواع الحبّ و السعادة واللطف القادرين يخلو عيوني تلمع كدة وابتسم بالسر ❤️.


-Tanzeel Saber.

رِوايات سُودانية🪐🤎!)"

16 April 2026 13:55

ناس الشبكةةة وين

اظهرو جااي ي مكنات

رِوايات سُودانية🪐🤎!)"

15 April 2026 11:38

دام عِزك يا وطن،
والمجد للسيد القائِد
وقواتِ شعبِنا المُسلحة!❤️.

رِوايات سُودانية🪐🤎!)"

15 April 2026 07:12

💌 وصلت لك رسالة جديدة
✉️ المحتوى : ↓↓
ادعو لي انحج قران
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 22:23

💌 وصلت لك رسالة جديدة
✉️ المحتوى : ↓↓
يعبرو عن حبهم وين
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 22:16

كيف تمام الحمد الله 🌞

رِوايات سُودانية🪐🤎!)"

14 April 2026 22:16

يارب تتوفقي وتلقي كل البتتمنيه ❤

رِوايات سُودانية🪐🤎!)"

14 April 2026 22:15

💌 وصلت لك رسالة جديدة
✉️ المحتوى : ↓↓
والناس البحوك كيف
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 20:20

▪️صارحني لتلقي النقد البناء بسرية تامة

▫️ هنا يمكنك ارسال اي رسالة لي , انا مستعد لمواجهة الصراحة 😅 .
-

رِوايات سُودانية🪐🤎!)"

14 April 2026 12:32

"الجيش يدُقّ ناقوس الخطر"

"سيطر التمرد على أحياء واسعة من العاصمة"

" من أطلق الطلقة الاولى؟"

"اندلاع اشتباكات عنيفة في محيط القيادة العامة"

"تحليق مكثّف للطيران الحربي في سماء الخرطوم"

"من أطلق الطلقة الاولى؟"

"مجلس السيادة يعقد اجتماعًا طارئًا لبحث التطورات...خطاب رسمي يؤكد استمرار العمليات حتى حسم التمرد"

" من أطلق الطلقة الاولى؟"

"انقطاع في الكهرباء والماء والانترنت"

" تصاعد حِدة القتال في دارفور"

3 سنوات على حنرجع بعد "إسبوع إسبوعين"
3 سنوات على "حانت ساعة الصفر"
3 سنوات على حقائب مستعجَلة وفراق ما عاملين حسابه، 3 سنوات على باصات طالعة على مدني وعطبرة وحلفا، 3 سنوات على أصوات غريبة على سماءنا واسماء أسلحة اول مرة نسمع بيها،
3 سنوات من وداعات ناقصة وقلوب لسة ما اتهيًأت للرحيل
3 سنوات على بداية أكثر واسوأ الحقبات الزمنية المرت على السودان،
فقدان خيرة شبابها وقصف بِناياتها وبِنيتها و"انسانها"
مستشفيات ومدارس واحلام اُغلقت!

"مسألة وقت"
"حيحسم التمرد في يومين" "أيام بس يا جماعة"

لكن الأيام امتدت، والاسابيع بقت شهور، والشهور كِبرت بقت سنوات،
شُفنا القتل، الإغتصاب، التشرد، التعذيب، الأسر، الإختطاف والقهر!
وبإثباتات من الجاني نفسه.
امتدت يد العدوان لتطال الولايات، والسوداني بحاول يلملم شتات نفسه،
تكايات
مساعدات،
تطوعات،
وفدائي بقدم نفسه رخيصة للوطن.
اتغيّرت تمامًا ملامح السودان، غريب عن اهله واهله غريبين عنه!
انهيار الإقتصاد والتعليم وحتى الرعاية الصحية.

لكن دي ما النهاية، دي يادوب بداية القصة، وبداية النجاح الإقتصادي والسياسي والإجتماعي،
الحرب طهّرت مجتمعنا فقط، والسنوات الجاية حتشهد على الإزدهار.
ولو عملوا كدا عشان "الدهب"، فنحن عشان كرامتنا وعزتنا بنعمل المستحيل.
جيشنا اوفى بوعده،
وسودانا اتماسك وبحاول يشفي نفسه،
شوية شوية الجروح بتطيب،
وبقعة بقعة بتتلوّن بكاكي أخضر.
الحرب لسة ما انتهت.... والمعركة مستمرة..

14 أبريل 2023
إلى
14 أبريل 2026

السودان مقبرة الغُزاة.

🖊️دعاء سامي

رِوايات سُودانية🪐🤎!)"

14 April 2026 00:13

زواج عن حب أم الزواج التقليدي؟

الحب وحده كافي لبني علاقة زوجية ناجحة؟
والزواج التقليدي ممكن يفشل لأن بدايتو ما كانت حب؟

رِوايات سُودانية🪐🤎!)"

13 April 2026 06:39

ربنا يوفقهم يارب وتجبر خاطرهم وتعوض تعبهم يارب يارب يارب، قلوبنا معاكم❤️.

رِوايات سُودانية🪐🤎!)"

11 April 2026 17:44

لي أخيراً بقيت مرة أخوي رسمي و شعبي ، قلت ليها ما فاهمه حاجه أنا؟
وئام قالت لي عقدوا يا بت عقدوا و جات حضنتني و وراها طوالي دانيه! بقوا حاضنني الإتنين و انا بستوعب في كلمة عقدوا دي! قلت ليها كيف يعني عقدوا! قالت لي الراجل الجا قبل شويه دا مأذون و حذيفه لمن إتصل عليك إتصل عشان كلنا نسمع موافقتك ، زعلت شديد من تصرف حذيفه، بقى يعمل الفي بالو من غير ما يشاورني أو يديني خبر ، قعدت في السرير و بقيت ببكي و بقول ليهم ليه تعملوا فيني كدا و ما تكلموني ، وئام قالت لي ماف شي ببكي يا مها! دا عقد و العرس بعد ما تخلصي الجامعه ، دانيه قالت لي دا أحسن شي ، كدا الإتنين بقيتوا حلال لبعض ، غتيت وشي و استمريت في بكاي فجأه جاني صوت حذيفه و هو بقول خير يا جماعه المنفسنه دي مالا؟ دانيه ضحكت و قالت ليهو عملتك زعلتها شديد ، وئام قالت ليهو حركتك دي ماف زول سبقك عليها ، قال ليهم طيب ممكن تخلوني معاها عشان أعرف أراضيها؟ الإتنين ضحكوا و بدوا التشغيلات ، زحيت يديني من وشي و قلت ليهو ما عايزا معاك أي كلام ، دانيه و وئام طلعوا و قفلوا الباب ، قلت ليهو أطلع برا ما عايزا اتكلم معاك ، كان ساكت و بقرب مني لحد ما وصلني ، مسح دموعي و باسني على جبيني ، قال لي دا المفروض يحصل من زمان ، تاني رجع باسني على جبيني و قال لي الحمدلله أخيراً مرادنا تم ، زحيت منو و قلت ليهو بس أطلع من هنا، عشان لقيتني ساكته ليك بقيت تتخذ قرارات من دون ما ترجع لي ، قال لي مها.....قاطعتو و قلت ليهو ما تتكلم معاي خالص و أطلع برا ، جراني عليهو و حضني و قال لي حقك علي و زي ما قلت ليك دا المفروض يحصل ، حاولت أتفك منو بس قبضتو كانت قويه، كأنو ما مصدق إني بين يديهو ، إتكلم معاي شويه و طلع ، سامعه وئام قالت ليهو بدري ياخ و بقت تشغلها ليهو، قفلت الباب و رقدت على السرير و انا مبسوطه شديد و ما مصدقه إنو أنا و حذيفه خلاص بقينا لبعض، ايوه زعلانه من حركتو بس ما قادره أمنع هرمون السعاده الوصلني فجأه كدا ، بعد ما كلهم مشوا خالتي جاتني داخله قلت ليها ليه ما كلمتوني انكم حـ تعقدوا! صنم أنا؟ قالت لي والله ما كنا عارفين و حذيفه ختانا تحت الأمر الواقع بس كدا أفضل فجأه كدا الراجل داك جا داخل بتردد مد لي يدو و قال لي ألف مبروك يا بتي و ربنا يهنيكم و يسعدكم و ما تشوفوا شر ، لفيت وشي منو بس خالتي مسكت يدي و ختتها على يدو، قالت ليهو أعذرها و ما تزعل منها، قال ليها ما زعلنا و ليها حق تتعامل معاي كدا، برضو جات الإسمها تولا ديك باركت لي تاني و قعدوا مسافه و مشوا ، بقينا قاعدين أنا و خالتي و بنفكر في نفس الشي كيف حـ نفترق بعد السنوات دي كلها و أي وحده حتكون في بيت! ايوه صح هي حتكون قريبه بس ما زي لمن نكون في نفس البيت ، بدينا نتكلم في مواضيع كتيره و الكلام جاب الكلام لحدي ما فتحنا سيرة الإسمهم أهلي ديل من كلام خالتي عرفت إنو تولا عرست و إطلقت و بعدها بقت تشتغل دلاليه و إعتمدت على نفسها أما الإسمو أبوي الجبان ديك بعد عملتو ديك مشى و عرس عادي و كمل حياتو و هسي أولادو أصغر مني قال لـ خالتي حـ أجيبهم ليكم يوم، طبعاً تولا ما ساكنه معاهو في نفس البيت بس عارفه هو ساكن وين ، طبعاً تولا دي إسمها بتول و بتدلع نفسها و بتقول تولا 😐😑
المهم في اليوم البعديهو إتصل علي رقم غريب لمن رديت كانت دي رهف ردحت لي و سمعتني وسخ إضني لمن بكيت ، قفلت الخط في وشها و حظرتها ، اتصلت على وئام و حكيت ليها و قعدت أبكي قالت لي غبيه إنتِ هسي الببكيك شنو يعني؟ طبيعي تتصل و تشاكلك لأنها كانت خاته عينها على حذيفه و هو أساساً ما عايزها ، تصبر لي الكلبه بكرا بعرس أخوها و بوريها النجوم عز الضهر و قلة أدبها دي بطيرها ليها من راسها ...
المهم بعد اليوم دا أنا و حذيفه بقينا زي السمنه على العسل، هو بطريقة ما قدر يحنكني و يخليني أفك زعلتي الكانت بسبب العقد ، مرات بنتناقش و عشان أغيظو بجي محاضرتو متأخره و هو بالغصب بدخلني و عاد في المحاضره اعمل العايزاهو مره اطلع تلفوني و ألعب بيهو و مره أعاين بالشباك و ما أركز معاهو و هو بتغاظ مني شديد دايماً بقول لي حذرتك أنا تاني لو جيتيني متأخره ما حـ أخليك تدخلي و انا بعمل ليهو العكس عشان كدا بقى يسوقني معاهو و يرجعني معاهو ، لحد ما خلصنا السمستر دا و بدينا تجهيزات العرس التم بأكمل وجه و بحمد الله 💜

*_انعقد عقد الود بين قلبي وقلبها عقداً لا يحله ريب المنون 💜*
*=نعم قد قبلت .. بوافر الحب قالها قلبي حينها*
*تجملت يميني بخاتمه لأصبح أميرته, وانتقلت من ذمة أبي لذمته 💍💜*
*_وعقد قرآن قلبي على قلبها 💜*
*=ف ألبسته قلبي خاتم مودة وإجلال وثناء وألبسني قلبه تاج حب واستثناء ..💜*

رِوايات سُودانية🪐🤎!)"

11 April 2026 17:44

لي طبعاً كلامك أثر على ماما بس هي عامله فيها جبل بس صدقيني يا مها ماما هاجر انسانه طيبه لأبعد حد صح هي بتظهر ليك انها زعلانه منك بس هي في الحقيقه ما بتقدر تحقد أو تزعل من زول فتره طويله ، كلامها بسطني شديد لأنو بالجد أنا بحب خالتو هاجر دي .....المهم يوم كنت جايه من بيت ناس خالتو هاجر لمن دخلت البيت لقيت أستاذ حذيفه طال ، قال لي يا منفسنه كيفك؟ قلت ليهو تمام الحمدلله ، كان شايل معاهو أوراق كدا ما عرفتها حقت شنو ، قال لي أنا مستعجل و طوالي مشى ، دخلت جوه و سألت خالتي عن الأوراق الكان شايلهم حذيفه! بتردد قالت لي بري ما عارفه ، سكتنا على كدا ، بعد أسبوع من الكلام دا نزلوا لينا جدول الإمتحانات حقت السمستر الخامس ، أول مره ما أخاف من إمتحان و لو في حاجه غلبتني برجع لأستاذ حذيفه ، إستمرينا كدا لحد ما خلصنا إمتحانات و المره دي ما أدوني إجازه ، طوالي نزلنا السمستر البعدو ، يوم بعد ما خلصنا محاضره أستاذ حذيفه قال لي طالع و حـ أوصلك معاي ، لمن مشيت معاهو ما عارفه ليه حسيتو متردد و زي العايز يقول حاجه ، بعد مسافه قال لي إتكلمت مع أهلي و قالوا ما عندهم مانع على زواجنا ! قلت ليهو بإستغراب كيف كيف؟
قال لي مش قلت ليك خلي الموضوع علي؟ أمي و بعرفها ما بتقدر على زعلي و مهما عاندتنا في الآخر بتوافق عشان سعادتنا ، قلت ليهو برضو الموضوع ما بالبساطه دي إنت ناسي اني......قاطعني و قال لي و بعدين معاك! مش قلت ليك خلي المواضيع دي كلها علي! ...سكته و بقيت أفكر بيني و بين نفسي ، بعد مسافه قال لي أنا عملت حاجه و خطوه حساسه شديد من غير ما أشاورك ، بتمنى إنك ما تزعلي مني ، قلت ليهو بإستغراب عملت شنو؟
بعد مسافه قال لي غيرت إسمك في أوراقك الثبوتيه و سجلتك بإسم أبوك عشان ننهي عقدتك من الموضوع دا! بقيت بستوعب في الكلام القالو، ياداب فهمت لمن كان طالع من بيتنا و شايل أوراق جا لشنو! معناها خالتي ذاتها عارفه و ما عارضت!
زعلت و إنفعلت فيهو شديد و في الآخر قلت ليهو وقفي العربيه هسي و نزلني ، لمن ما رد علي قعدت أبكي بس و ألومو قلت ليهو كيف تعمل حاجه زي دي من غير ما تاخد رأيي ، منو الأداك الحق عشان تتخذ قرارات خاصه بي؟
بقيت أجوط فيهو لحد ما وصلنا البيت ، نزلت و قفلت ليهو الباب بقوه و مشيت لخالتي و بقيت أجوط فيها و هي عشان عارفه نفسها غلطانه سكتت ساي ، عدا كم يوم كنت فيهم مخاصمه خالتي و حذيفه بس مع محاولات خالتي زعلي راح منها بس لسه عتبانه على حذيفه عشان كدا لمن يتصل أو يرسل لي ما برد عليهو ، حتى في الجامعه ما بديهو فرصه عشان يتكلم معاي ، لمن زهج يوم قال لي بنبره حاده ما حـ تمشي من هنا لو ما سمعتيني! قال لي شوفي انا ما هاميني أمك منو أو أبوك منو إنتِ البتهميني بس عشان عارف قدر شنو موضوع أهلك دا مؤثر عليك و عامل ليك عقده مشيت لأمك و أبوك و اتكلمت معاهم و هم ما عندهم نيه إنو يغصبوك على حاجه أو يجبروك عليهم كل العايزنوا منك انك تعترفي بيهم و لو جينا للحقيقه هم أهلك حتى لو غلطوا و مشوا في درب الحرام دا ما بمحي حقيقة انو ديل أمك و أبوك ، ايوه صح العملوه ما صح بس ما نحنا البنحاسبهم ، ربنا هو البحاسبهم و بعاقبهم ، في دا كلو أنا هاميني رضاك إنتِ و ساعي عشان ماف حاجه تقيف في طريقنا، مشكلتك كانت أهلي و أهلك و حالياً أهلي موافقين و أهلك موجودين فـ شنو تاني البخلي أهلي ما يوافقوا و إنتِ تتعقدي ساي؟ قلت ليهو ما فرقت لأنو أهلك حـ يسألوا أهلي كانوا وين و ليه هم ما كانوا موجودين معانا أنا و خالتي؟
قال لي إطمني بيجاي بيجاي أقنعتهم انو في خلافات حصل بين أمك و أبوك و إنتِ إخترتي تعيشي مع خالتك ، قلت ليهو حتكذب عليهم لمتين؟ قال لي هم ضروري يعرفوا؟ يا زوله أبوك موجود و أمك موجوده و دا المهم و ماف داعي ننكت الماضي و نحكيهو للناس كلها، قلت ليهو في حاجه.....خالتو هاجر بتعرف المره ديك لأنها كانت بتجي في بيتها و تبيع ليها ملابس و حاجات بالشكل دا و كذا مره شافتني و شفتها و أكيد هسي خالتو هاجر حتسأل اننا كيف كنا بنتعامل مع بعض كأننا ما بنعرف بعض! قال لي قصدك منو؟ أي مره دي؟
قلت ليهو ياخ الكنا بنتكلم عنهم هسي ديل ، ضحك و قال لي ايوااا فهمتك و برضو خلي خالتي علي ، قلت ليهو حتقول ليها شنو؟ قال لي حـ اقول ليها انك كنتِ زعلانه من أمك و ابوك بسبب خلافاتهم الكتيره و معظم زعلك كان من أمك عشان كدا كنتِ رافضه تتعاملي معاها و أمك ما حبت تضغط عليك ، قلت ليهو ما ظنيتها تقتنع، قال لي المهم نمشيهم عشاني و عشانك ، عشان نكون سوا 💜
طبعاً أول ما رجعت البيت اتصلت على وئام و قلت ليها هسي تعاليني ، لمن جاتني حكيت ليها كل الحصل قلت ليها ببساطه هو ناوي يكذب عليهم كلهم! قالت لي المشكله وين طيب! يا بت حذيفه دا شدة ما بحبك مستعد يكذب على العالم كلو عشان تكونوا سوا و بعدين الغايه تبرر الوسيله، قلت ليها خالتي ذاتي ما حـ ترضى لو عرفت، قالت لي يا بت ماما بدور دي أكيد عارفه حذيفه لو ما شاورها ما كان اتخذ قراراتي زي دي ،

رِوايات سُودانية🪐🤎!)"

18 April 2026 14:04

أحبك بهدوء… كأنك كل شي جميل في حياتي 💙

رِوايات سُودانية🪐🤎!)"

16 April 2026 18:38

ابوك دايرك تكوني الأُوليٰ من غير شوره
وأُمِّك يومي تحلـم بيـكي تجي دكتورة
دخلتي الامتحـان والزنـقة لِعبت دوره
باقية عليك شنات طَبعه و بَلاده وبوره

في شنو بتردَحي؟ وتتحَسبني وبِتنِفِّي
وانتي الدايره تنجَحي بالبخور وتشِفِّي
قعَدتِي تدُوري فـوق الإِمتحـان وتلِفي
جاية ومادة (شلوفتِك) تقول بتسِفي

قالت دا امتحان ياخوانا من وين جانا
وتحلِف جابو ( كائــن ) بره من دُنيانا
مُو واجِعنـا مِنَّها ( كِضبَـها ) و بُهتانا
بس واجعنا قطع الشبكة يومي عشانا

رِوايات سُودانية🪐🤎!)"

15 April 2026 20:27

كل ما أتمناه أن يمر بي شخص على هيئة طمأنينة أن يزرع بين ثنايا روحي الورد، أشعر في وجوده كما لو أنني في المنزل.

رِوايات سُودانية🪐🤎!)"

15 April 2026 11:37

15/4.
صبيحة غدر المُرتزقة!.

رِوايات سُودانية🪐🤎!)"

14 April 2026 22:28

يخوانا والله دي خارجيات كتيره نتحفظ على بعض التعليقات في الرابط🌚

رِوايات سُودانية🪐🤎!)"

14 April 2026 22:22

💌 وصلت لك رسالة جديدة
✉️ المحتوى : ↓↓
لقد قيل لي أحبُّك
لكن ليس بفمِ من أريد،
تلك كانت أسوأ شتيمة أتلقاها!
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 22:16

💌 وصلت لك رسالة جديدة
✉️ المحتوى : ↓↓
الناس البحبوكي كيف
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 22:15

💌 وصلت لك رسالة جديدة
✉️ المحتوى : ↓↓
خليهم يدعو لي اعدي مرحلة الامتحانات دي واعدي السنة دي بنجاح😔.
لو نجحت وبقيت العايزاو حرم بعالجكم مجان وبدل تدفعو لي حدفع ليكم انا☝🏻🩷.
----
💡يمكنك الرد بعمل رد على هذه الرسالة .

رِوايات سُودانية🪐🤎!)"

14 April 2026 20:21

رابط صراحه للناس المتاحه والناس الما مرتاحه برضو


يلا انطلقوووووا

رِوايات سُودانية🪐🤎!)"

14 April 2026 12:33

حتقولو لي وين الرواية حقول ليكم عندي امتحانات سمسترين مع بعض😀

راقصة_الفلامنكو

رِوايات سُودانية🪐🤎!)"

14 April 2026 00:51

َلالا ماف شي بس ديل نحنا بنشرب في الشاي في بيت حبوبة 😂 وبكون احلي شاي يمر عليك كلو ونسه وضحك❤️ وأهم شي العداله في التقسيم😂

رِوايات سُودانية🪐🤎!)"

13 April 2026 14:47

اللهم يا رب العالمين، وفّق طلاب الشهادة السودانية، وافتح عليهم أبواب الفهم والحفظ، ويسّر لهم كل صعب، وذكّرهم ما نسوا، وعلّمهم ما جهلوا.
اللهم اجعل النجاح حليفهم، والتوفيق دربهم، واكتب لهم أعلى الدرجات، وحقق آمالهم وفرّح قلوبهم وقلوب أهاليهم.
اللهم أزل عنهم التوتر والقلق، واملأ صدورهم طمأنينة وثقة، واجعل امتحاناتهم سهلة ميسّرة يا رب.

رِوايات سُودانية🪐🤎!)"

11 April 2026 17:44

*_رضيت بكِ قدراً 💜*
*الحب لمن أعز مقامنا ودخل بيوتنا وجعل حبنا حلالاً أمام الجميع 💍💜*
*فإن الساعي إليك حلالاً لن يخونه دربه , وسيسوقه الله لعقر دارك مجروراً من قلبه💜*
*قد أخترت قلبك البيت الذي يكون فيه اسمي إلى الأبد وتكون عيناي وقلبي هناك كل الأيام💍💜*

*النهـــــــــــــــــــ❤ـــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*

الناشر مجتبى محمد واتساب 0908805701
فيس Mujtba CR

رِوايات سُودانية🪐🤎!)"

11 April 2026 17:44

هي بتثق شديد في حذيفه و ما بتقدر ترفض ليهو طلب بحسو كأنو ولدها و هي أمو ، سكتت و تاني قالت لي بالمناسبه نفس الحاصل معاك حاصل معاي 😌 قلت ليها ما فهمت! قالت لي غسان قال عايزنا نتخذ خطوه جاده و يجي يتقدم لي ، قلت ليها بفرحه بالجد؟ حلو والله اها جاييكم متين؟
قالت لي أبردي انا هسي ما مستعده لحاجه إسمها عرس ، بس ما عندي مانع إننا نعمل خطوبه ، لمن قلت ليهو كدا زعل في الأول بس في الآخر غصباً عنو وافق ، قلت ليها يخسي عليك! مالك إنتِ يا بت! مش دا غسان الكنتِ ميته عليهو! حصل ليك شنو فجأه كدا؟ ليه تخلي ولد الناس ينتظرك أكتر! ؟ قالت لي ما حصل حاجه بس أنا والله ما مستعده لحاجه اسمها عرس و بعدين خليهو ينتظر ساي أنا إنتظرتو أكتر من كدا ، المهم تاني يوم لمن كنت ماشه الجامعه أثناء ما أنا بختار في ملابسي و محتاره بين البنطلون الأسود و بنطلون الجنز ، عيني وقعت على العبايه ، إتذكرت كلام حذيفه و تلقائياً لبستها و مشيت بيها الجامعه، طبعاً هو لمن شافني لابسه عبايه إتكيف و قال لي ايوه خليك شاطره كدا و بتسمعي الكلام ، قلت ليهو ما عشانك إنت، العبايه عجبتني فـ لبستها، ضحك و قال لي يا شيخه؟؟!!!......قال لي المهم خليك من دا ، عايز اقول ليك اني بعد بكرا جايب أهلي و جاي اتقدم ليك! قلت ليهو شنو! لا لا ما بالسرعه دي! قال لي يا زوله ما تنطي ، أنا كلمت أهلي و أهلك و أهلك دي قاصد بيها أمك و أبوك ، زعلت و قلت ليهو ليه تعمل كدا؟ قال لي واضح إنو إنتِ ما عايزانا نكون مع بعض ، تمام يا زوله حـ يحصل العايزاهو و ما حنجيكم ، كان واضح انو زعل مني شديد و بالجد تعب من حركاتي ، حسيت نفسي خذلتو و كل ما يحل مشكله أنا بعقدها ، أول ما اتحرك وقفتو و قلت ليهو ما عندي مانع أنا حتى لو جايننا هسي 😌 قال لي ما تعملي حاجه إنتِ مجبوره عليها، قلت ليهو مجبوره دي شنو؟ اقول ليك ما عندي مانع تقول لي مجبوره!
رغم إنو فرح بس ما بيّن لي الحاجه دي و لسه كان عامل نفسو زعلان ، هز لي راسو و مشى ، رسلت ليهو رساله محتواها: أنا بالجد آسفه و ما قصدي أزعلك مني ، لمن رجعت البيت لقيت وئام و دانيه و قاعدين ما خالتي ، أول ما شافوني قالوا لي تعالي هنا يا العروس ، دانيه قالت لي تعالي اقعدي جنبي يا مرة أخوي و بدوا يشغلوها لي لمن خجلت ، اتونسوا معانا مسافه و مشوا ، بقينا انا و خالتي اتناقشنا في كم موضوع من ضمنهم الإسمهم أهلي ديلك قلت ليها خلقهم دي ما عايزا أشوفها ، قالت لي وجودهم مهم و اتناقشت مع حذيفه بخصوص الموضوع دا ، نحنا ما قلنا ليك سامحيهم أو أمشي اسكني معاهم بس عشان الموضوع دا يتم على خير خليهم يجوا و يمشوا أول ما يخلص التعارف ، المهم بيجاي بيجاي أقنعتني ، بليل كدا حذيفه رد على رسالتي و قال لي ما مشكله حصل خير ، حذيفه دا انسان نادر شديد لو كان زول تاني محلو من زمان كان اتخلى عني و ما استحمل زعلي و حركاتي دي كلها، مع انو انا البغلط عليهو و بزعلو بس بتناسى دا كلو و برجع يتعامل معاي تاني ، متأكده إني لو لفيت الدنيا دي كلها ما حـ ألقى راجل زيو 💜
المهم بعد بكرا جا و هم جونا مع أمو و أبوهو و دانيه أختو و غسان و خالاتو الإتنين ، أمو و أم رهف واضح إنهم ما رضيانات بس اتجاهلتهم عشان حذيفه و عشان ما أضيع تعبو دا كلو، طبعاً الإسمهم اهلي ديلك جوا و مثلوا دور الأب و الأم كويس، كنت بعاين ليهم بغييظ و هم ولا خجلانين ولا على بالهم ، قعدوا مع اهل حذيفه و اتعارفوا أم حذيفه كانت عايزا تقول حاجه بس أول ما حذيفه عاين ليها سكتت ، الكلام كان كلام رجال بس و خالاتو ماف وحده فتحت خشمها فـ بديهياً فهمت إنهم محذرنهم ، تم التعارف و حددوا موعد العرس بعد ما أنتهي من السنه دي، اتفاجأت و عاينت لـ حذيفه ، فجأه تلفونو رن ، قال ليهم دقيقه يا جماعه منتظر زول و على طول نزل و فتح الباب و فجأه جانا هو و معاهو راجل كدا ، أبوي حذيفه لمن شاف الراجل وقف و سلم عليهو سلام معرفه كدا ، قال لينا السلام عليكم و قعد ، طبعاً انا كنت عايزا ارسل لحذيفه و اقول ليهو ليه حددوا موعد العرس بالسرعه دي و انو الموعد قريب شديد ، اتذكرت انو تلفوني جوه غرفتي ، استأذنت و مشيت منهم و بقيت أفتش على تلفوني ، ما لقيتو إلا لمن كان برن ، لمن شلتو لقيت المتصل علي حذيفه أول ما فتحت الخط و قبل ما اقول حاجه قال لي مها إنتِ عندك مشكله أو أي إعتراض على الزواج دا؟
استغربت من سؤالو قلت ليهو لا ما عندي مانع هسي مشيت منكم بس عشان اجيب تلفوني ما عشان رافضه العرس! قال لي تمام دا المطلوب ، أول ما قفل الخط كدا سمعت صوت الزغاريد ، قلت عان الفرحانين ديل من هسي بزغردوا! فجأه جاتني خالتي و المره الإسمها تولا ديك 😑حضنوني و قعدوا يبكوا و هم بباركوا لي و أنا ما فاهمه شي شويه كدا جات أم حذيفه مع خالاتو باركوا لي و طلعوا طوالي و أنا لحد اللحظه ديك ما فاهمه شي، بعد ما طلعوا كلهم ، جوا وئام و دانيه داخلين و وئام دي من جات داخله تزغرد ساي ، قلت ليهم في شنو يخوانا مالكم هايجين كدا ، دانيه قالت

رِوايات سُودانية🪐🤎!)"

11 April 2026 17:44

باقي الطريق بقيت ساكته و أنا بالجد ما قادره استوعب إنو بحبني للدرجه دي! بقيت كل دقيقتين أعاين ليهو و ارجع تاني أتلفت منو، آخر مره لمن لمحني بعاين ليهو قال لي شكلك ما مصدقه إني قاعد جنبك ، إبتسمت و سكته و تاني ما عاينت ليهو لحد ما وصلنا، ما أكذب كنت حـ أطير من الفرح بعد ما قال القالو، أنا حذيفه دا نفسي الطالع و النازل و أي كلمه لطيفه منو بتسعدني ، لمن وصلني قلت ليهو ما حـ تدخل؟ قال لي ما تستعجلي حـ أدخل و معاي أبوي و باقي الجماعه! .....يا الله ما عارفه حيقعد يخجلني كدا لمتين! قلبي اشتغل دق دق و لساني إتخشب ، لمن إتحركت من جنبو نده علي ، لمن إتلفت عليهو قال لي ممكن تبطلي تلبسي البناطلين دي؟ و الشعر دا تغطيهو كويس؟ قلت ليهو اها بدينا من هسي؟
ضحك و قال لي أكيد حـ أغير على مرتي و أخلي الغاشي و الماشي يقعد يعاين ليها!
يخوانا انا قلبي دا حسيتو شويه كدا و حيقع مني! لا لا حذيفه دا اليوم أصلو ما طبيعي ، بإستعجال دخلت جوه و أنا حاسه نفسي طايره في الجو و الإبتسامه ما فارقتني ، يعني فجأه كدا الدنيا بقت ورديه ، دخلت جوه و أنا مبتسمه و فرحانه على الآخر بس بسمتي دي إتلاشت أول ما شفت المره ديك الإسمها تولا قاعده مع خالتي و جايبه معاها راجل ، قلت ليها تااااني؟ مشيت عليها و قلت ليها أنا مش طردتك من البيت دا؟ جايه لشنو تاني كلميني؟ قالت لي يا بتي! قاطعتها و قلت ليها الحركات الرخيصه دي ما بتنفع معاي و أنا ما بتك ، بتك كيف كدي بس وريني! الأم ما هي البتلدي و تجدع جناها جدعة الكلاب الأم هي البتربي و البتقيف معانا و تسندنا في كل مراحل حياتنا! و تشاركنا أوجاعنا و فرحنا، كنتِ معاي في أي مرحله؟ شاركتيني حزني ولا فرحي ولا في شنو بالظبط ؟ عارفه عني شنو إنتِ؟ كل تفصيله في حياتي إنتِ ما كنتِ موجوده فيها، و هسي بكل عين قويه جايه تقولي لي بتي؟
فجأه الراجل المعاها قال لي أعفي لينا يا بتي، عارفين إنو العملناهو ما بـ يغتفر بس برضو بنحاول، بعترف إني كنت ضعيف و جبان و ما قدرت أتحمل مسؤولية العملتو ، كلامو صدمني! قلت ليهو بإستغراب دقيقه دقيقه إنت منو؟
نزل راسو و قال لي أنا أبوك ، ضحك و قلت لخالتي الناس ديل جايين من وين! كدي حاولي فهميهم إني ما عندي لا أم لا أب ، عندي خاله بس و لو في مكانه أعظم من مكانة الأم فـ المكانه دي حتكون لخالتي ، قدر ما حاولوا يبرروا لي و يعتذروا مني ما أديتهم فرصه، دخلت غرفتي و قفلت الباب علي و بكيت كدا لحد المسا ، خالتي جات ضربت لي الباب و قالت لي أطلعي يا بتي هم مشوا، قلت ليها ما طالعه عايزا أقعد براي ، فعلاً مشت و خلتني فجأه تلفوني رن ، كان أستاذ حذيفه ، ما رديت عليهو بس لمن إتصل تاني مسحت دموعي و رديت عليهو ، قال لي كنتِ بتبكي ولا شنو؟
سكته و ما رديت لأني لو فتحت خشمي حـ أبكي أكتر ، قال لي في شنو يا مها ما تخوفيني عليكم! انتِ كويسه؟ طيب خالتك كويسه؟
ما قدرت أمنع نفسي فـ بقيت ببكي ليهو بس ، قال لي اذا البكى بريحك أبكي طيب بس بعدها طوالي تحكي لي الحاصل ، لمن بكاي طال أعصابو باظت و بقى يحاول يفهم الحاصل ، ما كنت ناويه أحكي ليهو بس بعد إلحاحو الكتير لقيت نفسي بحكي ليهو ، لمن خلصت قال لي طيب دي حاجه كويسه ولا لا؟ قلت ليهو بإنفعال دا سؤال ليك؟
قال لي آسف آسف ما تنفعلي! قلت ليهو زهجانه أنا عشان كدا حـ اقفل ، قال لي طيب ، في نفس اليوم دا وئام جاتني من شكلي عرفت إنو في حاجه و أصلاً بيناتنا بقى ماف أسرار فلمن حكيت ليها قالت لي أصلو ما بصدق! تولا الواااحده دي طلعت أمك؟ ووووبعلي! قلت ليها اسكتي ياخ و ما تذكريني ، المهم من اليوم داك تاني ما فتحنا السيره دي إلا مره وحده بس حذيفه اتكلم معاي بخصوص الموضوع ، يوم وئام جات و قالت لي أرح معانا بيتنا، قلت ليها لا ما ماشه بس بعد إصرار منها مشيت ، لقينا دانيه قاعده و بتتونس مع خالتو هاجر ، سلمنا عليهم و قعدت بتردد ، خالتو هاجر بقت تتونس معاهم الإتنين و أنا لا ، زعلت شديد والله و حركتها وجعتني ، لو زول غيرها ما كنت إهتميت بس دي خالتو هاجر الإنسانه الحنونه و الطيبه الما حصل شفت منها شينه طول المده القعدتها معاهم و دا الخلاني أمشي أقعد جنبها و إتكلم معاها ، قلت ليها أنا ما بعتبرك في مقام خالتي أنا بعتبرك خالتي والله ، عارفه إنك زعلانه مني و شايله في قلبك و دا الخلاك تتعاملي معاي كدا بس أنا ما عتبانه عليك و ما زعلانه منك لأنك ما زوله هينه و ما زوله بزعلوا منها ، حنيتك و كرمك و عطفك كانت للقريب و الغريب ، الإحترام و الإهتمام و الحنيه و الحنان القدمتيهم لي عمري ما حـ أنساهم و أنا ما مستعده أخسر إنسانه بالنسبه لي زي خالتي و غاليه على قلبي بسبب سوء تفاهم ، اقسم بالله يا خالتو هاجر نحنا ما زي ما إنتِ قايلانا، يشهد الله ما حصل فكرنا في أموالكم و طمعنا فيها ، ما عارفه حتصدقيني ولا لا بس أنا بالجد ما عايزا أخسرك لأنك غاليه علي ، قلت كلامي دا و طوالي طلعت منهم و مشيت البيت ، بعد يومين وئام اتصلت علي و هي بتضحك قالت